🔹️بسم الله الرحمن الرحيم 🔹️
لا إله إلا أنت سبحانك إني كنت من الظالمين
رواية #قلوب حائره#
بقلم روز آمين
🦋البارت الرابع والثلاثون🦋
والخامس والثلاثون والسادس والثلاثون
ف اليوم التالي علي التوالي !!!!!
كان الجميع يجلس داخل غرفة عٌمر عز،،ياسين،،طارق،،منال
تحدث عز مٌوجهاً حديثهٌ إلي عٌمر بعيون غاضبه ٠٠٠٠٠مع إني طول عمري ضد مبدأ الضرب وربيتكم كلكم من غير ما أمد أيدي علي واحد فيكم،،ومع ذلك أنا مع ياسين ف كل إللي عمله معاك،،ولو وصل الأمر بيه بإنه يضربك بجزمته مكنتش هاأقدر ألوم عليه !!
وتحدث بغضب٠٠٠٠٠٠إزاي جتلك الجرأة تتكلم مع أخوك الكبير بالطريقه إللي أقل ما يقال عنها إنها طريقه شوارعيه لواحد مشفش يوم واحد تربيه ف حياته ،،
إزاي جتلك الجرأة تهين أخوك الكبير إللي ف مقام أبوك بكلامك البزيئ وياريتكم كنتوا لوحدكم،، ده اللي يحزن ويقهر إنه حصل قدام كل ستات العيله !!
تحدث عز بخيبة أمل ٠٠٠أنا مش قادر أصدق إن أنت إبني عٌمر اللي ربيته وتعبت عليه !!
تحدث مٌطأطأ الرأس خجلاً٠٠٠٠٠داد أنا أسف،، بس صدقني أنا مكنش قصدي أقول الكلام ده لياسين،،أنا أصلاً مكنت٠٠٠٠٠٠
وصمت خجلاً
أكملَ عز مٌعنفاً إياه٠٠٠٠٠سكت ليه،، ما تكمل يا عٌمر بيه،،كمل يا باشمهندس يا خريج الكامبريدج يا ابن عيلة المغربي يا متربي،،
وأكمل بصياح وغضب٠٠٠٠٠٠كمل وقول جملتك،، قول مكنتش ف وعيي يا بابا،،بص ف عنيا يا أبن سيادة اللوا وقول أصلي كنت شارب خمور وضارب حشيش يا بابا،، قولي إن أنا إتجرأت ووصل بيا الأمر إني أدخل حشيش وخمور ف بيتك يا بابا،،
قولي إني عيل تافه ومش مقدر مسؤلية منصب حضرتك إنتَ وأخويا وضيوفكم يا بابا !!
وأكملَ بحده ٠٠٠٠٠للدرجادي هونت عليك أنا وأخوك علشان تخاطر بتاريخنا إللي قعدنا نبني فيه سنين أكتر من عمرك،،علشان ف الأخر ييجي عيل تافه إمعه زيك ما يساويش تمن البدله اللي لابسها ويحرجني بالشكل ده،،
ده لولا إن أخوك إتصرف بسرعه وبرر للي موجودين إن الولد نفسيته مش طبيعيه وبحنكه وهدوء خلي رجالته لموا الصيع اللي إنتَ عازمهم وخرجوهم من غير محد ياخد باله يا عالم كان أيه إللي حصل تاني منهم !!
وأحتد صوته بغضب وأكمل٠٠٠٠٠٠للدرجادي مبقتش راجل ولا عندك نخوه ولا كرامه لما تبرر لعيل قذر أنه يلمس أيد مرات أخوك وبدل ما تيجي تتأسف لأخوك وتبوس علي رجله تهينه قدام ستات العيله بالطريقه القذرة دي ،،،
تعرف أيه إنتَ عن أخوك واللي إتحمله علشان العيله وعلشان بيت أبن عمك ميتقفلش،،تعرف أيه أصلاً عن إللي بينه وبين مراته علشان تقوله كده !!!
نظر ياسين سريعاً إلي والدة خوفاً من أن يٌكمل
ثم تنهد عز بضيق و أكملَ أمراً٠٠٠٠٠٠ياسين،،إسحبلي منه العربيه ووقفلي كل الكريدت كارد اللي معاه،،
ونظر لهْ وأكمل٠٠٠٠٠ وخروج من البيت تاني مفيش ،،السواق بتاع عربية منال هيوديك شغلك ويجيبك !!!
نظر له بإعتراض وتحدث٠٠٠٠لكن ده ماينفعش يا داد،،أنا مش صغير علشان تحبسني ف البيت وتعاملني بالطريقه اللاأدميه دي !!!
وقف عز وتحدثَ بصياح ٠٠٠٠٠أخرس يلا ومسمعلكش صوت وإلا قسماً بربي أحبسك ف أوضة الكلب إللي ف الجنينه وأعرفك بجد المعامله اللاأدميه بتكون إزاي !!!
وقفت منال وتحدثت بهدوء وحذر خوفاً من عز٠٠٠٠٠إهدي يا عز الأمور ماتتاخدش كده،،الولد عنده حق هو فعلاً مش صغير علشان تعامله كده !!!!
هدر بها بصوتٍ عالي وكأنه كان ينتظر منها الإشارة ليٌعطيها هي الأخري نصيبها ٠٠٠٠٠٠إنتي بالذات ماأسمعش صوتك نهائي علشان إنت اللي وصلتيه للنتيجه دي !!!
تحدثت بهدوء٠٠٠٠٠هو كان عمل أيه يعني ذياده عن إللي الشباب بيعملوة،،ما كل إللي ف سنه بيعملوا كده وأهي فترة وتعدي !!!
صاح بها عالياً٠٠٠٠٠مش مكسوفه من نفسك وأنتي قاعده تبرري لننوس عينك الحرام والغلط،، بتحللي وتستهيني بكبيرة من كبائر الدين علشان تدافعي عنه ف الباطل، ،
وصاح بغضب٠٠٠٠٠وأنا مستغرب كلامك ليه إذا كنتي إنتي أصلاً إللي وصلتيه لكده ،،وصلتيه بدلعك وإهمالك والفلوس إللي كنتي بتحولهاله وهو برة من ورايا واللي كذا مرة نبهتك ليها وقولتلك ابنك شاب ولوحده برة بدون رقيب والفلوس هتفسده مش هتصلحه ،،،،
كنتي تردي بكل عنتظه وكبرياء وتقوليلي ابني مصاحب ولاد ناس كبار أوي ولازم يبقي أدهم ويصرف زيهم ،،
وأدي النتيجه قدامك،،،إبن عز المغربي سكري وحشاش ومعندوش لانخوة ولا غيرة علي أهل بيته،، من الاخر كده إبنك مش راجل يا مدام ،،،، يارب تكوني مبسوطه بنتيجة تربيتك يا هانم !!!
وقف عٌمر بوجه أبيه وتحدث برفض٠٠٠٠٠ أنا بقي مش موافق بقرارات حضرتك دي،،وأظن إن القانون بيمنع إنك تعاملني بالطريقه دي !!!
لم يدري بحاله إلا وصفعه قويه نزلت علي وجهه جعلتهٌ يترنح من شدتها
جري ياسين وطارق إلي والدهما وأمسكاه وتحدث ياسين ٠٠٠٠إهدي يا باشا لو سمحت خلينا نتفاهم !!!
نفض عز يد ياسين وطارق وتحدث بغضب ناظراً إلي عٌمر ٠٠٠٠٠٠قانون مين يلا إللي هيمنعني إني أربي أبني الفاسد ،،إنتَ فاكرلي نفسك ف بلاد الغرب إللي معندهمش غير كلام بيرددوه زي البغبغانات،،
خايل عليك كلام الإنشا بتاعهم عن الديمقراطيه وحريه الأفراد وأول ما واحد بيقع تحت أديهم يرددو جملتهم الشهيرة،،، فلتذهب الديمقراطيه إلي الجحيم أمام أمن الأوطان !!
وصاحَ بحده٠٠٠٠٠٠أنا هنا القانون بيسمحلي وبيديلي كل الحق فأني أربي إبني الفاسد ومسيبوش يمشي يفسد ف خلق الله ،،
وهدر به ساخراً٠٠٠٠٠٠٠فهمت يا أبن منال،،،ومش هقول يا أبن عز علشان أنتَ مش تربيتي ،،إنتَ تربية أمك الغير مسؤله ونتيجة دلعها الأعوج،،، يعني من الأخر تربية ماتشرفش !!!!
أمسك طارق عٌمر وضغط علي يده وتحدث ناظراً لأبيه ٠٠٠٠عٌمر مايقصدش اللي قاله لحضرتك يا باشا،،هدي نفسك وكل اللي حضرتك أمرت بيه هيتنفذ !!
ثم وجه حديثهٌ إلي عٌمر قائلاً ٠٠٠مش كده يا عٌمر ؟؟
إبتلع عمر لٌعابه من هيئة أبيه الغاضبه التي ولأول مرة يراها وتحدث٠٠٠٠٠سوري يا داد ،،وأنا موافق علي أي حاجه حضرتك تشوفها !!
تحدث عز أمراً بغضب٠٠٠٠٠أول حاجه مش عاوز أسمع كلمة داد دي تاني،،،إسترجل يلا وقول يا بابا ،،
تاني حاجه ودي الأهم،،قسماً بربي لو وقعت تحت إيدي تاني ف أي غلطه مهما كانت صغيرة ما هرحمك يا عٌمر ،،
وتحدث بغضب ونبرة أمره٠٠٠٠٠ودالوقتي أعتذر لأخوك وبوس علي راسه،، يلااااا
إبتعد ياسين بضيق وتحدث رافضاً٠٠٠٠وأنا بعد إذنك مايلزمنيش منه أسف يا باشا !!
ذهب عٌمر إليه وتحدث بأسي وندم فهو حقاً يحترم ياسين ويقدرة٠٠٠٠٠٠أنا أسف يا ياسين،،والله ما كنت ف وعيي ولا كنت عارف أنا بقول أيه،،أرجوك سامحني وحاول تنسي وأنا هروح لمليكه أعتذرلها !!
تحدث ياسين بضيق ٠٠٠٠متروحش لمليكه يا عٌمر،،الموضوع إنتهي وخلصنا !!!
إقترب عٌمر منه وقبل رأسه وتحدث بندم فمهما كانت أفعاله وتغيٌر شخصيته إلا أنه توجد بداخله البذرة الطيبه ٠٠٠٠أنا أسف يا ياسين،، أرجوك تسامحني !!
هز ياسين رأسه بإيماء وتحدث بنبرة جاده ٠٠٠٠خلاص يا عٌمر،، لكن ياريت تخلي بالك من تصرفاتك بعد كده،،المرادي العقاب سهل علشان أول غلطه ،،،بعد كده هتتحاسب حساب عسير لأنك أصبحت علي دراية بكل قوانين العيله فمن الطبيعي العقاب هيكون أشد !!!
نظر عز إلي ياسين وطارق وتحدثَ بنبرة حازمه٠٠٠٠٠ياسين،،طارق،،من إنهاردة البيه بقي مسؤليتكم قدامي،،عاوز من إنهاردة ما يغبش لحظه واحده عن عنيكم،، وأي غلطة تانيه ليه هعتبركم مسؤلين قدامي زيكم زيه بالظبط !!!
رد ياسين وطارق ٠٠٠٠٠ما تقلقش يا باشا !!!
إنسحب عز وياسين من الغرفه وبقيا طارق ومنال مع عٌمر
التي ما إن خرج زوجها حتي صاحت وتحدثت بغضب٠٠٠٠عاجبك إللي حصلي بسببك ده يا عٌمر بيه،،أنا يا أبني مش منبهه عليك وقولتلك بباك بيقولك إختار أصحابك اللي هيحضروا ووعدتك وقولتلك بلاش شرب وأنا هعملك حفله أبقي أعمل فيها إللي إنتَ عاوزه ؟؟
نظر لها طارق بذهول وتحدث٠٠٠٠٠أيه يا ماما إللي حضرتك بتقوليه ده،،حضرتك فاهمه وواعيه إنتي بتقولي أيه ؟؟
ده بابا لو عرف الكلام ده هيخرب الدنيا،،وبعدين الكلام إللي حضرتك بتقوليه ده من الكبائر وتشيلي وزر كبير عليه،،،طب حتي خافي عليه لقدر الله يجراله حاجه وهو بيتنيل يشرب القرف ده،،ولا حتي خافي من أنه يفقد عقله ويعمل جريمة وهو مش داري بنفسه !!!
تنهدت منال وتحدثت بإستسلام ٠٠٠٠٠٠خلاص يا طارق لو سمحت أنا مش مستحمله،،، وبعدين أنا بفكرة بكلامنا قبل الحفله لكن طبعاً كل ده اتلغي بعد قرارات بباك
ثم نظرت إلي عٌمر وتحدثت بنبرة أمرة٠٠٠٠ إللي طبعاً لازم تتنفذ بالحرف الواحد وإلا وقتها متلومش غير نفسك ،،عز غضبه غبي إسألني أنا عنه،،مايغركش وش الحنيه اللي بيعاملكم بيه،،ده لو قلب عليك هتشوف أيام ما يعلم بيها إلا ربنا !!
_________________________
كان يتحرك بجانب أبيه حتي وصلا للحديقه نظر عز إلي ياسين وتحدث بجديه٠٠٠٠٠بيتهيألي يا سيادة العقيد أن الأوان الكل يعرف موضوع جوازكم الفعلي علشان الكل يحط لسانه جوة بٌقه ويسكت ،،وكفايه دلع ودلال علي الهانم لحد كده،، ولا أنتَ أيه رأيك ؟؟
هز رأسه بتأكيد وتحدث٠٠٠٠عند حضرتك حق يا باشا،،الموضوع فعلاً باخ أوي ولازم الصورة توضح للكل،،أنا بس هسيبها يوم ولا أتنين تهدي فيهم وهبلغها بالموضوع !!
تحدث عز بجديه وصوتٍ حاد٠٠٠٠ياسين،،إجمد شويه مع البنت أنا مش عجباني طريقتك دي معاها ،،دور ياسين الخاضع المفعول به ده مش لايق عليك ،،إنشف شويه معاها يا سيادة العقيد،،يا سيدي حب ودوب زي ما أنتَ عاوز بس تفضل ياسين القوي إللي مفيش حاجه تقدر تأثر عليه وعلي شخصيته الحاسمه،،مفهوم !!!
أجابهٌ بهدوء وأحترام٠٠٠٠٠حاضر يا باشا،،إن شاء الله الإسبوع ده مش هيعدي إلا والموضوع ده مٌنتهي !!!
_______________________________
كانت تجلس بمكتبها داخل الإذاعه،، دلف إليها بعد الإستئذان وجلس أمامها و بدون مقدمات تحدث٠٠٠٠٠٠سالي،،آحنا مش هينفع نكمل أكتر من كده مع بعض،،للأسف إحنا وصلنا لطريق مسدود وبقي من المستحيل إننا نكمل فيه !!!
جحظت عيناها من هول ما أستمعت فهي حقاً تريده وتعشقه لكن عشقها مميت خانق لهْ،،عشق مَرَضِي مرتبط بحب السيطرة والتملك وهذا ما لا يتماشي مع شخصية شريف الرجوليه !!!
تحدثت بإرتباك وحزن ظهر عليها٠٠٠٠٠إنتَ بتقول أيه يا شريف،،أيه الهزار البايخ بتاعك ده ؟؟
تنهد بألم لأجلها ولأجل عظمة اللحظه وتحدث٠٠٠٠ للأسف يا سالي ده مش هزار ،،إحنا فعلاً مش هينفع نكمل مع بعض وأنا بتمنالك من كل قلبي إنك تلاقي الإنسان إللي يستاهلك ويقدرك وتعيشي معاه سعيده !!!
إنتفضت بغضب قائله٠٠٠٠وياتري بقا سيادتك إنتَ كمان لقيت الإنسانه إللي هتقدر تسعدك وتستاهلك ؟؟
وأكملت بغضب وحده٠٠٠٠٠وطبعاً الإنسانه إللي قدرت تقدرك وتحسسك بقيمتك إسمها عاليا ،،مش كده يا محترم !!!
نظر لها وحاول تماسك حاله وتحدث ٠٠٠٠٠متخلطيش الأوراق ببعضها يا سالي لو سمحتي وياريت تخلينا ف موضوعنا ومتصعبهاش علينا أكتر من كده !!!
صرخت به وتحدثت ٠٠٠٠٠مصعبهاش،،الموضوع فعلا مستحيل يا شريف،،،إنتَ متخيل إني ممكن أعيش واتقبل فكرة إني ماأكونش معاك كده عادي ؟؟
زفر بضيق وأجابها بهدوء٠٠٠٠٠سالي من فضلك،،بعادنا أصبح حتمي وضروري،، إحنا كده كده مبقناش متفاهمين ده غير إن مؤخراً كترت خلافاتنا ومشاكلنا وده يمكن يكون مؤشر لينا وإشارة من ربنا علي إننا ننهي ف الوقت المناسب بدل منتجوز ونضتر ننفصل وده هيكون أصعب بكتير من موقفنا الحالي !!!
تحدثت بحزن ٠٠٠٠إنت زعلان مني علشان مسألتش علي مليكه بعد الحفله،،هي إشتكتلك مني صح ؟؟
صاح بها وتحدث٠٠٠٠٠مليكه ما أشتكتش يا سالي،،حتي لما عملتلها إستدعاء وضايقتيها بكلامك اللي معرفش جبتي منين الجرأه علشان تقوليلها كده واللي بالصدفه عرفته إمبارح !!
تحدثت بإنفعال وتأكيد٠٠٠٠٠شفت ،،هو ده إللي أنا بقصدة ،،مليكه مابتحبنيش يا شريف من أول مره شافتني فيها،،مليكه عاوزه تبعدك عني علشان تستحوذ عليك ،،،هي عارفه ومتأكده إنك بتحبني وإني هقدر أشدك لدنيتي منها ومن كل اللي حواليك ،،علشان كده هي بتحاول تبعدك عني !!
أجابها بإستغراب ٠٠٠٠٠إنتي مش طبيعيه ياسالي،،إنتي بتتكلمي كده علي مليكه ،،مليكه مبتعرفش تكرة وتخطط زي ما بتدَعي عليها ،،،أنا أول ما أرتبطنا لو تفتكري قولتلك إن أهلي وأولهم مليكه خط أحمر،،
لكن للأسف عديتي علي الكلمه مرور الكرام ومفهمتيهاش كويس،،أنا إللي يحب أهلي ويحترمهم أحطه جوه عيوني وأقفل عليه حتي ولو كان مقصر ف حقي أنا شخصياً ،،لكن إللي يكرة أهلي ويحقد عليهم ميلزمنيش حتي لو كنت أنا كل دنيته !!!
وقف وخلع عنه خاتم خٌطبته ووضعهٌ أمامها وتحدث٠٠٠٠٠الشبكه شرعاً من حقك وأنا متنازلك عنها بنفس راضيه،،وربنا يوفقك مع شخص يقدرك ويحبك !!!
وخرج وأغلق الباب بهدوء
نظرت بشرود إلي طيفهِ وتحدثت بغل٠٠٠٠٠مليكه،،،مليكه
_______________________________
كانت تجلس بغرفتها ودموعها تنساب بغزارة فوق وجنتيها فقد مرَ يومان منذ تلك الواقعه ولم يذهب إليها أو حتي حدثها خلال الهاتف،،،جففت دموعها وأمسكت هاتفها وصغطت زر الإتصال
كان يجلس بمكتبه يتفحص بعض الأوراق الموجوده أمامه بدقه فجأة رنَ هاتفه إلتقطهٌ ونظر به وجد رقمها إنتفض صدرة وتنهد بألم ،،
خلع عنه نظارتهٌ الطبية المخصصه للقرائه التي ما ذاتهٌ إلا وسامه فوق وسامتهْ ،،وضعها علي مكتبه
وتحرك نحو الشباك وتحدث بصوتٍ هادئ بارد٠٠٠٠أيوه يا مليكه !!
إنتفض قلبها بسعادة حين إستمعت لصوت حبيبها الغائب منذٌ يومين وتحدثت بدموع ٠٠٠٠٠أنا أسفه والله أسفه،، حقك عليا يا حبيبي !!
كانت تنطق حبيبي بمنتهي العشق والصدق مما أثار قلبهْ،،
تمالك من حاله جاهداً أن يٌظهر صوته بثبات أمام سحر صوتها ومناداته حبيبي بكل هذا السحر تحدث جاداً٠٠٠٠خلاص يا مليكه،،، من فضلك ما تعيطيش !!
تحدثت بلهفه وتساؤل٠٠٠٠أنا عارفه إنك زعلان ويمكن تكون زعلان مني أنا كمان وعلشان كده ليك يومين مبتجيش عندي،،وعارفه كمان إن من حقك تزعل،
وأكملت بهيام وضعف ٠٠٠٠٠بس إنتَ وحشتني أوي يا ياسين،،وحشني حضنك ،،وحشتني نظرة عيونك،،أنا محتاجه لحضنك أوي يا ياسين أرجوك تعال عندي إنهاردة !!
كانت كلماتها تنزل علي قلبهِ تٌنعشهْ ققطراتٍ مياه مٌثلجة في نهارِ صيفٍ شديدٌ الحرارة
تحدث بإشتياق لم يعد لديه القدرة لمداراته٠٠٠٠٠إنتي كمان وحشتيني أوي ،،وعلي فكرة يا حبيبي أنا مبعرفش أزعل منك ،، أنا بس إللي حصل ربكني وضايقني وحبيت أقعد مع نفسي شويه !!
تحدثت بغيرة ظهرت بصوتها٠٠٠وياتري ليالي هي نفسك إللي حبيت تقعد معاها يا ياسين ؟؟
ضحك برجوله أهلكتها وتحدث ٠٠٠٠وهو ده بقي سبب عياط مليكه الحلوة،، طمني قلبك يا حبيبي،،، أنا كنت بايت ف المكتب تحت طول اليومين إللي فاتوا !!
تنهدت بإرتياح مٌبتسمه وتحدثت ٠٠٠٠مش عيب علي فكرة إني أحب جوزي وأغير عليه من أي حد !!
تحدث بهيام٠٠٠٠وجوزك بيعشق غيرتك عليه وعاوز يشوف ردة فعل الغيرة دي عملي لما أجيلك بالليل !!
إبتسمت وتحدثت٠٠٠٠بس إنت تعالي يا حبيبي وأنا أنسيك أي حاجه ضايقتك طول الفترة إللي فاتت ،،
ثم أكملت بإرتباك٠٠٠٠٠ياسين كنت بستأذنك علشان أروح عند سلمي كانت عوزاني أروح معاها مشوار خاص بيها ضروري !!!
تحدث بتساؤل ٠٠٠مشوار أيه ده ؟؟
إبتلعت لعابها وأجابت ٠٠٠٠هتروح تشتري شوية حاجات ليها ومحتجاني أكون معاها !!
أجابها ياسين٠٠٠٠٠تمام يا حبيبي ،،بس حاولي ماتتأخريش علشان الولاد !!!
أجابتهْ بطاعه ٠٠٠٠٠حاضر،،،ياسين،،،أنا هستناك أوعي تتأخر عليا !!!
أجابها بصوتٍ عاشق٠٠٠٠٠لو كان ينفع أسيب شغلي وأجيلك حالاً مكٌنتش هتأخر صدقيني !!
ضل يتحدثان بكلمات الغزل التي لم تنتهي وبعد مدة أغلقت معه وجهزت حالها لتذهب إلي سلمي
_________________________
كانت تتحدث بهاتفها بتأثر من داخل غرفتها ٠٠٠٠٠يا سليم أرجوك أفهمني أنا كل إللي بطلبه منك تديني وقتي مش أكتر !!
أجابها سليم بنبرة حاده٠٠٠٠ياريت يا يسرا تحترمي عقلي شويه وتصارحيني بحقيقة تأجيلك الغير مبرر بالنسبالي ، وبلاش نغمة الخوف والقلق إللي كل شويه تبرري بيهم تأجيل موضوعنا
أنا مش صغير علشان كل شويه تمطوحي فيا بالشكل المهين ده !!
وأكملَ بنبرة بالغة الجديه٠٠٠٠قدامك يومين بالظبط تفكري فيهم وبعدها تبلغيني بقرارك النهائي ،،يا أجيب أهلي بعدها وأجي أتقدملك زي أي راجل بيحترم ذاته،،
يا أما يا بنت الناس كل واحد فينا ينسي إنه أتعرف علي التاني ولا حتي مر ف حيايه !!
جحظت عيناها وأهتز قلبها رعباً من مجرد ذكرهٌ للفكرة وتحدثت بتألم ٠٠٠٠كده يا سليم،،وقدرت تقولها ليسرا ؟؟
تحدث بحده٠٠٠٠أنا راجل بحترم ذاتي وبقدرها يا يسرا وعمري ما هسمح إني أهنها ،، مش هستني لما ألاقي خالك جاي يتهمني إني إتعديت علي حرمة بيته وخونت أمانته لما أعتبرني من أهله وعرفني بيكم وقدمكم ليا
ولا ألاقي واحد من أهلك جاي يقولي بمناسبة أيه بتكلم بنتنا،، لو إنتي مش خايفه علي نفسك إللي أنا عارف قيمتها كويس أوي وطالب أغليها وأقدرها وأحطها ف الإطار الصحيح ،،يبقي ملوش لزوم نكمل مع بعض ،،قدامك يومين زي ما قولتلك وبعدها هعرف أنا أبقي أيه بالنسبالك بالظبط
مع السلامه يا يسرا !!!
وأغلق الهاتف دون إعطائها حق الرد
نزلت دموعها بغزارة وتألم داخلها،،، شعرت بألم داخل قلبها لم تشعٌر بمثيلهٌ طيلة حياتها بأكملها،،، جلست تبكي وفجأة تذكرت مليكه وقررت أن تتحدث معها،، دلفت للمرحاض وأغتسلت وخرجت
كادت أن تصعد الدرج وجدت مليكه تنزل الدرج بثياب تٌظهر نية خروجها ،،
نظرت لها وتحدثت بتساؤل٠٠٠٠انتي خارجه ؟؟
أجابتها بوجهٍ شاحب ٠٠٠٠أه يا يسرا رايحه لسلمي ،،
ثم دققت النظر لها وتحدثت٠٠٠٠مالك يا يسرا،،إنتي كنتي بتعيطي ؟؟
أجابتها ٠٠٠٠سليم كلمني وخيرني يا أما أحددله ميعاد مع أهلي ،،يا إما كل واحد مننا يروح لحاله !!
تنهدت مليكه بألم وتحدثت بنبرة جادة٠٠٠٠بصراحه يا يسرا سليم عنده حق،،لو عايزة نصيحتي خليني أكلملك ياسين إنهارده وأخليه يكلم ماما ثريا طالما إنتي مكسوفه تفاتحيها ،،،سليم فرصه حلوة أوي ليكي يا يسرا وحرام تضيع منك !!
هزت رأسها بإستسلام ٠٠٠٠٠خلاص يا مليكه كلمي ياسين،،ويلا روحي لسلمي علشان متتأخريش !!!
أمائت لها وخرجت للحديقه وجدت ثريا تجلس بجانب أحفادها تحدثت ٠٠٠٠أنا ماشيه يا ماما ومش هتأخر إن شاء الله !!
اجابتها ثريا ٠٠٠٠٠تمام يا حبيبتي، ،خلي بالك من نفسك وأكلك اليومين دول يا مليكه وشك أصفر ومش عاجبني !!
أجابتها ٠٠٠٠حاضر يا ماما بعد إذنك
_________________________
عند نرمين كانت تٌحادث ليالي بنبرة يكسوها الغل ٠٠٠٠٠ياما قولتلك ونبهتك يا ليالي،،لكن سيادتك مكنتيش بتصدقيني،،ياما قولتلك خلي بالك من ياسين،،، قولتلك إني حاسه إنه حبها ومش بعيد يخليها تسلمله وتحبه هي كمان وده إللي أنا متأكدة من إنه حصل !!!
أجابتها ليالي بنفي ٠٠٠٠لا طبعاً أنا متأكدة من إنها مسلمتلوش نفسها،،هي بس مبسوطه بإهتمامه بيها وعاجبها سهوكته وهو بيبصلها،، وأبن عمك أستاذ ف كده ماشاء الله عليه !!!
أجابتها نرمين بنبرة ساخرة ٠٠٠٠٠والله شكلك ما هتقتنعي غير لما تلاقي ياسين بيجهز لسبوع النونو الجديد !!
تحدثت بصياح تأكيداً لكلام مٌني جاسوسة ياسين لعمتها٠٠٠٠٠بتقولي أيه إنتي يا نرمين،،بقولك أنا متأكده من إنه ملمسهاش !!
أجابتها نرمين بضيق٠٠٠٠خلاص يا ليالي براحتك،،خليكي قاعدة تتفرجي بس أبقي إفتكري إني نبهتك !!!
وأكملت بخبث٠٠٠٠٠أظن إن إنتي أخدتي بالك من الكوليه والخاتم إللي الهانم كانت لبساهم،،ماأظنش إن واحد هيجيب لواحده هدايا غاليه بالطريقه المبالغ فيها دي من غير ما يكون أخد منها اللي عاوزه وذياده كمان،،،،أصلك متعرفيش إللي إسمها مليكه دي أدي،،دي عامله زي الحيه بتتلون بألف لون ولون !!!!
تنهدت ليالي بألم وتحدثت ٠٠٠٠سبيني ف حالي أرجوكي يا نرمين ،،أصلاً البيت مولع من يوم الحفله المشؤمه دي،،البيه واخد إللي حصل حجه وبيبات ف المكتب ولا معبرني،، وعمتو طول الوقت دايرة ورا عمو عز وبتحاول تراضيه علشان ينسي المٌصيبه إللي عٌمر بيه عملها ومنفضالي خالص،،،
وأكملت بحزن ظهر بصوتها٠٠٠٠٠٠٠٠ده غير إني بقيت تسلية الهوانم ف قعدات النوادي والكافيهات،، الكل بيتكلم عن ليالي العشري إللي جوزها رقص رقصته الأولي مع مراته الجديده وماشلش عينه من عليها لحظه واحده طول الحفله،،،كانت حفله مشؤمه ياريتها ما أتعملت !!
أجابتها نرمين بغل٠٠٠٠٠٠مهو المفروض إن كل إللي بتقوليه ده يكون دافع ليكي علشان تتخلصي منها بسرعه !!
أجابتها ساخره٠٠٠٠٠أتخلص منها،،،أروح أقتلها مثلاً ،، وحياتك بلاش كلام فارغ يا نرمين،،ده أبن عمك أعلن عليا الحرب من غير ما أعمل أي حاجه،، تخيلي بقي لو عملت مشاكل هيعمل فيا أيه ؟؟
تحدثت نرمين٠٠٠٠طول ماأنتي جبانه وسلبيه كده من حقه يبهدل فيكي براحته !!!
أجابتها بثقه٠٠٠٠٠وأنا أحط نفسي ف وش مدفعه ليه،،عمتو تخلص بس من موضوع عٌمر وأكيد هتشوفلي حل لموضوعي،، أنا متأكده من كده !!
أغلقت نرمين هاتفها بخيبة أمل بعد تلك المكالمه الغير مجديه بالمرة،،فا ليالي مهما كانت متعاليه ومغرورة ولكن داخلها ليس بالسئ الذي يجعلها تخطط وتؤذي الأخرين بهذا الشكل !!!
__________________________
ليلاً داخل جناح مليكه !!!
كانت تجلس فوق ساقيه علي أريكته تقطع له الفواكه المتنوعه وتطعمه بفمه بدلال ويلتقطها هو من يدها بسعاده
تحدثت بهيام ٠٠٠٠مٌمكن ماتبعدش عن حضني تاني أبداً،،حتي لو ف يوم زعلت مني لأي سببٍ كان،، أزعل مني بس وأنت ف حضني،،أرجوك يا ياسين !!!
نظر لها بهيام وتحدث بصوتٍ حنون٠٠٠٠٠أنا عمري ماأقدر أبعد عنك يا مليكه،،وأبعد إزاي وحضنك بقي بالنسبالي هو النفس والحياه !!!
أخذ صَحن الفاكهه ووضعهٌ جانباً فوق المنضده ،،حاوط وجهها بيداه بعنايه وتحدث بنبرة جاده ٠٠٠٠٠مليكه ،،،إحنا لازم نعلن إن جوازنا بقي فعلي وإننا عايشين مع بعض زي أي أتنين متجوزين طبيعي !!
نظر لها بترقب وجد غيمة من الدموع تجمعت بمقلتيها ثم هزت رأسها بإيماء وتحدثت بصوتٍ ضعيف ٠٠٠تمام يا ياسين،،أعمل إللي إنتَ شايفه صح !!
تنهد بإنتشاء وتحدث بفرحه ٠٠٠٠٠أنا بكرة هفاتح عمتي ف الموضوع وأقولها،،، وكمان هفاتحها ف إننا نتنقل ف الجناح اللي كنت ساكن فيه قبل ده،،مش قادر أقعد هنا أكتر من كده يا مليكه،،حاسس إني بتخنق ،،وتاني يوم هجمع الكل عندنا وهبلغهم بالموضوع !!!
إنتفض داخلها وأرتعبت،،،وضعت كف يدها علي وجنته وتحدثت بإستعطاف ٠٠٠٠أستني يومين كمان يا ياسين،،يومين بس،، أكيد مش هيفرقو معاك ف حاجه وبعدين كلمها !!!
نظر لها بإستعراب وتحدث٠٠٠٠إشمعنا يومين يعني،،وبعدين أيه إللي مٌمكن يتغير ف اليومين دول مش فاهم أنا ؟؟
إرتبكت وتحدثت ٠٠٠٠٠أنا قصدي علشان تخلص موضوع يسرا ،،أقعد بكرة إتكلم مع يسرا وقولها تخلي سليم يكلمك،، وبعدها هتحتاج تتكلم مع ماما علشان تحاول تقنعها بالموضوع !!!
نظرت له بقلق وهي تترقب ردة فعله !!
هز رأسه بإيماء وتحدث ٠٠٠٠٠خلاص أنا بكرة هخلص من الموضوع ده كله،،بس تاني يوم هتكلم مع عمتي ومش عاوز أسمع منك أي إعتراض تاني ف الموضوع ده،،،،مفهوم يا مليكه ؟؟
رمت حالها داخل أحضانه وشددت من إحتضانه وتحدثت بدموع ٠٠٠٠حاضر يا حبيبي،، والله حاضر !!!!
أخرجها من بين أحضانه ونظر لها بإستغراب وتحدث بقلبٍ يتمزق لأجل دموعها ٠٠٠٠مالك يا حبيبي،،ليه دموعك دي يا مليكه ؟؟
تحدثت بدموع وحب ٠٠٠أنا بحبك أوي يا ياسين،،والله بحبك أوي !!
أدخلها داخل أحضانه وشدد عليها وهو يتحدث ٠٠٠وأنا بعشقك يا قلب وروح وعمر ياسين كله !!!
وأخذ يهدهدٌها بحنان وبعد مده من إستكانتها داخل أحضانه خرجت ونظرت له وتحدثت بإرتباك ٠٠٠٠ياسين بعد إذنك أنا عاوزه بكرة أروح عند سلمي !!
نظر لها وتحدث بإستغراب ٠٠٠٠٠مش كٌنتي عند سلمي إنهاردة ،،هتروحي تاني تعمليلها أيه ؟؟
تلعثمت وتحدثت ٠٠٠٠٠أصلها جابت كذا قطعة ملابس أون لاين وحابه تاخد رأيي فيهم وهي بتقيسهم،،كمان أنا حابه أقعد معاها وأفضفض شويه !!
نظر لها بريبه وتحدث مٌتسائلاً ٠٠٠٠٠مالك يا مليكه،،أنا ليه من وقت ما جيت وأنا حاسس إنك قلقانه ومرتبكه ؟؟
هو فيه حاجه أنا معرفهاش ؟؟
إبتلعت لٌعابها وتحدثت مٌبررتاً٠٠٠٠٠هيكون فيه أيه بس يا حبيبي ،،،كل الحكايه إني متوترة علشان رد فعل ماما ثريا علي موضوعنا مش أكتر !!!
أمسك وجهها ثم مال علي شفتاها ووضع قٌبله حميميه ثم أبتعد ونظر لها بحب وتحدث مٌطمئناً إياها ٠٠٠٠٠مش عايزك تقلقي من أي حاجه طول ماأنا جنبك ،،أنا كفيل إني أحميكي وأبعد عنك أي شيئ ممكن يأذيكي أو يأذي مشاعرك،،،جوزك حمايتك وسدك المنيع يا قلب جوزك ♡
إبتسمت له بطمئنه وتحدثت ٠٠٠٠٠ربنا يخليك ليا يا ياسين،، إنتَ أحلا حاجه حصلتلي ف حياتي !!
تسطح علي ظهرة وأخذها فوق صدرة يهدهدها كطفلته وبمرور الوقت إستكانت وغفت بسلام بين أحضانه،، قبل جبهتها وغفي بعد إطمئنانه عليها !!!
__________________________
اليوم التالي وقت الغروب !!!
كانت ثريا تجلس ويجاورها عز وياسين بالحديقه
إقترب مروان من ياسين وتحدث٠٠٠٠هي مامي إتأخرت كده ليه يا عمو ياسين ؟؟
أجابه ياسين وهو يمسح علي شعر رأسهِ بحنان أبوي٠٠٠٠٠الوقت تيجي يا حبيبي متقلقش !!
نظر له عز وتحدث ٠٠٠٠عامل أيه ف دراستك يا مروان؟؟
تحدث الصغير بإنتشاء ٠٠٠٠٠كويس أوي يا جدوا علاماتي كلها دايماً الأعلي !!!
قبلهٌ عز بسعاده.٠٠٠٠٠٠برافوا عليك يا وَحشْ،، عاوزك كده دايماً رافع راسنا ومشرفنا !!!
جري الصغير ليلهو مع أخيه وباقي أطفال العائله وتحدث ياسين٠٠٠٠٠٠مقولتليش رأي حضرتك أيه ف الكلام إللي أنا قولته يا ماما ؟؟
تحدثت بتيهه.٠٠٠٠مش عارفه أقولك أيه يا ياسين،،بصراحه يا أبني أنا عمري ما تخيلت إن يسرا تتجوز وتسيبني وتبعد عني،،
ثم نظرت إلي عز وتحدثت بتأثر ٠٠٠٠٠٠أنا تعبت من بعد حبايبي عني يا عز،،،الأول أبويا وأمي وبعدهم أحمد وبعده رائف،،حتي يسرا اللي ربنا عوضني بيها وطبطب عليا بحنيتها تتجوز ف أخر الدنيا وتسيبني،،، مش كفايه عليا حسن وولاده إللي مبشفهومش غير من السنه للسنه !!!!
أجابها عز بهدوء ٠٠٠٠٠٠وإحنا روحنا فين يا ثريا،،ما أحنا كلنا جنبك أهو وياسين ومليكه والولاد حواليكي ومعاكي،،
وبعدين أنا عازر تفكيرك بس أسمحيلي ده تفكير أناني جداً،،،،إنتي كده بتحكمي علي يسرا بإنها تعيش وحيده باقي عمرها ،،يا ثريا إحنا مش هنعيشلهم العمر كله ،،حتي ولادها مسيرهم يكبروا ويتجوزا ويبعدوا عنها ودي سنة الحياه !!!
نظرت له بتيهه
فأكمل ياسين حديث والدهْ٠٠٠٠٠الباشا عنده حق يا عمتي،،ده غير إني سألت علي سليم ولقيته حد محترم جداً وأبن ناس وبجد يسرا محتاجه ف حياتها راجل زي ده يعوضها عن كل اللي شافته ف حياتها ويكونلها سند وعون ،،،سبيها تعيش حياتها يا عمتي علشان يسرا تستاهل كده بجد ،،
ومش عاوزك تقلقي علي نفسك يا حبيبتي طول ما أنا جنبك !!!
كادت أن ترد عليه ولكنهم فوجئوا بدلوف سيارة سلمي للداخل ووقوفها ثم ترجلت سلمي منها وفتحت الباب المجاور وهي تٌسند مليكه لتٌخرجها ويبدوا عليها التعب التام
إنتفض قلبهٌ رعباً وجري عليها بسرعه شديدة وتبعهٌ الجميع بهلع حتي أطفالها !!!
وقف أمامها يتفحصها بجنون ورعب قائلاً٠٠٠٠٠٠٠فيه أيه يا مليكه، ،مالك ؟؟
إبتسمت له بضعف ووجهٍ شاحب وتحدثت سريعاً كي تٌطمئنه ٠٠٠٠٠أنا كويسه يا ياسين،،متقلقش !!
حملها بين ساعديه وتحركَ للداخل مع تساؤل ثريا ورعبها ٠٠٠٠مالها مليكه يا سلمي،،و أيه حالتها دي ؟؟
تحدثت سلمي بإرتياب ٠٠٠٠٠مليكه إتزحلقت ووقعت عندي يا طنط !!!!
وصل بها ياسين لغرفة الضيوف ووضعها بعناية فوق التخت
تحدث عز بقلق ٠٠٠٠٠أنا هتصل بالدكتور ييجي يفحصها حالاً !!!!
إرتبكت سلمي وتحدثت سريعاً ٠٠٠٠مفيش داعي يا عمو أنا أخدتها وروحنا لدكتور جنبنا كشف عليها وقال إنها كويسه ،،هي بس محتاجه ترتاح شويه مع تغذيه مش أكتر !!!
سألتها ثريا بإستفسار٠٠٠٠٠٠مليكه وقعت إزاي يا سلمي ؟؟
أجابتها سلمي٠٠٠٠٠أسر إبني كان بياكل موزه وللأسف رمي قشرتها علي الأرض و مليكه بالصدفه كانت رايحه الحمام داست عليها من غير ما تشوفها ووقعت،،أخدتها للدكتور والحمدلله طمنا وقال انها كويسه !!
كان يجلس بجوارها والقلق ينهش داخله يريد أن يٌدخلها بين أحضانها ليٌطمئنها ويطمئن حالة،،أمسك يدها بحنان ونظر لعيناها الساكن بداخلهما حٌزنٍ عميق إستغربهٌ هو وتحدث٠٠٠٠٠إنتي كويسه ؟؟
هزت لهٌ رأسها بإيماء مع لمعة دمعه حبيسه داخل عيناها !!!
تحدث وهو يتحرك ٠٠٠٠٠٠يلا بينا هاخدك علي المستشفي وأعملك إشاعه علشان أطمن عليكي !!!
أجابتهٌ سلمي سريعاً ٠٠٠٠الدكتور إللي روحناله عملها إشاعه علي ضهرها ودماغها والحمدلله طمنا !!
نظر لها ياسين وتحدث ٠٠٠٠٠كويس يعني يا سلمي الدكتور ده ولا أيه ؟؟
أمسكت هي يده وتحدثت بصوتٍ مٌختنق بالدموع ٠٠٠٠٠صدقني أنا كويسه،،،أرجوك ماتقلقش !!!
تحدث عز ٠٠٠٠سلامتك يا حبيبتي ألف سلامة عليكي !!
أجابته بضعف٠٠٠٠الله يسلمك يا عمو !!
تحدثت ثريا وهي تأخذها بأحضانها ٠٠٠٠٠سلامتك يا مليكه،،ألف سلامه عليكي يا قلبي !!
قفز الصغير لأحضانها مع تألمها الشديد الذي كتمته حتي لا يشعر بها ياسين ولكنه بالفعل شعر وأبعد الصغير وأدخله بأحضانه قائلاً ٠٠٠٠تعالي ف حضني أنا يا أنس علشان مامي تعبانه شويه !!!
أمسك مروان الجالس بجانبها يدها وقبلها بقلق مٌتحدثاً ٠٠٠٠حضرتك كويسه يا مامي ؟؟
ملست علي شعرهِ بحنان قائلتاً بصوتٍ مٌتعب ٠٠٠٠٠أنا كويسه يا قلبي ماتقلقش !!
تحدث أنس ببرائه ٠٠٠٠سلامتك يا مامي !!
إبتسمت لصغيرها القانط بأحضان حبيبها وتحدثت ٠٠٠٠يسلملي عمرك يا قلب مامي !!
وقفت ثريا وتحدثت بإهتمام ٠٠٠٠أنا هروح أعملك حبة شوربه تدفيلك معدتك،،وأشوف يسرا فين !!
تحدث عز وهو يتحرك خلفها ٠٠٠٠لو مش هضايقك تعمليلي فنجان قهوة معاكي يا ثريا ،،دماغي هتنفجر من الصداع !!
تحركت سلمي وجلست بجانبها فوق التخت !!
أما هو فكان ينظر لها بقلبٍ ينزف ويتألم لأجل وجهها الشاحب وتعبها الظاهر داخل عيناها !!!
أمسكت يدهٌ من جديد وأبتسمت بوهن وتحدثت٠٠٠٠٠أنا كويسه يا ياسين،،إطمن !!!
إحتضن يدها بعنايه وأماءً لها بإبتسامه حزينه !!
🔹️بسم الله الرحمن الرحيم🔹️
لا إله إلا أنت سبحانك إني كنت من الظالمين
رواية #قلوب حائره#
بقلمي روز آمين
🦋البارت الخامس والثلاثون🦋
بعد مرور يومان !!!!
كانت دكتورة مٌني تجلس بمنزلها بجانب زوجها دكتور أحمد المغربي
تحدثت مني بإستغراب ٠٠٠٠٠فاكر يا أحمد الممرضه حنان إللي كانت شغاله معايا ف عيادتي القديمه ؟؟
إنتبهَ أحمد لحديثها وأجاب ٠٠٠٠٠أه فاكرها حنان عزت،،،مالها دي كمان ؟؟
أجابته بإستغراب ٠٠٠٠شفتها إنهاردة بالصدفه وأنا ف مستشفي الصحه ،،بسألها وبقولها لسه شغاله مع الدكتورة المشبوهه إياها ،،تخيل ترد عليا وتقولي أيه ؟؟
نظر لها بإنتباه مٌنتظراً إستكمال حديثها !!!
فأكملت٠٠٠٠٠لاقيتها بتضحك وبتقولي مالها دي حتي كل يوم سيطها بيعلي وبيسمع ف إسكندريه كلها،،قالتلي ده حتي سكان الكمبوند بتاعكم وقرايب جوزك بنفسهم بقوا زباينها
إستغربت وقولتلها تقصدي مين،،،تخيل ردت عليا وقالتلي مين؟؟
سألها بإهتمام وحيرة٠٠٠٠مين ياتري ؟؟
أجابته٠٠٠٠مليكه،،قالتلي علي إسمها بالكامل وقالت إنها عملت عملية إجهاض من يومين بالظبط،،،
قولتلها انتي متأكده من الإسم ،،جاوبتني وقالتلي إن دكتورة عفاف بتشترط تقديم البطاقه الحقيقيه عند العمليه !!!
نظر لها بإستغراب وأردفَ بتساؤل ٠٠٠٠ومليكه تعمل حاجه زي كده ليه،،دي كل اللي عندها ولدين،،وحتي ياسين عنده ولد وبنت ،،وبعدين لما هتعمل مٌصيبه زي دي مجتليش أنا ليه وأنا كنت أتصرفت ؟؟
علي الأقل كٌنت هحللها الموضوع ف السر بدل ما تبهدل نفسها مع جزارة زي دي وتخلي سيرتها هي وياسين نمايه وسط قعدات الممرضات !!
رفعت مني كتفيها ومدت شفتاها له !!!
_____________________
ف اليوم التالي كان يدلف بسيارته داخل الحي وجد دكتور أحمد يخرج بسيارته توقفا إثنتيهم لتبادل السلام
وتحدث أحمد٠٠٠٠٠ألف سلامه علي مليكه يا سيادتك العقيد !!
أجابهٌ ياسين ٠٠٠٠٠٠الله يسلمك يادكتور !!
سألهٌ أحمد بإهتمام٠٠٠٠٠وهي عامله أيه دالوقتي ؟؟
تحدث ياسين بأسي٠٠٠٠والله لسه تعبانه يا دكتور ضهرها لسه بيألمها جداً !!!
ردَ أحمد بجديه وعمليه٠٠٠٠٠٠متقلقش الألم هيختفي مع الوقت،، هي العمليات إللي من النوع بتأثر علي الضهر جامد !!
إستغرب ياسين نطق أحمد كلمة عمليه لكنهٌ تلاشاها !!!
فأكمل أحمد مٌلاماً ٠٠٠٠٠ولو أني عاتب عليك إنك تخلي مليكه تتعامل مع الدكتورة المشبوهه دي،،و مع إني ضد عمليات الإجهاض لكن كنت هخالف مبدأي علشان خاطرك ولا إنكم تتعاملوا مع واحدة معدومة ضمير وسمعتها مشبوهه زي عفاف صلاح !!!
كان يستمع لكلمات أحمد بتيهه وعقلٍ شارد
حدثَ حاله ٠٠٠٠ماذا يٌهذي هذا المعتوة ،،عن أي إجهاض وعن أي مليكه يتحدث !!
نزل بشرود من سيارته وفتح باب سيارة أحمد وجلس بجوارة وتحدث بصوتٍ حادٍ أمر ٠٠٠٠٠أحكيلي بقي إللي إنت قولته ده كله من تاني،،وفهمهولي واحده واحده !!
نظر لهٌ أحمد بتساؤل وحيرة٠٠٠٠هو أنتَ ماكنتش تعرف إن مليكه عملت عملية إجهاض ؟؟
نزلت تلك الكلمات كالصاعقه الكهربائية شلت جميع حواسه
حدث حاله٠٠٠إجهاض،،،أكانت تحمل داخل أحشائها قطعة منهْ وبتلك السهوله تخلت عنها،،
تحدث بوجهِ خالي من التعبير ٠٠٠٠٠من فضلك يا أحمد، ،إحكيلي الموضوع بكل تفاصيله !!!
قص لهٌ كل ما يعرفهْ
وبعد حوالي ساعه كان يجلس داخل مسكن دكتور أحمد وزوجتهْ التي إتصلت بالممرضه حنان وأخبرتها أن عليها المجيئ إلي مسكنها علي وجه السرعه للتحدث بأمرٍ عاجل يخص العمل وستأخذ عليهِ أجراً عالي
وذلك وفقاً لتوجيهات ياسين،،ليتأكد قبل إتخاذة أي قرار
أتت علي الفور وجدت ثلاثتهم يجلسون،، نظرت لذلك الجالس الذي يتمني من داخله أن يكون كل هذا الهراء ليس له أي أساس من الصحه لأنه وإن صحَ فالله وحده هو من يعلم ما هو الأتْ !!!!
نظر لها ياسين وتحدثَ بوقار وتسائل٠٠٠٠دكتورة مٌني قالتلي إن مدام مليكه جت عندكم من يومين وعملت عملية إجهاض ،،الكلام ده صحيح ؟؟
نظرت لهٌ وهي تبتلع لٌعابها بقلق ثم حولت بصرها إلي مٌني التي هزت لها رأسها بإيماء وأطمئنان قائله ٠٠٠٠٠إتكلمي يا حنان،،محدش هنا هيأذيكي متقلقيش !!
نهضت حنان بغضب وتحدثت بلوم٠٠٠٠٠ معنديش كلام علشان أقوله يا دكتورة،،أنا فضفضت معاكي بكلمتين تروحي تقوليهم للبيه وكمان جيباني هنا وفتحالي تحقيق ،،إنتي عاوزه تقطعي عيشي ؟؟
هٌنا إنفجر ياسين بغضبٍ عارم فقد فاق صبرهْ كل الحدود٠٠٠٠إقعدي يا روح أمك رايحه علي فين،،،،إنتي فاكرة نفسك هتخرجي من هنا قبل ماتقوليلي علي كل إللي أنا عاوز أعرفه
وأكملَ بتهديد وصوتٍ حاد٠٠٠٠إسمعيني كويس يابت،،هتحترمي نفسك وتجاوبي علي كل اللي هسألك عليه وبمنتهي الصدق هتاخديلك قرشين متحلميش بيهم وتغوري من هنا ومحدش هيقربلك ،،
إنما لو هتسوقي الهبل علي الشيطنه وديني وما أعبد أوديكي ورا الشمس ومخليكي تشوفي الشارع بعنيكي تاني ،،فاخليكي كويسه كده وأسمعي الكلام وأنطقي بالذوق بدل ماأخدك علي أمن الدوله وأخليهم هناك ينطقوكي غصبنٍ عنك !!!
جلست حنان برعب من هيئة ياسين الغاضبه وساقيها تهتزتان من شدة رعبها،،
وتحدثت بطاعه ٠٠٠٠٠٠أنا تحت أمرك ف كل إللي سعادتك تؤمر بيه يا باشا !!
أخرج ياسين هاتفهْ وثبتهٌ علي صورة مليكه وتحدث أمراً٠٠٠٠٠شفتي صورة الست دي قبل كده ؟؟
هزت رأسها بإيماء وتحدثت بتأكيد٠٠٠٠٠هي دي مدام مليكه إللي جت عندنا من يومين وعملت العمليه يا باشا،،،وكان معاها واحده كانت بتناديها سلمي !!!
هٌنا ظهر ياسين وكأنهٌ وحشٍ كاسر يٌجهز حالهٌ لإفتراس فريسه له بعد قليل،،جز علي أسنانه وضيق عيناه وقور يده بغضب وتسائل ٠٠٠٠٠كانت ف الشهر الكام ؟؟
تحدثت برعب من هيئته٠٠٠٠٠٠تقريبا كده شهر ونص أو شهرين حاجه زي كده ياباشا،،،أصل أنا مدخلتش معاها أوضة العمليات ،،كانت وردية صاحبتي ومعرفش تفاصيل كتير عن إللي حصل جوة !!!
أخرج من جيبهِ دفترً للشيكات وحررَ شِيكاً بمبلغاً ورماهٌ لتلك الحنان التي كانت علي وشك الموت رعباً من هيئته !!!
وتحدث بفحيح كفيحيح الأفعي٠٠٠٠٠تاخدي الشيك ده ومتورنيش وشك تاني،،واللي حصل ده تنسيه وتمسحيه من ذاكرتك نهائي وده طبعاً لمصلحتك أولاً ،،وسيرة مدام مليكه لو جت علي لسانك تاني مع أي مخلوق قولي علي نفسك يا رحمان يا رحيم !!!
ونظر لها بغضب وعيون تتطاير شرراً قائلاً بحده أرعبتها ٠٠٠٠٠مفهوم كلامي ؟؟
هزت رأسها سريعاً بإيماء وهي فاتحة الفاه من شدة رعبها !!!
تحركَ وكادَ أن يذهب أوقفه أحمد بتساؤل٠٠٠٠إهدي وفكر وأتكلم مع مليكه الأول وشوفها عملت كده ليه،، جايز يكون عندها أسبابها المٌقنعه !!!
نظر له بعيون كالصقر وتحدث مٌتلاشياً حديثهْ٠٠٠٠٠أكون شاكر ليك يا دكتور لو إللي حصل هنا ما خرجش برانا إحنا التلاته !!!
أماءً أحمد بتفهم قائلاً ٠٠٠٠متقلقش يا سيادة العقيد،،،دي أسرار مرضي والسريه التامه من صميم عملي أنا والدكتورة !!!
تركه وذهب كالإعصار الذي سيدمر الأخضر واليابس !!!
إتجهت مٌني إلي أحمد وتحدثت برعب٠٠٠٠٠إنتَ أيه بس اللي خلاك تروح تقوله،،إحنا مالنا تدخلنا ف مشاكل ملناش فيها ليه،،واحده وأكيد خايفه من إللي حواليها ليلوموا عليها إنها نسيت رائف وقوام خلفت من ياسين، إحنا بقي نتدخل ليه ؟؟
أجابها بضيق٠٠٠٠٠وأنا كنت أعرف منين إنها عملت عملتها السودا دي من وراه،،ربنا يسترها عليها بقي،،محدش يعرف غباء ياسين المغربي لما بيظهر أدي !!!
ثم نظر لتلك الجالسه بغير عقل تبكي تارةً وتبتسم تارةً أٌخري
وهي تنظر لذلك الشيك الذي لم تكن تحلٌم بالتحصل علي ربع مبلغه !!
تحدث بهدوء قائلاً ٠٠٠٠يلا يا حنان روحي ، وياريت تسمعي الكلام و تنسي كل إللي حصل هنا !!
وقفت وكأنها وعت علي حالها وتحدثت بسعاده٠٠٠٠٠حاضر يا دكتور،،بس حضرتك مٌتأكد من إن البيه إللي كان هنا من شويه مش هيجيب سيرتي للدكتورة عفاف ؟؟
تحدثت مني بقلة صبر ٠٠٠٠يلا يا حنان خدي شيكك وبالسلامه عندنا شغل يا ماما ومش وقت أسألتك دي !!!!
_______________________________
دلف لداخل الفيلا وجد والدته تجاور ليالي ونرمين وجيجي ويسرا ،،الكل مٌجتمع لزيارة تلك الماكرة المخادعه ،،،دلف لغرفتها الماكثه بها دون أن يلقي السلام علي من بالخارج !!!
دلفَ كالإعصار وجههٌ لا يٌبشر بخير
وجدها تجلس فوق فراشها وتجاورها ثريا وبيدها طبق الحساء لتلك الكاذبه،،
أما عن سلمي التي كانت تٌجاورها الفراش وهي تجلس القٌرفصاء وترتسم علي وجهها إبتسامه وهي تٌحادث مليكه !!
كانت هيئته لا تٌبشر بخير مما أقلق ثريا وجعلها تٌبعد صَحن الحساء وتضعهٌ فوق الكومود
وتحدثت بتساؤل ٠٠٠٠٠مالك يا ياسين ؟؟
إقتربَ ياسين من وجهْ مليكه وتحدثَ بفحيح مخيف ٠٠٠٠٠أخبارك أيه إنهاردة،،ياتري لسه ضهرك بيوجعك ؟؟
إبتلعت لٌعابها برعب من نظرتهِ تلك وإقترابه هذا وتحدثت بشرود ٠٠٠٠الحمدلله ،،أنا كويسه !!
سألها بترقب وهو مازالَ علي نفس الوضعيه٠٠٠٠إلا قوليلي يا مليكه،،هي المستشفي اللي روحتيها بعد ما وقعتي إسمها أيه ؟؟
إنتفضَ داخلٌها ونظرت لهٌ بتوتر وصمتت !!
تبرعت سلمي بالإجابة لتٌنقذ صديقتها ٠٠٠٠إحنا ما روحاش مستشفي يا سيادة العقيد !!
حول لها بصرة ونظر لها نظرة ذات معني وتسائل٠٠٠٠٠أومال روحتوا فين يا أستاذه سلمي ؟؟
ردت بتلعثم ٠٠٠٠روحنا عيادة خاصه جنب بيتي !!
رد عليها بإستفهام ٠٠٠٠٠أيوا إسمها أيه بقي العيادة الخاصه دي وأسم دكتورها أيه ؟؟
نظرت له ثريا بإرتياب وتحدثت٠٠٠٠فيه أيه يا ياسين ،،مالك يا أبني ؟؟
نظر إلي عمته مٌضيقاً عيناه وتحدث بهدوء ما قبل العاصفه٠٠٠٠عايزة تعرفي فيه أيه يا عمتي،،،فيه إن ياسين المغربي ولأول مرة إتختم علي قفاه وأتغفل،،
ثم حولَ بصره إلي تلك المٌرتعبه ذات القلب المٌنتفض وتحدث بفحيح٠٠٠٠٠ومين مين،،من حتة عيله،،،
ثم تحدثَ لها بهدوء٠٠٠٠٠دكتورة عفاف صلاح بعتالك السلام وبتقولك أخبار العملية أيه !!
هٌنا شهقت وأغمضت عيناها بألم،، أمسكت سلمي يدها للمؤازرة
فتحت عيناها مجدداً سريعاً ونظرت له بترجي وأستعطاف وأردفت٠٠٠٠خلينا نتكلم لوحدنا،،،
ونظرت داخل عيناه بدموع وهي تميل برأسها ف حركة توسليه منها لهْ
تحدث بصوتٍ يشوبهٌ خيبة الأمل٠٠٠٠٠هو لسه فاضل حاجه علشان نتكلم فيها،،ما خلاص وقت الكلام عدي وفات !!!
تحدثت سلمي بترجي ٠٠٠٠٠من فضلك يا سيادة العقيد إقعد مع مليكه وإديها فرصه تفهمك وتشرحلك إللي حصل بالظبط !!!
صاح بها بصوتٍ صارخ أرعبها ٠٠٠٠٠إنتي تخرسي خالص،،إنتي حسابك معايا بعدين إنتي ودكتورة العهر بتاعتك دي كمان !!
هرولت نساء المنزل ودلفوا علي صوت ذلك الغاضب
تحدثت ثريا بحده ٠٠٠٠٠عيب كده يا ياسين، هو فيه أيه بالظبط يا أبني ،،مالك طايح ف الكل كده ليه ؟؟
وجهت منال سؤالها لولدها٠٠٠٠مالك يا ياسين،،فيه أيه يا حبيبي ؟؟
نظرت له وأمسكت يدهٌ بإستعطاف وتحدثت بدموع ٠٠٠أرجوك يا ياسين خلينا نتكلم لوحدنا وأنا هحكيلك علي كل حاجه !!
نفض يدها بعنف وتحدث بحده٠٠٠٠٠هو أنا لسه مشبعتش قواله لوحدنا،،ماأحنا يااااما إتكلمنا وياما وعدنا وياما صبرنا،، وف الأخر أيه إللي حصل ؟؟
صرخت بإستعطاف ودموع٠٠٠٠أرجوك يا ياسين،، أرجوك أديني فرصه أشرحلك لوحدنا !!
تحدثت نرمين بحده٠٠٠٠٠هو أيه إللي بيحصل هنا بالظبط، ، ما تتكلم يا ياسين !!
نظرت لهٌ بإستعطاف وهي تهز رأسها بدموع !!!
وقف هو مٌنتصب الظهر ينظر إليها وتحدث ساخراً٠٠٠٠٠عوزانا نتكلم لوحدنا علشان ما يعرفوش،،، أنا بقي هعرفهم كلهم اللي راعبك طول الوقت ومش عوزاهم يسمعوة !!!
صرخت بإستعطاف ٠٠٠ياااااااسين ،،أبوس أيدك بلاش يا ياسين !!
كانت ليالي تنظر لهما وقد بدأ الشك يتسلل لقلبها ،،،ويسرا المشفقه علي حال مليكه المنهارة،،، ونرمين الواقفه تنظر لها بشماته،،، ومنال الواقفه وداخلها يتسائل
ذهب إليها ونظر لها نظرات مليئه بالغضب والغل ثم رفع يده لأعلي حتي يصفعها علي وجنتها،،
أغمضت عيناها بتألم وثبات وجهزت حالها لتلقي صفعتٌه بصدرٍ رحب،، إستمعت لصرخة ثريا وهي تهدر بإسمه وتترجاه بألا يفعل
صمتٍ رهيب حل بالمكان،،، إنتظرت وأنتظرت صفعتها ولكنها تأخرت ،،أفتحت عيناها ببطئ شديد
وجدته رافعاً يدهٌ لأعلي إستعداداً بوضع صفعته لكن يده توقفت وكأن قلبهٌ أمرها بعدم إيذائها !!
أه من قلبٍ أتعبهٌ الهوي،،،نظر لها بعيون يملئٌها الغضب واللوم والتساؤلات الكثيرة،،، قور يده بغضب ونفضها ف الهواء وهو يجز علي أسنانه ويلعن داخلهٌ وقلبهْ علي عدم قدرته لأذيتها !!
ثم تحرك من أمامها ووقف بمنتصف الغرفه وتحدث٠٠٠٠٠٠عاوزه تعرفي فيه أيه يا عمتي،،فيه إن الهانم مراتي بنت الأصول وبنتك زي ما طول عمرك بتوصفيها مش واقعه علي ضهرها ولا حاجه،،الهانم المحترمه القطه المغمضه غفلتنا كلنا وختمتنا علي قفانا وكذبت وقالت إنها وقعت وهي عاملة عملية إجهاض !!!
شهق الجميع ونظر لها بإستغراب وأتهام وكأنها مٌدانه ،،أغمضت عيناها بتألم هرباً من تلك النظرات المٌحيطه بها ووضعت كفيها فوق وجهها وأجهشت ببكاءٍ مرير !!!
ثم صاح ذلك الغاضب وتحدث ٠٠٠٠الهانم قتلت إبني إللي لسه مكملش شهرين بدم بارد وكل ده ليه،،،،،،،علشان محدش يعرف إن الهانم بتتعامل مع جوزها وسلمتله نفسها كأي ست محترمه بتعرف شرع ربنا وتنفذه !!
بكت بصوتٍ أجش !!!
وقف هو بكل شموخ وتحدث٠٠٠٠مش إنتي قتلتي إبني علشان تخبي عنهم سرك العظيم ،،
نظر للجميع وتحدث ٠٠٠٠طب إشهدوا كلكم، ، أنا والهانم بنتعامل معاملة الأزواج من تاني شهر طلعت فيه لأوضتها !!!
ثم حول بصرة إلي المختبئه وتحدث ٠٠٠٠يارب دالوقتي تكوني مبسوطه بالنتيجه إللي وصلنالها !!!
عم صمتٍ تام داخل الغرفه !!
كانت ثريا تجلس بقلبٍ مفطور حزين يتألم ،،ولكن كان داخلها مٌبعثر مابين حسرة علي ماضيٍ فات وألمٍ علي مليكه وما أوت إليه بيدها ويدهم جميعاً،،،،،
شعرت بالخزي من حالها علي ما أوصلت إليه تلك المسكينه ذات القلب الحائر !!!
نظرت ليالي إلي ياسين وتحدثت بغضب ٠٠٠٠٠إنتَ بتقول أيه يا ياسين ؟؟
صاح بها غاضباً ٠٠٠٠٠ إللي سمعتيه يا هانم ،،ولا ما بتسمعيش ،،
مراتي ومارست معاها حقوقي الشرعيه يعني لا عملت حاجه عيب ولا حرام ،،،
ثم مررَ بصرهِ عليهم جميعاً وتسائل ٠٠٠٠٠٠هاااا ،،،حد تاني عنده أي إعتراض ؟؟
صمت الجميع وأنزلوا بصرهم أرضاً !!!
ثم إقتربَ من تلك المٌنتحبه وهي تنتفض من شدة بكائها ،،أزاحَ عنها يداها التي تختبئ ورائهم بحده وأمسك ذقنها وضغط عليه بعنف وتحدث بوعيد ٠٠٠٠٠٠قسماً بربي لأدفعك تمن قتلك لإبني وإستغفالك ليا غالي،،غالي أوي يا بنت سالم عثمان !!
كانت تنظر لعيناه ودموعها تنهمر بحرارة تستعطفه أن يٌكفلٌها حق الرد !!!
أمسكت ثريا يده وتحدثت بإستعطاف ٠٠٠٠٠علشان خاطري سيبها يا ياسين،، سيبها ياأبني !!!
أغمضت عيناها بتألم ودموعها تسيل كشلالات وهو يهز ذقنها بعنفٍ يؤلمها،،ولكن أي ألم مٌمكن أن يضاهي ألمها الداخلي لأجلهْ،،، أفلتت ثريا يدهٌ من عليها بصعوبه وأخذتها داخل أحضانها برعايه !!
ثم أنتصبَ بوقفته ونظر إلي تلك المٌنكمشه علي حالها المٌجاورة لصديقتها وصاحَ بغضب ٠٠٠٠أما أنتي بقا ،،،ماأبقاش ياسين المغربي إن ما سجنتك إنتي والدكتورة بتاعتك وأبقوا قابلوني لو عرفتوا تخرجوا تاني !!
وخرج كالبركان من الغرفه وتحركت خلفه ليالي وبعدها منال
أمانرمين التي أستغلت فرصتها لغرس خناجرها ف قلب غنيمتها تحدثت بشماته ٠٠٠٠٠ونعم الوفاء يا مليكه هانم !!!
ثم نظرت إلي يسرا وتحدثت بشماته٠٠٠٠٠٠مش هي دي اللي كل شويه تدافعي عنها وتقولي انها وفيه ومستحيل تنسي رائف،،،علشان تبقي تصدقيني،،،دي عامله زي الحربايه بتتلون بألف لون،،،ف الأول رسمت علينا دور الزوجه الحزينه المقهورة ع فراق حبيبها ،،،
وبعدين مثلت علينا رفضها المٌميت لياسين وده خلاكم كلكم تنبهروا بيها وبموقفها وتوصفوها بالوفاء والنبل العظيم ،،وبمجرد ما أتقفل عليها باب واحد معاه جريت عليه ورمت نفسها ف حضنه،،، لا وحامل كمان وسقطت البيبي ،،،
وأكملت بشماته وهي تٌصفق بيداها٠٠٠٠ ده أيه الأخلاق النبيله والتربيه إللي تشرف دي يا مليكه هانم !!!
كانت تستمع لكلماتها وكأنها خناجر تٌطعنها بجميع أجزاء جسدها !!!
أما ثريا التي وقفت وتحدثت بحده ٠٠٠٠٠نرمين،،،مليكه معملتش حاجه غلط،، ده جوزها وحلالها !!
وأشارت بيدها ليسرا الواقفه مٌتسمرة من هول الموقف ولنرمين وتحدثت٠٠٠٠٠٠ودالوقتي يلا نخرج وسيبوها علشان ترتاح !!!
أخذت إبنتيها وخرجت وأغلقت الباب دون حديث !!!
أمسكت سلمي يد مليكه وهزتها لتعي علي حالها وتحدثت ٠٠٠٠مليكه إنتي لازم تحكي مع ياسين وتفهميه الحقيقه وتقوليله علي إللي حصل بالظبط،،،ياسين شكله ناوي علي الأذيه وأنا مش أده ولا أد أذيته !!!!
هزت رأسها بنفي وجسدٍ مرتعش ودموعها تنزل كشلالات ٠٠٠٠مش هيسمعني يا سلمي، مش هيسمعني !!
تحدثت سلمي٠٠٠٠لا ،،،،لازم يسمعك ولازم تتكلمي إنتي مراته وبيحبك ومش هيقدر يأذيكي لكن أنا مش أدة يا مليكه،،إنتي مسمعتيش تهديدة ليا !!!
أجابتها بطمئنه ٠٠٠٠ده مجرد كلام قاله ف وقت غضبه يا سلمي وأكيد مش هينفذه !!!
صرخت بها سلمي برعب٠٠٠٠٠تبقي متعرفيش إنتي متجوزه وعايشه مع مين،،ياسين المغربي مبيتكلمش من فراغ يا مليكه ، ياسين بينفذ !!!
وأكملت بدموع ٠٠٠٠٠مليكه،،متخلنيش أندم إني ساعدتك !!!
فلاش بااااك !!!!!!!!!!!!!!!!
قبل أربعة أيام من وقتنا الحالي !!!!!!!
كانت تخرج من المرحاض تستند بيدها علي الحائط ويظهر علي وجهها علامات التعب
جلست فوق المقعد وأمسكت هاتفها وأتصلت بصديقتها سلمي،،وبعد مده جائها الرد
تحدثت مليكه بتعب٠٠٠٠ سلمي ألحقيني،،أنا شكلي حامل !!
أجابتها سلمي علي الهاتف٠٠٠٠٠٠حامل إزاي يعني،،طب والحبوب إللي بتاخديها ؟؟
أجابتها مليكه٠٠٠٠٠٠مش عارفه إزاي ده حصل،،تقريباً كده الحمل حصل من قبلها،،شكله حصل ف التلات أيام بتوع أسوان،،يعني من قبل ما أفكر أخد الحبوب بحوالي شهر ،،
المشكله الأكبر دالوقتي إني خايفه جدا وحاسه إن مٌمكن ياسين يزعل
تحدثت سلمي ٠٠٠٠وياسين هيزعل من حاجه زي كده ليه ؟؟
أجابتها مليكه بقلق٠٠٠٠مش يمكن يكون مش عاوز أولاد !!
ضحكت سلمي علي سساجة صديقتها وتحدثت٠٠٠٠بذمتك فيه راجل بيعشق ست وهيموت عليها زي ياسين كده ومايبقاش عاوز يخلف منها ،،ده أكيد هيطير من فرحته لما يسمع الخبر ده !!
إبتسمت مليكه وسعدَ قلبها وتحدثت بتساؤل٠٠٠٠٠تفتكري مٌمكن يفرح بجد يا سلمي ؟؟
ردت عليها سلمي ٠٠٠٠٠يا بنتي أفتكر أيه،،أنا متأكدة ،،روحي إتصلي بيه وقوليله وشوفي هيفرح أد أيه،، ده مش بعيد تلاقيه سايب شغله وجايلك حالاً !!!
إنتفض داخل مليكه بسعادة وتحدثت بتعقل٠٠٠٠٠لا طبعاً مش هقوله دالوقتي خالص غير لما أتأكد ،،خليه مطلعش حمل وطلعت معدتي وجعاني لأي سبب تاني،،وكمان مٌمكن البريود تكون متأخرة عادي ،،،بصي أنا هكلمه دالوقتي وأستئذنه وأجيلك ونروح سوا للدكتورة بتاعتك،،،
لو أتأكدت من الحمل هقوله ومش هخاف تاني من حد ،،أكيد هو هيحميني من كلامهم ونظراتهم ليا !!!
أجابتها سلمي٠٠٠٠٠برافوا عليكي يا مليكه،، أيوه كده خليكي قويه وإتعلمي إنك تواجهي !!!
أجابتها مليكه بجديه٠٠٠٠٠٠أنا خلاص يا سلمي مبقاش يهمني ف الدنيا كلها حد غيرة،،أنا لازم أخليه يعلن جوازنا الفعلي ،،
وأكملت بحزن٠٠٠٠٠٠متتصوريش كلام عٌمر ليه جرحني إزاي وحسسني أد أيه أنا كٌنت أنانيه لما عارضته ورفضت إنه يعلن جوازنا الفعلي،،،،، ياسين بيحبني وأستحمل علشاني كتير وأنا لازم أعوضه عن كل حاجه وكل وجع إتحمله وعاشه علشاني !!!
أغلقت معها الهاتف وهاتفت ياسين وأستئذنتهْ وبعد حوالي الساعتان كانت تقبع فوق سرير الكشف الطبي والطبيبه تحرك جهاز السونار فوق أحشائها
تنهدت الطبيبه بأسي وتحدثت ٠٠٠٠٠فيه حمل فعلاً !!!
إنتفض قلب مليكه بسعاده ظهرت علي وجهها وهي تنظر إلي سلمي
ثم نظرت الطبيبه لها وتسائلت ٠٠٠٠٠قوليلي يا مليكه،،إنتي بتاخدي أدويه لأي أمراض ولا حاجه؟؟
نظرت مليكه لوجه الطبيبه الذي لا يبشر بخير وتحدثت٠٠٠٠خير يا دكتور،،هو فيه حاجه ؟؟
أمسكت الطبيبه بعض المحارم ونظفت بها السائل الخاص بالسونار الموضوع فوق أحشائها وتحركت إلي مكتبها لتجلس عليه !!!
تبعتها مليكه بقلق وجلست أمامها وتحدثت الطبيبه بأسي٠٠٠٠للأسف يا مدام مليكه،،،الجنين مشوة بنسبه كبيرة جداً،، تقريباً حضرتك كنتي بتاخدي أدويه وده غلط جداً وخصوصاً ف أول شهور الحمل !!!!
لم تستطع تمالك حالها ونزلت دموعها وتحدثت٠٠٠٠هو البيبي عمرة أد أيه ؟؟
أجابتها الطبيبه بأسي ٠٠٠٠عمرة شهرين،، بس قوليلي إنتي إزاي أخدتي أدويه وإنتي حامل ؟؟
أجابتها بقلبٍ يتمزق ألماً ٠٠٠٠٠مكنتش أعرف إني حامل وبدأت أخد حبوب منع الحمل من حوالي شهر !!
هزت الطبيبه رأسها بتفهم ٠٠٠٠علشان كده !!!
تحدثت سلمي إلي الطبيبة بتسائل٠ ٠٠٠٠طب والحل أيه دالوقتي يا دكتور ؟؟
أجابتها الطبيبة بحزن٠٠٠٠٠٠للأسف يا سلمي،،مفيش قدامنا حل غير إن الجنين ينزل لإن نسبة التشوة عاليه جداً،،وده لازم يحصل ف أقرب وقت مٌمكن لان كل يوم بيعدي فيه خطر علي حياة مليكه !!!!
تحدثت سلمي علي إستحياء ٠٠٠٠طب هو حضرتك مٌمكن تعملي لمليكه الموضوع ده ؟؟
أجابتها الطبيبه٠٠٠٠٠بصي يا سلمي،، أنا واخده عهد علي نفسي إني ماأشتغلش ف العمليات إللي من النوع ده نهائي،،ومع إن القانون بيسمح بعمليات الإجهاض ف الحالات إللي زي حالة جنين مليكه ،،، إلا إني مش هقدر أخالف مبادئي !!
وأكملت ٠٠٠٠لكن أنا مٌمكن أبعتكم لدكتورة شاطرة جداً ف العمليات إللي من النوع ده ،،لكن ده طبعاً هيكون سر بينا،،،يعني أنا لا بعتكم ولا شفتكم،، وياريت كمان متجبوش سيرتي للدكتورة دي ،،ولو سألتكم عرفتوها منين قولولها أي حاجه إلا إنكم تجيبوا سيرتي !!!!
_______________________________
خرجت مع صديقتها مٌحطمة القلب جلست بسيارتها وبجانبها سلمي تواسيها وتحدثت٠٠٠٠٠٠٠٠ هتعملي أيه يا مليكه، ،أنا شايفه إنك تقولي لياسين وهو ييجي معانا عند الدكتورة دي ونعمل العمليه ؟؟؟
إنتفضت مليكه رعباً وتحدثت بدموع٠٠٠٠عوزاني أروح أقول لياسين إني كذبت عليك وكنت باخد برشام من وراك وشوهتلك إبنك ،،أنا مستحيل أعمل فيه كده !!!
سألتها سلمي٠٠٠٠٠أومال هتعملي أيه ؟؟
أجابتها بألم٠٠٠٠٠٠أنا هروح للدكتورة دالوقتي وأحدد معاها ميعاد بكرة وتاخد إللي هي عوزاه وأخلص من ،،،،،،
وهٌنا لم تستطع إكمال حديثها وبكت بمرارة وأكملت ٠٠٠٠وبعدها هبدأ مع ياسين صفحه جديده،،من غير خوف ولا كذب ،،ياسين حلو أوي يا سلمي ومايستاهلش مني أجرحه وأقوله حاجه زي دي،،
وأكملت ببكاء٠٠٠٠٠هبتدي معاه صفحه جديده،، صفحه بيضه،، هعوضه فيها عن كل حرمان وألم عاشه وهو بعيد عني،،هخلف منه بيبي شبهه وهربيه جوه حضني أنا وهو !!!
ونظرت لصديقتها وأكملت ٠٠٠٠٠أنا بحبه أوي يا سلمي،،بحبه وروحي إتعلقت بيه أوي !!!
تحدثت سلمي ٠٠٠٠طب قولي لطنط سٌهير وخليها تيجي معانا علشان منبقاش لوحدنا !!
هزت رأسها سريعاً وتحدثت٠٠٠٠٠لا يا سلمي،،أنا عاوزه أقفل الصفحه دي من غير ما حد يعرف عنها حاجه،، وإن شاء الله ربنا هيقف معايا ويسندني علشان أبدأ مع جوزي صفحه جديده ونضيفه !!!
ثم نظرت لسلمي بدموع وألم وتسائلت وهي تضع يدها علي أحشائها٠٠٠٠٠هو مٌمكن ربنا يزعل مني علي اللي عملته ف إبني يا سلمي ؟؟
خضنتها سلمي وأجابتها بدموع٠٠٠٠٠أكيد لا يا حبيبتي لأنك مكنتيش تعرفي أصلاً،،،هوني علي نفسك يا مليكه ومتحملهاش فوق طاقتها !!!
شددت مليكه من إحتضانها وتحدثت بخوف ٠٠٠٠٠متسبنيش يا سلمي أرجوكي،،أنا محتجالك أوي ومعنديش غيرك أأمن له علي سري !!!
تحدثت سلمي وهي تشدد من إحتوائها داخل أحضانها ٠٠٠٠٠مش هسيبك يا قلبي ،،أنا معاكي متخافيش !!!
عوده للحاضر !!!!!!!!!!!!!!
كان يتحرك داخل غرفته بجنون وغضبٍ عارم ،،دفعت ليالي باب الغرفه بعنف ودلفت إليه ونظرت له بغضبٍ وجنون وتحدثت بصياح٠٠٠٠٠٠هو ده وعدك إللي وعدتهولي يا ياسين ؟؟
هو ده الوعد بإنها مجرد جوازه صوري علشان مروان وأنس،،إزاي تعمل فيا كده،،،إزاااااي ؟؟
هدر بها وتحدث٠٠٠٠٠إبعدي عن وشي السعادي يا ليالي متخلنيش أخرج غضبي كله عليكي !!
صرخت به ٠٠٠٠مش هسكت قبل ما تجاوبني،،ليه كسرتني وكسرت وعدك ليا ؟؟
صاح بها وتحدث ٠٠٠٠٠عن أي وعد بتتكلمي،،وعدي كان لمراتي الست المحترمه اللي سمعت كلام جوزها وقدرت موقفه وطاوعته ووقفت جنبه،،مش اللي أول ما نرمين بختلها كلمتين و شاورتلها جريت وراها زي التابع وسابت بيتها وأتخلت عن جوزها وكسرت كلمته وكلمتها معاه،،،إنتي إللي خلفتي الوعد مش أنا يا مدام،،، يبقي بعد كده مش من حقك تيجي وتسأليني عن أي وعود !!!
دلفت منال إليهم وأغلقت خلفها الباب وتحدثت ٠٠٠٠٠صوتكم جايب أخر الجنينه،،إهدوا شويه !!
بكت ليالي بحرقه وتحدثت٠٠٠٠إزاي قلبك طاوعك تكسرني وتجرحني بالشكل ده،،،قدرت تاخد واحده غيري ف حضنك إزاي،،،،إزاي جالك قلب تحطني ف الموقف ده وتكسرني قدامهم كلهم ؟؟
نظر لها وأبتسم ساخراً وتحدث ٠٠٠٠٠أظن شعور إني أخد واحده غيرك ف حضني ده مش جديد عليكي يامدام ،،ولا أيه ؟؟
نظرت له بتيهه وأبتلعت لٌعابها
وأكمل هو٠٠٠٠٠ولا ناسيه شركه الأمن الإيطاليه اللي إتفقتي معاها تتجسس عليا وتعرفك أخباري ،،،الشركه إللي طلبتي منها تتجسس علي جوزك يا حرم ظابط المخابرات بموقعه الحساس
وأكمل بإشمئزاز٠٠٠٠٠٠تعرفي يا ليالي،، أنا بجد حزين أوي من جوايا علي إن أغبي وأتفه ست عرفتها ف حياتي القدر يخليها هي بالذات ودوناً عن كل إللي عرفتهم أم أولادي،،،أنا من كل قلبي حزين علي حظ ولادي معاكي !!!
ثم حول بصره إلي والدته وتحدث بصياح٠٠٠٠٠٠ الهانم بنت أخوكي الأرستقراطيه خريجة الجامعه الألمانيه ،،أجرت شركة أمن خاصه إيطاليه علشان تخليهم يراقبوني،،، ولولا إني أكتشفت الموضوع بسرعه كان زمان كل أسرار شغلي عندهم أو حتي كان زمانهم إغتالوني زي ما حصل كتير قبل كده مع غيري !!!
نظرت منال له وتنهدت بألم !!!
ضيق عيناه ونظر لها بإستغراب وتسائل بحذر ٠٠٠٠٠٠يعني مش شايف أي علامات إندهاش علي وش حضرتك يا أمي ؟؟
نظرت له بإرتعاب وتلعثمت بالحديث ٠٠٠٠أااانا،،أنا
نظر لها بعيون مصدومه وتحدث بصوتٍ يشوبهٌ خيبة أمل٠٠٠٠٠كنتي عارفه؟؟
إبتلعت لٌعابها ونظرت له خجلاً وتحدثت مٌبررتاً٠٠٠٠معرفتش غير بعد ماعملت كل حاجه وكمان بلغوها بنتيجة تحرياتهم ،،وقتها بس جت وحكيتلي !!!
كان ينظر لها بقلبٍ يتمزق وعيونٍ جاحظه غير مٌصدقه ما تراه أمامها ،،،وأذنٍ تتمني عدم تصديق ما تستمع إليه !!!
تحدثَ بصوتٍ مهزوز٠٠٠٠وياتري حضرتك لما عرفتي كان رد فعلك أيه علي تصرفها اللي كان هيقضي علي مستقبلي ويمكن كان يقضي عليا أنا شخصياً ؟؟
تحدثت سربعاً بتبرير٠٠٠٠٠أنا كنت واثقه فيك وف ذكائك وكنت عارفه إنك أكيد هتكتشف المراقبه بسرعه وتغير سير تحركاتك وتتفادي الموضوع،،قولت لنفسي مفيش داعي أقولك وأضايقك وخصوصاً إنك ف الفترة دي كان عندك مشاكل كتير مع ليالي،، محبتش أذود الخلافات والمشاكل إللي بينكم أكتر !!!
ثم تحركت بإرتياب ووقفت بجانب ليالي المٌنكمشه وتحدثت مٌتسائله٠٠٠٠٠٠أنا مش وقتها بهدلتك وأجبرتك تنهي التعاقد مع شركة الأمن،،حصل ولا لاء !!!
ونظرت لهْ وتحدثت بصوتٍ مهزوز٠٠٠٠٠قوليله ،،،قوليله أنا أد أيه بهدلتك وأتخانقت معاكي لما عرفت ،، أنا مسكتلهاش يا ياسين،، صدقني يا أبني مسكتلهاش !!!!!
نظر لها بقلبٍ ينزف وعيون حزينه مكسورة وأردفَ ٠٠٠٠٠٠يااااااه يا أمي،،،لللدرجادي أنا مليش أي قيمه عندك ؟؟
أد كده حياتي ومستقبلي ملهومش عندك قيمه ولا حساب،، خوفتي علي بنت أخوكي من غضبي ومخوفتيش علي حياتي ولا علي شغلي ومستقبلي ؟؟
للدرجادي أنا قليل أوي كده عندك ؟؟
كانت تبكي وتهز رأسها بنفي وتحدثت ٠٠٠٠ماتقولش كده يا حبيبي،،،متقولش كده يا ياسين، مفيش حد ف الدنيا كلها أغلي منك إنتَ وإخواتك عندي،، صدقني يا أبني !!!!!
تحدث بشرود وتيهه ٠٠٠٠٠طب وأنا زعلان أوي كده ليه من مليكه،،أيه يعني لما كذبت عليا وخانت أمانتي عندها وفرطت فيها،،دي واحده لسه متجوزها من مافيش ،،،إذا كانت أمي إللي خلفتني وربتني وكبرتني ف حضنها،، ضحت بيا أنا نفسي علشان تحافظ علي بنت أخوها وشكلها قدام الناس !!!
تحدثت ليالي بتلعثم ٠٠٠٠٠صدقني أنا معملتش كده غير من حبي ليك وغيرتي عليك،،لما لاقيتك بتتأخر كتير برة كنت عاوزة أعرف إنتَ بتروح فين، ،
ونظرت له بإستعطاف٠٠٠٠أنا كنت لسه صغيرة ومش فاهمه خطورة الوضع،،،أرجوك تسامحني يا ياسين !!!
تحدث بصياح أرعبها٠٠٠٠٠إنتي عمرك ما حبتيني يا ليالي،،أنا عمري ما كنت ضمن إهتماماتك والدليل إنك لما عرفتي علاقاتي مكنش ليكي أي ردة فعل غريبه،،وهيبقالك رد فعل ليه وأنا معنيش ليكي بأي شيئ ،،،
وأكملَ بألم٠٠٠٠٠٠ أنا عمري ما كٌنت أكتر من بنك بالنسبالك !!!
تحدثت منال بدموع ٠٠٠٠إهدي يا ياسين من فضلك !!
صاح بصوتٍ عالي أرعبهما وتحدث٠٠٠٠٠بتطلبني مني أهدي إزاي وأنا اللي فيه ده أصلاً يجنن،،يعني مش كفاية إنك غشتيني وأدتيني مواصفات غلط عنها وأنا مشيت وراكي زي الأعمي،، والهانم اللي مثلت عليا دور الملاك طول فترة الخطوبه ومظهرتش شخصيتها الأنانيه غير بعد ما أتجوزنا للأسف،،أنا عيشت عمري كله ف خناق ومشاكل وكل مرة كٌنتي تيجي معاها وتنصريها عليا،،بس عمري ما كنت أتخيل إنك تضحي بيا بالشكل ده علشان راحتها !!!!
نظر لهما وتحدث٠٠٠٠إنتوا إزاي قادرين تعيشوا بكل المؤامرات والأسرار إللي جواكم دي،، إزاي قادرين تمثلوا طول الوقت واللي جواكم حاجه تانيه غير اللي ظاهر منكم ؟؟
وأكملَ بصوتٍ يتألم وهو ينظر إلي منال٠٠٠٠عارفه يا أمي أيه أكتر حاجه دبحاني،، إن كل طعنات الغدر إللي ف حياتي مجتليش غير من أعز وأقرب الناس لقلبي،،،مجتليش غير من حبايبي إللي مأمنهم علي نفسي وروحي ،،،
يظهر إن ذنبي الوحيد إني عاملتكم غير باقي الناس وأديتلكم الأمان،،دي حتي إللي كٌنت فاكرها قطه مغمضه طلعت وحش وليه حوافر وبيخربش بيها وبيجرح ،،،
وأكملَ بوجهٍ غاضب٠٠٠٠٠بس ملحوقه،،، من هنا ورايح كل واحد لازم يعرف حدوده كويس أوي،،، لحد هنا و كفايه،،كفايه أوي !!!
تحرك وخرج وصفق خلفهِ الباب بحده زلزلت جوانب الغرفه
إرتمت منال فوق المقعد وأجهشت ببكاءٍ مرير !!!