رواية قلوب حائره الفصل السابع والثلاثون والثامن والثلاثون بقلم روز امين
ليلاً بفيلا رائف !!
كان المكان أشبه بالمهجور،، سكونٍ تام عمَ بجميع أرجاء المنزل ثريا داخل غرفتها تٌجاورها يٌسرا بتختها،، تٌمسك لها بكوبٍ من الماء حتي تتناول الدواء الخاص بإرتفاع الضغط الذي صاحبها بعد ماحدث ظهراً !!
دقت بعض الطرقات الخفيفه فوق الباب سمحت يٌسرا للطارق ودلفت مليكه يبدوا عليها الإرهاق التام والخجل يصاحب ملامحها !!
نظرت لها ثريا بألم يٌمزق داخلها علي ما أوت إليه تلك المسكينه،،
تحاملت علي حالها وتحدثت ٠٠٠٠٠تعالي يا مليكه !!
تحركت خجلاً وجلست فوق المقعد الجانبي
تحدثت يٌسرا لإخراج مليكه من خجلها ٠٠٠٠٠ أنس طلع نام مع مروان ف أوضته !!!
هزت مليكه رأسها بإيماء ثم نظرت إلي ثريا بعيون مٌتوسله وتحدثت خجلاً٠٠٠٠٠سامحيني يا ماما،،أنا عارفه إني خذلتك وخيبت ظنك فيا،،، بس والله كان غصب عني،،حاولت كتير وقاومت وجاهدت نفسي لكن ف الأخر هو جوزي وليه عليا حقوق شرعيه،، ماقدرتش أقاومه فيها وأمنعها عنه !!
كانت تستمع لها بقلبٍ يتمزق حٌزناً علي فقيدٌها الغالي الذي بدأ الجميع بنسيانهْ حتي إمرأة حياته وعشق عيناه،،وبين مليكه وحيرتها ونزيف قلبِها وحالتها التي تٌدمي القلوب !!!
تحاملت علي حالها وتحدثت بضعفٍ وقلبٍ يتألم٠٠٠٠أنا إللي أسفه يا بنتي علي إللي وصلتك ليه،،،بس صدقيني كان غصب عني ،،أنا قلبي جواه نار محدش يعلم بيها غير ربنا ،،ومهما أبان قويه ومتماسكه قدامكم بس إللي جوايا ربي وحده إللي يعلم بيه،،
وأكملت٠٠٠٠وحاشي لله يا بنتي إني أمنع عنك حلال ربنا،،ده جوزك شرعاً وليه عليكي حقوق ربنا مشرعهاله وواجب عليكي الطاعه فيها،،
وأكملت بدموع ٠٠٠٠أنا بس مقهورة عليكي وعلي إللي عملتيه ف نفسك واللي لحد دلوقتي مش قادرة أصدقه ،،،
وأكملت بملامة مٌحب٠٠٠٠٠٠٠إزاي قدرتي ترتكبي كبيرة من الكبائر وإنتي اللي بتصلي كل فرض بوقته وقاريه كتاب الله وفهماه وعارفه عظمة الذنب اللي إرتكبتيه ؟؟
وبكت بحرقة أم وأردفت٠٠٠٠٠٠أنا حزينه أوي علشانك يا بنتي وعقدة ذنبك بتاكل ف قلبي،، لإن أنا إللي وصلتك لكده ،، بس والله ما كنت أقصد ،،،سامحيني يا بنتي !!!!
وبكت بمرارة هي ويسرا التي إحتضنتها وتحدثت٠٠٠٠٠إهدي يا حبيبتي علشان الضغط ما يرتفعش تاني !!!
تحدثت مليكه بدموع٠٠٠٠الموضوع مش زي ما حضرتك فهمتيه يا ماما،،،أنا عمري ما كنت هعمل كده من غير ما يكون عندي أسبابي القويه،، أنا مقدرش أغضب ربي يا أمي
وقصت لهما ما حدث
نظرت لها ثريا وتحدثت وهي تجفف دموعها٠٠٠٠٠وليه ماقولتليش يا مليكه،،،هو أحنا للدرجادي بعدنا عن بعض يا بنتي ؟؟
تحدثت يسرا٠٠٠٠٠٠إنتي غلتطي لما خبيتي عن ياسين يا مليكه،،ياسين كان لازم يعرف من الاول بموضوع الحبوب وده حقه الشرعي إللي للأسف أخدتي ذنب عليه !!
بكت بحرقة وتحدثت بإنكسار وألم٠٠٠٠خفت يا يسرا،،خفت أقوله يجبرني إني أمنعه ويحصل حمل وساعتها يضتر يعلن عن جوازنا الفعلي،،، خفت علي ماما وعليكي،، خفت علي مشاعركم وكسرة قلبكم ووجعكم إللي للأسف شفته ف عنيكم إنهاردة وكسرني ووجعني ،،،،
خفت من نظرات نرمين وكلامها إللي قطع ف قلبي ودبحني قدامكم،، خفت علي شعور ليالي وأيسل ،،خفت من نظرات الكل ليا وهما بيبصولي علي إني ست خاينه للعهد وللعشرة ،،
أنا قلبي متحمل كتير أوي يا ماما والحمل ذاد لدرجة إنه كسرني وخلاني جبانه وخايفه طول الوقت،، خايفه من المواجهه خايفه من اللوم خايفه من خسارتي لحبايبي وخسارتي لإحترامهم ليا !!
وأكملت بدموع غزيرة ٠٠٠٠أنا عارفه إني غلطت بس والله ما كنت أقصد الأذيه لأي حد لا ليكم ولا لياسين،،ياسين إللي ما أدنيش فرصه حتي أتكلم ومنعني من إني أدافع عن نفسي ودبحني من غير رحمة قدامكم كلكم !!
أردفت ثريا بتعقل٠٠٠٠٠ياسين معذور يا مليكه،،الجرح كان كبير أوي بالنسباله،،ياسين راجل كرامته وعزة نفسه هما أهم حاجه ف حياته،، وإنتي دبحتيه وأهنتي رجولته وكرامته وتلاشيتي وجوده ف حياتك من الاساس،،
ياسين جوزك ،،،يعني شريكك ف كل قرار يخصك من أول حبوب منع الحمل لحد الجنين وقرار نزوله،،إنتي تلاشيتي وجوده ف حياتك وكأن وجوده عدم بالنسبالك،،
وأكملت ٠٠٠٠٠٠ مش هقدر ألوم عليه وأجي معاكي المرادي،، لإن للأسف أنا شايفه إن اللي عمله رد فعل طبيعي جداً لراجل كرامته متهانه علي أيد مراته،،واحد من وجهة نظرة مراته أجهضت نفسها علشان محدش يعرف بطبيعة علاقتهم ،،كان لازم يردلك القلم ويعلن هو عن طبيعة العلاقه،،،
مع إني مٌتحفظه طبعاً علي الطريقه إللي أعلن بيها لكن ف الأخر ده راجل مجروح ف كرامته ومقدرش ألوم عليه وأقوله عملت كده ليه وقت غضبك !!!
هزت رأسها بإيماء وتحدثت بتأكيد وهي تجفف دموعها ٠٠٠٠أنا مش زعلانه من ياسين يا ماما صدقيني،،أنا عذراة ومقدرة صدمته فيا،،أنا بس كان نفسي يديني فرصه أشرحله وأفهمه الحقيقه !!
تحدثت يسرا بجديه٠٠٠٠٠كلميه يا مليكه وأقعدوا مع بعض وفهميه الوضع ،،،،،ياسين عاقل وأكيد هيفهم ويقدر موقفك !!
تحدثت ثريا تأكيداً علي حديث يسرا ٠٠٠٠يسرا بتتكلم صح يا مليكه،،أقعدي معاه بكرة وأتكلموا وقوليله إللي عندك وربنا يقدم إللي فيه الخير يا بنتي !!!
وقفت مليكه وتحدثت ٠٠٠٠ياريت متكونيش زعلانه مني يا ماما
إبتسمت ثريا بوهن وتحدثت ٠٠٠٠أنا ماأقدرش أزعل منك يا مليكه،،أنا اللي عوزاكي تسامحيني ،،وأتمني ماتكونيش إنتي اللي زعلانه مني !!
____________________________
صباح اليوم التالي !!!!
كان يجلس داخل مكتبهِ بمقر عمله يٌحادث أحدهم بإحترام٠٠٠٠حسام باشا،،أخبارك يا باشا !!!
الطرف الأخر ٠٠٠٠٠ياسين باشا المغربي بذات نفسه بيكلمني،،يا باشا التليفون أتبارك بمكالمتك والله !!
إستمع إليه ثم تحدث ٠٠٠٠حبيبي ربنا يكرم أصلك،،أخبار الداخليه علي حسك أيه ؟؟
تحدث حسام٠٠٠٠٠ كله تمام والأمن مستتب سعادتك !!!!
ياسين٠٠٠٠٠بقولك يا حسام باشا،،كان ليا عندك طلب كده وأتمني تخدمني فيه !!
أجابه٠٠٠٠٠إنتَ تؤمر ياسين باشا !!
تحدث ياسين٠٠٠٠كان فيه واحده كدة وجبت مع ناس حبايبي وكنت عاوز أردلها الواجب بس ذيادة حبتين !!
تحدث حسام ٠٠٠٠٠ياباشا إعتبرة حصل،،إديني بياناتها وأنا أعملك معاها الصح !!
أجابهٌ ياسين ٠٠٠٠٠ ده العشم بردوا يا باشا،،،علي العموم إحنا مش هنفتري عليها،، دي دكتورة مشبوهه وشغلها كله شمال،، ورجالتي حطينها تحت المراقبه أول ماتجهز للتنفيذ إديني تليفون وأنا أظبطلك الميعاد علشان التلبس والقضيه تكون متظبطه ومتخرش الميه،،
وأكمل بحديث ذات مغذي٠٠٠٠٠أنا عاوزها تدخل وتبقي صاحبة مكان وترحرح فيه ،،مش مجرد كام سنه تتفسح فيهم وتخرج،،عايزينها تستقر وتعمر،،فاهمني يا حسام باشا !!!
ضحك حسام وتحدث٠٠٠٠٠ياباشا هدخلهالك عنبر المعمرين وهريحهالك علي الأخر ،،ومتقلقيش هنوجب معاها ونعملك الصح وذيادة !!
ضحك إثنتيهم وأكملا حديثهما !!!
__________________________
مساءً !!!!!!
كان يجلس بمكتبهِ داخل المنزل،، مٌلقي برأسهِ للخلف مغمض العينان ،،حزين الملامح،،يفكر بشرود ،،إستمع إلي عدة دقات فوق الباب سمح للطارق ومازال علي نفس وضعيته ،،،
دلفت ترتعب خوفاً من فكرة لقائه وبجانبها طارق الذي سهل لها هذا اللقاء بعدما هاتفتهٌ وطلبت منه أن يأخذها إليه !!
نظرت لهيئته وملامحه التي سكنها الحٌزن وأنفطر قلبها حزناُ لإجلهْ
تحمحمَ طارق حتي ينتبه وتحدث بصوتٍ هادئ ٠٠٠٠٠ياسين !!
أخذ شهيقاً وأخرجهْ بتألم ثم أفتح عينه لينظر لأخاه،،وجدها تجاورة تطالعهُ بغصه مؤلمه،،كان داخلهٌ مٌبعثر ما بين قلبٍ مفطورٍ علي حالتها المزريه وجسدها الذي أصبحَ هزيلاً بين ليلةٍ وضحاها ،، وتعبها الظاهر بوجهها،،وبين نيران الغضب التي مازالت مٌشتعله داخله ولم تنطفئ بعد !!!
وبلحظه إستقر داخله وإختنقت ملامحهٌ بالغضب ونظر لها مٌوجهاً حديثهٌ بحده بالغه٠٠٠٠إنت لسه ليكي عين تيجي لحد هنا وبكل جرأة تقفي قدامي ؟؟
تحدث طارق بهدوء وتعقل٠٠٠٠٠ياسين من فضلك،،مليكه عندها كلام مهم عاوزة تقولهولك ،،إقعد معاها بهدوء وأسمعها وحكم عقلك قبل قلبك علشان تقدر تستوعبه !!
نظر لأخاه بجمود وتحدث٠٠٠٠خلاص يا طارق ،،مبقاش فيه بينا أي كلام ممكن يتقال،،،خلصت !!!
إبتلعت غِصه مٌرة بحلقها وتحدثت بإستماته٠٠٠٠٠لازم تسمعني يا ياسين،، من حقك عليا إني أفهمك وأعرفك حقيقة إللي حصل ،،ومن حقي عليك إنك تسمعني ،،كفايه إمبارح إتهمتني بقتل إبني قدام الكل ومنعت عني حق الرد،،
نظر لها بصرامه وأردفَ بجمود٠٠٠وأنا متنازل عن حقي ف إني أسمع جنابك،،لأن ببساطه مش طايق أشوفك قدامي !!
إبتلعت غِصة مريرة بحلقها ونظرت له بقلبٍ يتمزق وتحدثت بإستماته٠٠٠٠٠وأنا مش هخرج من هنا غير لما تسمعني وأبرئ نفسي من تهمه بعيدة كل البعد عني !!!
وجه طارق حديثهٌ لياسين٠٠٠٠إهدي يا ياسين لو سمحت وحكم عقلك وأسمعها،،لازم تقعدوا وتتكلموا ،،،الموضوع فيه لبس ولازم تسمع من مليكه،
زفر بضيق فأكمل طارق ٠٠٠٠أقعد يا ياسين من فضلك وأديها فرصة للكلام ،،،أنا هخرج علشان تعرفوا تتكلموا براحتكم ،،،بس ياريت تتكلموا بهدوء علشان ماتخسروش بعض !!!
صمت ياسين،،فخرج طارق وتحرك ياسين وجلس فوق الأريكة ببرود ،،تحركت خجلاً وجلست بمقعد بعيداً مقابل له،، وبدأت بالحديث !!!
وبعد مدة كانت تبكي وتسترسل حديثها٠٠٠٠أنا معملتش كده غير من حبي ليك وخوفي علي مشاعرك يا ياسين،،خفت أجرحك لما تعرف الموضوع،،أنا أسفه ،،أنا أسفه يا حبيبي أرجوك تسامحني !!!
كان يستمع لها بملامح جامدة ثم أردفَ ببرود٠٠٠٠٠لو خلصتي كلامك إتفضلي روحي لأولادك !!
نظرت له بإندهاش وتيهه وتحدثت٠٠٠٠٠يعني أيه ؟؟
رمقها بنظرات حادة غاضبه وتحدث٠٠٠٠يعني كل كلامك ده مفرقش معايا يا مدام،،عذر أقبح من ذنب بالنسبالي،،،جايه تبرأي نفسك من تهمة قتل إبني وأنتي كنتي السبب ف تشويهه وتدميرة،،جايه تبرري غلط بغلط أكبر ،،جايه توريني وشك الحقيقي فاأد أيه إنتي ست غشاشه وكذابه وخاينه !!!
إنتفض داخلها وتحدثت بحده٠٠٠٠متقولش خاينه أنا أبعد مما يكون عن الوصف ده !!
إنتفض من جلسته وتحدث بغضب٠٠٠٠٠٠ولما تطعنيني بضهري وتاخدي حبوب تمنعي بيها حاجه كنت مستنيها وياما أتمنيتها ،،ده تسميه أيه ؟؟
وأكملَ بتألم٠٠٠٠٠٠٠تعرفي إن كل يوم كنت مستني منك تبشريني وتقوليلي علي إني أخيراً هيكونلي حته مني جواكي ،،حته مني تحتويها بحبك وبرعايتك وتكبر كل يوم عن اليوم إللي قبله لحد متسلميني بإديكي حلم عمري وأغلي أمنيه عشت أستناها ،،إبني اللي إختلط فيه دمي ودمك ،،،ثمرة حبي ليكي إللي كنت هشق صدري وأخبيها جوة ضلوعي زي ما عيشت طول عمري مخبيكي ،،
ثم جلس وأكمل بغصه مؤلمه ٠٠٠٠٠جايه تبرري أيه إنتي،،،للأسف ملكيش عندي أي أعذار !!!
كانت ترتجف بدموع وتحدثت٠٠٠٠٠غصب عني يا ياسين،،أنا كنت خايفه ومشاعري كانت مٌشتته ،،خفت،،،، والله خفت من كل اللي حواليا ،،خفت عليهم ومنهم ،،،خفت من نظرات الإتهام إللي إنت بنفسك شفتها ف عيونهم !!!
صاخ بغضب ٠٠٠٠من أيه ؟؟خايفه من أيه ومن مين وأنا كنت طول الوقت جنبك،،أنا ياما طمنتك وقويتك وشجعتك،، لكن خوفك ده ملوش عندي غير معني واحد، وهو إنك للأسف مشفتنيش الراجل والحمي والسند الكافي ليكي،،وده ملوش عندي غير تفسير واحد،،، إنك محبتنيش من الأساس يا مليكه،،لأن ببساطه الست لما بتحب بتأمن وبتسلم روحها وحياتها لراجلها وهي مغمضه،،بس أنا للأسف معرفتش أوصلك للإحساس ده ،،
ثم جلس وتحدث بإتهام ٠٠٠٠كذبتي عليا وأخدتي حبوب تمنعني من حقي فإني أكون أب لطفل أنا محتاجه وبتمناه،،،ولغيتي أبسط حقوقي وهي مشاركتي لقرار سيادتك اللي الدين والشرع بيجبروكي تبلغيني بيه ،،روحتي لدكتورة مشبوهه وخليتي سيرتك وسيرتي حكاية علي مصاطب شوية ممرضات يتنقلوها بين بعضهم،،كذبتي عليا وقولتي إنك واقعه علي ضهرك ،،
وف الأخر وبكل بساطه جايه تقوليلي أسفه أصلي كنت خايفه علي مشاعرك ،،
ونظر لها مٌضيقاً عيناه وأردفَ ٠٠٠٠وياتري أيه المطلوب مني دالوقتي يا مدام ،،أخدك ف حضني وأطبطب عليكي وأقولك خلاص يا حبيبي أنا مسامحك وهنسي كل اللي حصل وهبدأ معاكي من جديد؟؟
طب إزاي وأنا ثقتي فيكي إتهدت ،،إزاي وأنا أصلاً طول الوقت هكون شاكك فيكي ومش مصدق ولا كلمة من إللي بتقوليهالي ،،طول الوقت هكون بتلفت حواليا ومستني طعنة غدرك الجديدة وأنا بسأل نفسي ياتري هتكون من أنهي إتجاه !!!
للأسف يا مدام إنتي كسرتي جسور الثقه إللي عشت عمري كله أبني فيها ،،
وأكملَ بتأثر وألم ظهر برعشة صوته٠٠٠٠٠إنتي مش عارفه أنا كنت شايفك بعيوني أزاي ،،أنتي كنتي ف حته عاليه أوي عندي،،حته خاصه بيكي لوحدك محدش قدر يوصلها غيرك،،،،،أنا كنت شايفك أقرب لملاك ،،
وأكمل بنبرة منكسرة تشوبها الحسرة٠٠٠٠٠بس يا خسارة،،طلعتي زيهم،،،طلعتي بشر !!!
كانت تستمع لهْ ودموعها تنهمر كشلالات ساخنه تنزف علي خديها تكوي كل ما تمر به بألمٍ حارق
تحدثت بقلبٍ ينزف٠٠٠٠كفايه يا ياسين،،أرجوك كفايه إنتَ كده بتدبحني !!!
أجابها بتألم ٠٠٠٠طب ما أنتي كمان دبحتيني وبسكينه تلمه ،،دبحتيني بدم بارد من غير لا رحمه ولا شفقه،،إنتي فاهمه يعني أيه حد تبقي شيفاه ملاك ومأمنه علي حياتك معاه وماشيه معاه وإنتي مغمضه عيونك وبلحظه تصحي علي طعنة غدر وخيانه من إيد أكتر حد مش مدياله خوانه ؟؟
تحدثت بألم ٠٠٠٠أرجوك متقولش خيانه،، أنا أبعد مما يكون عن الوصف ده يا ياسين !!!
أجابها بحده٠٠٠٠٠للأسف ملهاش عندي مسمي تاني غير ده،،إنتي خنتيني وخنتي ثقتي فيكي ،،الخيانه ملهاش منظور واحد يا مدام،،الخيانه خيانة فكرة وصورة كنت راسمها وإنتي خنتي وهدتيها بأديكي ،،
وذهب إلي النافذه وأعطاها ظهرة وتحدث أمراً بجمود٠٠٠٠ودالوقتي ياريت تخرجي من هنا ومتحاوليش تتواصلي معايا بأي شكل من الأشكال،،لإني ببساطه مش طايق حتي أسمع صوتك،،،أنا سمعتك وأتكلمت معاكي علشان خاطر طارق هو اللي طلب ده ،،أما لو عليكي فأنتي بعد اللي عملتيه مبقاش ليكي عندي أي حقوق !!!
تنهدت بتألم ثم تماسكت وأردفت بجديه ٠٠٠٠لو ده رأيك وقرارك بعد كل اللي حكتهولك من أعذار يبقي تمام،،اللي إنت شايفه أعمله وأنا موافقاك عليه !!!
نزلت كلماتها عليه كخناجر أكملت علي ما تبقي منه
وأكملت بقوة ٠٠٠٠٠تمام،،أنا كنت حابه أتكلم معاك ف موضوع جوز سلمي اللي إتفصل من شغله إنهارده بدون أسباب واللي أنا متأكده إنك السبب الرئيسي فيه ،،بيتهيألي بعد إللي أنا حكتهولك إتأكدت وعرفت إن سلمي ملهاش أي ذنب،،من فضلك حكم ضميرك ورجعه لشغله علشان خاطر إبنه وبيته إللي ممكن يتخرب !!!!
نظر لها بتهكم وتحدث ساخراً ٠٠٠٠٠أااااه،، يبقي الهانم كانت جايه علشان تحل موضوع شريكتها ف الجريمه مش توضح للمغفل سبب عملتها السودا ،،
وصفق بيداه مٌتحدثاً ٠٠٠٠٠برافوا،،ياتري لسه عندك مواهب تانيه ولا كده خلاص !!
بكت بإنهيار وتحدثت بتألم ٠٠٠٠كفايه يا ياسين،،حرام عليك إرحمني بقي أنا تعبت خلاص ومش قادرة أتحمل إتهاماتك أكتر من كده !!!
تألم داخله لأجلها،، وٌدَ لو يجري عليها يحتضنٌها ويحتويها ويٌدخِلٌها داخل ضلوعه ويٌزيل عنها ألمها الظاهر بعيونها والساكن بروحها المٌتألمه ،،لكنه كبرياء الرجل الذي يسكنه،،اللعنةٌ علي ذلك الكبرياء واللعنةٌ علي كرامتهْ !!!
أعطاها ظهرة من جديد وأغمض عيناهُ بتألم خوفاً من إستسلامه وتحدث أمراً ٠٠٠٠٠،،أخرجي وياريت متجيش هنا تاني،،وبالنسبه لجوز الهانم دي قرصة ودن صغيرة علشان يعرف يلم مراته ويخليها تحترم نفسها ومتدخلش ف أمور الغير !!!
صاحت بغضب وتحدثت ٠٠٠٠٠لو عاوز تعاقب حد وتنتقم منه يبقي تعاقبني أنا ،،القرار كان قراري لوحدي وسلمي ملهاش أي علاقه بيه،، خرجها هي وجوزها برة دايرة إنتقامك ،،،وياريت تحكم ضميرك قبل فوات الأوان !!!
نظر لها بتألم وضعف وأجاب٠٠٠٠٠ياريتني كنت أقدر أعمل كده،،صدقيني مكنتش أترددت لحظه وأهو علي الأقل كنت إرتاحت !!
ذهب إلي الباب وفتحه وتحدث بإنكسار ٠٠٠٠ودالوقتي ياريت تخرجي علشان بجد مش طايق أسمع منك كلمة ذياده ولا حتي أشوفك قدامي !!!
تحركت بخيبة أمل ووقفت قبالتهٌ بداخل يتمزق وحدثته عيونها،،،،من أنتَ بحق الله،،أنا لم أتعرف عليك اليوم،،هل أنت ياسيني ورحمتي،،سندي وحمايتي،،يقيني وهدايتي ،،أجبني أرجوك ،،من أنت ؟؟
أجابتها عيونه بتألم وداخل مٌبعثر،،،
كٌفِ عني عيناكي المٌلامهْ وكفيَ بأنكِ سببٍ لأحزاني،،
لا تسأليني فأنا مازلتٌ بعدْ مٌشتتٌ المشاعرِ والوجدانِ ،،
مٌبعثرُ داخلي وكياني مٌدمرْ،،مازلت أبحثٌ عن دواءِ لمٌر ألاميِ
إذهبي ولنا ف القريبِ لقاءٍ،،رٌبما يكونٌ بهِ فرجٌ لذهابِ أحزانيِ
نزلت دمعه من عيناها تترجاه بأن يتراجع عن مايفعله ،،أنا أحتاجكَ ياسيني،،فلترحمني بالله،،أحتاج حٌضنك،،ضمتٌ صَدركْ،،أحتاج إحتوائكَ فلقد أصبحتٌ ضعيفه بما يكفي،، لا تتركني أرجوك ،،أرجوك ياسيني !!
إبتلع غصه بداخله لأجل حالتها وذهب سريعاً من أمامها خشيتاً من أن يضعف ويدلفها داخل أحضانه،،اللعنه علي ذلك الكبرياء يا فتي ،،
جلس فوق مقعدهٌ
نظرت عليه بخيبة أمل وتنهدت بتألم وخرجت
وجدت منال تقف هي وعز وطارق وهي تفرق يداها بغضب !!
تحدثت منال٠٠٠٠٠٠ لسه ليكي عين تيجي لحد هنا بعد اللي عملتيه،، سيبي إبني ف حالة بقي كفايه اللي عملتيه فيه والحاله إللي وصلها بفضلك ،،،بقي توصل بيكي الجرأه إنك تجهضي نفسك وتعرضيها للخطر علشان محدش يعرف إنه بقي جوزك وحصل بينكم معاشرة،،،
نظرت لها بكل قوة وتحدث ٠٠٠٠أنا ما عملتش حاجه حرام ولا غلط حضرتك، مش أنا اللي أقتل إبني بإيدي وأتخلي عنه وخصوصا لو الإبن دي كان من ياسين المغربي
كان يستمع لحوارها من داخل مكتبه إقشعر بدنه من تلك الكلمه و أغمض عيناه بتألم
وأكملت هي بالخارج أنا أخدت حبوب منع الحمل لكن للأسف كان فيه حمل حصل من قبلها وأنا والله مكنت أعرف ،،لما أكتشفت إني حامل الدكتور أكدتلي إن الجنين إتشوه من الحبوب ولازم ينزل،،،
تحدث عز بحده ٠٠٠٠٠ولما هو كده يا مدام مجتيش قولتيله ليه وأخدتيه معاكي عند الدكتورة اللي بتقولي عليها دي !!
بكت وتحدثت بجرأه غير معهوده عليها٠٠٠٠مكنتش أقدر أجرح شعورة وأقوله إني كنت باخد حبوب من وراك،،أنا كنت ناويه أفتح صفحه جديده مع ياسين ف كل حاجه،،كنت ناويه أقفل صفحة البيبي والحبوب وأبدأ معاه صفحه جديدة ف حياتنا مفهاش خوف ولا أسرار،،، كنت ناويه أعمل كل اللي يرضيه ويريحه ويخليه سعيد ومبسوط،، لان ياسين ميستاهلش غير كل حاجه حلوة، ،
ثم نظرت لغرفة المكتب وبابهٌ المٌترجل وتحدثت بدموع ساخنه وبصوتٍ عالي٠٠٠٠٠أنا أسفه يا ياسين،،،صدقني مكنش قصدي أبداً إني أجرحك !!
كان يتمزق ألماً وهو يستمع حديثٌها الذي إستشفَ صدقه من نبرة صوتها المٌتألم لكنها ذبحت كرامته ورجولته بما يكفي ،،،لا ولن يسامحها بتلك السهوله ،،كفي مليكه،،كفي جراح وإهانات لهذا الحد،،كفي
وقف بإنكسار ووصل للباب وأغلقه بعنف ليوصل لها أنه ما عادَ ينتظر مٌبرراتها السخيفةِ بالنسبة لهْ،،
نظرت لباب المكتب وهو يٌغلق بشده وبكت بمرارة وألم
كان الحضور ينظر لها ولحالها الذي يٌدمي القلوب حتي منال التي تألم قلبها لأجلها !!
تحدث عز بهدوء٠٠٠٠٠روحي يا مليكه علشان ولادك،،ياسين غضبان ومش هيسمعك مهما قولتي حالياً ،،يمكن لما يهدي بعدين يفكر ويقدر يعذرك،، لكن حاليا مستحيل، ،ده إبني وأنا أدري بيه
نظرت لعيناه تستعطه بألا يتركها هكذا، بأن يساعدها ف الوصول لدلوف لبر أمانها من جديد،، وهو أحضان ياسين !!!
طمئنها بعيناه وتحدث٠٠٠روحي لأولادك يا بنتي دالوقتي !!
تحدثت بإستعطاف٠٠٠٠٠أرجوك يا عمو تخلي ياسين يرجع جوز سلمي لشغله ، سلمي وجوزها ملهومش ذنب ف اللي حصل،،
تحدث عز بطمئنه٠٠٠٠٠أطمني أنا هكلم ياسين حالاً وأعتبري الموضوع إنتهي، ،مش إحنا يا بنتي إللي بنرضي بظلم حد واكيد ياسين عمل كده وقت غضب ولما يهدي أكيد كان هيراجع نفسه ،،
ثم وجه بصرة إلي طارق وتحدث ٠٠٠٠خد مليكه وصلها للبيت يا طارق !!!
أماءَ له طارق بإحترام ،،وتحرك بجانب مليكه ليوصلها
_____________________________
دلفت ليالي إلي غرفة منال وتحدثت بملامه ٠٠٠٠٠يرضيكي اللي ياسين عمله ده يا عمتو،،يعني أيه يبلغ الحرس برة إني ممنوعه من الخروج،،أفهم من كده إني متعاقبه ،،طب وبالنسبه لتمرينات الجيم والنادي أعمل فيهم أيه؟؟
تنهدت منال وأجابتها بضيق ووجهٍ عَبوس ٠٠٠٠الناس ف أيه وإنتي ف أيه يا ليالي،، إنتي مش حاسه ولا شايفه حالة جوزك عامله إزاي من وقت إللي حصل،،جيم أيه ونادي أيه اللي بتتكلمي عنهم دول ،،
وبعدين أصلاً إنتي تحمدي ربنا إنه منعك من الخروج وبس،،دنا كنت حاطه إيدي علي قلبي ومستنيه ردة فعله علي المصيبه إللي إنتي عملتيها،،وأظن كده عرفتي وأتأكدتي هو منع عنك الفلوس وسفرية لبنان ليه !!!!
أجابتها ليالي بدموع٠٠٠٠طب ودي تبقي عيشه يا عمتو،،ده كده بيقهرني ويحسرني علي نفسي،،أبنك حاططني تحت الحراسه الجبريه !!!!
تنهدت منال وتحدثت بتملل٠٠٠٠إحمدي ربنا إنها جت علي أد كده،،وعلي فكرة عمل كده مع مليكه هي كمان، ،يعني مش لوحدك !!!
تحدثت بغل علي ذكر مليكه٠٠٠٠٠ف ستين داهيه،،أنا مش فاهمه هو ما طلقهاش وخلصنا ليه أصلاً ،،، شاطر بس يتشطر علي ليالي ،،
وأكملت بلوم٠٠٠٠٠مش هي دي اللي فضلتي تقوليلي إطمني إطمني لسه ملمسهاش،،
وأكملت ساخرتاً وهي تهز رأسها٠٠٠٠٠٠هو فعلاً ملمسهاش،،دي يدوب كانت حامل منه !!!
تحدثت منال بحيرة ٠٠٠٠وهي البنت كانت بايته ف وسطهم علشان تعرف،،،إهي كانت بتنقلي اللي بتشوفه بعنيها،،كانت بتقول إنها بتدخل تلاقي الفرش اللي بيأكد إن مليكه كانت نايمه علي سريرها وياسين نايم فوق الكنبه بتاعته !!!
______________________________
كانت تجلس بمنزلها صباحاً رن جرس الباب يعلن عن وصول أحدهم فتحت العامله الباب ودلف منهٌ ياسين،،
نظرت عليه نرمين ووقفت بترحاب وتحدثت مٌبتسمه ٠٠٠٠٠ياسين ،،،ده أيه المفاجأه الحلوة دي،،إتفضل أدخل !!!
أجابها ياسين بإقتضاب ووجهِ عابس٠٠٠٠أنا جاي أقولك كلمتين يا نرمين وماشي علطول،،مليكه،،، خط أحمر،،لو حاولتي تاني تأذيها أو تجرحيها بأي كلمه ،،للأسف هنسي إللي بينا وهتلاقي مني معامله مش هتعجبك خالص ولا هترضيكي !!!
إستغربت نرمين حالة الغضب والشحن التي يتحدث بها ياسين وتحدثت بغضب٠٠٠٠٠هي الهانم لحقت إشتكتلك مني وبسرعه قلبتك عليا ،،ماشاء الله عليها عندها قدرة رهيبه ف إنها تسحبكم وتمشيكم وراها زي ما هي عاوزه ،،وكأني شايفه رائف قدامي بنفس حمقت دفاعه عنها !!
إستشاط داخله علي ذكر رائف معها بجمله واحده وكأنها أحضرت بيدها ماردٌها المٌدمر٠٠٠٠٠للدرجادي غيرتك منها صعبه وعمياكي وعاميه قلبك من ناحيتها ،،إسمعي يا نرمين،،أنا جتلك علشان أكون برأت ذمتي من ناحيتك ،،
الطريقه الرخيصه إللي كلمتي بيها مراتي يوم الحادثه وعيدتيها تاني من كام يوم لو أتكررت وقتها ماتلوميش غير نفسك، ،ودالوقتي علشان تتفادي غضبي وقلبتي عليكي تتفضلي كده زي الشاطرة وتروحي لمليكه وتعتذريلها عن كل إللي قولتيه ف حقها ،،
وأكملَ بوعيد٠٠٠٠٠٠٠وإلا تنسي إن ليكي إبن عم وأخ إسمه ياسين المغربي، ، وع فكرة أنا جااااد جدا ف كلامي !!!
تحدثت بنبرة زائفه لإستعطافه٠٠٠٠٠يعني يرضيك ذٌلي وإهانتي لما أروح أعتذرلها يا ياسين،،هي دي صيانتك لأمانة بابا الله يرحمه ؟؟
أجابها ياسين بكل قوة مٌتلاشياً تمثيلها عليه٠٠٠٠٠ماهو علشان أصون أمانة عمي صح لازم أطهرك من الشوائب إللي ملت قلبك يا نرمين،، ، لازم ترجعي نرمين الحنينه أم قلب نضيف بتاعت زمان،،، فكراها يا نرمين ؟؟
كادت أن تتحدث
أسكتها وأكملَ بحده٠٠٠٠نرمين ،،الموضوع بالنسبالي مفيهوش أي نقاش،، دي مراتي وكرامتها من كرامتي وسيادتك هنتيها بدل المرة مرتين،، وانا سكت أول مرة علشان خاطر عمتي،،، بس المرادي مفيهاش سماح،،وحالا تختاري،،،، يا تتفضلي قدامي وتروحي تعتذريلها قدام عمتي ويسرا يا أما بقي تبقي إنتي إللي إختارتي وساعتها متلوميش غير نفسك !!
إبتلعت لٌعابها بخوف من هيئة ياسين وتحاملت علي حالها وذهبت إلي مليكه وأعتذرت منها تحت إستغراب ثريا ويسرا ومليكه نفسها وهذا لتتفادي غضب ياسين وخسارتها له !!!!
___________________________
بعد يومان سائت حالة مليكه النفسيه وأصبح جسدها هزيل لإمتناعها عن الطعام إلا من تناول القليل،، جاء والدها ووالدتها وشريف لأخذها ،،وأستدعت ثريا عز وياسين وطارق !!!
فتحدث ياسين برفض٠٠٠٠أنا أسف يا سالم بيه،،بس مليكه مش هينفع تسيب بيتها وولادها،، أنا بعت أجبلها ممرضه هتقعد معاها وتنظملها أكلها وأدويتها ف مواعيدها ،،وإن شاء الله يومين بالظبط وهتبقي أحسن !!
إنتفض سالم من جلسته ووقف بغضب وتحدث بحده علي غير العادة ٠٠٠٠٠أنا مش جاي أستأذنك علي فكرة،،،أنا هاخد بنتي معايا يعني هاخدها،،أنا بنتي مش محتاجه للمرضه بتاعتك،،بنتي محتاجه ناس تحس بيها وأيد تطبطب عليها وحضن يضمها ويطمنها ويطمن خوفها اللي ملاها من وقت ما دخلت بيوتكم وعاشرتكم !
تحدث ياسين بكبرياء٠٠٠٠٠بنت حضرتك إللي بتدافع عنها غلطت ف حقي وبدل ما تعنفها وتعرفها غلطها جاي تلوم علينا إحنا ؟؟
تحدث عز بهدوء ٠٠٠٠٠إهدي يا سالم بيه وأقعد وخلينا نتفاهم،،مليكه مش هينفع تسيب البيت علشان الولاد وثريا هانم !!
صاح بهم سالم بغضب وتحدث بصياح ٠٠٠٠٠أخر همي إنت وبيتك وثريا هانم،،، مع إحترامي للجميع بس أنا مفيش حد ف الدنيا كلها أغلي عندي من بنتي،،بنتي عندها إكتئاب وبتدبل كل يوم عن اللي قبله وسيادتك بتكلمني عن البيت والولاد وحالة ثريا هانم،،
ثم حول بصرة إلي ياسين وتحدث بحده٠٠٠٠٠بنتي خبت وكذبت من كتر خوفها منكم،،بنتي لو حاسه بالأمان ف بيتكم مكنتش خبت ،،،طول الوقت وأنتوا بتجلدوا ذاتها بنظراتكم وكلامكم ،، بنتي محتاجه حضن وأمان،، كلكم ظلمتوها وجرحتوها وحتي ما أدتوهاش الفرصه إنها تدافع عن نفسها،،، اتعاملتوا معاها علي إنها أله مش بشر !!!!
وأكملَ بتألم وغصة ظهرة بصوته٠٠٠٠٠وللأسف أنا أول واحد جنيت علي بنتي بإرغامي ليها وإجبارها علي جوازها منك !!!!
تحدث شريف بحده وهو يقف ويتحرك بإتجاه الدرج٠٠٠٠حضرتك واقف تبرر أيه يا بابا ولمين ،،أنا طالع أجيب مليكه وماما والولاد ومفيش مخلوق هيقدر يقف قدامنا !!
إنخلع قلبه من مكانه حين إستمع لحديث سالم وشريف نعم هو يتقطع شوقاً لها لكن كرامته تمنعه من الرجوع إليها بتلك السرعه،، يريد عقابها بالبعد حتي تشتاقه وفيما بعد تفكر ألاف المرات قبل فعل أي شيئ ممكن أن يزعج حياتهما !!!
تحدث ياسين بنبرة هادئه ٠٠٠٠إهدي يا سالم بيه من فضلك واللي عوزاه مليكه أنا هعملهولها
بعد قليل كانت تنزل الدَرجْ تٌسندها سٌهير وشريف من الجهه الأخري ويبدوا عليها التعب والإرهاق التام
إنفطر قلبه عليها،، وَدَ لو يٌسرع إليها ويسحبها بأحضانه ويحتويها ويٌقبل جبهتها بأسف علي ما وصلت إليه،،ولكنها كرامتهْ لا غيرها من منعتهْ !!
تحامل علي حاله وبعد نزولها وقف بقبالتها ينظر لعيناها الذابله بحزن وتحدث ٠٠٠٠٠بابا عاوز ياخدك معاه وأنا بقول تفضلي هنا أحسن وكلنا هنبقي جنبك ونراعيكي لحد ماتبقي أحسن ،،قولتي أيه ؟؟
كانت تنظر له بجمود ونظرات ولأول مرة خاليه من التعبير وتحدثت بصوتٍ ضعيف مٌتعَب٠٠٠٠٠أنا هروح مع بابا ومش عاوزه منكم أي رعايه،،كفايه أوي لحد كده !!
إنخلع قلبه من شدة حديثها وتحدث شريف بتهور ٠٠٠٠لو عاوزه تطلقي قولي يا مليكه وماتخافيش،،أنا كفيل إني أخلصك من الموضوع ده كله !!!
وكأنه بحديثه فتح نار وأندلعت شرارة اللهب بداخله،، نظر إلي شريف بغضب وتحدث بحدة بالغه٠٠٠٠٠إنتَ بتقول أيه يا بني أدم أنتَ، ،آنتَ إتجننت !!
تحدث عز بحده ٠٠٠٠٠أيه اللي بتقوله ده يا شريف ،،إهدي يا أبني وبلاش كلام ممكن يولع الدنيا ف بعضها !!
تحدثت ثريا بدموع وهي تحتضن مليكه ٠٠٠٠تعالي أقعدي وأرتاحي يا حبيبتي وأنا هعملك كل إللي إنتي عوزاه،، صدقيني !!!
تحدث طارق إلي شريف وهو يسحبه للخارج بحده٠٠٠٠تعالي معايا يا شريف نخرج نتمشي شويه ف الجنينه !!
تحدث شريف بحده٠٠٠٠٠مش خارج يا طارق !!
نظر سالم لولده وتحدث أمراً ٠٠٠٠٠٠شريف،،، أخرج مع طارق وأهدي شويه !!
هز رأسه لأبيه بإحترام ونظر إلي شقيقتهِ بتألم وخرج مٌجبراً !!!
أما ياسين الذي ظل مٌعلقاً بصرة بها يراقب تعبيرات وجهها الغير واضحه وهذا ما أرعب داخلهْ !!!
وتحدث بقلبٍ مَفطور ٠٠٠٠روحي مع سالم بيه أقعدي يومين ولا تلاته هدي فيهم أعصابك وأنا هاجي أخدك !!
إنتظر ردها لكنها لم ترد ولم تنظر إليه من الأساس كانت تلقي برأسها بإستسلام فوق كتف ثريا الحنون وتجاورها سٌهير ويسرا
تحدث عز بهدوء ٠٠٠٠بص يا سالم بيه،، خلينا نتكلم بوضوح وواقعيه،، مليكه للأسف غلطت وغلطها كان كبير، ،،بس ف الأخر هي كمان بنتنا مش بس بنتك لوحدك،،وياسين كمان غلط لما كلمها ف حضور الكل ،،
وأكملَ٠٠٠٠٠زعلانين شويه مع بعض وده الطبيعي اللي بيحصل بين أي زوجين بعد خلاف كبير زي ده ،،بس اللي أنت مش عارفه إن عمر ما حد فينا قصر ف حق مليكه ،،
بالعكس،،، مليكه طول عمرها تاج علي راسنا كلنا وبنفضلها حتي علي بناتنا،،واليومين اللي فاتوا كانوا يومين صعبين جدا علينا كلنا ومع ذلك محدش إتخلي عن مليكه بالعكس،، ثريا وبرغم تعبها لكن طول الوقت كانت جنبها ومعاها فوق هي ويسرا !!
بس ف نفس الوقت محدش منا يقدر يطلب من ياسين إنه يكون جنبها،،بالعكس أنا شايف إن البعد الحالي هو أسلم حل لمليكه وكمان ياسين،، مليكه للأسف دخلت ف نوبة إكتئاب وأنا شايف إن وجودها جنبك إنت وأمها وأخوها فعلاً هيكون أنسبلها من هنا،،،
وأكمل رفقاً بقلب حبيبته ٠٠٠٠ لكن معلش الولاد هيفضلوا هنا مع ثريا هانم علشان تعرف تراعيهم كويس،، ولما تحب مليكه تشوفهم هبعتهوملها وقت ما تأشر
إنتفض داخلها برعب من مجرد ذكر الفكرة ،،
شعر بها وبرعبها وتحدث سريعاً ٠٠٠٠٠بعد إذن سعادتك يا باشا،،أنا شايف إن الولاد أحسنلهم يكونوا مع أمهم وده هيفرق معاها هي كمان ف تحسين نفسيتها،،
ثم نظر إلي سالم الذي إستكانَ بجلسته بعد حديث ياسين وتحدث ياسين٠٠٠٠٠بس ياريت يا سالم بيه الوضع ده ما يطولش، ،،
هز سالم له رأسه بإيماء وتحدث ٠٠٠٠ربنا يسهل يا سيادة العقيد !!
كان عز ينظر إلي ثريا بقلبٍ مفطور لأجل حزنها من فكرة إبتعاد فلذات كبدها وكبد عزيز عيناها الراحل ولكن للأسف لم يعد بيديه شيئ ليفعله لأجله !!!!!
وقف ينظر إليها وهي تستقل السيارة وترتمي داخل أحضان والدتها ،،تحركت السيارة وخرجت من الباب الرئيسي وكأن قلبه إنخلع من مكانه، ، شعر بصرخه داخل قلبه النازف من فراق مليكته ومليكة غرامهْ،،،
وجد يدٍ تربت فوق كتفه نظر بجانب عينه وجدهٌ طارق ينظر له بحنان وتحدث ٠٠٠٠متقلقش،،كل حاجه مع الوقت هتبقي كويسه !!!
نظر لأخاه وأبتسم بألم وتحرك للجراج، إستقل سيارته وأنطلق بها يجوب الشوارع حتي يٌهدي من حدة ألمهْ الذي صاحبه فور مغادرتها !!!
______________________________
دلفت لمسكن أبيها بين أحضانه،،ودلف شريف بمروان وأنس للداخل،،،،
أجلسها فوق الأريكه وأمسكَ يدها وقبلها وتحدثَ بحنان٠٠٠٠٠أمك كانت بتقولي وإحنا ف الطريق هنروح نجيبها وناخدها لدكتور يطمنا عليها ،،
وأردفَ مٌبتسماً٠٠٠٠مسكينه سٌهير متعرفش إن أنا طبيبك !!!
إبتسمت لأبيها وهي تنظر لعيناه بغشاوة دموع حانيه تجمعت وكونت دموعاً سقطت منها عنوةَ عنها، ،
وضع أصبع يده وجفف لها دموعها ثم قبلَ موضع دمعتها وتحدث بحب ٠٠٠٠٠دموعك بتنزل علي قلبي تحرقه يا مليكه،،براحه علي قلب أبوكي يا بنتي ،،أبوكي كبر ومش هيقدر يتحمل حرقة قلبه عليكي !!!
بكت وبكي معها هو وسٌهير أخذها بين أحضانه وتحدث ٠٠٠٠٠أوعي أشوف دموعك طول ما أنا عايش علي وش الدنيا، ،
ثم جفف دموعها وتحدث بإبتسامه٠٠٠٠أنا أخدتلك أجازة إسبوع بحاله علشان تعرفي غلاوتك عندي أد أيه،،هنلف فيه إسكندريه كلها ومش عاوز أي إعتراض ،،إتفقنا !!
هزت رأسها بإيجاب فأكمل هو٠٠٠٠يلا يا سٌهير جهزلنا الغدا علشان أكل بنتي الحلوة بأديا زي زمان،،
ونظر لها بتساؤل وضحك٠٠٠٠٠فاكرة يا مليكه ؟؟
هزت رأسها بإبتسامة وأمسكت يده وقبلتها وتحدثت٠٠٠ربنا يباركلي فيك يا حبيبي !!!
أما شريف الذي رن هاتفه وهو يلاعب أبناء مليكه نظر به وجدها علياء
أخذ هاتفه وذهب للشرفه بعيداً عن الطفلان وضغط زر الإجابه وأجاب٠٠٠٠٠أيوة يا حبيبي
ردت علياء خجلاً ٠٠٠٠٠أيه يا شريف قلقتني عليك،،بكلمك من بدري مش بترد ليه ؟؟
أجابها بتنهيدة شقت صدرة٠٠٠٠معلش يا حبيبي كنا بنجيب مليكه أنا وبابا علشان هتقعد معانا كام يوم وكٌنت عامله Silent !!!
ردت علياء بإهتمام٠٠٠٠هي مليكه لسه ضهرها واجعها ؟؟
أغمض عيناه وتحدث بكذب مقبول ٠٠٠٠٠أه يا حبيبي الوقعه كانت شديدة شويه،،يومين كده و هتبقي أحسن إن شاء الله
وأكملَ ٠٠٠٠الباشمهندس وطنط عاميلن أيه ؟؟
أجابته بإبتسامه ٠٠٠كويسين جداً وبيسلموا عليك ونفسهم تيجي أسوان بقي علشان يشوفوك !!!
إندمجَ معها وأجابها بحب ٠٠٠٠هما بردوا اللي نفسهم يشوفوني ولا الشقيه بنتهم ؟؟
إبتسمت خجلاً فتحدث هو بإعتذار ٠٠٠٠أنا أسف يا حبيبي،، عارف إن المفروض كنا جينا زيارة للبشمهندس بعد بابا ما كلمه وأدانا الموافقه،،لكن إنتي شايفه الظروف إللي إحنا فيها،،
موضوع تعب مليكه ربكنا كلنا ،،لكن إن شاء الله إسبوع ومليكه تبقي أحسن وهنيجي نتفق وأعملك أحلا وأجمل حفلة خطوبه ف أسوان كلها، حاجه كده تليق بالغاليه عاليا !!
أجابته بتفهم وحب ٠٠٠٠٠أهم حاجه نتطمن علي مليكه الأول وكل حاجه تيجي ف وقتها إن شاء الله !!!
إبتسم بحب وتحدث٠٠٠٠٠يسلملي حبيبي إللي بيقدر ظروف حبيبه !!
وضل يتحدثان معاً ف درب عشقهما !!
الفصل السابع والثلاثون
بعد مرور ثلاثة أيام،،، داخل منزل سالم عثمان !!!!
كانت تلتف هي وعائلتها حول سفرة الطعام يتناولونَ إفطار يوم الجمعه
وسط اجواء تتسم بالمحبه والود،،بعد أن إستردت بعض صحتها ونشاطها بفضل الله ثم أبيها ووالدتها وشريف !!!!
نظر سالم إلي مروان وتحدث بإهتمام٠٠٠٠أيه يا مروان مبتاكلش ليه يا حبيبي ؟؟
تحدث إليه الصغير بإحترام٠٠٠٠٠مش قادر يا جدو،،أكلت تشيز كيك مع خالوا من شوية وقت وشبعت خلاص !!!
نظرت سٌهير إلي شريف ووجهة له اللوم٠٠٠٠أنا مش قولتلك متدلوش غير بعد الأكل،،عجبك كده،، أهو مافطرش !!
اجابها شريف مٌدافعاً عن حاله ٠٠٠٠٠٠أعمل أيه بس يا سوسو ف قلبي الضعيف إللي مبيقدرش يقاوم ويرفض أي طلب لحبايبه ،،،
ثم نظر إلي مروان وتحدثَ بدعابه٠٠٠٠٠عجبك كده يا سي مروان،،أديك جبتلي الكلام،، أتفضل كٌل بقي علشان أخدك معايا بالليل الإستوديو !!!
أما أنس الجالس بأحضان سٌهير تٌطعمهْ فقد رفعَ يده وتحدث بإنتشاء٠٠٠٠٠أنا باكل أهو يا خالو خدني أنا كمان مع مارو !!
نظر له شريف وبعث له قٌبله ف الهواء وتحدث بحب ٠٠٠٠يا قلب خالو إنت أصلاً أول حد جاي معايا !!!
هلل الصغيران !!!
كانت تبتسم داخلياً من الإهتمام المٌحاطه به هي وأطفالها من عائلتها المحبه !!!
تحدث والدها بإهتمام٠٠٠٠كملي أكلك يا حبيبتي !!
نظرت له بإبتسامه حانيه وأردفت٠٠٠٠شبعت خلاص يا بابا !!!
أصر عليها وأكمل٠٠٠٠علشان خاطري يا حبيبتي كملي أكلك !!
هزت رأسها له بطاعه وأشرعت بتناول ماتبقي لها !!!
تحدثت سٌهير بجديه ٠٠٠٠٠هو إنتَ يا سالم مش ناوي تسافر أسوان إنتَ وشريف علشان تقعدوا مع حسن المغربي وتتفقوا علي ميعاد وترتيبات الخطوبه ؟؟
أجابها سالم ٠٠٠٠يومين بس لما صحة مليكه تبقي أحسن وهنسافر إن شاء الله !!!
أجابته سٌهير ٠٠٠٠أنا بس كنت عاوزه أعرف ميعاد الخطوبه علشان أبلغ سيف يعمل حساب أجازته هو ومراته !!!
نظرت لهٌ مليكه وتحدثت ٠٠٠٠أنا الحمدلله بقيت كويسه يا بابا،،سافر حضرتك إنتَ وشريف ومتعطلوش نفسكم وأنا والولاد أدينا قاعدين مع ماما !!
نظر لها شريف وتحدث٠٠٠٠لا ياحبيبتي لما تبقي كويسه ونطمن عليكي نبقي وقتها نسافر !!
إبتسمت له وتحدثت بحب٠٠٠٠صدقني يا حبيبي انا بقيت كويسه،،وبعدين بصراحه كده أنا بتلكك علشان أسافر أسوان،، عاليا وحشتني جدا هي وطنط ونفسي أشوفهم !!
تحدثت سٌهير إلي مليكه بإبتسامه٠٠٠٠تعرفي يا مليكه اني حبيت البنت دي أوي،،فاكرة يوم ما عزمتيها علي الغدا هنا،،سبحان الله أول ما شفتها دخلت قلبي وحبيتها علطول،،، ،،وليها هاله كده من أول مادخلت المكان نورته وخلقت فيه جو من السعادة والبهجه،،ده غير إنها مؤدبه ومتربية صح !!
ثم تحدثت بإستهجان ٠٠٠٠عكس إللي إسمها سالي دي خالص،، المرتين إللي جت فيهم هنا كانت بتقعد مكشرة وتبص علي كل حاجه حواليها بإشمئزاز،،حقيقي كانت قليلة الذوق ،،فرق السما من الأرض بينها وببن عاليا !!!
كان يستمع لوالدتهٌ وحبها وراحتها لعاليتهْ بقلبٍ سعيد !!!
حدثها سالم بإقتضاب٠٠٠٠٠الله يسهلها يا سٌهير،،البنت راحت لحالها مفيش داعي تجيبي سيرتها وتحملينا ذنوب وإحنا قاعدين !!!
رد شريف تأكيداً علي حديث والده٠٠٠٠بابا عنده حق يا ماما،،وبعدين ياريت حضرتك تعتبريها صفحه ف حياتنا وأتقفلت علشان سيرتها متجيش بعد كده قدام علياء وتضايق !!!
بعد حوالي ساعه كان الجميع يجلس ف البهو يحتسون مشروب القهوة تحدث مروان ٠٠٠٠٠مامي هي نانا هتيجي أمتي ؟؟
أجابتهْ٠٠٠٠بعد صلاة الجمعه ان شاء الله يا حبيبي !!
نظر لها سالم وتحدث ٠٠٠٠هي ثريا هانم جايه يا مليكه ؟؟
سبقتها سٌهير بالرد٠٠٠٠٠طارق إتصل بشريف وأستأذنه إنه هيجيب عمته وييجوا علشان يطمنوا علي مليكه والأولاد !!!
أردف سالم بإعجاب٠٠٠٠الست دي محترمه وتصرفاتها تصرفات واحده متربيه وبنت أصول بجد،،
ونظر إلي مليكه وأسترسلَ حديثهْ ٠٠٠٠ياريت يابنتي تخلي بالك منها وتحطيها جوة عيونك !!
إبتسمت له وتحدثت بصوتٍ هادئ ٠٠٠٠٠٠ هي اللي واخده بالها مني ومن ولادي يا بابا، ربنا يباركلي فيها !!
_________________________________
داخل حديقة منزل رائف !!!!
كان الجميع مٌلتفونَ حول مائدة الإفطار كالعادة
ولكن بقلوبٍ محمله بأثقال من التعب والألم والفراق والهجران !!!
قلب ثريا المٌتالم من فراق فلذات أكباد فقيدها الغالي،،وعٌقدت ذنبها التي لازمتها بعدما حل بمليكة من تعب وألم وما أوت إليه بفضلها !!!!
أما ياسين العاشق المجروح وقلبهٌ الذي مازال ينزف ويتألم مٌتأثراً بما فعلته به معشوقته،،وبرغم أنه إستمع إليها إلا أنه لم يقتنع بأعذارها إلي الأن ،،وأكثر ما ألمَ قلبهْ وأكمل عليه هو إبتعادها وأختفائها عن عيناه،،
ويسرا وعز وطارق ومنال التي مازالت تتألم من مجرد نظرتها داخل عيون ياسين وهي تري بهما ألمٍ مٌميت وفقدان الثقه !!
تحدثت راقيه بفضول كعادتها ٠٠٠٠٠٠هي مليكه لسه مجتش من عند بباها يا ثريا ؟؟
إنفطر قلبه وأنخلع من مجرد ذكر أحدهم لإسمها !!
أجابتها ثريا بصدرٍ مٌحملٍ بالهموم٠٠٠٠٠لسه يا راقيه،،هتقعد كمان كام يوم هناك لحد ماتبقي كويسه إن شاء الله !!
أجابتها بإستغراب ٠٠٠غريبه أوي،،إشمعنا يعني المرادي إللي راحت بيت بباها،،ده عمرها ماحصلت من ساعة ما دخلت بيتكم،،ده حتي وقت ما ولدت الولدين لا انتي ولا رائف الله يرحمه كنتوا بترضوا إنها تسيب البيت وتروح لبباها،،،ماكنتش حتة وقعه دي !!
إشتعل داخله من تلك المٌتحشرة ولكنهٌ تمالك حالهْ إلي أبعد الحدود وتحدث بنبرة بارده ساخرة بعض الشئ٠٠٠٠٠٠تعرفي إن حضرتك كان هيبقالك مستقبل هايل ف شرطة المباحث وخصوصاً قسم التحقيقات،،،إنتي مكانك مش هنا خالص يا طنط،،للأسف حضرتك موجوده ف المكان الغلط !!!
إبتسمَ عز بهدوء علي قذف جبهة إبنه لتلك الراقيه الغير راقيه بالمرة،،
إبتسمت بسساجه وتحدثت٠٠٠٠تصدق ماما الله يرحمها كانت دايماً تقولي كده بس مكنتش بصدقها !!!
أجابها ياسين ساخراً ٠٠٠٠ملكيش حق حضرتك كان لازم تصدقيها كان زمانك ف حتة تانيه خالص ومريحانا ،،،
نظرت له بإستهجان فأكملَ هو بمراوغه ٠٠٠٠أقصد يعني مريحانا من ناحية مستقبل حضرتك السياسي إللي أكيد كنا هنبقي مبسوطين جداً بيه علشانك !!!
إبتسمت ثريا بوهن وأبتسمَ الجميع علي سخرية ياسين الغير مباشرة من تلك الراقيه !!!
رمقها عبدالرحمن بنظرة حارقه وتحدث ٠٠٠٠كلي يا راقيه كلي،، الاكل مفيد جداً ف حالتك دي يا ماما !!
نظر عز إلي عبدالرحمن وتحدث بجديه ٠٠٠٠الباشمهندس حسن ماكلمكش ف حاجه يا عبدالرحمن ؟؟
أجابهٌ عبدالرحمن ٠٠٠٠٠قصدك علي موضوع عاليا وشريف عثمان ؟؟
هز رأسه بإيجاب فأكملَ عبدالرحمن٠٠٠٠٠أه كلمني وأنا بصراحه فرحت جداً للبنت،،ولاد سالم عثمان محترمين ورجاله يٌعتمد عليهم بجد !!!
نظر عٌمر إلي والدة وتحدث٠٠٠٠شريف وعاليا إزاي يعني،،هو مش شريف ده خاطب مذيعه معاه ؟؟
أجابهٌ طارق ٠٠٠٠فركش يا عٌمر وخطب عاليا،،عقبالك يا هندسه !!
ضحك عٌمر ورفع يدة ٠٠٠٠بعد الشر عليا،،،أنا كده تمام أوي،،،لحالي أحلالي !
ثم نظر إلي ياسين وحزنه الظاهر علي ملامحه وتحدث ٠٠٠٠٠وأنا ليه أجيب لنفسي وجع القلب والهم،،أنا كده برنس ف نفسي وعاجبني حالي !!!
تحدثت منال إلي ثريا ٠٠٠٠٠مبروك ل عاليا يا ثريا،، شريف حد محترم ويستاهلها بجد !!
هزت لها رأسها بهدوء وتحدثت ٠٠٠٠٠الله يبارك فيكي يا منال، عقبال ماتفرحي ب عٌمر إن شاء الله !!
نظرت لها راقيه وتحدثت ٠٠٠٠٠ألف مبروك يا ثريا،،والخطوبه امتي إن شاء الله ؟؟
اجابتها ثريا٠٠٠٠٠إن شاء الله هيحددوا الإسبوع ده،، حسن كان بيقولي إحتمال تكون بعد إسبوع !!
تحدث عبدالرحمن ٠٠٠٠٠المفروض حسن ييجي يعمل الخطوبه هنا ف الفيلا وأهو يبقي ف وسط أهله ويسهل علينا كلنا موضوع السفر !!!
تحدثت ليالي مٌوجهتاً حديثها إلي عز مٌتسائله٠٠٠٠هو عمو حسن هيعمل الخطوبه ف أسوان ؟؟
وأكملت مٌبتسمه لفكرة فك حصارها الجبري الذي فرضهٌ عليها ياسين ٠٠٠٠علي كده إحنا هنسافر أسوان الأسبوع ده ؟؟
نظر لها ياسين وأبتسم ساخراً من تلك الفارغه ذات العقل الفارغ
تحدثت ثريا رداً علي عبدالرحمن٠٠٠٠٠ أنا قولتله وقالي إنه مش هينفع يا عبدالرحمن،،قال علشان أصحابه ومعارفه وجيرانه،،وكمان أهل إبتسام موضوع السفر هيكون صعب عليهم !!
نظر ياسين بأسي لتلك الصامته التي تداعب طعامها الموضوع أمامها بعبث ويبدوا عليها الحزن ،، نعم ،،إنها يسرا لا غيرها
تنهد بألم ثم نظر لأبيه وعمهِ وتحامل علي حالهِ وتحدث بإبتسامه مرسومه٠٠٠٠٠إحنا كمان عندنا كتب كتاب قريب إن شاء الله !!!
نظر لهٌ عبدالرحمن وأردفَ مٌستفهماً٠٠٠٠٠٠كتب كتاب مرة واحده،،وياتري مين سعيد الحظ ده يا ياسين ؟؟
إبتسم وليد بسماجه وتحدث إلي ياسين مٌداعباً إياه٠٠٠٠٠أكيد طبعاً سيادة العقيد يا بابا وده إقتناعاً منه بمقولة التالته تابته،،ولا أيه يا ياسين باشا ؟؟
إبتسم ياسين بجانب فمه ساخراً
وأكملَ طارق مٌدافعاً عن أخيه ٠٠٠٠٠لا سيادة العقيد متبرعلك بالطلعه دي بالنيابه عنه يا وليد باشا !!
ثم نظر إلي هاله زوجة وليد المبتسمه بشماته ف زوجها فأكملَ طارق ٠٠٠٠٠أنا أسف يا هاله،، بس الأفيه حكمت !!
إبتسمت هاله وأجابته بإحترام٠٠٠٠٠بتتأسف علي أيه يا طارق،،علي أساس إنه ماكانش هيعملها بدل المرة خمسه !!
ردت عليها راقيه ساخرتاً ٠٠٠٠٠ما هو من خيبتك يا حبيبتي، ،ماأنتي لو ماليه عين جوزك صح ماكانش فكر يتجوز عليكي !!!
حزنت هاله فهدر عبدالرحمن ب راقيه قاذفاً بجبهتها قائلاً٠٠٠٠٠٠لا وإنتي الصادقه ،،ده من خيبته هو وعينه الفارغه ،،،وأكبر دليل علي كلامي ده أنا قدامك أهو ،،،،ومع ذلك راضي وشاكر ربي علي أمل إنه تكفير ذنوب،،المفروض الإنسان يحمد ربنا علي السراء والضراء !!!
إبتسمت هاله حين إنتفضت راقيه كمن لدغها عقرب وتحدثت بحده٠٠٠٠٠تقصد أيه بكلامك ده يا عبدالرحمن ؟؟
إبتسم ياسين بوهن وهو ينظر لأبيه المٌبتسم بطريقه ساخره علي ذلك الثنائي العجيب !!!
حين تحدث طارق مٌحاولاً التلطيف٠٠٠٠٠٠عمي طبعاً يقصد إن حضرتك السراء اللي عايش يحمد ربنا عليها يا طنط !!!
ثم نظر إلي عبدالرحمن غامزاً بعينه بذات معني وأسترسلَ حديثه٠٠٠٠٠ولا أيه يا عبدالرحمن باشا ؟؟
ضحك عبدالرحمن وأكملَ ٠٠٠٠٠طبعاً يا طارق،، ودي بردوا محتاجه سؤال يا أبني !!!
رمقتهٌ راقيه بنظرة حارقه حين أكملَ وليد مٌتسائلاً ٠٠٠٠٠٠لا بجد يا ياسين،،، كتب كتاب مين ده إللي عندنا قريب ؟؟ً
حول بصرة إلي يٌسرا التي إنتفض جسدها خجلاً وهي غير متوقعه حديث ياسين عنها فأكملَ هو ٠٠٠٠كتب كتاب أجمل وأعقل بنات العيلة ،،،يسرا هانم المغربي !!!
إبتسمت له بحب وأبتسمت ثريا لسعادتها التي ظهرت بملامحها رغماً عنها !!
نظرت لها منال وتحدثت بسعاده٠٠٠ده أيه الأخبار الحلوة دي يا يسرا،،ده حصل أمتي وإزاي؟؟
أجابتها خجلاً٠٠٠٠٠ده واحد شغال قبطان مع خالو حسن إتعرفنا عليه وإحنا ف أسوان يا طنط !!!
أردفت جيجي بسعادة٠٠٠٠٠ألف مبروك يا يسرا !!!
تحدثت ليالي ٠٠٠٠٠شكلي كده أنا أخر من يعلم كعادتي !!
ضحكت لها جيجي وتحدثت ٠٠٠٠٠أنا عرفت بالصدفه ف مرة واحنا بنتكلم أنا ويسرا ومليكه !!!
نظر ياسين إلي والده وتحدث٠٠٠٠٠شوف يا بابا الوقت اللي يناسب حضرتك إنت وعمي علشان أرد علي سليم يجيب أهله وييجوا علشان نقعد ونتعرف وتحددوا ميعاد كتب الكتاب إن شاء الله !!!
أجابهٌ عز ٠٠٠٠٠خليها بعد خطوبة عاليا يا ياسين،،نكون فوقنا علشان نعرف نرتب أمورنا بالراحه،،،
ثم نظر إلي يسرا وتحدث بحنان أبوي٠٠٠٠٠دي يسرا المغربي يعني لازم يتعملها حفلة متعملتش ف إسكندريه كلها !!!
نظرت له بعيون مغيمه بدموع السعاده وأردفت٠٠٠٠ربنا يخليك ليا يا حبيبي وميحرمنيش منك أبداً !!!
إبتسم لها بحنان أبوي
تحدثت راقيه وهي تنظر علي أطفال يسرا وهم يمرحون بعيداً هم وباقي أطفال الأسرة٠٠٠٠٠إتكلمتي مع ولادك يا يسرا واخدتي رأيهم ؟؟
إبتسمت خجلاً ثم حولت بصرها إلي ياسين وطارق وتحدثت إليهم بإبتسامة شكر ٠٠٠٠٠٠ياسين وطارق قعدوا وأتكلموا معاهم والحمد لله الولاد وافقوا !!!
إبتسم إثنتيهم لها ثم أكملَ طارق بحب ٠٠٠٠٠ألف مبروك يا حبيبتى، ،ربنا يتتملك علي خير إن شاء الله !!
ردت عليه بسعادة٠٠٠٠٠متشكرة يا حبيبي ،،متحرمش منك أبدا !!
تحدثت ثريا إلي طارق ٠٠٠٠٠٠متنساش ميعادنا عند سالم عثمان إنهاردة يا طارق !!
إنتفض داخله ونظر لها مٌتلهفاً وأردفَ ٠٠٠٠٠هتروحي تجيبي الولاد يا ماما ؟؟
تنهدت بأسي وتحدثت٠٠٠٠٠لا يا ياسين،،هروح أشوفهم وأشوف مليكه وأقعد معاهم شويه !!
تحدث بحده ظهرت بصوته٠٠٠٠٠وليه حضرتك ماتجيبهومش إنهاردة،، بيتهيألي كفايه عليهم كده،،ليها 3 أيام قاعده هناك،،حتي علشان نفسية الولاد متتأثرش !!!
نظرت ليالي لزوجها بحزن وغل وهي تري بعيناها إشتياقه ولوعة فؤادة وهو يتحدث عن غريمتها !!
تحدث طارق بعقلانية ٠٠٠٠٠٠٠مليكه نفسيتها بتتحسن هناك يا ياسين،،أنا من رأيي إنها تستني هناك شويه كمان !!
تحدثت راقيه ساخرتاً٠٠٠٠وهي أيه اللي كان تعب نفسيتها هنا يا طارق،،صحيح إللي يلاقي دلع ولا يدلعش يبقي حرام عليه !!!
نظر عز إلي ثريا وتحدث٠٠٠٠٠حاولي تقنعيها ترجع بسرعه يا ثريا،،الولاد وحشوني والبيت وحش أوي وملوش طعم من غيرهم !!!
أجابتهْ٠٠٠٠٠٠هشوف إنهاردة لو عرفت أجبهم معايا يباتوا ف حضني ويقعدوا معانا ويبقي حتي طارق يوديهم بكرة أخر اليوم !!!
إختنق داخله من موقف ثريا وتراخيها بإعطائها حرية المكوث ببيت أبيها ولكن لم يٌظهر هذا حفاظاً علي كرامته امامهم !!
_________________________________
كانت تجلس بشرفة مسكن والدها وبجوارها طارق الذي إستأذن عمته وسٌهير وشريف وطلب الجلوس معها بمفردة
تحدث طارق ٠٠٠٠٠لحد أمتي هتفضلي تهربي يا مليكه،،إرجعي وخليكي قويه وواجهي !!!
نظرت له بإستغراب وتحدثت ٠٠٠٠٠هروب،، هو أنا كده من وجهة نظرك بهرب يا طارق ؟؟
منا روحتله وواجهته وشرحتله كل حاجه حصلت وبمنتهي الصراحه و كانت النتيجه أيه ؟؟
أخوك طردني من حياته يا طارق،،طردني وأتهمني بأبشع الإتهامات إللي عمري ما هقدر أسامحه عليها أبداً مهما حاولت
وأكملت بحزن٠٠٠٠٠أنا كل ما الوقت يعدي وأفتكر كلامه معايا وأتهاماته ليا،،بحس أنا أد أيه مكنليش أي قيمه عنده،،كان نفسي يعذر ضعفي وتشتت ذهني، كان نفسي يعذرني ويحتويني ،،أستنيته يجري عليا ويضمني ليه ويطمن خوفي ويخفف عني ألمي وصرخة قلبي اللي كان بينزف،،بس للأسف ده محصلش
ثم نظرت له وتحدثت بتألم٠٠٠٠٠ للأسف يا طارق،،حكايتنا أنا وياسين إنتهت قبل حتي ما تبتدي !!!!
نظر لها بإستنكار وتسائل٠٠٠٠والحب إللي بينكم يا مليكه،،الحب اللي ساكن ف عيون ياسين وبيظهر للدنيا كلها بمجرد ما يبصلك،،حبك ولهفتك عليه اللي شفتهم بعيوني يوم ما روحتيله معايا المستشفي،، كل ده خلاص،،،إتبخر وتاه مع أول مشكله واجهتكم ؟؟
تحدثت بتألم وقلبٍ نازف٠٠٠٠دي مش مجرد مشكله يا طارق،،دي عاصفه وأجتاحت وجدانا وأخدت معاها كل حاجه حلوة كانت بينا ،،مسبتش جوانا غير الحقيقه المرة،،وهي إن حبنا كان ضعيف أوي لدرجة إنه مقدرش يقف ف وش العاصفه ويثبت ويقاوم،،،
حبنا كان أشبه ببيت مبني علي الرمل ،،،إختفي وأتمحي من الوجود مع أول موجه قبلته ،، الشرخ إللي حصل بيني وبين ياسين مستحيل يتصلح ويرجع زي الأول يا طارق،،أنا وياسين خلاص،،، خسرنا بعض وللأبد ،،
وأكملت بحكمه٠٠٠٠٠ويمكن ده يكون أفضل لينا إحنا الإتنين،،
ثم نظرت للداخل وثبتت بصرها علي ثريا الحاضنه أطفالها بوجهها الحزين وأكملت٠٠٠٠وكفايه أوي إننا كنا السبب ف جرح وألم أعز الناس علي قلوبنا !!
__________________________________
إستغلَ خلو المنزل من ثريا ،،ويسرا الجالسه بغرفتها وصعد هو لجناحها ودلف إليه،،،
وقف ينظر لكل ما يخٌصها بألم يمزق داخله ،،أمسك فرشاة شعرها وأغمض عيناهْ وأشتم بها عبيرها ،،،لقد أشتاقها حد الجنون !!
ثم تحرك أمام خزانتها الخاصه وفتحها ،،وقعت عيناه علي ثوباً كان قد أبتاعهٌ لها من لندن،،كانت قد إرتدته ف عشائهما مع شقيقها وزوجته ،،
وضعهٌ علي أنفه ليشتمه وأغمض عيناه بتلذذ وبدأ بتذكر هذا العشاء،، كم كانً رائعاً ورومانسياً ،،تذكرَ كيفَ قضيا وأكملا ليلتهما معاً ،،كم بث لها مدي عشقه وكم تجاوبت هي معه،
كم كانت رقيقه وحالمه للغايه،،حقاً كان يوماً مٌميزاً لهما ،،تذكر كيفَ إستيقظت من غفوتها حين شعرت بعدم وجوده بجانبها ،،تذكر أيضاً إعترافه لها بتلك الذكريات المؤلمه !!!
لم يشعر بحاله إلا وهو يعتسر بيدهِ ذلك الثوب بغضب و يحدث حاله،،،،كيف لكي أن تفعلي هذا بقلبي بعد إعترافيَ العظيم بمدي عشقي لكِ منذ البعيد ،،كيف أستطعتي أن تؤلميني هكذا ؟؟
لقد أعترفتٌ لكي بما أكِنهٌ داخل صدري منذ عقود أيتها الصغيرة،،كيف لكي أن تخوني ثقتي بكِ وتغدري بي هكذا،،لم أتوقعها منكْ أبدا ،،لقد دمرتي داخلي مليكتي،،
وأكمل بغضب،،،،لا ولن أٌعيدكِ لأحضاني من جديد حتي تستشعري مدي عظمة الذنب الذي أقترفتهِ بي،،نعم أحتاجك وبشدة،،نعم توقفت حياتي بدونك،،حتي أنني أشعر بأني لم أعد أستطيع التنفس بغيابك،،قلبي يتمزق ألماً منذ رحيلك،،لكن بلي،،، سأتحامل علي حالي وأستقوي علي قلبي حتي تشعري بعظمة ما فعلته بقلبيَ المِسكين،،
أشتم ثوبها وأحتضنهُ بحنان وأكملَ،،،أحبك مليكه بل أعشق تفاصيلك إمرأتي !!!
تنهد بألم وأرجع ذلك الثوب بمكانه و وقف ينظر لكل أشيائها ثم أغلق باب الجناح وذهبَ !!!!!
_______________________________________
دقت باب غرفة أبيها وهي تٌمسك بيدها حامل به فنجاناً من القهوة،، دلفت وأعطته لأبيها مٌبتسمه٠٠٠٠أتفضل قهوتك يا بابا !!
إبتسم وهو يمد يده يتناوله مٌتحدثاً لها ٠٠٠٠إقعدي يا مليكه عاوزه أتكلم معاكي شويه !!
جلست بجانب والدها فوق تخته فاستريل سالم حديثه بتعقل٠٠٠٠٠الأول عاوز أقولك إنك لازم تبقي متأكدة من إنك أغلي حد ف حياتي كلها،،أغلي حتي من أمك ومن أخواتك الرجاله،،، لإن البنت هي رحمة وجنة أبوها علي الأرض يا مليكه !!!
ثم تنهد وتحدث٠٠٠٠٠أنا لما عرفت مشكلتك روحت ووقفت معاكي ضد عيلة المغربي وأخدتك من وسطهم إنتي وولادك رغم إعتراضهم علي ده،، لكن وقفت وثبت قدامهم وكنتلك السند والسد المنيع وده حقك عليا ،،،
وتنهدَ بألم وأكملَ٠٠٠٠٠٠٠ لكن ده ما يمنعش إني أصارحك وأقولك إنك غلطي يا بنتي وغلطك كان كبير أوي لدرجة إنه صدمني فيكي،،،
تألم داخلها من كلمة والدها لها !!
فأكملَ سالم بتعقل٠٠٠٠٠٠٠علي فكرة يا مليكه،، أنا برغم زعلي من ياسين ومن معاملته ليكي قدام أهله إلا إني عاذرة ومقدر حزنه وغضبه الكبير منك،، ياسين راجل مش قليل علشان يتعمل فيه كده يا بنتي،،كمان عاذرة ف اللي عمله وحالة الجنون إللي حصلتله لما عرف بالموضوع بالصدفه من برة،،،،مش منك للأسف !!!!!
وأكملَ٠٠٠٠٠٠أنا مقدر موقفه وعاذرة ف كل إنفعلاته وكلامه ليكي وغضبه منك،،،أنا سبب إعتراضي الوحيد إنه فتح الموضوع وحاسبك قدام أهله،،ويمكن لو كان حكم عقله وحاسبك بينك وبينه وجه قالي كان ممكن يبقالي رد فعل تاني،،،
وأكملَ مٌفسراً لها الوضع٠٠٠٠٠ تقيله أوي يا بنتي علي راجل زي ياسين لما يحس إن مراته رافضه تخلف منه،،وكمان بتاخد موانع من وراه،،ووصل بيها الأمر إنها تقتل إبنه بإديها لمجرد إنها تحافظ علي صورة الأرملة الوفيه لجوزها السابق،،،
كل ده كان بيفكر فيه ياسين وبيقطع فيه وهو بيكلمك قدام أهله،، ده طبعاً قبل ما يعرف حقيقة إن الجنين كان مشوة،،،وبردوا كان رد فعل طبيعي منه إنه يحملك ذنب التشوة ده،، ،،
أنا راجل يا بنتي وبفسرلك الموضوع من وجهة نظر ياسين !!
كانت تستمع له بألم يمزق داخلها ،،نعم هي تعلم أن أبيها محق لكنها أيصاً غاضبه وحزينه منهْ،،،
وتنهد بالم وتحدث ٠٠٠٠٠ما علينا اللي حصل حصل وخلاص،،خلينا ف اللي جاي،،،أنا بصراحه يا بنتي مش عجباني ضعف شخصيتك وأستسلامك بالشكل ده،،،أيه ف الدنيا كلها يستاهل إن يجيلك إكتئاب وتدخلي ف نوبة حزن كانت ممكن تقضي عليكي،،و لولا إن ربنا ألهمني وأرسلني ليكي ف الوقت المناسب يا عالم كان ممكن حالتك توصل لأيه،،،
وأكملَ بقوه وعزيمة يٌريد إيصالها وأنتقالها لقرة عينه٠٠٠٠٠٠أنا عاوزك تبقي أقوي وأشجع من كده،،مش حابب أشوف مليكه البنت البريئه اللي لسه عايشه بمشاعر وقلب بنت ال 18 سنه،،إنتي أم وزوجه وقربتي علي سن ال 30 ولازم تقوي أكتر من كده علشان خاطر أولادك،،
لازم تكوني سند لأولادك ومتعتمديش علي حد،،ف الأول إعتمدتي علي رائف ورميتي حملك كله عليه وأهو راح وسابك،،،بعدها سندتي علي ثريا ومش هنكر إن الست ونعم السند ليكي ولأولادك لكن مش ديمالك يا بنتي،،
وبعد ثريا سندتي علي ياسين ،،وأديكي شفتي حتة مشكله كانت هتهد كل اللي بينكم ف لحظه ،،
ولولا إن ياسين راجل عاقل وبيحبك بجد وحكم عقله كان طلقك وأخد منك الولاد علشان ينتقم منك ويردلك إللي عملتيه فيه،، وعلي فكرة كان يقدر يعمل كده وللأسف محدش كان هيقدر يقف قصادة وخصوصاً بعد موضوع إجهاضك،، وحتة أخدك للحبوب من وراه كانت هتبقى نقطة ضعف ف قضية ضمك لأولادك،،
تحدثت بألم ٠٠٠٠حضرتك عاوز توصلي أيه يا بابا ؟؟
أجابها بقوة٠٠٠٠٠عاوز أشوف مليكه جديده،،مليكه قوية سند لنفسها وسد منيع لولادها ،،مش عاوزك تعتمدي علي حد تاني حتي لو كان الحد ده أنا شخصياً،،،،
إنتي كبرتي ولازم تبقي قويه وتقفي ف وش الكل،،
وأكملَ بحماس يحاول به بث روح العزيمه داخلها ٠٠٠٠٠أوعي تسمحي لأي حد مهما كان إنه يكسرك أو يهينك،، ردي وخدي حقك بإيدك وأوعي تسكتي لأي حد مهما كان هو مين،،،متعمليش حساب لأي مخلوق غير لولادك وبس،،حتي ثريا نفسها،،، أوعي تيجي علي نفسك تاني وتتحاملي عليها علشان خاطر أي حد ،،وافتكري دايماً إن الغلطه الوحيده اللي وقعتي فيها كانت بسبب خوفك علي غيرك وعلي مشاعرة،،،،
وأردفَ بتسائل ٠٠٠٠٠ فهماني يا مليكه ؟؟
إبتسمت وهزت رأسها بقوة وأجابت٠٠٠٠٠فهماك يا حبيبي ومش عوزاك تقلق عليا أبداً،،، إللي حصل غير فيا حاجات كتير أوي،،،عرفني إني مش لازم أعتمد علي حد ولا أنتظر وعود وأفعال من حد علشان موصلش نفسي لدرجة الخِذلان ،،
وأجابت بقوة ٠٠٠٠متقلقش عليا يا بابا،، ربنا سبحانه وتعالي بيخلقلنا من وسط المحن منح ،، وربنا رزقني بالمحنه دي علشان أطلع منها أقوي وعندي صبر وقوة عزيمه أقدر أكمل بيهم طريقي مع ولادي !!!
إبتسم لها وشدد علي يدها وتحدث٠٠٠٠٠هي دي مليكه اللي مش حابب أشوف غيرها بعد إنهاردة !!!
إرتمت داخل أحضانه وتنهدت بإرتياح !!!!
_______________________________________
بعد مرور إسبوع داخل مدينة أسوان الساحرة !!!
كان الجميع داخل منزل حسن المغربي يهيئونَ أنفسهم لإستقبال حفل الخطوبه الذي سيقام ليلاً علي ظهر إحدي البواخر العملاقه المتواجده داخل نهر النيل !!!
فقد وصلَت أمس ثريا ويسرا ونرمين وزوجها وأطفالهم وطارق ومنال بزوجتي ولديها وعبدالرحمن وراقيه وعائلتهما
أتي ياسين وعز ظهراً وذلك لصعوبة طبيعة عملهما !!!
كان يشتاقها حد الهوس فهي لم تأتي بعد من بيت أبيها،،نظر ياسين إلي الحضور يبحث بعيناهِ عنها بينهم ولكنهٌ لو يجدها
ثم تحدث إلي عمته بهدوء عكس ما يدور داخله من حنين واشتياق جارف٠٠٠٠٠أومال أنس ومروان فين يا عمتي ؟؟
أجابته بهدوء٠٠٠٠٠ف الأوتيل إللي نازلين فيه يا حبيبي !!!
تسائل بحده٠٠٠٠٠أوتيل أيه ده إللي نازلين فيه ؟؟
أجابته ٠٠٠٠٠عمك حسن عزم علي سالم عثمان ينزلوا هنا معانا،،لكن هو مرديش علشان العدد هنا كبير،، وحجزوا ف أوتيل هو ومراته وولاده وباقي عيلته إللي جايين يحضروا الخطوبه !!!!
أجابها بإنفعال لم يستطع السيطرة عليه٠٠٠٠أيوة يا عمتي كل اللي بتقوليه ده ماله ومال إن الهانم مش هنا هي وولادها ؟؟
تنهدت وتحدثت٠٠٠٠٠هي حابه تكون مع أخوها وأهلها ف اليوم ده يا ياسين،،وده برضوا حقها يا أبني !!
زفر بضيق وتحدث بإنفعال٠٠٠٠عمتي،،،أنا الوضع ده ما بقاش ينفعني ،،، إتكلمي مع الهانم وفهميها إنها هترجع من هنا علي البيت،،مش ناقص دلع ستات فاضي أنا !!!
أجابته بتهدئة٠٠٠٠حاضر يا ياسين،،من غير ما تقول يا أبني أنا كنت هعمل كده،،أنا أصلاً خلاص تعبت من بٌعد الولاد عن حضني ومش قادرة أتحمل البٌعد ده أكتر من كده !!!
أتي المساء وكل عائلة المغربي مجتمعه فوق الباخرة بإنتظار عائله عثمان حسب التقاليد والعادات حتي تبدأ مَراسم الحفل !!!
كان يقف مٌنتظراً حضورها بقلبٍ ينتفض مٌتشوقاً لرؤية من حرمت علي عيناه النوم طيلة العشرة أيام السابقه ،،
وبلحظه وجدها تهلٌ عليه بإشراقتها الجذابه وقد إستعادت بريق عيناها ووجهها من جديد،،ترتدي ثوبٍ أزرق اللون جعلها أكثر جاذبيه وجمالاً !!!
إنتفض قلبهٌ مٌطالباً إياهٌ بالذهاب إليها وأخفائها بين ضلوعه ليٌخفيها عن عيون البشر اللذين أثرهم جمالها الأخاذ ،،
كانت تتأبط ذراع والدها وتتحدث معه ويضحكان بسعادة
وقفَ الجميع لإستقبالهم والترحاب بهم حسب العرف،،، صافحوا الجميع حتي وصلوا إليه
تحامل علي حالهْ ونظر إليها بكبرياء قابلتهٌ هي ببرود ونظرات خاليه من التعبير مما إستشاط داخله وأشعله،،، لكنه تحامل وتظاهر ببرودِ مٌميت أشعل داخلها هي الأخري ولكنها أيضاً لم تظهرة !!
صافحَ أباها وتحدث ٠٠٠٠مبروك لشريف يا سالم بيه !!
أجابهٌ سالم بإقتضاب فهو مازال غاضبً منهْ٠٠٠٠٠متشكر يا سيادة العقيد،،عقبال أولادك !!!
نظر لها ببرود وتحدث بإقتصاب وملامح جامدة٠٠٠٠ مبروك !!!
قابلته بنفس البرود وأكتفت بإبتسامه سمجه وهزت رأسها
ثم تحركت مع أبيها تاركه خلفها ذلك الذي لو خرجت النار التي بداخله لتفحم المكان بمن فيهِ بلمح البصر ،، ولكنه تظاهر ببرودٍ مٌميت ولما لا وهو ياسين المغربي !!!
نظر عليها وجدها تقف بجوار ذلك الرؤؤف الذي ما أن لمحها حتي أسرعَ إليها يتسامر ويضحك وكأنهٌ تربي معها
حدث حاله،،،،الويلٌ لكي أيتها الحمقاء،،أرجو ألا تعبثي معي حتي لا أٌحرقك بنيران غضبي !!
وجد من يضع يده فوق كتفه، نظر سريعاً وجدهٌ عز الذي تحدثٌ مٌداعباً إياه ٠٠٠٠٠٠فات المعاد وبقينا بعاااد،،،،مش قولتلك البعد جفي،،قولتلك روح هاتها وراضيها بكلمتين قبل البعد والهجران ما يعمل شرخ كبير ويبقي صعب تصليحه !!!
إبتسمَ لأبيه وتحدث بكبرباء٠٠٠٠٠مش قبل ما تعرف غلطها وتدركه وهي بنفسها اللي ترجع ندمانه وتعتذر !!!
تحدث عز ضاحكاً٠٠٠٠٠مش باين يا سيادة العقيد،،،حِسبتك المرادي شكلها خرمت منك،،البت منفضالك علي الأخر، ،دي حتي مكلفتش نفسها ترد عليك وهزتلك راسها تسديد نمر مش أكتر !!!
وأكملَ ساخراً ٠٠٠٠٠يظهر إن بنت سالم عثمان أعلنت الحرب عليك وسنت سيفها إستعداداً للمعركة يا سيادة العقيد !!
ضحك لأبيه وأردفَ بغرور ٠٠٠٠٠معركتها معايا خسرانه يا باشا،،أخرها معايا أديها الإشارة بعيوني هتلغي كل إستعدادتها وتستعد لمعركه تانيه خالص،،
وأكمل بكبرياء٠٠٠٠٠معركة عشقي إللي دايماً بكون أنا فيها المنتصر !!!
أجابه أبيه٠٠٠٠٠٠ساعات غرورنا بيعمينا عن إننا نشوف الحقيقه قدامنا يا ياسين،،،ولو حقيقي مش ملاحظ التغيير اللي حصل ف شخصية مليكه ونظرت الثقه إللي ف عنيها وهي داخله ف أيد بباها وبتبص علي الكل من مركز قوة ،،،تبقي عندك مشلكه ف النظر ولازم تعالجها وبسرعه !!!
ثم تحدث ساخراً ٠٠٠٠٠أتمنالك سهرة سعيدة يا سيادة العقيد !!!
وأنسحب عز وتركه لإشتعاله من جديد وهو يراها تحتضن والدها بسعادة وتتحدث إليه بدلال أثار داخله !!!!
وصلا العروسان إلي الباخرة وقف الجميع وبدأوا بالتصفيق الحاد لتهنئتهم جميعاً ،،،كان يتشابكان الأيدي والنظرات ،،شعر شريف بأحاسيس ولاول مرة تجتاح عالمه،،شعور بالقوة،،بالإمتلاك ،، ملكَ هو بحب أميرته،،
جلس شريف وعلياء بالمكان المخصص لهما وأنهالت عليهم المباركات من الجميع !!!
وبعد مدة صعدت لهما هي وسيف وزوجته نهي
تحدثت مليكه بسعادة بالغه٠٠٠٠٠مش قادرة أوصفلكم سعادتي بيكم قد أيه إنهارده،،
ثم نظرت إلي علياء وأردفت٠٠٠٠مبروك يا عاليا !!
أجابتها علياء بعيون مفرطه بالسعادة ٠٠٠٠٠ميرسي يا مليكه !!!
وبعد مده بدأت رقصتهما معاً وضع شريف يده علي كتفها بحذرٍ شديد وأمسك اليد الأخري مع أبتعاد المسافه بينهما،، نظر بعيناها مَسحوراً بجمالها وتحدث بعيون عاشقه ٠٠٠٠مبروك يا عاليا،،ألف مبروك يا حبيبي !!!
أجابته بصدرٍ ينتفض من شدة سعادتها٠٠٠٠شريف قولي إنك بجد معايا وإن اللي إحنا فيه ده حقيقي مش حلم زي ما كنت دايما بتمني !!!
أجابها بجنون عاشق٠٠٠٠٠إنتي بين إدين حبيبك يا عاليا،،وبعد شهرين بالظبط هتكوني جوه حضنه ومنورة بيته ،،هعيشك اللي عمرك ما حلمتي بيه ولا حتي مَر ف خيالك !!!
كان صدرها يعلو ويهبط من شدة سعادتها تحدثت بهيام عاشقه٠٠٠٠بحبك يا شريف،، بحبك وعمري ف يوم ما هبطل أحبك أبداَ !!
تنهد بحرارة وأكمل٠٠٠٠علي فكرة ،،أنا شكلي غلطت إني معملتش كتب كتاب إنهاردة،،،موضوع الخطوبه ده موضوع فاكس ومينفعش مع إللي زينا !!!
ضحكت بإنوثه أنهت علي ما تبقي من حصونه وتحدث مهدداً٠٠٠٠٠لا بقولك أيه إهدي كده وأعقلي علشان الليله دي تعدي علي خير ، يعني بلاش الضحكه ونظرات السحر اللي بتبصيلي بيها دي !!
مدت شفتاها بطفوله وتسائلت ٠٠٠٠طب أعمل أيه؟؟
ضحك وأكمل ٠٠٠٠٠٠إبعدي عيونك عني يا عاليا !!
أجابتهٌ بسحر ٠٠٠٠وهتقدر ؟؟
نظر لها وتحدث مسحوراً٠٠٠٠٠ إزاي وأمتي قدرتي تستحوذي علي كل كياني بالسرعه دي ؟؟
وأكملَ بعيون سارحه ف ملكوت عشقها ٠٠٠٠أنا وصلت لدرجة إني بحس إني مش قادر أتنفسي لمجرد ما بتبعدي عني يا عاليا !!
وأكملَ بتمني٠٠٠٠مٌمكن حبيبي ما يبعدش عن عيوني تاني ؟؟
إنتفض داخلها وتحدثت ٠٠٠٠بحبك يا شريف ♡
كانت تقف وحيده ذهبت إليها ليالي ووقفت بجوارها وهي تبتسم قائله بتعالي٠٠٠٠٠٠٠القطه الهربانه أخيراً ظهرت وبانت من جديد !!
نظرت لها وتحدثت بقوه مصحوبه بإبتسامة ٠٠٠٠اللي بيهرب ده بيكون حد ضعيف وأنا عمري ما كنت ضعيفه،،يظهر إني طيبتي الذيادة معاكم واحترامي للجميع وخوفي علي مشاعرهم إتفسر غلط ،،بس عادي،،لو علي كده بسيطه !!
أجابتها بغل٠٠٠٠٠٠إنتي بجحه أوي علي فكرة،،لسه ليكي عين تقفي وتتكلمي بعد خيانتك وجرحك ليا بالشكل ده،، إزاي جالك قلب تعملي فيا كده وأنا إللي عمري ما أذيتك حتي بكلمه !!!!
أجابتها بقوة ٠٠٠٠٠بلاش الكلام الكبير أوي ده يا ليالي،،لانه بصراحه مش لايق عليكي ولا أنا بقي يدخل عليا كلامك ده،،
وأكملت بتسائل٠٠٠٠ أيه هو اللي عملته فيكي ؟؟
إني أتقيت ربنا ف الراجل اللي أنا متجوزاه وأديته حقه إللي ربنا شرعهوله فيا ؟؟
وأكملت بنبرة ساخرة٠٠٠٠٠٠بيتهيألي يا ليالي الموضوع مش مٌميت ولا صعب بالنسبالك،،،بدليل كلامك ليا قبل كده عن علاقات ياسين اللي ما كانتش بتخلص ومع ذلك كنتي متعايشه معاها ومتقبلاها عادي جداً !!!
نظرت لها بشرود وتسائلت٠٠٠٠٠إنتي إللي قولتي ل ياسين؟؟
أجابتها بقوة٠٠٠٠أه أنا اللي قولتله،،وبعد كده أي حد هيضايقني بكلمه مش هتعجبني مش هسكتله وهردهاله بأقوي منها !!
نظرت لها بإستغراب وتحدثت ٠٠٠٠وياتري بقي جبتي جرأتك دي كلها منين ،،لتكوني معتمدة علي ياسين وفكراه هيقف جنبك وهيحميكي بعد عملتك السودا معاه ،،دانتي تبقي مسكينه أوي ومتعرفيش اللي مستنيكي من ياسين ياحرام ،،،
وأكملت بنبرة شامته٠٠٠٠٠أحب أقولك إنك لازم تستعدي وتجهزي نفسك لأسوء معاملة هتتعاملي بيها ف حياتك كلها !!!
إبتسمت لها وتحدثت بنبرة ساخرة ٠٠٠٠٠قصدك زي معاملته ليكي كده ؟؟
كادت أن ترد ولكن أسكتها مجيئ شقيقها سيف الذي إحتضنها برعايه وتحدث وهو يقبل جبهة شقيقته ٠٠٠٠٠ليالي هانم،،عقبال أولادك .!!
ردت بإبتسامة مجامله٠٠٠٠ميرسي يا دكتور ،،بعد إذنكم !!
كان ينظر علي إمرأتيه ويرصد تعبيرات وجههما الحادة إبتسم ساخراً
بعد قليل أتي إليه دكتور سيف ووقف بجانبه صامتاً حين تحدث ياسين ٠٠٠٠٠ شفت إللي أختك عملته فيا يا دكتور ؟؟
أجابه سيف بنبرة مٌستائه٠٠٠٠٠أعذرها يا سيادة العقيد،،مليكه عملت كده غصب عنها !!!
رد بحده٠٠٠٠٠للأسف يا دكتور ،،مش لاقيلها عندي أي أعذار،،،إنت بنفسك شفت أنا أد أيه كنت بطمنها وأشجعها وأد أيه كنت بجتهد ف إني أحسسها بالأمان،،، وف الأخر أكتشف إنها كانت بتاخد حبوب من ورايا وكمان توصل ببها الجرأه إنها تجهض نفسها وتكذب وتقولي واقعه علي ضهرها !!!!
تحدث سيف بهدوء٠٠٠٠٠ لكن مليكه ما أجهضتش نفسها ولا حاجه،،،البيبي كان مشوة بنسبه عاليه جداً وكان لازم ينزل علشان صحة مليكه،، وأنا بنفسي شفت الإشاعه لما طلبت من ماما تخلي مليكه تبعتلي النسخه إللي معاها علشان اتأكد لتكون الدكتورة غلطانه ف تشخيصها !!!
رد عليه بحده ٠٠٠٠٠وهو مين كان السبب ف التشوة ده من الاول ،،مش هي بردوا يا دكتور والحبوب إللي كانت بتاخدها من ورايا ؟؟
أجابهٌ سيف بعمليه ٠٠٠٠بص يا ياسين باشا،،أنا مش جاي أتكلم معاك علشان نقول مين إلغلطان ومين المظلوم، ،لأن للأسف أختي غلطانه وغلطها كبير ،،لكن إسمحلي إنتَ كمان غلطت لما إتسرعت وأتكلمت معاها قدام الكل وكشفت حقيقة علاقتكم بطريقه مهينه جداً ليها ،،
وأكملَ مٌعاتباً٠٠٠٠٠كان ممكن حضرتك وبكل سهوله تحل الموضوع ما بينكم،،ولو حتي كنت هتبعد وتعاقبها بس بينكم وبين بعص،،مليكه بموقفك ده معاها للأسف فقدت أمانها اللي كانت بتحسه وهي جنبك،،وأسمحلي بقي لازم تبذل مجهود مضاعف علشان تقدر توصلها للإحساس ده تاني،،ده طبعاً لو لسه باقي عليها وعلي حبها ليك !!!
إبتسمَ ساخراً وتحدث بغرور٠٠٠٠٠كده العنوان غلط يا دكتور،،إنتَ كده بدلت الأدوار ،،الكلام ده تروح تقوله للهانم أختك مش ليا أنا خالص !!!
______________________________
كانت ثريا تجلس بجوار يٌسرا ومنال وجيجي وليالي ونرمين
نظرت يسرا وجدت فارسها يقترب عليها بطلته الرجوليه المهلكه لقلبها العاشق حد الجنون !!!
إقتربَ عليهم وهو يصطحب والدته وطفله وتحدث بإحترام٠٠٠٠٠مساء الخير يا أفندم !!!
رد الجميع بإحترام ووقفوا لتبادل السلام مع تلك السيدة الوقورة التي نظرت إلي يٌسرا بإبتسامة رضي وتحدثت٠٠٠٠٠أكيد إنتي يسرا،،بالظبط زي ما وصفك سليم ليا،،وش ملائكي الطله فيه تجلب الراحه والهدوء للقلب !!!
إبتسمت خجلاً وتحدثت٠٠٠٠ده من أصل حضرتك يا أفندم،،متشكرة جداً لذوق حضرتك !!
قبلتها بحنان ثم نظرت إلي ثريا السعيده لأجل إبنتها الجميله وتحدثت٠٠٠٠٠أكيد حضرتك مامت يٌسرا لان ماشاء الله نفس الملامح المريحه ونفس هدوء الروح !!!
إبتسمت ثريا وأكملا تعارفهم وسلامهم للجميع
أما سليم الذي إستأذنَ من ياسين أن يجلس هو و يٌسرا بمفرديهما سويا وبالطبع وافقَ ياسين
تحدث سليم بعيون فارس عاشق٠٠٠٠٠عقبالنا يا حبيبي !!!
إبتسمت خجلاً فأكمل هو٠٠٠٠علي فكرة أنا قعدت مع سيادة اللوا وسيادة العقيد من شويه وأتفقنا إننا هنقعد بكرة عند الباشمهندس ونتفق علي كل حاجه،،يعني بدل ما نسافر إسكندريه وكده !!
إبتسمت له وتحدثت٠٠٠٠٠كده أفضل بردوا !!
نظر لها وتحدث ٠٠٠٠٠٠إن شاء الله هنكتب الكتاب علطول،،أنا خلاص مبقتش أد البعد أكتر من كده يا يسرا،،مش قادر أفهم إزاي قدرتي تسيطري علي مشاعري وكياني بالشكل ده !!
إبتسمت وأردفت بحب٠٠٠٠أنا اللي مش عارفه إزاي سلمتك قلبي بسهوله كده،،أنا مبقتش أقدر ما أسمعش صوتك ف يوم يا سليم ،، إنت بقيت إدمان بالنسبالي !!!!
نظر لعيناها وتحدث بسحر٠٠٠٠٠بحبك يا يسرا بحبك ونفسي أسمع منك كلمة بحبك يا سليم،،،قوليهالي من فضلك يا يٌسرا !!!
نظرت له خجلاً ونطقتها أخيراً ٠٠٠٠٠بحبك يا سليم، بحبك ونفسي أكمل اللي باقي من حياتي معاك !!!
إنتفض داخله عند سماعه لتلك الكلمه التي طالما تمناها منها منذ أن رأها هنا داخل أسوان !!!!
كانت ثريا تنظر من بعيد علي وجه إبنتها السعيد وعشقها الواضح بعيناها ،،حزنت من داخلها وتذكرت كيف لها أن حجبت ذلك الحق عن مليكه وكانت تحزن من داخلها وهي تري بوادر عشقها لحلالها !!!!!
نظر عز إلي ثريا وجدها تقف بجانب شقيقها إقترب منهما وتحدث ليٌصرف حسن حتي يغتنم فرصة الإنفراد بها٠٠٠٠٠أيه يا باشمهندس واقف كده ليه ،،ماتروح يا أبني ترحب بضيوفك مينفعش تسيبهم كده !!!
أجابهٌ حسن بإقتناع ٠٠٠٠والله عندك حق يا عز،،طب خليك واقف مع ثريا علشان متقفش لوحدها !!
أجابه وهو ينظر لعيناها ٠٠٠٠٠إطمن يا حبيبي ومتقلقش من الناحيه دي !!!
إنصرف حسن !!
فأقترب عليها وتحدث بعيون عاشقه٠٠٠٠جري أيه ياست إنتي وبعدين ف جمالك اللي بيهداش أبداً ده،،إنتي هتفضلي حلوة كده العمر كله !!!
إبتسمت خجلاً وأردفت٠٠٠٠وبعدين معاك يا عز،،،شكلك مش ناوي تجيبها لبر !!
أجابها بمداعبه٠٠٠٠وأجبها لبر ليه وأنا فارس ومليش زي ف العوم.،،لو بس تسبيلي نفسك وتسلميلي ذمام روحك كنت أخدك معايا لبحر إحلامي ونعوم فيه سوا،،صدقيني هتشوفي فيه اللي عمرك ما كنتي تحلمي بيه !!!
إهتز داخلها وتحدثت بنبرة جاده٠٠٠٠٠من فضلك يا عز بلاش الكلام ده لو سمحت وخلينا ماشيين زي ما أحنا،،متخلنيش أندم علي إني فتحتلك قلبي وصارحتك وقبلت أسمع إعتراف عشقك ليا زمان !!!
كاد أن يجيبها لكنه إهتز عند سماع صوت منال الحاد وهي تتسائل بلهجة مٌرعبه ٠٠٠٠٠واقفين بعيد كده ليه ؟؟
إرتجف عز وأستعاذ بالله من الشيطان سراً وتحدث ٠٠٠٠٠يعني هنكون واقفين بنحكي ف قصة غرامي الضايع ،،ولا هكون بعرض عليها أعلمها العوم ف بحر الهوي !!!!
وأكملَ بجديه رسمها علي وجهه ببراعه تامه ٠٠٠٠٠٠واقفين بنتكلم ف موضوع يسرا وبسمع من ثريا طلباتها علشان هنقعد مع العريس وأهله بكرة ف بيت حسن !!!
نظرت له ثريا وأستغربت مراوغة ذلك المخادع ذات الحس الفكاهي العالي التي باتت تتقبله بل وتدمنه !!
إبتسمت ووجهت حديثها إلي منال٠٠٠٠بالظبط زي ما قالك سيادة اللوا يا منال،،بعد إذنكم
نظرت له منال نظرة حاده قاتله ذات مغذي ،،،
إستقبلها هو وتحدث مٌراوغاً إياها٠٠٠٠بس أيه الجمال والشياكه والأناقه إللي إنتي فيهم دول يا منال،،ده إللي يشوفك يفتكرك أخت العروسه اللي يدوب تسبقها بكام سنه !!
لان وجهها قليلا من حدته فأكمل هو ٠٠٠٠هو أنتي عملتي دايت يا منال،،ماشاء الله جسمك خاسس جدا والفستان متناسق مع جسمك مخليكي ولا عارضات الأزياء !!!
إنفرج فاهها بشدة وتحدثت بلهفه ٠٠٠٠٠بجد يا عز،،يعني بجد الرجيم باين عليا وفرق مع مقاس الفستان ؟؟
زفر براحه أنه وأخيراً أفلت من نكد منال الحصري له،، وأكملَ حديثه المراوغ معها !!!
كان ينظر لها وهي تجاور ذلك الرؤؤف وهما يتسامران ويضحكان سويا،،والغضب يتأكل داخله،،تحرك إليها وتحدث بهدوء عكس ما يدور داخله
نظر إلي رؤؤف وتحدث بسماجه٠٠٠٠٠مش تروح تستقبل الضيوف مع أبوك وأخوك ولا إنت ملكش ف وقفات الرجاله ؟؟
شعر رؤؤف بغيرة ياسين فعذرةٌ علي تلك الكلمه المهينه وأبتسم له وتحدث ليٌطمئن قلبه ٠٠٠٠٠لا إزاي،،، ليا،،وليا أوي كمان،،والدليل علي كده إني واقف مع واحده بمية راجل،،تربية أبوها بجد !!!
ثم حول بصرة إليها وتحدث ٠٠٠٠بعد إذنك يا مليكه !!
هزت رأسها بإبتسامه وتحرك هو
وتحدث ياسين علي الفور٠٠٠٠علي فكرة يا هانم إنتي هتروحي من هنا معايا علي بيت عمي حسن،،ومن بكرة هنكون ف إسكندريه ف ببتك إنتي والولاد،،يعني تعملي حسابك مفيش قعاد تاني عند سالم بيه،،
ونظر لها مٌبرراً ٠٠٠٠٠للدرجادي مبقتيش بتحسي بمشاعر الناس،،
نظرت له بعيونها الساحرة فأكملَ مهزوزاً٠٠٠٠عمتي دي ذنبها أيه تتحرم من مروان وأنس كل ده ،،للدرجادي بعتي الكل ومبقاش فارق معاكي حد ؟؟
تنهدت بضيق وأردفت ٠٠٠٠٠موضوع إني هرجع من هنا لبيتي ف إسكندريه ده أنا كنت مقرراه أساساً،،،يعني مفيش داعي تنسب لنفسك الفضل فيه،،
وأكملت بإستفزاز شديد٠٠٠٠٠٠٠أما بقي موضوع إني أروح من هنا علي بيت الباشمهندس حسن فده مش هيحصل،،أنا قاعدة ف الأوتيل مع بابا وماما وأخواتي، وزي ما جيت معاهم هروح بردوا معاهم،،، فياريت تتقبل الوضع بدل ما يحصل مشاكل وتنتهي بإني بردوا هأرجع الأوتيل مع بابا وأخواتي !!!
أجابها بإستقطاب وغضب٠٠٠٠٠٠ياريت ماتستفزنيش وتخليني أخرج عليكي غضبي !!!!
أجابته بقوة٠٠٠٠٠أخرك هاتوا معايا يا ياسين يا مغربي،،أنا خلاص مبقتش بتهدد،،إنسي مليكه الضعيفه المٌستكينه بتاعت زمان !!!
نظر لها بإستغراب وتحدث٠٠٠٠٠ منين جبتي جٌمد القلب والقوة إللي بتتكلمي بيها دي؟؟
نظرت له بقوة وتحدي قائلة٠٠٠٠٠من جبروتك وقسوة قلبك ،،وده كان أول درس إتعملته بفضلك أستاذي العظيم !!!
نظر داخل عيناها بحزنٍ عميق وتحدثَ بصوتٍ متأثر ٠٠٠٠بقي أول ما تتعلمي مني تتعلمي القسوة والجبروت،،طب كنتي إتعلمي مني الثقه والقوة والمواجهه اللي ياما حاولت أقويكي وأبثهم جوة روحك !!!
إبتسمت ساخرة وأردفت٠٠٠٠٠٠التعليم بيكون علي أد قوة الدرس يا أستاذي،،وبصراحه إنت تفوقت علي نفسك ف توصيل درسك الأخير ليا لدرجة إنه إتطبع وعلم جوايا وبالتالي بقي من المستحيل إنه يتنسي !!!
ألقت بجملتها عليه وتحركت علي الفور من جوارة وتركته شارد الذهن مشتت الكيانِ ،،يرتجف داخلياً من فكرة محو عشقهِ من داخلها أو إبعادة عن أحضانها من جديد،،
نفض رأسه من تلك الأفكار سريعاً وأستعاد قوته وثقته وحدث حاله،،،إهدئ يا فتي وأسترجع قوتك وأستعد لجولات جديدة مع تلك المشاكسه ذات المخالب
ونظر لها وأبتسم وحدث حاله،،،،أحببت تلك القويه ذات المخالب الجارحه التي رأيتها منذٌ القليل،،ما عليكي صغيرتي ،،،فلنبدأ جولتنا داخل حلبة المصارعه،، ولنري لمن النصر مليكتي !!!