غرام أحفاد الشيطان
الفصل الثالث وعشرون
💥✨💥✨💥✨💥✨💥✨💥
ماجد : عين العقل يا راغب يا اخويا
راغب : يعني مش زعلان يا ماجد
ياسمين بضيق : وهو هيزعل ليه
حنان : هيزعل ليه يا راغب انت عارف احنا بنحب ياقوت اد ايه
ماجد : بعدين انا كنت هتنازل عن حقوقي ل ياقوت يا راغب دي حتة من روحي
حنان : وروحي واللهي يا راغب..... هتروحلها امته بقي
راغب : بكرة هروحلها يا رب تكون مش لسه زعلانه مني
ياسمين : يوووه انت مديها اكتر من حقها
نظرت لها حنان بكره وحسد علي ياقوت فهي تمنت ان يرزقها الله بمثلها ولكن ليس لها نصيب
*******************
في قصر الشرقاوي
فتحت روح عيناها وجدته يتأملها فنظرت له بإستغراب
روح : اسمك ايه
أوس : روح مش فاكرة
روح : عارفه شكلك بس ناسيه اسمك
رفع الفون ورن علي الطبيب وهو يزيد من ضمها مطمئنا اياها واخبرة عما قالت وتحدث معه قليلا
أوس مقبلا حبينها : انتي روح وانا أوس جوزك بحبك وبتحبيني وعندنا عيلة كبيرة هتلقيهم تحت
روح : طيب هو ليه انا مش فاكرة حاجة
أوس : كل شئ في وقته حلو اهم حاجة ثقي فيا
ابتسمت وزادت من ضمه
وكان ما حدث ملفت في هذا اليوم ليمر ويأتي يوم جديد
****************
كانوا يجلسوا جميعا يوجد جفاء واضح بين لين وأيان اما روح فنست مجرد النوم وذكرها أوس مرة أخري ومالك يعامل ياقوت بطريقه تجعل يزن ينظر لهم ويشتعل وعثمان يتابع بشماته
مالك : ههههههه بس كنتي مجنونة ومازلتي واللهي
ياقوت : لا ويومها الولد جري ورايا ويقول كلت صوباعي وانا اضحك واقول اه معترفه
مالك : طب بالنسبة لموضوع جوازنا يا ياقوت امبارح انا فتحتك
ياقوت : انا......
بهيه : ياقوت هانم والد حضرتك برة هو ووالدتك
نظرت لها ياقوت بدموع قائله : دخليهم
ابتسم يزن بسخريه فهو سبق وسمع حديثها الاخير معهم والان نست كل شئ
دخل راغب وياسمين وحنان وماجد فاندفعت ياقوت لحضن اباها تبكي فقبل رأسها
يزن لنفسه : الصبر يا رب دا ابوها بردك
ابتعدت واحتضنت حنان ثم ماجد واخيرا امها وجلست معهم
حنان : عامله ايه يا ياقوت
ياقوت وهي تنظر ليزن : ا.الحمد لله
راغب : ياقوت خدي يا حبيبتي
التقطت الأوراق وقلبت فيهم بإستغراب ثم نظرت لأباها
ياقوت : عايزني اورثك بالحيا مش كفاية غايب كل ده وراجع عشان كدة وانا ذي الهبلة فكرتك راجع عشاني
اعطته الورق بيدة وتحدثت بخيبة أمل
ياقوت : حتي انت يا بابا ويا تري عملت كدة ليه عشان مين مياخدش فلوسك كلكم كدة ليه
نظر لها يزن فلمح مالك يقترب ويمسكها من كتفها في نفس وقت نزول حور
مالك : متزعليش يا ياقوت قولتلك وهقولك تتجوزيني
راغب بصدمة : نعم دي مرات يزن
مالك : اصدك طليقته
جن جنون يزن يريد ان يوقفها فوجد حل فوري يكسر به حديثها
ياقوت : مالك انا م......
يزن : اقدملك يا عمي حور خطيبتي
انصدم الكل بما فيهم حور
ياسمين بصدمة : حورية بنتي...... راغب دي حورية بنتنا اهيه مش قولتلك عايشه
واقتربت من حور تكور وجهها وتقبلة
ياسمين : حوريه حبيبتي قولت لأبوكي انك عايشة قولتله متديش حاجة ل ياقوت استني اما حورية ترجع انتي تستاهلي كل حاجة انتي اللي معشتيش معانا انتي حبيبتي
نظر لها راغب بعصبيه من كلامها الطائش اما الباقي بإستحقار من كلامها
ياقوت بإرتعاش : عيشتكم مكنتش جنه يا ياسمين هانم
راغب : ياقوت حبيبتي هيا مش عارفه بتقول ايه
امتلأت عيناها بالدموع فنظر لها مالك ويزن بحزن وحنان بكت
مالك : سيبك منهم يا ياقوت اتجوزيني بس وهسعدك
ياقوت بضعف : قولتلك امبارح وهقولك مستحيل اتجوز بعد يزن
حنان : ياقوت تعالي نمشي
نظرت لها ولدموعها المتساقطة ولأمها ثم عادت للخلف وجرت للخارج
حنان بصراخ : الحق بنتي يا ماجد
مالك : استني هاجي معاك
جري يزن خلفها مسرعا غير مصدق بغباء لكي يتحداها لا يعلم انه هشم قلبها قاد سيارته خلف سيارتها
اما هي فكانت تقود وهي تتذكر كلام تلك التي تدعي امها لم تعد تري من الدموع وفجأة وقفت تبكي بكثرة تفاجأت بشاحنه تأتي عليها
يزن بصراخ : ياقووووووت
*************
تجمع الكل امام غرفة العمليات
حنان ببكاء : يارب احفظلي بنتي يا رب
جلست حور تبكي بصمت لا تعرف لما ربما لأنها تشعر بأذي قطعة من روحها
كان يزن يجلس علي الأرض ينظر بشرود يتذكر شكلها بالدماء التي تملأ وجهها لقد حافظ الله عليها له اول مرة لكنه لم يحافظ والان.....
عدي : يزن اهدي هتبقي كويسه
يزن بصوت مبحوح : خايف يا عدي خايف اخسرها انا بحبها اوي هي بقت نفسي يا عدي
جلس عدي وحضنه بحزن علي حاله بينما خرج الطبيب فوقف بلهفه امامه
الطبيب : الحمد لله الحادثة مكنتش خطيرة اوي بس اثرت علي مركز الإبصار عندها
حنان : يعني ايه
الطبيب : يعني احتمال متشوفش بس الجنين كويس الحمد لله
ضم شفايفه واعاد رأسه للخلف يعمض عينه فانسابت بعض الدموع
يزن : الحمد لله الحمد لله يا رب
عدي : طيب ممكن تعمل عملية عشان.....
الطبيب : الأفضل بعد الولادة عشان الجنين وحالتها النفسية اهم حاجة البعد عن الضغوطات
ماجد : شكرا يا دكتور
الطبيب : واجبي عن اذنكم
وتركهم وذهب فجلس يزن الأن وبرغم عدم رؤيتها سيربطها به
راغب : ارتحتي يا ياسمين لقيتي بنت وخسرتي التانيه
ياسمين ببكاء : مكنش قصدي كدة
حنان بصراخ : اخرسي اومال كان قصدك ايه بسببك بنتي بين الحيا والموت انتي ويزن الشرقاوي مش ده الجوز المثالي اللي اخترتوه فين المثالية دي
ماجد : اهدي يا حنان هتبقي كويسه ان شاء الله
مر عشرين ساعة في انتظار وتحولت لغرفة عاديه
بدأت تفيق فأخبرهم الطبيب دخل الكل الغرفة حولها ففتحت عيناها ونظرت للسقف التمعت عيناها بالدموع وحاولت الجلوس
حنان : ياقوت عايزة ايه يا حبيبتي
ياقوت : ساعديني اقعد يا ماما حنان
بالفعل ساعدتها لتجلس فنظرت امامها
ياقوت : مرة قولتيلي ان الفرق بين اللي بيشوف انه اما بيغمض بيشوف سواد والأعمي مش بيشوف حاجة خالص
حنان محاولة الإستوعاب : يعني ايه
ياقوت : الحمد لله...... لله الأمر من قبل ومن بعد الحمد لله
حضنتها حنان واندفعت باكيه بالرغم من معرفتها مسبقا لكن المواجهه اسوأ بينما كانت ياقوت جامدة لم تشعر بدموع ذلك الذي نزلت
ياقوت : خديني يا ماما حنان بعيد عن كل الناس دول مش عايزة اسمع صوتهم حتي انا بقيت بكرههم مش عايزة لا بابا راغب ولا ياسمين هانم ولا يزن ولا اي حد مش عايزة غيرك انتي وبابا ماجد
اقترب من سريرها بهدوء وجلس علي الأرض مسند رأسه عليه وبكي بصمت بينما نظرت لها ياسمين بحسرة وراغب ببكاء
ياقوت : اه وقوليلهم شكرا علي الحياة الحلوة اللي عشتها ربوني بحنان مرات عم وسفر اب واما كملت التمنتاشر جوزوني لراجل بيكرهني وبيكره وشي اغتصبني بدل المرة
مية وهاني ضربني وذلني ووشي اتشوه بسببه وفي الاخر خطب اللي المفروض اختي ومش هامه مشاعري شكرا اوي
ماجد : اهدي يا ياقوت انتي الوقتي مش لوحدك لازم تخلي بالك من الروح اللي جواكي
وضعت يدها علي بطنها ثم ضمت بطنها فنظر لها ووقف وذهب ذهب للآبد فسمعت صوت الباب يغلق
ياقوت ببكاء : راح كل شئ انتهي
داهمتها ذكرياتهم منذ أول مرة رأته رغم كل شئ عشقته وستظل تعشقه
عين : مش انتي كنتي عايزة كدة يا ياقوت
ياقوت : مكنتش اعرف ان حبه ليا كذب وبالضعف ده يلا يا ماما خديني من هنا
******************
في قصر الشرقاوي
كان يقف مالك في الحديقه بحزن علي ياقوت بعدما حجز تذكرة متجهه لأمريكا
حور : احم مالك
نظر لها ثم امامه بصمت
حور : عن اذنك
واتت تتركه وتذهب فشد يدها لتأتي بحضنه وضمها مطوقا اياها بيديه
مالك : حوريتي
بكت رغما عنها ويهتز جسدها بين يديه فقبل رأسها
مالك : تعبت في بعدك كتير
حور ببكاء مرير : مش فاكرة حاجة مش عارفه
مالك بشرود : ومش لازم تعرفي
بعدت رأسها فابتسم علي شكلها وشعرها ملتصق بوجهها وبعد شعرها عن وجهها
حور : في ايه يا مالك
مالك : مفيش
حور : مالك عشان خاطري متخبيش
لم يجب فنظرت له نظرة اخيرة والتفتت لتذهب مشت قليلا
مالك : حور انا مسافر
استدارت له وبكت قائله : كل اما اقع في الحب ليه يحصلي كدة
مالك وهو يشد يدها بسعادة : كل ايه
بعدت يده عن يدها واتت لتذهب فشدها والصق فمه علي فمها وقبل شفايفها
ابتعد وهي تغمض عيناها فالتقط دموعها بشفايفه وانحني لعنقها يلثمه بقبلاته
حور : مالك
مالك : اممم
حور بدموع تتجدد : متسبنيش
شعرت بيديه يحاوطوا خصرها وجذبها لتلتصق به وعاد لشفايفها يرتوي منهم ثم ابتعد
مالك : سافري معايا
حور بلا تردد : موافقه
مالك : هنكتب كتابنا الأول وبعدين نسافر فترة ورايا شغل مهم واما نرجع هنتجوز تقبلي تتجوزيني
حور : موافقه
رفعها ودار بها فضحكت بسعادة
*********************
في لندن
كانت رؤي تجلس علي الأريكة وحياة تنام ورأسها علي فخذ رؤي ويتابعوا فيلم
رؤي : سرحانه في ايه
حياة : احم مفيش
رؤي : حياة
حياة : يوووة أسعد يا رؤي سرحانه في أسعد وحشني واه بكذب انا بحبه اوي يمكن من أول مرة شوفته او من ساعة ما حسيت انه هيبقي ملك غيري لس بحبه
رؤي : ههههههه وثمرة اي حب موجودة
حياة بشرود : موجودة في وقت غلط ومن الشخص الغلط
رؤي : ان شاء الله في يوم هيبقي ملك.....
حياة : مستحيل لو تعرفي اللي فيها هتعرفي ان مستحيل
رؤي : في ايه يا حياة احنا من امته بنخبي عن بعض
حياة وهي تبتلع ريقها : في اني بنت مين يا رؤي انا بنت مين
رؤي : احنا هنهزر
حياة : لا مش هنهزر انا بنت واحد علي قد حاله ولما ضاقت بيه الدنيا وبناته كانوا بيموتوا بين ايديه اتجه لطريق غلط... وهنا تمردت دموعها.... تاجر في السلاح ايوه ابويا وامي
مامتوش من قليل يا رؤي بابا عشان يوفر فلوس عملية دنيا اللي كان عندها عملية قلب مفتوح وفلوس علاج حور لأن حور كانت مريضه نفسه هشه اي حاجة تدخلها في حاله نفسية
صعبه واما حصل خلاف جم البيت هجموا علينا كنا فرحانين ذي اي عيلة قاعدين سوا وكانت حور بتجبلنا حاجات من المحل نتسلي ذي كل يوم هجموا علينا ربطوا بابا وانا ودنيا
استخبينا تحت السرير خايفين شوفناهم بيغتصبوا امنا قدامنا متخيلة نبقي منعرفش اي حاجة في حاجة ونفوق علي واقع مقرف وقتلوها هي وبابا بعدين حسوا بينا شدونا احنا الاتنين
انا خبيت دنيا ورايا رفعوا المسدس في وشي وفجأة دفعتني وخدتها في قلبها المريض بعدين صرخت اجري وماتت هي كمان جريت بسرعه خدت حور بعيد قولتلها البيت ولع وكله مات كذبت
وهنا انهارت باكيه بكثرة فبكت رؤي مثلها تضع اختها مكانها واهلها سبحان من صبر تلك الفتاة وقفت حياة واتجهت للسرير تمددت واغمضت عيناها ليأتي لها شريط ذكريات مؤلمه