بكامل قواي العقلية
بقلم اميره اسامه
الفصل السادس....
والفصل السابع
دياب...لمار سياده اللواء.. عايزك في موضوع مهم. ياريت تسمعيه وتحاولي توافقي..
لمار...بقلق...ممكن تقولو في ايه.
حاتم...انا جاي اعمل معاكي اتفاق يمكن لو اتعاونتي معانا... نقدر نقف معاكي وعالاقل نخفف عنك الحكم.
لمار...انا اللي عندي قولته ومش هغير كلامي...
حاتم...اللي يشوفك وانتي جايه وخايفه من الموت ميشوفكيش وانتي لسه مصممه علي كلامك واضح انك عنيده..ومع ذلك السبب اللي جايلك عشانه مش هو انك تتكلمي ده سبب تاني خالص...
اسمعي يالمار..... انا جايلك انهرده ومش قضيتي القضيه بتاعتك خالص انا جايلك في حاجه اكبر من كده بكتير بس قبل ما اقولك اي حاجه عندي ليكي سؤال هيترتب عليه اللي هقوله...
لمار....سؤال ايه..
حاتم....انتي بتحبي مصر
لمار...في حد ميحبش بلده..
حاتم...يعني بتحبيها.
لمار...اكيد طبعا..
حاتم...طيب لو طلبت منك خدمه تقدري تقدميها لبلدك...توافقي
لمار....ابتسمت خدمه اقدمها لبلدي...خدمه ايه اللي اقدمها وانا فاضلي ايام بسيطه وابعد عنها خالص
حاتم...لا ماهو لو انتي وافقتي انسي تنفيذ الحكم ده خالص....بصي يالمار...
انا عارف انك متهمه في قضيه قتل والدك وده باعترافك والمحكمه اصدرت حكم اعدامك يعني الموضوع خلاص واظن انك مصممه علي رأيك فبيتهيألي مفيهاش حاجه انك تخدمي بلدك وصدقيني يالمار لو المهمه تمت من غير اي خساير
هنصعد القضيه بتاعتك وهنخفف عنك الحكم...حتي لو انتي مش حابه تقولي السبب هيتخفف عنك الحكم بردو عشان تعاونك معانا..قبل ما اقولك اي حاجه احب الاول اسمع ردك موافقه ولا لا...
سكتت..لمار وفضلت تبصلهم ....موافقه.
حاتم...حتي لو قولتلك ان اللي انتي داخله عليه صعب وانك هتتعاملي بطريقه مباشره مع الكيان الصهيوني...
ابتسمت لمار بسخريه...تفتكر حضرتك ايه اسوء حاجه ممكن تحصل...
حاتم...انك تموتي مثلا.
لمار...بابتسامه وتفتكر حضرتك واحده فاصل بينها وبين الموت ايام ممكن تخاف انا كده كده ميته
حاتم....بصي يا لمار..مصر بتتعرض لخطه كبيره للاسف.. وفي قضيه ماسكينها القضيه دي كلها كان مفتاح اللغز بتاعها عند بنت جاسوسه تقريبا هي كانت السبب في كل ده..البنت دي اسمها مايا الحاوي...عندها 25 سنه مصريه درست في فرنسا
وعاشت فتره حوالي 9 سنين هناك... البنت دي ليها ميول غريبه وافكار اغرب اتعرفت مايا علي بنت من اصول يهوديه... والبنت دي عرفتها علي صحابها وفمره عزمتها انها تروح بيتها اللي كانت ديما بتعمل في سهرات وتجمعات. وهنا كانت نقطه البدايه.. مايا يومها قالت رأيها بكل صراحه انها بتكره الحروب
وبتكره العنف ونفسها ان السلام يكون موجود في كل العالم...استغلت البنت النقطه دي وللاسف البنت دي والدها كان رتبه في الموساد... ومن هنا ابتدو اللعب في دماغ مايا اكتر.. ابتدو يفرجوها على افلام تسجيليه تبين اد ايه اسرائيل دوله ديمقراطيه مبتدعوش للعنف ابتدو يفرجوها علي افلام
من صنعهم تبين اد ايه ان اسرائيل هي دوله مقهوره طبعا مايا ابتدت تصدق وتنبهر من اللي كانت بتشوفه ومن هنا اعلنت مايا خدمتها لدوله اسرائيل مش كده وبس مايا كانت شايفه ان اسرائيل دوله قويه وانها اقوي من كل الدول العربيه اللي شافت من وجهه نظرها ان العرب هما اللي ظالمين وهما اللي
اظهروا اسرائيل بالصوره البشعه دي...والحقيقه هما عندهم طريقه مقنعه جدا خصوصا للناس اللي زي مايا اللي من الاساس عندهم فكر متطرف.. وللاسف الموساد جند مايا لحسابهم ورفضت مايا انها تاخد اي فلوس مقابل خدمتها ليهم علي اعتبار انها بتعمل الصح...مايا كانت بتروح وتيجي علي
البلد كتير اتقدملها شاب ظابط في الصاعقه المصريه كان بيحبها جدا لكن مايا مكنتش بتحبه ابدا مش كده وبس كانت بتتكلم معاه بطريقه وحشه كانت بتكرهه خصوصا لما لقت في قبول وموافقه من اهلها اللي كانو شايفين انه عريس مناسب رتبه مشرفه مستواه المادي كان ممتاز يعني باختصار مكنش
فيه عيب..طبعا هي رفضت كتير لكن من بعد ما اتجندت للموساد قررت ترتبط بيه وتاخد منه معلومات بطريقه غير مباشره تمد بيها اسرائيل وفعلا ارتبطت بيه مايا وكانت بتاخد منه معلومات كتير طبعا الظابط مكنش يعرف اي حاجه يعني مكنش معاها هي كانت بتستغله...لحد من حوالي اسبوعين او
اقل. مايا كانت في مصر واتقتلت في ظروف غامضه محدش يعرفها طبعا رجالتنا في فرنسا وفي اسرائيل كانو متابعين كل خطواتها وتحركاتها وقدرو يعرفو ان اسرائيل كانت محتاجه من مايا معلومات معينه عن الجيش المصري تمدهم بيها ونزلت
مايا عشان السبب ده مبرره نزولها انها جايه في زياره لاهلها وخطيبها... وزي ماقولتلك للاسف اتقتلت طبعا جثه مايا لما اتشرحت دياب قدر يوصل ان الطلق اللي مايا خدته كان من سلاح ميري يعني في رتبه مجهوله هي اللي قتلتها طبعا مش
خطيبها ..وطبعا عرفنا ان اهلها اصلا ملحقوش يشوفوها ولا يعرفو انها نزلت لان مايا كانت نازله مفاجأه يعني اهلها وخطيبها عارفين انها في فرنسا... ورجالتنا قدرو يعرفو ان الموساد قالبين عليها الدنيا لانها بالنسبالهم كارت ربحان هيتجننو طبعا ويعرفو هي فين وايه سبب اختفائها ولحد
اللحظه اللي بكلمك فيها هما ميعرفوش انها ماتت وطبعا لو اللي قتلها ده كان معاهم كان بلغهم لكن لحد الوقت موصلهمش خبر موتها يعني اللي قتل مايا مقتلهاش عشان شغلها مع اسرائيل ولا حتى على حد علمي انه يعرف طبيعه شغلها يمكن يكون سبب شخصي سبب تاني احنا منعرفهوش بس الاكيد
ان الشخص اللي قتلها ده ولا معاهم ولا يعرف ان مايا معاهم...
لمار...يعني حضرتك عايزني اعرف ولا ايه انا مش فاهمه..
حاتم...هفهمك ...لمار انا امبارح لما شوفتك وانتي بتترحلي من مكتب دياب انا اتصعقت من الشبه اللي بينك وبين مايا...انتي وهي تقريبا لو توأم مش هتكونو بالشبه ده...ومن هنا جاتني الفكره اننا نحطك مكان مايا....عشان نقدر نكمل المهمه بس المرادي هيكون في فرق كبير مايا كانت شغاله معاهم ضد مصر...لكن انتي هتكوني معاهم لكن مع مصر يعني باختصار انتي هتسمعي منهم بس هتنفذي بطريقتنا فاهمه حاجه يالمار...
لمار...حست ان دماغها هنجت وانها مش فاهمه ...انا يمكن اكون فهمت حاجات كتير بس بردو مش قادره اجمع...يعني انا هكون بدالها..
حاتم...ايوه يالمار...
لمار...طيب المفروض اني مختفيه ازاي هظهر ولما هظهر هقول كنت فين.
حاتم...دي بتاعتنا احنا كل حاجه هتفهميها في وقتها بس المهم الاول خروجك من هنا..
لمار...طيب انا لما هخرج ازاي هتقابل معاهم..
حاتم...لمار انتي هتخرجي من هنا وانتي مايا الحاوي يعني تنسي لمار دي خالص..باختصار كل حاجه مايا كانت بتعملها انتي هتعمليها وطبعا انتي هتسافري مكان مايا...
لمار...بخوف ظاهر علي ملامحها اسافر بس. انا
حاتم...متخافيش يالمار احنا هنأمنك لدرجه انتي مش هتتخيليها.. رجالتنا هتكون معاكي خطوه بخطوه وهنعرفك تعملي ايه وتتعاملي ازاي...ودياب من اللحظه دي انتي مسؤوليته في كل حاجه وهيكون دايما معاكي..
لمار...بس معنى كلام حضرتك اني هسافر يعني المفروض اني اكون عارفه لغه البلد اللي هروحها..وانا مش بعرف فرنساوي..
حاتم...اللغه دي مش مشكله خالص... بس انا عايز اقولك حاجه انتي مش هتتعلمي فرنساوي وبس انتي هتتعلمي انجليزي وعبري كمان...لان مايا كانت بتتقن ال3 لغات دول...ودي كمان هتكون مسؤوليه دياب....دياب. يمكن تكون دي مش شغلته دياب ظابط فالبحث الجنائي بس بما انه كان ماسك الجزء اللي يخص قتل مايا فلازم يكون معاكي لان اللي قتلها اكيد هيحاول يظهر لما يعرف انك مموتيش ووقتها لازم في اسرع وقت نعرفه وإلا ممكن يبوظ كل حاجه لان اللي قتلها ضربها طلقه في دماغها يعني واثق انها ماتت فمعني ظهورها من تاني يعني في حاجه غلط واي شوشره من ناحيته هتبوظ اللي احنا عايزين نوصله وساعتها ممكن يكون في شك وهتكوني في خطر...وطبعا قررنا نستغل دياب بسبب اللغه وبما انه دارس 6 لغات فا اكيد دياب هيفيدك جدا في ده...
لمار.....والمفروض اني اتعلم كل اللغات دي امته
حاتم...للاسف يالمار مفيش وقت خالص
المفروض ان مايا ترجعلهم كمان شهر...وطبعا هي الوقت مختفيه وبيحاولو يوصلولها ومش عارفين..عشان كده مايا لازم تظهر ويقدرو يتواصلو معاها يعني انتي لازم تخرجي وتعرفيهم انك بخير وموجوده وان سبب اختفائك هتقولي انه حادثه حصلت من بعد نزولك من المطار وان حصلك فقدان مؤقت فالذاكره
لمار...وهما هيصدقو هو الفقدان المؤقت ده بيرجع بالسرعه دي.
حاتم....اتمني انهم يصدقو وطبعا ده هيتوقف عليكي انتي وعلي قدره اقناعك ليهم...وطبعا مايا مختفيه من اسبوعين هنحتاج اسبوعين زيهم دياب هيعمل اقصى مافي جهده عشان يعلمك حاجات كتير فيهم يعني ساعتها هتكون مايا مختفيه بقالها شهر وطبعا الفقدان فالذاكره المؤقت ممكن ياخد ايام اسبوع اتنين يعني مبيطولش..
لمار...طيب ونضمن منين انهم هيصدقو بردو..
حاتم...هيصدقو لما تقوليلهم جزء من المعلومات اللي هما عايزنها...
لمار...بزهول يعني انا هقولهم حاجه عن مصر.
حاتم...بالظبط بس بالطريقه اللي احنا عايزنها توصلهم متقلقيش...
لمار...طيب انا اسفه بس بعني ممكن سؤال..
حاتم ...اتفضلي...
لمار...حضرتك بتقول ان المفروض اظهر او اتواصل معاهم بعد اسبوعين..صح
حاتم...صح لان مفيش وقت...بس انتي هتتواصلي معاهم لكن سفرك لسه شويه عليه
لمار...تمام...بس في نقطه انا مش قادره استوعبها.
حاتم...ايه هي اسئلي في اي حاجه تيجي في بالك.
لمار...يعني اسفة بس حضرتك فاكر ان في اسبوعين بس...اقدر اتعلم فيهم انجليزي وفرنساوي وعبري كمان طب ازاي...ده استحاله ده انا لو باخد كورسات مكثفه في احسن مكان في مصر او حتى في البلاد دي نفسها مش هقدر ..
حاتم....عارف انه صعب بس واثق انك هتقدري عالاقل تعرفي جزء كبير تقدري من خلاله لما تتواصلي معاهم تعرفي تتعاملي وتتكلمي..
كمان انتي هتتعلمي حجات كتير مهمه غير اللغات... زي طريقه الكلام الاسلوب اللبس المشي الاكل..الدفاع عن النفس ودي من اهم حاجه وهتفيدك انتي شخصيا كل حاجه تتخيليها..
لمار...بيتهيألي ممكن دول يبقو اسهل لكن اللغه دي بالنسبالي مش قادره استوعب اني في اسبوعين اقدر اتعلم كل ده.
حاتم...بيتهيألك ان الحاجات دي اصعب من اللغه...ممكن تمري بحاجات صعبه...وصدقيني اللغه هتتعلميها...
لمار...طيب وده انا هبدأه امته... وفين هنا.
حاتم...لا طبعا..انتي من بكره الصبح هتكوني بره السجن يا لمار... وهتروحي في مكان خاص بينا هيكون معاكي دياب
هيساعدك في كل حاجه...مش هيسيبك لحظه ومش هتطلعي من المكان ده غير وانتي مايا الحناوي اصغر جاسوسه مصريه....وطبعا هيكون في فريق كامل تحت ايد دياب لو
احتاج اي حاجه هيقدرو يوفروهالك يادياب.. وفي فريق من المخابرات هيكون معاكي يالمار هيمدك بكل المعلومات اللي تفيدك حتي المكان اللي كانت مايا بتسكن فيه هتعرفيه
وهتعرفي كل شوارع فرنسا من قبل ما حتي تروحي هتعرفي صحابها اساميهم اسامي اهلهم كل تفصيله متخافيش هتكون معاكي..
طبعا يادياب... انت انهرده تبلغ اهلك انك عندك مهمه خاصه وانك هتغيب فتره ...ومن بكره الصبح هتكون فالمكان بتاعنا انت ولمار....
لمار...طيب ممكن سؤال..
حاتم...طبعا..
لمار....انا بالنسبه لقضيتي وبالنسبه للحكم اللي كمان كام يوم هيكون ايه موقفي ادام الناس وامي وصحبتي هيعرفو اني فين بالظبط.
حاتم....كل حاجه هتمشي طبيعي يا لمار...انتي كده كده بالنسبالهم ميته...يعني تنفيذ الحكم امر واجب..
لمار...بس انا امي متعرفش لحد الوقت اني محكوم عليا بالاعدام امي فالمستفشي ولو عرفت هتموت .
حاتم...يبقي الافضل انها متعرفش الوقت خالص بس الكل لازم يعرف ان الحكم اتنفذ...
لمار....امته...
حاتم....الحكم هيتنفذ فيكي بعد بكره يالمار... وطبعا كل تفاصيل خروجك من هنا هتتم في سريه تامه ودي امور احنا هنقدر نخلصها بسهوله....وبما ان علي حد علمي ان انتي
مكنش ليكي غير والدتك ووالدك يعني والدك مات ووالدتك تعبانه وللاسف قعيده يعني مفيش حد يستلم جثتك.. فالحكم هيتنفذ من غير ما نبلغ حد .
لمار ..بس كارمن بتسأل عليا.
حاتم...كارمن دي اختك
لمار...وهي دموعها نازله دي اكتر من اختي. كارمن صحبتي واختي وكل حاجه ليا
حاتم...عادي الحكم اتنفذ وبما ان مفيش حد من الاهل يستلموكي فا احنا اتولينا الامر والموضوع خلص وانتي
اتدفنتي وبما انها صحبتك فا بالنسبالنا هي مش من اهلك مهما كان قربكم من بعض فا هي مش هتتبلغ بحاجه زي دي
لمار...دموعها خانتها ونزلت...طيب لو سألت علي مكان المدفن.بتاعي.
حاتم...هنقول اي مكان كل دي حاجات بسيطه...المهم اننا متفقين.
مسحت لمار دموعها بوجع....
دياب وانس... كان قلبهم بيتقطع عليها..دياب...مش قادر يعرف السبب.
اما انس... فا عشان احساسه انها فعلا بريئه وده رأيه من اول يوم شافها...وثانيا عشان كارمن اللي حالها ميختلفش عن حال لمار....
لمار....موافقه...بس انا كان ليا طلب.
حاتم...اتفضلي...
لمار...هو انا ينفع اشوف امي وكارمن..
يعني اكيد لما الشغل اللي بينا يخلص اكيد مش هنرجع نقول تاني للناس اني كنت عايشه يعني اكيد الحكم هيتنفذ علي طول كان نفسي بس اودعهم قبل ما يعرفو الخبر عشان مش هتيجي فرصه تاني اودعهم..
حاتم...لمار انا مقدر اللي انتي فيه بس صدقيني صعب...اولا والدتك مش هتقدر تجيلك عشان ظروفها فا ده معناه انك انتي اللي هتروحيلها....وده صعب جدا...
ثانيا مفيش وقت انتي لازم تخرجي من هنا بكره الصبح.
لمار....طيب ولا حتي ينفع اكتب حاجه للمار توصلوهالها..مش عايزه الخبر يوجعهم عايزه لما تعرف الخبر اكون جمبها حتي لو مجرد كلام علي ورق
حاتم....بطيبه...اكيد اكتبي اللي انتي
عيزاه يالمار...وعايزك تجمدي وتحاولي تفكري فالاحسن بلاش تفكري فالحكم مش يمكن ترجعي تاني للحياه وبحكم اخف.
لمار...صدقني انا مش خايفه من الموت انا بس واجعني اوي انهم
يتوجعو عشاني انا كنت كل حاجه لامي ولكارمن....
حاتم....وان شاء الله هتفضلي كل حاجه ليهم... الوقت احنا هنمشي ونسيبك ترتاحي..وبكره الصبح هتخرجي من هنا...واكتبي اللي انتي عيزاه وبكره سلميه لدياب او لانس يوصلوه لصحبتك.
لمار...شكرا لحضرتك.
حاتم...العفو انا اللي بشكرك...انك وافقتي تخدمي بلدك
قامت لمار وقفت بعد ما دياب اداها ورقه وقلم عشان تكتب اللي هي عيزاه وخدها تاني العسكري...
ونزلها ومشي دياب وانس واللواء..
خرجو من السجن عشان يركبو ويمشو..
حاتم...دياب مش هوصيك العمليه دي سريه يعني مفيش مخلوق من اهلك يعرف حاجه...
دياب...تمام يا افندم متقلقش.
حاتم...وانا وانت هنكون علي اتصال ديما...وبكره انا معاك عشان اعرفك المطلوب منك بالظبط...
دياب...تمام ياافندم
حاتم...اشوفكم على خير سلام.
مشي حاتم ومشي وراه دياب وانس وكل واحد فيهم مخنوق جدا ومش حابب يتكلم..الموقف كان صعب والكلام كان يوجع...
وصل دياب البيت كان الكل موجود معادا مرات عمه وبنت عمه اللي اتعودو عالسهر والخروج كانو اعدين بيتعشو اعد معاهم دياب وبلغهم انه مسافر .اتقبلو الموضوع بس والدته كانت مضايقه هي واخته...
واستأذن منهم بعد العشاء يطلع يحضر شنطته وينام شويه....
طلع دياب...خد شاور وخرج وابتدا يحضر شنطته وهو شارد ...
خلص دياب...الشنطه سابها وراح عالسرير يرتاح شويه..
وفضل طول الليل بيحاول ينام مكنش عارف...
اما انس فا كان حاله ميختلفش عنه كان اعد مضايق جدا...وحاسس بخنفه وحاسس بقلق علي كارمن عشان
مطمنتوش عليها ميعرفش ايه اللي حصلها ولا يمكن يكون ابوها عمل فيها ايه.. كان مستغرب شعور القلق بس هو ترجمه لحاجات كتير...فضل سهران ومش عارف ينام...
اما لمار.... فكانت مش مبطله عياط...كانت منهاره حرفيا حاسه انها تايهه بتتخبط شمال ويمين...كل ما تخرج من حاجه تدخل في حاجه اكبر منها بكتير فجأه اتحولت حياتها رأسا
علي عقب حكايات كتير تفاصيل اكتر صراعات وجع حجات كتير كانت اكبر منها بسنين مكنتش قادره تسكت حاسه بصراع جواها حاسه انها في كابوس مش قادره تصحي منه....
عدت الساعات بسرعه...وطلع النهار...
مكنش في حد فيهم نام....
نزل دياب بشنطته بعد ما جهز
ودع والده ووالدته اللي فضلت توصيه علي نفسه كتير وانه يكلمها كل لما يكون فاضي دخل دياب باس ريناد وهي نايمه ونزل. ركب عربيته بعد ما ودعهم ومشي...
وصل دياب وانس واللوا حاتم اللي خلص كل الاجراءات. عشان تطلع لمار في سريه تامه....
ودقايق كانت لمار معاهم بره السجن...واول ما خرجت وشافت الشمس حست بفرحه مختلطه بوجع...وفضلت تاخد نفسها وكأنها بقالها زمن جوه السجن...ورغم انها كانت مستسلمه للموت إلا أن احساس لبس الاعدام مرعب ...
حاتم....دياب تاخد لمار وتطلع علي طول علي هناك...بليل هكون عندك.
دياب تمام يا افندم..
لمار...طيب ممكن الورقه دي تديها لكارمن...
حاتم...خدها منها...تمام انس الورقه دي توصلها باي طريقه لصحبتها.
انس...تمام يا افندم متقلقش.
لمار...لانس... بعد اذن حضرتك لو فتحت الورقه وهي معاك ياريت متسبهاش لوحدها..ارجوك.
انس...اطمني مش هسيبها...
حاتم...يلا يادياب اتحرك.
مشي..دياب...ووصل بيها...لمكان بعيد عن الناس والزحمه مكان في الصحرا مكان سري كان عباره عن مبني من دورين وليه ساحه واسعه بيتم التدريب فيها...
دخل دياب... المكان كان فاضي خالص...ومتجهز ليهم بس..عشان تتم كل حاجه بسريه..
دخل دياب حط شنطته في اوضه..خاصه ليه هو...
ودخل لمار. اوضه جمبه..
دياب... تقدري تدخلي ترتاحي... شويه..
وتغيري انهرده مفيش شغل هنبتدي من بكره الصبح .
لمار...تمام...انا جاهزه اي وقت ..
دياب...ادخلي غيري وارتاحي شويه
لمار...بس انا يعني مش معايا غير اللي انا لبساه بس.
دياب...لا متقلقيش... سياده اللواء مجهز كل حاجه من امبارح هتلاقي جوه هدوم وحجات كتير اكيد هتحتاجيها...شويه وهجهز غدا عشان ناكل.
لمار...تمام...بعد اذن حضرتك.
دياب...اتفضلي..
دخلت لمار... ودخل دياب
عدت الساعات بسرعه..
وجالهم بليل اللواء.اعد شويه مع دياب يعرفه هيعمل ايه وايه المطلوب منه ورجع اعد شويه مع لمار اتكلم معاها وبلغها ان بكره المفروض الحكم هيتنفذ فيها....
حزنت لمار...واستأذنت منهم ودخلت اوضتها ...
بعد وقت بسيط...مشي اللواء. فضل دياب رايح جاي وباصص علي اوضتها بزعل واخر ما استسلم... راح علي اوضته نام كان حاسس بتعب .....
في صباح يوم جديد مؤلم.....
صحي... انس ونزل من الڤيلا ومعاه الورقه بتاعت كارمن...
خرج ركب عربيته واتصل بكارمن..
كارمن...الوووو.
انس...انسه كارمن..
كارمن...ايوه انا يا حضرت الظابط..
ابتسم انس..بحزن. مش قولنا بلاش حضرت الظابط دي ...
كارمن...بابتسامه بسيطه معلش اصلي مش متعوده...خير في حاجه.
انس...فالحقيقه انا كنت يعني محتاج اقابلك ضروري.
كارمن...ليه في كلام حابب تعرفه بخصوص لمار...
انس...لا بس لمار بعتالك ورقه بخط اديها.
كارمن...بفرحه...بجد بجد والنبي.
طيب اجي لحضرتك عالقسم.
انس...لا اجهزي..وانا هقفلك علي اول الشارع بتاعكم وهعدي عليكي ادهالك.
كارمن...طيب طيب بسرعه والنبي انا هلبس بسرعه..
انس...تمام وانا في طريقي ليكي...اول ما اوصل هكلمك
قفل معاها انس...وراح بسرعه علي الشارع بتاعها...
جهزت كارمن بسرعه ولحسن حظها ابوها كان نايم زي القتيل مش دريان بحاجه...خرجت براحه بعد ما بلغت والدتها..
طلعت علي اول الشارع...فضلت واقفه شويه..
وصل انس...واول ما شافته راحت جري ركبت ..
انس...انتي واقفه من امته.
كارمن...من نص ساعه تقريبا
انس...مش قولتلك لما اقرب هكلمك تخرجي
كارمن...ماعرفتش استني...فين الورقه..
انس...حاضر هديهالك بس لما نطلع من هنا.
كارمن...هو انا هروح مع حضرتك في مكان.
انس...وظاهر علي ملامحه الحزن
اه...
كارمن..فين..
انس..الوقت هتعرفي...
ودور العربيه وطلع...وطول الطريق ساكت...كارمن كانت ملاحظه سكوته. بس محبتش تسأل...
كارمن...حضرتك كويس
انس...الحمد لله ياكارمن...
كارمن...طيب هو احنا رايحين فين.
انس...هتعرفي احنا قربنا خلاص....افتحي الدرج بتاع التابلوه اللي قدامك ده....خدي الورقه اللي فيه واقريها...دي رساله من لمار ليكي...
حست كارمن بقبضه في قلبها غريبه....
كارمن.....هي كويسه صح...
انس...اه تمام.
وقف انس بالعربيه وكل ده كارمن بصاله وخايفه تفتح الدرج تاخد الرساله اللي كانت هتتجن وتقراها...ومكنتش مركزه فالمكان اللي وقف فيه انس...
انس...ايه مالك هتفضلي سرحانه مش كنتي عايزه تقرأي الرساله..خديها يلا.
بصت كارمن عالدرج...ومدت ايدها..فتحته..
شافت الورقه...خدتها براحها وقلبها بيدق بسرعه.....وفتحت الورقه.وابتدت تقرا الكلام.......💔💔💔
الفصل السابع
..
في صباح يوم جديد مؤلم.....
صحي... انس ونزل من الڤيلا ومعاه الورقه بتاعت كارمن...
خرج ركب عربيته واتصل بكارمن..
كارمن...الوووو.
انس...انسه كارمن..
كارمن...ايوه انا يا حضرت الظابط..
ابتسم انس..بحزن. مش قولنا بلاش حضرت الظابط دي ...
كارمن...بابتسامه بسيطه معلش اصلي مش متعوده...خير في حاجه.
انس...فالحقيقه انا كنت يعني محتاج اقابلك ضروري.
كارمن...ليه في ملام حابب تعرفه بخصوص لمار...
انس...لا بس لمار بعتالك ورقه بخط اديها.
كارمن...بفرحه...بجد بجد والنبي.
طيب اجي لحضرتك عالقسم.
انس...لا اجهزي..وانا هقفلك علي اول الشارع بتاعكم وهعدي عليكي ادهالك.
كارمن...طيب طيب بسرعه والنبي انا هلبس بسرعه..
انس...تمام وانا في طريقي ليكي...اول ما اوصل هكلمك
قفل معاها انس...وراح بسرعه علي الشارع بتاعها...
جهزت كارمن بسرعه ولحسن حظها ابوها كان نايم زي القتيل مش دريان بحاجه...خرجت براحه بعد ما بلغت والدتها..
طلعت علي اول الشارع...فضلت واقفه شويه..
وصل انس...واول ما شافته راحت جري ركبت ..
انس...انتي واقفه من امته.
كارمن...من نص ساعه تقريبا
انس...مش قولتلك لما اقرب هكلمك تخرجي
كارمن...ماعرفتش استني...فين الورقه..
انس...حاضر هديهالك بس لما نطلع من هنا.
كارمن...هو انا هروح مع حضرتك في مكان.
انس...وظاهر علي ملامحه الحزن
اه...
كارمن..فين..
انس..الوقت هتعرفي...
ودور العربيه وطلع...وطول الطريق ساكت...كارمن كانت ملاحظه سكوته. بس محبتش تسأل...
كارمن...حضرتك كويس
انس...الحمد لله ياكارمن...
كارمن...طيب هو احنا رايحين فين.
انس...هتعرفي احنا قربنا خلاص....افتحي الدرج بتاع التابلوه اللي قدامك ده....خدي الورقه اللي فيه واقريها...دي رساله من لمار ليكي...
حست كارمن بقبضه في قلبها غريبه....
كارمن.....هي كويسه صح...
انس...اه تمام.
وقف انس بالعربيه وكل ده كارمن بصاله وخايفه تفتح الدرج تاخد الرساله اللي كانت هتتجن وتقراها...ومكنتش مركزه فالمكان اللي وقف فيه انس...
انس...ايه مالك هتفضلي سرحانه مش كنتي عايزه تقرأي الرساله..خديها يلا.
بصت كارمن عالدرج...ومدت ايدها..فتحته..
شافت الورقه...خدتها براحها وقلبها بيدق بسرعه.....وفتحت الورقه.وابتدت تقرا الكلام....
وبمجرد ماشافت خط لمار وقبل ما تقرأ دموعها نزلت...
الرساله💔💔💔
كوكي حبيبتي وحشتيني الدنيا من غيرك وحشه اوي يمكن احساسي في بعدي عنك انتي وماما اسوء كتير من حكم الاعدام....عارفه انك زعلانه مني عشان مقولتش الحقيقه.. بس صدقيني غصب عني..ساعات بنضطر نضحي بنفسنا عشان حد غالي عندنا يمكن لو مكنتش اتحطيط فالموقف ده كان حكمي علي الموقف هيكون مختلف ان مينفعش اضيع نفسي ولازم اتكلم... بس صدقيني
اللي جوه الموقف غير اللي براه.. الدنيا قاسيه اوي يا كارمن يمكن عمري ما تخيلت انها تكون قاسيه بالشكل ده...
انا مش خايفه من الموت ياكوكي ولا زعلانه بس موجوعه اوي اني مش هشوفك انتي وماما تاني...
كوكي...ليا عندك كذا طلب...
اولهم...ماما ...ماما ياكارمن...خلي بالك منها عشان خاطري..متسبيهاش هي ملهاش حد غيرك عارفه ان ممكن يكون صعب بالنسبالك عشان ظروفك بس متسبيهاش ارجوكي...اكرميها يا كارمن. لحد ما تقابل وجه كريم وتوصليهالي بأيدك لقبرها..هي محتجالك الوقت اوي
تاني طلب... اوعي تضعفي ياكارمن اجمدي عشان خاطري. عارفه انه
هيكون صعب عليكي بس حاولي انتي قويه وهتقدري كملي تعليم يا كارمن متسبيش دراستك مهما حصل حققي حلمنا ذاكري وانجحي عشاني وعشانك صدقيني نجاحك هو نجاحي تحقيق حلمك هو تحقيق حلمي....اوعي تضعفي يا كارمن كل ما تحسي انك هتضعفي افتكريني وارجعي اقفي علي رجلك من تاني...اوعي تتجوزي اي عريس ابوكي يجبهولك اتجوزي اللي تحبيه ياكارمن اوعي توافقي انه يبيعك..تاني...
كوكي..انا هكون جمبك ديما و حاسه بيكي...وقت ماتحسي انك مخنوقه والدنيا ضاقت بيكي...روحي المكان بتاعنا عالبحر اعدي عالصخره بتاعتنا وصدقيني انا وقتها هكون معاكي...وقت ما اوحشك روحي هتلاقيني مستنياكي...
ادعيلي كتير كل ما اجي في بالك...
هتوحشيني اوي يااحلي اخت فالدنيا
فراقك هيوجعني زي ما فراقي هيوجعك...
كارمن كانت بتقرا ودموعها مش بتقف
لاكن فجأه كارمن اتصعقت لما قرأت اخر جمله...وكأن الدنيا اسودت في لحظه وحل عليها الليل وتجمع الدموع في عينها كان زي الضباب..اللي مانع الرؤيه عنها....حست بقبضه في قلبها وكأن في حد اخترق بأيده. جسمها وعصر بأيده قلبها😳😳😳🥺🥺
كوكي يوم مارسالتي هتوصلك وتقرأيها هكون مش موجوده في الدنيا خلاص هكون في مكان بعيد...مكان مفيش منه رجوع ...سامحيني لو سبتك بدون سابق إنذار لو عليا مكنتش احب اسيبك ابدا...فالنهايه....لو رجع بيا الزمن عمري ما هختار اخت و صاحبه غيرك يا احلي حاجه حصلت في دنيتي.اشوفك فالجنه يا احلي كوكي...
سلام...يا اوفي البشر. بحبك🤚🏼💔💔
نزلت كارمن الرساله من ايدها...وهي مش مستوعبه اللي قريته بتحاول تكدب اللي فهمته دموعها بتنزل بغزاره من غير صوت وكأنها شلال...
انس...باصص عليها... بوجع قلقان من سكوتها...
انس....كارمن انتي كويسه.
كارمن باصه ادامها دموعها نازله ماسكه الرساله بأيدها...
انس...كارمن..ردي عليا قولي اي حاجه... عيطي صرخي اعملي اي حاجه بس متسكتيش كده..
فتحت كارمن باب العربيه...ونزلت...نزل وراها اني وهو مراقب تصرفاتها..
فضلت كارمن تاخد نفسها بسرعه وكأنها بتتخنق...وفجأة شافت المكان اللي هي فيه...كان المقابر.
انس...مدلها ايده كارمن...تعالي شوفيها..
بصتله كارمن...وكأنها طفله فقدت امها وحاسه بالضياع مسك انس ايدها ومشي بيها.... لحد ما دخل بيها ادام مدفن مكتوب عليه اسمها....
انس.....الحكم اتنفذ امبارح..وللاسف مفيش حد ليها من اهلها يستلمها غير والدتها ووالدتها حالتها متسمحش...وعشان ملهاش حد قريب الشرطه اتكفلت بكل الاجراءات واتدفنت...مرضتش اقولك بليل ومرضتش ابلغك بالتليفون والحقيقه دي كانت وصيه لمار... اني اوصلك الرساله بايدي وافضل معاكي واجيبك هنا عندها......
كارمن.... بصتله ودموعها نازله....انا بحلم مش كده...قولي اني بحلم...وانا هصدقك..عي طول عشان لو قولت ان دي حقيقه استحاله اصدقك واستحاله دي تكون نهايه لمار....
انس..قرب منها كارمن اهدي من فضلك .ادعيلها يا كارمن هي محتاجه دعاكي ليها...
مسكته...كارمن من ايده...انت بتقول ايه...انت عايزني اصدق وكملت بانهيار انت كداب بابا كداب كل اللي شهدو ضدها كدابين كلكم كدابين محدش وقف معاها لمار مماتتش انت فاهم.لمار عايشه...
انس...ادعيلها ياكارمن هي طلبت انك تدعيلها..
كارمن بابتسامه قهر وسخريه وسط دموعها ادعيلها ؟؟ انا اللي ادعيلها؟؟؟لو حد فينا محتاج الدعاء يبقي انا....انا اللي محتجاها تدعيلي...وبصت عالمدفن..
انا يالمار اللي محتاجه الدعاء مش انتي.. سبتيني يالمار انتي عمرك ما سبتيني...انتي طول عمرك معايا هونت عليكي عملتي كده ليييييه مصعبتش عليكي طب كنتي شيلي حبك من قلبي قبل ماتقرري تسبيني...كنتي موتيني قبل ماتموتي عشان افضل معاكي....
عملتي فيا كده ليييييه...وفقدت كارمن السيطره علي نفسها فاللحظه دي...وابتدت تصرخ بأسمها...
حاول انس... يمسكها ويسيطر عليها لاكن هي كانت في حاله انهيار تام
لمااااااااااااار لماااااااااااار لمااااااااااار لا يالماااار ...متسبنيييييييش ارجوكي يالماااااااار. ارجعيليييييييي لمااااااااااااااااااااااااااار....
انس....كارمن. بسسسس كارمن اهدي.
وبيحاول يسيطر عليها قربها من حضنه
كارمن....وابتدت تفقد وعيها وكلامها يخرج بالعافيه
لمااار ر ر ا ا رجو ك رجعهال ل لي. وغمضت كارمن عنيها باستسلام..ووقعت بين ايدين انس فاقده الوعي
شالها انس بين ايده... وراح بيها علي العربيه....بسرعه....
دور العربيه...ومشي بسرعه...وبعد مده بسيطه وصل انس ادام عماره كبيره شكلها شيك...كان ليه فيها شقه خاصه بيه...جري عليها فتح الباب وشالها بين ايده... ودخل بيها عالعماره بسرعه واول ما شافه البواب جري طلبله الاسنسير...
طلع بيه فوق فتحله الشقه...دخلها انس بسرعه علي اوضته...
انس للبواب.... اطلع بسرعه نادي.... علي دكتور سعد بسرعه.
البواب...حاضر ياباشا. هوا...
جري البواب بسرعه ينادي عالدكتور.
نيمها انس عدل....وقلعها الشوز وغطاها..
البواب.رجع علي طول...تعالي يادكتور اتفضل..
الدكتور...السلام عليكم..
انس...عليكم السلام...اتفضل يادكتور من هنا...دخله الاوضه.
دخل الدكتور... خير يا انس باشا.
انس...مفيش بس يعني سمعت خبر وحش..فضلت تصرخ وتعيط بهستيريا ووقعت من طولها...
الدكتور...بتاعني من اي مرض.
انس...مش عارف يادكتور بس تقريبا لا.
هي معرفه بس من بعيد يعني معرفش عنها حاجه.
الدكتور...خيؤ ان شاء الله..وابتدا الدكتور يكشف عليها
خلص الدكتور...انس خير يادكتور.
الدكتور...انهيار عصبي حاد...مقدرتش تستحمل الخبر وكمان سنها صغير...انا ادتها حقنه مهدئه هتفضل نايمه شويه...هكتبلك علي مهدأ وياريت لما تصحي حاول متفكرهاش باي حاجه..ولا تضغط عليها.
انس...بس ده خبر وفاه يعني هترجع تفتكر تاني..
الدمتور...اكيد هتفتكر بس حاول تخرجها من الحاله دي لان غلط عليها جدااا...كان ممكن يجرالها حاجه بس ربنا ستر..
انس..الحمد لله طيب محتاجه تروح المستشفي..
الدكتور...لو حالتها فضلت كده لازم مستشفي...
انس...ربنا يستر..
الدكتور...عموما انا موجود اي وقت لو حصل حاجه ابعتلي هكون عندك علي طول.
انس...شكرا يادكتور سعد تعبتك معايا واسف اني ازعجتك من بدري كده
الدكتور...متقولش كده تحت امرك الف سلامه ربنا يطمنك عليها.
انس...يارب.
اداله الدكتور الروشته ووصله انس...ورجع تاني... كانت كارمن نايمه مش دريانه باي حاجه...وكأنها جسد من غير روح.....
................
اما عند لمار... فاصحيت من بدري او تقريبا منامتش ومن يوم ما اتحبست وهي نومها مقطع دقايق وتصحي من كتر الكوابيس اللي كانت بتشوفها....
صحيت لمار... خدت شاور ولبست. حطت شال علي كتفها...وخرجت من الاوضه...كان الجو هادي ودياب باين انه نايم... راحت وقفت تبص من ورا السور علي الفراغ كان حواليها صحرا من كل مكان الدنيا هاديه...واقفه لفه الشال علبها الجو كان برد جداااا شعرها طاير... دموعها نازله بوجع...قلقانه علي كارمن لما تعرف انها ماتت..
وفجأه شبح ذكرايتها ظهر....
فلاش بااااااك....
كارمن... طيب انتي تفتكري ان عمو خالد هيوافق.
لمار... مش عارفه يا كوكي بس هحاول.
كارمن...حاولي بس انا واثقه انه مش هيوافق.
لمار...ياساتر... قبله تفاؤول اصلا انا بكلمك ليه يلا يابت اقفلي انا هروح اقوله..
كارمن...الحق عليا بعرفك اللي هيحصل
لمار...ماشي يا اختي يلا اتكلي علي الله هروح اقوله واشوف هيقولي ايه
كارمن...كلميني تاني
لمار...حاضر..يلا باي.
كارمن...باي..
قفلت كارمن وطلعت بره فالصاله كانت والدتها ووالدها اعدين بيتفرجو علي مسرحيه...
خالد...تعالي يالولي اتفرجي معانا علي المسرحيه... بنادي عليكي انا وماما فكرتك نمني.
كارمن ...لا ده انا كنت بكلم كارمن.
خالد...طيب تعالي اعدي معانا..
راحت لمار اعدت...وفضلت تتحرك كتير وهي اعده وتدعك ايدها في بعض بتوتر...وكل شويه تبصله وتبعد عينها.
لمار...بابا..
خالد...وهو بياكل لب...هااا
لمار...اااا انا..
خالد...بصلها في ايه مالك بتقطعي ليه شكلك عايزه تقولي حاجه..
لمار...بصراحه اه وخايفة ترفض..
خالد وهو بيتعدل وبيبصلها...انا قولت ارتباكك وفركك ده وراه حاجه في ايه يا اخرت صبري.
لمار...لا بلاش توترني اسمعني الاول
خالد...ماشي ياستي قولي عايزه ايه
لمار...وهي بتبصه وبتبص لوالدتها..
خالد...يابت قولي في ايه... مالك زي ما تكوني عامله عامله كده.
لمار...بابا انا عايزه اشتغل.🙄
خالد...نعم تشتغلي تشتغلي ابه ان شاء الله في سنك ده وتشتغلي ايه...وبعدين انتي ناقصك حاجه ولا انا مقصر معاكي في حاجه.
لمار...لا والله العظيم حضرتك مش مخليني عايزه حاجه
خالد...امال ايه..
لمار...يابابا عايزه احس اني بعمل حاجه وبعدين عايزه اخف عنك شويه واساعدك...
خالد...بعصبيه هو انا اشتكتلك ولا انتي شيفاني خلاص عجزت ومش قادر اصرف عليكي انتي وامك.
لمار...والله يابابا مش قصدي...
خالد...لمار. الكلام فالموضوع ده مرفوض
لمار...يابابا امال انا بتعلم ليه
خالد...اولا انتي لسه بتدرسي لما تبقي تخلصي دراستك ابقي اشتغلي لاكن طول ما انتي بتدرسي وسنك صغير انسي الموضوع ده فاهمه..
لمار...طيب حتي اقف معاك فالمكتبه واساعدك..
خالد...لمار متعصبنيش..مكتبه ايه اللي تقفي فيها انا كنت بعلمك وبكبرك عشان تشتغلي في مكتبه فالاخر..وبعدين انا مطلبتش منك مساعده لما ابقي اقولك ساعديني وامدلك ايدي... ابقي انزلي اشتغلي ..وقام وقف بغضب... تصبحو علي خير.
ناريمان...استني بس يا خالد ...تعالي طيب حتي اتفرج.
خالد...مش عايز..
ودخل وقفل وراه باب الاوضه بغضب.
اضايقت لمار عشان زعل واتجمعت دموعها في عنيها.
ناريمان...يعني كان لازم سيره الشغل دي يالمار.
لمار...ياماما انا مقصدش ازعله بس بردو انا عايزه اساعده واخف عنه الحمل شويه...
ناريمان...انتي عارفه يالولي انه هيرفض انتي فتحتي معاه الموضوع ده قبل كده بهزار وبردو ساعتها قلب وزعل وراجعه تاني تفتحيه..
لمار...والله مكنش قصدي..
ناريمان...طيب خلاص متعيطيش وروحي يلا راضيه بكلمتين..
لمار...حاضر...
راحت لمار خبطت عالباب... وفتحت كان اعد والدها علي حرف السرير وشكله مضايق..
راحت لمار اعدت جمبه...مبصلهاش
لمار...علي فكره بقي يالودي انت بقيت قماص اوي..
بصلها وبعد عينه عنها..
لمار...والله يابابا مقصدش ازعلك انا عايزه بس اريحك.
خالد...شكرا لخدماتك ياستي انا مش عايز ارتاح.وبعدين مكتبه ايه اللي تقفي فيها انا بعلمك ومدخلك كليه هندسه عشان فالاهر تقفي في مكتبه في مكان شعبي ومليانه شباب. صيع عايزه اللي رايح واللي جاي يعاكس فيكي ويضايقك..
لمار...قول كده بقي ياس لودي. الموضوع موضوع غيره.
خالد...وهو غلط اغير علي بنتي.
لمار. لا مش غلط..فك بقي خلاص متزعلش..خلاص ياسيدي مش عايزه اشتغل بس متبقاش تقول تعبان
خالد...لا مش هقول ملكيش انتي دعوه انا مش عايز منك غير انك تذاكري كويس وبس...
لمار..حاضر يالودي...خلاص صافيه لبن.
بصلها خالد وهو لسه مكشر..
لمار...فك بقي الله.والله اخاصمك. انا عارفه اللي قلبك كده المسرحيات القديمه اللي بتتفرج عليها هي اللي مخلياك بتتخانق مع دبان وشك
خالد...ابتسم...بحب. وضربها علي دماغها... ايش فهمك انتي هو في زي مسرحيات زمان
لمار...طيب هات حضن بقي
خالد...خدها في حضنه...
لمار...يلا تعالي بقي اتفرج..
خالد...عقابا ليكي هتاعدي تتفرجي علي المسرحيات القديمه اللي بتتريقي عليها دي
لمار...انا اللي جبته لنفسي ..امري لله يلا بينا...
بااااااااك.
دياب...لمار. لمار. لمار......
لمار..انتبهت علي صوت دياب وخرجت من شرودها وهي بتمسح دموعها بسرعه.
لمار...هاااا اسفه كنت سرحانه..ومسحت دموعها بسرعه..
انس...انتي كويسه؟؟
لمار...اه اه تمام.
انس...انتي صاحيه من امته.
لمار...انا منمتش
انس...طيب مش قولنا ترتاحي عشان تقدري تبدأي
لمار...اسفه بس مجاليش نوم...عموما متقلقش هقدر اعمل اي حاجه حضرتك عايزها
انس...طيب كلتي حاجه.
لمار...لا مش عايزه
انس...مفيش حاجه اسمها مش عايزه... امبارح بردو مرضتيش تاكلي..انتي تقريبا من ساعت ما جينا امبارح مكلتيش وانتي داخله علي تمارين كتير..وفي حجات محتاجه منك تركيز مينفعش من غير اكل..انا هحضر الفطار...وبعدها نبتدي
هزت لمار راسها بحزن..
مشي دياب... حضر الفطار ليها. وعمل لنفسه قهوه...ونادي عليها...
راحت لمار اعدت جمبه من غير كلام.
دياب...يلا كلي..
لمار...شايفه ادامها الفطار ليها بس وهو ليه قهوه.
لمار...احممم حضرتك مش هتفطر
دياب...لا انا مبفطرش
سرحت... لمار..تاني...
فلاش باااك.
صباح الخير يا نونه
ناريمان...صباح الفل يالولي..يلا اغسلي وشك. علي محضرلك فطارك..
لمار..ايه ده انتي مش هتفطري معايا انتي وبابا
ناريمان...صحي النوم...انا فطرت انا وبابا ونزل كمان المكتبه.
لمار ...بزعل ايه ده يعني هفطر لوحدي
ناريمان...اه عشان تفضلي نايمه واصحي فيكي ومترضيش تصحي.
لمار...خلاص متعملليش فطار.مش عايزه
ناريمان...ليه
لمار...حضرتك عارفه اني مبعرفش اكل لوحدي.
ناريمان...هتنولي من غير ماتاكلي حاجه
لمار...وهي داخله الحمام...مش عايزه
بااااااك..
دياب....لمااااار...
لمار....ايوه.
دياب...انتي هتفضلي تسرحي كده كتير بكلمك ومش بتردي...
لمار...اسفه.
دياب...طيب يلا افطري عشان نلحق اليوم من اوله.
لمار...ممكن نقوم الوقت انا مش عايزه افطر...
دياب...اظن اني قولتلك مش هينفع صح..
لمار... بحزن بس انا مش بعرف اكل لوحدي...
دياب.. ليه ان شاء الله
لمار...كملت وهي سرحانه بحزن انا طول عمري باكل مع بابا وماما
دياب....بعصبيه... ابوكي انتي قتلتيه وامك... رقدت خالص بسببك.. وانتي بقيتي لوحدك انا مش فاضي للدلع ده..اخلصي افطري... وتعالي ورايا...
خد دياب قهوته والسجاير بتاعته وراح وقف بعيد عنها...
اما لمار... فانول الكلام عليها زي الرصاص حست بوجع وحشت ان في حاجه واقفه في حلقها من الوجع..مسكت الميه وفضلت تشرب عشان تهدي الوجع اللي حست بيه..
نزلت دموعها بوجع...خدت ساندوتش وكلت منه براحه ودموعها مش راضيه تقف. كانت عامله زي الاطفال..
اما دياب... فا كان مراقبها من بعيد وفضل يأنب نفسه علي الجمله اللي قالهالها واللي مكنش عارف هو قالها ليه عشان يضايقها ولا عشان يحاول تخليها تتكلم...فضل واقف يتابعها من بعيد وحس بالشفقه والحزن علي شكلها ....
ثواني وخلصت لمار... وقامت راحتله...
لمار....انا جاهزه..
دياب... تمام... تعالي ورايا هنبدأ اول حاجه شويه تمارين ومبادئ الدفاع عن النفس..
هزت لمار راسها..وراحت وراه..
...............
اما في منزل دياب...تحديدا في غرفه عمه...كان اليوم ده اجازه رسميه للشركه
كان رايح جاي فالاوضه بغضب...
وفجأه اتفتح الباب...
حنان... بلا مبالاه.. مساء الخير
عادل...لسه بدري ياهانم..
حنان...في ايه ياعادل مالك بتتكلم كده ليه..
عادل... مضايقه اوي من طريقتي ومش مضايقه من تصرفاتك انتي وبنتك المحترمه..
حنان...في ايه حصل ايه لكل ده...
هادل...في اني زهقت وجبت اخري كل يوم خروج وكل يوم سهر...واليوم اللي متخرجيش تسهري فيه... اصحي من سبعه الصبح ملاقيكيش والوقت راجعه عالعصر.. مشوفتيش اتصلت بيكي كام مره.
حنان...مخدتش بالي التليفون سايلنت وبعدين...انا كنت بشوف الارض الجديده اللي هشتريها وهعمل عليها الچيم والبيوتي سنتر ما انت عارف.
عادل...انا مبقتش عارف حاجه...انا تقريبا مبقاش ليه لازمه ولا في حياتك ولا في حيات بنتك...
حنان...انت مكبر الموضوع كده ليه وبعدين انت ولا عاجبك اسهر ولا عاجبك ارجع علي العصر... انت عايز تتخانق وخلاص..مالك مبقتش طايق نفسك كده علي طول ساكت ومكشر ولو اتكلمت تتخانق معايا انا او ريناد..
عادل ..انا جبت اخري ياحنان ولو في حاجه مسكتاني علي كل اللي بتعمليه فاهو ريناد كفايه البنت بسببك بعيده عني...مش ناقصه ادمر حياتها اكتر ماهي مدمره..
حنان...انت عايز تجيب اي حاجه فيا وخلاص...لو ريناد بعيده عنك فا ده بسببك مش بسببس علي طول بتتخانق معاها وبتعلق علي تصرفاتها ناسي انها لسه سنها صغير ...وبعدين مالك كده مبقتش طايقلي كلمه..وكل شويه تهددني وتقولي مستحملك بس عشان ريناد...ماتفوق ياعادل انت مش عارف انتي بتتكلم معايا ازاي ولا ايه...
عموما انا مش فاضيه لشغل العيال ده انا يادوب اخد شاور وانزل عشان عندي معاد مهم..
عادل....عندك حق انا اصلا بضيع وقت معاكي عالفاضي مفيش فايده..بس صدقيني الغلطه مش غلطتك. الغلطه غلطتي من البدايه ومش هقدر اتكلم ولا اعترض عشان عارف ان اللي بيحصلي ده عقاب من ربنا علي ذنب عملته زمان وانا استاهل العقاب ..
حنان...هنرجع تاني ياعادل للموضوع ده... ايه مش قادر تنسي
عادل...ولا انسي ولا افتكر انا سايبلك الڤيلا كلها وخارج...
خرج...عادل ورزع الباب...وراه بغضب...
حنان...وبعدين معاك ياعادل...كل ما اندم عاللي عملته زمان كلامك يخليني ارجع وابقي مبسوطه من اللي عملته....بس عادي...هو الموضوع خلص من زمان...وريني بقي ممكن يكون في ايه في ايدك تقدر تعمله...وضحكت بشر وخدت هدومها ودخلت عالحمام...
......نزل عادل بغضب مكنش شايف ادامه خد عربيته ومشي..
عاصم... صباح النور يا حبيبتي.
نوال...صباح الخير يا حبيبي..
عاصم...ايه الصوت العالي ده..هو ده عادل
نوال...اه تقريبا كده هو وحنان كانو بيشدو مع بعض..
عاصم...مش هنخلص بقي من الحوار ده..
نوال...ربنا يهديهم.
عاصم...عادل صعبان عليا اوي...ديما حزين وديما شايل الهم..مش عارفه لحد امته هيفضل كده..
نوال...صراحه حنان مزوداها اوي وهو ليه حق..دي تقريبا مبتأعدش فالبيت... ولا هي ولا ريهام...
عاصم...ربنا يكون في عونه دي لو مراتي كنت طلقتها.
نوال...حرام ياعاصم انت ناسي ان بينهم بنت ولسه صغيره..ريهام
...طايشه ومحتاجه اب يكون معاها..متقولش كده ادامه عشان ميحطهاش في دماغه اكتر
عاصم...يعني انا هقوله كده برده...انا بتكلم معاكي
عاصم....هو راح فين
نوال...معرفش لما خرج متعصب مرضتش اكلمه...
عاصم...ربنا يريح بالك ياعادل...
نوال...يارب...
عاصم...فين ريناد.
نوال...كانت معايا من شويه طلعت اوضتها. تكلم ياسمين...
عاصم...طيب اعمليلي فنجان قهوه وتعالي ناعد بره شويه..
نوال...ماشي ياحبيبي روح وهاجي وراك...اقفل بس الچاكت الجو بره برد.
عاصم...بحب...حاضر ياروحي..
............
اما عند...لمار.. ودياب...
دياب....لا كده غلط...اعملي الحركه صح عشان انتي متتأذيش..
دياب...يلا 1 2 3
ضربت لمار بايدها...جامد وعملت الحركه صح..
دياب...تمام...بصي بقي هعلمك حركه جديده فالدفاع عن النفس...
اهم حاجه تكوني عارفه ان الخصم اللي ادامك. عنده نقط ضعف.. وفي 3 حركات ممكن يخلوكي بسهوله تشلي حركه اللي ادامك او تعطليه عشان يكون عندك فرصه تهربي..وهما
العين...ومنطقه الركبه... وتحت الحزام..
العين... بتقدري تتحكمي فالخصم عن طريق ايدك... وبصوابعك الكبار دول بتحطيها بالطريقه دي. وتضغطي بأقوي حاجه عندك ولازم متاخديش فيها اكتر من 20 ثانيه لان لو هو اتحكم فيكي قبل ما تتمكني من غرز صوابعك كل حاجه هتبوظ وطبعا الحركه دي مميته يعني بعدها تقدري تهربي بسهوله لانك باختصار هتكوني بوظتي عينه والالم اللي هيكون حاسس بيه مش هيخليه يلحقك ولا حتي يشوفك...
اما تاني...حركه. وتالت حركه... تقدري تختاري منهم يعني لو الخصم... ماسكك
موجهه مثلا علي دماغك مسدس او سكينه وضهرك ليه بالشكل ده..
ومسك لمار... وقفها ادامه وضهرها لصدره ومكنش فاصل بينهم اي حاجه..
حست لمار بالاحراج والتوتر الشديد...
دياب... عشان تقدري تهربي من الوضع ده...ادامك اختياريين اولهم...
انك ترفعي رجلك دي كده..
ووطي دياب رفع كعب رجلها...وحطه علي ركبته..
وتضربي بكل قوتك علي الركبه وتكسريها...وبسرعه جدا تلفي..ولفها ليه ووشها بقي في وشه..
دياب...تستغلي الوجع والالم اللي سببتهوله وترفعي رجلك وتتني ركبتك بالشكل ده.
دياب... كان بيمسك رجلها وجسمها وهي مغيبه مش قادره تتكلم وحاسه بالاحراج ووشها احمر من الخجل..
دياب... وبكل قوتك تضربيه بركبتك تحت الحزام..
فهمت لمار اللي يقصده... نزلت عينها للارض وبايده رجعت شعرها ورا ودنها..
دياب.. باصصلها وشايف توترها واحراجها...بس مكمل عادي عشان متتحرجش..
دياب... فهمتي حاجه..
لمار...وهي باصه للارض هزت دماغها...
دياب... تمام...الوقت.. كل الحركات اللي قولتهالك من شويه والتلاته اللي زودناهم هنعملهم مع بعض...بس بشرط كل الحركات دي تتعمل في اقل من دقيقه. تقدري.
لمار... باحراج هحاول
دياب.. تمام..
ابتدا معاها دياب... بضربها لكمه.. اتفادتها لمار...
وفضل يسسدلها ضربات اغلبها لكمات وهي تتفاداها علي اد ما تقدر وطبعا نظرا لضخامت جسم دياب وضعف جسم لمار بالنسباله كان الموضوع صعب خصوصا انها لسه بتتعلم...
وجت عند حركه العين...
دياب... لا غلط... اولا انتي بتعمليها بايدك الاتنين مش بايد واحده بس مؤقتا سيبك من الحركه دي الوقت هنتدرب عليها لوحدها.علي تمثال عشان تقدري تتحكي فالعين كويس.
لمار...حاضر..
دياب... الوقت هنعيد كل ده تاني بس ياريت زي ما قولتلك اولا تتعمل في اقل من دقيقه ثانيا
ثانيا انتي ممكن تكوني فاهمه الحركه وبتعمليها صح.. بس انتي عايزه تقنعيني ان لو اتعرضتي للموقف ده بجد هتعمليها بالشكل ده.
لمار...مش فاهمه
دياب... يعني ايدك دي انتي بتضربي طفل انا بس عايز افهمك حاجه يمكن تكوني شيفاني كبير بالنسبالك او ضخم بس احب اقولك انك ممكن تتعرضي للموقف ده مع واحد اضخم من كده وساعتها كل الضربات دي مش هتفيدك لانك باختصار مش هتاخدي في ايده ثواني.
لمار... بس يعني حضرتك الوقت مش خصم او عدو.
دياب... وانا عايزك تشوفيني خصم وعدو عشان اتأكد انك فالامان نشفي ايدك دي شويه واضربي بكل قوتك
افتكري ديما ان الشخص اللي ادامك ده... لا يموتك يا تموتيه.. مفهووووم.
لمار...حاضر...
دياب...ابتدا يضرب من تاني... ويسسدلها لكمات ولمار تتفادها وتردهاله... لكن دياب مكنش راضي بردو عن ادائها فا حب يستفزها اكتر عشان تضرب
دياب.. وهو بيضرب... ايه ده اخرك
لمار بقت تضرب اجمد شويه.
دياب. انا شايف ان حاتم باشا بيضيع وقته معاكي..
لمار..بتضرب اكتر...
دياب... اللي يشوفك يقول عليكي جامده بس انتي ضعيفه..
لمار...حست بالاستفزاز منه...بقت تضرب اكتر...
دياب...ايه مش واكله كويس ولا ايه...
نسيت..انك مبتعرفيش تاكلي غير مع بابا وماما... دياب حس انها ابتدت تتعصب والغضب يعميها وايدها ورجلها ابتدو يجمدو كان بيتفادي ضرباتها علي اد ما تقدر عشان متأذيهوش خصوصا انها وصلت لمرحله خلاص مش شايفه ادامها...
فاللحظه دي...لمار..الغضب كان عاميها..
دياب...فين بابا اللي قتلتيه يجي يشوفك وانتي مش قادره حتي تاخدي نفسك ...
ولف دياب ضهرها ليه..اما لمار كانت في دنيا تانيه ومفيش في دماغها غير ملامه وغير الحادثه ووصلت لمرحله
اللاوعي وبكل قوتها لمار.... ضربته في ركبته...وفأقل من ثانيه كانت لفت ورفعت ركبتها وبكل قوتها وبكل الغضب اللي جواها... صرخت. وضربته تحت الحزام...
وقعت دياب.. بركبته وهو ساند عالارض وبيتألم..
وبعدت لمار.. خطوات لورا... وهي بتاخد نفسها بسرعه رهيبه والمكان كان عباره عن صوت هوا. شديد مع صوت نفس لمار... وبصاله بغضب.. ومش في وعيها وتحت تأثير الغضب ...
دياب...بيحاولويقوم وهو بيتألم
فاقت.... اخيرا وهي شايفاه بيتألم.. مكنتش عارفه تقولو ايه وكانت خايفه منه..
لمار... ااانت كوييس اانا اسف... حضرتك اللي استفزتني...
دياب... قام وهو بيبصلها وعلامات الالم ظاهره علي وشه...
دياب... محصلش حاجه انا تمام... وعارف اني استفزيتك بس كان لازم اشوف اخرك .
لمار...يعني كويس ولا وحش.
دياب... كويس جدااا
يلا التمرين اللي بعده
.....................اما عند انس وكارمن...
فضل انس طول الوقت اعد جمبها بيراقبها.. الوقت بقي 9 بليل ولسه مصحيتش
كارمن... اتقلبت فالسرير... فتحت عينها ببطئ وهي ماسكه دماغها...ومش فاكره حاجه..
فتحت عينها وبصت باستغراب للمكان ابتدت تشوفه بشكل اوضح...قامت بسرعه وهي ماسكه دماغها...وانتبهت للصوت.
انس... براحه انتي كويسه.
كارمن....انت هنا ازاي انا فين ايه اللي جابني هنا
...انااااا وابتدت تفتكر كل اللي حصل.
انس... متخافيش ياكارمن...انتي تعبتي واغم عليكي انا جبتك هنا عندي وجبتلك الدكتور انا مكنتش عارف اتصرف بس انتي هتبقي كويسه...طمنيني عليكي حاسه بايه.
كارمن. كانت بتسمعه لاكن كل حاجه حصلت الصبح بترجع لذاكرتها براحه وافتكرت كل حاجه ثواني وعينها اتجمعت فيها الدموع...ونزلت براحه علي خدها....لمااار....لمااار ماتت بجد..
قام انس...اعد جمبها عالسري...
دياب...كارمن من فضلك اهدي شويه حاولي تدعيلها هي حاسه بيكي الوقت
كارمن....لماار ماتت ماتت خلاص...
انا قلبي واجعني اوي..
انس....عارف وحاسس بيكي ومقدر موقفك وانا لو مكانك صدقيني هبقي زيك انا كمان مقدرش اتخيل ده يحصل لدياب...بس صدقيني ده مكتوب مش كده مينفعش نعترض علي حاجه ربنا كاتبها مفيش حاجه في ايدنا غير اننا ندعي..
كارمن.... انا مبقاش في ايدي حاجه خالص انا انتهيت عارف يعني ايه انتهيت مبقاش في حاجه في ايدي خلاص... كل حاجه اتهدت من اول ما لمار اتقبض عليها وانا اتهديت معاها وكملت بموتها اللي كمل عليا
انس...انتي اقوي من كده يا كارمن وبعدين لمار موصياكي انك تكملي عشانها...
كارمن...عمرك شوفت حد عايش من غير قلب ...لمار خدت قلبي قولي هكمل ازاي...وانا من غير قلب...لمار وصتني بحجات هي عارفه اني عمري ماهعملها غير وهي معايا قولي الوقت هعملها ازاي وهي مش معايا....لمار سابتني في الدنيا لوحدي كانت هي السند والحب والروح...هي راحت وخدت كل ده معاها والاهم في كل اللي خدته ده كان السند اللي مكنش موجود غير بيها..
انس...كارمن... اعتبريني حد قريب منك او حاولي تعتبريني زي لمار او حتي مش لازم زيها اعتبريني صاحب جديد في حياتك تتكلمي معاه تفضفضي تعيطي تصرخي تتحامي فيه ويكون واقف في ضهرك...صدقيني هكون ديما معاكي....
كارمن.... انا بموت من غيرها انا جوايا حاجه بتوجعني اوي....
قرب منها انس...وخدها في حضنه...
انس....عيطي ياكارمن...عيطي خرجي كل اللي جواكي وواجعك...
فضلت كارمن تعيط بصوت عاللي وهي منهاره..
وهو يضمها ليه اكتر....
لحد ما فات وقت وهديت كارمن شويه...وخرجت من حضنه...
شكرا..ليك بجد شكرا علي كل حاجه عملتها وشكرا علي وقفتك جمبي...شكرا عشان دافعت عني مرتين ادام بابا...انا لازم امشي الوقت متأخر وانا مرجعتش من ساعت ما نزلت معاك...اكيد قلقانين عليا...واكيد بابا مش هيسكت..
انس...متقلقيش.. انا بعت حد يشوف الشارع اخباره ايه خصوصا بعد ما اتعرف الخبر هناك...ومتقلقيش والدتك خرج من البيت واكيد هيرجع الصبح زي ما بيرجع...
كارمن.... وقفت... اشوف وشك بخير.
انس....انا هشوفك ياكارمن...
كارمن...اللي كنت بشوفك عشانها راحت خلاص بلاش ادخلك في حياتي اكتر من كده بلاش ادخلك في مشاكلي...
انس...وانا موافق علي فكره احنا اتفقنا نكون صحاب... ويمكن لمار كانت السبب في اني اشوفك بس بردو هي وصتني عليكي هكلمك ديما وهسأل عليكي وانتي كلميني حتي لو كل شويه واي وقت تحتاجي اي حاجه كلميني...واوعي تترددي...ماشي ياكارمن..
كارمن...بابتسامه حزينه...حاضر...
انس...امسكي ياكارمن... ده العلاج اللي الدكتور كتبهولك...خديه بانتظام ...وانا هسأل عليكي واي وقت متعرفيش تردي ابعتيلي رساله اتفقنا.
كارمن...حاضر...
انس...يلا عشان اوصلك.
كارمن...لا خليك متتعبش نفسك... انا هروح لوحدي..
انس...الساعه قربت من 10 مينفعش اسيبك خصوصا وانتي فالحاله دي...يلا تعالي هنزلك قبل الشارع بتاعك متقلقيش.
كارمن...حاضر.....
نزل انس...وكارمن...مع بعض ركبو العربيه...كارمن طول الطريق سانده راسها عالشباك...وهي سرحان فالطريق...ودموعها نازله.....
اما انس..كان كل شويه يبصلها وحزين عشانها....وكأنها اتبدلت ومش هي اللي كانت واقفه بتتخانق عشان لمار فالشارع...اتحولت لطفله ضعيفه تايهه وسط الدنيا لوحدها....
بعد وقت بسيط...وصل انس
كارمن ..تعبتك معايا شكرا.
انس...تعبك راحه وقولنا مفيش بينا شكرا احنا بقينا صحاب صح.
كارمن....وهي بتهز راسها صح..
انس...يلا انزلي وادخلي البيت علي طول...عشان متتأخريش..
كارمن....حاضر سلام وفتحت الباب ونزلت...مشيت ادام انس... بحزن وضعف وفي ايدها رساله لمار... وشنطه الدوا..
فضل انس...واقفلها... لحد ما اختفت من ادامه..
خبطت كارمن علي الشقه...
مني...افتحي الباب بسرعه يا چنا يمكن تمون اختك..
جريت...فتحت چنا اختها...هي ماما..
جريت..عليها مني...
كارمن.. كنتي فين انتي كويسه..
كارمن...جريت عليها واترمت في حضنها...
لمار ماتت ياماما خلاص ..
فضلت تغيط هي ومني اللي عرفت الخبر زيها زي باقي الشارع...خدتها مني نيمتها عالسرير وفضلت اعده جمبها... تقرالها قرأن لحد ما نامت وهي حاضنه رساله لمار...
...........اما عند...دياب ولمار
دياب....كده احنا خلصنا تمارين انهرده مفضلش غير اخر تمرين...
... هتلفي التراك ده 10 مرات وهشغلك الستوب ووتش تخلصي العشر مرات في 3 دقايق..
لمار...وهي بتبرق... 3 دقايق استحاله طبعا....انا اصلا مش سريعه...وبعدين انا انا تعبت اوي
دياب... تمام يبقي اخرج روك ونعرف اذا كنتي سريعه ولا لا...
لمار... باستفهام... روك مين.
راح دياب علي اوضه صغيره خرج ومعاااه كلب ضخم انيابه ظاهره بشكل يخوف....
دياب.....بابتسامه مستفزه... روك ده.... صاحبي...وعايزه اقولك انه بيعرف يلف التراك ده 10 مرات بالظبط في دقيقه ونص...😉😉👌
لماااااااار..