شاب فتح باب العربيه وراح يبص علي مكان الخبطه.،،،.Ohhh, No.
زهره،،، اي الواد ده بـهوهو لي انتي عطشان يا اخ.
الشاب بغضب،،،، مااااذا فعلتييي.
زهره بضحك،،، هو اي عصر فجر الاسلام الي وقعت فيه دااا يلا يا ابني ربنا يسهلك.
الشاب بغضب اكبر وبيقرب ،،، واللله مفكراني هسسسسيبك دااا انـ.
زهره قاطعته بقلق،،، وربنا انا غلبااانه، سبني في حالي وخد فيا ثواب تحرير رقبه.
الشاب بشلل،،، العربيييه جديده يا شووز.
زهره بجديه،، ثواني كدا انتَ شكلك كدا هذئتني صح.
الشاب بجديه ممزوجه ببعض الغضب،،، اييوه.
زهره بصراخ،،، يلهواااااي بتحرش بياااا يااابلد يلي مش فيكي راجل يدافع عن ست مسكيينه وحدانيه.
الناس اتلمت والشاب واقف متنح،،، هو في أي.
راجل بزعق،،، جري اي ياااض شكلك كدا عااايز يتعمل معاك القلاشه.
الشاب،،، سوري مش بحبه ممكن مكرونه افضل.
الراجل بسخريه وقبل ما يهجموا عليه يضربوه،،، دا بستظرف بس من عيوني مكرونه وعندنااا.
زهره بصتله بسخريه وبتعدل ترحطها،،، قالي يهزئني وسكتله دنا زهره ام الزهارير اتهزء اشرب بقي يكش تفطس يبعيد.. جياالك يا جوجو.
دخلت جنان العربيه وتحركت....
الشاب بتأوه،،،،، كفاااايه والله انا ما قربت منها هي الي خبطت العربيه حتي بصوااا.
الناس بصت لمكان ما شاورلهم وفعلا كانت الخبطه معلمه.
الناس بصتله بأسف وواحد شده،،، معلش بس ا...
الشاب بسرعه وبيقف وحاطت ايده علي دهره ومنحني نوعاً ما،،، لاء متتأسفوش خلاص بس امشو بقي... اااه لو اشووفك تاني بس هو انا الغدروف جالي تاني ولا اي اااه ياني.
دخل العربيه وقعد استريح شويه وبعدين ساق بهدوء وحاول يتماسك...
اما زهره بتكلم جنان،،، طيب جربي وان شاء الله يوافق منصور.
جنان بقلق،،، خيفه يا هرهر دا مسعور ممكن يهجم عليا يضربني انتي متعرفيش ابو الصراصير قدي دا احنا عشره خمس ايااام فهمه يعني اي بقيت حفظاه زي اسمه، فكري بس اعملها ازاااي!
زهره بزهق،،،، بقولك يا جنان انا مش نقصاكي روحيله وزي ما تيجي تيجي هو يعني الواحد بتعلم ببلاش.
جنان بأسي،،، ياااستي هو عمري بعزقه دا النهارده لما نزلت
وراه بس علشان كنت عيزه اروح الاسطبل اداني بلحه علي نفوخي فتحهولي والله وجعتني ماشي يا ابن حميده مننك لله.
زهره بضحك،،، فتحلك دماغك يا جوجو والله وعملها منصور.
جنان بغرور مزيف،،، علفكره انا الي فتحته علشان التهويه.
زهره،،، هههههه طيب اكلمك لما اخرج بقي علشان نزله.
جنان بلوم،،، علفكره مكلمتنيش امبااارح وزعلانه منك جامد جموده .
زهره بتنهيده،،، والله رنيين وانتي الي قفله.
جنان،،، ولوووو دنك رني علي الفاضي والمليان، الاهتمام مش بنطلب علي فكره ا.... الووو زهره اعاااء زهره ردي قفلتي في وشي يا بنت روحيه وربنا منا مكلماكي لمده ساعتين.... جيالك يا ابو الصرصييير.
~ في بيت عمار...
وا كالعاده دنيا بتاكل بسرعه علشان متتأخرش،،،، يلاااا يا عمار هدني مستنياك كتير.
عمار قاعد عند باب الشقه بزهق،،، يا بنتي انا مستنيكي تخلصي تزغيط في نفسك علشان نمشي.
دنيا بصتله وبتحط اخر معلقه في بوقها،،،وربنا منا مكمله يلا نمشي.
عمار،،،، دنتي لحستي الطبق يا طفسه.
دنيا،،، وسمااااالله عليك وانتَ اي يعني.
عمار،،، انا طفس منا عارف امال هتطلعي لمين غيري.
نرجس بتعدي من قدمهم بملل ،،، ربنا ما يحرمكم من العبط ابداً.
عمار،،، شكرا يا ست الناس، ونتي يلا هتأخر ومش لازم النهارده اتأخر الوليا نغم علينا اول حصه انجزييي كفايه البوكس بتاع امبارح.
دنيا ونزله علي السلم ورا عمار،،،، مش عارف تضرب يا موكوس.
عمار بضحك،،، اسكتي دنا شفت الواد اتخضيت وهو شبه المصران الاعور كدا هههههه.
دنيا،،،، ههههههه.
دنيا ركبت ولا عمار العجله وفي نص الطريق بتغني،،، وعلي العجلا هييييي.
عمار وهو سايق العجله ،،، اتهدي هنتفضح في الشارع مركب بنت اختي ورايا.
دنيا،،، الفراغ يعمل اكتر من كدا.
عمار بتمثيل المحلسه،،، اسكتي دا الواد فاروق عليه بوكس ياااابووي دا شكله هيدلعك اوي معاه يا دنيتي.
دنيا،،، انتَ عمرك ما بتجبلي خبر عدل ابداً.. اااه بقي ولا عليه رزعه قلم علي الوش اي كرباااج نازل علي وش الي بينضرب تفتكر اختك هتجرب الحلويات دي.
عمار بضحك،،،، لا اذا كان علي التجربه فانتي هتبقي حقل التجارب الحمد الله الي بتعمليه فيا وفي الناس هيطلع عليكي يا بنت نرجس.
دنيا وبتضربه علي دهره ،،،، طيب سوق وانت ساكت وحود يمين.
عمار وبغني زي الستات الفلاحين،،، يلي علي الترعااا حود علي الماالح.
دنيا بتغني وراح،،، وهي هييي.
عمار بضحك،،، انتي فيروس نقلتيلي المرض يخروم بيت الكفره انزلي بقي.
دنيا وهر بتنزل من علي العجله،،،، ربنا يخليك للغلابه يلا ربنا معاك وترفع راس مصر وتنجح.
عمار بغمض عينه بتمثيل،،، متخفيش يا مصر وراكي رجاله.
دنيا دخلت بسرعه وعمار كمل عند المدرسه بتاعته ووقف بركن العجله عن عم صبحي،،،، العجله يا عم صبحي الدكان يتسرق انما العجله لااااء دي امانه.
عم صبحي بشلل،،، يا اخي ربنا يحرقها تعبتني انت وعجلتك.
عمار بنص عين قبل ما يدخل ،،،، كدا يا عم صبحي اخص عليك ركنت عجلتي عندك ومتمرش فيك دااا هي بركه المحل..
عم صبحي بتنهيده،،، ربنا يشفيك من العبط يا ابن نرجس.
عمار ماسك الشنطه بأيده وشاف نغم جايه تدخل وهو داخل عمار بنحني نوعاً ما وبفرد اديه قدام باب المدرسه،،، اتفضلي يا مس السيدات اولاً شفتي انا مهذب ازاي.
نغم بصتله ببرود ودخلت.
عمار بسخريه،،، صحيح صنف مش بيجي الي بالعنف علشان يتعدلوا بس دي مش عيزه عنف دي عيزه بندوزر ينزل عليها وتشوووو يفتح ن.... احم هو انتي وقفه من امتي.
نغم وبصتله بغيظ،،،، من ساعه تشوووو دي.
عمار،،،، لاااء متفهميش غلط دي انا كنت بنشل علي دبانه هنا اااه امال اي.
نغم،،، ورااااايه وعلشان اعرفك تنشل صح.
عمار بأسي،،، كانت مستخبيالك نغم دي فين يا ابن نرجس هو الي بنعمله في الناااس بطلع علينا ولا ايييي.
نغم بزعيق،،، اتحرررك.
عمار بسرعه،،، جااااي يا ابلتي قصدي يا مس.
~ في الجامعه....
جهاد وقعده في المدرج بتركيز وزهره نيمه علي البنش وبهمس،،، زهههره اصحي يا بااات.
زهره وبتنفض دراعها،،، سبيني بقي هو الواحد مش عارف يريح ساعه علي بعض هششش بقي اسكتي.
جهاد بزعيق،،،، زهراااااااه.
زهره فتحت عنيها بسرعه والكل بصلهم.
الدكتور،،، هووو في اي!
زهره بسرعه،،، لااا اصل كان في فيي اه في فار عدا من جمبي وبتحظرني .
المدرج اتجلب والكل قعد علي البنش من فوق بخوف وحاله من الفوضي.
الدكتور،،، باااااس بقي اقعدوااا.
الكل قاعد وبتلفت يمين وشمال.
جهاد بضيق وبهمس،،، وربنا منا سكته علي الي بتعمليه دا.
زهره بهمس،،، لي عملتلك عمل سفلي ولا اكنش اكلت السندوتشات بتاعتك يخشي.
جهاد بغموض،،، هتعرفي.
زهره بشك وبنص عين،،، مش مستريحالك لما بتقلبي كنت عملت اي في دنيتي علشان تطلعيلي يا عنتر.
جهاد سكتت وكملت المحاضره وزهره بصه للدكتور وبتهز رسها وهي ولا فهمه حاجه.
طلعت من الحاضره وجهاد سكته.
زهره بتبصلها وبتاخد قطمه من الاكل وتتكلم،،، سكته لي القطه كلت لسانك.
جهاد بصتلها ببرود وسكته...
زهره بنرفزه،،، ما ترده كنت عشمتك بالجواز و غدرت بيكي وسبتك!.
جهاد بصتلها ببرود وسكته تاني.....
زهره،،، تخدي حته طيب دا الحووشي جميل خدي حته بس انا عندي برد وتعبانه خدي خدي.
جهاد ضحكت غصب عنها...
زهره،،،، ههههه لا اصل انا ام الكرم علي فكره.
جهاد،،، علي فكره مش هكلمك.
زهره بملل،،، امال انتي بتعملي اي دلوقتي بتكلمي انثي السيد قشطه.
حسام جه وكان بتكلم في الموبيل وبشاور لزهره تجيله.
زهره بتمثيل،،، عن ازنك يا اخت جهاد اشوف الواد ليقتلني ورجعالك.
جهاد بحسم،،،،،، لااا انا لازم اكلمه المره دي والله منا سكته وسعي كدااا.
جهاد راحت عند حسام وزهره بتجري وراها بقلق،،، جري اي يا عنتر اهدا بس يا راجل يوووه.
جهاد بحسم ووقفت قدامه،،، دكتوور حسام عيزاك في كلمه لو سمحت.
حسام نها المكالمه وبهدوء مع ابتسامه هديه،،، خير يا جهاد.
جهاد بجديه،،، زهره يا دكتور حسام مش بتركز خالص في المحاضرات وبتنام وبصراحه بقي لازم تشد عليها شويه مش ينفع كدا.
زهره بجديه عكس شخصيتها،،، والله انا حره.
حسام بجديه مع نبره حاده لزهره،،، لااا يا زهره جهاد معاها حق انتيييي مهمله جدا ودا ميصحش علي فكره لازم تنتبهي لمحضراتك.
جهاد،،، ايييوه بالظبط كدااا يا دكتور فهمهااا.
زهره بزعيق قبل ما تمشي،،، انت بتزعقلي يا حسام علشان جهاد اشتكتلك طااااايب زعق براااحتك انا مشيه ومتكلمنيش تاااني يا جهاد انتي فاااهمه وسعوا كدااا.
زهره مشيت بغضب وجهاد اتصدمت من تصرفها ده وحست انها هتعيط وكانت سكته..
حسام بتنهيده،،، معلش يا جهاد دماغ زهره كدا والله هترجع تكلمك زي الهبله اختي وعارفها.
جهاد بزعل ودمعها في عنيها طلعت كشكول زهره من شنطتها ومشيت،،، اديها دا يا دكتور عن ازنك.
حسام ماسك الكشكول وببص لجهاد الي مشيت بسرعه بزعل عليها،،، منك لله يا زهره علطول كسفاني وجيبالي مصايب.
حسام جه يركب عربيته علشان يروح اتفاجئ بزهره الي طلعتله من الكرسي الخلفي،،،، انا عارف انك في يوم هتقطعيلي الخلف هو انا مش صلحتلك عربيتك عيزه اي منيي ووسعي علشان زعلان منك.
زهره بزعل وكانت بتعيط زي الاطفال ،،،، حسام هو انتي في يوم ممكن متكلمنيش وتزعقلي وتطردني من بيتك لما تتجوز يا ابن روحيه.
حسام وتحرك بجسمه وقعد في الكرسي الخلفي،،،، لي بتقولي كدا بس وبعدين يا زهره انتي الي عملتيه غلط وتنرفزتي وزعلتي جهاد منك كمان دا يصح.
زهره بغيظ،،، منتي زعقتلي علشانها جهااد ولا انا يعني هااا.
حسام بضحكه خفيفه،،، يا بنتي لو انتي مش اختي كنت قولت انك مراتي وبتغيري عليا.
زهره بجديه،،، بس انا فعلا بغير يا حسام مش عيزاك تسمع كلام حد غيري ولا تكلم بنت غيري يا حسام.
حسام بصدمه،،، لاااا بقي انا كدا هشك فيكي.
زهره بتنهيده ،،، بغير عليك غيره اخويه يا اخي متخليش دماغك تحدف شمال، انت عارف رغم اني بديك علي دماغك وبطلع عنيك وبنكد عليك عشتك بس مش متخيله انك ممكن حبك لجهاد يعميك وتنساني يا حسام.
حسام بصدمه،،، جهاد اي مين قال اني ب...
زهره وبتمسح اثر دموعها،،، عليا يا ابن روحيه منتي مبارح كل شويه قارفني هي جهاد وافقت علي العريس طيب هي بتحبه لحد اما ورمتلي نفوخي، هو الحب مش عيب علي فكره ولا حرام بس اوعي تنساني بس وكمان مش تزعقلي قدمها انا ازعقلك ماشي انت لاااء انا برستيجي بيقع علي فكره.
حسام بضحك وبيضم اخته لي،،، مش عارف ازاي اخلص من لسانك ده بس عمري في حياتي ما اقدر انساكي ابدااااا.
زهره وبترفع رسها لحسام،،، بتحبني قد اي يا حسام.
حسام بهبل زي اخته،،، قد المحيط الهادي يا زهره.
زهره بضيق،،،، ايييوه قول كدا بقي انك مبتحبنيش.
حسام،،،، امال اقول اي يختي.
زهره،،، مفروض تقول قد الدنيا كلها والكواكب والمجرات.
حسام،،، قومي يا بت اطلعي من العربيه.
زهره،،،، انت بتقولي بت ورنا لنفخك يا ابن روحيه.
حسام وبيفك الحزام،،، انا الي هنفخك استني.
زهره طلعت تجري.
حسام بتنهيده،،،، اااه قلب الاخ بقي
~ 💥في سرايا حمدان الجبلاوي 💥~
جنان كانت بتلبس درس ونزلت عند حمدان في المنضره،،، عموا حمدان ممكن اقعد معاك شويه ونتناقش مناقشه موضوعيه بنائه.
حمدان بأبتسامه،،، قولي يا بنت الغالي.
جنان بهدوء مزيف،،،، انت عارف يا عموا اني يتيمه ومليش حد غيرك بعد ربنا.
حمدان بجديه،،، هو منصور زعلك دا اني ه...
جنان بسرعه،،، لاااااا والله دا طيب وكيوت بتسلي عليه سبهولي ده انا بس كنت عيزه اشتغل وهو مش هيرضه وعرفاك مش هتزعلني طبعاً.
حمدان بجديه،،، كيف ده تشتغلي لي هو اني امقصر معاكي في حاجه.
جنان بتنهيده،،، ابداً والله بس انا مش متعوده علي القعده وبصراحه مفيش غيرك هيقدر يسمعني في البيت ده.
حمدان بجديه،،، بسي كل الشغلين رجاله ومفيش حرمه تشتغل وسط رجاله.
جنان بسرعه،، لاااء منا هدني لزقه ومتبته في منصور وهو افك شويه من قعده البيت وتفرج علي البلد ( وبتمثل البرائه) وانا صدقني هقعد سكته وهاديه.
حمدان،،، والله اني ماحببش روحتك الديوان ابداً.
جنان ببرائه،،، علشااان خطري بالله عليك دنا بقول انك هتقف جمبي.
حمدان بتأثر،،، طيب بس تبقي ويا منصور متبعديش عنه وتخليكي في مكتبه متتحركيش واصل.
جنان بابتسامه وخبث،،، حا..ضر.
حمدان ناده واحد جاله بسرعه،،، نعم يا كبير.
حمدان بجديه،،، تاخد ستك توديها الديوان وتخلي بالك منها.
جنان بشلل وفي سرها،،، ستو انا ستو دا اكبر من جدي.
الحارس باحترام،،، اتفضلي يا ست هانم.
جنان مشيت وبتكلم نفسها،، انا ابقاااا ستو يا حول الله لاء انا لازم اشتري المسكات شكلي عجزت ولا اي.
جنان ركبت عربيه والحارس قعد في الكرسي الامامي جمب السواق وطلعوا علي الديوان بسرعه لانه مكنش بعيد اوي عن السرايا.
عند منصور كان بكلم عامل بزعيق،،،، كيييف ده اني خابر انكم معتشتغلوووش زي النااس.
العامل بجديه،، يا كبير لازم نجيب حد في الحسابات اكده الشغل هيتعطل والمصالح هتقف.
منصور بهمجه معتاده،،، منتوا الي مش دايرين بااالكم من شغلكم و... (بصدمه) جنان اي الي جابك اهنه.
جنان وبتلف تخرج،،،، لمؤخذه شكلي جيت في وقت مش مناسب سلاامو عليكو.
منصور بزعيق،،، خدي هنااااا.
جنان بتمثيل البكاء،،، والله انا ما عملت حاجه والله العظيم واللله.
منصور وبزعق في الموجودين،،، اطلعواااا بره.
جنان بتجري علشان تخرج منصور جبها من افاها،،، لاااه انتي تدنك اهنه.
جنان بضم شفايفها بأسي،، انا عرفه ان اليوم ده مش هيعدي من غير ضرب انا عاارفه.
منصور بجديه شديده بعد ما خرجوا،،،، اي الي جابك وتكلمي طوااالي علشان اني علي اخري.
جنان وجت تخرج،، خلاص وقت ما تبقي فاضي شكلك مشغول معطلكش سلام...
منصور وشدها من درعها،،، اترزعي اقعدي فهميني اي الي جاابك.
جنان،،، هقول بس مش تتزرزر عليا ماشي وعلي فككره عموا حمدان عارف يعني لووو ضربت والله لقوله معايه الرقم بتاعه اخته من السواق احتساباً للمعارك والمشاحنات الي هتحصل دلوقتي.
منصور بخنقه،،،، انجزييي.
جنان،،،، منا جيالك في الكلام يا راجل يوه انت مش صبور.
منصور بسخريه،،، امال اي يا ست ابوها.
جنان،،،، بص بقي وبلا خوف وبصرااااحه انا جايه اشتغل معاك يا منصووور.
منصور وقف وجنان وقفت بسرعه،،، اي غلط انا كان مفروض امهد للموضوع سابقاً صح.
منصور قرب منها بشده،،، سمعيني قولتي اي اكده.
جنان بخوف،،، م م.....
منصور بزعيق فجأه،،، انطقييييييي.
جنان بتمثل البكاء عيزه تهرب منه،،، زعقلي يا ابن حميده زعقلي عااااااااااااه.
منصور،،،، اكتمي ومفيش حريم تشتغل اهنه انتي اتجننتي ايااك..
جنان بتوسل،، بالله يا منصور والله ما هطلع وهدني جمبك علي طول والي تقوله هنفذه هاااا اقتنعت ولا مدخلتش عليك ولا اي!
منصور،، لاااه.
جنان بضيق وقعده علي الكرسي،،،، اطلبلي زبادي خلاط علشان انا ممكن بص هو كدا ااااه يا فرستي.
الباب خبط ومنصور بصلها بتحزير،،، اياكي تتحركي لقتلك والله اعملها.
جنان بزهق،، اديني مرزيه قعده اهووو.
منصور وقف علي الباب مرضيش يدخل الراجل جوه.. قفل الباب ودخل وحط ظرف قدامه.
جنان بفضول،، اي دا يا منصور.
منصور،،،، ده ورق الطلاق.
جنان فتحت عنيها بصدمه،،، بتقول اي هطلقني ياااامنصووور.
منصور،،، جبته علشان لما تخدي حقك تمضي ونخلص هي هتفرق يعني.
جنان وبتمثل الا مبالاه،،،، لا ولا فرقه معايه يعني ولا حاجه اصلا ....
وسكتوا ومنصور بدخل الورق الخزنه...
جنان بسرعه،،،، بس اي الي خلاك تجيبوه دلوقتي انا لازم اعرف يعني بقي.
منصور كان هيرد بس الموبيل رن ومنصور كان بتكلم بفرحه،،، اني جاي دلوك.
منصور قفل بفرحه ومسك جنان من اديها ونكانوا خرجين.
جنان بتكلم نفسها،،، لا دا كدا يبقي بيحبني ايوه بيحبني.
ركب العربيه وبتحرك بسرعه...
جنان بفرحه لفرحه منصور،،،، هو في اي يا منصور.
منصور،،، هتعرفي دلوك.
بعد دقايق وصلوا السرايا ومنصور وجنان دخلوا بسرعه.
وهنا جنان وقفة متنحه ومصدومه من الي شافته نسخه تبك الاصل من منصور قاعد علي الكرسي.
منصور وبيجري عليه وبيضمه بحب شديد،،، كييييفك يا زين.
زين بتألم،،، ااااه مش اوي كدا دنا اترنيت علقه يا جدع.
منصور بخضه،،، مالك يا زين حد كلمك دا اني امحيه من علي وش الارض.
زين بغيظ،،، بنت انما اي عايز بس شومه ونزل علي دمغهااا يااناري منها يا منصور دنا اتخرشمت خرشمه.
منصور،،، وه حرمه تضربك يا زييين.
زين،، لا يا منصور دي لمت عليا الناس وقااال اي بتحرش بيها يا اخي دي عيزه تضرب ضرب اااه سندني بس اصل مش قادر منك للله منك لله.
جنان ولسه متنحه وبتكلم حمدان،،، هو الي انا شيفاه بجد ولا البيت ده معموله عمل سفلي.
جنان بصت بصدمه لزين،،،، هو الي انا شيفاه بجد ولا البيت ده معموله عمل سفلي.
نواره بأبتسامه وكانت وقفه جمب جنان،،، ده زين اخو منصور التوئم يا جنه.
جنان بهمس لنفسها،،، ااااه فهمت ابو الصرصير بس الجزء التاني.
زين وساند علي منصور وهو واقف وبصوت تمثيل البكاء،،، اسكت يا منصور اخوك اتعمل معاه القلاشه والمكرونه.
منصور بعدم فهم،،، وه هو اي ده يا زين، اقعد بس اكده وستريح.
زين قعد والكل حوليه،،، صحيح فين مراتك.
جنان بترفع اديها لفوق،،، اناااا اهو يا باشا منصور نمبر تو.
زين بضحك وهمس لمنصور،،، دي فعلا بينها هبله زي ما قولتلي.
منصور بهمس،،، هو انت لسه شوت هبل دي تقصف العمر اي والله.
جنان راحت ناحيه زين ومنصور،،، ازيك يا زين.
زين بهمس سريع لمنصور ،،، ما هي عقله اهي.. احم الله يسلمك يا جنان.
جنان باستغراب،،، انت تعرف اسمي ازاي لاااااء الواد دا مكشوف عنه الحجاب يا جماعه يااا ارض احرسي ما عليكي هو انتم بتقدروا تشوفوا العفريت.
منصور بهمس ليه،،، اهوت الهبل اشتغل .
زين بضحك،،، عفريت اي يا جنان منصور كان بكلمني علطول عنك.
منصور بص لخوه بغيظ...
زين بتوتر وبيكلم منصور،،، اي هو انا قولت حاجه غلط.
جنان بتبص لمنصور بخبث وبتحرك اديها زي الاطفال،،، لاااا مغلطش بس العصفوره مقلتليش انها بتجيب في سرتي اخص عليكي يا عصفوره.
هنا الكل ضحك بحب ما عدا البعض منهم....
زين،،، يا خرااابي عليكي يا جنان دنتي عسل جداً.
منصور ضرب اخوه في كتغه بغضب،،، زيييين ما تحترم نفسك.
زين بتأوه،،، حرام عليك يا مفتري انت ناوي تكسرلي دراعي السليم كمان خلاص مش عنت هتكلم خالص.
منصور بغيظ،،، ايوه اتخرس احسن.
زين،،،، اهووو اتخرست يا سيدي.
جنان بأستغراب،،، غريبه يا زين ازاي مش بتتكلم زيهم.
حمدان ورد علي جنان،،،، زين بشتغل في بلاد بره وواخد طبعهم بقي.
زين بفخر،،،، انا مترجم عالمي بتكلم 44 لغه.
جنان ىدهشه واعجاب،،،،، احلف كدا احلف قول وربنا ياض يا زييين بتتكلم قد اييييي.
زين بضحك،،، مالك تنحتي لي كدا بس مكنتش جمله تعمل فيكي كدا هههه.
جنان بجديه،،، لا بجد والله ولا بتضحك عليا!
زين بهدوء مع ابتسامته الجميله،،، اه الله انا معظم شغلي بيكون بره بس باجي هنا كام يوم بقضي الاجازات هنا لأن الضغط ببقي كبير عليا، وكمان فرحت ان منصور خلاص لقي نصه الحلو وجيت ابارك مع انها جت متأخر.
منصور بصوت واطي،،، دي نص حو دي دي نص مشكل من مصايب وشلل ومشاكل و...
جنان بهمس لانها سمعته،،، كفايه عرفه وربنا بس متكسفنيش قدامهم برستيجي يا راجل الله.
حمدان بحب،،،، كفايه يا ولدي انك وسطينه دي بالدنيا كلاتها.
كمال عم زين ومنصور،،، دي السرايا نورت برجوعك يا ابن الغالي.
زين بحب،،، ربنا يخليكم ليااا.
اسماعيل بابتسامه،،، والله اتوحشناك جوي يا زين مع ان منصور في خلقتنا علطول هههه بس روحك في السرايا بتعمللها حس.
زين بضحكه هاديه،،، حبيبي يا ابن عمي.
جنان بابتسامه وبتقوم تقف،،،، حيث ان القعده هطول اخش المطبخ اعمل ح...
الكل قاطعها بصوت واحد،،،، لااااااااااااء .
~ اما تحت عند بيت زهره...
زهره بتجري علي السلم وحسام وراها،،،، خلااعااااص والله اسفه فدايه يا اخي الف عربيه.
حسام بشلل وبجري وراها،،، دنااا لسه مصلحها لحقتي يا جلابه المصايب تبوضيهااا.
زهره وبتفتح باب الشقه بالمفتح وتدخل بسرعه وبتقفل وراها بالترباس،،،،، اهدي يا ابو حوسه كدا استهدي بالله بس.
حسام بخبط بشده علي الباب،،،، افتحاااااااااي.
زهره بتندب حظها،،، يا وكستك يا زهره، بالله يا حسام لتهدي كدا هااا ومش تضرب جامد.
حسام من بره بغضب شديد،،، افتحييلي بس يا زهره كداااا وبعدين نتفاااهم علي مزااااااااااج.
زهره،،، ينهار ازرق دنتا اخر مره مزجت فيها كنت هطير صف سناني، يرضيك اختك تركب سنان عوجيزي بسببك يا حسام.
حسام................
زهره بتسأل من وري الباب،،، حسام انت مُت.
حسام...............
زهره،،، طيب لو مُت اديني اماره علشان افتح طيب.
حسام..............
زهره بصت من العين السحريه مش شافت حاجه لسه بتفتح الترباس لقت الباب بتفتح مره وحده وحسام دخل بهمجيه،،،، استلمي بقي الي هيحصلك يا بنت روحيه انتي الي جبتيه لنننفسك.
زهره بتجري في الشقه،،،، ياااا ماما يااا ماااما ياااا مععععاااماااا يا لهوااااي اهداااا ياااض يخربيت الكفره.
حسام ومسكها من البلوزه وقدها بغضب ليه وبصوت واطي ممزوج بالغضب،،،،، انتي لي عيزه تجيبي اجلي عيزه تموتيني مشلووول يا زهره انطقي.
زهره بتوتر شديد،،، ل لاا والله مش بحب اجيب اجلك بس هو الي بيجري ورايه وعايزني اجيبه اعمل اي حظك نحس وبعد لصوت وفضحك في الشقه.
حاتم طلع من اوضته بزعيق،،،، اييي منك ليها مش عارف انام يا شويه بهايم.
زهره بتبص بطرف عنها لحسام،،، شوفت علطول كاسفنا وجايبلنا التهزيئ.
حسام بضيق،،، يا بابا دي ك...
حاتم بعصبيه،،، مش عايز اعرف وكل واحد علي اوضته ومفيش غدا يلاااا بقي انا هعلمكم الادب من اول وجديد يا عيال روحيه.
روحيه من وراه،،، ايوووه يا حج اديهم علي دمغهم.
زهره بهمس لحسام،،، شوف الوليا امك بتحامي لبوك احنا لازم نرفع عليهم قضيه استحواز.
حسام بنفس الهمس،، معاكي حق دي ولا تقوليش جيبانا من الشارع ولا مربيانا سبيل لله في لله .
حاتم بغضب،، يلااا انتم لسا وقفين.
حسام اتنهم ودخل اوضته بضيق نوعاً ما من اخته الي ضيعت هبته خالص وبعد دقايق سمع تخبيط علي الباب.
حسام بتنهيده،،، ادخل.
زهره دخلت بسرعه وقبل ما تقفل بتبص يمين وشمال وبعدين قفلت،،،، حوووساااا حبيب الملايين وحشتني الدققتين دول.
حسام بمسح وشه بغضب وقفل الجهاز الي بشتغل عليه،،،، نعم اي المصيبه الجديده يااااا جلابه المصايب.
زهره طلعت قعده جمبه علي السرير وبتنهيده،،، انا اسفه يا حوسه قلبك طيب صح وهتسامحني اش كدا برضو ولا اي.
حسام بيبصلها بطرف عينه،،،، ايوه يختي تلبسيني مصيبه وتجبيلي التهذيئ وقله القيمه وفي الاخر تضحكي عليا بكلمتين.
زهره بضحك،،، يا ابن روحيه لو مضحكتش عليك هضحك علي مين بس، وبعدين دا انا جايه احكيلك اي الي حصل معايه النهارده.
حساب بفضول،،، هااا هااا احكي.
زهره بقربت اكتر،،، شوف انا كنت سايقه العربيه وخير اللهم اجعله خير يارب لبست في عربيه واحد لا اعرف اصله اي بتكلم لغه معشر قريش وبعدين يتعلم زي الناس عادي المهم واحد متقلب لاحوال الجويه ولما خبط فيه حاولت اني البسه التهمه علشان مش يزعقلي انتي عارف محبش حد يزعقلي ابداً الي انت بس يا حوسه ...
حسام باستمتاع ،،، ها وبعدين.
زهره،،، وعينك ما تشوف الي النور صوت ولميت عليه الناس والواد يعيني اتكوم زي اشوال البطاطس علي الارض يستاهل مفكرني اييي هسكتله.
حسام،،، وبعدين يا جلابه المصايب.
زهره،، ولا حاجه كلمت جوجو ودخلت المحاضره بعدها.
حسام بتذكر،،، زهره هو انتي مش كلمتي جهاد.
زهره بتنهيده زعل،،، لاء هروح اكلمها شكلي زودتها حبتين.
حسام بسخريه،،، حبتين يا زهره.
زهره بتنهيده،،، خلااص يا عم زودتها اوي اما اروح اصالحها.
حسام بابتسامه،، شطوره يا زهره.
زهره بسخريه،،، شطوره اي بتكلم بنت اختك.
حسام وبيجيب كتاب من جمبه وبحدفه علي زهره،،، غوري الزوق مش ينفع مع امثااالك ابداً والله.
زهره خرجت وقبل ما تقفل الباب دخلت رسها،،،، منك لله يا ابن روحيه روح يا اخي وانتي شبك الفسيخه الحمضانه.
~ غي بيت عمار....
دنيا بتعب وبطبطب علي جهاد،،، اي يا بنتي مش كفايه كدا طيب اعيط بدالك شويه ونعمل ورديه بدل ما تتعبي وتفرفري مننا.
نرجس بتنهيده،،، يا بت مالك بس حد زعلك.
جهاد وكانت بتعيط في حضن خالتها،،،، انا والله كنت عيزه مصلحتها بس.
دنيا بسرعه،،، ايييوه مين... ما هو اسم الجاني؟ عللي مع التوضيح
جهاد وكانت هتتكلم لقت الموبيل بيرن وكانت زهره،، ممكن تسبوني شويه بعد ازنكم.
دنيا،، ماشي يا جودي بس لو عاركا انا جهزه جولي يا دنيا بس وسيبي الباقي علي ربنا.
نرجس بتشد بنتها لبره الاوضه،،، اطلعي يتك نصيبه مخلفه بلطجيه علي اخر الزمن ياااا فرحتك يا نرجس بخلفتك الهباب.
دنيا بزهق،،، انا طلعه اهو يا مامت لازم اسمع الاسطوانه المشروخه بتاعت كل يوم دي يا سااتر.
جهاد بعد اما خرجوا فتحت الخط وسكته...
زهره بهدوء،،، عنتره موجود ولا خارج نطاق القبيله.
جهاد سكته بس بتعيط....
زهره بزعل،،، بت غلاص بقي ميبقاش قلبك اسود معلش انا هبله هو في حد بياخد كلاب الاهبل جد طيب.
جهاد........
زهره بنرفزه،،، متردي لاجه امسكك من زماره رقابتك وطلع الزماره دي وزمر بيها والله هدوشك لو مردتيش.
جهاد بضحكه خفيفه من بين عيطها،،، طيب.
زهره بفرحه،،، لووولووولووولي ابو الهول نطق الحمد الله يحيا العدل عيش حريه بطاطس مقليه وهيصاااا.
جهاد وضحكت بشده،،،، ههههههههههههه.
زهره بضحك،،،، ايون كدا اضحكي سامحتيني صح.
جهاد وبتمسح اثر دموعها،،،، مش اوي يعني نص ونص كدا.
زهره،،،،، ونبي يختي.
جهاد بسرعه،،، انتي قولتي اييي.
زهره،،، والله يا جناب البيه ما قولت حاجه.
جهاد بنرفزه،، زهههره انتي حلفتي بالنبي.
زهره،،، اه هو انا عملت حاجه غلط ولا اي اصل انا عرفه نفصي دهيه.
جهاد بتنهيده،، حرام يا زهره تحلفي بالنبي لانه شرك بالله وحده احنا بنعبد رب واحد احد ملوش شريك يعني الحلفان بغير ربنا فهو شرك وببقي اكنك كفرتي والعياذ بالله انطقي الشهاده.
زهره بسرعه،،، اشهد ان لا أله إلا الله وان محمد عبده ورسوله، اول مره اعرف يا جهاد.
جهاد بابتسامه،، المهم انك عرفتي ان حلفانك بالنبي غلط وبرضوا الي بيقول وحيات امك وحيات باباكي وغلاوت ستوا والكلام ده هههه غلط علي فكره ولو حد قال كدا ابقي انصحيه وخدي الثواب.
زهره بابتسامه،،، ماشي يا شيخه عنتره حاضر، احمممم المهم مش زعلانه صح.
جهاد بتنهيده،،،، خلاص مش زعلانه يا زهرتي.
زهره بابتسامه،،،،، الحمد الله يلا بقي تصبحي علي خير اما اخش اريح شويه.
جهاد بشلل من حيوان الكسلان دي،،، زههههره حرام عليكي.
زهره بخضه،،، اي هو الشرع حرم النوم بدري كمااان.
جهاد بزعيق،،، اقفلي يا زهره اقفلي.
زهره وقفلت في وشل جهاد،،، غالي والطلب رخيص اهووو.
دنيا فتحت الباب بصرعه ومسكه المقشه،،،، اي يا جهاد بتزعقي لييي يلااا انها الحرب.
جهاد بتنهيده،،، اطلعي بره سبيني اذاكر مش نقصاكي انتي كمان.
دنيا وبتنزل المقشه علي الارض وبتسند عليها،،،، تصدقي بالله انك ندله.
جهاد وراحت قيمه من علي السرير وطلعت دنيا بره وسده الباب.
دنيا بزعيق،،، ماااشي يا جهاد ماشي الحق عليا اني بعبرك.. هو الواد عمار اتأخر لي كدا يوووه اضرب مين انا دلوقتي اوووف.
اما عمار قاعد مع شرين في الصالون عندهم...
شرين بفرحه ومسكه الموبيل،،، واخيراً حبيبي يا عمار.
عمار بضحك،،،، دا انتي مصلحجيه كبيره اوي لو مش جبتلك الموبيل مكنتيش قولتيلي كلمه عدله دا انتم بوووري منكم بوري.
شرين بتبص لعلبه الهدايه الي عمار جيبها،،، واي دي يا عمار وريني وريني.
عمار بسرعه،،، لا غمضي عينك بقي لان دي المفجأه التقيله بقيييي.
شرين غمضت بسرعه وعمار فتح العلبه،،،، فتحي يا شوشتي.
شرين بشهقه،،،، ينهار ازرق اي دا يا عمار.
عمار،،، جلبيه اطيفه تدفيكي دي جميله اوي يا شوشتي.
شرين بخنقه،،، شوشتك اي بس وزفت اي هو انا امك يا عمار جيبلي جلبيه اطيفه.
عمار بتسأل،،، اي غلط كنت جبتها اطن صح او حرير مش كدا.
شرين بشللل،،،، عمار شوف يا عمار كنت رايح فين انا لسه صغيره علي المرض.
عمار،،، ايوه يختي اختي غرضك مني ورمتيني حاتي الجلبيه خصاره فيكي هاتي انا ماااشي انا راجل اهبل علشان جتلك اصلن.
نوال والده شرين،،،، يوه رايح فين يا عمار!
عمار وطلع يمشي ،،، عن ازنك يا حماتي اصل الجو خنقه هنا انا ماشي.
نوال بلوم لبنتها،،،،، يا بت اعقلي اي الي بتهببه دا.
شرين،،، اسكتي يا ماما دا يخنق دا جيبلي جلبيه بدل ما يجبلي ورد ولا دبايب و....
نوال وبتقوم تمشي من جمبها ،،، عقل فارغ امل فيكي اي بسسس.
اما عمار كان مروح وقابل فاروق الي كان مروح...
فاروق بابتسامه،،، اخبارك اي يا عمار.
تمار بخنقه،،، اسكت يا فرفر يا خويه حاكم انا مصدع ومش طايق الهدوم الي عليا.
لاروق،،، لي بس كدايا عمار وحد الله في قلبك.
عمار بتنهيده،،، لا إله إلي الله، مراتي يا سيدي جايب جلبيه جميله اهي قاالي اي مش عجباها دي طلعت عنيه يا اخي اطلععع من هدومي وامشي سلبوته في الشارع.
فاروق ضحك عليه،،، هههههه اهدي بس كدا هههههه.
عمار بزهق،،، اضحك اضحك هو انت خسران حاجه منا الي شايل الهم فوق دماغي و.... اه صحيح مقولتليش يا فرفر اي مردتش عليا يعني في موضوع اختي ده موافق ولا اي علي فكره انت لو رفضت تبقي خسرت جوهره اه والله من لاخر كدا انا بصراحه عايز اخلص منها دي كرسه متنقله في البيت وافق وانا هديك معاها ضمان لمده سنتين.
فاروق مش مبطل ضحك خالص علي عمار...
عمار باستغراب،،، با حوال الله يارب هو انا بمشي اوزع نكت يا ابني ومعانه نكته بجنيه وخد اتنين وتاخد نكته هديه ههههه مالك يا ابني وربنا هضحك انا كمان كدا ههههه.
فاروق،،،، دا انت فظيع يا عمار اضحك الله سنك.
عمار بابتسامه،،، رغم اني مفهمتش بس شكراً.
فاروق بابتسامه،،، علي فكره انا موافق هي شكلها هتتعبني شويه بس هحاول اني اخد بأديها للطريق الصح.
عمار،،، ينوبك ثواب اااه خدها وريحني.
فاروق،،، طيب قولهم اني موافق وانا هاجي بكره اصل تعبان مضغط الشغل في المستشفي.
عمار بابتسامه،،، ربنا معا يا فرفر.
فاروق،،،، حبيبي يا عمار تسلم عن ازنك بقي علشان متأخرش علي امي.
عمار بابتسامه وبيكلم نفسه،،، بيضالك في القفص يا بنت نرجس ايييح الواد طيب والله ومحترم يا رتني كنت اتأرهبت زيه كدا.
احمد معدي بالعربيه من جمبه،،، بتكلم نفسك يا عبيط حصلني علي القهره بالكتب هتغدا وجيلك.
عمار بضيق،،، روح ربنا يسد نفسك فكرتني لييييي لييي يا بعيد منك لله با ابن نفيسه.
عمار طلع شقتهم بسرعه....
عمار،،،،، ياااا دوووونياااااا.
دنيا وبترمي الكراسه بس جت في عمار،،،،، منكم للله عيال مش نفعه دول عيزين دسته مدرسين علشان يفهمووو بقي السودان في قاره اوروباااا اوربا يا ظلماااا دول شويه وهيغيرواا بلاد العالم بكره اصحي الاقي نفسي في موزمبيق.
عمار وبيحط الكراسه علي السفره،،، يوووه كفايه بقي شلتينا يا شيخه.
دنيا بغيظ ،،،،، سبني في حالي لوربنا اطلق العفريت بتعتي عليك وهخليك تقول يا ناس غتوني ومتلقيش حد ينجدك من تحت ايدي.
عمار بأسي،،،، الله يكون في عونك يا فاروق هتروض الحيوان الشرس دا ازاي!،،، يااااماما يا جهااااد.
نرجس جت من المطبخ ومسكه المعلقه،،، في اي يا موكوس.
عمار،،،، انا جمعتكم علشان اسمعكم اخر الاخبار في نشره البيت ده.
جهاد بملل،،،، انجز بقي.
عمار،،،، خير اللهم اجعله خير يا رب فاروق وافق علي الخطوبه من الديناصور الافريقي وربنا يسترها علي ولايانا.
~💥 في سرايا حمدان الجبلاوي 💥 ~
في اوضه منصور وجنان...
جنان بتنهيده،،، يا منصور ما عموا حمدان وافق اي المشكله بس.
منصور بأعتراض وجاي يخرج،،، ابدااً مهتشتغليش واصل.
جنان و قفته ،،، طيب جربني مش انت قولت لعموا حمدان ان انت محتاج محاسب.
منصور بسخريه،،، وانت يا ست ابوها هتفهمي اياك في المحاسبه!
جنان بفخر،،، دا انا خريجه معهد تمريض دي المحاسبه دي لعبتي بس جربني ومش هتندم.
منصور ونزل،،، لما ارجع هبقي اشوف حل للمصيبه دي مش هتأخر جاي طوالي حاكم اني عارفك مبتسكتيش غير بمصيبه .
جنان بفرحه،،، الحمد الله كدا ضمنت اني هشتغل اممم اما انزل اتمشه شويه تحت.
جنان نزلت وراحت الاسطبل.
جنان لصدمه،،، هراهيروووو لااااء.
محروص،،، خبر اي يا ست هانم.
جنان بغضب،،، والله يا حرموص لشتكيك لعمو حمدان واللله بس هه.
محروص،،، لي بس اكده يا ست هانم اني عملت اي.
جنان بضيق،،، بقي رابط هراهيرو في لارض لي مش مدخله مع لاحصنه لييي دا بتاعي.
محروص بصدمه،،، دا حمار يا ست هانم اي الي هيجيبه جار الخيل بس.
جنان،،،، خرج الحصان ده ودخل هراهيرو هنا جمب شداد وتأكله عدل دا لونه بني اهو زي شداد بالضبط هو ناقص رجل ولا ديل يعني يلا دخله.
محروص بتنهيده،،، امرك يا ست هانم.
جنان بأبتسامه،،، شاطر يا حرموص يلا هم كدا وبكره هاجي اطمن عليه.
كان زين واخته زينه قعدين علي لارض في الجنينه وبيكلوا قصب....
زينه بتأوه،،،، اسناني وجعتني يا زين مقدراش خد قشرلي.
زين،،، انا تعبان ابعدي عني انا بقشر لنفسي بالعافيه.
جنان وبتجري نحيتهم،،،،، خياااانااااااه بتكلوا قصب اففف.
زين بخضه،،، اف اي هو احنا بنتحرش بالقصب ههههه، تعالي كولي دا جميل اوي بس لو سنانك مسعداكي هتصدمي للأخر.
جنان وبتقعد جمبهم،،، لا دا انا اكل الزلط المهم قشرلي بقي.
زينه بضحك،،، ده زي جلته مش بقشر غير لنفسه.
زين،،، كدا يا زينه طيب مين الي مقشرلك الزعزوعه.
زينه،،، اسكت انت علشام مبقوقه منك يا زين.
جنان بتسليه وبتحاول تقشر لنفسها،،، صحيح يا زين انت الاكبر ولا منصور.
زين،،، انا لاكبر بعشر دقايق اصل منصور ماما وهي بتولده كان غلباوي منزلش بسهوله.
جنان بضحك،،، معاك حق هو دا بيتولد طبيعي زي البنئدمين المهم انت ليك تأثير علي منصور صح.
زين بتكبر مصتنع،، امال اي دا انا اقوله الكلمه ينفزها علي طول عيب يا بنتي.
جنان بضحك و خبث،،، يعني لو قولتله يشغلني مش هيديك بلحه تفتح نفوخك.
زين بسخريه مصتنعه،،، مييين ده منصووور ابدا ولا يقدر يعملي حاجه دا انا كنت بصي من لاخر كدا منصور بنسبالي ولا يهز فيا شعره.
جنان بضحك وخبث،،،، واااي كمان اشجيني.
زين وبيكمل،،، دا انا بصي بقي ببصله البصه كدااا اه
والله كدا يحط وشه في لارض احترااام ليا استني
عليا وانا هظبطهولك.
زينه سكته بصدمه وجنان قعده تضحك.
زين باستغراب،،، هو في اي ملكم.
منصور وبشد زين من هدومه ووقفه وبصوت
يخوف،،، سمعني اكده قولت ايييي حبيب اخوك .
زين الي متشعلق من هدومه فتح عينه بصدمه،،،، م من منصووووور.
جنان بضحك،،،،، الفتحه علي روح المرحوم.