رواية بكامل قواي العقلية
بقلم اميره اسامه
الفصل الاول والثاني
.............
في تمام الساعه السابعه مساءآ... تحديدآ في مدينه الاسكندريه...عروس البحر الابيض المتوسط...
وفي احد احياءها الشعبيه.... وسط نزول المطر والبرد القارص...
حركه غريبه ضجه قلق توتر حاله من الفوضي والرعب..
صريخ صداه يسمعه كل من مر من هذا الحي...
الكل بيجري الكل بيصرخ الكل مصدوم...😳
الشرطه محاوطه الشارع كله والكل واقف وملمومين...
ادام بيت وبيشاورو عليه...ولكن رجال الشرطه مانعاهم من الدخول....
اما داخل البيت.. القديم المكون من 3 ادوار تحديدا في شقه بطلتنا... لمار...
لمار....سنها 18 سنه..عيونها متكحله رموشها طويله تفتن اي حد يبصلها. شعرها اسود طويل... بشرتها خمريه تشبه الهنود الي حد كبير ليها طابع حسن..طولها مناسب جسمها يشبه عارضات الازياء.....
في سنه اولي جامعه بتدرس هندسه....
الشقه...مليانه برجال المباحث...
مشهد. صعب علي اي حد انه يتخيله....صدمه حقيقيه....
رجال الشرطه واقفين يرفعو البصمات...
لمار اعده في ركن عالارض. شكلها مبهدل شعرها نازل علي وشها بأهمال.. مفيش اي رد فعل ولا كلام منها مفيش غير صدمه ظاهره علي ملامحها وفاقده النطق.....
........
الظابط....رايح جاي فالشقه....وسط باقي رجال الشرطه..
اثناء رفع البصمات...
دخل المقدم أنس الجوهري...
انس... عمره 30سنه طويل جسمه رياضي شعره اسود ناعم.. ليه دقن خفيفه... ظابط في المباحث برتبه مقدم من اكفأ
الظباط في الاسكندريه من عيله كبيره.. مرح بيحب الضحك لكن في شغله صارم ومبيعرفش اي حد...عايش مع والده ووالدته ليه اخت اسمها ياسمين عندها 22 ....وصاحب وصديق عمر بطلنا دياب الدالي...
.......
الظابط...مين حضرتك..
رفع انس ادامه الشاره التعريفيه الخاصه بيه من غير ما يتكلم وعينه بتمشي ببطئ في كل انحاء الشقه..
الظابط....يا خبر اهلا انس باشا اسف جدا..انا اول مره اشوف جنابك وبعدين انا عارف ان دياب باشا هو اللي كان جاي عشان يتابع بنفسه الحادثه دي
انس ....متجاهل كلامه وترحيبه....مفيش حاجه...وبعدين انا فعلا جاي بدل دياب عشان هو مشغول شويه وفعلا انا مش هتابع القضيه دي دياب اللي هيتابعها بس ايه الحكايه بالظبط ومين اللي مقتول ده ومين اللي قتله..
الظابط....وهو بيتكلم بصوت واطي... جنابك انا لسه معنديش معلومات اوي كل اللي عرفته من الجيران.. ان ده اسمه خالد البنهاوي...عنده 50 سنه..
عنده مكتبه صغيره شغال فيها هنا علي اول الشارع
ساكن فالبيت هو ومراته وبنته اللي اعده ادام جنابك دي..ومراته زي ما حضرتك شايف.. قعيده اعده علي كرسي متحرك..الكل بيقول في حقه كلام حلو جدا انه طيب ومحترم
وفي حاله يعني ملوش في اي حاجه..طول عمرهم ملهمش صوت بس فجأه الدنيا اتقلبت عندهم انهرده وصوت بنته كان جايب لاخر الشارع علي بال ما الجيران كسرو الباب دخلو
شافو المنظر ده زي ما سعادتك شايف... الاب مقتول الام.. مبتعملش حاجه غير بتعيط وبتحرك عنيها... والبنت عندها انهيار تام..ومبتنطقش فاقده النطق من الصدمه..
انس....لما الجيران دخلو ملحقوش القاتل ولا شافوه....وبعدين انتو ليه رابطين البنت كده...
الظابط....لما الجيران دخلو كانت البنت في حاله ذعر وهياج غير طبيعيه.. ومكنش حد قادر يقرب منها... اكتفو بقفل الباب لحد ما الشرطه تيجي..واحنا سيطرنا عليها..
انس....طيب والقاتل.
الظابط...للاسف يا انس باشا... البنت هي القاتل!!!
انس...نعمممممم.هي القاتل ازاي.
الظابط...لما الجيران دخلو عليها. كانت ماسكه سكينه وغرقانه دم زي ما حضرتك شايف. وبتصرخ وبتقول انا اللي قتلته انا اللي قتلته..ولحد ما وصلنا وربطناها وهديت بالمنظر ده مكنش في جمله بتقولها غير انا اللي قتلته وطبعا السكينه عليها بصماتها.
انس...بنت تقتل ابوها وبعدين دي منظرها ميعرفش يقتل فرخه حتي.
الظابط...هو فعلا في حاجه غريبه فالموضوع..
انس...طيب مقدرتش تعرف طبيعه العلاقه بينهم كانت ايه...يعني يمكن نعرف الدافع للقتل
الظابط...البنت زي ما حضرتك شايف كده مبتنطقش حالتها النفسيه وحشه جدااا..
بس ليها بنت صاحبتها... بتقول ان استحاله لمار تعمل كده خصوصا ان علاقتها بباها كويسه جدا...
وطبعا في كلام من الجيران كل واحد بكلمه..
يعني الاب دخل لقاها مع واحد فالشقه مستغله مرض والدتها وانها مش هتقدر تتحرك.. وناس بيقولو..انها عايزه تتجوز واحد وهو مش موافق عليه
وناس تانيه تقول انه جايبلها عريس وهي رفضاه فا حصل بينهم كلام وشد وجذب انتهي بقتل الاب..وناس تقول انه اتخانق مع والدتها فا هي ادخلت تدافع عنها
وناس تانيه تقول نفس كلام صاحبتها يعني مفيش حاجه ملموسه.
انس....طيب ما يمكن الام اللي عملت كده وهي بتحاول تقول كده عشان متبهدلش والدتها..
الظابط...بس والدتها زي ما حضرتك شايف اعده علي كرسي متحرك...
انس...وايه اللي يمنع هي هتقتله برجليها.
الظابط...انس باشا الام... عندها شلل رباعي وجلطه عالمخ فقدتها النطق يعني الام مفيهاش حاجه بتتحرك غير عينها ولمار اللي كانت متوليه مسؤوليتها ده علي حد قول صاحبتها..
انس.....تمام... خلص رفع البصمات.. وتجيبها وتجيب صحبتها وتجيب اي حد عنده معلومه من الجيران واي حد كان علي صله بيهم..قويه..
الظابط....تمام ياباشا.
..............
كمل الظابط رفع البصمات...
وسابه انس ونزل راح عالقسم. عشان يقابل دياب...
دياب الدالي.. 31 سنه من اكبر عائلات اسكندريه عيله الدالي. تمتلك مجموعه شركات استيراد وتصدير بيديرها والده عاصم الدالي وعمه عادل الدالي والده امنيه حياته يستقيل ويشتغل
معاه لان هو يعتبر الوريث الوحيد ليه لكن دياب رافض تماما لانه بيحب شغله جدا وكان حلم حياته انه يدخل كليه الشرطه ويكمل فيها وفعلا كمل كده وبقي من اكفأ ظباط المباحث في
مصر كلها ومعروف عنه انه مفيش قضيه تقدر تخرج من تحت ايده غير لما بيعرف عنها الصغيره قبل الكبيره دياب بيساعد والده وعمه ديما فالشغل لكن مش بصفه مستمره بيحاول يرضيهم بس.
دياب عايش في ڤيلا كبيره مع والده ووالدته واخته الصغيره وعمه ومرات عمه وبنت عمه..
والده عاصم الدالي 54 سنه رجل اعمال ليه اسمه طيب وحنون وبيحب عيلته جداااا
والدته نوال السن 50 سنه ام حنونه وقلبها كبير كل همها فالحياه تشوف ولادها بخير وتطمن علي دياب بتحب جوزها جدا..
اخته الصغيره...ريناد 22 سنه صاحبه ياسمين اخت انس جدااااا اتخرجو من تجاره انجلش ونزلو تدريب مع والدها فالشركه صحاب جدا من وهما اطفال...جميله وهاديه بتحب اخوها جدااا
عمه...عادل الدالي 53 سنه اصغر من عاصم اخوه بسنه واحده...هو كمان طيب جدا وحنين متجوز وعنده بنت.
مراته... اسمها حنان عندها 49 سنه رمز الشر والحقد كانت نفسها تجيب ولد عشان تستولي علي كل حاجه بس ربنا رزقها ببنت تشبه امها فالطباع علمتها الانانيه وحب النفس والحقد
بتحب والدها جدا بس ديما امها مسيطره علي دماغها فامعندهاش وقت تعبرله عن حبها او تحسسه بحبها ليه ....هي وريناد ملهمش علاقه ببعض خالص..ريناد ديما بتنفر منها
عشان طباعهم مش واحده لكن بتترعب من دياب... هي ووالدتها دياب بالنسبالهم البعبع اللي بيطلعلهم من كل مخبأ...
بعد وقت بسيط وصل انس القسم..
خبط..علي مكتب دياب...ودخل...
انس....مساء الفل علي البرنس الكبير
دياب....ابتدينا..
انس...ده بدل ما تشكرني بقيت بشتغل لنفسي وليك كمان.
دياب...مكنش مشوار روحته وخليتك تروح تشوف البلاغ اللي جه بدالي..وبعدين ما تظبط يالا ما انا طول عمري شايلك في كل حاجه...
انس...بس بس خلاص ياعم دخلنا في شغل المعايره.
دياب...لا يا خويا ولا معايره ولا حاجه انا بفكرك بس عشان ماتعيشش الدور
انس...ماشي ياعم..يخربيت اللي يزعلك..
دياب..خلينا فالمهم.. ايه حوار البلاغ بتاع القتل ده بلاغ كاذب ولا قتل بجد...
انس....متفكرنيش ياعم ده انت داخل علي ليله سوده
دياب...متحسن ملافظك يا زفت الملافظ سعد وبعدين ماهي علي طول سوده انت محسسني ليه انك شغال في سنتر تجميل ده قسم يا حيلتها...
انس...اسمع مني بس.
دياب...طب ارغي ايه الحكايه...
انس....بص يا سيدي...
راجل عنده 50 سنه عايش مع مراته وبنته عنده مكتبه صغيره فالشارع اللي ساكن فيه...كله بيشكر فيه وطيبته واحترامه...وحبه لمراته وبنته.... بس المفجأه ايه بقي. بنته اللي قتلته.
دياب...نعممم
انس...اهو هو ده كان شكلي بالظبط لما عرفت
دياب... وايه سبب القتل.
انس...والله في حوارات كتير الظابط قالهالي من الحكايات اللي بتتحكي فالشارع من جيرانهم...
دياب...طب والبنت قالت ايه.
انس...البنت صعبانه عليا اوي مبتنطقش رافضه الكلام عندها انهيار عصبي ..وعلي ما اظن انها هتحتاج تروح مستشفي .
دياب...انت بتاكل من الكلام ده ولا ايه دي هتعمل فيها مجنونه كمان لو طالت عشان تخرج منها..
انس...ياشيخ اتقي الله انت لو شوفتها مش هتقول كده.
دياب...متشوفش وحش..
انس....وحش وحش ايه بس... دي البت تحل من علي حبل المشنقه...شعر اسود رموش طويله عيون متكحله ولا الجسم.
دياب...ما تحترم نفس اهلك يالا وبعدين انت رايح تشوف شغلك ولا رايح تعاكس...
انس...صراحه رايح اعاكس...عشان ده مش شغلي ده شغلك انت،😁
دياب....صح انا راجل مش تمام عشان اعتمدت عليك.
وبعدين.. نصيحه ياصاحبي .متتغرش بالشكل ...فالاخر كلهم زي بعض.زباله...
انس...انت ديما تحكم عالبنات كده. مش لما تشوفها..
دياب...اولا انا بشتغل هنا بعقلي مش بقلبي يعني في شغلي انا بلغي العواطف دي خالص خصوصا مع الاشكال اللي زي دي..
دي واحده قاتله ابوها وانت جاي تكلمني عن ملاك بجناحات... وبعدين انا مبحكمش علي ستات ولا زفت هما حقيقي كلهم شبه بعض...
انس...مش ناوي تحن يا صاحبي.
دياب... خد تنهيده طويله. لا يا صاحبي مش ناوي. عشان زي ما قولتلك كلهم زي بعض مفيش بينهم اختلاف...
اللي خاينه واللي ماديه واللي انانيه واللي بتحب المظاهر والشمال...بزمتك فين الميزه اللي فيهم
انس...مش عشان تجربه حب فاشله يا دياب توقف حياتك..
دياب...مين اللي قالك اني وقفت حياتي بالعكس
مليكه يمكن كانت تجربه حب فاشله..اه حبتها اوي وكنت مستعد اعمل اي حاجه عشانها وفالاخر طلعت زباله وسابتني وراحت لواحد تاني عشان بس عرفت انه معاه الجنسيه يعني كانت خاينه بتكلمه وهي بتكلمني سابتني عشان بس تجري ورا جنسيه....
كنت بحبها من وانا لسه عيل في اعدادي... لحد ما دخلت الجامعه واتخرجت يعني عشت معاها سنين وادتها كل ذره حب في قلبي..وفالاخر طلعت خاينه بتجري ورا المظاهر..
بس انت عارف مليكه ليها جميل في رقبتي لو شوفتها لازم اشكرها عليه...
أنس..جميل جميل ايه
دياب ...ايوه جميل لولاها مكنش زماني الوقت فالوضع اللي انا فيه الوقت..
انا بقيت من اكبر ظباط المباحث في اسكندريه...ويمكن اكون اصغر ظابط مباحث برتبه عقيد خد الشهره الكبيره دي.بعدخروجها من حياتي انا اهتميت بشغلي ومبقاش في اي حاجه في حياتي غير شغلي وبس
انس...بمرح عشان بحاول بغير الموضوع وميضايقهوش...وانا ايه هوا..😒
دياب...انت عارف غلاوتك عندي ياصاحبي ومش محتاج اقولك انت ايه عندي.
أنس...عارف يا صاحبي من غير ما تقول انا بس بنكشك..
بس عشان خاطري بردو يا دياب حاول تعيش حياتك صدقني مش كل البنات زي بعض.
دياب...خليها علي الله يا انس..وبعدين اتشطر علي نفسك بدل ما انت اعد تنصحني كده حسستني انك متجوز وفاتح بيت ما انت حالك من حالي
انس...لا انا غيرك انا فاتح قلبي بس لسه ملاقتش بنت الحلال وحقيقي الشغل واخد وقتي لكن اول ما تيجي اللي هتدخل قلبي هتجوزها علي طول..
دياب.. ماشي ياسيدي...
فاللحظه..دي وصل رجال الشرطه...ومعاهم لمار وبعض الشهود... وبلغو دياب
دياب...لانس. يلا اتكل علي الله خليني اشوف شغلي.
انس...ماشي انا كمان هروح اشوف اللي ورايا...انت مروح
دياب...لا انا سهران
انس...تمام انا كمان عندي انهرده نبطشيه وسهران معاك..
دياب تمام....
خرج انس علي مكتبه...
قام دياب...قلع الچاكت بتاعه رفع اكمام القميص..
شال مسدسه من جمبه وحطه عالمكتب....
ولف اعد علي حرف مكتبه وسند رجله علي كرسي...
وأمر العسكري يدخل لمار..😳
ثواني وخبط...الباب. وفتح العسكري..
وماسك في ايده لمار
كانت منزله وشها للارض. شعرها علي وشها منظرها مبهدل هدومها غرقانه دم ايدها مربوطه ورا ضهرها ماشيه مع العسكري وكأنها مغيبه وفاقده كل حواسها مش النطق بس....
العسكري....المتهمه يا دياب باشا..
دياب...شاورله بعينه انه يسيبها ويخرج
خرج العسكري...وقفل الباب...
فضل... دياب باصصلها كتير من غير كلام...وهي عينها عالارض زي ما دخلت...
فضل دياب ينفخ دخان سيجارته وعينه عليها...واخيرا. حط السيجاره فالطفايه بعد ما خلصت...
وقام وقف.. خد خطوه ناحيتها وهي ولا كأنها في دنيا تانيه
فضل دياب يلف حواليها ويبصلها من فوق لتحت..
مستغرب انها مدتش اي رد فعل ولا حتي عينها بترمش.
دياب قطع صمت دام دقايق....
دياب... اسمك ايه...
لمار.......................🤐
دياب..ايه نسيتي اسمك..طب بلاش اسمك..عندك كام سنه...
لمار......................🤐
دياب....اممممم تمام طيب قتلتي أبوكي ليه؟؟
لمار...فاللحظه دي عينها بقت تتحرك بسرعه يمين وشمال..
وفضلت ساكته لاكن ملامحها كانت مخيفه
دياب....انتي لازم تتكلمي انتي المفروض بكره هيتحددلك جلسه لازم تتكلمي عشان موقفك فالقضيه يتحسن لو مش
انتي اللي عملتيها اتكلمي بلاش تشيلي شيله مش شيلتك خصوصا ان دي مش اي شيله دي شيله توصلك لحبل المشنقه.
لمار......................🤐
دياب...تمام. براحتك عموما انا موجود معاكي لحد الصبح
حبيتي تتكلمي انا موجود...حبيتي تتكلمي لما ارجع بليل بردو انا موجود بس اعملي حسابك انك مش هتخرجي من هنا غير لما تتكلمي...
لمار كانت واقفه لابسه بنطلون رياضي اسود.وتيشيرت بنص كم ابيض..ومبهدل شويه والجو تلج كانت واقفه ادام دياب بتتنفض من السقعه بس مبتتكلمش...
بصلها بشفقه وللحظه حس بكلام أنس ان شكلها يحزن...
دياب بصوت عالي ياعسكري..
فتح الباب العسكري..تمام يا فندم..
دياب... تاخدها عالحجز...تحت اديها واديها بطانيه
العسكري...تحت امرك يا دياب باشا...ودخليي الناس اللي بره.
العسكري...تمام يا افندم...
خدها العسكري ونزل تحت الزنزانه واداها بطانيه... راحت لمار اعدت في ركن وضمت رجلها علي صدرها وباصه عالارض عنيها مبرقه بزهول ملمستش البطانيه...وفضلت سيباها وهي في دنيا تانيه وكأنها لسه مفاقتش من صدمتها....
..........................
طلع العسكري...ودخل اول حد من جيرانها كانت ست ساكنه معاهم فالبيت ..ليها ابن كانت عايزه تطلب ايدها ليه لاكن لمار رفضت ومن يومها وهي حطاها في دماغها
دياب... افتح المحضر..
الست...اسمك...سوسن محمد ابراهيم.
دياب..سنك
سوسن...52 سنه
دياب...تعرفي ايه عن اللي حصل.
سوسن...ابدا ياحضرت الظابط عالساعه. 5 بعد العصر كده ابتدا صوت لمار يعلي وبقي في حركه مش مظبوطه وكأن في خناقه بينها وبين الحاج خالد...
وبعدين الصوت سكت شويه... وشويه تاني وابتدا الصوت يعلي اكتر وبقي في صريخ جامد وحركه جامده كأن حد بيجري وصوت تكسير وتخبيط...وفجأه الصريخ بتاعها بقي
عاللي جدا نزلنا بسرعه ونزل باقي الجيران وناس طلعت من الشارع عالصوت الرجاله بتوع الحته فضلو يكسرو فالباب لحد ما اتكسر... دخلنا لقينا الحاج خالد واقع عالارض وهي بتصرخ
وتقول قتلته انا اللي قتلته واللي كان بيحاول يدخل تقرب منه السكينه ومش مبطله صريخ كأنها اتجننت قفلنا الباب وفضلو الرجاله بره الشقه لحد ما البوليس جه...بس ده كل اللي حصل
دياب...انتو متعودين تسمعو صوتهم...
سوسن...الشهاده لله يا باشا..مكنش ليهم صوت بس الكام يوم اللي فاتو كان علي طول الحاج خالد مكشر وزعلان
دياب...تعرفي ايه عن المجني عليه.او العيله دي عموما
سوسن...ابدا يا باشا كل خير الحاج خالد راجل طيب ومحترم طول عمره في حاله. ولسانه حلو مع الناس كلها.
عنده مكتبه صغيره علي اول الشارع بيسترزق منها..
دياب....مكتبه بيبيع فيها كتب
سوسن...لا يا باشا ده بيبيع فيها كشاكيل كراريس اقلام عنده مكنه تصوير مع شويه حجات حلوه للعيال الصغيره
دياب...تمام كملي
سوسن... بس من المكتبه للبيت ومن البيت للمكتبه..
يعني راجل في حاله ومش بتاع مشاكل والناس كلها تعرفه وبتحبه...انا حتي كنت طالبه لمار لابني الصيف اللي فات هو رحب وكان موافق بس البت رفضت هي متكبره وتنكه وطالعه فيها وعايشه عيشه مش بتاعتها..ويعني واضح كده انها كانت يعني استغفر الله
دياب...يعني ايه..
سوسن.. يعني كانت بتمشي مع شباب تكلم ده وتسيب ده. والبت اكمنها حلوه فا كانت شايفه نفسها ده مفيش واد فالحته إلا لما كنت بشوفها بعيني واقفه معاه انا ابني ربنا نجده منها...
دياب...أممممم طيب ووالدتها...
سوسن...الست ناريمان.. ست طيبه وفي حالها وصاحبه مرض مابتقومش من عالكرسي المتحرك...
هي كانت كويسه لحد من اربع شهور او يعني من بعد ما طلبت ابني لبنتهم كانت صحتها كويسه.. بس فجأه وقعت منهم جريو بيها عالمستشفي قالو حصلها جلطه جامده خلتها مبقتش تتحرك ولا تتكلم والدكتور قال انها حاله نفسيه وممكن مع الوقت تخف منها
وناس بتقول ان اللي حصلها ده بسبب بنتها.. متعرفش بقي شافت عليها حاجه ولا ايه.. الست من حزنها طبت ساكته ومبقتش لا تتكلم ولا تتحرك...
والبت مهمله فيها وسيباها علي طول عند صحبتها وكأنها مصدقت خلصت منها وطبعا ابوها طول النهار في المكتبه مش شايف حاجه وهي دايره تلف ملهاش حاكم...
دياب.... طيب ومتعرفيش ليه قتلته.
سوسن...الحقيقه يا باشا الكدب خيبه...بس في ناس بيقولو انهم شافه واحد نازل يجري بسرعه من البيت واول مره يشوفوه. فالحته وبعدها بعشر دقايق ابتدا الصوت يعلي
والصريخ يعلي وبعدها دخلنا لقينا الراجل مقتول...
بيقولو شافها في وضع استغفر الله وامها نايمه مش داريانه بالدنيا
وابوها كان في المكتبه مستغفله الكل بس ربنا فضحها وابوها طلع شاف المنظر مستحملش فضل يضرب فيها البت جريت جابت سكينه وقتلته..
دياب... عندك معلومات تانيه تحبي تضيفيها..
سوسن...لا يا باشا.
دياب... تمام اتفضلي انتي الوقت ولو احتجناكي تاني هنبعتلك.
سوسن... تحت امرك يا باشا بعد اذنك....
خرجت. سوسن...ونادي دياب عالعسكري يدخل حد تاني...
دخل ابنها.
دياب...اسمك.
علي....محمد احمد عبد الرحيم..
دياب...سنك. كام سنه..
علي...23 سنه
دياب...تعرف ايه عن لمار..
علي...انا كنت متقدملها ياباشا..بس هي يعني موافقتش..
عشان.يعني معايا دبلوم وهي شايفه نفسها شويه...
وصراحه احسن انها جت من عندها
دياب..اشمعني.
علي...يعني ياباشا..البت دي بيتقال عليها كلام مش ولا بد..
دياب...طيب علاقتها بأبوها...
علي...عادي يعني زي اي اب وبنته بس من بعد ما امها تعبت وهما علي طول خناق وصوت عالي.
دياب...تمام عندك حاجه حابب تضيفها.
علي...لا ياباشا.. بس يعني عم خالد كان راجل طيب وميستاهلش كده لازم تاخدو حقه..
دياب...طيب اتفضل انت الوقت..
خرج علي.
ودخل امام المسجد بتاع الحته...
دياب...اسمك...
الشيخ محمد سلامه امام مسجد في الشارع اللي حصلت في الحادثه...
دياب...سنك
الشيخ... 55 سنه
دياب....تعرف ايه عن المجني عليه.
الشيخ...والله راجل في حاله وطيب وملوش لسان وحش علي حد.
دياب...طيب وبنته..
الشيخ...ديما كنت المحها واقفه معاه فالمكتبه بيضحكو يهزرو يعني زي اي اب وبنته. كان بيحبها جدا حتي البنت واضح علبها ان علاقتها بيه كانت طيبه.
دياب... يعني عمرهم ما حصل بينهم مشاكل
الشيخ... الشهاده لله ياابني. انا مش عايش معاهم انا بس بقولك علي اللي اعرفه او اللي كان ظاهر انما حياتهم هما ليهم باب بيتقفل عليهم فالاخر وطبيعي اي بيت مابيخلاش من المشاكل...
دياب...عندك اي معلومه تحب تضيفها
الشيخ...لا يا ابني انا قولت اللي اعرفه واللي هتحاسب عليه ادام ربنا.
دياب... تمام اتفضل انت ولو احتجناك هنبعتلك.
الشيخ... شكرا يا ابني السلام عليكم.
دياب...عليكم السلام....
خرج الشيخ.....
وطلب دياب من العسكري يدخل حد تاني...
دخلت. واحده جارتهم بس فالبيت اللي قدامهم اسمها فتحيه و معاها بنتها اسمها سميه....
دياب....بعظ ما سئل عالاسم والسن وكام معلومه عن لمار..
دياب...طيب سلوكها.
سميه...الحقيقه ياباشا معروف عنها ان سلوكها استغفر الله مش اد كده انا كنت مصاحبه كارمن بس بعدت عنها بسبب البت دي.سميه بتغيير جدا من لمار لانها احلي منها
دياب...اممم مظبوط الكلام ده يا ياست فتحيه...
فتحيه...مظبوط يا بيه... دي بت بنت حرام ده كفايه انها قتلت ابوها..وكل الناس بيقولو سلوكها زفت يعني مش احنا بس.
سميه...ايوه يا باشا فعلا... وبعدين ده شباب الحته شافو ياباشا الواد اللي كان عندها فالشقه نازل يجري
دياب اعد مربع ايده وباصصلهم حاسس انهم مش سالكين وده طبعا لانه ليه نظره فالناس
دياب...تمام في اي معلومه تحبو تضيفوها
فتحيه.وبنتها.لا..
خرجو ودخل والد كارمن صاحبت لمار...راجل مبهدل في نفسه باين عليه شربه للمخدرات وبابن من سلوكه انه مش تمام
دياب... الاسم
سعيد عبد الحميد
دياب...السن
سعيد....48سنه
دياب... تعرف ايه عن المجني عليه..
سعيد... هو جارنا من سنين وبنته صاحبت بنتي
دياب...علاقتك بيهم
سعيد...فالحقيقه انا مكنتش بحب يبقالي علاقه بيهم وطلبت من بنتي كتير انها تقطع علاقتها بلمار بس بنتي بقي مكنتش بتسمع كلامي.. وكان ديما خالد يعصي بنتي عليا.
دياب...ازاي..
سعيد...كنت جايبلها عريس راجل خليجي محترم هيستتها ويصرف علبها ويشيل حملها من عليا وافضي لاخواتها الصغيريين بس ملا دماغ البت وخلاها رفض ويوم ما جبت
الراجل عشان يقرا فتحتها ويلبسها الشبكه هربت وراحتلهم ووقفلي وقاللي مش هدهالك وانا مكنتش هعمل فيها حاجه وحشه انا كل اللي كنت عايزه استرها..وطبعا العريس لما البت هربت مشي..
متعرفش بقي اضايق لما بنتي جالها راجل غني وطمع فيه لبنته...
وكان ماللي دماغ بنتي وهو بنته ديما بالمذاكره والدراسه والتعليم...وزي ما جنابك شايف الحال عالاد وانا في رقبتي 3 بنات وامهم مش بنت واحده وجنابك عارف المعيشه
والمصاريف ... البت بقت باصه فالعالي زي بنته ومبقاش يعجبها اي حد والتعليم بوظ دماغها المفروض انها راحت معاهم قدمت من ورايا عالجامعه مع اني كنت ناوي انها تخلص
الثانوي وتأعد تاخد بالها من امها واخواتها وتنزل تشتغل وتساعدني فالمصاريف... بس ملو دماغها وخلو البت عاصتني وتروح تقدم...دخلت هندسه زي لمار..انا مبوديهاش بس سعات البت تنزل من ورايا تروح الجامعه
دياب... طيب وقدمت ازاي انا عارف ان الهندسه دي مصاريفها كتير.
سعيد....البت بنته ساعدتها وادتها فلوس. خلتها دفعت.
دياب... طيب ولمار جابت فلوس منين. لما ابوها عنده مكتبه صغيره يادوب بتجيب مصاريفها.
سعيد...متعرفش بقي يا بيه... زي ما قولت لجنابك البت مبتعجبنيش وشكل كده مشيها بطال امال انا كنت عايز ابعد بنتي عنها ليه
دياب... طيب ولمار تعرف ايه عنها.
سعيد...صراحه ربنا انا كان نفسي تبعد عن بنتي باي طريقه... هي وابوها طيرو العريس وخلوها تعصاني وتكمل تعليمها...دايما ماليين دماغها لحد ما البت كرهتني... وبقت
تمشي كلامها..وانا زي ما جنابك شايف راجل غلبان وفحالي وخايف علي بنتي..واللي قولته اهو حصل البت طلع مشيها بطال وفالاخر قتلت ابوها...
دياب...عندك معلومات تانيه تحب تضيفها.
سعيد..لا ياباشا..
دياب... تمام اتفضل انت الوقت....
خرج. سعيد... وبعدها بشويه دخلت مراته...
دياب....اتفضلي....الاسم..
مني احمد مصطفي.
دياب...السن...
مني...45 سنه
دياب... ايه اللي تعرفيه عن لمار ووالدها..
مني...بعيون لامعه من الدموع...كل خير حضرتك... انا جارتهم ولمار صاحبت بنتي كارمن
الاستاذ خالد راجل محترم وفي حاله وطيب.. ووقف مع بنتي كتير وكان ديما ينصفها ويجيب حقها من اب ظالم
دياب... بس جوزك بيقول انه كان بيخليها تعصاه وبيملي دماغها من ناحيته.
مني....لما يصمم ان بنتي تكمل تعليمها يبقي وحش...
لما يقف معاها وهي عيله عندها 18 سنه وابوها جايبلها راجل خليجي يتجوزها اكبر منه هوشخصيا عنده 60 سنه
كان عايز ياخدها معاه ويسافر بيها.. متجوز غيرها 3 وهي الرابعه عيله زي دي ازاي تتجوز واحد عنده 60 سنه. ازاي تروح بلد غير بلدها طب لو عملها حاجه مين يبقي معاها... والستات اللي متجوزهم هيعملو معاها ايه...
ابوها ده راجل ظالم منه لله كل همه الفلوس اللي كان هياخدها من وراه جوازتها وياريته عايز الفلوس عشان حاجه ده عايز يصرفهم عالزفت اللي بيشربه...
دياب.... طيب لمار تعرفي ايه عن سلوكها..
مني....محترمه وجميله وزي الفل...وبتمني اشوف بناتي زيها..متفوقه في دراستها جد مكنش ليها غير ابوها وامها وكارمن بنتي...ودراستها غير كده عمري ماسمعت عنها حاجه وحشه..
دياب....عندك معلومات تانبه تحبي تضيفيها.
مني...لا حضرتك..
دياب...اتفضلي....
خرجت...مني. وطلب دياب قهوه...عشان يفوق شويه.. كان حاسس ان دماغه مشوشه... ولحد الوقت مفيش اي خيط قادر يمسكه... لاول مره يحس انه متعاطف مع متهمه كل الادلهه ضدها...ومعترفه كمان بنفسها انها هي اللي قتلت والدها...
خبط الباب...
دياب...ادخل...
دخل انس....ايه خلصت تحقيق ولا ايه..
دياب...لا لسه...بس قولت افصل شويه بقهوه حاسس ان دماغي ادكده..
انس...طب ايه الاخبار..
دياب...منطقتش ولا قالت حرف...وطبعا لحد الوقت مش قادر اوصل لحاجه من شهاده الناس اللي في دايرتها...
ناس معاها وناس عليها.بس اللي عليها اكتر..
خبط الباب... تاني...كان العسكري....ومعاه كارمن...
دياب...اخرج وسبها....
خرج...العسكري....وساب.. كارمن..
.صاحبت لمار... عندها 18 سنه نفس سن لمار بتدرس زيها هندسه... صاحبت عمرها واختها وكل حاجه ليها...طولها قريب من طول لمار جسمها رفيع بس مرسوم عيونها بلون العسل.
شعرها قصير لحد كتفها. ناعم جدا مايل للبني بشرتها خمريه ماشيه جدا مع لون عينها وشعرها...جدعه صاحبه بجد بتحب لمار من قلبها...
دخلت كارمن ودموعها مش بتقف
دياب....اتفضلي
اعدت كارمن...
دياب....اسمك...
كارمن سعيد عبد الحميد.
دياب...سنك
كارمن...18سنه..
دياب...بتدرسي يا كارمن.
كارمن...ايوه انا في اولي هندسه.
دياب...جميل...انا عرفت انك اقرب حد لي لمار يعني اكيد عارفه عنها كل حاجه خصوصا انك ديما معاها وكمان
وكمان في علاقه طيبه بينك وبين اهلها. يعني تقدري تفيدي صاحبتك ولو عندك معلومه تساعديها بيها قوليها...
دياب...اخر مره شوفتي فيها لمار امته...
كارمن...وهي بتعيط...انهرده الصبح...كان عندنا محاضرتين واحده الساعه 9 وواحده الساعه 11..وخلصنا علي 1 رجعنا بسرعه... قبل ما بابا يصحي..
دياب...مش فاهم.
كارمن....بابا مش عايزني اكمل تعليمي...ورافض اني انزل الجامعه....بس امبارح رجع متأخر جدا وكان يعني .
دياب...اتكلمي متخافيش...
كارمن... يعني اصله كان شارب
دياب...كملي..
كارمن...بس هفاهو لما بيجي بالمنظر ده بيفضل نايم لحد العشا فا ماما قالتلي روحي الجامعه بسرعه قبل ما يصحي... وفعلا روحنا مع بعض.. وخلصنا ورجعنا...كانت الساعه حوالي 4.او 4 وربع...
روحت بسرعه شيلت الورق خبيته..ومفيش نص ساعه سمعت صريخ..جامد فالشارع والكل بيقول... عمو خالد اتقتل..
انا جريت... زي المجنونه...عالشارع....لقيت الناس ملمومه كلها...
طلعت.. بسرعه.. وقبل ما ادخل لقيت الشباب والرجاله الموجوده كلهم قافلين الباب مش راضيين يدخلو حد بيقولو لمار اللي قتلته وان حالتها وحشه وماسكه السكينه لاي حد
يقرب... فضلت اصرخ عالسلم عشان يدخلوني مرضيوش ابدا...وبعدها البوليس جه ...
ده كل اللي اعرفها يومها.
دياب...يعني محدش كان عند لمار فالشقه ووالدها سافها بالصدفه..
كارمن.... بانهيار ودموع...كدب كدب...والله العظيم كدب..لمار انضف منهم واحسن واحده فالشارع كله...كلهم بيغيرو منها عشان هي احلي منها...وفضلت تعيط.
انس.....اهدي واشربي ميه...
مسكت...كارمن الميه شربت ورجعتها..
دياب...كملي..
كارمن... حضرتك يعني لو هي معاها واحد فالشقه هيبقي امته بس وهي اخر وقت كان معايا وبعدين عمو خالد كلمها واحنا راجعين يطمن عليها وكان عادي جدا وضحكت وهزرت معاه وقفلت
دياب... طيب ايه اللي طلعه فالوقت ده بالذات مش هو بيشتغل فالمكتبه.
كارمن...هو عالعصر بيقفل الباب الازاز بتاع المكتبه ويطلع يتغدا وينزل تاني يكمل شغل فا ده كان معاد طلوعه وبعدين احنا رجعنا كنا هنعدي عليه لقيناه قافل المكتبه...عرفنا انه طلع...
روحت وسبتها يعني هو كان فوق مطلعش صدفه وشافها زي ما الناس بتقول..
دياب...جميل.. طيب علاقته بيها ايه...
كارمن...عمو خالد انسان طيب ومحترم وجميل جدا..انا كتير اتمنيت انه يكون ابويا وقف جمبي كتير ساعدني كتير..ديما كان بيحميني من ابويا ...
دياب...بس ابوكي ليه رأي تاني.
كارمن...بابا...ده خساره فيه كلمه بابا اصلا..
بابا كان عايز يجوزني من شهرين لواحد اد جدي اكبر من بابا نفسه بس عشان خليجي ومعاه فلوس وكان هيبعني ليه ويقبض تمني خصوصا ان الراجل قاله مش عايز حتي هدوم ليها شاف ان الجوازه بالنسباله مش هتكلفه بالعكس ده هيقبض كمان تمني...
دياب...طيب وفلوس الدراسه والدتك قالت ان لمار اللي ساعدتك.
كارمن.. ايوه عمو خالد شايل للمار فلوس باسمها... وهي سحبتلي جزء منها بموافقه عمو خالد عشان اقدم معاها ومسبش دراستي...
دياب...طيب علاقه لمار بوالدها ايه.
كارمن... علاقه جميله كلها حب وضحك وهزار عمو خالد كان هو وكارمن صحاب لدرجه محدش يتوقعها اللي بينهم كان جميل جدا...ومدلعها بس بأدب بيحبها بيخاف عليها ديما ينصحني انا وهي...
دياب...طيب تفتكري لمار عملت كده ليه...خصوصا انها معترفه..
كارمن...بدموع...مستحييييل مستحيييل في حاجه غلط
لو قولتولي اي اشاعه ممكن اصدقها إلا دي... انا اقرب واحده للعيله دي اقرب من اي حد لو حضرتك عايز تصدق فا مينفعش تصدق غيري انا...
ارجوك...اعتبرها اختك اعتبرها حد منك حاول تعرف الحقيقه لمار مقتلتش والله ما قتلت..ارجوك اقف معاها لمار ملهاش حد غير والدتها... والدتها... بعد اللي حصل وقعت مننا نقلناها المستشفي...هي ملهاش غير لمار وعمو خالد والاتنين راحو منها في لحظه...
ارجوك...ساعدها صدقني في حاجه غلط..
دياب...واعترافها...
كارمن...والله اعتراف غلط طيب خلوني اعد معاها خلوني اكلمها صدقوني لمار هتحكيلي
دياب...بس هي رافضه الكلام.
كارمن...انا هخليها تتكلم مش هسيبها غير لما اعرف منها...
مينفعش نسيبها كده...
محدش يعرف الحقيقه غيرها..
دياب....ووالدتها كمان انتي ناسيه انها كانت معاهم
كارمن...لا مش ناسيه بس والدتها الوقت تعبانه وحتي لو مش تعبانه هي اصلا مش بتتكلم ولا بتتحرك...
دياب...بس للاسف هي الوحيده اللي تعرف الحقيقه كامله
كارمن...ارجوك... متسبهاش صدقني لمار مستحيل تعمل كده خليني اشوفها من فضلك..
دياب... خد نفس طويل.
هخليكي تشوفيها...واتمني انها تتكلم قبل ما يتحددلها جلسه للنطق بالحكم.
كارمن...هس ممكن تتسجن.
دياب...بابتسامه سخريه.....قصدك تتعدم...ده قتل عمد..
كارمن... تتعدم
بكامل قواي العقلية
بقلم اميره اسامه
الفصل الثانى
كارمن...ارجوك... متسبهاش صدقني لمار مستحيل تعمل كده خليني اشوفها من فضلك..
دياب... خد نفس طويل.
هخليكي تشوفيها...واتمني انها تتكلم قبل ما يتحددلها جلسه للنطق بالحكم.
كارمن...هي ممكن تتسجن.
دياب...بابتسامه سخريه.....قصدك تتعدم...ده قتل عمد..
كارمن... تتعدم😳😳😳😳
انس....بعد سكوت دام طول شهاده كارمن...امال انتي فاكره ايه...دي قضيه قتل ومش قضيه عاديه دي بنت قاتله ابوها...
كارمن....والله ما قتلته اكيد في حاجه غلط. يمكن حد تاني قتله وهددها مثلا...او يمكن........وسكتت كارمن ثواني بزهول ودموعها نازله. فضلت تهز دماغها شمال ويمين بنفي...لا لا استحاله..
دياب...بانتباه... هو في ايه ايه اللي مستحيل..
سكتت...كارمن وهي بصاله..
دياب....اتكلمي ياكارمن يمكن تقولي حاجه تفيدها لو لمار تهمك اوي كده زي ماهو واضح حاولي تقولي كل اللي عندك.
كارمن...انا معنديش حاجه والله بس يعني تخيلت سبب ممكن يخليها تكون عملت كده...انا مش لاقيه غيره للاسف مع انه مستحيل.
دياب...ايه هو مفيش حاجه اسمها مستحيل.يمكن سببك يكون صح..
كارمن....يعني ممكن يكون يعني حاول انه يعتدي عليها...
دياب....جايز جدااااا بس هو انتي شاكه في سلوكه او يعني شوفتي منه حاجه...
كارمن...بدموع. لا خالص والله عمو خالد حد محترم جدا بس غصب عني اصلي مش لاقيه سبب سامحني ياعمو خالد...انا والله طول حياتي معاهم مشوفتش منه غير كل خير انا مهما
حكيت لحضرتك عن الراجل ده مش هوفيه حقه... دي لمار كانت روحه وهو بالنسبه للمار كان كل حاجه... كانت ديما تقولي كان نفسي في اخ او اخت بس بابا عوضني كانت بتقولي بابا مش مجرد اب بالنسبالي بابا ده كل حاجه ليا
فالدنيا هو وماما... هما كانو عيله جميله بجد... استحاله يكون عمل كده انا عارفه بس مش لاقيه سبب يخليها تعمل كده ده لو هي اللي عملت كده اصلا...
دياب...يبقي حاولي تقنعيها تتكلم عشان السكوت مش هيفيدها خصوصا ان الادله كلها ضددها بصماتها عالسكينه..اعترافها شهاده الشهود اللي شافوها..
مفيش حاجه مش ضدها...وبعدين لازم تقومولها محامي.ويكون شاطر كمان..القضيه مش سهله.
كارمن... بس انا معرفش حد
انس...متقلقيش المحكمه لو مفيش حد معاها هتجبلها محامي...بس لازم الاول هي تتكلم لان للاسف موقفها ضعيف...وللاسف هي عدت 18 يعني لو قبل كده كان كبيرها كام سنه سجن فالاحداث لكن هي ادام القانون بلغت والأسف هتتحاسب...
كارمن...طيب ممكن اشوفها لو سمحت..
دياب... نادي عالعسكري.
العسكري...تمام يا افندم...
دياب....انزل هات المتهمه من الزنزانه.
العسكري وهو بيأدي التحيه العسكريه...تمام يا افندم...
دياب..... انا هجبها هديكي وقتك تتكلمي معاها ولو ان ده ممنوع.. بس هخليكي تأعدي معاها وياريت تحاولي تخليها تتكلم وحتي لو هي اللي عملت كده. حاولي تعرفي منها السبب لان اكيد في سبب..ويمكن ده يخفف عنها العقوبه..
كارمن...حاضر ان شاء الله هتتكلم...
ثواني...وخبط العسكري ودخل وفأيده لمار... كأنها انسان آلي بتتحرك مع اي حد من غير ما تنطق...
العسكري...تمام يا افندم المتهمه..
شاورله دياب..وخرج العسكري..
جريت عليها كارمن...خدتها في حضنها وهي منهاره...
تابع دياب وانس تصرف لمار... كانت عامله زي الاموات مبتديش اي رد فعل...
حتي بعد ما حضنتها كارمن...مبدلتهاش الحضن وقفت ثابته وسرحانه في دنيا تاني...
قام دياب..وقف... هو وانس...
دياب...لكارمن...هسيبك معاها شويه... عشان تكونو براحتكم.
هزت كارمن راسها ...شكرا لحضرتك..
دياب...العفو..
خرج دياب مع انس...عشان يسيبوها براحتها يمكن تتكلم...
راح دياب علي مكتب انس..
انس...ايه رأيك...لسه عند كلامك.شايفك يعني متعاطف معاها...
دياب... لا عند كلامي يمكن اكون متعاطف بس بنسبه بسيطه... شغلنا يا انس مش هكلمك عليه انت عارفه كويس بيمر علينا اشكال كتير وبيمر علينا قضايا غريبه لايمكن عقل يستوعبها. وبنتعاطف معاها بس بعد التحقيقات بنتفاجئ بالحقيقه...
يعني باختصار مش كل اللي قلبك يتعاطف معاه تصدقه لان القلب بطبيعته مابيخونش يا انس... ديما شايف نص الحقيقه..
انس... بس مينفعش نلغيه ياصاحبي.
دياب...مين قال نلغيه بس فالقضايا اللي من النوع ده لازم
نحكم عقلنا شويه.. ومنمشيش ورا احساسنا وعواطفنا.. احنا هنا عشان نعرف الحقيقه يا انس...ايآ كانت ايه هي..وطبعا لو طلعت بريئه ساعتها يبقي احساسنا كان صح وهنقدر نساعدها لاكن لو طلعت مزنبه يبقي لازم تتحاسب..وساعتها هنبقي صح ومشاعرنا مضحكتش علينا.
انس....بتعلم منك ديما ياصاحبي.
دياب...كلنا بنتعلم من بعض يا انس.
انس...بس حسيت انك متعاطف معاها.وكلام صاحبتها هزك.
دياب...مش هنكر ده خصوصا انها قضيه معقده بالنسبالي.
صاحبتها بتشكر فالاب والبنت لدرجه انها شكت في سلوكه لانها مش لاقيه سبب.
انس...طيب مش يمكن ده يكون سبب. خصوصا يعني ان مراته اعده علي كرسي متحرك وكده..شيطان يعني
دياب...جايز جدااا الشيطان يعمل اوسخ من كده.. بس حاسس ان الحوار اكبر من كده... ياريتها تتكلم...لان للاسف موقفها ضعيف...ومفيش حد عنده الحقيقه كامله غيرها هي وابوها وامها...
ابوها مات... وهي رافضه تتكلم...وامها زي مانت شايف.
انس...بقولك ايه...بعيدآ غن المحاضره اللي انت لسه مديهاني عن العواطف دي بس برده البنت صعبانه عليا.
دياب...بردو مفيش فايده...عموما هنشوف..
.................
كارمن...خدت لمار واعدت بيها عالكنبه...وهي لسه علي حالتها باصه في الفراغ...
كارمن...دموعها نازله وحزينه علي حال صحبتها وحاسه انها في حلم ازاي كانو مع بعض من كام ساعه كانت بتضحك وتهزر وكلها حيويه. وفجأه تنطفي بالمنظر وكل الموارث دي تتحط فوق راسها...
كارمن... لمار.. لمار حبيبتي ردي عليا طمنيني عليكي...
لمار..........🤐
كارمن...ردي عليا ارجوكي. انتي علب طول بتتكلمي مينفعش تيجي الوقت وتسكتي..لمار... لازم تتكلمي ياحبيبتي قولي انك معملتيش كده قولي مين اللي عملها وحتي لو انتي لازم تقولي عملتي كده ليه لان اكيد في سبب قوي يخليكي تعملي كده..
لمار عشان خاطري بلاش الاستسلام ده انا عمري ما شوفتك بالحاله دي ابدا... ارجوكي يا لمار متستسلميش
ارجوكي اتكلمي انتي عارفه ايه اللي مستنيكي الاعدام يالمار...طيب قوليلي هتسيبي امك لمين انتي عارفه انها محتجاكي اكتر من اي حد فالدنيا طيب هتسبيني انا لمين يا لمار انا مليش غيرك...انتي صحبتي واختي وامي وكل حاجه
ليا فالدنيا لمار انا بقوي بيكي. وانتي بسهوله عايزه تسبيني طب هتسبيني لمين..لمار عشان خاطري قولي اي حاجه قولي عملتي كده ليه...انا مش قادره اصلا استوعب انك تكوني عملتي كده....عمو خالد ده كان روحك..وانتي روحه طيب قوليلي حصل ايه فالنص ساعه اللي سبتك فيها يخليكي
تعملي كده...قوليلي ايه السبب اللي ممكن يوصلك لكده لمار. انا مش قادره انطقها بس صدقيني معنديش بديل...عمو خالد حاول يقرب منك .حاول يعتدي عليكي...كارمن وهي دموعها نازله وسرحانه في وش لمار
اللي مفيش فيه اي رد فعل..
كارمن...انا مش لاقيه اي حاجه اقولها او تيجي في بالي غير دي... يعني يمكن عشان طنط ناريمان تعبانه بقالها فتره الشيطان ضحك عليه...وكملت بعياط انا اسفه انا عارفه انه استحاله يعمل كده بس غصب عني دماغي واقفه مش لاقيه اي حاجه غير دي مش لاقيه حد اتكلم معاه غيرك...بس لو ده صح لازم تتكلمي يالمار لازم صدقيني هيبقي دفاع عن النفس وهتخرجي منها..ارجوكي يالمار قولي اي حاجه...ولو خايفه
علي زعل طنط ناريمان هي كده كده كانت معاكي واكيد شافت كل حاجه حصلت وصدقيني هتموتيها بايدك لو متكلمتيش...هي محتجاكي اوي...وانا محتجاكي اوي..متضيعيش نفسك ومستقبلك وتدمري حياتك فكري عشان خاطري مهما كان السبب اللي مخليكي ساكته..لازم تتكلمي مينفعش تسكتي..
لمار.............
كارمن...بانهيار... وهي بتهزها بقوه عشان تتكلم. اتكلمي قولي اي حاجه..
خبط الباب..فاللحظه دي ودخل دياب وانس...
حست... كارمن ان خلاص مفيش امل... بقت تصرخ بانهيار وتهز لمار اتكلمي قولي حاجه ارجوكي وفضلت تضرب فيها علي وشها... عشان تخليها تفوق من الصدمه اللي هي فيها...لاكن لمار كانت واقفه ثابته ومفيش اي رد فعل. مفيش غير جسمها اللي بيتحرك من ضرب
اول ما دياب وانس شافوها... جريو عليها مسكوها بسرعه.
كارمن...سيبوني لمار لازم تتكلم لازم تقول اللي حصل مش هسيبها تروح مني...لازم تقول السبب مينفعش تموتي وتسبيني ارجوكي قولي اي حاجه...
دياب...يا عسكريييي
دخل العسكري بسرعه...
دياب...خدها نزلها الحجز...
كارمن ماسكه في ايدها وبتصرخ...لا متنزلوهاش ارجوكم متخدوهاش ارجوكم لمار بريئه لمار مقتلتش.
لمار ارجوكي اتكلمي متسبينيش.
شدها انس بالعافيه..وخدها العسكري وخرج بيها..
كارمن اعدت عالكرسي وهي منهاره...حرام عليكم متخدوهاش لمار بريئه والله...
دياب...اهدي شويه
كارمن...اهدي ايه. لمار رافضه تتكلم لمار بتضيع نفسها..ومفيش وقت
انس...هتتكلم اكيد متقلقيش يمكن هي لسه الصدمه مأثره عليها هي لازم تفوق من صدمتها دي.
كارمن...طيب ازاي ازاي.
دياب...كارمن... صدقيني لو لمار بريئه انا بنفسي هقف معاها وهتطلع منها..الوقت انتي لازم تمشي...اهلك بره..مستنينك والوقت اتأخر
كارمن...امشي واسيبها لمين لمار ملهاش غيري انا ومامتها.ومامتها مرميه فالمستشفي..
مقدرش اسيبها ووطيت علي ايد دياب..ابوس ايدك نزلني معاها لحد الصبح بس وانا هحاول اخليها تتكلم.
دياب...مينفعش يا كارمن ده ممنوع كويس اني سبتك الوقت ده معاها...
كارمن...ارجوك.
انس....مش هينفع طبعا انتي الوقت روحي واي وقت توصلي لاي حاجه تعالي فورا قوليلنا..
دياب...يلا يا كارمن...ومتقلقيش زي ماقولتلك لو فعلا لمار بريئه مش هسيبها...
كارمن...مسحت دموعها براحه... ومشيت ناحيه الباب بحزن وخيبه امل وكسره...
فتحت الباب...ورجعت تاني لدياب..
كارمن...بدموع...ممكن اطلب من حضرتك طلب.
دياب طبعا....
كارمن...لما رجعت انا ولمار الصبح مكنتش كلت اي حاجه وكانت راجعه عشان تتغدا فالبيت...وملحقتش
لمار لحد الوقت مكلتش..وللاسف انا لو خرجت الوقت ادام بابا مش هيرضي يخليني اجبلها اكل وهياخدني بالعافيه ونروح...ممكن بعد اذنك تجبلها اكل عشان متتعبش...وحاجه تلبسها الجو برد اوي عليها..انا ممكن انا اجبلها لبس من عندي او من شقتها
ابتسم...انس ودياب.
دياب...هز دماغه...حاضر يا كارمن.. هنزلها اكل..وهجبلها لبس عشان مينفعش تروحي الشقه لسه المباحث شغاله هناك.
كارمن...بحزن...شكرا لحضرتك
دياب...العفو ياكارمن...
خرجت كارمن وهي حزن الدنيا علي كتافها.
انس...واضح انهم صحاب اوي.
دياب...يمكن تكون كارمن اللي مخلياني اصدق انها بريئه فعلا ...شكلها بتحبها جدا وتعرف عنها كتير.
انس....بقولك ايه...انا رايح...عالمكتب بتاعي.
دياب....تمام...ابعتلي العسكري...عشان يجيب اكل للبنت اللي تحت دي.
ابتسم..انس... ماشي ياعم
خرج وبعتله العسكري.....وطلب دياب منه يجيب اكل للمار...
وقت بسيط..ورجع العسكري...بالاكل...
دياب....تنزل توديلها الاكل ده تحت..ومش عايز حد من المحبوسيين معاها دول يضايقها او يتعرضلها...بلغ العساكر تحت يخلوبالهم.....
العسكري.....تمام يا افندم..
نزل العسكري... تحت.. ودخلها الاكل..
العسكري....دياب باشا باعتلك الاكل ده كلي يلا.
لمار...............
العسكري....انتي سمعاني.
لمار............
العسكري....عموما الاكل اهو وخرج وسابها.....
فضلت لمار...اعده مش دريانه بحد ولا حاسه بأي حد من اللي حواليها..واعدين يتكلمو ويهمسو عليها....
سرحت لمار....بتفكيرها....
فلاش...باك....
ناريمان....لمار. لمار انتي يابنتي..ايه انتي من اهل الكهف..
لمار...بنوم..في ايه يا ماما عايزه..انام شويه..
ناريمان...يابنتي الساعه 8 انهرده اول يوم ليكي فالجامعه
لمار...وهي بتقوم بفزع..ايه 8 يا خبر ابيض وسيباني نايمه يا ماما.
ناريمان...يابت انتي اتهبلتي امال انا بعمل ايه الوقت...عوض عليا عوض الصابرين يارب...انا راحه احضر الفطار علي بال ما تجهزي
لمار....كارمن متكلمتش...
ناريمان لا متكلمتش خلصي وكلميها يلا..
قامت جريت..خدت شاور بسرعه ولبست سرحت شعرها حطت ميكب خفيف...يادوب يظهر جمال ملامحها..
وخرجت.عالمطبخ..وقفت مرقباهم من ورا الباب
خالد....اساعدك في حاجه ياحبيبتي..
ناريمان...تسلم ايدك انا خلصت خلاص هفضي الشاي..
خالد....طيب اودي معاكي ايه.
ناريمان...بصاله ولا اي حاجه يا سيدي شكرا لخدماتك جاي تساعدني بعد ما خلصت الفطار.
خالد...مش كنت بغير هدومي وبصلي.. ومسك ايدها. ربنا يديكي الصحه ويخليكي لينا ياحبيبتي...
لمار...وهي حاطه ايدها في وسطها..الله الله يا سي بابا ده ايه الدلع ده كله ان شاء الله حضرتك ناسي اني لسه منزلتش ولا ايه...
خالد...بحب صباح الفل علي احلي بشمهندسه فالدنيا..
لمار....لا والله اضحك عليا ياسي بابا بكلمتين وبتدين بشمهندسه ايه بس انا لسه اول يوم ليا انهرده فالجامعه.
خالد....وهتبقي احلي واكبر واشهر مهندسه ان شاء الله.وبعدين مالك زعلانه ليه اهم كلمتين بنطيب بيهم هاطرها وغمزلها بضحك.
ناريمان...لا والله بقي كده كلمتين يعني بتضحك عليا بيهم.
لمار...وهي بتغيظها كفايه عليكي كلمتين ياست ماما...ده كويس اوي اني سمحتله يقولك كلمتين...مفيش حد بيتعاكس فالبيت ده غيري انا.
ناريمان...عجبك كده يا سي خالد..والله بحس البت دي درتي مش بنتي..
لمار....لو عاجبك يا ست ماما بابا خط احمر
ناريمان بغيظ...شايف.
خالد...بضحك...هتعملي عقلك بعقلها
لمار...قصدك ايه🤨
خالد...انا اقدر..انتي روحي..وبعدين تعالي هنا ايه القمر ده...
لمار...ايه رأيك فالطقم الجديد.
خالد...سيبك من الطقم الوقت... اوعي حد يضايقك ولا يعاكسك...لو حد بس فكر يضايقك تيجي تقوليلي علي طول...وانا اجي اقفل الجامعه دي خالص..
لمار...بصحك...لا وعلي ايه قلبك ابيض يا حاج..يلا بقي نفطر بسرعه... كلمت كارمن وزمانها جايه...
خبط الباب فاللحظه دي....
لمار...فتحت ...اهو جبنا في سيره القط جه ينط...
كارمن...صباح الفل عليكم..
ناريمان...صباح الخير يا كوكي..ابه الحلاوه دي
لمار...والله يا ست ماما هي كوكي وايه الحلاوه دي وانا لمار وان حتب ما قولتيلي شكلك حلو😔
ناربمان...يابت انتي مش هتبطلي...تغيري علب ابوكي مني..وتغيري عليا من كارمن ارحميني بقي.
لمار...انا قولت محدش يتعاكس فالبيت ده غيري😒
ناريمان...حاضر ياست لولي حلو كده.
لمار....كده قمر😍
كارمن...لا بقول ايه انا مفطرتش يادوب لبست واتسحبت خرجت بسرعه ملحقتش افطر.
خالد...اهي المفجوعه مش هترحمكم.
كارمن...بقي كده يالودي... انا مفجوعه.
لمار...لودي مين يابت ده لودي بتاعي.
ناريمان...ياخرااااابي مش هنخلص..
خالد...اتلمي انتي وهي عالصبح بدل ما تاكلنا..
ضحكت لمار وكارمن وناريمان..وراحو فطرو مع بعض.. في جو كله ضحك وهزار...
لمار...الحمد لله يلا يا كوكي.
كارمن.....يلا يا لولي...
ناريمان...خلو بالكم من بعض... واوعو حد يضايقكم
لمار...حاضر يا ماما لا إله إلا الله.
ناريمان...محمد رسول الله..
راحت..لمار علي ودن خالد...تنزل بسرعه ورانا مش عايزه شقاوه يالودي... احسن انت عارف زعلي وحش.
خالد...بضحك...هتلاقيني في ديلك علي طول..
لمار...باااااااي.
خالد...سلام يا حبيبتي خلو بالكم من نفسكم...
باااااااك...
اتنفضت جسم لمار... اول ما افتكرت ودمعه نزلت من عينها...وفاقت من ذكرياتها علي صوت بنتين جمبها..باين عليهم من شكلهم انهم مشبوهيين
واحده من البنات....اسمك ايه يابت.
لمار....ضمت رجلها لصدرها اكتر....وفضلت زي ما هي مبتردش.
البنت...التانيه...دي باينها.. كده يا سوسو مبتسمعش.
البنت..لو مبتسمعش اسمعها..انطقي يابت اسمك ايه.
وجايه في ايه... شكلك جايه كده اداب الحال من بعضه يعني...
البنت...التانيه... بس بقولك ايه ياسوسو البت دي شكلها جامده...بتشتغلي مع مين يابت... ايه رأيك تشتغلي معانا الشغل معانا هيعجبك اوي..
وواحده منهم...مش مظبوطه..مدت ايدها علي جسم لمار.
ماتقومي ياحلوه كده وفكي..
لمار...بكل قوتها...نطرت..ايدها..من علي جسمها وهي مبرقه وبتاخد نفسها بسرعه...
البنت... ايه ده انتي بتزقي ايدي... هتعملي عليا شريفه يابت ولا ايه.. ما قولنا الحال من بعضه..اللي دور وراكي يلاقيكي مقضياها مع كل رجاله مصر...
البنت...التانيه....وشكلها مقضياها مع دياب باشا..كمان مشوفتيش يابت الاهتمام بيها بطانيه واكل. ده احنا محدش عبرنا..
البنت...صح ياسوسو مش بقولك شكلها مش سهله ومدوراها مع رجاله مصر كلها
فاللحظه دي لمار... مقدرتش تستحمل اكتر من كده
ومحستش بنفسها.. غير وهي بتمسك كوبايه من جمبها وضربت بنت فيهم علي رسها.. ومسكت التانيه بأيدها انقضت عليها فضلت تضرب فيها شدتها البنت من التيشرت اللي لبساه قطعتهولها ومحستش بنفسها غير وهي ماسكه رقبتها تخنقها...
فضلو باقي البنات فالزنزانه يصوتو بصوت عاللي ويخبطو عالباب
صوتهم وصل لدياب وانس في مكاتبهم نزلو جري علي الزنزانه تحت وفاللحظه دي جريوا العساكر ع
فتحو باب الزنزانه بسرعه. فضلو يشدو في لمار اللي رغم صغر جسمها لكن مكنش حد قادر عليها لدرجه البنت وشها ازرق وكانت خلاص بتلفظ انفاسها الاخيره والتانيه واقعه سايحه في دمها..
شدوها من عليها بالعافيه..
وبصوت يرعب..... دياب... ايه اللي بيحصل هنا بالظبط.
البنات...الحقنا ياباشا..البت هتموتنا.
لمار...واقفه في ايد العساكر شعرها متبهدل. هدومها مقطعه علي جسمها خرابيش من تشابكها مع البنات.. بصالهم بصه ترعب نفسها بتاخده بشكل يخوف...وكأنها اتحولت لوحش..
دياب.... للعساكر... هاتولي التلاته دول ورايا بسرعه.
ومشي هو وانس وطلع وراه العساكر. معاهم لمار والبنتين..
دياب...ايه اللي حصل.
البنت...اللي اتعورت ماسكه راسها اللي بتنزف..
ابدا ياباشا والله احنا لقيناها اعده ساكته قولنا نكلمها ونعرف حكايتها بدل ماهي اعده ساكته كده...وعينك ما تشوف إلا النور يا باشا... ضربتني بالكوبايه فتحت راسي.. ومسكتها من رقبتها تخنقها كانت هتموتها حتي شوف يا باشا صوابعها باينه علي رقبتها...
دياب....وايه اللي عمل فيها وفي هدومها كده هي بردو
البنت...ياباشا احنا كنا بندافع عن نفسنا...
دياب...ياعسكريييييي
العسكري....تمام يا افندم.
خد البنتين دول علي تحت والبت اللي سايحه في دمها دي اعملو معاها اللازم...
البنت...بعد اذنك يا باشا انا عايزه افتح محضر واثبت حاله...
انس...بصوت يخوف محضر ايه واثبات حاله ايه ياروح امك يلا يابت غوري..
البنت برعب مشيت هي وصحبتها مع العساكر من سكات..
انس....انا بره يا دياب.
دياب...اقفل وراك...
خرج..انس وقفل الباب....
قام دياب وقف.. قلع الچاكت ورفع كمام القميص..
وقرب منها... لمار عينها عليه... حاسه بتوتر..
مسك دياب الچاكت... وحطه عليها... جسمها اتنفض.
بعد عنها دياب وراح اعد علي حرف المكتب.. ولع سيجاره وخد منها نفس..
دياب.... ايه لسه بردو مش عايزه تتكلمي..طيب مش عايزه تقولي قتلتي ابوكي ليه..تمام... قوليلي بقي عملتي فيهم كده ليه.. ايه فوقتي خلاص وبقيتي تضربي وبصوت عاللي يرعب... عملالي فيها بلطجيه....
اتنفض جسم لمار من صوته..
دياب... يابنتي انطقي قولي اي حاجه...
لمار..............
دياب... تمام براحتك خليكي ساكته...عموما انا مفتحتش للبت محضر لان مش مستاهله محضر خالص كده او كده انتي هتتعدمي...يعني المحضر مش هيفيدها بحاجه...انتي كده كده ميته.
حست..لمار ان قلبها اتقبض غمضت عينها بوجع..
دياب...انا ممكن الوقت انزلك تحت بس معرفش ممكن يعملو فيكي ايه اكيد هيتفقو عليكي...ولو ضربتيهم مره فا هما المرادي مش هيسمو عليكي...وصراحه انا مش خايف عليكي انا خايف عليهم هما.لان اللي تقتل مره اكيد عندها استعداد تقتل التانيه وانتي كنت هتموتي البنتين ولولا العساكر دخلو في اخر لحظه كان زمانك مموتاهم...
يعني انتي خطر عليهم..عسكرييييييي
العسكري....تمام يا افندم..
دياب...خد البت دي من هنا نزلها زنزانه لوحدها. لحد ماتتعرض عالنيابه
العسكري...تمام يا افندم...
دياب...استنى...
وقف العسكري بيها...
دياب...بكره الصبح هتروحي النيابه عشان يتحقق معاكي لو ناويه تسكتي كتير يبقي مبروك عليكي الاعدام...
دياب...اتحرك يا عسكري...
خرج العسكري بيها... ونزلها الزنزانه لوحدها...
انكمشت لمار في ركن فالزنزانه وفضلت تعيط بوجع وحسره... وانتبهت لقت نفسها لابسه الجاكت بتاع بدله دياب. قفلته عليها من شدت البرد اللي حاسه بيه وسندت راسها عالارض بتعب...ونامت كأنها بقالها زمن منامتش.
اما عند دياب..
انس...تفتكر ضربتهم ليه...
دياب...اكيد هما اللي نكشوها انت مش عارفهم دول زباله..
انس.. بس صراحه طلعت جامده وعلمت عليهم..
دياب... لا والله مبسوط منها اوي ياريتك تنزلها تنكشها عشان تفتح دماغك خلينا نخلص
انس...بس البت هتروح ازاي الصبح بلبسها ده وتقول عذبناها فالقسم دي شكلها مجنونه وهربانه منها .
دياب... انا ادتها الچاكت بتاعي.
انس....نعمممم چاكت ايه يا حنين.
دياب...ماتظبط يالا لبسها اتقطع والجو تلج وميتهيأليش هنلحق نجبلها حاجه تلبسها..
انس... مش بقولك حنين وشكلها كده صعبت عليك.
دياب... عيبك انك زباله ودماغك حادفه شمال يا ابني الجنس ده انا استحاله اقرب منه ولو هقرب مش علي اخر الزمن هبص لواحده مجرمه وقاتله ابوها ...بس كمان انا بني ادم وعندي قلب حرام يعني انت مش شايف الجو عامل ازاي
انس... ماشي يا حنين..
دياب... بردو..
انس...اه بردو... بقولك ايه انا خارج اجيب سجاير وحاجه ناكلها انا واقع من الجوع وافك كده شويه معنديش شغل.. وهحاول اشوفلها اي مكان فاتح اجبلها منه لبس.
دياب... مكان فاتح ايه يا ابني الساعه 3 ده الفجر قرب يأذن....
انس...يا ابني متفقرش هلاقي ان شاء الله وبعدين عشان الچاكت بتاعك ده ايه هتوديها المحكمه بلبسك😏😏
دياب... غور يلا من ادامي
عدي حوالي ساعه ونص.. رجع انس بعد الفجر...
دياب... كل ده.
انس... ما كله بسببك بدور للبت علي حاجه تلبسها عشان تاخد الچاكت بتاعك انا الحق عليا..
دياب...ولقيت يا خويا ولا راجع زي ماجيت.
انس...بابتسامه عيب عليك ده انا انس بردو...بس معرفش بقي هيجي مقاسها ولا لا.. وطلعله اللبس.
دياب...بيتهيألى كويسيين...بقولك ايه نادي عالعسكري.. ينزهملها ويجبلي الچاكت.
دياب ...بسرعه ولا اقولك.. استني هنزل انا.
انس...مش مطمنلك مش بقولك شكلك حبيت الموضوع.
دياب... انا مش هرد عليك عشان لو رديت مش هتلاقي في وشك مكان سليم... انا نازل عشان اكيد هي نايمه ولو العسكري دخل صوته هيتنبح عشان تديله الچاكت مش هترد عليه ومش بعيد تقتله
انس...بضحك...تصدق عندك حق... دي خطيره عالبلد..
دياب... هات اللبس ده....
خد دياب اللبس..ونزل تحت العسكري فتحله. الزنزانه... بص دياب لقاها راحه في دنيا تانيه... وضامه رجليها...لحد صدرها وحضناهم بأيدها.. وشكلها زي الاطفال..
خرج دياب.. نادي العسكري.. وطلب منه يجيب بطانيه تانيه... جابها بسرعه العسكري وادهالو...
راح عليها دياب... وهزها براحه في كتفها..نايمه ولا حاسه.
دياب... اصحي يا انسه لمار.. اصحي..
اتنفضت لمار.. ورجعت لورا بسرعه
دياب... قام وقف.. اهدي اهدي متخافيش..
لمار...بصاله ومبرقه عنيها وبتاخد نفسها بسرعه.
دياب... متخافيش انا جايبلك اللبس ده... عشان مش هينفع تروحي النيابه بلبسك ده...وكمان الجو برد جدا
خدي افرشي الباطنيه دي الارض سقعه عليكي..
دياب... انا هطلع.. لما تغيري لبسك... ابعتيلي الچاكت مع العسكري..
ولف.. وشه وخرج...وقفل العسكري وراه الباب....
مسكت... لمار شنطه الهدوم...وقامت تغير..
كان فيها بنطلون... چينز وتيشيرت بكم تقيل وسويت شيرت تقيل اوي.. لبست وخلصت حست بالدفا اللي كانت مفتقداه...
خبطت براحه عالباب... فتحلها العسكري.. مدتله ايدها بالچاكت...خده منها العسكري... وقفل..
وراح يطلعه لدياب..
راحت لمار فرشت البطانيه. نصين نص نامت عليه ونص اتغطت بيه....ورجعت نامت تاني
طلع العسكري واداله الچاكت
وخرج.
مسك دياب الچاكت.وبحركه غير إراديه قربه من وشه...وشمه..
ثواني... ورفع عينه بانتباه.وساب الچاكت من ايده...
مر الوقت بسرعه... وجريت الساعات...وجه وقت ترحيلها للنيابه .وصلت لمار وحاولت النيابه تسمع منها كانت رافضه الكلام... وبعد الاطلاع علي المحضر وسماع شهادة الشهود مره تانيه اتقرر حبس لمار 14 يوم علي ذمه التحقيق... رجعت تاني للقسم...
وعدت الايام ببطئ يوم ورا يوم...والدتها فالمستشفي وكارمن ووالدتها بيروحولها يزوروها ودياب بيحاول يخليها تتكلم وهي رافضه الكلام خالص...واخيرا... النيابه حددت معاد لاول جلسه ليها فالمحكمه....
انس....دخل لدياب..
ايه بايت هنا ولا ايه مش مروح.
دياب... انت ناسي اني رايح عالمحكمه.
انس...وده ليه.
دياب.. بتريقه اعتبره فضول
انس...طب بقولك ايه انا جاي معاك.
دياب... فضول برده.
انس... صراحه اه..
دياب طب يلا بينا..
نزل دياب وانس...
فتح العسكري...الباب... كانت لمار نايمه...وباين علي وشها انها بتحلم..
العسكري... هزها بقوه عشان تصحي
فتحت لمار عينها بفزع.
العسكري... يلا قومي عشان تروحي المحكمه
قامت لمار براحه.ومشيت معاه
دياب.. كان واقف بره هو وانس...
خرج العساكر..باقي المحجوزيين عشان عندهم جلسه..
دياب...بص للمار...مش عايزه تقولي اي حاجه قبل ما تروحي المحكمه.
لمار..نزلت عينها فالارض. وسكتت.
دياب... زي ما تحبي
حط العسكري في ايدها الكلبش هي وبنت تانيه... وابتدو يتحركو علي العربيه...
وثواني...واتحركت العربيه
ووصلت..المحكمه...
ابتدا القاضي يمسك قضيه قضيه.بالدور.. اللي يتأجل واللي ينطق فيها بالحكم..
وجه وقت قضيه... لمار...
القاضي... للمار... معاكي محامي يالمار..
لمار.............
القاضي... طيب تحبي اجبلك محامي
لمار.............
القاضي.... طيب تحبي تقولي اي حاجه قبل ما اسمع الشهود
لمار............
هزت كارمن دماغها بوجع
ابتدا.القاضي.. يسمع شهاده كل الشهود من جيرانها واهل الحته وابتدت لمار. تسمع كل كلمه قالوها لدياب وقت المحضر.. حست انها في زهول.. مسكت القضبان بأيدها.وعلى وشها ابتسامه حزن تموت من اللي بتسمعه ابتدت تكلم نفسها اد كده الناس وحشه... اد كده كانو بيمثلو حبهم..اد كده مفيش امان الناس مبتصدق حد يقع عشان تنهش في لحمه وعرضه..ازاي بيقولو عني كده شافو مني ايه عشان الكره ده كله...
بقت باصه عليهم بتوهان وصدمه ووجع ازاي قادرين يحلفو قسم ربنا وبيتكلمو في سمعتها وعرضها وبيقولو عليها حاجه مش فيها.
بقت. واقفه تسمع كل كلمه. منهم وهي بتفتكر.ذكريتها
فلاش...باك.
لمار... يلا سلام يا ماما..
سوسن..اذيك يالمار
لمار.. الحمد لله يا طنط سوسن اخبار حضرتك ايه
سوسن...بخير يا حبيبتي ماما عامله ايه كنت هعدي اشوفها واشرب معاها الشاي
لمار...بخير الحمد لله.. طبعا تنوري ادخليلها هي جوه.
سوسن.. ماشي يا حبيبتي.
لمار.. وهي بتنزل سلام ياطنط..
نزلت لمار... صباح الفل يا عم صبحي ياسكر.
صبحي..صباح العسل علي احلي بنت فالحته.
لمار... صباح الخير ياطنط فتحيه..
فتحيه... صباح الفل يا لمار عامله ايه وماما عامله ايه.
لمار.. بخير الحمد لله واقفه كده ليه عايزه حاجه.
فتحيه... واقفه مستنيه اي عيل يعدي يروح يجبلي عيش. البت سميه لسه نايمه
لمار... طيب انا هجبلك اطلعي ولما اجبلك هحطهولك فالسبت.
فتحيه...انشالله يخليكي.
لمار... يلا مش هتأخر عليكي...
فتحيه.. ماشي ياحبيبتي..
بااااااااااك
وجه وقت شهاده كارمن...ابتدت كارمن تتكلم ودموعها نازله مش بتقف صعبان عليها وقفه لمار بالمنظر ده...
فضلت كارمن تحكي كل حاجه حصلت فاليوم ده وترد علي كل سؤال يسأله القاضي...
كانت منهاره
ابتسمت..لمار بحب لكارمن.. وهي شيفاها اكتر واحده بتدافع عنها باستماته...
القاضي.... بعد الاستماع الي شهادت الشهود..
تم تأجيل النطق بالحكم الي الاسبوع القادم الموافق الخميس السابع من شهر يناير 1/7 .
القاضي.... لاخر مره يا انسه لمار... تحبي تقولي حاجه
كارمن.. بتهزلها راسها عشان تنطق او تقول اي حاجه...
القاضي... لو عندك اعتراض علي كلام اي شاهد من الشهود تقدري تدافعي بيها عن نفسك...او لو عايزه تقولي حاجه قوليها
واخيرا.... نطقت لمار...
عندي...
اصوات همسات عاليه فالمحكمه كارمن مبتسمه انها اخيرا نطقت وهتقول حاجه... انس بص لدياب..
لمار.... لو كان عندي احتمال بسيط حتي ولو واحد فالميه اني ادافع عن نفسي واتكلم قبل ما اسمع شهاده جيراني واهل
حتتي واللي كنت بعتبرهم اهلي. .فانا بعد ما سمعتهم بينهشو في لحمي وعرضي وسمعتي...فالاحتمال راح..
لمار.... سياده القاضي.... انا لمار خالد البنهاوي.
قتلت ابويا خالد البنهاوي.
وانا بكامل قواي العقليه...
دياب وانس وجميع اللي فالقاعه....😳😳😳😳😳😳😳😳😳😳
كارمن..لااااااااااا.😭😭😭😭💔💔💔
لقراءة باقي الفصول مكتملة من هنا