رواية جميله ونوح
الفصل الثالث
بقلم زينب رضا
نوح لجميلة : انتي ازاي تتكلمي كدا
جميلة بعصبية : انت مش عارف ان اللي بتعملوه ده حرام ولا
اي ده انت اللي مربيني ع كده
نوح : مبدئيا صوتك ميعلاش وعارف انه حرام بس مش انتي اللي هتحاسبيني
جميلة : انت صح عن إذنك.. ومعديه من جنبه عشان تطلع
اوضتها نوح مسك ايدها، جميلة فلتت ايدها وبصتله بصه كلها
حزن وعتاب وسابته وطلعت نوح كره نفسه واللي عمله بسبب بصتها دي..
نوح طالع اوضته امه وقفته بصلها
نوح : نعم يا أمي
امه : انت فعلا يابني هتتجوز البت دي
نوح : اه يا أمي بس الخطوبة هأجلها ع ما جميلة تخلص امتحانات
امه : بس انا مش موافقة ع البت دي
نوح خد نفسه ونزل لأمه : ليه بس ماهيتاب مالها
امه : مش مرتاحلها ي نوح ست ما.. هي اسمها اي دي
نوح ضحك : اسمها ماهيتاب سيبك م الاسم المهم انتي بتثقي فيا صح
أمه : اكيد يابني بس.. نوح قاطعها
نوح : من غير بس ثقي ف اختياراتي زي ما بتثقي فيا
امه بفقدان امل : اللي يريحك بس هي مش شبهنا ولا شبه تربيتنا ولو اتجوزتها اعمل حسابك مش هتعيش غير معايا وبرضو هقولك تاني اللي يريحك
نوح مسك ايدها وباسها : اكيد هفضل معاكي مقدرش ابعد عنك ربنا يخليكي ليا
امه بابتسامة : ويخليك ليا يا حبيبي، يلا اطلع ارتاح شوية
نوح : حاضر انتي هتعملي اي
أمه : هدخل اشرب وهطلع انام عشان صاحيه من بدري
نوح : ماشي يقمر وطلع اوضته
جميلة قاعدة ف اوضتها بتحاول تذاكر مش عارفة وتفكيرها كله ف نوح قفلت الكتاب بزهق..جميلة بتكلم نفسها 'لا ما كدا مش هينفع امتحاني بعد بكره
طب هو هيخطبها بجد يعني خلاص مش هتجوزه انا.. اوعي تعيطي اوعي..اشمعنا ف الروايات البطل بيتجوز البطلة نوح البطل نوح اصلا بطلي اكيد مش ام طويله دي هتكون
بطلته ده انا ابلعهم اه احنا هنخيب ولا اي اخلص بس امتحانات وهقوله بحبك وهتجوزك واللي يحصل يحصل..يخربيت ام التخلف انا هنزل اعمل قهوة واتمرقع ف الجنينة شوية
ماهي المرقعة مبتجيش غير وقت الامتحانات معروفة يعني ' لبست طرحتها وخدت الفون والكتاب ع اساس انها تذاكر ونزلت المطبخ
نوح بيتقلب ع السرير يمين وشمال مش عارف ينام، بقا انتي ي جميلة مش مخلياني عارف
انام هي بتدعي عليا دي ولا اي، بس ياتري غيرتها دي كانت حب ولا عشان هتجوز واهتمامي هيروح لبنت تانية وبكدا
مش ههتم بيها..الغيرة كانت باينه ف عينها ياتري بتفكري ف اي ي جميلة وقام دخل بلكونة اوضته لمح جميلة راحة ع المرجيحة
وف ايدها فنجان قهوة قرر ينزل يرخم عليها شوية وهو خارج سمع موبايله بيرن رجع يشوف مين لاقاها ماهيتاب ساب الفون يرن ونزل
جميلة قاعدة بتتمرجح وبتغني لأم كلثوم نوح نزل ووقف يسمع من غير هي ما تشوفه
يا حبيبي
يلا نعيش ف عيون الليل'..
يلا نعيش ف عيون الليل'..
ونقول للشمس تعالي تعالي
*بعد سنه مش قبل سنه..تعالي تعالي..تعالي تعالي
بعد سنه مش قبل سنه
قاطعها نوح وكمل..اتخضت لما سمعت صوته وبصت عليه وضحكت عشان بيغني
*دي ليلة حب حلوة
*بألف ليله وليلة
*اه الف ليلة وليلة
*ألف ليلة وليلة
سكت نوح وكملت جميلة..
*بكل العمر..هو العمر اي غير ليلة زي الليلة زي الليلة "الليلة" زي الليلة
جميلة خلصت ونوح بصصلها وضحك وهي كمان ضحكت
جميلة : فاكر لما غنيت الاغنية دي اول مرة وقولتلي صوتك حلو
نوح : اكيد فاكر ووقتها كملنا بنفس الترتيب وكمل كلامه بتريقة..بس انتي شكلك مش بتغني انتي بتذاكري حلوة المذاكرة دي صح
جميلة ضحكت وبعدين كشرت : ع فكرة انا مش عارفه اذاكر
نوح : طبيعي عشان انا دايما اللي بذاكرلك وطبعا بتجيبي امتياز، وعدل لياقة الترنج بفخر
جميلة بغيظ : لو انا مش بذاكر كويس بعد ما انت ما بتخلص الامتياز مكانش هيجي
نوح : طب خلاص اسيبك تكملي غني تؤ اقصد مذاكرة ونشوف الامتياز هيجي من انهي باب..ولف وهيمشي
~~~~~~~~~~~~~~~~~~~~~~~~~~~~~~~~ صلوا ع النبي❤️؛ ~~~~~~~~~~~~~~~~~~~~~~~~~~~~~~~~
جميلة : يعم خد بس ده انت قفوش اوي ليه كده الواحد ميعرفش يهزر معاك
نوح باستغراب : يعم وقفوش لا ده احنا عدينا
جميلة بفخر : اومال انت مفكر اي
نوح : مش عاوز افكر ف حاجه ويلا ياختي ان كنتي هتذاكري..جميلة قامت من ع المرجيحة وقعدت ع الأرض
نوح : انتي بتعملي اي
جميلة : اقعد اقعد كدا انا
هفهم اكتر، نوح استغفر ف سره وبعدين قلع شبشبه وقعد ع الأرض وجميلة قاعده تضحك ع منظره
جميلة : تيجي نتصور دي فرصه مش هتتعوض
نوح بنفتذ صبر : هتنجزي ولا اقوم
جميلة بوزت : خلاص خلاص يلا وفتحت الكتاب، نوح شافها زعلت مرضيش يزعلها
نوح : يلا صوري هي صورة واحده بس، جميلة ضحكت وفتحت الفون واتصورت
معاه اكتر من صوره وصورته لوحده...طبعا نوح مش بيضعف قدام جميلة عشان كده كلامه مشي واتصوروا صوره واحدة
نوح : مش كفاية كدا بقا
جميلة بصت للفون وابتسمت وبصوت واطي : اهي هتتحط ذكري جنب اخواتها
نوح : بتقولي حاجه
جميلة : لا ابدا يلا نذاكر، وفعلا بدأوا يذاكروا،
امه صحيت شافتهم من فوق نزلت عملتلهم عصير وودته ليهم
نوح : ليه تعبتي نفسك ي ماما كنت هقوم البت دي تعمل، ومسك الكوبايه وبيشرب
امه : ملكش دعوه انت تعب جميلة راحة
جميلة : انا فعلا كنت شوية وهقوم اعمل حاجه نشربها تسلم ايدك يعمتو الواد ده بيوقع بينا، نوح سمع كلمة واد شرق وهو بيشرب وجميله عماله تضحك
جميلة : شوفت عشان تحرم توقع بينا
نوح خد نفسه : طب ذاكري ي حلوة يلا
امه : هسيبكوا تكلموا بقا، وسابتهم ودخلت
نوح مسك ودان جميلة من فوق الطرحة : مين ده اللي واد ي اوزعه انتي
جميلة بتراجع : انا قولت واد ابدا ي ابيه محصلش..سمع ابيه وايده اتشالت واحده واحده وساكت متكلمش .. جميلة ف نفسها ' هو انا عكيت ولا اي انا متخلفه حد يزعل القمر ده و..' لاقته بيقوم شدته قعدته تاني
جميلة : انت رايح فين وسايبني
نوح كل تفكيره انها فعلا شايفاه الانسان اللي رباها وبس وبتحبه ف حدود كده
جميلة : اي روحت فين
نوح بابتسامة مذيفه : ولا حاجه يلا كملي مذاكرة
جميلة اتاكدت انه زعل بس مش عارفه تصالحه ازاي..نوح خضها لما اتكلم
نوح : يلا ي بت ذاكري
جميلة : حاضر حاضر
عدي اليوم ع كده وعدت ايام امتحانات جميلة ما بين هزار وضحك بينها هي ونوح وعمتها..وخنقه جميلة لما نوح يجيب سيرة ماهيتاب او سيرة خطوبته
اخر يوم امتحان لجميلة_
جميلة خلصت وخارجه من كليتها مستنيه السواق..سمعت صوت بينادي عليها
: انسة جميلة، بصت لمصدر الصوت لاقته شاب لابس نضارة شمس وباين عليه انه لسه بيدرس
جميلة : نعم
الشاب : بصراحه انهارده اخر يوم امتحانات لينا و..
جميلة قاطعته : هو انت اخر سنه
الشاب : ايوا انا معاكي
جميلة : تمام خير حضرتك عاوز اي
الشاب : انا معجب بيكي بقالي فتره وكنت عاوز اتقدملك انهارده اخر يوم ومش
عارف اذا كنت هشوفك تاني ولا لا فاقولت لازم اقولك انهارده...جميلة ف نفسها' ارفض ازاي طيب وارفض ليه ما يتقدم
ونوح يشوفه اصبر عليا ي نوح'
جميلة : مش عارفه اقولك اي بس الكلام ده يبقا مع اهلي
الشاب : عارف عشان كده طالب عنوانك عشان اتقدملك
جميلة : طب بص هديك رقم ابن عمتي هو اللي مربيني كلمه
الشاب : طب هو اسمه اي
جميلة : نوح
الشاب : تمام، جميلة ادته الرقم
جميلة : معلش لازم امشي سلام
الشاب بابتسامة : سلام
السواق كان جه جميلة ركبت ومشيت والشاب رن ع الرقم اللي جميلة ادتهوله..
نوح ف اجتماع لشركته لاقي فون رن كنسل لاقي الرقم رن تاني كنسل تاني،ساعه والاجتماع خلص ونوح دخل مكتبه وماهيتاب وراه
ماهيتاب : حبيبي ليه رفضت العرض
نوح : مش عاوز الشركه دي تدخل معايا ف حاجه
ماهيتاب مضايقه بس بتحاول تضحك : ع فكره الشركة كويسه جدا والعرض هايل
نوح بياخدها ع قد عقلها : تمام هفكر فيه تاني
ماهيتاب بفرحه : مش هتندم صدقني،نوح شك ف فرحتها ولسه هيتكلم فونه رن مسك الفون لاقي الرقم اللي رن عليه ف الاجتماع فا رد
نوح : الو
الشاب : استاذ نوح معايا
نوح : ايوا مين
الشاب : انا اسمي رامي زميل الآنسة جميلة ف الجامعه وبصراحه كده انا معجب بيها وكن.. الو الو
الشاب : هو اي الهبل ده
ماهيتاب واقفه مرعوبه من منظر نوح : ح حبيبي ف اي مين كان بيكلمك
..مردش عليها وخد مفاتيح عربيته ونزل سايق بأعلي سرعه وعيونه حمرا وصل الفيلا نزل ودخل وبصوته كله : جميييلةة..