🔹️بسم الله الرحمن الرحيم 🔹️
لا إله إلا أنت سبحانك إني كنت من الظالمين
رواية ☆قلوب حائره☆
بقلم روز آمين
🦋البارت السادس والعشرون🦋
والسابع والعشرون
بعد رجوعها تمددت فوق تختها بدلال وهي تتقلب بفراشها ،،مٌبتسمه سعيده بكل ما جري بينها وبين حبيبها
دلفت والدتها بعد الإستئذان
وتحدثت بإبتسامه ٠٠٠ياتري ياسين أخباره أيه؟؟
إبتسمت برضي وأجابتها ٠٠٠الحمدلله كويس أوي يا ماما،،وعلي فكره بيسلم عليكي كتير !!
إبتسمت سٌهير وأجابتها ٠٠٠الحمدلله،،مليكه،، مش عاوزه تقوليلي حاجه ؟؟
نظرت لها بخجل وأبتسمت ثم أرتمت داخل أحضان والدتها بحب !!!
تحسست والدتها بيدها علي ظهرها بحنان وتحدثت ٠٠٠٠ربنا يسعدك يا حبيبتي،،ياسين راجل أد الدنيا،،وأي ست تتمناه،،بس هو بقا ما بيتمناش غير مليكه !!
خرجت من أحضانها سريعاً وتحدثت بتساؤل ولهفه٠٠٠بجد يا ماما،،إنتي شايفه إن ياسين بجد بيحبني ؟؟
أمائت سهير برأسها٠٠٠مش أنا بس إللي شايفه كده،،كل إللي شافه وهو بيبصلك عرف ده من نظرة عيونه عليكي،،ده حتي بباكي لاحظ ده وقالهولي !!!
تهللت أساريرها وأغمضت عيناها بحب وتحدثت برجاء ٠٠٠طب ممكن بقا إللي حصل بينا ده ما يخرجش حتي ل بابا !!
ضحكت سهير وأجابتها بتساؤل٠٠٠٠وهو أيه إللي حصل يا بنت سالم؟؟
هو أنا عارفه أطلع منك بكلمه واحده،،بس كفايه عليا إللي قريته جوه عيونك،، مش هضغط عليكي أكتر ويلا نامي علشان الوقت إتأخر أوي !!
إحتضنت والدتها بحب وأغلقت لها والدتها الأضواء وعادت مره أخري لتتذكر ما حدث وتبتسم بسعاده !!!
صباح اليوم التالي !!!
فاقت مليكه مٌبكراً لقلقها وعدم قدرتها علي النوم بهدوء نتيجة إبتعاد طفليها عن أحضانها،،خرجت من غرفتها لبهو الشقه وجدت والدها يرتدي ثياب العمل ويتناول إفطاره بجانب والدتها
تحركت بإتجاههم وعلي صغريها إبتسامه حانيه وقبلت وجنته قائله٠٠٠٠صباح الخير يا بابا !!
نظر لها سالم بحب مٌتحدثاً ٠٠٠٠صباح الفل يا حبيبتي،،طمنيني نمتي كويس ؟؟
أجابته بإبتسامه أثناء جلوسها علي المقعد المقابل له٠٠٠الحمدلله يا حبيبي،،هو حضرتك رايح البنك ؟؟
أجابها وهو يحتسي كأس الشاي٠٠٠٠أه يا حبيبتي !!
تحدثت سٌهير بإنتشاء ٠٠٠٠أيه رأيك تكملي معانا اليوم إنهارده وأنا هخلي شريف يروح يجيب الأولاد وبابا يخرجنا بالليل نتعشي ونودي الأولاد الملاهي !!
أجابتها بيأس٠٠٠٠ياريت يا ماما كان ينفع،،ماتتصوريش حضرتك وبابا وشريف واحشني أد أيه،،وبجد نفسي أقضي معاكم كام يوم أنا والأولاد ،،لكن للأسف ظروف البيت حالياً ما تسمحش بكده خالص !!
نظر سالم لزوجته نظرة ملامه وتحدث غاضباً٠٠٠٠أقعدي يا بنتي في بيتك أستني جوزك لحد ما ربنا يشفيه ويرجع لبيته بالسلامه،،
أمك ماأعرفش جرالها أيه،،
ثم أكملَ غاضباً٠٠٠٠فسح أيه وخروج أيه إللي بتتكلمي عنهم وبنتك جوزها راجع من الموت بإعجوبه ،،
ده بدل ما تقوليلها أرجعي وأقفي وأسندي عيلة جوزك في إللي هما فيه ؟؟
شعرت مليكه بالإحراج من حديث والدها شديد اللهجه والمٌنتقد لوالدتها والتي تعلم من داخلها أن والدها مٌحق بتلك الكلمات !!!
أجابتهٌ سٌهير بنبرة ممزوجه بالحزن والخجل معاً٠٠٠٠٠أنا مكنتش أقصد إللي فهمته ده ،،
أنا كل إللي كنت أقصده إني أخفف عن بنتي وأولادها في حالة الحزن إللي بيعيشوها هناك ،،
أنا ماقولتلهاش تعالي نسهر في Night Club ونرقص يا سالم بيه ؟؟
ثم وقفت غاضبه وتحركت سريعاً بإتجاه غٌرفتها !!
تجعدت ملامح وجه مليكه بحزن وأردفت خجلاً ٠٠٠٠حضرتك أحرجت ماما أوي يا بابا،،ماما أكيد ماكانتش تقصد تقلل من الوضع إللي ياسين فيه وخصوصاً إنها بتعزه بجد وحقيقي زعلت جداً علي إللي حصله !!
أجابها سالم بحزن ٠٠٠٠وأنا ماكانش قصدي أحرجها أو أضايقها يا بنتي،،بس انا بجد إتصدمت من كلامها،، سٌهير طول عمرها بنت ناس وست بتفهم في الأصول وتراعي شعور الناس كويس،،الناس يقولوا علينا أيه يا مليكه،،سايبه جوزها مرمي في المستشفي وخارجه تتفسح ولا علي بالها ؟؟
أمسكت يد والدها بترجي وتحدثت٠٠٠طب مٌمكن علشان خاطري تدخل تراضيها قبل ماتنزل علشان ما أمشيش وأنا متضايقه علشانها !!
إبتسم لها وربت علي يدها بحنان قائلاً٠٠٠٠٠وإنتي فكراني هنزل من غير ما أصالحها ،،دي سٌهير يا بنت،،حب العمر كله !!
إبتسمت برقه قائله٠٠٠٠ربنا يخليكم لبعض ولينا يا حبيبي ♡
دلف سالم لزوجته،،تنهدت براحه وأبتسمت عندما تذكرت ليلتها السابقه مع ياسين،،وكيف كان حنون معها وكيف سعدت هي من تقربها الشديد له وكيف واجه إعترافها بحبه،، تنهدت من جديد بسعادة !!
أخرجها من شرودها صوت شريف ٠٠٠٠٠هو إللي أنا شايفه قدامي ده حقيقي،،معقوله مليكه أختي بتبتسم كده عادي زي البني أدمين الطبيعيه ؟؟
إقشعرت ملامحها بحزن مٌصتنع قائله ٠٠٠٠مٌتشكره جدآ يا سي شريف علي اللفته العظيمه دي !!
ضحك شريف وتحدث بدعابه٠٠٠٠أي خدمه يا باشا،،
جلس بمقابلها وتحدث بإستفسار٠٠٠٠أيه الهدوء الغير مبشر بالمره ده، فين سالم بيه عثمان والليدي سٌهير ؟؟
أجابتهٌ بهدوء وهمس٠٠٠سالم بيه عثمان مزعل الليدي سٌهير ودخل علشان يصالحها !!!
إبتسم لها وتحدث٠٠٠٠ علي الصبح كده ،،علي العموم ملناش دعوه بحد خلينا في حالنا، ،،هاا قوليلي بقا أخبارك أيه وياسين أخباره أيه؟؟
أجابته وهي ترفع كتفيها ٠٠٠أنا وزي ما أنتَ شايف،،وياسين بيقولوا بقا كويس الحمدلله كلها كام يوم ويخرج من المستشفي !!
رمقها بنظرة مٌتسائله بإستغراب٠٠٠٠ بيقولوا؟؟
ليه،،،هو إنتي ماروحتيش زورتيه في المستشفي؟؟
تهربت بعيناها منه وهي تتناول حبة زيتون بفمها وأجابته مدعية البرود٠٠٠٠لسه،،إحتمال أروح إنهارده،، ماما ثريا كانت قالتلي قبل ماأجي هنا إن عمو عز هياخدلي إذن بالزياره إنهارده،،إنت عارف إن الوضع حساس ومش أي حد بيعرف يزوره،، ده بابا وماما زاروه بأعجوبه !!
سألها بإستفسار وهو ينظر داخل عيناها بإهتمام٠٠٠٠مليكه،،هو أنتي وياسين أيه نظامكم مع بعض،،يعني لسه علي إتفاقكم القديم وكده ؟؟
إبتلعت لٌعابها وتحدثت بإرتباك باعده نظرها عنه بتهرب٠٠٠٠وأيه إللي هيتغير مثلاً علشان أغير إتفاقي معاه ؟؟
أجابها بذكاء٠٠٠٠يعني،،أصل قولت لنفسي قربكم من بعض ونومكم في نفس الأوضه مٌمكن يقرب بينكم ويديكم فرصه،،
وكمان بصراحه كده بشوف نظرات إهتمام وحب من ياسين ليكي في كل مره بشوفكم فيها مع بعض !!
تحدثت بتهرب مٌغيرتاً مجري الحديث٠٠٠٠هو أنت بجد هتغير الإذاعه إللي إنتَ مٌتعاقد معاها؟؟
ماما قالتلي كده إمبارح وإحنا بنتكلم !!
إبتسم لها بحنان وشعر أنها تتهرب من سؤاله فاحترم رغبتها وأٌغلق الحديث في تلك المسأله وأكملا حديثهما في تلك النقطه،،
وبعد مده خرج والديهما مٌتشابكين الأيدي وعلي وجههما إبتسامة رضا مما أسعد مليكه كثيراً وأطمئنت علي والدتها قبل المغادره !!!
◇◇◇◇¤◇◇◇◇
رجعت مليكه لمنزلها وجدتهٌ خالي من الجميع،،أخبرتها مني بأن ثريا تنتظرها ب منزل سيادة اللواء ذهبت لتري و لتطمئن علي أطفالها والجميع
وجدت عز بإنتظارها وبمجرد رؤيتها تحدث ٠٠٠يلا يا مليكه بسرعه إجهزي علشان هتروحي معانا ل ياسين،،أنا أخدتلك إذن بالزياره إنهارده !!
إنتفضت ليالي بغضب لما إستمعته من عز أثناء نزولها الدرج وأستعدادها لزيارة ياسين،،
وتحدثت محاوله مٌداراة ما بداخلها من غضب ٠٠٠٠سيب مليكه علي راحتها يا عمو مش يمكن مش حابه تروح،، وكمان كده العدد هيبقي كتير وممكن ياسين يتضايق،،
حضرتك عارف إن ياسين بيتخنق من الزحمه والعدد الكبير !!
تحدث عز مٌوجهاً حديثهٌ إلي مليكه مٌتجاهلاً ليالي عن قصد ٠٠٠يلا يا مليكه كده هنتأخر !!
إبتسمت له وتحدثت بطاعه٠٠٠أنا جاهزه حضرتك،،ممكن نتحرك حالاً لو تحب !!
زفرت ليالي بضيق ثم أحالت ببصرها إلي منال التي مطت شفتاها بقلة حيله وهبت واقفه تستعد للخروج !!
قبلت مليكه صغيريها ووجهت حديثها إلي ثريا٠٠٠هو حضرتك مش جايه معانا يا ماما ؟؟
أجابتها ثريا بنفي ٠٠٠٠لا يا مليكه إنتي ويسرا إللي هتروحوا إنهارده وأنا هقعد مع الأولاد !!
وبعد مده وصل الجميع المشفي دلفت من باب الغرفه تحت أنظار ذلك العاشق الولهان إقتربت مليكه من ياسين مدت يدها وتحدثت بوجهٍ بشوش ٠٠٠حمدالله علي سلامتك يا ياسين !!
تلمس يدها بنعومه وضغط عليها برقه أذابتها وأذابته،، ونظر لها بهيام لم يستطع مٌداراته عن تلك العيون المراقبه له وتحدث٠٠٠٠الله يسلمك يا مليكه !!
سحبت يدها من بين يده بخجل وذهبت لتجلس فوق مقعد جانبياً مٌبتعده عنه قليلاً !!!
إقترب عز ومال علي أٌذن ياسين هامساً له ٠٠٠٠أي خدمه ،،مع إنك ما جبتليش سيره عن لقاء عشاق أخر الليل إللي حصل امبارح ،،لكن أنا طلعت أكرم وأجدع منك وجبتهالك تاني إنهارده علشان تكمل وصلة الغرام !!
إبتسم ياسين بوهن وتحدث ٠٠٠٠٠هو ما فيش حاجه بتعدي من تحت إديك خالص يا باشا !!
أجابهٌ عز بإفتخار٠٠٠٠عيب عليك يلا،،ده أنا عز المغربي !!
وضحكا إثنتيهم برجوله تحت أنظار منال وليالي المٌستشاطتان !!
تحدثت يسرا بحب ٠٠٠٠يلا بقا يا ياسين شد حيلك علشان تنور بيتك،،الدنيا كلها وحشه من غيرك يا حبيبي !!
إبتسم لها ياسين وأجابها ٠٠٠أنا لو عليا يا يسرا عاوز أروح معاكم حالاً ،،أنا أصلاً مخنوق من جو المستشفي وبجد وحشني البيت أوي،، وكل إللي فيه وحشوني ♡
وهنا نظر إلي مليكه التي شعرت برعشه تسري بكامل جسدها من نظرة عيناه المٌهلكه لحصونها ،،أمالت ببصرها للأسفل كي تتجنب النظر له ورضوخها لسحر عيناه وفضحها أمامهم جميعاً !!
بدأت النار تشتعل داخل صدر ليالي لما رأتهٌ من نظرات عشق ولهفه داخل أعين زوجها لغريمتها مليكه !!
تمالكت من كتمان غيظها وتقربت منه وجلست بجانبه علي التخت بدلال مٌمسكه بيدهٌ تتحسسها بولهْ
أحال ببصره إلي تلك الجالسه بعيداً وجد صدرها يعلو ويهبط من شدة غيرتها ،،
نظرت له نظرة ممزوجه بالحزن والعتاب ثم أشاحت بنظرها بعيداً عنه بضيق !
أرجع رأسه للخلف وتنهد بأسي ثم تحدث موجهاً حديثه إلي ليالي ٠٠٠قومي يا ليالي من فضلك وأندهيلي حمزه،، الولد وحشني وعاوز أخده في حضني شويه !!!
نظرت له بحزن وتحدثت ٠٠٠للدرجادي مش طايق قربي منك يا ياسين ؟؟
تحدث بضيق ٠٠٠٠ليااالي،،أنا تعبان ومش حمل مناهده،،قولتلك قومي وأندهي الولد !!
وقفت بإحراج والغل يتأكلها ولكنها تحدثت بوجه سعيد كاذب حفاظاً علي ماءٍ وجهها٠٠٠٠حمزه تعالَ يا حبيبي بابي عاوز ياخدك في حضنه !!
إبتسمت سيلا وأسرعت بإتجاه أبيها هي الأخري بسعاده أخذها ياسين بين أحضانه وقبل رأسها هي وحمزة،، ونظر لتلك الجميله وأبتسم حين وجدها تبتسم له برضي وسعاده لم تستطع تخبأتها داخل قلبها السعيد !!
كانت هناك من تراقبهم وداخلها يستشيط غضباً ،،ولكنها فضلت الصمت حفاظاً لكرامتها وكبريائها وأيضاً بماذا ستشتكي أو تلوم فهي أيضاً زوجته وليس هذا مكان ولا توقيت تلك المشاحنات !!
بعد مده إستئذن الجميع ورحلوا تاركين طارق بصحبة ياسين !!!
◇◇◇◇¤◇◇◇◇
دلفتا مليكه ويسرا إلي المنزل وجدا أمامهم حسن وزوجته وإبنته جميلة الشكل والروح "عَلياء "
أسرعت مليكه بإحتضان علياء وتحدثت٠٠٠٠٠معقوله،،أيه المفاجأه الحلوه دي ؟؟
تحدثت ثريا بإبتسامه عريضه٠٠٠٠شٌفتي يا مليكه البيت ذاد نوره إزاي !!
إبتسمت لها مليكه وتحدثت٠٠٠٠مش بس البيت يا ماما اللي نور دي إسكندريه كلها والله !!!
تحدثت يسرا وهي تحتضن خَالها بسعاده٠٠٠٠وحشتني يا حبيبي،،ليه ماقولتوش إنكم جايين كنا إستقبلناكم في المطار ؟؟
أجابها حسن ببشاشة وجه٠٠٠٠ماحبناش نتعبكم يا حبيبتي، إحنا عارفين إن عز وطارق مشغولين مع ياسين في المستشفي،،كمان عمك عبدالرحمن ووليد بيتابعوا الشركه وشغل العيله ،،وبعدين هو أحنا غرب علشان نستني إللي يستقبلنا !!
تحدثت إبتسام وهي تحتضن مليكه بحب ٠٠٠٠ألف سلامه علي سيادة العقيد يا مليكه،، والله زعلت جدآ علشانه !!
أجابتها بأسي ٠٠٠الحمدلله يا طنط قدر الله وماشاء فعل ،،
وتسائلت ٠٠٠٠لكن إنتوا عرفتوا إزاي ؟؟
أجابها حسن ٠٠٠٠٠ده الفيديو وأخبار الحادثه ماليه مواقع التواصل الإجتماعي والتلفزيون كله يا مليكه !!
تنهدت بألم وتحدثت٠٠٠٠٠عند حضرتك حق يا عمو،،الحمدلله علي السراء والضراء !!
أمسكت يد عَاليا وتحدثت ٠٠٠٠الأستاذه عَاليا جت ووصلت خلاص ،،بيتهيألي سيادتك دراستك معظمها أون لاين، ،يعني هتقعدي معانا أسبوعين تلاته وعلي فكره مش هنقبل أي أعذار !!
رفعت يداها لأعلي بإستسلام وتحدثت بدعابه٠٠٠٠٠والله أنا لو عليا معنديش أي مانع حضرتك،،،المهم تقدري تقنعي حضرة الباشمهندس وحرمه !!
نظرت لها والدتها بتعجب وتحدثت ٠٠٠٠بقا كده يا عاليا،،بتبعيني علني كده ،،طب مين هيعمل معايا شغل البيت ويساعدني في طلبات إخواتك إللي ما بتخلصش !!
نظرت لها ثريا وقالت٠٠٠٠سبيها علشان خاطري يا بسمه،،أهي تقعد معانا كام يوم منه تغير جو ومنه أشبع منها شويه !!
تحدث حسن ٠٠٠٠خلاص يا بسمه سبيها،،وياستي لو علي شغل البيت أنا والولاد هنساعدك !!
جرت عالياء بإندفاع وتعلقت بعنق أباها وهي تحتضنه بسعاده وتهلل بمرح٠٠٠٠فليعيش الباشمهندس حسن،،،ياااا يعيش يعيش يعيش !!!
تسائلت مليكه٠٠٠٠أومال رؤوف وإسلام فين يا طنط بسمه ؟؟
أجابتها إبتسام ٠٠٠٠إنتي عارفه جامعة رؤوف أد أيه صعبه يا مليكه،،ده مابيقدرش يغيب يوم واحد عنها،،وإسلام عنده دروس مهمه الفتره دي ثانويه عامة بقا،،إن شاء الله أول ما السنه الدراسيه تخلص هنيجي كلنا نقعد معاكم إسبوع !!
تحدثت يسرا بسعاده٠٠٠٠٠هتنورونا وتنوروا إسكندريه كلها يا طنط،،بس إسبوع قليل جدا !!!
إبتسمت بسمه وتحدثت٠٠٠٠طب يارب الباشمهندس يوافق علي الإسبوع !!!
بعد مدة،،ذهب حسن وزوجته وثريا لمنزل عز ليسئلا عن حال ياسين والجميع ويؤاذروا عز وزوجته في محنتهما الصعبه تلك، ،وبعد مده ذهب حسن وزوجته وثريا بصحبة عز لزيارة ياسين بالمشفي للإطمئنان عليه
______________________________
ليلاً !!!!
دلفت ليالي إلي منزل رائف تسأل عن مليكه أخبرتها ثريا أنها صعدت بالأعلي لتنال حماماً دافئاً !!!
إستأذنت وصعدت لها وبعد طرقات الإستئذان علي الباب دلفت وجدتها إنتهت من حمامها حيث كانت تقف أمام مرأتها تمشط شعرها !!!
إستغربت مليكه دلوف ليالي إلي غرفتها الخاصه حيث أنها لم تأتي لها إلا مرات معدوده علي الأصابع !!
تحدثت مليكه بترحاب٠٠٠٠أهلا يا ليالي ،،نورتي إتفضلي !!
دلفت ليالي تتطلع إلي لجناح بكبرياء وهي تتلفت حولها ونظرت إلي الأريكه وتحدثت٠٠٠٠٠كل حاجه في الجناح لسه زي ما هي،،حتي صورك مع رائف،،
ثم نظرت لها وتحدثت بترقب ٠٠٠٠وده ما لوش عندي غير تفسير واحد يا مليكه، وهو إنك لسه مٌخلصه لجوزك الله يرحمه ولسه مكانته في قلبك زي ما هي،،ولا أيه ؟؟
إبتلعت مليكه لٌعابها ورفعت شعرها وثبتتهٌ للأعلي وأجابتها بصدق٠٠٠٠٠مش رائف الله يرحمه الراجل إللي يعدي مرور الكرام في حياة مراته،،وخصوصاً إنه كان بيحبني وعايش حياته ليا ولأولادي ،،علشان كده أنا عمري ما هقدر أنساه،،ولا أعتبره مرحله في حياتي وعدت !!
كانت تتحدث بصدق وقلبٍ موجوع ،،حقاً هي أحبت ياسين بل وعشقته، لكن أيضاً رائف كان أول رجل دلف لحياتها وعاشت معه أجمل سنين بعمرها فكيف لها أن تنساه ؟؟
سيبقي ذكري عطرة داخل قلبها الوفي !!!
تحدثت ليالي وهي تتنهد بأسي٠٠٠يا بختك يا مليكه،،حاجه حلوه جداً إن الراجل يبقي مخلص لمراته ويبقي مكتفي بيها عن باقي ستات العالم
ثم تحدثت بحديث ذات مغذي٠٠٠٠تعرفي إني عمري ما كٌنت الست الوحيده في حياة ياسين ؟؟
نظرت لها بإستغراب وعيون تائهه !!
أكملت ليالي بلؤم٠٠٠٠ما تستغربيش أوي كده، ،للأسف ياسين عرف ونام مع ستات بعدد شعر راسه ،،أه كانوا كلهم في إطار الحلال والجواز العرفي لكن في الأول وفي الآخر دي إسمها طفاسه وخيانه من راجل عينه زايغه ما يملهاش غير التراب !!
إبتلعت غَصه مريره وهي تستمع تلك الكلمات المريره التي أشعلت النار داخل صدرها وتحدثت بتساؤل وأستغراب٠٠٠٠٠ وإنتي إزاي قابله علي نفسك كل ده وعارفه وساكته كده عادي ؟؟
تحدثت بغرور أنثي ٠٠٠٠علشان عارفه إنه هيلف يلف ويرجعلي في الأخر ،،
زي كده المراهق الجديد إللي بيبدأ يخرج مع أصحابه ويسيب أكل مامته النضيف ويروح يرمرم من الشارع
وهو من جواه عارف ومتأكد إن مافيش زي أكل مامته لا في طعامته ولا نضافته ،،ويرجع أخر الليل بعد يوم طويل يبوس إيديها ويطلب ياكل من طبقها النضيف !!
إبتلعت لٌعابها لعلمها أن حديث ليالي ليس إلا رسائل موجهه إليها !!!
نظرت لها ودارت حولها بكبرياء وتحدثت بوضوح٠٠٠أنا عارفه ومتأكده إن ياسين حاول يقرب منك كتير،،ومتأكده كمان إنه مش هييأس وهيحاول أكتر وأكتر،،
لكن كمان أنا واثقه من ذكائك وعارفه إنك لا يٌمكن تسلمي نفسك لراجل مش شايفك أكتر من نزوة وهتروح زهوتها بمجرد ما يطول منها إللي هو عاوزه،،
وأكملت بإهانه غير مباشرة٠٠٠٠٠٠زي الستات إللي اتجوزهم عرفي بالظبط،،،
كان بياخد إللي عاوزه منهم ويرميهم في أقرب باسكت زباله،،
وأكملت بإشمئزاز٠٠٠٠٠٠٠حاجه كده زي كلينكس إستعمله وما بقاش له لازمه بالنسباله !!
إحتدت ملامح مليكه ونظرت لها بغضب وتعالت حدة صوتها قائله٠٠٠٠ملوش لازمه تلقيح الكلام ده يا ليالي،،لا أنا زي الستات إللي حضرتك عارفه إنه بيروحلهم ومع ذلك راضيه وراضخه ومٌستسلمه بكل مهانه،،
ولا أنا مجرد ورقه عرفي في حياة ياسين،،
وأكملت بحده٠٠٠٠ أنا زوجه شرعيه بمعرفة العيله وإسكندريه كلها يا مدام،، وما أسمحلكيش تكلميني بالطريقه المهينه دي وتشبهيني بشوية ستات ساقطه في حياة جوزك !!
نطقت ليالي بتعالي وغرور ٠٠٠٠جوازه شرعيه لكن صوريه يا مليكه،،أوعي تنسي إن ده كان شرط موافقتي علي جواز ياسين منك !!
أجابتها مليكه بحده وقوه٠٠٠٠إنتي إللي ناسيه إنه كان شرطي قبل منك يا مدام !!
خفضت ليالي من نبرة صوتها في محاوله منها لإمتصاص غضب مليكه التي ولأول مرة تراه وتري تغيرها الكبير هذا ٠٠٠٠طبعاً فاكره ومش ناسيه يا حبيبتي،،وعارفه وواثقه في حبك وولائك لذكري جوزك الله يرحمه ،،
أنا بس حبيت أنبهك وخصوصاً بعد ما لاحظت أن ياسين بيحاول يتقرب منك وبيحوم حواليكي،،قولت أوضحلك الأمور بشكلها الصحيح وعليكي إنك تختاري !!
رفعت مليكه وجهها بكبرياء وتحدثت بضيق٠٠٠٠متشكرة علي نصيحتك ولو إني مش محتجاها ،،،
ولو خلصتي كلامك ياريت تتفضلي علشان ننزل مع بعض ،،عمو حسن ومراته تحت مستنييني ولسه ماأتعشوش،،أظن ما يصحش نسيبهم ينتظروا أكتر من كده !!
تحدثت ليالي بإبتسامه خبيثه٠٠٠٠شكلك زعلتي من كلامي،،وده مكنش المقصود خالص من حوارنا،،
أنا كل إللي كنت أقصده إني أنبهك لغلطه مٌمكن بسهوله تٌقعي فيها،،
وأكملت مٌبتسمه بخبث٠٠٠٠٠وعلي العموم لو زعلتي أنا بسحب كلامي كله،،وأعتبريني ماقلتهوش من الأساس !!!
تحركت بإتجاهها وأمسكت يدها في محاوله منها لإمتصاص غضبها وتحدثت ٠٠٠يلا بينا ننزل علشان الضيوف !!
◇◇◇◇¤◇◇◇◇
كان عز يجلس داخل بهو منزلهِ دلف عبدالرحمن ووليد جلسا بجانبهِ ليطمأنوا منه علي حالة ياسين
وبعد مدة
تحدث عز ناظراً إلي وليد ٠٠٠٠٠أنا خليت طارق يعملك دراسة جدوي لمكتب المحاسبات إللي قولت لأبوك عنه يا وليد،،وأول ما ياسين يخرج بالسلامه هخلي طارق يظبطلك الموظفين وتبدأ شغل ف مكتبك من أول الشهر إن شاء الله !!!
تحدث وليد بسعادة بالغه٠٠٠٠بس ده كتير أوي يا عمي،،معقوله هتديني مشروع زي ده ليا لوحدي !!
تحدث عبدالرحمن بإمتنان٠٠٠٠٠كتير اللي بتعمله ده يا عز
تحدث عز مٌبتسماً بحب ٠٠٠٠٠مفيش حاجه تكتر عليك يا حبيبي، ،وبعدين أنا بعتبر وليد واحد من ولادي ، وراحته ومستقبله يهموني زي ما يهموك بالظبط،،
ثم نظر إلي وليد وتحدث٠٠٠٠٠٠إتشطر إنت بس وعاوز أشوف المكتب ده من أكبر مكاتب المحاسبه ف إسكندريه كلها !!!
تحدث وليد بإمتنان وشكر ٠٠٠٠٠متشكر أوي يا عمي وربنا يقدرني وأكون عند حسن ظنك فيا إن شاء الله !!
ربت عبدالرحمن بحب علي كتف أخيه وتحدث٠٠٠ربنا يخليك ليا يا عز ويقوملك ياسين بالسلامه ان شاء الله
إبتسم له عز وأمنَ علي حديثه !!!
___________________________
بعد وجبة العشاء !!!
قضت مليكه سهرتها مع حسن وزوجته الجميله في تشتت من حديث تلك الليالي،، وبعد وقتٍ طويل صعد الجميع غرفهم لينالوا قسطاً من الراحه بعد يوم شاق !!!
كانت تتحرك داخل غرفتها بغضب وتفرك يديها من شدة الضيق وهي تهاتف صديقتها سلمي مٌتحدثه٠٠٠٠٠أهدي إزاي يا سلمي بعد كل إللي قولتهولك ده،،معقوله ياسين يكون بالقذاره دي كلها وأنا ما أعرفش ؟؟
أنا هتجنن من وقت ما سمعت الكلام ده منها ومش عارفه أتصرف إزاي؟؟
أجابتها سلمي عبر الهاتف٠٠٠إهدي يا مليكه ومتتهوريش في ردة فعلك،،مش يمكن ليالي بتكذب عليكي علشان تكرهك في ياسين ؟؟
مليكه بحده٠٠٠٠بتطلبي مني أهدي ،،طب إزاي وأنا جوايا نار مش قادره أتحملها،،نار بتحرق كل جوارحي،،
وأكملت بغيرة ٠٠٠٠٠كل ما أتخيل إنه ممكن يكون حصل حاجه بينه وبين كمية الستات إللي حكت عنهم ليالي بحس أد أيه هو شخص شهواني رخيص،،
وكمان بحس إني فعلاً مٌمكن أكون بالنسباله مجرد جسد مش أكتر !!
كادت سلمي أن تتحدث ولكن أوقفتها مليكه وتحدثت وهي تنظر بشاشة هاتفها لذلك الإتصال ٠٠٠سلمي طارق بيتصل بيا هرد عليه أشوف عاوز أيه وأبقي أكلمك
ردت سلمي بتفاهم للموقف٠٠٠٠تمام أنا هقفل وكلميني بعد ماتخلصي معاه !!!
وأغلقت سلمي،،ضغطت مليكه زر الأستقبال وأستقبلت مكالمة طارق وتحدثت بجديه٠٠٠٠أيوه يا طارق !!
إستمعت لصوتٍ عاشق،،، تعرفهٌا جيداً تلك النبره الحنون الخاصه بها هي وفقط٠٠٠٠ أنا ياسين يا قلبي ♡
إصابتها حاله من عدم التوازن في المشاعر،،شعور بالفرحه،،السعاده،،الإشتياق،،الغيظ،،الغيره ،،الحزن،، الألم
تحدثت بصوتٍ بارد بعدما ضغطت علي حالها وأغمضت عيناها تمتص غضبها حتي لا تظهر ما بداخلها من غضب وتٌخرجهٌ علي ذلك المريض ٠٠٠أهلاً يا ياسين !!
شعر بغصه داخل حلقه من ردها البارد علي مشاعرهٌ الجياشه !!!
تحدث مٌتلاشياً تلك النبره علها تندمج معه ويكون هذا البرود مجرد خجل٠٠٠٠ما قدرتش أستني لبكره علشان أكلمك،،قولت لنفسي أكيد إنتي لسه صاحيه ،،سهرانه وهيمانه ومشتاقه تسمعي لصوت حبيبك زيي بالظبط !!
صمت لثواني ليٌعطيها المجال كي تشرح مشاعرها وتفصح عن ما بداخلها من وله الحب ،،،،،إنتظر ولكن لم يأتهِ الرد !!
فسألها بحيره وأستفسار٠٠٠٠٠مالك يا مليكه،،هو فيه حد جنبك ؟؟
أجابتهٌ بضيق لم تستطع مٌداراته٠٠٠٠مفيش حد جنبي !!
أومال مالك ٠٠٠٠قالها بحده !
أجابتهٌ بنفس الحده ٠٠٠٠مافيش يا ياسين قولتلك !!!
أجابها بتساؤل٠٠٠يعني أيه ما فيش ،،ماكانش ده حالك إمبارح لما جتيلي المستشفي ولا حتي إنهارده، ،أيه إللي حصل في الكام ساعه دول غيرك بالشكل ده ؟؟
أجابته بضيق ٠٠٠٠٠قولتلك مافيش حاجه !!
صاح عليها بغضب٠٠٠٠٠أاااااه ،،أنا كده فهمت يا مدام !!!
تحدثت مٌستفهمه بغضب٠٠٠٠٠٠وياتري فهمت أيه بقا إن شاء الله؟؟
أجابها بصوتٍ مختنق حزين وضعيف٠٠٠٠مافيش داعي للشرح،،كل شئ واضح ومش محتاج توضيح،،لحد هنا وخلص الكلام يا مدام
وأغلق الهاتف دون أنتظار لكلماتها !!
دق بيده السليمه بغضب علي طرف الفراش وأغمضَ عيناه بتألم،، وبدأ صدره يعلو ويهبط من شدة غضبه،،
إستمع لصوت الهاتف نظر بشاشته وجدها هي ضغط علي الهاتف وقطع الإتصال ،،ومازال علي حاله ،،ثم إستمع من جديد لصوت الهاتف أغلقهٌ من جديد وتكرر الإتصال عدة مرات حتي قرر أن يجيبها !!!
ضغط علي زر الإجابه مٌجيباً بإنفعال شديد وصوتٍ غاضب٠٠٠٠٠ بتتصلي ليه تاني ؟؟
مش خلاص عملتي اللي إنتي عاوزاه زي كل مره،،
جيتي وشاورتي بصباعك للأهبل وأول ما جري وريل عليكي وأدلق زي الجردل ،،رجعتي علشان تكرري اللي عملتيه قبل كده،،
وأكمل ساخراً٠٠٠٠٠٠فهمتها لوحدي يا مدام ،،مش لازم تقوليهالي في وشي وتعرفيني أد أيه أنا راجل ما عندوش كرامه،،وإن سيادتك ملقتيش فيا الراجل إللي يستاهل تتنازلي وتتشرفي وتحبيه وتنسي بيه راجل حياتك الأول والأخير رائف بيه ،،،،،
وأكملَ بتساؤل ساخر٠٠٠٠٠٠هااااا ،،،أيه رأيك فيا مش طلعت نبيه وفهمتها لوحدي بردو !!!
كانت تستمع له بقلبٍ مفطور وعيون مٌشتعله وتحدثت بحده٠٠٠٠ خلاص،،خلصت كل كلامك،،زعقت وغضبت وخرجت كل غضبك من كلام مالوش وجود غير في دماغك وبس ؟؟
تحدث بتحدي وغضب٠٠٠٠٠مااالوش وجود غير في دماغي وبس،،طب ما تتفضلي وتعرفيني الكلام الصح إللي تقصده دماغ سعادتك !!
تنهدت بألم وتحدثت بحزن٠٠٠٠بلاش يا ياسين،،كلامي هيزعلك وهيتعبك وأنت مش ناقص،،بعدين نبقا نتكلم !!
صاح بها بغضب أرعبها ٠٠٠٠لو ما قولتيش وحالاً أيه إللي غيرك بالشكل ده،،يبقي تنسي إن يحصل بينا كلام من الأساس بعد كده،،،،يا تتكلمي حالاً ،،يا تنسي أي كلام وأي حاجه حصلت بيني وبينك وللأبد !!
تحدثت بحزن٠٠٠إنت بتهددني يا ياسين ؟؟
أجابها بصياح أرعبها٠٠٠٠٠ملللليكه !!!
دلف طارق سريعاً عندما إستمع لصوتهِ ولغضبه قائلاً٠٠٠٠فيه أيه يا ياسين ،،مالك ؟؟
أشار لهٌ بغضب عارم وتحدث٠٠٠ أطلع برة دالوقتي يا طارق لو سمحت !!!
أشار لهٌ بإيماء وتفهم وخرجَ سريعاً !!!
أما هي إبتلعت لٌعابها برعب من صياحه ثم تمالكت شجاعتها وتحدثت بجرأه٠٠٠تمام يا ياسين،،أنا هتكلم لكن لو أكتشفت إنك كدبت عليا أنا إللي هنسي أي حاجه حصلت بينا وللأبد،،فياريت تجاوبني بكل صراحه !!
أجابها بثقه ونفاذ صبر٠٠٠٠أنا سامعك !!
أخذت شهيقً وأخرجته ثمَ تحدثت بجرأه ٠٠٠٠٠ممكن تقولي أنا أبقي الست رقم كام في لستة حريم سعادتك ؟؟
تخشب من سؤالها وأغمض عيناه مٌتألماً ولكنه سرعان ما تنهد براحه ،،فبرغم حٌزنه علي ما علمته عنه إلا أنه أرحم بكثير من أحساسه المرير برفضه مٌجدداً وإخراجه من حياتها !!!
تحدثت بحده وغضب٠٠٠٠مستنيه أسمع إجابتك يا سيادة العقيد ؟؟
أجابها بكل قوة ووضوح ٠٠٠٠٠لو بتتكلمي من ناحية النوم والمعاشره تبقي هتتعبي من العد يا مليكه !!
شهقت ووضعت يدها علي فمها وأغمضت عيناها بتألم ونزلت من عيناها دمعة ألم مريرة !!
ثم أكمل بصوتٍ هائم عاشق صادق٠٠٠لكن لو هنتكلم من ناحية الحب والعشق تبقي رقم واحد وبدون منافس ،،والله العظيم بدون منافس يا مليكه ♡
تحدثت بدموع ساخنه٠٠٠٠وأنا كده المفروض إني أفرح ولا أحزن ،،
وأكملت بنبرة تشكيكيه٠٠٠٠٠ثم أيه إللي يأكدلي إن كلامك صح وإني فعلاً مش أكتر من رقم مٌتسلسل من لِستة حريم ياسين باشا المغربي،،
وأكملت بدموع٠٠٠٠٠وإن مش زي ما ليالي قالت مجرد نزوه من نزواتك وأول ما تاخد إللي إنتَ عاوزه هتزهق مني وترميني زي إللي قبلي ؟؟
تحدث بصدق وتساؤل٠٠٠وهو أنا لسه ما أخدتش إللي أنا عاوزه يا مليكه ؟؟
وأكملَ هائماً٠٠٠٠٠وعلي العكس إللي حصل ،،
كل ما أشرب من بحر عشقك بعطش وأشتاق أكتر وأكتر ♡
وأكمل بغضب٠٠٠٠٠٠وبعدين إزاي تسمحي لنفسك تقارني بينك وبين أي حد تاني في الكون ده كله ،،
وأكمل مهدداً٠٠٠٠٠مش مسموحلك يا هانم تقارني نفسك بحد حتي ولو كان الحد ده ليالي نفسها !!
وأكبر دليل علي كلامي ده،،إني عرفت عليها ستات بعدد شعر راسي،،لكن من يوم ما عرفتك وحبيتك وأنا مقربتش من أي ست غير ليالي !!
كانت تستمع له بقلبٍ حائر أتفرح أم تحزن ولكنها حقاً تستشف الصدق من نبرة صوته وعشقهِ الهائل لها الواصل لقلبها عبر الهاتف !!
وأكملَ بحب ٠٠٠٠أنا من يوم ما حبيتك وعشقت عيونك وأنا حرمت عليا جنس الستات كله ،،أكتفيت بعشقك عن كل ستات الكون وأختصرتهم فيكي يا حوا ♡
أنا كنت بدور فيهم عليكي يا مليكه ♡
إبتسمت بألم وتحدثت برجاء ودموع٠٠٠٠٠ياسين،،أوعي تكون بتكذب عليا،،أوعي يا ياسين،،،أنا حبيتك بجد،، أوعي تجرح قلبي وتكسره أرجوك !!
أجابها بهيام٠٠٠٠عمري ما أقدر أجرحك يا مليكه ،،سلميلي قلبك وروحك وأطمني يا حبيبي،،إنتي في إيد ياسين يا قلب ياسين ♡أنا حاطك جوه قلبي وقافله عليكي لوحدك♡ كله ليكي لوحدك يا نبض ياسين ♡
أذابها بحديثه وتحدثت بصوتٍ عاشق هائم ٠٠٠٠بحبك يا ياسين،،بحبك ♡
أجابها وهو يبتلع لعابه ٠٠٠٠الله يسامحك يا مليكه،،الله يسامحك علي إللي بتعمليه فيا من إمبارح،،
وأكمل بوعيد مٌختلق٠٠٠٠بس وحيات مليكه عندي،،لاخد حقي كامل منك أول ما أقوم علي رجلي وأرجعلك !!
ضحكت بإنوثه أهلكت حصونه وتاها معاً من جديد في إحدي جولات عشقهما المٌميز
وبدأوا بإسترسال حديثهما الخاص ♡حديث العشاق ♡
♡عشق الياسين لمليكة فؤادهْ♡
🔹️بسم الله الرحمن الرحيم🔹️
لا إله إلا أنت سبحانك إني كنت من الظالمين
رواية☆ قلوب حائره☆
بقلم روز آمين
🦋 البارت السابع والعشرون🦋
بعد يومان !!!!!!
خرج ياسين من المشفي إلي منزله وقد تحسنت حالتهٌ كثيراً بفضل إهتمام الأطباء به لدرجه عاليه ،،وأيضاً ساعده علي ذلك حالته النفسيه والمزاجيه التي إرتفعت عنان السماء بفضل إعتراف مليكه له بحبها ومدي تعلقها به
ومكالماتهم الغراميه التي إستمرت طيلة الأيام الماضيه فقد شعر وكأنه مراهق ينتظر مهاتفة حبيبته العاشقه بفارغ الصبر ،،
بعد عدة أيامٍ أخري !!
كانت تجلس داخل حديقتها أمام المسبح تراقب أطفالها وهما يسبحان بصحبة أبناء يسرا،،
كانت شارده حزينه لعدم قدرتها علي الذهاب والجلوس معهٌ ،،فقد ذهبت له منذ خروجه مرات قليله بصحبة ثريا ويسرا
أفاقت من شرودها علي صوت يسرا وهي تٌمسك بيدها كأسان من المشروب البارد وتحدثت٠٠٠أيه رأيك أعزمك علي عصير بارد نشربه مع بعض !!
إبتمست بإشراق لوجه يسرا المحب وتحدثت٠٠٠٠وأنا قبلت العزومه !!
جلست يسرا بعد وضعها الأكواب فوق المنضده وإمساكها لكأس العصير وناولته إلي مليكه بإهتمام ،،
تناولته منها بإبتسامه قائله٠٠٠٠تسلم إيدك يا سو !!
إرتشفت يسرا من كأسها وهي تنظر لأطفالها وأطفال أخيها الغالي وهم يمرحون بسعاده داخل المسبح قائله٠٠٠٠مروان بقا هايل في السباحه،،ماشاء الله مستواه بيتقدم كل يوم عن اليوم إللي قبله !!!
أجابتها مليكه وهي تنظر لطفلها بسعاده٠٠٠٠ده حقيقي يا يسرا،،والحقيقه الفضل كله يرجع ل ياسين بعد ربنا،،لولا المدرب الجديد إللي جابه كان زمان مروان محلك سر !!
كانت يسرا تراقب ملامح مليكه وتعبير وجهها السعيد حين ذكرت إسمهْ
تنهدت يسرا وأبتسمت بحزن فقد شعرت بمزيج من الأحاسيس المٌتضاربه التي لم تقوي علي تفسيرها،، شعور بالألم،،المراره،،الحزن علي الراحل الذي أصبح يتلاشي رويداً رويدا،،أيضاً يداخلها شعور باللوم علي حالها
حدثت داخلها بلوم٠٠٠٠لما حزنتي هكذا يسرا ؟
مليكه فتاه بمقتبل عمرها ولديها الحق في أخذ نصيبها من الحب والحياه من أعطي لكي أو لغيركِ الحق بأن تحجبي عنها حقها ؟؟
إبتسمت يسرا بمراره وتحدثت للناظره لطفليها تراقبهما بترقب وأهتمام بالغ ٠٠٠٠٠مليكه،،هو أنتي ليه مابتروحيش تزوري ياسين كل يوم ؟؟
نظرت لها بإهتمام وتحدثت بملامح بدا عليها الحزن رغم محاولاتها المٌستميته بتخبأة الحزن الساكن روحها ٠٠٠٠٠مش حابه أضايق ليالي ولا سيلا بزيارتي ،،
ما إنتي عارفه يايسرا من يوم جوازي من ياسين وهما اتحولوا في معاملتهم معايا وكأنهم بقوا أشخاص تانيه،،حتي طنط منال شوية تعاملني كويس وشوية ألاقيها مش طايقه حتي تبص في وشي،،
مع إني مليش ذنب،،وهما بنفسهم شافوا أنا رفضت إزاي وعملت أيه علشان الجوازه دي ما تتمش،،ولولا تعب ماما ثريا صدقيني عمري ماكنت هسمح بإن أسمي يرتبط بأسم راجل تاني بعد رائف !!
ثم أكملت بهدوء وأسترخاء ظهر علي ملامحها ٠٠٠بس خلاص اللي حصل حصل !!!
تنفست يسرا بألم وتحدثت ٠٠٠٠بس كده ياسين ممكن يزعل ،،مهما كان يا مليكه هو إسمه جوزك وواجب عليكي تقفي جنبه في ظرف زي ده !!
تحدثت وهي مٌضيقه عيناها بلا مبالاه ٠٠٠٠ياسين عاقل وأكيد هيقدر ظروفي وإني ماينفعش أدخل عنده كل يوم !!
أشار أنس إلي مليكه وتحدث٠٠٠٠٠مااااااامي،،أنا تعبت وجوعت كتير ممكن أخرج علشان عاوز أكل البيتزا بتاعتي قبل ما تبرد ؟؟
إبتسمت له بسعاده وهي تتحرك مٌسرعه بإتجاهه مٌمسكه ب رداء الحمام ( البرنس ) وتحدثت٠٠٠طبعاً مٌمكن يا قلب مامي،،يلا يا قلبي ناخد شاور جميل وبعدها ننزل ناكل البيتزا
خرج الأطفال كانت مليكه بطريقها لدلوف باب الفيلا الداخلي وهي تحمل صغيرها وتحتويه داخل أحضانها ويسير بجانبها مروان
وجدت علياء بمقابلتها
تحدثت علياء بمرح وهي تداعب الصغير٠٠٠٠علي فين يا أنوس باشا،،دانا كنت جايه أعوم معاك !!
أنس وهو يتحدث ويلومها٠٠٠٠إنتي إللي أتأخرتي أوي ،،أعملك أيه بقا،،وبعدين أنا جوعت كتيرررررر وعاوز أكل البيتزا إللي مامي عملتهالي !!
إبتسمت علياء وداعبته٠٠٠٠بالهنا والشفا يا قلبي، تتعوض بكره إن شاء الله !!
تحدثت مليكه٠٠٠٠هحميهم وأنزلك علطول !!!
أجابتها علياء وهي تتحرك بإتجاه المقعد المقابل لحمام السباحه ٠٠٠٠هستناكي أوعي تتأخري !!
دلفت يسرا هي الأخري لتٌحضير حماماً دافئاً لأطفالها !!!
كانت علياء تدندن بسعاده وهي تستنشق هواء الحديقه النقي الذي يأتي من البحر مباشرةً
وفجأه رأت أخر شخص تخيلت أن تراه أمامها يدلف من البوابه الحديديه للمنزل مٌرتدياً نظارتهٌ الشمسيه بأناقه وملابسهٌ العصريه الذي ذادتهٌ رجوله وسحراً
وبلحظه تجمدت جميع ملامحها ناظره إليه بفاهٍ مفتوح وعيونٍ جاحظه غير مصدقه لما تراه !!!
وقفت سريعاً حين رأتهٌ مٌقبلاً عليها بإبتسامه ساحره وما زاد الطينٌ بله أنهٌ خلع عنه نظارته ونظر لها مٌبتسماً وهو يقترب قائلاً بصوتٍ ملئ بالسحر٠٠٠٠مساء الخير يا أفندم !!
أشارت لهْ بسبابتها غير مٌصدقه٠٠٠٠هو أنت هنا بجد ولا أنا إللي بيتهيئلي من كتر ما أتمنيت إني أشوفك وأقابلك !!
ضحك برجوله مٌهلكه لحصونها وتحدث ٠٠٠٠والله علي حسب إذا كنت أنا الشخص إللي تقصديه فعلاً ولا لاء !!
أجابتهٌ سريعاً بتأكيد٠٠٠٠أكيد طبعاً إنت الباشمذيع هو أنا هتوه عنك !!
نظر لها مٌضيقاً عيناه بعدم إستيعاب لذكرها لقب الباشمذيع الذي تلقبهٌ به صديقة البرنامج ،،إبتسم وكاد أن يتحدث
ولكنها أسرعت مٌشيره بسبابتها علي حالها مٌتحدثه بلهفه ٠٠٠٠أنا الباشمحاميه !!!
ثم مدت شفتاها بحركه طفوليه غاضبه قائله بأسي٠٠٠٠إزاي ماعرفتش تميز صوتي ؟؟
كان ينظر لها بإعجاب وأستغراب من حكمة القدر
إلتفت إثنتيهم علي صوت مليكه وهي تقترب منه ناظره عليه بسعاده وهي تتحدث٠٠٠٠شريف،،أهلاً يا حبيبي إنت جيت أمتي ؟؟
إبتسم لها وفتح ذراعيه لإستقبال عزيزة عينه شقيقته الغاليه وأخذها بين أحضانه مٌقبلاً وجنتيها وهو يقول ٠٠٠٠لسه واصل حالاً يا حبيبتي !!
نظرت لهما فاتحة فاهها بعدم إستيعاب لما تراه ويحدث أمامها بطريقه مضحكه وكوميديه !!
نظرت إليها مليكه وتحدثت وهي تٌشير إلي شقيقها٠٠٠٠إتعرفتي علي شريف يا عاليا،،
ثم أردفت ٠٠٠ده بقا شريف أخويا ،،أحلا وأجمل وأشيك مذيع إذاعي فيكي يا مصر !!
ثم أكملت وهي تنظر إلي شريف وتشير إلي علياء ٠٠٠ودي بقا تبقا علياء حسن المغربي !!!
تحدث شريف وهو ينظر لها بإستغراب ٠٠٠٠٠مغربي؟؟مغربي إزاي يعني،،هو مش الباشمحاميه بردوا من أسوان ؟؟
إتسعت إبتسامتها لتظهر صف أسنانها البيضاء مما ذادها سحراً وتحدثت بسعاده مٌطلقه لمعرفتهٌ لشخصيتها ٠٠٠٠أيوه أيوه أنا الباشمحاميه صديقة البرنامج إللي بكلمك دايماً من أسوان،،أنا هي فعلاً !!
وأكملت بإستغراب٠٠٠٠لكن غريبه أوي إنك تطلع أخو مليكه والأغرب إني شيفاك هنا قدامي أنا بجد مش مصدقه وحاسه إني بحلم !!
إبتسمت مليكه وتحدثت ٠٠٠واضح إنكم تعرفوا بعض عن طريق البرنامج،،
تحدث شريف بإستفهام٠٠٠٠بردوا مش فاهم ،،إزاي من عيلة المغربي وقاعده في أسوان ؟؟
أجابتهٌ مليكه ٠٠٠٠دي بنت الباشمهندس حسن أحمد المغربي ،،أخو ماما ثريا إللي عايش في أسوان يا شريف،،أيه يا أبني عمرك ما سمعت عنه ؟؟
أجابها وهو ينظر إلي علياء بإعجاب فهو معجب بعقليتها وطريقة تفكيرها المتحضره الناضجه وأرائها عبر البرنامج،،
والأن أصبح معجباً بجمالها البرئ الطبيعي أكثر وأكثر
وتحدث ٠٠٠٠بصراحه ما حالفنيش الحظ إني أسمع عن الباشمهندس،،لكن أكيد الباشمحاميه هتحكيلي القصة كامله
ونظر لها بتأكيد ٠٠٠٠ولا أيه يا عاليا ؟؟
وأكمل بإعجاب٠٠٠٠حلو أوي إسمك يا عاليا !!!!
هزت رأسها بإيجاب وسعاده قائله بتأكيد٠٠٠٠أكيد طبعاً !!!
تحدث هو ٠٠٠٠طب حيث إننا طلعنا نسايب وقرايب والباشمحاميه في بلدنا ومشرفانا، فاأيه رأيكم بكره تقضوا اليوم معانا إنتي ومليكه والأولاد وأعرفك علي ماما وبعدها أخدك انتي ومليكه وألففك إسكندريه كلها،،
وكمان هأكلك أيس كريم علشان بس ماتقوليش علينا بٌخله !!
ضحكت بمرح وتحدثت بدعابه٠٠٠٠ومالك جاي علي نفسك كده ليه ؟
أيس كريم مرة واحده ؟؟
يظهر إنك كريم أوي يا حضرة الباشمذيع الواعد !!
ضحك شريف برجوله وتحدث ٠٠٠٠دانتي مشكله بجد،،
ثم حول ببصره إلي مليكه وتحدث بجديه٠٠٠٠٠المهم يا مليكه تعالي أدخلي معايا علشان أزور سيادة العقيد،،مش حابب أدخل هناك لوحدي،، وبعدها أبقي اجي أسلم علي ثريا هانم ومدام يسرا والأولاد !!
تحدثت علياء بمرح٠٠٠هو أنا مٌمكن أجي معاك أنا كمان ؟؟
ضحك وحدثها بدعابه٠٠٠أكيد طبعاً،، البيت بيتك حضرتك !!
تحدثت مليكه بجديه٠٠٠تعالَ أدخل معايا الأول سلم علي ماما ويسرا وأنا هستأذن من ماما ونروح لياسين مع بعض !!
وافقها الرأي ودلف للداخل وبعد مده قصيره إتجهوا معاً إلي فيلا عز المغربي وكانت السعاده تملئ قلب مليكه لأستطاعتها رؤية حبيبها ،،،،
كان يقنط في غرفه بالدور الأرضي خصصها له عز حتي يٌشفي تماماً وأيضاً ليكون قريباً من الزائرين الذين يتوافدون لزيارته !!!
دلفت بصحبة شقيقها داخل الغرفه المزدحمه بالزائرين ،،والد ليالي ووالدتها وشقيقتها وزوجها،،طارق وجيجي،،عز ومنال،،ليالي وعبدالرحمن !!!
كان يجلس فوق تخته سانداً رأسه للخلف وجدها تدلف من باب الغرفه بإطلالتها الساحره لعيناه تهللت أساريره وأنتفض بجلسته،،
إعتدل ينظر إليها بشغف تحت أنظار الجميع المٌستغربه ،،
ألقت التحيه علي الجميع هي وشريف
وقف عز كي يبادر شريف بالسلام وأوصله حيث تواجد ياسين
مد يدهٌ له بإحترام مٌردفاً٠٠٠٠حمدالله علي السلامه يا سيادة العقيد، طمني عليك،أخبارك أيه إنهارده ؟؟
أجابهٌ ياسين بإحترام وود ٠٠٠٠الحمدلله يا شريف أنا بقيت أحسن !!
تحدثت علياء بمرح٠٠٠٠عيني عليك بارده يا سيادة العقيد،، شكلك مرتاح إنهارده !!
أجابها بإبتسامه ٠٠٠الحمدلله يا عاليا،،أنا فعلا حاسس نفسي أحسن إنهارده !!
نظرت له بعيون مٌشتاقه وتحدثت ٠٠٠٠إزيك يا ياسين،، جرحك أخباره أيه ؟؟
تبسم لها وتحدث بعيون مٌتشوقه عاشقه لم يستطع السيطره عليها٠٠٠٠أنا كويس جدآ إنتي إللي عامله أيه ؟؟
أمائت بإبتسامه خجله من نظراته الصريحه٠٠٠أنا كويسه الحمدلله !!
وبدون شعور منها وجدت حالها تٌمسك بوسادة صغيره وتضعها خلف رأسه بإهتمام لجلوسهٌ براحه !!
إبتسمَ لها وتحدث ٠٠٠٠تسلم إيدك !!
تحدث طارق وهو يٌشير إلي شريف وعلياء للمقاعد ٠٠٠٠أقعد يا شريف واقف ليه،،تعالي أقعدي هنا يا عاليا !!
تحدثت جيجي مٌشيرتاً إلي مليكه وهي تقف لتفسح لها مقعدها ،،
كانت الغرفه تأج بالتجمع ولم يتبقي مقاعد خاليه بعد ٠٠٠٠تعالي أقعدي يا مليكه !!
وبدون سابق إنذار أمسكها من يدها قبل أن تتحرك وجذبها برقه ألجمت لسانها وتحدث وهو يتحرك قليلاً ليفسح لها المجال ليجلسها بجانبه ٠٠٠٠خليكي مكانك يا جيجي،،
ونظر داخل عيناها وتحدث بعشق وعيون هائمه٠٠٠مليكه هتقعد جنبي !!
إستشاطت ليالي بصمت وجن جنونها لموقفها الحرج أمام الجمع المتواجد بالغرفه،،،ثم نظرت لزوجها وجدته ينظر بوله لتلك الخجوله من ذلك التصرف العفوي الذي وإن دل فإنما يدل علي عشقه وجنونهٌ بتلك الصغيره !!
جلست مليكه وهي مٌنكمشه علي حالها خجله من ذلك التصرف حاولت مٌجاهده أن لا تنظر داخل عيناه حتي لا تنهار أمامهم جميعاً وترتمي داخل أحضانه فهي أيضاً إشتاقته وأشتاقت رائحة أنفاسه العطرهْ حد الجنون !!
مالت والدة ليالي بجانب أذن منال وتحدثت بصوتٍ حاد لكنه ضعيف٠٠٠٠عيب أوي إللي إبنك بيعمله ده يا منال،،طب لو مش محترم وجود مراته،،علي الأقل يحترم وجودنا إحنا !!
أجابتها منال بهدوء٠٠٠٠إهدي يا قِسمت علشان ماحدش ياخد باله،، نتكلم بعدين !!
كانت ليالي تنهار داخلياً من تلك الحركات الصبيانيه من رجلها الرزين الذي تجاوز عامهٌ الأربعين بعامين ولكنه أصبح مراهقاً غير مسؤل عن تصرفاته أمام أعين الناظرين !
أمسكت شقيقتها داليدا يدها مأزرتاً إياها ونظرت داخل عيناها والغل يتأكل قلبيهما سوياً !!
تحدثت داليدا بكبرياء٠٠٠إثبتي وإهدي،، إنتي ليالي العشري إللي ماينفعش تتضايق أو تغير من أي مخلوقه علي وجه الأرض !!
نظرت لها وأمائت بموافقه مٌرغمه وتحدثت بغرور٠٠٠٠أكيد مش أنا إللي هغير من حتة عيله زي دي متسواش جنب جمالي وأناقتي حاجه !!!
جلست بجانبه تفرق أيديها بتوتر وقلق يظهران علي وجهها للجميع حدثها بهدوء وصوتٍ خفيض يكاد يصل لمسمعيها٠٠٠٠مالك يا بنتي قلقانه كده ليه ،،علي فكره أنا جوزك والله !!
ألقت نظرة سريعه علي عيناه وأبتسمت بخفه !!
تحدث عز ليٌخرج الجميع من تلك اللحظات المٌتشاحنه٠٠٠أيه أخبار الإذاعه المصريه علي حس مذيعنا المحترم !!
إبتسم شريف وأجابهٌ بإحترام ٠٠٠٠كله تمام في وجود أمثال سعادتك عز باشا،، إحنا شغالين بتوجيهات معاليكم !!
إستغل إنشغال الجميع بالحديث وتحدث بصوتٍ لائم ٠٠٠٠بقالك يومين ماجتيش ليه ،، للدرجادي جوزك حبيبك ما وحشكيش ؟؟
أجابته بعتاب٠٠٠٠ما بجيش علشان إللي بتعمله ده ،،حرام عليك يا ياسين طب أعمل حساب لشكلي قدامهم،،إنتَ كده بتحرجني جداً علي فكره !!
أجابها بتحدي٠٠٠وأنا مايهمنيش حد في الدنيا دي كلها غيرك،،أي حد بعدك مش مهم !!
تحدثت بنبرة ملامه٠٠٠٠طب علي الأقل أعمل حساب لمراتك !!
إبتسم وأجابها بمراوغه٠٠٠٠أنا أصلاً مابقتش بعمل حساب لأي حد في الدنيا دي غير مراتي،،مراتي وبس !!
تحدثت بإبتسامه ولوم لطيف٠٠٠٠٠يااااسين
أجابها بنبرة عاشقه٠٠٠يا عيون ياسين ♡
وقفت علياء وذهبت إليهم وجلست بجانبهم وتحدثت بدعابه ٠٠٠٠أيه يا أستاذ نحن هناااا،،إنت قاعد تتغزل في القمر ده ولا عامل حساب لأي حد،،طب علي الأقل إعمل حساب لوجودي !!
قهقه عالياً مما أثار دهشة الجميع وخصوصاً شريف الذي نظر لعلياء وضحكها وحديثها مع ياسين بإستفاضه وكأنهما تربوا معاً !!
دلفَ عٌمر للداخل ألقي السلام علي الجميع ثم ذهب إلي ياسين ونظر لهٌ وبغمزه من عيناه تحدث٠٠٠٠أيه يا أبني القٌدر اللي إنتَ فيه ده،،بقا مقعد القمر جنبك عيني عينك كده ف وجود الجبروت وأهلها،،،بس هقول أيه ماأنتَ ياسين المغربي !!
أنزلت وجهها خجلاً من حديث عٌمر وتحدثَ هو ٠٠٠٠بطل روشنه وروح أستلقي وعدك من الباشا وشوف هتقوله أيه بعد ما أكتشف إنك كنت بايت برة البيت إمبارح !!!
إقشعر وجه عٌمر وتحدث مٌستعطفاً ٠٠٠٠٠أكيد الباشا هيقف ف صف أخوه الصغير ويحميه من غضب سيادة اللوا !!!
أجابهٌ ياسين ببرود ٠٠٠٠٠ولا أعرفك وأتحرك من هنا يلا،،دخلتك سحبت الأكسجين من المكان !!!
نظر عٌمر إلي علياء وغمز لها وتحدث٠٠٠٠يرضيكي إللي بيعمله سيادة العقيد معايا ده يا عاليا ؟؟
رفعت كتفيها بلا مبالاه وتحدثت ٠٠٠٠وأنا أيه دخلي حضرتك تدخلني في مواضيعكم الشخصيه !!!
وقفت قِسمت بغضب وتحدثت بوجهٍ مٌقشعر ٠٠٠٠يلا بينا يا ليالي إنتي ودليدا نخرج في الجنينه المكان بقا زحمه أوي ومش مستحمل،،
ثم نظرت إلي ياسين وتحدثت بكبرياء رافعه رأسها للأعلي ووجهِ مٌكشعر٠٠٠٠ ألف سلامة عليك يا سيادة العقيد !!!
أجابها بإبتسامه جانبيه مٌصطنعه٠٠٠٠مٌتشكر لحضرتك !!!
نظرت ليالي له بضيق وتحركوا للخارج جميعاً !!!
نظر طارق للجميع وتحدثَ٠٠٠٠طب ما تيجو يا جماعه إحنا كمان نقعد في الشمس بره ،،ده الجو تحفه إنهاردة !!!
وقف أحمد وزوج داليدا وخرجا ثم أمسك طارق كتف شريف وتحدث٠٠٠واحشني يا شريف ونفسي أقعد أتكلم معاك زي زمان،،
أجابهٌ شريف بإبتسامه ٠٠٠٠وإنت كمان والله يا طروق !!!
وتحركوا للخارج ماعدا عز وقفت مليكه وهي تفرق بيداها خجلاً ونظرت إلي ياسين وتحدثت٠٠٠٠أنا
كمان هروح علشان مروان وأنس !!!
تحرك عز سريعاً وأمسك يدها وأجلسها بجانب ياسين وتحدث ٠٠٠٠هتروحي فين بس هو إنتي لحقتي تقعدي ،،وبعدين ياسين لسه ماأتغداش إقعدي معاه وحاولي تقنعيه ياكل أي حاجه علشان الأدويه اللي بياخدها !!
نظرت له وتحدثت بقلق وعتاب ٠٠٠٠هو أنتَ فعلاً لسه ماأكلتش لحد دالوقتي يا ياسين ؟؟
نظر لهٌ عز بعيون هائمه وتحدثَ ساخراً٠٠٠٠ما ترد عليها يا ياسين !!!
إبتسم ياسين بوهن لأبيه وتحدث٠٠٠مليش نفس للأكل يا مليكه !!!
وقفت بحماس قائله٠٠٠٠مفيش حاجه إسمها ملكش نفس،،أنا هروح أجبلك غدا من عندنا،،دي ماما عامله ورق عنب وعرق تربيانكو هتاكل صوابعك وراه !!!
نظر لها عز وتحدث بدعابه٠٠٠٠هي ثريا مش عامله حمام بالفريك إنهاردة ؟؟
إبتسمت له وأجابت ٠٠٠٠لا يا عمو ،،لكن لو تحب أقولها تعملهولك إنهاردة عادي !!!
أجابها عز بلؤم ٠٠٠٠٠خليكي إنتي هنا مع ياسين وأنا هروح لثريا أخليها تبعت غدا مع مٌني،،وبالمرة أطلب منها الحمام،،بس خلي بالك منه وأكليه كويس !!!
إبتسمت بخجل وتحدثت ٠٠٠٠حاضر يا عمو !!!
خرج عز وأغلق الباب وبدون مقدمات سحبها هو أوقعها فوقه وأجلسها فوق ساقيه ومال علي شفتاها وقبلهم بنهم وهو ينظر داخل عيناها بهيام وعشق ،،ذابت معهْ وشددت من إحتضانه،،،
تحدث هو بوله وهو يقبل عٌنقها٠٠٠٠وحشتيني يا مليكه،،وحشتيني أوي !!!
وبعد مدة إستمعا لدقات فوق الباب وقفت سريعاً تهندب من ثيابها وهيئتها المزريه من شدة إحتضانه لها،،ضحك عليها
وتحدث بصوتٍ رجولي ٠٠٠٠أدخل !!!
دلفت مٌني وبيدها حامل كبير وعليه تشكيله من الطعام اللذيذ الذي يعشقه ياسين !!!
تحدثت مٌني بوجهٍ بشوش ٠٠٠٠٠٠مسائك هنا يا باشا،،الست ثريا بتقول لسعادتك عاوزه الصنيه ترجع فاضيه وإلا هتزعل ،، والبركه ف الست مليكه تاخد بالها من حضرتك وتأكلك !!!
إبتسم لها وتحدث٠٠٠٠٠ طب ياستي متشكرين ،،يلا روحي علشان أكيد محتاجينك ف المطبخ !!
أمسكت مليكه منها حامل الطعام وخرجت مٌني وأغلقت خلفها الباب !!
جلست مليكه بجانبه ووضعت الطعام علي ساقيها وأمسكت الشوكه وكادت أن تغرسها بالطعام
إلا أنه إعترضَ وحدثها قائلاً ٠٠٠٠٠أنا مش عاوز أكل بالشوكه،،
وأكملَ بعيون هائمه٠٠٠٠عاوز أدوق لمسة صوابعك مع الأكل في بوقي !!!
إبتلعت لٌعابها من تأثير نظرة عيناه وأمسكت واحده من ورق العنب ووضعته داخل فمه ،،أمسك يدها يتحسسها وأقتضمَ الطعام منها مع لمس أصبع يدها بين شفتيه بطريقه جعلت جسدها يقشعر ،،،
نظرت له بغرام وتحدثت ٠٠٠٠بحبك يا ياسين،،يلا قوملي بسرعه بقا وأرجعلي علشان وحشتني أوي !!
أجابها بعيون سعيده٠٠٠٠ما لو سيادتك كل يوم تجيلي وتقعدي تأكليني كده بإديكي كان زماني خفيت من زمان ،،بس أعمل أيه في حظي،،مراتي سيباني وأنا تعبان ولا معبراني !!
وضعت بيدها قطعة لحم داخل فمه إقتضمها منها بحنان مع لمس أصبعها من جديد وتحدثت٠٠٠٠٠ غصب عني يا حبيبي وأنتَ عارف كده كويس،،مش حابه أجي هنا كتير علشان ماأضايقش ليالي !!!
نظر لها وتحدث بحديث ذات مغذي ٠٠٠٠أقوم بس علي رجليا إن شاء الله وكل حاجه هتتغير !!
تحدثت بهلع ٠٠٠٠تقصد أيه يا ياسين بكلامك ده؟؟
أجابها بحب وعيون عاشقه ٠٠٠٠الكل لازم يعرف إننا تممنا جوازنا يا مليكه،،،والكل لازم يعرف إنك بقيتي مراتي حبيبتي إللي مش مسموح لمخلوق ف الدنيا كلها يجرحها ولو بكلمه ،،،
وأكملَ بوعيد٠٠٠٠٠٠وأولهم ليالي اللي هحاسبها علي كل حرف قالتهولك وضايقتك بيه،،،وكمان نرمين والكلام إللي قالتهولك يوم الحادثه، كل واحده فيهم هدفعها تمن جرحك وألمك إللي سببهولك غالي أوي !!!
إرتعبت أوصالها من حديثه وتحدثت ٠٠٠٠٠بلاش يا ياسين لو سمحت،،أنا مش عاوزه أعمل مشاكل مع حد، لو عملت كده هيقولوا جريت وحكتله وولعت الدنيا وأخترعت مشاكل !!
ثم نظرت له بإستغراب وتحدثت٠٠٠٠هو أنتَ عرفت منين الكلام إللي نرمين قالتهولي ؟؟
أجابها بثقه٠٠٠٠مش مهم عرفت إزاي يا مليكه ،،المهم إني هوقفها عند حدها وهعرفها إن مليكه بتاعت زمان غير مليكه مرات ياسين المغربي،،
وإن ماينفعش تتعامل معاكي زي زمان ،،لازم كلهم يعرفوا إنك بقيتي خط أحمر وممنوع لحد مهما كان هو مين إنه يتخطاه أو حتي يقرب منه !!!!
أمسكت يدة برجاء وتحدثت ٠٠٠٠علشان خاطري بلاش يا حبيبي ،،ماما ثريا كده هتزعل علشان نرمين ،،هتقول إني بستقوي بيك علي بنتها ،، لو أنا فعلا غاليه عندك يبقي بلاش تعمل كده،،
وضع يده علي وجنتها بإهتمام وتحدث بحب٠٠٠٠٠ما هو علشان إنتي غاليه عندي أوي يبقي لازم أوقف الكل عند حده،،وبعدين ليالي دي كمان أنا لازم أحاسبها علي الكلام ده وأسألها عرفته منين،،
وتحدث بأسي٠٠٠٠غريبه أوي الست دي،، يعني عارفه كل الكلام ده وعمرها حتي ما لمحتلي بيه،،أفسر ده بأيه !!
تحدثت مليكه ٠٠٠٠يمكن لسه عارفه من قريب ومستنيه لما تقوم بالسلامه وتفاتحك فيه !!!
أجابها نافياً ٠٠٠٠لا طبعاً لان الموضوع ده إنتهي من سنين،،فأكيد هي عارفه من زمان،،علشان كده أنا لازم أعريها قدام نفسها و أواجها بيه،،
تحدثت برجاء٠٠٠٠وحياتي عندك يا ياسين بلاش تحطني ف الموقف ده، ،أنا مش حابه أكون طرف ف مشكله بينك وبينها ،،أرجوك علشان خاطري !!!
إحتضن وجهها بتملك بين راحتيه وتحدث بهدوء٠٠٠٠٠حاضر يا حبيبي، ،أنا هعملك إللي إنتي عوزاه بس علشان متزعليش،،لكن نرمين وليالي ليهم معايا جوله تانيه وقريب أوي !!!
ثم غمز بعينه ٠٠٠٠ماتشيلي الصنيه دي بقا وتعالي إقعدي جنبي شويه !!
إبتسمت بخجل وتحدثت ٠٠٠٠كمل أكلك الأول !!!
أجابها بهيام٠٠٠٠٠تؤ،،خلاص شبعت ،،أنا عاوز أحلي !!!!
إبتسمت وتحدثت ٠٠٠٠مش هينفع يا ياسين،،حد يدخل علينا فجأه ،،يقول عليا أيه لما يشوفني ف حضنك !!
أجابها بحب٠٠٠٠٠٠هيقول واحده بتعشق جوزها ومش قادرة علي بعاده،، وبعدين ماتقلقيش ،،عز باشا أكيد عامل إحتيطاته وموقفلنا ندورجيه علي الباب،،ده مش بعيد يكون هو بنفسه إللي واقف !!!!
إرتعبت أوصالها وتحدثت٠٠٠٠٠ياسين هو عمو عز يعرف حاجه عن إللي بينا ؟؟
ضحك وتحدث ٠٠٠٠عمو عز يعرف كل واحد فينا بيتنفس كام مرة ف اليوم ،،وبعدين مالك محسساني إنك زميلتي ف ثانوي كده ليه، دانا جوزك يا ليكه،،
قومي بس إبعدي الصنيه دي وتعالي هقولك كلمه سر !!
وقفت ووضعت حاملة الطعام فوق المنضده وأمسكت منديلاً مٌبللاً ونظفت يدها وأتجهت إليه أجلسها فوق ساقيه وأحتضنها وتنهد براحه كمن وجد ضالته بعد عناء !!!
وأنهال علي شفتاها ليشرب من شهد عسلها الذي مهما تجرعه يشتاقه أكثر وأكثر ♡
نظر لها بهيام وتحدث وهو يحك أنفه بأنفها٠٠٠٠٠جننتيني يا مليكه،،مبقتش قادر أعيش من غيرك لحظه واحده !!
تحدثت وهي تنظر لعيناه بهيام٠٠٠٠٠تعرف إن ماما قالتلي إنها شافت حبي جوه عيونك ،،كمان قالتلي إن بابا شاف عشقي في نظرتك وإنتَ بتبوصلي !!!
أجابها بلوم وهو يضع قٌبله ناعمه فوق شفاها٠٠٠٠الدنيا كلها شافت عشقك ف عيوني من زمان إلا إنتي يا مليكه !!!
إبتسمت وهي تحتضنه٠٠٠٠ ومين قالك إني مكنتش شيفاه،،بس كنت بكدب نفسي وعامله مش شيفاه ،،وبعدين منا خلاص عشقتك وأعترفتلك بحبي أنا كمان ♡
دفن وجهه داخل عٌنقها ليشتمَ عبيرها وتحدث ٠٠٠مع إنه متأخر يا قلب ياسين ،،بس أنا راضي منك بأي حاجه ،،والله راضي بأي حاجه يا مليكه ♡
وشدد من إحتضانها كاد أن يٌكسر عظامها وتحدث٠٠٠٠أهم حاجه متبعديش عن حضني تاني،،أنا مصدقت إني أخدتك ف حضني وأرتحت !!
أبعدت وجهها ووضعت يدها علي وجنتيه ووضعت قبله فوق عينه وتحدثت ٠٠٠٠أنا ماأقدرش أبعد عنك تاني يا ياسين،، حضنك بقا بالنسبالي هو الحياه ♡
إلتهمَ شفتاها وذاب معاً ♡
فاقا علي خبطات فوق الباب قامت بفزع وقفزت من فوقه وبلحظه كانت تقف علي الأرض
تأوه هو وتحدث بألم ٠٠٠٠أنا حاسس إن موتي هيكون علي إيدك ف مرة وأنتي بتنطي زي الكونجر كده !!
نظرت له وتحدثت بأسف ٠٠٠٠أسفه يا حبيبي أصلي أتخضيت !!
تأوه وتحدث٠٠٠٠٠إتخضيتي أيه بس يا مليكه،،هتموتيني يا ماما !!!!
ثم سمح للطارق بالدخول ودلف عز مٌبتسماً٠٠٠٠٠أيه يا حبيبي،،،هو للدرجادي الأكل طعم ؟؟
إبتسمَ ياسين وأجابه بإنتشاء٠٠٠٠جدا يا باشا،،مش قادر أوصفلك درجة طعامته أد أيه !!
رد عليهِ عز بمراوغه٠٠٠٠٠٠طب يا سيدي ألف هنا علي قلبك،،بس بالراحه علي نفسك شويه إنتَ لسه تعبان،،يعني كٌل بالراحه واحده واحده علشان ما يجلكش تخمه !!!
نظرت لهٌ مٌضيقتاً عيناها بعدم فهم فأكملَ وهو ينظر لها بمراوغه ٠٠٠٠٠من المحشي يعني !!!
أجابته بسساجه٠٠٠٠٠٠تخمة أيه بس يا عمو ده حتي ما أكلش كتير والأكل زي ما هو !!!
نظر ياسين وعز كليهما للأخر وأنفجرا ضاحكين علي تلك الساسجه !!
وهي تنظر لهما ببلاهه وعدم إستيعاب ولكن كيف لكي أن تفهمين أيتها الصغيره،،
فأين أنتي من دهاء عز وياسين المغربي أيتها البريئه !!!
◇◇◇◇¤◇◇◇◇
كانت تسرع وهي تنزل الدرج خلفه لتلحق به
و تتحدث بإستغراب٠٠٠٠٠أما إنتَ أمرك بقا عجيب أوي يا محمد،،يعني أيه أروح لوحدي ،،مش كفايه إنك من وقت الحادثه مازرتوش في المستشفي غير مره وبالعافيه كمان ،،
و من وقت ما خرج وروح البيت وأنا بتحايل عليك تروح معايا وسيادتك كل مره تتهرب مني بحجه شكل !!
إستقر بوقفته ومال بجسده وهو يجلس فوقَ الأريكه وتحدث بتأفأف٠٠٠أنا بردوا إللي أمري عجيب ؟؟
ده أنتي كنتي بتعملي مية مشكله لمجرد ما كنت بقولك تعالي نروح نزور مامتك ،،وكان بيبقي يوم مايعلم بيه غير ربنا،،
وأكمل بتهكم٠٠٠٠٠ البوز ما كانش بيتفرد إسبوع بحاله بعدها ،،دالوقت بقيت أنا إللي أمري عجيب علشان عاوز أريحك وأريح نفسي من نكد مالوش ليه عندي أي مبرر ؟؟
جلست بجواره ونظرت له بحيره وإستغراب وتحدثت ٠٠٠٠أنا بقا عاوزه أفهم أيه إللي غيرك بالشكل ده،،بعد ماكنت بتحب تروح هناك دايماً وكان بيبقي يوم عيد عندك لما تضترنا الظروف إننا نبات ،،
أيه اللي حصل ووصلك لإنك ما بقتش طايق حتي تزور إبن عمي المريض،،ما تقولي أيه الحكايه بالظبط يا محمد ؟؟
تأفف محمد وأجابها بتملل ٠٠٠٠وبعدين معاكي يا نرمين،،مش هنخلص من تحقيقات النيابه إللي فتحهالي من إمبارح دي،،أنا صدعت منك علي فكره،،
ومش هروح يا نرمين وده أخر كلام عندي ،،
ياريت بقا ترتاحي وتريحيني وتتفضلي تروحي تزوري إنتي إبن عمك لوحدك،،
وأكمل بصياح وغضب ٠٠٠٠٠ أنا أساساً مش مجبر إني أزوره أكتر من مره ،،،ما أنا روحتله المستشفي وخلصنا،، أيه هي حكايه !!
وأكملَ بضيق ٠٠٠٠٠وبعدين ماانتي شفتي بنفسك مقابلته ليا ،،ده عاملني بمنتهي قلة الذوق ،،ده مسلمش عليا يا مدام،،مد إيده وسلم علي كل اللي موجودين وجه علي دوري وسحب إيده قال أيه إيده تعبته ومش قادر يحركها،،إنسان بارد وجلياط !!
تحدثت بدفاع٠٠٠٠أكيد ياسين مكنش يقصد التصرف ده،وأكيد فعلا وقتها إيده كانت وجعاه !!
تحدث مٌنهياً الحديث ٠٠٠٠٠مش هروح يا نرمين ومش عاوز أسمع كلمه تاني ف الموضوع ده !!!
نظرت له بريبه وبدت علامات التشكيك تظهر علي وجهها ولكنها إكتفت بهذا القدر من الحديث حتي لا تختلق المشاكل معه وتحدثت٠٠٠٠تمام يا محمد أعمل إللي يريحك !!
زفر بضيق وهو يلتقط ريمود التيلفاز ويعيد تشغيله دون أدني إهتمام للرد علي حديثها
◇◇◇◇¤◇◇◇◇
داخل غرفة منال !!!
كانت قِسمت تدور حول نفسها وتتحدث بغضبٍ عارم ٠٠٠٠٠إنتي لازم تشوفي حل ف قلة ذوق إبنك دي يا منال ،،يعني أيه يمسك إيد البنت دي ويقعدها جنبه ولا كأنها هي إللي مراته أم ولاده،،إتجنن ده ولا أيه،،،إزاي يسمح لنفسه يعمل كده مع ليالي العشري وقدامنا كمان !!!
تحدثت داليدا بغضب٠٠٠٠ماما عندها حق يا عمتو حضرتك لازم تتكلمي معاه وتعرفيه حدوده كويس في التعامل مع أختي قدام الناس ،،هو فاكر نفسه متجوز أي حد ولا أيه !!!
نظرت لهم منال بغضب وتحدثت بنبرة حاده ٠٠٠٠٠هو فيه أيه إنتي وهي ،،إنتوا بتتكلموا عن ياسين المغربي علي فكرة،، يعني تتعدلوا كده و تتكلموا كويس ،،
وعلي فكرة بقا أنا مش شايفه إبني غلطان ف حاجه،،المكان فعلاً كان زحمه ومكنش فيه مكان علشان البنت تقعد ،،،وف الأول والأخر دي إسمها مراته حتي لو كان قدام الناس وكان لازم يعمل علي شكله وشكلها !!!!
صاحت بها ليالي بغضب ٠٠٠٠٠طبعاً لازم تبرريله إللي عمله،،مش إبنك ،،لكن أنا بقا مش هسكتله المرادي،، وهدخل أتكلم معاه وأعرفه إن مش أنا إللي يتعمل معايا كده !!!
ضحكت منال وتحدثت ساخره ٠٠٠٠إتكلمي علي أدك يا ليالي وبلاش النفخه الكدابه إللي إنتي فيها دي علشان كلنا عارفين كويس أوي إنك مبتقدريش حتي تتنفسي قدامه !!!
تدخلت قِسمت وتحدثت بلوم ٠٠٠٠٠دانتي عاجبك بقا إللي ببحصل يا منال وشكلك موافقه عليه ، مكنش العشم تيجي مع بنت زي دي علي حساب بنت أخوكي !!
زفرت منال بضيق وتحدثت٠٠٠٠أنا مش جايه مع حد ضد حد يا قِسمت،،لكن الظاهر إن إنتي وبناتك ناسيين إن إللي بتتكلموا عنه ده يبقي إبني اللي لسه راجعلي من الموت ،،،
وأكملت بلوم٠٠٠٠٠ وبنتك بدل ماتروح تقف مع جوزها ف تعبه وتقعد جنبه سيباه إمبارح طول اليوم ورايحه البيوتي سنتر تعمل باديكير ومانيكير علشان تحضر عيد ميلاد واحده صاحبتها بالليل ،،وفعلا راحت وكملت السهره،،،
وإنهاردة عاوزه تدخل تعاتبه وتتخانق معاه وهو تعبان كده ،،
وأكملت ساخره٠٠٠٠وكل ده ليه ،،،علشان قعد مليكه جنبه ،،
وأكملت بتفسير٠٠٠٠٠٠مليكه دي إللي المفروض إنها مراته شكلاً ومش مطلوب منها حاجه،،،كل يوم بتجهزله الأكل والعصاير الفريش هي وثريا وتبعتهوله،، وبعد كل ده جايين تلوموا عليه هو
ثم نظرت إليهم وتحدثت بغضب٠٠٠٠٠تصدقوا بالله لو واحد غير إبني كان زمانه مطلق بنتك من زمان ،،
وأكملت بلوم٠٠٠٠٠للأسف يا قسمت بنتك لا عندها حنكه ولا عقل تقدر تروض بيهم ياسين وتشده وتجذبه ليها ،،
وللأسف إنتي بدل ماتعقليها وتعرفيها مصلحتها بتقويها ذياده علي اللي هي بتعمله،، وبعد ده كله جايين تطلعوا إبني كمان هو اللي غلطان،،،
ثم نظرت إليهم بغضب وتحدثت ٠٠٠٠٠ يا جبروتكم
__________________________________
بعد يومان كانت علياء بصحبة مليكه داخل شقة سالم عثمان والجميع يلتف حول مائدة الطعام وهم يتناولون كل ما لذ وطاب من صنع أيدي سٌهير بمساعدة مليكه التي حضرت باكراً هي وعلياء !!!
كانت علياء سعيده غير مٌستوعبه ما يحدث حولها وتحادث حالها٠٠٠أحقاً أجلس بجوارك وتراك عيني مذيعي المفضل؟؟
أحقاً تحققت أمنياتي وأنا الأن أجلس معك،، وليس هذا فقط ،،،فأنا أيضاً أجلس معك علي نفس الطاوله وأتناول من طعامك داخل منزلك ،،يا لسعادة قلبي الصغير ♡
نظر لها سالم وتحدث بترحاب شديد٠٠٠٠نورتي إسكندريه كلها يا بنتي،،تعرفي إن أنا وبباكي أصحاب جداً !!!
نظرت له بسعاده وتحدثت بإستفسار٠٠٠بجد يا عمو،،طب ليه حضرتك ماكنتش بتيجي عندنا أسوان ولا كنا بنشوفك هنا لما بننزل زياره ؟؟
إبتسم لها وتحدث مٌفسراً٠٠٠أنا وأبوكي ظروف شغلنا فارضه علينا حياه خاصه جداً،،يعني بباكي وأنتي أدري بشغله وأد أيه شغله صعب وواخد معظم وقته،،
وأنا مدير بنك ونادراً لو عرفت أخد أجازه وبصراحه كده لما باخدها طنطك سٌهير بتستحوذ عليها بالكامل وبصراحه أكتر عندها حق،، ما أنا بردو مقصر معاها !!
تحدثت سٌهير بإبتسامه و مٌداعبه لزوجها٠٠٠٠ إللي يسمعك كده يا سالم يقول إنك بتخرجني وتسفرني وتلففني الدنيا كلها فيها ،،دي الكنبه إللي هناك دي تشهد علينا يا راجل !!
ضحك الجميع وتحدثت مليكه بدعابه ٠٠٠خلاص بقا يا سٌو خلي الطابق مستور مش لازم تسيحي لسيادة المدير قدامنا كده !!!
أجابها سالم بدعابه مٌماثله٠٠٠٠متبقاش سٌهير سامي لو ما عملتش كده !!!
ضحك الجميع بسعاده
وتحدث شريف مٌستفسراً٠٠٠وياتري حضرتك وعمو حسن أصحاب من أيام الدراسه ؟؟
أجابه سالم٠٠٠لا يا شريف الحقيقه أنا وعمك حسن منعرفش بعض إلا من بعد جواز مليكه من رائف الله يرحمه، ،
قابلته كذا مره مع سيادة اللوا وأتعرفنا وأكتشفنا إن تفكيرنا واحد وبينا حاجات كتير مشتركه،،ومن وقتها وأنا وهو بنتواصل بالتليفون ولما بينزل إسكندريه لازم نتقابل،،لما كان هنا الإسبوع إللي فات مثلاً إتقابلنا بالليل وخرجنا سهرنا مع بعض !!
كانت تنظر لهم جميعاً بإنبهار وخاصتاً مذيعها المٌفضل التي لم ولن تتوقع ذات يوم أنها ستجلس معه حول طاوله واحده بل وبمنزله وسط عائلته ،،
غريبه الحياه حقاً وأمرها عجيب !!
بعد الغداء وقفت مليكه داخل المطبخ أمام الحوض تٌجلي الصحون بجانب والدتها التي تعد مشروب القهوه لزوجها وإبنها !!!
تحدثت بإنبهار ٠٠٠٠عسوله أوي عاليا ماشاء الله عليها ،،لا ودمها شربات !!!
إبتسمت مليكه وتحدثت ٠٠٠٠وست بيت ممتازه وتربية ست عظيمه وأصيله فعلاً !!
سألت سٌهير ٠٠٠٠هي قاعده معاكوا كتير يا ليكه ؟؟
أجابتها مليكه ٠٠٠٠مش عارفه والله يا ماما،،مامتها كانت سمحالها بإسبوع وأهو خلاص فاضل يوم ويخلص،، لكن ماما ثريا إنهارده كانت بتقولها انها هتتصل ب بباها وتستأذنه فإنها تقعد معانا إسبوع كمان ،،أصل ماما ثريا بتحبها جداً !!!
حملت سٌهير فناجين القهوه وكأوؤس من العصير البارد ل علياء وأطفال مليكه وخرجت متوجهتاً إلي زوجها أعطتهٌ قهوته ثم إتجهت إلي الشرفه حيث تتواجد علياء بصحبة شريف والطفلين
أقبلت سٌهير حاملة للأكواب إستقبلتها علياء بإبتسامه وحملت عنها ما تحمله ووضعته علي المنضده وهي
تتحدث٠٠٠٠تسلم إيد حضرتك يا طنط تعبتك معايا إنهارده !!
أجابتها سٌهير بإبتسامه ٠٠٠٠ولا يهمك يا روحي تعبك راحه ،،إنتي بس تعالي كل يوم وأنا أتعبلك وعلي قلبي هيبقا زي العسل !!
نظر لها شريف وتحدث بدعابه٠٠٠٠يا بختك يا أستاذه عاليا مين أدك الأستاذه سٌهير سامي بنفسها راضيه عنك كل الرضي !!
إبتسمت سهير وأشارت لأطفال مليكه ٠٠٠٠يلا بينا يا حبايب تيتا نقعد مع جدو سالم !!!
تحدث مروان وهو يجري بمرح وسعاده٠٠٠٠ أنا هسبقك يا أنس وهوصل لجدو قبل منك !!
تأفأف الصغير وتحدث بصياح وهو يتسابق مع أخيه٠٠٠٠ يا ماااامي أمسكي مروان متخلهوش يوصل لجدوا قبلي !!!
إبتسمت علياء لشقاوة أطفال مليكه ثم أحالت ببصرها لتلتقط كأس العصير خاصتها وجدتهٌ ينظر إليها بإبتسامته ووسامته التي أثرت قلبها !!!
تحدثت علياء بعفويه مٌطلقه٠٠٠بتبصلي كده ليه ؟؟
ضحك بخفه علي عفويتها وتحدث ٠٠٠٠أيه يا بنتي العفويه إللي إنتي فيها دي؟؟
هو ينفع بردو تقولي لحد إنت بتبصلي كده ليه ؟؟
إكبري بقا !!
ضحكت وتحدثت بجديه ٠٠٠٠أه طبعاً ينفع جداً ،،بص يا حضرة الباشمذيع ،،كل ما تبقي طبيعي غير متكلف في كلامك مع الناس كل ما توصل لقلوبهم أسرع ،،
كده هيبقي فيه تواصل أفكار بينكم أسرع صدقني،،أنا بشوف الناس المٌتكلفه إللي بتحط حدود في كلامها دي ناس تعبانه جداً في حياتها ومش قادرين يعيشوا مرتاحين ولا ينبسطوا
دايماً شاغلهم نظرة الناس ليهم وبيحاولوا جاهدين إنهم يرضوهم ،،
وأكملت بحكمه٠٠٠٠٠لكن للأسف نسيوا إن الناس من المستحيل إن حاجه ترضيهم وتمنعهم من الكلام علي حد ،،فاياريت بقا الناس تريح نفسها وتعيش مرتاحه لنفسها وبنفسها !!!
كان يستمع لها وهو يتكيف من حديثها تاره،،وتاره أخري من إرتشافه قهوته ،،فحقاً إثنتيهم أدخلوه بحاله مزاجيه رائعه !!!
تحدث شريفاً مٌبتسماً٠٠٠٠أيه يا بنتي الكلام الكبير أوي ده،،إنتي بتقولي كلام عظمه علي فكره والمفروض يٌدرس في الكتب كمان،،بجد يا عاليا برافوا عليكي دماغك حلوه أوي وبتعجبني
حدثت حالها وهي سعيده داخلياً من حديثه٠٠٠أأعجبتك دماغي حقاً،،أتمني أن يلحق قلبي وشخصي إلي قطار إعجاباتك مٌذيعي المٌفضل ♡
أكملا حديثهما المٌتعقل وكانا كٌلً منهما سعيداً للغايه من هذا الحديث المٌثمر المٌرضي لفكره وشخصه ♡
◇◇◇◇◇¤◇◇◇◇◇
في اليوم التالي عند الغروب !!!
خرجت علياء مٌتجهه إلي الشاطئ لإستنشاق هواء البحر المٌنعش وقفت تتطلع إلي البحر شاردة في مٌذيعها المٌفضل وكيف أكملَ علي قلبها المسكين بطلتهِ الساحره ونظرة عيناهٌ المٌهلكه
فاقت من شرودها علي الواقف بجوارها واضعاً يدهٌ داخل بنطاله وتحدث بدعابه ٠٠٠ أكيد سرحانه فيا صح،،قولي قولي متنكسفيش !!
نظرت بجانبها علي ذلك المدلل المغرور وتحدثت ٠٠٠٠وهسرح فيك ليه إن شاء الله ؟؟
أجابها عٌمر بغرور٠٠٠٠٠يمكن علشان شاب زي القمر، طول بعرض وعيون زرقا وملامح أجنبيه،،ولا يمكن علشان مهندس أد الدنيا وكمان إبن عز المغربي ،،،أيه،، كل ده ميخلكيش تعجبي وتسرحي فيا ؟؟
وأكملَ بكبرياء٠٠٠٠٠علي فكره بقا يا عاليا ،،أنا من وقت ما شفتك وأنا شايف ف عيونك نظرة إنبهار بيا بس مكسوفه تقولي،،فأنا جيت إنهارده علشان أشجعك إنك تقوليها،،مش عيب علي فكرة إن بنت تعترف لولد إنها معجبه بيه ،،في لندن الكلام ده عادي جداً
نظرت لهٌ بإستغراب من جرأته وغروره وتحدثت٠٠٠٠ ده أيه الثقه والغرور اللي بتتكلم بيهم دول ،،ثم أنتَ مين أداك الحق تقتحم لحظات إسترخائي بالشكل ده
أجابها بغرور ٠٠٠٠الحق عليا قولت أجي أونسك وأعزمك علي سهرة هتعجبك أوي !!!
نظرت لهٌ بإستغراب وتحدثت ٠٠٠٠٠متشكرة يا سيدي ومستغنيه عن خدماتك،،وعلي فكرة بقا ،،عيب أوي لما تيجي لبنت وتقولها أنا واخد بالي منك وعارف إنك معجبه بيا ،،وأحب أقولك إنك واحد مغرور وأن كلامك كله غلط ،،لسبب بسيط جداً،،وهو إن أنا ما بيعجبنيش الشباب الملزق بتاع اليومين دول،،
وأكملت بإنتشاء٠٠٠٠٠٠أنا يوم ما أفكر أبص لواحد هبص لراجل يملي عيني قبل قلبي !!!
ثم نظرت له وتحدثت ساخرة٠٠٠٠سلام يااا،،،،يا أبن المغربي !!!
وذهبت وتركته يغلي من تلكَ الصفعه الذي تلقاها للتو علي يد تلك السمراء الجميله بنت أبيها !!!!
◇◇◇◇◇¤◇◇◇◇◇
ف غرفة يسرا ليلاً
كانت تجلس فوق تختها تمسك بهاتفها وتتصفح من خلاله مواقع التواصل الإجتماعي وجدت رساله بُعثت لها عبرَ تطبيق الماسينجر،،من حساب بإسم القبطان سليم الدمنهوري !!!
فتحتها ووجدت نَصَها كالأتي ٠٠٠٠٠السلام عليكم
إزي حضرتك مدام يسرا،،أنا سليم الدمنهوري صديق الباشمهندس حسن إللي قابلت حضرتك ف أسوان،،وأسف جداً لو كنت تطفلت علي حضرتك !!!
إبتسمت حين تذكرت نظرة عيناه لها وكتبت له ٠٠٠٠أهلا سيادة القبطان ،،مفيش تطفل ولا حاجه حضرتك !!
إبتسم سليم وسعد قلبه لتقبلها الحديث معه وكتب عبر الرسائل٠٠٠٠٠مٌتشكر جدا لذوق حضرتك ،،وبعد إذنك كنت حابب أطمن علي سيادة العقيد، ،يارب يكون بقا كويس !!
أجابتهٌ يسرا وبعد مدة من المحادثه تعرفت يسرا أكثر عن سليم وقص لها أنه أرمل منذ خمسة أعوام ولديه طفل يبلغ من العمر 8 سنوات يقنط مع والدته بمحافظة القاهرة حيث مسكن عائلته !!!
وبعث لها طلب صداقه قبلتهٌ هي !!
بعد إنتهاء المحادثه،،،تنهدت يسرا بإرتياح وشعرت وكأنها تعرفه منذ عقود !!
___________________________
بعد عدة أيام !!!
دلف ياسين لفيلا رائف ليلاً وجد ثريا تجلس فوق الأريكه مٌمسكه بمسبحتها وتسبح لله الواحد الأحد،،وبجانبها عَليه مٌمسكه بمسبحتها هي الأخري
تحدث بوجهٍ بشوش ٠٠٠٠السلام عليكم ورحمة الله وبركاته، ،أيه حلقة الذكر الجميله دي ماشاء الله عليكم ربنا يتقبل اللهم آمين ♡
وقفت عَليه مٌهلله ٠٠٠٠الله أكبر لا حول ولا قوة الا بالله ،،ألف بركه يا باشا،،ألف حمدالله علي سلامتك،،نورت الفيلا !!
نظر لها ياسين وأبتسم بسعاده٠٠٠٠الله يسلمك يا عَليه ،،مٌتشكر أوي !!!
وقفت ثريا إحتراماً له وأحتضنته بعنايه وحب مٌتحدثه بعيون سعيده٠٠٠٠حمدالله علي سلامتك يا ياسين،،الله لا يعودها تاني إلا بالخير يا حبيبي !!!
قبل جبهتها بحب قائلاً ٠٠٠٠تسلميلي يا أمي !!
سألته بإهتمام٠٠٠جرحك أخباره أيه إنهارده ؟؟
أجابها ٠٠٠٠الحمدلله بخير خلاص ما بقاش بيتعبني خالص، الدكتور قالي ممكن أمارس حياتي عادي بدون قلق !!!
تحدثت بدعابه وهي تجلس٠٠٠٠قولتلي بقا علشان كده سيادة اللوا سمحلك تخرج بره الفيلا !!
إبتسم وتحدث٠٠٠٠والله أنا لو عليا كان نفسي أخرج من أول يوم رجعت فيه من المستشفي لكن أقول أيه،، سيادة اللوا كان ناقص يجيب فاترينا ويبروزني جواها !!
تحدثت عَليه بسعاده ٠٠٠٠ربنا يخليكم لبعض يا باشا،،ربنا ما يعودها تاني،، ده الباشا الكبير كان هيتجنن علشان حضرتك !!!
تحدثت ثريا للواقف مٌتسمراً بمكانه٠٠٠أقعد يا حبيبي واقف ليه ؟؟
تحمحمَ وتحدث بإحراج٠٠٠مٌتشكر يا ماما أنا تعبان وهطلع أرتاح،،هي مليكه فوق ؟؟
وأكمل مٌبرراً ٠٠٠٠أصل الحقيقه إتخنقت من جو المستشفي طلعت أوضتي نمت فيها إمبارح وقولت أجي أبات هنا إنهارده ،،حاسس إني غبت كتير أوي،، البيت واحشني و الدنيا كلها وحشاني !!
تحدثت بإبتسامة رضي وتفهم٠٠٠٠وماله يا حبيبي بيتك وتيجي وقت ما تحب ،،مليكه فوق قاعده مع عاليا إطلعلها !!
إبتسم لها وصعد للأعلي قلبهٌ يتراقص فرحاً كاد أن يتركهٌ ويذهب إليها طائراً ♡
دق بيده فوق الباب طرقات خفيفه إستمع لصوت حبيبته تسمح للطارق بالدخول
فتح الباب بخفه وتحدث من الخارج مٌنادياً بإسمها لإعطاء علياء الفرصه للإعتدال
إنتفضت حين أستمعت لصوته أتت من الشرفه مٌسرعتاً بقلبٍ سعيد تنظر لهٌ بعيونٍ مٌتلهفه ولم يكن حاله بأفضل منها إلتقت العيون بإشتياق وهيام ♡
أخرجهما مما كان عليه صوت علياء التي كانت شاهده علي كل تلك المشاعر الجياشه فأرادت الإنسحاب بهدوء لإعطائهما فرصة التلاقي ♡
خرجت علياء وأغلقت الباب خلفها !!!
وما هي إلا لحظات وبدون مٌقدمات هرولت مٌسرعه بسعاده وأرتمت داخل أحضانه مغمضة العينان وهي تتحسس ظهرةٌ بحنان دافنه أنفها داخل عنقه تشتم رائحة جسده بوله،، قابلها هو بإحتضانها بشدة كاد أن يكسر عظامها من شدة إشتياقه،،ثم رفعها إليه وبدأ بتقبيل كل إنش بوجهها وعنقها
تحدثت وهي تختبئ داخل عٌنقهْ وتشدد من إحتضانه بعنف ٠٠٠٠وحشتني يا ياسين،،وحشتني أوي ،،هو إنت فعلاً هنا ومعايا ولا أنا بحلم زي كل يوم ؟؟
أخرجها من داخل أحضانه وهو ينظر داخل عيناها الساحرتان وتحدث بوله وولع٠٠٠٠هو بجد حبيبي كان بيحلم بيا كل يوم ؟؟
أجابته وهي تهز رأسها بإيماء وعيون عاشقه ٠٠٠٠كنت بحسب الأيام والليالي علشان ترجعلي وتنور أوضتك تاني،،من كتر ما أتمنيت وجودك جنبي بقيت بتجيلي في أحلامي يا ياسين !!
أنزلها وأحاط وجنتيها بكفيه بعنايه وتحدث بلهفه وتساؤل٠٠٠٠أوضتي،،هي خلاص بقت أوضتي يا مليكه ؟؟
أجابته بهيام ٠٠٠٠أيوه أوضتك يا ياسين،،أوضتك مع مراتك حبيبتك إللي خلاص مابقتش تقدر تبعد عنك ولو ليوم واحد♡
كان ينظر لها بعيون غير مصدقه لما يستمعه ويراه من حالة جنون العشق التي تٌحاط بها مليكته ،،مال علي شفتاها ليتأكد إن كان ما يراه حقاً واقع أم أنه يتخيل مثلما عاش يتخيلها قبل،،وجد عشقاً وأشتياقاً جارفاً منها إليه ♡
سحبها من يدها وكاد أن يصل بها إلي التخت ولكنهٌ توقف مٌتسمراً،،ثم نظر إلي الأريكه وأبتسم برضي وأخذها إليها وفردها وأجلسها عليها !!!
تحركت سريعاً وكأنها تذكرت شيئاً وتحدثت ٠٠٠٠حبيبي،،،ثواني هدخل التواليت وأجي بسرعه !!
أجابها بلهفه٠٠٠٠متتأخريش عليا !!
هزت رأسها وذهبت سريعاً وأغلقت الباب خلفها ،،إتجهت إلي إحدي الأدراج وأخرجت منه حبوب لمنع الحمل،،نظرت بها وتنهدت بأسي ثم إبتلعت إحدي الأقراص سريعاً بتوتر وخرجت إليه !!!
ذهب إليها بلهفه وحملها بين ساعديه وتحرك بها إلي الأريكه
ثم غاصا معاً في عالم عشقهما الخاص♡ قضي ليلة من ليالي ألف ليله وليله ♡ ليله مليئه بالحب والوله والإشتياق♡ بثا فيها كٌلً منهما للأخر مدي عشقه وغرامه ♡
ليله كانت عوضاً عن شهوراً عاشاها في تألم وحرمان ودموع ☆
فهل إنتهت سنوات عجافهما وبدأت سنوات الرخاء والحصاد لقطف ثمار عشقهما والعيش بهناء لم يشقيا بعده أبدا ؟؟
أم أن للحزن داخل قلوبهم المٌتعبه بقيه !!