رواية جنان في بيت صعيدي الفصل السابع7والثامن8 بقلم اسماء حبيب
جنان بسرعه،،،، شفتي يا طنط الفستان ده عامل ازاي انا عيزه واحد تاني من الي هو منفوش.
حميده بسخريه،،، واحد تاني لي هو انتي فكره نفسك هتتزفي زفه عرايس، انتي هتقعدي اهنه مع الحريم لحد اما منصور يجي ياخدك وبعدين انتي عارفه جيتك هنا وجوازك من منصور اتعمل ليييي.
حميده طلعت وجنان وقفت بصدمه وحست انها هتعيط من كلامها السم.
زينه بهدوء وزعل،،، متزعليش هي امي اكده كلامها دبش والله ومن وري قلبها.
نواره بزعل،،،، جنه احنا معاكي وقعدتك اهنه منوره الدنيا والله.
جنان بضحك،،،، جري اي بت انتي وهي الروج فين ولا هطلع قدام البنات أورديحي كدا عوزني ابقي زي عمي يونس البواب بالجلبيه دي هههههههه.
نواره بصت لزينه بزعل علي جنان الي قعدت تحط لنفسها ميك اب ولا كأن حاجه حصلت.
~ في بيت عمار....
دنيا وكالعاده بتاكل بسرعه علشان متأخره،،،، عماار خدني معاك ياض اتأخرت ربنا يستر طريقك يا ابني.
عمار بضحك وكان شايل الشنطه وهينزل بس وقف عند باب الشقه ،،، بطلوا تسول مليتوا البلد.
جهاد وقعده بتاكل علي السفره بتمهل،،،، اه صحيح يا دنيا متنسيش تشتري الطرحه الي قولتلك عليها ماشي ربنا يجعله في ميزان حسناتك يا أختاه يارب.
دنيا بزعيق وبتسيب الأكل،،،، منا مكنه صرررف اطلع من هدووومي... عيزها لونها اي بس متقوليش حمره اصل اللون ده اوفررر اوي عليكي ممكن موف هيكون هايل عليكي يا جهاد والله.
نرجس وكانت قعده علي كرسي في البلكونه بتخيط الهدوم وبتنهيده،،، والله معرفه دي هتفتح بيت ازاي جتك وكسه يا دنيا ويبعد عنك التخلف يارب.
دنيا من جوه،،، سمعتك يا مااامااا علي فكره يعني بس مش هقولك اني سمعت وهغزي الشيطان ابن الشياطين هاااا علشان بصراحه نفسي في كوفته النهارده علي الغده.
نرجس بتنهيده،،، عيزاها في الفرن ولا علي الفحم يا نيله.
عمار بسرعه وجري لولدته،،،، علي الفحم ابوووس ايدك علي الفحم.
دنيا بصتله،،، علي الفحم بس بشرط.
عمار،،،،، شرطي وظابط وشويش الي انتي عيزاه يا دودو.
دنيا بنصر،،، تعدي عليا بعد المدرسه وتخدني لمحل عيزه اشتري اشويه طلبات ليا انا وجهاد.
عمار بقف وبيمثل ألاسف،،، ورغم الظروف القاسيه والمصلحه ألا نهائيه في البيت ده سوف اوافق.
دنيا بضحك،،،، اللله عليك يا واد يا عمووور يا لعب جبت الكلام النص مثقف ده منين ياض اوعي تكون بتشتغل في جريد اوريد حلاً وغطا ههههههه.
جهاد ونرجس ضحكوا مع دنيا....
عمار وبيعدل لياقه القميس،،،، لا أبداً هما عرضوا عليا بس انا مش من مكنتي اني اشتغل في جريده زي دي.
نرجس بسخريه،،،، امال اي يا ننوس عين امك.
عمار بفخر،،، انا ناوي اتعاقد مع جريده اديلوااا متسبهوش.
نرجل وبتحدف عمار بشبشب،،، وانا هبدء معاك العقد خد ده.
عمار بأسي،،،، متشكرياً لكرم سيتك يا فندم، يلا يختي علشان متأخرش ديما بتبتدي بالمصيبه واشربها انا يلا يلا هلقيها منكم ولا من المدرسه.
عمار ودنيا نزلوا وجهاد كامت بتكمل فطار...
عمار ركب العجله،،، يلا يا دنيا اخلصي.
دنيا بتذكر،،، استنه يا عمار هشتري علبه مناديل من المحل ده وجايه بسرعه.
عمار،،، انجزي علشان في عاركه سخنه مستنياني في المدرسه ومش عايز اتأخر عليها.
دنيا بضحك،،، طايب يا عنتر زمانك امسك الشنطه مش هتاخر.
عمار بملل،،، هاتي منا الخدام اهلك ابوكي كان دفعلي بالدولار ، الله يرحمك يا حج كنت اب ولا كل الباباهات والله.
اما دنيا وقفت عند المحل وبتكلم الست الي في المحل،،، لو سمحتي يا عمتو ناهد علبه مناديل في السريع كدا.
ناهد بابتسامه،،، ازيك يا بت يا دنيا مش بنشوفك لي اليومين دول.
دنيا بابتسامه،،، والله ما فضيه خالص بنزل الشارع مرتين في اليوم بس عرفه اني مقصره بس هعوض في الاجازه انشاء الله.
فاروق وكان دخل المحل ومش واخد باله،،، السلام عليكم.
ناهد ودنيا،،، وعليكم السلام.
فاروق،،، لو سمحتي علبه مناديل.
دنيا بصت لفاروق وفتكرته،،، ثواني مش انتَ الجدع الي ضربت ابن خالتي اه انتَ ازيك.
فاروق بتذكر وغض البصر عنها،،، الحمد الله.
دنيا بتسأل وهي بتسند علي الباترينه،،،، هو انتَ ساكن هنا في الشارع بينك جديد.
فاروق بضيق لانه مش بحب الفضول،،،، اظن دا ميخصكيش.
ناهد وبتتقدم علبه مناديل وكان فاروق هياخدها بس دنيا اخدتها وقبل ما تمشي،،،، علفكره انا بكلمك باحترام مش بشحت منك ماشي ابقي رد عدل.
فاروق وبيكلم ناهد بهدوء،،، هي اخدت العلبه بتاع...
ناهد ودته علبه تانيه،،، اه هي كانت عيزه برضوا مناديل اتفضل.
فاروق دفع الفلوس وطلع وشاف الي بيحصل..
دنيا وبتمسك عمار من ضهره،،،، اخلص مستعجله هتأخر.
عمار،،، حاضر يا دنيا وربنا دي عجله مش عربيه مودل السنه.
احمد وكان مشغل عربيته وماشي،،،، اوصلك معايه.
دنيا،،، متشكرين يا رجوله شيلينك وقت عوزه.
احمد مشي وعمار مشي بالعجله ووراه اخته دنيا....
فاروق بصدمه،،، هي ايوه ايوه دنيا مستحيييييل هي ديييييييييي.
~ عند زهره الي نزلت من البيت....
زهره بحسره،،، لااا لااااااااااء الكوتش اعاااااء نمت لي دلوقتي ممعيش استبن.
حسام وبركب العربيه وكان ماشي.
زهره جريت بسرعه ووقفت قدام العربيه وبتمثل،،، اااه خبطني يا ابن روحيه عايز تخلص مني انا كنت عرفه اااه اااااه وربنا هشتكيك في محكمه ألاسره لو مركبتنيش معاك.
حسام وبرفع حاجب،،، يااا شيخه وانا مفروض اعمل نفسي علبيط وصدق صح، يلا يا ماما وسعي عايز امشي.
زهره وجريت ركبت في الكرسي الي وري،،،، حبيبي يا حوسه ربنا يخلهوملك.
حسام بجديه،،، انزلي يا زهره مش هروح الجامعه عندي مشوار وبعدين هورح هناك.
زهره بنص عين،،،، رايح فين يا ابن روحيه انا شكه فيك.
حسام بنبره حاده،،، انزلييي يا زهره عندك عربيتك.
زهره بتزمر،،، لاااء مش هنزل الكوتش نايم.
حسام بيشير لها بالنزول،،، ابقي صحي يختي يلا انزلييي.
زهره بغضب،،، مش هعرف ووصلني هو انا مش اختك ولا جيبني من ملجأ ولاااااا اقولك كنت متشرده في الشوارع وربتوني شفقه صح هااا.
حسام وبيمسح علي وشه بغضب،،،، ياااا بنتي عندي مشواااار اي مبتفهميييش.
زهره وبتربع اديها،،،،، خلاص اتمشور معاك.
حسام نزل من العربيه وشد زهره وخرجها،،، اسمعي الكلاااام علشان بعد كدا هتصرف تصرف ميعجبكيش.
زهره بزعل،،، ماشي يا حسام انا مشيه بس خلي في بالك بقي هااا انا لا هكلمك ولا انتَ كمااان تكلمني ماشي ولو فكرت تصالحني برضوا مش هصلحك ولو فكرت برررضوا تفسحني وتوديني مطعم سيك كدا بتاع بيتزه مش هخرج معاك وهقلب عليك البيت يا حسام وعليا وعلي اعدائي الي هو انتَ....
حسام بملل ولسه بيلف بجسمه زهره مسكته،،، استنه انا همشي الاول علشان انا الي زعلانه علي فكره.
حسام ركب عربيته وهو بضحك علي اخته المجنونه ومشي.
زهره مشيت وراحت عند عربيتها ووقفت بضيق،،،، اعمل فيك اي.. احم يا كوتش ممكن تصحي علشان خطري اصحي اصحي وربنا انا هغيرك وجيب واحد استبن ودا وعد مني بس اصحي النهارده يلا كوتش شاطوور هاا يلا يل.... ماما.
روحيه كانت وقفه في البلكونه بشلل،،،، انتي اتهبلتي يا بت.
زهره بضيق وبتركن علي العربيه،،،، اعمل اييي اوووووووف تعبت.
روحيه،،،، خدي تكس وروحي الجامعه مش دروري يعني العربيه.
زهره،،،، مبحبش التاكس يا ماما مفهوش تكييف.
روحيه،،، خلاص اطلعي مش ضروري تروحي النهارده منتي مش نافعه.
زهره بضحك وهي في طرقها لسلم علشان تطلع،،،،، احبك يا روحي وانتي فهماني.
زهره طلعت ودخلت الشقه وخدت تفاحه من الطبق الي كان علي السفره ودخلت اوضتها وأتصلت علي جنان...
زهره وتعدلت في قعدتها بجديه،،،، مش بتردي لي يا جنان.
زهره قعده ترن اكتر من مره بس في ألاخر جنان فتحت،،، الوو.
زهره بتنهيده،،، وقعتي قلبي يا شيخه، ها عمله اي دلوقتي!
جنان بهدوء،،، الحمد الله يا زهره.
زهره بخضه،،،، بتقولي زهره جناااان هو حد زعلك ردي عليا وأياكي تكدبي انتي سمعاني.
جنان بتنهيده،،، لا هو حد يقدر بس انا متوتره شويه وكدا.
زهره بشك،،، هو دا بس ولا مخبيه عني حاااجه.
جنان بضحك،،، جري اي يا هرهر اي شغل المحقق كونان ده وبعدين يا ستي كان نفسي تبقي معايه بجد يا هرهر وحشاني اوي اليومين دول عدوا وانتي مش معايه حسه اني في السودان من غيرك والله.
زهره بضحك وبترخي جسمها،،، علشان تعرفي قمتي لما اكون معاكي بنبقي ولا بنات امريكا يا زميكه.
جنان بأستغراب،،، هو انتي في البيت مش سمعه دوشه يعني!
زهره،،،، اه اصل مليش نفس احضر النهارده والكوتش نايم بتاع العربيه.
جنان بضحك،،،، اخص عليكي ومصحتهوش كدا تروح عليه نومه.
زهره،،،، يبنتي بطلي نميمه بنتحشر في نومته لي ، المهم احكيلي اي ألاخبار عندك!
~ في المدرسه الي كان فيها عمار....
عمار ركن العجله جمب محل عم صبحي وبيجري كاالعاده،،،، العجله يا عم صبحييي .. يااارب ما تكون دخلت يارب دا انا غلبااان.
طلع يجري في الحوش وعلي السلم واول ما دخل الممر شفها قربت تدخل الفصل وبتبتسم ليه بتحدي.
عمار طلع يجري بسرعه واول ما شفها هتدخل من الباب نط من الشباك الي في الممر ووقع علي صحابه.
ذكي بتأوه،،، درعي يا جدع.
عمار وبيقف وبعدل هدومه وبيبصلها بنصر،،، سلامه دراعك يا زوزو.
نغم وبتقفل الباب بجديه وبتلقي التحيه،،،
good morning.
عمار،،،، يا ابل.. يااا مس لو سمحتي يعني بعد ازنك ومتتزرزريش عليا بس هو اي الكلام الكبيى ده متكلمينا زي الناس.
نغم بهدوء معتاد،،،، مش عارف انا بقول أي مش كدا.
عمار بأبتسامه،،،، ايون يا مس انا عارف والله اني هاخد علقه تبك ألاصل العلقه إلي فاتت بس كله في سبيل الوطن.
نغم،،،، مش مكسوف من نفسك بغض النظر انك واحد ساقط كتير ومفروض صاحب خبره يعني متكنش عارف التحيه لا بجد اخص عليك.
عمار بتسأل،،، هو دا مدح ولا تهذيئ!
نغم قربت من ادسك الي واقف فيه عمار ومعاها العصايه،،،، قول ورايه جود مورننج.
عمار بتوتر،،، جود فورنن.
نغم وبتخبط بالعصايه علي الدسك،،، مسمعتش عيد تاني.
عمار وبغمز لصحبه بهمس،،، اي يا زميل اي حاجه علي الماشي مردودالك في اللافراح.
نغم،،،، مش سمعه.
عمار،،، طيب ألهي يارب تنستري دنيا وأخره كمان مره علشان بس استوعبها.
نغم،،، جود مورننج.
عمار،،،، جو ود مورننج هاااا صح.
نعم وبترجع مكنها،،، اه صح.
عمار وبيزق صحبه الي جمبه،،، وسع يا جدع دحنا نفهم الكفت يابا بنصتدها وهي طايييره.
~ في مستشفي خاص....
حسام وبيكلم دكتور،،،، اخبار المريض اي يا دكتور!؟
الدكتور،،،، لسه بيهلوس وتصرفاته مش طبيعيه، ومطرين ننقله مصحه عقليه يكمل فيها علاج.
حسام بحزن،،،، تمام يا دكتور واي حاجه تجد في حالته بتمني انك تديني خبر زي النهارده وانا متكفل بكل حاجه.
الدكتور بأبتسامه،،، تمام.
حسام خرج من المستشفى وركب عربيته وراح الجامعه..
وكان طول الطريق بيفكر في الراجل ده.....
جهاد وكانت وصله الجامعه و خلصت المحاضره الاولي وبتحاول ترن علي زهره بس الخط مشغول،،،، ياربي مجتش لي!
جهاد شافت حسام جاي من بعيد راحت عنده،،، لو سمحت يا دكتور.
حسام وقف،،، نعم.
جهاد بتسائل،،، زهره مجتش لي!
حسام،،، مجتش!
جهاد بقلق،،، اه مجتش والله.
فجأه حسام ضحك علي اخته...
جهاد بأحراج،،،، هو في حاجه تضحك يا دكتور!
حسام وستعاد هدوئه،،، لا ولا حاجه بس العربيه بتاعتها عطلت، لو عيزه توصللها حاجه ممكن اوصلها.
جهاد قبل ما تمشي،،، لا شكرا لحضرتك.
حسام،،، تمام.
حسام مشي ودخل مكتبه وتصل علي والدته،،، ست الكل عامله أي!
روحيه وبتقلب الاكل،،،، عايز حاجه اعملهالك منا عرفه مصلحجي اخلص .
حسام،،،،،، حببتي يا ام حوسه ادي الموبيل لزهره عايزها .
روحيه،،،، طيب استنه اقلب ألاكل ليتحرق.
حساب،،، لا المهم أللاكل.
روحيه بضحك،،، اول مره تقول حاجه صح.
روحيه راحت عند زهره وكانت زهره نيمه علي بطنها وبتحرك رجليها في الهوي وبتكلم جنان،،،، يا شيخه دي عقربه اقتليها وتعاليلي.
روحيه،،،، انا عرفه اخرتك رد سجون خودي اخوكي عايزك.
زهره،،،،، وانا مش عايزاه لو شاطر يروح يدور علي اخت غيري انا اتبريت منه.
حسام وبيزعق،،،، زههههره.
زهره وخدت الموبيل من ايد والدتها بعد ما استأذنه جنان وقفلت معاها،،،، عايز اي يا ابن روحيه.
حسام بتنهيده،،،، جهاد كلمتك ومكنتيش بترودي وعرفت انك مجتيش فحبيت اطمن ع....
زهره وقاطعته،،،،، لاااا تطمن لي هو انا اهمك منا اللقيطه في البيت ده وفر يا حبيبي سلااام.
حسام،،، يا بنتي افه... قفلت في وشي الحمد الله.
الساعه كانت خامسه بعد العصر وكان الكل روح بيته......
كان عمار خلص الشعل الي بشتغله بعد المدرسه وروح البيت وعلي السطح فوق....
دنيا هواره وبتهوي علي الكفته الي بتستوي علي الفحم،،، التلاته بخمسه مين يزود ههههه.
جهاد بضحك،،،، يا بنتي انتي بتبيعي دره اخلصي انا جعت.
نرجس وكانت بترص ألاطباق علي السجاده الي فرشنها علي السطح،،،، شهلي يا دنيا الريحه دخلت نفوخي.
عمار بغضب مصتنع،،،، خيااااناااااه.
دنيا بضيق،،، معدتش عليا ليي منتاش واكل.
عمار بتنهيده وبيقعد جمبها،،،، والله يا دنيا طلعت من المدرسه رحت الشغل كان في طلبات مستعجله والشغل تقل وكنت هتأخر كمان لولا صاحب الشغل ربنا يستره يارب صعبت عليه فروحني هههه.
جهاد،،، عملت اي النهارده في المدرسه يا عندليب.
عمار حكي ليهم ألي حصل بالتفصيل الممل.
دنيا بخبث،،، طيب عدها كدا.
عمار،،، ج جود مو ورنم... استني لاء هجبها والله استني.
دنيا بضحك،،، منا قعده اتفرج علي الخيبه التقيله هو انا هسيبك وتفش دا انتَ بتسليني.
جهاد وجت تاخد وحده كوفتيايه خلسه بس دنيا ضربتها علي اديها،،،، شفتك يا حرامي العسيل.
عمار بضحك،،، لا يا جهاد دي مش تفلتي من تحت اديها المفتريه.
نرجس وقعده جمبهم بتسائل،،، واد يا عمار البت شرين مشفتهاش من كام يوم، هو انتَ مزعلها يا واد؟
عمار بتنهيده،،، والله معرف يا ماما بعدي عليهم البيت كل مره عند خالتها معرفش بقي !
نرجس،،، خلاص نعملهم زياره بكره نطمن عليها.
عمار،،، طيب يا ماما.... دنياااااااا انا جعت دا انتي مش هتغدينه انتي هتسحرينه.
دنيا،،، خلاص اهو استوه.
جهاد،،، اخيييراً فاليحيا العدل.
عمار وبيظيط في الظيطه،،،، عيش حريه بطاطس بالتقليه.
جهاد،،، بطاتس اي يا اعمي اسمها عيش حريه كفته من ايد دنيا.
دنيا بغرور،،، كفايا هتاف يا قوم.
نرجس سمعت حد بنده بصت من بلكونه السطح،،، ايوه يا ام احمد.
نفيسه،،،، انزلي خمسه عيزاكي.
نرجس،،، نزله اهو.
دنيا بتسأل،،، راحا فين وسيبه الوليمه يا حجه.
نرجس،،، جايه... وربنا لو خلصتوو الكوفته لنتف رشكم واحد واحد.
عمار،،، امك دي ست عظيمه تضحي بينا مقابل سيخ كوفته هههههه.
~ في سرايا حمدان الجبلاوي...
كانت جنان قعده وسط البنات في اوضه واسعه وستات بترقص ووحده بتغني وبتسقف والكل بغنوا وراها..
جنان بتقوم ومسكه الفستان فجأه وبتحاول تقلد الستات الي برقصوا وبتغني معاهم،،، وهيصااااا لووولوولوولي انتي يا طنط بتعملي الحركه دي ازاي مش عرفه اعملها كنت هقع زرع بصل.
فاطمه ومسكت جنان من درعها،،، بتعملي أييييه.
زينه بتزمر،،، سبيها يا فاطنه جري اي عيزين نفرح.
حميده،،، زييينه.
زينه قعدت علي اقرب كرسي بضيق..
نواره بهدوء،،، جري اي يا مرت عمي خلينا نفرح محناش بنرقص بره كلنا ستات اهنه.
جنان وبتفك ايد فاطمه وبتبصلها بلا مبالاه،،،، انا عن نفسي هرقص يلا يا زينه وهزااا يمين تيرااارااا.
زينه وقامت بضحك،،، وهزه شمال تيراارااا هههههه حلوه دي يا مرت خوي بقينا رقصين اهو.
جنان بضحك ولسه مسكه ايد زينه وبرقصوا بلاحره شبه برقصوا لانهم مبعرفوش،،،، يلا بقي خلينا نكيد العزول ( وبصت لفاطمه).
فاطمه قعدت جمب ام منصور والغل والغيره مسيطره عليها.
سمعوا خبط علي الباب وكان منصور الرجاله بره.
زينه بفرحه،،، العريس جه العريس جه يلا يا جوجو.
جنان بفرحه زي زينه،،، اللله العريس جه العريس جه.
نواره بضحك،،، استحي يا بت.
جنان بأستغراب وبتقلدها،،، واستحي لي هو انا عملي عمله وانا معرفش متخبيش عليا اصل انا عرفه نفسي مصيبه !
زينه وبنغزها في كتفها،،، منتي العروسه يا جوجو.
جنان بسرعه وبتمسك طرف الطرحه وبتحطه علي وشها وبتمثل الكسوف،،، اه نسيت لمؤخذه ، يكثووووفي.
منصور دخل بهيبته ومسك ايد جنان وكانت اصوات الزغاريد بتعلي والفرحه عما المكان. طلع منصور وجنان اوضتهم...
منصور فتح الدولاب واخد هدومه وكان هيدخل الحمام.
جنان بأعتراض،،، علفكره في حاجه اسمها السيدات اولا ً.
منصور دخل الحمام بلا مبالاه،،، غيري عنديك ومشي يومك ده وعديه علي خير.
جنان وبتقلد كلامه بحركات مسرحيه،،، غيري عنديك ومشي يومك ده وعديه علي خير، ماشي يا ابن حميده ان ما خليتك تمشي تكلم دبان وشك دبانه دبانه مبقاش جنان.
راحت فتحت الدولاب وطلعت جلبيه كبتي جميله جدا ملونه بالوان غايه في الروعه،،، حلوه الالوان منا عروسه بقي لازم ادلع نفسي.
الباب خبط وكانت زينه وجمبها وحده شيله الصينيه.
زينه بصدمه،،، ايه ده انتي مغيرتيش وفين منصور.
جنان بأستغراب،،، في الحمام بغير هدومه، هو في حاجه!
زينه بتاخد من بنت الصنيه،،، روحي انتي واني هحصلك.
البنت مشيت ودخلت زينه الصينيه،،، بالهنا علي قلبكم.
جنان،،، ما تستني تكلي معانه.
زينه بضحك،،،، لااااه دنتي اتجننتي اني ماشيه.
جنان قفلت الباب وقعدت تاكل بالفستان.
منصور خرج وندهش من جنان وهي قهده علي الارض وبتاكل بسرعه،،، أيه دااااااه.
جنان وبتبلع الاكل،،، هيكون اي يعني أكل بنأدمين تعاله كل وفتح نفسي تعاله متتكسفش البيت بيتك.
منصور و بشد المفرش ومخده وبينام علي الكرسي الكبير الي في الاوضه،،، مش عايز وكل كلي انتي بالهنا.
جنان،،، يا ابني قولتلك شعرك هيطير وتبقي اصلع ونا بصراحهمحبش جوزي يبقي اصلع تعاله كل.
منصور وبقعد بعد ما كان متسطح علي الكرسي،،، شوفي بقي شغل اعيال اصغيره مش عايز سبيني فحالي ومعيزش اسمع نفسك فهمه واني مبحبش اعيد كلااامي.
جنان،،، لا خفت استني اعيط، جري اي يا ابو الصرصير هو علشان قولتلك كل هتعملي محضره خلاص ما عنك اكلت سديت نفسي والله منا وكله اهو بقي.
جنان قامت ودخلت تغير هدومها.
منصور وبص علي الاكل،،، نفسها اتسدت دي خلصت نص الوكل دي علي كدا لو نفسها اتفتحت هتكولني!
بعد دقايق خرجت جنان ولفه شعرها كحكه ولبسه الجلبيه وراحت قعده علي السرير وتسطحت عليه.
منصور طفي نور الابجوره وعدت دقايق قليله.
جنان ومسكه الغطي بقلق،،،، صراصيرو.
منصور بصوت ناعس،،، اممم.
جنان،،،، انتَ صاحي!
منصور ،،، لاااه نايم.
جنان ومسكه الغطي بقلق ،،، نايم ازاي ونتَ بترد عليا ملبوس وعفريتك الي بيرد مثلاً .
منصور بزهق،،، اتخمدي يا ام المصايب.
جنان ومسكه الموبيل ومنوراه وكانت مقربه وشها ومفتحه عنيها جامد ومبرقه..
منصور كان مغمض بس حس بنور بيتوجه علي وشه فتح عينه ونتفض بفزع...
جنان بتسأل ،،،، انتَ نمت يا ابو الصرصير.
منصور وبمسح وشه بغضب شديد،،،، منيييي خابر ان اليله دييي مش هتعدي علي خير في حد منينا هيجيب اجل التاني.
الفصل الثامن
منصور وبمسح وشه بغضب شديد،،،، منيييي خابر ان اليله دييي مش هتعدي علي خير في حد منينا هيجيب اجل التاني.
جنان بتزمر،،، علفكره مبعرفش انام في الضلمه زي الخفاافيش.
منصور،،، مني مهنمش والنور شغال!
جنان بتنهيده،،، خلاص اطلع بري متوجعش دماغي هلقيها منك ولا من الست الحكيمه امك.
منصور بصدمه،،، اطلع بره انتي اتجننتي.
جنان بنفاز صبر،،، شوف بقي منا مش بعرف انام في الضلمه وعيزه اتخمد اتصرففف.
منصور وبمسح علي شعره بضيق،،، خلاص شغليه بس هدي النوور.
جنان مشيت بهدوء وشغلت النور ورجعت علشان تنام.
جنان بهدوء،،،، صراصيروا.
منصور بشلل،،،، اييييييون عيزه اي تاني تخدي الغطااا.
جنان،،، بتزعقلي ليييي انا غلطانه اني عيزه اقولك تصبح علي خير.
منصور بضيق،،، متقوليش وتخمدي.
جنان،،، طيب.
بعد حوالي عشر دقايق...
منصور بتأكيد،،،، ام المصايب.
جنان بصوت ناعس،،،، نعااام.
منصور،،،، نامي خلاص.
جنان،،،، لا مش هنام لما اعوز انام هنام بمزاجي مش هنام علشان انتَ هتقولي نامي هنام علي فكره .
منصور،،،، ناااااامي خلاص.
جنان ،،،، قد حان موعد النوم يرجي اعاده وصله المشاكل والخناق في وقت لاحق تييت تيييت تيييت.
~ في البيت عند زهره...
كانت زهره ووالدتها قعدين بقلق علي حسام ألي اتأخر ومرجعش لسه والساعه كانت 11 باليل...
زهره،،،، يااارب رجعه بالسلامه وانا والله مش هزعل منه تاني انا هصلحه والله اعااااء انتي فين يا حساااام.
روحيه،،، اسكتي يا زهره مش نقصاكي انتي كمان اعصابي تعبانه.
الباب خبط وزهره جريت علشان تفتح، واول ما فتحت لقت كياس كتير مرفوعه وحسام ماسكها ومبتسم ليها.
زهره حضنت اخوها بسرعه وبدموع،،، كدا يا ابن روحيه كنت هموت عليك من الخوف فكرتك اتختفط وهيبعيوا اعضائك.
حسام بضحك ونزل الكياس الارض وضمها لي بحب اخوي،،،، اتخطفت هههه لي هو انا عيل يا بنت ولا اي، متزعليش يا زهره والله انتي الي بتعصبيني اعمل في دماغك اي بس.
روحيه بتنهيده،،،،، صحيح خدوا فالكم من عيالكم.
زهره وبتبص للكياس الكتير وبخبث،،، اي ده يا حوسه انتَ جايب خضار للبيت!
حسام،،، بورااااا منكم انتم الستات بوراااا، بقي انتي زعلانه هجبلك خضار.
زهره شالت الكياس وحضنتهم ودخلت اوضتها تجري،،، متشكرين يا ابن روحيه.
روحيه بضيق،،، قافل تلفونك لي يا دكتور وده كله بره البيت!
حسام وبيقعد علي الكرسي بتعب،،،، اسكتي يا ام حسام اسكتي دا انا ركبي عيزه صيانه، لفيت المول من محل لمحل لحد ما رجلي كانت هتنطق تستغيس، ودا كله علشان ست الحسن متزعلش.
زهره من جوه الاوضه،،،، الكتشي كبير شويه يا معفن.
حسام بأسي علي حاله ،،، انا هسكت مش هتكلم علشان لو قاااامت هعمل راسك بصله ونزل فيها تخريط.
مر الوقت وكانت الساعه عدت 2 بعد نص اليل وفاروق كان بصلي القيام وقاعد يفكر في دنيا بأستغراب وكلام ولدته عنها...
هدي وبتخبط علي الباب،،،، فاروق يا ابني.
فاروق قام وفتح الباب ليها،،، نعم يا امي عيزه حاجه اعملهالك!
هدي بحب،،، لا بس لقيت لاوضه منوره فجيت اطمن عليك.
فاروق بابتسامه،،، انا هصلي الفجر ونام علي طول.
هدي وجت علشان تدخل اوضتها،،، ماشي يا ابني ربنا يحفظك.
فاروق بسرعه،،، امي صحيح كنت عايز اسألك علي حاجه كدا.
هدي،،،، خير يا ابني!
فاروق،،، تعالي اقعدي بس كدا اييون، هو البت العروسه دي متأكده انها هاديه و عقله يعني وتقدر تتحمل مسأوليه متأكده.
هدي،،، والله يا ابني لما رحتلهم كانت عقله وهاديه وبصراحه بقي عليها عمايل كفته تجنن ههههه ابسط بقي.
فاروق بضحكه رجوليه هاديه،،،، هههههه يا امي انا عايز وحده تصلح زوجه مش طباخه.
هدي بمشاكسه،،،،، وينفع زوجه مبتعرفش تطبخ يعني!
فاروق بابتسامه جميله،،، غلبتيني زي كل مره.
هدي بحب اموي،،، يا ابني انا نفسي اشوفك مبسوط و أشيل عيالك.
فاروق وببوس ايد امه ،،، ربنا يديمك ليا يا احن ام في الدنيا
الفجر اذن وفاروق صلي الفجر امام لولدته ونام.......
««« في صباح يوم جديد......
~ في سرايا حمدان الجبلاوي.....
جنان بنعاس وكانت بتحلم،،،، وربنا لنفخكم وفسيكم واحد واحد دنا جن.........
منصور وبلبس الجلبيه وبظبط نفسه قدام المرايه،،،، حتي وهي نايمه بتعمل مصايب اني خابر اهلها كانوا طيقنها ازاي دي!.
الباب كان بيخبط ومنصور فتحه بس مش اوي علشان محدش ياخد باله،،،، ايوي يما.
حميده بلا اهتمام،،،، هات مرتك ويلا علي الفطور.
منصور بهدوء،،، حاضر يما.
منصور قفل الباب وراح عند جنان وبيهزها بأيده بشده،،، قوووومي.
جنان فتحت عنيها بنعاس،،، ساعه كدا وهقوم حاضر يلا بقي هوينا.
منصور بضيق،،، بقولك قومي اسمعي الكلاااام.
جنان زقت الغطا بخنقه،،، اوووو قومت عايز اي بقي!
منصور،،، يلا علشان نفطر وياهم تحت.
جنان،،، روح انتَ وقوللهم ماتت وههتصحي بعد الضهر.
منصور شدها من درعها من علي السرير ووقفها قدامه وبصوت يخوف،،،، شوفي اني مش عايز امد ايدي علي وحده ست لاني معملتهاش قبل سابج وحسك عينك بعد النهارده تكسري كلامي فاااااهمه ( وعلي صوته في اخر كلمه).
جنان وبعدت اديه عنها ووقفت بثبات،،،، شوف يا ابن حميده انا لا هخاف منك ولا من كلامك لانه ميلزمنيش دي حاجه وتاني حاجه صوتك ميعلاش عليا انا بسكت اه بس علشان مش بحب اعمل مشاكل بينك وبين عمي حمدان وياريت تخف شويه وبلاش الحمشه دي ليطقلك عرق تموت.
دخلت جنان الحمام وسابت منصور الي هيولع منها.
اما تحت علي السفره في اوضه الحريم...
زينه وبتظبط السفره وبتحط ورد،،،، يا حلاوه يولاه دا اني عليا تزويق سفره معدمها ابداً.
نواره وبترص الاطباق،،،، اتهدي بقي قرفتينا يا مقصوفه الرقبه.
زينه بضحك،،،، ربنا يخليكي يا مرت الغالي هههه.
كانت جنان نزله علي السلم هي ومنصور...
حاتم جوز خالتها بحب وقام وقف،،،، اللف مبروك جنان خلي بالك منها يا منصور.
منصور بأبتسامه،،، في عيوني.
جنان بصوت واطي،،، مهو واضح وانتَ بتصحيني وكأنك قفشت حرامي غسيل.
منصور بهمس،،،، اخرسي لقطع لسانك الطويل ده.
جنان بنفس الهمس،،، لما تبطل زرزره ونفخه وتحساب علي الفاظك هبقي الم لساني يا ابن حميده.
حمدان وبيقرب منهم،،، صباحيه مباركه.
منصور وجنان،،، الله يبارك فيك.
والكل في البيت باركلهم وجنان دخلت تفطر مع الحريم....
جنان بأعجاب،،، الله السفره تجنن مين الي مزينها.
زينه بفخر،،،، اني الي حطه الورد.
فاطمه بغل،،، اي شغل العيال ده كولي وانتي ساكته يا زييينه.
زينه بضيق،،،، حاضر.
جنان وبتمسك المعلقه،،،،، اممم ما تاكل وهي بتكلم هي كانت بتاكل في ودنك يعني وبعدين يا فطوم مالك قعده تخنقي مع دبان وشك هو حد هنا مضيقك!
فاطمه بسخريه،،،، ما عاش الي يضايقني، ولو حد ضايقني بفرمه بأديه دهون.
ام فاطمه "فتحيه" وحسه ان في شراره ممكن تولع المكان،،،، اي رئيك في الوكل يا بنتي، اني الي طبخهولك بأديه..
جنان،،، تسلم ايدك يا طنط ربنا يخليكي.
حميده بزهق،،، زينه روحي قولي لعيشه تجهز الشاي وطلعه للرجاله يلا.
زينه بتقوم بتأفأف،،،، كل حاجه زينه زينه زينه حاااضر.
حميده،،، قصري كلام يا مقصوفه الرقبه لقوملك.
زينه،،، حاضر مني راحه اهووو.
جنان بخبث ،،، هو انتي لي علطول بتزعقي كدا يا حماتي ما تخليكي فرفوشي امال بدل ما انتي هتفرقعي من جنابك كدا يا حول الله يارب والله البيت ده بصعب عليا جداً كله زعيق زعيق مفيش هدوء خالص.
حميده بهدوء،،،، مكنتش اعرف انك لسانك طويل يا بت البندر.
نواره بتبلع رقها لان هي عرفه ان حميده ممكن تعمل مشكله لجنان،،،،، يا مرت عمي ا....
حميده بصتلها،،،، جري اي يا نواره هو اني مش بكلم مرت ابني!
جنان،،،، اي مرت ابني دي لا قوليلي جنان اصل الكلمه دي بتحسسني اني كبيره وانا لسه صغنونه وفي زهره شبابي اومال اي.
فاطمه بسخريه،،، اصغيره كيف وانتي شبه ال...
جنان بسرعه،،،، لو فكرتي تغلطي فيا صدقيني هخلي وشك مكان افاكي ماشي يا فطومتي ، نوليني طبق المخلل دا يا حماتي ربنا يسترك دنيا واخره.
نواره بخوف وهي الي ادتها الطبق،،، خ خدي يا جنه اهو.
جنان،،، تسلميلي يا نونو.
كانت ام منصور بتبص لجنان هي وفاطمه ومش نوين علي خير...
جنان كملت اكل ومكنتش طيقه القعده معاهم،،، طيب انا طلعه اوضتي اصل مش تعبانه وعيزه ارتاح عن ازنكم بقي.
نواره،،، انتي مأكلتيش عدل اوقعدي كملي وكلك يا جنه.
جنان بهدوء،،، شبعت الحمد الله بالهنا.
زينه دخله واول ما شافت جنان هتطلع مسكت اديها،،، راحه علي فين اكده.
جنان بابتسامه،،، طلعه اوضتي يا زيزو.
زينه بضحك،،، اي ده امال فين قولك مقصوفه الرقبه.
جنان بتنهيده،،، انا عرفه ان الشعب دا بيموت في تهذيئ نفسه لي!، خلاص يا مقصوفه الرقبه خشي كملي اكلك وانا في اوضتي لو عزتيني انا فوق.
زينه بابتسامه،،، طيب يا جوجو.
جنان وكامت طلعه منصور نادها لما شفها طالعه علي السلم،،،، خودييي تعالي.
جنان نزلت،،،، نعم.
منصور بأستغراب،،، اي الاحترام ده!
جنان وكانت مضيقه اصلا،،،، اخلص عايز اييييي.
منصور،،، عمك حاتم معاود مصر وعايزك.
جنان دخلت بسرعه اوضه الضيوف وشافت حاتم بكلم حمدان وجمبه شنطه صغيره. جنان بزعل شديد،،، عموا حاتم انتَ هتمشي علطول كدا وتسبني.
حاتم بابتسامه هاديه،،، اسيبك اي بس ما عمك حمدان اهو وكمان منصور و...
قاطعته جنان بدموع حقيقيه،،، متسبنيش يا عموا خالص علشان خطري بالله عليك متسبني خالص خااالص.
منصور ولاول مره جنان تصعب عليه، قعد جمبها بهدوء،،، جري اي يا ام المصايب بتعيطي اياك اهو زي البنأدمين ههههه.
جنان بتمسح دموعها وبتبصله،،، لي هو حد قلك اني انثي الفيل مثلاً.
حاتم بضحك،،،، هههههه واحلا انثي فيل علي فكره.
جنان،،، عموووا عيب كدا مش قدامه الله.
حمدان،،،،، لي واحنا غرب يا بنايتي ولا أي!
جنان،،، لااا والله مقصدش بس برستيجي سقط من الدور العاشر يا عموا هههههههه.
حاتم وبيقوم يقف وبيشد شنطه السفر،،، طيب استأذن انا علشان متأخرش، مش هكاارر كلامي يا منصور جناان يا منصور خلي بالك منها دي متنضمنش ا احم اقصد يعني عينك عليها وخلي بالك منها هااا فهمني انتَ.
جنان بنص عين،،،، ماشي يا حتوووم ماشي هعدهالك المره دي بس علشان خاطر مش هعرف اصلحك لما تمشي، بس سلملي علي زهره ها وحسااام وحشني جدا الرزل هو وحزامه هههههه وخليهم يجوا يزروني بتنين كيلو موز.
حاتم،،، ههههه اكيد بس زهره تفضي شويه وخليها تيجي تقضي معاكي اسبوع حلو كدا.
جنان،،، ماشي يا كبير وانا هستنه خلي بالك من نفسك وانتَ ماشي واوعي حد يديك حاجه يا عموا وتاخدها منه لتتخطف وانتَ مش حمل خطف يا خويه اه.
حاتم،،، ماشي يا ست ابوها، السلام عليكم.
حمدان ومنصور وجنان ودعوه وحاتم مشي.
جنان بهدوء،،، انا طلعه فوق بقي عن ازنكم.
حمدان قبل ما يمشي،،، خلي بالك منها يا منصور.
منصور،،،، حاضر يا بوي.
منصور طلع وري جنان ودخل لقاها مسكي الموبيل بتلعب فيه،،، بتعملي اي!
جنان،،، بعمل عمل سفلي حاسب لتتلبس بس.
منصور بيقعد جمبها بضيق،،، متعرفيش تقصري لسانك شويه.
جنان،،،، لاء والله هو طويل من عند ربنا هتعترضضض اعترض بقي علي قضاء ربنااا.
منصور بتنهيده عميقه،،، لا إله إلا انت سبحاااانك، شوفي يا بنت الناس اني مكنتش عايز افاتحك في الموضوع بس لازم تفهمي كل حاجه.
جنان اتعدلت،،، خير في اي اتجوزت عليا صح اتجوووزت.
منصور بهدوء وخبث،،، هتفرق معاكي يعني!
جنان وبتمثل الا مبالاه،،، ولا تهز فيا شعره عادي، كمل كنت عايز تقول اي.
منصور،،، شوفي اني مش بحاسبك علي كلامك يا جنان.و..
جنان بسرعه،،، اي ده انتَ قولت اسمي اهو طب الحمد الله فكرت اسمي معملوا عمل سفلي ولا حاجه.
منصور،،، لو قاطعتيني تاني هفتح نفوخك.
جنان،،، يا ساتر كمل.
منصور،،،،، شوفي يا بنت الناس احنا اهنه مش زي عنديكم اهناك في مصر يعني بطلي تنطيط وجري زي الفرخ الدايخ الي مخبوط علي دماغه و...
جنان،،، يا اخي يخرب بيت تشبيهك اي الارف ده طيب قول كتكوته حتي.
منصور بصلها بغضب فسكتت....
منصور بجديه اشد،،،، ابويه محزر علينا حد يكلمك كلمه تزعلك وكمان محدش يعارضك في حاجه بس اني دلوقتي جوزك واسمك بقي علي اسمي يعني تحترمي الاسم ده وشغل عيال اني بتخنق منه اسمييي منصور فهمه مش ابو الصرصير علشان مش اتنرفز عليكي متتقلش تاني.
جنان،،، اووووه لاا لاا ، امممم ماشي يا عم بس مش تقولي انتَ كمان ام المصايب لأشتكيك لجمعيه حقوق المرئه.
منصور بشك وببصلها بنص عين...
جنان،،،،، بتبص كدا لي يا منصور.
منصور بهدوء،،، قولتيه اهو بس تعرفي.
جنان،،، لا والله معرف!
منصور بتنهيده،،،، خلاص اسكتي اني ماشي.
جنان بتسأل،،، رايح فين!
منصور،،،، وده يهمك.
جنان،،، ايوه يهمني يا منصوووووور ها سمعتني يااا منصوووور.
منصور قعد علي الكرسي وضحك من قلبه ضحكه رجوليه جذابه.
جنان بابتسامه،،، تعرف يا منصور ان ضحكتك حلوه.
منصور بابتسامه،،، امممم.
جنان،،، اي اممم دي كتك دهيه روح روح.
منصور،،، اتصدقي بالله اني غلطان اني فكرتك ممكن تعقلي.
جنان وبترجع شعرهل لوري،،،،، طول عمري عقله بس شخصيه عم شكشك مش سيباني فحالي، يلا روح وخلي بالك من نفسك.
منصور بهدوء وكان خارج،،،، واني كومان بس مش عايز اما ارجع الاقيكي عمله مصيبه.
جنان وبتمثل الصدمه،،، انا يا منصووور انا اخص عليك تعرف عني كدا، امممم ممكن مصيبه نص ونص كدا بس بس مش هزود والله وعد.
منصور وبمشي وبقفل الباب،،، يااارب صبرك.
جنان قامت وفتحت شنطتها الي كانت جيباها من هناك وبطلع بعض الحجلت وشافت الكاميرا.
جنان بابتسامه خبيثه وبتكلم نفسها وهي مسكه الكاميره ،،،، مصيبه نص ونص ههههه ماشي يا ابو الصرصير ههههههههههههه
~ في بيت عمار....
البيت كان مقلبوب وعمار لابس جلبيه ورابطها عند وسطه هو وجهاد ودنيا ومسكين المسحات...
دنيا بتمسح،،،، انا مش عرفه امك بتزوق نفسها وسيباني انا اشتغل هو انا مش باين عليا عروسه ياض ولا شو!
عمار بتمثيل،،،، بس يا جعفر اخرسي سبيني في حااالي ياختي سبيني في حالي احسن هفرقع من جنابي اناااا عمااار بي ابو العمامير امسح كرمتق ياض بقت في العرقسوس.
جهاد بضحك،،،، هههههههه هبله ومسكوها طبله ههههههه.
دنيا،،،، الكلام دا ليا ولا للأخت عمار توضيح علشان دي لو انتشرت في الحته مش حلوه ليا دا انا اطير فيها رقاااب.
جهاد وبتبص لعمار وتشاور عليه،،، لااا لعمار والله لعماار.
عمار بأسي،،، للدرجه دي شيفني فرفور البيت شكراً شكراً مكنش العشم يا جودي ورربنا منا جيبلك الكشكول الي انتي عايزاااه.
جهاد بمحلسه وبتغني ،،، عموري يا عموووري يا حته سكره هتقبلي الكشكول ولا اسخطك مسطره.
عمار بضحك،،، ياااه دا انا اتهذئت في البيت دا خااالص شكرا اخواتي مش عارف من غيركم كان مين هيدلعني كدا.
دنيا وبتعدل كرسي،،،، حبيبي يا اخ يلا تعاله اعدل معايه الكرسي.
عمار،،، طويب.
عدي حوالي سعتين وكان المكان فل الفل.
جهاد وعمار ودنيا قعدوا بتعب.....
دنيا،،،، وربنا لو سمعت حد قالي هاتي حاجه هخلي اكبر حته في قد كدا وياااويله بقيييي.
نرجس من المطبخ،،،، يا دنياااااا لمي الغسيل.
دنيا،،، حاضر يا مامااا، عمار...جهاااد يلا يا حبيبي لموو الغسيل وانا وعد مني مش همد ايدي في حاجه خالص مش هعمل حاجه.
عمار بص لجهاد وطلعوا يجروا علي اوضهم....
دنيا بضيق شديد،،، وربنا بقي منا لماااه اما اروح اجهز نفسي اي البيت ده.
دخلت اوضتها ونعكشت الدولاب وقعده تطلع هدوم كتير وتحطها علي السرير،،،،، امممم يا تري انهي اي ده كله لبس ابله نظيره كدا لي ياااا جهاااااد.
جهاد دخلت بخضه،،،، في اي يا بنتي.
دنيا بمحلسه،،، جودي انتي عرفك انك حببشي حببشي صح.
جهاد بملل،،، عايزه اي.
دنيا،،، عيزه درس حلو كدا كل الي عندي غامق اوي ها هتديني ( وبصتها وبترمش عينها بسرعه)
جهاد بحب،،، من غير سهوكه ملزقه كل حاجه ليا ليكي.
دنيا جريت من قدمها بسرعه ودخلت علي هدوم جهاد...
عند فاروق كان لابس لبس عادي وبلبس الساعه في ايده...
هدي،،، قمر والله.
فاروق،،، هههه ربنا يديمك يا امي.
هدي،،،، يلي بسرعه علشان منتأخرش عليهم.
فاروق نزل مع والدته وفي طرقهم لبيت دنيا....
دنيا بتجري في البيت من اوضه لأوضه،،، ااه الدبوس هناك...، يوووه الخاتم هناك هنا..
عمار قاعد جمب جهاد،،، البت خلاص دمغها لسعت.
سمعوا صوت الباب بيخبط..
نرجس،،، اكيد هما دنيا مش تنسي العصييير.
عمار فتح الباب ونصدم اول ما شاف فاروق ووقف متنح.
هدي استغربت وبصت لابنها الي بصلها باستغراب.
نرجس وشدت ابنها من قدام الباب وبترحب بيهم،،، اهلا وسهلا اتفضلوااا.
هدي بايتسامه ودخلت وواراها فاروق،،،،، يزيد فضلك.
قعدوا في الصالون، عمار،، ا احم اهلا وسهلا شرفتونه.
فاروق،،،، أشكرك.
عمار في سره،،،،، ايوه قالي اشكرك وحترمني يبقي ارهابي انا عارفهم زي الي بطلعوا في التلفزيون.
نرجس وطلعت عمار من سرحانه،،، قوم يا عمار نادي دنيا.
عمار وهوا بيقوم،،، حاضر يا ماما.
عمار راح عند دنيا الي وقفه في المطبخ بتوتر،،، يلا تعالي ورايه.
دنيا بسرعه،،، مالك يا عمار وشك لونه مخطوف لي كدا.
عمار،،، اسكتي هو انخطف من شويه.
دنيا بتوتر،،، في اي يا ابني بس وربنا ما نقصه.
عمار،،، العريس.
دنيا،،،، اااه قول كدا، اكيد بكرش واصلع صححح.
جهاد بضحك،،، ههههه يا بنتي مش دا المهم ركزي علي ادبه.
عمار بهمس وبيقربهم لي،،، مش بكرش ولا اصلع، دا ارهابي اه.
دنيا وبتضربه علي كتفه،،، ما تبس يا اهبل متغلطش كدا فيه دا من مؤهلين للزواج بأختك لما يطفش ابقي اديني رقم قسم البوليس.
جهاد،،، ههههههههه الواد قاعد يخرب بيت الكفره ليسمعك.
دنيا بملل،،، نوليني العصير اما اروح للمحروص اخلصي.
جهاد بضحك وبتناولها العصير ،،، حاضر .
دنيا ورا اخوها وفي طرقها للاوضه الصالون ومتوتره وبتكلم نفسها،،، انا مش هبصله خالص اه وابقي هديه وقصر لساني زي ما جهاد قالتلي وبقي مكسوفه ياارب ساعدني ولساني ميفلتش.
دخل عمار ودنيا واول ما شافت فاروق ووفاروق اتأكد خلاص انها دنيا في سرها،،، يااارب ليييي دا بس دا عارف كل بلاويه معدش كسوف نافع ولا محلسه يلا استعنه علي الشقه بالله هاخد رقم بوليس النجده لانه هيطفش هيطفش رسمي فهمي وعليهم عم نظمي اعاااء.
هدي بابتسامه،،، بس بالله ما شاء الله تعالي يا دنيا.
دنيا قعده جمبها بابتسامه.....
عمار بهدوء،،، واني بقي يا.. يا..
فاروق بهدوء،،، اسمي فاروق.
عمار،،، عاشت الاسامي، بتشتغل اي!
فاروق،،،، دكتور اسنان.
عمار،،، ماشاء الله ما شاء الله وعندك شقه!
فاروق،،،، اه انا وامي اشترينه شقه هنا من فتره قريبه جداً، لاني مقدرش ابعد عنها دي دنيتي 🌍.
دنيا بتأثر،،،،، الله بجد ربنا يخليكم لبعض.
هدي،،،، ربنا يديمك يا حببتي.
نرجس،،، ودنيا مدرسه ابتدائي بتشتغل في مدرسه قريبه من هنا..
دنيا بضحك،،، مربيه اجيال وكدا يعني بس بعيد عنكم اجيال منيه شغلين تسبيل وكل شويه اقفشهم دول مش عيزين مدرسه دول عيزين سجن اداب مشدد الحراسه ههه.
كلهم ضحكه بمحبه الي فاروق ابتسم بس،،،، وانتي يا عمار بشتغل اي.
عمار بضحك ،،، مبلاش ونخلي الطبق مسطور هههه.
فاروق بضحكه خفيفه،،،، هههه لي بس هو الشغل عيب!
عمار وبتكلم بالفطره وبروح طيبه وكأنه بكلم صحبه ،،، لا مش عيب بس انا مبحبش اتكلم عن انجازاتي كواحد ساقط خمس سنين ثانويه عامه وعنده خبره زي يا ابني.