🔹️بسم الله الرحمن الرحيم 🔹️
لا إله إلا أنت سبحانك إني كنت من الظالمين
رواية ☆قلوب حائره #
بقلم روز آمين
🦋 البارت السادس عشر 🦋
والسابع عشر
نظرت لها يسرا وتحدثت بحماس ٠٠٠٠خلاص يا نرمين،،أنا لقيت حل للمشكله دي من غير ما تدفعي ولا مليم للحيوان ده !!!
أمسكت نرمين يدها بعرفان وفرحه قائله ٠٠٠٠٠أيه هو يا يسرا ،،،إتكلمي !!!
تحدثت يسرا بجديه٠٠٠٠٠إحنا نروح لياسين ونحكيله علي إللي حصل كله ،،وهو بحكم شٌغله هيعرف يجيب الحيوان ده من
قفاه،،وبكده نكون حلينا المشكله للأبد ومدفعناش ولا مليم !!!
هزت نرمين رأسها بنفي وظهرت علامات الرعب علي وجهها وتحدثت برفضٍ تام٠٠٠٠٠إنتي بتقولي أيه يا يسرا؟؟
إنتي عاوزاني بكل بساطه أروح أقول ل ياسين أني كنت السبب الرئيسي في موت أخويا،، إنتي أكيد إتجننتي ،،لا،،،،،أنا مستحيل أوافقك علي الجنان ده أبدآ، ،،ده مش بعيد ياسين يموتني فيها !!!
أمسكتها يسرا من كتفها مطمئنتاً إياها٠٠٠٠٠صدقيني يا نرمين ده أسلم وأعقل حل،،،
وأكملت بطريقه عقلانيه ٠٠٠٠تعالي نفكر بالعقل ونحلل الموضوع من كل النواحي وبالتفصيل
يا ستي إفرضي إني ساعدتك وأديتك أنا الفلوس من معايا ودفعناها للحيوان ده أياً كان هو مين ،،
أيه بقا اللي يضمنلك إنه مش هييجي كمان شويه ويهددك تاني ويطلب أكتر ،،
وخصوصاً إنه هيبقي إتأكد خلاص إنك مرعوبه وهتدفعي غصب عنك،،،،ده واحد ماعندوش أخلاق وإحنا ما نضمنش تفكيره إزاي،،وقتها بقي ممكن تقوليلي هنتصرف إزاي ؟؟
كل إللي هيحصل إنك هتضري تدفعيله من فلوسك وبردو جوزك هيعرف وييجي يسألك وديتي الفلوس فين ؟؟
وساعتها هيكون قدامك حل واحد ملهوش تاني ،،،وهو إنك تعترفيله بكل إللي حصل وتصغري أوي في عنيه،،ووقتها ياعالم رد فعله هيكون أيه ؟؟
وأكملت بتعقل٠٠٠٠٠٠٠تعالي بقا للحل التاني وهو إننا هنقول لياسين،،ياسين وبكل بساطه هيساعدنا ويجيبلنا الفيديو من غير شوشره ومن غير ما حد يعرف ،،وكمان هيربي الحيوان ده ويبعده عن طريقك خالص !!
وأكملت مٌطمئنه إياها ٠٠٠٠٠٠وياستي ليكي عليا هشترط عليه إنه ما يفتحش الفيديو ولا يحاول يسأل علي محتواه ،،،هااا قولتي أيه ؟؟
نظرت لها نرمين بقلق و تردد ثم أردفت ٠٠٠٠٠خلاص يا يسرا إللي تشوفيه صح أنا معاكي فيه ،،،لكن أرجوكي تفضلي جنبي وما تسبينيش !!
تنهدت يسرا وأردفت بألم ٠٠٠٠٠صدقيني أنا واقفه جنبك بس علشان الموضوع مايوصلش لماما وتتصدم فيكي صدمة عمرها،،وقتها ممكن تموت بجد من قهرتها علي وجع إبنها وإحساسه وهو مطعون في رجولته ومن مين؟؟
من أخته،، شقيقته،،
بكت نرمين بحرقه وتحدثت ٠٠٠٠٠٠أرجوكي يا يسرا كفايه ،،أنا مش ناقصه،،، كفايه عليا عقدة الذنب إللي أنا عايشه بيها وبتقطع في قلبي ليل ونهار !!!
أجابتها يسرا بحده وأسي٠٠٠٠مش باين يا نرمين،،والدليل علي كلامي إن بدل ما تكفري عن ذنبك وتقفي مع ولاده،،جايه وبكل بجاحه عاوزه تقاسميهم في الحاجه الوحيده إللي فضلالهم منه وهتسندهم في حياتهم لحد ما يكبروا،،وهي الورث ،،،،
وتحدثت بأسي٠٠٠٠علي العموم الكلام مش هيغير إللي إحنا فيه ،،أنا هتصل بياسين علشان نقابله !!!!
أجابتها نرمين برفض ٠٠٠٠٠لا مش هينفع خالص إنهارده،،محمد علي وصول وأنا لازم أروح قبل ما يرجع ويعرف إني خرجت ،،،،نتقابل بكره ،،
وافقتها يسرا وذهبت نرمين إلي منزلها بعدما أعادت شقيقتها إلي منزل والدتها !!!
◇◇◇◇◇◇¤◇◇◇◇◇◇
داخل جناح ياسين ليلآ !!!
إقتربت ليالي بدلع مرتديه ملابسها المثيره إلي الجالس فوق تختهِ مٌمسك بيدهِ كتابً يقرأ بهِ ،،وذلك حسب خطة منال التي رسمتها لها
وتحدثت بحزن مٌصطنع٠٠٠٠٠علي فكره يا ياسين،، أنا زعلانه منك أوي !!
رفع بصرهِ ناظراً عليها مضيقاً عيناه بإستنكار قائلآ بطريقه مستفزه ٠٠٠٠٠إتفلقي !!
إنتفضت بحده وتحدثت بإستغراب ٠٠٠٠إنت بتقول أيه يا ياسين ؟؟
أجابها ياسين ببرود مٌميت٠٠٠٠ إللي سمعتيه يا ليالي،،،بقولك إتفلقي،،،،،مستنيه تسمعي مني أيه،،أنا أسف يا روحي؟؟
لا ،،،إنسي،،،،،، أنا ما بتأسفش يا ماما ومش أنا خالص إللي هنحني لواحده ست وأعتذرلها مهما كانت هي مين !!
هٌنا نزلت دموعها من شدة قسوتهِ عليها وقالت ٠٠٠٠إنتَ إزاي قلبك قاسي كده ؟؟
وأكملت بإنكسار مٌصطنع٠٠٠٠٠هي دي مقابلتك ليا بعد غيابي عنك المده دي كلها ؟ هو ده حبك ولهفتك عليا ؟؟
تحدث هو بحده٠٠٠٠والبعد ده مين إللي إختاره يا هانم ؟؟
وأكملَ مٌعنفاً إياها٠٠٠٠٠للأسف يا ليالي،،،غبائك صورلك إن لما تبعدي وتسيبي البيت هتقهر من بٌعدك عني وأجيلك أنحني علي رجليكي وأتوسلك ترجعي وبالشروط إللي تؤمري بيها !!!
بس طلعتي غبيه أوي،،، ونسيتي إنك متجوزه ياسين المغربي،،، إللي مافيش ست قدرت تكسره ولا تخليه ينحنلها ،،،لسه ما أتخلقتش اللي تذل ياسين المغربي يا مدام !!!
إرتمت داخل أحضانه بدلال قائله بهمس داخل أٌذنه٠٠٠٠٠٠أرجوك يا ياسين،،إنسي كل إللي فات وتعالي نبدأ من جديد،،،،،
وهمست برقه بأٌذنه٠٠٠٠٠بحبك يا ياسين ،،،،،بحبك وبجد وحشتني !!
لم يتحرك لهٌ ساكن ولم يوليها أية إهتمام !!!
خرجت من بين أحضانه وتحدثت بدموع ٠٠٠٠٠٠جبت القساوه دي كلها منين؟؟
بقولك وحشتني ،،هو أنا ما وحشتكش ؟؟
ولا عاوزني أنزل علي رجلك أبوسها وأتأسفلك وإنت إللي غلطان فيا ؟؟
حدثها ياسين بجبروت٠٠٠٠٠أه يا ليالي ،،هو ده إللي أنا عايزه بالظبط،،،،إنك تتأسفي وتعلني عن ندمك وغبائك في تصرفك وإنك مش هتكرري غبائك ده تاني !!
نظرت لهٌ ليالي بإستغراب وتحدثت بإستعلاء٠٠٠٠٠أنا مغلطش يا ياسين علشان أتأسف ،،،إنتَ كٌنت عاوزني أعمل أيه وإنت مٌصمم تتجوز عليا ،،
أقعد أحط إيدي علي خدي وأندب حظي،،،ولا أروح معاك وإنتَ بتكتب كتابك علي الهانم وأزغرطلك كمان ،،،،إنت بجد بجح أوي وغريب !!!
أجابها ياسين بحده وصوتٍ جهور ٠٠٠٠٠لا يا هانم،،،،،، تعتذري لأنك غبيه ومجرد تابع،،،،
وأكملَ معنفاً إياها٠٠٠٠٠علي ما أتذكر يا هانم إن يومها كنا هنا في نفس الأوضه دي ،،،
وإتكلمنا وأتعاتبنا وإتفقنا،،، ونمتي في حضني علي نفس السرير ده وأنا سعيد وفاكر نفسي متجوز ست بتفهم ومخها كبير وإستوعبت الموقف إللي الظروف حطت جوزها فيه ،،،،
وبعدها أيه إللي حصل يا مٌستقله يا أم عقل كبير ،،،،،
تيجي حتة عيله زي نرمين وتلعب بعقلك وتسمعي كلامها هي وأمي وتمشي وتسيبي بيتك،،،،،قال يعني كده هتكسريني،،،،
وأكملَ ٠٠٠٠٠٠وعلي فكره بقا علشان تكوني عارفه ،،،أنا الست إللي ما تسمعش كلامي وتنفذه بالحرف الواحد ماتلزمنيش ،،
ولازم تعرفي كمان إنك موجوده هنا بس علشان خاطر أمي وسيلا ليس إلا !!!!
ألقت نظرة غضب عليه وتحدثت بحده٠٠٠٠٠٠يظهر إني رخصت نفسي معاك زياده عن اللزوم يا سيادة العقيد ،،،،بس ملحوقه !!
وذهبت لفراشها إرتمت عليهِ بعنف لتستعد لنومها
أما هو فابتسم ساخراً وأكملَ قرائة كتابه بلا مبالاه !!!
◇◇◇◇◇¤◇◇◇◇◇
في صباح اليوم التالي !!!!
كان وليد عبدالرحمن يدلف إلي جراج العائله ليٌخرج بسيارته للذهاب بها إلي العمل ،،
وجد مٌني عاملة منزل ثريا تقترب عليه وهي تتلفت حولها قائله بوجهِ بشوش ٠٠٠٠٠٠صباح الخير يا وليد باشا !!!
نظر لها مٌستغرباً ٠٠٠٠٠٠مٌني؟؟خير فيه حاجه ؟؟
إقتربت منهٌ وهي تتلفت حولها بقلق قائله ٠٠٠٠٠كل خير يا باشا إن شاء الله،، أنا جايه أقول لحضرتك كلمتين علشان أكون خلصت ضميري من ربنا !!!
نظر لها مٌضيقآ عيناه بإستغراب وتحدث٠٠٠٠٠كلمتين أيه دول يا مٌني إللي جايه تقولهوملي ؟؟
إتكلمي أنا سامعك !!!
إسترسلت حديثها بنبرة قلقه وسريعه ٠٠٠٠ أنا طبعاً عرفت زيي زي غيري إن حضرتك كنت عاوز تتجوز ست مليكه،،،لكن ياسين باشا الله يسامحه وقف في وش حضرتك وإتجوزها هو !!!
لكن إللي بيحصل مع مدام مليكه ده حرام ومايرضيش ربنا ،،،
وبصراحه بقا أنا حاسه إن الست مليكه ندمانه علي الجوازه دي،،
ولو رجع بيها الزمن تاني أكيد هتوافق علي جوازها من حضرتك، ،،ماهو ماحدش بيرضي بالظلم علي نفسه يا باشا !!
تحدث وليد مٌستفسراً وقد لمعت عيناه بالتشوق لمعرفة ماهو قادم ٠٠٠٠تقصدي أيه بالظلم إللي واقع علي مليكه من ياسين يا مٌني ؟؟
مٌني وهي تدعي الخجل وتنظر للأسفل ٠٠٠٠لامؤاخذه يا باشا،،هي الست مننا بتتجوز ليه،،،،مش علشان تلاقي راجل ياخدها في حضنه ويضمها في ليالي الشتا البارده ويحسسها إنها ست ؟؟
نظر لها وليد وتحدثَ مٌبتسماً بتسلي٠٠٠٠٠أيه يبت يا مني الإنحراف إللي إنتي بقيتي فيه ده ؟؟
يخربيتك دأنا كنت فاكرك مؤدبه،،،،،ماعلينا ياستي ،،،
بردوا ما قولتليش تقصدي أيه بكلامك ده ،،،،
وإخلصي وإنجزي علشان متأخر علي شغلي ومش فاضي للت الحريم إللي علي الصبح ده !!!
تحدثت مٌني علي إستعجال٠٠٠٠٠معلش يا باشا إستحملني شويه ،،،والله أنا قصدي مصلحتك،،،،
بص يا باشا،،، الموضوع إللي عاوزه أوصلهولك هو إن من ساعة جواز ياسين باشا ب مليكه هانم محصلش بينهم أي حاجه من إللي هي بتحصل بين المتجوزين دي يعني !!!
نظر لها بتشوق لما هو قادم ٠٠٠٠٠وإنتي يا بت عرفتي منين الكلام ده ؟؟
أجابتهٌ مٌني ساخرتاً٠٠٠٠٠ده حاجه واضحه زي عين الشمس يا وليد بيه ،،،،
وهو لمؤاخذه ده هيحصل إزاي وكل واحد منهم في أوضه لواحده وقافل بابها علي نفسه ،،،
هيحصل بالاسلكي إللي لامؤاخذه بيقولوا عليه ده !!!
لمعت عين وليد قائلآ بشغف٠٠٠٠٠٠إنتي عاوزه تفهميني إن ياسين ومليكه مش بيناموا في نفس الأوضه ؟؟
أكملت مٌني حديثها بنفي ٠٠٠٠٠لا ياباشا،،، ياسين باشا حاطت حاجته في جناح لواحده ومش معتبر الهانم مراته أصلآ،،،
وأنا بقا جيت لحضرتك يمكن تلاقي حل للمسكينه دي وترحمها من الظلم إللي هي عايشه فيه !!!
إلتمعت أعين وليد وظهر بداخلها بريقٌ أمل جديد وتحدث٠٠٠٠برافوا عليكي يا مٌني عملتي خير إنك جيتي قولتيلي وأنا من ناحيتي هحاول بكل قوتي أخلص مليكه هانم من الجوازه المهببه دي !!!
شكرها وليد وأخرج لها بضعة ورقات من الفئه المتوسطه علي تلك المعلومه السريه الخطيره التي أدلت بها لهٌ وذهبت هي إلي مطبخ ثريا وكأن شيئآ لم يكن !!!!
◇◇◇◇◇¤◇◇◇◇◇
في نفس اليوم إتصلت يسرا بياسين ليتقابلا معهٌ هي ونرمين وبالفعل تقابلا بإحدي الأماكن العامة، ،، وقد قصت عليه يسرا كل ماحدث !!!
نظر لهما ياسين مٌضيقاً عيناه مٌتسائلآ٠٠٠٠وياتري بقا أيه إللي موجود في الفيديو يخلي الحقير ده يتجرأ ويهددك بيه وهو عارف كويس أوي سيادتك من عيلة مين !!!
إبتلعت نرمين لٌعابها بصعوبه من خوفها ،،،
بينما بادرت يسرا بالحديث٠٠٠٠٠٠ورحمة بابا ورائف وغلاوتهم عندك ما تسأل السؤال ده ولا تحاول تعرف أيه إللي جوه الفيديو يا ياسين !!
نظر لها مٌستغربآ وتحدث٠٠٠٠٠ياه يا يسرا ،،،للدرجادي الموضوع صعب،،شكل الهانم مهببه مٌصيبه وكبيره كمان !!!
أجابتهٌ يسرا بكذب ٠٠٠٠٠الموضوع مش صعب أد ما هو سر بين أخت وأخوها ،،،وأظن من حقنا ماحدش يعرفه يا ياسين !!!
تحدثَ ياسين موجهاً بصره إلي نرمين٠٠٠٠التقارير بتاع حادثة رائف أثبتت إن رائف الله يرحمه كان سايق بسرعه جنونيه،،،أيه إللي حصل يومها يا نرمين ؟؟
وأكملَ بوعيد٠٠٠٠٠٠ورحمة رائف لو أكتشفت إن ليكي علاقه٠٠٠
لم يكمل باقي حديثه قاطعته يسرا بكذب٠٠٠٠٠أرجوك يا ياسين صدقني نرمين ملهاش ذنب فى إللي حصل لرائف ،،تفتكر أنا كنت هسكت لو عرفت حاجه زي كده ؟؟
وزي ماقولتلك،، إللي موجود في الفيديو مجرد كلام أخت مع أخوها وأرجوك يا ياسين توعدني إنك تتخلص من الفيديو من غير ما تحاول تعرف أيه إللي فيه، ،أرجوك !!!!!
أماءَ لها بتفهم فهو حقآ يحترم يسرا ويقدرها ويقدر عقليتها الكٌبري وقال٠٠٠٠٠٠وأنا إحتراماً لرغبتك هوافق علي كلامك بس علشان أنا واثق في عقلك يا يسرا ،،
والموضوع ده إعتبروه إنتهي،،،
ثم نظر إلي نرمين وأكمل٠٠٠٠٠أما الزباله ده يكلمك بكره،،قوليله إديني فرصه أتصرف في الفلوس علشان ما حدش يحس بحاجه ،،،
وأنا إن شاء الله الموضوع مش هياخد معايا أكتر من يومين تلاته بالكتير ،،،
ثم أكملَ ٠٠٠٠٠٠إديني الرقم بتاعه وأنسي الموضوع تماماً ،،،
وطول ماأنا عايش علي وش الدنيا مش عاوزكم تقلقوا من أي حاجه،،،،
وعاوزكم تتأكدوا إن إللي يفكر يمسكم ولو بكلمه هنسفه من علي وش الدنيا ،،،لسه ما أتخلقش اللي يهددكم وأنا موجود !!!
شكرتهٌ الفتاتان بعرفان ورجعت كلٍ منهما إلي منزلها دون أن يشعٌر بهما أحد !!!!
_____________________________
جاء يوم الجمعه !!!
موعد تجمٌع العائله الإسبوعي علي الإفطار بمنزل ثريا ،،
لم تلتقي مليكه ب ياسين مٌنذ ذلك اليوم، ،
أو بمعني أصح لم ترد لقائه فقد كانت تتجنب أي لقاء يجمعها به ،،،
خرجت من باب الفيلا مٌتجهه إلي مجلس العائله في الحديقه علي غضض عيناها !!!
وجدت ليالي تقف عند المسبح تنظر لهٌ بضيق،، إتجهت إليها مٌتلاشيه نظرات ذلك العاشق الولهان الذي أخذ قلبه بالضجيج والأنين عند رؤياها ،،،
فقد إشتاق رؤيتها حد الجنون ،،
هي من منعت حالها عنه ،،ولكن ماذاد بعادها إلا توهج عشقها بقلبه وتملكه،،،
وقفت بجانبها وحمحمت بإحراج وتحدثت٠٠٠٠٠إزيك يا ليالي،،حمدالله على السلامه !!!
نظرت لها بحده ونظرات غاضبه وتحدثت بسخريه٠٠٠٠٠مش متأخره شويه يا مدام ؟؟
أجابتها مليكه بإحراج٠٠٠٠٠أنا لو أضمن إنك مٌتفهمه الوضع إللي أنا إتحطيت فيه غصب عني ومش زعلانه مني وهتعامليني كويس ،،صدقيني كٌنت جيتلك من أول يوم رجعتي فيه !!!
أجابتها ليالي بحده وأستعلاء ٠٠٠٠٠بٌصي يا مليكه ،،،لؤم وكوهن الستات ده مش هيخيل عليا،،يخيل عليهم كلهم أه،،،لكن أنا ،،،لاء يا قلبي،،
مبروم علي مبروم ما يرولش يا روحي !!
ونظرت لها بكبرياء وسخط وتركتها وتحركت دون أن تٌعطيها حق الرد !!!
تنهدت مليكه بضيق وحزنت من معاملة تلك الليالي المتعجرفه ،،،تنفست الصعداء وألتفت لتذهب إلي حيث جلوسهم
وجدت بوجهها وليد الذي حدثها وكأنهٌ الفارس الهمام الذي أتي لينقذ أميرته الأسيرة ،،تحدثَ بإنتشاء٠٠٠٠مليكه ،،أنا عرفت كل حاجه وإن شاء الله إنهارده هحللك مٌشكلتك وهخلصك من الجوازه المشؤمه دي !!
نظرت لهٌ بإستغراب وتركتهٌ وذهبت لمقعدها وجلست بجانب يسرا ،،،
وحدثت حالها٠٠٠٠بما يٌهذي هذا الوليد ؟؟حقآ ما كانَ يٌنقصني غير ذلك المعتوه ليشوش عقلي أكثر !!!
جلس الجمع يتناولون الإفطار في جو يكسوهٌ بعض المشاحنات ،،،ليالي،،،منال،،،،وليد،،،،ياسين،،،
نظر وليد إلي ياسين ثم وجهَ حديثهٌ للجميع قائلآ ٠٠٠٠تفتكروا يا جماعه ايه حٌكم الشرع في واحد إتجوز واحده وما عاشرهاش معاشرة الازواج زي ربنا ما أمر،، هل الجوازه دي كده تبقي صحيحه وشرعيه وتجوز ،،ولا لا تجوز ؟؟
إنتفض جسدها وأقشعرَ بدنها نظرت علي الفور إلي ياسين وجدتهْ مصوب نظرهِ كالرصاص علي ذلك الوليد
رمقهٌ ياسين بنظره كالرصاص مٌتحدثاً بحده وصرامه٠٠٠٠٠ إللي لا يجوز بجد هي مهاتراتك البايخه دي في وسط قاعده فيها ستات وبنات مراهقات يا وليد بيه !!
إستشاط وليد غضباً من تهكم ياسين عليه وتحدث بإستفزاز ٠٠٠٠٠دي مش مهاترات يا ياسين باشا،،ده سؤال في صميم الدين ،،،،،ثم إشمعنا إنتَ بالذات اللي حرقك الكلام أوي كده وخدته علي صدرك ،،،
وأكملَ مٌتهكماً٠٠٠٠٠٠ولا هو الكلام جه علي الجرح !!!
تحدث طارق مٌتهكماً٠٠٠٠جري أيه يا وليد،، مالك يلا ما تظبط كده علي الصبح !!
نظرت ليالي إلي مليكه بتشفي وأبتسمت ساخرتاً علي حديث وليد المقلل لشأنها ،،،،
إبتسمت راقيه وتحدثت إلي زوجها الجالس بجانيها ٠٠٠دي شكلها كده هتحلو أوي !!!
رمقها عبدالرحمن بنظرة حاده أخرستها !!!
أما مليكه كان إرتعاش جسدها وخفقان قلبها بشده ورعبها هما سيد موقفها ،،،أمسكت يسرا يدها لتٌطمئنها ،،،و باتَ عز مٌتأكداً أن وليد علمَ بالإتفاق !!!!
نظر لهٌ ياسين بنظرة إستفهام وتحدث مٌتهكماً مٌستفزاً إياه ٠٠٠٠ماتخليك راجل وتدخل في الكلام علطول بدل تلقيح النسوان إللي علي الصبح ده ؟؟
إنتفضَ وليد من جلستهِ بغضب ووقفَ قائلآ ٠٠٠٠٠٠تلقيح نسوان؟؟
طب خد عندك كلام الرجاله بقا يا ،،،،،يا راجل
ثم تحركَ ووقف برأس منضدة الطعام الطويله
وتحدث بعنف٠٠٠٠٠٠هو ينفع يا عز باشا إبنك يحَرم مليكه عليا ويتجوزها هو ويقولي أنا خاطبتها من بباها قبلك ،،،،
وبعد ما يكتب كتابه عليها يهملها وما يعتبرهاش زوجه ليه ونايمين كل واحد منهم في أوضه،،،
وأكملَ مٌعترضاً٠٠٠٠٠طب كان ليه من الأول لما هو مش هيحترمها ويديها حقوقها الشرعيه زيها زي ليالي ،،،،ردوا عليا كلكم هو ده يرضي ربنا ؟؟
إنتفض ياسين هو الآخر من جلسته وتحدث بحده٠٠٠٠٠إنتَ إزاي يا حيوان تسمح لنفسك تتدخل في حاجه حساسه زي دي،،،،
دي حاجه خاصه بيني وبين ومراتي أيه اللي يحشرك فيها ؟؟
وقفت ليالي بغضب موجهه حديثها الغاضب لهٌ قائله ٠٠٠٠٠مراتك ؟؟هي مين دي إللي مراتك يا ياسين ؟؟
رمقها بنظره كادت أن تحرقها وأشار لها بيدهِ لتجلس،،ونظر لها بغضب أخرسها ،،،جلست مكانها من جديد وجسدها ينتفض غضبآ !!!
إنتفض طارق من جلسته مناصراً أخاه قائلاً بحده ٠٠٠٠٠إلزم حدودك في الكلام يا وليد وخليك راجل محترم و متدخلش في إللي ملكش فيه !!!!
تحدثت ثريا هي الأخري بغضب٠٠٠٠٠وليد،،، دي خصوصيات بيتي وأنا ما أسمحش لأي حد مهما كان هو مين إنه يتعدي حدوده ويتدخل فيها !!!
تحدث عز لينهي الحرب القائمه٠٠٠٠٠٠إهدي يا ثريا إنتي وياسين،،،،وإنت يا وليد زي ما ياسين قالك دي حاجه بينه وبين مراته ،،،فبلاش تحشر مناخيرك دي فيها وبطل إستفزاز !!!
تحدث وليد بتمثيل٠٠٠٠٠يعني أيه يا عمي ما أتدخلش،،،،هي مليكه دي مش أمانة رائف لينا كلنا،،،وكمان هو مش الساكت عن الحق شيطانً أخرس ؟؟
يبقي لما ألاقيها مظلومه وقتها لازم أتدخل وأجبلها حقها !!!
رمقهٌ عبدالرحمن بنظره حاده هادرآ به٠٠٠٠٠٠وليد ،،،إسمع كلام عمك وأسكت خالص ملناش دعوه،، واحد ومراته هما أحرار في إللي بينهم !!!
تحدث ياسين بنبرة صوت ساخره ناظراً لعمه ٠٠٠٠٠لا يسكت إزاي يا عمي،،، مش لازم يقرف الناس إللي حواليه بكلامه وتدخلاته البايخه في حياتهم !!!
ثم نظر لوليد متحدثاً ببرود٠٠٠٠٠٠بس أنا هريحك يا وليد علشان تكون مطمن علي أمانة إبن عمك زي ما بتقول ،،،،
وأكملَ بتفسير٠٠٠٠ سبب نومي في أوضه لوحدي مش قلة إحترام لمليكه زي ما أدعيت ،،،،بالعكس،،، ده قمة الإحترام ليها ،،،،
مليكه مراتي وليها عندي كامل الحقوق و الإحترام ،،،وكرامتها من كرامتي بالظبط ،،،،
أما بقا بالنسبه للسر الخطير إللي حضرتك عرفته ،،،،،فاأحب أطمنك وأقولك إن أنا عملت كده مخصوص علشان أديها وقت لحد ما تاخد عليا ونقرب من بعض ،،،،
بس مادام إحترامي ده إتفسر غلط فاأنا هريحك !
ونظر لهٌ بتخابث وتحدثَ ساخراً٠٠٠٠٠٠هو أنا يهون عليا زعلك بردوا يا حبيبي !!
وأخذَ بالنداء بعلو صوته ٠٠٠٠٠٠عَليه ،،،،يا عَليه !!!!
أتت عَليه مهروله إليه مٌتحدثه بإحترام٠٠٠٠٠٠٠أفندم يا ياسين باشا !!!
نظر لها وتحدث بقوه ٠٠٠٠٠تاخدي معاك إتنين من الشغالين وتطلعي حالآ تنقلي حاجتي كلها لجناح مدام مليكه !!!
وقفت مليكه بإستسلام وتحدثت بحزن ناظره إلي وليد٠٠٠٠٠مبسوط يا وليد بيه،،،،يارب كده تكون إرتحت !!
ثم دلفت للداخل سريعاً بدموعها وحسرت قلبها،،،
دلف ياسين خلفها تابعتهٌ ليالي المٌستشاطه غضباً ،
نظرت راقيه إلي ثريا ومنال وتحدثت بنبرة صوت مٌتهكمه٠٠٠٠صدق إللي قال،،الحيطان ياما بتداري !!!
دلفت ثريا للداخل وتحركت منال وجيجي إلي منزلهما
نظر عز إلي طيف ياسين مٌبتسماً بشرود وهو يحك ذقنه بتسلي !!!
،،وتفرقت الجلسه من بعد تلكَ المشاحنات
دلفت للداخل سريعاً وهي تبكي بمراره وأرتمت علي الأريكة ،،،
وقف ينظر لها وتحدث بنظرات حنونه مٌتعاطفه ٠٠٠٠٠ما كانش فيه حل تاني قدامي أنقذ بيه كرامتك ورجولتي إللي بهدلهم قدام الكل !!!
نظرت لهٌ بضعف ودموعها تسيل بألم ٠٠٠٠٠أنا خلاص تعبت ،،،مش قادره بقا حرام عليكم أرحموني علشان خاطر ربنا !!!
هٌنا أتت ليالي وربعت يداها علي صدرها قائله بغضب ٠٠٠٠٠اللي قولته ده مش هيحصل ولو علي جثتي يا ياسين !!!
رمقها بنظرة غضب ٠٠٠٠٠٠بلاش تقفي قدامي السعادي يا ليالي ،،،مش هسيب أنا كرامتي ورجولتي سيره في بق إللي يسوي واللي مايسواش علشان خاطر سيادتك ويلا علي البيت علشان بجد مش نقصاكي ،،،يلااااااا !!!
نظرت بغضب علي مليكه وحدثتها بعنف٠٠٠٠٠٠ماشي يا مليكه،،،ماشي !!!
وذهبت بغضب لمنزلها
تركها وصعدَ للأعلي يشرف علي نقل أشيائهٌ بنفسه ،،وجد عَليه ومٌني وعامله أٌخري تٌدعي هدي بدأو بالفعل نقل أشيائهٌ لغرفتها !!!
دلف لغرفتها وخطي خطوتهِ الأولي للداخل بقلبِ طائر بنشوه وحنين لأيامِ أتيه ينتظرها منذ الكثير،، بدأ بإستكشاف الغرفه بتمعن،، نظر علي كل شيئ بعشق حتي فرشاة شعرها،،، كاد لو يأخذها ويشتم رحيق عطر شعرها
نظرت لهٌ عَليه وتحدثت بإحترام ٠٠٠٠٠كله تمام يا باشا،، جبنا الحاجات وبنوضبها وقربنا نخلص !!!
أجابها بعمليه ٠٠٠٠تمام يا عَليه ،،،خدي هدي وإنزلي شوفي المطبخ ،، وأنا هرتب الباقي مع مٌني !!!
أجابتهٌ بإحترام ٠٠٠٠تحت أمرك يا باشا !!!
نزلت وأخذت معها العامله وأغلقت خلفها الباب !!!
هنا نظرت لهٌ مٌني بإبتسامه قائله ٠٠٠٠٠كٌله تمام يا باشا !!!
إبتسم لها ياسين برضي قائلآ ٠٠٠٠برافو عليكي يا مٌني !!!
ما الذي فعلتهٌ مٌني ليشكرها عليه ياسين ؟؟؟؟؟؟؟
🦋البارت السابع عشر 🦋
نظرت لهٌ مٌني بإبتسامه وتحدثت بإحترام٠٠٠٠٠٠٠كٌله تمام يا باشا !!
أجابها ياسين بإبتسامة نصر ٠٠٠٠٠برافوا عليكي يا مٌني ،،،أديتي المهمه بنجاح مٌبهر ،،،من إنهارده خلاص إنتي بقيتي دراعي اليمين جوه الفيلا !!!
________________
عوده إلي أربعة أيام ماضيه !!!
دلف ياسين ليلاً إلي فيلا رائف ليصعد لجناحهٌ المجاور لأميرته الساخطه عليه ليغفي بداخلهٌ وحيداً،، كان الوقت مٌتأخراً والجميع نيام،، دلف إلي المطبخ وجد هدي العامله مازالت مٌستيقظه،، فطلب منها إيقاظ مٌني وبالفعل ذهبت العامله وأيقظتها !!
أتت مٌني علي عجل وهي تتأوب وتحدثت بإحترام ٠٠٠٠مساء الخير يا ياسين باشا، ،تحت أمرك !!!
نظر لها ياسين ببرود مٌميت وتحدث٠٠٠٠٠إعمليلي فنجان قهوه وطلعهولي علي الجنينه يا مٌني !!!
نظرت له مٌني بإستغراب وحدثت حالها ٠٠٠٠قهوة،،أتيقظني من ذروة نومي لأحضر لك القهوة،،يالكَ من رجٌل بارد قاسي عديمٌ الرحمة !!!
نظرت لهٌ وتحدثت بإنصياع تام٠٠٠٠٠أؤامرك يا باشا خمس دقايق ويكون فنجان القهوة عند حضرتك !!!
إنسحب ياسين بهدوء وجلس بالحديقه وبعد مدة قصيرة كانت مٌني تحضر له قهوتة
أخذ منها الفنجان وهو يرمقها بنظرات مٌتفحصه دبت الرعب داخل قلب تلك المٌني
وتحدث هو بعدما أرتشفَ بعض قطرات القهوة٠٠٠٠مبسوطه هنا مع عمتي يا مٌني ؟؟
أجابته بإحترام وصوت مٌهزوز بعض الشئ من نظراته وكلماته ٠٠٠٠الحمدلله يا باشا، ،هو حد يطول يشتغل ف بيوت عيلة المغربي، ،دانتوا خيركم مغرقني من ساسي لراسي !!!
رمقها بنظرة حارقه وحدثها بحده وغضب٠٠٠٠٠ولما هو خيرنا مغرقك زي ما بتقولي بتقابلي الخير ده بالخيانه ليه يا روح أمك ؟؟
دب الرعب داخل أوصال مٌني وتحدثت بإرتباك٠٠٠٠٠ خيانه،،،،خيانة أيه ياباشا إللي بتقول عليها كفانا الشر ؟؟
رمقها بنظرة باردة وتحدث بنبرة صوت حازمه ٠٠٠٠٠إخرصي يبت وأسمعيني كويس،،أنا عارف من زمان إنك شغالة لحساب منال هانم وبتنقللها كل حرف بيحصل هنا ،،ومع ذلك ساكت وبقول أهو شغل حريم وبيتجسسوا ع بعض ف شوية أخبار تافهه،،نميمه يعني وكيد ستات مش أكتر،،
وأعتدل في جلسته ونظر لها كادت نظراته أن تفتك بها وتنهيها وتحدث بفحيح مٌخيف٠٠٠٠لكن توصل بيكي الجرأة والحقارة إنك تبلغيها بأخباري أنا شخصياً ،،
فاأحب أقولك إنك بعملتك السودا دي لعبتي ف عداد عمرك وشفرتيه يا غبيه !!!
إرتمت مٌني تحت قدميه وهي تقبلهما بدموع وندم ٠٠٠٠أحب علي رجلك يا باشا،،أنا مليش ذنب والله ف إللي حصل، ،
أمسك ياسين يدها بهدوء وأبعدها عن قدمه قائلاً بدهاء ٠٠٠٠تؤ تؤ تؤ تؤ،،، ليه كده بس يا مٌني،،ينفع كده تشيليني ذنوب ؟؟
نظرت لهْ بإستعطاف وتحدثت بدموع٠٠٠٠سامحني يا باشا وبلاش تأذيني الله يخليك صدقني كان غصب عني ، منال هانم هددتني إني لو مسمعتش كلامها هتلبسني تهمه ومش هخرج من هنا غير علي السجن !!
تحدث هو بهدوء مٌميت ٠٠٠٠ولما هو ده إللي حصل مجتيش بلغتيني ليه ؟؟
أجابتهٌ من بين رعبها ودموعها٠٠٠وهو حضرتك يا باشا كنت هتصدقني وتكدب لمؤاخذه والدة حضرتك ؟؟
حدثها بحده وعيون صاخبه مليئه بالغضب ٠٠٠٠وهو إنتي كمان بتقرري عني هصدق أيه ومصدقش أيه ياروح أمك ؟؟
تحدثت بدموع وأستعطاف٠٠٠٠٠أبوس أيدك سامحني يا باشا وأنا تحت أمرك ف إللي هتأمرني بيه ،،بس سامحني،، وغلاوة ستي مليكه عندك تسامحني !!!
نظر لها بشك وريبه وتأكد أنها أذكي مما توقع لذكرها لإسم مليكه عنده،، فتحدث بإبتسامة ماكرة٠٠٠٠ماشي يا مٌني،،وأنا يا ستي مٌستعد أصفح عنك وأسامحك لكن بشرط !!!
تهللت أسارير مني وأبتسمت وكأنها وجدت خلاصها وتحدثت بسعاده٠٠٠٠وأنا تحت أمرك يا باشا لو قولتلي أرمي نفسك في البحر هنفذ من غير ماأفتح بوقي بكلمه !!!
نظر لها مٌضيقاً عيناه وإبتسم بتسلي قائلاً ٠٠٠٠مش للدرجادي يا مٌني ، هو طلب بسيط هطلبه منك وتنفذيه زي ماهقولك عليه بالظبط،، بس قبل ماأتكلم حابب أنبهك وأعرفك من الأول،،، إن لو حد شم خبر عن الموضوع ده إعتبري نفسك ف خبر كان،، إتفقنا يا مٌني !!!!
إبتلعت لعابها وتحدثت بإنتشاء ٠٠٠٠إتفقنا يا باشا !!!!
__________________
عوده للحاضر !!!!!!
تحدثت مٌني بإعجاب مادحتاً ذكاء سيدٌها٠٠٠٠٠ بس حضرتك يا باشا الله أكبر عليك ،،إللي كان يشوفك مايشكش لحظه واحدة إن حضرتك عندك علم بالموضوع !!!
إبتسم ياسين وأكمل٠٠٠٠٠وإنتي كمان يا مٌني كان ليكي دور كبير ف نجاح الخطه ووليد بيه سهل عليا المهمه جداً بتهورة وطمعه !!
وأخرج من جيب سترته رٌذمتين من الورق المالي ذاتَ الفئه العاليه وأعطاهم لها قائلآ٠٠٠٠خدي دول علشانك ،،
وأكمل بتهديد ٠٠٠٠٠٠٠وزي ما قولتلك ،،لو أي حد أخد خبر باللي حصل بينا ده،،،إعتبريه أخر يوم في عمرك،،،
وبالنسبه ل منال هانم أنا هبقي أقولك تقوليلها أيه لما تسألك تاني عن أي حاجه هنا في الفيلا ،،،وإياكي تبلغيها بأي حرف قبل ما تلجأيلي،، وإلا إنتي عارفه !!!
نظرت مٌني للمال بشغف قائله بتمنع مٌصطنع٠٠٠٠٠خيرك سابق يا باشا ،،أنا مش محتاجه فلوس ده كفايه رضي سعادتك عليا ،،
وبعدين أنا يتقطع لساني قبل ما أنطق بحرف واحد !!!
نظر لها ياسين وتحدثَ بحده٠٠٠٠خدي الفلوس يا روح أمك وماتعملهومش عليا،،، يلا خبيهم قبل ما حد يدخل ويشوفهم معاكي ،،،وأنا هنزل وزي ما أتفقنا،،،هتبلغيني بأي حاجه تحصل هنا ،،وخصوصاً لو كانت تخص مدام مليكه !!
◇◇◇◇◇¤◇◇◇◇◇
في الأسفل !!!
مازالت علي جلستها ،،تبكي وتنتحب ،،تجاورها يسرا تحتضنها وتربت عليها بحنان
نظرت لها ثريا مٌشفقتاً علي حالها الذي يٌدمي القلوب وتحدثت ٠٠٠٠٠كفايه يا مليكه،،كفايه يا بنتي وجعتي قلبي !!
أجابتها مليكه بدموع وألم وأنكسار٠٠٠٠هو فعلآ كفايه يا ماما،،كفايه أوي لحد كده،، علشان بجد أنا تعبت وخلاص مابقتش قادره أتحمل أكتر !!!
وأكملت بذهول٠٠٠٠٠أنا مش فاهمه أيه إللي بيحصلي ده ،،عماله أطلع من مٌصيبه أدخٌل في إللي بعدها،،لحد ما خلاص قربت أكره حياتي !!!
وأكملت بهزيان٠٠٠٠٠كل شويه أتنازل وأرضي وأصبر،،،
ألاقيني دخلت في تنازل أكبر وبكل مهانه أقبل وأتنازل وأرضي،،،فاضل أيه تاني يا ماما، ،،لسه فاضل أيه تاني ممكن أتنازل عنه ؟؟
تنهدت ثريا بألم وتحدثت بأسي٠٠٠٠ياريت يا بنتي كان في إيدي حاجه أعملهالك ،،،صدقيني يا حبيبتي ماكٌنتش هاتأخر !!!
نظرت لها يسرا وتحدثت بطمئنه٠٠٠٠ماتقلقيش يا مليكه،،،ياسين حد محترم وأكيد عمره ما هيحاول يضايقك بأي شكل من الأشكال، ،،
وبالنسبه للي حصل ده كان غصب عنه ولازم تعذريه ،،، هو كان مجبور يعمل كده علشان شكلكم بعد كلام اللي إسمه وليد ده !!!
كان ينزل الدرج بإرتياح،، نظر علي تلكَ المٌنتحبه لحظها زفر بضيق وتحدثَ ببرود وتهكم٠٠٠٠٠مستعجله علي الندب ليه؟؟
إصبري يمكن يجيلك خبري قريب وساعتها إبقي إندبي براحتك يا حرمنا المصون !!
شهقت ثريا ويسرا قائلتان ٠٠٠٠٠بعد الشر عليك يا ياسين،،،ماتقولش كده !!!
رمقتهٌ بنظره غاضبه وتحدثت بألم وحده ٠٠٠٠٠٠كل إللي أنا فيه ده بسببك وبسبب أفكارك وإقترحاتك العبقريه،،وفي الاخر سيادتك جاي تلومني علشان حبة دموع بعبر بيهم عن قهرتي وعجزي وألمي إللي جوايا !!!
نظر لها بحزن وتنهد بألم لأجلها وتحدث بهدوء٠٠٠٠٠طب يلا إطلعي علي أوضتك إرتاحي وحاولي تنامي شويه وإنتي هتبقي كويسه !!
وقفت بغضب وتحدثت بحده٠٠٠٠٠أوضتي،،،،هي فين أوضتي دي يا ياسين بيه؟؟
قصدك الأوضه اللي هيشاركني فيها من إنهارده راجل غريب عني ؟؟
وأكملت بتهكم ٠٠٠٠٠وعن أي راحه سيادتك بتتكلم،،،،ما خلاص،،،،من إنهارده ما بقاش فيه راحه،،
ده أنا ما بقاليش الحق إني أقرر أي حاجه في حياتي ولا حياة ولادي،،،ده حتي أبسط حقوقي في البيت ده وهي النوم خلاص مابقاش من حقي أرتاح فيه بعد إنهارده !!!
تنفس بضيق وألتصقت أسنانهٌ ببعضها وقبض علي يدهِ بحركه عصبيه قائلآ من بين أسنانه٠٠٠٠٠٠خلي يومك يعدي علي خير وأطلعي علي أوضتك يا مليكه،،وأوعي تفتكري صبري عليكي وعلي غلطك ف حقي هيطول ،،ده بالفعل بدأ ينفذ يا مدام
وأكملَ بوعيد٠٠٠٠٠وقسماً بالله لو سمعت منك كلمة راجل غريب دي تاني لتشوفي وش مني عمرك ما شفتيه،،فاااااهمه !!
هدر بها عالياً وأشار بيده لها لأعلي الدرج ٠٠٠٠٠ودالوقتي يلا إطلعي علي فوق،،،،يلاااااااا !!
نظرت له بغيظ ودبت بأرجلها الأرض غاضبتاً وتحركت للدرج مٌسرعتاً خشيتاً غضبته
وخرج هو من المنزل بغضبٍ عارم
◇◇◇◇◇¤◇◇◇◇◇
أما ليالي التي ذهبت لمنزلها كالبركان هدأتها منال مبررتآ ما حدث أنه رد علي تدخل وليد وإهانتهٌ لهٌ !!
أجابتها منال بصبرٍ وتعقل٠٠٠٠٠إهدي يا ليالي وأصبري،،ياسين كان غصب عنه فاللي عمله وكلنا شفنا ده بعنينا ،،
أنتي بنفسك شفتي الزفت إللي إسمه وليد وكلامه الجارح لياسين،،ده لو متوصي ومتأجر علينا مكنش عمل كده !!!
وأكملت لتٌطمئنها٠٠٠٠٠وبعدين ماأنتي شفتي مليكه وردة فعلها،، يابنتي دي مش طايقه ياسين،،بذمتك ده شكل واحده تخافي منها علي جوزك،،،دي مستحيل توافق ولا تسمحله يقرب منها أصلاً،،،
إطمني كده وإهدي وقومي إطلعي أوضتك خدي شاور هدي بيه أعصابك،،ومتنسيش إللي إتفقنا عليه،،،أنسيلي كرامتك شويه يا ماما واركنيها علي جنب وحاولي تتراضوا إنهارده بأي شكل من الأشكال !!!
شهقت ليالي من وسط دموعها وتحدثت٠٠٠٠تمام يا عمتو،،،أنا هاسمع كلامك لما أشوف أخرتها أيه مع أبنك !!!
تركتها وصعدت لغرفتها !!!!
◇◇◇◇◇¤◇◇◇◇◇
دلف إلي جناحه بعد صلاة الجمعه
وجد ليالي واقفه ف شرفتها يبدوا عليها الحزن !!!
ذهب إليها ووقف بجانبها وتحدث بهدوء٠٠٠٠أنا عارف إنك زعلانه علشان إتنرفزت عليكي قدامهم،،لكن كمان ماتنكريش إن إنتي السبب ف ده ؟؟
كام مرة قبل كده قولتلك ونبهتك لما أكون متنرفز وبتكلم قدام حد ماتتدخليش وتعرضي نفسك لغضبي،،كان مٌمكن تستني لما نيجي بيتنا وتتكلمي وتعترضي براحتك وأنا كنت هسمعك !!!!
نظرت له بغضب وتحدثت بحده بالغه٠٠٠٠٠تفتكر كانت هتفرق بجد يا سيادة العقيد ،،وياتري فعلاٌ لو كنت إستنيت لما جينا هنا وفاتحتك كنت بجد هتتناقش معايا وتسمع كلامي وتنفذهولي ؟؟
زفر بضيق وتحدث بيأس ٠٠٠٠عارفه أيه أكتر حاجه بتضايقني منك يا ليالي ؟؟
نظرت له بإستفهام مٌنتظرة باقي حديثه !!!
أكمل هو ٠٠٠٠إسلوبك المٌتعجرف وطريقتك الغلط ف توصيل الكلام للي قدامك،،
للأسف يا ليالي إنتي معندكيش حنكة وإدارة وإنتقاء الكلام المناسب للمواقف ،،
وأكمل مٌستشهداً٠٠٠٠٠و أقرب مثال علي كلامي ده ،،كلامك اللي لسه قيلاه دالوقتي حالاً،،
كان ممكن بكل بساطه تقوليلي تسمعني وتفهمني وتحاول ترضيني ،، مش تسمع كلامي وتنفذهولي،،تفرق أوي يا مدام
ياخسارة،، كان نفسي بجد تكوني أذكي من كده ،،صدقيني كنا هنبقا متفاهمين أكتر من كده بكتير أوي !!!
نظرت له بإمتعاض لحديثه المٌغضب لها وتحدثت بحده٠٠٠٠٠برافوا يا ياسين،،،طول عمرك أستاذ ف إصتياد الأخطاء ومحاسبة الناس عليها،،،سيادتك سبت الكارثه إللي أحنا فيها ومسكت ف كلمه قولتها بعفويه وقت غضبي !!!
تنهد وزفر بضيق ناظراً للسماء وتحدث٠٠٠٠لان الكلام هو الوسيله الوحيده للتفاهم والوصل بين رؤي الأشخاص ياليالي،،
وأكمل بحكمه٠٠٠٠٠كل ما كانت طريقتك ف الكلام لينه وهاديه وراقيه كل ما عرفتي تتواصلي وتتفاهمي أكتر مع اللي قدامك،،علي العموم مش وقت الكلام ده ،،
وأسترسل حديثهٌ بهدوء٠٠٠٠٠أنا عارف إننا بعاد عن بعض الفترة دي وعلي فكرة كل ده بردوا بسببك مش بسببي خالص !
نظرت عليه بتعالي وأبتسمت بطريقه ساخره !!!
وأكملَ هو بطريقه عقلانيه٠٠٠٠٠٠كل إللي طالبه منك إنك تهدي وتحاولي تتجاوزي غضبك وماتظهرهوش قدام الولاد،،
ولادنا ملهومش ذنب يشفونا طول الوقت كده مكشرين ،،
علاقتنا بتمر بفترة صعبه وكلها مشاكل فلو سمحتي لحد مانهدي ونصفي كل إللي بينا ونرجع زي الأول لازم تتمالكي من أعصابك أكتر من كده !!
نظرت له بضيق وصمتت ونظرت امامها بغضب !!!!
◇◇◇◇◇¤◇◇◇◇◇
في نفس اليوم عصراً
داخل حديقة فيلا عز وبالتحديد داخل المسبح كان ياسين يسبح علي ظهرة بسعادة وأنتشاء إحتفالاً بنجاح خطته للوصول لقصر محبوبته،،
كان يجمع حوله جميع أطفال المنزل يسبحون حولهٌ بسعادة واضعاً بالصغير أنس فوق صدره بسعادة لا توصف ،،
تحدث حمزه طفل ياسين ناظراً إلي أنس ٠٠٠٠حاول تعوم معانا يا أنوس ومتخافش صدقني هتعرف ،،العوم ده سهل جداً بس إنت خليك واثق من نفسك !!!
هز الصغير رأسهٌ نافياً وتشبث أكثر بكتفي ياسين واجابَ بكذب طفولي٠٠٠أنا مش خايف بس أنا بحب عمو ياسين أوي وبحب أنام فوق صدرة وأنا بعوم ،،
وهز كتفيه بطريقه طفوليه ٠٠٠٠هي دي كل الحكايه يا حمزه !!
ضحك الأطفال عليه لعلمهم إدعائه بالقوه وعدم الخوف وهو يرتعب داخلياً من فكرة تركهُ وحيداً بالمسبح دون أن يمسك به أحد !!!
تحدث ياسين وهو يمسح فوق شعرة بحنان أبوي وتحدث ناظراً له بعيون مٌطمئنه٠٠٠٠بص يا أنوس،،أنا عارف يا حبيبي إنك شجاع وراجل أد الدنيا كلها ،،بس أنا عاوزك تبدأ تعوم لوحدك علشان تتعود ع كده
وأكمل محفزاً إياه٠٠٠٠علشان كمان لو حد غرق تعرف تنقذه ،،مش إنت بطل وبتحب تنقذ الناس ؟؟
هز الصغير رأسهٌ بسعادة
ثم أمسكهٌ ياسين ورفعهٌ لأعلي مداعباً إياه٠٠٠٠٠يلا عيب عليك تخاف من الميا وانتَ إسكندراني !!!
ضحك جميع الاطفال وألتفوا حول أنس لمداعبته
نظر ياسين وجد أباه يقترب عليه مٌرتدياً ملابس السباحه نظر إلي ياسين والأطفال وتحدث ٠٠٠٠٠إحنا فينا من النداله دي،،طب أدوني رنه يا أندال !!!
هللَ ياسر طفل يسرا بسعادة٠٠٠٠٠سعادة الباشا الكبير وصل !!
هلل مروان وأمير طفل طارق٠٠٠٠٠إنزل يا جدوا الميه حلوة أوي إنهاردة !!!
تحدث عز مداعباً لأحفادهٌ الغوالي ٠٠٠٠٠طب وسعوا كده علشان جدوا هيستعيد أمجادة ويبهركم بالقفزه الهايله بتاعته !!!
ثم قفز ببراعه فائقه أذهلت الجميع ومن بينهم ياسين الذي نظر لوالدةِ بفخر وتحدث ٠٠٠٠٠ده أيه الجمال ده كله يا باشا،، حضرتك وبكل براعه تفوقت علي نفسك !!!
نظر له عز وهو يسبح ويقترب منه وتحدث بلؤم ٠٠٠٠أنا يمكن تفوقت علي نفسي ف القفزه دي،،،لكن سعادتك تفوقت علي الجميع وقفزت لمبتغاك بمهنيه ومهارة عاليه ،،لدرجة إنها دخلت علي الكل ببساطه وعدت !!!
ثم إقترب منه وغمز بعيناه وتحدثَ ٠٠٠٠بس معدتش علي بابا يلا ،،إللي ربي خير من إللي إشتري يا إبن عز !!!
قهقه ياسين عالياً برجوله وتحدثَ ٠٠٠٠٠كٌنت مٌتأكد من كده والله ،،،بس أيه رأيك يا باشا ؟؟
أجابهٌ عز بإعجاب ٠٠٠٠٠٠أستاذ ورئيس قسم طبعاً ،، إنتَ لعبتها صح لدرجة إني إتمزجت وأنا بتفرج عليك وشويه وكنت هاأقوم أنحنيلك وأرفعلك القبعه قدامهم كلهم !!
ضحك ياسين برجوله وأردف ٠٠٠٠كله بتوجيهات معاليك يا باشا،،مش سعادتك قولتلي إعمل إللي إنتَ عاوزه المهم إنك تعرف تدير اللعبه صح وتلعب وتجيب إجوان ؟؟
أجابهٌ عز بإفتخار وأبتسامه٠٠٠٠وأي جون،،،دأنت خرمت الشبكه من شدة الجون بتاعك يا أبني !!
ضحكا إثنتيهم عالياً برجوله وتحدثَ ياسين٠٠٠٠مش أوي كده يا باشا ،،إنت كده هتخليني أتغر !!!
تحدث عز بفخر٠٠٠٠٠يليلقلك الغرور يلا ،،إتغر بنفسك زي ما أنت عاوز ،،بس عاوزك تجمد كده وتسمعني الخبر اليقين قريب !!
أجابهُ بنبرة واثقه٠٠٠٠أوعدك هيحصل وقريب أوي كمان !!!
كان الصغير القانط فوق صدر ياسين ينظر لهما بإستغراب محاولاً فهم حديثهم الذي صعب عليه فهمه وتحدثَ وهو يحرك يداه من بين يدي ياسين ٠٠٠٠هو إنتوا بتقولوا أيه ،،أنا مش فاهم أي حاجه يا جدوا ؟؟
خطفهٌ عز من فوق صدر ياسين بمهارة وتشبث الصغير بذراعي عز وتحدث عز٠٠٠٠٠٠لما قلب جدوا يكبر ويبقي ظابط مخابرات أد الدنيا زي جدوا هيعرف ويفهم كل حاجه لوحده
وأكمل بجديه٠٠٠٠٠٠ودالوقتي بقا تعالي لجدوا علشان أعلمك العوم ومش عاوزك تخاف،،، عاوزك راجل زي أبوك وأعمامك مفهوم ؟؟
أجابه الصغير بحب ٠٠٠٠مفهوم يا جدوا بس مش تسيب إيدي غير لما أنا أقول ،،إتفقنا ؟؟
ضحك عز وأجاب الصغير ٠٠٠٠إتفقنا يا لمض !!!
◇◇◇◇◇¤◇◇◇◇◇
مساء اليوم التالي
دلف ياسين إلي جناح مليكه بعد الإستئذان وجدها تجلس علي تختها مرتديه حجابها فوق منامه بيتيه مٌحتشمه !!!
كان مٌمسك بيده عٌلبه من الشيكولا الفاخره المحشوة بالبندق مثلما تعشقها مليكه وضعها فوق المنضده الجانبيه !!!!
نظر إليه بهيام وكعادتها تسارعت وتيرة دقات قلبهِ العاشق وهو ينظر إليها ،،تمالك من حاله إلي أبعد الحدود !
وتحرك إليها ناظراً لها بوجهِ بشوش وتحدث بصوتٍ هادئ حنون٠٠٠٠٠إزيك يا مليكه !!
إرتبكت من جلستها عند رؤيتهٌ ووقفت خَجِله تفرق كفيها ببعضهما بتوتر وأجابتهْ ٠٠٠٠٠٠الحمد لله !!
إقتربَ منها ،،تراجعت للخلف بإرتباك وتخبط ،،،
ضحك برجوله وتحدث ليٌطمئنها٠٠٠٠٠مالك يا بنتي فيه أيه،،إهدي كده وأقعدي عاوزه أتكلم معاكي شويه !!!
كان يٌشار لها للجلوس علي التخت ،،،إبتلعت لعابها برٌعب وتراجعت
ثم أشارت بيدها إلي الأريكه وتحدثت ٠٠٠٠٠خلينا نقعد هنا أحسن !!!
إبتسم لها وهز رأسه بموافقه وذهب معها إلي الأريكه
تحدثت بخجل ومازالت واقفه٠٠٠٠٠٠ماما غيرت الفوتيه إللي كان هنا بالكنبه السرير دي علشان حضرتك تنام عليها وإنتَ مرتاح !!!
إبتسم لها وتحدث بهدوء ولطافه ليزيل التوتر ٠٠٠٠٠٠طب هو ينفع واحده تقول لجوزها حضرتك ؟؟
كانت تقف تفرك يداها ببعضها بتوتر إبتسمت بخجل ثم جلست علي طرف الأريكه بحذر ،،جلس هو بالطرف الآخر ليٌعطيها حريتها ،،،
تحدث بصوتٍ هادئ حنون٠٠٠٠٠أول حاجه أنا عاوزك تتأكدي إن إللي حصل ده حصل غصب عني،،،إنتي بنفسك شفتي وليد أد أيه كان مٌستفز ،،
وبجد ما كانش فيه قدامي حل تاني غير ده،،
وأكمل ليٌطمئنها٠٠٠٠أنا عاوزك تطمني خالص يا مليكه،،أنا هكون ضيف خفيف عليكي،،ومش هحاول أضايقك أبدآ ،،،،صدقيني،،،
إبتسمت له بخجل وهزت رأسها بإيماء
وأكملَ هو بعيون نادمه٠٠٠٠٠تاني حاجه ودي الأهم،،،أنا بجد أسف جدآ علي الطريقه الهمجيه إللي عاملتك بيها من كام يوم، ،،أنا من وقتها وأنا متضايق جدآ من نفسي،،
ونظر لها وتحدث بفخر٠٠٠٠وعلي فكره ،،أنا ما بعتذرش لحد مهما كان هو مين ودي أول مرة أعملها ،،،فا أكيد ده ممكن يعرفك أد أيه إنتي حد مهم جداً بالنسبالي لدرجة إني أغير مبادئي وقنعاتي وأعتذرلك !!!
إبتسمت بهدوء وتحدثت برقه٠٠٠٠موافقه أقبل إعتذارك لكن بشرط !!!
صفق يداه ببعضها وتحدث بدعابه ٠٠٠٠٠هما البني أدمين كده ،،أول ما يلاقوك تنازلت وقدمت خطوه يطمعوا ف إللي بعدها علطول ،،علشان كده ما بحبش أعتذر لحد أنا !!!
ضحكت وأنار وجهها وأصبحَ مٌشع مثل قمرًٌ في ليلٍ عاتم ،،،فاأنارت معها حياتهْ ودق قلبهٌ المسكين مطالباً إياها !!
نظر لها بعيون عاشقه وقلبٍ هائم وتحدث برقه أربكتها٠٠٠٠أؤمريني يا مليكه ،،،قولي شرطك وأعتبريه إتنفذ من قبل حتي ما أسمعه ♡
شعرت بقشعريره سَرتْ بجسدها من تأثرها بنظرة عيناه التي تتحدث عشقاً ،،
حمحمت وتحدثت بصوتٍ يكاد يٌسمع من شدة خجلها٠٠٠٠٠٠٠ياسين،،،،أوعدني إن إللي حصل ده ما يتكررش تاني،، وإنك عمرك ما هاتهني تاني مهما حصل !!!
تحدث بلهفه ونفي ٠٠٠٠٠أنا عمري ما أقدر أهينك يا مليكه،،،إنتي غاليه ،،وغاليه أوي كمان ،،،،وصدقيني من غير ماتقولي أنا عمري ما كٌنت هعمل كده تاني !!
وأكمل بترجي٠٠٠٠بس علشان ده يتحقق أنا ليا عندك طلب،،،
ثم أكمل بدعابه لإزالة توترها الظاهر علي وجهها٠٠٠٠٠٠٠شوفتي بقا الفرق إللي بيني وبينك، ،أنتي بتتشرطي عليا،،لكن أنا بطلب !!!
إبتسمت لهٌ برقه أذابته قائله ٠٠٠٠٠مش هنختلف علي المٌسميات يا سيادة العقيد،،أهم حاجة المغذي من الحديث،،إتفضل أنا سمعاك !!
أجابها بترجي٠٠٠٠٠٠مٌمكن قبل ماتخرجي لأي مكان تديني خبر ،،أظن من حقي الشرعي إني أعرف مراتي فين وبتعمل أيه طول الوقت،،،
وأكمل بحزن ظهر بعيناه٠٠٠وده حتي لو زي ما بتقولي دايماً إن جوازنا صوري ،،أو مجرد إتفاق
وصدقيني أنا في اليوم ده ما نرفزنيش وجنني بالشكل ده غير خوفي عليكي إنتي والأولاد،،،إتجننت لما شٌوفتك سايقه بنفسك وراجعه إنتي ومروان وأنس في وقت متأخر زي ده،،خفت عليكم يا مليكه !!!
كانت تستمع لرقة حديثه ونظراتهٌ التي تنطقٌ غرامآ،، بقلبِ ينبض ،،لم تدري لما قلبها ينبض بتلك الطريقه ولما ذلك الشعور بالإرتياح التي إجتاحَ روحها ف حضرته ،،
حدثتهٌ بطاعه أثارتهٌ٠٠٠٠حاضر يا ياسين،،وبجد أنا كمان أسفه لو كٌنت ضايقتك ،،
وأكملت بإبتسامه أذابت حصونه٠٠٠٠٠أصلي حكيت ل سلمي إللي حصل وهي بصراحه قالتلي إني غلطت لما ما أستأذنتش منك !!
إبتسمَ لها وتحدث بدعابه٠٠٠٠٠والله سلمي دي ست بتفهم ،، ما تديني رقم فونها علشان أشكرها بنفسي،،،وبالمره أعزمها علي العشا في مكان رومانسي علشان أعرف أأكد علي الشكر أوي !!!!
ضحكت بإنوثه أثارتهٌ وتخشبَ جسدهٌ بالكامل ،،
♡ كم أنتَ مسكين أيها الياسين ♡
تغلبَ علي حاله و تحدثَ ٠٠٠٠مٌتشكر أوي يا مليكه،،وبجد أنا أسف علي أي حاجه عملتها وضايقتك مني الفتره إللي فاتت،،وعاوزك تعرفي إني عمري ما قصدت إني أضايقك أو أزعلك ،،،
إنتي أصلك ماتعرفيش إنتي بالنسبالي أيه،،
نظر لها بعشق وتحدث بعيون هائمه٠٠٠٠مليكه أنا ٠٠٠٠٠
لم تدع لهٌ فرصه ليٌكمل إرتبكت لعلمها ما سيكملهٌ وقفت سريعاً مقاطعه حديثه بإرتباك،،
نظرت لهٌ بخجل وتحدثت بتلعثم٠٠٠٠٠٠٠أااا أنا عاوزه أنام،، تصبح على خير !!
وأسرعت نحو تختها لتستعد للنوم !!
تنهد بيأس ووقف يطالعها بقلبٍ مٌشتعل يصرخ ألماً بعشقها،،
يريدها،،،نعم ،،،يريد ضمتها،،يريد إحتوائها ،،،
إشتاق للمسة شفتاها التي لم يتذوقها سوي مرةً واحده،،
وياااااليتهٌ لم يتذوقها ،،،فمنذ ذلك اليوم وقلبهٌ أصبحَ مٌتمرداً عليه،،شفتاه لم ترد أن تتلمسٌ غيرها،،يريدها بكل ما فيه ،،،يريدها وبشده !!!
نظر عليها وهي تجلب لهٌ بعض الأغطيه من تختها وأستدارت له لتعطيهِ إياها
ذهب هو إلي الأريكه فردها ثم نظر لها بشكر وأخذ منها الغطاء،،والوساده ووضعهما،،،
تحدث بهدوء يحاول بهِ أن يخرج حاله من تلك الحاله ٠٠٠٠مليكه ،،أنا جبتلك نوع الشيكولا إللي بتحبيها ،،يعني كنوع من الإعتذار عن أي زعل سببتهولك الفترة إللي فاتت ،،وبما إن الشيكولا بترفع هرمون السعادة فاأنا قررت أجبلك منها كل يوم،،
ثم نظر لها بعيون تنطق عشقاً٠٠٠٠ مش حابب أشوف نظرة حزن واحده ف عيونك بعد إنهارده ،،،إتفقنا ♡
إنتفض قلبها بسعاده وبدأت دقاته بالتسارع من شدة رقته وطريقه حديثه العذب معها أما عيناهْ فحدث ولا حرج ♡
إبتسمت له وتحدثت بقلبٍ سعيد ٠٠٠٠إتفقنا ♡
نظر لها وجدها تندثر تحت الغطاء ومازالت مرتديه حجابها حزن كثيرآ لتعاملها معه علي أنهٌ مازال غريباً عنها !!
ثم نظر لها وتحدث بإبتسامه هادئه٠٠٠٠٠مليكه،، فكي حجابك علشان تعرفي تنامي براحتك ،،،وده مش حرام علي فكره،،
ثم أكمل بدعابه وأستفهام مٌفتعل٠٠٠٠٠٠هو أنا مش بردوا جوزك ولا أيه ؟؟
إبتسمت بخجل فأكمل هو ٠٠٠٠٠قومي قومي ماتتكسفيش،،،أنا زي جوزك والله !!
ضحكت ووقفت فكت حجابها بخجل وسحبت طوق شعرها وإذ بهِ ينطلق بحريه معلناً عن تمردهٌ ،،إنسابَ فوق ظهرها وصل لمنتصفه،،كان لونهٌ بني،،، حريري الملمس ،،،
ودَ لو يجري عليها ويحتضنها ثم يتلمس بيدهِ شعرها ويغمض عيناه ويشتم عبيرهٌ ،،
تمالك حالهٌ لأبعد الحدود ولم يفق علي حاله،،إلا وهي تحدثه بعدما ذهبت لتختها ٠٠٠٠٠تصبح علي خير يا ياسين !!
تنهد بإشتياق وتحدثَ بلهفه٠٠٠٠وإنتي من أهله يا مليكه !!!
وأتجه هو الأخر إلي تخته،،بعدما أغلقَ الضوء ،،
تسطح علي ظهره،،،شبكَ يداه ووضعها تحت رأسه ناظراً للسقف مٌبتسماً،،،،
كان من المفترض أن يغفي إثنتيهم ،،،
ولكن هيهات ،،،ومن منهما سيأته النوم ؟؟
♡ فكلٌ منهما سارح بملكوته ♡
هو الذي تمرد عليه قلبه وأبت عيناهٌ النوم بحضرتها ♡
وهي الأخري أصبحت بحيره ،،أهي أصبحت تكرههٌ ؟؟
أم ترتاح إليه وللحديث معه مثلما حدث منذٌ قليل ،،
تنهدت براحه وأبتسمت وهي تسترجع حديثها معه !!!
أما هو ففي عالمه الخاص،،فاالليله هي أجمل لياليه ♡
♡ فاخيرآ نجح في دخول قصر أميرتهٌ الصعبةٌ المنالِ ♡
لكنهٌ لن يستسلم حتي يسحبها و يٌدخِلُها عالمهٌ الخاص،،عالم ياسين المغربي،،
♡لتكون أميرةِ قلبهٌ العاشق ♡
سيٌدَخلٌها لعالم عشقه المٌميز لتكون إمرأته الوحيده ♡ مٌدللت قلبهْ ♡ مليكتهْ ومالكة جوارحهْ ♡،،سيستغني بها عن جميع نساءِ العالم ♡
نعم إنه ياسين المغربي،،رجل المخابرات الأول ،،مٌتعدد العلاقات سابقآ ،،،لكنهٌ تابَ علي أيديها،،،
فمنذٌ أن عشقها قلبه رغماً عن إرادته قبل عشرةٌ أعواماً من الأن ،،
وقد تركَ كٌل ما كانَ عليه لأجلها ،،فما كانت أكثر من زيجاته العٌرفيه،،فقد كان يتزوج عٌرفياً بإمرأه جديده شهرياً علي الأقل ،،
فياسين كان شغوف مٌحبً للنساء ويعشق ويٌقدر الجمال علي حسب تفكيرة الخاطئ ،،
حتي رأها ذلك اليوم الموعود داخل مصعد جهاز المخابرات حيث طلت عليه وأنارت كشمسٍ أضائت بنورها ضلمة حياته،،، عشقها من نظرتها الأولي،، وتغيرت نظرته للعشق والحياه بأكملها ،،
حتي وإن لم تكن نصيبه لكنَ قلبهٌ الذي نبض بعشقها لم يتوقف يوماً عن تلك النبضات التي أصبحت رابطاً شرعياً بينهٌ وبين الحياه ♡
وأصبح كٌل ما يتمني هو رؤية معشوقته وهي سعيده أمامَ عيناه وفقط !!!
غفت هي بعد صراع عميق مع النفس ،،أما هو فقد وقعَ في دوامة النوم بعد تعب جسده وإنهاك روحه،،،ولم يغفي إلا ساعةٍ واحدةً فقط ،،
فقد إستيقظ فزِعاً علي صوت مٌنبه الإيقاظ الذي تملك منهٌ سريعآ وأوقفهٌ حتي لا يٌزعج مليكتهٌ ،،
نظر لها ووجد صدرهٌ يعلو ويهبط بشده من فرط سعادته،،
وقفَ سريعاً وذهب حتي وقفَ أمامها يراقب ملامحها الهادئه وهي تغفو بنومٍ عميق ،،
♡أحقاً مليكتي أنتي بجواري،،أمام ناظري،،أحقاً أفقتٌ من نومي علي وجهكٍ المٌنير ،،،ياالله قلبي سيتوقف فرحاً فلتساعدني أرجوك ♡
تنهدَ بإشتياق،،
وَدَ لو أن له الحق ليتمدد جوارها ويدلفٌها داخل أحضانه،، وليفرد شعرها الحريري علي كتفهْ وتغفو بسلام علي ذراعه ♡
وجدها تتملل في فراشها بحركه أكملت علي باقي حصونهٌ وأهلكتها بالكامل ،،
أسرع من أمامها ودلف للمرحاض قبل أن تفتح عيناها وتراه لكنها لم تفتح عيناها فقد كانت مٌستسلمه للنوم وغافيه بسلام !!!
إرتدي ملابسهٌ في غرفة الملابس وذهبَ لها وهو يتحرك علي أطراف أصابعه خوفآ من أن يٌقلقها بنومها ،،
ألقي نظره عليها وجدها قد أعطتهٌ ظهرها وشعرها مٌنسابآ علي وسادتها بمظرٍ يشدٌ البصر،،
وقف بجانبها وأمال بأنفه علي شعرها ليشتَمَ عبيرهٌ،،
أغمض عيناه وبدأ بأخذ نفساً عميقاً ليدخلهٌ داخل قفصهِ الصدري ليحتفظ بهِ داخل رئتهْ أطول مدة مٌمكنه ♡
إبتلع لٌعابهْ وبدأت دقات قلبهْ تتسارع حتي أنهٌ خرج مسرعاً خوفآ من أن يضعف وتنهار قواه أمام سحر حوريته النائمه ،،،
خرج وأغلقَ الباب بهدوء وتنهد بإرتياب ،،،ونزل للأسفل وجد أباه وطارق يتناولون فطارهم بجانب ثريا
جلس معهم تحت أنظار عز المٌتفحصه لعلامات السعاده الناطقه بوجه فلذة قلبه !!!
◇◇◇◇◇¤◇◇◇◇◇
في تمام الساعة الحادية عشر ظهراً
أفاقت مليكه من نومها،،تذكرت ليلتها الأولي معه،،إبتسمت ووضعت يدها علي صدرها وتنهدت ثم تحركت إلي المرحاض ،،توضأت وصلت فرضها !!!
نزلت إلي الأسفل وجدت ثريا ويسرا ينتظراها في الحديقه كاكل يوم،،ليتناولنَ فطورهنَ سوياً ،،وبالفعل بدأن بتناول الطعام،،،
وبعد مٌده وقفت يسرا وتحركت بعيداً لترد علي إتصال نرمين
تحدثت ثريا ناظره إلي مليكه بتساؤل٠٠٠٠٠نمتي كويس ؟؟
نظرت لها وهزت رأسها نافيه !!!
أكملت ثريا٠٠٠٠معلش يا مليكه إتحملي شويه ،،بكره تتعودي علي وجوده في الأوضه وتقدري تنامي !!
ثم أكملت بتساؤل٠٠٠٠٠٠ياسين حاول يضايقك إمبارح ؟؟
تحدثت بنفي سريع ٠٠٠٠٠خالص يا ماما،،،بالعكس،،،، كان لطيف جداً وكمان إعتذرلي عن اليوم إياه،،ووعدني إنه مش هيكررها تاني !!
تحدثت ثريا بإبتسامة رضي٠٠٠٠ياسين إنسان محترم ،،وعلشان كده أنا مٌش عاوزاكي تخسريه يا مليكه !!
ضيقت عيناها وتسائلت بإستفهام ٠٠٠٠٠تقصدي أيه بكلامك ده يا ماما ؟؟
أجابتها ثريا بتوضيح٠٠٠٠٠أقصد بلاش تعندي معاه وتخسريه،،،ياسين سند لولادك وحمايه ليهم من غدر الزمن وغدر البشر،،،
خديه في صفك ،،ياسين محترم ومتربي كويس،،بس أكتر شيئ بيكرهه في حياته كلها إن حد يعانده ومايسمعش كلامه !!!!
تحدثت مليكه بإستفهام٠٠٠٠٠٠مش فاهمه حضرتك بتطلبي مني أيه بالظبط ،،،ياريت يا ماما توضحي كلامك أكتر علشان أقدر أفهمك !!!
أجابتها ثريا بثقه٠٠٠٠٠أقصد إنك تتجنبي كل إللي بيضايقه،،،يعني ،،،بيضايق من خروجك من غير إذنه،،،إستأذنيه،،،،
وطالما بيضايق من كلمة جوازنا رسمي وإنت مش جوزي ،،،يبقي بلاش تقوليهم ،،،إنا شايفه إنك تقدري تكسبيه في صفك بسهوله جداً !!!
نظرت لها بذهول وتحدثت٠٠٠٠٠ماما ،،، هو حضرتك عاوزاني أكون زوجه فعليه ل ياسين؟؟
تحدثت ثريا بنفي سريع ٠٠٠٠٠لا طبعآ يا بنتي،، أنا مقصدتش كده خالص، ،،
ثم فاقت علي حالها وتحدثت ٠٠٠٠ده شيئ يرجعلك لوحدك،،،،
ومادام إنتي مش حابه ده ولا عاوزاه أنا عمري ما أقدر أجبرك عليه ،،،أنا كل إللي أقصده هي المعامله،،،،،،
صدقيني الكلمه ساعات بتريح وبيكون لها مفعول السحر ،،،،
وكتير بتكون أقوي من الفعل نفسه،،،،،، شغلي ذكاء الست اللي جواكي يا مليكه وإنتي ترتاحي !!!
قطع حديثهما مجيئ يسرا وجلوسها
نظرت لها ثريا ٠٠٠٠٠كانت عاوزاكي في أيه نرمين علي الصبح كده ؟؟
أجابتها يسرا وهي تلتقط كأس العصير لتتناوله ٠٠٠٠٠٠مفيش يا ماما كانت بتطمن علينا وعلي الأولاد !!!
إبتسمت ثريا وتحدثت برضي٠٠٠٠٠٠ربنا يبارك فيكم يا حبيبتي، ،،أيوه كده عاوزاكم ترجعوا مع بعض زي الأول وأحسن !!!
دلف طارق من البوابه الخارجيه مٌتجهاً إليهم بإبتسامه سعيدة علي صغريهِ
تحدث طارق بإبتسامه ٠٠٠٠٠٠صباح الخير علي أحلا موزز في عيلة المغربي كلها !!!
إبتسمن ،،وتحدثت ثريا بدعابه٠٠٠٠٠صباح النور علي أكبر بكاش في عيلة المغربي كلها !!!
وأشارت لهٌ بيدها ٠٠٠٠٠إقعد يا حبيبي !!
ضحك الجميع وأكمل طارق بدعابه وهو يجلس٠٠٠٠٠٠كده بردوا يا عمتي،،،هو إللي بيقول الحق ف العيله دي يبقي بكاش ؟؟
تحدثت يسرا بإهتمام أخوي ٠٠٠٠٠٠أجهزلك فطار يا طارق ؟؟
طارق ٠٠٠٠٠٠لا يا حبيبتي تسلميلي،،،أنا جاي أخد مليكه وأمشي علطول،،،
ثم وجه بصرهٌ إلي مليكه وتحدث ب عمليه ٠٠٠٠٠٠ محتاجك معايا في الشهر العقاري ،،فيه أوراق مهمه ولازم تتمضي إنهارده !!!
تحدثت ثريا موجهه حديثها إلي مليكه٠٠٠٠٠قومي يا حبيبتي إجهزي علشان ما تأخريش طارق !!
أجابتها مليكه بطاعه٠٠٠٠٠حاضر يا ماما ،، بعد إذنك يا طارق !!
أجابها طارق ٠٠٠٠إتفضلي يا مليكه بس إستعجلي علشان نلحق وقتنا !!!
وقفت مليكه ويسرا تابعتها للداخل !!
أما طارق الجالس ينظر بخجل لزوجة عمهِ وأخيرآ تشجعَ قائلآ ٠٠٠٠٠عمتي،،،،حقك عليا،،،،،
أنا عارف إنك زعلانه مني و بجد أنا مكسوف منك أوي،،
جيجي حكتلي علي إللي ال ماما وليالي قالوه لحضرتك عن موضوع مليكه،،،
وبجد أنا إتضايقت من نفسي جداً ،،،لانهم إستغلوا الموضوع بشكل غلط !!!
تنهدت ثريا بضيق ظهر علي وجهها ونظرت له قائله بعتاب ٠٠٠٠٠٠وأنا مش هكدب عليك يا طارق وأجاملك وأقولك إني مازعلتش منك،،،لا ،،،زعلت،،،وزعلت أوي كمان،،،
ونظرت له وتحدثت ٠٠٠٠٠عارف ليه زعلت يا طارق ؟؟
علشان إنت إبني اللي ربيته معايا هنا،،،،من صغرك إنتَ ورائف وإنتوا مع بعض،،،مذاكره وأكل وتمارين،،
ده حتي النوم ماكٌنتش بترضي تنام في بيتكم وتيجي تنام مع رائف في أوضته،،،
عمرك ما خرجت سر بيتي وحكيته ل مامتك ولا باباك،،،،تيجي دالوقتي بعد ما كبرت ورائف راح وأنا إعتبرتك إنت وياسين عوض ليا عنه،، وإنتَ اللي تخرج أسرار بيتي ؟؟
هزت رأسها بأسي وأكملت٠٠٠٠محبتهاش منك أبداً يا طارق !!!
تحمحمَ بخجل وتحدث٠٠٠٠٠أنا أسف يا عمتي،، بس والله العظيم ماكان قصدي أبداً أخرج أسرار بيتك،،،،
أنا كل اللي كٌنت أقصده وقتها إني أهدي ليالي من ناحية ياسين ،،وخصوصاً بعد ما شوفت حالتها أد أيه كانت صعبه علشان ياسين ما أحترمهاش وسابها وجه علي هنا ورا مليكه،،
كنت بفهمها الوضع مش أكتر !!!
تحدثت ثريا بهدوء٠٠٠٠٠مش علي حساب مليكه وكرامتها يا طارق ،،،،
ياريت يا أبني إللي حصل ده ما يتكررش تاني ،،علشان تفضل مٌحتفظ ب مكانتك الكبيرة في قلبي !!!
أجابها طارق بندم وخجل٠٠٠٠٠كرامة مليكه علي راسي يا عمتي،،وحقك عليا،،ووعد مني عمري ما هزعلك مني تاني أبداً !!!
ووقف بجانبها وقبل رأسها بإحترام وأعتذار قابلتهٌ ثريا بترحاب،،وقلب أم !!!
◇◇◇◇◇¤◇◇◇◇◇
كان يمشي بخطيً واثقه كالملك داخل الممر المؤدي إلي مكتبهِ بعد خروجهِ من مكتب رئيس الجهاز ،،
تقابل بأحد رجاله ويدعي عٌمر الذي تحدثَ بإحترام٠٠٠٠٠ياسين باااشا،، صباح الفل !!
أجابهٌ ياسين ومازال يمشي بثقه وتفاخر ٠٠٠٠٠صباح الخير يا عٌمر !!
تحدث عٌمر بإحترام وسعاده وهو يحاول اللحاق به٠٠٠٠٠جبتلك الخبر اليقين اللي هتشكرني عليه يا باشا !!!
ياسين وهو يهرول في مشيتهِ بخطي ثابته٠٠٠٠٠إنجز يا عمر،،هات اللي عندك وبطل رغي !!!
دلفا لداخل المكتب إتجه ياسين لمكتبه خلع عنهٌ سترته وعلقها ،،وجلس بكل ثقه وليونه ،،وأشار بيده للواقف محني الرأس بإحترام
وتحدث٠٠٠٠٠إقعد يا عٌمر وقولي إنك لاقيتلي إبن ال******* إللي بندور عليه
أجابهُ عٌمر بوجهِ سعيد٠٠٠٠٠٠حصل يا باشا ،،وده الدوسيه اللي فيه كل المعلومات عنه،،صحيح هو تعبنا شويه علي ما وصلناله علشان كان واخد إحتياطاته،،،بس علي مين ،،ده أحنا رجالة ياسين المغربي
،،،،ولو كان مستخبي في حضن إبليس نفسه بردوا كٌنا هنجيبه !!!
أخذ ياسين الملف وبدأ بقراءة ما يحتويه بإهتمام !!
وأكمل عٌمر ٠٠٠٠٠بسلامته يبقي المهندس وائل عٌمران،،،المسؤل عن الإلكترونات في الشركه،،،
مٌتخصص في تركيب الكاميرات والمسؤل عن دورات صيانتها الشهريه،،،ومن حوالي سنه كده وبالتحديد من بعد وفاة رائف باشا بكام يوم
بدأ يتقرب جداً من سٌهي سكرتيرة الباشا الله يرحمه ،،وعلاقتهم إتطورت بسرعه رهيبه،،
وأكمل ساخراً٠٠٠٠٠٠ برغم إنه متجوز القذر ،،،واضح يا باشا إنه كان واخد البت سلم علشان يوصل عن طريقها للمعلومات اللي إستخدمها،، وده طبعاً بعد طارق باشا ما عينها مديرة مكتبه بعد وفاة رائف باشا !!!
نظر لهٌ ياسين بإستفهام٠٠٠٠٠والبت ،،،أيه نظامها معاه ؟؟
أجابَ عٌمر بإيجاب٠٠٠٠٠٠البت زي الطٌربش يا باشا،،خد منها كل المعلومات وختمها علي قفاها زي الهبله ،،بس مالهاش دعوه بحاجه ولا تعرف أي حاجه عن الموضوع أصلآ !!
إبتسمَ ياسين وتحدث ساخراً٠٠٠٠يبقي لازم تتعاقب بتهمة الغباء يا عٌمر ،،لازم نقرص ودنها علشان تبقي تاخد بالها بعد كده !!!
ضحك عٌمر وتحدث بإيجاب٠٠٠٠اللي تؤمر بيه سعادتك !!!
ألقي ياسين الدوسيه بإهمال ونظر بشر إلي عٌمر قائلآ ٠٠٠٠٠تاخد الرجاله وتجٌرلي إبن ال******** ده من قفاه وتجبهولي علي المكان اللي بنستقبل فيه الناس العزيزه أوي علي قلبنا ،،،
عاوزين ندلعه علي الآخر، ،،عاوز إستقبال يليق بواحد طير النوم من عيني أربع أيام بحالهم ،،،مفهوم يا عٌمر ؟؟
وقف عٌمر ونظر لهٌ بإبتسامه وأجاب بتسلي ٠٠٠٠٠٠٠أوامر سعادتك يا باشا،،إعتبره حصل ،،، ده أحنا هنروقه وهنوريه اللي عمره ما فكر ولا تخيل إنه يكون موجود في الحياه أساساً !!
إبتسم ياسين ساخراً وقال٠٠٠٠٠عاوز أشوف الهمه يا رجاله !!!
خرج عٌمر بعد إلقاء التحيه الرسميه علي ياسين الجالس ببرود !!!
بعد خروجه ،،إسند ياسين ظهره علي المقعد ووضع يدهٌ علي ذقنه وأخذ يحرك المقعد يمينآ ويسارآ بتسلي وبدأ بإسترجاع ليلتهٌ الماضيه المٌميزه،،ليلتهٌ الأولي في غرفة مليكتهٌ ،،
تنهد بسعاده وحدث حاله ٠٠٠٠ما أجمل طعم عِشقكِ مليكه،،عشقٌكِ ذو مذاقٍ خاص صغيرتي،،
♡عشق بطعم الحياه ♡
فامرحباً بكي داخل عالمي،،عالم عشق ياسين المغربي ♡