الحلو المسموم ♥️
الفصل الأخير🥺
بعد سنه خلصت لؤة الكلية وطلعت بتقدير امتياز مع مرتبه الشرف وكان نفسها تشتغل ولما أصرت علي يوسف شغلها معاه ف الشركه حطلها مكتب ف مكتبه عشان تبقا قدام عينه علي طول لؤة وهي قاعده علي المكتب وشايله نونو صغير
لؤة بحزن:بس بقا ي حسن كفاية عياط عشان خاطر مامي هتعيط معاك انت مش علي بعضك طب فيه مغص ي حبيب ماما *قام يوسف بغيظ من علي مكتبه وراح عندها وخد حسن منها ال عمره ٦ شهور
يوسف بزعيق:مالك يلا هارينا عياط من الصبح فاهمها حركاتك دي عشان لؤة تدلعك مش كده اسكت خالص مسمعش صوت فاهم *حسن بصله وهو ساكت وبعدين فضل يضحك ويمسك دقن بباه
يوسف بلطف:ايوه كل عقلي بحركاتك دي طب ايه رايك من هنا ورايح مش هتتحرك من جنبي ايه قولك
حسن:دا دا دا امممم ما ..ما
لؤة بفرحه وهي بتنط من مكانها وشالت حسن من ايد يوسف
لؤة:ماما انت عاوز ماما قول ماما تاني طالعة سكر من بقك ي حبيب ماما وقلب ماما
يوسف بغيظ:وانا مش هنول من الحب ده جانب
لؤة بلؤم:بابا الوحش غيران منك ي حسوونتي عشان بحبك اكتر منه *مسكها يوسف من طرحتها بقوه
يوسف: لو متلمتيش هموتكم انتو الجوز وبعدين انتحر
لؤة بغيظ:ده ولدك ي معقد سيبني اااه*دخل سليم ف الحظه دي وشاف منظرهم وفضل يضحك جامد
سليم:كفايه بقا مبتتهدوش
يوسف بغيظ:مش تخبط الأول ي بقرة
سليم بضحك:مش انا جوز اختك يعني اشرف ف اي وقت وبعدين انا جاي اقرفك يعني بردو متخليش لؤة تروح الكوافير انهارده مع فيروز وإيمان ياخي صحابها حرام عليك فرحهم بالليل وبعدين هتخلص منهم نهائي
يوسف بغيظ:هي اشتكتلك صح
سليم بلؤم:صراحة ي صحبي مش عارف اجبهالك ازاي بس احلام هانم و مامتك اتفقو عليك وفتنوها عند سيف باشا و بعتلي وقالي اوصلك ان لؤة تروح الكوافير مع البنات انهاردة *فضلت لؤة تضحك ف سرها بصلها يوسف بغيظ وطلع من المكتب خالص نطت لؤة بفرحة
لؤة:شكرا ي سليم بجد مش عارفة اردهالك ازاي
سليم بضحك:خلي البت فيروز تلين دماغها شوية جلال استوي كفاية ي لؤة الود هيروح منكم
لؤة بوجه اطفال:ده احنا غلابة وانتو بتفتروا ديما علينا*وفضلو يضحكو راحت لؤة الكوافير مع العرايس وسابت حسن مع فريال شافت فيروز وإيمان يالابيض الاتنين كانو
احلي من بعض خلاص اللمسات الأخيرة وبقو جاهزين علي الساعة ٨ باليل حضنو التلاته بعض بعياط وهما بيحاولو ميبوظوش المكياج
لؤة:كفاية ي جزم المكياج هيبقا شوارع علي وشكم*هدو نفسهم وبصولها بتوتر مسكت لؤة اديهم هما الاتنين وابتسمت
لؤة: انتو اختارتو صح متقلقوش حياتكم ال جاية كلها هنا وسعاده ان شاء الله وبعدين لو حد منهم زعل حد فينا هنطين عيشته عشان كده محدش هيقدر يزعلنا ابدا
الاء بضحك:شكلكم نسيتوني ي اندال *قالتها وهي جايه من وراهم شايله ابنها يوسف
البنات بضحك:انتي ال كسوله بعدين جبتيه ليه هنا مدتهوش لسليم ليه لحد ما نوصل القاعه تاخديه
الاء بخوف وهي بتحضن يوسف:لا يختي منك ليها ده سليم لو شافه لوحده بيمسكه من رجله ويحدفه ف السقف انا مش مستغنيه عن ضنايا مين حبيب ماما *الكل قعد يضحك دخل يوسف وبصلهم
يوسف بغيظ: اتلميتو علي بعض يبقي يرحمن يارحيم علينا انجزوا العرسان اتحنطو برة وانتي تعالي معايا خليكي ورايا عشان الدنيا زحمه *وخد لؤة وحطها وراه دخل يوسف ابو إيمان واحلام مامتها وحضنوها بدموع وسعاده وكذالك مامت
فيروز وأخواتها مسك سيف بنته إيمان من اديها وطلع بعديه شريف اخو فيروز الصغير ال ف الاعدادي مسكها من اديها وطلع جه سليم خد مراته وراه وطلع قرب يوسف علي لؤة وطلع منديل ومسك وشها وفضل يمسح فيه
لؤة بغيظ:والله مفيش حاجة محطتش حتي ذبده كاكاو
يوسف بغيظ:اومال احلويتي كده ليه عملولك عمل انا مش فاهم *خدها لبرة وراه بيخبيها من الدنيا كلها بتاعته واحده محدش يقدر يهوب نحيتها ركبو الكل العربية وراحو القاعة
كبيرة ومكان كبير للعروسين الكل رقص سلو لؤة ويوسف والاء وسليم وجلال وفيروز وإيمان وأمير الكل كان كل واحد ف عالمه الخاص خلصت الرقصة وكلو قعد مكانه
يوسف باستغراب:اومال فين اسراء مخدتش بالي منها انهاردة
لؤة بخضة: تلاقيها بتتصور هنا ولا هنا *اتنهد يوسف وهز راسه عند اسراء ف مكان ف الفندق ال حاجزين فيه القاعة مكان هادي شويه
محمد: اسراء شدي حيلك عشان دي اهم سنه واي حاجة واقفة معاكي ترجعيلي
اسراء بفرحة:اكيد ي بروفيسور محمد هو انت حد ف ذكائك بقا يبقي عندك كل الذكاء ده وتدخل صنايع ٥ سنين
محمد وهو بيتنهد:الظروف جبرتني بس انا هشد حيلي ان شاء الله وتشوفيني مهندس كد الدنيا وميبقاش فيه سبب لاخوكي الرخم ده انه يرفضني*ضربته اسراء ف كتفه بضحك ..........بعد ٦ سنين.............
لؤة: ي ماما خلي بالك من إيمان سيباها لوحدها هطلع اشوف حسن و رودي بيخربو ايه فوق *طلعت جري علي السلم ليهم ساعة مختفيين خالص بصت ف اوضتهم ملقتهمش راحت لاوضتها ملقتهمش بس عرفت مكانهم اتسحبت براحه ووقفت قدام الدولاب ومره واحده فتحته
لؤة:اااااااه
العيال بفزع:اااااه يماما لا متضلوبناث ونبي*وجريو لبرة رفعت لؤة الشبشب وجريت وراهم لتحت
لؤة:خدو هنا ي ولاد الكلب خلصتولي صباع الروج ال جيباه من ورا ابوكو بالعافيه عشان احطه ف الحمام
العيال بخوف :تيته ي تيته الحقينا ماما هتضلوبنا بالثثب
فريال بضحك: خلاص ي لؤة عشان خاطري سمحيهم المرة دي
لؤة بغيظ:ماشي ي ماما نفدتو الدور ده ي جزم تعالو عشان تغيرو هدومكو خالاتكم جايين انهارده
حسن ببرائة:كلهم ي ماما يعني خالتو فيروث جايه ومعاها ثندث
رودي زيه:وطنت الاء جاية ومعاها يوسف
لؤة بضحك:طالعين صايعيين لابوكو امكم عمرها ما كانت كده
يوسف وهو داخل: ودي حاجة تشرفني ي شوارعية
العيال جريو علي يوسف وحضنوه
العيال:وحثتنا ي بابي
رودي بزعل:بابي ثلني عاوزه اقولك حاجة
لؤة بغيظ:اتمسكني وافتني ي مقصوفه الرقبه *ضحك يوسف وشال رودي وبصلها بحب وحنان
يوسف :نعم ي قلب بابي قولي
رودي بوشوشه:مامي ضربتنا بالثثب عشان خدنا منها ثباع الروج بتاعها ال جابته من وراك امبارح
يوسف بغيظ:الله الله بتصيعي ي لؤة الكلب بردو نفذتي ال ف دماغك وجبتي واحد تاني انا مش لسه جايبلك واحد من ٣ سنين *وفضلو يضحكو الساعة تسعة اتجمعت العيله علي السفرة الاء وسليم ويوسف الصغير وجنات وكاظم وإيمان وأمير وعيالهم شهد وحنين وفيروز وجلال وعيالهم سندس وفارس ومامت لؤة ومحمد أخوها كذالك اسراء وفريال الكل بياكل وبيضحك جو اسري سعيد ودافي
....صحيح ايه حصل ل سعيد اترمي ف السجن واتحكم عليه مؤبد نتيجة الفلوس ال عليه خد سنتين ف السجن ومات اما نجوي هانم كانت شايلة قرشين علي جنب راحت الفيلا بتاعت بباها القديمه وعاشت وحدها وده لان اسراء رفضت تروح معاها بعد سنه بالضبط اتجوزت لان هي مكملتش ٣٥سنه وهي سعيده ف حياتها مع جوزها وأولادها علي وشروق ف القصر قاعدين سوا بيحكو وبيتفقوا
يوسف:طيب خلاص وافقت بما انها خلصت كليتها دلوقتي لكن هفتحلها مستشفي باسمها وهي تديرها بما انها بقت احس دكتوره وتشرف العيله
محمد بفرحة:بجد يعني هتجوز اسراء اخييراااا
يوسف بغيظ؛متخلنيش اندم على كده ي باش مهندس
لؤة بفرحة:زغردي ي وليه منك ليها *الكل زغرد فعلا جو مبهج عيله سعيده بعد ما الكل مشي والليل ليل والأطفال نامو يوسف وهو حاضن لؤة ف بلكونته جاله اتصال ورد عليه
يوسف:الو ي سليم
سليم :هايدي طلعت من السجن ي يوسف *قفل السكه وهو ناوي يقفل الماضي
لؤة باستغراب:فيه اي ي يوسف مال سليم
يوسف بحنان:ابدا ك العادة نسيو شنطه الهدوم بتاعت الأطفال *ضحكت لؤة وبصتله بحب وحنان
لؤة بفضول:يوسف هنسمي حكايتنا ايه فكر معايا *بصلها بحب وحنان تحت نور القمر وسكون الليل مصاحبهم
يوسف:الحلو
لؤة:المسموم♥️
تمت بحمد الله