#حب_يفوق_السحر
بقلم روضه جمال
الفصل الخامس والسادس
البنت .... انا هعرفك هعمل فيك ايه
محمد .... أما نشوف يا اختى
قامت البنت ولفت وشها وبصت بصدمه
البنت .... هو انت ينهار ضرب الوان
محمد .... هو انتى
اتكلموا الاتنين فى نفس الوقت
محمد .... تعالى هنا بقا انا( ابن مجنونه)
اسماء .... يعنى يرضيك تئذى واحده نسوان
محمد .... كتم ضحكته من طريقتها
اسماء .... بص انا مكنش قصدى وانت اللى عصبتنى يبقي خالصين
محمد .... طب ممكن افهم كنتى بتعيطى ليه هو اللى زايك حد يقدر يزعلها ده انتى عليكى لسان يزعل محافظه
اسماء .... متصلي على النبي فى قلبك كده يا كابتن وانت مش طايقنى ليه هو انا كنت مرات ابوك
محمد .... ايه يا شيخه ده عليكى لسان قوليلي بقا كنتى بتعيطى ليه
اسماء .... وانت مالك انت كنت من بقيت اهلى
محمد .... تصدقى انا غلطان كنت هساعدك
اسماء بتمتمه .... قال يساعدنى قال
محمد .... سمعتك على فكره وبعدين شكلك فى مشكله كبيره
اسماء .... وهى كبيره بعقل ده دماغى هتتشل
محمد .... ممكن تعتبرينى صاحبك وتحكيلي ونحاول نحلها مع بعض
اسماء .... بدأت تحكى سبب عياطها ودموعها سابقه كلامها ومحمد مستغرب بقا دى اللى من شويه لسانها كان مترين
محمد لنفسه ... لو مش حرام كنت اخدتك فى حضنى هونت عليكى
_______________
عند فهد
فهد لسه قاعد مع كنز وحطلها اكل وطلع دخل اوضه ليث اخوه وبدأ يدور على اى حاجه ممكن تساعده يوصل للى قتل اخوه لفت نظره حاجه بتلمع واقعه جنب السرير لسه هيقرب منها تليفونه رن
فهد .... الو لقيتها
= ايوا يا فهد بيه
فهد ....طب اجمعلى كل المعلومات عنها بسرعه واتأكد الاول انها هى
= اتأكدنا انها هى وفاضل بس نجمع المعلومات
فهد .... عرفت اذاى
= .............
فهد .... تمام حلو اوى اجمعلى المعلومات وتكون على مكتبي بكره
خلص فهد المكالمه وخرج من اوضه ليث ونسي انه شاف حاجه بتلمع فى الارض
نزل تحت مستنى محمد
____________
لقيت نفسي مرميه من على السرير وفتحت عينى براحه وانا مرعوبه وايدى على ضهرى لانه وجعنى لما وقعت بصيت لقيت القط الاسود اللى بيظهر علطول وكان فاتح بوقه وبيطلع اصوات مرعبه وحروف غريبه قط بيتكلم اذاى من صدمتى فضلت ارجع لورا وهو يقرب وبيعمل نفس الصوت وانا بصرخ
باعلى ما فيا ولكن صوتى مش مسموع ودموعى متجمده فى عينى وكل ارجع لورا القط يقرب بزياده لحد ما خبط فى التسريحه لقيته قرب قوى وصوته بدأ يعلى وبقي مرعب اكتر فجاه حد خبط على باب اوضتى وسمعت صوت ماما
الام .... روضه ياروضه دى شكلها نايمه ولا ايه انا هدخل اصحيها
وماما بتفتح الباب القط الاسود اختفى بسرعه وانا اول ما شوفت ماما جريت عليها وحضنتها وقعدت اعيط
الام .... مالك يا حبيبتى فيكى ايه بتعيطى ليه
...... مش قادره ارد عليها وكل اللى قولته خليكى معايا يا ماما
ماما بنبره قلق وخوف ..... انا جنبك ياقلب امك
ماما اخدتنى وطلعنا الصاله كانت چودى نامت وبابا كان نام فى اوضته وبعد شويه ماما جابتلى كوبايه لمون وشربتهالى وبعدها نمت على الكنبه فى حضن ماما وهى محاوطانى وكأنها خايفه عليا من الهوا
صحيت على صوت بابا لقيت نفسي فى حضن ماما وبابا بيصحينا عشان نصلي الفجر قومت انا وماما وصلينا
____________
محمد دخل القصر الفجر وكل ده فهد كان مستنيه
فهد .... ما لسه بدرى يا بيه
محمد .... كويس انك صاحى
فهد .... خير حصل ايه وايه اللى اخرك كده لوش الفجر
محمد .... فاكر البنت اللي كانت قعده على التربيزه قدامنا وصاحبتها اللى ااااحم هزقتنى
فهد .... شكلك وقعت ولا ايه يا صاحبي
محمد .... اسمع بس دى البنت اللى كانت مع ليث
فهد .... عرفت اذاى
محمد حكى له اللى حصل
فلاش باك________
محمد .... مش هتحكيلي
اسماء ..... صاحبه عمرى واقعه فى مشكله كبيره اوى وانا مش عارفه اساعدها ( كانت بتتكلم ودموعها سابقه كلامها )
محمد .... انا اكبر منك واقدر اساعدك
اسماء .... اكبر منى بكام سنه يعنى
محمد .... انا عندى ٢٧ سنه
اسماء .... اكبر منى بسبع سنين يعنى كمل عليهم وهاتلك شيكولاته 😂😂
محمد .... لو يتقص من لسانك ده قد مترين البشريه هترتاح من شره وبعدين انتى بتعيطى ولا بتهزرى كملى يا اختى ايه بقا مشكله صاحبتك
اسماء .... صاحبتى إللى كانت معايا فى المطعم
محمد .... دى باين عليها عاقله
اسماء .... هى عاقله ومجنونه فى نفس الوقت كانت مرحه جدا لحد ما جه يوم الحادثه وحياتها اتشقلبت من حال لحال
محمد .... هى عملت حادثه
اسماء ..... لا بس هى شافت جريمه قتل ومن وقتها بيحصل لها حاجات غريبه وبفكر اوديها لدكتور نفسي بس هى مش هترضي
محمد .... انا صاحبي فاتح مستشفي وأشهر طبيب نفسي فى مصر واسمه فهد الصقر
اسماء بملامح مصدومه .... نعم فهد الصقر صاحبك
محمد .... ايوا وفيها ايه
اسماء .... انا لازم أقابله ضرورى
محمد .... ليه فهمينى
اسماء .... القتيل اللى روضه شافته يبقي ليث اخو فهد صاحبك وكمان فى حاجه غريبه بتحصل لروضه وقربت تجننها
محمد .... طب صاحبتك ايه اللى خلاها تروح مكان زى ده وايه علاقتها بليث انا مش فاهم حاجه
اسماء .... دلوقتى فى حد بيروح لروضه علطول وبتقولى انه ليث وفى قط اسود بيظهر لها علطول
وبدأت اسماء تحكيله اذاى انا روحت للمكان اللى فيه ليث
محمد .... انا لازم اخلى روضه تقابل فهد لان كده حياتها بخطر
اسماء .... صحيح مين الشيخ مسعود ده
محمد بزهول .... انتى تعرفيه
اسماء .... لا بس روضه قالتلى ان ليث قالها عليه
محمد .... الموضوع كده كبير ولازم اتصرف بصي يا ... صحيح بقالنا ساعات بنتكلم ومعرفتش اسمك
اسماء .... انا اسمى اسماء
محمد .... اسم جميل (وبنت اجمل قالها بصوت واطى )وانا اسمى محمد المهم يا انسه اسماء عاوزين نخلى فهد وروضه يتكلموا لأن فهد الوحيد اللى هيقدر يساعدها
اسماء وهى بتضحك .... انسه ايه يا ابنى شيل الألقاب ده احنا بقينا أهل وكملت كلامها سيب الموضوع ده عليا
محمد .... تمام تعالى اوصلك عشان الوقت اتأخر وتلاقي اهلك قلقوا عليكى
اسماء .... انا عايشه لوحدى
محمد حس انها اضايقت وحاول يغير الموضوع وقلبوه ضحك
محمد وصل اسماء البيت اللى ساكنه فيه وراح قعد على البحر تانى
باك ________
فهد .... يعنى بحلاوتك عارف كل ده ومجتش علطول قاعد على البحر لوش الفجر
محمد .... كنت بحاول افكر اذاى اسماء هتقنع صاحبتها أنها تروح
فهد .... يا اذكى اخواتك هى صاحبتها اصلا بتدور عليا فلما تقولها هتيجى علطول
محمد .... عندك حق ولكن اذاى وانا مش معايا حتى رقم تليفون اسماء عشان اعرف هتقابلك امته
فهد .... انا معايا رقم تليفون روضه نفسها وكمان رقم تليفون اسماء
محمد ..😳😳😳 نعم اذاى
فهد .............
البارت السادس
فهد .... يعنى بحلاوتك عارف كل ده ومجتش علطول قاعد على البحر لوش الفجر
محمد .... كنت بحاول افكر اذاى اسماء هتقنع صاحبتها أنها تروح
فهد .... يا اذكى اخواتك هى صاحبتها اصلا بتدور عليا فلما تقولها هتيجى علطول
محمد .... عندك حق ولكن اذاى وانا مش معايا حتى رقم تليفون اسماء عشان اعرف هتقابلك امته
فهد .... انا معايا رقم تليفون روضه نفسها وكمان رقم تليفون اسماء
محمد ..😳😳😳 نعم اذاى
فهد .... هحكليك
فاكر الشريطه اللى لقيناها فى رجل الكلب عرفت أن روضه صاحبه الشريطه دى خليت الرجاله كلهم يدوروا عليها وبعدها جاتلى مكالمه من واحد من الرجاله وقال إن عرفوا البنت
فلاش باك________
فهد ... الو عملت ايه
= فهد بيه عرفنا البنت
فهد ... اذاى
= المكان اللى البنت اتصلت منه على الشرطه كان فيه كاميرات مراقبه
فهد ... والكاميرات جايبه البنت وهى راحه
= الكاميرا جايبها وهى ماشيه ورا الكلب بتاع ليث بيه ولما وقفت الكلب بدأ يزقها قدامه عشان تمشى وبعدين جابتها تانى وهى راجعه وبترن على الشرطه ووشها كان مليان خوف ورعب
فهد ... طب جمعتوا معلومات عنها
= كل اللى عرفناه اسمها ورقم تليفونها
فهد ... انا عاوز كل المعلومات عنها
= دلوقتى بنجمع لحضرك كل حركه ليها ومين الناس إللى بتقابلهم وعرفنا ان ملهاش غير صاحبه واحده بس اسمها اسماء وجبنا رقمها هى كمان وباقي المعلومات هتكون عند حضرتك الصبح
فهد ... تمام الله ينور هستنى باقي المعلومات سلام
= سلام يافهد بيه
باك __________
محمد ... يااابن اللعيبه
فهد ... لم نفسك ياض
محمد ... بقولك يا صاحبي مش احنا متربيين مع بعض وانت صاحبي الوحيد
فهد ... هدى نفسك مش هديك الرقم
محمد (وهو حاطط ايده على شعره) ... انا بس كنت عاوز اكلمها عشان اقولها هنقابل روضه اذاى
فهد ... عليا انا الكلام ده انا عارف هقابلها اذاى
محمد ... اذاى بقا
فهد ... هخليها تقابلنا على البحر وعندى فكره وهقولك عليها فى وقتها بس مش هنقابلها دلوقتى
محمد ... ليه مش دلوقتى (محمد عارف ان فهد مبيقولش عن ايه اللى بيدور فى دماغه )
فهد ... بعدين يا محمد يلا قوم مش ملاحظ انك جاى الفجر لا وكمان عمال ترغى لحد ما الشمس طلعت منك لله
محمد ... ليه بس كده انا هنادى لداده سعاد تعمل قهوه عشان نروح الشغل ولما تيجى نبقي ننام
.................
عدى يومين من غير اى احداث جديده وانا لسه بشوف القط الاسود وليث والموضوع ذاد
فى يوم كنت نايمه لقيت الغطا بيتسحب من عليا حسيت بنفسي تقل مره واحده والاوضه بقت حر فجأه لقيت ليث قاعد قدامى وبيقولى يلا ننزل بصتله بإندهاش وقولت
.... نعم انزل فين
ليث ... هنزل انا وانتى ومن غير اى كلام
.... قولتله طب هروح فين
ليث ... البسي بس وانا هقولك
.... رديت عليه وقولتله حاضر مش عارفه وافقت اذاى حسيت وكأنى مغيبه عن الوعى وبالفعل لبست ونزلت استغربت لما لقيته واقف تحت مشينا لحد ما وصلنا عند البحر وبدأ يتكلم ويقول كلام غريب مش مفهوم وفى اخر كلامه قالى اقعدى
.... اقعد فين وليه
ليث (بصوت مرعب ) ...قولت اقعدى
قعدت وانا مرعوبه ومش عارفه مين إللى قدامى ده وبدأ يبصلي ويتكلم
ليث ... لقيتى الحقيقه
برد عليه وانا مرعوبه وبتكلم بتلعثم .... حقيقه ايه
ليث ... اللى قتل احمد
.... لا دورت ومش عارفه اوصل لحاجه وبعدين مدورتش انت ليه
ليث ... مينفعش حد يشوفنى اصلا
.... اذاى
ليث ... فاكره لما قولتلك هساعدك
..... ايوا بس هتساعدنى اذاى محدش يعرف إللى انا فيه
ليث ... انا عارف كل اللى بيحصلك وكمان هعرف اساعدك
بصيت بدهشه ..... عارف..؟ طب هتساعدنى اذاى
ليث ... عن طريق البحر
.... ذادت علامات الدهشه على وشي
ليث ... انزلى البحر
.... نعم انزل اذاى دلوقتى الوقت داخل على المغرب وكمان مبعرفش اعوم
ليث ... لازم تنزلى لازم فاهمه هو ده اللي هيحل مشكلتك
.... انت عاوزنى اموت
ليث ... لازم تموتى
وفجأه ليث قام وقف وشكله بقى وحش ومسك ايدى وبشدنى للميه وعاوز يموتنى وبقيت بعيده عن الشط وهو اختفى اذاى مش عارفه وبقيت احاول اقاوم ولكن معرفتش الميه كانت برده وانا مبعرفش اعوم
_____________
فى مكان آخر
محمد ... هتقابلها امته
فهد ... بكره
محمد ... اذاى بقا
فهد ... انت هترن على أسماء وتكلمها
محمد بفرحه ... هتدينى الرقم
فهد بجديه ... مش وقته شغل مراهقه
محمد ... اسف بس هقولها ايه
فهد ... هترن عليها تقولها تكلم صاحبتها عشان يغيروا جو ويقعدوا على البحر شويه وبعد ما يوصلوا نروح احنا عندهم
محمد ... الله عليك طب هات الرقم عشان اكلم اسماء واقولها
فهد ... استنى هطلعه
وفتح فهد تليفونه وبعت الرقم لمحمد ومحمد مصدق ورن على أسماء علطول
محمد ... الو
اسماء ... مين
محمد ... واحد بيعاكس
اسماء ... وانت* بروح امك* ملقتش الا انا وتعاكسها
محمد ... باس اسكتى ايه* بلاعه* اتفتحت انا محمد يا اختى
اسماء ... محمد مين يعنى كنت شغاله فى السجل عشان اعرفك
محمد ... ابو طوله لسانك يا شيخه انا كلمت فهد
اسماء بتذكر ... ايه ده هو انت مش تقول ياعم انك محمد
محمد ... ده على اساس انى قولت ايه من شويه
اسماء ... خلاص خلاص المهم فهد قالك ايه
محمد قال لاسماء على اللى فهد قاله
اسماء ... تمام انا هخدها ونروح البحر بكره على الساعه اربعه كده ولا حاجه
محمد سمع صوت فهد بيزعق قال لاسماء تستنى
محمد ... فى ايه يا فهد مالك
فهد ... تعالى معايا حالا
محمد ... فى ايه يا ابنى قلقتنى
فهد ... اللى كنت خايف منه حصل
محمد ... انا مش فاهم حاجه
فهد ... هفهمك فى الطريق يلا بسرعه عشان لو اتأخرنا هتحصل مصيبه
فى مكان آخر __________
مجهول ... عملت اللى قولتلك عليه
=ايوا
مجهول ... تمام حلو اوى ده سر فضل سنين مدفون ومش هسمحله يطلع
= عمره ما هيطلع لأن خلاص محدش عارفه
مجهول ... انا عاوز روح الفهد
= ..........
____________
فتحت عينى لقيت فى شابين ملامحهم مش غريبه وكمان لقيت اسماء معاهم وانا على الشط وهم كانوا بيفوقوا فيا
روضه جمال
فلاش باك ________
محمد وفهد ركبوا العربيه
محمد ... فهمنى بقا في ايه
فهد ... روضه حاولت تنتحر
محمد ... اذاى ده
فهد ... لقيت واحد من الرجاله اللى مخليهم يراقبوها بيكلمنى وبيقولى
.... فهد بيه الحق انسه روضه
فهد ... مالها فى ايه
.... كانت بتتكلم وكأنها بتكلم حد وفجأه فضلت تعمل حركات غريبه ونزلت البحر وحاولت تنتحر
فهد بغضب ... وانت فين
.... انا كنت براقبها من بعيد ولسه رايح قولت ابلغ حضرتك الاول
فهد ... انا جاى حالا
كانت اسماء لسه على المكالمه ومحمد نسي يقفل الخط وسمعت المكالمه وسبقتهم على المكان
راح فهد لقي رجالته لسه مطلعينى من البحر حاول يفوق فيا بما انه دكتور وفوقت
باك ________
بصيت لهم بإستغراب وقولت انا عاوزه امشي وقومت عشان امشي
اسماء ... روضه بطلى جنان هتمشى كده اذاى
..... لازم امشي
اسماء ... انا هرن على عمى واقوله انك هتباتى معايا يومين تلاته كده
قبل ما اسماء تكمل كلامها وقعت من طولى
فهد ... تعالى ورينا شقتك
روضه جمال
اسماء ... دى لازم مستشفي
فهد ... انا هعالجها
اسماء بقله حيله .... حاضر
وركبوا العربيه وراحوا شقه اسماء دخلونى اوضه اسماء وبدأوا يفوقوا فيا قومت لقيتهم قعدين جنبي
فهد ومحمد ... حمد لله على سلامتك
.... الله يسلمكوا بس انتوا مين
فهد ... ارتاحى دلوقتى وبكره هنتكلم
خرج محمد وفهد وفضلت انا وأسماء انا نمت فى اوضه اسماء واسماء نامت فى اوضه تانيه بعد ما كلمت بابا واستأذنت منه
الساعه كانت واحده بالليل والجو ضلمه اوى حسيت بوجع جامد فى جسمى مقدرتش اقوم انور النور ندهت لاسماء
.... اسماء يا اسماااء
اسماء بصوت كله نوم ... شكلى غلطت لما خليتك تباتى معايا
.... نورى النور
اسماء ... نعاااام يا اختى بقى انتى مصحيانى الساعه واحده وتقولى نورى انور
.... انجزى يا اسماء جسمى وجعنى اوى مره واحده وعاوزه اشوف من ايه
اسماء ... طيب هقوم انوره. اهو
قامت اسماء نورت النور وبصت على السرير مكان ما انا نايمه وراحت مصوته وقالت الحقوووووونى وفجأه اغمى عليها