رواية متهمه في عرين الاسد
الفصل الثاني عشر
بقلم نور محمد
(حارس شخصي)
كانت تجلس داخل هذه الطائره هائمه وسط غيوم السماء كانت خائفه متوتره ولكن ليس من المجهول وإنما من الطائره فهي لم تتوقع أن تراها في الأحلام والآن هي على متنها ولاكن يجب أن تكون ملامحها ثابته فبلتأكيد أن ملك سافرت بطائرة من قبل لهذا لا يجب أن تجعل مراد يرا خوفها هذا.
مراد :مبسوطه ياملاكي أنتي بتحبي الطياره جداً
ملك :مبسوطه بس متوتره شويا لأني مش عارفه رايحه فين وزاي رتبت سفري.
مراد :بم إنك نسياني أحب أعرفك مراد الراوي من أكبر رجال الأعمال في تركيا وأكيد مش صعب عليا إني احجز طياره خاصه وأوراق السفر في 24.
ملك :الظاهر اني متجوزه شخص مهم وأنا مش عارفه أو مش فاكره.
بعد مرور بعض الوقت هبطت الطائره في مطار تركيا.
مراد : أخيراً وصلنا للبلد إلى فيها عشقتك أهلاً بيكي في تركيا.
ليمسك يدها ويتوجهو إلى الخارج حيث تنتظر سياره وامامها بعض الرجال الذين يملكون جسد ضخم وهيئة ترعب.
ملك :إحنا هنركب مع مين دول.
مراد :لأ هنركب في دي ليشير إلى سياره مكشوفة رائعه. دول حراسه بترفقني في كل مكان بروحو.
وتعالى يالا مش حابه تعرفي المفاجأة.
كانت تجلس بجانبه وهو يقود وتكاد أن تجن فهي لا تعلم ما ينتظرهاوتحدث نفسها يانهار أسود تركيا ياأمل كده الموضوع اتعقد خالص إنت فين يا أسد.
لم تفق من شرودها
حتى توقفت السياره أمام أحد المنازل الراقيه.
مراد :ممكن تنزلي.
ملك :أنا فين.
مراد دلوقت تعرفي توجهوا إلى الحديقه الملحقه بالمنزل كان يقف رجلاً في استقبالهم لقد كسي الشيب شعره ولكنه محتفظ بملامح هادئه يبدو في أواخر الخمسينات.
وما هو إلا كمال الأسيوطي والد ملك.
مراد :اقدملك كمال الأسيوطي والدك تخشبت محلها من أثر الصدمه فهي تعلم أن الأب لن يخطأ في معرفه إبنته لهذا هي الآن في عداد الأموات.
كان يقترب منها ولكن كانت المفاجأة حليفتها عندما أخذها بين أحضانه بكثير من الشوق.
كمال :وحشتيني يابنتي كنت هموت في غيابك لما مراد كلمني وقالي أنه لقاكي ماكنتش مصدق نفسي من السعاده.
كانت مزهوله كيف خدع وظن إنها إبنته.
أما مراد فكان ينظر لكمال ولملك التي لم تبدي أي ردت فعل ليتأكد الآن أنها فاقده الذاكره ولا تخدعه.
كمال :تعالو اتفضلو جوه.
مراد :آسف لازم استأذن لأن ورايا شغل مهم لازم اخلصه وكمان اسيبك مع ملك لوحدكم أكيد حابين تتكلمو مع بعض كتير ليودعهم ويغادر.
أما كمال رحب بملك داخل المنزل لم تكن سعيده فهي لا تريد خداعه.
كمال تعالى محضرلك كل الأكل إلى بتحبه ليرشدها إلى غرفه الطعام ليجلس حول المائدة ويبدأو كانت تعبث بطبقها والدموع تهدد بالنزول كانت تشعر بالحزن لخداع هذا الرجل.
كمال :عارف إنك مش ملك
ملك؛ 😮😲
كمال :ملك ماتت طبعاً أنتي متفاجئه بس كل الأجوبة واقفه وراكي لتنظر خلفها لتجده يقف بطلته الخاطفه وشموخه المعتاد وقفت سريعاً وعلى وجهه ابتسامه بلهاء.
ملك :أسد إنت إزاي طيب عرفت اني إنت جيت أمته هو إيه
ظهرت على وجهه شبح ابتسامه من طريقتها المجنونه في الكلام.
أسد :اقعدي وهشرحلك.
لتجلس أمامه.
كمال :أنا هخرج الجنينه شويا ليتركهم ويرحل ليتحدثو على انفراد
أسد :عرفت النهارده الصبح
(فلاش باك) في مبنى المخابرات تحديداً بمكتب اللوا طاهر.
أسد :ده تقرير عن كل الي حصل الفتره اللي فاتت وأمل طلعت أذكى من توقعاتي وبتتصرف بذكاء.
طاهر:حالياً الخطوه التانيه وهي أن أمل تسافر معاه علشان تقدر تراقبه عن قرب ونعرف معاد العمليه
أسد :بس أنا بقول أن مراد مش هيسافر حالياً غير لما يثق أن ملك مش بتكدب في موضوع الذاكره.
طاهر :لازم تعر... ليأتيه إتصال يقطع حديثه.
طاهر :ألو
الطرف الآخر .. ..................
طاهر :متأكد
الطرف الآخر............
طاهر :تمام لينهي الإتصال
أسد :خير يافندم
طاهر :حضر نفسك لازم تسافر تركيا حالاً مراد حجز طياره خاصه ليه هو أمل ومسافر كمان ساعتين لازم تكون هناك قبله.
أسد :أنا عارف هو دماغه بتفكر إزاي.
طاهر :قصدك إنه سافر لغرض معين.
أسد :هيواجه ملك بابوها علشان ينهي شكه لازم أسافر وقنع كمال الأسيوطي إنه يتعاون معانا
طاهر :بس هتقدر تقنعه إزاي ده بيثق في مراد جداً.
أسد :كمال ميعرفش أن ملك ماتت وأكيد لما يعرف إنها ماتت بسبب منافس لمراد فشغله الغير مشروع وأنها راحت ضحيه الشغل ده هيساعدنا.
طاهر:تحليل منطقي ومقنع
أسد أنا معتمد عليك دلوقت أنته هتواجه مراد لوحدك في تركيا.
أسد :شكراً على ثقتك وأكيد مراد هيتقبض عليه في وقت قريب مش بس علشان شغله لأ علشان مليكه الله يرحمها.
... (باك)
أسد :بس ده إلى حصل.
ملك :كنت مرعوبه وخايفه.
أسد :كل ده لأنك مش عارفه أنتي هتقبلي مين.
ملك:لأ علشان الطياره أول مره اركبها😔
لم يستطع كبت ضحكته على هذه الطفله.
أما هي فكانت تنظر إلى ضحكته التي اخذتها إلى عالم أخر لاتعلم لم نزلت دموعها هل لأنها تشعر بحبه يقتحم قلبها أم لأنها ميته مع وقف التنفيذ ولم ولن يكتب لها الحب أبداً.
إنتبه لدموعها ليقترب منها
أسد :أنتي كويسه.
لا تعلم بما تجيبه لتتحدث وهي تجفف دموعها
لا أبداً بس ماما وحشتني
اسد:مش عايزك تقلقي هي في أحسن مستشفى وهتعمل العمليه وتبقى بخير.
ملك :إنشاء الله
أسد :دلوقت في حاجه مهمه هتعمليها لما مراد يرجع.
ملك :ايه هيا
أسد :.............................
ملك :تمام
أسد :دلوقت لازم أمشي
ملك :طيب لو احتجتك هوصلك إزاي.
أسد :هنتقابل تاني وهقولك.
ملك :أمته
أسد :أسرع مما تتخيلي
🖤🖤🖤🖤
في شركه ضخمه تحمل اسم الراوي للنقل بالتحديد داخل مكتب راقي كان يجلس مراد برفقه عدنان
عدنان :بدي اسأل شي لو ما بيزعجك.
مراد :اسأل أصلًا إنت الشخص الوحيد اللي ممكن أخليه يستجوبني
عدنان /لشو عم تختبر ملك هيك شو ما عاد تحبه مثل أول.
مراد :بحبها أكتر من الأول ملك مش حب ملك عشق هوس صعب أتخلى عنه بس هشرحلك لتكون بالصوره.
لو تفتكر البنت إلى خلصنا منها في مصر مليكه إلى جات الشركه علشان تنقل المعلومات إلى موجوده على اللابتوب للشرطة وقتها أنا مسحت كل حاجه تخص الشغل بس حطيت مكانهم صور لملك.
عدنان :طيب لشو عملت هيك.
مراد :أنا دورت على ملك في كل حته وقدرت اوصلها ولقيت إن دي فرصه أن البوليس إلى عايز يوقعني أنا إلي استفاد منه بأنه يلاقي ملك.
عدنان :شو أكدلك إنهم راح يهتمو ويدورو عليها
مراد :لأن دي فرصه مش هيضيعوها إنهم يلاقو حد قريب مني ويحولو يجندوه لمصلحتهم ولما شفت ملك وقالتلي إنها فاقده الذاكره شكيت إنهم ممكن يكونو وصولها وجندوها فعلاً وأن دي خطه منهم علشان مشكش في الموضوع بس أنا اتأكدت إنها فعلاً مش فاكره حاجه من ردت فعلها لما شافت أبوها وماكنتش عارفا دا مين.
عدنان :والله مانك سهل أبداً
مراد:دلوقت أقدر ارجعها تاني على حياتي وأنا مطمن
عدنان يحدث نفسه :راح اخلص منه قبل مادمرلك حياتك هي مو ملاك هي حيه.
🖤🖤🖤🖤
بمصر كان يجلس داخل مكتبه يحدث أسد.
عبد الرحمن :أيوه ياعم عايش حياتك في تركيا وسايبني مع اللوا طاهر هنا يعزب فيا.
أسد :نفسي تكلم جد شويا طيب قولي خالي بالك من نفسك.
عبد الرحمن :ياراجل الله يكون في عون المافيا وقعت في أيد مالا يرحم الأسد بنفسه.
أسد :المهم أي خبر عن مامه أمل يوصلني لأنها قلقانه عليها.
عبد الرحمن :طيب ماتقلق وأنت مالك دي مجرمه 😏
أسد :أنا عايزك تحمد ربنا إنك مش قدامي دلوقت.
عبد الرحمن :الحمدلله 🤣🤣🤣🤣
🖤🖤🖤🖤
ف تركيا تحديداً منزل كمال الأسيوطي كانت تجلس ملك بالجنينه لتجد يد توضع على عيناها.
ملك :مين
مراد :وحشتيني
ملك تتصنع الزعل :إنت ليه كذبت عليا وقلت إني مراتك بابا قالي إني اختفيت قبل يوم فرحنا.
مراد :ماكنش قصدي إني اكذب بس إني القيكي بعد سنتين وكمان فاقده الذاكره خلاني أشك إنك زعلانه مني وبتقولي كده علشان تتهربي مني فقولت أعمل كده علشان تقوليلي الحقيقه.
ملك :وممكن تكون بتختبرني لأنك بطلت تحبني وتثق فيا.
مراد: ابداً أنا بحبك أكتر من الأول أنتي مش عارفه أنتي بالنسبالى إيه.
ملك : أنا عيزاك تعرف اني مش حابه أبقى عبء عليك لأني مش فاكره حاجه فلو حابب ننفصل انا معنديش مانع.
مراد :أنتي ليه بتقولي كده.
ملك :لما كنت في الفيلا بتعتك في مصر في حد حاول يقتلني.
ليقف مراد ويتحدث بغضب :إزاي ده حصل وليه مقولتليش.
ملك :لأني مش عارفه إيه اللي بيحصل وليه ماحصلش غير لما شوفتك
مراد :أنتي شكه إنه أنا إلي حاولت اقتلك.
ملك :مش عارفه.
مراد :أوعدك إني هعرف مين اللي عمل كده وهجيبه قدامك وقتله.
بس دلوقت أنتي لازم تروحي معايا فيلتي علشان أقدر احميكي.
ليأتي في هذه اللحظه كمال.
كمال :بنتي هتفضل عندي
علشان أقدر احميها هي حكتلي عن محاوله القتل إلى اتعرضتلها بمصر وهي عندك.
مراد :بس فيلتي هنا متأمنه كويس ومحدش يقدر يقرب منها ويأذيها وهي موجوده فيها أما هنا سهل إلى حاول يقتلها إنه يوصلها تاني.
كمال :تمام موافق تفضل عندك لحد جوزكم بس بشرط.
مراد :إيه هو
كمال :هيكون في شخص مرافق ليها لحمايتها.
مراد :بس أنا أقدر احميها
كمال :هو ده شرطي
مراد :ومين ده علشان تثق فيه كده.
كمال؛ ده شخص مصري جه تركيا من سنه بيدور علي شغل وبالصدفه اتعرفت عليه ومن وقتها وهو بيشتغل عندي في محل من محلاتي وهو أكتر شخص ممكن يضحي علشاني بعمره وينفذ أي شيء ائمره بيه.
كانت تستمع ملك للحديث وتنتظر أن ترا من هذا الشخص.
مراد :موافق لو ده هيريحك ويخليك مطمن على ملك
كمال :هو موجود بره.
مراد :تمام رن عليه خليه يدخل.
ليخرج كمال هاتفه ويخبره أن يأتي إلى الداخل.
كانت تنظر ملك أن ترا هذا الشخص ليدخل أسد.
ملك؛ 😮😮😮
ليتقدم منهم ويتحدث تحت أمرك ياكمال بيه.
ملك :🙄🙄
كمال :تعالا ياأسد دي بنتي ملك وده مراد الراوي خطيبها.
أسد :اتشرفت بمعرفتكم.
كمال :من دلوقت هتكون المرافق لملك والمسئول عن حمايتها.
أسد :تحت أمرك روحي قصاد حياتها.
كمال :وده إلى مستنيه منك
مراد :تمام دلوقت هنستأذن.
🖤🖤🖤🖤🖤🖤
بعد قليل أمام فيلا ضخمه
تبدو مثل القصور وصلت سياره مراد الراوي لتقف في ساحه الفيلا الخارجيه وكان الليل قد انزل ستائره لينزل منها مراد وملك واسد وبنفس اللحظه كان عدنان يقف في مكان قريب من الفيلا يمسك سلاح به كاتم للصوت ويصوبه إلى ملك
التي تقف بين مراد وأسد ويطلق رصاصه لتسيل الدماء على الأرض وبهذه اللحظه تقع ملك مغشي عليها.