روايةغرام أحفاد الشيطان
الفصل الخامس عشر
بقلم سماء احمد
💖💖💖💖💖💖💖💖💖💖
في منزل عين
لين : متأكدين
حياة ورؤي : ايوه
لين : تمام انا هبعتكم وكل حاجة هتكون جاهزة
حياة : وانتي
لين : انا لا سبوني شوية جنب حبيبي
عين بدموع : يعني خلاص هتروحوا
رؤي وهي تحضنها : انا بحبك اوي يا عين اوعي تنسيني وصدقيني في يوم هرجع
عين ببكاء : انا خايفه يا رؤي
رؤي : عدي جنبك متخافيش وهوصيه عليكي
عين : يعني مش هيلاقوني
رؤي : ولو لقوكي عدي هيحميكي انتي وديدو
اومأت بخوف واضح
لين : يلا يا بنات نروح نجهز مع العروسه
حياة : هجيب الفساتين
*****************
كانت تجلس بغرفتها وهم يشرعوا بتجهيزها اما هي فكانت لا حياة بها تنظر لنفسها بسخريه فهي اسوأ ان تكون مجبرة علي الزواج فرن فونها
روح : ايوة يا نايا
نايا : كيفك
روح : تمام وانتي
نايا : منيحه
روح : يومين هكون وصلت من غير ما تقولي
نايا : وزوجك
روح : ههههههه سلام يا نينو
واغلقت السكة ثم نظرت لنفسها بالمرآة ودخلت الفتيات وسلمت عليهم
عين : ما شاء الله جميلة اوي
روح : ميرسي..... يلا اجهزوا
الفتيات بابتسامه : تمام
******************
في جناح أوس
كان يتألق بحلية سوداء كأخواته ويقفوا هم الستة كقوة لا تهزم
أوس : ياقوت مش هتحضر
يزن : مش هتعرف
الياس : ربنا معاكم
يزن : يا رب
كان أسعد يقف وينظر لنفسه بشرود يفكر لا اجل لا يستطيع لمس امرآه غيرها لا يستطيع
عدي : سعادة بيه مالك
أسعد بتنهيد : شكلي حبيت
ايان : ههههههه ما انت هتتجوز اللي بتحبها
أسعد : مش سيلا يا أيان
يزن : انت هتهزر يالا
أوس : استني بس قصدك ايه او مين
أسعد : اتصرفوا انا بجد مش عايز اتجوز سيلا مش عايزها
الياس : أسعد البنت هتيجي والمأذون
أيان : قول بتحب مين وانا اتصرف
أسعد : حياة
أيان : عجبني اختيارك استني كدة
والتقط فونه ورن علي احد الحراس
أيان بخبث : المأذون اللي جاي تستناه اول الطريق وتاخدة المخزن لحد الصبح وبعدين تيجي وتقول المأذون عمل حادثه ومش هيعرف يجي مأذون النهاردة مفهوم..... كدة احبك
واغلق الخط ونظر لأخواته فضحكوا كلهم
********************
نزلت وهي تتأبط زراعه وسط المعازيم تمشي بجمود تري الكاميرات من كل مكان
أوس : افردي وشك شوية
نظرت له وابتسمت بدموع
أوس : بتحبيني يا روح
روح بجديه : في حياتي ما حبيت حد ادك يا ابن الشرقاوي
جلسوا سويا وبدأت الحفلة
عند الياس
ذهبت رؤي له فقد وجدته يقف لوحدة
رؤي : ممكن نتكلمي سوا شويه
الياس ببرود : لا
رؤي بدموع : عشان خاطري
الياس بعصبية : ممكن متعيطيش
اومأت برأسها فشد يدها وذهب للحديقه الخلفيه فاخرجت ورقة من شنطتها وقلم واعطتهم اياهم
رؤي : لو بتحبني هتمضي
نظر لها وللورقة بعصبيه
الياس : عرفي يا رؤي ليه انا عاي.....
رؤي : وانا مش هينفع غير كدة لو راضي هكون بتاعتك وقريب اوي هيبقي جوازنا علي سنة الله ورسولة..... انا بحبك يا الياس وعايزة ابقي مراتك بس صدقني مش هينفع غير كدة
نظر لها لوقت ثم اخذ الورقة ومضي وهي مضت بعدة
رؤي : لو عايز خد الورقتين
الياس : لا يا رؤي خليهم معاكي
اومأت برأسها ووضعتهم بشنطتها
رؤي : مش هتاخد مراتك بقي لمكان
الياس : متأكدة يا رؤي مش هتندمي
رؤي : لأول مرة في حياتي مش هندم علي حاجة
جذب يدها واتجه لسيارته قادها بسرعة لمنزل له
***********************
في الحفلة
شعرت بمن وضع يده علي خصرها فاستدارت وجدته هو
لين : أيان
أيان : وحشتيني
لين : وانت كمان
أيان : تيجي معايا ونكنسل الحفلة
لين : حسب هتوديني فين
أيان : بيت ع الشط بتاعنا
لين : بجد
اومأ برأسه فمسكت يده وشدها وذهب
****************************
كانت حياة تقف وتنظر لأسعد بدموع تتجمع بعينها بينما هو يقف مع سيلا ويلمحها فيبتسم بخبث
أسعد لنفسه : شكلك واقعة يا حياتي
التفت لم يجدها فبحث عنها لم يراها تخرج بسيارة احدهم فخمن انها ل لين اما هي فاتجهت للمستشفي ووصلت بعد وقت دخلت حيث غرفة اختها وجدتها مستيقظة
حياة : طبعا هتستغربي انا بعمل ايه هنا
نظرت لها حور هذه المرة
حياة : جايه اودعك انا مسافرة سايبلكم مصر كلها مخدرة انتي وأسعد
والتفتت مشت قليلا ثم استدارت قائله : كويس انك عرفتيني قيمتك في قلبي
وذهبت فتمردت دموع حور بغزارة اما حياة فذهبت للمنزل تتجهز
********************
في الحفلة
عرفت الصحافه كلها ان عين زوجة عدي الشرقاوي وبدأوا يصوروهم
عين بقلق : يعني هنطلع في الجرايد
عدي : عين انتي بقيتي مراتي
عين : عدي مش عارفه خايفه بردك
شدها لحضنه فشعرت هي ولتوها بالأمان بحضنه
عدي : يلا عملك مفاجأه سيبك من الحفلة دي
عين : العيال
عدي : جدي موجود وأوس والياس وايان ويزن وكمان أسعد
ثم شدها وذهبوا للسيارة وجعلها تركب واخذها لمكان لا احد به
***************
حدث ما لم يكن بالمتوقع بدأ الرعد والبرق وامطرت الدنيا بكل اسكندريه وانتهت الحفلة والجو سئ جدا وبطريقة تبشر بالمصائب التي ستحدث
في منزل أيان
نزل من السيارة ومشي بمكان هو وهي وتساقطت المطر عليهم
لين : أيان
شدها وحملها بين يديه لتلمح هي البحر فابتسمت وهي تحاوط عنقه وتري الأمواج بضوء خافت فانزلها علي الرمال
أيان : البيت هناك اهو
وخلع جاكته ووضعه عليها ثم حضنها من الخلف
أيان : بردانه نروح البيت
لين : لا
والتفتت له ثم حاوطت عنقه ونظرت له بهيام
لين : هو انا قولتلك قبل كدة اني مغرمه بيك
أيان : تؤ..... هو انا قولتلك قبل كدة اني مغرم بيكي
لين : انا قولت وانت قولت
لم يفهم مقصدها وجدها تقترب منه فشدها وقبلها من شفايفها ثم حملها متجه للمنزل
لين : أيان
أيان : بعشقك يا لين
لين : وانا كمان بعشقك
وضعها علي السرير اما هي تذكرت فقط ان هذا زوجها لا اكثر و...........
******************
في منزل الياس
نزل هو وهي من السيارة ودخلوا المنزل سويا فسمعت صوت البرق والرعد خافت ووقفت تنظر للمطر من الشباك بخوف فشعرت بمن حضنها
الياس : مالك يا حبيبتي
التفتت له وفمها يرتعش وجسمها فكور وجهها
الياس : رؤي مالك يا حبيبتي
رؤي : خايفه اوي وبردانه
الياس : بس كدة طيب خايفه من ايه
رؤي : مش عارفه بس حاسه اني تايهه
اقترب منها يقبلها من شفايفها فرفعت يدها لوجهه بإضطراب تعلم ان الخطوة القادمة لا يوجد تراجع وحين ابتعد حملها بين يديه ثم اتجه لغرفه ووضعها و........
*************
في منزل عدي
دخل وهو يحضنها ويضع جاكته علي اكتافها اما هي تمسك يده تشعر بالسعادة وليس الخوف هذا الشعور الذي تمنت ان تشعر به
عدي : جاهزة يا قلب عدي
عين : ايوة
عدي : افتكري اني بعشقك وبس مفهوم
اومأت برأسها بخجل فابتسم وهو يحملها ويضعها علي السرير وبدأ بتقبيل وجهها ويده تفك حجابها ثم دفن رأسه بشعرها ويده اتجهت للسوسته وبدأ يقبل عنقها اما هي داهمتها احد ذكريات الماضي واحتلتها لم تخبره انها تعاني من خوف بسبب الماضي
عين بخوف : ابعد سالم ابعد..... سالم سبني والنبي انا خايفه سااااالم
عدي : عين انا عدي
عين بصراخ : سالم ابعد عني لا يا سالم والنبي عاااا بابا ماما سالم ابعد بالله عليك عاااااا
عدي : عين انا عدي يا عين انا عدي حبيبك
لم تهدأ فحضنها له واستدار لتصبح فوقه وهمس بأذنها يطمنها
عدي : عين انا عدي حبيبك وعشقك عدي
بدأت تبكي بغزاره وتحضنه بقوة وترتعش
عين : عدي انا خايفه عدي متسبنيش عشان خاطري
عدي : مستحيل اسيبك يا عين
هدأت بين احضانه ونامت بينما هو وقف وبقي عاري الصدر واتجه للشباك وقف عليه والهواء يصفع جسمة بينما ظل يفكر ماذا حدث لحبيبته في الماضي يقسم انه سيندم الكل
****************
في قصر الشرقاوي
كانت تجلس بفستانها وهو نائم بعمق فاتجهت له وجلست بجانبه علي السرير
روح : اقولك علي حاجة انا بقيت مغرمه بيك وحبي كل يوم يزيد عن اللي قبلة...... في يوم هرجعلك بس اما اخلص مهمتي مع نايا يا أوس..... وقتها هقولك علي اسرار كتيرة ومتستغربش ان صحيت في يوم مش عارفاك...... بس هرجعلك وهبقي ملكك علي طول
ووقفت انحنت وقبلته من شفايفه وتمردت دموعها علي وجهه ثم وقفت وفتحت الباب وخرجت ظن هو انها ذهبت تتنفس الهواء او ذهبت لغرفتها هي لا يعلم انها ذهبت للأبد
أوس : مش هسمحلك تسبيني يا روح انسي انتقامي وانسي كل حاجة...... وانا كمان مغرم بيكي يا روح
ولمس شفايفه بابتسامه قائلا انه لن يزعجها سيخبرها عندما تأتي انه لن يتركها ولن يسمح لها بالذهاب
**************
في شقة عين
كانت حياة تجلس امام التلفاز بملل فوجدت الدنيا تمطر وقفت علي الشباك
حياة : يا رب اما ارجع أسعد يكون بتاعي انا وبس يمكن مش بحبه بس انا مش عايزة غيره
حدث برق فابتسمت تشعر انه يكذبها
حياة : او فعلا حبيته
نظرت لأسفل لتجدة يقف امام سيارته والدنيا تمطر عليه وينظر لها
حياة بصدمه : أسعد
اشار لها ان تأتي فتصنمت سرعان ما استوعبت ونزلت مسرعة لأسفل وجدته يقف علي بعد ويفتح زراعيه لها فجرت وتعلقت برقبته فرفعها ودار بها بفرحة ثم انزلها وكور وجهها
أسعد : مشيتي ليه
حياة : مقدرتش اشوف واحدة تانيه تاخدك مني
ابتسم ابتسامته الساحرة واقترب قبلها بعشق وشغف من شفايفها فبادلته ثم ابتعد
حياة بدموع تتساقط : ورقتي توصل بكرة الصبح يا أسعد
وتركته وجرت ذهبت للداخل كان سيذهب خلفها لكنه تذكر ان الفتيات معها لن يجوز فركب سيارته وذهب
**************
في المصح النفسي
دخل يزن بالرغم من المطر واتجه لغرفتها وجد الممرضه تجلس ولا يعرف تلك التي رأته وجاءت خلفه
يزن : ادتيها المنوم
الممرضه : ايوة
اقترب منها وقبلها بجانب شفايفها فابتسمت الممرضه بخجل
الممرضه : واضح ان حضرتك بتحبها اوي
يزن بعشق : بحبها بس دا انا مغرم بيها بتنفسها.... واعاد خصله من شعرها للخلف...... ارجعي بس ذي الأول وانا اخليكي تنسي كل حاجة حصلت مش بس كدة كمان عايزين نجيب ياقوت صغيرة واخبيها من الناس زيك...... قبل جبينها..... بتنفسك يا ياقوتت قلبي
وحملها بين يديه والتفت وجد حور تنظر له بدموع
يزن : ازيك يا حور
اومأت برأسها انها كويسه
يزن : ربنا يسعدك عن اذنك
وتركها وذهب فسمعته يقول : هتقومي يا حبيبتي وانتي بوش جديد بوشك الاصلي
وضعها بالسيارة واتجه للمستشفي بالرغم من المطر حتي وصل ثم وضعها بغرفه وبدل لها ملابسها ثم خرج
يزن بجديه : هذه الصورة اريدها نسخه طبق الاصل
الطبيب : امرك سيدي
يزن : متي العملية
الطبيب : غدا في التامنه صباحا حين تستيقظ سنعطيها مخدر العمليه ونبدأ
يزن : حسنا واعلم اي خطأ سأجعلك تتمني الموت ولا تجدة
وتركه وعاد لها