رواية (هي التي سرقتني الجزء التاني)
الفصل السابع والثامن
بقلم نورهان ثروت
اسيل وهي بتمسك قلبها:حد يلحقني مش عارفه اتنفس
اسيا وهي بتجري عليها:ماما مالك ف اي ماما
فارس :ابعدي يااسيا خليني ادخلها الاوضه
اسيا بعيط:ماما هتبقي كويسه صح
فارس :اهدي واطلعي قولي لي بابا ينزل وانا هدخل اسيل الاوضه وهكلم الدكتور
اسيا بعيط :حاضر
اسيا وهي بتجري علي كريم: بابا اصاح ماما تعبانه
كريم بخوف:اسيا اهدي ف اي انا مش فاهمه حاجه
اسيا:ماما تعبت
كريم :اتصلي بالدكتور بسرعه
اسيا :فارس اتصل يلا هي ف الاوضه اللي تحت
بعد ١٠دقايق كان يقف كريم جنب اسيل خايف جدااا عليا هي كل حاجه لكريم ف الدنيا من غيرهه يموت
اسيا :بابا الدكتور وصل
كريم :اتفضل يادكتور
الدكتور :ممكن شخص واحد اللي يفضل ف الأوضه
فارس: حاضر يادكتور
فراس :انا عايز افهم اي اللي بيحصل هنا وآسيل مالها
اسر و اسير:ايوه هي امبارح كانت كويسه اي اللي حصل بقي
فارس :اللي اعرفه انها كانت بتهزار مع اسيا غير كد معرفش
كريم:بس اسكت انت وهو
اسيا:بابا انا اسفه هي ماما تعبت بسببي صح انا مكنتش اقصد أن ازعلها ولا اتعبها
كريم بهدوء:هي هتبقي كويسه انا عارفها بتحب الهزار ع طول
الدكتور وهو بيخرج من الأوضه :انا صراحه مش متاكده
كريم بخوف :ف اي اخلص ياعم مالها اسيل
الدكتور :بصراحه انا عندي شك أن يكون عندهم كانسر لكن التحاليل هي اللي هتاكد لينا انا اخدت عينه دم من اسيل واوا ما هروح المستشفي واتاكد هكلم حضرتك بعد اذنكم
(كريم من الصدمه مكنش عارف يرد أو يتصرف اسيا مستحملتش الفكره امها ونور عينها عندهه الكانسر ممكن تموت أو تبعد عنهم كل حاجه واقفت ف حياتها عقلها مستوعبش اللي بيحصل فجاءه بدأت يغم عليها هي ف اللحظه دي اتمنت حياتها تنتهي أما لتوأم كل واحد فيهم جامد كل حياتهم بتمر عليهم ضحكهم مع اسيل هي مش بس أمهم هي حياتهم صاحبتهم واختهم كل حاجه ليهم ف الدنيا كل واحد فيهم نفسه اللي بيحصل يبقي كابوس وان اسيل تكون بتعمل فيهم مقلب أو الدكتور غلطان وان هي كويسه الكل بداء يركز اول ما اسيا وقعت ع الارض)
كريم بخوف :اسيا ف اي لا مش انتي كمان لا بقي مش ناقص خوف والله ياررب
فارس برعب :اسيا مالك
اسر:اهدي يابابا فارس اتصل بدكتور معتز
اسير:انا هتصل بمعتز وفراس كلم مالك وعمو اياد
(شال اسر اسيا دخلها أوضتها فضل يبص عليها بخوف )
اسر بعيط:اي يابت قلبك ضعيف ولا اي فوقي كد وآسيل هتبقي كويس ومعانا هنعمل فيها مقالب لصبح بس انتي تفوقي كد عشان نروح نطلع عينها ولا اقولك هي تفوق واحنا هنكون كويسين معاهه وعد مني يااسيا يلا بقي فوقي يابت انا مش حمل اي وجع تاني كفايه اسيل
فارس بعيط:ايوه والله يااسيا احنا مش حمل اي وجع يلا بقي قومي معانا عشان نروح عند اسيل نطلع عينها وهي تجري علينا
......................
ف اوضه اسيل كان واقف كريم ف عيونه رعب وخوف شديد
كريم وهو مسك ايدهه:اي يابت هو اي اللي كانسر لا ركزي معايا كد احنا اتفقنا نكمل الطريق مع بعض يلا بقي فوقي دا شكله دكتور متخلف اه انا بنت قلبي وبنوتي مش فيها حاجه قال كانسر اي الكدب دا كانسر اي بصي فوقي واقاعد معايا وانا هعمل ليكي كل حاجه طب اسيل فوقي انا خائف احضنيني اسيل طب مش انتي كنتي عايزه تسافري يلا فوقي وهنسافر انا وانتي وبس مش هيبقي ف حد معانا احنا وبس
اسير بحزن:خلاص يابابا ماما هتبقي كويسه والله انا عارفها بتحب تشوفنا خايفين عليها ماما بصي اخيرا انا بقولك ياماما واقولك ع حاجه البت اسيا قالت ياماما انتي بس فوقي واحنا هنفضل نقولك ماما ع طول
فراس بعيط :ماما انا سمعت الدكتور بيقول كانسر وكلام تافه كد انا مستحيل أصدق يلا فوقي عشان تكدبي كل دا يلا فوقي ووعد مش هنطلع عينك تاني هنفضل محترمين
اسيل وهي بتفوق بتعب: محترمين اي ياضنايا انا عمري ما اصدق الكلمه دي انا عيالي ناقص تربيه
كريم وهو بيمسح دموعه :عندك حق ياروحي المهم انت كويسه حسه باحاجه طمنيني عليكي
اسيل بمرح رغم تعبها:ياااا انا فضلت عائشه لليوم اللي اشوفك في خايف عليا
كريم بمرح عشان ينس كل حاجه بتحصل المهم أن أسيل جنبه: اي خدمه ياست يلا بقي فوقي كد عشان تاخدي حقك من اسيا
اسيل بتعب :هي فين هي واخواتها
فراس وأسير بتوتر:احنا هنا ياست الكل
اسيل بتعب:انجزا انت وهو فين اختكم واسر وفارس
كريم بتوتر :اسيا راحت تعمل حاجه مهم ف المستشفي وفارس واسر معاهه
اسيل بعدم اقتناع :مش مصدقه كلامك ياكريم بس ماشي
.....................................
كان معتز بيشوف اسيا وهو قلقان عليها جداا هو حتي مركزش هو نزل بي اي طلع يجري ع اسيا هو مش عارف ليه خايف عليها كد بس فكره أنها تعبانه وهو مش جنبها مرعبه لاول مره بيكشف ع حد وهو متوتر جداا
اسر بخوف ع اسيا :ها يا معتز هي كويسه صح
معتز بهدوء:الحمد لله حصل ليها صدمه فا عقلها قرار يرتاح مش اكتر بس اي اللي حصل ليها انا كنت سيبها كويسه
فارس:ف دكتور كان هنا قال أن ماما عندهه كانسر اسيا مستحملتش الكلام دا واغم عليها
معتز بستغراب:ازي كانسر وانا لما كنت واقف مع اسيل امبارح مكنش ظاهر عليها اي أعراض لمرض بس ممكن يبقي لسه ف اوله
فارس :يارب يطلع غلط هو قال هيتاكد باتحليل
معتز :انا كمان هتابع مع الدكتور دا كل خطوه تعال نسيب اسيا لان هي هتفوق كمان ساعتين
(بعد نص ساعه كان مالك واياد ورقيه وزينه ف القصر زينه مكنتش فاهمه هم ليه هنا دلوقتي زينه كانت جايه لانها عايزه اسيا ف موضوع متعرفش اي اللي حصل )
اسر وهو بيفتح الباب:ادخل ياعمي مالك اطلع خليك انت مع اسيا لان كلنا عند اسيل عشان مش تحس ان اسيا مش موجوده
زينه بخوف :مالها طنط ومالها اسيا يااسر
اسر :اسيا تعبانه وماما كمان تعبانه يازينه اطلعي انتي مع مالك
اياد :تعال يااسر عشان نطلع لي ابوك
اسر :اتفضل طنط رقيه ممكن مش تعيطي قدام ماما هي لحد دلوقتي متعرفش عندهن اي
رقيه وهي بتمسح دموعها :حاضر يااسر
..............................
عند اسيا كانت بتحلم أنها هي ف مكانه لوحدهه فضلت تدور ع اي حد عشان تعرف هي فين لحد ما شافت اسيل بعيد اسيا طلعت تجري عليها
اسيا:ماما احنا فين
اسيل:احنا ف الحياه كل واحد فينا لازم يكون لوحده الحياه دي
اسيا بخوف :لا ياماما مش لازم انا حياتي تقف من غيرك
اسيل :بس انا هيجي يوم وامشي يااسيا وشكل اليوم دا قرب
اسيا بصوت عالي :لالالا مش هقدر والله تعالي انتي بتمشي ريحه فين لا استني محدش هيعرف يكمل من غيرك ياماما طب عشان خاطر بابا هيموت من غيرك طب عشان خاطر اخواتي ياماما احنا ملناش غيرك ف الدنيا
اسيل :ليكم ربنا احسن من اي حد ف الدنيا وانا لازم امشي خد بالك من نفسك
اسيا فاقت من النوم وهي بتصرخ بكل قوتها باسم اسيل
مالك وهو بيحضنها:بس بس اسيل كويسه بس اهدي
اسيل بعيط:هي كويسه طب خليني اشوفها هي سبتني مكنتش عايزه ترد عليا
رقيه بحزن:اهدي طنط كويسه تعالي نروح ليها بس امسحي دموعك دي
اسيا وهي بتجري :يلا أنا هروح ليها يلا
...........................
عند اسيل كريم كان رافض يسيب ايدهه خايف أنها تبعد عنهم الفكره مرعبه هو مش هيقدر يكمل دقيقه ف الحياه من غيرهه قطع تفكير صوت الموبايل
كريم بحزن:الو مين
الدكتور بحزن :..........
البارت ٨(هي التي سرقتني الجزء التاني)
كريم بحزن:الو مين
الدكتور بحزن :انا الدكتور انا اسف جدااا جداا أن قولت أن المدام اسيل عندهه الكانسر هي عندهه السكر بس انا غلط ف تشخيص الحالة
كريم بغضب:انت عبيط تشخيص اي احنا كانوا هنموت بسببك انا هشيلك من المستشفي اللي انت شغال فيها
الدكتور بحزن:اسف جداا بجد مكنش قصدي
كريم بغضب:غور ياض من هنا بس وعد من كريم مختار هخليك مش تشتغل ف حته لان تشخيصك دا دمرنا كلنا منك لله
اسيل :ف اي ياكريم متعصب كد ليه وبتكلم مين اصلا
كريم بفرح :الحمد لله انتي معندكيش حاجه هو السكر مفيش كانسر ولا غيرو
اسيل بصدمه مصطنعه:كانسر اي يابن مختار انت كنت عايز تموتني صح قولي مانا كنت عارفه أن دا هيحصل طول الفتره اللي فاتت عينك ع الخمستاشر جنيه اللي معايا
كريم بصدمه:يخربيتك اموتك وعيني ع خمستاشر جنيه اي بس يابنتي ارحميني بقي فارس روح شوف اختك
(فارس لسه هيتكلم اسيا فتحت الباب وهي مرعوبه ع اسيل اول ما اسيا شافت امها طلعت تجري عليها فضلت حضنها كأنها خايفه تهرب منها )
اسيا :ماما انتي كويسه صح انتي مش هتمشي
اسيل بتأثير مصطنع:يااااا اخيرا سمعت ماما الكلمه دي انا استنتها سنين قولي كد ماما تاني
اسيا بحزن:ماما
اسيل بمرح وهمس لكريم :هي البت بقت هبله ولا اي مالها دي وغير كد الحق دي بتقولي ياماما طلعت هي اللي عنيها ع الخمستاشر جنيه ياكريم يابني
اسيا :انا حلمت حلم وحش اوووي
معتز بهدوء :طبيعي تحلمي حلم وحش لان انتي كنتي سيبه عقلك الباطل هو اللي بيتخيل مش انتي
اسيا بفرح :يعني دا كان تخريف صح
معتز :صح وكمان طنط اسيل كويسه وطلع الدكتور غلطان وانا كنت حاسس بكد لان مكنش ظاهر عندهه اي اعراض
اسيل لكريم :بقولك أي خلي الواد اللي شغال يقولي ياطنط ياطنط دا يمشي من هنا وثواني كد اي العقل الباطل دا لا ياكريم يابني دا عيل مثقف خلي يبعد عن العيال
كريم بضحك:بس ياهبله واه يقولك ياطنط دا لو اسيا اتجوزت وخلفت هتبقي تيته وغير كد اي باطل دي
اسيل بتشنج :طب غور بقي قال تيته دا انت عيل رخم
اسيا بفرح :الحمد لله انك كويسه ياماما انا كنت هتجنن
اسيل وهي بتبعد اسيا عنها بقرف مصطنع:بت بقولك أي اسمي اسيل وغير كد ماما مين يابت انا مش قولت ليكي أن انتي مش بنتي
اسيا بردح:لا ياعمررري دا انا اموتكم هنا طالمه انا قاعده معاكي ليل نهار تبقي امي سمعه ولا مش سمعه
اسيل بخوف مصطنع:سمعه ياباشا ف اي حاجه تانيه
اسيا بغرور :لا مفيش اوعي عايزه انام
اسيل: بقولك يا اسر ياحبيبي ف شبشب جنبك صح
اسيا بخوف :وانتي بتسالي عن الشبشب ليه اكيد عايزه تتطمني عليه ماهو مش معقول هتضربيني وانا كبرت كد
مالك بتشجيع :ايوه يااسيل اضربيها عادي جداا
فارس بتشجيع:والعي فيها ياحل اسيل
فراس :انا هنزل اجيب سكينه وأكياس سوده وانتي اتصرفي
معتز بهمس:والله العظيم دول مجانين اللي يشوفهم كد مش يشوف هم كانوا ازي من شويه
اياد :اسيل لو عايزه اي مساعده انا ف الخدمه
اسيل :نردهلك ف الافراح ياشق
كريم بصدمه:شق عرفتي منين الكلمه دي يامصيبه حياتي
اسيا بتأثير مصطنع:لالالا بقي انت مش مهم عندك كل اللي انت سمعه دا دول هيقتلوني وانت بتقولها تعرف منين شق
كريم بمرح :مش مهم المهم اعرف المصيبه دي عرفت منين كلمه شق
اسيا بحزن مصطنع:انا مفيش حاجه ف دماغي بعد كل الكلام دا غير كم جمله هم كتكوت ضعيف الجناح والدنيا غدرت بيه كتكوووووووووووووت ضعيف الجناح الدنيا غدرت بيه
اسير وهو بيصقف :الله ياست اي يابت الجمال دا انا كنت هصدقك تعرفي انا بقي لما سمعت صوتك اي اللي كان موجود ف دماغي يلا ياسر سمع عمو
اسر بمرح:صح صوتها شبه الواد دا
معتز وهو بيضرب كف ع كف:اقسم بالله مجانين وانا مجنون أن قاعد معاهم
اياد وهو بيضحك:مالك يامعتز يابني
رقيه :اكيد ياحبيبي اتجنن الواد اقاعد معانا ساعتين اتجنن وبقي يكلم نفسه كل من عينه اسيل فضلت تقول مثقف ومش مثقف
اسيل :الله وانا مالي يا لمبي
اسيا :انا هقوم يااسيل اعمل ليكي اكل اي خدمه انهارده كل البيت هياكل من اكلي
اياد بهمس لرقيه:ع أساسا أن أسيا بتعرف تعمل غير مكرونه وبطاطس محروقه والبيض
معتز :طب انا همشي
اسيا:استن عندك رايح فين اقف ياض مكانك
معتز بصدمه :ياض انا تقوليلي ياض واقف مكاني ليه بقي
اسيا :هتاكل من الاكل مع العالم دي وهتقولي تسلم ايدك انا عمرك ما أكلت اكل بالجمال دا واه بقولك ياض فيها أي
معتز:يعني عايزني اطبل ليكي
اسيا :الله ما كل الناس دي بتطبل أولهم ست الكل
اسيل:احنا عشان بنجبر بخاطرك ونقول لازم الرفق بالحيوان تقولي علينا بنطبل لا اخص عليكي اخص مكنتش اتواقع منكي كد ابدا
اسيا بتأثير مصطنع:لا ياامي انا انا مكنش اقصدي كد
اسيل بمرح :يلا يابت قصدك ولا مش قصدك غوري اعملي الاكل
اسيا :ياجدعان انا كل دقيقه بتأكد أن الست دي مش امي هي ممكن تكون ام اربعه وأربعين
اسيل :حد يقومني عشان اعرفها ام اربع وأربعين بتعمل اي
اسيا وهي بتتسحب عشان تخرج:بصي ياست الكل اهام حاجه ف الكون صحتك فا خليك مرتاحه وانا هيبقي ست البيت انهارده يلا ياض منك لي انا من انهارده سيده القصر
اسيل بتشنج:يابت ال
اسيا :ماما انا صغيره اوعي تشتمي قدامي انا عايزه افضل محفظه ع أخلاقي وتربيتي
اسيل بستغراب:وانتي عندك اخلاق ولا تربيه انا امك وبقولك يابنتي انتي اضحك عليكي
كريم :بس انتي وهي والله انا مش مصدق دا منظر واحده كانت تعبانه والتانيه كانت منهاره دا انا اللي منهار امشي يابت من هنا وانتي يااسيل كم مره قولت ليكي ملكيش دعوه بالحيوانات
اسيا :تشكر ياحج دا من زوقك بقي انا حيوانات انا مفرد مش جمع
اسيل :طب امشي بدل ما اخلي كريم يعلقك
اسيا:لالالا انتم مش اهلي انا تعبت ياجدعان
معتز : انا اللي تعبت انتي مش قولتي نزله تعملي الاكل بقالك ساعه بتتكلمي وفيهم نص ساعه دول مش اهلك
اسيا :ف اي هو كلكم عليا هو انا كنت مرات ابوك عشان تكلمني كد هل انا كنت مرات ابوك
معتز بهدوء مخيف:نزلي اعملي الاكل حالا مش عايزه اسمع منك كلمه كمان
اسيا :طب هنزل انا يارجاله عايزين مني حاجه لا طب سلامه عليكم
اسيل وهي بتغيظها :تستاهلي
اسيا :اقولك حاجه يااسيل
اسيل :قولي ياختي
اسيا :الدنيا مش محتاجه هههههه
كريم :انزلي بدل ما اعلقك
بعد ١٠دقايق كانت اسيا ف المطبخ بترقص وتغني
اسيا بغناء :اللي مني مزعلني اللي مني عايزين اي مني ايوه ياشيبه قول كمان دي عالم عايزه الحرق
(اسيا كانت بتغني وهي مركزه ف البطاطس والمكرونه ورافضه أن حد من المساعدين يعمل معاهه )
اسيا لنفسها: الا يابت يااسيا كبرتي وبتشيلي المسؤوليه واهو بتعملي الاكل عقبال ما تعملي لي قره عينك يابت اه هو فين بس قره عيني والله خايفه يجي قره عيني اقوم انا اتعصب واقتله زي ما بقيت بشوف الفتره دي الستات بقي يتخاف منها والله
واحده من اللي بتساعده:مش الستات ياست اسيا اللي يتخاف منهم
اسيا بفضول:اومال اي يابت ياسعديه
سعديه :بصي الرجل بيفضل يعصب الست لحد ما هي بتجيب اخرهه وتقتله
اسيا وهي بتبلع ريقه :وهو انتي ياسعديه لو حد عصبك وجاب اخرك بتقتلي
سعديه وهي بتمسك السكينه:مش كد نهائي انا اصلا طيبه انا بقولك بس ع الناس التانيه
اسيا بسخريه :انتي مش اسمك سعديه انتي اسمك ث ث ث انا الثعبان اطلعي بره ياسعديه وخليهم هم كمان يخرجوا
اسيا:اخيرا الكل خرج انا عايزه اعمل مكرونه بصوص الأبيض انا اعمل اي انا الاول اعمل الصوص ايوه صح جدعه يابت
بعد ١٥دقيقه
اسيا :هو ليه قريب لي اللون الاسود مش المفروض يبقي ابيض طب انا لما اطلع بره اقول ليهم دي بصوص اي اكيد محدش هياخد باله لان هدخلها الفرن هيبقي مش بيان نحط بقي الصوص ع المكرونه القمر وبعد ما نحطها ف الفرن نشوف بقي نعمل اي جنبها هبداء اقطع البطاطس الله عليا وانا شيف والله انا خساره ف البلد دي
بعد نص ساعه كانت اسيا بتبص لاكل بخوف
اسيا :نهار اسود دا انا هموت انهارده كله منكي ياسعديه الكلب ليه مفضلتش متماسكه أنها تقف جنبي تساعدني طب المكرونه وهقول ليهم فرن دا البطاطس المحروقه دي اي بس احسن حل اعملوا دلوقتي أن أطلع علبه الجبنه واخدهه واهرب وهم مبروك عليهم الاكل دا مش خساره فيهم سعديه بت ياسعديه
سعديه :نعم
اسيا :بصي ياسعديه ياقمر انا عندي مشوار مش مهم بس لازم اروحه فا انتي طلعي الاكل ليهم بره
سعديه بستغراب :وهم بيروح المشوار بعلبه الجبنه برده
اسيا :وانتي مالك يلا سلام
سعديه بصدمه:يالهوي اي دا الاكل اسود كد ليه انا مليش دعوه انا هحط ليهم الاكل دا وامشي
...................
عند اسيا وهي بتاكل الجبنه ونسيت المصيبه اللي هي عملها
اسيا :حلوه الجبنه شجعتني اعمل دايت انا مالي ومال الاكل التاني مالها الجبنه قمر الجبنه بس غريب انا مش سمعه ليهم صوت ليه يلا انا مالي المهم اني باكل ومليش دعوه باحد واحسن حاجه انا عملتها اني قفلت الباب العائله دي ملهاش امان مثلا كريم يجي يقتلني اسيل تيجي تسرق اعضاء بتاعتي اهام حاجه احمي نفسي
.....................
ف غرفه الطعام كان الكل مستغرب من لون الاكل البطاطس وفاهمين أنها محروقه طب اي الاكله التانيه دي محدش فاهم كل واحد منهم مستني حد يضحي ويااكل من الاكل دا
اسر:ياجدع ف اي ما حد يضحي يشوف اي الاكل دا ممكن يبقي حلو
معتز :هو لو حلو هيبقي لونه اسود
مالك :مش مهم اللون ف اكل لونه اسود عادي
فارس:طب طالمه انت واثق كد يامالك ما تاكل ياحبيبي ما هو مش مهم اللون
اياد :بس غريبه اومال ف اسيا
رقيه:اكيد هربت
اسيل بفخر :بنتي
كريم :اي الفخر دا يااسيل دي عملت مصيبه
اسيل :ألمهم أنها هربت
كريم بعدم تصديق :انتي مجنونه وهي مجنونه اكتر انا مش عارف انا عملت اي عشان يكون ف حياتي ناس زيكم
اسيل :هقولك انت ربنا بيحبك فا خلني انا أسيا وعيالي الملائكه دول ندخل حياتك وانت بقي كل دقيقه منكم لله حسبي الله ونعم الوكيل استغفر الله وف اوقات بتقول سبحان الله شوفت بقي ربنا بيحبك ازي
اياد:اسمع مني دي تقتلها وانا شاهد أنها انتحارت
رقيه:انا شاهده مع اياد
كريم: خلاص هي بنتي وانا هضحي واكل اي القرف دا اي دا المكرونه نشفه ليه يخربيتك يااسيا المكرونه مش مسلوقه
اسيل بضحك: تستاهل عشان تقدم التضحيه
كريم وهو بيجري :هقتلها حد يكلم ريهام سعيد عشان تبقي اول واحده تعرف اني اقتلت بنتي
.....................
عند اسيا وهي بتجري ف كل حته ف الأوضه
اسيا :هيموتني يارب اعملي اي استخب فين ياختتتي طب انتحار بس انا هستخب وسط اللبس
كريم وهو بيخبط الباب:افتحي ياجزمه افتحي يابت انا هقتلك انا تاكليني مكرونه محروقه ومش مسلوقه
زينه بضحك:خلاص ياعمو كريم عيله وغلطت
كريم :عيله نعرفها غلطها اطلعي ياجزمه
زينه بتشجيع :بصراحه لو انا مكانك هولع فيها
اسيا وهي بستخبه :دا انا اللي هولع فيكي يازينه الكلب
كريم:حد فيكم يكسر الباب انا مش هسيبها انهارده
اياد :خلاص بقي ياكريم
رقيه واسيل:لا اقتلها هي تستاهل
معتز بهمس لي اسيل :انتي متأكدة انك امها واللي جانبك خالتها
اسيل بستغراب مصطنع :بيقولوا كد بس يابني انا ولا أمها ولا اعرفها
معتز باقتناع :وانا مصدق انك مش امها
فارس :استن يابابا انا معايا المفتاح
اسيا :هقتلك يافارس انا عرفت أن الخيانه لازم تيجي من اقرب حد ليك أنا خت الضربه بجد
كريم وهو بيدخل الاوضه:انتي فين يابت اطلعي
اسيا بمرح:مش طالع
كريم :اطلعي هنتفهم
اسيا:انت بتتفهم بالعصايا
كريم :اه دا الأسلوب الجديد
اسيا :طب ياحج شكلك مشغول دلوقتي فا انا هجيلك ف وقت تاني
كريم وهو بيقرب من مكان اسيا:يعني مش هتطلعي
اسيا :لا مش طالع
كريم وهو بيشيل اللبس من ع اسيا :اطلعي يامهزقه اي اللي مخليكي تستخبي هنا اصبري عليا
اسيا بمرح :اثبت مكانك لتولع وانت واقف بص ياحج مش اكله اللي هتخسرنا بعض احنا عشره عمر ياراجل وانت راجل اصيل اكيد هتحفظ ع العشره
كريم : بس انا مش اصيل تعالي هنا
اسيا وهي بتجري:لا ياحج متقولش ع نفسك كد
اسيل :انا همسكها ياكريم متقلقش
اسيا بتأثير مصطنع :تشكري ياست الحبايب هي دي الامومه نفسي اعرف كنتي فين وهم بيوزع حنان الام
اسيل :كنت باكل اعمل اي يعني اقطع نفسي مش عايزني اكل كمان
اسيا:لا ياختي اهام حاجه الاكل طب ياشباب انا شايفه انكم كلكم عايزين أن كريم يولع فيا فا انا اعمل اي حد يقولي اعمل اي
اسيل: هتعمل اي
اسيا:هرب ياختي
بعد خروج اسيا من البيت
اسيا :هربت منيهم
لقراءة باقي الفصول الجزء الثاني من هنا