تحت ضوء القمر الساطع
*ونجوم السماء المنيرة
*وهدوء الليل المريب
*وكأن الكون يصنت لهما
*نظر لها بكل حب وهيام
وعشق وحنان
*ود ان يقول لها ابقي في حضني وستجدي الأمان
*لكن للعقل رأي مختلف
ارتجفت شفتاه وخانه اللسان
《مينفعش اسيبك وسط جحيمي مقدرش اشوف نهايتك علي ايدي》
*ابتسمت بحزن أيلاعبها القدر ام يخيرها
*ايسخر منها ومن ضعفها وقلة حيلتها
*يدق قلبها طبول الموت يعلن عن قرب جنازتها
*تنهمر دموعها رغما عنها لتعلن قرار رفضها
*قالت بنحيب وارتجاف خشية ان من ان يتركها
《 جحيمك بالنسبالي مأواي بهرب فيه من غدر الزمان لو خيرك القدر بيني وبين موتي هتختار مين 》
*قال لها في هلع والخوف في قلبه يعتليه أهذه دمعة التي تراها
《 بعد الشر عليكي انا عمري ما هسمح حاجة تأذيكي 》
*احتضنته بعشق باكية وفي قلبها سعادة لا متناهية ايقنت انه لم يمل من حبها او ندم علي عشقها
*قالت والفرح يملأ روحها بكل عزم واصرار علي قراراها
《 وانا لو سبتك هموت انت الروح وانا الجسد مفيش روح من غير جسد ولا جسد بدون روح 》
$وهنا نبتدي روايتنا
الفصل:الاول♥️ :-
الساعة ١٢ بليل ف مخزن كبير فاضي نور بسيط من لمبه واحده متعلقة ف السقف قاعد ف الجزئ المظلم علي كرسيه
وحاطت رجل فوق التانيه وبيدخن من سجارته الغالية وهي مربوطة بحبال ومرميه تحت اللمبه وعلي راسها كيس اسود شاله الحارس بأمر من حاتم
الخدامة برعب: في ايه جايبيني هنا ليه
حاتم يهدوء: مين ال باعتك
الخدامة بخوف: محدش باعتني ي باشا انا شغاله عند حضرتك من سنة مشفتوش مني حاجة وحشة ولا قصرت ف حاجة
حاتم ببرود:شكلك غاوية بهدله*وشاور لواحد من الحراس طلع دقيقة ودخل وهو شايل عيل ٣ سنين امه شافته صرخت
وعيطت وحاولت تقوم توصله لكن حارس تاني مسكها وقعدها مكانها ف الارض
الخدامه بصراخ: بلاش ابني ي باشا وانا هقولك على كل حاجة لكن سيبه ونبي*العيل فضل يعيط علي مامته ومادد اديه
عشان يوصلها شاور حاتم للحارس طلع بالطفل برة
حاتم:مش فاضيلك انجزي
الخدامه برعب:حاضر ي باشا انا معرفش غير واحد اسمه محمود البيومي كلمني قبل ما اجي اشتغل عند حضرتك ب شهر وعرض عليا فلوس كتير وانا كنت محتجاهم معايا ٤ عيال بربيهم ومطلقة وجوزي مبيدفعش قرش ومش موظف قالي هتروحي تطلبي منهم شغل كل اسبوع مرة لحد ما حضرتكم وافقتو بعد ما ماتت ثرية هما ال قتلوها بس معرفش ازاي تاني يوم من موتها عينتوني واشتغلت عند حضرتك حاولت اخلع من الموضوع ده بس مقدرتش هددوني بعيالي ونفذت ال قالوه وبقيت انقله اخبار حضرتك بس والله غصب عني سامحني ي باشا*فضلت تعيط بنحيب قام حاتم بجبروته وخرج وهو خارج من الباب
حاتم ببرود:عشي الكلاب انهارده ليها يومين علي لحم بطنهم *وطلع وهي فضلت تصرخ وتثتغيث
الخدامه:لاااا ونبي ي بيه الرحمه عشان خاطر عيالي مين هيربيهم ونبي ارحموني *دخلو الحرس اربع كلاب بوليسية شرسة مسكينهم من سلاسلهم كل واحد ماسك كلب اول ما شافوها ابتدو ينبحو وبيحاولو يوصلولها وهي تصرخ بفزع وتثتعيث لكن لا حياة لمن تنادي سابو الكلاب عليها وطلعو وردو الباب ركب حاتم عربيته الفخمه وركب جنبه شهاب وطلع بيهم السواق
حاتم ف الطريق وهو باصص قدامه ببرود:تجمعلي واحده جديده وتكون ثقة عشان لو حصلت حاجة زي كده تاني هتكون انت المسؤل وتجبلي محمود البيومي من تحت الارض سامع
شهاب بخوف:حاضر بكرة الصبح كل حاجة هتكون جاهزة
*حاتم جمال ٣٥ سنة اكبر تاجر مخدرات واسلحة ف الشرق الأوسط معروف عالميا و مطلوب دوليا معروف بجبروته وانه مبيرحمش طوله ١٨٠ يتميز بالبشرة القمحاوية والجمال الشرقي عينه سوده زي شعره رياضي وهوايته الصيد
*شهاب محمد ٣٢ سنه أرمل ووحيد صديق حاتم من عشر سنين فرفوش برة الشغل لكن ف الشغل زي حاتم مبيرحمش بشره فاتحه وعنين بندقي وجسم رياضي وهو من عشاق الموسيقي بكل انواعها يعتبر دراع حاتم اليمين ف شغله ف منطقة ف الإسكندرية ف بيت عادي وسط منطقة عشوائية
نورة بزعيق:مش هنروح مع حد ي عمي احنا بيتنا قاعد نروح نقعد ليه عندكم وتزلو فينا
عمها جبريل بهدوء:انا جاي اخدكم بأمر من المحكمه خلص الكلام هتيجو بالذوق ولا اجيبكم بالعافية*جريت نورة للمطبخ وفتحت الدرج طلعت سكينه وطلعت بيها ف الصالة
نورة بقوة:ال هيقرب مننا يقول ي رحمان ي رحيم علي روحه
خيري ابن عمها:يعني يبت عمي عاوزين تقعدو لوحدكم وانتو ولايا تلفو علي شعر راسكم ومحدش يحاسبكم لاا معندناش الكلام ده اذا حصلتلكم حاجة لقدر الله مش هنقدر نرفع عينا ف عين حد تاني
نورة بعصبية:شوف مين بيتكلم احنا قعدتنا هنا ارحملنا من قعدتنا عندكم ولا ناسي ايه حصل منك اخر مره سافرنا فيها عندكم فاكر يا ولد عمي مش انت بردو ال كنت عاوز تتهجم علي بنت عمك اختي منه ياخي انت الواحد يبصلك يقرف بطل الهباب ال بتشربو بعدين ابقي أتدخل ف مواضيع الرجاله
خيري بتوتر:بحبها وعاوز اجوزها واسترها ده حرام
منه بغضب:انا بكرهك مش بطيقك تقول اتجوزك خد بلاك وغور بعيد عننا
عمهم:يعني مفيش فايده من الكلام معاكم طيب شوفو بقا مين يبعتلكم قرش ولما اشوف هتاكلو وتشربو منين سلام عليكم
نورة:روحة بلا رجعه ان شاء الله *طلع من الباب ووراه خيري ال بيبص ل منه بنظرات مريبه رزعت الباب وراهم نوره وبصت لاخواتها البنات لقتهم بيعيطو
نورة:لا اجمدو شوية ماما سابت رجاله وراها مش حريم متخلوهاش تزعل مننا
منه بعياط:الله يرحمها ده مستناش ٤ايام يعدو حسبي الله ونعم الوكيل فيه بصو انا من بكرة هروح المكان ال كانت شغالة فيه ماما واشتغل بدالها فلوسهم حلوة نقدر نمشي بيها حالنا لحد ما ربنا يفرجها
غادة بحماس:واحنا كمان هنشتغل معاكي
منه باصرار:لاء انتو هتكملو تعليم وتجيبو درجات كويسة وتتوظفو عاوزين نحقق احلام ماما ونعتمد علي نفسينا *حضنوها نوره وغادة بعياط والحزن محاوطهم من كل ناحية راحو لاوضتهم منهم ذاكرت ومنهم نامت ومنهم قرأت قرأن رحمه علي امهم الساعة بقت ١١ طفت منه النور بعد ما أخواتها نامو وبصت علي باب البيت وحطت عليه قفل من جوة البيت كله مقفل مامتهم قفلت الشبابيك كلها بالحديد وعملت باب حديد ليه قفل من جوة بعد موت بباهم عشان يقفلو علي نفسهم كويس لما مامتهم تبات برة عشان شغلها حطت القفل وقفلته وراحت نامت بعد عياط وهي بتفكر هتعمل ايه والقدر هيوديهم لفين غلبها النوم علي الساعة ١٢...... صحيت علي صوت المنبه طفته وقامت بكسل جسمها متكسر الساعة ٦ راحت لسرير نورة وصحتها
منه براحه:نورة ي نور
نورة بفزع:اييه عمي جيه في حد عاوز يخدنا
منه بدموع:مش هنسمح بكده احنا مع بعض اقوي صح
نورة وهي بتحضنها:صح ي منه
منه بتشجيع:يلا عشان تلحقي تراجعي وتروحي للامتحان
نورة بحزن:طب وغاده مش هينفع نسيبها وحدها
منه بنفي:لاء طبعا هخدها معايا تعد لحد ما اخلص وانتي مترجعيش البيت لحد ما اجي اقعدي عند أميرة صحبتك بما انها معهاش اخوات ولاد وهي طيبه ومش هتقول لاء لحد مانشوف هنعمل ايه*هزت نورة راسها وقامت تجهز عشان الامتحان صحت منه غادة وراحت جهزت الفطار الكل فطر غسلت منه الأطباق وغاده ساعدتها ف ترويق المكان وكذالك لبسو هدومهم وجهزوا فتحت منه القفل بعد ما ضلمت الشقة وطلعو وقفلت الباب بالمفتاح وشالته وخلت نسخة مع نورة وصلت منه نورة لمدرستها وخدو تاكسي وطلعت علي مكان شغل مامتها
منه:بس هنا علي جنب لو سمحت ي عمو
السواق:حاضر ي بنتي *وقف السواق علي جنب ف الطريق
منه:كام حسابك ي عمو
السواق:٣٠ جنيه يبنتي*فتحت شنطتها وبصت ف الفلوس لقت ٤٠ جنيه ال معاها بصت ل غاده بحزن
السواق: بس عشان خاطرك همشيها ١٥
منه براحة:شكرا ي عمو ربنا يبارك ف صحتك اتفضل
السواق بفرحة: بردو ده انتي زي بنتي ربنا يحرسكم *نزلت منه واختها من العربية وبصو حوليهم
غادة:فين المكان ي منه انا شايفة المنطقه فاضيه
منه بضحك:يعني انا هتوه مثلا مجيت كذا مرة مع ماما هنا يلا ي غاده هننزل المنحدر ده ونحود يمين*فعلا نزلو منحدر بسيط بتمر فيه العربيات وخدو وحودوا يمين بعد عشر دقايق مشي فضلو ماشيين لحد ما ظهرت القلعة
غادة بذهول:يااه دي بعيده اووي وتحسيها واقعة ف حفرة وبعدين الناس دي ساكنه وحدها ليه
منه بتحذير:ملناش دعوه وبعدين خلي بالك من كلامك والا هنخسر الشغلانه ونروح عند عمنا زي الكلاب يذل فينا
غادة بزعل:حاضر مش هفتح بقي بكلمه * وصلو للقصر ودخلو من باب الخدم طبعا عرفها عم عبدو ال مسؤول عن مدخل الخدم وعزاها ف مامتها ودخل معاها ل سعاد هانم كبيرة الخدم دخلو المطبخ
عبدو: رحاب ي رحاب
رحاب:ايوة يعم عبدو
عبدو:فين سعاد هانم
رحاب: برة ف الصالون مع شهاب بيه
عبدو:ماشي ..بصو ي بناتي انتو هتستنوا هنا هروحلها وهاجي
منه:حاضر ي عم عبدو*سابهم عبدو وطلع من المطبخ وراح للصالون لقي سعاد واقفه و شهاب بعيد عنها شويه بيحكي ف التليفون استغل الوضع وقرب منها
عبدو بصوت واطي شوية: سعاد هانم
سعاد بصوت واطي:عاوز ايه يعم عبدو مش فاضية شويه وهاجي
شهاب وهو بيبصلهم:في اي ايه الوشوشه دي
عبدو بتهته:ابدا ي باشا كنت عاوز سعاد هانم ف موضوع كده
شهاب بغيظ:يعني مش شايفها واقفة معايا
عبدو:سامحني ي بيه
شهاب بفضول:موضوع ايه ال خلاك تكلمها بصوت واطي كده
عبدو: ابدا ي باشا ده واحده كانت شغالة هنا من ٧ سنين واحنا مشفناش منها حاجة وحشة وماتت من ٤ ايام وبنتها الكبيرة حابة تشتغل مكان امها عشان تصرف علي أخواتها البنات
شهاب بفضول: فينها
عم عبدو: هنا ف المطبخ
شهاب:نادلها*فرح عبدو وجري علي المطبخ
عبدو بنهت:ي منه تعالي الباشا عاوز يشوفك
منه بخوف وتوتر:حاضر خليكي مكانك ي غاده لحد ما اجي
غادة:حاضر *راحت منه مع عم عبدو ف الصالون شافت شهاب بيه وطت راسها ف الارض
عبدو :اهي ي باشا
شهاب وهو رافع حواجبه بانبهار: عندك كام سنة واسمك ايه
منه: اسمي منه الله سلامة عندي ١٨ سنه
شهاب بعصبية:انا سألتك علي سنك الأول وبعدين اسمك اسمعي الشغلانة بتاعتك مش عاوزة توهان ولا لعب عيال الغلطه بفورة فاهمة
منه وشها بقي طماطم:حاضر ي باشا
شهاب:سعاد البت دي هتبقي شغالة للباشا الكبير الشغالة بتاعته اتوفت ف حادثة امبارح
سعاد بخضة:حاضر ي باشا تحت امرك
شهاب :علميها كل حاجة اي غلطة انتو الاتنين هتتحاسبو عليها
سعاد:تحت امرك ي باشا *سابهم شهاب وطلع قابل حارس برة من حراسه
شهاب:البت الجديدة اسمها منه الله سلامه عاوزك تجبلي كل حاجة عنها فاهم
الحارس:تحت امرك ي باشا
*البطلة: منه الله ١٨ سنه خلصت دبلوم الثانوي بباها متوفي مامتهم قبل ما تتوفي بتشتغل عشان تصرف عليهم تتميز بالعود الفرنسي شعرها اشقر معرج علي بسيط مغطي ضهرها
كله عنيها رصاصي بشرتها بيضة بياض التلج وخدودها وشفايفها قرمزي طولها ١٦٢ قصيرة سنه بس قمر وهاديه وعقلية طفلة ٥ سنين
*نورة/ اخت منه تتميز بنفس جمال منه بس هي أطول شوية ومليانة حبة ١٦ سنه ف دبلوم تجارة ٥ سنين عنيها بني زي
شعرها الغجري مجتهدة نفسها تطلع تتوظف وتحقق أمنية مامتها شخصية صارمة مبتهزرش عنيدة وقلبها قوي
غادة/اختهم التالته١٣ سنه ف الاعدادي قمحاوية سنه وعنيها
زرقة عكس شعرها الأسود الحرير قصيرة ورفيعة زي منه بس شاطرة وذكية ودمها شربات
الفصل:الثاني
بقلم ايمان هشام
سعاد بحزم:تعالي ورايا
منه:حاضر*خدتها لاوضة حاتم فوق دخلت الاوضة اتصدمت كل حاجة بالاسود كبيرة خالص فيها بار صغير حاطت فيه
مشاريب كتير خمنت انه وسكي
سعاد:ركزي معايا بما انك هتبقي شغالة ل حاتم باشا ف ده معناه انك هتباتي ف القلعة ليكي أوضة لوحدك مع باقي الخدم واكلك وشربك علينا
منه:بس انا معايا اختين أصغر مني مقدرش اسيبهم لوحدهم
سعاد بحزن:تمم تقدري تجيبيهم يقعدو معاكي الاوضة هتشيلكم بس ميهوبوش ناحية مكان الباشا لا الصالون ولا
الرسبشن ولا جنينة القلعة ولايدخلو ويطلعو من المكان ال بتدخلي منه ميدخلوش اوض البشاوات نهائي الغلطه هنا بفورة
حاتم باشا مبيرحمش خلينا ف الشغل دلوقتي بما ان حاتم باشا مش موجود الكبيات دي يوميا تتلمع والمكان بتاعها بردو
والازايز نروح للدولاب هتفتحيه يوميا يتروق مش عاوزة الاقي فوطه مش في مكانها الهدوم ال بيغيرها الباشا بيحطها
ف الصندوق ده تشرفي عليه ٣ مرات ف اليوم لو لقيتي منديل واحد فيه تغسليه وتكويه وتحطيه مكانه فرش السرير
يوميا يتغير الستاير بتاعت الاوضة والسجاد مرتين ف الأسبوع تتشال ويتفرش غيرها عفش الاوضة يتلمع اول بأول
نروح للبلكونه*مشيت سعاد وورلها منه
منه بصدمه:حتي البلكونه سوده
سعاد:متتكلميش ف ال ملكيش فيه لو سألك حاتم باشا علي
اي حاجة تردي بأدب واحترام علي قد السؤال غير كده متفتحيش بوقك
منه بحزن:حاضر
سعاد:الصبار ده تشربيه كل اسبوع مرة البلكونه تنضف يوميا والاوضة كلها كل يومين تتمسح والحمام كل يوم وتعطري
المكان علي طول حفظتي
منه بفهم:حفظت
سعاد:تعالي اديكي هدوم الشغل *مشت سعاد قدامها وهي
جريت وراها تحصلها نزلو تحت وراحت اوضه كبير ف القلعة من برة بعد ما طلعو من المطبخ فتحت سعاد الاوضة وولعت النور ودخلو أوضة واسعه كلها دواليب وسجاد الظاهر فيها
فرش القلعة ولبس الخدامين الجداد وقفت سعاد جنب الدولاب وبصت ل منه فتحت الدولاب وشدت ٤ اطقم شبه بعض وادتهوملها
سعاد:خدي تروحي تظبطيهم عليكي عند الخياطة جوه عشان واسعين كل يوم طقم جديد مش عاوزه ريحتك تبقي وحشة فاهمة
منه بغيظ:حاضر*بعدين طلعو وراحت وراها دخلو تاني القلعة من المطبخ وغاده باصة عليهم طالعين داخلين راحت للخايطة
واخد أوضة من اوض الخدم خبطو ودخلو بصت منه لقتها واحده ست كبيرة ف السن شوية
سعاد: شادية منه جديده هنا عوزاكي تظبطي الهدوم دي كويس عليها
شادية بسرور:حاضر من عيوني ادخلي ي منه ورا الستارة والبسيهم وتعالي *سمعت منه الكلام ودخلت وردت الستارة وغيرت الهدوم عبارة عن فستان اسود لحد الركبه والكم بتاعه لحد الكوع بتاع اديها ديق من فوق لحد الوسط وبعدين واسع لتحت وليه كسر لونه كله اسود وشريط ابيض علي اللياقه ونهاية الكم ونهاية الفستان تحت ومريله علي الوسط بيضه بس طبعا كان واسع عليها طلعت منه بكسوف
منه:هو انا هلبسه كده
الخياطة بضحك:منتي بشعرك اهو نص الكم يعني مزعلك
منه باحراج:لا مش قصدي بس يعني تحت وكده
الخياطة بضحك:لاء طبعا ليه شراب طويل لفوق رجلك مش هتبان هدهولك بعد ما اخلص تعالي بقا عشان نظبطه هو بس هنرجع الكتف ونديق من الكم شوية ومن فوق شويتين ونقصر سنه لانها فوق الركبه مش تحت الركبه وبس كده تمم خلصت عدي عليا عشر دقايق وخدي اول واحده وساعة واخلص الباقي
منه بفرحة:تمم
سعاد: يلا ي منه
منه:حاضر*خدتها سعاد وراحو المطبخ
سعاد:انا مسؤلة عن أكل الباشا بس انتي ال اول ما يجي تطلعي وراه بخمس دقايق وتخبطي قبل ما تدخلي سمحلك تخشي تفتحي الباب براحة وتقوليله الاكل جاهز ي باشا لو هياكل تنزلي تاخدي الاكل و تدخليه رفض تطلعي وتردي الباب اهم حاجة الادب هقول تاني اول ما يجي ويطلع لفوق تطلعي وراه بعد خمس دقايق وتخبطي ولو سمحلك تدخلي ويطلب منك ال محتاجه لو مسمحش تنزلي يبقا مش عاوز حاجة
منه بفهم:حاضر
سعاد:الاكل يتحط علي صنيه وتطلعي فوق قبل ما تدخلي الاوضه فيه طربيزه صغيرة بعجل ترصي عليها الاكل قبل ما تدخلي متخشيش بالصنيه
منه:حاضر
سعاد: تعالي هوريكي اوضتك *مشت وراها منه للمكان ال كان فيه أوضة الخياطه مشيو شويه ووقفت جنب باب بني فتحته ودخلت دخلت وراها منه الاوضة واسعة أوسع من اوضتها هي وأخواتها البنات وفيها دولاب وطربيزة وكوميدينو وسرير حلو يشيل اتنين وحمام صغير بصتلها سعاد
سعاد:بما ان اخواتك هيقعدو معاكي هجيب سرير ذيادة بس متنسيش ال قولت عليه ميهوبوش ف مكان الباشا
منه:حاضر
سعاد: يلا هاتي هدومك من عند شادية وخدي دوش والبسيها هتبتدي شغل من انهاردة
منه:حاضر* طلعت سعاد وراها منه خبطت منه علي الباب ودخلت بصتلها شادية
شادية:خلصتها خدي اهي وخدي دول ٦ شربات و افتحي الضرفة بتاعت الدولاب ده هتلاقي جزم شوفي الجزمة ال تيجي علي مقاسك وخدي اتنين *استغربت منه حتي الجزمه فتحت منه الدولاب لقته كله جزم سوده ال هيا وشها بيضاوي وبكعب بسيط وزي الصندل كده فضلت تجرب لحد ما لقت مقاس ٣٨جه علي قدها خدت اتنين وقفلت الدولاب بصتلها شادية
شادية:خدي الايشارب ده البسية بتاع الطقم مع كل طقم واحد
منه باستغراب:بس ده صغير اووي
شادية بضحك:هو منظر مش اكتر يلا روحي قبل ما سعاد هانم تطب علينا وابقي عدي عليا بعد ما تلبسي الهدوم عاوزه اشوفها مظبوطه ولا لاء
منه:حاضر*خرجت منه من الاوضة وراحت لاوضتها دخلت وقفلت الباب وراحت للحمام خدت دوش ولبست الهدوم فعلا مظبوطه بالملي عليها لبست الشراب والايشارب بعد ما سرحت شعرها ولفته كحكة ولبست الجزمه وبصت ف مراية الدولاب الطقم تحفه عليها فضلت تلف بيه زي العيله الصغيرة وبعدين طلعت ورته لشادية
شادية:ماشاءالله قمر ربنا يحفظك يلا روحي شوفي سعاد هانم *طلعت من عندها وردت الباب ومشيت للمطبخ اول ما دخلت وشافتها غاده قامت من مكانها بفرح وراحت وقفت جنبها
غادة:الطقم ده جميل انا عاوزة زيه
منه بغيظ:مش وقت غيرة تعالي عشان هوريكي اوضتنا
غادة باستغراب:هو احنا لينا أوضة يعني هنسيب البيت
منه بتنهيده:اه وأعتقد أن ده الأحسن نبعد عن عين عمنا فترة من الوقت وكمان نتقي شره *خدتها منه الاوضة عجبت غاده خالص
غادة:الاوضة جميله واسعة
منه:ولسة فيه سرير تاني هيجي
غادة بفرحة:احنا نعيش هنا علي طول بقا
منه بحزن:مش هينفع
غاده باستغراب:ليه
منه :معرفش بس مش هينفع وخلاص
منه:متطلعيش من اوضتك هاجي اطل عليكي علي طول بس متخرجيش
غادة:طيب خلاص مش طالعة اووف *خرجت منه وردت الباب وراحت للمطبخ
سعاد:الباشا خمس دقايق وهيوصل جاهزه
منه:تمم جاهزه*مستنيه علي جمر خايفه مرعوبه لتغلط سمعت صوت خطوات ف الصالون وبعدين علي السلالم جات سعاد وبصتلها
سعاد :الباشا وصل متنسيش حاجة خبطي ولو اذنلك تتدخلي علي طول لو مردش متخشيش
منه بخوف:حاضر تمم
سعاد:اطلعي يلا *طلعت منه من المطبخ وراحت لفوق جري وقفت قدام الباب خدت نفس كبير وزفرته براحه وخبطت ٣ مرات بهدوء
حاتم بزمجرة:ادخل *فتحت الباب بايدين مرتعشة ودخلت كان مديها ضهره بيغير القميص رماه ف الصندوق وطلع تيشرت اسود لبسه كل ده وهي باصة ف الارض باحراج بص عليها ووقف للحظة
حاتم بذهول:انتي مين
منه بتهته:ااا انا منه الله
حاتم باستغراب:عندك كام سنة
منه:١٨ سنه
حاتم بلا مبالاه:حضريلي الاكل وبعد كده لما تدخلي تسأليني علي طول احضرلك الاكل وانا هجاوبك ب اه أو لا سامعه مش عاوز توهان اتفضلي *كان صارم جدا طلعت وردت الباب ونزلت تجري لتحت وهي بتكلم نفسها
منه:انا بس وقفت عند الباب ونسيت كل حاجة دخلت المطبخ شافتها سعاد وسألت
سعاد:هاا قالك ايه
منه:هياكل
سعاد:يلا يبنات جهزو الاكل*كان فيه ٣ بنات بيجهزو الاكل وسعاد بتباشر معاهم ومنه مرعوبه خايفة لتغلط تاني خمس دقايق الاكل كان علي الصنيه خدتها منه وطلعت لفوق كانت هتفتح الباب بس افتكرت الطربيزه بصت جنبها لقتها ورصت عليها الاكل وخبطت ودخلت شافها حاتم ال كان نايم علي السرير وهي داخله قام ووقف وبصلها
حاتم بعصبية:قولت مليون مرة مبحبش المتوهين انا سمحتلك تدخلي ردي* وشها حمر وابتدت تعيط وتتنفض وهي باصة ف الارض ومشبكه اديها ف بعد وبتدعك فيهم
منه بعياط:لاء مسمحتليش انا اسفة مش هكررها تاني
حاتم بعصبية:غوري من وشي دلوقتي وردي الباب وراكي اديني بفكرك *مشت منه ونده عليها تاني ورجعت
حاتم بهدوء: لما اخلص كلامي معاكي تقولي تحت امرك ي باشا سامعه انا متأكد ان سعاد بتزن علي ودانك من الصبح بكل التعليمات بس الظاهر انك مبتفهميش لكن احفظي يلا غوري
منه بدموع وشهيق: حا حاضر تحت ااا امرك ي باشا*وسابته وطلعت وردت الباب نزلت علي السلالم تعيط وراحت لاوضتها تجري فتحت الباب واترمت عليه السرير تعيط قربت عليها غاده بخوف
غاده:ايه حصل ي منه مين زعلك مالك
منه بعياط:مفيش الشغل صعب شوية
غادة بحزن: لو صعب كده نسيبه ونشوف غيره ارض الله واسعة
منه :لاء انا هتعود مش مشكله*وقامت دخلت الحمام غسلت وشها وطلعت بره اوضتها وراحت المطبخ شافتها سعاد ف قربت منها
سعاد:انتي كنتي بتعيطي يبقا نسيتي حاجة والباشا قام فيكي ايه حصل
منه وهي بتتماسك؛ابدا بس انا محتارة عاوزة اجيب حاجتي وحاجت اخواتي واختي بنفسها بس مش عارفه هتسمحي ولا لاء
سعاد بحنية:ي عمري بسيطه انا هبعت عمك عبدو يروح ويجيب ف العربية ال انتي عوزاه اديه بس العنوان
منه بفرح:حاضر حالا*وفعلا كتبت العنوان وقالتله بعد ساعة يروح عشان تكون اختها خلصت امتحان وبعد نص ساعه كلمت نورة وقالتها علي وضعهم الجديد راح عم عبدو جاب نورة وهدوم البنات وكتبهم وحجات بسيطة وسعاد خلت الخدم ينقلو سرير من الاوضه ال جنبهم ف اوضتها وصلت نورة ورتبو هدومهم وحاجتهم ف الدولاب
منه:قفلتي الباب كويس ي نورة
نورة:اه طبعا ده حتي عم عبدو اتأكد بنفسه بس طيبين اووي الناس ال هنا صح
منه بسرحان:اه طبعا دول محدش ف طيبتهم