غرام أحفاد الشيطان
الفصل الواحد والثلاثون والاخير
🌺🌸🌺🌸🌺🌸🌺🌸🌺🌸🌺🌸🌺
في قصر الشرقاوي
في جناح آيان
كانت تنام بحضنه وتمسك تيشيرته بقوة وتغمض عيناه اما هو يعلم انها مستيقظة لكنه لا يرد ان يضايقها خصوصا انه يري ان حالتها سيئة جدا
آيان بمشاكسه : شكلها نامت اما اقوم اكلم حبيبتي بقا
وحاول ان يبعد يدها فوجدها تتحدث ومازالت مغمضه
لين : نام يا حبيبي ربنا يهديك ومثل غيرها جاي لآكتر حد بيثق فيك
آيان : طيب ممكن تفتحي وتكلميني
لين : لا مش عايزة افتح
آيان : لين لازم نتكلم
لين : آيان هو سؤال بتحبني وعايزني ولا لا
آيان : ودا سؤال انتي عارفة اني بعشقك
لين : خلصت خلاص سبني انام
حاوط خصرها اكثر ورفعها فوقة ثم جلس وسند علي ظهر السرير ومشي إبهامه علي وجهها
آيان : فتحي يا حبيبتي عشان خاطري
فتحت عيناها وياليتها لم تفعل ربما من يراها يظن ان لا شئ بها انما هو معشوقها يعرف
آيان : سمعيني فيكي يا حبيبتي
لين : مفيش ممكن انام
آيان : يا رب اموت لو مقولتيش
وجدها تطوق عنقه وتحضنه بخوف
لين : اخس عليك يا آيان بعيد الشر عنك فيا ايه فيا اني خايفه تسبني وانت بتدعي علي نفسك عشان تسبني
آيان : عيطي يا لين انا جنبك عيطي بقا وابعدي الخنقة دي عن نفسك
لين : انا كويسة
آيان : لين مش عليا
دفنت وجهها بعنقه وطوقته اكثر فشعر بدموعها طول خصرها بيد والاخري يمسد علي ظهرها فأنفجرت باكية بكل قوتها حتي ان بكائها كان اشبة بالصراخ وضربته علي كتفه بقبضتها تفرغ ما بداخلها فتجمعت دموعه وهو يزيد من ضمها اه لو تعلم انها كل حياته
****************
في جناح عدي
عدي بعصبية : وانا هجري وراكي بالأكل يا هانم اتفضلي كلي
عين : وربنا شبعت انا هكذب
عدي بعصبية اكثر : عييين اترزعي وكملي اكل
جلست بدموع متجمعه واكملت طعام رغما عنها
عين بنبرة مخنوقه : كدة خلاص واللهي شبعت اوي
عدي بحدة : قومي اغسلي وانا نازل مشوار
عين : اد ايه
عدي : بتاع ساعتين كدة
عين : وهتسبني ساعتين قاعدة لوحدي
عدي : انتي مش عيلة
وحمل الصنية ونزل تمردت دموعها بكت وذهبت غسلت وتمددت علي السرير تبكي كالطفلة الصغيرة بينما هو دخل فلم يذهب وحين وجدها تبكي هكذا ضرب كف بكف
عدي بتمتمه : ظلموكي لما خلوكي ام خمسة وعشرين سنه قال
وذهب حملها ثم جلس وهي بحضنه علي فخذة فحضنته
عين ببكاء : متكلمنيش انا مخصماك
عدي : طيب حضناني ليه
عين : ملكش دعوة
عدي بحزن مصطنع : بقي كدة
عين وهي تبعد : متزعلش حقك عليا
انفجر ضاحكا عليها وحضنها فبادلته بحب
عدي : سؤال بسيط
عين : اممم
عدي : عندك كم سنه
عين : خمسة وعشرين ليه
عدي : خمسة وكام هما يا خمس يا سبع سنين مش اكتر واللهي مستخسر اقول خمستاشر اظلمك واكبرك
عين : نعم دا انا عندي ولد طولي انت بتتكلم ازاي
عدي بوقاحة : ماشي يا عديمة الإمكانيات
عين وهي تبعد عنه : عددددي
عدي : يخربيت عدي وسنينه هو في حلاوة كدة يا ناس
عين : للمرة المليون بقولك انت قليل الادب
عدي معها : انت قليل الادب حفظت ممكن بوسه من الشفايف
عين : لا لأن انت بتأكلني غصب عني بعدين انا عايزة ارجع انزل اكل مع الكل
عدي : طيب ينفع اللي بتعمليه ده تعمليه قدامهم
عين : لا
عدي : يبقي ايه بقي اما اكلك يتظبط هتنزلي
عين : خلاص واللهي هاكل حلو بس ننزل ناكل معاهم
عدي : ماشي يا ستي لو زعقت قدامهم انتي المسئوله
عين بدلال : ويجيلك قلب
عدي : اه يا ختي هيجي بحلاوة امك هيجي
عين : اقولك علي حاجة
عدي : قولي
عين وهي تعد علي يدها : انا معجبه بيك وبحبك وبعشقك وبموت فيك ومغرمه بيك وبنتفسك ومهوسه بيك
وكورت وجهه تقبل كلتا وجنتاه وشفايفه ثم ابتعدت
عدي : يخربيت حلاوتك في ناس كدة
ضحكت علي طريقته فشدها يقبلها من شفايفها ثم دفعها للسرير يعتليها
عين : لا تعالي ننزل نسهر تحت
عدي : ما انتي هتسهري هو بعد اللي عملتيه في نوم
عين : ههههههه اهدي بس نتفاهم تعالي ننزل وروح مشوارك
عدي : يحرق المشوار علي الساعة اللي فكرت اطلع فيها دا انا هطلع جمالك ده عليكي تعالي
وشدها فضحكت بكل صوتها و...............
***************************
في جناح الياس
كانت تنام متوسطة صدرة وهو يلعب بخصلاتها بيدة ويقبل رأسها
رؤي : صحيح يا الياس فين نسرين
الياس : ليه السيرة دي بس
رؤي : بجد بقي قول متأكدة انها مش هتسيبنا بسهولة وحتي يائيل
الياس : نسرين مكنتش عايزة الياس يا رؤي نسرين عايزة فلوس الياس وانا دفعتلها مبلغ محترم واتأكدت متنزلش مصر كلها تاني ويائيل تنساه
رؤي : الحمد لله غارت في ستين داهية اللهي لو فكرت ترجع تعمل حادثه وتدغدغ
الياس : مبروك عليكي ذنوبها يا هانم
رؤي : الله يبارك فيك ال قولي كأن الياس الشرقاوي بنفسه مكنش لاقي حد يحبة غيري انا مع اني مش حلوة اوي في احلي مني
الياس : انا مشوفتش احلي منك يا رؤي دا اولا ثانيا تعرفي انك أول ست اشوفها وارغب اني امتلكها نسرين كانت مراتي بس المرات اللي لمستها تتعد علي الصوابع ومن يوم ما شوفت حضرتك مفكرتش اعملها
رؤي : وانا اللي فكرت بصتك ليا في المكتب بتبصها لكله
الياس : في مرة انتي سألتيني حاجة وانا مردتش
رؤي : ايه
الياس : يوم اما بوستك ونسرين دخلت علينا فاكره قولتيلي لو مراتك مكاني كنت عملت ايه ساعتها كنت عايز ارد واقولك لو نسرين مش هيهمني غير شكلي قدام الناس انما لو انتي انا اقتله واولع فيكي مش هقتلك
رؤي : اه صحيح اوعي تفكر اني سمحت تبوسني ان.......
الياس : رؤي اسكتي لو سمحتي بلاش نختار الطريق ده انا في حياتي ما بصيت ليكي بصة وحشه وحتي اما قالولي اتجوزك انا مهتمتش لكن......
رؤي : لكن ايه يا الياس
الياس : رؤي انا عملت حاجة وانتي مسافرة
رؤي : ايه
الياس : الشاب احم اللي....
رؤي : ماله دا كمان
الياس : مفيش بس خدت حقك بطريقتي
رؤي : والوقتي
الياس بغيرة : شئ ميخصكيش انا اللي اخصك
رؤي : الياس
الياس : رجع لأهله متظبط بس الوقتي متنيل عايش
رؤي بتلاعب : متظبط ليه بس دا كان عسل
دفعها عن صدرة واعتلاها وبدأ يفتح ازرار قميصها الذي يصل لركبتها
الياس : قولتيلي كان ايه
رؤي : هااا لا مفيش
الياس : لا سمعيني تاني كدة
ابتعلت ريقها فوجدته ينحني ويقبل مقدمة صدرها ثم ارتفع لعنقها وقبلها قائلا
الياس : ردي
رؤي بهمس : الياس
وفي لحظة كان يقبل شفايفها بنهم عاشق و.........
********************
في صباح يوم جديد
تجمع الكل علي الفطار الشباب جاهزين للعمل الا آيان أوس يرتدي بدلة عمله وكذلك يزن والباقي بدل رسمية
أسعد : الياس احنا متفقين
الياس : طيب ازاي هسيب عدي لوحدة
أسعد : ويعني تسبني انا
الياس : خد حياة تساعدك
أسعد : حياة في جامعتها وبعدين هتعمل ايه
حياة : اصلا مستحيل ادخل الشركة دي تاني
أسعد : قلبك اسود علي فكرة
حياة : فعلا أسود
عدي : خلاص يا جماعة همسك انا الشركة لوحدي وكل شهر تعالي يوم اطمن علي كله وخليك الباقي مع آسعد والارباح هتتنقل حسابك بالنص
الياس بزعل : بطل هبل واحنا من امته بينا كدة يا عدي
أوس وهو يقف : صباحوا قفشات اخرة تجمعنا عجبك يا كبير واخد بالك
عثمان : امشي يا أوس روح شوف شغلك
جذب يد روح وخرج حيث سيارته ثم حاوط خصرها
روح : عايزة ارجع يا أوس بقا
أوس : بعد السئيل اللي اسمه جاسم قولت لا
روح وهي تعدل لياقتها : منا هشتغل معاك يا سيادة العقيد
أوس : لا يا روح
روح : عشان خاطري يا أوس بالله عليك
أوس وهو يقبل وجنتها : قولت لا وسلام
عبست فقبل شفايفها بخفة وغمز لتضحك ثم ذهب فدخلت لهم
يزن : شكلكم ناويين علي طلاق سلام
وقبل وجنة ياقوت التي ابتسمت ثم ذهب لعمله
آسعد : عجبك كدة
حياة : عن اذنكم
وتركتهم وصعدت جناحها تبكي عندما تذكرت ما حدث
الياس : اسف مكنش قصدي
آسعد وهو يقف : هي بتتلصم اصلا
وتركهم وذهب فوقف عدي وذهب لعين انحني
عدي وهو يقبل وجنتها : اطلعي لحياة وهديها وفهميها
عين : حاضر
ابتسم وقبل شفايفها بسطحية فاتسعت عيناها
عدي بوقاحة : سلام يا قلبي يا عديمة ال
عين : عددددي
التفت الكل لها فهم لم يكنوا معهم فبعد وغمز لها وذهب
رؤي : ههههههه مالك
عين وهي تنظر خلفه بغيظ : مفيش
وقف الياس وقبل جبين رؤي ثم ذهب هو الاخر
آيان : حبيبي يلا نطلع ترتاحي
لين : ضروري
آيان بابتسامه : لا بس متتأخريش
اومأت برأسها فقبل جبينها وصعد وذهب عثمان للحديقة يقرأ
عين : نوصاية وجايه
روح بمشاكسه : متتأخريش علينا يا بيبي
عين : يلا يا جزمة
ضحكوا كلهم صعدت عين لجناح حياة وخبطت
حياة : ادخلي
دخلت بإستغراب قائله : ادخلي اشمعنا
حياة : عشان البية مش هيتنازل ابدا ويجي تعالي يا عين
ذهبت وجلست بجانبها قائلة في ايه بقي
حياة : يا راجل قول وغير
عين : بتكلم جد ليه شديتوا سوا
قصت لها ما حدث في الشركة
عين : عارفه يا حياة احمدي ربنا ان كل المشاكل اللي بينكم انتم السبب فيها يعني مفيش حد تالت وبعدين متفكريش في الحاجات اللي تعكر عليكم يعني لو آسعد راح الشغل زعلان انتي هتفرحي اكيد لا وانسي ما هو نسي عارفه لو واحد مكان آسعد كان حط الذنب عليكي في موت الطفل انما هو عمل ايه كان جنبك انتي لو شوفتي شكلة لما مشيتي كان ذي اللي حياته وهتنسي كل اللي فات عيشوا يا حياة اللحظة بلحظتها متسمحيش لحد يعكر عليكم ولا للماضي رني عليه وصالحية وان احتاجك في الشركة روحي مرة في مرة هتنسي صدقيني يلا اضحكي كدة ورني عليه
حياة : حاضر بس اقولك خلية لما يجي
عين : انتي حرة يلا ننزل للبنات
حياة : يلا
ونزلوا سويا لهما فوجدوهم عند المسبح
عين : بتعملوا ايه هنا
لين بعبوس : عايزة انزل
روح بسخرية : اما تكبري يا لولو
وجرت واندفعت للمسبح تعوم بمهارة عالية ولين تنظر اتجاهها بغيظ بينما كانت ياقوت تشعر بالدوار وقفت لتتجه لغرفتها تأخذ العلاج فانخبط رأسها بالحائط ووقعت علي الأرض
عين بصراخ : ياقوووت
جروا عليها وخرجت روح من الماء يساعدوها علي التوجه للأريكة
*********
جلست لين بغرفتها شاردة الذهن مبتسمه بهدوء تنتظرة يخرج من الحمام
فلاش بااااك
في يوم جديد
ذهبت لمكتبه بجمالها الهادئ وطرقت الباب فسمح لها بالدخول دخلت
لين : احم ازيك يا دكتور
أيان وهو يقف : اهلا يا لين تعالي في ايه
لين : كنت جاية اشكر حضرتك علي اللي عملته امبارح
أيان بغيظ لأنه ظن انها اتت لتراه : افندم يعني انتي جاية عشان كدة بس
لين : لا جاية عشان اودعك لأن قررت اسحب اوراقي من الجامعة دي هتفادي المشاكل بدل ما اروح فيها انت انقذتني المرة دي يا عالم المرة الجايه
تصاعد الدم لعقلة الا يعني لها ما حدث البارحة هل ظنت انه يعتبرها كالباقي ذهب مسرع لها وجذبها وحاوط كتفها والتقط شفايفها في قبلة يبث عشقه وامتلاكه وفجأة انفتح الباب لم يهتم ابتعد بهدوء مهمها بضيق ثم نظر امامه
آيان ببرود : في حاجة يا كارمن
كارمن بغيرة : دي بتعمل ايه هنا وازاي تبوسها اكيد هي اللي رمت نفسها عليه
اغرورقت عين لين بالدموع فهي منذ صدمة البارحة لم تستعد قواها اتت لتمشي مسك زراعها بقوة واعادها
آيان بعصبيه مفرطة للين : اياكي تبعدي عني تاني والا هزعلك فاااااهمه
اومأت برعب منه فشدد من حضنها
آيان لكارمن : برة وجزاكي هيوصلك عشان فكرتي تآذي حاجة تخص آيان الشرقاوي اقفلي الباب وراكي برررة
خرجت بخوف من نبرته واغلقت الباب بينما ارتعشت لين بين يديه فهي لم تري الجانب هذا منه حاولت دفعه لتذهب فأحكم حركتها بين يديه
لين ببكاء : سبني امشي لو سمحت
آيان : لين بصيلي لين
رفعت نظرها له فقبل جبينها وانزل رأسه لأذنها
آيان : حددي معاد مع باباكي او هخطفك وهتجوزك واخليكي ملكي
بااااك
استعادت نفسها ووقفت بحماس سترجع له شخصيتها المرحة القوية ووقفت بجانب باب الحمام حتي خرج فتعلقت برقبته من الخلف ليدور بها ويضحك
آيان : رجعنا للجنان مش كدة
لين : ايه يا دكتور شكلك بدأت ترتاح مني بس متحلمش
آيان : طب انزلي
لين : بشرط
آيان : قولي
لين : تسبني ابوسك عشر بوسات
آيان : ههههههه موافق
لين بتفكير : اه في شرط تاني
آيان : ايه
لين : تقولي بحبك بصوت عالي عايزة اسمعها
آيان بصوت عالي : بحبك
لين : مش سامعه
آيان : بحبببك
لين : تؤ
آيان : بحببببببببببببك
من قوة صوته تردد فضحكت بسعادة ونزلت تحتضنه بقوة
************
في جناح يزن
دخل من العمل بتعب واضح وجدها متسطحه نائمه فذهب وقبل جبينها بعشق ثم ذهب للحمام واخذ شاور خرج بملابسه المنزلية وجدها تجلس شاردة فذهب وجلس امامها
يزن : مالك يا حبيبتي
رفعت نظرها له وعينها مغرورقة بالدموع
يزن بقلق : ياقوت فيكي ايه بتعيطي ليه ردي
ياقوت بصوت مخنوق : اتمنيت يجي اليوم واشوفك بتبصلي بالطريقة دي يا يزن
يزن بإستغراب : طريقة ايه مش فاهم
ياقوت : شايفة في عينك عشق ليا يا يزن شايفه خوف بجد شايفه قلق
يزن بصدمة ممزوجة بدموع : شايفه شايفه بجد
اومأت بتأكيد فكور وجهها وجذبها يقبل شفايفها بلهفه مجنونة وحين ابتعد شعرت بدموعه علي وجهها
ياقوت بفرحة : بموت فيك يا يزن مقدرش اعيش من غيرك
يزن : ولا انا يا ياقوت بحبك اوي بعشقك
حضنته فبادلها بقوة يكاد يعتصرها بين يديه
***********************
مرت الأيام لتتحول لشهور من السعادة تزوج جيدان وأحمد وكان اليوم يجهزوا لفرح مالك وحور
في جناح أوس
حضنها من الخلف ينظر لها من اعلي لأسفل برضا ثم اخرج من خلفه حجاب ووضعه علي شعرها الملفوف بأناقه
أوس : ايه رأيك مش كدة احلي
اغرورقت عيناها بالدموع وهي تومأ بتأكيد
أوس : ليه الدموع دي
روح : ماما كان نفسها تشوفني بيه قبل ما الموت ياخدها مني يا أوس
أوس : اكيد هي الوقتي حاسه بيكي مش عايز دموع عشان الواد ميطلعش ببوز
ورفع يده يلمح بطنها الظاهر عليها الحمل وقبل جبينها بعشق
أوس : يلا بقي ظبتيه يا روحي عشان منتأخرش
روح : حاضر يا روح روحك
*******************
في جناح عدي
كان يجلس وهي علي فخذة يقبل ثغرها كلما وضع طعام بفمها حتي تأكل
عدي : شايف بتاكلي النهاردة بهدوء
عين : ههههههه لو جبتلي جمل هاكله دي مع كل لقمة بوسه انت بتتكلم ازاي
عدي : ههههههه شايف الحمل عامل عمايلة
عين بعبوس : بس بقي يا عدي
عدي : ههههههه خلاص كلي كمان دي
عين : لا ما خلاص هنتأخر
عدي : مكنا ماشين كويس
عين : شوفت كنا يلا بقي عايزة اشوف البنات
عدي بضيق : علي فكرة بيجيلي افكار نسيب القصر
عين بعبوس : ليه
عدي : شايف البنات بياخدوكي مني ودا شئ يضايقني لأنك بتاعتي وبس
عين : غيور ومش هسمحلك
عدي رافعا حاجبه : انتي اد الكلام ده
وضعت جبينها علي جبينه قائله بتحدي ملذذ له : ايوه اد الكلام ده
التقط شفايفها في قبلة هائمه وبعد وقت ابتعد قائلا : لسه اد الكلام ده
التقطت هي شفايفه في قبلة اخري ولهانه وبعد وقت ابتعدت قائله : ايوة اد الكلام ده
ابتسمت ابتسامتها الرائعة فبادلها الإبتسامه وهو يضمها بعشق يتضاعف يوما عن يوم ليصبح عشقهم الأول والنقي فهم ليسوا كالباقي هم حين وجدوا بعض تمسكوا ببعضهم لم يسمحوا لشئ يبعدهم ليصبح التنفس شئ مستحيل بدون بعض
********************
في جناح الياس
قبلت وجنة يائيل بإبتسامه فهو كان وبالنسبة لها ابنها الأول نظرت لها بإعجاب فهو يملك الوسامة كأباه ويرتدي ملابس تشبة ملابس عدي الذي يظهروا امام الكل انهما اكثر من اخوات بالرغم من وجود فرق بالسن
رؤي : حبيبي خد اختك وانا هحصلكم
يائيل : احم ضروري
رؤي : ههههههه خلاص خدها واديها لدادة هتشتالها وانت روح خد أريام
يائيل : احبك وانت فاهمني احلي ماما في العالم
الياس : تحب مين ياد
يائيل بتوتر : مفيش دا انا بقول لماما بابا بيحبك اوي المهم قولي فين روفان
الياس : في سريرها
جري يائيل وحمل اخته حديثة الولادة وخرج مقبلا جبينها فهو يحبها كثيرا بينما الياس جذبها وحضنها
رؤي : بطل كسل ويلا يا الياس
الياس : مش ضروري الحفلة انتي لسه تعبانه
رؤي : لا يا حبيبي متنساش دي بردك اخت ياقوت
الياس : تصدقي ان انا اول زوج في الدنيا يكرة ان مراته ومرتات اخواته يحبوا بعض كل دقيقة مع البنات انا زهقت ايه ده مبقاش عندنا عين بقي عندنا خمس عيون
رؤي : هههههههه بحبهم بردك
الياس : ربنا علي المفتري يلا يلا بحلاوتك دي
وجذب زراعها للخارج وهي تضحك بشدة
******************
في جناح أسعد
آسعد بعصبية : انشالله معنك جيتي اترزعي هنا احسن بدل ام العكننه اللي بقت يومية دي انا قرفت يا شيخة كرهتيني اني اجي القصر
واخذ مفاتيحه ليخرج فسمع شهقة مكتومة ليعلم انها تبكي فعاد رغما عن انفه وذهب لطرف السرير وجسي علي ركبته امامها وانحني يتنفس انفاسها
حياة بعصبية : ابعد وامشي مش قرفت اقولك طلقني يا آسعد احسن معتش هفضل علي زمتك يوم يلا طلقني
آسعد ممثل العصبية : انتي ح........
رفعت يدها لفمه وزاد بكائها ثم اعطته ظهرها تبكي كمن خسر كل شئ ولأول مرة يراها كده خشي ان يصيبها شئ فوقف وحملها ليضعه علي فخذة بقلق ويضمها
آسعد بخوف : حياة مالك يا حبيبتي
شعر بصدرها يعلو ويهبط ونفسها يضيق فزاد من ضمها يخشي عليها من الهواء ان يصيبها وبدأ يمسد علي ظهرها طولا حتي بدأت تهدأ مرة اخري شعر انها نامت الا انها كانت شاردة بين يديه اخبرته الطبيبة ان نفسيتها متوترة جدا منذ ان عرفت انها
تحمل ثلاثة تؤام تخشي ان لا تعرف كيف تعتني بهم وتخشي ان تأتي بأحد يساعدها فينسوها اطفالها وتخشي ايضا ان بخطأ بسيط منها او من الأطباء تخسر احدهم كما حدث في
المرة السابقة تخشي ان تموت هي وتتركهم ليصبح تفكيرها محصور بينهم فيري شخصية هشه اي شئ يزعجها مات الجانب المرح القوي من شخصيتها ليبدأ جانب حزين باكي دائما
آسعد : حياة
حياة بشرود : هو لو انا مت هتتجوز سيلا وهتبقي ام ولادي وهيحبوها وينسوني
بعد وجهها عن عنقه وكورة بين يدية ومسح دموعها جيدا بإبهامه واقترب يقبل ثغرها برقة فنظرت له
آسعد : ليه تعكري علينا آسعد فترة في حياتنا الفترة اللي المفروض نفرح بولادنا الله اعلم هنخلف تاني بعد التلاته ولا لا يبقي لازم نعيش معاهم وغير كدة مش صفحة سيلا كنا قفلنا عليها خلاص بجوازها من الظابط جاسم ده ليه بقي نرجع ونفتكر اللي يضايقنا
حياة ببكاء متجدد : اسفه بس دماغي مشغولة بكدة وخايفه
آسعد : حياة انا متأكد اي كلمة بتطلع مني او منك محدش فينا هينساها حتي لو وقت عصبية يبقي نراعي مشاعر بعض بقي ونحمد ربنا ان عوضنا بعض ما ابننا راح مننا
حياة وهي تمسح دموعها بطرف فستانها : حاضر ممكن تحضني بقي
اعتصرها بين يديه فبادلتها بعشق متخذة قرار ان تحاول ان تحسن من نفسيتها لأجله فقط لأجل معشوقها الوحيد والدائم
*****************
في جناح يزن
رفع ذقنها وقبل جبينها ثم جلس بجانبها وحاوطها بزراعه
يزن : خلصتي
ياقوت : ايوة وكنت مستنياك انا ويعقوب ننزل سوا
وعند ذكر اسم ابنها ضحكت
يزن : ممكن اعرف كل اما تقولي اسمه بتضحكي ليه
ياقوت : ههههههه عشان بفتكر اما بوستني علي اساس يعقوب وانا كنت هتجن وكنت هموت فيها
يزن : ههههههه اسكتي كل اما افتكر ايامها وافكاري انا ايام كنت ه..... يلا بلاش نفتكر الماضي احسن
ياقوت : ههههههه ماشي
يزن : طب تعالي اقولك كلمة في بؤقك قبل ما انزل
ياقوت بحدة : يززززن
يزن : شوفتي تفكيرك موديكي فين اصدي يعني بكل بساطة اشوفك كلتي ولا لا انتي ناسيه انك لسه مكملتيش شهر والدة
ياقوت : ههههههه اسفه ظلمتك
دفعها لتنام واعتلاها يوزع نظراته علي وجهها وقرب فمه من عيناها يقبلها فتحدثت بشئ
ياقوت : يزن هو انت مش ممكن تحن ل حور اما تشوفها هتبقي ملك غيرك
همهم كأنه سمع كلامها اما هي تأكدت انه لم يسمع فقط ملهي بتقبيلها نزل لفمها يقبله بنهم عاشق ثم لعنقها ومن طريقته ترك علامة عليه
ياقوت : يزن اه يزن براحة
ادارها لتصبح هي فوقة وزاد من ضمها له
يزن : يوووه ضروري تبقي محظورة الوقتي
ياقوت : يزن انت سمعت قولت ايه
رفع وجهها له وعينه مصوبة علي شفايفها وحرك رأسه علامة الرفض وهو ينحني ويقبلها مرة اخري ليصلها إجابته فكيف يريد غيرها وحين يصبح بين يديها ينسي نفسه
******************
في جناح آيان
كانت تقف امامه بتحدي وهو يبادلها بعصبية ممزوجة بغيرة
آيان : لين اقلعي الزفت ده
لين بعند : لا مش هقلعه ومش راحة الحفلة غير كدة
آيان : يعني عجبك اكتافك اللي باينة دي
لين : ايوة واتأخرنا
آيان وهو يذهب ويغلق بابا الجناح : مش خارجة كدة واعلي ما في خيلك اركبيه
لين ببرود : عادي كله في وشك انت مش في وشي يبقي منروحش
عند هذا الحد وكفي لقد نفذ صبرة وقف وجذب زراعها ثم مزق فستانها طولا
آيان بزعيق : اما اقول اتزفتي اعملي حاجة يبقي تنفذي امشي من قدامي البسي حاجة عدله يلاااا
لين بعند : لا ومش راحة نهائي مش قطعته خلاص
آيان بهدوء مخيف : لين اتقي شري وروحي
لين : لا يعني لا
وفجأة وجدته يحملها ويرميها علي السرير وينهل عليها بقبلاته كالعادة كلما حدثت مشكلة تنتهي بمبادرة احدهم ليذيق الآخر من عشقه وتكون مشاكلهم غير مستحقه لكن تقوي علاقتهم ببعض
لين : آيان خلاص
آيان مقبلا ثغرها : متقوليش خلاص
لين : الحفلة
آيان : سيبك
لين : عشان خاطري
اغمض عينه بقوة ثم ابتعد عنها وهندم ملابسه اما هي اتجهت وبدلت ملابسها لفستان محتشم وخرجت بغيظ منه فأبتسم بتسلية وهو يراها تدفعه وتمسك لياقته
لين : يا انا يا انت يا ابن الشرقاوي
جذب فستانها واطبق شفايفه علي شفايفها يقبلها فبادله بشغف وشراسة ليصبح عشقهم متوج بالجنون بأنواعه المختلفه
****************
وصلت العائلة بأجمعها ل مكان الحفلة ونزلوا من سيارتهم سويا واجتمعوا علي منضدة واحدة فأتي اليهم راغب وزوجته وماجد وزوجته فوقفت ياقوت وجرت لعمها وزوجته
ياقوت : وحشتوني اووووي
ماجد : وانتي كمان يا حبيبتي
راغب : ياقوت
ذهبت لحضنه تنغمس به فأغرورقت عيناه بالدموع وقبل رأسها ابتعدت عنه
ياقوت : شوفت ابني يعقوب يا بابا جميل شبه باباه
ياسمين : ياقوت
ياقوت بإبتسامه : نعم يا ماما
جذبتها لحضنه تبكي بكثرة اي قلب تمتلك ابنتها لم تعتذر منها قط او تحاول ان تحدثها طوال هذه الفترة حين مرضت ذهبت ياقوت واعتنت بها دون انتظار كلمة شكر لتعلم انها ظلمتها كثير
جذب انتباه الكل دخول العريس والعروسة وجلسوا وبدأوا يتلقوا التهاني فذهبت الفتيات لها اما هي اول ما لفت انتباهها حياة حضنها بقوة
حور : حياة جيتي
حياة : مقدرش مشاركيش فرحتك يا حوريتي
حور : سامحيني يا حياة
حياة : حد يزعل من بنته انتي بنت قلبي اللي عشت سنين اخاف عليها من الهوا
حور : وانتي الأخت اللي لو قعدت ميت عمر ارد جميلها مش هوفي
حياة : انسي الماضي يا حور وابتدي الف مبروك
حور : الله يبارك فيكي
نظرت لياقوت وفتحت زراعيها لها تحتضنها بحب
حور : بحبك اوي يا ياقوت
ياقوت : وانا كمان اخيرا ظهرلي اخت وبقينا سوا ربنا يسعدك يا حبيبتي
حور : ويسعدك يا ياقوت ويفرحك بيعقوب
بارك لها باقي الفتيات وعادوا لأماكنهم واعلن الدي جي عن رقص الكابل سلو فوقف كل واحد وسحب زوجته
الياس : مش هوصيك علي الأطفال يا جدي سلام
ضحك عثمان وتأملهم وهم يذهبوا وفجأة رأي عبدالله وسمر يدخلوا للحفلة فقد لبوا دعوته ومعهم جيدان وأحمد الذين اتجهوا للمسرح
كان أوس يرقص مع روح فوجد أحمد وجيدان التي تحمل طفل ببطنها بأول شهورها يتجهوا لهم وقبلت روح من وجنتها فابتسمت روح وبدأوا يرقصوا
أوس : اقولك علي سر كبير
روح : قول
أوس : بعشقك
روح : انا اكتر
آيان : اتكلمي حاسس عايزة تقولي حاجة
لين بسعادة : ايوة
آيان : في ايه
لين : كنت عملاها مفاجأة بس معتش قادرة ولازم اقول
آيان : في ايه
لين بتنهيد طويل : هتبقي اب يا آيان
لم يستوعب كيف لقد كانت رافضه الفكرة الآن ماذا حدث هل حققت حلمه الآن سمعها تكمل : فرحك فرحي يا آيان انت اهم مني عندي
آيان : عشقي ليكي بيزيد يوم عن يوم بقيت بتنفسك يا لين
حضنها بشغف فبادلته بعشق
حياة : آسعد
أسعد : نعم
حياة : متزعلش مني
آسعد : مبزعلش منك يا حياتي
حياة : بحبك اوي افتكر دا كل اما اضايقك
آسعد : وانا بموت فيكي ومبزعلش منك بس بتعصب ودا خارج ارادتي اسف
قبلت ذقنه وتمسحت بكتفه وسندت عليه تغمض عيناها
يزن : اعمل ايه فيكي وفي قلبك ده
ياقوت : ههههههه انا عملت ايه
يزن : انتي بتعملي حاجة بس اقولك حاجة بعشق برائتك دي احتفظي بيها بتميزك
ياقوت : مع اني مش فاهمه حاجة بس ماشي
اعاد خصلة شاردة من شعرها وقبل جبينها
رؤي : عسل روح بالحجاب
الياس بهيام بها : اه
رؤي : وكمان حور
الياس : اه
رؤي : وانت
الياس : اه
رؤي : ههههههه دا انت مش هنا خالص
الياس : في جمال كدة يا رب
رؤي : لا دا انت حالتك صعبه اوي
الياس : ضيعت من عمري كتير يا ريت الزمن يرجع حد يبقي معاه الجمال ده كله ويسيبه
رؤي : الياس
الياس : قلب وروح وعمر الياس
اما بطلنا الأخير لا حديث بينهم فقط العيون تتحدث كان يحاوطها بزراعاه وهي تسند يداها علي صدرة يقبل جبينها مرة ويداعب انفها مرة فتبتسم بعشق
عين : علي فكرة الناس هتاخد بالها
عدي : وياخدوا خليهم يعرفوا ان انا عاشق ل حب تاه ولقيته ومستحيل اسيبه
عين : تعرف يا عدي ساعات بحسد نفسي وساعات بحس اني بحلم وهقوم علي كابوس اما مع سالم او سليمان
عدي : لو ده حلم مش هسمح ليكي تصحي انتي مفكرة اني اهبل عشان اضحي ببنتي واسيبها
حركت رأسها بسعادة فزاد من ضمها يتابعهم ثلاثة ازواج عيون
عبدالله : يا رب سامحني حرمت بناتي من السعادة دي وخصوصا عين اللي ياما شافت
عثمان : الشئ الوحيد اللي مندمتش عليه اني جوزتهم
سمر : كلهم حلوين مع بعض ربنا يسعدهم
عبدالله وعثمان : اميييين
كل شاب انحني وقبل جبين معشوقته التي وجدها بعد معناه طويلة ليتوقف القلم عن الكتابة حين وجد السعادة تغمرهم وهكذا نختم قصة ابطالنا
**************
تمت بحمد الله