رواية عطارة جدو
بقلم اسماء ايهاب
الفصل العشرون
نزل مالك و صعد الي سيارته و هو يفكر في نظرات وجدي له لا يوجد له تفسير ليلوي فمه بعدم اهتمام و يقود السيارة الي المحل
اما بالاعلي جلست تلك الاجنبية لا تفقه شئ و تنظر الي وجدي ببلاهة
وجدي بانتباه لها : انسة جاسمين انتي فاهمة
جاسمين : نو ناثينج
وجدي بصبر : بالعربي يا انسة بالعربي
جاسمين : قصدي مش فاهمة حاجة
وجدي : طيب نعيد تاني نعيد تاني يا انسة و من فضلك ركزي
جاسمين و هو ترجع خصلات شعرها الشقراء الي الخلف : اوكاي قصدي حاضر
انتهي وجدي من الحصة علي خير بعد ان كرر لجاسمين بدلا من المرة الف
وجدي : ها يا انسة جاسمين كدا تمام
جاسمين : ثانكس يا مستر
وجدي بتنهيدة : انسة جاسمين الكلام بالعربي من فضلك
جاسمين : احم حاضر
وجدي لجاسمين و صديقتها : اشوفكم الحصة الجاية و اتمني تكونوا منفذين كل حاجة قولت عليها
****************************
كانت تجلس علي الدرج المؤدي للدور الثاني و تضع يدها علي خدها ليرن هاتفها لتنظر لتجد رقم مجهول لتفتح الاتصال
ليان : الو
الشخص : ليان اي مس يو بيبي (I miss you)
ليان : مين
الشخص بكلام متقاطع لانه للتو متعلم اللغة العربية : ليان انتي مش عارفاني
ليان : ام سوري مش عارفة بجد مين
الشخص : مارك ليان
ليان باللغة الانجليزية : ماذا تريد مني ايها الوغد مرة اخري
مارك : لقد اشتقت لكي عزيزتي لقد طال انتظار مسامحتي
ليان : لن اسامحك ما دمت حية اتركني و شأني انا الآن متزوجة الا تفهم لاتتخطي حدودك مرة اخري
مارك : اسمعين....
لتغلق ليان الخط باختناق لتجد سراج يتحدث : دا اللي كنتي بتقولي مرتبطة بيه في لندن
ليان : بتسأل لية عشان تثبت ان كلامك عني صح
سراج : خلاص بقي يا ليان بقالنا كتير متخاصمين كفاية كدا بقي
ليان بعد صمت دقائق : ماشي بس لو قولت عني حاجة تانية متتأملش اني اسامحك
سراج : ماشي قوليلي بقي اية اللي استاذ دا قالهولك عشان تقوليله انك متجوزة
ليان و هي تشير له بسبابتها : هقولك و هتساعدني و غصب عنك
سراج بضحك : حاضر
*****************************
امسك بهاتفه و هاتفها و عندما ردت قال بسرعة و لهث : كاومن (كارمن) تعاليلي بسوعة (بسرعة) انا بموت
لتصرخ هي بزعر : ايييية مالك فيك ايييية انطق
مالك بسرعة : تعاليلي علي الجيم بموووت
اغلق الهاتف و هو يضحك بشدة علي زعرها نصف ساعة مرت سمعها بعدها تنادي باسمه من الطابق الاسفل ليغلق الانوار سريعا لتأتي و لا تجد احد و المكان عاتم لتنادي بقلق : م مالك مالك رد لو سمحت انت فين
ليضئ النور و هو يصرخ باذنها : كاوووووومن(كارمن)
لتصرخ كارمن بفزع : عاااااااااااااا
لتلتفت له و تنكزه بصدره و هي تضع يدها الاخري علي موضع قلبها و تقول : اخس عليك يا مالك خضتني
ليضحك مالك بضحك و يقول بنبرة لعوب : طب ما انتي بتحبيني اهو و جيتي علي مالا وشك
كارمن و هي تضع يدها بخصرها : لا علي فكرة انا جيت اشوفك موت و لا لسة
مالك : اه واضح واضح انتي لو عاوفة (عارفة ) المجهود اللي عملته عشان انا و انتي بس اللي نبقي في المكان
كارمن : لا معرفش
مالك : عشان انتي فقو (فقر)
كارمن: الله بقي يا مالك بطل الكلمة دي
مالك : الله بحب اشوفك متنرفزة
ليجذبها معه الي الطاولة الموضوعة في منتصف المكان و يجلسها و يجلس امامها و يتأملها لمدة طويلة ساد بها الصمت و النظرات المتبادلة حتي قال مالك و هو يضع يده علي قلبه : فعلاً اني قلبي وجع (رجع) يدق
كارمن بخجل و هي تنظر الي الاسفل : لية و هو مكنش بيدق
مالك و هو يمسك بيدها : قبلك لا مكنش بيدق
كارمن : مالك انا خايفة اكون بحلم و اصحي فجأة علي كابوس
مالك : لية انتي مش واثقة فيا
كارمن : انا مش بثق في حد قدك لكن خايفة
ليقبل يدها و يقول : ننسي كل حاجة و نأكل احسن
كارمن بضحك : ماشي
*****************************
وضع لها كريم ضد الكدمات و لفها لها و ما تعجبت له انه قبل قدمها موضع القدم في مفصل القدم
مكة بخجل : شادي ميصحش كدا
شادي : انتي قولتي اننا بيست فريند و اني معملكيش اني جوزك و
مكة مقاطعة : انا اسفة و الله مش قصدك
شادي فجأة : انا عايز فعلا ابقي جوزك
مكة : نعم !!!
شادي : بحبك يا مكة ارتاحتي
مكة : ايييييييية
شادي : اية يا بنت المسروعة
مكة : بطل هزار و اطلع برا
شادي : مش بهزر يا مكة مش بهزر انتي اللي غبية و متخلفة دا تصرفات بيست فريند
مكة بغباء : لا بصراحة
شادي : يبقي اية
مكة : يبقي اطلع برا يا شادي مش طايقة اشوف وشك دلوقتي
شادي : عارف انها طقة منك انا ماشي و لما تستوعبي نتكلم
ليخرج شادي و تقول هي : اهبل اوي يا شادي
*****************************
جلس مالك علي الارض فارداً قدمه و هي تجلس بجواره مسندة رأسها علي صدره و هو يعبث بخصلات شعرهت حتي داهبها النعاس فهذه الحركة دائماً ما يفعلها والدها لكي تنام
كارمن و هي تتثائب : يلا نروح
مالك : خلينا شوية مع بعض
كارمن و هي تحاوط خصره و تحتضنه اكثر : ماشي
ليستمر مالك بالعبث بخصلاتها حتي احس بثقل علي صدره و يدها وقعت علي الارض لينظر لها ليجدها تغط في نوم عميق ليبتسم هي و يحتضنها اكثر و يقبل جبهتها بحب و بقي يتأملها حتي حل الظلام و هما علي هذا الوضع تململت هي ثم استيقظت
كارمن بصوت ناعس : مالك
مالك : كل دا نوم يا هانم دا انا ضهوي (ضهري) اتقطم
كارمن : معلش يا حبيبي بس انا متعودة لما حد بيلعبلي في شعري بنام
تقدم منها مالك ببطئ و كاد ان يقبلها الا انها ابتعدت عنه و هي تقول و هي تضع يدها علي صدره تمنعه من الاقتراب اكثر : مالك مينفعش
مالك بحرج : احم اه اه طبعا مينفعش يلا نروح
قام مالك واقفاً لتقف كارمن هي الاخري و تمسك بيده و تقول برجاء : مالك من فضلك متزعلش انا
مالك مقاطعاً : انا اللي اسف مكنش قصدي علي العموم يلا نووح (نروح)
*****************************
خرج هو و امه من غرفة الطبيب ليقبل وجدي باطن كف يدها : حمد لله علي السلامة يا حبيبتي
مكة بحنان : الله يسلمك يا بني
وجدي : مش قولتلك ايام و هتعدي
مكة : انا عايزة اروح لبنتي يا وجدي
وجدي : هنروح بكرا الصبح اوعدك
مكة في سرها : يارب اكفينا شرك يا سامية
*****************************
يجلس مازن بغرفته ليقوم فجأة و يغلق الباب بالمفتاح و فتح الدرج و اخذ منه كيس مليئ بالبودرة ليفتحه بلهفة و يضع علي يده كمية صغيرة و يكتم جهه واحدة من انفه و يشتم كمية البودرة و يرجع ظهره الي الخلف و كأنه يطير في سماء عالية غافلا عن اشياء كثيرة منها انه غافل عن عقاب رب العالمين و انه يتدمر رويدا رويدا كحال كثير من الشباب بسنه ليكفنا الله شر هذا الابتلاء
*****************************
في صباح يوم جديد مليئ بالمفاجأت يجلس الجميع اعلي مائدة الافطار ليرن جرس الباب
جاسمين بحماس : انا هفتح
لتركض سريعاً الي الباب لتفتحه و تفتح عينها علي وسعهما و هي تقول بصدمة : مستر وجدي
ليبتسم لها بثقة و يقول : عايز عمك عصام و بسرعة
ليأتي عصام من خلف جاسمين ليري من علي الباب ليتسمر مكانه و هو يقول : مكة
لتنتفض سامية و يوقع الكوب من يدها يتهمش و هي تسمع اسم غريمتها