🦋بسم الله الرحمن الرحيم🦋
لا إله إلاأنت سبحانك إني كنت من الظالمين
رواية #قلوب حائرة#
بقلمي روز آمين
🦋البارت الحادي والأربعون والأخير 🦋
بعد مرور شهر من واقعة الفيديو !!!!
صباح جديد مٌشرق داخل حديقة فيلا رائف ،،كانت تجلس ثريا وتجاورها منال التي أبدلت من عاداتها اليوميه وأعادت تأهيل نظام حياتها الكٌلي وبدأت بالتقرب من عز وأيضا الإهتمام بأدق تفاصيل أبنائها ومنزلها،،،
وكل ذلك بفضل جلستها الصريحه مع ياسين التي كانت بمثابة صفعة إفاقه لها بعد إعتراف ياسين لها بأنها من دمرت علاقته بليالي،،،،،فقد قررت منذ قدوم عز الصغير أن تذهب يومياً مع زوجها وأبنائها لحضور سفرة الإفطار ببيت رائف،، وذلك جبراً لخاطر تلك الثريا حتي لا تشعر أن منزلها أصبح خاوياً
إلتف الحضور حول المنضدة التي تتواجد عليها جميع أصناف الطعام المٌحببه لدي الجميع وبدأوا بتناول إفطارهم وبدأت منال بسكب مشروب الشاي لزوجها تحت إبتسامتها له،،تناوله منها بإبتسامة حانيه وشكرها،،
نظرت لهما ثريا بقلبٍ سعيد علي ما تراه من بوادر راحه و هدوء علي وجه عز من إهتمام منال به،،،إطمئن داخل ثريا من إتجاة عز وسعدت لتقربه بزوجته ودعت لهما الله أن يؤلف بين قلبيهما ويسعدهما،،،ودعت أيضاً أن يرحم حبيبها الأول والأخير ورجلها الوحيد التي لم تري عيناها سواه طيلة حياتها وحتي موعد مماتها حتي تلتقيه علي خير !!!!
خرجت مليكه وهي تحمل الصغير بوجهٍ بشوش وسعيد تحركت إليهم ،،،أفلت أنس من فوق ساق طارق وجري عليها وأسرع وهو يهتف بسعاده ٠٠٠٠٠عز باشا الصغير صحي !!!
نظر لهٌ الصغير وأشار بيده له بإبتسامتةِ العريضه الجذابه بعيونه الزرقاء الخاطفه للأنفاس ،،،
تحدثت مليكه وهي تنظر إلي أنس٠٠٠٠٠صباح الفل يا أنوس،،صاحي بدري ليه يا قلبي ؟؟
أجابها أنس وهو يتحرك بجانبها بإنتشاء ويداعب أرجل الصغير٠٠٠٠صحيت علشان ألعب مع عز !!
وصلت إليهم قائله بوجةِ بشوش ٠٠٠٠٠صباح الخير !!!
إنتفض قلب ياسين لرؤية طفلهِ البريئ وأيضاً لرؤية مليكتة التي غاب عنها ليلة أمس لمبيته عند ليالي،،،
إرتمي الصغير علي أباه بسعاده وهو يلاغي ويهمهم له ،،إلتقطهٌ ياسين بقلبٍ يتراقص وهو يٌردف٠٠٠٠٠٠يا صباح الفل والورد علي أحلا عيون في الدنيا كلها
وأكمل بدلال وهو يقبلهْ٠٠٠٠٠قلب بابي القمر إللي خلي حياة بابي جنه من وقت ما نورها !!!
ضحك الصغير بسعادة لدلال أبيه لهْ
كانت تشاهد زوجها وهو يٌدلل صغيرهما بسعاده وضعت يدها علي ظهرهِ وتحسسته بحنان قائله٠٠٠٠٠صباح الخير يا ياسين !!!
رفع بصرة إليها بعيون مٌتفحصه لكل إنشٍ بوجهها الصابح وتحدث بحنان٠٠٠٠صباح الفل يا حبيبي !!!
مد عز يده ليلتقط منه الصغير مٌداعباً إياه٠٠٠٠٠حبيب جدو الندل إللي جري علي أبوة الاول !!!
حدثته منال بدعابه٠٠٠٠٠أومال عاوزه يجيلك إنتَ قبل بباه ؟؟
حملت مليكه أنس وقبلته وهي تحدثه ٠٠٠٠فطرت يا حبيبي ؟؟
أجابها بسعادة ٠٠٠٠٠نانا عملتلي الكورن فليكس بتاعي وأكلته وبابي خلاني أكلت بيضه ومش كٌنت حابب بس هو وعدني إني لو أكلتها هيخرجني بكرة أنا وهو وحدنا !!!
ثم نظر إلي ياسين وتحدث٠٠٠٠صح يا بابي ،،مش إنتَ وعدتني ؟؟
إلتقطه ياسين من بين أحضان مليكه وأجلسه فوق ساقيه وتحدث بحب وهو يناوله قطعة توست مغطاة بالعسل ويقربها من فمه ٠٠٠٠٠إكيد طبعاً بس لو حبيبي أكل قطعة التوست دي هحبه أكتر وهخرجه أكتر وأكتر !!!
إبتسم لهٌ الصغير وقضم الطعام بفمه من يد ياسين !!!
نظر لها بحب وحدثها ٠٠٠٠واقفه ليه يا حبيبي أقعدي !!
جلست بجواره ،،نظرت لها منال التي كانت تحتضن الصغير وتقبله بسعادة قائله ٠٠٠٠٠أخدتي ميعاد من دكتور عز علشان تروحيله قبل السفر يا مليكه ؟؟
هزت رأسها بإيماء وأجابت٠٠٠٠٠٠أه يا طنط بكرة إن شاء الله وهروح أنا وليالي !!!
نظر عز إلي مليكه وتسائل٠٠٠٠٠خير ماله حبيب جدو ؟؟
أجابته بطمأنه ٠٠٠٠٠رايح متابعه علشان أسنانه يا عمو !!
نظر طارق إلي ياسين وتحدث بحديث ذات مغذي٠٠٠٠إنتَ ليه ماتفكرش تتدخل في المصالحه الفلسطينيه ولم الشمل يا ياسين ؟؟
نظر لشقيقهِ بإستغراب فأكمل عز حديث طارق ساخراً٠٠٠٠٠والله يا أبني عندك حق،، ما هو اللي يقدر يقنع الضراير يشتركوا في تربية إبنه ويخليهم رايحين جايين مع بعض هما وولادهم مش بعيد إنه يقدر علي الشيطان نفسه !!!
ضحك الجميع وتحدث طارق ٠٠٠٠ده مش بعيد لو أتدخل في مباحثات السلام يخلي إسرائيل تنسحب من الأراضي الفلسطينية وتكتب للفلسطينيين إعتذار كمان،،
ضحكت مليكه وضحك الجميع على خفة ظل عز اللامتناهيه
فتحدثت ثريا٠٠٠٠٠قل أعوذ برب الفلق يا حضرات !!!
حين أكملت منال ٠٠٠٠٠إهدي أنتَ وأبنك كده وسيبوا إبني في حاله،، دأنا ماصدقت الأمور هديت وليالي ربنا هداها ونفسيتها بقت في السما من وقت ما بدأت تهتم بعز الصغير،، وكمان بدأت تحضر تمرينات ولادهم مع بعض هي ومليكه وجيجي
وأكملت بإهتمام وهي تنظر إلي عز ٠٠٠٠٠المهم هنسافر شرم أمتي بالظبط علشان نجهز حالنا ؟؟
أجابها عز ٠٠٠٠٠شوفي إنتي وثريا الوقت المناسب ليكم وأنا وياسين وطارق وعٌمر نظبط أجازاتنا بناءً عليه وأحجزلكم تذاكر الطيران !!!
نظرت منال إلي ثريا وتحدثت٠٠٠٠٠أيه رأيك في بداية الإسبوع يا ثريا بيتهيألي مناسب للكل ؟؟
تنهدت ثريا وظهر الحزن فوق ملامحها وأردفت ٠٠٠٠٠اللي تشوفيه يا منال !!
إنفطر قلب عز حين شاهد ذلك الحزن المرسوم علي وجهها وتسائل٠٠٠٠٠مالك يا ثريا،،،فيه حاجه مزعلاكي ؟؟
نظرت إليه بحزن وأردفت٠٠٠٠٠البنات مش عاوزين يسافروا معانا يا سيادة اللوا ،،يسرا قالتلي إنها مش هينفع تيجي علشان شغل سليم،، مع إن ولادها زعلانين جداً ونفسهم ييجوا معانا زي عوايدهم،،،
ونرمين وأمورها إللي إتلغبطت ومبقتش عارفه جرالها أيه ،،حتي زيارتها ليا لما منعتها وبقت يدوب تكتفي بالتليفونات ،،،لدرجة إنها لما بتوحشني أنا اللي بقيت أروحلها !!!
حزن عز لأجلها ونظر إلي ياسين وطارق اللذان ظهر حزنهما داخل عيناهم وأيضاً مليكه التي كست غشاوة من الدموع لأجل تلك الأم الحزينه قليلة الحظ،،،
نظرت مليكه لزوجها بألم أمسك يدها وربط عليها بحنان
ثم بادر بالحديث وهو ينظر إلي ثريا بحنان٠٠٠٠٠ماتزعليش يا أمي، أنا هكلم يسرا وإعتبريها خلاص مسافرة معانا إن شاء الله
إنفرجت أساريرها قائله بسعادة٠٠٠٠ياريت يا ياسين،، هي بتحبك أوي وبتقتنع بكلامك وأكيد إن شاء الله هتوافق،،،
وأكملت بإنتشاء ٠٠٠٠وكلم نرمين هي كمان وأقنعها يا حبيبي !!!
نظر لأبيه ولطارق وتحدثَ ببرود٠٠٠٠نرمين ما تضغطيش عليها يا أمي،،جايز يكون جوزها مابيرتحش في السفر معانا،،وبعدين نرمين من زمان وهي حابه تبعد فاياريت تسييها علي راحتها !!!
تنهدت بإستسلام قائلة٠٠٠٠٠طب حاول معاها بردوا يا ياسين يمكن تقدر تقنعها هي كمان ؟؟
رد عز رافعاً الحرج عن ياسين ٠٠٠٠أنا هكلمها بنفسي يا ثريا !!
إبتسمت له بسعادة وتحدثت٠٠٠٠متشكرة أوي يا سيادة اللوا،،ربنا يخليك ليهم !!!
إبتسم لأجل سعادة حبيبته وهز لها رأسهٌ بإيماء !!!!
◇◇◇◇◇¤◇◇◇◇◇
بعد مرور إسبوع !!!!
كانت جميع العائله متواجده داخل فيلا بمدينة شرم الشيخ حيث إستأجر عز فيلتان بجانب بعضهما ،،فيلا إلي ثريا ويسرا وزوجها وأطفال رائف
والفيلا الأخري لعائلته ومليكه المٌتواجده بجانب زوجها
كانت مليكه ويسرا وليالي وجيجي تسبحن داخل البول الخاص بالفيلا تحدثت ليالي إلي يسرا بتساؤل٠٠٠٠٠أخبارك أيه مع سليم يا يٌسرا ؟؟
أجابتها يٌسرا بسعادة ٠٠٠٠٠الحمدلله يا ليالي سليم ده هدية ربنا ليا أنا وولادي !!
ردت عليها مليكه٠٠٠٠٠إنتي كمان إنسانه جميله يا يٌسرا وتستاهلي كل حاجه حلوة !!
إبتسمت لها يٌسرا بحنان
نظرت لها جيجي بتساؤل ٠٠٠٠ياتري مبسوطه في أسوان يا يٌسرا وقدرتي تتأقلمي هناك إنتي والولاد ؟؟
أجابتها بإبتسامه٠٠٠٠٠جدااااا يا جيجي،،بجد مش قادرة أقولك علي كم الراحة النفسيه والهدوء اللي موجود في المدينه دي ،،وده طبعاً يرجع لناسها الطيبين وقلوبهم الصافيه إللي بتنشر حواليهم السلام النفسي للجميع !!!!
نظرت ليالي إلي مليكه وتحدثت بإهتمام٠٠٠٠مليكه،، الدوا بتاع عز المفروض يتاخد بعد شويه !!
إبتسمت مليكه وتحدثت ٠٠٠٠٠ياسين عارف الميعاد وهيدهوله يا ليالي !!!!
ردت بإهتمام ٠٠٠٠خلاص أنا هطلع أشوفه وأتأكد أنه فاكر !!
هزت لها رأسها بإيماء وأجابتها ٠٠٠٠٠أوك يا لي لي،،ومعلش أبقي إتأكدي إن طنط منال غيرتله البامبرز !!!!
أمائت لها بإيجاب وخرجت من المسبح حين نظرت يٌسرا إلي مليكه وجيجي وتحدثت بإنبهار٠٠٠٠هي مين إللي خرجت دي يا بنات ؟؟
ضحكتا إثنتيهم وأجابتها جيجي ٠٠٠٠ليكي حق تستغربي طبعاً،، أنا عن نفسي ساعات بقعد متنحه قدامها وقدام تصرفاتها وأبقي مش مصدقه إللي هي بتعمله !!!!
أجابتهم مليكه بحكمه٠٠٠٠٠مستغربين ليه بس،،علي فكرة بقا،، ليالي حد كويس جداً وجواها بذرة طيبه وأصيله لكن كانت تايهه مش لاقيه مرساها ،،،،
والسبب في كدة طريقة نشأتها وتربيتها،،، واللي عقد الأمور أكتر مساندة طنط منال ووقوفها معاها طول الوقت معتقدة إنها بكدة بتحميها،،،لكن للأسف وقوفها ده كان زي السد المنيع اللي ذود الفجوة وبَعد بينها وبين ياسين ،،،،
وأكملت بتفسير٠٠٠٠٠٠٠لكن لما طنط منال بعدت وسابتها منها لياسين،،ياسين قدر يوجها صح وهي أستجابت،،،وده يدل علي معدنها الأصيل ونبتتها الصالحه !!!!
نظرت يٌسرا إلي مليكه وتحدثت بفخر٠٠٠٠٠إنتي إزاي جميله أوي كده يا مليكه،،بحييكي جداً علي التصالح النفسي إللي جواكي ومخليكي واقفه قدامنا تدافعي عن ضرتك وتخلقيلها أعذار !!!
إبتسمت لها وأكملت ٠٠٠٠دي شهادة حق يا يسرا ولازم أقولها !!!
تسائلت يٌسرا بإستفسار٠٠٠٠طب وموضوع هوسها بالشوبنج وعمليات التجميل نسيتها هي كمان ولا أيه ؟؟
ضحكت مليكه وأجابتها٠٠٠٠لا طبعاً مبطلتش،،،لان ده طبع وخلاص إتطبعت بيه ومن المستحيل نسيانه،،، لكن بصراحه خفت عن الاول كتير وأجمل ما في الموضوع إنها قدرت توازن حياتها،،
وأكملت مٌفسرتاً٠٠٠٠٠٠بمعني إنها بتعمل الحاجات إللي بتسعدها وتبث الثقه في نفسها وفي جمالها،،،وفي نفس الوقت بتابع تمرينات ولادها وبتقعد معاهم تشاركهم إهتمامتهم، ،،
ده غير إهتمامها بعز الصغير إللي خلي نفسيتها في السما ،، وكل ده خلي ياسين يبصلها بنظرة تانيه وبقي يعاملها بطريقه مٌرضيه جداً بالنسبالها وده حسن كتير من نفسيتها وأداها ثقه بنفسها بعد ما كانت بدأت تدخل في إكتئاب !!!
بادرت جيجي بسؤال مليكه بإهتمام ٠٠٠٠٠٠بس بصراحه كدة يا مليكه وبدون زعل،،مبتغريش جواكي من فكرة إن فيه ست تانيه بتشاركك جوزك ؟؟
أجابتها بصدق٠٠٠٠أبقي بكذب عليكي لو قولتلك الموضوع عادي ،،،بالعكس،،،، الموضوع صعب جداً بل ومميت علي الأقل بالنسبالي،،، لدرجة إن فيه أيام ياسين بيكون بايت فيها عند ليالي بقضيها طول الليل صاحيه ودموعي علي خدي وبموت من مجرد فكرة إنه مٌمكن يكون نايم جنبها وواخدها في حضنه،،،
وأكملت بيقين وإيمان٠٠٠٠٠لكن برجع أستغفر ربنا وأقوم أتوضي وأصلي وأسأل ربنا الثبات ،،،وأدعيله أنه يقويني علشان أقدر أقف جنب جوزي ونربي ولادنا في جو هادي ومريح،،،وسبحان الله ربنا فعلاً بيربط علي قلبي وبهدي وبقدر إني أكمل
واكملت بتعقل ويقين٠٠٠٠فيه ناس بتتكتب عليهم ظروف معينه ولازم يتقبلوها ويكملوا في طريقهم علشان الدنيا تستمر !
وأكملت بإبتسامة عشق٠٠٠٠٠وبصراحه بقا ياسين راجل يجنن ومفيش زيه،، حنين ورومانسي لأبعد الحدود ،،،
وبيعاملنا إحنا الإتنين بما يرضي الله ومدي لكل واحده حقها فيه كأنها هي لوحدها إللي مراته،،يعني أنا مثلاً عمري ما حسيت إن حقي في ياسين ناقص بالعكس،،، غير بس موضوع إنه بيبات عندها وده مٌمكن نمشيه ونعتبر إنه بيكون عندة شغل مثلا أو مسافر وأهي الدنيا بتمشي !!!
كانت يٌسرا وجيجي تستمعان لها بإحترام وأعجاب علي عقليتها المتزنه وسلامها النفسي والداخلي !!!
أما ليالي التي وقفت تحمل الصغير بحب وسعادة وهي تداعبه وبدورةِ الصغير يهمهم لها بسعاده ممسك بوجهها بحب،،،وذلك بعدما أعتطه الدواء الخاص بتقوية العظام ليساعدة في بروز أنيابه ،،،
إقترب منها ياسين وحاوطها بذراعه بإهتمام وحب قائلاً ٠٠٠٠٠أيه يا حبيبتي منزلتيش المايه ليه ؟؟
أجابته بسعادة وهي تهدهد الصغير ٠٠٠٠٠الولد الشقي ده وحشني وقولت أقعد ألاعبه شويه !!!!
إبتسم لها وأكملت وهي تطلق تنهيدة مٌحمله بالثٌقل ٠٠٠٠تعرف يا ياسين، ،إنا أكتشفت إني ضيعت مني فرص ومشاعر حلوة أوي كان ممكن أعيشها مع ولادي،،وأكتشفت كمان إني كان ممكن أعمل كل اللي نفسي فيه وف نفس الوقت أتابع ولادي وأقرب منهم !!!
إبتسم لها وأكمل ليخفف عنها٠٠٠٠٠وأديكي يا ستي بتعوضيه في الأستاذ عز،،،
ثم غمز لها بعينه وأكملَ ٠٠٠٠ وعلي فكرة بقا إحنا لسه فيها،،أيه رأيك نجيبلنا نونو جميل كده ونعيش معاه إللي فاتنا كله !!!!
ضحكت بسعادة وأجابته٠٠٠٠٠ماخلاص يا ياسين الوقت فات وعدي !!!
أجابها بمداعبه ٠٠٠٠مين قال كده،،دانتي لسه في عزك ومجدك يا ليالي هانم !!!!
نظرت له بحب وعيون سعيدة وتحدثت ٠٠٠٠حقيقي يا ياسين،،لسه بتشوفني حلوة بعيونك زي زمان !!!!
أجابها بإبتسامة حنون٠٠٠٠٠مش أنا بس إللي بشوفك حلوة ياليالي،،،، الدنيا كلها بتشوفك أجمل ست في الكون ده كله لإن إنتي فعلاً كده !!!!
تنهدت بإنتشاء وسعادة ودبت بروحها الثقه من جديد من حديث زوجها العذب لها !!!!
بعد قليل كان جميع الرجال يقفون بالحديقه أمام المشاعل الخاصه بشواء اللحوم ،،،كان ياسين مٌمسك بيدة مروحة التهويه ويحركها بحرفيه فوق اللحوم لعملية نضوجها ،،،،
أما النساء كٌن يجلسن حول طاولة الطعام الطويله المرصوص فوقها بعض أنواع المٌقبلات والسلطات ينتظرن رجالهن ليحضروا لهنَ الطعام
أمسكت مليكه بعض الخبز وغرسته في صحن به سلطة الطحينه وأكلتها !!
وجهت ثريا لها الحديث ٠٠٠٠٠أصبري يا حبيبتي لما يخلصوا المشاوي وكلي بالمرة !!!
أجابتها ٠٠٠٠٠جعانه جداً يا ماما وبجد مش قادرة أصبر !!!!
أمائت لها بتفهم قائله٠٠٠٠ده من الرضاعة يا حبيبتي !!!!
كان ينظر إلي مليكته التي دائماً وأبدا تشغل باله وتفكيرة وجدها تلتهم بعض الخبز مما يدل علي جوعها الشديد،،،
إلتقط بعض قطع اللحم وصوابع الكفتاء ووضعهم سريعاً داخل صَحن وأسندَ مٌهمتهْ إلي طارق وذهب مٌسرعاً إليها !!!
إقتربَ عليها وتحدث٠٠٠٠٠٠أيه يا ماما للدرجادي جوعناكي ؟؟
إبتلعت لُعابها وهي تنظر لما بيدة وتحدثت ٠٠٠٠٠جعانه أوي يا ياسين !!!
وضع الصَحن سريعاً أمامها وبدأت هي بإلتهام الطعام بشهيه مفتوحه !!!
حين تحرك عٌمر إليه ووضع يده في جيب بنطالة قائلاً بإعتراض مٌصطنع٠٠٠٠٠هي بقت كده يا باشا،، حتي الكفته لما بقت بالوسايط في البلد دي !!!!
إنفرط الجميع من شدة ضحكاتهم علي كلمات عٌمر
حين وضع ياسين يده فوق كتفه ونظر له نظرة ذات معني وأجابه بدٌعابه ٠٠٠٠٠أه بقت كدة يا حبيبي،،،عند سيادتك أي إعتراض ؟؟
رفع يداه مُستسلماً وأجابه٠٠٠٠٠وأنا أقدر يا باشا،،،وحش المخابرات يعمل إللي هو عاوزة وأحنا نشجع ونصفق تصفيق حار كمان !!!
رد ياسين٠٠٠٠أيوة كده يا حبيبي أظبط الأداء !!!
ثم نظر لحبيبته وهي تأكل بشهيه مفتوحه وتنهد بسعادة !!
تمللت أيسل بدلال وتحدثت إلي والدها ٠٠٠٠٠يلا بقا يا بابي أنتوا جوعتونا أوي أنا كمان جوعت كتير !!!
تحدث وهو يتحرك إلي مكان الشواء ٠٠٠٠٠حالاً يا قلبي الأكل هيكون جاهز !!!
وبعد قليل كان الجميع مجتمع فوق الطاولة يتناولون طعامهم ويتسامرون بالأحاديث الشيقه
تحدثَ عز إلي سليم ٠٠٠٠٠أخبار السياحه في أسوان أيه يا سيادة القبطان ؟؟
أجابه سليم بإحترام٠٠٠٠٠الحمدلله يا سيادة اللوا ،،السياحه مريحه حالياً لإننا في الصيف وأسوان معروف موسم الشغل فيها بيكون في الشتا،،،
وأكملَ ٠٠٠٠٠إن شاء الله أجازة الشتا هتقضوها معانا في أسوان ومش هنقبل أعذار طبعاً !!!!
أماءَ له عز برأسه ثم نظر إلي يٌسرا بحنان قائلاً٠٠٠٠٠٠وحشتيني أوي يا يٌسرا وبجد بٌعادك فرق معايا جداً وأفتقدت صباحك وفنجان القهوة إللي كنت بشربه من إيدك،،
وأكملَ بحب٠٠٠٠٠٠بس عزائي الوحيد إنك عايشه مبسوطه مع راجل محترم صاينك وصاين أولادك،،وهقول أيه هي دي سنة الحياه !!
وضعت ثريا يدها علي يد إبنتها الجالسه بجوارها وأبتسمت لها بحنان،،نظرت لها يسرا وقبلت يدها ثم نظرت إلي عمها وتحدثت ٠٠٠٠تسلملي يا حبيبي أنا كمان والله مفتقداكم كلكم بس زي حضرتك ما قولت،،، سنة الحياه !!!
تحدثت ليالي٠٠٠٠٠ياريت كانت نرمين هي كمان جت ،،كانت لمتنا كملت !!!!
تنهد عز وتوجعت ثريا وأكملا طعامهم جميعاً وسط الاحاديث المثمرة !!!!
◇◇◇◇◇¤◇◇◇◇◇
بعد قليل كان ياسين يقف أمام البحر توجهت يٌسرا إليه وتحمحمت خجلاً ثم تحدثت٠٠٠٠٠أنا متشكرة جدا يا ياسين إنك سمحتلي أجي معاكم أنا وولادي الرحله دي،، لأني بجد كنت محتاجه أحس إني لسه ليا مكان وسطكم،،مع إني عارفه إنك لسه زعلان مني !!!!
نظر لها بإبتسامة حانيه وتحدث٠٠٠٠٠تبقي متعرفيش غلاوتك عندي ولا تعرفي إنتي أيه بالنسبالي يا يٌسرا،،،
يا بنتي إنتي مش بنت عمي وبس،، إنتي فعلاً أختي ،،
وأكملٌ مٌفسراً٠٠٠٠٠٠أنا بس زعلت منك وقتها علشان متعود منك دايماً علي الصراحه والوضوح.،،ماتوقعتش الموضوع مش أكتر،،،
وأكمل بأسي٠٠٠٠٠ واللي ضايقني أكتر إن موقفي مع مليكه كان وحش جداً،،،إنتي متخيله ظابط مخابرات مراته تكتشف فيديو علي تليفونه كله إهانه وسب لشرفها ،،،والمفروض إن أنا أقف وأبررلها إن جوزها سعادة ظابط المخابرات إللي خاربها مش عارف محتوي فيديو موجود علي تليفونه !!!!!
بجد موقفي كان وحش جداً قدامها ،،،، حتي مليكه شكت إني عارف الكلام وساكت وبرغم إني زعلت منها وقتها وعنفتها،،، إلا إني عذرتها في تفكيرها لأنه مش من المنطقي إني أكون مش عارف محتوي فيديو موجود علي فوني !!!
ثم زفر بضيق وأكملَ٠٠٠٠٠ما علينا،، إنسي إللي حصل وخلينا ننبسط بأجازتنا ونصفي فيها ذهننا ،،،المهم يا حبيبتي طمنيني عليكي،، أخبارك أيه مع سليم ؟؟
إبتسمت علي ذكر إسم فارسها النبيل وبدأت بقص أخبارها لأخيها التي لم تلدهٌ أمها !!!!
◇◇◇◇◇¤◇◇◇◇◇
ليلاً !!!!!!
كانت تتمشي هي وعاشق عيناها علي شاطئ البحر
فتحدثت وهي تنظر لهٌ بهيام٠٠٠٠بتحبني يا ياسين ؟؟
بادلها نظرتها وأجابها ٠٠٠٠٠أيه السؤال الغريب ده يا مليكه،،أنتي أكيد عارفه الإجابه من غير ما أقولها !!!
أجابتهٌ بعشق ٠٠٠٠٠عارفاها بس دايماً بحب أسمعها وأشوف شفايفك وهي بتنطقها !!!!
أجابها ٠٠٠٠٠وأنا عمري ما هبطل أقولها يا مليكه ،،وحتي لو الظروف اللي حوالينا منعتني أقولها لبعض الوقت بشفايفي،،،أكيد هتشوفيها وتحسيها في نظرة عيوني ليكي ♡
تحدثت إليه وهي تشدد من إحتضانها لذراعه بتملك٠٠٠٠أنا أمتي حبيتك الحب ده كله،،أمتي درجة عشقي ووله حبي ليك وصل للمرحله دي ؟؟
وأكملت٠٠٠٠٠٠تعرف يا ياسين إن حبك خلاني أفكر وأسأل نفسي،،، هو أنا فعلاً حبيت قبلك ؟؟
وإجابتي علي نفسي كانت أكيد لاء،،،،لأن المشاعر والأحاسيس اللي بحسها في حبك عمري ما عيشتها غير وأنا في حضنك ومعاك وبس !!!!!
كانت عيناه تطلق لمعه بارقه من شدة سعادته بعشق مليكته التي وأخيراً إمتلك كل جوارحا وما فيها ♡
تنهد بإنتشاء وتحدث بسعادة٠٠٠٠٠٠أقولك علي سر ؟؟
هزت رأسها بإيماء فأكمل هو ٠٠٠٠٠زمان ،،،قبل ما ربنا يرضي عليا ويجعلك من نصيبي ويرجعك لحضني،،،كنت بدعيله إن يكون لي نصيب فيكي وتقفي قدامي وتقوليلي بحبك يا ياسين وأشوف جوة عيونك درجه من العشق محدش غيرنا قدر يوصلها ،،،
وأكملَ بعيون عاشقه ٠٠٠٠٠وكنت بقول لربنا إني مستعد بعد اللحظه دي أسلم روحي للموت وأنا راضي جداً ومبسوط !!!
نطقت سريعاً ٠٠٠٠بعد الشر عنك يا حبيبي !!!
وأكملَ هو بعيون عاشقه مغيمة بغشاوة دموع حنين وأبتسامه هادئه ٠٠٠٠٠لكن دالوقتي باستسمح ربنا وبدعيله إنه يديني عمرين علي عمري علشان أعيشهم جوه حضنك ♡
وأكملَ٠٠٠٠٠٠حبك خلاني أطمع في الدنيا وأتمسك أكتر بيها يا مليكه ♡
إبتسمت لهٌ بحنان وعيون عاشقه٠٠٠٠بحبك يا ياسين،،بحبك وكل يوم بحبك أكتر لدرجة إني مش عارفه هوصل بحبك لفين تاني ♡
إبتسم وتحدث إليها بدعابه٠٠٠٠٠٠طب يلا بينا نرجع علشان كلمة تانيه منك وجوزك المحترم الهيبه ده هيتقبض عليه بتهمة فعل فاضح في الطريق العام !!!!!
ضحكت بإنوثه أهلكت حصونه وتحركت بجانبه عائدين إلي باقي عائلتهم !!!
◇◇◇◇◇¤◇◇◇◇◇
في صباح اليوم التالي !!!
عند شريف وعلياء كانت تستقل بجانبه السيارة وهي تحتضن طفلها الرضيع بعنايه في طريقهما إلي سٌهير ليعطيها الطفل ويذهبان هما لأعمالهما
تحدثت علياء بإعتراض مٌصطنع٠٠٠٠٠يعني كان لازم يا حضرة الباشمذيع المحترم تقبل بشغلك في القناه التلفزيونيه دي ؟؟
وأكملت ٠٠٠٠ما كنا مرتاحين ومكتفيين بشغلك في الإذاعه بالليل،،دالوقتي سيادتك بقيت بتشتغل صبح وليل ،،
وبدل ما كان زمانك قاعد الصبح ب كارم بقي الولد متشحطت معانا ورايح جاي عند ماما إللي إحنا مغلبينها معانا !!
نظر لها بإستنكار وتحدث ٠٠٠٠قاعد ب كارم،،،تكونيش فاكرة نفسك متجوزة دادة فلبينيه ،،،
ثم أكملَ مٌداعباً إياها٠٠٠٠٠ ثم أنا ليه شامم ريحة قر ونبر من بين كلامك ؟
تحولت هيئتها وحدثته ٠٠٠٠٠قرررر،،، وأنا أقر عليك ليه إن شاء الله ناقصه شغل ولا ناقصه شغل ،،أصبر عليا بس كام سنه كده وأنا هوريك إسم علياء المغربي هيكون أيه في عالم المحاماه !!!
أجابها بدعابه ٠٠٠٠٠أديني مستني يا حضرة المحاميه الواعدة يعني إحنا هنروح من بعض فين ،،وبعدين علي فكرة بقي ماما ما صدقت تشريف الاستاذ كارم ليها كل يوم،،
ده اليوم اللي مبيكونش عندك شغل فيه وتقعدي بيه في البيت بيحصلها إكتئاب !!!!!!
إبتسمت بحب وتحدثت٠٠٠٠٠طنط سٌهير دي حنية الدنيا كلها فيها،،،بجد يا شريف أنا وكارم محظوظين جداً بوجودها في حياتنا !!!!!
أجابها بدعابه٠٠٠٠٠يعني إنتي وأبنك محظوظين بيها هي بس يا حضرة الباشمحاميه ؟؟
فكت حزام أمانها وإقتربت منه ووضعت يدها فوق وجنته وقربت شفاها من شفاه ووضعت لهٌ قٌبله جانبيه ♡
نظر لها بحب وتحدث ٠٠٠٠٠تعرفي إنك أجمل حاجه حصلتلي في حياتي كلها ♡
نظرت لهٌ بعيون عاشقه وتحدثت ٠٠٠٠وأنتَ أجمل حلم حلمته ونسجت خيوطه من خيالي وعيشت جواه،،، وفجأة الزمن قرر يهدية ليا !!
ورجعت مكانها وساعدها هو بربط حزام الامان لأمانها هي وطفلها ونظر لها بعيون عاشقه وتحدث ٠٠٠٠٠بحبك يا عاليا ♡
◇◇◇◇◇¤◇◇◇◇◇
داخل مدينة شرم الشيخ !!!
كان يجري وينظم أنفاسه وسط جميلتيه وهم يمارسون رياضة الجري منذ الصباح ،،ثم توقفوا جميعاً وبدأوا بالرجوع إلي مسكنهم ،،،
لف ذاعيه حول خصر إثنتيهم بتملك ونظر لهما وتحدث مٌداعباً إياهم ٠٠٠٠٠هو فيه كده ،،طب بذمتكم مش أنا أكتر راجل محظوظ في الدنيا دي كلها،، متجوز أجمل وأشيك وأرق إتنين ستات في الدنيا !!!!
إبتسمت إثنتيهم برضي وتحركا بجانبه حتي وصلا لمقر الفيلا وجدوا الجميع يجلسون بإنتظارهم ليتناولون وجبة الفطار
قبل إنتهاء الأجازة بيوم كان الجميع يجلس ليلاً يتسامرون ويتبادلون الاحاديث وفجاة أتت يسرا علي عجل ويبدوا علي وجهها القلق
جلست بجوار والدتها وتحدثت ٠٠٠٠ماما ،،
نظرت لها ثريا بقلق فأكملت يٌسرا٠٠٠٠علي إبن نرمين تعبان أوي !!!
إنتفضت ثريا وأرتعب داخلها علي حفيدها وسألتها٠٠٠٠تعبان إزاي يا يسرا ؟؟
نزلت دموع يٌسرا وتحدثت٠٠٠٠معرفش يا ماما أنا كنت بكلم نرمين بطمن عليها لقيتها منهارة وقالتلي ان الولد سِخن جدا منهم من يومين وجريوا بيه علي المستشفي، وبعد التحاليل والأشعه قالولها ان الولد عنده مرض نادر ومحتاج عمليه ويغير دمه كله،، والعمليه مكلفه جداً هتتعدي ال 30 مليون ولازم تتعمل في ألمانيا !!
وقف عز وتحدث إلي ثريا مٌطمئناً إياها٠٠٠٠متقلقيش يا ثريا أنا مش هسيبها،،، وهسفرلها الولد حتي لو أتضربت إني أبيع كل ما أملك !!!!
ثم حولَ بصرةِ إلي ياسين وطارق وتحدث٠٠٠٠ياسين إحجزلنا طيارة علشان هنرجع إسكندريه إنهاردة
وأنت يا طارق أعمل cash out ،،، حالاً
وقفت منال سريعاً وأتجهت إلي ثريا الباكيه وأخذتها داخل أحضانها وطمئنتها٠٠٠٠٠متقلقيش يا ثريا ان شاء الله الولد هيبقي كويس !!!
أما مليكه التي تملكها الشعور بالرعب والذنب بدأ يتاكل من قلبها خوفاً من فكرة أن يكون هذا هو رد دعوتها وحقها من نرمين،،
نعم هي لجأت إلي الله ودعته من حرقة قلبها وشعورها بالظلم والإفتراء الذي وقع عليها منها ،،ولكنها لا تريد أية إيذاءً لأحد،، وخصوصاً ذلك الطفل الجميل التي تكن له معزة خاصه !!!
صعد لها ياسين غرفتها وهي تلملم أشياء أطفالها إستعداداً للمغادرة ،،وقف بجانبها وتحدث٠٠٠٠أنا عارف إنها ظلمتك بس بطلب منك تسامحيها علشان خاطر الولد وتدعيله،،،وياريت متزعليش مني لأني هروحلها وهقف معاها علشان في النهايه دي أختي ومش هينفع أسيبها لوحدها في ازمتها !!!
حدثته بتفهم ٠٠٠٠٠٠أكيد مش هزعل منك يا حبيبي،،،دي بنت عمك واختك ووقوفك جنبها واجب عليك ،،وصدقني أنا من وقت ما عرفت وأنا بدعي ربنا يشفيه لأنه طفل بريئ و ملوش ذنب يدفع فاتورة أخطاء وذنوب أمه !!!!!
◇◇◇◇◇¤◇◇◇◇◇
صباح اليوم التالي كان الجميع مٌجتمع داخل المشفي المتواجد به الطفل والكل يواسي نرمين المنهارة حزناً علي طفلها !!!
كان عز يحتضنها ويواسيها ،،،،
أتي أليها ياسين ووقف بقبالتها يتقطع لدموع عيناها ونظرتها المٌرة،،،
مد يدهٌ وقبل رأسها وحدثها بحنان٠٠٠٠متخافيش يا حبيبتي ومتشليش هم،،،أنا عملت إتصالاتي والولد هيسافر بكرة ل ألمانيا يتعالج علي حساب الدوله،،،
أمسكت يدة وتحدثت بإمتنان٠٠٠٠ربنا يخليك ليا يا ياسين،،،أرجوك خليك معايا ومتسبنيش !!!
ربت علي يدها وحدثها بحنان وأطمئنان ٠٠٠٠مش هسيبك يا حبيبتي متقلقيش !!!
ربت أباه علي ظهرة وهز لهٌ رأسه برضي
أما طارق فقد أتي هو الاخر ووقف جانبها وهدأها ،،حتي ولو كانت سبباً في موت صديقه إلا انها لاتزال شقيقته الغاليه !!!!
وبالفعل أخذت نرمين وزوجها طفلهما وسافرا بصحبة ياسين ويسرا التي رافقت شقيقتها حتي لا تدعها وحيدة ،،،ضل ياسين معهم لمدة يومان حتي إطمئن علي كل الترتيبات ورجع إلي الأسكندريه من جديد ليباشر عملهْ
بينما ضلت نرمين وزوجها ويٌسرا وأجري الطفل كل مايلزم حتي يعود كالسابق ،،وبالفعل تعافي الصغير ولكن طلب منهم الأطباء المكوث به شهراً أخر للنقاهه والمتابعه !!!!!
إتضر مٌحمد أن يعود إلي الأسكندريه لمتابعة وظيفته وذلك بعدما إطمئن علي طفله وتأكد من شفائهٌ التام وبقيت يسرا مع نرمين !!!!
كانت نرمين تحادث زوجها عبر تطبيق الفيديو كول
تحدث مٌحمد مٌتيماً٠٠٠٠٠يلا بقا إرجعي يا قلبي إنتي وحشتيني أوي !!!
أجابته بحب وأبتسامه٠٠٠٠خلاص يا حبيبي هانت،، الدكتور قالي هعملك شوية فحصات بكرة للتأكيد وإن شاء الله بعد بكرة هنسافر !!!!
وتنهدت بإرتياح٠٠٠٠٠يااااه يا محمد،، كان كابوس وعدي الحمدلله،،،أنا كان ممكن يجرالي حاجه لو علي بعد الشر ٠٠٠٠
لم تكمل وتحدث هو ٠٠٠٠الحمدلله يا حبيبتي أهم حاجه إن علي بقا كويس !!!
حدثته بتفكر ٠٠٠٠أه يا محمد بالمناسبه،،أوعي تنسي تبعت تجيب الشغاله من عند ماما علشان تلحق تنضف البيت كويس قبل ماأجي،،زمانك يا روحي قلبتهولي !!!!
تحدث علي عجل ٠٠٠٠حاضر يا نرمين حاضر،،،،أنا هقفل بقا يا حبيبتي علشان تعبان جداً وعاوز أنام !!!
أجابته بحب٠٠٠٠تمام يا حبيبي ،،تصبح على خير يا قلبي !!!
أجابها٠٠٠٠٠ وإنتي من اهله يا روحي !!!
تحركت ونسيت أن تغلق الجهاز ،،دلفت يسرا من باب الغرفه وكادت أن تتحدث إليها
إلا أنهما إستمعا لصوت مٌحمد وهو يتحدث لإحداهما يبدو وكأنه هو الأخر غفل عن قفل جهازة ،،،
مٌحمد بدلال٠٠٠٠٠تعالي يا موزة قلبي قفلت معاها خلاص !!!
تحدثت إحداهن بضيق ٠٠٠٠٠يا ساااتر أنا مش فاهمه إنتَ مستحمل التقله دي إزاي،،دنا مش متحمله أقعد في ببتها يوم واحد وحاسه إن ريحتها في البيت كاتمه علي نفسي !!!
أجابها بوقاحه٠٠٠٠جري أيه يا موزة هو أحنا هنقضي طول الليل نتكلم في سيرة بنت الاكابر،، ماخلاص،،تعالي بقا نقول الكلمتين بتوعنا ونعيشلنا يومين دلع قبل ماتيجي وتكتم علي نفسي من جديد !!!
ضحكت بدلال وحدثته ٠٠٠يعني أنت هتغلب يا مودي،،ماأنت كمان بتمشي حالك يا حبيبي،،ويمكن ياسيدي تيجي تقعد بإبنها عند أمها وربنا يكرمنا بأسبوع زي اللي قضته في أسوان قبل كده ونعيش ونتدلع فيه !!!!
كانت تستمع لصوتهما بذهول وهي تهز رأسها بعدم تصديق إلي ما إستمعته أذناها للتو !!!
وأيضاً يسرا التي أصابها الذهول
جرت علي الشاشه تنظر بها كالمجنونه لم تري شيئاً لبعدهما عن مكان الكاميرا لكنها إستمعت لما هو أفظع من المشاهدة ،،إستمعت لزوجها وهو يتغزل بمفاتن إمرأة أخري بكل وقاحه وبذائه !!!
جرت يُسرا وأغلقت الجهاز لترحم شقيقتها مما تستمع إليه
نظرت نرمين لها بذهول وتحدثت ٠٠٠٠يٌسرا،،،قوليلي إن أنا في كابوس وإن اللي أنا سمعته ده مجرد هزيان ملوش وجود غير في دماغي وبس !!!
هزت يٌسرا رأسها وتحدثت ٠٠٠٠للأسف يا نرمين ،،،محمد طول عمرة وهو كده لكن إنتي اللي كنتي طول الوقت بتغالطي نفسك وتخدعيها وتحاولي تلاقي مبرر لتصرفاته اللاأخلاقيه،،
وللأسف بدل ماتواجهي الحقيقه وتقفي في وشه وتحاولي تعرفي أيه هي أسبابه وتقوميه من جديد،،،أتهمتي مرات أخوكي البريئه بأبشع تهمه وأخدتي جوزك وهربتي وحطيتي راسك في الرمل علشان ماتواجهيش الحقيقه !!!
بكت نرمين وتحدثت بجنون ٠٠٠٠إنتي شمتانه فيا يا يسرا ؟؟
جرت عليها وضمتها إليها بحنان وتحدثت ٠٠٠٠٠أنا يا نرمين هشمت فيكي،،،دنا ربنا يعلم قلبي بيتقطع علشانك إزاي ،،أنا بس بعرفك حقيقة الندل إللي إنتي متجوزاه علشان متزعليش وتنزل دموعك علي حد ما يستاهلش !!!
تحدثت نرمين بتيهه ٠٠٠الندل الحقير سايبني هنا بإبنه لوحدي وداير يعط مع الاشكال الزباله اللي زيه،،،هو ده رد جميلي عليه،،، دأنا من يوم ماأتجوزته ماخلتهوش إتحمل مسؤلية حاجه ،،حتي البيت اللي روحناه لما جينا نشتريه وفلوسه مكفتش روحت لرائف وهو كملي ،،،هدومي وكل أحتياجاتي أنا وأبني أنا اللي بجبهم من فلوسي،،حتي إحتياجات البيت من أكل لشرب ل مرتب الشغاله أنا اللي بدفعه من فلوسي،،،
وأكملت بإنهيار٠٠٠٠٠٠حتي مرض إبني ياسين هو اللي عملي الورق ومدفعهوش جنيه واحد،،يعني خيري أنا وأهلي مغرقه من ساسه لراسه وفي النهاية يكون دي جزائي
وتحولت وبرقت عيناها بغضب ٠٠٠٠٠ورحمة بابا لأخرب بيته وأخلي ياسين يدمرة ويجيبلي منه كل مليم صرفته علي بيته من يوم جوازنا لحد إنهاردة !!!
نظرت لها يسرا وحدثتها بترقب٠٠٠٠٠ناويه علي أيه معاه يا نرمين ؟؟
صاحت بغضب ٠٠٠٠٠هطلق منه طبعاً ،،ده راجل زباله ومش هينفع أأمن علي نفسي معاه بعد إنهاردة،،بس قبل ماأطلق هخرب بيته وهخليه علي الحديدة !!!!
وصاحت بغضب٠٠٠٠شفتي الزباله اللي معاه وطريقتها في الكلام ،،هو ده مستواة وذوقه في الستات اللي بيرمرم معاهم،،،
واكملت بحقد٠٠٠٠٠بقي يازباله تبقي متجوز نرمين المغربي وتبص للزباله دي،،بس هقول أيه،، مهي شبهه !!!
◇◇◇◇◇¤◇◇◇◇◇
بعد يومان رجعت نرمين ويسرا بصحبة الطفل وهو بكامل معافاته،، وقصت نرمين ما حدث إلي عمها وياسين وباقي العائلة التي وقفت بجانبها حتي أستردت منه كامل حقوقها،،
وذلك بعدما أكتشفوا حقيقتة القذرة وهي أنه للاسف يستحل ما حرمة الله ولدية العديد من العلاقات المحرمه مع فتيات مشبوهة !!!
وقف بجانبها ياسين وأجبر طليقها علي بيع المنزل وأخذ ثمنه وأشتري لها ولإبنها منزلاً بجوارهم لتكون تحت رعايتهم
كانت تجلس في حديقة منزل والدتها أتت إليها مليكه وهي تحمل صغيرها وجلست بجوارها بهدوء،،،
نظرت لها نرمين وتحدثت بهدوء وندم٠٠٠٠٠حقك جالك ودعوتك أستجابت يا مليكه !!!!!
تحدثت مليكه بهدوء٠٠٠٠٠عمري ما كنت أتمني يحصلك كده أبداً ،،ربنا يعلم أنا حزينه علشانك أد أيه،، مش بس علشان حزن ماما اللي سكن روحها علشانك،،ولا علشان رائف الله يرحمه،، لا يا نرمين،،،
علشان إنتي ست زيي وحاسه بيكي وعارفه إن أكتر حاجه بتكسر الست وتهدها هي الخيانه وخصوصاً لو مش متوقعه زي حالتك كده !!!!!
وأكملت لمواساتها ٠٠٠٠٠بس كل اللي أقدر أقولهولك هو إن قدر الله وماشاء فعل وإنك لازم تحمدي ربنا إنك اكتشفتي خيانته وخلصتي منه،،
وكمان لازم تحمدي ربنا إنه نجالك إبنك ودي أحسن حاجه حصلتلك،،وإن شاء الله ربنا هيعوضك فيه خير !!!
تنهدت بهدوء وتحدثت٠٠٠٠سامحيني يا مليكه،،أول مرة أعرف إن إستجابة دعوة المظلوم مؤكدة من ربنا ،،،وأد أيه إستجابتها بتكون صعبه ونتايجها بتكون مٌدمرة !!!!
ربتت مليكه علي يدها بهدوء وأبتسمت لها نرمين وعيون مٌترجيه طالبه السماح !!!!!
_________________________
بعد مرور حوالي سنه !!!
كان الجميع داخل حديقة رائف يقفون علي قدمٍ وساق يجهزون لإفطار أول يوم من شهر رمضان المبارك قبل إقتراب مدفع الإفطار بحوالي نصف ساعه !!!!
كانت ثريا ومنال ومليكه وليالي وجيجي ونرمين ويسرا وراقيه وزوجة وليد يقفون حول المائده المٌستطيله يرتبون الصحون وادوات الطعام !!!!
أما الأطفال يفترشون الأرض فوق المفارش المخصصه لهم ويلتفون حول الصغير التي تحملهٌ أيسل بعنايه شديدة وباقي الأطفال يداعبونهٌ بسعاده !!!!
دلف وليد عبدالرحمن وتحدث بمرح٠٠٠٠٠كل سنه وأنتم طيبين يا نساء أل عائلة المغربي !!!!!
إبتسم له الجميع وتحدثت ثريا ٠٠٠٠٠وأنت طيب وبخير وسعادة يا وليد !!!!
سألها بلهفه ٠٠٠٠٠أوعي تكوني نسيتي السوبيا والقمر الدين يا عمتي ؟؟
ضحكت له منال وأجابتهْ ٠٠٠٠٠كله جاهز يا وليد وبإنتظار مدفع الإفطار !!!
دلف ياسين من البوابه بصحبة رجل أمن البوابه الخارجيه وبيدهِ صندوقان كبيران
تحرك وتحدث بإبتسامتةِ الجذابه ووجهه البشوش٠٠٠٠٠كل سنه وأنتوا طيبين !!!!!
تحدثَ وليد بدعابه٠٠٠٠٠٠بابا ياسين جه يا ولاد وجايبلنا معاه الهدايا !!!!
نظرت سريعاً لعاشق عيناها وتحدثت ٠٠٠٠٠وأنت طيب وبخير وسعادة يا سيادة العقيد !!!!
تحركَ إلي مكان وجود الأطفال وتحدث وهو يفتح تلك الصناديق٠٠٠٠٠مين هنا مستني فانوسه اللي عليه صورته وغنوة بإسمه ؟؟
هلل جميع الصغار بسعادة وبدأ ياسين يخرج لكل طفل فانوسه الذي صنع له خصيصاً ووضع عليه صورته وغنوة بإسمه
تحدث مروان ٠٠٠٠٠الله عليك يا بابي،،، بجد إنتَ ساحر ودايماً بتقدر تعملنا كل شيئ بيسعدنا !!!
إبتسم لهٌ ياسين وأجابه٠٠٠٠٠هو أنا مش قولتلك من زمان أعتبرني الفانوس السحري بتاعك !!!!
جري عليه أنس وأحتضنه وتحدث٠٠٠٠والفانوس السحري بتاعي أنا كمان يا بابي !!!!!
شدد ياسين من أحتضانه وأجابه٠٠٠٠والفانوس السحري بتاع أنس باشا كمان !!!
وقفت بجوار الجالس وهو يحتضن أطفالها برعايه،،،
وضعت يدها فوق ظهرةِ وتحسستهٌ بحنان وتحدثت ٠٠٠٠ربنا يباركلنا فيك يا حبيبي !!!
رفع بصرةِ لها بحب وأجاب٠٠٠٠٠ويخليكي لينا يا حبيبي !!!!
جري عليه صغيرة الذي بدأ بتعلم المشي وأحتضنه غائراً من أنس !!!
قبلهٌ ياسين وتحدث إليه بسعادة٠٠٠٠حبيب بابي إللي جاله أحلا فانوس،،،كل سنه وأنتَ طيب يا عمري !!!!
وقف ياسين وهو يحمل طفلهْ بيدٍ واليد الأخري مٌمسكً بها فانوساً عليه صورة وجه مليكته ومد يده بحنان ٠٠٠٠كل سنه وأنتي طيبه يا أحلي وأجمل وأرق زوجه،،كل سنه وأنتي منورة حياتي وماليا عليا دنيتي ♡
إبتسمت له وهي تنظر إلي الفانوس بإنبهار وسعادة وتحدثت٠٠٠٠الله يا ياسين،،ده علشاني ؟؟
ثم نظرت له وأمالت رأسها بحنان وتحدثت٠٠٠٠٠كل سنه وأنتَ جوزي وسندي،، كل سنه وأنت هدية ربنا ليا ،، كل سنه وأنت حبيبي ♡
إبتسم لها وأعطاها عز ثم أمسك الصندوق الاخر وذهب به إلي نساء العائله وأعطي إلي ليالي فانوسها تحت سعادتها اللامتناهيه وهي تحدثه٠٠٠٠٠وأنا كمان يا ياسين عملت حسابي ؟؟
وضع يده فوق كتفها وأحتضنها بحنان وحدثها بحب٠٠٠٠إنتي أول واحده عملت حسابك يا ليالي،،،كل سنه وإنتي طيبة يا حبيبتى !!!!
حدثتهْ بعيون تنطق سعادة وحب ٠٠٠٠٠وأنت طيب يا حبيبي !!!
ثم ذهب لوالدته وثريا وأعطَ لكٌلٍ منهما فانوسها تحت ضحكاتهم وسعادتهم
وأيضاً يسرا ونرمين وزوجة وليد
حتي راقيه التي حدثته ٠٠٠٠٠حتي أنا كمان عملت حسابي ومنستنيش يا سيادة العقيد ؟؟
أجابتها بضحكه رجوليه ٠٠٠٠٠٠وهو حضرتك تتنسي بردوا يا طنط
حضرتك من الأشخاص اللي ليها علامه جوانا وصعب تناسيها أو نسيانها !!!!
ضحكت منال وثريا علي مغذي ياسين من حديثه إلي راقيه
نظرت مليكه إلي ليالي وحدثتها ٠٠٠٠ليالي عز محتاج يغير هدومه ممكن تغيرهاله علشان هدخل أشوف الفراخ اللي في الفرن وأخرجها !!!!
أمائت لها ليالي ٠٠٠٠٠تمام بس هي فين غيراته ؟؟
أجابتها مليكه وهي تتحرك للداخل ٠٠٠٠٠في أوضة الضيوف جوة هتلاقيها علي السرير !!!!
وبعد مده كان الجميع يجلس بإنتظار الأذان إنطلق المدفع وأذن الأذان فتحدث عز ٠٠٠٠٠كل سنه وأنتوا طيبين ودايما متجمعين في الخير يارب !!!!
أمن الجميع وأكملت ثريا٠٠٠٠٠كل سنه وأنت كبيرنا وحامينا يا سيادة اللوا كل سنه وإحنا عايشين تحت ضلك إنت وعبدالرحمن وياسين وطارق ووليد !!!!
حدثها عٌمر بدعابه٠٠٠٠٠وأنا يا سو اللي وقعت من حساباتك، ،ولا مش معتبراني راجل من الاساس ؟؟
ضحكت بسعادة واجابته٠٠٠٠إزاي بقي يا عٌمر باشا،،دأنت سيد الرجاله كلهم !!!!
وبدأ الجميع يتناولون إفطارهم
نظر لهٌ والده وتحدث بفخر٠٠٠٠٠أنا مبسوط منك أوي يا عٌمر،،لأنك أثبت إنك فعلاً إبن المغربي
مدير الفرع بتاعك كان معايا في إحتفال قريب وقعد يشكرلي فيك وفي شغلك المنضبط وجديتك
أكمل طارق بفخر ٠٠٠٠٠هو فيه زي عٌمر وعقله ده ماشاء الله بيترقي في شغله بسرعة الصاروخ !!!!
ردت ثريا سريعاً خوفاً من عين راقيه ٠٠٠٠٠قل أعوذ برب الفلق يا طارق،،، إهدي شويه يا حبيبي !!!!
إبتسمت منال وهي تري خوف ثريا علي أولادها !!!!
وأكملَ عٌمر بدعابه وهو ينظر لأباه٠٠٠٠٠طب بمناسبة الكلام الحلو ده مفيش حفله حلوة كده بعد العيد نفك بيها عن نفسنا شويه ؟؟
ضحك طارق وتحدث وهو ينظر إلي ياسين٠٠٠٠٠مابلاش علشان بتقلب في الأخر علي دماغك !!!
ضحك ياسين وهو ينظر إلي مليكه التي خجلت ووضعت عيناها داخل صحنها وعاودت بتناول طعامها
تحدثت يسرا إلي طارق ٠٠٠٠٠قلبك أبيض يا طروق !!!
رد عمر ٠٠٠٠٠يا راجل إفتكر حاجه حلوة !!!
نظر ياسين إلي نرمين وتحدث ٠٠٠٠٠إن شاء الله هيبقي عندنا حفله بعد العيد !!
إبتسمت نرمين وتحدث عز إليها ٠٠٠٠٠لما نرمين تقول رأيها الأخير !!!
ردت ثريا بإبتسامه٠٠٠٠٠ونرمين موافقه !!!
نظر لها ياسين وتحدث٠٠٠٠موافقه فعلاً يا نرمين ؟؟
إبتسمت نرمين وتحدثت٠٠٠٠٠٠اللي تشوفه في مصلحتي أنا وأبني يا ياسين أنا موافقه عليه !!!!
تحدث عبدالرحمن٠٠٠٠٠ربنا يهديكي ويصلح حالك يا بنتي،، وكفايه أوي إن العريس عقيد مخابرات وصديق ياسين وعارفينه كويس وضامنين أخلاقه !!
هزت لعمها رأسها بإيماء
إنفض الفطار وجلست العائله يتسامورن حتي موعد صلاة التراويح وذهب الرجال إلي المسجد للصلاة وأيضاً النساء صلين جماعه !!!!
◇◇◇◇◇¤◇◇◇◇◇
وبعد الصلاة صعد ياسين مع مليكه لجناحهما سوياً،،،
وبعد مدة كانت تقف أمام المرأة تجفف شعرها المٌبتل وقف خلفها وضمها لصدرة ودفن وجههْ بعنقها ليشتمه بإنتشاء وسعادة،،،
ثم أمسك ممشطة الشعر وبدأ بتمشيط شعرها تحت نظراتها وقلبها المٌتراقص حتي أنتهي،،،،
إستدارت له وحاوطها هو ووضع قبله مٌلتهبه فوق شفتاها تجاوبت معها إلي أبعد الحدود،،،
إبتعدت بعد مده ونظرت داخل عيناه ونظراته الذائبه بعيونها
وتحدثت بهيام٠٠٠٠٠لسه مزهقتش مني ومن حبي ؟؟
إبتسم لها وتحدث بعيون هائمه٠٠٠٠هو فيه حد بردوا يزهق من وجوده في الجنه ؟؟
ردت عليه٠٠٠٠٠هسألك السؤال بطريقه تانيه،،لسه درجة حبك ليا زي ما هي ؟؟
أجابها وهو يٌقبل خدها٠٠٠٠٠بالعكس،،، كل ما الوقت يعدي وألاقي نفسي بدأت أهدي من عشقك،، أفتكر أيام حرماني منك وأد أيه أنا أتحرمت وأتعذبت في بعدك عن قلبي،، ألاقي حبك ذاد توهج وعشقك شعلل في قلبي من جديد وأكتر كمان من الأول ♡
وأكملَ بعيون متوهجه عشقاً٠٠٠٠٠يا مليكه إنتي فرحة زماني اللي ربنا كان شيلهالي وكافأني بيها ♡
نظرت له وتحدثت بهيام٠٠٠٠بحبك يا ياسين،، بحبك وكل يوم حبك في قلبي بيذيد ومقامك في عيوني بيعلي ♡
إنتفض قلبه من شدة سعادته وضمها إليه ورفعها لأعلي مما جعل ساقيها معلقه في الهواء وبدأ بتقبيل كل إنشٍ بوجهها وعنقها بسعادة وغاصا معاً من جديد داخل جوله عشقيه جديدة من عشقهما الفريد ،،،عشقهما المميز المخصص لها هي وفقط
☆ عشق الياسين لمليكته☆
ولهنا عزيزاتي نكون قد إنتهينا من سرد حكاية ☆قلوب حائره☆ التي لم تعد حائرة بل أصبحت قلوب مستقرة عاشقه ،، بالحب
قناتنا 👈 علي التليجرام من هنا
🌹🌹🌹🌹🌹🌹🌹🌹🌹🌹🌹🌹
تمت بحمد الله