غلطه عمري
الفصل التاسع
بقلم دودااحوده
الممرضه :انت بتتكلم بجد ولا اي يا استاذ
مدحت :وانا ههزر معاكي يعني
الممرضه انت عارف انت بتقول اي ده انا اعيش خدامه تحت رجلك لو فعلا هتيدني المبلغ ده
مدحت :مش للدرجه دي انا عايز حقنه بسيطه تتحط في المحلول بتاع شريف
الممرضه وشها أصفر وجاب الوان انت بتقول اي حقنه اي دي
مدحت :شكلك مش عايزه الفلوس
الممرضه :لا عايزهم والله بس فهمني براحه
مدحت :حقنه غلط هو يخدها من هنا وهيسافر من هنا
الممرضه :ينهار اسود انت عايز تموته
مدحت :اششششش وطي صوتك انتي مجنونه
الممرضه :لا مقدرش اعمل كده طبعا
مدحت :برحتك بس لو حد عرف يومك مش هيعدي
الممرضه:لا مش هقول لحد
مدحت :وده الكارت بتاعي لو غيرتي رأيك
الممرضه :ماشي ماشي ومشيت وعامله تفكر لا انا عمري ما اعمل كده لا انا عايزه بنتي تقوم بالسلامه اغضب ربنا ربنا هيحلها
وروحت البيت وكان جوزها محروس قاعد
محروس :انتي شرفتي يا زينب
زينب :خير من اول ما بدخل البيت كده
محروس : انا مش فاهم ممرضه ازاي ومستنيه علاج على نفقه الدوله ايه ما فيش اي واسطه بنتك تعمل بها العمليه
زينب :لا مافيش واسطه انا ممرضه مش دكتوره
محروس : فالحه بس ست الممرضه رايحه ست الممرضه جايه
زينب : انا مش ناقصه كلامك كده شيماء عامله ايه
محروس: خشي يا اختي شوفيها هي نايمه جوه على السرير
زينب : شيماء حبيبتي عامله ايه يا حبيبتي مالك بتعيطي ليه
وعالسرير نايمه بنت في منتهي الجمال بس يعني مش بتقدر تتحرك لأنها عملت حادثه وأصيب العمود الفقري
شيماء تعبانه قوي يا ماما نفسي اخرج من البيت ده بجد اتخنقت من النومه دي
زينب : حبيبتي ادعي ربنا وقولي باذن الله كله هيبقى تمام
شيماء : تفتكري هاقدر اقف ثاني يا ماما
الام: اكيد يا حبيبتي هنعمل عمليه باذن الله وكله هيبقى تمام
شيماء :ماشي يا ماما ماشي بجد بدعي ربنا يا رب الايام دي تعدي على خير بقى واقدر اقف على رجلي ثاني
الام : اكيد يا حبيبتي هيحصل سميره صاحبتك جاءت اهي تعالى يا سميره عامله ايه
سميره : الحمد لله يا طنط انت عامله ايه ازيك يا شوشو عامله دلوقت ايه اخبارك
شيماء الحمد لله كله هيبقى تمام
الام : اسيبك بقى مع صاحبتك علي ما احضر الغداء هتتغدى معنا يا سميره ما حدش بيأكل شيماء غيرك
سميره : عيني لك يا طنط انتي وشيماء هو انا عندي غير شوشو واحده
وخرجت الام والتلفون رن
محروس ايه ده رقم غريب بيرن عليكي من امتى ارقام غريبه بترن عليكي
زينب : مش عارفه هارد وبعدين نشوف مين ده الو ايوه مين معايا
مدحت : انا مدحت انا زودت المبلغ من نصف مليون لمليون الاربع
زينب :ولا كنوز الدنيا تخليني اعمل كده قلت لك كبر دماغك مني لاني انا مش هاعمل كده حتى لو عرضت عليا اثنين مليون جنيه
مدحت :انتي اللي خسرانه بس انا عرفت موضوع بنتك شيماء لو عايزه تعملي ليها العمليه انا هاعملها لها غير الفلوس اللي انت هتاخديها يعني مش هخصم فلوس العمليه منك
زينب : لو سمحت يا استاذ بقى انا هاقفل السكه
مدحت : ماشي يا زينب بس فكري في موضوع كويس قوي بنتك مش اعز من واحد مريض مرمى في المستشفى بين الحياه والموت اصلا
محروس :انا بقى عايزه افهم ايه موضوع الفلوس ده هو الراجل ده بيعرض عليكي فلوس كثيره كده ليه
زينب :تصدق المجنون ده متخيل ان انا ممكن اقتل اخوه عايزني احط حقنه في المحلول عشان اخوه يموت وهو يورث كل حاجه شكل في مشاكل بينهم عن الورث بس انا طبعا عمري ما اعمل حاجه زي كده
محروس : هو عرض عليكي كام مجنون ده
زينب : كان بيقول نصف مليون دلوقتي بيقول لي مليون الا ربع
محروس:وهو اللي مجنون يا وليه يا مجنونه بقى شايفه بنتك بتتعذب وحالتنا الضنك دي ومش عايزه تعملي كده
زينب : انت بتتكلم جد انت فاكر ان انا ممكن اقتل روح
محروس :والله اللي شايفه بنتك تعبانه واحنا حالتنا تحت الصفر بقى هو يموت وهو اللي يشيل ذنب لانه هو اللى عايز يموت اخوه مش احنا خالص انت لازم تعملي كده وفي اقرب وقت بنتي لازم تعمل العمليه
زينب :مين اللي هيشيل وزر انا اللي اشيل انت اتجننت انا عمري ما اشترك في حاجه زي كده ولا اتسبب في موت حد لا طبعا انا مش هاعمل موضوع زي ده
محروس :يبقى بتفتحي على نفسك فاتحه اولا هطلقك ثانيا مش هتشوفي البنت دي ثاني وانا برده هنفذ اللي الراجل ده عايزه
زينب : لو عملت كده هبلغ عنك
محروس : عايزه تبلغي عني انا يا بنت الكلب و مسكها ضربها
زينب :انا هاخذ بنتي و امشي من هنا مش عايزه اشوف وشك ثاني انا ما كنتش اعرف ان انت انسان واطي كده و ممكن تموت حد عشان خاطر الفلوس ملعون ابو الفلوس افرض
اخذت فلوس وبنتك جرا لها حاجه فكر كويس يا محروس
محروس :في ايه يا وليه ي هبله امشي اطلعي بره وهاتي تليفون ده امشي غوري من هنا مش عايزه اشوف وش اهلك ده ثاني
زينب : طيب أخذ بنتي طيب خذ. التليفون واديني بنتي
محروس :ابدا وانتي عمرك هتشوفيها ثاني وغورى يا وش النحس انت من هنا
واتصل بمدحت
مدحت :ها فكرت في اللي قلت عليه ولا ايه اتصلت بسرعه قوي
محروس لا يا باشا انا جوزها بس هنفذ كل اللي انت عايزه
مدحت : وايه بقى ان شاء الله انا عايزه مين حضرتك
محروس : متخافش يا باشا الدار امان انا ناوي انفذ كل اللي انت عايزه ينفع اقابلك دلوقت
مدحت : انا مش فاهم انت بتتكلم في ايه ولا انت عايز ايه مني
محروس :انا ما بحبش كلام التليفون ده يا ريت نتقابل و افهمك على كل حاجه و تفهمني برده انت على كل حاجه
مدحت ماشي شوف عايزني اقابلك فين
محروس : لا والله انا في منطقه عشوائيه اكيد مش هتعرف توصلي قولي انت فين وانا هيجيلك مكان ما تحب
مدحت :ماشي هقولك وخد ميعاد وفعلا راح وقابله
محروس :استاذ مدحت
مدحت :ايوه
محروس :معاك محروس جوز الممرضه زينب
مدحت :تمام اقعد لاني مش فاهم منك حاجه
محروس :انا مش بحب اللف والدوران انت عايز مصلحه منها
مدحت : اممم واي كمان
محروس : مقولنا يا باشا الدنيا امان ولو هي مش عايزه تعمل المصلحه دي انا اعملها بنتي تعبانه يابيه. هموت واشوفها بتمشي
مدحت :تمام وانا عالشان عايز الموضوع يتم هوافق
محروس :قولت يا باشا الدنيا في بيتها خالص متخافش بقي
مدحت :طيب وانت هتدخل المستشفي ازاي
محروس :عيب السؤال ده مراتي هناك والكل عارف اني سعات بروح ليها
مدحت :طيب هي مش ممكن تبلغ عننا
محروس :زينب عيب كده يا استاذ بنتها تحت ايدي وروحها فيها
مدحت :هي مش بنتك انت كمان
محروس :لا بنتي بس انا علشان الفلوس ممكن ابيع ابويا مش اخويا
مدحت :تعجبني
محروس :طيب مافيش عربون محبة
مدحت :مكنتش عامل حسابي في فلوس
محروس :اه تمام
مدحت :طيب هقولك دول١٠٠٠٠الف جنيه خدهم
محروس :خد الفلوس وباس ايدو شكرا يابيه
ومشي مدحت واتصلت بيه هاله مدحت :خير نعم عايزه اي
هاله :انا لسه بحبك وعايزك
مدحت :وانا مش عايزك
هاله :ليه كل ده انا عملت ليك اي
مدحت :علشان انتي السبب في كل ده انا كنت عارف ان مروه بتحبني وانتي عملتي كده علشان تتجوزيني
هاله :هو انت بتحب مروه
مدحت : اه وببوس أيدها علشان توافق اتجوزها
هاله :يا واطي يا خسيس والله لوريك وقفل السكه وراح عالمستشفي
صالح :اي اللي جابك هنا
مروه :لو سمحت امشي اطلع برا
مدحت :انا اسف يا بابا حقك عليا
مروه.:وده من أمتي انشالله
مدحت :حقك عليا يا مرات اخويا
مروه :انا مش فاهماك انت مريض يابني
مدحت :كنت مريض وباس ايد ابوه
صالح :قوم يا حبيبي مينفعش كده
مدحت :وهو بيعيط. الشيطان ضحك عليا انا اسف. واسف في حقك يا مرات اخويا عالكلام الكدب اللي قولته لشريف
شريف :انا مش فاهم حاجه
مروه :مش مهم يا حبيبي ريح نفسك انت
مدحت :بجد انا كنت حيوان بس خلاص اتغيرت والله وهرجع هاله مراتي
مروه :مش مصدقاك يا مدحت
مدحت :بكره تشوفي
وشريف في باله:يبقي احساسي كان صح وانت كنت كداب يا مدحت وبتحاول تقرب لمراتي