الحلو المسموم ♥️
الفصل:الواحد والثانى والثالث وعشرون
جلال:بعد اذنك ي يوسف هقول كلمتين للطلبه
جلال:حبايب انا دكتور جلال هديكم انجليزي الشهر ده والسنه الجايه كمان معاكوا قواعدي مبتختلفش عن قواعد دكتور يوسف كتير الاختلاف بس اني هتعامل معاكم زي واحد صحبكم قلبي مفتوح للكل ومفيش تفريق محاضرتي بعد محاضرة دكتور يوسف علي طول نفس القاعة وهتوحشوني لحد ما اشوفكم تاني *بص ليوسف وضحك باستفزاز وقرب من ودنه
جلال:يبختك القاعة فيها حلو كتير سلام*وسابه ومشي بص يوسف للصبورة وضهره للطلبة غمض عينه بغضب واخد نفس وهدي شويه ورجع كمل شرح بعد ساعة خلص لسة هيقفل القلم لقي جلال واقف علي الباب مستني لم يوسف حاجته وراح عند لؤة مسكها من اديها وخدها لبرة
جلال:علي فين واخد الآنسة ي دكتور
يوسف:ملكش دعوه
جلال:براحتك بس لو محضرتش هشيلها الماده
يوسف بعصبية:ف داهية *وشدها وطلعو برة مكان القاعات وقفت لؤة وشدت اديها
لؤة:ده مكنش اتفاقنا
يوسف: مش هترجعي
لؤة: اقسملك ي يوسف لو وقفت ف وشي قصاد تعليمي وشهادتي لولع ف نفسي وسعتها متندمش *بصلها يوسف بقسوة وفضل رايح جاي قدامها
يوسف:تمم بس حضر معاكي
لؤة:اييه بص ي يوسف الكل بيحكي عليا مش عارفين اني مراتك وانت بتتمادي وده بيبوظ سمعتي ي تبعد عني وتعاملني زي باقي الطلبه ي تقول للكل اني مراتك
يوسف:تمم هنعلن ده بس مش دلوقتي وده وعد *دخلو هما الاتنين وصلت للباب وخبطت بص جلال عليهم بابتسامه جذابه
جلال: اتوحشتوني عارف خير بقا
يوسف:حابين نحضر
جلال:افندم نحضر ليه ي يوسف ناقصك تعليم ده انت بتدير شركات*قالها وهو بيدعي الاستغراب
يوسف:ابدا اصلك وحشتني وحابب اشوف شرحك يمكن استفاد واطبق عندي
جلال:تشرف اتفضل قعدت لؤة جنب ايمان وقعد يوسف جنب لؤة ايمان سحفت ولؤة سحفت عليها راح سيف سحف عليها وقعد جنبها بصت لؤة لايمان ال مش فاهمة حاجة واتنهدت
ابتدي جلال يشرح الدرس بطريقة كوميديه وطبعا نكته التحفة الكل كان بيضحك ولؤة كل ما تضحك يوسف يبصلها بغيظ تسكت وبطلت تضحك مسكت نفسها قرب جلال منها وبصلها بابتسامه جذابة
جلال: اسمك إيه ي آنسة
يوسف :لؤة*بصله جلال وبص ل لؤة
جلال:اسم غريب بس حلو زي صاحبته *يوسف ولع كان هيقوم مسكت فيه لؤة من دراعه وقعدته بالعافية وهي باصة لجلال
لؤة بجمود:محتاج حاجة ي دكتور
جلال:لا بس حاسك حزينه مش مشاركانا ف الضحك والهزار
لؤة:المحاضرة مش للضحك والهزار وانا جايه اتعلم مش جايه اضحك واهزر*قالتها بجديه رفع جلال حاجبه باستغراب
جلال: شجاعة اووي تعجبيني *وراح كمل شرح ولؤة مسلمتش من نظراته خلصت المحاضرة وخد يوسف لؤة من اديها ومشيوا علي طول وركبوا العربة واتحركو بسرعة طول الطريق يوسف ينفخ ويضرب ف عجلة القياده ويبص ل لؤة بغيظ
يوسف: لينا بيت يلمنا ي لؤة ماشي*الطريق كله وهو يتوعدلها
عند سليم بيتكلم ف الفون
سليم:بس ي الاء وهو رايح جاي ماسكها من اديها زي العيله الصغيرة وهي مغلوب علي أمرها هههه
الاء:كله ده يطلع من جلال كان فين من بدري بس دمه خفيف والله
سليم:نعم يختي وانا ايه كيس جوافه قاعد عمالة تعاكسي فيه
الاء:انت الخير كله ي حبيبي ايه مفاتحتش يوسف تاني ف موضوعنا
سليم:اخوكي ده هيموتني بجلطة
الاء:بعد الشر عليك ليه حصل ايه
سليم:مش راضي بيقول اني مستحقيش طب اقسم بالله محد مهوب نحيتك غيري
الاء: اهدا بس هو عاوز يطلع عينك الأول وبعدين هيوافق صدقني اخويا وعرفاه
سليم:وقتها هنتجوز لما سنانا تقع وشعرنا يشيب انا شعري شاب من دلوقتي اساسا*فضلت تضحك عليه وتدعي ربنا يهدي أخوها وصل يوسف القصر نزلت لؤة تجري لجوه وبعدين
طلعت لفوق جري وراها دخلت أوضة الضيوف وردت الباب وقفلته بمفتاحه من جوه دور يوسف عليها ملقهاش راح يفتح اوضه الضيوف لقاها مقفوله عرف انها جوه خبط جامد وزق الباب مقفول بالمفتاح
يوسف:افتحي ي زفته بينكت صح وانتي مبسوطة حلوه النكت ال بيقولها دمه خفيف مش كده انا شايف وانتي طول المحاضرة تتمسخري انتي وإيمان لحد ما بصتلكم لميتم نفسكم طب ايه رايك لقول لعم سيف واخليه يطبقها علي دماغ صحبتك زي ما انا هطبقها علي دماغك*واقفه ورا الباب فطسانه ضحك هي مش عارفة ماله معقول بيغير ما اكيد انا مراته اي واحد هيعمل كده مكانه
لؤة: طيب اعمل ايه هو ال بيقول نكت بتضحك
يوسف بغيظ:طب افتحي واقولك انا كام واحده حافظهم هخليكي تفطسي ضحك افتحي
لؤة: طب قول واحده ولو ضحكت هفتحلك
يوسف: مرة واحد صعيدي دخل الحمام شاف مساحه قال يبوي كل دي مكنه حلاقة
لؤة:بايخة مش فاتحه
يوسف:كانو بيضحكوا عليها زمان
لؤة: كانو بيجاملوك والله عشان متزعلش*وفضلت تضحك وهو يضحك
عند ام محمد قاعده مع ام أنغام فوق
ام انغام: يختي الف مليون مبروك هو حد لاقي أنتي تبخريها اول بأول عشان الحسد الحمد لله اهي جاتها جوازه محدش يحلم بيها ربنا يحرسهم من العين ويكرمهم بالذريه الصالحه يارب
ام لؤة:يارب بس بيني وبينك ي ام أنغام دي فيها رقاب وانتي ال هتضري
ام أنغام بخوف :يختي انا كد الناس دي ربنا يبعد اذاهم عننا بقلك مروحتيش عزيتي ام بسنت ولا ايه
ام لؤة؛ليه مين مات عندها
ام انغام:بنتها ال ف الثانوي
ام لؤة:يلهووي زينب*قالتها بفزع وحزن
ام لؤة:ماتت ليه
ام أنغام:كانت حامل من ورا أهلها وراحت مع ال عمل فيها كده عشان تصقط ومستحملتش وماتت ربنا يرحمها
ام لؤة:يارب ويصبر أهلها امها عامله ايه
ام أنغام:ربنا يكون في عونها مبتطلعش ولا بتبص ف وش حد حابسة نفسها وبناتها ربنا يخفف عليهم
ام لؤة:يارب شويه كده ابقا اروح اعزيها هي ماتت أمتي
ام أنغام: من اسبوع لقو جثتها أصلها كانت مختفيه قبليها ب ٣ ايام كانت الجثة ابتدت تعفن لقوها مدفونه ف خور الزباله وحللو الجثة وعرفوا انها كانت حامل وعملت عمليه إجهاض وعرفو مين ابو العيل ال كانت حامل فيه طلع واد صايع اكبر
منها ب ٥سنين واعترف بكل حاجة وابوها اول ما سمع الخبر طب وقع منطقش اتشل فيها ده يحبه عيني بيشتغل ليل نهار عشان يأكلهم ويعلمهم كويس كان نفسه بنته تتعلم وتطلع زي بنتك لؤة بس محصلش نصيب ربنا يعوض عليهم
ام لؤة:يارب *ف القصر
اسراء:مامي ممكن احكي معاكي ف موضوع
نجوي:تعالي ادخلي وردي الباب*دخلت إسراء وهي متوترة وقعدت علي الكرسي جنب السرير ومامتها متمدده علي السرير وبتعمل ضوافرها بالمبرد
إسراء:مامي انا عاوزة انقل تعليمي هنا ف مصر
نجوي بلامبالاه:ايه السبب
اسراء:تعبت من الغربة قاعده وحدي وتعبت من الروحه وال جايه
نجوي:ده مش سبب مقنع انتي مش صغيرة وبعدين انتي ف انضف مدارس العالم يعني تعليم متميز شهاده متميزه ترفعي راسي قدام المجتمع وصحباتي ده انا بتفاخر بيكي قدامهم عيزاني احولك للمدارس الزباله ال هنا ف مصر
إسراء: ي مامي ف مدارس كويسة ف مصر وتعليم حلو و
نجوي بعصبية: انتهي الكلام ومتفتحيش الموضوع ده تاني واعملي حسابك السبوع ال جاي هترجعي امريكا
إسراء:بس لسه فاضل شهر علي المدارس وتبتدي هناك
نجوي:الكلام خلص انا قولت كلمه تنفذيها يلا علي اوضتك
اسراء:حاضر*جريت والدموع ف عنيها بتعيط وتشهق لحد ما وصلت جناح يوسف الساعة كانت ١٠ بالليل خبطت وفتحلها يوسف لقاها منهاره عياط ووشها احمر وبتشهق اخدها ف حضنه ودخلها
يوسف:ايه حصل لده كله بس كفايه مالك*وقعدو علي الاريكه قامت لؤة من النوم علي صوت الباب واول ما شافتها منهارة قربت بخوف
لؤة:مالك ي إسراء حد مزعلك قوليلي وانا اطين عيشته
إسراء ببكي:مامي ي لؤة هي ال مطلعه عيني مش عارفه هي ليه قاسية عليا اووي كده حاسه اني مش بنتها هي ليه بتعمل كده معايا *وانهارت عياط قعدت لؤة جنبها وحضنتها وطبطبت عليها وملست علي شعرها
لؤة:خايفة عليكي اكيد متقصدش ي حبيبتي
اسراء:بعدتني عنها من وانا عندي ٨ سنين عشان خاطر اتعلم كل ما باجي اجازه مبتقعدتش معايا وتخدني ف حضنها وتقولي عملتي ايه احكيلي اليوم كله مش فاضيه صحابها كوافير اجتماعات نسائية رحلات حفلات طب وانا فين من ده كله وبابي هو اه حنين بس مش فاضيلي ديما*اتنهدت لؤة وبصت ليوسف لقته حزين جدا عليها
لؤة:بصي ي إسراء الإنسان مش بياخد كل حاجة مفيش حد كامل غير المولي عز وجل احنا المفروض مندورش علي الحاجة ال ناقصة ف حياتنا ونكملها لان ربنا خلقها ناقصة احنا ندور علي الحاجة الكامله ونبدلها بدل الحاجة الناقصة بدل ما الناقص يبقي كل تركيزنا عليه لاء نخلي تركيزنا علي الحاجة
الكامله يعني اديني انا اهو بابا مش حنين زي باباكي ده زعلني شويه بس بعدين بصيت لقيت ماما حنينه اوي وكمان اخويا محمد مفيش احن منه ف الدنيا عليا بعدين اديكي عندك بابي ويوسف والاء وانا عاوزه ايه تاني ي طماعه *قالتها بهزار ضحكت إسراء من وسط دموعها
إسراء:انا عاوزة اقعد معاكو ماما مش راضية مش عاوزه اسافر بره تاني كفياني انا بقعد لوحدي ف بلد غريبه من سنين انا زهقت ي لؤة زهقت*وفضلت تعيط لؤة حضناها وبتبص ل يوسف يشوف حل
يوسف:خلاص ي إسراء مش هتسافري تاني ده وعد *بعدت إسراء عن حضن لؤة وبصت ليوسف
اسراء بفرحة:بجد ي يوسف يعني هفضل معاكو هنا علي طول
لؤة:لا ي ناصحة كلها كام سنه وتتجوزي وتروحي بيت جوزك*وغمزتلها بمعني هي فهماه اتكسفت إسراء
لؤة:بس شهادتك الأول اهم حاجة
اسراء:اكيد طبعا شكرا ي يوسف *وراحت حضنته وهو باس راسها وطلعت تجري بفرحه لبرة اتنهد يوسف وبص ل لؤة
لؤة:هتعمل ايه هتقدر تمنعها دي امها
يوسف:الكلمة ال بقولها هنا بتمشي
لؤة:وبباك هتعمل معاه ايه ممكن يرفض
يوسف: بابا مش موافق من الاول علي الموضوع ده بس نجوي هي ال مسيطرة لكن انا هوقفها عند حدها *اتنهدت لؤة وراحت نامت وكذالك هو صحيت الصبح علي صوت منبه مزعج
لؤة:ايه ده مين حطه هنا
يوسف:قومي مش كل يوم تقومي متأخرة اظبطي المنبه علي طول
لؤة:صوته معفن ايه ده افصلو
يوسف:قومي وبطلي دلع والا هغرقك ميه زي زمان
لؤة:زمان ايه ده لسه معداش شهر*وقامت من السرير الساعة سبعة لبس وجهز وطالع
لؤة:بدري كده
يوسف:هعدي علي الشركه الأول السواق هيوصلك الفلوس ف الكوميدينو خدي ال عوزاه *وسابها وطلع اتوضت وصلت ونزلت تفطر لقت نجوي هانم بتشرب قهوتها ف الجنينه شافتها من شباك المطبخ اتنهدت وراحت عندها
لؤة:فاضية نحكي شويه *بصتلها نجوي بقرف
نجوي:انا احكي معاكي انتي
لؤة:تصدقي غلطانه اني عملتلك قيمه واستاذنتك *قعدت لؤة قدامها
لؤة: إسراء بنتك الوحيده صح *مردتش عليها زعقت فيها لؤة
لؤة:انطقي ي وليه
نجوي بخوف:اه وده سؤال يعني
لؤة:ولما هي بنتك الوحيده بعدتيها عن حضنك ليه قاسية عليها ليه
نجوي:انا عاوزة مصلحتها
لؤة:في فرق بين انك عاوزه مصلحتها وانك مش عوزاها إسراء باصالك علي انك كرهاها ومش معتبراها بنتك وصدقيني انتي ال هتخسري مش هي وهي مسيرها ف يوم تتجوز وتبقا بعيله وانتي ال هتقعدي وحدك لا صحاب هينفعوكي ولا نوادي
وحفلات عند ما رجلك خطت علي الستين وكركبتي وشعرك شاب وسنانك وقعت اعملي حساب الوقت ده خليكي حلوه معاها تجيلك هي وعيالها علي طول يونسوكي ويملو عليكي المكان الوحش ده ال مفهوش غير الانانيه كل واحد بيفكر ف نفسه دي نصيحتي ليكي انا عملت ال عليا
*وسابتها ومشيت فضلت نجوي تفكر ف كلامها كان فعلا جد صحابها كل كلامهم متدلعهاش خليكي شديده مطبطبيش عليها عشان عضمها ينشف وتعرف كل حاجة لوحدها وتعرف تجيب
حقها من أخواتها بس الكلام ده هيكره بنتها فيها كانت بتقنع نفسها ان ال بتعمله صح بتشجيع صحباتها لكن لؤة وضحتلها الصورة ورتها مستقبلها هيكون ازاي دخلت لؤة المطبخ طلعت علبه الجبنه وحشت ساندويتش جبنه بلانشون وكوباية لبن
وفطرت طلعت غسلت وشها ولبست بنطلون ديق اسود وبلوزه لحد الركبة نبيتي وطرحه سوده وكوتشي نبيتي وشنطه سوده و فتحت الدرج عشان تاخد فلوس لقت ما لا يقل عن ٥٠٠٠ جنيه خدت ٢٠٠ وقفلت الدرج وطلعت برة الجناح ونزلت ركبت العربية وصلها السواق لحد الكليه نزلت ورنت علي إيمان وراحتلها الكافيه قابلتها هناك سلمت عليها وقعدت
ايمان:اي مقولتيش حصل ايه امبارح انا قريت عليكي الفاتحة من بدري بعد ما خدك يوسف معاه*كانت بتضحك وهي بتتكلم
لؤة:اضحكي اضحكي ده انا كنت هموت من الرعب بس عدت الحمد لله
ايمان بخضة:استر ي رب
لؤة:مالك شايفة عفريت
ايمان:لا شايفة دكتور جلال جاي نحيتنا وبيضحك *بصت لؤة لورا وشافته جاي فعلا بصت تاني لايمان
لؤة:ينهار اسود هنعمل ايه
جلال:صباح الخير عاملين ايه ي آنسات
لؤة و ايمان: صباح النور بخير ي دكتور
جلال: ممكن اقعد معاكم *بصت لؤة وإيمان لبعض بخوف وبصت لؤة حوليها
لؤة:مينفعش اااا اصل ورانا م محاضرة ولازم نتحرك
جلال:لسه المحاضرة فاضل عليها ساعة إلا *وحط كرسي جنب لؤة وقعد بصلها
جلال:انتي مرتبطة ي انسه لؤة*بلعت لؤة ريقها
لؤة: ايوه ااا لا يعني
جلال بضحك:دي فظورة ولا ايه
لؤة: انا محتاجه اروح الحمام تعالي معايا ي ايمان بعد اذنك ي دكتور *وسابته ومشيت طلعو من الكافيه
لؤة:انا مكتوبلي الشقي يوسف لو عرف هيبهدلني وانا مليش ذنب *إيمان بضحك
ايمان:ده لسه فاضل سنه كمان مع يوسف وجلال *عند يوسف بيراجع ورق ف مكتبه ورن موبايله ورد
يوسف:ألوو ايه ......................*اتغير وشه وقلب الوان بين الأسود والأحمر خد مفاتيح عربيته واتحرك بسرعة للكلية
الحلو المسموم♥️
الفصل:الثاني وعشرون
لؤة:احنا نروح نستني ف القاعة احسن
ايمان:بقول كده بردو *مشيو لحد ما وصلو ودخلو القاعة وقعدو
لؤة:لو يوسف عرف هعمل ايه وقتها
يوسف:عرفت إيه*قالها وهو داخل عنيه بتطلع شرار قرب علي لؤة ومسكها من دراعها جامد
لؤة:سيب ايدي ي معقد اااه
يوسف:قعد جنبك ف الكافيه كان بيحكي معاكي ف إيه
لؤة: عادي كان بيسأل علي ايام فيها محاضرات عشان يدينا فيها محاضرات ك تكثيف يعني ونخلص المنهج*هي متعرفش انها عكت الدنيا ايمان حطت اديها علي بقها يوسف سابها وابتدي يخبط ف كل حاجة حوليه
يوسف:قال تكثيف قال ده انا هشرب من دمه
ايمان بتكلم لؤة:انتي بهدلتي الدنيا طب يوسف كان بيكثف عشان يشوفك اما جلال هيكثف ليه *فهمت لؤة مفيش غير حل واحد الحقيقة
لؤة:يوسف اهدي هو كان بيسألني اذا كنت مرتبطة ولا لا
ايمان:جات تكحلها عمتها *بصلها يوسف بهدوء
يوسف:وقلتيله إيه
لؤة:مردتش سبته ومشيت وده ال حصل*قرب عليها يوسف ومسكها من طرحتها وزعق فيها
يوسف:ليييه عاجبك حلو مش كده ودمه خفيف
لؤة:ي مجنون يبن المجنونه سيب طرحتي انا قلتله كده عشان اتفاقنا مش انت قولت مجبش سيرة لحد *شدها يوسف من طرحتها لبرة القاعة
لؤة:ي اهبل دي طرحتي مش دراعي *قالتها بصراخ ساب طرحتها ومسكها من دراعها وراح الكافيه مكان ما قاعد جلال بيفطر ويوزع ابتسامات للبنات ولما قرب منه سابها وراح نحيته واداله بوكس ف وشه وقعه لورا علي الارض
يوسف:متقربش ل مراتي تاني فاهم مراتي خط أحمر *بص لكل ال ف الكافيه وزعق و مسك لؤة من دراعها
يوسف:الكل سامع مدام يوسف سعيد القناوي خط أحمر ال هيهوب نحيتها يتشاهد علي روحه *وبص ل جلال ال مرعوب
يوسف:احمد ربنا انك صديق قديم واعرفك والا كان زمانك ف المستشفي وخد لؤة ومشي الكل مصدوم طلعت مراته بعد الكلام الكتير ال طلع عليها قام جلال ونفض هدومه وضحك رغم البوكس ال علم ف وشه لسه عسل 🌚 طلع موبايله ورن
جلال:كله تمام استويت و بقيت فرجه ارتحت
سليم:احلف كده هههههههه عمل ايه
جلال:لما تقابلني هتعرف سلام *وفضل سليم يضحك خطته نجحت ورن علي الاء
الاء: الووو ي سليم
سليم:الخطة أ نجحت
الاء:جلال عايش
سليم بضحك:اه الحمد لله ننتقل بقا للخطة ب
دخل يوسف ومعاه لؤة العربيه قعدت لؤة جنبه ك العادة قفل يوسف العربيه وبصلها مسك وشها بايده ولصقه علي ازاز الشباك حاولت تفتح الباب لقته مقفول
يوسف:كله ده من ورا راسك أعمل إيه فيكي
لؤة وهي بتحاول تتكلم : عملت ايه انا ي زفت الطين سيبني وشي لبس ف ازاز الشباك *وزقت ايده ومسكتها عضتها شد يوسف ايده بألم
يوسف:يبت العضاضه
لؤة: ده تحذير الدور ال جاي هقطعهالك*بصلها بغيظ ومشيو بالعربيه وهما ف الطريق بصت لؤة ليوسف
لؤة:هسالك سؤال ورد عليا بصراحة
يوسف بغيظ:انتي متنطقيش نهائي
لؤة:انت طبعا معين حد يراقبني عشان كده لقتني يوم الحادثة
يوسف:طب منتي ذكيه اهو بتسألي وبتردي علي نفسك
لؤة:مش ده سؤالي هايدي ليها علاقه بموضوع الحادثة *وقف يوسف بالعربيه وبعدين ركن علي جنب ف الطريق كلمها ببرود وهو باصص قدامه
يوسف:وليه الفكرة دي خطرتلك هو انتي ليكي عداوه مع هايدي
لؤة: لاء بس هي ديما بتناقفني وبتقل مني بس انا باخد حقي اول بأول يعني مردتش علي سؤالي *اتنهد يوسف وبصلها
يوسف:ايوه هي وعبدالرحمن كانو مظبطينها مع بعض*بصت لؤة قدامها بشرود وحزن مكنتش تتوقع أن هايدي تعمل فيها كده كانت فاكرة انها غيرة بنات وبس
سرح يوسف شويه فلاش باك يوم الحادثة(يوسف:اي ي سليم
سليم:فعلا طلعت هي ال ورا الموضوع اعترف واحد من الرجالة المصابين بكده من اول قلم قال ان هايدي كانت متفقة مع عبدو انه يبهدلها وبعدين يرجعها لأهلها وهي مدمنه وتبقي دي قرصه ودن ليها عشان تجيهم تحت رجليهم وتاخد المخدرات مقابل اي حاجة يطلبوها
يوسف:قولتلي ساكنه وحدها صح
سليم:اه بباها مسافر ومامتها مطلقة ومتجوزه واحد تاني ومش بتشوفها وبباها بيجي مرة ف السنه
يوسف: هتحط ف بيتها مخدرات تقعدها مش اقل عشر سنين ف السجن وبلغ عنها )رجعنا بقا من الفلاش باك بص يوسف لقاها ساكته وسرحانه اتحرك بالعربيه ومشي بعد ربع ساعة
لؤة:يوسف هنروح فين كده ده مش مكان القصر
يوسف: هنروح مكان حلو علي النيل نقعد فيه شويه
لؤة:بس انا تعبانه وعاوزه اروح
يوسف: اسكتي ي شوارعيه انتي ليكي عين تتكلمي بعد ال حصل غوري بحلاوتك دي مطرح مابتروحي تجبيلي عرسان وراكي *قالها بطريقة كوميديه ضحكت لؤة وضربته أبتسم بفرحة وكمل سواقة ف القصر دخلت نجوي اوضه إسراء بعد ما خبطت
نجوي:فاضية نحكي*بصتلها إسراء باستغراب
اسراء:ولو مش فاضيه افضالك ي مامي تعالي انتي غريبه*دخلت نجوي وردت الباب وقعدت علي السرير جنب إسراء وبصتلها
نجوي:خلاص ي إسراء انا غيرت فكرتي عن موضوع السفر ده هنقل ورق دراستك هنا ف مصر
اسراء:هو يوسف ولا بابي حكي معاكي ف الموضوع ده
نجوي:لا محدش جابلي سيرة بس يعني راجعت حساباتي ولقيت اني محتجاكي جنبي انا معييش غيرك اسفة اني قسيت عليكي انا بس كنت عاوزه مصلحتك انا كنت عوزاكي تتعلمي حلو وتبعدي من هنا خوفت ليوسف والاء يأثروا عليكي ويخلوكي تكرهيني زي ما هما كارهيني*قالت كلامها ده ودموعها نازله حضنتها إسراء وهي بتعيط
اسراء:انا ازعل من اي حد ف الدنيا دي الا انتي ي مامي بعدين يوسف والاء مش بيكرهوكي والله بس هما مش متقبلينك عشان انتي مش امهم حطي نفسك مكانهم مش هتقدري وخصوصا يوسف لانه عارف مامته كويس وليه ذكريات كتيرة معاها فصعب انه يحطك بدالها هو عمره زعلك ولا منعك من
حاجة ولو عزتي حاجة لنفسك بيجيبها لما بيسافر بره هو بس مش مخليكي تدخلي ف حياته الخاصه وده حقه لكن هو بيقدرك لأنك مقصرتيش معاهم ف حاجة *وده كان بدايه صفحة جديده بين نجوي وبنتها احيانا صحاب السوء بيودوك ف داهية عند ام محمد بتخبط علي ام بسنت وفتحتلها ام بسنت
ام محمد:البقاء لله ي ام بسنت ربنا يصبرك ويخفف عليكم ي حبيبتي ويرحمها يارب *قالتها بحزن وأم بسنت بصالها بدموع ووطت لتحت رجلين ام لؤة
ام بسنت:ده ذنبي انا ي ام لؤة سامحيني انا ال كنت ف الروحه وال جاية ببهدل ف سمعت بنتك وهي متربيه وسطينا وعرفاها بس كنت بغير بغير منها لانها دخلت كليه كويسه رغم العيشة ال انتو عايشينها بغير من حلاوتها وادبها وشطارتها بدل ما اخلي بالي من بناتي عشان بيقوا زيها لاء نهشت ف شرفها وعرضها سامحيني ابوس رجلك*قالتها بعياط ونحيب وطت وطت ام لؤة وقومتها وحضنتها ببكي
ام لؤة:خلاص استهدي بالله ال حصل حصل مسمحاكي والله ربنا يرحمها ويخفف عليكم خلي بالك انتي بس من جوزك محتاج دعمكم دلوقتي ماضاقت الا وفرجت صدقيني فترة
صعبة وهتغور * بكاء يندم ولكن هيفيد ف ايه في كافيه علي النيل فخم اووي دخل يوسف مع لؤة وهو ماسك اديها قعدو ف مكانه المفضل الطربيزه ال بطل علي النيل بصت لؤة حوليها مكان واسع بين كل طربيزه والتانيه مسافات كبيره الهدوء سيد المكان وواحد بيعزف موسيقي هاديه علي الكمان بصت لؤة ليوسف وقربت منه ووشوشته
لؤة:يوسف ايه المكان ده
يوسف بضحك وهو بيقلدها: حلو مش كده ده مكاني المفضل
لؤة بوشوشة بردو: طب مش هنطلب انا جعت عندهم كبده *قعد يوسف يضحك بصوت عالي وهي بحركة من اديها وسدت بقة وبصتله بغيظ
لؤة:بس لحد يضايق *شال اديها وهو فطسان ضحك
يوسف: يضربوا دماغهم ف الحيط ده الكافيه بتاعي ي هبلة
لؤة بصدمه: يعني هنطلب ببلاش فيين المنيو *قالتها بصوت عالي وهي بتصقف الكل بص عليها يوسف كان ف نص هدومه بصلها بغيظ بصتله بنظرة بريئة ووطت راسها
لؤة:بشوف بيعملو كده ف الأفلام*وفضل يضحك جه النادل ولفاها المنيو خدتها منه وفتحتها وقريتها كلها وبصت ليوسف
لؤة:انا معرفش ولا اكلة من ده كله بقلك ايه يلا بينا ونبقي نطلب كبده من برة الرغيف ب ٥ جنيه النادل أبتسم وخبي ضحكته بسرعة بصلها يوسف بغيظ وطلب اكلة من المنيو ليها وليه خد النادل المنيو ومشي
يوسف:ممكن لو سمحتي متحكيش تاني ابوس ايدك كفايه فضايح* مدت لؤة اديها بطريقة كوميديه عند وش يوسف
لؤة:بوس وهجهزلك رجلي كمان*ضرب يوسف اديها بايده بغيظ ربعت هي اديها وبصت للنيل بغيظ بردو عند سليم ف النادي قاعد مع جلال
سليم: ياخي شيل النضارة ال مدارية وشك كله من امتي بتلبس نضارات ولا بتداري حلاوتك شيل شيل يمكن تلاقي واحدة تعبرك ونخلص منك ومن صياعتك
جلال:مهو انا لو شلتها مش هتخلصو مني بالعكس مستقبلي هيضيع *قالها بغيظ مد سليم ايده وشال النضارة بسرعة
سليم بضحك: يا ابو العيون الخضرة راحت فين عينك يبني انت محتاج عمليه تجميل انت ازاي ساكت علي نفسك مش جلال ال انا اعرفه ده هههههههه
جلال بغيظ: انا مالي انا ومال الكلام ده ياخي يولعو مع بعض انا بست ايدي وش وضهر انه سابني ومشي انت مشفتش شكله كان ازاي طب والمصحف لو كان ضرب قلم ذيادة انا كنت فتنت عليك انت والجزمة الاء الكلب *كب سليم كوبايه العصير ف وشة
سليم:اتكلم عليها كويس دي هتبقي مراتي ي زباله
جلال: يقطع الجواز وال عاوز يتجوز انا خلاص حرمت لا هحب ولا هتنيل اتجوز وسبوني ف حالي ياخي*كان خلاص هيعيط ضحك عليه سليم وهو بيقول ف نفسه امتي بقي تيجي ال توقعك علي جزور رقبتك عند لؤة النادل جاب الاكل ورصه علي الطربيزة وحط عصير برتقال ومية
النادل:محتاج حاجة تاني ي باشا*شاور يوسف بايده ومشي
لؤة:ايه ده
يوسف:كلي وانتي ساكتة*بست لؤة للشوكة والسكينة وبصت ليوسف لقته بيقطع الاكل وبياكل بسهولة مسكت الشوكه ف اليمين والسكينة ف الشمالك وقطعت اول حته وكلتها عجبها الاكل وجربت تاني بس مقدرتش السكين وقعت وعملت دوشه بصت ليوسف باحراج جه النادل وحط شوكه وسكين جداد وخد القدام ومشي اتنهد يوسف وقرب الكرسي منها و ابتدي يعلمها ازاي تستخدمهم ♥️
الحلو المسموم♥️
الفصل:الثالث والعشرون
لؤة:صعب ي يوسف ايدي وجعتني خلاص مش هاكل شبعت
يوسف:طب هقطعلك وانتي كلي*سمعت الكلام ودي حاجة جديده مش متعوده عليها هي حاسه براحة وأمان ده احساس جديد وهي قلقانه منه
يوسف: احكيلي عن حياتك شويه
لؤة: انت عاوز تعرف ايه
يوسف:كل حاجة همممم نبتدي بالتعليم ووصولك للكليه الكويسة دي وتقديراتك العالية بردو
لؤة:كنت ف مدرسه حكوميه عادية من الابتدائي للثانوي ماما كانت بتذاكرلي لحد ما خلصت اعدادي طلعت التالته علي المدرسة ف ٣ اعدادي من غير دروس خصوصية بس عشان
مطلعش كدابه المدرسين مكانوش مقصرين معانا ف حاجة واي حاجة تقف معايا بيساعدوني فيها لأنهم عارفين حالتنا وكمان انا كنت شاطرة بابا كان عاوز يقعدني ف البيت بعد الاعدادي عشان اساعد ماما وكمان عشان المصاريف مقصرة
وكده ماما اعترضت واصرت اني اكمل دخلتني ثانوي سنه اولي كانت صعبة شويه عشان فيه حجات كتيرة جديده عليا وانا مش باخد دروس وماما مش عارفة تذاكرلي اعتمدت علي نفسي وبقيت اذاكر ليل نهار نجحت وجبت مجموع حلو بس مطلعتش من الأوائل ف تانيه دخلت أدبي لاني بحب المواد
الادبيه وبجيب فيها درجات اكتر من العلمي كان الموضوع سهل شويه لان المواد قليله والمدرسين شاطرين اووي وجارتنا معاها واحده اسمها بسنت هي كانت ف الثانوي ودخلت تربية بعديها ف لما عرفت اني دخلت أدبي بقت تذاكرلي المواد الأدبية من نفسيها ك مساعده وامي بقت توفر قرشين عشان
درس الانجليزي وعدت الثانويه العامة بنفس الحكاية بسنت بتذاكري وباخد درس ف الانجليزي وبروح المدرسة عشان اخد من المدرسين أسئلة امتحانات السنين ال فاتت وبذاكر وبحل طلعت ب ٩٧%
يوسف بذهول:ماشاءالله مدخلتيش ليه اقتصاد
لؤة:عشان المصارف ماما القرشين ال حوشتهم لجهازي حطتهم ف مصارف الكليه حسبتها ولقيت ان كلية اقتصاد مش هتنفع ف دخلت السن عشان كده انا ماسكة ف التعليم *بصلها يوسف بابتسامة
يوسف: وحياتك العاطفية
لؤة: لاء مفيش عندي حياه عاطفية لان لا تربيتي ولا ديني يسمحوا بده
يوسف:فهمتي غلط انا اقصد متعلقتيش بحد ف السنين دي كلها
لؤة: انا اتعقدت من ناحية الحب والعاطفة والكلام ده من يوم ما خسرت رودي
يوسف: مش كل الرجالة زي بعضها بصي لصوابع ايدك هتلاقيها مختلفة
لؤة:بس كلها صوابع ي يوسف خلاص كفايه شبعت*وقامت بحزن وقف يوسف ومسح بقه وخدها ومشي الطريق كله ساكتين هو زعلان عليها قلبه مقبوض بس مش مبين كده هي
قلبها ابتدي ينزف خايف من ال جاي عقلها مانعها وماسك علي قلبها بيقولها اوعي تأامني لراجل هيخونك ي هيجرحك ي هيكسرك الحب كلمه مش موجوده ف قاموسنا ي لؤة متنسيش عشان متتعبيش اتنهدت لؤة وحاولت تشغل نفسيها
لؤة:انت درست هنا ف مصر
يوسف:اه وخدت كليه تجارة انجليزي عشان اساعد بابا ف إدارة الشركات وكده
لؤة: غريبة اشتغلت دكتور جامعة ليه وانت مش محتاج الوظيفة ديه
يوسف: هواية يعني ذي ما تقولي كده بحب التدريس بحسه عمل إنساني*اتنهدت لؤة وصلو للقصر نزلت من العربية وطلعت لفوق ودخلت الاوضة طلعت غيار وراحت تاخد دوش
طلع سيف وراها عرف انها ف الحمام بتاخد دوش طلع هدومه وراح أوضة الضيوف فيها حمام واخد دوش طلعت احلام لبست الاسدال علي هدومها ولبست الحجاب وقعدت تقرأ قرآن دخل يوسف وشافها بتقرا قرآن بخشوع قعد جنبها انهت الآية ال بتقراها وبصتله
لؤة بهدوء: نعم عاوز حاجة
يوسف:ابدا بس صوتك حلو ف قراية القرآن *حطت لؤة المصحف ف حجره
لؤة:جرب تقرأ
يوسف:مبعرفش
لؤة: جرب مش هتخسر حاجة
يوسف:هغلط كتير
لؤة: كل حرف هتغلط فيه وتحاول تصححه بتاخد عليه ضعف الحسنة لكن انا لو غلطت وانا بعرف اقرأ هاخد ذنب *اتنهد يوسف ومسك المصحف وابتدي من الاول والكلام الصعب عليه هي بتساعده فيه محسوش بالوقت قفل المصحف
لؤة: هاااا حاسس بأية *بصلها ومردش قام وحط المصحف علي الطربيزه ومشي لؤة استغربت وكلمت نفسها وهي متغاظة
لؤة: انا بقول دي قبيله قريش حرام فيها الخير لا حول ولا قوة الا بالله العلي العظيم *بعد ما ركب يوسف عربيته ومشي مسافه كبيرة بعد ساعة وصل لمكان مفهوش حد (المقابر) دخل واتجه لمكان حافظه قبر مامته قعد علي ركبه قدامه وفضل يعيط ويصرخ فترة كبيرة من الزمن
يوسف: وحشتيني ي ماما انا محتاجك جنبي يعني يرضيكي تسيبيني وانا لسة عندي عشر سنين الاء كمان محتجاكي انا مش عارف اتصرف حاسس ان فيه حمل تقيل علي قلبي مش قادر اتنفس منه *وفضل يشكيلها علي كل حاجة بتألمه ويحكيلها علي كل ال بيمر بيه بيخاطبها كأنها قدامه بتسمعه عند لؤة فكرت ف الباب السري متعرفش ايه ال خلي الفكرة دي خطرت علي بالها مرة واحده قامت ونزلت تحت بصت لقت الكل مشغول اتسحبت من غير ما حد ياخد باله ودخلت المكتبه وردت الباب ذي ما كان مولعتش النور لان فيها نور بسيط جاي من الشباك راحت للمصحف وشدته لقدام الباب اتفتح لقت الكشاف خدته ودخلت ونزلت السلالم فتحت باب
الاوضه وقلبها بيضرب جامد هي مش عارفه ايه جايبها بس المكان ده بيشدها دخلت وردت الباب ولعت الكشاف وبصت عليها زي الهيكل العظمي جلدها لونه اتغير بقا مدي للرمادي مفيش غير عنيها ودموعها وشفايفها بس لسانها واقف قربت منها لؤة
لؤة: متخافيش انا مش مؤذيه انا مرات يوسف يمكن عمو سعيد حكالك عني انا بس جيت اطمن عليكي ربنا يشفيكي وتقومي بالسلامه هطلب طلب متجبيش سيرة لعمو سعيد عشان ميقلقش ان حد شافني وكده وانا مش هجيب سيره
لحد وهاجي ازورك علي طول وهجبلك عصير معايا الدور ال جاي *دموع ووجع ده كل ال تقدر تعمله ودعتها لؤة وفتحت الباب خلت كل حاجة ف مكانها وطلعت وردت الباب ال فيه الكتب بعد ما حطت الكشاف مكانه وطلعت ومحدش حس بيها تاني يوم ف المحاضرة بتاعت جلال لؤة قاعدة مع يوسف ف المحاضرة
جلال ف اخر المحاضرة : حبايب قلبي ليا عنديكو خبر تحفة الصراحة هما اتنين *الكل قاعد مترقب ايه الخبرين الحلوين ابتسم جلال
جلال: الخبر الأول الامتحانات اتاجلت شهر ونص يغاليين
الطلبه:هييييييييييه
جلال:استنو عشان فيه خبر أحلي في رحله عملاها الكليه لشرم مين هيروح*الكل قال انا حتي إيمان رايحة بصت لؤة ليوسف بترجي
يوسف:انسي مش هيحصل *عنيها كأنها هتدمع الوجه الطفولي البرئ اتقنته
يوسف: اوووف خلاص ماشي
جلال بصوت عالي: انا هكون المشرف يلا انبسطو بقا *قالها للطلبه وسابهم ومشي ومبصش علي يوسف نهائي بص يوسف ل لؤة بغيظ وخدها من اديها لبرة وجرها لحد العربية وركبها ومشي ف الطريق
يوسف: مفيش رحلات تراجعت عن كلامي والموضوع اتقفل متناقشنيش*بصتله لؤة بغيظ وربعت اديها وبصت من الشباك وهي بتتوعدله ف سرها عند سليم
سليم: ألوو ي فراولتي
الاء: طلاما بتدلعني يبقي خبر حلو
سليم: فعلا خبر تحفة
الاء: اشجيني
سليم:الخطة ب نجحت بمساعدة عمو سيف قدر ي خلي الامتحانات تتأخر شهر ونص علي معادها الأصلي يعني قدامهم شهرين ونص وكمان في رحله طالعة لشرم الدور والباقي علي شطارتك ف اقناعهم
الاء بفخر: لا بسيطة دي سبني بس علي ودان يوسف دقيقتين وهخلهولك يتشاهد
سليم: انتي هتقوليلي طب تصوري دخلت عليه المكتب انهارده لقيته بيغني مع نفسه ومبسوط
الاء بفرحة:ربنا يديم انبساطه يوسف كويس وان شاء الله ربنا هيكرمه ويخفف عنه تعب الماضي
سليم:يارب بس اقلك حاجة مهمه
الاء: قول
سليم:وحشتيني يبت ...الو ألوو ي حيوانه قفلت
*وصلت لؤة القصر وطلعت تجري لفوق راحت عند اوضه الاء وخبطت عليها جامد فتحت الاء وهي عارفه انها لؤة
الاء بخبث: ايه حصل مالك شكلك مضايقة *زقتها لؤة ودخلت ردت الاء الباب وهي بتضحك بمكر
الاء:يوسف زعلك ولا ايه شكلك ميطمنش
لؤة بحزن:في رحله لشرم وانا مطلعتش رحلات قبل كده ف حياتي ونفسي اطلع بقا واخوكي مش راضي نهائي وبعدين إيمان طالعة
الاء: طيب خلاص هكلمه انا بس انتي خليكي حنينه معاه وتنفذي كلامه عشان ميرجعش ف رأيه لو وافق تمم
لؤة:اشطا مش هزعله *الاء خدت لؤة وراحت جناح يوسف ودخلت خبطت علي باب الاوضه ودخلو شافهم يوسف وبص الناحية التانية كان قدام الدولاب بيطلع غياره قربو عليه
الاء بحنيه:يوسفي ي قلبي
يوسف: احسنلك تروحي علي اوضتك وملكيش دعوه
الاء بدموع: بتكسفني ي يوسف انا كنت جايه اطلب منك اني اروح معاكم بس انت رافض خلاص *بصلها يوسف باستغراب
يوسف:مين قالك ان احنا رايحين
الاء: يوسف انا محبوسه ومش بطلع كتير واتخنقت وعاوزه اتفسح واشم هوا شويه كمان لؤة مطلعتش أماكن قبل كده وانت مضغوط من الشغل دي فرصة نفك كلنا عن نفسنا لو ماما زمانها عايشة كان هيبقي الوضع غير كده مكانتش سبتني محبوسه كده*وفضلت تعيط بتمثل دموع تماسيح وبعد كده لؤة كمان فضلت تعيط بس هي بتعيط عشان مامتها ال عايشة وهما محرومين منها وسطهم ومش حاسين بصلهم يوسف بحزن وحضنهم
يوسف: خلاص هنغوروا سوا ارتحتو ويلا بقا قرفتوني وبوظتو مزاجي الواحد بسببكم يومه اتنكد برافو عليكم*قالها بغيظ بصت الاء ل لؤة بضحكه خبيثة ولؤة جاملتها بضحكة حزينه سابهم يوسف وراح ياخد دوش
الاء بضحك:برافو عليكي مثلتي صح انا صدقتك
لؤة بحزن:كان لازم عشان نطلع*حضنتها الاء بفرحه ومشت اتنهدت لؤة وخدت غيارها وراحت تاخد دوش ف حمام أوضة الضيوف وعدي اليوم واليوم ال بعدو وال بعدو ولؤة بتروح لام يوسف وبتزقيها عصاير ديما وبدأت ام يوسف تحرك تحرك لسانها فرحت لؤة بكده.صحيت علي صوت المنبه فصلته لقت يوسف بيلبس ساعته وبيبصلها
لؤة:صباح الخير
يوسف:صباح النور قومي كفايه نوم
لؤة: حاضر*قامت لؤة ويوسف كان هيطلع
لؤة:يوسف استني عوزاك
يوسف باستغراب:خير
لؤة:انا اخدت من الفلوس اللي في الكوميدينو ٢٠٠ جنيه وصرفت منها كتير ف اليومين ال فاتو
يوسف بضحك:انا حاطلك ٨٠٠٠ جنيه هتاخدي كدهم كل شهر مصاريف اكل وشرب برة البيت ولو عوزتي تاني بلغيني وكمان لو احتاجتي هدوم ولا حاجة عندك بطاقتي تحت الفلوس تقدري تشتري ال عوزاه*لؤة بصدمة وارتباك
لؤة:طب انا محتاجه اروح الكوافير
يوسف:ليه منتي زي القمر عاوزه ايه *قالها بشك وهو بيقرب منها
لؤة: اصلي عاوزة اقص شعري كريه زي الاء كده
يوسف بغضب: مش هتقصيه ولو قصتيه هحلقلك قرعه
لؤة بصدمه:تاعبني ف التسريح*راح يوسف ناحيه التسريحه وطلع منها مشط وراح عند لؤة مسكها من دراعها وشدها للسرير
يوسف:اقعدي في الأرض كده*وقعدها غصب وشال طرحتها وهي مربعه اديها بس ده جوزها يعني مش غريب ده ال بتصبر
بيه نفسها فرد شعرها واتصدم وقفها من الارض عشان يعرف يسرحلها كان موضوع متعب بس مسلي ليه بعد ما خلص ولمهولها كعكه بصلها
يوسف:اعملي حسابك كل يوم هسرحلك شعرك لكن لو قصتيه هقص رقبتك*قالها بجديه هزت راسها بمعني ايوه وسابها وطلع بصت ف المرايه لقت شعرها متسرح كويس وملموم علي
بعضه اتنهدت واتوضت وصلت ونزلت تحت ف المطبخ طلعت حلة شوربه وخدت طبق دفته كويس وعصرت عليه لمون ومن غير ما حد ياخد باله راحت لمكانها المعهود
لؤة:انا جيت جبتلك شوربه إنما ايه حكاية ي ماما مش انا عملاها بس انا مسخناها وجيباها *ابتسمت بصعوبه ام يوسف وحاولت تحكي بس مقدرتش قعدت لؤة جنبها وزقتها الشوربه وحكت شويه وودعتها ومشت طلعت لؤة لبست وجهزت وراحت الكليه قابلت ايمان بفرحة
ايمان:وشك منور
لؤة:قل أعوذ برب الفلق انا بس مبسوطه بكرة الرحلة وهطلع معاكم
إيمان:جوزك معاكي يبقي هتبقي زفت
لؤة:لما نروح هناك بس وانا هطلع فيه القديم والجديد ده انا متحلفاله من بدري*قالتها بلؤم ووعيد بصت عليها ايمان وهي بصتلها وضحكو وهما فاهمين بعض