رواية جميله ونوح
الفصل الأخير🦋
بقلم زينب رضا
_تاني يوم الصبح_
قاعدين بيفطروا جميلة افتكرت كلامه بتاع امبارح فاتكلمت
فجأه : صحيح اي المفاجأة
عمتها بخضة : ليه يابنتي كدا
جميلة بضحك : معلش يعمتو اسفة
عمتها : ولا يهمك بس مفاجأة اي دي
جميلة : نوح قالي هيقولي مفاجأة انهارده.،نوح قاعد مبيتكلمش
عمتها : مفاجأة اي يا نوح
نوح بدون مقدمات : خطوبتي، المعلقة وقعت من ايد جميلة اول ماسمعت الكلمة
امه : خطوبتك ازاي يعني
نوح : انا أجلت خطوبتي عشان
امتحانات جميلة والخميس ازاي خطوبتي أن شااء الله
و...،فونه رن و كانت ماهيتاب جميلة بصت للفون عشان
كان قدامها واشافت الاسم نوح خد باله من جميلة مسك
الفون وابتسم.. عن اذنكوا واه جهزوا نفسكوا بقا وخرج الجنينة
عمتها : انا مش عارفه ای اللي عاجبه فيها
جميلة بتحاول تتماسك : طالما مبشوط خلاص
عمتها بحزن : حتي لو مبسوط دلوقتي اكيد هيندم بعدين
جميلة : معلش يعمتو هطلع اوضتي
عمتها عارفة انها زعلانه وقلبها واجعها : اطلعي يحبيبتي، جميلة ابتسمت بزعل وطلعت
نوح بيتمشي ف الجنينة الرنة كانت خلصت وماهيتاب رنت تاني فا رد : الوو
ماهيتاب : كل ده عشان ترد
نوح : معلش الفون كان بعيد
ماهيتاب : وحشتني
نوح : وانتي كمان
ماهيتاب بسعادة : بجد
نوح : اه بجد وعندي ليكي مفاجأة
ماهيتاب : اي هي قول بسرعه
نوح : خطوبتنا الخميس
ماهيتاب : الخميس اللي جاي ده
نوح : ايوا
ماهيتاب بفرحة : احلي نوح ف حياتي
نوح بضحك : بتثبتيني
ماهيتاب بدلع : مقدرش يروحي
نوح : خدي اليومين دول اجازه عشان الخطوبة
ماهيتاب : طب مش هشوفك خالص
نوح : يوم الخطوبه هتشوفيني اكيد واهو اشوف هوحشك ولا لا
ماهيتاب : انت واحشني من دلوقتي بس ماشي هروح افرح ماما وبابا بقا
نوح : تمام باي
ماهيتاب قفلت معاه ورنت ع حد
قولتلك هتجوزه يعني هتجوزه مصدقتش...بقولك خطوبتي الخميس انت اهبل....
خليك مش مصدق انت حر...قريب هتمضي متقلقش...متنساش حلاوتي بس انت بقول اهو...اوك باي
"كان لازم افهم من بدري انه مش عاوزني ليه حملت قلبي فوق طاقته ع امل مش موجود اصلا..انا اللي غبية بس غصب عني الحب ده لعنه وتدمير
للقلب..اهو بعد ده كله هفضل احبه مش قادره اكره اقرب شخص لقلبي..ربنا يسعده ف حياته" وحضنت مخدتها ونامت
نوح قاعد ف اوضته ماسك صورة جميله وبيتأملها الباب خبط خبي الصورة امه دخلت ولسه هتتكلم
نوح : امي بالله عليكي ما تتكلمي ف الخطوبة
امه : لا هتكلم ي نوح انا امك ولازم اتكلم معاك وراحت قعدت جنبه، نوح مردش
امه : ده مش منظر واحد هيخطب واحده والمفروض بيحبها ماهو مش معقول كدا
نوح : بحبها يا امي ومرتاح معاها بس ف حاجات ف الشركه مضايقاني
امه : مش مصدقاك ي نوح وسابته وخرجت، خذ نفسه وطلع الصورة تاني خدها ف حضنه ونام
مفيش اي فرحه ف البيت ولا زينة وهيصا ولا اي حاجه
جميلة متجاهلة نوح ومش بتتكلم معاه غير قليل بتضحك دايما مع عمتها مبينة انه
مفيش حاجة، نوح مركز جامد ف الشركه والشغل بيهرب
من التفكير ف جميلة ومش بيخلص من مكالمات ماهيتاب وزنها اي رايك ف الفستان ده والخاتم ده و...
عدت الأيام وجه يوم الخطوبة..قاعد بيفطر مع امه وجميلة
جميلة : انا عاوزه انزل اشتغل ف الشركة
نوح وهو بياكل : وقت ما تحبي انزلي محدش هيقولك لا
جميلة : تمام
امه : نوح انت كنت فين امبارح طول اليوم وتليفونك كان مقفول
نوح بتوتر : كان ف شوية حاجات بجهزها
امه : حاجات اي دي واي الشنط اللي كانت ف ايدك
نوح ف نفسه'ارد اقول اي
طيب' : حاجات للخطوبة ي ماما
امه اتغاظت : اه ماشي ندهت لام حسين تشيل الاكل معاها
نوح : ماما انا لسه باكل
امه : كفاية كده خليك خفيف عشان خطوبتك.. جميلة ضحكت غصب عنها ونوح مصدوم من كلام امه
امه : تعالي ي جميلة عايزاكي
جميلة قامت : حاضر يعمتو لسه هيمشوا الباب خبط جميلة راحة تفتح وطرحتها كانت نازلة شوية
نوح : استني،جميلة بصتله بتعجب فاكمل : انا اللي هفتح وهو معدي من جنبها قال.. اعدلي طرحتك،
جميلة طنشته وراحت لعمتها : يلا
عمتها : استني نشوف مين، نوح فتح وكانوا 3بنات وراجل
نوح : انتوا عارفين طبعا هتعملوا اي
الراجل : طبعا ي فندم
نوح : تمام وطلع اوضته وساب امه وجميلة عاوزين يعرفوا ف اي..البنات والراجل بدأوا يطلعوا الحاجات ويشتغلوا
جميلة بفضول : عمتو هما هيعملوا اي
عمتها : والله يابنتي علمي علمك
جميلة : استني وراحت ع بنت : بس بس، البنت بصتلها بابتسامة
جميلة : معلش بس انتوا بتعملوا اي
البنت : هنزين البيت مش هو فيه فرح
جميلة بزعل : اه خطوبة مش فرح
البنت2 : المهندس نوح طلب كده هي الخطوبة هتبقا هنا
جميلة : لا
البنت1 : ممكن هيجيب عروسته هنا بعد كدا احنا مالنا، ورجعوا ركزوا ف شغلهم
جميلة اضايقت من كلام البنت لانه ممكن يكون صح وطلعت ع اوضتها ع طول ونسيت عمتها
بعد ساعتين تقريبا عمتها خبطت ع اوضه جميلة ودخلت لاقتها نايمه راحت عليها حط شنط كانت ف ايدها ع السريو وقعدت تلعب ف شعرها
جميلة حست بايد ع رأسها فتحت عينها شافت عمتها ضحكت وقامت اتعدلت شافت الشنط
جميلة : اي دول يعمتو
عمتها : دول بعد انتي ما طلعتي لاقيت نوح جابهملي وقالي اديهم ليكي فستان وطرحة وكوتشي وشوية اكسسوارات
جميلة : بس انا علبس اي
حاجه من عندي مالهمش لازمة
عمتها : انا كمان كنت هعمل كده طلع جايبلي انا كمان وحلفني البسه واخليكي تلبسي اللي هو جابه
جميلة : معلش يعمتو مش هلبس حاجه
عمتها : وعشان خاطري جميله لسه هترد عمتها اتكلمت
: البسيه عرفيه انك قوية وهو مش فارق معاكي هو ابني اهو وانا اللي بقولك كدا عشان
هو غبي جميلة عيطت عمتها خدتها ف حضنها
متزعليش ربنا مش بيعمل حاجه وحشه انا بنتي قوية قومي اجهزي عاوزاكي احلي واحده ف الخطوبة وحطي ميكب وغيظيه ابن الهبلة ده
جميله ضحكت : بحبك اوي يعمتو
عمتها : وانا بعشقك يقلب عمتو قومي يلا اغسلي وشك واجهزي وانا كمان هقوم اجهز
جميله : حاضر، عمتها خرجت جميلة قامت ومسكت شنطة وطلعت الفستان ابيض
كان فستان شبه فستان العروسه بس بسيط وشكله حلو
جميلة : ده فستان فرح هو نوح اهبل ولا اي وخارجه عشان تقوله انها هتلبس اي
حاجه افتكرت كلام عمتها وقفت وهي بتكلم نفسها هلبسه وهغيظك ي نوح
امه نزلت لاقته قاعد نوح شافها جري عليها
نوح : هاا عملتي اي
امه : هتلبسه وسايباه وماشيه راح وقف قدامها : ف اي بس يماما، امه مردتش عليه ومشيت
نوح بص للسما : يارب انا تعبت
~~~~~~~~~~~~~~~~~~~~~~~~~~~~~~~~ صلوا ع النبي❤️؛ ~~~~~~~~~~~~~~~~~~~~~~~~~~~~~~~~
**بعد ساعات**
نوح واقف لابس بدله سودا وجرافت وساعه ومرجع شعرله لورا مستني امه تنزل
شافها نازلة ولابسه الفستان والطرحة زادت جمالها تنح فيها بصت عليه لاقته زي
القمر نزلت وهي مكسوفه وقفت جنبه ومبهورة بتزيين البيت
ومبهورة ب نوح شخصيا لاقته لسه باصصلها وسرحان فا حبت تضايقه : مبروك ي ابيه، فاق من سرحانه ع كلمة ابيه
قال بغضب : الله يبارك فيكي..جميله ضحكت عليه،بص لاقي امه نازلة يلا مستنيكوا ف العربية وخرج مضايق
عمتها : هو شكله مضايق ليه
جميلة هزت كتفها بمعني مش عارفه، بس اي الحلاوة دي يعمتو وغمزتلها
عمتها : انا ولا انتي ربنا يحفظك ي حبيبتي قمر وحضنتها. يلا لأحسن يجي يولع فينا
جميلة ضحكت : انا بقول كده برضو
خرجوا وركبوا الاتنين ورا نوح بص ف المراية
: ماتيجي جنبي يماما
امه : وخطيبتك هتركب فين، سكت ومردش بص قدامه وساق وصل للمكان اللي ماهيتاب
قالتله عليه استأذن ونزل رن عليها وبعدين طلع
اول اما شافها لعن الساعة اللي فكر يخطبها فيها 'كانت لابسه فستان فوق الركبة
وكات ومسيبه شعرها وميكب اوفر'
، جريت عليه وحضنته
طلعها من حضنه بهدوء :يلا ننزل
ماهيتاب بفرحة ومتشعلقة ف ايده : يلا
جميلة وعمتها شافوهم، عمتها قعدت تستغفر وجميلة مضايقة عشان ماسكين ايد بعض
ماهيتاب شافتهم ف العربية اضايقت بس مبينتش
نوح : يلا اركبي ولف الناحيه التانيه عشان يركب
ماهيتاب ركبت وهي هتموت من الغيظ عشان مفتحلهاش العربية، وصلوا القاعه
ونزلوا دخلوا والكل بيباركلهم جميلة راحت باركتله ووقفت
بعيد عن عمتها نوح عينه منزلتش من عليها، اشتغلت اغنيه والعرسان هيرقصوا اسلو، وفعلا بدأوا يرقصوا
ماهيتاب : انا فرحانه اوي ي نوح
نوح : يارب دايما
ماهيتاب حطت رأسها ع كتفه : عشان معاك
جميلة : لا كدا كتير هو اي ده يعمتو
عمتها : مسخره يابنتي معرفش ابني بيعمل اي
جميلة : ابنك عاو.. اي ده يعمتو
عمتها : اي ي جميلة
حميله بدموع : هو اللي هناك ده مأذون، عمتها بصت لاقته فعلا مأذون داخل القاعة
عمتها : لا والله ما هيحصل ولا هيتجوزها وراحت ع نوح بس وقفت بعيد ع ما يخلص رقص
: الحلو واقف لوحده ليه
جميلة مسحت دموعها وبصت لمصدر الصوت : خير
هيثم : اي يقمر واقف لوحدك ليه
جميلة : وانت مالك
هيثم : بضعف قدام الحاجات الحلوة وبيبصلها من فوق لتحت
جميلة سيباه وماشية مسك ايدها
جميلة شدت ايدها وبعصبية : انت اتجننت ولا اي
هيثم ببرود : اعتبريني كده وفجأة يلاقي بوكس ف وشه وقعه ع الارض
نوح : انا اللي هجننك يروح امك، جميلة مسكته وماهيتاب جت جرى عليه : حبيبي
خلاص، جميله سمعتها سحبت ايدها اللي كانت ماسكه بيها نوح نوح شد ايدها مسكها وخدها معاه امه لما شافته خدها متحركتش
نوح قعد هو وماهيتاب ووقف حميلة جنبه وهي متغاظه منه
شوية وجه شخص يبارك : مبروك ي هندسه
نوح وقف وهو بيضحك : الله يبارك فيك ي باشا
كريم : ازيك ي جميلة
جميلة : الحمدلله ي كيمو 'كريم يبقا ابن خالة جميلة'، نوح بصلها بغيظ عشان كيمو
اللي قالتها دي بس هي طنشت
كريم : مبروك ي ماهيتاب، ماهيتاب قامت وسلمت عليه بس هو مش راضي يسيب
ايدها بصت لنوح نوح رفع ايده الاتنين اللي هو انا مالي
كريم شاور لواحد جه وحط الكلبشات ف ايدها
ماهيتاب بعصبية : اي اللي بتعمله ده
كريم : هتيجي معانا وهتعرفي
ماهيتاب : انا مش هتحرك من هنا وعينها بدور ع حد
نوح مسك راسها ووجها ع هيثم اللي الكلبشات ف ايده هو كمان : بتدوري ع ده
ماهيتاب فتحت بوقها من الصدمه
نوح : متقلقيش هيجي معاكي وبص لكريم : شكرا جدا ي كيمو
كريم : ع اي ي هندسه بس
اوعي تعمل حاجه من غير ما ارجع وغمزله وخد ماهيتاب ومشي
نوح بص ع جميلة اللي واقفه مش فاهمه حاجه والمعازيم كلهم مش فاهمين،
النور اللي ف القاعه قطع..جميله اتخضت نوح مسك ايدها : تعالي معايا.. جميلة اطمنت انه معاها، خرجوا بره القاعه
جميله : هو اي اللي حصل ده انا مش فاهمه حاجه
نوح خد نفسه : هفهمك بصي يستي...
فلاش باك*
لما كان مسافر يعمل العمليه، قاعد ع الكرسي المتحرك وجميله قاعدة معاه ف الاوضه فجأه فونها رن اتخضت
ماهيتاب : عن اذنك هرد وهاجي ع طول وخرجت برا الاوضه بس الباب مكنش مقفول اوي
: هو ده اللي هتخليه يمضي لا وكمان مسافرة معاه
ماهيتاب : هيثم ممكن تهدي نوح مش اهبل عشان يمضي بالسهولة دي
هيثم : مليش دعوه انتي وعدتيني
ماهيتاب : وعدتك وعند وعدي بس اصبر وبعدين المشاريع اللي بتاخدها مش مكفياك
هيثم : انتي عارفه كويس اني عاوز الشركه كلها تحت ايدي
ماهيتاب : عارفه هحاول صدقني
هيثم : مفيش هحاول ده لازم يحصل انتي فاهمه انا بعر... الو الو
ماهيتاب : الو الخط اتقطع فضلت ترن تاني مفيش رد رجعت دخلت الاوضه لقت نوح ع الكرسي عند الشباك وباصص منه
بااك*
بس ياستي ومن ساعتها براقبها هي واللي اسمه هيثم ده والحمدلله قدرت اجيب دليل عليهم بس كان لازم اخليها تثق فيا لحد اللحظة دي
جميلة : يعني انتوا مش هتتجوزوا
نوح : اه هي مش هتتجوز خلاص
جميلة بتسرع : طب وانت
نوح : هتجوز طبعا وغمزلها
جميلة : طب اتكل ع الله من هنا بقا
نوح : تتجوزيني
جميله عينها لمعت : انت كويس مش تعبان يعني
نوح : تتجوزيني
جميلة : يابني انت علقت
نوح : خلي بالك دي المرة التالته وانتي عارفه، تتجوزيني
جميله بصت ف الارض : موافقه
نوح : ي بركة دعاكي يماا، جميلة ضحكت
نوح مسك ايدها : يلا عشان النور يرجع للقاعه تاني بقا وخدها ودخلوا
كان النور لسه قاطع نوح ساب ايدها اتخضت وفضلت واقفه مكانها النور رجع فجأه
جميله بتبص حواليها لاقته قاعد ع ركبته قدامها ومطلع علبه وفيها خاتم
نوح : تتجوزيني
جميله اتكسفت وغصب عنها عيطت امنيتها خلاص بتتحقق قدمها وحب عمرها بيطلب
منها الجواز بصت لعمتها اللي واقفه مبسوطه لبنها وبنتها وبتعيط ضحكت لجميلة وهزت دماغها ب اه يعني وافقي
جميله ابتسمتلها وبصت لنوح : موافقه
باس ايدها وقام لبسها الخاتم والكل فرحان وبيسقف سابها ومسك الميكرفون
انا اسف للي حصل بس كان لازم اعمل كده انا مشاريعي كانت بتتسرق كان لازم اخد حقي بأي طريقه وانا متاكد اني مفيش حد هيتاذي بسببي
ومفيش حاجه اتغيرت انا هكتب كتابي دلوقتي وشكرا انكوا شرفتوني وبص لجميله وقال بحبكك
جميلة لسه واقفه مكانها مش مصدقه عمتها راحت عليها وحضنتها مبروك ي حبيبتي
جميله : الله يبارك فيكي يعمتو انا مبسوطه اوي
عمتها مسحت دموعها : ف حد مبسوط بيعيط برضو
كريم : هو ده اللي هتستناني يواطي
نوح : كده كده هستناك بس مقدرتش كان لازم اتكلم
كريم : بتاع مصلحتك يلا عشان نكتب الكتاب
وفعلا المأذون بيكتب الكتاب وبيقول اخر جملة
* بارك الله لكما وبارك عليكما وحمع بينكما ف خير *
نوح جري ع جميلة وشالها ف حضنه جميلة شددت ع حضنه وعيونها مدمعه
نوح : اخيراا بحبكك اوي ي جميلة
جميلة : وانا كمان
نوح نزلها : وانتي كمان اي
جميلة سكتت ومردتش
نوح بهزار : انا رايح انده المأذون يلغي اللي حصل ده
جميلة ضحكت : بحبكك ي ابيه
نوح : بوظتي حلاوة الكلمه يشيخة ربنا يسامحك بس كويس انك قولتيها
جميلة : بحبك ي نوح
نوح خدها ف حضنه : بعشقكك ي روح نوح
جميلة وهي ف حضنه : يا حبيبي يلا نعيش ف عيون الليل..
ونقول للشمس تعالي تعالي.. تعالي تعالي..
بعد سنة مش قبل سنة.. تعالي تعالي..
نوح كمل : دي ليلة حب حلوة..بألف ليلة وليلة
الف ليلة وليلة..الف ليلة وليلة
جميلة : بكل العمر هو العمر اي غير ليلة زي الليلة "الليلة" زي الليلة.
*وكان حُبك بأمر ربي؛ وما كان قلبي إلا عبدا مطيعاََ❤️*~~
تمت بحمد الله