رواية جميله ونوح 🦋
الفصل الرابع
بقلم زينب رضا
ماهيتاب واقفه مرعوبه من منظر نوح : ح حبيبي ف اي مين كان بيكلمك
..مردش عليها وخد مفاتيح عربيته ونزل سايق بأعلي سرعه
وعيونه حمرا وصل الفيلا نزل ودخل وبصوته كله : جميييلةة..
امه نزلت مخضوضة : جميلة مالها يابني ف اي
نوح بغضب : هي فين
امه : حرام عليك خضيتني عليها
نوح : هي جت من الكلية امته
امه : بعد الامتحان ع طول
نوح : هي فين بقا
امه : ف اوضتها فهمني ف اي
نوح : مش اما افهم انا الاول
امه : طب انت رايح فين
نوح : طالع للهانم عشان افهم
جميله كانت خرجت برا اوضتها لما سمعت صوته لمحته طالع دخلت جري ع الاوضه وقفلتها
احييه ده طالع اروح فين هيعمل مني بطاطس محمرة محمرة اي دي هتبقا محروقة.. ،نوح خبط ع الباب جميلة وقفت مكانها
نوح من ورا الباب : افتحي الباب ي جميله
مفيش رد
امه : ماتقولي اللي حصل ي نوح
نوح : الهانم جايلها عريس
امه بفرحة : بجد ينهار ابيض، نوح شاف امه فرحانه اتعفرت
نوح : امي بالله عليكي ماتعصبيني
امه : مش فرحانه لبنتي
نوح : افرحي ي حبيبتي، خبط تاني جميله بقولك افتحي
امه : هي مبتردش ليه
نوح بقلق : مش عارف
امه : اكسر الباب يابني ليكون حصلها حاجه، نوح خبط الباب بكتفه مره واتنين لحد ما اتفتح..دخلوا دوروا عليها مش لاقينها،نوح عرف انها مستخبية
نوح : جميلة اطلعي احسنلك
امه : جميلة ياحبيبتي متخافيش بصت لنوح يابني اي اللي حصل لده كله
~~~~~~~~~~~~~~~~~~~~~~~~~~~~~~~~ صلوا ع النبي❤️؛ ~~~~~~~~~~~~~~~~~~~~~~~~~~~~~~~~
نوح بصوت عالي شوية عشان جميله تسمعه : الهانم ادت رقمي لواحد معاها ف الكلية عشان يكلمني يطلب ايدها
امه : فيها اي هي مغلطتش اومال هيكلم مين يعني
نوح : يعني وقفت واتكلمت معاه والله اعلم بيتكلموا من امته
جميلة بغيظ من كلامه مقدرتش تسكت قامت وقفت ووجهت صابعها ناحيته : مسمحلكش ع فكره
بصوا لمصدر الصوت اتصدموا لما شافوها واقفه ماسكه سور البلكونة وهي ناحيه براا
..كملت كلامها : انا بحذرك المفروض تسمع الاول اللي حصل متقولش حاجه من دماغك
عمتها : اي يالهوي ادخلي يابنتي لتقعي
جميلة ماسكه السور جامد : متخافيش شايفه كلامه يعمتو
واقف ومربع ايده وساند ع باب البلكونة : ماله كلامي هو مش صح
جميله بعصبية : اه مش صح الشخص ده اول مره اشوفه ونده عليا وانا خارجه من الكليه وقالي انه معجب بيا و...
نوح : معزمكيش ع ليمون بالمرة
جميلة بصت لعمتها : والله ده اللي حصل اديته رقم نوح انا غلطانه
عمتها : لا مش غلطانه ي حبييتي يلا تعالي..
جميلة حاست ان ايدها بتتزحلق وواقفه مرعوبه وعينيها دمعت نوح شاف منظرها اتخض وجري عليها مسكها ودخلها جميلة عيطت عمتها خدتها ف حضنها
عمتها : يابنتي متخافيش سيبك منه
جميلة من بين عياطها : مش بعيط عشان خايفه منه انا كنت هقع ي عمتو...نوح قلبه وجعه لأنه اتخيل انها وقعت عمتها شددت ع حضنها
: خلاص يقلب عمتك انتي كويسه اهو
نوح بثبات غير طبيعي : متعمليش كده تاني انا مش هبلعك ولا هضربك وبالنسبه للعريس ده لو موافقه..خد نفسه بحزن هكمله عشان لما كلمني قفلت فوشه من غير ما يكمل
جميلة طلعت من حضن عمتها ووشها احمر : انا مش موافقه واديته رقمك عشان مكنتش عاوزه اقف معاه
نوح فرح انها رافضه : تمام وخرج وسابهم عشان ميضعفش قدامها
جميلة : هو بيعاملني كده ليه
عمتها : ممكن عشان بيغير مثلا
جميلة ركزت ف الكلمه : بيغير
عمتها وهي بتضحك : والله انتوا الاتنين اهبل من بعض ادخلي اغسلي وشك ونامي شوية
جميلة : حاضر
عمتها : يحضرلك الخير وباستها وخرجت وقفلت الباب وراها
جميلة : معقول يكون بيحبني انا تعبت انا هغسل وشي وانا احسن
الساعه 11 بليل، نوح بيتكلم ف الفون
: ازيك يعم احمد
احمد : نوح باشا بيكلمني مش مصدق
نوح : انت هتعيش الدور يلا المهم عاوز منك خدمة
احمد : اؤمر
نوح : شركة **** عرضت عليا عرض عاوز اعرف كل المعلومات عنها قبل ما اوافق
احمد : اعتبره حصل
نوح : وف واحد مش نازلي من زور عاوز كل حاجه عنه هو كمان
احمد : اسمه اي
نوح : هيثم المحمدي
احمد : كل حاجه هتبقا موجوده ع مكتبك الصبح
نوح : تسلم ي ابوحميد هتعبك
احمد : لا تعب ولا حاجه ي غالي
نوح : حبيبي وقفل معاه
نوح : نهايتكوا ع ايدي...
خلص شويه اوراق وحرج من المكتب وطالع ينام جميلة كانت نازلة قابلته عملت نفسها مش شيفاه ومكملة وقفها صوته
نوح : راحة فين
جميلة : هشرب فيه حاجه
نوح : لا مفيش
سابته ودخلت المطبخ طلعت اكل من التلاجه وقعدت تاكل ومفكراه طلع اوضته
نوح قاعد برا لاقاها اتأخرت دخل يشوفها
جميلة مركزه اوي ف الاكل لانها جعانه مكلتش طول اليوم
نوح : كل ده بتشرب...اي ده، جميلة اتخضت لما شافته وشرقت نوح جابلها كوباية ميه
جميلة : شكرآ، وخدتها وشربتها كلها
نوح : واضح انك عطشانه اوي لدرجة انك نسيتي تشربي اول ما دخلتي... جميلة عارفه انه بيتريق مردتش عليه
نوح : ماتقعديش تقولي بعد كده مش هتغدي مش هاكل مش قد الكلام اللي بتقولوه بتتكلموا ليه
جميلة بتكشيرة : انت عاوز اي دلوقتي
نوح ضحك : مش عاوز حاجه عندي ليكي مفاجأة بكره
جميلة سابت الاكل وبصتله باهتمام : مفاجأة اي
نوح : هقولك بكره كملي اكل كملي، وسابها وخرج..جميله جت تاكل كحت
جميلة : حتي الأكل باصصلي فيه..خلصت اكل وشربت عصير وطلعت تنام
_تاني يوم الصبح