روايةغرام أحفاد الشيطان
الفصل العاشر
بقلم سماء احمد
🌺🌺🌺🌺🌺🌺🌺🌺🌺🌺🌺🌺
كان تقود سيارتها بسرعة كبيرة من الجامعة فرأها وتعصب من جنانها فقاد سيارته خلفها وبسرعة اكبر ثم وقف امامها فوقفت ونزل بعصبية
أيان : انتي مجنونة
لين بضيق : وانت مالك
أيان : اما اكلمك تكلميني عدل
لين : عايز ايه بص لا اكلمك ولا تكلمني تمام روح كلم البنات اللي نازلين ههه ههه عسل يا دكتور
ابتسم بخبث فيعني انا تغير عليه وجدها ستذهب فشدها
أيان : بتغيري
لين : ابعد مش بغير ولا بنيل
ايان : عيني في عينك كدة
دفعته بيداها فلم يبعد
لين : سبني يا أيان بدل ما اصوت
أيان : صوتي دي اصلا حتة مقطوعة
لين بصوت مخنوق : أيان سبني في حالي عايزة امشي
أيان بقلق : مالك يا لين
كيف تقول له ان ابنتهم مريضة وهي ليست بجانبها كيف تقول له ان قلبها يؤلمها وستموت بدون ابنتها لا تعرف كيف هي الان
لين بدموع : أيان ابعد عايزة اروح
أيان : لين
لم تجب فرفع ذقنها ليجد دموعها تجري بعيناها الزرقاء فقبل جبينها ومشي يده علي شعرها
أيان : انا بحبك
لين : ايه
أيان : بقولك بحبك يا لين
تنهدت وبعدت يداه عنها وذهبت لسيارتها وعادت لمنزلها تبكي فهو يحبها لكنه لا يتذكرها والاصح لن يتذكرها
****************
في شركة الياس
كانت تجلس بمكتبها تراجع بعض الاوراق بإهتمام ولم تري ذلك الذي يتابعها من كاميرا بمكتبها
رؤي : رقبتي اتلوحت يا ربي ايه ده
واعادت رأسها للخلف فرن فونها برقم امها فتحدثت معها قليلا واغلقت ثم نظرت للساعة
رؤي : يلا معتش غير ساعتين
رن فون المكتب فاجابت لتجدة يخبرها ان تذهب له فذهبت بتوتر
الياس : الشغل كتير عليكي
رؤي بتوتر : ابدا يافندم دا خفيف خالص
الياس بعصبية : رؤي بكرة الكذب
انتفضت من عصبيتة واومأت بخوف
رؤي : انا همشي
وقف وجذب يدها وقربها منه محاوطها بيديه
الياس : رؤي
رؤي بتوتر : ابعد لو سمحت مينفعش
الياس : رؤي بصي لعيني
رفعت نظرها له لتتوه بعيناه وتصمت
الياس : بتعملي فيا ايه يا رؤي
رؤي : انت اللي بتعمل فيا ايه
الياس : بيني كدة حبيتك
ابتسمت وهي تري استسلامه للحب امامها وضعف في عينه ودت لو تصرخ وتبعده وتقول له انتصرت لكن مهلا يا رؤي مازلتي لم تثبتي انك شريفه فاقت وهو يقبلها من شفايفها وفي نفس الوقت فتح الباب علي مصارعة ليبعدوا عن بعض والصدمة انها نسرين
نسرين : الله الله حضرتك تعكنن عليا عشان تيجي تنبسط هنا مع ست الحسن والجمال.... مش مكسوفه علي دمك متخفيه في حجابك دا حتي عيب في حق اللي لابساه ولا صحيح شكلك ملكيش اهل يلموكي.... جايه تتلزقي في واحد متجوز ويا تري دا رقم كام
صفعها الياس بعصبية بينما تتساقط دموع رؤي بصمت فاستدار لرؤي
رؤي بعصبيه : بتضربها ليه هيا معاها حق انت مين او ايه عشان اخليك تقرب
وتركته لتذهب فمسك يدها
الياس : رؤي انا بحب......
رؤي : سؤال الاول تستحمل مراتك تكون في الوضع ده
نظر لها ولم يجب فبعدت يده وجرت بينما هو فكر حقا ماذا يحدث ربما لو كانت نسرين لن يبدي رد فعل اما لو كانت رؤي مهلا يقسم انه سيقتل من يفعل معها هذا
***************
في شقة عين
رن الجرس فاستغربت ان رؤي اتت باكرا فاتجهت وفتحت الباب انصدمت اولا ثم تفاعلت جيدا
عين : اهلا اتفضل يا جدي
عثمان : ازيك يا بنتي
عين : تمام اتفضل
وادخلته وهي معه ثم اخبرته ان كان سيشرب شئ لكنه رفض واخبرها انه يريد التحدث معها
عين : خير يا جدي
عثمان : انا جاي ليكي لأني عايز اطلب منك طلب
عين : اؤمر يا جدي
عثمان : انا جاي طالب ايدك لعدي حفيدي
عين بصدمة : عدي
عثمان : بصي يا بنتي انا شوفت ازاي بنته اتعلقت بيكي وعدي مش وحش يمكن هو الوحيد في احفادي ميستحقش كلمة شيطان....... انا اجبرت عدي يتجوز وهو رفض الجواز مكنتش عارف ليه المهم اني هددته بأني هحرم اخواته من الورث ومش هو بس ولأنه اللي في ايده مش ليه وافق وجوزته ريم... ريم كانت بتحبه اوي بس هو مكنش بيبين لكنه مكنش بيحبها..... ماتت ريم وهي بتولد وساعتها محي كلمة جواز من حياته وعرفت قريب ليه مكنش بيتجوز..... لانه قابل بنت اسمها عين و......
تلقائي تجمعت دموعها بعيناها بل وتمردت
عثمان : يا بنتي فيكي ايه
عين : وكلمها شوية وبعدين قالها انه بيحبها هي اتريقت لأنهم مكملوش عشر دقايق بس هو اكدلها انه بيحبها وهيسمي بنته علي اسمها وهي هتسمي ابنها علي اسمه ويجوزوهم لبعض
عثمان : عرفتي منين كل ده
عين : حضرتك تعرف اسمي
عثمان : لا
عين وهي تمسح دموعها : اسمي عين يا جدي وابني اسمه عدي
ابتسم عثمان ولم يصدق نفسه حقا كم القدر ملعون
عثمان : تقبلي يا بنتي تتجوزيه
بدأت تحكي له قصتها مع اهلها
عين : دي حكايتي الأول وبعد كدة شوف ان كان هيوافق علي واحدة هربانه
عثمان : انتي الوقتي وكيلة نفسك واعملي حسابك كتب كتابكم بعد تلت ايام وبعدين نشوف الفرح
انصدمت فلم تتوقع هذا وحتي عدي فهو لا يعرف ماذا بينما استأذن عثمان وتركها وذهب وهي مازالت الصدمة حليفتها فوجدت اختها تأتي جريا وتبكي
عين : رؤي
حضنتها رؤي واكملت وتيرة بكائها
عين بهمس : فقر يا عين مبتلحقيش
*************************
في شركة الشرقاوي
حياة وهي تلكز سيلا : شوفي يا سيلا مستر أسعد عسل ازاي ولا ضحكته
سيلا بضيق : اه واخدة بالي
حياة : ولا وهو بيشرب القهوة يا خرابي
وفجأة شرق أسعد وبدأ يكح فذهبوا له خوفا
حياة وسيلا : مالك يا مستر
أسعد : مين عامل القهوة
حياة : انا
أسعد : ممنوع مش بس تعملي القهوة لا تدخلي مطبخ الشركة اصلا ممنوع
حياة : ياااه كل ده يا مستر ربنا يخليك
نظر لها بصدمة امجنونه هذه
أسعد : عملتي ايه في صفقة العريش
حياة : لغيتها يا مستر لأن واضح عليهم نصابين
أسعد بعصبيه : حيااااة
انتفضت هي وسيلا فوقف وتحدث
أسعد بصراخ : مش شركة ابوكي هيا عشان تتصرفي بمزاجك انتي هنا مش اكتر من سكرتيرة لا وكمان اقل من اقل موظف تتصرفي كدة بتاع ايه اطلعي برررة انتي مطرودة
كانت دموعها تنزل بغزارة ثم جرت تاركة خلفها بركان بينما خرجت سيلا بهدوء وجلس هو لا يعرف ماذا يفعل فهذه صفقة مهمه جدا وفجأة فتح الباب ودخل أوس
أسعد بعصبيه : عايز ايه
أوس : مالك ولا اقولك مش مهم قولي مين بقي اللي لغي صفقة العريس
أسعد : سكرتيرة بهيمه وانا طردتها
أوس : واللهي ما بهيم الا انت دول طلعوا ناس نصابة الحمد لله كنا هنخسر خمسين مليون دولار
نظر له بصدمة وشد شعره بعصبية ماذا فعل فوقف ورن عليها سمع صوت فونها في الخارج فخرج
أسعد : حياة سابت الفون
سيلا بغيرة : ايوة
نظر لشنطتها والفون وفوقه مفتاح السيارة فنزل مسرع لأسفل
*****************
كانت تجري ولا تعرف واجهه لها فقط تبكي وما منه الا الاهانه وحتي امام الناس شعرت بضيق الدنيا حولها وفجأة حدث لها دوار فوقفت بالطريق ولا تري شئ وفجأة رأت سيارة تقترب بسرعة كبيرة وشدها احدهم فنظرت له رجل كبير ثم ذهبت متجهه للمصح وصلت لتتجه لغرفة اختها وجدتها شاردة كالعادة فجلست بجانبها
حياة : خليكي ذي ما انتي كدة احسن
لم تجب فمسكت حياة فكها ورفعت وجهها لتراها
حياة : بصيلي انا بكلمك..... تعبانه قوليلي مين المفروض يتعب انا ولا انتي..... لا استني انا عايشة بكامل قوايا العقلية ومتجوزة يبقي سعيدة انما انتي انتي ايه يا حور ردي عليا انتي ايه
لم تتحدث فقط تنظر لها بعيون ذابلة
حياة بصراخ : انتي اللي شوفتي امك ناس بيغتصبوها قدامك انتي اللي شوفتي ابوكي بيتقتل ولا استني لا شوفتي امك كمان بتتقتل انتي اللي حاولوا يقتلوكي وتؤامك وقفت قدامهم واتقتلت ردي انتي اللي كنتي بتيجي علي نفسك وتلبسي لبس بنات ليل وتشتغلي زيهم بس بطريقه نصب تروحي للرجاله تحطلهم منوم وتاخدي حق ليلتك وكل ده لمين ليكي
تمردت دمعه من حور
حياة : اه عشان اقعدك في مستشفي كويسه مع ناس يحموكي من الموت..... انتي اللي جوزك اتجوزك عشان جسمك ويوم دخلتك يشكك في اخلاقك انتي ايه حصلك من كل ده عشان تبقي كدة طيب قوليلي في اسوأ من كدة
لم تجب فتركتها حياة ووقفت قائله : انا معتش هزورك يا حور انتي حرة خليكي كدة ع الأقل ارحم من الدنيا اللي برة..... انتي لا هتنفعيني ولا هتضريني انا تعبت انا يتيمه واختي الكبيرة عايشة شوفتي احلي من كدة اه ومتقلقيش مصاريف المستشفي كلها مدفوعة بتمن جسمي
واغمضت عيناها لتنساب دموعها وتذهب لعمارتهم لكنها لم تذهب لشقتها بل ذهبت لشقة عين لأن لين بها ما يكفي وخبطت الباب ففتح عدي الصغير ودخلت لتجد لين تبكي ورؤي ايضا وعين تحضونهم فنظروا لبعضهم والدموع تغرق وجههم وضحكوا
*********************
في قصر الشرقاوي
كانت تجلس امام المرآه وتنظر للشاش المحاوط بوجهها تخشي ان يكون اسفله شكل بشع وايضا الممرضه ترفض ان تنظر له بالمرآه حين تغير الشاش وفجأة شعرت بمن حضنها من الخلف
يزن : مالك يا ياقوت
ياقوت : خايفه يا يزن وشي يبقي وحش وفي جروح
يزن : وفيها ايه انا بقيت احبك بكل حالاتك
ياقوت بابتسامه : ولحد امته
حملها ليجلس علي كرسي وهي بحضنه
يزن : لحد اما تبقي عجوز مكحكحه وبردك هفضل احبك
ياقوت : ههههههه وانت هتبقي عجوز وتيجي تقولي ححضضرريي الللاكككل يييااا....
يزن : اخر صبري
ياقوت : ههههه متخيل منظرك ساعتها هقعد اضحك
يزن بهيام : وانا اقعد اسمع ضحكتك
نظرت له وابتسمت حقا تشعر انها تحلم فاقتربت وقبلته من شفايفه ثم ابتعدت
يزن : ياقوت انتي طالعه من عملية وحادثة فاهدي عليا لحد اما تخفي
ياقوت بدلع : حاضر يا حبيبي
يزن بغيظ : حبيبك وماله بردك
وحملها ووقف وضعها علي السرير
ياقوت : ههههههه خلاص اسفه
يزن بخبث : رفعت الجلسه يا مدام و.......
*********************
مل أسعد من البحث عليها وانتهي به الأمر في منزلهما ولم يجدها حتي سأل عليها بالمستشفي اخبروه انها اتت وذهبت وبحث عليها ايضا في منزلها القديم لم يجد لها اثر
أسعد بحزن : يا تري انتي فين يا حياة
دخل غرفتهم سويا وفتح دولابها والتقط احد ملابسها واستنشقه ليجد رائحتها به ووجد فونه يرن لأول مرة برقمها فانصدم سرعان ما اجاب
سيلا : الو
أسعد : ايوه مين
سيلا : انا سيلا يا أسعد بيه
أسعد : في حاجة يا سيلا
سيلا : حضرتك لقيت حياة
أسعد : لا
سيلا : طيب يا أسعد بيه انا اقدر اقوم بالشغل كله لوحدي من غير حياة
أسعد : طيب يا سيلا
سيلا : اه وحضرتك مرة قولتلي عايز تشوف ماما هيا بقت كويسه لو عايز تشوفها
أسعد بابتسامه : طيب خديلي معاد منها بعد اسبوع
سيلا بفرحة : حاضر
أسعد : سلام
اغلق الخط وتذكر حديث حياة انه وفي اقرب وقت ستجعل سيلا له وملكه ثم اخذ مفاتيحه وذهب
*******************
في قصر الشرقاوي
كان يجلس الكل علي الطعام الا يزن وياقوت الذين منذ ان عادوا يأكلوا بجناحهم بسبب رغبه ياقوت
عثمان : عدي
عدي : نعم
عثمان : انا رحت لأخت رؤي وطلبت ايدها
أسعد : لحضرتك مش صغيرة عليك دي
عثمان : ههههههه لا لعدي
عدي بعصبية : انا.....
عثمان : حددت كتب الكتاب بعد تلت ايام يا عدي ومينفعش ارجع في كلامي
عدي وهو يقف : وانا مش هتجوزها جوزها لحد تاني غيري
عثمان بهدوء : عدي انا بعمل كدة عشان عين مش عشانك وعشان ابنها كمان
عدي : وعين مش ناقصها حاجة
عثمان : اسمعني بس الأول انت اتجوزت عشانا ومتقولش بنتك مش عايزة بكرة عين تكبر وتبقي بحاجة ام هتتكسف تقولك اسرار البنت مش بتشاركها غير مع امها بنتك هتحس بالنقص ومش هتقولك لو بتحب عين وافق
نظر له عدي ولأبنته التي يحملها يائيل ثم أومأ بحزن فهو بالنسبه له ولثاني مرة يخون حبيبته بينما ينظر له اخواته بحزن علي حالة فهم يعرفوا انه اجبر المرة الأولي والثانيه ايضا
أسعد : جدي انا قررت اتجوز
عثمان : مين ست الحسن
أسعد : سكرتيرتي اسمها سيلا
نظر له عثمان قائلا : تمام مبروك
أسعد : جدي انت في كامل قواك العقلية بقولك سكرتيرة
عثمان بتنهيد : اكتشفت متأخر يا أسعد ان مفيش فرق بين غني وفقير وكفاية اللي حصل لياقوت وعدي بسبب اختياري انتم حريين اتجوزوا اللي عايزنها بس اوعي تندموا يا ولاد متأخر
الياس ببرود : انا قررت هتجوز علي نسرين وان مش عاجبها هبدأ اجهز في ورق الطلاق
نسرين بعصبيه : ازاي يعني حتة سكرتيرة هتخدك مني......
الياس بحدة : حاسبي لخلي لسانك في ايدك فاهمه ورؤي هتكون مراتي غصب عن التخين
وتركهم وذهب فابتسم عثمان لأنه الان يعرف ان حفيدة يختار صح