رواية وريثة العهد
الفصل الثالث والرابع
بقلم اسماء يماني
البارت الثالث "
الخوف من القادم لاعرف ماذا يحدث لكن حياتى سوف تصبح بخطر وكل شئ سينكشف
بيكى " ايثار انتى مجنونه بجد ايه التخاريف ديه مش مصدقه انتى
اختفيتى يومين عشان تعرفى كل المعلومات الغريبه ديه اوعى تقولى انك عايزه تسافرى كمان هناك عشان تشوفى الست ديه
إيثار " وليه لا بذمتك مش مغامره جديده ونكتشف حاجات خياليه بجد وممكن تطلع حقيقيه تصورى لو فى ساحرات عايشين بجد وفى كتاب العهد طلع حقيقى هيكون اكتشاف عظيم ونقدر نمتلك قوتهم
بيكى " لا ديه هبت منك على الاخر اتصور ايه يامجنونه انتى وبعدين افريقيا بتهزرى نروح فين انتى بتجرى ورا وهم مش موجود اصلا
إيثار " يسلام افرضى موجوده ساعتها هتعملى ايه
بيكى " ياحبيبتى انا عايزه تشيلى الوهم ده من دماغك ، لو ياستى
موجوده هعملك الى انتى عايزه بس ونبى ركزى فى دراستك دلوقتى وسيبى الحاجات ديه بعدين بعد الامتحانات ولما نخلص نشوف حكايتك
إيثار " تمام ماشى يابيكى هركز فى دراستى بس توعدينى لو نجحنا هتسافرى معايا انتى وهاله اكيد مش هكون لوحدى
- بيكى " انجحى انتى ياستى وساعتها يحلها حلال
---------------------------------------
فى مكان اخر يجتمعون رجال عصابات مافيا حول زعيمهم ،ويقول زعيمهم
- هو فين اتاخر ليه كل ده انت مش اكدت عليه يجى فى ميعاد ومعه سر الحكايه من اولها
- يتكلم احد افراد العصابه " ايوا انا قولتله وهيجى وقبض نصف الثمن كمان والباقى لما يجى وهو عارف لو مجاش فيها موته واكيد مش هيضيع مليون جنيه
- فجاه يدخل شخص ثالث وفى يده مفكره سوداء ،
-زعيمهم " انت شرفت كل ده تاخير هى ديه المذكره الى قولت عليها
- ايوا ياباشا انت تعرف تعبت قد ايه عشان اجبها
- الزعيم " هاتها وبلاش رغى كتير مانت هتقبض الثمن ياخويا بس عارف لو مافهاش معلومات تفيدنى هدفنك هنا انت فاهم
- عيب ياباشا ديه معلومات موكده
- وياخذ الزعيم المفكره ويفتح اول صفحه ويكون مكتوب فيها العهد السرى ثم يقلب الصفحه الاخرى ويكون مكتوب فيها كالاتى
(البحث عن سر العهد هو ينبوع الحياه الابدية وهو سر الساحرات الذى يبحث عنه جميع قوه الشر ،وهى الوريثه الوحيده التى ستعرف هذا السر والتى سيظهر على
كتفها ختم العائله الفراشه الزهريه التى تنير عند رويتها وهى رمز الحريه وهى الوحيده التى ستعرف سر العهد ولا تعلم حقيقتها بعد ولا سر الوشم)
وباقى صفحات المفكره ورق فارغ .
- الزعيم " يمسك المفكره ويرميها فى وشه ويقول ايه الكلام الفاضى ده انا دافع كل ده عشان تقولى و ريثه فين كتاب العهد بدل ماادفنك هنا
- ياباشا هو ده الى لقيته وبعدين ده الخيط الى هيوصلنا ليه احنا قدرنا نعرف نجبها ازاى عن طريق الوشم الفراشه ومكتوب لسه متعرفش حقيقتها يعنى لو قدرنا نوصل ليها تقدر تستغلها بطريقتك
- الزعيم " يسلام لا طلعت بتعرف تفكر مش خساره فيك الفلوس ،بس تعرفلى هى مين الاول وتوصلها فاهم وبلاش تزعلنى منك عشان انا زعلى وحش فاهم
---------------------------------------
فى مكان ما نرى سيده ترتدى وشاح اسود على شعرها وتحاول الهرب بين الاذقه وتمشى مسرعه وتصدم بالناس وتحاول الاعتذار لهم وتذهب مسرعه وتنظر خلفها فى خوف وتتدخل عماره متهالكه وتصعد على الدرج وتخرج مفتاح لكى تتدخل الى الشقه وفجاه تصدم برجل يفتح لها الشقه ويشدها من يديها ويدخلها الى الشقه عنوة
- انت ازاى جيت هنا انا مش قولت انك متجيش تشوفنى حياتنا كلنا فى خطر دلوقتى
- مقدرتش مشفوكيش بعد ماعرفت ان المفكره اتسرقت حياتك انتى الى بقيت فى خطر لازم تهربى من هنا
- مقدرش اختفى الى لما اوصل للوريثه الحقيقيه حياه الكل معتمده عليها انت فاهم
- وهتعملى ايه يعنى لما توصلى ليها هطالب بحقى الى اتسلب منى انت فاكر هتفرج واسقف ليها وتاخد كل حاجه انا المفروض الوريثه مش هى لكن هما فضلوها هى وخبوها لكن مسيرى هوصلها مش هيفضلوا مخبينها كتير ،اما بقى عن المذكره فانا الى وصلتها ليهم عشان يسهلوا عليا طريقى متخفش انت عليا وخليك جاهز لما اعوذك
البارت الرابع
- تاتى الرياح بما تشتهى السفن كلمه ترددت على اذانى كثيرا كنت انتظر ان اعثر عليها لكن هل ستصدم بعد معرفتى
حقيقتها ام انها فعلا لاتريدنى ام اضطريت لهذا الفعل لكى تحمينى هل تنتظرنى وتبحث عنى مثلما افعل ام لا تريدنى
هاله " بيكى انا كلمت صديقى الى قولتلك عليه للاسف مامتك مش فى بريطانيا اصلا وفضل يبحث عن الاسم الى ادتهونى فى السفاره المصريه لما اتوصل معاهم بس ملقهاش ،ولو سافرت من زمان هيكون صعب نعرف نحدد هى فين بالظبط اسفه يابيكى
- بيكى " فى حزن ،هو اظاهر عليا مش مكتوب انى اشوفها تانى ياهاله انتى خلاص عملتى الى عليكى ، عملتى ايه صح فى الامتحانات نسيت اسألك
- هاله " الحمدلله ياحبيبتى بس متزعليش هخليه يدور تانى واحنا معاكى ولما نرجع مصر هندور
- بيكى " ان شاء الله بصى انا هروح دلوقتى عشان تعبانه وانتى استنى ايثار وتعالوا سوى سلام
- هاله " طيب انتى كويسه اجى اوصلك
- بيكى " لا حبيبتى انا تمام باااااى ،
- كنت مخنوقه اوى عشان املى الوحيد راح ومش عارفه ازاى القى امى فضلت ماشيه فى الشوارع ووكنت سرحانه وفجاه حسيت ان فى حد ماشى ورايا قدمت شويه لقيت خطوات بتتبعنى ومديت تانى وجريت لغايه ماوصلت لباب البيت وطلعت جرى وقفلت على نفسى وفضلت افكر معقول بتوهم طيب ليه خوفت اوى كده انا فى عز النهار وفجاه رن جرس الباب كنت خايفه وقربت من الباب وبصيت من العين السحريه لكن ملقتش حد وفجاه لقيت جواب تحت رجلى عند الباب طيب مين الى حدفه ده مافيش حد قربت ومسكت الجواب لقيت مكتوب فيه انا اعرف مكان امك فين هى قريبه منك اوى لو عايزه تعرفى مكانها استنى جواب منى تانى ،رحت جريت على الباب فتحته ملقتش حد نزلت جرى على سلالم العماره اشوف مين الى بعته لكن مافيش حد فى الشارع اكنه اختفى وشويه لقيت ايثار وهاله جاين عليا ،
- ايثار " مالك يابنتى وقفه كده ليه وشكلك مخضوض حصلك حاجه
- بيكى " حد بعتلى الجواب ده من تحت الباب الشقه
- هاله " ورينى كده ، ايه ده حد يعرف مامتك فين طيب ده مين ومقلش ليه على مكانها
- بيكى " معرفش انا هتجنن ومين ده ويعرف مكان ماما منين
- ايثار " اهدى يابيكى تعالى هنطلع وكل حاجه هتتحل
- بيكى " مش هتتحل غير لما استنى الجواب التانى الى هيبعته ليا ،
- وشويه لقيت الباب بيخبط
- هاله " انتى مسنيه حد
- بيكى " لا معقول يكون الراجل وصل تانى وهيقول لى مكان ماما فين ، رحت فتحت الباب وكانت الصدمه عمو رافت الى جابك دلوقتى
- رافت " كده يابيكى بدل ماتقولى حمدلله على سلامتك ياعمو
- بيكى " انا اسفه ياعمو بس اصلك مش بتيجى الا مايكون فى حاجه بابا بعتك بيها ليا
- رافت " فعلا يابيكى باباكى بعتنى عشان ارجعك مصر
- بيكى " ازاى فجاه من غير مايقولى انا ورايا حاجات كتير لسه مخلصتهاش
- رافت " غريبه امتحاناتك وسمعت انها اخر يوم وخلصتى وطول عمرك نفسك ترجعى وتقعدى مع باباكى
- بيكى " مكنتش عارفه اقول ايه انا مقدرش ارجع مصر لازم اعرف فين ماما ،معلش ياعمو رافت مش هقدر ارجع فجاه انا متفقه مع صحابى اننا نرجع سوى مينفعش اسيب كل حاجه وامشى
- رافت " قدامك ثلاث ايام تخلصى فيها حاجتك ونرجع سوى يا باكينام الرجوع اجبارى وده امر من والدك هو ادرى بمصلحتك ،هسيبك دلوقتى تجهزى حاجتك
ايثار " وبعدين هتعملى ايه دلوقتى
بيكى " مش عارفه بس مش هينفع اسافر دلوقتى قبل مااعرف هى فين
- وبعد تلات ايام ومافيش اى جديد وجيه معاد السفر ومكنتش عارفه
هعمل ايه وكان عمو رافت محوطتنى من كل ناحيه حتى ايثار وهاله كانوا مختفيين خلال
الوقت ده وفجاه لقتهم جاين ليا وهاله جايه ب تقولى انها اخيرا لقيته لكن المشكله الكبرى كانت