ورد(بقلق): -انا مش عارفه مش بيرد عليا ليه يا ليل!؟
ليل(بهدوء): -يا بنتي اهدي اكيد في حاجة أخرته
ورد: -طب يرد عليا يطمني حتي
ليل: -مافيش حاجه ان شاءالله خير صدقيني
ورد: -طب كلمي فهد اسأليه
ليل: -انا لسه قافلة معاه ماكملتش خمس دقايق
موبيل ورد رن وكان أحمد
ورد (بلهفة): -أحمد انت فين؟! ومش بترد عليا ليه؟!..... أحمد
أحمد: -ثواني أرد عليكِ
ورد: -اتفضل قولي انت فين؟!
أحمد: -انا تحت المسجد اهو واقف مع فهد وحاتم وعمر
ورد: -واتأخرت ليه
أحمد (بتردد وهو ينظر لفهد): -مرات عمك جاية
ورد (بعدم فهم وهي تنظر لهنية): -مرات عمي مين؟!!!
أحمد: -نبيلة..... وحصلت مشكلة وهيا في البيت عندنا
حالياً
ليل: -ادا ماما بترن!!!!!!
أحمد(لفهد وحاتم): -ليل بتقول مامتها بترن
فهد أخد الفون من أحمد وكلم ورد: -ورد اديني ليل بسرعة
ورد: -ليل فهد عاوز يكلمك
ليل: -الو
فهد: -ماترديش على والدتك
ليل: -ليه يا فهد!؟
فهد: -معلش اسمعي كلام بس..... بصي اقفلي الفون لحد مانروح.... ممكن!!
ليل: -طب فهمني على الأقل
فهد: -هفهمك كل حاجة بس لما نروح.... تمام اتفقنا
ليل(بتنهيدة): -اتفقنا
فهد: -اقفلي الفون بقي
ليل: -حاضر
فهد: -سلام حبيبي
ليل: -سلام...... هو في ايه يا ورد؟!
ورد: -ماعرفش والله.... كل اللي أحمد قاله إن مامتك في البيت عندهم وعشان كدا اتأخر
ليل: -وهيا جاية تعمل ايه؟!
بالأسفل
فهد(لحاتم): -طب هيا ممكن تكون جاية تعمل ايه!؟
حاتم(بتفكير): -وجود رحيق في البلد جمد قلبها إنها تيجي.... واهي تلكيكة
فهد (بترقب): -وهتعمل ايه يعني؟!..... ورحيق دخلها ايه!؟
حاتم: -اللي هيسألها ايه اللي رجعها بعد السنين دي.... هتحط رحيق قدامهم وتقولهم أخدتوا بنتي مني..... فهمت
فهد(بدون إدراك): -بس بعد اللي حصل لرحيق مستحيل ترجع معاها..... والحج عزت مستحيل يرجعها
حاتم(بقلق): -ايه اللي حصل لرحيق!!
فهد (فهم ان حاتم مايعرفش): -لا مافيش حاجه
حاتم(بمكر): -هيا رحيق حكتلك اللي حصل؟!
فهد (باستغراب): -هو انت عارف؟!
حاتم(بمكر): -طبعا عارف
فهد (بعصبية مكبوتة): -وازاي تسيب الكلب اللي اسمه كريم دا؟!
حاتم(بهدوء وتوجس): -عاوز أشوف اخرته إيه؟؟
فهد: -انت اتجننت يا حاتم؟؟.... تشوف أخرته إزاي.... دا اتهجم على أختك
حاتم أنفاسه عيليت وغضب جدا وكور إيده وبيحاول يتحكم في أعصابه
فهد: -انت كنت بتوقعني في الكلام!
حاتم: -انا ماتصورتش إن الموضوع وصل لكده
كاد فهد أن يتحدث ولكنه رأي عمر وأحمد قادمون اتجاههم
عمر: -يا عم يالا بقي انا زهقت
أحمد: -وانا والله..... انا حاسس إني خللت
فهد (بضحك): -استنوا شوية يمكن حاتم و يحيي يعقدوا معاكم
حاتم وأحمد وعمر في نفس واحد: -يحيي؟؟!؟؟
فهد: -هههههههه...... ايه يا جماعة في ايه؟!..... ايوا يحيي
حاتم: -اصل غريبة..... يحيي طول عمره بيقول انه عاوز يتجوز عن حب!!!
فهد: -ماهو هيتجوز عن حب..... ايه المشكلة!!
عمر: -انت بتهزر صح!!..... يحيي بيحب!؟
فهد: -لما صاحب الشأن يجي ابقوا اسألوه براحتكم
أحمد: -طب يا شباب استنوه براحتكم..... هدخل انا اكتب الكتاب معطلكوش
عمر: -خد هنا تعالي..... والله ما حد هيتجوز قبلي
أحمد: -انا وانت واحد برضه يا عمر
فهد: -بقولك ايه انت وهو..... روحوا وزعوا الحاجة الساقعة
عمر: -طب تعالي معانا
حاتم: -لا احنا هنروح نكلم الحج عزت والحج خيري
أحمد: -ربنا معاك يا حاتم ان شاءالله
عمر: -هو رايح يفجر نفسه!؟..... امشي قدامي
بسيارة يحيي
يحيي: -رحيق..... هي القطة كلت لسانك
رحيق: -هاهاها
يحيي: -أخيرا نطقتي
رحيق: -.........
يحيى: -يا صبر أيوب...... يا بنتي كلمني دا انا حتي خطيبك
رحيق: -خطيبي امتا ده؟؟
يحيي: -ايوا خطيبك انتِ ايش عرفك انتِ!
رحيق: -هههههههههه........ يحيي بص قدامك
يحيي: -خلاص ما تضحكيش تاني وانا بسوق
رحيق: -اشمعنا!؟
يحيي: -هركز في ضحكتك ولا في السواقة يعني؟!
رحيق: -هههه اوبس..... خلاص مش هضحك...... المهم قولي
يحيي: -نعم!
رحيق: -انت ليه مخلي عيادتك في القاهرة!؟..... ليه يعني مش هنا؟
يحيي: -عشان هنا بيعاندوا مع تعابهم..... الواحد بيبقي هيموت من التعب وبيعاند برضه...... إنما هناك لو عطس بس هيقولك دخلوني الإنعاش
رحيق: -ههههههه
يحيي: -مش قولنا بلاش ضحك
رحيق: -نسيت..... هو فهد اكبر منك بقد ايه؟!
يحيي: -لازم؟!
رحيق(وهي تحرك رأسها):-طبعا
يحيي: -سنة ونص تقريبا...... تحسينا كدا تؤام.... انا وهو وعمر
رحيق: -كان نفسي اقول زي انا وليل..... بس ليل تعتبر مامتي مش اختي...... وحاتم برضه يعتبر بابا
يحيي: -هو انتِ ماشوفتيش والدك!؟
رحيق (بحزن): -تؤ...... بابا عاصم كان بيقول إنه كان كويس وطيب.... وحاتم ولي.......
يحيي: -ثانية واحدة...... بابا عاصم اللي هو عمي؟!
رحيق: -ايوا...... هو اصلا اللي ربانا انا وحاتم بعد بابا الله يرحمه...... حتى بابا كان سايبله أوراق مهمة ليا انا وحاتم..... كان بيثق فيه جدا
يحيي: -غريبة!!
رحيق: -ايه اللي غريبة؟!
يحيي (بتمعن لكلماته): -يعني!..... والدك كانت متجوز طنط نبيلة وعمي عاصم الله يرحمه كان متجوزها برضه..... غريبة إن الاتنين يبقوا بيحبوا بعض فهماني!!
رحيق: -ايوا فهماك...... بس دا شيء طبيعي بعد ما هما الاتنين عرفوا ان ماما كانت عاوزة فلو...... اقصد يعني.....
يحيي (بتفهم): -فهمك..... بس قوليلي هو
قاطع حديثه رنات هاتف رحيق
يحيي: -مين؟!
رحيق (بارتباك وهي تنظر للهاتف): -هاا..... دا دا جوز ماما
يحيي: -طب ما تردي!
رحيق (بتردد): -للا بلاش
يحيي: -يمكن والدتك تعبانة ردي!
رحيق: -لالا هيا مش تعبانة ولا حاجة..... احنا وصلنا ولا ايه؟!
يحيي: -ايوا خلاص...... ثوانى بس هلف عشان انزلك قدام الباب اللي هتدخلي منه على طول
رحيق: -مش مهم هبقي شورلي عليه بس
يحيي(بتنهيدة): -انا مش عاوز حد يشوفك...... نهائي
رحيق: -ههههههههه
يحيي: -برضه!
رحيق: -برضه هههههههه
يحيي: -ثانية واحدة هفتحلك الباب
رحيق: -يا سلام ايه كل ده؟!
يحيي(وهو يفتح الباب): -دي اقل حاجه عندي
رحيق (وهي تغلق الباب): -يا سلام على التواضع
يحيي: -رحيق
رحيق: -نعم!
يحيي: -انا هكلم حاتم دلوقتى...... بس عاوز اسمع منك حاجة
رحيق (وهي تصعد للأعلي): -موافقة وماتحلمش بكلمة تانية...... ههههههههههه
يحيي: -مش مهم اسمعها في الخطوبة
صعدت رحيق للأعلي وقصت ما حدث ل ورد وليل..... بعد قليل جلست الفتيات بجانب بعضهم البعض وأخذوا يتحدثون قبل أن يستمعوا لصوت المأذون
أما بالأسفل
اجتمع الرجال بداخل المسجد قبل أن يبدأ المأذون بإلقاء كلماته عليهم ويفتتح بعقد قرآن عمر&فرح
المأذون: -قول ورايا يا استاذ عمر..........
عمر(بفرحة):-انى استخرت الله العظيم و قبلت زواج موكلتك الانسه *فرح منصور الدالي *البكر الرشيد على كتاب الله و سنه رسول الله و على الصداق المسمى بيننا عاجله و اجله و الحضور شهود على ذلك و الله خير الشاهدين
المأذون: -رددوا ورايا يا جماعة بارك الله لكما وبارك عليكما وجمع بينكما في خير
عمر: -بارك الله لنا وبارك علينا وجمع بيننا في خير
المأذون (بضحك): -انا بقولهم هما مش انت هههههههه
عمر(بعيون لامعة بالفرحة وتنهيدة):-حب خمس سنين يا شيخنا وماكنتش تعرف وبقت من نصيبي دا انا من حقي اقوم ارقص دلوقت
المأذون: -ههههههه من حقك..... الف مبروك بالرفاء والبنين. أحمد: -قوم يا عم أخلص انت لزقت في الكرسي؟!
المأذون: -انت العريس التاني؟!
أحمد: -ايوا انا يا شيخنا.... قوله يقوم بالله
المأذون: -حب خمس سنين برضه؟!
عمر(بضحك): -لا دا حب شهر واحد وبهدله
أحمد: -هي هي خفة...... والله يا شيخنا بحبها من زمان بس ماكنتش اعرف ان هيا...... قوله يقوم بقي
المأذون (بضحك): -رأفة بيه يا استاذ عمر قوم...... واهو من باب من فرج على مسلم
أحمد (وهو يجلس ويمسك بيد المأذون): -يالا يالا...... اني استخرت الله العظيم......
المأذون: -استني يا ابني........ لا حول الله يا رب هههههههههه....... فين ابو العروسة يا جماعة
يحيي: -دقيقة يا شيخنا اصل فيه مشروع خطوية بس
أحمد: -والله يا حاتم لما اخلص لأربيك
يحيي: -اهدي يا أحمد ماتعملش في نفسك كدا...... شكلي هروح افاتحهم في موضوع خطوبتي انا كمان
أحمد: -لا بالله عليك...... هيا جات عند قرمط والكل هيخطب
يحيي (بضحك): -خلاص يا عم نأجلها لبعد كتب الكتاب
أحمد: -روح يا شيخ ربنا يباركلك
عزت: -اتأخرت؟؟
أحمد: -اتأخرت چوي يا حچ عزت
عزت (بضحك): -اتچل يا واد
أحمد: -حاضر..... هات إيدك بقي
عزت: -ههههههههه خود يا والدي
المأذون: -قول ورايا يا حچ عزت
أحمد: -شيخنا
المأذون: -نعم!
أحمد: -هو انا ممكن اقول..... إني استخرت الله وقبلت زواج موكلتلك ورد البكر الرشيد على سنة الله وسنة رسوله وإني هحافظ عليها وهحطها في قلبي؟!
المأذون: -ههههههه لا يا حبيب شيخنا...... دا تبقي تقوله لما نكتب الكتاب ونخلص
أحمد: -يعني ما جودش من عندي
المأذون: -لا...... بالله ما تجود
أحمد: -حاضر اتفضل
المأذون: -قول ورايا يا حج عزت...........
عزت: -.........
المأذون: -قول ورايا يا استاذ أحمد..... وما تجودتش
أحمد: -حاضر
المأذون: -.........
أحمد: -انى استخرت الله العظيم و قبلت زواج موكلتك الانسه ورد عزت القناوي البكر الرشيد على كتاب الله و سنه رسول الله و على الصداق المسمى بيننا عاجله و اجله و الحضور شهود على ذلكك و الله خير الشاهدين
المأذون: -بارك الله لكما وبارك عليكما وجمع بينكما في خير
توجه أحمد لفهد سريعا وهو يأخذ يده ويصعد به للأعلي
فهد: -في ايه يا بني
أحمد: -ناديلي ورد
فهد (بضحك): -لا حول ولا قوة إلا بالله...... (أخرج هاتف ليهاتف ليل) الو..... ايوا يا حبيبي معلش خلي ورد تطلع انا واقفلها انا وأحمد...... ماشي سلام
أحمد: -جاية؟!
فهد: -جاية يا سيدي...... تحب أفضل معاك شوية
أحمد: -لا يا سيدي شكرا..... اتفضل انت
فهد: -طب هسلم على اختي العروسة
أحمد: -هو انت مش مسلم عليها الصبح؟!
فهد: -عاوز اسلم عليها وهيا عروسة يا اخي.... الله
ورد: -احم
أحمد:-يا قلبي اللي خطفتيه
فهد: -وسع كدا يالا خليني اسلم عليها..... (احتضنها وقبل جبينها قائلا بسعادة) الف مبروك يا حبيبة اخوك..... ربنا يباركلكم
ورد (بخجل): -الله يبارك فيك يا فهد
فهد: -هسيبكوا انا وانزل
اقترب أحمد منها قليلا قائلا بسعادة): -هتبصي في عيني؟!
ورد(بابتسامة واسعة وهي تنظر لعينيه): -هبص في عينك
أحمد: -وهتقوليلي......
ورد (بابتسامة خجلة): -بحبك
احتضنها لتناسب موطنها الذي خلقت لأجله 💙💍
بالأسفل
هنية: -لولووووووووووووووووووولييي
خيري: -خلاص يا ولية
هنية: -وااه سيبني افرح بابني....... مش كفايه مش فرحانة بالعروسة مش عاوزين افرح بيه
خيري: -سيبك من الحديت الماسخ ديه..... فيه حاجه مهمة عاوز اچولهالك
هنية: -حاچة ايه دي؟!
خيري: -زهور
هنية: -مالها؟!!!...... اوعا تچول اللي في بالي؟؟!
خيري: -ايوا اتخطبت
هنية كانت فاكرة يحيي هو اللي اتقدم لزهور
هنية(فرحة): -يا فرحتك يا هنية وفرحة چلبك...... لولووووووووووولي
خيري: -واه استني اما چولك
هنية: -تچولي ايه..... مانا كنت خابرة من زمان انها هتبچي ليه
خيري: -دا انا كنت فاكرك هتچولي لع
هنية: -لع؟!!!!..... انت بتقول ايه دا اليوم اللي مستنياه بفارغ الصبر...... انا طالعة لبتي افرحها
خيري راح لحاتم وكان واقف مع عزت
عزت: -هااا يا خيري يا اخوي؟!..... حاتم بيسألني ياچي ميته؟؟
خيري: -اللي تشوفه يا اخويا
عزت: -انا بچول يجي معانا دلوچيت..... وناخد رأي زهور قمان
خيري: -دي هنية فرحانة چوي و كانت بتچول.......
قاطعه رنات هاتف عزت
عزت: -واااه من اللي هيكلمني عاد؟!...... دا رقم مش متسچل....... السلام عليكم
: -وعليكم السلام يا..... يا حچ عزت
عزت: -مين اللي بيتحددت؟!
: -مش عارفني؟!
عزت: -وااه انتِ مين؟!
: -باختصار يا حچ انا عاوزة بنتي..... وكفاية واحدة خدتها لابنك
عزت: -نبيلة؟!
حاتم ركز معاه جدا اول ما سمعه
نبيلة: -ايوا نبيلة يا حچ عزت
عزت: -عاوزة ايه؟!
نبيلة: -مانا قولتلك..... عاوزة بنتي.... وكفاية اللي انت خدتها انت وابنك
عزت (بغضب): -مالكيش حاچة حِيدانا...... واحسنلك ماتخطيش البلد
نبيلة: -ههههههههه بلد ايه اللي مخطهاش؟!!!...... انا عندك في الدوّار
هنية: -يا حچ خيري مش يالا نروح ولا ايه؟!!
الفصل الرابع عشر
عزت: -واااه من اللي هيكلمني عاد؟!...... دا رقم مش متسچل....... السلام عليكم
: -وعليكم السلام يا..... يا حچ عزت
عزت: -مين اللي بيتحددت؟!
: -مش عارفني؟!
عزت: -وااه انتِ مين؟!
: -باختصار يا حچ انا عاوزة بنتي..... وكفاية واحدة خدتها لابنك
عزت: -نبيلة؟!
حاتم ركز معاه جدا اول ما سمعه
نبيلة: -ايوا نبيلة يا حچ عزت
عزت: -عاوزة ايه؟!
نبيلة: -مانا قولتلك..... عاوزة بنتي.... وكفاية اللي انت خدتها انت وابنك
عزت (بغضب): -مالكيش حاچة حِيدانا...... واحسنلك ماتخطيش البلد
نبيلة: -ههههههههه بلد ايه اللي مخطهاش؟!!!...... انا عندك في الدوّار
هنية: -يا حچ خيري مش يالا نروح ولا ايه؟!!
خيري (لعزت): -وااه.... ايه العمل يا عزت يا اخوي
عزت قفل التلفون وبص لحاتم وبعدين بص لخيري واتكلم
عزت (لخيري): -عطل مرتك وماتروحوش البيت إلا لما اكلمك
خيري: -ماشي يا اخوي ما تقلقش
عزت: -ربنا يستر...... تعال معاي يا حاتم يا والدي اما نشوف فهد فين!؟
هنية قربت من خيري وسألته: -وااه..... اخوك ساحب واد نبيلة ورايح على فين إكديه!؟
خيري (حاول يعطالها ويقول اي حاجه): -وااه هتعملي حما من دلوچت
هنية (بعدم فهم): -وااااه حماة ايه؟!...... يالا عشان نروح
خيري: -هتمشي من غير ما تشوفي والدك!؟ وتباركي لمرته!!
هنية(بسخرية): -مرته!!! يالا عشان أسلم على والدي يالا
خيري (بتنهيدة): -يالا
*____________________*
بسيارة الفهد
ليل: -ههههههههههه
فهد(بضحك): -اضحكى اضحكي براحتك..... كلها يومين ونتجوز
ليل: -نتجوز!! ههههههههه..... احنا متجوزين أصلا يا حبيبي
فهد (بمكر): -ايوا عارف..... بس اعتبر ده تصريح إن أخد بوسة على الملأ كدا!
ليل(خبطتة في كتفه): -أتلم
فهد: -إيدك طولت ماشاءالله
ليل: -تطول براحتها يا حبيبي
فهد (بابتسامة وهو بيقرب منها): -من حق الجميل يتدلع..... ولا ايه......
تليفون فهد رن
ليل(بضحك): -ههههههه رد رد
فهد: -اووف.... انتِ داعية عليا أكيد
مسك التليفون ورد على عزت
فهد: -وعليكم السلام يا ابوي........ في عربيتي قدام المسجد........ لا ورد مع أحمد وليل معاي...... في ايه خير؟!!؟...... حاضر يا ابوي ثواني
فهد قفل معاه وليل بصتله
ليل: -في ايه يا فهد؟؟
فهد(وهو يُدير السيارة): -مش عارف..... بس تقريبا ابوي عرف إن والدتك هنا
ليل: -حقيقي مش عارفه ايه اللي جابها..... ربنا يستر
أوقف فهد السيارة أمام عزت وحاتم،، ترجل من السيارة ليفتح الباب لعزت
فهد: -خير يا ابوي
عزت: -ربنا يستر ويبچي خير يا والدي...... هِم يا حاتم يا والدي واركب
فهد (بهمس لحاتم): -هو في ايه!؟
حاتم: -أمي عندكم في الدوّار
عزت: -يالا يا والدي مينك ليه
ركبوا كلهم العربية وطلعوا على الدوّار
عند هنية وخيري
هنية: -يالا بينا يااخوي..... ابنك ماعملناش اعتبار وراح مع مرته يفسحها
خيري (بيحاول يعطلها): -خبر ايه يا هنية..... هتغيري على والدك من دلوجيت
هنية (بلا مبالاة): -ولا أغير ولا نيلة..... يالا نروح
خيري: -طب ايه رأيك نعمل زييهم ونخرج مع بعضينا
هنية (وهي تضع يد على الأخري وترفع أحد حاجبيها): -چري ايه يا خيري....... مالك إكديه مش على عوايدك
خيري: -مش على عوايدي كيف يعني..... عشان بچولك تعالي نخروج سوا يبجي مش عاچبك!؟
هنية: -انت طول عمرك ماهتحبش تمشي چاري حتي في الشارع..... مالك بچي مش رايدنا نروح ليه!؟
خيري: -هو إكديه مش عاجبك ولا إكديه عاچبك..... انا كنت عاوز أفرحك شوي
هنية: -روحني الدوّار دلوچيت
خيري: -يالا بينا هيكون في ايه يعني
هنية: -ايوا يالا
خيري (بيكلم نفسه): -يا وجعة مربربة طب ايه العمل!!!!،، براحتك يا هنية انا كنت عاوز أفرحك واثبتلك إني بحبك
هنية (الشك ملي قلبها إن في حاجة): -بتحبني؟!!...... انا اينعم مش مكملة تعليمي بس انا خابرة زين إنك تطيق العمي ولا تطقني يا خيري...... و يا سيدي تبچي تخرچني بعدين في يوم تاني لحسن إنهارده تعبت خالص..... يالا
خيري (باستسلام): -يالا........ (بهمس غير مسموع) ربنا يستر
*________________*
بسيارة يحيي
يحيي: -بصي بقي هنروح على مكان كان نفسي أروحه جدا..... جميل جدا وهيعجبك
رحيق (باستغراب): -طب ما روحتش قبل كده ليه!؟
يحيي(بضحك): -بيني وبينك...... المكان ده تقريبا معمول لل Couples
رحيق: -هاا وانت طبعا سينجل...... طب هتروح ليه دلوقت وانت لسه سينجل
يحيي: -نعم يا اختي!!...... انا خلاص اسبوع واتجوز
رحيق: -ههههههه ايه الثقة دي!؟.... حاتم ممكن مايوفقش
يحيي(ببساطة): -عادي..... وانا برضه مش هوافق على جوازه من زهور
رحيق: -لا على ايه الطيب احسن...... هوافق واقنعه وأمري لله....... سعادة أخويا تهمني برضه
يحيي: -ياسلام عليكِ وعلى تواضعك
رحيق: -طبعا طبعا....... اوبس
يحيي: -ايه؟؟!
رحيق: -نسيت الموب وماقولتش لحاتم إني معاك ولا حتي ليل!!
يحيي: -طب خودي تليفوني كلميه!
رحيق: -حساه هتبقي وحشة إني أكلمه من علي تليفونك واقوله خارجة معاك
يحيي: -طب والعمل!؟
رحيق: -هو البيت قريب ولا احنا بعيدنا!؟؟
يحيي: -لا قريبين.... ارجع!!؟
رحيق: -ياريت...... وبص لو ينفع تكلم حاتم وتقوله اننا خارجين..... عشان مايضيقش
يحيي(بابتسامة واسعة): -أمرك يا ستي....... انتِ ماشوفتيش البلد هنا خالص؟!!
رحيق: -لا.... انا من وقت ماجيت وانا في أوضة ليل ماخرجتش خالص!
يحيي:-خلاص ان شاءالله هاخدك ونتمشي ونتفرج عليها...... أكيد هتعجبك
رحيق: -أكيييد
يحيي: -خلاص يا ست البنات وصلنا
رحيق: -وصلنا فين!!!
يحيي: -ههههههه دا الباب الخلفي للبيت....... مش عارف وهدان فين؟!!...... هنزل الفتح البوابة ثوانى
رحيق: -ماشي
بداخل الدوّار
وهدان: -سميحة..... بت.... انتِ يا بت يا سميحة
سميحة (وهي تخرج من الباب): -وواااه..... انت ايه اللي چابك إهنه يا وهدان..... ومهمل البوابة لوحدها كيف!!
وهدان: -حد هيعاكسها يعني وانا بعيد عنها
سمحية: -إخلص يا وهدان وخلصني..... چول عاوز ايه!؟
وهدان: -هيا اللي چوا دي..... تبچي الست نبيلة!
سمحية(بملل): -ايوا هيا..... عاوز ايه بچي
وهدان: -ماخبراش هيا چاية بعد كل السنين دي ليه؟!
سميحة: -لع مخابراش..... وخليك في حالك أحسنلك وكُل عيش
وهدان: -وااه انا عملت ايه يعني؟!
سميحة: -أصل انا خبراك زين...... هما دچيچتين والبلد كليتها هتعرف إن ست نبيلة إهنه في الدوّار
وهدان: -لي بچا حدا چالك إن فتان
سميحة: -لع.... العفو انا الل.......
يحيي: -انت واقف عندك بتعمل ايه يا وهدان؟!!
وهدان: -يا خبر..... استاذ يحيي.... لع دا انا كنت بكلم سميحة شوية و.....
يحيى: -وسايب البوابة لوحدها وانت عارف إن الكل برا؟!!!...... اتفضل ارجع وياريت ماتتكررش واحمد ربنا إني انا اللي جيت مش فهد
وهدان(وهو يهرول نحو البوابة): -تحت أمرك يا يحيي بيه...... الحمدلله يا رب چات سليمة
سميحة انسحبت ودخلت جوا بسرعة أول ما شافت يحيي
رحيق: -ليه انت مش فهد؟!
يحيي: -يعني ايه
رحيق: -انت قولتله إحمد ربنا إنه أنا مش فهد!!
يحيى: -ايوا..... دا عشان فهد عصبي..... وموضوع الانضباط والنظام عنده ده مهم
رحيق: -هااا...... وانت ايه نظامك مع الانضباط
يحيي: -مهم برضه بس مابتعصبش يعني..... بعدين اتفضلي يالا عشان نلحق نمشي
رحيق: -طيب يالا ندخل..... هطلع أجيب التليفون على ما تكلم حاتم
يحيي: -حاضر
دخلوا البيت و رحيق لسه هتطلع على السلم بس سمعت صوتها
نبيلة: -رحيق
رحيق (وهي تلتفت إليها): -م....ماما
نبيلة: -ايوا ماما...... فين اختك؟!!!
رحيق (وهي توزع نظراتها بين يحيي ونبيلة): -ليل مع فهد
يحيي(باستغراب وابتسامة بسيطة): -ازاي حضرتك يا طنط
نبيلة: -انت مين؟!
يحيي: -انا يحيي عزت.... اخو فهد
نبيلة (بنظرة ذات مغزي): -هااا..... ازيك
يحيي(بابتسامة بسيطة): -الحمدلله بخير
رحيق قربت ووقفت جانمب يحيي
رحيق: -خير يا ماما..... ايه اللي جابك؟!
نبيلة: -ايه اللي جابني؟!!
يحيي: -طبعا حضرتك تشرفي في اي وقت
نبيلة (بابتسامة إعجاب): -ميرسي
يحيي (بابتسامة): -كويس إن حضرتك جيتي...... انا كنت لسه هكلم حاتم عشان موضوع جوازنا
نبيلة (بضيق): -نعم!!.....جوازكم!!!......بس رحيق لسه صغيرة
رحيق(بتحدي): -انا مش صغيرة يا ماما
نبيلة: -انتِ تسكتي خالص...... وحسابك معايا بعدين عشان تيجى هنا من غير ما تقوليلي
رحيق: -وحضرتك من إمتا أصلا بتعرفي عني حاجة........ مش دايما تقوليلي انتِ هتفضلي طفلة لامتي...... مش كل اما اقولك عاوزة أخرج تقوليلي اخرجي وماتصدعنيش وبعد كدا ماتجيش تقوليلي على حاجة...... مش حضرتك بتقولي كدا ولا ايه!!؟؟؟
نبيلة: - هاااا كبرتي وصوتك طلع
رحيق: -البركة في حضرتك
نبيلة: -وانا مش موافقة على الجوازة دي
رحيق: -احنا خلاص اتفقنا وحاتم كمان هيواف......
نبيلة(بصوت عال): -وانا بقولك مش موافقة..... ايه اخبط راسي في الحيط مثلا
حاتم: -مثلا!
نبيلة لفت وشافت حاتم واقف في وشها وليل وفهد وعزت وقفين جانمب بعض وقريبين منها نسبياً
نبيلة: -انت بتقول ايه
حاتم (بغضب مكبوت): -بقول نتكلم لوحدنا احسن
نبيلة: -هنتكلم في ايه؟؟...... خلينا هنا واهو اشوف ولادي وهما ضدي....... قلبت ولادي كلهم عليا يا عزت يا قناوي...... مكفاكش إنك أخدت بنتي لا عصيّت حاتم ورحيق عليا
حاتم (بيحاول يتحكم في أعصابه): -انتِ بتقولي ايه؟؟...... محسساني إني كنت بعاملك عادي وان العلاقة ما بينا زي أي أم وابنها
نبيلة: -ايوا علاقتي بيك مش كويسة بس انا من حقي انك تحترمني انت واخواتك....... وتاخدوا رأي في أموركم...... ولا ايه يا ليل
ليل(بهدوء): -حضرتك ماكنتيش فاضية أصلا عشان ناخد رأيك...... او تلاحظي احنا بنحترمك وبنحبك ولا لا....... حضرتك طول عمرك وانتِ بتتج........
حاتم(قاطعها بسرعة): -ليل...... انا بقول نتكلم لوحدنا أحسن
نبيلة: -لا نتكلم ولا هباب...... انا جاية بس عشان أخد بنتي
عزت: -بت مين اللي تخديها؟!
نبيلة: -مش مرات ابنك أكيد...... لاني خلاص ماليش حكم عليها....... انا قصدي رحيق
عزت: -انا مش بستفسر ولا عاوزك تحددي...... چولتلك چبل سابق مالكيش حِدانا بنات
نبيلة: -و دا معناه ايه ان شاءالله؟؟؟؟؟
عزت (بتحدي): -اللي فهمتيه يا نبيلة
نبيلة كانت لسه هتتكلم بس دخول هنية صدم الكل
هنية بصت لنبيلة بغضب وضيق وطلعت كل كرهها من نبيلة في نظراتها
هنية (بغضب): -انتِ بتعملي ايه إهنه يا وليه انتِ
خيري (كان بيحاول يهديها): -مش إكديه يا هنية دي ضيفة برضك
هنية: -انت تچفل خشمك و تسكت خالص يا خيري...... عمال تچولي بحبك وتعالي أخرچك و... و...و..... وفي الآخر تبچي عارف ان الحرباية أم العچربتين هنا في بيتي
نبيلة: -لِمي لسانك يا هنية..... بعدين انا مش في بيتك..... انا في بيت بنتي واللي زي بيتي
فهد: -نعم؟؟!؟ بتقولي ايه بيت مين؟؟!
ليل بصتله بصدمة وحزن إنه مأكدش على كلام نبيلة.... دي مهما تعمل في الآخر برضه أمها وماكنتش منتظرة منه الرد ده أبدا!!!
نبيلة: -بيت بنتي يا فهد يبقي بيتي...... ولا انتِ ايه رأيك يا ليل
ليل كانت لسه هتتكلم بس عزت سبق
عزت: -طبعا يبچي بيتك..... و بنتك ليها في البيت زي انا وخيري بالظبط
نبيلة: -شكرا يا حج عزت
هنية: -هي مين دي ليها زيكم
نبيلة: -انا مش جاية اعمل مشاكل...... انا جاية أخد بنتي وامشي على طول
هنية(بفرحة وهيا بتمسك إيد رحيق وبتديها لنبيلة): -بركة يا حبيبتي........ خوديها وامشي...... دا على قلبي زي العسل
عفاف نزلت على الصوت وكلام هنية: -هيا مين دي اللي تخودها وتمشي؟!....... نبيلة!!.... انتي ايه اللي چابك إهنه
نبيلة أخدت رحيق ولسه هتمشي بيها
رحيق (بدموع): -ماما انتِ بتعملي ايه انا مش هاجي معاكي
عزت(بحزم): -على فين يا نبيلة
نبيلة: -أظن مالكش حكم على دي كمان!!
عزت: -بس يحيي ليه!!
نبيلة؛ -يحيي!!!!....... ويحيي دخله ايه؟!!
عزت (بمكر): -عشان خطيبها!!
حاتم كان لسه هيستفهم بس يحيي ضغط على ايده وهو سكت عشان الموضوع يخلص ونبيلة تمشي من غير رحيق
هنية: -نععععععععععععععم........ خيري،، انت مش چولتلي إن يحيي خطب زهور
خيري: -انا چولتلك حاتم
هنية (بصدمة): -حاتم؟؟؟؟...... حاتم مين!؟ ابنها!!؟!
حاتم: -هو فيه مانع من ناحية حضرتك؟؟؟
هنية: -مانع واحد؟؟
عزت (بحزم): -خلصنا يا هنية...... حاتم طلب زهور مني ومن خيري واحنا وافچنا...... وانتي يا نبيلة بنتك مالهاش خروج من إهنه واصل
هنية: -لا مخلصناش يا حچ عزت...... ماكفكش إنك خيبت بخت إبنك الكبير وجوزته بت نبيلة خطافة الرجالة..... لا وكمان عاوز تخيب بخت إبنك التاني وتچوزه العچربة التانية
فهد (بعصبية): -ايه اللي بتچوليه دا يا مرت عمي...... انا مش هسمحلك تقولي كلمة على مرتي..... ومش هرد عليكي احتراما لوجود ابوي وعمي
ليل قربت من حاتم وشدته بعيد عنهم عشان يعرفوا يتكلم
حاتم(بقلق): -انتِ كويسة؟!
ليل(بدموع): -خود ماما شقتك
حاتم (مسك راسه واتنهد بضيق): -حاضر يا ليل....... تحبي تيجي معايا؟؟..... انا حسك تعبانة
ليل(بتفكير): -انا فعلا تعبانة...... بس.... خلاص هاجي معاك.... تعالي نخودها
قربوا منهم و وقفوا جانمب نبيلة
هنية(لزهور): -ما تنطقي يا بت..... انتِ صوح موافجة على كلام أبوكي ده
زهور: -ايوا موافجة
خيري: -وماتوفجش ليه ان شاءالله...... عشان خاطر انتي ماهتحبيش امه
هنية: -انت تسكت خالص ومالكش صالح ببتي..... ومالكش رأي
خيري اتعصب وشدها من دراعها بغضب: -انا ساكتلك من زمان...... وبچول انك بتعملي إكديه عشان حاسه اني مابحبكيش.... بس خلاص فاض بيا...... لو لسانك ده نطق بكلمة تانية هقطعهولك واطلقك
هنية كانت لسه هترد بس سكتت عشان هيا عارفة انها لو اتكلمت فعلا خيري هطلقها وهجوز زهور لحاتم ومش هتعرف تدمر حياة ولاد نبيلة فسكتت
حاتم(بصوت واطي لنبيلة): -اظن كفاية مشاكل انهاردة لحد كدا....... ممكن بقي تتفضلي تروحى معايا!!
نبيلة: -انا برضه اللي عملت مشاكل!؟
ليل: -ارجوكي يا ماما مش وقت كلام....... يالا بينا نمشي ونتكلم في البيت
نبيلة: -نمشي نروح فين؟!!!........ انتِ هتفضلي هنا...... دا بيتك غصب عن اي حد
ليل(بتعب): -ماحدش قال حاجة يا ماما...... انا بس اعصابي تعبانة ومرهقة وعاوزة اريح اعصابي شوية...... يالا يا حاتم هات رحيق ويالا
حاتم: -طيب قولي لفهد وحصليني على برا
ليل: -طيب..... يالا روح انت طلع العربية
ليل راحت جابت رحيق وشدت نبيلة وطلعوا برا تحت نظر يحيي وفهد والباقى مشغول بكلام هنية مع خيري وعفاف
......... حاتم طلع العربية وركبوا ومشيوا وفهد فاكر إن ليل هتوصلهم لحد العربية وترجع تاني
عدي أكتر من ساعة وعزت سكت الكل بحزمه وكل واحد دخل اوضته...... فهد فضل قاعد مع يحيي ومش عارف ليل اتأخرت ليه كل ده...... قلق وقام طلع برا البيت ولف حواليه يمكن تكون بتتمشي...... راح سأل وهدان
فهد: -وهدان...... ماشوفتش ليل هانم؟!
وهدان: -ايوا يا بيه...... خرچت من شويه إكديه مع حاتم بيه؟!
فهد: -خرجوا يتمشوا يعني؟!
وهدان: -لع يا فهد بيه....... دي كانت راكبة جاره في العربية وايه الست نبيلة والست رحيق
فهد: -مشيت معاه؟!!!!