رواية عندما اتذكر الماضي الفصل الثالث عشر13والرابع عشر14بقلم مها عيسي
غادة / انت بتقولي فيها يا " أماني".... هي فعلاً أوجاع
وانا أوجاعي تبدأ من أول يوم استلمت شغلي ف
المستشفى كان في الشتاء كان يوم ممطر جدا
وكان فيه صعوبة في المواصلات وقفت كتير مفيش
فايدة دخلت السوبر ماركت اشتري زجاجة مياه
وبعد ما اشتريت بمشي،، فجأه رجلي اتزحلقت
كنت لسه هاسقط ع الأرض إلا وايد بسرعه أنقذت
الموقف برفع بعيني لقيته شخص ف منتهي
الجاذبيه والوسامة........
----------------------------بقلمي مها عيسى
غادة / احممم شكراً لحضرتك
...... / الشكر لله مفيش حاجه بس خلي بالك المره الجايه
وحولي كدا تدوسي عل رجلك لان واضح كدا انها اتجذعت
غادة / بتحاول تمشي ولكن رجلها تؤلمها اااه فعلاً
شكلها كدا....
........ /طب انت رايحه فين ممكن اوصلك انا معايا
عربيتي
غادة / لأ شكراً.... أنا بس مش عارفه أعمل إيه
أصل أول يوم ليا ف الشغل النهارده أصل انا
خريجة تمريض واتعينت ف مستشفى (.......)
ياعنى أول يوم ليا فيها أمشي كدا انا مش قادرة
امشي عليها...
....... / معقول اي الصدفه الجميله دي اصل انا
بشتغل ف نفس المستشفى معاكي دكتور (وليد
ويمد يده يسلم عليها
غاده / اهلا بحضرتك وتسلم عليه..... اتشرفت
بمعرفة حضرتك
وليد / الشرف لي انا... بصي بقه خلاص احنا طرقنا
واحد يبقه مفيش مانع أوصلك تمام
غادة / بابتسامة خجل.... اوكي بس خايفه اكون بتقل
عل حضرتك
وليد / لأ متقوليش كده..... ولا لحظه كدا،، انت قصدك
ايه اني اشيلك ياعنى للعربيه عشان رجلك وكده ياعنى
انا معنديش مانع
غادة / هههههه... لأ لا مش للدرجادي... أنا قصدي
وليد / بابتسامة أنا عارف... أنا بس بضحك معاكي
(آللهم صل وسلم على نبينا محمد وعلى آله وصحبه أجمعين)
.. وركبت العربيه وكان في منتهى الذوق ووصلنا
للمستشفي وبعد ما دخلنا أعطاني كريم ادهن به رجلي
عشان تخف ومشعرش بالألم.... بصراحه حبيت اهتمامة
بيا اوي،،، وكل يوم ييجي يطمن عليا.....
مرت الايام وأصبحنا نتقرب من بعض اكثر فا اكثر
وجه يوم دعاني للغدا برا كنت متردده بس هو ألح عليا
وليد / ياسيتي انت بتقولي انك عايشه بعيد عن
اهلك،، وأهلك ف البلد ياعنى بعيد محدش هيسألك
اتأخرتي ليه ولا كنت فين... يبقه اي المانع بقه
غادة / بزعل..... ياسلام ياعنى عشان انا هنا عايشه لوحدي
وبعيد عن أهلي يبقى أمشي عل حل شعري.....
لأ يا دكتور إحترامي لأهلي في غيابهم اكتر من وجودهم
بابا اللي شقى وتعب عشان يكبرني ويعلمني....
ميبقاش دا رد الجميل له،، اني أخون ثقته فيا
واهين كرامته انا آسفه بعد اذنك....... اوقفها بيده
وليد / انا اسف انا مكنش قصدي والله حاجة غلط
لكل الغضب دا.... أنا بطلب منك نتغدا مع بعض وف
مكان عام مش بقولك تعالي شقتي مثلاً....
غادة / الغلط مش ف الطلب لأ... ف الطريقه والأسلوب
وليد / خلاص ياسيتي آسف... بس بجد مكنش قصدي
أزعلك....
غادة / خلاص يادكتور حصل خير عن اذنك
وليد / ياعنى ايه مش مواقفه نتغدا مع بعض
غادة / لأ شكراً.. مش هينفع،، وكمان انا تعبانة
ومحتاجه اروح ارتاح... السلام عليكم
وليد / بغيظ... ف نفسه ماااشي برحتك
(سبحآن الله وبحمده سبحان الله العظيم)
مرت الشهور ويحاول وليد تحسين العلاقه بينه وبين
غادة....ححتى يوم كان بيمر في المستشفى ورأي
غادة " تتحدث ف الهاتف بحزن شديد وتثور ف
نوبة بكاء يسرع لها
وليد / مالك يا " غادة " فيه ايه
غادة / ببكاء ماما كلمتني وبتقول ان بابا تعبان اوي
وطالب يشفني قبل ما........ وانهارت ف البكاء
وبصوت متقطع أنا خا... يفه... خايفه... ملحك... ش
ملحكش اشو... فه
وليد / طب روحي خدي اذن بسرعه وانا هاخدك
أوصلك لحد هناك عشان متأخريش
غادة / لأ شكراً مفيش داعي انا هروح مواصلات
وليد / يابنتي مواصلات ايه اللي فهمته منك إنك
من اتاي البارود... ياعنى مسافه بعيده المواصلات
هتاخد وقت لكن العربيه هتكون أسرع
غادة / بس مش هينفع أقولهم ايه هناك لما يشوفك
معايا....
وليد / ليه انت شايفني كيس جوافه.... دكتور وجاي
يكشف على بابا..... بقلمي مها عيسى
غادة / خلاص تمام هروح استأذن عن اذنك
واخدت الأذن وذهب سوياً سافرو البلد ودخل د (وليد)
كشف عليه وكان وجه عابث.....
غادة / خير يا دكتور
وليد / مش عارف اقولك ايه يا غادة.... بس انت
إنسانة مؤمنه وكله بتاع ربنا
الأب وهو يشير لابنته بأن تقترب منه... اقتربت منه
وقبلت رأسه ويده بدموع
الأب / بصوت متعب..... بنتي خلي بالك من نفسك ومن
أمك واخوكي ومتزعليش دا قضاء ربنا واحنا لازم
نرضى بيه..... الحمد لله اني شفتك.... كنت خايف
آموت قبل ما أشوفك..... حافظي عل نفسك
وعلى..... ثم أغمض عنيه ونطق الشهاده بصعوبه
وخرجت الروح إلى بارئها.....
صرخت غادة.... لأ بابا.... باااابااااا قوم
وليد.... كان متأثر بغادة وحاول انه يهديها
ارجوكي اهدي يا غادة.. حرام عليكي اللي بتعمليه دا
دخلت الأم على صراخ غادة " وجريت تحضنه وتصرخ
واتلم الجيران وحاولوا تهدئتهم،، وبعد ساعات تم الدفن
وقام العذاء وحالة غادة وممتها واخوها صعبة جدا
دخل" وليد " عندهم بالداخل بعد ما استأذن احد اقاربهم
بالدخول ليواسي غادة.... فاهو عرفهم انه يعمل معها
ف نفس المستشفي وكان جاي معها يكشف على والدها
-_______اذكرو الله _______
وليد / البقاء لله ربنا يرحمه ويصبركم
الأم / ونعمة بالله......
وليد... شدي حيلك يا " غادة " وخليكي قويه عشان
خاطر والدتك واخوكي معتش ليهم غيرك....
وانا هاخدلك اجازة اسبوع بس انت حاولي تهدي
غادة / ان شاء الله... وشكراً لحضرتك تعبتك معايا
وليد / متقوليش كده دانت أخت غاليه عندنا كلنا
يلا استأذن انا بقه مش عايزه اي حاجه ومد يده
وبها ظرف به نقود....
غادة / لأ شكراً مش محتاجه حاجه
وليد / ارجوكي دي حاجة بسيطة ياعنى لو انا اللي كنت
وقعت ف ظرف مكنتش هتقفي جنبي وبعدين
كلها حاجات مش مستهله الكلام
غادة / والله مستوره فعلاً مش محتاجه لحاجه
وليد / معلش خليهم معاكي واعتبريهم سلف ياسيتي
يلا السلام عليكم....... وخرج
وغادة... قاعدت جمب ممتها واخوها واحتضنتهم
وتبكي.......... انتهى العذاء ومر الأسبوع
غادة / ماما عشان خاطري حاولي تجمدي عشان اخوي
مش عايزة أكون قلقانة عليكم وانا مسافره الاجازة
خلصت وعندي شغل من بكره ان شاء... فا لازم
أسافر النهارده........... ليأتي صوت من خلفهم
هتسافري فين يابنت عمي.......
غادة / هيكون فين يا أبن عمي الشغل طبعاً
سعيد.. ابن عمها / لأ مهو خلآص معتش فيه شغل تاني
معندناش بنات تقعد بعيد عن أهلها..... ودلع أبوكي
ليكي دا.. تنسيه نهائي فاهمة............
غادة /..........
.... ((( عندمآ أتذكر الماضي )))..
. الفصل ١٤
#حكاية _غادة
غادة / ياعنى ايه ان شاء الله..... ها تمنعني أروح الشغل
انت أكيد اتجننت اللي خلا بابا الله يرحمه مكنش عنده
مانع،،،، انت بقه اللي هاتمنعه
سعيد / لأ مهو عمي الله يرحمه بقه متجوزش عليه
إلا الرحمة بس دا كان تصرف غلط منه يسيب
بنته تعيش لوحدها ف بلد غريبه الله أعلم بتعمل ايه
من غير حارس ولا رقيب....
غادة / أخرس بابا الله يرحمه كان واثق ف بنته
وف تربيته،،، واوعي ف يوم تتكلم عن بابا تاني
كده انت فاهم.......
سعيد / لأ... فاهم انت اللي مش فاهمة ان الوضع اتغير
ف وجود عمي حاجة وف وجودي انا حاجه تانيه خالص
انت دلوقتي ملزومة مننا احنا وانا بالتحديد....
الأم / واشمعنا انت بالتحديد يا " سعيد" أنا
سيباك تتكلم براحتك.... ومتشكرين اوي عل حسن
المعاملة ياابن الأصول.....
سعيد / والله يا مرات عمي شوفي مين اللي بيتعدي
الأصول
غادة / بعد إذنك يا ماما اسكتي انت...... اسمع بقه
يا "سعيد" شغل وها أشتغل،،، واوعى ف يوم تتعدى
حدودك معايا... عشان انت ف النهاية اللي هتزعل
::أنا كبيرة كفايه عشان أخد بالي من نفسي
وعن تصرفاتي فاشكرا اوي عل مساعداتك فأنك
تشيل مسؤليتي
(أستغفر الله العظيم واتوب اليه)
سعيد / بخبث.... لأ مهو مش بمزاجك انا هشيل مسؤليتك
غصب عنك
غادة / بغضب..... دا اللي هو ازاي يعني
سعيد / عشان هكون جوزك ان شاء الله..... فادا الطبيعي
غادة / بصدمة.... ايه الهبل اللي انت بقوله دا
انت اكيد اتجننت
سعيد / بغضب.... مفيش واحدة محترمة تكلم جوزها
بالأسلوب دا.... بس زي بعضه هافوتها لك المرة دي
مرعاتاً للظرف اللي انت فيه... لولا كدا كنت عرفتك
شغلك..... أنا ماشي وياريت كلامي يتنفذ
والا متلميش إلا نفسك..... سلام يا زوجتي المستقبليه
وتركهم ومشي لتنظر له غاده وبصوت عالي تقول له
غادة / بعصبيه...... تبقه بتحلم انا استحاله أكون لك
الأم / اهدي يا بنتى انا عارفه ان الايام الجايه هتكون
صعبة علينا ربنا يسترها دا زي ما يكونو ماصدقو
إن أبوكي يموت عشان يحكمو ويتحكمو فينا
وبدموع.... الله يرحمك يا ابو "غادة"....
كنت ضهرنا وحمانا هندبهدل من بعدك
غادة / لأ يا ماما محدش يقدر يغصبنا عل حاجه
الأم / بتهيألك يابنتي دا ابن عمك وعايز يتجوزك وألف
مين اللي هيقف معاه ما انت عارفه عمك وجبروته
وابنه ورث الجابروت منه واحنا ستات ضعفه
مش قدهم هما كل دا بصين لحتة الأرض بتاعة أبوكي
مش مكفيهم اللي عندهم بس شغل طمع بقه
اغدي الشيطان يابنتي احنا مش قدهم
غادة / لأ يا ماما احنا مش ضعفه.. عشان استسلم لهم
ومحدش يقدر يغصب عليا بحاجه انا هسافر دلوقت
عشان الوقت اتأخر،، والاجازة الجاي ان شاء الله
ليا تصرف تاني معاهم.... مع السلامة يا حبيبتي وخلو
بالكم من نفسكم،، ومتقلقيش من حاجه ان شاء الله خير
الأم / خلي بالك من نفسك انت يا قلبي وابقى اتصلي
بيا أول ما توصلي طمنيني مع السلامة يا حبيبتي
ربنا يحفظك وينجيكي يابنتي........
(لا حولا ولا قوة الا بالله العلي العظيم)
_______:_________بقلمي مها عيسى
في المستشفى غادة " تلقت العذاء من كل زملائها
ومن إدارة المستشفى أيضا..... وقابلها د " وليد
وليد / غادة... اخبارك ايه حمدالله على السلامه
وماما واخوكي أخبارهم ايه....
غادة / بحزن..... الحمدالله تمام... وانا متشكره جداً
يا دكتور عل وقفتك معانا
وليد / عيب عليكي الكلام دا يا" غادة " إحنا هنا
كلنا أسرة واحدة ودا وجبي...
غادة / شكراً... بعد اذنك
وليد / اتفضلي واي حاجة تحتاجيها تعالي ليا علطول
تمام
غادة / شكراً يا دكتور السلام عليكم
تمر ايام..... تتصل غادة " ب والدتها
ماما ازيك حبيبتي أخباركم ايه
الام / الحمد لله بخير يا قلبي انت عامله ايه دلوقتي
غادة / الحمدلله ياماما تمام،، بحاول أضغط نفسي
ف الشغل عشان أشغل نفسي ومفكرش اممم
قوليلي يا ماما مش محتجين حاجة اجبها لكم معايا
آخر الأسبوع وانا جايه.....
الأم // بسرعه... لأ أوعى تيجي..... قصدي مش مهم
تنزلي الاجازة دي يا " غادة
غادة / شعرت ان فيه شيء ً مآ........ ماما هو فيه حاجة
حد أتعرض لكم من عمامي او عيال عمي....
الام / لأ ياحبيبتي صدقيني انا حتى مشفتش
وش حد فيهم من يوم ما مشيتي
غادة / بعدم اقتناع.... مش عارفه حاسه إنك مخبيا عليا
حاجه... طب ليه مش عايزانى اجي الاجازه دي
الأم / أبداً يا حبيبتي كل الحكاية إني عايزاكي تبعدي
شويه لأنك لما تيجي كل حاجة هتفكرك بباكي هنا
غادة / بدموع.... تفكرني،،، وانا عمري هنساه ياماما
مهما بعدت او طال الزمن عمري ما هنساه أبداً
ولا وجعي عليه هيقل..... ربنا يرحمه ويغفر له
الأم / يارب..... بس عشان خاطري بلاش تنزلي آخر
الأسبوع خليكي شويه،، متجيش إلا لمآ أقولك تعالي
غادة / بقلق.... فيه ايه يا ماما..... ارجوكي صارحيني
الأم / بكذب.... يا حبيبتي مفيش بس حسه ان ابن
عمك مش ناوي عل خير ( محبتش تقول لها الحقيقه عشان
متقلقهاش)....... بقلمي مها عيسى
غادة / لأ يا ماما هاجي ويعمل اللي يعمله وانا هاقغلو
الأم / يابنتي انت مش قدة كفياكي عند خليكي
بعيده بس دلوقت لحد ما نعرف هنعمل ايه
غادة / ماما هو عمل ايه لما عرف اني سافرت،،
وارجوكي متخبيش عليا عشان كدا كدا هعرف لما
أرجع ان شاء الله.......... ليدخل عليها دكتور " وليد
وهي تتحدث مع ممتها
وليد / اي يا" غادة "بتكلمي مين
غادة / دي ماما
وليد / والله... طب ادهاني أطمن عليها بنفسي... اخد التليفون.... ماما ازيك يا حبيبتي أخبارك ايه انا بسأل
عليكي علطول وببعت سلامي مع غادة بتقولك ولا لأ
الأم / الحمدلله بخير يابني.... ازيك يا دكتور "وليد
وشكرا علي عملته معانا،،،،،، وهي بتتحدث معه
جت ف بالها فكره ثم قالت له...... بقولك اي
يابني ممكن تبعد عن" غادة " شوية
وليد / وهو يتظاهر بأنقطاع الشبكة ليبعد شويه
عن غادة.... الو الو الو وبعد شويه.... ايو يا أمي
اتفضلي أامريني....
(لا إله إلا الله وحده لا شريك له له الملك وله الحمد وهو على كل شيء قدير)........
الأم / الأمر لله وحده يابني انا عارفه انها ممكن تقرب
منك ف اي وقت عشان كدا مش هاعرف اتكلم معاك
ممكن تاخد رقمي من غادة بحجة انك عشان تبقى
تكلمني تطمان عليا وابقى كلمني عشان محتجاك
ضروري... ضروري
وليد / من عنيا يا أمي مع السلامة...... وقبل ما يعطي
لها الهاتف اخذ الرقم سريعاً وسجله عنده.... ثم
اتجه ل غادة... اتفضلي يا غادة... ربنا يصبركم
عن إذنك ثم خرج ودجل غرفة مكتبه وأخرج هاتفه
ليتحدث مع مامت غادة
وليد / الو أيو يا أمي أنا (وليد)
الأم / اه ياحبيبي عرفت صوتك معلش يا بني بس
مقدميش غيرك احنا مكنش لينا غير أبو غادة....
وبعد ما مات الكل بقى ينهش فينا قبل حتى ما
دمه يبرد ولا عملو حساب لصلة الرحم
وليد / بقلق..... خير يا أمي حد أتعرض لكم بشيئ
الأم / انا عارفه إنك هتستغرب اللي هطلبه منك
بس سامحني يابني مفيش غيرك.........
انا كنت قصداك ف خدمة بس ياعنى لو عندك مانع
خلاص اعتبرني مقلتش لك حاجه خالص وصدقني
مش هزعل منك...
وليد / ربنا ما يجيب زعل يا أمي اتفضلي انت تأمريني
خير......
الأم / مش خير خالص يابني،،كل الحكاية إن.............؟؟؟؟؟
يامداااااااا.....................