غرام أحفاد الشيطان
الفصل السادس وعشرون
💐🍃💐🍃💐🍃💐🍃💐🍃💐
كانت عين تجلس علي فخذة وتحضنه وهي تبكي بصمت بينما هو يمسد علي شعرها ويهدئها
عدي : هششش طيب ممكن افهم بتعيطي ليه
عين بشهقات : خايفه اوي يا عدي
عدي : طيب قوليلي من ايه
عين : بحلم احلام وحشه وكلهم بيتفرقوا خايفه انا اموت لو بعدت عنك تاني يا عدي
بعد وجهها ومسح دموعها مقبلا وجنتها
عدي : مستحيل اسيبك يا عين انتي كل حياتي
عين : كلامك حلو اوي يا عدي خايفه يكون كلام وفي يوم تسبني او تبعني اما ياخدني
نظر لها بتأنيب قائلا : دي اخرة حبنا يا عين
عين ببكاء : طمني بلاش تبصلي كدة
عدي بعصبية : اطمنك اقولك ايه اقولك اني مش بعشقك لا مغرم بيكي وكلامي مش مجرد كلام اقولك مش هقتل نفسي لو بعدتي واموت كافر بسببك
دفعته عين ووقفت متحدثة بعصبيه : لا متقولش سيبني في حالي وفي احلامي
عدي : لو واثقة فيا مش هتسمحي لنفسك تتوهمي هتبقي مطمنه جنبي
عين : مش بإيدي خايفه وخوفي مش بإيدي
عدي جاذبا جاكته : بما ان خوفك في وجودي ذي اما مش موجود يبقي وجودي ذي عدمة
وجاء ليذهب فجرت عليه وحضنته من ظهره
عين ببكاء : حقك عليا بس متسبنيش بالله عليك
استدار لها واعتصرها بين يديه كأنه يخبئها من العالم مستغرب من شكلها وحالتها ثم رفع وجهها بين يديه ومسح دموعها وانحني حملها واخذها للسرير ونام وهي ليست بحضنه بل فوقه وطوقها بزراعاه ثم دثرها جيدا بالغطاء
***************
في المستشفي
كان عثمان وعز يقفوا بجانب بعض عثمان يقف امام حفيدة وعز امام ابنته والاثنان يصارعوا الحياة
أسعد : يلا روحوا انتم ارتاحوا وانا هفضل جنبهم الليلة دي
عز : لا مش هسيب بنتي
أسعد : اسمع كلامي يا عمي انا كدة كدة هنا جنب حياة
عثمان : يلا يا عز روح لمراتك طمنها علي بنتكم وانا هرجع القصر وأسعد هنا
عز بتنهيد : ماشي
وذهبوا الاثنان بينما نظر أسعد لأخاه وظل ينظر له وفجأة سمع جهاز لين يتوقف نظر لها ليسمع جهاز اخاه ايضا
أسعد بفزع : دكتوووور ممرررررضه دكتوووور
تجمع الأطباء مسرعين واتجه البعض لغرفة أيان والآخر لغرفة لين وبدأوا يتلقوا الاثنان صدمات بينما نظر أسعد لأخاه وتجمعت دموعه فشعر بيد صغيرة تتوسط يده اجل يعرف صاحبتها نظر لها فحضنته
حياة : كل حاجة هتبقي كويسة
أسعد : هنرجع انا واخواتي نتفرق تاني بس خايف المرة دي يكون علي طول يا حياة..... أيان بيموت وأوس ويزن سافروا وميعرفوش عننا حاجة
حياة : في يوم هيرجعوا وهتعيشوا سوا كويسين صدقني قول يا رب
أسعد : يا رب
نظر لأخاه وجد نبضه يعود مع عودة نبض لين فضحكت حياة وسط دموعها
حياة : دا اخوك واقع واقعه
رفع ذقنها ونظر لعيناها قائلا : اخويا واقع في الغرام واخو اخويا واقع في الغرام واخو اخواتي الاتنين واقع في الغرام واخو اخواتي التلاتة واقع في الغرام واخو اخواتي الاربعه واقع في الغرام واخو اخواته الخمسه واقع في الغرام
حمحمت وهي تبعد عيناها عن عيناه
حياة : سيلا عامله ايه اتجوزتوا ولا لسه
أسعد : مش عيب تبقي في حضني وتقولي كدة
حاولت ان تبعد فطوقها اكثر
أسعد : أسعد كان شعورة نحية سيلا مجرد إعجاب أسعد واقع في غرام حياة وبس
نظرت له بعدم تصديق فاردف بحزن : لو مهربتيش يوم تعب لين كنتي عرفتي اني بدور عليكي ولو مسبتيش الحفلة كنتي عرفتي اني المأذون عمل حادثه قدام الناس بس أيان الشرقاوي خطفه بمعرفة أحفاد الشرقاوي كلهم عشان أسعد الشرقاوي عرف انه بيعشق حياة
حياة : طيب ليه كنت واقف معاها ومطنشني
أسعد : كنت مستني منك كلمة كنت ههد الدنيا عشانك
حياة بأمل : بجد يعني بتحبني
أسعد بهيام واضح : ومن قبل ما تحبيني حتي
حياة بحزن : بس انا زعلانه منك يا أسعد
أسعد : اخص علي أسعد عمل ايه
حياة بعبوس : طردني وهاني اوي
أسعد : ودور عليكي كتير و..... كان عايز يفرحك يقولك نجحتي يقولك معاكي حق يقولك سامحيه يقولك ميستهلش
دمعه من عنيكي يقولك احضنيه حسسيه بفرحته ان سيلا وافقت بس لا انا كنت عايز حضنك بس مكنتش فرحان ان سيلا وافقت انا اتخيلتك في كل حاجة يا حيا....حياتي
حياة : عارف ايه احلي حاجة
أسعد : عارف اننا سرقنا قلوب بعض في نفس الوقت
حياة : انا بعشقك يا...... معذبي
فجأة حملها ودار بها سعيد هامسا لها بعشقة
*********************
في قصر الشرقاوي
رؤي بصراخ : ارحمني وسبني بقي مش عايزاك
الياس ببرود : مكنتيش تدخلي حياتي من الأول
رؤي بصراخ أشد : دخلت ومش ندمانه لازم كنت انتقم منكم كلكم وفيك انت بالذات كلة منك انت بعتني سبتني مهنش عليك تشوفني مرة ظلمتني زيهم
الياس بعصبية : المفروض كنت شوفتك وجبتك من شعرك وهنتك مش كدة انتي تحمدي ربك اني سبتك اصلا
رؤي : اعتبرني مجتش في حياتك وسبني في حالي
الياس وهو يجذبها من زراعها : اما تشوفي نجوم الضهر يلا عشان تنامي
رؤي : مش عايزة اتزفت
الياس ببرود : مش عشانك عشان ابني
رؤي بتوتر : ابن مين انا مش.....
الياس : فهمت نامي وبكرة نكشف
نفخت خدودها واتجهت للسرير تمددت واغمضت عيناها فنام هو وجذبها لحضنه وبعد وقت غفي هو بينما هي شعرت بإهتزاز فونها فأخذته وجدت رقم امها فبعدت يده ووقفت عند الشباك واجابت
رؤي : ماما
سمر بخوف قالق : رؤي الحقي اختك سليمان هيعمل فيها حاجة هي او ابنها
رؤي بصدمة : ايه
سمر وهي تلطم : الحقي اختك يا رؤي وابنها بسرعة
ارتعشت رؤي والفون بين يديها ثم رمته علي الأريكة وجرت لغرفة عدي الصغير حملته بين يداها واتجهت لجناح جدها ولحسن حظها لا أحد يغلق جناحه ثم وضعته بجانب عثمان ودستة جيدا بالغطاء
عدي بنوم : رؤي في ايه
رؤي مقبلة جبينه : بكرة الصبح لو ملقتنيش قول لماما رني علي تيتة عمو سليمان خدها هتقولها ايه
عدي : رني علي تيتة عمو سليمان خدها
رؤي : شاطر وانا هجيب عين جنبك احضنها ونام ماشي
عدي : ماشي هاتي حبيبتي بسرعة
جرت لغرفة عين الملتصقة بغرفة عدي وحملتها وضعتها بحضن عدي والاثنان بجانب جدهم ثم اخذت مفتاح الجناح واغلقته علي ثلاثتهم ثم وضعت المفتاح علي الأرض ودفعته بقدمها لداخل الجناح ثم جرت لجناح اختها وعدي وفتحت الباب فانفتح
رؤي : الحمد لله مش قافلينه
ودخلت بحثت عن مفتاح غرفتهم بالجناح فوجدت نسخه وفتحته وبعدت نظرها عن السرير نهائي ثم ذهبت لبابا البلكون
واغلقته جيدا واضعه خلفه شئ بمزهريه بحيث اذا حاول احد فتحه تقع لتنبههم وذهبت اخذت المفتاح واغلقت عليهم الباب وجاءت تخرج وجدت من يضع السلاح بوجهها
رؤي بإرتعاش : انت مين
الرجل : بهدوء لو صوتي الرصاصه هتكون في نص رأسك اسمك ايه
رؤي بتوتر : عين اسمي عين
وتركت المفتاح دفعته بقدمها لداخل الجناح فضربها الرجل بالسلاح علي رأسها
******************
كانت ياقوت تقف وحول اكتافها شال وتنظر للاشئ ثم انزلت يدها لبطنها
ياقوت : عارف باباك مش وحش الزمن هو اللي وحش في حقنا الحياة مش بس جات عليا وجات عليه
تنفست بعمق وهي ترفع رأسها للسماء
ياقوت : لو تعرف اني بقيت مغرمة بيك يا يزن بالرغم من اللي حصل
وتمردت دموعها مكمله : عرفت انك سافرت وسبتني وسبت مصر كلها قولتلي بحبك طيب ليه ليه سبتني
وجلست علي ركبتها تبكي اما ذلك فكان خلفها يتابعها بحزن
حنان : روح قولها انك مش يعقوب قولها انك يزن
يزن : لا انا عارفها كويس هتكرهني وهتبعدني
حنان : وفي بعد الغرام ده كره
يزن : بيبقي اسوأ كره
حنان : خلاص روح حببها في يعقوب
يزن : تمام
وذهب لها ووضع يده علي كتفها
ياقوت بشهقه : يزن
يزن : انا يعقوب يا ياقوت
وقفت ومسحت دموعها المتناثرة
ياقوت : بتعمل ايه هنا
يزن : انتي اللي بتعملي ايه هنا الوقتي ده الجو ليل اوي
ياقوت : يعني فرقت ما انت عارف اللي فيها
يزن : اسف مش قصدي
ياقوت : ههههههه ولا يهمك
يزن : بقولك ايه هو انتي مرتبطة
ياقوت بإستغراب : ليه يعني
يزن : بطمن علي مستقبلي
ياقوت : ايه
يزن : ولا حاجة قولتيلي ايه بقاا
ياقوت : مطلقة
يزن : بجد طب الحمد لله يعني معاكي ورقة طلاق نوديها مع القسيمه
ياقوت : قسيمة ايه وورقة طلاق ايه
يزن بخبث : ورقة طلاق يعني اثبات انك مطلقه
ياقوت : لا هو قالي انتي طالق
يزن : كان متعصب
ياقوت بتفكير : ايوه
يزن بتفكير اخبث : طب ما هو ممكن يكون ردك بأكتر من طريقه
ياقوت بصدمة : من غير ما اعرف
يزن : ايوة
تنفست بقوة ثم التفتت وذهبت لغرفتها
يزن : ماشي يا ياقوتت قلبي واميرتي الصغيرة انا وانتي والزمن طويل وهترجعيلي قريب
****************************
كان يعتليها مشبك اصابعه بأصابعها وجبينه ملصق بجبينها
روح : أوس ابعد بقي
أوس : ليه مش انتي مش عايزة تنامي
روح : ايوة بس بردك متثبتنيش التثبيته دي
أوس : لا هو كدة..... وبعدين انا زعلان
روح : ههههههه ليه
أوس : عشان مقولتليش بعشقك من نص ساعة
روح بتذمر : ومش قايلة الا اما تبعد
أوس : كدة ماشي مش هتقولي
وبدأ يناثر قبلات علي شفايفها ووجنتاها
روح : خلاص بعشقك اوي ابعد
ضحك بكل صوته وهو يداعب انفه بأنفها
أوس : طيب ممكن نتكلم جد بقي
روح : طيب بس ابعد
أوس : لا هنتكلم جد كدة
روح : يوووة ماشي
أوس : ليه بتاخدي موانع حمل
روح بتوتر : عشان عشان
أوس بحدة : روح
روح : خايفه يا أوس هقوم كل يوم اقول لأبني او بنتي انت مين عارف هيبقي شعورة ايه يا أوس
أوس : انا جنبك وهساعدك ومين قالك هتفضلي كدة طول عمرك
روح : اما ارجع هبقي ابطل الموانع
أوس : ولو قولت عشان......
روح : عشان خاطري انا بطل تطلب مني ابطل
نظر له بعتاب ثم ابتعد وتمدد بجانبها واغمض عيناه فاندست بحضنه
روح : أوس
أوس : نامي يا روح
روح : لو نمت هنسي كل حاجة وانت هتفضل زعلان مني
أوس : صح انتي بتنسي كل حاجة الا الموانع كل يوم تطلبي شريط
روح : لأني مهما حصل هفضل روح بنفس التفكير.... ذي منا روح اللي بنفس الحب ليك بحبك كل يوم اكتر من اللي قبلة برغم اني مش ببقي فاكرة اللي قبلة..... تعالي نرجع مكان عيلتك واتجوز يا أوس سيبك مني
جلس علي السرير وجذبها لفخذة مقربا وجهها منه
أوس : اتجوز ههههههه احمدي ربك انك ناسية الماضي كنتي عرفتي لو كنت عايز اتجوز غيرك كان فيه الف سبب غير ده بس البعيدة مبتفهمش اني مغرم بيها واخر اهتمامي الأطفال
حضنته ساندة رأسها علي كتفه
روح : عايزة انام
أوس بتنهيد : نامي
رفعت رأسها وقبلته برقه قائله : بعشقك
واغمضت عيناها لتذهب في ثبات عميق ناسيه ما حدث اليوم كغيرة من الأيام
*******************
في صباح يوم جديد
صوت صرخات بالقصر تعلو بأسمها والكل ينزل بصدمة من صوته
عثمان : ايه يا ابني
الياس : رؤؤؤؤي فييين يا بهااايم
احد الحراس : واللهي ما حد خرج يا الياس بيه
نزل عدي بملابس نومة وبجانبه عين بإسدالها
عين : في ايه يا الياس
الياس : رؤي مقالتلكيش هتمشي
عين : لا
كانت عين الصغيرة تبكي وعدي الصغير يحملها فذهبت عين له وحملتها
عثمان : عدي مين اللي نقلك جنبي بليل انت خوفت طيب مصحتنيش ليه
عدي الصغير : رؤي هي اللي نقلتني
عدي للحراس : طيب اطلعوا انتم
خرجوا فذهب الياس ل عدي
الياس : قالتلك حاجة
عدي : اه
عثمان : ايه
عدي : قالتلي قول لمامتك رني علي تيتة عمو سليمان خدها
نظرت له عين بصدمة ثم لعدي
عين ببكاء : قولتلك هيرجع زمانها راحت مع رجالته علي أساس انا
الياس : مين سليمان
عدي : استني رني علي مامتك بسرعة
اخذت الفون بخوف ورنت علي امها وهي تفتح الإسبيكر
عبدالله : الو
عين : بابا فين ماما
عبدالله : عين.... بترني ليه انا عملت اللي عليا وقولتلها ترن علي اختك لأن سليمان كان هيخطفك انتي وابنك كدة اشتالت ايدي منكم
عين ببكاء : ساعدني يا بابا سليمان خد رؤي مكاني اختي حامل
اغمض الياس عينه ف الأن تأكد جيدا
عبدالله : حامل..... هتلاقيه خدها علي مخازن علي مخارج إسكندرية لأنه مش هيخاطر وياخدها الصعيد الحقيها لأنه شيطان وانا انا انا ه.هحصلكم
قالها بتوتر فمهما حدث يظلوا بناته من لحمه ودمه
عين : طيب شكرا
اغلق هو الخط بينما جري عدي والياس للخارج