رواية دمرة حياتي
الفصل الاول والثاني
بقلم ملك ابراهيم
بس القاعه الا حضرتك طلباها دي غاليه جدا وانا ظروفي ماتسمحش
حماته: والله انا بنتي مش اقل من اي حد
سيف: طبعا مش اقل من اي حد بس برضه القاعه الا انا عايز اعمل فيها الفرح مش قليله وسعرها مناسب ليا
حماته: بس القاعه دي مش مناسبه ليا انا ولا تليق بمقام بنتي وموضوع سعرها دا مشكلتك انت تحلها
سيف بنفاذ صبر: احلها ازاي يعني وحضرتك عارفه ان انا خلصت كل الفلوس الا كانت معايا علي الشقه والفرش الا حضرتك طلبتيهم
حماته: وانا مطلبتش حاجه كبيره ..الا انا طلبته دا اقل حاجه ممكن تقدمها لبنتي
( بص سيف لخطيبته ريهام بتعب وارهاق من الكلام مع والدتها)
ريهام برجاء: عشان خاطري يا ماما وافقي والقاعه الا سيف بيقول لحضرتك عليها دي انا شوفتها وعجباني
والدتها بحده: اخرسي انتي قاعة ايه الا عجباكي انتي عايزه الناس تاكل وشي ولا اختي ابص في وشها ازاي وهي عامله فرح بنتها في اكبر قاعه وانا اعمل فرح بنتي في قاعه زي دي
ريهام: يا ماما وخالتو مالها بس
والدتها: اخر كلام عندي ان انتي لازم فرحك يتعمل في نفس القاعه الا بنت خالتك عملت فرحها فيها
سيف: مع احترامي لحضرتك بس ظروفي غير ظروف جوز بنت اختك وماينفعش تقارني بينا
حماته بسخريه: هو مفيش مقارنه اصلا بس هعمل ايه بنتي بقى الا مصممه عليك
(وقف سيف بغضب وانفعال من اهانتها له وسخريتها منه ومشى وسابهم)
ريهام: ليه كدا يا ماما ..هو في حد يقول الكلام دا برضه
والدتها: اسكتي انتي وادخلي اوضتك ومش عايزه اسمع صوتك
(دخلت ريهام اوضتها ونفذت كلام والدتها)
******************
في منزل والدت سيف
والدته: مالك ياحبيبي راجع حزين ليه
سيف: مفيش يا امي مخنوق شويه
والدته: من ايه يا حبيبي بقى في عريس يبقى مخنوق كدا
سيف بسخريه: عريس ايه بقى ماخلاص
والدته: خلاص ايه يا حبيبي قلقتني
سيف: خلاص يا امي انا عملت كل الا عليا وبرضه طلبات والدة ريهام مابتخلصش
والدته: ليه يا حبيبي مش انت جبتلهم الشقه والفرش الا طلبوه
سيف: ايوا يا امي بس دلوقتي الاعتراض علي القاعه وحماتي طالبه قاعه غاليه جدا وانا الفلوس الا معايا مش هتكفي حتى ربع تكاليف القاعه دي ..دا غير اقساط الشقه الا لسه عليا
والدته: طب وريهام رأيها ايه
سيف: ريهام ..ريهام يا امي ملهاش كلمه وكل كلمة والدتها بتقولها بتكون بالنسبه ليها هي الصح
والدته: معلش حبيبي ان شاءالله ربنا هيفرجها عليك
سيف: يارب يا امي لان بصراحه انا تعبت
************
(اليوم التالي في شغل سيف)
صديقه كريم: مالك يا بني شكلك متغير ليه
سيف بتعب: مفيش
كريم: لا طبعا في هو انا مش عارفك
سيف: حماتي مطلعه عيني وعايزه تفركش الجوازه عشان القاعه
كريم: هما الحموات دول دايما كدا حشرين نفسهم في كل حاجه ..طب وخطيبتك رأيها ايه
سيف بسخريه: خطيبتي ملهاش رأي وماشيه ورا امها وخلاص
كريم: وانت ناوي تعمل ايه
سيف: مش عارف والمشكله ان انا بحب ريهام ومش قادر اسيبها
كريم: مدام بتحبها تبقى تعمل عشانها المستحيل
سيف: ما انا عملت المستحيل بس حماتي طالبه الا بعد المستحيل ..يعني قولي انا هجيب المبلغ الكبير دا كله ازاي عشان اعملها الفرح الا هي عايزاه
كريم بتفكير: ايه رأيك تعمل قرض من البنك وانا اخويا تامر شغال في بنك وممكن يساعدك
سيف: قرض !!! بس هعمل قرض ازاي وانا لسه بدفع اقساط الشقه وكدا مش هقدر ادفع قسط الشقة وكمان اسدد القرض
كريم: هقولك علي فكره ..انت ممكن تشوفلك شغلانه كمان وتكون بعد الضهر جنب شغلك دا
سيف بتفكير: عندك حق كلملي اخوك في موضوع القرض وانا هدور علي شغلانه كمان
****************
بعد اسبوع في منزل والدت ريهام
والدة ريهام: خير يا استاد سيف
سيف بغضب مكتوم: انا خلاص هعمل الفرح في القاعه الا حضرتك عيزاها
ريهام بسعاده: بجد يا سيف
سيف بابتسامه: بجد طبعا يا ريهام انا مستعد اعمل عشانك اي حاجه
والدة ريهام: خلاص يبقى تتفق مع القاعه واحنا جاهزين للفرح
سيف: تمام وان شاءالله الفرح يكون في اقرب وقت
( نظرة والدة ريهام لبنتها بغيظ بسبب حبها الكبير لسيف )
****************
( بعد الفرح باسبوع في شقة سيف و زوجته ريهام )
(وقف سيف وهو بيكمل لبسه عشان يروح الشغل وفتحت ريهام عنيها بصعوبة ولقته واقف وعلي وشك الخروج)
ريهام: ايه يا حبيبي رايح فين بدري كدا
سيف بهدوء: رايح الشغل يا حبيبتي معلش انا كنت واخد اجازه اسبوع واحد بس
ريهام: نعم يا سيف اسبوع واحد ازاي !!
سيف: معلش حبيبتي غصب عني والله عشان اقدر اسدد القرض الا انا خدته عشان القاعه وكمان قسط الشقه ..دا انا حتى دورت علي شغل تاني بعد الضهر وهبداء فيه من بكره ان شاءالله
ريهام بغضب: وانا بقى فين من كل دا
سيف: حبيبتي انا بعمل كل دا عشانك وعشان تبقى معايا ويجمعنا بيت واحد
ريهام: وانا مليش دعوه بكل دا يا سيف
سيف: معلش يا ريهام استحملي معايا بس لحد ما اسدد كل الاقساط الا عليا وكمان قرض البنك لان لو اتأخرت في السداد هنخسر الشقه
(وقفت ريهام تنفخ بعصبيه وابتعدت عنه بغضب)
****************
(بعد اسبوع دخلت والدة ريهام شقة بنتها وهي بتنظر حواليها بسخرية)
والدة ريهام: اومال الموكوس جوزك فين
ردت ريهام بتوتر: في شغله يا ماما
والدتها: شغل ايه والنهارده يوم الجمعه
ريهام: مهو
والدتها بصراخ: مهو ايه متنطقي
ريهام: مهو بيشتغل الجمعه يا ماما
والدتها: نعم يا روح ماما شغل ايه الا بيشتغله يوم الجمعه دا كمان هو انا اجيلك بالنهار تقوليلي في الشغل بالليل تقوليلي في الشغل يوم الجمعه تقوليلي في الشغل شغل ايه دا الا ليل ونهار ومفيهوش اجازات
ريهام بتوتر: يا ماما ماهو بيشتغل ليل ونهار عشان يسدد الفلوس الا استلفها عشان نعمل بيها الفرح
والدتها بغضب: وانتي ذنبك ايه انتي تبقى لسه عروسه ويسيبك ليل ونهار كدا لوحدك وطبعا لما بيرجع بينام على طول ومابيقدرش حتى يقعد معاكي شويه
ردت ريهام بحزن: يقعد فين بس يا ماما دا بياكل وهو بينام على نفسه اصلا
والدتها بغضب: مهو لو انتي بتسمعي كلامي كنت جوزتك جوازه زي جوازت بنت خالتك مش الكحيان جوزك دا
ريهام: بس يا ماما انا بحب سيف وهو بيحبني
والدتها: اسكتي كتك نيله انتي وسي سيف بتاعك.. بقولك ايه انتو معزومين عندي بكره انتي والمحروس جوزك
ريهام: عزومة ايه بس يا ماما وانا بقولك سيف معندوش وقت فاضي خالص
والدتها: والله يتصرف المهم تكونوا عندي بكره انتي وهو وكمان انا عزمه خالتك وبنتها وجوزها
ريهام بتوتر: معلش يا ماما ممكن اجي انا لكن سيف صدقيني مش هيقدر يجي
والدتها: انتي عايزه خالتك تقول عليا ايه لما تبقى جايه هي وبنتها وجوزها وانا بنتي جايه لوحدها اقولهم ايه لو سألوني عن جوزك
ريهام: انا هبقى اعتذر لهم وهقول انه مشغول
والدتها: ريهام انا مش عايزه جنان والكلام الا بقوله يتسمع انتي وجوزك معزومين عندي بكره ودا اخر كلام
مشت والدة ريهام وقعدت ريهام تفكر بحزن هتعمل ايه وهتقول ل سيف ايه..
في وقت متأخر من الليل رجع سيف شقته ولقى ريهام في انتظاره على غير العاده
اتكلم سيف بدهشه: مالك يا حبيبتي ليه صاحيه لحد دلوقتي
ريهام: مفيش يا حبيبي كنت مستنياك
سيف بدهشه: خير يا حبيبتي
ريهام بتوتر: ابدا يا سيف مفيش
غير سيف ملابسه واتجه للفراش بتعب واتكلم وهو بيحاول يفتح عنيه بالعافيه من شدة التعب
سيف: شكلك عايزه تقولي حاجه
ريهام: بصراح يا سيف في حاجه كدا وانا مش عارفه اعمل ايه
سيف: حاجة ايه يا حبيبتي قولي انا سامعك
ريهام: بصراحه كدا ماما عزمانا عندها بكره على الغدا
سيف بهدوء: ودي فيها ايه يا حبيبتي ..روحي في اي وقت يعجبك
ريهام بتوتر: مهو انت كمان معزوم معايا
سيف: بس انتي عارفه ظروف شغلي يا ريهام وعارفه اني مش بقدر اجي على الغدا
ردت ريهام بحزن: مهو انت برضه ميرضكش تخلي شكلي وحش قدام ماما وخالتي
سيف بدهشه: خالتك
ريهام: ايوا يا سيف اصل ماما عزمانا وعزمه خالتي وبنتها وجوز بنتها
رد سيف بغيظ: يا دي خالتك وبنتها وجوز بنتها
ريهام بزعل: سيف لو سمحت متغلطش في خالتي
رد سيف بهدوء: يا حبيبتي انا مغلطتش وصدقيني انا فعلا معنديش وقت فاضي نهائي ومش هقدر اجي معاكي
ردت ريهام بحزن: يعني يا سيف انا مستحمله ان انت سايبني لوحدي ليل ونهار من يوم ما اتجوزنا ولا بتخرجني ولا تفسحني زي اي عرسان جداد وكمان عايز تحرجني مع اهلى
رد سيف بهدوء: خلاص يا ريهام انا هحاول استأذن من شغلي ساعتين في ميعاد الغدا وهكون معاكي حلو كدا
(فرحت ريهام وقبلت خده بسعاده)
ريهام: ربنا يخليك ليا يارب ياحبيبي
سيف بابتسامه: ويخليكي ليا حبيبتي
*****
اليوم التالي في بيت والدة ريهام
قعد سيف بجانب ريهام وهو كل شويه يبص في ساعته
حماته: مالك كل شويه تبص في الساعه ايه اتأخرت على اجتماعك في مجلس الوزاره
رد سيف بغيظ: لا حضرتك بس احنا بقالنا اكتر من ساعة منتظرين خالة ريهام ولسه مجوش وانا لازم امشي بعد ساعه
ردت حماته: اكيد حصلت لهم ظروف واتأخروا عادي يعني وبعدين انت هتمشي تروح فين بعد ساعه
ردت ريهام بتوتر: هيرجع شغله يا ماما اصل سيف حاول ياخد اجازه النهارده لكن في الشغل عنده مرضوش
والدتها بسخريه: اه طبعا اكيد ميقدروش يستغنوا عنه
رن جرس الباب وفتحت ريهام ودخلت خالتها وبنتها وجوز بنتها
سلم سيف عليهم واتكلمت ريهام بابتسامه
ريهام: الغدا جاهز اتفضلوا
قعدوا واتغدوا وكل شويه سيف يبص لساعته ولما صدق انهم خلصوا اكل واتكلم مع ريهام بهمس
سيف: حبيبتي احنا لازم نمشي حالا انا اتاخرت ولسه هوصلك البيت
اتكلمت والدة ريهام: مالكو بتتوشوشو على ايه
ردت ريهام بتوتر: اصل سيف اتأخر يا ماما ولازم نمشي
والدتها بغضب: طب هو اتأخر وعايز يمشي انتي بقى تمشي ليه
رد سيف بانفعال: هو ايه الا تمشي ليه
تمشي معايا عشان اوصلها البيت
ردت حماته بسخريه: ااه توصلها البيت عشان تفضل قاعده بين الاربع حيطان وانت في شغلك ليل ونهار
اتكلم سيف بغضب وهو بيقف من مكانه بعنف: كويس ان حضرتك عارفه ان انا ببقى في شغلي مش بتفسح يعني ولا حاجه
اتكلمت خالة ريهام بهدوء: اهدوا يا جماعه ميصحش كدا وانت يا سيف روح شغلك ربنا معاك واحنا هنوصل ريهام لحد البيت في طريقنا واحنا مروحينا
اتكلمت حماته بعنف: بس انا عايزه ريهام تبات معايا النهارده انا تعبانه ومحتجاها جانبي
نظرت ريهام لسيف برجاء انه يوافق
ريهام: عشان خاطري يا سيف
اتكلم سيف بغضب: ماشي يا ريهام تقدري تباتي النهارده ..انا ماشي عن اذنكم
اتكلمت والدة ريهام بغضب بعد ما مشي: انا من الاول مكنتش موافقه على الجوازه دي بس اعملي ايه ..بحبه يا ماما
نظرت ريهام لخالتها وبنت خالتها وجوز بنت خالتها بأحراج ودخلت على غرفتها وهي بتبكي
استأذنت خالة ريهام هي وبنتها وجوزها ومشو
دخلت والدة ريهام غرفة بنتها ولقتها نايمه على الفراش وبتبكي
والدتها: بتبكي ليه يا ريهام مش انتي الا اصريتي عليه من الاول
ردت ريهام ببكاء: انا ببكي لانك حرجتيني وحرجتي سيف قدامهم يا ماما
والدتها: انا محرجتوش يا ريري بس انا كنت بحاول اخرج جزء من الغيظ الا جوايا بقى بنت اختي الا انتي اجمل منها بمراحل هي تتجوز راجل غني ومعيشها ملكه زي ما انتي شايفه وانتي تتجوزي الكحيان دا
ردت ريهام ببكاء: سيف مش كحيان يا ماما ..سيف مهندس وناجح جدا في شغله بس هو مضغوط الايام دي شويه
والدتها: ماشي يا حبيبتي انا معاكي ..هو مضغوط الايام دي انتي بقى ذنبك ايه تتحبسي بين الاربع حيطان وهو في شغله
ريهام بحيره: يعني عيزاني اعمل ايه يعني يا ماما ..اروح معاه الشغل مثلا
ردت والدتها: لا طبعا بس على الاقل يكون عنده ذوق ويقولك خليكي عند مامتك الفترة دي لحد ما ظروفه تتحسن
ريهام بتفكير: بس لو انا فضلت عندك هنا ياماما مين الا هيكون مع سيف ويعمله اكله ويجهزله لبسه
ردت والدتها بغضب: اااه دا متجوزك خدامه بقى
ريهام بتوتر؛ بس انا مراته يا ماما ودا..
قاطعتها والدتها: بصي يا ريهام انتي متعمليش حاجه بايديكي بعد كدا ولازم! يجبلك واحده تخدمك
امك هتخرب عليكي يا ريهام😭 ❤
الفصل الثاني
ردت ريهام ببكاء: سيف مش كحيان يا ماما ..سيف مهندس
وناجح جدا في شغله بس هو مضغوط الايام دي شويه
والدتها: ماشي يا حبيبتي انا معاكي ..هو مضغوط الايام دي
انتي بقى ذنبك ايه تتحبسي بين الاربع حيطان وهو في شغله
ريهام بحيره: يعني عيزاني اعمل ايه يعني يا ماما ..اروح معاه الشغل مثلا
ردت والدتها: لا طبعا بس على الاقل يكون عنده ذوق ويقولك
خليكي عند مامتك الفترة دي لحد ما ظروفه تتحسن
ريهام بتفكير: بس لو انا فضلت عندك هنا ياماما مين الا هيكون
مع سيف ويعمله اكله ويجهزله لبسه
ردت والدتها بغضب: اااه دا متجوزك خدامه بقى
ريهام بتوتر؛ بس انا مراته يا ماما ودا..
قاطعتها والدتها: بصي يا ريهام انتي متعمليش حاجه بايديكي بعد كدا ولازم يجبلك واحده تخدمك
ريهام بصدمه: واحدة ايه يا ماما الا تيجي تخدمني ..انا بقولك بيشتغل شغلتين وليل ونهار عشان يسدد فلوس الفرح الا عليه يبقى هيجيب واحده تخدمني ازاي
والدتها: والله هو متجوزكيش خدامه له انتي هتفضلي هنا في بيتك معززه مكرمه لحد ما يفوق من ديونه دي ويعملك كل الا انتي عيزاه
نظرة ريهام لولدتها وهي بتفكر في كلامها
والدتها: يا حبيبتي انا خايفه عليكي ومش عايزه اجمل سنين عمرك تضيع في الشقى والبهدله ..اسمعي كلامي يا ريري وانا هخليه يعيشك ملكه
ريهام بابتسامه: عندك حق يا ماما ربنا يخليكي ليا
رواية دمرت حياتي بقلمي ملك إبراهيم
في شقة سيف...
رجع سيف شقته في وقت متأخر من الليل .. دخل اخد شور وخرج على الفراش على طول ونام بتعب
اليوم التالي صحت ريهام علي صوت والدتها وهي محضره لها الفطار
قعدت ريهام مع والدتها فطروا سوا واتكلمت ريهام بابتسامه: والله وحشني الفطار معاكي اوي يا ماما
والدتها: ما خلاص بقى راحت عليا وبقيتي متعرفيش تفطري غير مع جوزك
ردت ريهام بعفويه: بفطر ايه مع جوزي بس يا ماما دا كل يوم بيخرج بدري وانا نايمه
ردت والدتها: هقول ايه بس وانتي اتجوزتي ولا كأنك اتجوزتي واحده غيرك كانت تتجوز واحد يدلعها ويسفرها كل يوم بلد
اتكلمت ريهام بحزن: والله يا ماما انا اتجوزت ولا كأني اتجوزت فعلا
والدتها بمكر: يعني ايه يا حبيبتي
ردت ريهام بخجل: يعني كل يوم سيف بيرجع تعبان وينام على طول وانا افضل قاعده لوحدي
اتكلمت والدتها بمكر: لااا دا الموضوع كدا ميتسكتش عليه
ريهام: بس قريب ان شاءالله يخلص الفلوس الا عليه ويسيب شغل بالليل دا ويبقى معايا على طول
والدتها: جوزك دا ما بيجيش غير بالشد اسمعي مني وامشي ورايا.. فاكره لما شديت عليه في موضوع الفرح ..شوفتي عملنا الفرح الا احنا طلبناه.. يعني انتي بس لو تسمعي كلامي انا هخليه قدام عنيكي طول الوقت وفي انتظار الاشارة منك
ريهام : ازاي يا ماما
والدتها: تنفذي كل الا انا هقولك عليه وانتي تعرفي ازاي
*****
بعد الظهر اتصل سيف على ريهام عشان تجهز ويجي يوصلها شقتهم
جرت ريهام على والدتها وهي بتتكلم بتوتر: ماما دا سيف بيتصل
اخدت منها والدتها التليفون
والدتها: الو
سيف بهدوء: الو ازي حضرتك
حماته: الحمدلله
سيف بهدوء: هي ريهام لسه نايمه ولا ايه
حماته: اه نايمه كنت عايزها في حاجه
سيف: ايوا كنت عايزها تجهز عشان اجي اخدها اوصلها البيت
ردت حماته: اي بيت ..قصدك السجن الا هي محبوسه فيه ليل ونهار
سيف: لو سمحتي صحي ريهام وبلغيها ان ان انا جاي اخدها
حماته: بس ريهام مش هترجع معاك
سيف: يعني ايه
حماته: يعني ريهام اعصابها تعبانه ومحتجاني جانبها وقعادها في البيت لوحدها هيدخلها في اكتئاب وانا مش مش مستغنيه عن بنتي
اتعصب سيف وبداء يفقد اعصابه و صبره واغلق التليفون ورماه على الارض بقوة وخرج من شغله بغضب وراح على بيت حماته
في بيت حماته
قعدت ريهام جانب والدتها واتكلمت بتوتر
ريهام: انا قلقانه اوي يا ماما..اكيد سيف زعل دلوقتي
والدتها: يخبط دماغه في الحيطه
ريهام: يا ماما حرام عليكي دا سيف بيحبك بجد
والدتها: وانا بقى عمري ما حبيته والجوازه الفقر دي اصلا مش داخله دماغي من الاول ..كان نفسي اجوزك كدا واحد غني تتغرقي في عزه مش واحد هيغرقك في فقره
قعدت ريهام جانب والدتها وهي خايفه من رد فعل سيف وبعد دقايق سمعت صوت جرس الباب اتفزعت ريهام واتكلمت بخوف: دا اكيد سيف
اتكلمت والدتها بقوة: ادخلي جوه يا ريهام
ريهام؛ بس يا ماما
والدتها؛ ريهاااام
ريهام: حاضر يا ماما
فتحت حماته الباب دخل سيف واتكلم بغضب مكتوم: لو سمحتي عايز اتكلم شويه مع مراتي
ردت حماته باستفزاز: ومراتك دي تبقى بنتي ولو عايز تتكلم يبقى كلامك معايا انا
اتكلم سيف بصوت مرتفع وهو بينادي على ريهام
خرجت ريهام بسرعه من صوته العالي
قرب منها سيف واتكلم بقوة: يلا بينا ياريهام عشان نروح
وقفت ريهام مكانها وهي بتنظر لوالدتها
اتكلم معاها سيف بانفعال وهو بيمد ايديه لها
سيف: ريهام يلا عشان نرجع بيتنا
نظرت ريهام لإيديه الممدوده ونظرت لوالدتها واتكلمت بتوتر
ريهام: ما انت يا سيف بتسبني في البيت لوحدي كتير ومش بتقعد معايا خالص عايزني ارجع ليه بقى
نظر لها سيف بغموض وفهم ان والدتها قدرت تملى دماغها بالكلام واتكلم هو بهدوء
سيف: وهو مين السبب في البهدله الا انا فيها دي يا ريهام ..مش الست والدتك ..مش الست والدتك هي الا اصرت على فرح كبير وعفش غالي وشقه في اغلى مكان وانا عشان بحبك ضغطت على نفسي عشان اوفرلك كل دا
ردت حماته بقوة: والله دي كانت شروطي على اي حد يتقدم للجواز من بنتي وانت الا اتجوزت جوازه مانتش قدها يبقى مش ذنبي بقى انك تضغط على نفسك عشان توفر طلبتنا المفروض من الاول لو انت مش اد الطلبات دي كنت تشوفلك عروسه على ادك
نظر سيف لمراته وهو منتظر منها اي رد فعل لكنها كانت واقفه وهي بتسمع كلام مامتها بصمت وعنيها في الارض
نظر سيف لحماته واتكلم بغضب: الا انا عملته دا كان عشان بحب بنتك والظاهر ان انتوا فهمتوا الا انا عملته دا غلط
ونظر لمراته والتكلم بخيبة امل: والظاهر اني اديتكم اكتر من الا تستهلوه
رفعت ريهام عنيها ونظرت له بدموع..
اتكلم سيف بقوة وهو بيمد ايديه لأخر مرة: لأخر مرة انا بمد ايديا ليكي يا ريهام وبطلب منك نرجع بيتنا
نظرت ريهام لوالدتها وهزت والدتها راسها بلا.. وقفت ريهام بحيرة بينهم
اتكلم سيف بقلب مقهور من خيبة الامل: ريهام ..لو مشيت دلوقتي لوحدي مستحيل هرجع تاني
ردت حماته بسخريه: ماتمشي كنت شوفتنا مسكنا فيك
نزل سيف ايديه بغضب وضغط عليها بعنف واتكلم مع مراته بعنف: ماشي يا ريهام يبقى انتي كدا الا اختارتي
اتجه سيف لباب الشقه عشان يخرج.. تابعته حماته وهي بتتكلم بسخريه
حماته: مع السلامه وابقى شوفلك خدامه بقى تعيش معاك لحد ماتخرج من ازمتك دي وابقى ارجعلنا
وقف سيف على باب الشقة واتكلم مع حماته بعنف
سيف: اوعدك ان انتوا بكره الا هتيجوا تترجوني اني ارجع وانا وقتها...
اتقي شر الحليم ..شكل سيف كدا هيقلب على الوش التاني🤔