رواية متيمه بعشق الادم الفصل الاول والثاني
بقلم شهد جاد
صلوا علي النبي
♕♕♕♕♕♕♕♕♕♕
ماشيه في الشارع والدموع علي خدها مش حسه
بالدنيا ولا بالناس ولا هي عرفه راحه فين كانت بتتمنا الموت بس متسمعش الي اتقال نفسها تقول باعلي صوت انا تعبت و فجاه شافت نور وساعتها فاقت من الي كانت فيه بس فضلت واقفه مكانها مش مستوعبه الي بيحصل عربيه جايه باعلي سرعه بس عدت من جنبها ودراعها بس الي اتخبط و العربيه خبطت في الشجره ونزل صاحب العربيه
بجسمه العريض يجري عليها وهو بيقولها
_ انتي كويسه؟ انتي كويسه؟؟!
بس مردتش عليه كانت بتعيط من الخوف
قربلها ورفع رئسها بايده
وقالها بخوف: طب بتعيطي ليه في حاجه وجعاكي؟
قالت في وسط دمعها: انا كويسه بس ووقعت
مغمي عليها
مكنش عارف يعمل ايه هو دكتور بس كان حاسس
ان الدنيا كلها وقفت في اللحظة دي كان خايف عليها اوي ومش عارف لي حس انها مسؤوله منه حاول يطلع بيها علي مستشفي بس عربيته عطلت فعملها اسعافات اوليه
واتصل بالاسعاف
♕♕♕♕♕♕♕♕
عند اسيل
♕♕♕♕♕
( اسيل صاحبه سيلا وبتحبها جدا اكتر من اختها هما يعرفو بعض من ايام الطفوله و متربين مع بعض و كل اسرارهم عند بعض😻💘)
كانت عماله تتصل علي سيلا وبيديها مقفول
ناهد وهي مامت اسيل: أهدي تلاقي
تلفونها فاصل شحن
اسيل بقلق:ياماما دي قالت هتقعد علي البحر شويه و خرجه من الساعه 9 والساعه بقت 11 ونص ازي مرجعتش لحد دلوقتي وتلفونها مقفول
ناهد: انشاء الله مش هيحصل حاجه لها بس أهدي
شويه وهتلاقيها جايه
اسيل وهي تحاول تهدا: ماشي يارب تكون كويسه
♕♕♕♕♕♕♕♕
في المستشفي ♕♕♕♕♕♕
ادم وهو يحاول فتح تلفونها علشان يكلم اي
حد من قرايبها واخيرا فتحه واتصل علي اخر حد رن عليها
بس قبل ما يرن تلفونه رن
ادم: ايو يا اسر في ايه
اسر بهزار: في ايه يعم هو انت تتخانق وتجي
تطلهم عليا انا
ادم: انا ما تخانقتش اصلا
اسر: امال في ايه يا انت صوتك مش عاجبني
ادم: مفيش شويه مشاكل اقفل بس دلوقتي علشان مش فاضي
اسر: في ايه يا صاحبي انت عارف اني مش هقفل غير لم اعرف
ادم بنفاذ صبر: في حد بيحاول يموتني و المشكله انوا كان هيضيع روح وحده ملهاش ذنب في حاجه
اسر بصدمه: ازي يعني مين الي عايز يموتك ده؟!
ادم: دي حكايه كبيره اوي وانا مش فاضي بس انا لازم اعرف مين الي عايز يموتني
اسر: طيب انا جيلك ولازم اعرف الحكايه كلها سلام
ادم: سلام
اول ما اقفل فتح تلفونها و اتصل علي اخر حد كان رانن عليها
♕♕♕♕♕♕♕♕
عند اسر
♕♕♕♕
الي اول ما قفل مع ادم قام دخل الحمام ولبس ونزل
كانت مامته قاعده في الصاله بتتفرج علي التلفزيون
اسر: ماما انا رايح ل ادم ومش هتاخر عايزه حاجه اجبهالك وانا جاي
حنان وهي مامت اسر: لا يا حبيبي تروح وتيجي بالسلامة
قرب اسر علي امه و باس رأسها و بعدين ماشي
♕♕♕♕♕♕♕♕♕♕
عند اسيل
♕♕♕♕♕
كانت قعده جنب الموبايل مستنيه اي اتصال من سيلا
محمود وهو والد اسيل: ما عرفتيش حاجه جديده يابنتي
اسيل بقلق: لا يا بابا ماتصلتش خالص وكل ما اتصل
مقفول
ناهد:يا تري اي الي حصل دي عمرها ما أذت حد يارب تكون كويسه
اسيل:: تعاله يابا ننزل ندور عليهاا
وقطع كلامهم تلفون اسيل
محمود شوفي كده يارب تكون هي
اسيل: الو كده يا سيلا تخوفيني عليكي
ادم: انسه اسيل انا دكتور ادم وكنت عايز اقول
ان الانسه صحبه التلفون ده عملت حادثه
اسيل بصدمه ودموع مش مستوعبه الكلام : عملت حادثه ازي يعني لا مستحيل
ادم: انسه اسيل اهدي هي محصلهاش حاجه
هي بس دراعها الشمال في شرخ بسيط نتيجة
ارتطمها في العربيه بس هي حالتها النفسيه زي الزفت
بس هي لو اهتمت بصحتها كويس وكلت كويس هتبقي
احسن مني ومنك بس فياريت نبلغ حد من اهلها
اسيل: طيب ممكن عنوان المستشفي
ادم: اكيد طبعا العنوان في.............
اسيل: تمام شكرا جدا لحضرتك
♕♕♕♕♕♕♕♕♕♕
عند سيلا
♕♕♕♕♕
ادم كان بيفحصها وهي ابتديت تفوق
سيلا وهي تفتح عينيها بالم:ايه الي حصل؟انا فين؟
ادم الي كان سرح في عيناها العسلي : انتي في المستشفي
اما بقي ايه الي حصل فا دي حكايه كبيره ونصها عندك
سيلا بتعجب: عندي انا ازي وانت مين اصلا؟
ادم بطريقه مسرحيه احب اقدملك نفسي انا دكتور ادم والي خبطك وانتي
سيلا بضحك: اسمي سيلا بس ازي خبطني
ادم:انا مش هحكي مرتين قوليلي انتي ايه سبب
خروجك من بيتك بليل كده وعلي ما اعتقد كنتي بتعيطي
سيلا و علمات وشها اتغيرت بعد ما افتكرت الي حصل معاها : عادي كنت جعانه ونزلت
اجيب اكل بس.
ادم ولاحظ علمات وشها الي اتغيرت: اكل بس
سيلا وهي تغير الموضوع ومش عارفه تقول ايه:: اه اكل وبعدين انت مالك
وانت معندكش حلات غيري وله اي
ادم عرف انها مش عوزه تتكلم: طيب يستي انا همشي بس متزوقيش
خرج ادم من عندها وهو بيفكر فيها وعايز يعرف اي الي حصلها
♕♕♕♕♕♕♕♕♕♕
عند اسيل
♕♕♕♕♕
كانت ماشي في الشارع وبدور علي العنوان
و بصه في التلفون وهي ماشي علي شان ماتمشيش غلط
وفجاه خبطت في واحد و التلفون وقع من ايدها
اسيل: انت انسان غبي التلفون الله يخرب بيتك
الشاب: انتي الي غلطانه وكمان مش عجبك ده انتي قليلة الزوق صحيح
اسيل:انا قليلة الزوق امال انت تبق ايه
الشاب: انتي عاوزه تتخانقي وخلاص
اسيل بعصبيه اكبر: اكيد مش عاوزه اتخانق مع واحد زيك
الشاب: لا انا مش ناقص شغل عيال انا ماشي
اسيل: قصدك ان انا عيله
الشاب مشي و مهتمش ليها اصلا
اسيل بعد ما مش: هي ناقصه اشكالك
ودخلت الاستقبال بسرعه علشان تسال علي صحبتها
♕♕♕♕♕♕♕♕
عند ادم
♕♕♕♕
كان بيتابع حلات بس دماغه وتفكيره كله كان معاها هي
كان بيسال نفسه هي ليه شاغله تفكيري كده؟ وليه عاوز اعرف ليه كانت بتعيط؟ هي ليه مش عايزه تخرج من بالي؟!!!
و قطع تفكيره دخول اسر
اسر: ادم انت كويس؟! واي الحوار ده
ادم: مافيش حاجه يعم انا كويس اقعد بس
اسر: هو ايه الي مفيش حاجه انت قولت ان في حد عاوز يموتك مين ده يا صاحبي وهيعمل كده ليه
ادم بتفكير: مش عارف ومش قادر افكر
اسر: طب انت عرفت ازي ان في حد عاوز يموتك
ادم: انا كنت راجع من المستشفي وفجئه لقيت واحده قدام عربيتي لفيت بسرعه علشان ماخبتهاش فخبط في شجره
اسر: ايون بردوا اي دخل ده ب ان في حد عاوز يموتك
ادم: ما انا لم جيت افرمل الفرامل كانت مش شغاله
اسر: لازم نعرف مين الي عاوز يعمل كده وهيستفاد ايه
ادم بنظرت شر للفكره: هنعرف يا اسر
اسر: بص احنا اول حاجه نبلغ الشرطه
ادم:وهنبلغهم نقلهم ايه واحنا لسه مش عارفين مين الشخص ده اصلا
اسر: يعم ما هو ده شغلهم بقي
ادم:: لا محدش هيعرف بالحصل ده والكلام خلص لحد
كده
اسر:: هو انت شاكك في حد
ادم:: بصراحه اه بس لو طلع هو فعلا والله مش هسيبه
♕♕♕♕♕♕♕♕
عند سيلا
♕♕♕♕
كانت قعده سرحانه في الي حصل معاها
وقطع شرودها اسيل وهي بتجري عليها وبتعيط: سيلا مالك ايه الي حصل
سيلا بعد ما استوعبت : يا بنتي اهدي انا كويسه والله متعيطيش خلاص
اسيل وهي بتمسح دموعها: طب لو انتي كويسه زي مبتقولي ايه الي مقعدك في المستشفي
سيلا وهي عارفه انها مش هتسكت غير لم تعرف كل حاجه وتطمن عليها
سيلا: بصي انا هقولك علي كل حاجه بس توعديني انك هترجعي معايه القاهره تاني و مش هنقعد هنا ماشي
اسيل: بس لسه الاجازه مخلصتش
سيلا: ما انا عرفه بس انا مش هقعد هنا تاني
اسيل: هنشوف الموضوع ده لما نروح المهم اعرف ايه الي حصل
سيلا: ماشي بصي.. وقطع كلامها دخول
ادم: ها عمله ايه دلوقتي
سيلا: الحمدالله بس هو انا هخرج امتا
ادام: هو انتي تقدري تخرجي دلوقتي عادي بس يبقي احسن لو استنيتي للصبح علشان الوقت اتاخر
ولازم تخدي بالك من اكلك شويه...
ودخل اسر عليهم وهو بيقول: بقي انت هنا يعم وانا عمال ادور عليك بره
ادم لف ل اسر: ايه هطير يعني بشوف الحلات الي عندي هو انا ذيك ولا ايه
اسر:٠ ايه يا باشا مش قدام الناس طيب وبيشاور ع سيلا فشاف اسيل
انتي
اسيل من اول ما دخل كانت نفسها تقوم تضربه اصلا 🔪🔪بس كانت سكته علشان هما في مستشفي وكده يعني
اسيل بغيظ منه : اي شوفت عفريت
ادم و سيلا في نفس الوقت : انتو تعرفوا بعص
اسر ببرءه: اه اصل هي خبطت فيه وانا داخل المستشفي وفي الاخر قعدت تشتم
اسيل: انا الي خبط فيك بردوا ده انت كنت هتكسر الفون بتاعي
ادم و سيلا كانو مش عرفين يعملو ايه معاهم
سيلا: بببببببس ايه خلاص يا جماعه
ادم: كده عيب احنا في مستشفي
اسر بغيظ : هي الي عصبتني
اسيل برفعت حاجب : والله طب انا مش هرد عليك
ادم وهو بياخد اسر علشان يمشي: احنا اسفين لو كنا سببنا ازعاج وانتي تقدري تخرجي في اي وقت والف سلامه عليكي
سيلا بعد ما مشيو: ينفع الي حصل ده
اسيل: انا مالي هو الي عصبني وبعدين كان هيكسر الفون
سيلا: انا اصلا ولو قعدت اتكلم معاكي للصبح مش هتفهمي صح يلا خلينا نمشي انا تعبانه وعاوزه اروح انام
اسيل: يعني مش هتقوليلي علي الي حصل معاكي بردو
سيلا وتعبير وشها اتغيرت بس رجعت ابتسامتها تاني علي شان اسيل : بقولك عاوزه انام
اسيل: بس احنا مش هينفع نروح دلوقتي استني للصبح احسن
وقطع كلمهم رنت تلفون اسيل: دي ماما وردت عليها
اسيل: ايو يا ماما
ناهد: عملتي ايه يا بنتي و سيلا عامله ايه
اسيل: متخفيش يا ماما هي كويسه
ناهد: هتيجو الصبح يعني
اسيل: مش عرفه سيلا عاوزه تروح دلوقتي
ناهد: بس الوقت متاخر يا بنتي
اسيل: مش عرفه لسه اقفلي وانا هشوف هنعمل ايه
وقفلت ناهد واسيل بصت ل سيلا : خلينا للصبح احسن
سيلا باعترض: لا يا ستي انا كويسه اطلبي (اوبر)
يوصلنا لحد البيت
اسيل: بس الوقت اتاخر اوي
سيلا: عادي احنا هننزل نركب العربيه تنزلنا قدم البيت
اسيل بقلة حيله: ماشي ومسكت الفون وطلبت (اوبر)
وكان في عربيه قريبه من مكان المستشفي وقالت ل سيلا ربع ساعه ويوصل
الفصل الثاني
❀❀❀❀❀❀❀❀❀❀
صلي علي النبي
♕♕♕♕♕♕♕♕♕♕
عند اسيل وسيلا
♕♕♕♕♕♕♕
خرجو من المستشفي علي شان يروحو لبيت
اسيل: يعني بردوك مش هتقوليلي ايه الي حصل
سيلا: هقولك علي كل حاجه بس مش دلوقتي
اسيل: ماشي هسيبك برحتك بس علي شان تعبانه
سيلا: ماشي
اسيل: هو انتي ازي هتقولي ل بابا وماما علي موضوع رجوعنا القاهره ده
سيلا وصوته ابتد يعلي : عادي يعني ما انا مش هقعد هنا تاني
اسيل: خلاص اهدي طيب لم نروح بس هنشوف الموضوع ده
سيلا: انا هقولهم كده كده
اسيل بتسائل: هتقولي علي ايه بظبط
سيلا بتفكر في كل حاجه : بصي من الاخر كده علي شان انا مش قدره اتكلم كتير الموضوع كله
يخص وسكتت سيلا عند الكلام بسبب انها كانت هتعيط وده الي قلق اسيل عليها اكتر
اسيل : يخص مين انا مش فهما حاجه
سيلا بدموع محبوسه في عنيها: احمد طلعه متفق مع صحابه عليه
اسيل بصدمه: ازي و يعني ايه متفق عليكي
سيلا:: بصي انا هقولك كله حاجه من الاول علي شان انتي متعرفيش حاجه اصلا،.
اسيل: ماشي قولي
سيلا: مش انا قولتك قبل كده انه كل ما يشوفني يجي ويحاول يتكلم معايه وانا مش برد عليه
اسيل: ايوه ما انا عرفه الكلامه ده ايه الجديد يعني
سيلا: بصي انا في الاخر قررت اني ارد عليه علي شان اشوفه عاوز ايه ويبعد عني
اسيل: اه وبعدين
Falash Back
احمد:: مش ناويه تردي عليه بردوك
سيلا::.............
احمد وهو بيمسكها من ايدها:: استني بس هقولك علي حاجه
سيلا وهي بتسحب ايدها منه:: انت مين سمحلك انك تلمسني اصلا
احمد علي شان يفتح معها اي كلام فهو كل يوم يقف يكلمها وهي مش بترد عليه:: بصي يا بنت الناس انا مش بعكسك انا بحبك فلو ينفع يعني نقعد مع بعد في اي مكان علي شان عاوز اتكلم معاكي في موضوع مهم
سيلا بصوت عالي:: ومين قالك اني هوافق اصلا ولو عاوز تتكلم اتكلم هنا
احمد:: طب بصي تعالي نقعد في الكافيه الي علي البحر و ده مكان عام
سيلا بتفكره :: و هتبعد عني بعد كده
احمد:: نتكلم بس ونشوف الموضوع ده
سيلا بتفكير يمكن لم يقول الكلمتان اللي عنده يبعد عني :: ماشي بس مش هشوف وشك تاني بعد كده
احمد وفق علي شان دي اهم نقطه عنده انها توافق تكلمه
______________________
في الكافيه
_________
احمد:: بصي انا بحبك وكنت عاوز اجي اتقدم لعمي محمود بس بصراحه انا لسه في كام حاجه كده لزم اجهزهم الاول
اسيل:: طب وانا المفروض العمل ايه بقي
احمد:: يا سيلا بقولك بحبك تقوليلي كده
سيلا:: اولا انا معرفكش اصلا ومش بحبك
احمد:: ما انا جيبك هنا علي شان اكلمك في كده
سيلا بعدم فهم:: ده الي هو ازي بقي
احمد:: بصي يا ستي انا علي شان اكمل الي فاضل واجي اتكلم مع عمي محمود فاضل اسبوع ممكن في الاسبوع ده احنا نتكلم علي شان نتعرف علي بعض اكتر ولو في اخر الاسبوع ده انتي محستيش براحه نحيتي قوليلي وانا هبعد عنك خالص ومش هتشوفي وشي تاني
سيلا بتفكير هي عمرها ما حد قال ليه كده وهو شكله بيحبها طب وايه يعني انا هوفق ولو ما حبتوش هقوله وهو هيبعد عني زي مقال
سيلا:: موفقه
احمد بفرحه هو قدر يتضحك عليها ودلوقتي يقدر يكمل خططه:: تمام كده حلو اوي تعالي بقي اوصلك علي شان متتاخريش علي البيت
سيلا:: ماشي
ووصلها البيت با العربيه
بليل في اوضه سيلا بعد ما اسيل نامت اتبعتلها رساله من رقم غريب بتقول ( حبيبت قلبي عمله ايه دلوقتي
اوعي تعملي بلوك انا احمد )
سيلا بصت للرساله بفرحه وردت عليه :: الحمدالله كويسه
احمد:: ايه الي مصحيكي لحد دلوقتي
سيلا:: عادي مش جايلي نوم
احمد:: طب اطلعي البلكونه كده
سيلا بتسائل:: ليه
احمد:: اطلعي بس
طلعت سيلا البلكونه وبعدين تلفونها اعلن عن وصول رساله جديده فتحت التلفون وكان احمد::بصي قدامك و هتشوفينى
وفعلا لم بصة لقيه قدمها( هو اصلا ساكن في العماره الي في وشهم😊)
سيلا:: سكتت مكنتش عرفه تقول ايه اصلا
احمد:: مالك سكته ليه
سيلا:: عادي يعني
احمد:: طب مش عوزه تتعرفي عليه
سيلا بغباء:: لا عوزه
احمد:: طب بصي يا حببتي انا احمد
سيلا قطعه:: ما انا عرفه انك احمد وبعدين؟
احمد ضحك :: طيب عند 29سنه يعني اكبر منك ب8 سنين وشغال في شركه بابا وكمان بحبك جدا جدااا
سيلا فضلت سكته مش عرفه تقول ايه ما هي اول مره حد يقول لها بحبك
احمد:: ايه هنفضل سكتين كتير ولا ايه
سيلا بسرعه:: س سلام علي شان هروح انام وقفلت وبعدين دخلت من البلكونه قعده علي السرير وكانت حسه احساس غريب مكنتش عارفه هو ده حلو ولا و حش بس قالت انشاء الله خير والفجر اذن وقامت تصلي ودعت ربما ان لو في خير ينولهوي ولو في شر يبعدو عنها ودخلت تنام
___________
عند احمد
بعد ما قفل مع سيلا اتصل بصاحبه
احمد:: وقعتها يسطا
صاحبه:: يبن اللعيبه عملتها ازي دي
احمد:: علي شان تعرف اني مش اي حد
صاحبه:: طب وبعدين يسطا هتقولها امتا انك بتلعب بيها اصلا
احمد:: يسطا اصبر بس لم تصدق علي الاخر
صاحبه:: لم توصل للاخر يبقي كسبت التحدي
احمد::اخر التحدي الاسبوع ده يوم الخميس هجبها قدمك انت وشلة كلها وهقولها ان كل ده كان تحدي اوك
صاحبه:: اوك مستني اليوم ده يا صحبي.
___________
وفضل كل يوم يتصل بيها بليل و يقعد يتكلم معاها و يبعتلها رسايل علي شان محدش ياخد ماله انها بتكلمه .... و في يوم كلمها بليل
احمد:: حببتي وحشتيني اوي اوي
بقولك بكره اخر يوم في الاسبوع
يعني لزم تقولي هتكملي معايه ولا لا
سيلا كانت عاوزه تقوله انها حبته بس كانت مكسوفه :بص انا يعني
احمد:: انا مش عاوز اسمع منك حاجه انهارده بكره تيجي تقبليني في الكافيه اللي جنب البحر وتقولي اذا كنتي حبه تكملي معايه ولا لا
سيلا:: بس انا مش هعرف اخرج بكره هقول ل بابا وماما ايه
احمد وهو عامل زعلان :: معرفش بقي قولي اي حاجه علي شان لو هنكمل مع بعض هكلم عمي محمود تاني يوم في الجامع في صلات الجمعه
سيلا هي مش عاوزه تزعله بس مش عرفه هتقول ايه لاهلها بردوك وبعدين جتلها فكره
سيلا:: طيب هحاول بس علي الساعه كام كده
احمد:: شوفي الوقت الي يريحك و قوليلي عليه
سيلا بتفكير:: ماشي علي 10 كده
احمد:: اوك اتفقنا روحي نامي بقي وبكره نتكلم
سيلا: ماشي تصبح علي خير
سيلا بعد ما قفلت قعد تفكره ازاي
هتقنع اهلها انها هتنزل و في الاخر نامت من كتر التفكير
______________________
عند احمد بعد ما قفل معاها
___________
تلفونه رن وكان صاحبه فا رد عليه
احمد:: الو ايه يا باشا
صاحبه:: باشا ايه ده انت اللي باشا
احمد:: اصبر عليه بكره كمان
صاحبه:: ماشى هشوف يا صاحبي
احمد:: بكره الساعه 10 في الكافه الي علي البحره اوك
صاحبه: اوك تمام اوي كده