_حصادشمس الأنصاري _____
بقلم مها عيسى
. (((( الفصل الرابع)))) _______
وهم وسط ضحكهم وفرحتهم ولسه "محمد".. هايقول
رأيه....... يفاجئ كلهم بدخول مرات عم "مني"
ناديه /مش موافق طبعاً.. تقولها بحده....
ولا إيه يا "محمد"....
محمد / من الإحراج مش عارف يقول ايه.....
ممكن كلمه برا يأم عادل...... ويغمز لها
ناديه / ليه يابو عادل..... هي الأصول تزعل
هو مش حرام يخطب المسلم على أخيه المسلم ولا إيه
نافع.... ينظر لابنه إيهاب..... ومش عارف ايه اللي بيحصل
احمم هو فيه ايه بالظبط يا أستاذ "محمد"......
ناديه / فيه أن "منى" مخطوبه وأظن عيب وحرام
كمان اللي انتم جايين تطلبوه
منى / بخضه..... ايه مخطوبه ايه لأ طبعاً مين قال
كدا انا مش مخطوبه لحد ياطنط ولا هو أنتم
خطبوني من ورايا.....
محمد / ايه الكلام اللي بتقوليه ده... ثم امسكها من
درعها.. اتفضلي معايا برا.......
ناديه / سحبت يدها.... فيه اي يابو عادل..... هو
مش بنت أخوك جالها عريس واحنا خلاص وفقنا عليه
منى / مين دا اللي وافق عليه يا مرات عمي.... وهو
انا اللي هاتجوز ولا انتم
ناديه / شوف قلة ادبها.... آه ماهو دا آخرة المعروف
اللي عملناه معاكي وربناكي وسط بدل الشارع اللي
كان زمانك مرميه فيه و........ قبل ما تكمل كلامها
كان نازل على وشها قلم من اللي قلبك يحبو (احسن تستهلي)
ليقوم "نافع" مره واحده يلا يا إيهاب.... إحنا اسفين يا
أستاذ "محمد"... اننا كنا سبب في الخلاف ما بنكم
بعد اذنكم وخرجو....... ومحمد...بيوصلهم
أنا اللي بعتذر منك يا دكتور أرجوك تقبل اعتذاري
ولسه للحديث باقيه انا هابقه اتصل بحضرتك
نافع / ان شاء الله... السلام عليكم
إيهاب.... وهو خارج ينظر ل "منى".. بنظرة كلها حزن
وخوف من المجهول..... وزعل أكتر لما شاف دموع
بعنيها وكان هاين عليه ياخدها بحضنه يطمنها
ويقول لها أن انا عمري ما هاسمح لحد ياخدك مني
(اللهم صل وسلم على نبينا محمد وعلى آله وصحبه أجمعين)
---------)))) - - - - - - - - - - - -
وبعد خرجهم تنظر "منى".. لمرات عمها وتنهار بكائاً
وتجري تدخل اوضتها......... وهي تسمع شجارها مع
عمها انه ازاي يضربها ويهنها قدام الناس....... وانها
هتسيب البيت وان الجوازه دي مش هاتتم إلا على جثتها
وكانت "مني" زعلانه عشان اللي حصل معها وعشان عمها
واللي حصل بينه وبين مراته بسببها........
رمت نفسها ع السرير وانهارت ف البكاء... بقلم مها عيسى
(لا إله إلا الله)
إيهاب...... وهو رايح جاي في اوضته وقلبه مولع
نار على حبيبته ونفسه يتصل يطمن عليا وخايف
يسبب لها مشكله....... ويكون الوقت مش مناسب
نافع...... في غرفتهم بيحكي لمراته كل اللي حصل
وهي زعلت جداً عشان "منى"... خصوصا بعد ما
نافع "... وصفها ليها أد ايه هي بنت جميله ومحترمة
وعقله وطيبه........ وزعلت أكتر على ابنها فاهي
اتأكدت انه مش بس بيحبها لأ دا بيعشقها ودا
كان باين اوي من حالته اللي رجع بيها بعد اللي حصل
بقلم مها عيسى ________
مرت أيام ومازالت" ناديه تاركه البيت و"مني" زعلانه
جدا عشان عمها وانها السبب في المشاكل اللي حصلت
بينهم،،، وكل يوم.. إيهاب" بيتصل بيها يهون عليها
ويطمنها إنه عمره ما هايسبها هو بس منتظر الدنيا
تهدي شويه بين عمها ومراته ويروح لعمها تاني
-----------------------------------لا إله إلا الله
في الشغل عند" محمد ".... يأتي له شقيق زوجته
نصر / وبعدين يا ابو عادل... أنت هتفضل ع الحال
دا انت ومراتك لأمتي....... انتم لسه صغيرين
ع الكلام دا
محمد / ويعني انت عجبك اللي أختك عملته
قدام الناس الغريبه،، وكمان ايهانتها لبنت أخويا
البنت اليتيمه الغلبانه اللي طول عمرها محترماها
رغم معملة اختك السيئه ليها إلا أنها بنت عقله
ومحترمه.... يبقه دا جزاتها تجرحها وتهنها كدا
قدام الناس اللي هاتعيش وسطيهم....
عايزه ترخصها ف نظرهم دا بدل ما تقف جنبها
وتعوضها غياب امها الله يرحمها.......
(استغفر الله العظيم واتوب اليه)
نصر / معلش حقك عليا انا هي بس عملت اللي
عملته دا عشان كانت خايفه على زعلي.....
لكن انا فهمتها انه عادي دا كل شي نصيب
محمد / والله ياعني خايفه على زعلك ومش خايفه
ولا عمله حساب لزعل جوزها.... بقلم مها عيسى
نصر / خلاص بقه يابو عادل... قلبك أبيض
هما الستات كدا عقلهم على أدهم.....
(مين دول اللي عقلهم على أدهم يارجل انت ماتتكلم على ادك😏
محمد /خلاص يا ناصر... خليها عندك شويه لما تهدي
نصر / وهي مش هتهدي وهي بعيده عن بيتها
اسألني انا الوحده من دول تقعد تهدد ف جوزها
والله اسبلك البيت وأمشي...... ولما تمشي
تبقه عملة زي الفوله اللي على النار مطقش
تقعد بعيد عن بيتها..... الواحده ملهاش الا بيتها
ف الاخر......
أنا مستنيك النهارده ان شاء الله بعد الشغل تيجي
تراضي مراتك وترجعها بيتها ومعلش خليها
عليك انت شويه..... دول ناقصات عقل ودين
(استغفر الله العظيم.... حد يحوش الرجل دا بعيد عني أصل أعمل منه كفته دلوقت آل ناقصين عقل ودين آل 😏)
محمد /يهز رأسه.... إن شاء الله
نصر /وعشان خاطري مهمآ تسمع منها خليك هادي
واتحملها عشان خاطري هما الستات كدا يموتو ف
حاجتين النكد والشك...... يعشقو النكد زي عنيهم
ويشكو ف صوابع رجليهم ههههه
ربنا يهديهم......
(بقولكم سبوني ع الراجل دا 🏃انا جبت أخرى منه)
(لا حولا ولا قوة الا بالله العلي العظيم)
في الهاتف.......
منى / بدموع...... أنا مش قادره اسامح نفسي يا
إيهاب.... أنا السبب ف خراب بيت عمي
بقه هي دي أخرتها يربوني ويئويني ف بيته
بدل ما كنت اترميت ف الشارع على رأي مرات عمي
وتنهار بكاءً..... 😭
إيهاب / وقلبه بيتقطع على حبيبته ونفسه يروح
يخنق مرات عمها اللي السبب ف دموع حبيب قلبه
عشان خاطري يا "منى" كفايه ارجوكي متعيطيش
سبق وقلت لك دموعك بتموني......
منى / مع شهقاتها،، بلهفه ... بعيد الشر
إيهاب / بحب.. الله أهو خوفك ولهفتك عليا دي
هونت عليا كل حاجة.......
مني /انت أصلك مشفتش حالة عمي بقه شكلها
ايه خارج مبوظ داخل مبوظ دا تقريباً مبقاش
ياكل ف البيت.. و علطول برا
زي ما يكون مش قادر يدخل البيت وهي مش
موجوده فيه.......... بقلم مها عيسى
إيهاب / وهو يجز عل أسنانه من ذكر هذه الحيذبول
حبيبتي صدقيني دا تلقيه زعلان عشانك وقله
تواجده ف البيت تلقيه مكسوف منك عمك
لو بيحب مراته.... بيحبك انتي أكتر
انتي مشفتيش زعله عليكي ومتحملش إهانة
مرات عمك ليكي وكان رد فعله سريع.....
ومهموش حتى تواجدنا...... والصراحة كبر ف
نظري اوي وكمان بابا......
وبعدين هي حايزبول دي تتحب دا صدقيني لولا
الكسوف لكان جه باسك وشكرك عشان ريحتيه
منها ياشيخه
منى / هههههه
إيهاب /ايو كدا... اضحكي خلي الشمس تطلع
حبيبي ربنا ما يحرمني من ضحكتك دي ابدا
ويقرب البعيد بقه أصل انا خلاص معنتش قادر
منى / بكسوف... احمم طيب انا هاقفل دلوقت
عشآن أجهز الأكل ل عمي قرب يوصل
انا حتى مش عارفه هو اتأخر النهارده عن ميعاده ليه
إيهاب /بضحك.... اهربي أهربي...... لك يوم يا ملاكي
لتسرع.. مني... السلام عليكم وتقفل بسرعه
وهو يضحك عليها ههههههههه بقلم مها عيسى
(اللهم أرزقنا حسن الخاتمة)
&&&&&&&&&&&&&__&&&_______
في الهاتف.....
ثابت / هههههههه الله يبارك فيك هههههه طبعاً
مبروك علينا إحنا......
اسماعيل /...........
ثابت /هههههه مؤكد احنا الكسبنين........ خلاص تمام
يوم الخميس ان شاء هاجيب المدام والأولاد
اسماعيل /..........
ثابت / هههههههه ودي تيجي أكيد هاجيب العريس
دا شرف لينا كبير سيادتك..... تمام مع السلامة
شمس / خير يا بابا الوزير قالك ايه شايفك مبسوط
ثابت / ودي محتاجه سؤال يا غبي..... ماهو واضح
من كلامي معاه......
ايو ياسيدي وافقو ومنتظرينا يوم الخميس الجاي
أن شاء الله عشان نتفق ونقرأ الفاتحه ونحدد
ميعاد الخطوبه.......
شمس..... فرح جدا....... وف نفسه بارتياحيه
ايو كدا ولا ولعبت يا ظهر
ثابت /ايه يا بني روحت فين.... بص بقه يا."شمس
انا عايزك ترفع رأسي دي بنت" اسماعيل الحوتي "
مش اي حد....... ياعني الكلام معها بحساب
الضحك معاها بحساب ودايما حسسها انها الملكة بتعتك
حكم الناس دي بتحب النفخ اوي....
شمس / ولا يهمك يا بابا... دانا" شمس الأنصاري"
بردو مش اي حد ان ماخلتها تهلوس بيا من
كتر الحب ههههههههه بقلم مها عيسى
ثابت / أما نشوف شطارتك يا فلانتينو.....
(اللهم صل وسلم على نبينا محمد وعلى آله وصحبه أجمعين)
--------------------------------------عند إيهاب
ولدة إيهاب / وبعدين يا أبو إيهاب...... احنا هنسيب
إيهاب " كدا دا خس وعدم من كتر قلة الأكل
وكبر عشرين سنه من كتر الحزن......
نافع / هانعمل ايه بس يا حاجه يلا ربنا يكون بعونه
ويهون عليه......... شدة وتزول
الأم / طب هو عم البنت مكلمكش تاني.....؟؟؟
نافع / لأ... من يوم ما اتصل تاني يوم عشان يعتذر
عن اللي حصل وطلب مني موهله بس على ما
يظبط أموره..... ومعتش أتصل تاني
بقلم مها عيسى
الأم / يلا ربنا يعمله اللي فيه الخير والصالح
نافع / يارب........
إيهاب / وهو يخرج من غرفته ويجد والده
ووالدته جالسين........ السلام عليكم
......... وعليكم السلام،،حمدالله على السلامه حبيبي
الأم / وهي تقوم........ أما اقوم اجهز الغدا عشان
نتغدا سوا بقلم مها عيسى
إيهاب / متعمليش حسابي يا ماما انا خارج
نافع / ليه كدا يا ابني دا انا وأمك مستنيينك مردناش
ناكل من غيرك قولنا لما تصحى نتغدا سوا
إيهاب / معلش يا بابا أصل " شمس" اتصل عليا
وخرجين مع بعض..........
الأم / طب يا قلبي اتغدى وبعدين أنزل
إيهاب / معلش يا ست الكل....أصل مليش نفس
يلا سلام عليكم................ وخرج
الأم والأب يبصو لبعض.......... لا حولا ولا قوة الا بالله
(أستغفر الله العظيم واتوب إليه)
&&&&&&_&&&&&&&&&&_&&&&
في شقة (ناصر)...
ومحمد / بيحاول يراضي مراته........... وبعدين يا
نادية " ياعني انتي اللي غلطانه وكمان عمله زعلانه
ناديه / بحده... أنا مش عامله زعلانه يا" محمد
انا فعلاً زعلانه،،،،وبدموع بقه كدا اهون عليك
تضربني وتهني كدا قدام الناس الغريبه
محمد / وهو يمسح بوجه.... استغفر الله العظيم
بلاش نقلب ف اللي فات.. يا نادية.......
عشان مرجعش واقولك نفس الكلام اللي قولته
ليكي ف البيت.......
(استغفرالله العظيم واتوب اليه)
انتي اللي غلطتي الأول ومش مره لأ دول مرتين
... لما دخلتي عليا وانا مع الضيوف بالطريقه
بتعتك دي ولا همك شكلي قدمهم ودي كانت
إهانة لرجولتي........بقلم مها عيسى
والتانيه لما اهنتي بنت اخويا قدام عرسها وصغرتي
بيها وبيا وقبلنا صغرتي نفسك......... شكلك اي
دلوقت قدمهم،،، أكيد خدو عنك فكره وحشه دلوقت
ناديه / انا لا يهمني خدو فكره وحشه ولا حلوه
ياعني انت خايف على شكل السنيوره......
ومش خايف على شكل اخويا قدام صاحبه
محمد / ياسيتي اذا كان صاحب الشأن قلك
عادي مفيش مشكله دا قسمة ونصيب
انتي مالك بقه............
نصر / بجديه..... خلاص بقه يا "ناديه"
انا متشليش همي انا خلاص فهمته كل حاجة
والراجل كان متفاهم الموضوع........
روحي بيتك بقه وسط جوزك وعيالك
وحافظي على عشتك....... يلا قومي البسي
ناديه / لأ.... مستحيل ارجع له تاني
ناصر / بشخطة....... نااادية...... وبعدين متزودهاش
ولمى الدور ويلا مع جوزك......... يلا مش هاعيد
الكلمة تاني
(لأ راجل يالا عجبتني،،،، بس بردو هنسي غلطك)
نادية / بقه كدا يا "ناصر" ماشي يا خويا انا بردو
مش هكسر لك كلمة وهرجع مع جوزي.......
بس هرجع بعد ما ينفذ شرطي...