روايةالحلو المسموم
الفصل:الثامن
طلعت فيروز من المطبخ بصت لؤة حوليها
لؤة:ده حتي المطبخ يتوه*قالتها باستهجان وراحت عند كرسي جنب الطربيزة ال ف النص وقعدت عليه وفضلت تعيط وتنحب وتكلم نفسها
لؤة:لا متبكييش ي غبية ليفتكروكي لقمة طرية ويقرقشوكي انتي لازم تقومي تعملي ال بيقولو عشان خاطر امك*مش
شايفاه وهو واقف برة المطبخ ف الضلمة بيراقبها وساكت متلذذ بدموعها مبسوط انه كسر منخيرها ودي حاجة مش
غريبة عليه فضلت لؤة تلف ف المطبخ وتطلع كل المطلوب علي الطربيزة وابتدت تعمل الاكل وعملت فنجان قهوة ساده عشان يصبرها علي المرار ده الساعة وصلت خمسه الصبح
النور ابتدي يشق خلصت لؤة كل حاجة ونضفت المطبخ وطلعت لاوضته فوق وودتله صنية الاكل وميه وعصير بدل ما ينزلها تاني ركنت الصنية جنب الباب وفتحت الباب ورفعت
الصنيه لقته صاحي وقاعد علي السرير بصلها بقرف
يوسف:كل ده بتعملي طفح هاتي هنا*ودتله الصنيه ووقف بصلها وبص للأكل هي استغربت
يوسف:دوقيه الأول ما ممكن تسميني زي امك ما عملت ف بابا*كشرت لؤة وداقت الاكل كله والمية
يوسف بصلها بشك
يوسف:والعصير ده مين هيدوقه*سكتت قام يوسف ومسكها من طرحتها ومسك كوبايه العصير وقربها من بقها
لؤة:عندي حساسية من اللمون
يوسف:كدابة حد يبقي عنده حساسية من اللمون اشربي انتي هتستعبطي
*وشربها بالعافية وبعدين قعد علي السرير وداق شربة الخضار وكبها علي السجادة وداق الفراخ وقام فتح البلكونة رماها للكلاب تحت والمحشي علي السرير بصت لؤة بغيظ وهي
بتقول ف نفسها(يا ابن الكلب حد لاقي طبعا ممولود وفبقك شوكة دهب النعمة دي هتتحاسب عليها يلا ربنا ينسفكم )شاورلها
يوسف:ليا ساعة بنده ركزي هنا عشان التوهان مش بحبه وانتي عارفة كده كويس أوي السجاده دي تتغسل دلوقتي وتمسحي الاوضة والبلكونه وتلمي الفرش والستاير وتغسليه وتلمعي كل حاجة عاوز الجناح يبرق فاهمة *كانت عاوزه تنط من البلكونه لكن خوفها من ربنا مانعها ماضاقت الا وفرجت
لؤة:طيب
يوسف:اسمها تحت أمرك ي يوسف باشا سامعه
لؤة:تحت امرك ي يوسف باشا حاجة تاني
يوسف:هفكر واقولك متخافيش مش هسيبك ترتاحي*وسابها وطلع بصت لؤة علي السجاده كبيرة اووي وتقيله محتاجة ٣ يشلوها ودي هتطلع عنيها ولا الستاير ولا الفرش مفيش وقت تندب علي حظها وابتدت ف الشغل الساعة سبعة رجع محمد البيت وهو مهموم طلعت ام سحر عشان ام سندس بتخبط عليها شافته ام سندس
ام بسنت:ايه ي محمد ملقتش لؤة بردو
محمد:لا لسه
ام بسنت: ربنا يعتركم فيها*قالتها وهي لاوية بقها دخل محمد ورد الباب وقعد ف الارض ورا الباب مش عارف يشيل هم امه ولا اخته ودموعه نازله
ام بسنت:يختي دي مصدقت لقت الفرصة ابوها مش قاعد وامها اتحبست والله اعلم اتحبست ليه قالت تعمل ال علي هواها م طبعا ملهاش كبير ولا راجل يلمها بنات آخر زمن*كانت بتتكلم بصوت عالي عشان تسمع محمد وفعلا اول ما سمع كلامها دخل الحمام وخد دوش ومفيش غير فكرة واحده ف دماغة(الانتحاار) دخل يوسف الاوضة علي الساعة سبعة الا ولقاها متنضفة وممسوحة ومفروشة فرش جديد و الأساس بتاعها بيلمع وغيرت الستاير والسجادة مش قاعدة دخل البلكونة لقاها منشرة السجاده علي حيطة البلكونه استغرب معقول شالتها وحدها بس هي فين دخل دور عليها ف الجناح مش قاعدة خبط علي الحمام الباب مقفول مفيش رد خبط تاني مفيش صوت غير صوت مية مفتوحة
يوسف:لؤة انتي ي زفته*مفيش نفس مفيش غير انه يكسر الباب رجع لورا خطوتين وبكتفه اليمين خبط الباب مرتين لما كسره لقاها نايمه ف البانيو ب هدومها ووشها احمروالمية الصاقعة مفتوحة حط ايده وشالها وجري بيها ناحيه السرير حطها علي السرير وحس نبضها .......ضعيف اوووي
يوسف:ايه حصل مش فاهم *افتكر العصير بس لو مسموم كانت ماتت من بدري لفها ف ملاية السرير لان هدومها كلها ميه وجري بيها لتحت
يوسف:افتح يزفت العربية بسرعة
الحارس:تحت امرك *وفعلا فتح العربية كل ده كان تحت عين نجوي الشمتانه وبتقول ف نفسها ان البنت دي مش هتاخد غلوة واحده معاها
ساق الحارس لاقرب مستشفي ونزل يوسف وشالها ودخل بيها اول ما شافو الممرضين منظره وهو شايلها جابولها ترولي وحطها عليه يوسف خدوها اتنين ممرضين مع يوسف لاوضة الكشف وسأله الدكتور ايه ال حصل
يوسف:شربت عصير لمون وبعدين وعرفت ان عندها حساسيه منه دخلت عليها بعد ساعتين لقيتها ف البنيو والمية الصاقعة مفتوحة عليها ووشها احمر *الدكتور قاس درجة حرارتها لقاها أربعين كشر وبص للممرضه ال جنبه
الدكتور:تمم هاتيلي الحقنه دي بسرعة والدوا ده والمحلول ده يلا اتحركي *فعلا وخلال خمس دقايق جات تجري ومعاها الحاجة ركبلها المحلول وادها الحقنه فيه استني خمس دقايق وقاس درجه الحراره تاني لقاها ٣٨ اتنهد وبص ليوسف بتانيب
الدكتور:ادعي ربنا انها عايشة استهونت بالحساسية ال عندها ودي كان ممكن تموتها *بارد قاسي مش حاسس بالندم هو انقذها لان انتقامه فيها مخلصش هي لازم تعيش عشان يصفي حسابه معاها بعدين تموت تروح ف داهية مش هتفرق معاه ده كان كل تفكيره فضل جنبها لحد مافاقت بعد تلت ساعة فتحت عنيها وغمضتها تاني عشان الاضائه بعد دقيقتين استوعبت وفاقت وشيفاه واقف جنبها اول ما حس انها فاقت شال المحلول ال ف اديها وشدها وراه عشان يمشو داخت ووقعت بصلها بغيظ شالها وطلع وطبعا كل البنات ال ف المستشفي حاسدينها فاكرينه بيحبها وميعرفوش ال فيها ممكن الحاجة الحلوه من بره بعد ما تفتحها تلقيها معفنه او مسموومه
وصل يوسف القصر وطلع بيها لفوق علي طول رغم ان نجوي كانت هتموت وتعرف في ايه بس مدهاش وش وصل للاوضه وفتح الباب ورماها علي الارض
لؤة:اااه*بصتله وهي دايخة ومش شايفة
لؤة:تتردلك ان شاء الله
يوسف:يعني فيكي صحة تحكي وتردي امال بتستعبطي من الصبح خلتيني شايلك لما معدتي قلبت من ريحتك
لؤة:دي ريحتك انت بس مش واخد بالك روح انضف وبعدين تعالي احكي *قرب منها ومسكها من طرحتها
يوسف:عارفه ايه ال منجيكي مني اني مبضربش حريم بس انا هعرف اربيكي من الاول وجديد ي شوارعية*وقام داس علي جرس الخدم دقيقه كانت واحده من الخدم فيروز واقفة قدامهم وهي شايفة لؤة ال ف الارض
فيروز:تحت امرك ي بيه
يوسف:تاخدي اتنين من الشغالين معاكي تروحو الجنينه كل واحده تجيب جردل تراب وتيجي هنا
فيروز:تحت امرك ي بيه*وجريت لتحت وهي زعلانه رغم انها مش عارفه في اي بس منظر لؤة يقطع القلب خلال خمس دقايق كانو طلعو وطبعا نجوي هانم واقفة علي جمر عشان تعرف ايه ال بيحصل وصلو عند الباب استاذنوا ودخلو
يوسف: بهدلولي الاوضة كلها بالتراب والسجاده ال منشورة علي الحيطة بردو مش عاوز ركن نضيف فاهمين*بصو لبعض بخوف
يوسف:انتو هتنحو *قامت لؤة بكل مافيها من قوه وشالت معاهم
لؤة:متقلقش ي يوسف باشا انا هتاكد بنفسي ان كل حاجة ترجع وسخة بعد ما نضفتها وهنضفها تاني وتالت ومليون بس احب اقولك ان الوسخ وسخ مهما نضفت فيه*شاط ولع الشرار طلع من عنيه الكلام عليه بس مجبتش سيرته قام سابها ومشي بعد ساعة وصل الشركة ودخل مكتبه دخل وراه سليم ورد الباب وقعد
سليم:اقسملك الست دي بريئه وان هي ملهاش ذنب باين من طريقة كلامها
يوسف:وايه ال مخليك متأكد كده
سليم:طرف تاني ف الموضوع وده عليه العين
يوسف:قوول اخلص انت هتنقطني بالكلام
سليم: اهدا بس شوية ام سماح الشغالة هي ال جابت عبير وعبير ملهاش ٤ ايام ف الشغل ف طبيعي اي مصيبه هتحصل هتلبس فيها لأن القديم بيبقى ثقة لكن الجديد عليه العين وبعدين عبير قالت ان يوم الجمعة كانت تعبانه شوية وعطفت عليها سماح وخلتها تروح بدري كانها عملت المصيبه ومشت
يوسف:شمعني عبير يعني
سليم:جرانها ووليه غلبانه وكمان ام سحر معاها شاب كبير اسمه كريم متعلق ببنت عبير ال هي لؤة بنت حلوه وفي كليه السن بس البت رافعة مناخيرها وامها رافضة لان كريم فاشل وصايع دلوقتي مفيش غير أن احنا نسأل لؤة ايه ال حصل لما مامتها مكنتش قاعدة حد تبع ام سحر جه عنديها بس المشكلة ان لؤة مش قاعدة اختفت خالص
يوسف:لانها معايا
سليم:ايه معاك ازي وليه
يوسف:اتجوزتها
سليم:بتهرج صح قول كلام غير كده
يوسف :انا من امتي بهزر مش هحكي ف الموضوع ده دلوقتي لازم اعرف مين ال تجرأ وعمل كده*عند لؤة دخلت الاء لقتها بتغسل السجاده كلها طين والاوضة كلها تراب
الاء:يلهووي اي حصل ف الجناح ايه التراب ده
لؤة:ومين انتي ي عسل
الاء:انا الاء اخت سيف
لؤة:اهلا بيكي ي الاء هانم معلش ايدي مش فاضية
الاء:ايه هانم دي انتي مرات اخويا يعني اختي قوليلي ي فراولتي*بصتلها لؤة باستغراب وقالت ف نفسها يااه معقوله السكر دي من قبيله قريش ال عايشة هنا
لؤة:حاضر ي قلبي *ونزلت علي رجلها ومسكت فرشة وبقت تدعك ف السجادة زي لؤة
لؤة:بتعملي ايه يوسف هيبهدلك
الاء:بعمل زيك انا مش شاطرة في شغل البيت وبعدين يوسف مين ال يزعلني ده انا انفخة الظاهر انك غلبانه ومستقوي عليكي*بصت لؤة بعيد بدموع شافتها الاء وجريت عليها وقعدت ف المية جنبها وحضنتها
الاء:عارفة والله العيشة هنا صعبة وخصوصا عليكي ربنا يعينك انا معاكي متخفيش*كانت لؤة بتبكي بحرقة عمرها ما حد ذلها كده ولو حد داسلها علي طرف بتدوس عليه هي دلوقتي مقيده عشان مامتها عند يوسف موبايله رن
يوسف:الو ازيك ي إسراء
إسراء:طيييين ي يوسف تتجوز ومتقوليش دي عمله ولا عشان البعيد علي العين بعيد عن القلب ده انا اختك ي راجل من لحمك ودمك والله
يوسف:نفسي استوعب حاجة واحده بس ديه طريقة كلام واحده ليها عشر ٨سنين ف امريكا بتتعلم كده انتي لو امك عرفت ممكن تروح فيها
إسراء:كلني ف الكلام كالعادة اسمع ي يوسف انا انهاردة نازلة مصر تيجي تجبني بنفسك طيارتي دلوقتي يلا سلام *وقفلت اتنرفز يوسف وبعدين اتنهد مهما عمل مش هيزعل منها دي خزنة أسراره رغم انها صغيرة ١٦ سنه عند ام سحر: ي ولدي تلاقيها بتلف علي حل شعرها زي ما قالت ام بسنت انت ليه متمسك بيها سيبني اجوزك ست ستها
كريم:ي ماما لو مش عارفينها كنت تبعتك لكن البت متربيه وسطينا وعارفين ال فيها وبعدين عجباني ومش عاوز غيرها *لوت بقها ام سحر وشافت ان الكلام ملهوش فايده سابته ودخلت تغسل المواعين عند لؤة الساعة دخلت علي ١ الضهر خلصت كل حاجة بمساعدة بسيطة من الاء وده لأنها فاشلة بس رفعت معنوياتها وقربت من السرير واترمت عليه ونامت علي طول