رواية غرام أحفاد الشيطان
الفصل التاسع
بقلم سماء احمد
مر أسبوع لم يحدث جديد
كان يجلس بجانبها ممسكا بيدها بعدما انتقلت لغرفة عاديه واطمأنوا علي حالها ويحدثها ثم غفل ونام ففتحت عيناها بهدوء
ياقوت : يزن.... يزن
ورفعت يدها تلمس وجهها فوجدت شاش عليه استغربت ولكن داهمها الافكار السيئة فبكت ليستيقظ هو
يزن بقلق : ياقوت حبيبتي مالك فيكي ايه
ياقوت ببكاء : وشي يا يزن فيه ايه
تنهد وهو يجلس بجانبها ويعدلها لتجلس ثم كور وجهها
يزن : متقلقيش يا حبيبتي الشاش هيتشال بعد كمان اسبوع عادي ومتخافيش
ياقوت بشهقه : بجد
اومأ بابتسامه فابتسمت ليفتح يده لها فحاوطت عنقه وحضنته ليبادلها
يزن : خوفت عليكي اوي يا ياقوت
ياقوت : بجد يعني مقولتش في داهيه
بعدها عنه وكور وجهها واقترب
يزن : انا اتمنيت الموت الف مرة قبل ما اشوفك كدة انا بعشقك يا ياقوت
نظرت له بصدمة وتمردت دموعها بغزارة فمسح دموعها
يزن : معتش عايز اشوف دموعك يا ياقوت انا اكتشفت اني عشقتك يا ياقوت
واقترب قبلها من شفايفها بعشق تراه لأول مرة ثم ابتعد مبتسما
ياقوت : يعني لو اشتالوا الشاش وطلعلي وش مشوة هتعمل ايه
يزن : هيكون عشقي زاد اضعاف وهتنفسك
ياقوت : بتكلم بجد
يزن : وانا مش بهزر مش هاممني لا شكلك ولا اي حاجة انتي كل اللي هاممني
ياقوت : طيب عايزة ارجع القصر
يزن : بس كدة هكلم الدكتور وامر ياقوت هانم
ياقوت بفرحة : يعني هنروح النهاردة
يزن : هسأله الأول
ياقوت وهي توزع قبلات علي وجنته : يلا بالله عليك انا بخاف اوي من المستشفي وبكرهها
اومأ وهو يضحك ثم ذهب واخبر الطبيب وكتب لها علي خروج وذهبوا متجهين للقصر بعدما اخبروا من بالقصر بذلك
*************************
رنت روح علي جيدان التي كانت قد علمت من أوس بخروج ياقوت
روح : الو
جيدان بفرح : روح
روح : جيدان ياقوت عامله ايه
جيدان : هيا كويسه وخرجت النهاردة
روح : بجد
جيدان : ايوة وانا راحة انا واحمد نطمن عليها لو عايزة تعالي
روح : تمام سلام
واغلقت بسرعة ثم بدلت ثيابها لأخري عبارة عن برمودة سوداء للركبه وبلوزة كب سوداء وحذاء رياضي اسود
امل بتعب : راحة فين يا روح
روح : مشوار كدة وجايه مالك
امل : مفيش تعالي هنا اقولك
ذهبت لها روح فكورت امل وجهها وسارت تقرأ شئ حتي انتهت
امل : الحجاب مش وحش يا روح اما تبقي مستعدة البسيه وافتكريني وصلي العهد الذي بيننا وبينهم الصلاة صلي يا روح خلي ربك يقويكي وينسيكي
روح : ان شاء الله سلام مؤقت
وقبلت وجنتها بقوة ثم حضنتها وذهبت
امل وهي تمسك قلبها : سلام للأبد يا فلذة كبدي
*********************
ذهبت رؤي وعين ليعيدوا الصغيرة لعدي لأنها ظلت طوال الاسبوع معها لأجل الحادث وانشغالهم بينما ظل الصغير بالمنزل ووصلوا ليجدوا حياة
رؤي : بتعملي ايه يا بنتي
حياة : جايبة ملف لأسعد بيه ضروري
عين : طيب يلا عشان متأخرش علي عدي
اومأوا ودخلوا سويا مسرعين فوجدوهم يجتمعوا وكانت لين موجودة مع أيان فغمزت لها حياة
أسعد : حياة فين الملف
حياة : اهو يافندم
واعطته اياه فهمس لها
أسعد : وحشتيني
حياة بغرور مصطنع : عارفه
عدي : شكرا اوي
عين : العفو انا حبيتها اوي
عين الصغيرة : مما ببا مما
قالتها وهي تشير علي عين
عين بخجل : هي عشان عدي بيقو....
عدي بتفهم : فهمت دا لو مكنش يزعجك عادي
عين بابتسامه : وانا اطول القمر دي تقولي ماما
واكملت لنفسها : اه لو تعرف انا مين يا عدي او انت بالنسبه ليا ايه
كانت رؤي تنظر للكل وتبحث بعينها عليه لم تجده فعبست ووضعت وجهها بالأرض شعرت بمن وقف بجانبها
الياس بهمس : ايه الجمال ده
نظرت له واشتعلت وجنتاها ثم تركته واتجهت لعين
رؤي : يلا
عين : تمام.... ياقوت عامله ايه
عدي : جايه الوقتي لو حابه استنيها مش هتتأخر
عين : خلاص نستني
رؤي وهي تنظر لإلياس : مفيش مشكلة
أسعد : استني يا حياة عشان توصليهم
اومأت فتحدث عثمان بجدية
عثمان : اقعدوا يا بنات يا بهيه يا بهيه شوفي البنات يشربوا ايه...... بجد نورتونا
حياة وهي تفعل حركة العسكري : دا نورك يا جد الجدود
ضحك الكل حتي عثمان وجلسوا فدخل عليهم جيدان وأحمد وخلفهم روح
نسرين : اهلا اهلا
نظرت لها روح من اسفل لأعلي ولم تهتم
روح : سلام عليكم
الكل : وعليكم السلام
عثمان : نورتي يا روح تعالي اقعدي جنبي
اتجهت وجلست بجانبه فهو يعرفها جيدا حين تقدم لها أوس بينما نزل ابن الياس يدندن
يائيل : عطونا عطونا الطفولة عطونا عطونا الامان
عثمان : بتقول ايه يا صغير
يائيل : حفظت اغنيه هقولها لياقوت اما تيجي
عدي : اسمها ايه
يائيل : عطونا الطفوله
رفعت روح نظرها له والطفل يغني فغنت معه كالطفلة الصغيرة
روح : جينا نعيدكم بالعيد بنسألكم ليش ما في عنا هالعياد والسلام.....
يائيل : انتي حفظاها
روح : ايوه وكتير منها
يائيل : طب غني واحدة
اشارت ان يأتي وحملته
روح : كان في مرة طفل جميل وصغير
يائيل : قدي
روح : قد نفسه طولت العمر ليك
يائيل : بعدين
روح : كان بيحب بلدة اوي بس شايف ان ناس وحشة محتلاها وبيقتلوا قرايبه واخوات اصحابه فهو كان عايز يحمي اخته وهيا راحة الكلية عمل ايه
يائيل : ايه
روح : لبس هدوم كتيرة اوي اوي تقريبا نص الدولاب فدخلت عليه صاحبة اخته وقالتله بتعمل كدة ليه يا مجد
يائيل : قالها ايه
روح بشرود : قالي مشان يا روح لما العدو يجي يطوحنا هكون قدامه والرصاصة ما بتقتلني وراح احميكي انتي ونايا لحتي تروحوا الجامعه وتيجوا
عثمان متدخلا : وايه اللي حصل
روح : روحنا سوا انا وهو واخته للجامعة نوصلها فهو جري مننا ساب ايدينا ومسك طوبه حدفها في عين واحد كان هيصوبنا فالراجل صوب عليه رصاصة وضربه
يائيل : والرصاصة عدت كل الهدوم
روح بقوة مزيفه : ايوة ووقع بين ايدينا بس عارف كان بيحب اغنيه اوي مش فاكراها بالظبط بس هقولك منها
يائيل : قولي
روح : كان القمر في سماه والنجمة بتبكي لبلدنا الحلوا الحلوا لدروبها بتحكي عن عشاق بيضحوا بالغالي وبالروح واما يضحوا يصحوا جوا الوطن ولا قوة ولا سلاح تغلبوا حلم جميل
واكملت الاغنيه بصوت منخفض ولم يسمع كل هذا سوا يائيل وعثمان بينما يتابعها أوس ويريد معرفة ما تقول وقاطعهم دخول يزن وهو يسند ياقوت فوقفوا وبدأوا يرحبوا بهما
عدي : القصر نور يا ازعاج
ياقوت بابتسامه : دا نورك
نسرين بشماته : ايه البتاع اللي علي وشك ده
الياس بضيق : انتي مالك يا نسرين
نظرت له بغيظ بينما ابتسمت ياقوت له
يائيل : ياقوت حفظت اغنيه حلوة كان في اطفال بيعيطوا ويغنوها
ياقوت : ايه يا حبيبي
بدأ يغني لها الاغنيه بينما شعرت روح بقبضة قويه وفجأة داهمتها الذكريات ومسكت رأسها
"مشان يا روح لما العدو يجي يطوحنا هكون قدامه والرصاصة ما بتقتلني...... خلي بالك من نايا انا بحبها اوي...... حبيبتي يا روح حافظي علي ضحكتك يا بنتي...... جهاااااد..... مججججد..... انا بخسر يا روح... رووووح الحقيني...... العهد الذي بيننا وبينهم الصلا..... بحبها اوي يا روح.....بحبها اوي يا روح"
عين بقلق : روح.ح.ح انتي.ي.ي كويسه.ه.ه
عثمان بقلق : روح.ح.ح
جيدان بقلق : انتي.ي.ي سامعانا.ا.ا روح.ح.ح
"ما بتقتلني..... انا حبيت نايا اوي يا روح..... هقتلهم كلهم انا فلسطيني ولازم ادافع عن بلدي..... هتيجي ليه يا روح خليكي عشان حبيبك.... اسف انك خسرتيه عشاني"
روح بتوهان شديد : جهاااد بااابااا
لمحت كوب ماء فاتجهت له ومسكته دفعته بوجهها وشهقت وتنفست بقوة لتشعر بإهتزاز فونها فاجابت علي جارتها تعلم اجل تعلم ان وراء تداهم الذكريات برأسها تحدث او الأصح تخسر شخص
روح : ههههههه كنت عارفه ههههههه يعني جات عليها ههههههه خلاص ههههههههه راحت ههههههه جايه اومال جايه طبعا هههههه
وتساقطت دموعها ورمت الفون تضحك اكثر فلم يفهم اخد اتبكي ام تضحك فذهب أوس لها ومسكها وهو يهزها
أوس : روح فوقي وردي روح
صفعها بقوة ففاقت علي نفسها واغمضت عيناها بقوة
أوس : روح روح ردي عليا
فتحت عيناها والتقطت فونها وجرت للخارج حيث سيارتها فذهب خلفها ومعه جيدان وأحمد اما هي قادت بسرعة
"روح تعالي بسرعة..... روح امك ماتت"
رن فونها فاجابت حين رأت الإسم
نايا : روح شو في روح ليش ما بتردي
روح : نايا امي ماتت خلاص راحت مني
نايا بصدمة : شو
روح : خلاص راحت اللي انا قاعدة عشانها يا نايا راحت
نايا : روح اهدي دماغك
روح : راحت ذي جهاد وبابا ومجد
نايا : روح مخك اهدي اذا اتعصبتي راح تخسري حالك
روح : انا خلاص خسرت حالي يا نايا جات علي دماغي
نايا محاوله تهدئتها : روح روح اسمعيني الوقتي هيشكوا فيكي... وهيعرف أوس الحقيقه واي هيعرف ان زاكرتك تعبانه ومخك ما راح يخليكي تسافري تاني اهدي
تذكرت واغمضت عيناها متذكرة ما حدث امامهم اجل فخانها عقلها امامهم فتنهدت
روح : انا كويسه انا قويه.... نايا شهر بالكتير وهكون عندك
نايا بصراخ : لا مارح تجي هنا تاني راح تخسري ما راح خليكي تتعرضي لأشعة تانيه
روح : انا هبقي كويسه متقلقيش وهاجي سلام
نايا بحزن : سلام
وصلت لمنزلها ونزلت لتجد جارتها جالسات ومنهم من يبكي فمشت من بينهم غير عابئه لكلامهم ثم وصلت لغرفة امها وجدت سيدات يجلسوا ويقرأوا قرآن ويبكوا فاتجهت لأمها
روح : ايه بتعيطوا ليه.... ماما قومي بقي وبطلي هزار ماما حبيبتي يلا يا أموله
جيدان وهي تنهج : روح
نظرت لها ولأحمد وأوس
روح : شوفي يا ماما جيدان جات ليكي مش كنتي تقوليلي صالحيها اهي جات وأحمد وههههه أوس اهو قومي اعمليلنا اكل ذي زمان
احد السيدات : روح حرام عليكي هيا خلاص ماتت
نظرت لأمها لتجد لا حياة فبكت وهي تحضنها
روح : حتي انتي سبتيني يا ماما..... مااااامااااا مااااامااااا
**************
مر ثلاثة ايام العزاء
كانت جامدة باردة فقط الدموع تنزل وهي وسط الناس والان اصبح المنزل فارغ عليها فدخلت لغرفة امها ليبدأ الم رأسها من البكاء فوقفت واتجهت لغرفتها اخذت حقنه وملائتها ثم اعطتها لنفسها ولكن لم تبدي اي مفعول فذهبت لسيارتها واتجهت لأفضل طبيب اعصاب بالأسكندريه ودخلت فورا
الدكتور : اهلا يا حضرة الظابط
روح وهي تمسك رأسها : اهلا يا دكتور...... الحقن معدتش بتجيب مفعول رأسي بتوجعني
الدكتور : طيب اقعدي وقولي حاسه بحاجة غير الوجع
روح وهي تجلس : صور ناس غريبة مش عارفه اسمائهم بس حاسه اني شايفاهم
الدكتور : عقلك بيحاول يتهرب من اللي بكرههم وتقريبا الناس الجديدة
روح : اعمل ايه
الدكتور : قوليلي حد بتكرهيه كدة
روح : اسرائيل
الدكتور : اهو دول انتي مش بتحاولي تنسيهم لأن في قلبك انتقام مش بس كره
روح : وفي مش فاكرة واحده شوفتها مع عيلة أوس الشرقاوي بس حاسه اني بكرهها
الدكتور : ايوة ودي من الناس اللي عقلك بدأ ينساها ويرفضها
روح : طيب اديني مسكن اقوي
وقف وعبأ حقنه واعطاها لها بالوريد ليبدأ عقلها يعود للطبيعة
الدكتور : دا نوع قوي بس متكتريش منه لأن مش هتلاقي اقوي في الصيدليات
روح : تمام
الدكتور : اه وحاولي متتعرضيش لإشعاع وشغل انك جنب انفجارات ده اقل حاجة هتفقدي زاكرتك للأبد
روح : ليه في اسوأ
الدكتور : يمكن لا قدر الله تموتي
اومأت وهي تستأذن وتذهب متجهه لقصر الشرقاوي حتي وصلت فنزلت من سيارتها وكانوا في المساء والكل مجتمع فأخبرتهم الخادمة لتدخل
ياقوت وهي تحضنها : البقاء لله
روح : ونعم بالله.... أوس ممكن نتكلم
أوس : اكيد تعالي
واخذها وذهبوا للمكتب فجلست ومسحت علي وجهها بقوة
أوس : في ايه
روح : انا موافقه
أوس : موافقه علي ايه
روح : نعمل فرح كبير وارجع لمنطقتي تاني يوم.... لو ده هيريح قلبك موافقه
أوس بسخريه : وايه اللي حصل ولا معتش حاجة تخسريها
روح : بالظبط كدة معتش حاجة اخسرها الا شرفي ويعني جات عليه
أوس ببرود : تمام حددي معاد الفرح
روح : بعد خمسة وعشرين يوم من الوقتي
أوس : قبل الاربعين
روح وهي تقف : هتفرق سلام
وذهبت للخارج وهو خلفها ببرود تام
نسرين وهي تنزل : ايه ده انتي
نظرت لها روح نفس الفتاة لكن تري ما أسمها ضغطت علي عقلها لكنه رفض وعاد الألم لكنه ظلت قويه امامهم
روح : انتي مين
نسرين بغيظ : لحقتي تنسيني
روح : محدش قالك ان الأسد ميعرفش الكلاب
ورمقتها بنظرة نارية وذهبت بينما منعت ياقوت ضحكتها فنظر لها الياس وابتسم بشماته فضحكت ياقوت بشدة فنظرت لها نسرين بكره وذهبت بينما كان ينظر أوس خلفها ربما يعتقد الكل انها فعلت هذا لتكسر كبرياء نسرين لكن هو يري انها حقا لا تعرفها
ضغط علي مخه مستوعبا