الحلو المسموم ♥️
الفصل:الرابع والخامس والسادس وعشرون
في الجيم يوسف بيمارس رياضته المعتاده الملاكمه وسليم واقف جنبه
سليم:ياخي بتحبها متعترفلها بقا وتبتدوا حياتكم *مردش يوسف ولا بصله وهو بيلعب ملاكمه ف البتاعة ال انا مش عارفه اسمها 🌚
سليم بزعيق:يوسف ليا ساعة برغي ياخي عبر اهلي *وقف يوسف اللعب وبصله واتنهد بحزن
يوسف:لا مش هعترفلها انا اي حاجة بحبها بتسيبني وتمشي ماما الله يرحمها وبعدين نوال ودلوقتي الاء
سليم بفزع:مالها الاء هي كويسه انا لسه مطمن عليها من نص ساعة في حاجة ي يوسف متخبيش عني
يوسف بلؤم:ابدا بس جايلها عريس مناسب وهجوزها وعاوزك جنبي ف الوقت ده*سليم وشه اتغير بقي نبيتي 😂 وعينه بطلع شرار مسك يوسف وفضل يضرب فيه خد يوسف لكمتين وبعدين بحركة كتفه ووقعه ف الارض وقعد عليه
يوسف بألم:طب بعد ال عملتو ده ابقي قابلني لو وافقت
سليم بغضب: يعني بتقولي هتجوزها لواحد غيري واقف اصقفلك ولا اجيب المعازيم لفرحها
يوسف بخبث:مطبعا كنت هتجيب المعازيم اذا مكانش العريس يعزم مين ال هيعزم
سليم ببلاهة: هو انا العريس*قام يوسف من عليه وقومه
يوسف:كنت العريس دلوقتي نرجع بقا ل نقطة الصفر ونبتدي من الاول
سليم:لا ونبي حرام عليك ياخي ترضاها لاخوك الصغير
يوسف: سنتين فرق مش اكتر بطل دلع *سليم بص للارض بحزن زائف ووش برئ واتنهد
سليم:ماشي ي يوسف نرجع لنقطة الصفر انا وراك لحد ما توافق بس اسمعني راجع تاني موضوع لؤة قبل ماتخسرها ي يوسف او حد بدالك ياخدها
*يوسف اتنرفز بغضب وعصبيه
يوسف:انا عمري ما هسمح بكده مش هسيبها لغير علي جثتي
سليم بلؤم:ايوه فاهم اقصد قلبها سعتها متندمش ي صحبي
يوسف بتفكير:سليم ايه رايك تيجي معانا شرم
سليم بفرحه:انا كنت جاي اصلا بس مش عارف اوصلهالك ازاي
يوسف بغيظ:هولع فيكو انتو الجوز غور من وشي دلوقتي*جري سليم قبل ما يرجع يوسف ف قراره ف موضوع السفر وهو عارف ان قصده عليه هو والاء عند يوسف طلع موبايله وطلب رقم
يوسف: الو احجزلي شاليه ف شرم يكون قريب من مكان .....*وقاله العنوان وقفل وخد حاجته ومشي رجعت لؤة القصر وهي وطالعة سمعت صوت ضحك جاي من الرسبشن خدها الفضول وراحت تشوف مين لقت نجوي واسراء قاعدين فطسانين ضحك قربت لؤة
لؤة: خير ضحكوني معاكو *شافتها نجوي واتنهدت
اسراء:تعالي ي لؤة ده فاتك نص عمرك لو مشوفتيش الصور دي *راحت لؤة وقعدت جنبها بدافع الفضول بردو فتحت إسراء ألبوم كبير شافت صورة ل شاب ف حدود ١٦سنة بيغير حفاضات لطفل وهو قرفان كان باين عليه متغفل لؤة استغربت
لؤة:مين ده
اسراء:ده يوسف ودي انا تصدقي
لؤة بذهول:مش معقول بتتكلمي جد هو بيعمل ليه كده
اسراء: يوسف ربي الاء ومكنش راضي حد من الخدم يعتني بيها غيرة كان عنده ١١ سنه بيغير ويلبس ويحمي بمساعدة كوثر لحد ما بقت شحطه وكذالك انا عمل معايا كده ده يوسف لحد الان بيسرحلي شعري ده عليه شويه تسريحات ولا احسنها كوافير*فضلو يضحكو ويقلبو ف الصور لحد ما لؤة شافت صورة مامت يوسف سألت وهي عامله نفسها متعرفش
لؤة:مين دي ال جنب يوسف
اسراء بحزن:مامته الله يرحمها كان متعلق بيها جدا *زعلت لؤة جدا لانها كانت زي الوردة المفتحه كفايه ضحكتها هي وحضني يوسف شبه الاء جدا ويوسف واخد عنيها البندقية و غمازاتها جات فيروز
فيروز:يوسف بيه وصل وطالب حضرتك ي هانم
لؤة:اي هانم دي مقلنا لؤة وبس *بصت فيروز ل نجوي ال شاورتلها تمشي ومشيت بصت نجوي ل لؤي
نجوي:لؤة القصر هنا ليه قوانين الكل لازم يحترمها وده لمصلحتك ومصلحت الكل احترام الخدم ليكي احترامهم لينا كلنا
لؤة: ده استعباد مش القاب وانا بحب اكون علي طبعتي وبعدين كلنا من ادم وحوي ي ام إسراء *قالتها بغيظ ومشيت ام اسراء اتنهدت بغضب
نجوي: علي قد ما هي طيبه لسانها ده عاوز حداد عشان يعدله*ضحكت إسراء علي حال لؤة ومامتها عند يوسف دخلت احلام بعد ما خبطت وردت الباب وراحت عنده
يوسف: جهزتي حاجتك بكرة الساعة ٦ هنتحرك
لؤة باستغراب:بس الباص هيطلع الساعة ١٠
يوسف: هنطلع ف عربيتي
لؤة:تمم*وقعدت جنبه
لؤة:مقلتليش ازاي بتعرف تسرح حلو كده اخدت كورس فين ي زميلي*بصلها يوسف بضحك
يوسف: تصدقي فكرتيني *وشد طرحتها ومسكها من شعرها وجرها لحد كرسي التسريحة
لؤة:شااااعري ي مجنون اااه احلقه مش عوزاه *قالتها بصراخ وضحك قعدها علي الكرسي وابتدي يسرحلها شعرها ويصففه
يوسف:هعملك تسريحة من ايدي تحفة كنت بعملها لاسراء
لؤة بضحك: طب اقلك فكرة إنما ايه تحفة هتعجبك
يوسف وهو بيسرح وبيبص بضحك ف المرايه
يوسف:ارحميني
لؤة:استني بس هتعجبك احنا نفتح كوافير وانت تشتغل وانا ألم فلوس واهو ناكل عيش ف الحلال
يوسف:تصدقي اقتنعت لا بجد فكرتك هايلة *وفضلو يضحكو لحد ما اليوم خلص وهما يتناكفو سوا زي ناقر ونقير لحد ما ناموا
صحيت لؤة علي اذان الفجر وقامت
لؤة بوشوشه: الله أكبر الله أعظم
لؤة:يوسف يوسف يزفت*قالتها وهي بتهز كتفه براحة
يوسف:امممم عاوزه ايه يشوارعية *ضربت علي ضهره جامد
لؤة:قوم عشان نصلي الفجر ونلحق نجهز قووووم*قالتها بصراخ قام نط من مكانه كانت هي وصلت للحمام وردت الباب بسرعة واتوضت طلعت لقته اتوضي ودخل من باب الاوضه
صلو وقرو قرآن وبعدين ابتدت لؤة تجهز الشنط بعد ما صحت الاء اسراء كانت بايته معاها وعرفت الموضوع ومسكت فيهم وافق يوسف قالت إسراء لمامتها ووافقت الساعة ٦ الكل جهز ركبت الاء واسراء ولؤء ورا اتحرك يوسف بالعربية قالت
الاء: وسليم ي يوسف *بصلها يوسف ف المرايه بصه كفيله انها متتكلمش لحد ما ياخدو اجازتهم ويرجعو استغربت لؤة وف الطريق برة البوابه كان واقف سليم شاف عربية يوسف جه عليها فتح العربية بضيق وبص ليوسف
سليم:ياخي حرام عليك من الساعة ٥ ملطوع قدام البوابه ومش عاوز تدخلني*بص وراه
سليم:ازيكم ي بنات اعمل ايه فيه حد يديني حل
لؤة: غرقه ف شرم وريحنا منه*الكل قعد يضحك ضرب يوسف سليم بالبوكس
يوسف:بص قدامك وخليك في حالك ومسمعش صوتك لحد ما نوصل *شهقت الاء واتصدمت لؤة بصت ل الاء باستفسار عن سليم بصت الاء من الشباك ووشها حمر فهمت لؤة وابتسمت اتحرك يوسف ف الطريق والجو ملل جدا
اسراء بحماس:متشغلنا حاجة ي يوسف ايه قعدة الجنازات دي
يوسف: تسمعو ام كلثوم ولا عبدالحليم*الكل ف نفس واحد لاااااا اتخض يوسف باستغراب
يوسف:ليه دي اغاني الزمن الجميل*طلعت اسراء تليفونها ومالت لقدام لانها ف النص مدت اديها وفتحت السماعة وصلتها بالبلوتوث
اسراء: هصدمكم مهرجان نازل جديد
المهرجان: حسن شاكوش(حبيبتي افتحي شباكك انا جيت انا واقف تحت البيت مش هعمل زيطه وزيط وحشتيني*الكل عمال يصقف ويرقص واسراء تزغرت ويوسف يضحك عليهم وحشته القعده دي من زمان بعد ساعة من الضحك والهزار بين
البنات ويوسف وسليم نامو البنات وسليم كمان طفي يوسف اتصال اسراء بالسماعات ووصل تلفونه هو وشغل اغنية هاتي حضن ل يحي علاء وكملو طريقهم صحيت لؤة بعد ٣ ساعات لقت الكل نايم ويوسف لسه بيسوق وبيسمع اغاني رومانسيه
يوسف:صح النوم
لؤة:منتا زي باقي خلق الله اهو وبتسمع رومانسي *طفي السماعات بضيق
يوسف: كل دي شنطه جيباها حطه فيها أي
لؤة بضحك:يبقي جوعت تصدق وانا كمان جايبه سندوتشات جبنه ولانشون ومربي
يوسف بجوع:طب هاتي سندوتش جبنه
لؤة:عيوني *وطلعت الساندوتشات واكلو صحيو الباقي بعد نص ساعة واتبلطجو علي شنطة لؤة وكلو الساندوتشات كلها
سليم:قدامنا قد ايه ي يوسف
يوسف:ساعتين*الكل افأف بملل صرخت اسراء
اسراء:تيجو نلعب
يوسف: انتي بالذات اتهدي ي شيطانه
اسراء بلا مبالاه:لعبة الصراحة كل واحد دور انا الحكم
لؤة:طب مش مفروض يبقي فيه ازازه وكده
اسراء:هقسمكم مجموعتين يوسف ولؤة ضد سليم والاء البنات هتتحدي بعض بمساعدة الرجالة وكذلك الرجالة وعملة الحظ معايا ملك ليوسف ولؤة كتابه ل سليم والاء
يوسف:لا مش هلعب
لؤة:ونبي ي يوسف عشان خاطري
يوسف:بس بدل ما ادفنك هنا ونمشي
لؤة:خلاص ماشي ادخلي معانا ي اسراء انتي والاء وانا وسليم
*قالتها بخبث بصلها يوسف ف المرايه بغيظ
اسراء بمكر:يوسف نبدأ اللعبة
يوسف:تمم نبدأ *رمت العملة اسراء طلعت ملك
اسراء:يوسف ولؤة اسألوا *بص يوسف ل سليم بلؤم
يوسف: عملت ايه ف موضوع الشغاله ال كانت حامل واجهضت *الكل سكت الاء وشها صفر بص سليم وراه ل الاء ب توتر وبص ليوسف
سليم:ياخي انت ناوي تخرب عليا متكمل كلامك وقول انها متجوزه وكانت حامل جديد ومتعرفش ومن الخدمه اجهضت*الكل اخد نفسه ويوسف فضل يضحك قامت الاء وقعدت علي حجر اسراء وشدته من شعره وضربته ف كتفه بغيظ
الاء:هوريك ي يوسف والله العظيم ل اردهالك*الكل قعد يضحك رجعت الاء مكانها رمت اسراء العمله تاني طلعت ملك بردو
اسراء:دوركو تاني
لؤة:تمم الاء انا معرفش سليم مين ممكن تقوليلي
الاء بإحراج:اه طبعا سليم صاحب يوسف من وهو عنده ٧ سنين اتعرفو ف المدرسة وهنا ابتدت صداقتهم
لؤة بتلميح:بس كده
سليم بضحك:لا طبعا بس ايه وجوزها المستقبلي بس لما يوافق ابو لهب ده *مد يوسف يده ولصق وش سليم ف الازاز
سليم:خلاص ي ابو لهب اسلم ي راجل ووافق علي جوازتنا*الكل قعد يضحك فضلو يلعبو لحد ما سألت الاء لؤة
الاء:انتي ويوسف بتحبوا بعض*اتغير وش لؤة ويوسف باصصلها ف المراية
لؤة: يعني هو مش اا
يوسف:اللعبه خلصت وصلنا خلاص*انقذها من موقف لا تحسد عليه نزلو من عربيتهم قدام الشالية جم الخدم واخدو الحاجة وكلو دخل الشاليه
يوسف:انا والكلب ده لينا اوضه وانتو البنات هتاخدو باقي الاوض
سليم بطفوليه:لا عاوز اوضه لوحدي مليش دعوة
يوسف:ده انا هنام معاك عشان متقعدتش لوحدك
اسراء: ياجماعة الفسحة باللمه منام كلنا سوا *الكل بصلها وطت رقبتها وهزت كتفها
اسراء:خلاص كإنكوا مسمعتوش حاجة كل واحده علي اوضتها *وسابتهم وجريت
يوسف بغيظ:ده ال خدناه من تعليم برة ماشي ي اسراء لما نروح *وخد سليم من قفاه ودخلو الاوضة وردو الباب فطست لؤة والاء ضحك وندهو اسراء واتمشو سوا يتفرجو علي الشالية
الحلو المسموم ♥️
الفصل:الخامس وعشرون
بعد نص ساعة الكل اتلم عشان يتغدوا وابتدوا ياكلو قامت لؤة بعد ما خلصو غدا بطريقة دراميه وبتخبط علي الكأس بالملعقة اتكسر منها والعصير اتدلق
لؤة بإحراج:هما بيعملو كده ف الأفلام بردو*الكل قعد يضحك عليها
يوسف بغيظ:متسمعيش افلام نهائي واترزعي
*لؤة طلعت لسانها بطريقه مضحكه
لؤة: لاء عندي حاجة حابه اقولها غدا بكرة هنحضروا انا واسراء و آلاء كل واحدة هتعمل طبق مختلف زي مسابقة كده وانتو الحكام ال هتدوقوا وتشوفوا مين طبقها احلي تمم*بص يوسف وسليم لبعض بشك وعدم اقتناع بس مفيش فايده ووافقوا
يوسف بهزار :نجيب الإسعاف من انهارده بقا*فضلو يضحكو
سليم:انا جبت بدلات غطس وانابيب أكسجين مين ناوي يشوف سلاحف البحر والمرجان*آلاء واسراء فرحو خالص ووافقوا اما لؤة وشها اتغير للاصفر لاحظ يوسف ده
سليم باستغراب:وانتي ي لؤة
لؤة بقلق:لا روحو انتو انا هتفرج عليكم من فوق
الاء بضحك:انتي بتخافي من البحر معقوله اومال جايه ليه يبنتي تعالي معانا الحكاية آمنه مفيش خطر ده المنظر تحت تحفة
لؤة بتوتر:لا انا مرتاحة كده
يوسف:خلاص انا ولؤة هنقعد وانتو روحو اسراء انتي المسئولة *وشاور علي آلاء و سليم
إسراء:تحت امرك ي يوسف باشا *قالتها بطريقة مضحكة الكل ضحك راحو غيرو ولبسو بدل الغطس وخدو حاجتهم وطلعو كلهم سوا قربو علي الشط ودعو بعض ونزلو البحر قعدت لؤة علي الشط ويوسف جنبها
يوسف وهو باصص للبحر:ايه مبتعرفيش تعومي
لؤة بصتله وبصت تاني للبحر:اه مبعرفش بعدين بخاف من البحر بحس فيه الغدر *بصلها يوسف بابتسامة جذابه واتنهد
يوسف:انا عكسك تماما بحب البحر جدا تعرفي عينك لونها زي لونه ببص فيها بشوف نفسي ف نص البحر ده وحاسس بالأمان
بصت لؤة لعنيه البندقي وتاهت للحظات حستها سنين فضلو يحكو عن حياتهم ويفضفضوا لبعض وبعد ساعة طلع سليم والاء و إسراء من البحر وجم جنبيهم ونامو علي الرمله وقعدو ينهتوا
لؤة:استمتعتوا صح
سليم:بصراحه كانت هتبقي احلي من غير السوسه دي *وشاور علي إسراء اتغاظ يوسف وقعد علي سليم ال نايم علي الرمله وحط ايده علي رقبته وكان هيخنقه قاموا البنات بضحك وشدوه من عليه بالعافية بعد سليم
سليم:كح كح شفتي ي الاء كح هموت قبل ما اتجوزك زي ما قلتلك ابو لهب عمره ما هيأسلم *الكل قعد يضحك وقاموا
دخلو الليل ليل الكل اتعشى ونام ف مكانه عند يوسف سليم حس ان يوسف دخل ف النوم قام براحه من السرير الاوضه ضلمة طبعا وخطي خطوتين بعدين النور ولع لف لقي يوسف قاعد علي السرير ومربع ايده
يوسف:رايح فين
سليم: الحمام وراجع
يوسف: اوضتنا فيها حمام الباب التاني*افأف سليم ودخل الحمام وطلع لقاه طفي النور وصل للسرير ونام طبعا يوسف طلع وقفل الباب بالمفتاح وطلع بره الشالية لقي لؤة قعده علي الشط قرب يوسف بغيظ
يوسف:مقولتليش ليه انك طالعة
لؤة:رنيت عليك وكنت قافل تليفونك وبعدين سليم كان نايم عشان كده مردتش اخبط واصحيه صحيح بخصوص سليم انت ليه مش عاوز تجوزه الاء دول بيحبوا بعض *قرب منها يوسف وقعد جنبها
يوسف بلؤم: بحب اذله شويه مش اكتر*قالها بضحك ضربته لؤي جامد ف كتفه
لؤة:ياخي اتقي الله بطل افتري علي خلق ربنا
يوسف بجد:لؤي ايه رأيك ننزل المية*
لؤة باستغراب :ننزل لاء شيل النون وبعدين الجو ساقع وعدينا نص الليل يعني لو متنا حتي جثتنا مش هيلاقوها
يوسف:طول ما انتي معايا مش هسمح لحاجة تحصلك علي جثتي وبعدين الميه دافية والبدلات ال جابها سليم عازلة لببروده يلا عشان خاطري *قالها بترجي وهو ماسك اديها بصتله لؤة واتنهدت
لؤة بقلق :تمم بس انا مبعرفش اعوم
يوسف بحنية:بسيطة انا معاكي
اتنهدت لؤة بخوف:ماشي هدخل البس البدلة
*وفعلا دخلو الشاليه ولبسو بدلات الغطس وانابيب أكسجين وطلعو فضلو ماشيين علي الشاطئ بعيد
لؤة:يوسف احنا ليه ماشيين بعيد
يوسف بحب:هوديكي جنتي *قلبها متعرفش ماله ضربات سريعه اعصابها سايبه مشو شويه قدام بصت لورا لقت الشالية غاب عن نظرها مسك يوسف اديها ووقفو ف المية وبصلها بحنان
يوسف:مستعده *لا اراديا هزت راسها ب اه لبسو الأقنعة ودخلو ف الميه فضلو ماشين لجواها لحد ما الشط من تحتيهم اختفي يوسف ماسكها من وسطها بايده وهو فوقيها بيعوموا لجوة لؤة مرعوبه وبتتشاهد وبتقرا قرآن من ال حفظاه وهي مغمضة عينها لان الدنيا ضلمه حست انهم بينزلو لتحت اووي مسكت ف ايد يوسف لحد ما وقفو علي الارض هزها يوسف
عشان تفتح عنيها فتحت عنيها بالراحة شافت منظر مش موجود ف الواقع البحر كإنة بيحتفل بيهم حوليها شعب مرجانية منورة ازق واخضر واحمر وسمك ملون بكل أنواعه حوليهم وسلاحف كبيرة نايمه مش شايله هم ان فيه ضيوف عنديهم بصت لؤة ليوسف بفرحه وهو بيضحك مشي بيها
شويه بالراحه سابت لؤة ايده وقعدت تتفرج وتتنطنط وبدات تلمس الحاجات باديها يوسف معها مراقبها لحظه بلحظه شافت لؤة مجموعات من حصان البحر الصغير مشت وراها لحد ما دخلت ف حجارة عليها شعب مرجانية منورة وطت لؤة وبصت لجوة لقت حاجة زي الؤلؤة بتنور مدت اديها عشان تجيبها
مسك يوسف اديها ورجعها لورا وشاورلها بمعني لا جاب عصاية صغيرة متينه وحطها مكان ما كانت هتحط اديها وبصت لؤة عليها لقت في حاجة قفلت علي العصايه وكسرتها تراجعت بخوف مسك يوسف اديها وطلع بيها لسطح البحر وشالو الأقنعة
لؤة:يوسف كفايه بكرة نيجي تاني
يوسف :تمم يلا بينا *وخدها للشط طلعوا ونامو علي الرمله
يوسف:انتي بجد غبية يعني مكنتيش عارفة ان دي لؤلؤة جوه حبار
لؤة بغيظ:مشوفتش الحبار شفت اللؤلؤة وشدتني
يوسف:شكلها حلو لكن سامة جدا
الحلو المسموم ♥️
الفصل:السادس والعشرون
رجعو الشالية تعبانين كل واحد فيهم خد دوش وراح نام مكانه صحيت لؤة الصبح علي صوت كركبة فتحت عنيها وبصت جنبها لقت اسراء والاء قاعدين ف اوضتها علي كرسيين وحطين رجل فوق التانيه استغربت لؤة وقامت
لؤة بنعس:فيه اي عاملين كده ليه
الاء بتقلدها:مش هنزل معاكو مبحبش الميه بخاف منها
اسراء بردو:امشو وهستناكم حلوه المية استمتعتو
الاء بغيظ:وانتي وسي يوسف مديرينها ف الميه بعد نص الليل وانا سلومه حبيبي يحبه عيني محبوس ف اوضته
لؤة بضحك:طب سي يوسف ده جوزي لكن انتي وسلومه مش مخطوبين اساسا
الاء:يوسف مش راضي زني عليه ي لؤة بالله
لؤة بتفكير:تمم بس علي شرط*بصو الاء واسراء لبعض
الاء:قولي
لؤة:انا عاوزة اربي اخوكم ده ال مطلع عيني من وقت ما شفته هاا قولتو ايه
اسراء والاء ف نفس واحد ببصة مريبة:ده انتي جيتي ف ملعبنا😈 *صحي سليم ويوسف ف حدود ٩ بعد البنات ما صحيو ب نص ساعة
سليم:احبسني انا وتصيع انت براحتك
يوسف بلؤم:بصيع مع مراتي انت هتصيع مع ميين*سكت سليم بغيظ وقام فتح الباب وطلع ورده وراه قام يوسف ودخل الحمام وغسل وشه وطلع قعد علي السرير شوية وشغل موبايله وعمل كذا مكالمه بخصوص الشغل بعد ربع ساعة قام عشان يخرج مسك اكرة الباب واتنفض
يوسف بألم: ااه كهربة ف اكرة الباب *جاب فوطه ومسك بيها اكرة الباب فتحها لقي سلك كهربة من اكرة الباب لحد أوضة إسراء تتبع السلك براحة وفتح الباب ال كان موارب ووقع عليه دقيق كتير
يوسف بغيظ:اسراااء *محدش رد راح لاوضة الاء جه يفتح افتكر الكهربا جاب فوطه فتح الباب ملقيش حاجة بس شاف هدوم طالعة من تحت السرير دخل ووطي مشافش غير هدوم طلع من باب الاوضه واتزحلق وقع علي ضهره
يوسف: تمم يعني كده ماشي *قالها بهدوء فضل مكانه ونام كانه مغمي عليه استني خمس دقايق ابتدي يسمع صوت همس وخطوات حوليه لحد ما حس بنغزه بعصاية مقشة ما اداش رده فعل قربو البنات وابتدوا يهزو فيه
البنات:يوسف زفت قوم بلاش هبل عارفينك بتمثل يوسف *جابو ميه وابتدو يكبوها علي وشه مفيش رده فعل اتخضو قعدو يصرخو بفزع باسمه جه سليم يجري علي صوتهم
سليم:فيه إيه مال يوسف
البنات بخوف:كنا عاملين مقلب ووقع ومنطقش تاني *وفضلو يعيطو الا لؤة حاسة بحاجة غريبه قامت جابت دبوس وعند دراعه شكته بيه
يوسف بغيظ :ي لؤة يبت الكلب *اتعدل وقالها بغيظ قامت لؤة تجري وبصت للبنات
لؤة:مقلب ي بهايم انفدو بجلدكم *قامو يجرو ويضحكو ويوسف وراهم متحلفلهم وسليم واقف بيضحك عليهم خلصو لعب فطروا وابتدو يجهزو الغدا كل واحده مشغوله ب ال بتعمله الساعة واحده الضهر كله خلص قعد يوسف وسليم علي السفرة كل واحده واقفه وشايله طبقها قدمت اسراء الأول داق يوسف وبصلها
يوسف:مش بطال حلو ٧ من عشرة
سليم داق:وانا بردو نفس الكلام بس هزود نص *اتغاظت اسراء قدمت لؤة طبقها داق يوسف
يوسف:حلو ٨ من ١٠
داق سليم: ٩ من ١٠ برافو *ابتسمت لؤة بانتصار قدمت الاء طبقها شافه يوسف واتنهد وداق
يوسف بحب: ١٠ علي ١٠ تحفه بجد تسلم ايدك
سليم داق:وانا بردو نفس كلامه وحشني اووي الطبق ده *اتغاظت لؤة وقربت داقته لقته تحفة هو اكلة بحرية بس حلوة
لؤة باحراج:فعلا جميل انا مصدقتهمش عشان كده دوقت حطاله ايه ده مش زفر خالص رغم انه نوع من السمك
الاء بعفوية:الخل واللمون يضيعو اي زفارة
لؤة برعب وهي باصة ليوسف :لمووون
يوسف بفزع وهو بيقف لمووون
الاء بعد ما افتكرت بدموع:مقصدش والله
قرب يوسف علي لؤة وخدها من اديها وجري علي عربيته كله ركب وهي ركبت جنب يوسف اتحرك بالعربيه ومشي البنات ورا يعيطو وسليم ف النص بيصرخ
سليم:يوسف فيه إيه مش فاهم حاجة
يوسف:شوف أقرب مستشفي هنا فين بسرعة*لؤة ساكته كانها ف عالم تاني طلع سليم موبايله وفتح GPS
سليم بقلق: خليك ماشي علي طول معانا ساعة لاقرب مستشفي فيه إيه بقا انا قربت اتجلط
اسراء بعياط:لؤة عندها حساسيه من اللمون وبتحصلها حمي صعبة بس كلنا نسينا *وفضلت تعيط بص يوسف ل لؤة مغمضه عنيها ومريحة لورا علي الكرسي ف هدوء ووشها ابتدي يحمر
يوسف برعب:لؤة لؤة فوقي *حط ايده علي وشها سخنه البنات بتصرخ وسليم حاطط ايده علي راسه
سليم:يوسف مفيش وقت كده هتضيع أركن عند بتاع العصاير ال هناك ده نجيب تلج ونحطه عليها لحد ما نوصل *فعلا اول ما وقف قدامه فتح الباب وطلع يجري من عربيته وراح عند بتاع التلج وزعق فيه
يوسف:عاوز تلج مكسر بسرعة
الشاب بخوف:مفيش مكسر هكسرلك *وجاب حتة تلجاية كبيرة مربعة مسك يوسف منه ال بيكسر بيها التلج وفضل يكسر بكل قوته جه سليم وشاف يوسف وهو مش حاسس بحاجة بس بيكسر بغضب وخوف
الشاب بخوف:هو محتاجه ف ايه
سليم بحزن:وحده سخنت معانا وخايفين منلحقش المستشفي
الشاب:في هنا مركز طبي صغير * بصله يوسف وجري عليه ومسكه من دراعه بعد ما خلص جملته وبزعيق
يوسف:فييين بسرعة
الشاب بخوف:امشي علي طول اول شارع يمين ادخله عشر دقايق وتوصل *خد يوسف التلج ف كيس وجري للعربية وركب ادي التلج ل الاء عشان هي وراها واتحرك بالعربيه وبيزعق
يوسف:الاء ميلي لؤة لقدام وحطي التلج علي قفاها وضهرها من ورا *عملت ال قلها عليه ميلتها ويوسف مادد دراعه ساندها لتقع قدام بعد سبع دقايق وصلو للمركز نزل يوسف وشالها وجري بيها لجوة ف الاستقبال وعمال يصرخ حاسس بجسمها الفاير
يوسف بصراخ: دكتور معايا حاله عندها حمي من الحساسية *جريو عليه الممرضين وحطوها علي ترولي دخلوها الاوضة ال جنبيهم جه الدكتور
يوسف بخوف:كلت حاجة فيها لموون وهي عندها حساسية منه
الدكتور بتفهم:تمم من فضلكم مش عاوز زحمه واحد بس يفضل*كله طلع قعد يوسف ركبلها الدكتور محلول وحطلها فيه حقن وأدوية وقاس درجه الحراره علي طول لقاها ٤١ درجه زود جرعة الدوا تاني بعد خمس دقايق قاس الحراره لقاها ٣٧ اتنهد الدكتور وبص ليوسف ال قاعد علي الكرسي وراسه لتحت وحاطت ايده عليها
الدكتور:هي تمم دلوقتي هنستنا لما تفوق ونفحصها تاني برب لقدر الله تكون الحراره اثرت علي حاجة بس خير ان شاءالله
*طلع الدكتور وطمن ال برة قام يوسف قفل الباب وخد كرسيه وقرب منها وفضل يعيط
يوسف:كنت عارف ان الحلو عمره ما يكمل انا معرفش ازاي مخدتش بالي كده انا السبب بس انا مش عاوز اخسرك مش عاوز اسيبك اتعلقت بيكي اووي مليتي حياتي ليل نهار بفكر فيكي من اول قلم خدته منك القلم ده فوقني ي ريتني خدته من زمان وعرفتك من بدري كانت حجات كتير ف حياتي
اتغيرت انا وقعت علي جزور رقبتي وحبيتك حبيت كل حاجة فيكي حتي طولة لسانك*دموعه نازله صوته مبحوح مش قادر ياخد نفسه بيشهق وماسك اديها وضاممها علي قلبه عدت خمس دقايق وهو مبطلش يحكيلها عن حبه ليها وخوفه عايها
لؤة وهي بتفوق: ده انا هذلك لحد ما اموت *قالتها بصوت ضعيف وابتسامه بصلها يوسف بفرح
:حمدلله بسلامتك قلقتيني ي شوارعية
لؤة: الله يسلمك صبرك عليا بس اقوم
يوسف: انا اصلا مقلتش حاجة *قالها بضحك وهو باصصلها بحب وحنان