رواية انجبته بالخطاء
❤️❤️ البارت السادس ❤️❤️
والسابع
بقلم همس حسن
طلع حازم على شقة زياد ، خبط على باب الشقة فتحت أم زياد .. زق الباب ودخل
أحلام أم زياد : ياساتر يارب خير يابني في ايه
حازم : إبنك فييين ياخالتي ام زياد
أحلام : إبني ؟ ماله إبني ياحازم عمل ايه عشان تدور عليه بالشكل دا
أحلام : خالتي أم زياد البيوت ليها حرمتها متخلينيش أفتح الاوض ادور بنفسي ابنك فيييييين
فتح زياد باب اوضته وخرج
زياد : ايه في ايه ياحازم داخل بزعابيبك لييه
حازم بيجري عليه : هو ااااانت لسة فيك عين تتكلم ياحيوااان
بيمسكه من هدومه : كنت بتعمل ااااايه مع مراتي في شقتي لوحدكو يازياااااد
زياد بيزقه : بعمل ايه مع مراتك !
عييييب اللي بتقوله دا ياحازم انت لولا في بيتي كنت اتصرفت معاك بطريقتي معجبتكش
حازم : تتصرف مع ميييين ياروح أمك بقولك بتعمل ااااايه مع مراتي لوحدكوووو
زياد : مراتك كانت تعبانة بتفرفر في الأرض وانتو سايبينها عايزني أعمل ااايه يعني اسيبها تموت عشان مدخلش الشقة وسيادتك مش موجود ؟ ما تتعدل كدا في كلامك ياحازم انت جاي تقل ادبك عليا عشان بعمل الأصول
حازم : الاصول ؟!!! طييييب انا هوريك الأصول بتكون ازاي يازياد
بيتلفت جنبه شاف طبق الفاكهة خد السكينة من فوقه وجري على زياد
حازم : انا هعرفك دلوقتي يعني ايه أصول
أحلام : يامصييييييبتي 😱😱😱
دخل عليه ونيته يضربه بالسكينة يموته ، زياد مسك ايده وبدأ يقاومه وحازم يحاول اكتر ... وفجأة وسط دا كله أحلام وقعت في الأرض
زياد زق حازم بعزم ما فيه وجري على أمه
حازم بيبص على أحلام بخضة وزعر
زياد بيحرك فيها : امممممممي .. أمي فووووقي فيه اااايه
بيبص لحازم : قسمااااااا بالله لو جرالها حاجة لهقتلك يا حازم ، هقتلللللك
حازم : ماشي يازياد .. انا هنزل دلوقتي وارحمك بسسسس عشان أمك اللي وقعت من طولها ، بس خد بالك حسابي معاك بعدين
سابه ونزل على تحت .. بدأ زياد يفوق في أمه بأي طريقة مبتفوقش ، شالها على دراعه ونزل يجري بيها على أي مستشفى
🔥🔥🔥🔥🔥🔥🔥🔥🔥🔥🔥
مروان قاعد باصص لرهف .. رهف قاعدة زي ماهي لا بتتكلم ولا بتتحرك ولا حتى بترمش
مروان قام وقف : طيب .. مقداميش دلوقتي غير حل واحد
راح فتح باب المكتب .. رجع شال رهف وخرج بيها على برا
وقف قدام الاسانسير يستناه .. بيبصلها يمكن يشوف منها أي رد فعل ولكن كالعادة مفيش !!
الاسانسير فتح .. دخل بيها على جوا
بدأت تميل دماغها لحد ما سندتها على كتفه ، بصلها باستغراب !
وصلوا الدور الأرضي خرج حطها في العربية .. قعد على كرسي الدريكسيون ودور العربية
🔥🔥🔥🔥🔥🔥🔥🔥🔥🔥🔥
كريم وصل بالعربية قدام بيت رهف وجنبه إيمان
كريم : حمدالله على السلامه ياايمان
إيمان : الله يسلمك ❤️
معلش تعبتك معايا بقى وجيت لحد هنا
كريم : لا طبعا تعبتيني ايه انا عمري ما كنت هسيبك بالمنظر اللي كنتي فيه دا تروحي لوحدك
إيمان : تسلم يارب
كريم : أهم حاجة بقيتي كويسة دلوقتي ولا لسة بتتوجعي ؟؟
إيمان : لا الحمدلله المسكن اللي جبتهولي روقني كتير
كريم : طيب الحمدلله ، يلا تعالي اوصلك لحد السلم بقا عشان أبقى متطمن عليكي
قام ولف الناحية التانية فتحلها باب العربية ، مسك ايديها ونزلها
ولسة بيتلفتوا على باب البيت .. صالح أبوها واقف
إيمان برقت : بابا ؟
صالح بيقرب منهم ببطئ : انتي بتعملي ايه في عربية صاحب خطيب اختك ؟
إيمان بتوتر : اصل ا...
صالح : اصل اااااايه انطقققي
كريم : مفيش ياعمي انا روحت اخدتها من المستشفى تيجي معايا انا ومروان ندور على رهف عشان هي أختها واكيد تعرف دماغها هاتوديها لفين ، ومروان راح يجيب رهف وانا جيبتها لحد هنا عشان زي ما حضرتك شايف هي تعبانة ومش هينفع ترجع لوحدها
صالح : اممممم
ماشي يابني فيك الخير .. اتفضل اشرب شاي بقا
كريم : الله يخليك ياعمي مفيش وقت والله ، يلا استأذنكم انا بقا
رجع ركب عربيته ومشي ..
🔥🔥🔥🔥🔥🔥🔥🔥🔥🔥🔥
طلع صالح وإيمان على فوق .. إيمان بتتسند على السلم من التعب
صالح : معلش ياايمان على مهلك متجريش انشاله نطلع في ساعة
🔥🔥🔥🔥🔥🔥🔥🔥🔥🔥🔥
حازم فتح باب الشقة ودخل جريت ماجدة عليه
ماجدة : ااايه يابني روحت في ايه وجيت في ايه .. عملت مصيبة ااااايه 😱😱
حازم : وسعي ياما دلوقتي الله يرضي عنك عشان انا عفاريت الدنيا بتتنطط قدامي
دخل وقف قدام أسماء
حازم : انتتتي يازفتتتة
أسماء بتفتح عينيها بخضة : ا... ايه في ايه ياحازم خير
حازم : خير ! وهييجي منين الخير ياحلوة .. بصي بقا تعبانة عيانة بتموتي تقومي دلوقتي تقوليلي ايه اللي حصل بالظبط
ماجدة : يابني حرام عليييك مراتك مش حمل البهدلة ددددي مراتك تعبااانة
حازم : استني انتي يامااا دلوقتي معلش
أسماء : ايه اللي حصل في ااايه ياحازم اقسملك بالله انا ما فاكرة حاجة أصلا .. يااخي دا انا كنت فاقدة الووووعي اتقي الله .. فينك يارهف لو كنتي هنا مكانش جرالي كل دا
حازم : اتقي الله ! بتقوليلي انااااا اتقي الله يااسماء ؟؟؟
بيمسكها من دراعها : فاكراني قُرني يابت دا انا اشيلك من على وش الاررررررض
ولسة بيمد ايده عشان يمسكها بالايد التانية باب الشقة اتفتح ودخل أبوه ووراه إيمان
صالح : جرا ااايه يا حازم ، هتمد ايدك على مراتك الحامل قدامنا ولا ايه ؟؟؟؟
حازم : العفوا يابا بس اللي غلط يتحاسب
صالح : داااا لما يكون غلللط اصلاااااا
انت مريض يابني ؟؟؟
طول عمرك مهووس باللي غلط واللي عمل وانت نفسك مليان اغلاط لأن مفيش حد معصوووم من الخطأ لكن مراتك واحدة شريفة صايناك وصاينة بيتها عااامل حوار ليه
حازم : يعني يرضيك يابا زياد يدخل وي..
صالح : يرضيني ااايه هو انت دخلت شوفتهم في وضع مخل !!!
مراتك كانت بتموت دخل الواد لحقها وجابلها الحكيم عشان حضرتك كنت مشغول عن مراتك في حوارات تانية
فين أم المشكلة هناااا ؟؟؟
حازم بيبص في الارض : ماشي يابا اللي تشوفه
صالح : سيب دراع البت وادخل استحمى نزل من على جتتك وساخة اللي شوفناه طول اليوم اجري
دخل حازم على جوا وهو عفاريت الدنيا بتنط من عيونه .. قرب صالح وقعد جنب أسماء وهي ساندة دماغها وبتعيط
صالح بيطبطب عليها : معلش يابنتي ، معلش
حقك تزعلي منه وتاخدي موقف بس انتي عارفة جوزك ، عصبي وحمقي ومبيستحملش حاجة بس قلبه زي البافتة البيضا
أسماء بتمسح دموعها : لا عادي يابا انا اتعودت منه على كدا .. المهم رهف فين والنبي طمنوني عليها
صالح ملامح وشه بتتغير وبينزل ايده من عليها : بيقول إنها فاقت يابنتي .. ياعالم اللي جاي هيكون عامل ازاي
أسماء : ربنا يسترها عليها يارب
قربت منها إيمان وحضنتها : ألف سلامة عليكي ياحبيبتي .. اوعي تخافي بإذن الله خير وابن أخويا ييجي الدنيا بألف سلامة يارب
ماجدة : الباب بيخبط استنوا أفتح
مروان داخل شايل رهف وهي نايمة
ماجدة : بنتتتتي .. ادخل ادخل يابني
دخل مروان على اوضتها حطها على السرير
جريت عليها ايمان بدأت تبوس فيها وتحاول تفوقها
ماجدة : هي مالها نايمة ليه يامروان !!
وايه الجرح اللي في دماغها دا يابني ؟؟؟؟؟؟؟
تعالوا ياجماعة برا ثواني عشان عايزكم
خرج على برا .. صالح قاعد زي ما هو وجنبه اسماء نايمة تعبانة ، ماجدة وإيمان واقفين
مروان : من ساعة ما لقيتها وهي في الوضع دا ، يااما نايمة يااما مفتحة عينيها وساكتة خالص
جيبتلها الدكتور من شوية قالي عندها صدمة عصبية هي اللي عاملة فيها كل دا
إيمان بخوف : صدمة عصبية !!؛
ماجدة بصوت عالي : يالهوي عليا يالهوي
صالح : اهدددي ياماجدة فيه ااايه هتبدأيلي نواح من دلوقتي
والدكتور قالك ايه الحل يامروان ؟!
مروان : قالي لازم نحاول بأي طريقة نستفز مخها بحاجة تجبر الوعي إنه يشتغل وترجع تتكلم وتعيش بصورة طبيعية
إيمان : ياحبيبتي ياختي ، ايه اللي بيحصلك دا بس
صالح : انا مفهمش في الدلع دا ، الحاجة الوحيدة اللي فاهمها دلوقتي إن الفرح هيتعمل يوم الجمعة تحت ااااي ظرف حتى لو اضطرينا نعمله وهي كدا
إيمان : ازاي يعني يابابا
صالح : محدددددش يناقشني في حاجة .. دا قرار واتاخد وخلصنا
قام دخل على اوضته وقفل على نفسه
مروان : ماشي ياجماعة انا هضطر أروح انا عشان ورايا حاجات كتير محتاج أعملها قبل الفرح .. خدي بالك من اختك ياايمان
عن اذنكم
*فتح الباب ونزل على تحت *
🔥🔥🔥🔥🔥🔥🔥🔥🔥🔥🔥
وصل كريم شقته ، طلع المفتاح وفتح باب الشقة ودخل .. بسمة مراته قاعدة على الكنبة قدام التليفزيون
كريم : سلام عليكم
بيبوسها من خدها : وحشتيني ياروحي
بسمة بتبصله بقرف : نعم ؟
كريم : في ايه يابسمة بقولك وحشتني .. حاجة حلوة يعني مش وحشة 😂😂
بسمة : اصل كلمة وحشتك دي معناها إني كنت في بالك ، والصراحة بقا انا لو عيلة صغيرة مش هصدق دا
كريم : بسمة ياحبيبتي .. ما تيجي نردم بقا على اللي فات وننساه ونفتح صفحة جديدة مع بعض
يابسمة انا بحبك وبتدايق كل مرة نتخانق فيها عشان انا مش عاووووز أبعد عنك
بسمة بتتعدل : هي تصرفاتك دي تصرفات واحد مش عاوز يبعد ياكريم ؟؟؟
دا انت بتدور علي الحاجات اللي تغيظني وتعملها
كريم : بسمة انا كنت داخل داخلة رومانسيه وبحاول افك الجو بس واضح ان دا مش على مزاجك
بس لو هنتكلم في اللي يغيظ فانا ربنا يعلم بقيت طول الوقت بحاول أتجنب أي حاجة ممكن تزعلك وانتي مفيش أي حاجة بترضيكي
بسمة : عشان قرفااااانة من الحياة والعيشة السودا دي
كريم : استغفر الله العظيم ، ليه كدا يابسمة
ليه عيشة سودا احنا لازم نقول الحمدلله علي كل حال ياحبيبتي مش نتمرد بالطريقة دي
بسمة : ايوة أيوة اعملها فيها شيخ اوي ياخويا
كريم : امممم .. واضح إن الكلام معاكي مفيش منه فايدة ، انا يومي كان طويل وراجع تعبان وعايز أنام الصراحة
تصبحي علي خير
بيلف عشان يدخل على اوضة النوم
بسمة بتقوم تقف : ايه دا تعالي تعالي كدا
كريم : ايه في ايه
بسمة بتلفه لورا شافت حاجة بينك على القميص
بسمة : ايه اللي في قميصك دا ياكريم !!
كريم : ايه اللي في قميصي مش فاهم ؟
بسمة : دا رووووچ ياكريم !!
كريم : ايه اللي هيجيب روج علي القميص انتي اتجننتي يابسم...
🔥فجأة عمل فلاش باك 🔥
إيمان واقعة في الأرض وعمالة تعيط من وجع الوقعة ، نزل بسرعة شالها عشان يطلعها .. وهو شايلها بتتعدل بوقها جه على القميص من غير ما تقصد
لا هو حس ، ولا هي أخدت بالها
🔥رجع من الفلاش باك بسرعة🔥
بسمة : هااااا .. مش لاقي حاجة تقولها صح ؟؟؟
كريم : بسمة الموضوع مش زي مانتي فاكرة كدا خااالص
بسمة : انا استحملت منك كتير اوي .. بس توصل للخيانة كمان !
لا كدا كتير ياكريم
سابته ودخلت جري على اوضتها ، قفلت الباب عليها بالمفتاح ودخلت تلم هدومها
كريم واقف يرزع ع الباب من برا
كريم : بسسسسسمة اللي بتعمليه دا مش صح ، انتي فاهمة الموضوع كللللله غلط .. ع الأقل اديني فرصة اشرحلك
بسمة سامعاه ومش عايزة ترد وبتكمل لم في الهدوم
🔥🔥🔥🔥🔥🔥🔥🔥🔥🔥🔥
*في بيت رهف *
إيمان : بقولكو ايه انا مستنياها تصحى من بدري مفيش فايدة ، هدخل اصحيها انا
ماجدة : لا ياايمان أختك اكيد تعبانة وعمالة تلف بقالها يومين .. وحتى لو صحيتيها ايه اللي هيتغير يابنتي ؟
مانتي سمعتي مروان بيقولك صدمة عصبية ولا بتتكلم ولا بتتحرك .. يعني بالبلدي كدا صنم
إيمان بدأت عينيها تدمع وتعيط من قلة حيلتها
*في أوضة رهف *
رهف نايمة .. سمعت صوت رسالة واتس جات علي تليفونها والغريب !!!
إنها قامت قعدت .. مسكت الفون
فتحت الرسالة 💥🔥🔥
🔥❤️ البارت السابع ❤️🔥
قامت رهف مسكت الفون فتحت الرسالة ..
اللي مبعوته من نفس الرقم اللي بعت الرسالة اللي جاتلها وهي خارجة من معمل التحاليل
" صدمة عصبية 😳 لا لا يارهوف اجمدي كدا دا لسة اللي جاي أحلى 😉
وبعدين التعصب والزعل دا غلط على اللي في بطنك بردو .. خلي صدرك رحب كدا واستقبلي كل اللي جاي بابتسامة
انتي صحيح مبتتكلميش بس أكيد دماغك شغالة وهتفكر دلوقتي وتتسائل ياترى مين دا وازاي يعرف عني كل التفاصيل دي !!
انا مين دي خليها مفاجأة ، بس احب اعرفك إني اقربلك من نفسك اللي بتتتفسيه يارهف .. تقدري تقولي كدا *قرينك* "
مدتش أي رد فعل كالعادة .. سابت الفون من ايديها ورجعت تنام تاني
🔥🔥🔥🔥🔥🔥🔥🔥🔥🔥🔥
خرجت بسمة من الأوضة بشنطة هدومها
كريم : بسمة اللي بتعمليه دا غلللط .. بقولهالك لآخر مرة يابنت الناس ، لو باقية عليا اسمعيني
بسمة بتوقف الشنطة جنبها وبتبصله : دا لو كنت باقية بقا .. لكن انا من النهاردة مش باقية غير على نفسي وبس .. سلام
كريم بخذلان : كدا ؟
ماشي يابسمة .. على راحتك
مفتاح عربيتي متعلق في الصندوق اللي جنب الباب خدي العربية عشان متركبيش مواصلات في الوقت دا
خرجت بسمة على برا ، اخدت مفتاح العربية والشنطة ونزلت على تحت
🔥🔥🔥🔥🔥🔥🔥🔥🔥🔥🔥
*في عربية مروان *
مروان وصل قدام البيت .. وقف العربية ، سند دماغه على الدريكسيون شوية
عدل دماغه تاني .. بدأ يفتكر كل حاجة كانت بينه وبين رهف ، كل موقف حلو ، كل كلمة حلوة اتقالت منه ليها أو العكس ، يفتكر وشها البريئ وضحكتها اللي كانت دايمل تسهل أي صعب .. يفتكر كل موقف جمعهم سوا وقربلهم لبعض
ووسط دا كله ..
🔥فلاش باك 🔥
الدكتور : مراتك حامل يامروان
🔥رجع من الفلاش باك 🔥
دب على الدريكسيون وبصوت عالي : اااااااااااه ياقلبي .. نااااااار ياامي نار
نار بتحرق قلبي ، مش قادر استحمل الإحساس دا ، مش قادر ياامي .. ياريتك كنتي موجودة كنت اترميت في حضنك وشكيتلك همي
بيسند راسه تاني عىى الدريكسيون : ياريتك ياامي
وبعد خمس دقايق فتح باب العربية وخرج .. طلع على فوق
رن جرس باب
فتحله أبوه
جاد : يااه حمدالله على السلامه يابني
دخل مروان اخده بالحضن
مروان : وحشتني اوي يابابا
جاد بيحضنه وبيطبطب عليه : مالك يابني فيك ايه بقالك يومين
مروان : اه لو تعرف اللي حصل لابنك ياحج جاد
جاد : ااايه اللي حصل يابني تعالي ادخل احكيلي
دخل مروان ووراه جاد
مروان : هحكيلك اللي حصل
🔥🔥🔥🔥🔥🔥🔥🔥🔥🔥🔥
رهف ماشية في جنينة بتشم ريحة الورد وشها منور بنور النهار والشمس اللي بتحضن المكان .. وفجأة دخل شخص من وراها حط بلاستر على بوقها
لف على رقابتها حبل وبدأ يخنق فيها .. حاولت تستغيث بكل الطرق وهو يخنق فيها زيادة
وقعت على الأرض وبدأت تطلع في الروح
وفجأة ..
الروح اتردت فيها تاني ، بصت وراها
لا لقت الراجل .. ولا لقت الحبل 💥
صحيت رهف من نوم بتصرخ بعلو صوتها
إيمان بتفتح باب أوضة رهف وداخلة تجري ..
إيمان : ايه ايه مالك يارهف في ايه
دخلت حضنتها جامد : أخيراً صرختي وعملتي رد فعل لأي حاجة
رهف سكتت ورجعت زي ما هي وحتى مش بترفع دراعاتها تحضنها هي كمان .. إيمان استغربت ، بعدت عنها وهي عينيها مدمعة
إيمان : بردو يارهف يارهف؟
معنى كدا إن كلامهم كان صح !
استسلمتي ورفضتي الدنيا باللي فيها .. طب ليه يارهف ؟
دا احنا طول عمرنا زي التؤام مع بعض ع الحلوة وع المرة واخدين عهد إن مهما حصل محدش فينا يقع
ليه محسساني إني دي أقوى ضربة خدتيها على دماغك !!
ما ياما خدتي ضربات أقوى من كدا بكتير يارهف ... انا وانتي عيشنا اللي محدش عاشه وشوفنا اللي محدش شافه وياما اتعذبنا واتألمنا واتبهدلنا وكنتي دايما بعد كل واقعة لينا تقوينا بروحك الحلوة والقوية اللي كانت بترفض الاستسلام .. اشمعنا المرة دي يارهف ؟
اشمعنا وانتي اكتر واحدة واثقة من براءة نفسها
ووقتها اتفاجئت إيمان إن رهف بترفع دماغها وبتبص في عين إيمان
إيمان : رهف انتي بصيتيلي بجد 😳 يعني انتي سمعاني اهو .. سامعاني وحاسة بيا وواعية للي بقوله اهوووو
رههههههف اتكلمي طيب ياحبيبتي ، اتكلمي قوليلي فيكي ايه .. ايه اللي موصلك للحالة دي ، طيب قوليلي كنتي فين ع الأقل طول المدة اللي اختفيتي فيها
اكيد شوفتي او عرفتي حاجة عملت فيكي كدا
رهف نزلت عينيها تاني زي ما كانت .. قامت إيمان وبدأت تدور حواليها على أي حاجة تعرفها رهف كانت فين مش لاقية ، بدأت تدور في جيوبها وفجأة ..
طلعت من جيبها اليمين ورقة ، فتحت الورقة لقيتها ورقة اختبار الحمل
اول ما شافت كلمة *بوزيتيڤ* برقت ، رجعت لورا من صدمتها .. سابت الورقة من ايديها وقعدت على السرير
إيمان : ازاي ؟؟
ازاي ياربي !
بتبص لرهف : ازاي دا انا طول الوقت معاكي يارهف حصل ازاااااي
ماجدة بتفتح الباب وداخلة : مالك ياايمان بتصوتي ليه .. وايه الورقة اللي في ايدك دي
إيمان حاولت تخبيها بسرعة ورا ضهرها راحت ماجدة واخداها منها بالعافية وبصت فيها
ماجدة : معناته ايه الكلام دا يابت انا مش فاهمة حاجة
إيمان : مفيش ياماما انا كمان مفهمتش بردو
ماجدة: انتي هتشتغليني يابت !
اومال علام ايه اللي كنتو بتتعلموه لو مش هتفهمو انجليزي ، وبعدين انتي لو متعرفيش مكانش زمانك واخدة في وشك كدا .. انطقي فيه ايه
إيمان : ياماما خلاص بقا منا قولتلك معرفش مكتوب فيها اااايه
ماجدة : طب قسما عظما لو ماقولتي لادخل اوريها لحازم اخوكي يفهمني اللي فيها وافتح عليكي نار جهنم بقا
إيمان : لا لا لا أبوس ايدك ياامي خلاص .. اللي مكتوب إن رهف حامل فعلاً ياماما
ماجدة بتخبط على صدرها : ياحوستي ..
ياحوستي السودا ياحوستي ، ايه اللي بتقوليه دا يابت ؟!
انتي مش كنتي لسة بتقوليلي في المستشفى مستحييييل يكون الكلام دا صح !!
إيمان : هو فعلاً مستحيل ياامي لكن الكلام اللي انا شايفاه دا غريب اوي
ماجدة بتبص لرهف بحسرة : ياخسارتك يابنتي ، ياخسارتك
إيمان : دخلت عليها وهي بتصرخ بعلو صوتها .. تقريباً كانت في كابوس
ماجدة : وايه المشكلة ؟
عايزاها في وقت زي دا متشوفش كوابيس يعني !!
إيمان : ماما انتي عارفة كويس إن رهف إحساسها عالي في الحاجات دي ، من يوم مااتولدت لحد النهاردة مشافتش كابوس غير في حالتين
يااما حاجة حصلتلها قبل كدا مأثرة عليها ، يا حاجة هتحصل او بتحصل ياماما
ماجدة : أيوة يعني دا معناه ايه ؟
إيمان : معناه إن فيه حاجة بتحصل او هتحصل واحنا مش حاسين ، فيه خطر على رهف
ماجدة : ربنا يسترها يابنتي ، ربنا يسترها
خرجت من الأوضة .. نزلت إيمان قعدت في الأرض وسندت دماغها ع الحيطة
🔥🔥🔥🔥🔥🔥🔥🔥🔥🔥🔥
زياد في المستشفى مع أحلام أمه .. الدكتور خلص كشف عليها واخد زياد برا الأوضة
زياد : ايه يادكتور طمني ، أمي مش عارفة تتحرك كويس ليه من ساعة ما فاقت !!
الدكتور : مبدأيا كدا .. هي والدتك كان عندها مشكلة في القلب أو حاجة ؟
زياد : اه عندها القلب من فترة طويلة
الدكتور : امممم .. طيب انا عاوزك تمسك أعصابك شوية بس
والدتك غالباً اتعرضت لضغط نفسي شديد أو حاجة تشبه كدا ، ودا اتسبب إن جالها جلطة و....
زياد بزعر : يانهار ازرق جلطة !!!!!
الدكتور : استني بس هي الحمدللللله جلطة خفيفة وبما إنك جيت بسرعة ولحقتها قدرنا نخففها على قد مانقدر ، طبعاً لولا حالة الطوارئ اللي جت قبلها وسحبت الوقت كنا ممكن نلحق الموقف وميكونش فيه جلطة أصلا بس النصيب جه كدا
زياد : أيوة يعني الجلطة دي فين ولا دا هيعمل ايه بعد كدا
الدكتور : في ايديها ورجليها الشمال والحمدلله مكانتش لسة وصلت للمخ .. ومش عايزك تقلق خالص الفترة دي هنشتغل على العلاج الطبيعي وبإذن الله الجلطة دي تفك وترجع لطبيعتها
زياد : أيوة يعني ممكن ترجع في خلال قد ايه ؟؟
الدكتور : مكدبش عليك الحاجات دي مش بيتحددلها وقت لأن أغلب الحالات بتطول او مش بترجع تاني بس انا بقولك حالة والدتك فيها أمل عشان لحقناها ، فباذن الله هنعمل اللي ربنا يقدرنا عليه .. ألف سلامة
حجة أحلام هتضطر تقعد معانا فترة كدا تحت الملاحظة وبإذن الله اول ما الحالة تستقر تقدر تاخدها وتروح
سابه الدكتور ودخل علي جوا
زياد : ماشي ياحازم الكلب ، لو مبكيتكش بدل الدموع دم مبقاش استاهل أبقى إبن الست اللي جوا دي
فرحان أوي بفرح أختك اللي قرب صح ؟
لو مخلتهوش اسود يوم في حياتك مبقاش استاهل اكون ابن الست اللي جوا دي
🔥🔥🔥🔥🔥🔥🔥🔥🔥🔥🔥
مروان : دا كل اللي حصل من امبارح للنهاردة يابابا
جاد : ياخسارة تربيتي فيك يامروان !
مروان : ليه يابابا انا عملت ايه يعني ، هي اللي خاينة مش انا بتحاسبني ليه
جاد : انا مش بحاسبك عشان هي خاينة
انا بحاسبك عشان كلمة خاينة دي نفسها
مروان : مش فاهمك ؟!
جاد : مروان الراجل اللي انا ربيته يقدر يميز بين الصح والغلط .. ولما يثق في واحدة لدرجة انه يحبها ويخطبها ويتجوززززها كمان يبقى حتى لو سمع بودانه لو حتى شاف بعيننننه ميصدقش غير إن خطيبته اللي هي اصلا مراته شريفة وأشرف من الشرف
مروان : انت عايزني أعمل ايه لما أعرف خبر زي دا من دكتور موثوق يعني ياحج
جاد : إذا كان اناااا اللي حماها مش جوزها ولا أعرفها زيك عمري ماصدق عنها كدا !
مروان : اومال اللي حصل دا هيحصل ازاااااي يعني يابابا !!! عفريت مثلاً
جاد : جايز يابني يكون حد غصبها ، اغتصبها ، هددها ، خدرها
مسميات كتييييير اوي مهمتك دلوقتي تحدد هي أنهي مسمى فيهم
لكن تقف زي الخايب تقولها انتي خاينة وانتي وانتي يبقى انتتتتت اللي خاين يابني ، لما تكون واحدة مآمناك علي حياتها وصايناك وصاينة علاقتكو وتشك فيها يبقى انت اللي خونت علاقتك بيها وعشرتك ليها
مروان بيحط ايده على دماغه : انا هتجنن اقسم بالله .. هتجنن بجد ومش عارف أعمل ايه
جاد : انا اقولك هتعمل ايه .. هتنزل دلوقتي شقتك تحاسب النقاش وتتأكد إن الشقة اتشطبت ، هتتوضى وتصلي فيها ٤ ركعات ، اتنين شكر لله إنك شطبت شقتك على خير ، واتنين استخارة يابني عشان ربنا يخرجك من حيرتك دي على خير ، يلا قوم
مروان : حاضر يابابا .. عن إذنك
قام نزل على شقته
🔥🔥🔥🔥🔥🔥🔥🔥🔥🔥🔥
حاسب مروان النقاش ومشاه .. اتوضى وصلى ، بدأ يتمشي في الشقة يتفرج عليها وعلى كل تفصيلة اختارتها رهف بذوقها
تليفونه رن رقم غريب
مروان : الو سلام عليكم
= عليكم السلام .. مبدأيا كدا ألف مبروك
استغرب مروان لأن بكونه مهندس كمبيوتر قدر يعرف إن اللي بيكلمه مغير صوته ببرنامج صوتيات
مروان : مين معاياااا ؟
= لقيتك رايح جاي في الشقة متأثر اوي فقولت اسألك سؤال .. ياترى جهزت أوضة للضيف اللي هييجي ينور بيتك مع مراتك كل يوم لما تنزل تروح الشغل ؟؟