__حصاد شمس الأنصاري
بقلم مها عيسى
(الفصل الثالثة)
إيهاب /في غرفته وعلى آخره بسبب كلام والده له
يأتي له أتصال يكمل عليه أصلها ناقصه
إيهاب /الو...... ازيك يا " سحر" ايه أخبارك
غريبه إنك تتصلي بيا... احمم قصدي ياعني من أيام
الجامعه محصلش بينا كلام
سحر /إزيك يا باشمهندس..... معلش إني بتصل بيك
دا عشان انت تهمني و"مني" صاحبة عمري.....
وامركم يهمني....
إيهاب / ماتلخصي ياسيتي ايه كمية الاهتمامات دي
وعموماً شكراً ياسيتي امممم
سحر /إيهاب..... أنا عارفه انت بتحب " مني "
اد اي وهي كمان روحها فيك فالما أحس بخطر
يقرب للحب ده لازم أدخل مينفعش أسكت اكتر من كده
إيهاب / بقلق..... فيه ايه يا سحر قلقتيني
سحر / بصراحة كدا يا "إيهاب" .... منى " متقدم لها
عريس والمره دي غير كل مره أولاً جاي عن طريق
مرات عمها وهي مقتنعه بيه ع الآخر وفرضاه عليها
ثانياً عريس لقته ومفهوش غلطه....
إيهاب / يثير بغضب....... انتي ايه اللي بتقوليه دا
وبعدين هي كان أتقدم لها حد تاني قبل كدا
منى... عمرها ما جابت لي سيرة حاجه زي كده
سحر / عشان بتحبك..... اوي أتقدم لها كتير وهي مكنتش
بتعرفك عشان متزعلكش،،،، وأنك كنت لسه ف الدراسه
ومينفعش تطلب منك ارتباط ف الوقت ده....
لكن دلوقت خلاص انت اتخرجت وكمان هتعمل
مشروع وتبدأ حياتك ياعني ممكن تعملو خطوبه بس
وبراحتك بقه أما تظبط دنيتك تبقو تتجوزو
المهم تنقذها من الحاله اللي هي فيها..... دى يا حبيبتي
مبتنمش من كتر التفكير ومن الخوف لحسن لا قدر الله
تتحرم منك والله يا إيهاب... حالتها توجع القلب
ومش مبطله عياط........بقلم مها عيسى
إيهاب / طب اقفلي دلوقت يا "سحر ".....
وقفل دون انتظار رد...
واتصل على " منى" .....
(لا حولا ولا قوة الا بالله العلي العظيم)
منى / الو........
إيهاب / بغضب...... انتي ازاي يا هانم يحصل معاكي
كل دا ومتقوليش ممكن أعرف بقه انا بالنسبه لك ايه
مني / بعياط.... أنت لسه بتسأل يا "إيهاب "..... أنت
بالنسبه لي ايه،،، طيب يا باشمهندس انا هاقولك
انت بالنسبالي أمل بكره اللي انا عايشه عليه،،،
حلم حياتي إللي بنام واصحى بيه،،،،،،
انت الهوى اللي بتنفسه،،،،، انت الحب اللي بعشقه
انت كل دنيتي ومن غيرك ميكونش ليا دنيا،،،،
انت الحلم اللي بحلم أمتي يتحقق عشان انت أماني،،،
انت الحاجه الوحيده الحلوه ف حياتي،،،،،
اللي مهونه عليا اللي انا فيه وبستنا اليوم اللي يجمعنا
عشان ارتاح واعيش بأمانك وحمايتك ورعايتك......
تحت ظلك وحنانك......... مش تتعصب عليا وانا ربنا
لوحده هو اللي عالم بحالي شكله اي........
(لا إله إلا الله)
وظلت تبكي بشده وشهقات بكائها تقطع ف قلب
إيهاب..... فاهو يتحمل كل شيء إلا دموع حبيبته
إيهاب / صوت عالي متألم.... بسسسس كفايه
اوعي اسمعك تعيطي تاني انتي فاهمه
انتي مش عارفه دموعك دي بتعمل فيا ايه....
بس ياروح قلبي كان لازم تعرفيني مستنيه ايه لما
فجأه أصحى الصبح القيكي مخطوبه لحد غيري
دا مستحيل دانا اموته وأموت أي حد مشي ف الجوازه
دي..... انتي فاهمه........بقلم مها عيسى
وبحنان...... ليه يا حبيبي تشيلي الهم دا لوحدك
ليه واحنا متعهدين اننا نشارك بعض فكل حاجة
طب خلاص عشان خاطري متعيطيش تاني....
انا عمري ما أقدر اسامح نفسي لو عياطي وانا عايش
(استغفرالله العظيم واتوب اليه)
قفل معاها وهو في قمة غضبه وهو يتخيل بكائها
وأد ايه عانت وحزنت وعاشت حزنها لوحدها
يقوم مره واحده وهو ينظر للمرأه لييييه.... لييييه
نافع / انتي بتقولي ايه يا ام إيهاب.....
إيهاب..... بيحب طب مقلش مين
الأم / هو انا بس ك......... يقاطعهم دخول ابنهم عليهم
وهو بحاله لا يحسد عليها......... ليتفاجئو هما الاتنين
إيهاب / بابا.... أنا موافق إني اتجوز
نافع / بمكر..... مش فاهم عايز تتجوز بنت عمك ياعني
إيهاب / بعصبيه..... بنت عمي ايه بس يابابا....
ياخد نفس ويقعد أمامهم...... أنا بحب بنت من اول
يوم بالجامعه ومش هاقدر اتجوز غيرها ولو حكم
يبقه الموت عندي أهون من اني أكون مع حد غيرها
او ان هي تكون لحد تاني.......
والده / هههههه يااه للدرجادي طيب بس بس
هادي نفسك شويه خلاص اي اللي معصبك اوي كدا
ماشي يا عم شوف الوقت اللي يناسبك ونروح تخطبها
إيهاب / بفرحه..... بجد يابابا هه..... بس ياعني حضرتك
نافع / قصدك ياعني حوار بنت عمك دا... هه
انا كل ال يهمني سعادتك انت ياحبيبي......
الأم / بفرحه....... تعالي ف حضني يا حبيبي هههههه
أخيراً هافرح بيك واشوفك عريس يابني
إيهاب... حضنها بحب وقبل رأسها وقبل رأس والده
وبحب...... ربنا يخليكو ليا ومتحرمش منكم أبداً
نافع / ولا منك يا حبيبي اممم عايزنا نروح تخطبها
امتى بقه......بقلم مها عيسى
إيهاب / بلهفه..... النهارده
والده ووالدته ينظرون لبعض ويترشقو م الضحك
نافع / ياااه بالسرعة دي... دانت واقع بقه هههههه
إيهاب / بابتسامة لأ مش كدا يا بابا بس هو...
اصل متقدم ليها عريس وشكل عليتها كدا موفقين
عليه.... أصله جاي عن طريق المحروسه مرات عمها
بصو انا هاحكلكم كل حاجة عنها وعن ظروفها
.................................
_____لا إله إلا الله وحده لا شريك له له الملك وله الحمد وهو على كل شيء قدير ______________
شمس / بفرحه..... معقول يا بابا موافق تديني
فلوس انا متشكر جدا جدا يا بابا
ثابت / لأ متشكر كدا حاف متلزمنبش...... بص بقه
انا مش هطمن لك ولا هاطمن عليك وعلى فلوسي إلا
اذا عقلت...... اممم والعقل دا بقه ازاي... قولتلي انت
بقه ازاي.... إنك تتجوز.... وانا اخترت لك العروسه
شمس / إيه اتجوز.... وكمان أخترت العروسه وانا اي بقه
مليش رأي...... أنت بتزل فيا كدا ليه حرام عليك
اللي بتعمله معايا دانا إبنك . مها عيسى
ثابت / اي كلامك دا يا ولد...... احترم نفسك
وهو انا هاختار لك أي عروسه دي بتكون بنت
وزير سابق ورجل أعمال من أكبر رجال الأعمال بمصر
أدعي ربنا بس انهم يوافقو عليك.......
شمس /بتفكير...وليه لأ دا حتى الواحد يكبر بسرعه
وساعتها أكون قادر اخليكي ملكي يا " منى" يا منة عيني
خلآص يا بابا اللي حضرتك تشوفو انا تحت امرك
ثابت / هو دا الكلام...... يلا روح انت وانا هاتصل
بوالدها أطلب منه ميعاد نروحله فيه......
_--___سبحآن الله الذي بيده الملك وهو على كل شيء قدير ___________:_____________:______
أمام منزل "منى"...... يقف.. إيهاب... وهو يعدل ملابسه
ومعه والده ويرنو جرس الباب....... فهم اخذو ميعاد
سابق لحضورهم من عم.. منى
عم مني / أهلاً أهلاً... اتفضلو وبعد ما دخلو وشربو
حاجة وتعرفو على بعض
نافع / احمم طبعا يا أستاذ" محمد "..... حضرتك عندك
فكره عن حضورنا النهارده.... وانا الصراحه يشرفني
إني أطلب أيد بنت اخو حضرتك لابننا "إيهاب"
وأكيد طبعاً بنتي "منى" كلمتك عنه وأد ايه هو
إنسان ملتزم وخلوق... احمم اما بقه من جهة مستقبلهم
مع بعض فأنا بحمد الله كنت محوش قرشين كدا
على جنب عشان ابني يفتح بيهم مشروع ويأسس
بيهم حياته.......
والحمد لله الحاله متيسره وماشيه والحمدالله
امم قولت اي ياابو "منى".....ماهو أكيد حضرتك
دلوقت ف مقام والدها وأكيد أهم حاجة عندك
سعادة بنتك وأنها تكون مع الراجل اللي اخطرته
ولا ايه.....
محمد / أكيد طبعاً ربنا العالم.. منى.. دى عندي ايه
دي أغلى من عيالي وربنا يسعدها انا حاسس بصراحه
أنها مياله لل باشمهندس.... ودي حياتها وانا مقدرش
أقف ف طريقها..... ولا طريق سعادتها
لحظه هنادي "منى"... وبعد كده ربنا يعمل اللي فيه الخير
نده عليها ودخلت.. منى..... ألقت عليهم السلام
وسلمت وجلست بجانب عمها مقابل.. إيهاب....
الذي تنح أول ما شافها وكانه يراها لأول مرة فاهي
ف قمة جمالها وشيكتها.......
نافع / بسم الله تبارك الله..... يا "منى" يابنتي
لا من حقك يا باشمهندس تخرب الدنيا عشانها هههههه
منى / بخجل وابتسامة رقيقه طايرت عقل.. إيهاب
مرسي يا عمو دا من ذوق حضرتك
نافع /بابتسامة..... لأ دي مش مجمله دي أقل م الحقيقه
احمم طيب إحنا يا "مني" يابنتي طلبنا إيدك من
عمك الأستاذ محمد....... فا ايه رأيك عجبك الواد
ده ولا لأ... وعلى فكره لو معجبش انا موجود
اوعي يغرك الشوايه الشعر البيض دول لأ دا انا أعجبك
اوي.... وبهمس.... وعلى فكره الواد بيعمل صوت
وهو نايم انا قولت بردو اخليكي على نور إنما أنا بقه
بلسم كدا مقولكيش........
(سبحان الله وبحمده سبحان الله العظيم)
إيهاب / احمم..... فيه اي يا حجوج إحنا هانقطع
على بعض ولا إيه.. ....
الكل.. هههههههه..... بقلم مها عيسى
محمد / بضحك.. اممم اي رأيك يا بنتي
منى / بكسوف وهي تنظر بالأرض..... إللي حضرتك
تشوفو ياعمو....
محمد / بضحك اهما بنات اليومين دول كدا يقولك
إللي تشوفو وهما اصلاً واخدين قرارهم ووثفين اننا
هانفذ غصب عننا هههههه
على خيرة الله....... أنا شايف ان مني... موافقه
وانا ردي انا.......................ليفاجئو بدخول
= مش موافق طبعاً............
------------------------------اللهم لك الحمد والشكر
في فيلا (إسماعيل الحوتي)......بقلم مها عيسى
إسماعيل / بكبر.... اهلا يا "ثابت" منورين
ازيك يا...... شمس..... مش.."شمس" بردو
شمس /بغيظ مخفي........ احمم تمام سيادتك
ازي حضرتك....
اسماعيل / يكتفى بهز رأسه ثم ينقل نظره ل.. ثابت
اممممم طيب يا ثابت " ولو حصل نصيب ان شاء الله
هايعيشو فين........
ثابت / اتفاجأ بسؤاله.... احممم اللي تأمر بيه
إسماعيل باشا....
إسماعيل / امممم طيب.... ونادي على إحدى الخادمات
روحي اندهي (سالي) هانم قوللها الضيوف وصلو
البنت / حاضر يا فندم.... بقلم مها عيسى
وخلال حديثهم مع بعض تنزل" سالي "الدرج ليرفع
شمس..... برأسه وينبهر مما يراه...... بنت ف قمة الجمال
شقره وشعرها طويل وقوام جميل وعيون جذابه
ياعني حاجة كدا من الآخر....... فتح فمه من الانبهار
قاق على صوت والده.......
(اللهم صل وسلم على نبينا محمد وعلى آله وصحبه أجمعين)
ثابت / بسم الله ماشاء الله.......ايه الجمال ده كله
سالي / هاي..... وهي تجلس.... مرسي يا عمو
وتنظر ل شمس... بطرف عينها
ثابت / بابتسامة.... يابختك يا سي "شمس"
مكتوبالك...... هتقوم م النوم تصتبح بوش القمر ده
شكل حظك هايكون أحسن من حظ ابوك........
إلا أنا ف المرتين كان حظي نحس....
أسماعيل / هههههههه متقولش كده فين أم فؤاد
تسمعك هههههه الا كانت علقتك ف النجفه اللي فوق
دي واحنا مينبناش من الجوازه دي الا خراب النجفه
ثابت..... هههههههه....... وشمس.... وسط توهانه
ياخد باله منهم ويضحك من باب المجامله
وف نفسه ولا شكل الدنيا بدأت تضحك لك يا واد
يا شمس...... ياعني فلوس وكمان بنت زي القمر كدا
مره واحده...... لااااا انا حاسس اني بحلم
ثابت / طيب على خيرة الله........ رأيك ايه يا سالي
يا بنتي ف ابننا.......
سالي / وهي تنظر له من فوق لتحت...... مش بطال
قصدي اللي بابي يشوفه......
ثابت..... /قولت اي يا باشا
إسماعيل / براحه يا "ثابت" انت مستعجل ليه
هما كدا شافو بعض ادينا أسبوعين ونرد عليك