#جنان_في_بيت_صعيدي 🙆🏻♀️.
#الفصل الثاني والثالث والرابع
بقلم اسماء حبيب
جنان،،، يا غداره، المهم هنعمل أي دول شكلهم يخوف وبشنبات صرصيرو متخيله.
زهره مسكت جنان من البجامه،،، شنبات صرصيييرو بتتكلمي بجد، طيب انا هقفز من البلكونه وحصليني.
جنان وبتستجمع قواها،،،، مش هنقفز ولا حاجه احنا رجاااله يا بت هنفز خطة عبيلواا وديلووو.
زهره وبتسلم علي جنان،،، ايوااا يا معلم هو ده، اممم بس ألي هو أزاي يعني!؟
جنان ببلاها،،، عليا الطلاق من دراعي معرف!؟
زهره بضيق،،، دا وقت هظار يا جنااان!
جنان بسرعه،،، خلاص لقتها ورايه...
جنان دخلت المطبخ وجابت الطاسه والمقشه والمساحه.
زهره بسخريه،، يااالا الهول وكدا هنقضي عليهم بالمقشه والطاسه.
جنان،،، بقولك أي سبيهااا علي الله هو احنا هنموت كام مره يعني.
الباب قاعد يخبط...
جنان بتبص لزهره وبتديها المقشه..
زهره،،،، مش تبصلييي كدا منا مش هفتح.
جنان ومسكه الطاسه،،، والله انا وراكي اهوووو بس افتحي اصلي خيفه اوي وعندي ارتعاش في الركبه.
زهره بضيق،،، طيييب موتي هيكون بسببك انا عرررفه.
زهره وقفه وري الباب وجنان مسكه الطاسه وخيفه.
منصور بضيق من بره،،، جري أي هندنه أكده يا بوي!
حمدان الجبلاوي بهدوء،،، اصبر تلاقيها خافت منينا .
زهره فتحت الباب ورفعه المقشه وجنان بتبص ليهم من وري زهره....
زهره بسرعه ورفعه المقشه،،، انتوووو مين وعيزين أيه!
حمدان وهو ساند علي العكاز بوقار،،،،، متخفيش يا بنايتي ان....
جنان قاطعتهم وبترفع الطاسه في وشهم بعد ما بعدت زهره بأديها،،،، انطق بسرعه لضرب في المليان.
منصور بضيق،،،،، تضربي مين انتي عااارفه بـــ....
حمدان قاطع أبنه،،، اسكت يا منصور البنيه معاها حق تخاف برضوا، اني حمدان الجبلاوي يا بنايتي.
جنان وبتحط اديها علي دقنها بتسأل،،، انا أسمعت ألاسم دا بتهيألي كدا.
زهره ووقفه جمب جنان علي الباب،،، حضرتكم جيين لي!
حمدان بهدوء،،، هنتساير أكده علي الباب؟!
زهره بسرعه،،، لمؤخذه اتفضل.
حمدان دخل وزهره وراه وجنان قفلت الباب في وش منصور خطوه افتكرت ورجعت تفتحله بسرعه،،، يختاااي احم معلش اتفضل.
منصور ببصلها بضيق،،،، وسعي أكده بت خرفانه بصحيح.
جنان وكانت بتزعق بس وطت صوتها بتدريج لما بصلها منصور،،،، مييين دي ألي خرفانه د د احم اتفضل يا فندم اتفضل شرفت والله.
منصور دخل وقعد جمب ولده...
حمدان الجبلاوي،،، مين فيكم بت الدهشوري؟!
جنان وزهره شوروا علي بعض بسرعه...
حمدان بدهشه،،، هو انتم أخوات!
زهره قالت "لاء" وجنان في نفس الوقت قالت "أه"
زهره بضيق،،،،، جري أي يا جنااان هنهظر انتي هتلبسيني مصيبه، يااا بيه انا بنت خالتها والله.
حمدان كان هيتكلم بس لقي جنان بسرعه قامت من مكنها وراحت نحيته،،،، والله يا جناب البيه انا ما عملت حاجه انا بريئه وربنا وربنا وربنا انا مظلومه وربنا.
حمدان بضحكه هادئه،،، يا بناايتي اني جاي احميكي من عمك بقالي شهر من ساعت ما ابوكي الله يرحموه ما مات واني معين ناس يقطروا مكانك لحد اما عرفته وجيت اخدك امعاي هناك بلدنا اتعيشي امعانه في قناه لحد اما تتمي سنك الجانوني وتخدي حققك.
جنان وقعدت علي الكرسي تاني وبتحط رجل علي رجل ،،، والله امممم سبني يومين افكر.
منصور وبصراخ في جنان،،،، نزلييي رجلك لكسرهااالك.
جنان بسرعه نزلت رجليها بس حمدان مش حابب عصبيه أبنه،،،، جري أي يا منصووور فزعت البنااايه.
جنان وبتمثل البكاء وبتحضن زهره،،، اه والله يا عمواا حموده دا فزعني فزوعه ابن الذينه ده اعااااء.
منصور بضيق،،، شااايف يا بوي شاااايف.
حمدان بضيق،،، منصووور بكفياك عاد يا ولدي .!، خلاص يا بنتي حقك علي راسي من فوق.
جنان،،، علشان خطرك بس يا عموا حموده بس مش يزعقلي اصل وربنا اصوت ولم عليك الشعب انا بقولك اهو.
حمدان بجديه،،،، متخفيش يا بنايتي اني مش هخليه يزعقلك واصل بس جهزي هدومك العربيه تحت.
جنان،،، طيب انا مش جهزه دلوقتي ممكن تسيب العنوان وانا هجي.
حمدان،،، لي أكده ما العربيه تحت اهي!
زهره بجديه،،، معلش يا عموا علشان بس تعرف تجهز سيب العنوان وهي هتيجي.
حمدان بهدوء،،،، ألي انتم عايزينه.
منصور ووالده حمدان الجبلاوي مشيوا وسابوا العنوان....
جنان بتنهيده،،، اممم متجيبي فلوس علشان بصراحه ممعيش حاجه خالص علي الحديده.
زهره وطلعت فلوس من جبها،،،، خدي يا ستي 280 هما دول ألي معايه دلوقتي.
جنان خدتهم منها بسرعه،،، حبيبت اختك وصدقيني مش هرجعهملك والله.
زهره بضحك،،، اصيله يا بنت خالتي ههههه انا مفروض أقطع علقتي بيكي اصلا مخلصه علي مصروفي دا مال ايتاام ههههههه.
جنان بتسأل،،، بقولك يا هرهر ملقيش عندك شنطه شيك كدا وياريت جذمه حلوه وكمان درس جميل كدا وطرحه بقي يا سلام لو كانت نبيتي.
زهره وبتشيل شنطتها وبتخرج،،، دا أنتي ألي هتخربي بيتي سلاموووعليكووو.
جنان وبتشدها بسرعه،،، خدي بس بهظر معاكي، اي رئيك تباتي معايه يا هرهر.
زهره،،، جناان متخلنيش اتزرزر عليكي سبيني اروح ورايه درج مكتب عيزه أطفشه وجامعه بكره بس خلي موبيلك مفتووح مش تقفليه.
جنان بتنهيده،،، طيب يا ستي روحي منك لله، مع السلامه وخلي بالك من الطريق لتعملي حادثه وتريحينا منك.
زهره فتحت باب الشقه ونزله علي السلم،،، متخفيش لزقه ومتبته وهدني قرفاكي.
جنان وبتبصلها من علي السلم،،، ادعيلي يا هرهر.
زهره ولسه بتنزل من علي السلم،،، ربنا يخدك يا جنان.
جنان بضحك،، يا بت دعوه تريحني مش تريحك أنتي.
دخلت جنان وشافت مفتيح العربيه بتاعت زهره علي التربيظه جريت علي البلكونه،،،، المفتاح اهو اشقطي.
زهره اخدت المفتاح،،، ربنا يخليكي للغلابه، خلي بالك من نفسك ماشي.
جنان بحب،، وانتي كمان هااا خلي بالك من الطريق .
دخلت جنان تجري وفتحت علبه الكوشري وبزعيق،،، روحي منك لله يا زهره فييين الصلصه أكل ازاااي، ماشي يلي تتشكي ماشي.
~في بيت راقي في المدينه....
دخلت زهره ولقت امها في المطبخ رمت مفتاح العربيه علي الكرسي بتعب،،،، مسااء ألاناناس علي اغلي الناس.
ولدتها روحيه،،، مساء التأخير دنا هفرمك وعملك عصير.
زهىه بتنهيده،،، بالذمه دي مقابله بقي انا بنعنشك تقومي فرماني .
وهنا زهره تلاقي اخوها مسكها من قفاها،،،، لاااا دنا هعجنك علي أديه بقي بتخليني في نص هدومي وانا في المحاضره.
زهره بضحك،،، خلاص المره الجايه هخليك في الربعايه كدا.
حسام بزعيق،،، زهراااااااه.
زهره،،، جري أي يا حيييسااام هتقل مني هسخطك كلب اعور وقد زعتر من بعتر هه.
خرج والدهم حاتم من ألاوضه،،، اتأخرتي لي يا زهره!
زهره،،، كنت عند جنان يا بابا و.... زهره حكت الي حصل..
حاتم،،، ايوه ايوه هو في حد ميعرفش حمدان الجبلاوي دا تاجر كبير قوي في السوق عنده اراضي بالفدادين ربنا يكرمه دا جدع وشهم كان جوز خلتك شريك معاه في مصنع ألاغذيه الي بتتورد في السوق.
زهره،،، والله طمنتني يا بابا، اصل جنان كانت خيفه اوي.
روحيه،،، الحمد الله ربنا بعت لجنان حد يحميها كدا بدل كل اسبوع في مكان شكل ربنا يريحنه من عمها دا والعقربه مراته.
زهره شافت حسام قاعد يتفرج علي الماتش اتسحبت ودخلت اوضته وشدت البنسه بتاعت شعرها وبتحاول تفتح درج المكتب،،، ما تفتح يا غلس مالك عصلجت لي زي صحبك كدا.. اهوو فتح الحمد الله يااررب دنك ساترها مع الغلابه، يا سلام عليا هههه.
حسام وقفشها المره دي،،، اهلا اهلا سيد طفاشه بيه وقفشتك.
زهره وبترفع اديها لفوق،،، وربنا انا بريئه يا بيه.
حسام وشدها من درعها ولفه وري دهرها،، تحبي اوديكي القسم ولا تحبي تعترفي!
زهره بسرعه،،، وعلي أي حتي ألاعتراف سيد المدليه.
حسام بضحك،،، المدليه ههههه طيب انطقي احسنلك.
زهره وبتفك اديها،،، شوف يا حوسه البت عنتر الجديده الي طردتها بسلامتك النهارده كانت بتقولي ركزي لما كنت منفضالك في المحاضره و...
حسام ضربها علي كتفها،،، أي منفضالك دي اييي الالفاظ دي مش عارف بتجبيها منين.
زهره بضحك،،، اصلي اتعرفت علي شويه من ادفعه الجديده وبقينا زمايل صياعه جامعيه...
حسام بتنهيده،،، المهم كملي.
زهره،،، المهم ياض البت لما سحبت منها الكرنيه يامفتري قعدت تعيط اقولها يا بنتي مش تزعلي نفسك دا دكتور متعوس وكمان متيأسيش من الحياااه وهي تعااايط تعااايط وانتي عارف بقي اوختك قلبها رهيف وصعبت عليا يا كبد امها قولت اطفش دورج المكتب ورجعلها الكرنيه يمكن تغششني ولا حاجه هههههه.
حسام،،، دكتور متعوس ويا مفتري واطفش درج المكتب وتغششك وبعد دا كله عيزاني ارجعلك الكرنيه صح.
زهره بأبتسامه،،، ايوت ايوت.
حسام شدها من قفاها لبره المكتب وزقها وقفل الباب.
زهره وبتقوم من علي ألارض ،،، ماااشي يا ابن روحيه وربنااا لوريك بكره.
حسام فتح الباب وهنا زهره جريت علي الاوضه بتاعتها بسرعه....
~ تاني يوم جنان نزله من العماره ولبسه درس وطرحه وكوتشي ونضاره شمس وبتشد شنطه سفر..وقفت تكس وأدتله العنوان ومشيت...
بعد ساعه في التاكس جنان بقلق،،، يا عم سوووق براحه لنعمل حدثه ونموووت.
السواق بسخريه،،، وعيزه توصلي ازاي قنااه بسرعه دا طريق سفر طويل لو مسرعتش مش هنوصل كدااا !.
جنان بضيق،، ولما نموووت سيتك بقي اي هترجعلي ألاجره مثلاً.
السواق بزهق،،، لما نموت ابقي اتكلمي.
جنان بسخريه،،،، هتكلم ازاي يا ابن المبرشمه، هستأذن عزرائيل اقوله سنيه بس اقوله موتنه وديلوا قلمين وقبض روحي تاني!
السواق وقف التكسي وبيبصلها بشر،،،، قووولتي اييي!
جنان وبتشير علي نفسها،،، انااااا ما عاذ الله يا ابني كمل الطريق زي ما تحب هو احنا ورانه حاجه.
السواق دور العربيه ومشي.
جنان بتنهيده وبتتكلم في سرها،،، ابو شكلك ونتي شبه البورص الجعان كدا اهيييء منك لله يا عمي.
بعد حوالي كمان نص ساعه وصلت وكان فيه ناس فلاحين واراضي واطفال ينطفوا في الترعه.
جنان،،،، مصيبه هوصل ازاي انا كدا في غابه مداغشكر دي!
وحده ست استغربتها بلبسها ده،،، بدوري علي حد أهنه يا بنايتي!
جنان بسرعه،،، ااااه متعرفيش واحد هنا اسمه حمدان الجبلاوي يا طنط ألهي أشوفك عروسه يارب.
الست بضحك،،، هههههه عروسه ايه يا بنايتي دني قد امك، وبعدين هو انتي متعرفيش حمدان الجبلاوي دا كبير البلد أهنه.
جنان مسكت درعها،،، طيب اوصله ازاي ينوبك ثواب في الغلبانه الي قدامك دي.
الست لسه بتوصفلها لقت قطيع غنم جاي نحيتهم...
جنان بخوف،،، يختاااي اي ده دول جيين هناااا.
الست بهدوء،،، متخفيش م....
جنان شده تنطه السفر ورفعت الدرس وكانت لبسه بنطلون جينس وطلعه تجرس ومن حظها النحس انه لونه أخضر وهنا القطيع جري وراها والناس بتحاول توصلها وهي تصوت وتجججري،،، يلهوااااااااااي هششش يختااااي يختاااااااتي يماااماااااا.
الناس الي في البلد كانوا بيجروا وري القطيع وجنان بتصرخ...
~ في سرايا حمدان الجبلاوي...
حمدان بقلق وقاعد في المنضره،،، اتوخرت جوي يا ولدي!
منصور بهدوء وقاعد جمبه،،،، زمنها جايه يا بوي.
حمدان،،،، استرها يارب.
بره السرايه كانت جنان ركبه عربيه كارو الي بتمشي بحمار وجمبها الشنطه وسنده علي البرسيم الي علي العربيه بتعب شديد،،، ااااه يا صغيره علي المرمطه يا جوجو، الهي القطيع يفطس غنمايه غنمايه اهيييء ركبتي عايزه صيانه.
الراجل وقف العربيه،،، يا ست هانم ياااست هاانم.
جنان بأنتباه،،، هااا نعم.
صاحب العربيه،،، وصلنه يا ست هانم.
جنان ونزلت من علي العربيه بتمهل وشده الشنطه،،، شكرا يا عموا شكرا كنت هلوص من غيرك والله.
اتحركت جنان لقدام لقت السرايه كبيره وفي حرص علي الباب بجلبيب وسلاح.
جنان بأبتسامه،،،، Hello.
جنان لقتهم رفعوا عليها السلاح..
جنان وبتبلع رقها،،، يا حفيظ اي ده.
رجل بصوت خشن،،، انتي مين يا حورمه.
جنان بضغب،،، مين الي حماره دا انتي الي حوومار يا دونكي هه بس، انا بنت الدهشوري اتشتم كدااا طيب اشتمني في ركن بعيد عن الشعععب.
رجل بزعيق للحرس،،،، نزززلوا السلاح دي الي الكبير مستنيها، اتفضلي يا ست هانم.
جنان بترفع رسها بغرور ودخلت قدام الراجل ده.
طلعت علي السلالم ودخلت السرايه وهنا حمدان رحب بيها بفرحه،،، يا مرحبه يا مرحبه.
جنان وبتمثل البكاء،،، يا شيخ دا انا اتمرمط لحد ما وصلت مكنتش خليت حد يستناني حتي كانوا عملوا رياضه معايه اهييييء.
منصور بسخريه،،، لي وانتي اصغيره أياااك!
جنان بضيق،،، ملكش دعوه يا صرصيروا انتي.
منصور بصدمه،،، وه وه وه..
جنان،،، نو نو نو.
منصور بزعيق،،، بتعملي أييي.
جنان وبتحط اديها في خصرها،،، عايز تهوهو وسكتلك و... اي ده في ريحه اكل انا هموت من الجوع.
جنان جريت علي السفره لما شافت الخدامه بترص ألاكل.
جنان وبتنط من الفرحه ،،، الله ملوخيه يااااس، بس فين الرز ولا هنمشيها اورديحي كدت صرصيرو خليهم يجيبوا رز .
منصور وبمسح علي وشه بغضب،،، باينه هيبقي مرااار طافح.
#جنان_في_بيت_صعيدي 🙆🏻♀️.
#الفصل الثالث
منصور بصدمه،،، وه وه وه..
جنان،،، نو نو نو.
منصور بزعيق،،، بتعملي أييي.
جنان وبتحط اديها في خصرها،،، عايز تهوهو وسكتلك و... اي ده في ريحه اكل انا هموت من الجوع.
جنان جريت علي السفره لما شافت الخدامه بترص ألاكل.
جنان وبتنط من الفرحه ،،، الله ملوخيه يااااس، بس فين الرز ولا هنمشيها اورديحي كدا صرصيرو خليهم يجيبوا رز .
منصور وبمسح علي وشه بغضب،،، باينه هيبقي مرااار طافح.
حمدان والده ومشي في اتجاه منصور بأبتسامه واسعه ،،، دمها خفيف بنت الدهشوري بحق وحقيق..
منصور بهدوء مصتنع،،، ايوه يا بوي، اني ماشي اصل ورايه شغل كتير جوي عن ازنك .
حميده والده منصور وهي نزله من علي السلم،،، خبر اي يا ولدي رايح فين وهتهمل الوكل، كول لول وروح شغلك.
جنان ومسكه ورك فرخه وبتاكل،،، ازيك يا طنط اخبارك اي وحشاني جدا جدا احم اسم الجميل اي بقي! .
حميده بصتلها بخنقه،،، خلصي وكل لول.
منصور وبرجع الشمله الي لابسها علي كتفه لوري،،، مجيليش نفس.
جنان ومسكه ورك الفرخه بأيد وبضم صوابع لأيد التانيه بنصيحه لمنصور،،، يااصراصيروا لازم تاكل لحسن شعرك يطير وتبقي اقرع ظلبطه خالص.
حمدان الجبلاوي قعد علي الكرسي ومش مبطل ضحك علي منظر منصور وهو هيتشل من جنان...
منصور وماسك نفسه بالعافيه،،،، مطااافحش معاكي.
جنان بخبث،،، معنك طفحط اطفح انا يا خويه، احسن والله علشان اكل الفرخه كلها لوحدي، روح امشي امشي يلا.
منصور بعند وشد الكرسي وقعد عليه وقال طبق عليه باقي الفرخه وحطها قدامه وبدأ ياكل...
جنان بصوت واطي وبضيق،،، الطفس خد الفرخه كلها كان سبلي الدبوسه طيب.
جنان لحظه ان فيه حد نازل من علي السلم ..
كمال الجبلاوي اخوا حمدان الجبلاوي و ابنه أسماعيل،،،
وه بتاكل من ورانه أكده يا خوي ههههه.
اسماعيل ابن كمال بضحك،،،، ما خلاص بجي نسانه يا بوي.
حمدان بحب،،، وه كيف ده دا انتم حته من كبدي.
جنان بأبتسامه وبتمسح اديها في عمه منصور الي فكرتها منديل لانه فكها،،،، ربنا يديم المحبه يا عموا بس هي القعده لي رجاجيل كدا مفيش ستسوته غيري علي السفره ولا هنا الست بتعمل متش اعتزال!
حمدان وبشاورلها علي اوضه تانيه،،،، هناك الحريم بياكلوا اني سبتك براحتك النهارده محبتش اقومك من علي الوكل.
جنان حست بأحراج وبتسيب عمه منصور بعد ما مسحت اديها ،،، ا اه معلش اصل كنت جعانه وطافست في الاكل بسرعه معلش.
منصور ومش واخد باله انها مسحت في العمه وبيكلمها بسخريه ،،، اطافستي بس، دنتي كان ناقص تكليني.
جنان بتجاهل وبأبتسامه لكمال واسماعيل،،، مش نتعرف علي الحبايب.
كمال بأبتسامه،،، انتي بت مصر مش كدا.
جنان،،، محسوبتك جنان محمد الدهشوري.
اسماعيل،،، واني اسماعيل كمال الجبلاوي ولد عم منصور، وبوي كمال الجبلاوي.
جنان بأبتسامه،،، تشرفت بجد بيكم.
كمال،،، دحنا زادنا شرف، بوكي كان راجل طيب.
جنان بهدوء،، الله يرحمه.
منصور وكان جاي يربط العمه علشان يقوم لقاها متبهدله،،، أي ده اتوسخت كيف دي!
جنان بصت لمنصور بصدمه،،، مش اناااا.
منصور بنبره حاده،،،،، وانتي مفكراني ألاهبل وهصدقك مش أكده.
جنان،،، هو انتي عايزني اقولك اني فكرتها منديل ومسحت فيها علشان تزعقلي يا صرصيرو وربنا منا قايله.
جنان وكانت راحه عند ألاوضه الي شاور عليها والد منصور،،، انا راحه اسلم علي القوم هناك عن اذنكم بقي.
منصور بصلها بغضب وهي مشيت بالخطوه السريعه لهناك،،، اي ده ناقص يا كلني الفشلوا ده.
خبطط جنان وفتحت خدامه ليها الباب دخلت ولقت اربع ستات وبنت صغيره.
جنان بأبتسامه،،، اهلا انا جنان ممكن ادخل.
بنت بمحبه،،، اتفضلي.
جنان شده كرسي السفره وقعدت.
فاطمه بكره شديد،،، شرفتي عيله الجبــلاوي.
جنان بأستغراب لهجتها بس اتكلمت عادي،،، انا زدني شرف يا... ما تعرفواني بنفسكم كدا لحسن انا في المهلبيه خالص هههه.
البنت الصغيره بسرعه،،، اني زينه وخوي منصور وبقولولي مقصوفه الرقبه هههههه.
جنان بضحك،،، هههه شكلك خرباها يا زينه وهنبقي اصحاب اوي اصل انا احبش اقعد دقيقتين علي بعض سكته.
نواره بضحك،،، لقيتي وحده زيك اهون يا زينه هههههه اني نواره مرت اسماعيل ودهين فاطنه اخته لزم.
زينه بسرعه،،، وديت امي حميده ومرات عمي فتحيه.
جنان بحب،،، انا بجد فرحانه اني في وسط عيله جميله كدا.
فاطمه بتاكل ومش بصلها لانها هاين عليها تقتل جنان...
حميده بسخريه،،، متاكي شكلك مكملتيش وكل بره.
جنان وبتشمر درعها،،، طب وربنا منا كسفاكي.
جنان رجعت تاكل معاهم وحميده بصتلها بصدمه بس مكلتش كتير....
فتحيه بهدوء،،، زينه خدي البنيه وريها ألاوضه وخليكي وياها لو عازه حاجه.
زينه قامت بسرعه وطلعت مع جنان..
فاطمه بعد ما جنان خرجت بزعيق،،، اهي جت يا مرت عمــي ومنصووور اكده خيتجوزها صوح واني خلاص أكده معدش ليا عازه.
حميده،،،، لاااه مش هيتجوزها وانتي خابره زين ان منصور بيحبك يا بت وأني هكلم عمك حمدان يشوفله صرفه للبت دي بعيد منصور.
فتحيه بهدوء،،، بس مظنش ان حمدان هيرجع في كلمته يا حميده جوزك كلمته سيف وبتمشي علي رقبه الكل.
فاطمه بدموع،،، يعني أي معني حديتك ده يما خلاااص منصور معيتجوزنيش!؟
فتحيه بهدوء،،، النصيب يا فاطنه يا بنتي.
فوق في اوضه جنان....
جنان وبتخلع الكوتشي،،، اوووف اي ده شكلي كدا والعياذ بالله دوست علي كلب ميت وانا بفلسع من المعيز ولا أي!
زينه بضحك،،، لا وانتي الصادقه دي كلاب مش كلب واحد ارميه بقي ملهوش عازه.
جنان ومسكه الكوتشي بطراطيف صوابعها وحطته علي الشباك بتعها من بره،،، مش عندي غيره دلوقتي هسيبه دلوقتي لحد اما الريحه تروح بقي،،، اااه اليوم كان متعب اوي انا نفسي انامممممم نوم يا ناااس.
زينه بأبتسامه وهي خرجه،،، اسيبك اني يا مرت خوي ترتاحي.
جنان ارتمت علي السرير بتعب وبعدين فتحت عنيها بصدمه ونطط من علي السرير بصدمه،،، هي قااالت مرات اخوها يلهوي هو انا اتجوزززت ولا أي يفضحتك يا جنااان دهيه لكون حااامل لاء لاء لازم اعمل سونار اتأكد.
~ في حي شعبي بالقاهره....
بنت بتنهيده،،، يا جهاااد قومي يا بنتي
جهاد وبتقوم بكسل،،، امممم اهو قومت يا ست دنيا.
دنيا بضحك،،، كتكوت مكسور الجناح والدنيا غدرت بيييه اممممم.
جهاد بضحك وبتشد العطي من عليها،،، صباح الناس الريقه.
دنيا بأبتسامه،،، يلا الحقي صلي بسرعه علشان تلحقي الفطار قبل ما عمار الطفس يخلصه.
جهاد بسرعه،،، لا في دي معاكي حق انتي هتقوليلي.
بعد ربع ساعه كانت جهاد خلصت صلاه وجهزه كتب الجامعه.
علي السفره وعمار بيجري وماسك طبق البيض،،، وربنا يا دنيا ما هتخديه.
دنيا بضيق،،، يا ابن الورمه هات الصحن عيزه اكل اتأخرت علي الشغغغل.
ولدتها من المطبخ،،، مين ابن الورمه يا بنت الورمه هاااا.
دنيا بضحك،،، لا معلش دا لساني عايز قطعه بس.
جهاد بسرعه،،، فييين البيش بالشكشوكه يا ناااس ولا خلص.
دنيا بضيق،،، مع عمار الطفففس اهو.
جهاد بهدوء،،، هات يا عمااار الصحن.
عمار وقاعد ياكل بسرعه،،، لااااء.
دنيا بصت لجهاد وجريوا عليه واخدوه منه.
عمار بضيق،،، بقي كدا ياشويه عيال انا يتاخد مني الصحن وسكت وربنااا لخلص البطاطس.
جهاد بضحك،،، احنا عيال، امال انتي اي يلي بقالك خمس سنين في ثانويه عامه هههههههه.
عمار بضحك،،، عجبتني ألاقامه.
جهاد بجديه،،، مش ناوي بقي تعدي السنه دي!
عمار بضحك،،، مطر اعدي السنه دي علشان اعمل الفرح بقي وعقل كدا ودوز ههههه.
دنيا بزهق،،، انا مش عرفه شرين مستحملاك ازاي.
عمار بضحك،،، بسبب قوه الجاذبيه يااا متعلمه يا بتاعت المدارس.
دنيا،،، انا مشيه علشان متأخرش اصلي النهارده انا الحصه ألاول، وكمان مش عايزه تجيني جلطه بدري بدري انا لسه مدخلتش دنيااا.
عمار بضحك،،، لا متخفيش ما انتي هتتجلطي او تموتي بحصرتك مش عيزك تيأسي مني ابداً.
دنيا شدت شنطتها ومشيت.
جهاد،، دا انتي مصييبه يا عمار.
عمار بحماس،،،،، مش عيزه تعرفي اي الي حصل السنه الي فاتت لما النتيجه ظهرت هههههه.
جهاد بضحك،،، اي الشبشب سلم علي قفاك ولاااااا.
عمار بضحك،،، هحكيلك انا كنت راجع من الشغل و...
فلاااش باااك....
عمار بتعب،،، ماما ألاكل هموووت من الجوع.
والده عمار،،، استني يا واد قولي جبت النتيجه!
عمار،،، نتيجه اي هو انا عملت تحليل اصلا.
ام عمار،،، نتيجه ألامتحان يا موكوس، ياما نفسي يا عمار تنجح وتجيب كدا تسعين في الميه يااااه يا واد يا عمار.
عمار بغمض عينه بفخر،،، متقلقيش هجيب ميه في الميه.
ام عمار،،، انتي بتهظر.
عمار بضحك،،، امال اسيبك تهظري معايه لوحدك حتي ميصحش عيب.
ام عمار،،، طيب مفيش اكل يا عماررر غير لما تجيب النتيجه وعلي فكره ظهههرت ها روح جبها.
عمار بتنهيده،، حاضر.
بعد ربع ساعه طلع ومعاه ورقه ومنشكح اوي.
ام عمار وبتزغرط،،، لووولوووليييي نجحت صححح جبت اي بقي.
عمار بكل فخر،،، جبتلك الكحكه الخمسه انتي كان نفسك فيه في العيد يلا بقي مش حرمك من حاجه.
ام عمار بزعيق،،، يالهوييي سقط يا موكوس يا ابن الموكوس.
عمار،،، طيب لي بتجيبي في سيره اموات المسلمين دلوقتي، يلا الله يرحمه.
ام عمار وخلعت الشبشب،،، دا انا هخليك تتشاهد علي روحك دلوقتي.
بااااااااااااااااااااك.
عمار بضحك،،، وهنا خلتك نزلت عليا لسوعه بشبشب المطبخ واخت علقه مأخدهاش حمار في مطلع.
جهاد بضحك شديد،،، مش قدره دا انتي مشكله مشكلللله يا عمار.
عمار وبنده علي امه،،، ماما عملتي السندوتشات هتأخر علي التابور.
هنا جهاد فطست ضحك علي ابن خالتها الي هو اكبر منها بسنه واخوها في الرضاعه.....
جهاد فطرت بسرعه ونزلت علشان تروح الجامعه
~في بيت زهره...
حسام كان بلبس البدله دخلت زهره بسرعه،،، حوووسااااام.
حسام بخضه،،، في اي ياااا زهره.
زهره،،،، احم مفيش ممكن تديني الكرنيهات علشان عندي دكتور غلس اول محاضره.
حسام بشلل،،،، يا بنت الللللل وانا الي بقول حد تعبان!
زهره،،، يوووووه اخلص ياااض وربنا اخلي ابوك يفوق عليك، البنت زمنها مستنياني هتصغرني اودمها يا سونه.
حسام بجديه،،، امشي يا زهره.
زهره بضيق وبتخبط برجليها في ألارض،،، حساااااام هات الكرنيهاااات بقي.
حسام بغضب،،، مفيييش زفت وطلعي بره وحسابك لما ارجعععع ازاي تكلميني كدا برررره.
زهره بعياط،،، بتزعقلي يا ابن روحيه زعقلي زعقلي هو انتي اصلا بتعتبرني اختك منا اللقيطه الي لقتوها علي باب الجامع صحححح.
جت زهره تخرج حسام مسكها من درعها،،، جتك شكه خلاص متعيطيش خدي اهي الكرنهات.
زهره مسحت دموعها وخدت الكرنهات،،، ناس مبتجيش غير بالعين البني، عيل رزل اصلا ومش تكلمني خااالص وسع كدا اه وخاصم لمده ساعتين لا انتي اخويه ولا اعرفك اناااا انااا تزعقلي يا ابن روحيه مااااشي.
مشيت زهره ونزلت.
حسام وبمسح وشه وبحاول يكون هادي،،، مني لله، ازاي تصعب عليا بنت روحيه وربنا اما تيجي.
~ قدام باب الجامعه...
جهاد وقفه وبتتلفت حوليها وفجأه لقت زهره بتخضها من ورا،،، بخخخخ.
جهاد بتنهيده سريعه،،، قطعتي خلفي.
زهره وبتديها الكرنيه،،، خدي يا ستي الكارنيه اهو، يكش يطمر فيكي وتغششيني بقي في الامتحانات هههههه.
جهاد بسخريه،،، دا لما تشوفي حلمه ودنك.
زهره بصدمه،،، يا غدااااره بقي كدا وانا الي فكرتك صحبتيييي!
جهاد،،، منا صحبتك وعلشان خيفه علي مصلحتك هخليكي تذكري وتنجحي يا زهره في الماده دي.
زهره،،، سلااامو عليكوا، ااااه يا قلبي انقسم نصين من الوجععع.
جهاد بضحك،،، يا بت هنزاكر سوه بعد المحاضره في البريك هاااا.
زهره،،، لله ألامر وقعت يا حنفي محدش سمي عليك، بس وربنا لاكل مش هنذاكر أورديحي كدا اه بقولك اهو.
جهاد،،، لا طبعاً لازم ناكل ونعبي التانك امال اييييي.
زهره بجديه مصتنعه،،، عنتره هيا للجهاد، ورانا حرب مع حوسه، ورغم العذاب الذهني سأحاول الصمود علي رجلايه ويااااحلمممم بعيد جايز فيوم والعياذ بالله يبقي أكييييد.
جهاد بضحك،،،، وربنا مجنووونه.
زهره بضحك،،، منا قولتلك قبل كدا مفيش احلا من الجنان، يلا علشان حسام مستحلفلي ههههه.
~ مر الوقت وكانت جنان نيمه بتعب بس صحيت علي صوت الموبيل....
جنان بصت في الساعه لقتها 5 ،،، يااااه انا نمت دا كله، الووو.
زهره بزعيق،،، دا كله علشان تردي يااااا صبونه من غير ريحه يا الي بقالك سنتين معفنه في صفيحه يا.....
جنان بنعاس،،، بس بس كفايه ردح لحد كدا دنا نفسيتي بتسوء من غير رخصه اعاااء شلال احزان.
زهره بملل،،، اخلصي مالك يا شلل.
جنان،،، اسكتي يا هرهر مش انا اتجوزت.
زهره بصدمه،،، بتقولي اي يا جنااان انتي اتهبلتي ولا أي.
جنان،،، ومش بس كدا وحتمال اكون حاااامل العرض ساري لفتره محدوده نرجوا من سيادتكم القدوم لاجراء بعض الحلول قبل موعد القتل والله المستعان.
زهره وجابت اخرها،،،، جنااان انتي بتخرفي تقولي اي ازاي ده اعترفي احسنلك لبلغ عنك بوليس الاداب.
جنان،،، وربنا يختي معرف اخت منصور بتقولي يا مرات اخويه والله يا زهره انا معملت حاجه خالص مالص.
زهره،،،، يا بت ومش فهمه بعد الكلمه دي ان عموا عايز يقضي علي مستقبل أبنه ولبسه مصيبه هههههه.
جنان بغيظ،،، قصدك اي يا بنت روحيه.
زهره بمحلسه،،، قصدي انتي فهماه يا جوجو وبعدين الواد هيعلمك الادب هينفع هينفع
جنان،،،، ميييييين ده صراصيرووو دا انا كنت نفخته و و لا معاكي حق الواد جامد اوي يا بت يا هرهر دا عليه بصه ولتقوليش وكله ورث اهله، دا ناقص يفتح دماغي ويخرطني للبط، انا خيفه يا هرهر ما تيجي هنا تونسيني وانا بتخرط.
زهره،،، هههههه اسكتي دا انا فرحاااانه فيكي فرحه ربنا وحده الي يعلمها وياارب يجعله من نصيبك يا بنت الدهشوري ههههههه
جنان كانت هتتكلم بس سمعت صوت جاي من عند الشباك ..
منصور في شباك اوضته بخنقه،،، اي الريحه العفشه دييي.
جنان بسرعه بصت من الشباك لقت منصور...
جنان وبتشيل الكتوشي بسرعه،،، لمؤخذه يا ابوا الصرصير اصل الكتشي كان عايز يشم هوا.
منصور بيعقد حواجبه،،، اطلعيلي بره.
جنان وبتمثل البكاء،،، لي بس هو انا دوستلك علي شنب ولا حاجه.
منصور بنبره جديه وبعض الغضب،،، اسمعي الكلااام عيزك في كلمتين أكده.
منصور وطلع يستناها بره الاوضه...
جنان وبتقفل مع زهره،،،، منك للله يا بنت روحيه دعوتك هتستجاب
زهره بضحك،،، هتوحشيني يا بنت خالتي.
منصور من بره،،، اطلعييييي لكسر الباب علي نفوخك مش نقصاكي انتي كومان!
جنان،،، اقسم بالله لو فكرت تقرب مني يا ابن الجبلاوي او من الباب لكون فتحه كرشك ووخده فيك اعدام مع وقف التنفيذ علشان الحبايب.
منصور وبيحاول يسيطر علي غضبه،،،،، فكراني هخاف منك أياك يا بنت الدهشوري مش اكده لااا فوقي مش منصور الي يخاف من حرمه وطلعي لكسره بحق.
جنان وكانت لبسه هدومها الي جت بيها ونامت بسبب التعب فتحت الباب بسرعه ،،،، عايز اي وبسرعه علشان مش فضيه ورايه كتوشي عايز يتغسل.
منصور وبصلها بجديه شديده وكان ساكت.
جنان وبتبلع رقها،،، في اي يا ابوا الصراصير هتتحول ولا أي اللهم حفظنا.
منصور و...
#جنان_في_بيت_صعيدي 🙆🏻♀️.
الفصل الرابع
جنان،،، اقسم بالله لو فكرت تقرب مني يا ابن الجبلاوي او من الباب لكون فتحه كرشك ووخده فيك اعدام مع وقف التنفيذ علشان الحبايب.
منصور وبيحاول يسيطر علي غضبه،،،،، فكراني هخاف منك أياك يا بنت الدهشوري مش اكده لااا فوقي مش منصور الي يخاف من حرمه وطلعي لكسره بحق.
جنان وكانت لبسه هدومها الي جت بيها ونامت بسبب التعب فتحت الباب بسرعه ،،،، عايز اي وبسرعه علشان مش فضيه ورايه كتوشي عايز يتغسل.
منصور وبصلها بجديه شديده وكان ساكت.
جنان وبتبلع رقها،،، في اي يا ابوا الصراصير هتتحول ولا أي اللهم حفظنا.
منصور بجديه،،، عايزك تركزي معايه أكده وتفتحيلي مخك النور ده.
جنان،،، طيب فتحته اتفضل بس معندناش بن في شاي بتهيألي.
منصور بغضب،،، بت انتيييي جنااان مش عايز جنااان.
جنان بضيق،،، خلاص امشي لو مش عايزني اي وقفان الحال ده يا فتاح يا عليم يا رزاق يا كريم.
منصور بصلها بغضب وكان ساكت.
جنان بتنهيده،،، ايوه وبعدين.
منصور وقرب منها شويه،،، شوفي يا بت الدهشوري اني لا رايدك ولا عايز اشوف خلقتك دي بس بوي عايز يجوزني ليكي وكلمت بوي متنزلش الارض فجاي اكده علشان ارسيكي هتعملي أي.
جنان بسخريه،،، استني بس يا ابو الصراصير من قالك اني هوافق اصلا علي جوازه زي دي، ومين كمان أنتَ توء توء استحاله اوافق.
منصور،،،، حلو قوي أكده.
جنان بصتله بأبتسامه خبيثه،،، بس برضوا محبش اكسر كلام عموا حموده وهوافق.
منصور،،،،، يبقي نتفق احنا التنين علي حل هيرضيكي ويرضيني.
جنان،، ولي هو أي!
منصور،،، بوي قال انك اول ما تتمي السن الجانوني وتستلمي املاكك كدا يبقي حققك في جيبك وعمك مش هيقدر يهوب نوحيكي ودي فيها حوالي سنه ونص اكده احنا نتجوز بس يبقي علي ورق واني هعتبرك زي زينه اختي، واني علشان يكون في علمك بحب بت عمي جوي يعني اني حر وانتي حره وعيه الحديت زين!
جنان بتوهان،،، اي الفلم الهندي ده، بس ادامه زي الاخوات وكل واحد حر خلاص اتفقنه.
منصور،،،، حلو اكده بس اياكي حد يعرف يا ام المصايب انتي.
جنان،،، شكراً علي ثقتك الغاليه... جنان قفلت الباب ورجعت اتصلت علي زهره وحكتلها كل حاجه بالحرف....
~ في اوضه حمدان الجبلاوي....
حميده وبتحك رجل جوزها بالحجر ودي عوايد عندهم،،،، جري اي يا حمدان، عايز تجوز منصور لبت البندر الغريبه دي، وخوووك يقول أي عنا!
حمدان بأسترخاء تام،،، خوي خابر زين وصيه محمد الدهشوري الي موصيني علي بته ومحدش يقدر يهوب نوحيها وهي تحت جناح منصور، الواحد مش ضامن عمره يا حميده ودي أمانه.
حميده بضيق،،، يعني ملقيش غير منصور يا حمدان ما ك....
حمدان بجديته،،،، خبر اي يا حميده عيل اصغير اني اياك علشان ارجع في كلمتي وان كان علي بت اخويه اني هنقلها زين شباب البلد دي بنت الغالي وزي بتي كومان.
حميده بغيظ مدفون،،، الي تشوفه يا حمدان.
~ في الجنينه تحت....
فاطمه وحطه الطرحه علي وشها،،،، يعني اي يا منصور تتجوزها بس مش هتبقي مرتك مفهماش!
منصور ووقف قدمها،،،، جواز علي ورق يا فاطنه وحسك عينك الكلام ده حد يعرفه بوي بكره هيفاتحها وهتوافق وهجوزها وستنه لما تاخد حقها وطلقها.
فاطمه بحزن،،، انتَ عارف يا منصور انتَ عندي بالدنيا كلاتها.
منصور،،، عارف يا فاطنه وانتي غاليه عندي جوي جوي و...
لحظوا ان جنان كانت وقفه في الشباك وسمعت كل حاجه.
جنان وبتبصلهم بهيام،،،، يا نوحي يا نوحي كملوا كملوا اعتبروني مش موجوده اييييح مسم مسم قيس وليلي يا ناس.
منصور بصدمه،،، هو هي ....
جنان،،، هم هن... اي يا عم هتقلب مدرس لغه عربيه، معلش اقتحمت الخصوصيه كنت بنشر الكوتشي بس كملوا.
فاطمه اتكسفت ومشيت بسرعه...
جنان بزعيق،،، يا بت خووودي يا بنت فتحيه يا بت متتكسفيش يتك نصيبه الحق البت يا ابوا الصراصير فلسعت.
منصور،،، كله منك انتي يا أم المصايب.
جنان،،، جري اي يا صراصيروووو مختش بالي انك عامل جو يا عم خلاص حقك عليا هبقي استخبه وري الستاره الدور الجاي مع انها عيبه في حققك لاني مش غريبه يعني اخص مكنش العشم.
دخلت جنان اوضتها ومنصور واقف متنح،،، اه يا بت المجانين!
~ في الحاره الشعبيه....
عمار جاي من شغله الي بشتغله بعد المدرس كا العاده وقعد شويه علي القهوه،،،، ياااض يا كزوزه انتي يااااه كوبايه شاي في التمنينه كدا.
صديق عمار احمد وشد كرسي وقعد جمبه،،، مساء الناس السقطه...
عمار بيبصله بملل،،، عايز اي ياض مني! مش طلبه خنقه علي المسي.
احمد بضحك،،، شكلك رحتلها ومش لقتها صح فلسعتك تاني هههههه.
عمار بزهق،،، لا يا ابو دم شربات عند خالتها انا مش عارف امي محبكا معايه التعليم دا لي يا اخي كاتب كتابي بقالي سنه ومش عارف حتي اكلمها كل شويه عند خالتها دا انا نفسي اشوف خالتها دي مقطعه علينا السكك.
احمد،،، طيب يا عم ما تنجح بقي وتخلصنه منك في ام الحوار ده!
عمار،،، منا خلاص نويت انجح السنادي.
احمد،،، مششش معقول عمار هيذاكر يا جدعااان.
عمار،،، اذاكر مين يا ابن نفيسه هبرشم طبعاً هو احنا بتوع المذكره.
احمد،،، تصدق بالله انك عيل مش نافع ابقي قابلني لو نفعت في حاجه.
عمار،،، اديني العنوان وهقبلك علي طول.
احمد بجديه ومسكه من قميصه،،، شوف ياض انا امك موصياني عليك السنادي يعني هتذاااكر غصب عنك فاااهم.
عمار بصوت مبحوح،،، حاضر بس سيب القميص كرمتي بقت في الحلبسه خالص كدا.
احمد وزقه لوره،،، عيل مش نافع بصحيح، انا بعد الشغل هنذاكر هنا علشان عرفك لو في البيت هتنام.
عمار،،، عفارم عليك يا ابن جهتي فهمني، حماصه مين الواد الي بدقن الي هناك ده!
احمد،،، دا ساكن جديد هنا في الحته بس محترم اوي.
عمار،،، اسكت يا عم دا بدقن تلاقيه ارهابي.
احمد،،، والله انتي الي عايزني اتهيبر عليك، بقولك محترم تقولي ارهابي، وبعدين ما انا عندي دقن اهو ابقي ارهابي.
عمار وبيمثل الصدمه،،، يلهوز يلهوز احمد انتي اتأرهبت امته يا ولاه.
احمد بسخريه ،،،، اصل لقتني فاضي قولت اعمل ارهابي، ياااا شلللل هو حد في علتكم كان متخلف!
عمار بيمثل التفكير،،، يا تري ستي ام امي ولا ام ابويه!
احمد،،،، منك للله يا عمار يا ابن نرجس كشفت راسي ودعيت عليك ربنا يريحني من تخلفك ده.
عمار بضحك،،، ربنا يخليكي للغلابه ياستي بس مينفعش تكشفي راسك هنا في نص القهوه احنا من عيله محافظه.
احمد وبينادي للعامل الي في القهوه،،، كزوووزه هتلي كوبايه كركديه علشان ضغطي علي يا ابني الله يسترك.
كانت دنيا مروحه البيت وبتتكلم في التلفون،،، ايوه يا ماما جبت الحجات اهو بس مجبتش فلفل اصل الراجل غلاه عليا ومعرفتش افاصل معاه لقيتوا هيغلبني وانا دنيا متغلبش ابدا انا طالعه اهـ...
شاب بيرزل علي دنيا،،، دنيااا غدااره يااااه بس حلوه اوي.
دنيا بغيظ وبتلفله،،، ما تتلم يااااعز ولا عيزني المك.
عز وقرب منها،،، ادام انتي الي هتلميني معنديش مانع يا دنياااا اااه قلب...
وهنا لقي شاب واسمه " فاروق " بيشده وضربه بالقلم وقعوا ألارض..
عز بغل ووقف قدام الشخص ده،،، انتَ هتعمل فيها الوحش وربنا منا سيبك.
عز جه يضرب فاروق بس لقاه مسكه من ايده وتناها وري ضهره وهنا قرب من ودنه بكل هدوء،،، عيب لما تعاكس بنات الناس يا محترم عيب ماشي اتقي الله.
فاروق زقه بعيد عنه وعز بصله بغل ومشي..
فاروق مشي ودنيا جريت وراه وهي مسكه كياس الخضار،،، يا اخ يااااعم استني.
فاروق وقف وبص في الارض وغض بصره عنها،،،، نعم!
دنيا بأبتسامه،،، علي فكره كنت هصوت ولم الناس بعد اما ادي عز ابن خالتي علقه محترمه بس شكرا علي القلم دا كان بيرن رنه تسلم أيدك.
فاروق سبها ومشي، بس هي جريت وراه تاني،،، يا عم استنيييي يا اخ.
فاروق وقف بس مش لفلها،،، عايزه أي!
دنيا،،،، علي فكره انتَ طيب ومغرور بس شكراً يا صغنن.
دنيا لفت ومشيت بخبث...
فاروق ويشير لنفسه،،،، انااا صغنن؟!!... كمل طريقه وهو بستغربها بس بسرعه وبعدها عن تفكيره....
~ في الجامعه....
جهاد بتنهيده،،، مش كفايه رغي بقالك ساعه بتتكلمي ولا الي بلعه راديوااا.
زهره،،، طيب يا جوجو أكلمك في وقت لاحق يرجي اغلاق الخط حاليا وسأعاود وصله الرغي ألاااا نهائي بعد قليل سولام.
جهاد بضيق،،، داااا كله رغي يا زهره مش بتفصلي دا التلاجه نفسها بتفصل.
زهره،،، انتي بتغلطي فيه!
جهاد بضيق،،، لا بهذئك بس.
زهره بأبتسامه بلهاء،،،، أذا كان كدا ماشي. يلا نذاكر بقي!.
بتد مرور ساعه الي ربع كان حسام مروح وشاف زهره وهي بتذاكر مع جهاد...
حسام راح نحيتهم،،، السلام عليكم..
جهاد وقفت بأحترام للدكتور بتعها،،، وعليكم السلام يا دكتور.
زهره وهي قعده،،، يااادي ام مفرق الشمل، انجز عايز أي!
حسام بأحراج وغيظ،،، زههههره.
زهره،،، وربنا المعبووود عرفه اسمي اشتهجاه يعني علشان تصدق!
حسام بعيون مليانه غضب،،، طيب يلااا قدامي.
زهره،،، معلش يا اخت جهاد بعض النظره الرمنسيه دي انا ضعفت ولازم اروح كدا كدا مبقاش فاضل غير صفحتين وهخلي حوسه يذاكرهملي.
زهره وبتكمل كلمها وبتمسح علي أفاها من فوق الطرحه،،، مش كدا يا حوسه.
حسام بشر،،، اييوه يا قلب حوسه امال اي دا انتي اخخختي وبعزك هو في احلا من معاذه ألاخوات!؟
جهاد وقفه وكتمه الضحك بالعفيه،،، ههه احم طيب اشوفك بكره يا زهره.
زهره بأسي وهي بتحضن جهاد ،،، طيب ابقي اسألي عليااا ها اسألي يمكن منقدرش نشوف بعض تاني وبجد يا بنتي لقد سوررت وانشكحت بمعرفت سلااامو عليكو.
جهاد ضحكت ومشيت بعد اما وقفت تكس...
حسام وبيجز علي سنانه،،،، ان ما قتلتك و ربيتك من تاني يا زهههره.
زهره وبتبلع رقها،،، لي بس تقتلني انا وحده مستهلش علفكره تاخد فيا اعدام وضيع مستقبلك علشان وحده تفها زي.
حسام بأبتسامه لا تبشر بالخير،،، في طريقه احسن من القتل قدامي علي العربيه.
~ في البيت بعد اما روخو...
زهره طلعت بسرعه ودخلت وجريت علشان تستخبه،،، يارب اممم تحت السرير هتقفش، طيب فوق الدولاب لااء لااء مفقوسه ويلسوعني بالحزام امممم اه لقتها هههه وريني هتلاقيني ازايي ابن روحيه.
حسام طلع علي السلم ووشه مكنش مبشر بالخير...دخل الشقه وقفل الباب بغضب،،،، يااااااا بلوووه انتي فين ياااا زهره اطلعيليييي.
روحيه بضيق من صوت ابنها العلي وكانت بتكلم حد في الموبيل ومعاها جوزها،،، وطي صوتك لاجي اخرسك فاااهم.
حسام بأسي،،، خلاص كدا بقيت المهزء في البيت ده، انتي فين يا زهره بسسس.
زهره من تحت السفره،،، استرها علي عبيدك يارب.
موبيل زهره رن وكانت جهاد فتحت بسرعه علشان متتفضحش وبصوت هامس،،، الوووو.
جهاد بضحك،،، اين صوتك الملعلع يا أخت زوزو.
زهره بضحكه خفيفه،،، صوتي مش هينفعني في الوقت ده أبداَ الوقت بينطبق عليه مقولت اضرب بأيدك محدش هيفيدك.
جهاد،،، كنت بطمن عليكي بس.
زهره وبترفع مفرش السفره وملقتش حد وطلعت وبتنهيده،،،، الحمد الله انا في ألامان.
وهنا لقت سكينه بتتحط علي رقبتها وكان حسام قاعد علي السفره من فوق...
زهره وبتبلع رقها،،، بس مش في الامان قوي يعني الدنيا غرووره يا جهاد يختي.
جهاد،،،، المهم بكره لازم تحضري في كام محضره مهمين متنسيش الدفاتر .
زهره بأسي،،، العلم عند الله بقي لو ربنا اراد يا بنتي هاجي مع اني حسه ان انا والعياذ بالله من كلمت انا يعني ممكن اكون مع دفاتر اعداد انتم السابقون ونحن الاحقون، قسم المرحومين.
جهاد سمعت صوت خالتها بتنادي،،، طيب يا زهرتي سلام علشان خالتوا بتنادي.
زهره،،، مع السلامه ودعيلي ينوبك الثواب يا أخشي.
حسام ونزل من علي السفره براحه ولسه حاطط السكينه علي رقبه زهره،،،، تحبس تموتي ازاي.
زهره،،، الي تشوفه انتَ وضميرك بقي.
حسام موبيله رن ساب السكينه وتكلم بجديه،،، نعم يا حضره العميد.
......
حسام،،، تمام خلاص بأذن الله كله في الميعاد.
.......
حسام،،، في رعايه الله يا فندم.
حسام قفل الخط وملقاش زهره،،، زهرتي يا زهوره يا زازا.
زهره من تحت رخامه المطبخ،،، وربنا منا رده هه.
حسام وفك حزام البنطلون ودخل المطبخ،،، يا سلاااام علي احلا غباء مش موجود في الوجود ومتجمع في كائن بشري غتت اسمه زهره.
زهره وبتبص للحزام بترقب،،، اهدي يا حوسه والله انتي بس الي بتكبر الامور وبتخليها تترعرع.
حسام وجاي علشان يضربها بس نطت بسرعه من علي الرخام لبره،،، استني بس دا انا هترعرع عليكي لحد اما تقولي ان الله حق
زهره وبطنت من مكان لمكان وهو وراها،،، يا عم هو كله ضرب ضرب مفيش مره تفتح نفسي بي شتيمه.
حاتم بتعب من ولاده،،، بااااااااس.
حسام ساب شعر زهره من ايده ووقفوا بأحترام لأبوهم...
روحيه وبتمسح علي وشها بتعب من خلفتها المجنونه،، يارب الهمني الصبر من عندك.
حاتم بتنهيده،،، بكره انا نازل قناه رايح لبنت خالتكم علشان هتكتب كتابها وياريت بقي مرجعش ألاقي البيت حلبه مصارعه شويه هدوء ماااشي.
زهره بتمثل الصدمه وبتخبط علي صدرها،،، يلهوي انتي تعرف عننا كدا دا احنا مليكا يا ولدي، ولا أي يا حسام!
حسام بأبتسامه،،، لاااء... زهره خبطته في جمبه.... ااااه ااه ان شاء الله ربنا مش هيجيب مشاكل وسلملي علي جنان يا بابا وحشتني والله مع انها نفس التخلف بتاع زهره بس والله وحشتني.
زهره بمحلسه وراحت عند والدها،،، ابو حوسه يا حبيب الملايين ما تخدني معاك ألاهي تنستر يارب.
حاتم بملل وداخل أوضته،،، لاااء.
حسام بضحك عليه،،،، مدخلتش عليه ههه اتفقستي يختي هاااهااااه.
زهره راحت عليه وضرته بالبوس في بطنه وحسام مسكها من شعرها وكانوا هيدخلوا في الحرب ألالف في سلسله الحروب المنزليه الي مبنهم بس شافوا حاتم والدهم بصلهم بضيق...
حسام وبمسح علي شعر اخته بحنان،،،، معلش يا زوزو ربنا علي المفتري يختي بكره هخدك افسحك بلا نروح الصعيد قال.
زهره وبتحضنه،،، حبيبي اختك يا فوزي تعاله علشان تذكرلي الصفحتين بقي وربنا لستغل الموقف هههه.
مر اليوم علي الجميع ببهجته وجنونه ومصاااااايبه واتي اايوم الي فيه هيتغير مصير جنان....
زينه اخت منصور بتخبط علي الباب،،، يا جوجووو اصحي يا نضريى.
جنان بنعاس،،، جايه اهو يا مقصوفه الرقبه حاضر.
زينه بضحك،،، حتي انتي يا جوجو ههه بس طلعه منك زي السكر يلا علشان تنزلي...
جنان وبتشد المفرش وبتقوم بتكاسل،،، مش عرفه الساعه 8 مصحيني ابيع لبن دول ولا أي.
جنان دخلت غيرت هدومخا وصلت ومسكت الموبيل وحطت الهاند فري بتسمع مقطع من المحادثات ألانجليزيه بتسليه،،، فتحت الباب وهي بتضرب بأديها في الهوي وكأنها بتضرب حد وراحت نزله بتتزحلق علي سور السلم من اول فوق الكل انصدم من تصرفها وهي ومكنتش شيفه الحشد الي تحت اول ما خدت بلها اختل توازنها ومش فاقت الي وهي بتسلم علي السجادي الي في ألارض لانها وقعت،،، يا مفصلي يانااايمااا.
منصور وبمسح علي وشه بغضب،،، وصلت ام المصايب.
زينه وبتقومها،،،، سلامتك يا جوجو بس أيه الي عملتيه ده!
جنان بأحراج لأن الكل كان متجمع وتنغز زينه،،، كدا يا مقصوفه الرقبه كدا متقوليش ان قوم حنظله في الصاله، احم كنا بنقول اي يا جماعه!
حاتم بضحك،،، تعالي يا جنان هنا.
جنان بفرحه وبتجري عنده،،، عموووا حاتم اعععععع.
حاتم بحنان،،، اخبارك أي يا جنان.
جنان،، الحمد الله بخير يا عموا حاتم امال فين زهره!؟
حاام بضحك،،، لا كفايه انتي هنا يا جنان.
حمدان بهدوء،،، جنان كنت عايز اكلموا أمعاكي في حاجه أكده.
جنان وبتمثل الجهل،، نعم.
حمدان،،، اني جبت خالك اهنه علشان أطلب أيده منك لأبني منصور عارف ان ألاصول مش أكده بس انتي خابره زين الظروف.
حاتم بأبتسامه،،، عداك العيب يا كبير.
حمدان،،، أي قولك يا بنايتي!
جنان بصت لمنصور وبتمثل الكسوف،،، ألي تشوفه يا اونكل حموده.
حمدان بأبتسامه،،، علي خيره الله، اني قولت انك هتكوني بأمان طول ما انتي تحت جناح منصور.
جنان بضحك،،، جري أي يا ابو الصرصير انتَ اتقلبت ذكر اوز ههههه.