🌿حصاد.. شمس الأنصاري
_---____---___
بقلم مها عيسى
الفصل الواحد والعشرون
______________
في الهاتف....
جاسر / ايو ايه الأخبار.. نفذتو
....... /كله تمام يا باشا وهو في المخزن دلوقت وقمنا
معاه بأحلى واجب وجاهز للاستجواب
جاسر /تمام تمام.... انا نص ساعه وأكون عندكم
وقفل معاه وبعد وقت كان وصل للمخزن ودخل
بكل هيبة ورهبة ترعب من يراه بهذه الهيئه
ينظر له ثم يسحب كرسي ويجلس عليه بالعكس
وينظر له من تحت نظارته السوداء.... ويرى الرعب
الظاهر على وجه (حسام)....
حسام /بخوف..... فيه ايه يا باشا أنتم جيبني هنا ليه
جاسر /اممم جيبينك ليه..... تفتكر جايبينك ليه
يا حسام يابو أخته.....
حسام /يبلع ريقه..... وآلله ما اعرف يا باشا
جاسر /اي اللي بينك وبين... يسرية
حسام /وهنا فهم هو هنا ليه بس بيقول لنفسه يااه
بقه كل ده عشان "يسرية "... وهي تعرف الناس الجامده
العليوي دول منيين هه امم امال عمله علينا شريفه
ليه هي هتعرف الناس التقال دول منين إلا أن كانت
ماشية ف الغلط..... يابنت ال.... وعمله نفسك
شريفه عفيفه..
جاسر /ايه السؤال صعب اوي كدا...... بتفكر في اي
حسام /ياباشا انا قولت اللي حصل في القسم
والناس كلها شهدت.....
جاسر /بصوت جهوري سبب له الفزع...... ولاااا ناس
اي اللي شهدت انت عارف كويس اوي الناس قالت
اللي قالته ده خوف..... فا احسنلك كده تجيني دغري
حسام /حمم طب لمؤخذه يا باشا هي... يسرية
تهمك ف ايه... ق.. قصدي ياعني... حضرتك تعرفها منين
جاسر /بعصبيه..... ميخصكش كل اللي عايزك تعرفه
أن لو اتسببت ف أذى ل.. يسرية.... من قريب
او بعيد يبقه بتكتب شهادة وفاتك بإيدك فاااااهم
حسام /يبتلع ريقه بصعوبه وبخوف.... طب انا ايه
المطلوب مني سيادتك...
جاسر /امم كدا جبت م الاخر قولت لي بقه المطلوب
منك ايه..... المطلوب أولاً.... تغير أقوالك ف النيابة
بكره... ثانياً.... تشيل "يسرية" دي من دماغك نهائي
لو شفتها ماشيه ف طريق تلف وتمشي من طريق
تاني ولو يوم عرفت انك انت أو المحروسة أختك
زعلتها بكلمة واحده..... يبقه قول عليك وعلى أختك
يارحمن يارحيم....... وصلت ولا أخلي الشباب
يوصلوهالك بطريقتهم......
حسام /وهو ينظر للاتنين الهضبه اللي واقفين خلفه
وكف واحد بس منهم كفيل يدخله القبر...
حمم ماشي يا باشا اللي سيادتك تأمر بيه...
جاسر /شاطر دلوقتي هاتفدل مشرفنا هنا لحد
عرض النيابة الصبح والاتنين اللي ورايا دول
هايخدوك بنفسهم لحد هناك تقول أقوالك وتمشي
ف سلام..... (ويشير باصبعه) ف سلام طول ما انت
ف حالك وكافي خيرك شرك..... هاتتجنن وعقلك يوذك
ف السكة الشمال يبقه متلومش غير نفسك...
تمام يا.... يا حلو بقلم مها عيسى
حسام /تمام والله هانفذ كل اللي تطلبوه ولو عايزني
اسيب المنطقه كلها اسيبها
جاسر /لأ ملوش لازمه الكلام اللي قلته يتنفذ بالحرف
وقام وقف وبص للرجاله وفهمو بصته وبعدين
سابهم ومشي...
(اللهم صل وسلم على نبينا محمد وعلى آله وصحبه أجمعين)
- - - - - - - - - - - - - - - -
........ /ألو ايوه امم..... اممم.... امم تمام كدا خليك
مراقبها عايزها ال ٢٤ ساعه تحت عنيك فاهم
ووصلي اول بأول..... يلآ شوف شغلك
........ /.................
........ /لأ مفيش تنفيذ عملية دلوقت.... أنا هبقه
احدد الميعاد لما ييجي الوقت المناسب أقفل انت
دلوقت وخليها تحت عنيك لحد اليوم الموعود
وقفل معاه...... وف نفسه....أما نشوف صاحبة
الصون والعفاف....
__________________- في الهاتف....
منى /هههههه ماشي يا "ليلي" بقه كدا لما أشوفك بس
ليلي /بضحك.... صحيح مش هاتجيبي "نور... بقه
وتيجي هاموت واشوف بنت اخويا
وكمان الولاد من كتر كلامي عنك وعن" نور "... هما
كمان نفسهم يتعرفو عليكم...
منى /بتنهيده... مش عارفه والله يا" ليلي...
نور... بنتي اليومين دول مش طبيعيه دي حتى بقلها
يومين منزلتش الشغل من يوم ما اتقبلت بأختها
ياحبيبتي... أنا حاسه انها خايفه من المقبله
ليلي /بتفكير..... طب بقولك ايه يا" منى"... أحاول
أنا ااقابل" أميرة "... واتكلم معها واجبهلها كدا
واحده واحده...... واشرحلها كل حاجه حصلت زمان
منى /لأ يا "ليلى" ارجوكي اوعي تعملي كده
متبوظيش ال احنا بنعمله... أميرة... مش هتصدق
الحقيقه إلا لما نكشف لها "شمس".... لأنه من
الواضح انه ليه تأثير قوي عليها.... سيبي كل
حاجه لوقتها
ليلى /زي ما تحبي بس انا قولت... ياعني امهد لها
طب بقولك اي رأيك تيجو تتغدو معانا يوم
الجمعه الجايه ان شاء.... دى بتكون اجازة
سامح ".. ابني وكمان" ايه "رجعه من السفر يوم الخميس
وانا عزمها هي وجوزها يوم الجمعه.... اي رأيك
تيجم ونتجمع مع بعض ونلم الشمل بقه يا
منى..... والادلاد يتعرفو على بعض
منى /ماشي يا حبيبتي هاشوف كدا ظروف.. نور
وأرد عليكي
ليلى /خلاص تمام... وانا ف انتظركم وممكن
تجيبي ياعني الدكتور" خالد.... لو حبه
منى /اممم مش عارفه هاشوف وأقولك يلآ
أسيبك بقه يا حبيبتي تشوفي اللي وراكي
وأقوم أنا الحق صلاة الظهر..... مع السلامة
وأبقى سلميلي عل" سامح "لما ييجي بالسلامة
وعلى" ايه "لما تكلميها
ليلى /بحب... يوصل يا قلبي ان شاء الله
مع السلامة حبيبتي... بقلم مها عيسى
منى /تتصل على "نور"... ألو يا نور يا حبيبتي
عامله ايه... انتي فين مش كنتي بتقولي مش
هاتروحي الشغل وانا مفكراكي نايمة جوه
ومش عايزه اقلقك.....
نور /معلش يا حبيبتي أنا خرجت بدري ومرضتش
اصحيكي وقولت ابقه اكلمك واطمنك بس الصراحه
الوقت خدني واتلخمت مع "يسرية"... إحنا في
النيابة أهو............. لأ لسه مدخلتش........
أن شاء الله يا حبيبتي أول ما يجد جديد
هاتصل بيكي واطمنك......... لأ مستر "جاسر
لسه مجاش مش عارفه ليه هو بعت لنا الشوفير
يوصلنا وقال انه عنده شويه شغل وهايقابلنا هنا
بس مش عارفه اي آخره كدا... خايفه ينادو على
يسرية... قبل ما ييجي وهي اعصابها تعبانه اوي
و خايفه ومستنيه مستر.. جاسر... يطمنها ويقولها
عمل ايه......... يارب يا حبيبتي.....
ماما معلش هاقفل معاكي عشان مستر "جاسر
وصل... مع السلامة
(لا إله إلا أنت سبحانك إني كنت من الظالمين ل
نور.... قفلت مع ولدتها ومشيت تقابل" جاسر
هي و "يسرية" اللي كانت هاتموت من القلق والخوف
مشيو خطوات..... وقبلهم "جاسر"... بهبته ومعه
المحامي والبودي جارد بتاعه ودخله قوية كدا
لفتت أنظار كل من حولهم...... اقترب لهم
جاسر /بابتسامة خفيفه.... صباح الخير
ازيك يا نور..... حمم ازيك يا" يسرية ".. امم
ايه الأخبار......... ردت نور عليه الصباح.....
ايه اللي آخر حضرتك كدا كنت فين
جاسر /بهمس جنب اذنها....... ايه وحشتك
نور... اتفاجأت بكلمته ووشها أحمر خجلاً ....... ايه الجراءه والثقه اللي هو فيها دي.....
يسريه /الأخبار اني هاموت من الرعب خايفه ادخل
مخرجش إلا ع الحجز
جاسر /طب بزمتك مش عيب عليكي تبقى مع
جاسر الأنصاري..... وتخافي هاا
نور /طب طمنه يا مستر عملت ايه والواد ده
أنا خايفه يصدقوه وخصوصاً بعد شهادة الشهود
اللي منهم لله شهدو بالزور
جاسر /أنا عن نفسي... نفسي يصدقوه... وبعدين
الشهود بردو معذورين خوفهم هو اللي متحكم فيهم
وانا واثق انه بردو هددهم وكل واحد بيقول يلا
نفسي
وف اللحظه دي نده العسكري بأسم "يسرية...
ويسرية... أول ما سمعت اسمها جسمها كله
ارتعش من الخوف..... وذاد الخوف لما بصت قدامها
شافت الضابط اللي كان بيحقق معها ف القسم
وهو ينظر لها نظره لا تفهمها خافت ليكون جاي
هو كمان يشهد ضدها مسكت جامد بأيد.. نور
وبخوف... نور... متسبينيش 😢
نور /حبيبتي متخافيش ان شاء الله خير
المحامي /يا آنسة "يسرية" اطمني انا داخل معاكي
وثقي إنك ان شاء الله هاتخرجي من هنا على بيتك
علطول.... ودلوقتي يلا بقه عشان ندخل..
سبقهم بخطوتين الضابط... والعسكري اول ما
شافه أعطى له التحيه.....
اتفضل يا باشا....... دخل ومن خلفه دخلت.. يسرية
والمحامي
نور /واقفه قلقانه والدموع ف عنيها قلبها متقطع
على شكل "يسرية"... وهي خايفه ومرعوبه
وجاسر... شاف دموعها اللي بتلمع بعنيها وده
زعله ازاي عيون محبوبته يزورها دموع حب يطمن
روعتها....
جاسر /بحب.... نور.... اطمني صدقيني بإذن الله
هاتمشي معانا انا مش هاسبها عشان خاطري
بلاش الدموع اللي في عنيكي دي......
وعشان احب اطمنك بصي وراكي
نور..... بتبص شافت (حسام) واتنين محوطينه
والاتنين دول عرفه انهم تبع... جاسر... شفتهم
كتير ف الشركة وكمان طبعاً شافت *حسام..
في القسم فاعرفاه...... ولما شافت الرعب في عيون
حسام... وهو ينظر ل "جاسر".... وكمان نظرة.. جاسر
له اللي ترعب،،، وعرفت اي سبب تأكيده انها هتخرج
وعرفت ايه ممكن يكون عمله.. جاسر... مع اللي اسمه
حسام... ده غمضت عنيها بارتياح فاهي الان
اطمأنت بعض الشيء.......
وجاسر /لاحظ على ملامحها وفهم انها فهمت ما يقصده
وبعد شوية نده العسكري على "حسام" وهو داخل
جاسر.... نظر له نظرة تأكيد بأنه يعمل اللي أطلب منه
(أستغفر الله العظيم واتوب اليه عدد خلقه ورضا نفسه وزنة عرشه ومداد كلماته).....
بعد وقت خرج الضابط من غرفة التحقيق وأول ما خرج لبس نظارته وهو ينظر نظرة كره ل جاسر و.. نور
ومشي... ونور.. ف نفسها شخص مستفذ يابااي
وبعده... خرج "حسام" واول ما خرج قرب على "جاسر وقال بخوف.... كله تمام يا باشا تأمر بحاجة سيادتك.... جاسر... واستكفي بحركة رأس بمعني غور من وشي... وخرجت "يسرية"... والمحامي وجريت عليها.. نور
اخدتها بحضنها... حبيبتي عملتي ايه
المحامي /كله تمام يا" جاسر "باشا الواد عمل المطلوب
و القضيه كدا خلصت بس هي لازم تروح القسم
الأول عشان من هناك يتصرح بخروجها
نور /بقلق.... طب ليه هو مش حضرتك بتقول ان
خلاص مفيش قضيه... ايه بقه اللي يوديها القسم تاني
المحامي /دي إجراءات يا آنسة لازم تخرج من القسم
اللي كانت فيه والضابط ال كان ماسك التحقيق
هو اللي لازم يصرح بخروجها..... ياعني شوية
إجراءات بسيطه كدا بس ضرورية ونقول الحمدلله
عدت على خير...... ألف مبروك يا آنسة.. يسرية
جاسر /مبروك يا "يسرية"..... ودلوقتي يلا عشان
نوديكي القسم ومن هناك نروحك للحجه ان شاء الله
المحامي /للأسف.... مش هينفع هاتمشي ف البوكس
جاسر /ايه اللي انت بتقوله ده..... مرفوض طبعاً
المحامي /زي بعضه يا باشا دي بسيطه واحنا
هانمشي وراها بالعربيه ياعني هتكون تحت عنينا
كأنها معانا بالظبط
يسرية /مش مشكلة يا مستر احنا كنا فين وبقينا فين
أنا مش عارفه أشكر حضرتك ازاي لولا حضرتك
يا عالم كان حصلي... بجد ربنا يجازيك كل خير يا رب
جاسر /ملوش داعي كلامك ده احنا أسرة واحده
وإن مكناش نقف مع بعض في الشده يبقه لزمتنا
ايه.......ونور تنظر له باستغراب من ما يفعله
كيف تكون هكذا وانت ابن "شمس الأنصاري
ولا ده وش من وشوش" شمس "اللي بيلبسه
وقت الزوم............. جاسر" لاحظ شرودها فيه
ومش قادر يفهمها اي سبب النظره دي وايه معنها
وجه العسكري واخدها وركبت البوكس
وجاسر... طلب من المحامي يركب في العربيه
اللي فيها البودي جارد ويسيب عربيته قدام
النيابة ويبقه يرجع ياخدها عشان يضمن سرعه
الوصول وأنهم يكونو ورا بعض..... عشان مش عايز
يتأخر عل يسرية.... عشان متقلقش وتكون
مطمنه وهما وراها....
وركب هو سيارته بعد أن فتح باب العربيه ل.. نور
تركب جنبه..... ومشيو ورا البوكس علطول...
وطول الطريق وهو يخطف أنظار لمحبوبته
وهي تنظر من شباك العربيه بشرود..........
جاسر /حمم ايه سرحانه ف ايه
نور /تنتبه له... حمم ابدا مفيش
جاسر /ونظره طويله ثم ينظر للطريق ويرجع
ينطر لها....... أنا مش قادر افهمك.... لما كنا ف
النيابة بصيتي لي نظره مقدرتش افهمها ودي
مش طبعتي انا اي حد قدامي بقراه ف ثانيه
لمجرد ابص في عنيه،،،،، إلا أنت مش عارف ليه
جواكي غموض جامد.......... حاجة بتغيرك ف ثانيه
شوية تكوني على طبيعتك وللحظه زي ما يكون
بتفتكري حاجة تقلب الموازين وأشوف نظره
غريبه ف عنيكي ليا مش عارف افهمها......
انتي مييييين.............؟؟؟؟؟
(اللهم أجعل القرآن الكريم ربيع قلوبنا ونور صدورنا)
______________________
في شركة الأنصاري............ بقلم مها عيسى
شمس /الو... ايو يا "أميرة".... تعاليلي المكتب بسرعه
.......... اه انا هنا ف الشركة
تدخل "أميره" وابتسامة....... حبيبي انت هنا من امتى
و مقولتش ياعني انك جاي النهارده واحنا ع الفطار
شمس /اقعدي يا "أميره"...... اومال فين.. جاسر
أميرة /بعدم فهم...... مالك يا بابي شكلك مش
طبيعي
شمس /مفيش ياحبيبتي..... بس انا مستغرب ازاي
جاسر... ميجيش الشركة لدلوقتي
أميرة /هه يمكن يكون مع السانيوره بتاعته ماهي
كمان بقالها يومين ما جتش الشغل
شمس /بعصبيه..... ياعني ايه واحنا من امتى
بنتهون كدا مع الموظفين بتوعنا البت دي تاخد
جزي ولفت نظر لو الموضوع ده اتكرر تاني
تروح تشوف لها حته تانيه تشتغل فيها مش تكيه هي
أميرة /هه مش ناخد رأي الهندسة الأول
شمس /بغضب شديد يضرب بيده ع المكتب بقوه
ارعبت.. أميره "..ياعني ايييه ناخد رأيه الرأي
الأول والأخير ليا انا.... أنا وبسسسس
مفهوووووم بقلم مها عيسى
أميرة /فيه اي يا بابي أنا أول مره أشوفك بالعصبيه دي
هو فيه مشكلة في الشغل
شمس /بنفس النبره..... طبعاً ما انتم نايمين في الدرة
وسايبين ولاد" الريان".. يلعبو براحتهم.... واحد
مشغول بواحده مش عارفين وقعت علينا منين
والتانيه مشغوله بحبها وغيرتها المجنونه وسايبه
الشغل لحبة عيال ومشغوله هي بمين بيبص ومين
بيحب ومين بيرسم.......
أميرة /مش مصدقه نفسها اي الكلام اللي بتسمعه ده
معقول هو ده "شمس" اللي طول الوقت بيخاف
عليها من النسمة لتيجي عليها وتجرحها...
يبجي هو بكل سهولة كدا يجرحها بكلامه كدا
والدموع تملء عيونها....... وتتحرك ببطئ وتقوم
وهي في حالة توهان لا تستوعب ما يحدث
لتتحرك لاتجاه الباب........
شمس /يمسح بيده وجه بضيق...... وهو يعلم انه
ذودها معاها ويمكن جرحها بكلامه....... أميرة
أستنى...... وهي واقفت بس ضهرها له وهي تغمض
عنيها بوجع..........
بنفر..... ماهو مش ممكن كدا..... تغضبي زي الأطفال
وتمشي... أنا لسه مخلصتش كلامي......
استغفر الله العظيم....... تعالي يا.. أميرة
أميرة /تحاول تملك نفسها واعصابها وتمسح دموعها
وهي مازالت تعطيه ظهرها....... معلش يا بابي
أنا محتاجه أكون لوحدي دلوقت وبعد اذنك
أنا مروحه محتاجه ارتاح شويه...... بعد اذنك
وفتحت الباب وخرجت بسرعه دون أن تنظر خلفها
دخلت مكتبها أخذت شنطتها ومشيت بسرعه
ركبت عربيتها وهي سايقه بجنون مش عارفه
هي ماشيه فين أو ازاي................. وفجأه