رواية جحيم الصعيد الفصل الاول1والثاني2 بقلم اميره اسامه

في اوضه مظلمه..لايدخلها نور ولا هواء.. اوضه مخيفه جداا مليانه كراكيب تشبه المخزن في حشرات وفيران ..اوضه تقبض بمعني الكلمه...كانت بطلتنا نايمه عالارض..ايدها

 ورجليها مربطين كدمات في كل جسمها وكأن جسمها من كتر الضرب والتعزيب مصبوغ باللون الاحمر والازرق.. الدم في مناخيرها وفي بوئها وبصوت ضعيف جدااااا 

حور...افتحو..حرام عليكم.. هموت...طيب افتحولي اشرب...

حد يفتح طيب نورولي النور والنبي.. .حور بدموع.. افتحولي بقي والنبي عايزه اطمن علي ماماااا...

ودقايق والباب اتفتح....حور سامعه بس مش شايفه حد بسبب الضلمه اللي بقالها اسبوع فيها...

خافت وانكمشت في نفسها وابتدت تعيط وصوتها يعلي شويه..

حور...والنبي كفايه ضرب انا تعبت خلاص انا هموت في ايديكم انا بس عايزه اشرب واطمن علي امي وبعدها كملو الانتو عايزينه...

فرحه.. بصوت يشبه الوشوشه...

اجفلي خشمك.. اني فرحه بت عمك..اجفلي خشمك متفضحيناش...

حور... فرحه.. ساعديني لو سمحت.. وانا مش هجيب سيرتك والله العظيم..

فرحه.. مااني هنه ليه عاد مااني جايه عشان اساعدك ..اسمعيني زين..

ابويا ناويلك علي نيه هباب هو واخويا سعيد..ومصمم يجوزهولك و دخلتك عليه بعد بكره...وانتي لازمن تهربي الليله و لو مهربتيش متلوميش إلا نفسك عاد..

حور.. مسرعه... طيب ماڜي انا جاهزه ساعديني والنبي..

فرحه... جاهزه  ايه.. ابويا زمانه معاود الوجت اسمعيني زين...انا اول ما اطمن ان كل اللي فالجصر نامو هجيلك واهربك من اهنه وهخرجك من الباب الوراني عشان محدش يحس بيكي عاد...

حور.. بفرحه ممزوجه بتعب.. ماشي هستناكي يافرحه بس متتأخريش والنبي عليا..

فرحه.. مهتأخرش متخافيشي..وخرجت مسرعه فرحه.. وقفلت وراها...

وبعدها بنص ساعه سمعت الباب بيتفتح تاني.. قلبها اتقبض اول ما سمعت عمها...وابن عمها..

عمران ..ازيك يابت اخوي.. يارب تكوني مبسوطه عندينا هنه. صراحه اني كنت جاي اكمل عليكي بس بعد مافكرت مبقاش ينفع اضربك خصوصا بعد ما جررت اني اجوزك ولدي...ماهو

 مهينفعش ابوظ خلجت عروسته اكتر من اكده صوح ولا ايه عاد... وضحك هو وسعيد ابنه.. بعلو صوتهم.. اما حور كانت بتبصلهم بقرف وخوف ودموعها نازله من غير ولا كلمه....

عمران... عايزك تاكلي وتتغزي وانتي كيف المسمار اكده.. لازمن تدلعي ولدي وابن عمك وعايزك تتجدعني وتجبيلنا ولي العهد.. .. نادي بعلو صوته... بت ياسعديه...انتي ياهباب البرك..

جت سعديه .جري..... وهي ميته في جلدها من الخوف.. ايوه اني جيت اهه...

عمران..لسعديه...عايزك يابت ياسعديه تجهزي صنيه اكل معتبره لعروسه سعيد ابني...

سعديه.. واقفه مبلمبه وفاتحه بوئها...

عمران.. جرا ايه يابت مسمعتيش عاد بجولك انجري اعملي صنيه الاكل..جك خابط..

جريت سعديه.. من ادامه بسرعه تنفذ اللي طلبه منها

خرج. صوت حور . بتعب... انا مش عايزه اكل انا عايزه اروح عند ماما ومش عايزه منك اي حاجه خلاص...

اما عمران.. فا بعد ما عرف بخبر موت والدتها اظاها الخبر في وشها دفعه واحده...

عمران.... لاع هتاكلي وهتشربي.. وتجومي عاد كمان.وبعدين امك ايه عاد ما خلاص...

حور.. بقلق.. خلاص ايه.. هو ايه اللي خلاص..حتي لو اللي في دماغك هتنفزه هتفضل امي غصب عن اي حد..

عمران. ماهي ماهتفضلش خلاص.. امك ماتت ريحت وارتاحت عاد...

حور.. بغضب.. انت كداب..امي عايشه وهوعيش غصب عنك. 

عمران.. جولتلك امك ماتت اني ماهقولكيش كده عشان عايزك تنسيها لانها لو عايشه وعايزك تنسيها هنفز بس اني بجول ااحق امك ماتت حصلت جوزها..

حور.. بهستيريا .. انت كداب كداب ومش مصدقاك انا بكرهك وهدفعك التمن غالي..

سعيد.. بغضب مسكها من شعرها وكان تقريبا هيطلع في ايده.. اما حور.. فا اطلقت صرخه عاليه من شده الوجع..

سعيده... مين ده اللي كداب يابت الكلب.. انتي نسيتي نفسك ولاايه...

عمران.. بابتسامه تشفي.. سيبعا يلسعيد ياولدي متبجاش حمجي إكده.. البت بردو مش مصدجه...

حور..اثبتلي ان امي ماتت وانا اصدقك..اتصل بسهي جارتي..

عمران.. بسيطه..هتصل جدامك بس لو صوتك طلع واللي خلج الخلج لاجتلك واسيبك لما تعفني فالاوضه هنه..اتصل من تليفونها اول ما سهي شافت الرقم.. سهي بعياط.  ايوه يا حور انتي فين ياحبيبتي ..عمران قرب منها التليفون براحه. وشاورلها تتكلم بس متبينش اما حور فا نفذت كلامه عشان

 كل هما كانت تطمن علي امها وعشان سهي متتسرعش وتحاول تنقذها وتحط نفسها في مشاكل مع عمها اللي مبيرحمش..

.حور..سهي.. بتعيطي ليه.. ماما كويسه صح

سهي.. انهارت اكتر فالعياط..من غير ما تتكلم.

حور.. بغضب.. انطقي بقولك ماما مالها اوعي يكون جرالها حاجه..

سهي... ارجعي ياحور من عند عمك خلاص.. طنط مني مبقتش مختاجه لفلوس عشان تعمل العمليه.

حور.. ايوه يعني ايه يعني خفت صح قولي انها خفت..

سهي. بعياط. طنط اتوفت امبارح الصبح ياحور..ودفناها كمان...

حور... بهيستريا انتي مجنونه ياسهي صح.. انتي بتقولي كده وخلاص عشان وحشتك عيزاني ارجع صح....

سهي.. منهاره ومش. بترد...

خدت منها امها التليفون وبدموع..

البقيه في حياتك ياحور يابنتي .. كان نفسها تشوفك قبل ما تموت بكام ساعه وكلمناكي كتير امبارح  مكنتيش بتردي..

حور. بانهيار.. ازاي تدفنوها من غير ما اكون موجوده.. ازاي تحؤموني من اني اودعها والمسها واخدها في حضني..حور . بمراره.. ليه استعجلتو علي وداعها كده. كان نفسي اخد اخر حضن منها كان نفسي اشم ريحتها ..

حنان.. اهدي يابنتي .امبارح طول اليوم بنتصل ومحدش بيرد والمستشفي عايزه حد يستلم جثتها.. وهمك الله يكرمه رد الصبح عالتليفون وقال ان انتي نايمه.. وبلغته وقاللي اتصرف واكرام الميت دفنه وبعتلنا ابنه وقف معانا لحد ما خلصنا كل حاجه..وقال انهم هيقولولك واحده واحده...

حور... بتبصل لعمها وهي منهاره وكرهاه جدا...

حنان. شدي حيلك  ياحور.. وارجعيلنا بسرعه ياحبيبتي..

حور.. هرجع عشان ازور امي....

وقفلت معاها..وفضلت .باصه عالاشئ وكأن العالم اسود في وشها وكأنها فقدت السمع والبصر والاحساس..كانت في عالم تاني بوجه خالي من التعابير لاكن دموعها كانت زي الشلالات

عمران... صدجتي يابت اخوي...المهم عايزك تفوجي بجي مبجالكيش غيرنا ياتجعدي معانا زي مااني امرت او تركبي دماغك وساعتها وحج لا اله الا الله ماهتلوميش غير نفسك يابت مني...

نظرتله حور.. نظره كلها غضب ما ان نطق اسم والدتها..

سعيد.. ماعاجبكيش عاد.. الحديت

عمران... يلا ياسعيد.. اطلع اتسبح وارتاح كلها يومين وتبجي عريس واكيد محتاج راحه.. واني هطلع انام..

وخرجو.. هما الاتنين واول ماخرجو.. انهارت حور من العياط وفضلت عالحال ده ساعات دموعا كان كلها وجع وحزن وفراق والم. وفي يوم وليله بقت لوحدها في دنيا مفيهاش رحمه...

وفجأه خرجت من شرودها. انهيارها علي صوت الباب بيتفتح مره تانيه..

فرحه... يلا يابت عمي.. جومي بسرعه مفيش وجت لازمن تهربي الوجت..

قامت معاها حور بسرعه وبمجرد ما وقفت علي رجلها حست بألم شديد في رجلها وكل جسمها..

فرحه...معلش يلا بسرعه ..لازمن تطلعي عالطريج الوجت ..

خرجت بسرعه مع فرحه وفضلو ماشين يتسحبو وخرجت من باب خشب صغير من الجنينه الخلفيه...

فرحه... عتطلعي من اهنيه  طوالي ..هتلاجي زرع كتير هتطلعي منيه عالطريج عدل..

حور.. انتي ليه بتعملي كده معايا...ولا دي لعبه. بتلعب ها عشان تقتلوني.بره القصر من غير شوشره..

فرحه.. بابتسامه ربنا يسامحك يا بت عمي. بس بعد اللي شوفتيه منهم ليكي حج ماتصدجيش حد واصل..شوفي اني هجولك كلمتين.وانتي حره تصدجي او لا...بس. يعلم ربنا اني

 مهكرهش حد في حياتي جد ابوي واخوي.. ربنا ينتجم منيهم.. جتلو  جوزي وحبيب عمري جدامي كنا كاتبين الكتاب.وباجي علي فرحنا اسبوع واحد.وجوزي عرف انهم في تجاره المخدرات.. وكانو عايزينه معاهم ولما رفض جتلوه وجدام

 عيني بس ميعرفوش اني شوفتهم.ومن يوميها واني براجبهم ومصوره من وراهم كل حاجه توديهم في ستين داهيه.. خدي رجمي ياحور.. لو ربنا نجاكي وبجيتي في امان كلميني ولو حبيتي تاخدي الورج ده مش هتأخر عنيكي ..

حور..حست بصدقها.. وخدت منها الرقم .. وابتسمتلها..  فرحه.. يلا عاد هتفضلي مبلمه اكده اخلصي بدل ما يجتلوكي ويجتلوني....

حور. حضنتها.. وجريت بسرعه عالطريقه...وفضلت تجري بسرعه ودخلت بين الزرع ولان كل الظروف كانت ضدها.. كان بالصدفه في تجار مخدرات بيسلمو شغل لبعض... وبمجرد ما لمحوها بتمشي براحه فكروها بتتجسس عليهم...

كانو 6افراد...هاتوهااااااا 

حور. بمجرد ما شافتهم وقلبها وقع في رجليها اقسمت في داخلها انها في كابوس مش عارفه تصحي منه.  فضلت تجري. بكل طاقتها. وكأن فرصت نجاتها الوحيده هي رجليها.. ومكنتش منتبهه من شده خوفها وتوترها بالازاز اللي بيدخل في رجليها والجروح اللي اتعرضتلها.....

اما في نفس الوقت... 

كان بطلنا واقف مع صاحبه..سليم...بعد انتهاء عرس اخته علي ابن عمه

سليم.. مبروك يارحيم.. اخيرا اطمنت علي اختك ياعم..عقبالك..

جده.. جوله ياسليم ياولدي.. معرفش منشف دماغه ليه

رحيم.... عجبك اكده اهو ما هيصدج يجفش في خناجي 

سليم.. انت بتقلب امته ياعم ماانت كنت بتتكلم جوه كويس...

رحيم... شايف ياچدي سليم حبيبك اهه بيحرضني اتكلم مصراوي علي جولتك...

جده.. طيب اسمع كلامه كده عاد وشوف اني هعمل ايه.

رحيم.. ليه بس اشحال ان ماكنتش بشتكيلك ياچدي...

سليم.. براحه لسليم شكلي كده عكيت الدنيا..

رحيم.. بنفس نبره الصوت الهاديه.. اصبر عليا يا سليم افوق من الدوشه اللي احنا فيها اليومين دول وساعتها وديني ماهرحمك..

سليم..  بصوت عالي.. شايف ياچدي .اهو وطي صوته عشان يتكلم مصراوي..

رحيم.. اوعاك تصدجه ياجدي. الواد ده كداب..

ضحك. جده عليهم....ودعالهم بحب..ربنا يخليكم لبعض ياولدي. وتفضلو ديما في احسن حال وافرح بيكم جريب

سليم... اهي دي الدعوات الحلوه ياجدي.

رحيم... خليلك انت الدعوات الحلوه انما اني مليش فيها واصل 

سليم.. هتفضل طول عمرك كده انا مليش غير الواد امجد حبيبي.. ولله فتح نفسي للجواز يابخته زمانه هايص...

رحيم... سليييييم امسك لسانك زين بدل ما دفنك مكانك اهنه..

سليم.. برهبه.. ايه ياعم رحيم بهزر اعوذ بالله بتكرهه الهزار انا ماشي وسيبهالك..

رحيم.. علي فين..

سليم... مسافر يا اخويا..

رحيم.. ما جولزا مفيش سفر عاد وهتجعد معانا يومين..

جده... اجعد معانا ياسليم ياولدي..اليومين دول وبعدين عاود مع رحيم..

سليم.. ولله ما هينفع ياجدي.. في شغل كتير بكره عندي..

رحيم... خلاص عاود الصبح خليك الوجت. 

سليم... ولله ما هعرف خليني اروح فالسريع كده عشان قبل ماتنزل تكون كل حاجه مظبوطه ومتفتحش حنجرتك علي اهلي ..

رحيم... ماشي مهتأخرش عليك يومين وهعاود طوالي..

سليم.. لا ياصاحبي خليك اهو ارتاح من شخطك ونطرك فيا...

ضحك الجد عليهم وكذلك رحيم وسليم وسلمو علي بعض وخد سليم عربيته ومشي بعد ما ودعهم...

جده.. يلا يا ولدي اكلع ارتاح بجالك يومين علي ده الحال اتهديت عاد..

رحيم..لا يا جدي.. انا هتمشي شويه..

جده.. تتمشي فين الوجت ياولدي الوجت متأخر. والدنيا ليه هتروح فين عاد .

رحيم.. متقلقش علي العمده يا جدي..

جده.. علي عيني وراسي يارحيم عارف انك العمده والكل بيعملك حساب مترميش بالكلام عاد بس الليل واعر والدنيا متسلمشي.

رحيم.. متخافش عليا ياچدي اني هروح البيت اللي في وسط الزرع وحشني جوي ياجدي وصراحه مبلاجيش نفسي غير واني فيه..

جده.. ما شي ياولدي خد بالك من حالك تصبح علي خير.اني طالع انام..

رحيم.. تصبح علي خير ياچدي... مشي رحيم... 

وفي وسط الطريق الدنيا ضلمه وكحل.. والمكان يخوف بس بالنسباله هو مش بيحس بالراحه والهدوء غير في وسط الزرع والطريق ...

اما عند حور. فا فضلت تجري بأقسي سرعه لحد ما نفسها يكاد يكون اتقطع...وفجأه اتصدمت بحائط بشري عريض...وقبل ما تصوت كتم نفسها....

رحيم سمع وهو ماشي حد بيجري بسرعه جدا وكل شويه الصوت يزيد وواضح عالصوت الخوف والرعب وواضح كمان انها بنت من تأوهات الصوت اللي بتطلع منها كل ما تتحامل علي رجلها اكتر...وفجأه لمحها واول ما اتصدمت فيه كتم نفسها .

رحيم.. بصوت.  واطي.. ماتخافيش عاد مش هأزيكي بس اجفلي خاشمك ومتطلعيش صوت..شال ايده براحه.. وبمجرد ما حور حست بالامان شويه.. استسلمت للواقع وفكت حصون جسمها وراحت في دنيا تانيه وقعت فاقده الوعي...

رحيم.. سابها علي جمب وخباها وسط الزرع..

وخرج رحيم براحه.. يشوف العدد لقاعم حوالي اربعه...

خرج رحيم... بحركات سريعه اتشابك معاهم وكأنه في حرب وفضل يضرب فيهم بكل طاقته وبكل غضب انهم وصلوها لحاله الرعب والخوف اللي كانت بتجري بيها دي..وفسر

 منظرها والضرب اللي كان فيها ده علي انهم هما اللي عملو فيها كده..وبعد مده بسيطه كانو كلهم عالارض رحيم قوته البدنيه رهيبه كانت كفيله انها توقع شويه عيال عاهات بيتاجرو في

 المخدرات...واول ما خلص..واتأكد انهم فاقدين الوعي.. راح علي حور.. وشالها بين ايديه كانت خفيفه زي الاطفال في ايده وعلامات الضرب والتعزيب مبوظه جمالها...شالها ووصل البيت حطها عالسرير.. وبسرعه مسك التليفون يكلم. حد... 

#جحيم الصعيد...

بقلم اميره 

الفصل  الثاني ..

دخل رحيم البيت.. وقفله برجله.. وراح عالسرير حط حور  عليه براحه ورجع قفل الباب بالمفتاح كويس...البيت كان شكل البيوت الريفيه من الخارج شكله مريح للنفسيه طبيعي

 هادي..لاكن من جوه كان بيت كامل من كل حاجه كان عباره عن دور واحد بس عالي... كان فيه اوضتين وباقي البيت كله مفتوح علي بعضه حتي المطبخ .. كان تصميمه من جوه عصري جدااا ولا ينقصه اي شئ...والتصميم الخارجي تصميم ريفي اصيل....

اليوم ده كان الجو برد جدااااا وده كان باين علي حور المنكمشه في نفسها.....قفل رحيم كل الشبابيك وجري جاب بطانيه بسرعه وقرب منها وغطاها كويس... وفضل باصص شويه علي ملامحها الجميله اللي شوهتها الكدمات...وطبعا مخدش باله منها وهما بره عشان الدنيا كان ضلمه جدااااا ..

 طلع رحيم موبايله بسرعه.. واتصل علي دكتوره يعرفها او بمعني اصح كان ليه الفضل عليها انها توصل لمكانتها .دي.. ديما كان بيساعد والدها في مصاريف جامعتها لحد ما اتخرجت واشتغلت... ومن يومها شايله جميله هي ووالدها...وعمرها ما بتتاخر عنها...

رحيممم. السلام عليكم

دكتوره .. سماح...عليكم السلام. يارحيم بيه.

رحيم.. بعتذر اني اتصلت فالوجت ده يادكتوره بس ملاجتش غيرك جدامي..واسف لو صحيتك

سماح.... عيب تجول اكده يا رحيم بيه. انت تتصل فاي وجت.. وبعدين اني كنت فالمستشفي ولسه خارجه مروحه لابوي.خير. يارحيم.بيه

رحيم.... كويس.... جدااا انا عايزك تجيلي ضروري من غير ما اي حد يعرف فالبيت اللي فالمزرعه ..

سماح.. بتوتر واستغراب...اجيلك كيف يعني. تجصد ايه..

رحيم...لا مجصدش بس مهينفعش فالموبايل المهم.. معايا بنت هنا كان في ناس بتجري وراها.. وواضح انهم بهدلوها عالاخر. واني مخبرش فيها ايه.. انا انقذتها منيهم بس مرضياش تفوج وحالاتها صعبه جدا..

سماح.. بقلق.. ياساتر يارب..خلاص مسافه السكه واكون عنديك...

قفل معاها رحيم... وخلال نص ساعه سمع رحيم..الباب بيخبط. .جري عالباب بسرعه..

رحيم....اتفضلي يادكتوره...

سماح.... ببعض التوتر..يزيد فضلك.. خير...

رحيم... اتفضلي معايا....متجلجيش.

سماح.. اني مش جلجانه يارحيم بيه.. اني في حياتي مشوفتش راجل زييك بس كنت جايه جلجانه من الطريج مش اكتر..

رحيم...طيب تعالي ورايا.. دخل بيها رحيم عالاوضه اللي فيها حور .. واول ما شافتها الدكتوره..

ياخبر ابيض.. ايه اللي فالبنت ده... 

رحيم.. اكشفي عليها وطمنيني بخير ولا فيها ايه..

سماح... طيب ممكن تخرج لو سمحت..

رحيم.. بتوتر...اه طبعا طبعا خدي راحتك اني بره...

خرج رحيم وكشفت عليها سماح واستغرق الوقت حوالي . ربع ساعه...وفتحت الباب..لقت رحيم واقف في وڜهت...

رحيم... خير يادكتوره سماح.. البت فيها ايه..

سماح.. بص انا من رأيي لازمآ تروح المستشفي حالتها وحشه جوي الكدمات في كل حته فجسمها واللي ظاهر غير اللي

 متخفي تحت لبسها وواضح كمان ان الكدمات دي مش انهرده لما انقذتها بس الكدمات واثار التعذيب باينه انها من كذا يوم.. يعني دي جضيه كبيره جوي.. باين عليها التعذيي بجالها كذا يوم... 

رحيم.. بحرج..

طيب وهي يعني.. انتي كشفتي عليها زين يعني...

سماح .فهمته...تجصد حد اتعرضلها صح..

رحيم ..هز راسه براحه ..

سماح... لا الحمد لله هي بت بنوت والغريب كمان ان التعذيب اللي واضح عليها ما يوحيش باغتصاب ابدا دي كانت بتضرب وتتعذب لسبب تاني خالص مفيش فيها اي علامه من علامات الاغتصاب او التعدي...

بس نصيحه لازمن تبلغ...

رحيم... هي هتفوج امته.

سماح .. اني ادتها حجنه مهدئه وشكلها هتفضل نايمه كذا ساعه جسمها محتاج يرتاح كتير.. ورجلها كانت بايظه خالص طهرتهالها وكان فيها بواجي ازاز رجلها وارمه خالص طهرتها وغيرت عليها هي وبعض الجروح اللي في وشها..ودي الروشته فيها العلاج اللي هي محتجاه

رحيم... بصوت خشن ونبره مرتفعه بعض الشئ .  اسمعي ياسماح.. مش عايز اي حد يعرف انك جيتي هنه او حتي تعرفي ان في بنت هنه ماعيزش ح

 يعرف واصل.. مفهوم.  لحد ما تفوج ونعرف اللول حكايتها ايه.....ولحد ما ده يوحصول عرفيني كيف اديها علاجها ..ده..

.

سماح.. فهمته كل حاجه تتاخد ازاي.. بس يارحيم بيه.. لازمآ غذا البت ضعيفه خالص اني علجتاها محلول واضح انها بجالها كذا يوم مهتاكلش  ..

رحيم.. متجلجيش اني ههتم بالجصه كلها..بس لو احتاجتك اي وجت ياريت متتأخريش عني...

سماح... اي وجت هتعوزني هتلاجيني جصادك بس هو اني ينفع اسأل سؤال يارحيم بيه..

رحيم.. طبعا اسألي...

سماح.. هو حضرتك يعني ليه مهتم بيها اكده وليه منتاش عايز تبلغ النجطه...

رحيم... اي حد كان مكانها كنت هتتم بيه اكده ولا انتي نسيتي اني عمده البلد يادكتوره...تاني حاجه لما تشوفي بنت بتجري بكل طاجتها عشان تنقذ نفسها من شويه مدمنين علي تجار مخدرات وهي بحالتها دي مش هتجفي تحميها.. خصوصا

 ان الكلاب دول اني لو طولت اجتلهم علي حاله الرعب اللي كانو وصلوها ليها كنت جتلتهم...وبعدين انا ايه عرفني لو ودتها مستشفي مش هيوصل لها هناك شكلهم كانو عايزين يجتلوها .واني مش هسيبها لبهم ولا ايه يادكتوره..

سماح بابتسامه... عنديك حج يارحيم بيه..هروح اني بجي عشان ابوي ميجلجش عليا واي وجت تعوزني هتلاجيني

جصادك..واني بكره بعد ماخلص هعدي عليك اشوفها..

رحيم... ياريت يادكتوره وحاسبها وبعد رفض منها وتصميم من رحيم..اخيرا سمعت كلامه ومشيت..مع السلامه. يادكتور..

سماح..... مع السلامه....

قفل وراها رحيم...ودخل براحه يشوف حور.. لقاها نايمه وكل مكان في جسمها في الوان من كتر الضرب ورجليها مربطين ووشها في لزق مكان الدكتوره ما ضمدت كل الجروح المجروحه...

اما علي ملابسها .. فكانت اغلبها مقطعها نتيجه الضرب والبهدله ونتيجه الكشف عليها من الدكتوره.. واثار الدم علي وشها وايديها ورجليها وجسمها كان واضح انه نشف علي جسمها .. رحيم.. لنفسه...

ياتري ايه اللي حصلك.. ومين اللي قدر يعمل فيكي كده.. مين قدر يشوهك بالمنظر ده.. مين هان عليه الملاك ده.. واضح انك كنتي جميله بس اكيد في سبب عشان اللي عمل فيكي كده يوصلك للحاله دي....رحيم بتعابير غاضبه في وشه وهو بيكلم

 نفسه... سبب ايه اللي يخلي حد يعمل في حد كده..  وديني لو لمحت كلب من اللي كانو بيجرو وراكي لا اقتلهم وادفنهم بايدي ادامك عشان ارجعلك جزء من حقك...ومره واحده... حصل حوار داخلي بين رحيم..وقلبه... وعقله...

عقله... انت مالك مهتم كده ليه هي تهمك في حاجه..

رحيم.. انا مش مهتم ولا حاجه.. بس مجرد انها صعبت عليا..

قلبه..وايه يعني اصلا لما تهتم جرب ادي نفسك فرصه مره واحده وايه المشكله..

رحيم.... اجرب🙄 بس انا قافل قلبي من ناحيه الستات خالص...عمري ماحبيت ومش عنديش نيه اني احب..او عالاقل فالوقت الحالي انا كل وقتي لشغلي لاكن الستات لسه ..

عقله... انت عمرك.. ما عرفت بنت عمرك ما عملت علاقه مع بنت.. هتيجي الوقت وتفتح قلبك وتوجع دماغك..

قلبه.. وايه يعني الحب مش عيب ولا حرام..

رحيم... انا صحيح عمري ماحبيت ولا الحب كان ليه مكان عندي.. وعمري ماعملت علاقه من اي نوع مع اي بنت واكيد الحب ولا عيب ولا حرام.. بس لازم قلبي يدق.. الاول للي هتخطفني...

عقله.. مش هتلاقيها عشان هي مش موجوده😡😡

قلبه....لا هيلاقيها عشان هي بقت موجوده 😍😍😍،

رحيم.. نفض راسه براحه يمشي منها الافكار والحديث اللي طال ..وقرر.. يصلح شويه من اللي حاصل فيها..راح رحيم... جاب طبق. وحط فيه مايه دافيه.. وفوطه صغيره...وجه قرب جمبها..

وابتدي يحط الفوطه فالميه. ويعصرها كويس.. ويسمح براحه غلي وشها ويشيل اثار الدم الناشف عن وشها وشفايفها.. واول ما لمس وشها حس برجفه داخليه ...

قرر رحيم كذا مره. براحه وهو ملاحظ تعابير وشها كل ما يلمس جزء وينضفه يحس بانكماش وشها دليل عن احساسها بالالم ورغم ان رحسم كان بيحاول ينضفلها براحه بس الالم

 اللي كانت حاسه بيه كان فوق ان حد يلمسها اصلا..خلص رحيم علي اد ما قدر ينضف الدم شويه وبمجرد ما حس انها بتتألم قرر يسيب حجات بسيطه عشان ميتعبهاش اكتر من كده وعشان متبردش...

وفجأه اتصدم من لبسها اللي بيكشف جسمها اكتر ما يستره...

رحيم... هلبسها ايه دي...مينفعش اسيبها كده ومفيش لبس حريمي هنا.. طب اروح اخد من ساره...

ساره ايه انت كمان عروسه تروح تخبط عليها السعادي.. ده امجد كان يقتلني ده مصدق..😂وبعدين مش وقته وهدخل في سين وجيم منهم...ومينفعش اسيبها لوحدها هنا...بس لقتها .. مفيش غير دي..

راح رحيم.. عالدولاب وفتحه واعد يلعب فيه شويه.. واخيرا اختار تيشيرت من بتوعه بكم وتقريبا كان واصل لقبل ركبتها بحاجه بسيطه..

راح عليها رحيم... ورفع دماغها براحه..ولبسها وبايده براحه من غير ما يبص شال اجزاء اللبس المقطعه اللي كانت لبساها..

 ودخل ايدها.. وشده براحه علي ضهرها.. ولصغر حجمها كانت بتروح وتيجي في ايده كأنها طفلها.. لبسها براحه وبيرجعها بايده براحه لقاها ماسكه بأيدها الصغيره.. في كتفه ومتشبسه بيه كأنه هيهرب او كأنها متطمنه بوجوده زي الطفل اللي

 بيمسك كف امه وبيفضل متعلق بيه...الحركه خطفت قلب رحيم ولتاني مره يحس برجفه في قلبه لمجرد شعوره بلمستها  لمجرد تمسكها بيه للدرجه دي.مسك كف ايديها براحه

 وحاول يشيل ايدها بس كانت ماسكه فيه جامد فضل رحيم رافعه وهي مقربه منه كأنها في حضنه. فضل سارح في وشها.. مش عارف يعمل ايه.. وجرب مره كمان واخيرا شال ايدها .وحطها براحه وظبط عليها التيشيرت.. وكلم نفسه...

طبعا انا كفايه اني غيرتلك اللبس بتاعك وكويس اني لاقيت حاجه اقدر البسهالك مع انك محتاجه عشره يدخلو معاكي فالتيشرت..بس ده اللي اقدر عليه.. اما بقي باقي لبس اللي جوه ده مش بتاعي ..بكره لازم اجبلها شويه حجات واكيد اللي هتساعدني في ده دكتوره سماح🤔

مر الوقت وابتدا النهار يبان شويه.. رحيم.. راح عالكنبه اللي فالاوضه ادامها وفضل باصص عليها شويه.. ورااااااااح اخيرا فالنوم....

صباح يوم جديد علي ابطالنا.....

فضلت حور.. تتقلب في السرير... وفتحت عنيها في كسل وهي بتتاوب وبتفتح عينها ببطئ.. وحاسه انها ناسيه ايه اللي حصل امبارح ...شايفه نور فالاوضه المكان احلي السرير بدل نومتها عالارض في المخزن وثواني ابتدت تفتكر كل حاجه

 تعذيب عمها وابن عمها موت والدتها اللي صدمها هروبها من البيت بمساعده فرحه.. جريها بكل طاقتها رجلها اللي كانت بتفتح وهي حاسه بكل حاجه بتدخل فيها مشيها داخل الزرع رؤيتها لتجار المخدرات واخر حاجه شافتها وحست بيها

 الحائط البشري اللي خبطت فيه واللي انقذها... اخر حاجه فكراها انه قرب منها وشالها ومشي بيها وبعد كده مش قاكره حاجه غير انها صخيت الوقت.. وهي شايفه نفسها في مكان

 جميل.. ونضيف وواسع شكله من التجهيزات اللي فيه ميدلش انهم فالصعيد .  انا فين.. انا سافرت طب سافرت فين.. ايه المكان ده والسرير اللي انا عليه.. مين اللي ربط رجلي بالشاش ده وخدت بالها من الكانولا اللي في ايدها... ايه ده..  اااااه

 وطلع صوت كله وجع من الصداع اللي حاسه بيه.. واخيرا اكتشفت انها مش لابسه .. لبسها ... وبحركه سريعه مسكت جسمها بايدها في خوف.. وبصت حواليها... لمحت رحيم نايم عالكنبه...

ومن حركتها.. والاصوات..اللي بتعملها عالسرير...

صحي رحيم وشال ايده من علي عنيه .. وقام اعد...

رحيم....صباح.الخير...

حور... مبلمه ومش بتنطق.. وماسكه في هدومها...

رحيم... بجول صباح الخير.. ماعتسمعيش ولا ايه...

حور ...بصوت مرتجف... صبااا حح النوو رر.

رحيم... مالك هتهتهي كده ليه..

حور...هو انت مين.. وازاي انا لابسه كده.

فهم رحيم.. من طريقه مسكها للتيشيرت...وحس بخوفها..

رحيم... المفروض اني اللي اسالك انتي مين..

ازاي لابسه كده..اني لبستك تيشيرت من عندي خلجاتك كانت مجطعه وميصحش كنتي تجعدي بيها ثانيا كانت كلها دم ومبهدله وثالثا كنتي هتبردي..الجو بره واعر علي جتتك..

حور.. مصدومه ومبلمه من اللي بيتكلم بمنتهي الراحه...

انتي.. بتقول ايه.. انت مجنون ايه غيرتلك دي.. هو انا بنت اختك.. انت ازاي تسمح لنفسك اصلا تعمل كده انت مجنون..

رحيم.. بعصبيه.. اجفلي خشمك ده واصل..بدل وديني ادفنك مطرحك ولسانك الطويل ده اني هجطعهولك..اولا اني لو وحش. مكنتش انقذتك..  تاني حاجه ملمستكيش انا يعلم ربنا غيرتلك ازاي خلجاتك...وبعدين.. مالك زعلانه اكده.. مش شايفك يعني انثي حتي جدامي عشان ابصلك...

حور..  نعم.. انت انسان قليل الذوق علي فكره.. وانا انثي غصب عنك....لولا البهدله بس اللي انا فيها دي. كنت عرفت انا انثي ولا لا...

رحيم... اولا جولتلك لمسي لسانك اللي عايز جصه ده وتوطي صوتك وانتي بتكلميني.. ثانيا بهدله ايه ده انتي عايزه تزييت وتشحيم وتتردي عالبارد عشان يمكن يظهرلك تجاوي بني ادم.. وحتي لو ظهر.. هيبجي تجاوي طفله ملهاش اي علاجه بالانوثي واصل....

حور....وانت تفهم ايه اصلا عن الانوثه..هو الانت بتشوفهم هنا اصلا ليهم علاقه بالانوثه وبعدين ليك حق ما انت اتعودت علي الستات اللي هنا..

رحيم... يابت لمي لسانك الطويل ده عاد بدل قسما بالله ما ادفنك صاحيه...

حور... خافت من صوته شويه....

رحيم... ناس. تخاف ماتختشيش صحيح..

حور...انا مش هرد عليك عشان مش فيقالك انا عايزه امشي...

رحيم.. ...صوح مش فيجالي... عموما مفيش مشي من هنه غير لما تخفي واعرف ايه حكايتك.. واعرف الناس. دي كان

 هتجري وراكي.. ليه.. دول تجار مخدرات واللهم اعلم يمكن كانو بيجتلو جتيل.. واني هعرف كل حاجه بطرجتي مش يمكن تكوني شغاله معاهم...

حورررر. انا

رحيم.. ايوه انتي...ولو مش عيزاني افكر بالطريجه دي.تجوليلي انتي مين وايه هجابك اهنه...

حور...... هقولك وهتسبني بعدها..

رحيم... اتكلمي اللول..

                    الفصل الثالث من هنا

لقراءة باقي الفصول من هنا