رواية جميله ونوح
الفصل الاول والثاني
بقلم زينب رضا
: يعني مش هتعمل العملية
قاعد ع سرير المستشفى ورد ببرود : لا مش هعمل العمليه
جميلة بعصبيه : هو اي الدلع ده لازم تعملها.. خدت نفسها
وراحت عليه ومسكت ايده : حبيبي لازم تعملها عشان تقدر تمشي ع رجلك تاني
نوح تجاهل كلمه حبيبي : قولتلك مش هعمل حاجه ريحي نفسك بقا
جميلة وقفت : ماشي ي نوح.. راحت ع الباب الباب اتفتح ودخلت واحده جميله زقتها : يشيخه اوعي وخرجت
ماهيتاب اتغاظت بس مبينتش وراحت ع نوح وابتسامتها الصفرا : انت كويس
نوح : اه كويس
ماهيتاب : صحيح اللي انا سمعته ده
نوح : سمعتي اي
ماهيتاب بتردد : يعني ر.. رجلك وكده
نوح سند ضهره : اه ي ماهيتاب مش هعرف امشي عليها تاني
ماهيتاب : طب ما تسافر وتعمل العملية
نوح بعصبية : يوووه قولت مش مسافر ولا هتزفت اعمل عمليه سيبوني ف حالي
ماهيتاب بخوف : خلاص خلاص وقامت خرجت
"انا اللي غلطت ازاي اخلي بنتي تحبني انا اه بحبها بس مينفعش مينفعش احب
بنتي انا اللي مربيها دي لغاية من كام سنه كانت بتقولي ي ابيه وانا اللي خليتها متقولهاش لازم تنساني"
جميلة : يعني يا دكتور بعد العمليه هيقدر يمشي صح
الدكتور : ان شاء الله وكمان نسبة نجاحها كبيرة
جميلة : تمام ي دكتور احجز وهو هيسافر
الدكتور : بس هو رافض
جميله : متقلقش حضرتك هيوافق عند اذنك
الدكتور : اتفضلي
جميلة قاعده قدام اوضة نوح وبتفكر'مش هقدر اشوفه حزين كده الحادثه مأثرة عليه جامد لازم يعمل العمليه ويرجع يمشي تاني' جت عليها واحدة ست
: قاعده كده ليه يابنتي
جميلة : عمتو كويس انك جي.. بتشمشم.. اي ده انتي اللي عامله الاكل
عمتها : اه انا يستي المهم كنتي هتقولي اي.. جميله ف نفسها 'خسارة فيه عشان مش راضي يسمع الكلام'
عمتها شاورت قدام وشها : يابنتي روحتي فين
جميلة : معاكي اهو المهم لازم تقنعيه يعمل العمليه لازم
عمتها : ما انتي شوفتي يابنتي هو رافض ازاي
جميلة : عمتو انتي امه اقنعيه مثلي عليه كده لازم يسافر بكره انا كلمت الدكتور
عمتها : حاضر هقنعه
جميلة : شطورة ي ام نوح، عمتها ضحكت ودخلت لابنها وجميله قعدت مكانها
~~~~~~~~~~~~~~~~~~~~~~~~~~~~~~~~ صلوا ع النبي؛ ❤️ ~~~~~~~~~~~~~~~~~~~~~~~~~~~~~~~~
"جميلة بنت عسولة عندها 22 سنة اخر سنة هندسه دخلتها عشان نوح مهندس وعنده شركه وهي ناوية تشتغل معاه هو كل حاجه ليها هو وعمتها اللي ربوها بعد ما ابوها وامها ماتوا ف حادثه، نوح عيونه لون
البحر عنده 30 وجسمه رياضي وبيحب جميلة بس بيحاول يكدب نفسه طول الوقت عشان فرق السن.. عمل حادثه من اسبوعين ومش راضي يسافر للعمليه زي ما شوفتوا"
بعد شوية خرجت عمتها
جميلة : هاا قالك اي قولي انه وافق قولي يلا
عمتها : وافق ياستي ارتاحي بقا، جميلة حضنتها وجريت ع اوضه الدكتور
جهزوا كل حاجه والمفروض ان نوح هيسافر الصبح وهيبقا معاه رفيق واحد
تاني يوم الصبح جميله دخلت اوضته لابس وجاهز عشان يطلع ع المطار
جميلة : انا جهزت الشنط
نوح : شنط اي هي شنطه واحد بس واظن امي جهزتها
جميله : عمتو جهزت شنطتك وانا جهزت شنطتي يبقا شنط ولا لا
نوح : وانتي جهزتي شنطتك ليه حد قالك اني رايح رحلة
جميله : انا هسافر معاك
نوح : المفروض شخص واحد بس اللي هيسافر معايا
جميلة : ايوا عارفه وانا اللي... قاطعها الباب اللي اتفتح
ماهيتاب : صباح الخير
نوح : صباح النور، يلا
ماهيتاب بدلع عشان تغيظ جميله راحت عليه ومسكت ايده وسندته ع ماقعد ع الكرسي : يلا
جميله بصوت عالي : هو اي اللي بيحصل ده
نوح : وطي صوتك وانتي بتتكلمي وبعدين الشخص اللي هيسافر معايا ماهيتاب وعمتك عارفه وبص لماهيتاب عشان تمشي وفعلا مشيوا..وجميله واقفه مكانها مش مصدقه اللي حصل
جميله روحت الفيلا
عمتها باستغراب : انا كنت جايه المستشفى عشان اشوفكوا
جميله : ابنك سافر مع السكرتيرة بتاعته
عمتها بحزن : يعني اي وازاي ميقوليش وكمان سافر من غير مايشوفتي
جميلة راحت عليها وحاولت متبينش زعلها : لو كان استني كانت هيتاخر ع الطيارة متقلقيش هيكلمك اما يوصل ادعيله
عمتها : بدعيله والله يابنتي
جميلة : يلا نفطر
بعد ساعات نوح وصل وكلم امه طمنها وطلب داعوتها عشان العمليه
ناني يوم نوح دخل العمليات والعمليه فعلا نجحت قعد باقي الاسبوع تحت الرعايه وطول الاسبوع جميلة مكلمتهوش كانت بتطمن عليه لما يكلم عمتها
جميلة : نوح راجع انهارده صح
عمتها بفرحة : اه ياحبيبتي انا عملتله كل الاكل اللي بيحبه
جميلة بدلع : طب وانا ماليش اي حاجه
عمتها : انتي تشاوري بس
جميله باستها : ربنا يخليكي ي احلي عمتو ف الكون.. اي ده مش ده صوت عربية نوح
عمتها : ايوا بس المفروض انه لسه مركبش الطياره اصلا
جميله وهي بتجري ع الباب : تلاقيه ركب وقال يعملها مفأجاه
عمتها : ممكن تصدقي وسابت اللي ف ايدها وخرجت
جميله فتحت الباب كان نوح هيضرب الجرس اول ما شافته واقف ع رجله اترمت ف حضنه..جميله اتسوعبت اللي هي عملته بعدت عنه
جميله : حمدلله ع السلامه
نوح وهو بيحضن امه : الله يسلمك يقمر
امه بدموع : حمدلله ع سلامتك ي حبيبي
نوح بيسمح دموعها : الله يسلمك يقلب حبيبك
ماهيتاب جت من وراه ومسكت ايده : ازيكوا
جميله بصت ع ايدهم : اي ده
ماهيتاب : اي نوح هو انت مقولتلهاش ولا اي
جميله بصت لنوح وبغيرة : اي ده
نوح ببرود : انا وماهيتاب هنتخطب الاسبوع الجاي
الفصل الثاني
بقلم زينب رضا
نوح ببرود : انا وماهيتاب هنتخطب الاسبوع الجاي
جميله بصدمة : نعم انت بتقول اي
ماهيتاب : اللي سمعتيه وبعدين احنا هنفضل واقفين كده وزقت جميلة ودخلت هي ونوح
جميلة ف نفسها 'لازم أبين انه ولا فارق معايا' مسحت دموعها وخدت نفسها ودخلت قعدت قصاد نوح
جميلة باستفزاز : مبروك ي أبيه
نوح اضايق بس مبينش : الله يبارك فيكي وبص لأمه اي يقمر فين الاكل انا هموت من الجوع
امه وهي باين عليها الزعل : حالا ياحبيبي وراحت ع المطبخ
جميلة : ياتري عارفه أبيه بيحب اكل اي.. انتي اصلا بتعرفي تطبخي، نوح سمع كلمة أبيه اتعصب وقام وقف
نوح : انا هقوم اغير هدومي ع ما الأكل يجهز
ماهيتاب بدلع : متتاخرش ياحبيبي
نوح بصلها وابتسم : حاضر.. وطلع اوضته
جميلة : ماجوبتيش برضو
ماهيتاب : مش مضطرة اطبخ هبقا انا ونوح ف الشركه سوا والشغالة هتعمل الأكل
جميلة : للأسف نوح مش بياكل غير من ايد عمتو
عمتها بتأكيد لكلامها وهي بتحط الأكل : من صغره وهو مش بياكل غير من ايدي، يلا عشان تاكلوا
ماهيتاب : خلاص هنبقا نيجي نتغدي هنا ونسلي نفسنا بأي حاجه طول اليوم
عمتها : تتغدي هنا يعني اي نوح مش هيمشي من هنا
ماهيتاب وهي طالعه ع السلم : لا ما انا ليا خصوصياتي عشان كده هنشتري فيلا بس متقلقيش هنزورك دايما
جميلة : هو انتي طالعة راحة فين
ماهيتاب بدلع : طالعة انده لحبيبي
جميلة راحت عليها ونزلتها واتكلمت بنبرة أمر : حبيبك اما يبقا جوزك تبقي اطلعيله غير
كده رجلك متجيش جنب السلم ده فاهمه وبصت لعمتها : انا هطلع انادي أبيه ي عمتو وطلعت
ام نوح : تعالي يابنتي اقعدي معايا تعالي، ماهيتاب راحتلها وهي متعصبة وقعدت
جميلة راحت اوضة نوح خبطت خبطتين وبعدين دخلت..دورت ع نوخ ف كل مكان ف الاوضة مش لاقياه
جميلة : نوح نوح انت فين،.. راحت ع الحمام خبطت وفتحته بصت وهي برا ملاقتش حد لسه هتقفل الباب لمحت هدومه اللي كان لابسها متعلقه
راحت عليهم.. جميلة بتتكلم بصوت واطي " ما هدومه اهي معني كده انه كان هنا اختفي راح فين ده " بتلف عشان تخرج لاقته ف وشها اول اما شافته شهقت..ولسه هتصوت
نوح قرب عليها وحط ايده ع بوقها
نوح : ششش وسرح ف عينيها وهي بتحاول تشيل ايده وهو مش راضي هو مطمن بقربها منه فاق من سرحانه لاقها هي اللي سرحانه فيها ضحك ع منظرها
نوح : عارف ان عيوني حلوة، فاقت ع صوته وبتشد ايده
نوح : هشيل ايدي بس مش هتصوتي.. هزت دماغها ب اه.. شال ايده
جميلة بتاخد نفسها بصعوبه من قربه ليها : ا.. انت ازاي تقعد كده.. *كان لابس بنطلون ترنج من غير الجاكت بتاعه*
~~~~~~~~~~~~~~~~~~~~~~~~~~~~~~~~ صلوا ع النبي❤️؛ ~~~~~~~~~~~~~~~~~~~~~~~~~~~~~~~~
نوح وهو خارج من الحمام : جمعي كلامك الأول وبعدين انتي اللي داخله عليا الحمام
جميلة وهي باصه بعيد ع مايلبس برقت : ا.. انا كنت بدور عليك
نوح وهو بيلبس جاكت الترنج : استني اما اخرج مش تدخلي كده
جميله : انا ندهت عليك المفروض ترد افتكرت حصلك حاجه عشان كده دخلت ع طول
نوح : متقلقيش يستي انا كويس
جميلة بتريقة :لا والهانم اللي تحت كانت عاوزه تطلعلك
نوح : ما تطلع
جميلة : تطلع وتشوفك كدا
نوح : طب ما انتي شوفتيني
جميلة اتوترت : فيه فرق انا كنت بدور عليك عشان تنزل تاكل
نوح لاخظ توترها : اهدي اهدي محصلش حاجه ويلا يستي ننزل، وفعلا نزلوا
نوح : ماما خلاص كفايه
امه : اخر حته يلا انت عامل عملية لازم تتغذي
نوح اكلها وقايم من ع السفرة : لا خلاص بجد شبعت تسلم ايدك
جميلة قامت هي كمان خدت اطباق وراحت المطبخ
ماهيتاب : حبيبي انا لازم امشي انت اكيد هتنزل الشركة بكره.. نوح لسه هيرد امه سبقته
امه : لا مش هينزل هيستريح يومين كدا ولا حاجه
ماهيتاب : وخطوبتنا
امه : هنلغيها وخدت باقي الاطباق ودخلت عند جميلة.. نوح عمال يضحك ع كلام امه
ماهيتاب متغاظه : انت بتضحك
نوح بضحك : مش قادر الصراحة..خلاص يستي متبصليش كدا نتكلم جد شوية
جميلة كانت خارجه من المطبخ سمعته بيقول الكلمة دي وقفت تشوفه هيقول اي
ماهيتاب : ياريت
نوح : دلوقتي انا عامل عملية هرتاح اسبوع كدا ولا حاجه وبعدين هنزل الشركة
ماهيتاب : ما انت بقالك اسبوع مرتاح ي نوح
نوح : هرتاح تاني فيها حاجه
ماهيتاب بتراجع : لا مفيهاش كمل
نوح : جميلة.. جميله سمعته بيناديها وقفت مكانها متحركتش وغمضت عينها
ماهيتاب : مالها دي كمان، جميله سمعتها فتحت عينها اي ده
هو مش بينده عليا الحمدلله اما امشي من هنا بدل مايعمل مني شاور.. سمعت نوح بيتكلم
نوح : اولا تتكلمي عليها كويس ثانياً امتحانتها كمان يومين وانا بصراحه عاوزها تجيب
امتياز زي كل سنه وخصوصا ان دي اخر سنه ليها فا ده هيفرق معاها عشان كده هنأجل خطوبيتنا لبعد الامتحانات و..
ماهيتاب : انت بتهزر ي نوح صح
نوح : نو هزار دي بنتي ي ماهيتاب انا اللي مربيها وقام قرب عليها كلها شهر ي حبيبي وهفضالك انت وبس
ماهيتاب هديت وحطت ايدها حاولين رقبته : ماشي بس
عارف لو اتشغلت عني بعد الشهر ده هعمل فيك اي
نوح غمزلها : هتعملي اي.. ماهيتاب قربت وشها من وشها ولسه هتبوس خده
جميلة مستحملتش وطلعت : اكيد مش هتعملك حاجه عشان حرام
نوح اتعدل ونزل ايد ماهيتاب : طيب ي ماهيتاب روحي انتي وانا هبقا اكلمك بعدين
ماهيتاب بابتسامتها الصفرا : حاضر باي ي بيبي.. ومشيت
نوح لجميلة : انتي ازاي تتكلمي كدا
جميلة بعصبية : انت مش عارف ان اللي بتعملوه ده حرام ولا اي ده انت اللي مربيني ع كده
نوح : مبدئيا صوتك ميعلاش وعارف انه حرام بس مش انتي اللي هتحاسبيني
جميلة : انت صح عن إذنك.. ومعديه من جنبه عشان تطلع اوضتها نوح مسك ايدها،
جميلة فلتت ايدها وبصتله بصه كلها حزن وعتاب وسابته
وطلعت نوح كره نفسه واللي عمله بسبب بصتها دي..