رواية قلوب حائره الفصل الثامن والثلاثون والتاسع والثلاثون بقلم روز امين
ف اليوم التالي !!!!
حجزَ ياسين طائرة خاصه لجميع العائلة وعائلة سالم عثمان الذي رفض في البداية ولكن تدخل عز وأقنعه بالقبول
كانت جالسه بجوار والدتها يقابلها سيف وزوجتة
أما شريف فقد صممَ الباشمهندش حسن علي مكوثهِ معهم بالمنزل يومان حتي يقومَ معه بواجب الضيافه اللازمه لخطيب إبنته العزيز !!!
تحدثت سٌهير بتمني وهي تٌمسك بيدِ صغيرتها ٠٠٠٠ما تيجي معانا إنتي والولاد يا حبيبتي إتعشي مع اخوكي ونهي وبعدين بابا يبقي يوصلكم ؟؟
هزت رأسها برفض وأردفت بإعتذار ٠٠٠مش هينفع يا ماما علشان ماما ثريا ،،الولاد بٌعاد عنها بقالهم فترة طويله وهي كتر خيرها صبرت علي ظروفي وقدرتها !!!
وافقها سيف وتحدث٠٠٠٠مليكه معاها حق يا ماما،،خليها تروح علشان ياسين كمان ما يتضايقش !!
أجابته بحدة ظهرت بصوتها ٠٠٠٠٠أخر همي زعل الباشا !!
نظرت لها سٌهير وتنهدت بتألم ثم أكملَ سيف مٌعترضاً٠٠٠٠٠ هدي اللعب شويه مع ياسين يا مليكه،،مش ياسين المغربي اللي هيقبل بالمعامله دي ويسكت،،وياريت يا حبيبتي ماتنسيش إن إنتي إللي بدأتي معاه بالغلط !!
نظرت لها نهي وتحدثت بأسي ظهرَ بصوتها ٠٠٠٠أنا أسفه يا مليكه لو كنت بتدخل ،،بس أنا بجد صعبان عليا أوي حالكم واللي وصلتوله،،ياريت تهدوا إنتوا الأتنين وتقعدوا وتدوا لبعض فرصه تصفوا فيها خلفاتكم وترجعوا تاني زي ما كنتم !!!
تنهدت بألم وتحدثت ٠٠٠٠مفضلش بينا حاجه نرجع علشانها يا نهي !!
تنهدت سٌهير وتحدثت بأسي٠٠٠٠الست وجوزها ياما بيحصل ببنهم يا بنتي ولو كل واحدة فكرت زيك كده بعد كل مشكله تحصل كان زمان البيوت كلها متقفله !!!
زفرت بضيق وتحدثت ٠٠٠خلاص لو سمحتوا ،،مش حابه ولا قادرة أتكلم في الموضوع ده أكتر من كده !!
________
أما سالم عثمان الجالس بجوار اللواء عز المغربي ويقابلهم طارق
تحدث سالم بتفهم وأعتزاز٠٠٠٠علي فكرة يا سيادة اللوا،،، أنا لولا حضرتك إتدخلت مكنتش هرجع بنتي تاني غير لما سيادة العقيد ييجي بنفسه وياخدها ويعتزرلها في حضور كل إللي هانها قدامهم،،
وأكملَ بتفهم٠٠٠٠٠٠لكن كله يهون قصاد ذوقك وإحترامك وإنك تجيلي الأوتيل مخصوص وتاخدها علي بيت الباشمهندس حسن وتدخل بيها قدامهم كلهم دي معناها عندي كبير أوي وتذيد من صورتك العاليا ومقامك في عنيا !!!
أجابهٌ عز ٠٠٠٠متقولش كده يا سالم بيه،،أنا قولتلك قبل كده إن مليكه مش بنتك لوحدك،، ربنا يعلم غلاوتها عندي أد أيه وإني بعتبرها زي شرين ويسرا ونرمين بالظبط،،،أنا بس مش عايزك تتحامل علي ياسين وعايزك تعذرة،،،إحنا رجالة يا سالم والمفروض إننا أكتر ناس نحس بياسين وتصرفه وغضبه ونعذرة !!!!
أجابهٌ سالم بإقتضاب٠٠٠٠٠مش قادر أشوف نفسي غير أب و بنته إتهانت يا سيادة اللوا !!!!
تدخل طارق بهدوء٠٠٠٠٠٠ياسين مفيش أطيب من قلبه يا عمي وحضرتك عارف الكلام ده كويس أوي ،،،سيب الأيام تداوي إللي حصل وإن شاء الله العلاقه بينهم هتتحسن وترجع أحسن من الأول بكتير !!!
تحدث عز بهدوء٠٠٠٠٠طارق بيتكلم صح يا سالم،،،الأيام فعلا هتداوي الموضوع وتصلح إللي إنكسر !!!!!!
_____________
أما ثريا كانت تجلس بجوار يٌسرا تقابلها راقيه ومنال
تحدثت منال إلي يٌسرا بسعاده٠٠٠٠عريسك زي القمر يا يٌسرا،،الله أكبر ربنا يحميه شبه الممثلين بتوع زمان في هيبته وشموخه،،صالح سليم،،عمر الشريف حاجه كده تشرف !!!!!
إبتسمت يٌسرا خجلاً وتحدثت راقيه٠٠٠٠٠ماشاء الله علي ولادك يا ثريا حظهم دايماً نار في جوازاتهم !!!
قرأت ثريا المعوذتين سراً وأستعاذت بالله من تلك الراقيه وعينها
وتحدثت ٠٠٠٠الحمدلله علي كل حال يا راقيه ولادي غلابه ومبيأذوش حد علشان كده ربنا بيقف معاهم وبينصرهم !!!
_____________
كان يجلس وبجانبهِ أيسل وحمزة ومروان وياسر ويحتضن الصغير داخل أحضانه يشتم رائحته بإشتياق فلقد إشتاقه كثيرا
وجه حمزه الحديث إلي والده ٠٠٠٠ممكن يا بابي تجيبنا أسوان ف الويك إند الجاي،،بصراحه أسوان وااااااو،،،، جميله جداً وأنا حبيتها أوي !!!!
إنتفضت أيسل بسعاده وأردفت٠٠٠٠أيوا يا بابي وحياتي،،أنا كمان عاوزه أجي ف الويك إند ونقعد ف بيت جدو حسن وطنط بسمه !!!
خرج الصغير من داخل أحضانه ونظر لهُ وتحدث ٠٠٠٠أنا كمان خدني معاك يا بابي،، بليزززز
إنتفض داخل ياسين بقوة ونظر للصغير بتيهه
حين نظر لهٌ الصغير بعيون مٌترجيه ومال رأسهِ ف حركه توسليه وأردفَ بطفوله وهو يضع يدهٌ علي وجنة ياسين بحنان٠٠٠٠٠أنا عاوزك تبقا بابي زي حمزه وسيلا ،،ممكن يا بابي ؟؟
إنتفض جسدة بالكامل وأختلطت داخلهْ عدة مشاعر متداخله،،، سعادة بالغه للغايه،،حزنٍ علي صغير أفتقد سندةِ عاجلاً ويبحث عن البديل ،،ألمٍ يمزق داخلهْ علي رحيل أغلي شباب عائلته وأفضلهم !!!
وضعت أيسل يدها علي رأس الصغير وقبلت وجنتةٍ بدموع
أما مروان الذي تحدث بتأثر ٠٠٠٠٠مينفش يا أنس،،إحنا عندنا بابي رائف وقريب هيرجع من السفر وأبقي قوله هو وقتها !!
صاح الصغير بغضبٍ وصوت عالي إستمع له الجميع ٠٠٠٠٠مش هييجي يا مارو ، هو إتأخر ومش عاوز ييجي وبعدين أنا بحب عمو ياسين وحابب يكون هو بابي،،
ووضع يده وأمال رأسه من جديد يتوسل إلي ياسين الذي تسمر بجلسته وتحجرت مقلتيه
نظرت مليكه بألم علي صغيرها وكادت أن تتحدث بإعتراض إحتراماً لذكري زوجها الفقيدٌ الغالي،،،أمسك سيف يدها ومنعها بعيناه من الحديث قائلاً ٠٠٠٠إهدي يا مليكه،، ما تتدخليش !!!!
نظرت لأخيها بتيهه ثم حولت بصرها سريعاً لطفلها من جديد بقلبٍ يتمزق !!!
أما ثريا التي نزلت كلمة صغير فلذة كبدها كخنجرٍ مسمومٍ شق صدرها بدون رحمه وتنفست بتألم !!!
الكل مصدوم من حديث الصغير،، الكل بلا إستثناء يتألم وينتابهٌ مشاعر إنسانيه عارمه لأجل ذلك اليتيم المٌشتاق لنطق كلمة أبي !!!
نظر الصغير إلي ياسين وتسائل مٌجدداً ٠٠٠٠علشان خاطر أنس توافق ؟؟
إنفطر قلبه ونظر لهٌ بعيون كستها غشاوة دموع الألم ثم تحامل علي حاله ليٌخرج صوته وتحدث ٠٠٠٠٠٠إستأذن الأول من نانا ومامي ولو وفقوا أنا هكونلك بابي ف لحظتها !!!
إنفرجت أسارير الصغير ونزل يجري مٌسرعاً إلي ثريا بمرح وفرحه عارمه،
نظر لها بتوسل أدمي قلبها وتحدث ٠٠٠٠٠علشان خاطري توافقي يا نانا أنا عاوزه يكون بابي !!
كانت تبكي بمرارة علي ذكري غاليها التي بدأت تتلاشي رويداً رويدا،،،
حدثت حالها وقلبها يتمزق،،،ماذا تبقي منك فقيدي الغالي،،حتي أطفالك بدأوا بالتخلي عن ذكراك ،،أاااااااااه قلبي يا الله يتمزق حزناً علي صغيري،،،،فلتساعدني وتمدني بالقوة أرجوك !!!!!
جاء إليها الصغير وأمسكَ يدها وأكملَ بترجي٠٠٠٠ وحياة أنس توافقي !!!
حدثت حالها،،،رفقاً بقلبي النازف عزيزٌ عيني،، فلترحمني صغيري !!!!
كان الجميع ينظر إليها بدموعٍ وقلوبٍ تتمزق ألماً لأجل تلك المكلومة التي مازالت الدنيا تستكمل صفعاتها بدون رحمه،،،
كان ينظر لها عاشقها بألمٍ يمزق داخله،، يود لو يٌسرع إليها ويضمها ليمتص عنها حزنها وألمها الساكن روحها !!
حدث حاله،،،أه ثريا،،،أهٍ يا حبَ العمرِ يا مٌر الزمانِ،،،ياليت فيا سحب حزنٌكِ وضمهٌ لباقي أحزانِي !
إبتسمت بمرارة وهزت رأسها بدموع وتحاملت علي حالها وأخرجت صوتاً ضعيفاً ٠٠٠٠٠ موافقه يا حبيبي !!
نطقت كلمتها بتألم وهللَ الصغير ثم جري إلي والدته وكررَ سؤاله وأنتظر الجواب نظرت إلي ثريا بحيرة ودموع هزت لها ثريا رأسها لتٌشجعها !!!
كان ينظر لها بعيون مٌترقبه خوفاً من رفضها ولكنها خالفت توقعاته وأبتسمت لصغيرها وهزت رأسها بإبتسامه باكيه واضعه يدها علي شعرة وأجابته بهدوء ٠٠٠٠موافقه يا قلبي !!!
جري عليهِ الصغير من جديد وأرتمي داخل أحضانه وتحدث بسعاده ٠٠٠٠بااااابي ،،،خلاص إنت كده بقيت بابي !!!
نظر لهٌ مروان بحيرة وتحدث٠٠٠٠طب هو أنا كمان ممكن أندهلك بابي ؟؟
هز له رأسه بحب وضم الصغيران داخل أحضانه الحانيه وهو يتحسس ظهرهما بسعادة بالغه !!!
ووقف حمزه وسيلا يحتضنا الصغيران مع والدهما بكل حب وقلبٍ برئ !!
___________________________
عادت إلي منزلها من جديد مع سعادته وأرتياحه ،،،
وبعد مرور ثلاثة أيام لم يرها بها لعدم نزولها للأسفل أوقات حضورة لرؤية الصغيران وثريا ويسرا،،،
وهو أيضاً لم يصعد لها بعد،،تاركاً حاله لغرورة وعنده يحركاه ،
إرتدت ثيابها وأجهزت طفليها وأستعدت للذهاب إلي النادي الإجتماعي كي تٌخرج حالها من جو الملل التي باتت تشعر به في بٌعادة ،،ذهبت إلي الجراج وأستقلت سيارتها ولكن أوقفها رجال الأمن الماكثون أمام البوابه !!
حيث تحدث أحدهم بإحترام٠٠٠٠أنا أسف يا هانم،،عندي أوامر من ياسين باشا إن حضرتك متخرجيش برة الفيلا من غير أمر منه هو شخصياً !!!
نظرت له بإستهجان وتحدثت ٠٠٠٠٠٠نعم،،أيه التخاريف اللي إنتَ بتقولها دي ؟؟
أجابها بإحترام ٠٠٠٠٠أنا أسف جدآ يا هانم أنا بنفذ الأوامر مش أكتر !!!!
نزلت من سيارتها بغضبٍ وأدخلت أطفالها لثريا وأنطلقت إليه وعلي وجهها بوادر الغضب،،، دلفت للداخل وجدت منال وأيسل تجلستان سوياً سألت عليه أخبرتها منال بتواجده داخل المكتب،،،
طرقت فوق الباب طرقات سريعه ثم دلفت بعنف بعد إستماعها لسماحه لها بالدخول !!!
كان بإنتظارها بعدما إخبرته مٌني بإستعدادها للخروج بأطفالها
رفع بصرة لها بقلبٍ مٌشتاق لكل إنشٍ بها وبملامحها ولكن كعادته أظهر بروداً مٌميتاً وتحدث بهدوء ٠٠٠٠٠خير يا مدام ؟؟
أجابته بقلبٍ مٌشتعل وملامح غاضبه٠٠٠٠٠٠لا والله مش خير خالص يا سيادة العقيد،،هو سيادتك فارض عليا حصار ولا أنا تحت الإقامه الجبريه وأنا ما أعرفش ؟؟
وأكملت بغضب٠٠٠٠٠٠يعني أيه سيادتك أبقي خارجه أنا وولادي وألاقي عامل الأمن يمنعني ويقولي دي أوامر ياسين باشا؟؟
دلفت منال بعد الإستئذان وتحدثت ٠٠٠٠٠إهدي يا مليكه ،،صوتك عالي ليه ؟؟
نظرت لها بقوة وتحدثت بغضبٍ ٠٠٠٠٠٠إسألي سيادة العقيد أيه هو سبب صوتي العالي،،،الباشا مانعني من الخروج،،،،حابسني جوة بيتي أنا وولادي !!
كان ينظر لها ببرود وعلي صغريه إبتسامه ساخرة مما إستشاط غضبها
تنهدت منال وتحدثت ٠٠٠٠٠طب إهدي يا مليكه من فضلك !!!
تحدث هو أخيراً بهدوء٠٠٠٠٠٠من فضلك يا أمي سبينا لوحدنا !!
تنهدت منال بحزن علي ولدها الذي مازال يبتعد عنها ويٌبعدها عن حياته منذ ذلك اليوم المشؤؤم !!
أجابته بهدوء٠٠٠٠٠٠هخرج يا ياسين،،بس براحه ،،إتفاهموا بهدوء لو سمحتوا
شعر بألم تجاه حزن والدته الظاهر بصوتها ولكن مابيدة ليفعله فحقاً جرحهٌ منها عميقً !!!
خرجت منال ثم تحدث هو ببرود٠٠٠٠٠ كنتي بتقولي أيه بقي يا مدام فكريني كده ؟؟
أجابتهْ بنبرة صوت مٌحتقنه٠٠٠٠٠أظن حضرتك سمعتني كويس أوي !!
أجابها ببرود ٠٠٠٠٠تمام،،،مبدأياً كده القرار ده قديم ،،،،تقريباً كده من حوالي أكتر من 15 يوم وطبعاً علشان سيادتك مكنتيش موجوده هنا فامكنش عندك خبر بيه ،،
وأشار لها بتذكر وأكملَ ٠٠٠٠٠أه وعلي فكرة،،القرار ده شامل ليالي هي كمان يعني مش لوحدك !!!
تحدثت بغضبٍ عارم٠٠٠٠٠٠إنتي حر إنتَ وليالي بتاعتك تعمل فيها إللي إنتَ عاوزه بعيد عني،،كلامك ده يمشي عليها هي لكن ميمشيش عليا !!!
أجابها بنبرة صوت حادة٠٠٠٠٠الكلام ده يمشي عليكي قبل منها،،ولا نسيتي إني كنت مأمنلك ومديكي ثقه عمري ما أديتها لمخلوق علي وجة الأرض،،والنتيجه كانت أيه يا مدام ،،النتيجه كانت كارثيه بالنسبالي !!
إحتقن وجهها وأردفت بإستفزاز ٠٠٠٠٠٠٠ياريت ماتدخلناش ف مواضيع ماتت وإنتهت بالنسبالي،،،أنا مش جايه أفتح وأتكلم في كلام قديم لا هيودي ولا هيجيب !!!
إنتفض داخله بغضب من إستفزازها لمشاعرة ونهض وتحدث بحدة٠٠٠٠أنا مابفتحش مواضيع قديمه يا هانم ،،ولو كان الموضوع بالنسبالك مات وأنتهي فابالنسبالي أصبح مكنلوش وجود من الأساس !!!
وأكمل بكبرياء٠٠٠٠٠٠ودالوقتي نرجع لموضوعنا ،،وأول حاجه لازم تلغي من تفكيرك إني مٌمكن أسمحلك تخروجي من البيت تاني لوحدك ،،،
وأكملَ ٠٠٠٠وبعد كده مش هتخرجي إلا للمشاوير الضروريه واللي هيكون عندي علم ببها قبلها بيوم واحد علي الأقل،،،وعربيتك تنسي إنك تخرجي بيها بعد كده،،السواق هيروح معاكي مكان ماأنتي رايحه وهيستناكي لحد ما يرجعك تاني !!!!!
كانت تستمع لهْ بقلبٍ مٌشتعل وأردفت بغضب٠٠٠٠٠٠وأنا بقا مش موافقه علي كلام معاليك ده !!!!
تحركَ ووقف قبالتها ووضع يده داخل بنطاله ونظر لها بإبتسامة باردة وتحدث ٠٠٠٠٠هقولك جملتك إللي قولتهالي ف أسوان،، أخرك هاتيه معايا يا مليكه يا عثمان !!!
تنفست بغضب وبدأ صدرها يعلو ويهبط من شدة غضبها وأبتسم هو لتلك الحاله التي أوصلها لها
حين أكملت هي ٠٠٠٠٠٠تبقا غلطان لو فاكر إنك كده بتكسرني،،
وأكملت بإشمئزاز ٠٠٠٠٠أنا بجد مصدومه فيك !!!
أجابها بقوة ونبرة حاده ٠٠٠٠أكيد مش هتبقي أد صدمتي فيكي !!!
ألقت نظرة غضب عليه وأنطلقت للخارج صافقتاً خلفها الباب بشدة !!!!
أغمض عيناه بألم وزفر بضيق وذهب إلي نافذة المكتب لينظر إلي أثرها !!!!
إستمعَ إلي طرقات فوق الباب زفر بضيق وسمح للطارق بالدخول
دلفت منال وهي تنظر له علي أستحياء وتحدثت ٠٠٠٠عاوزه أتكلم معاك شويه ،،مٌمكن ؟؟
تنهد بألم وأشار لها بإتجاه الأريكه وذهب معها وجلسا وتحدثت هي ٠٠٠٠٠٠أنا أسفه لو مكنتلكش الأم إللي كان نفسك فيها يا ياسين،،أسفه إني طول الوقت كنت بخذلك بتصرفاتي اللي للأسف كانت بتتفسر إنها ضدك ،،
ثم أكملت بتأثر ٠٠٠٠٠أنا مش بشعه أوي كده يا ياسين ،،أنا عمري ما كنت ضدك يا أبني،،أنا طول الوقت كنت بحاول أحافظلك علي بيتك علشان مايتهدش وولادك يدفعوا التمن،،،أنا عارفه إنك كنت تستاهل واحده أحسن من ليالي بكتير،،وعارفه كمان إنها طول الوقت مقصرة ف حقك،،
وأمسكت يدة بحب وأكملت٠٠٠٠٠بس بيتهيألي إستقرار أيسل وحمزه ووجودهم مع أبوهم وأمهم ف نفس البيت يستاهل التضحيه بأي حاجه تانيه،، ولا أيه يا ياسين ؟؟
تنهد بألم وتحدث ٠٠٠٠٠حضرتك إتصرفتي وحكمتي علي الموضوع من وجهت نظرك إنتي واللي للاسف دمرتني ودمرت علاقتي بليالي،،،تدخلك ووقوفك ضدي طول الوقت منعني إني اصلح من طباع مراتي اللي للأسف رسخت جواها مع الوقت وبقي من المستحيل إنها تتغير،،،،
وأكملَ مٌوضحاَ٠٠٠٠٠زي مثلاً موضوع الحجاب ومشكلته ،،فكراه يا أمي ؟؟
فاكرة حضرتك عملتي أيه ،،،حطيتي طلاقك قدام طلاق ليالي اللي أنا متأكد إن هي وأهلها مكنوش هيحبوا يوصلوله وكانوا هيتنازلوا ويقبلوا بطلباتي،،،لكن كالعاده دمرتي إرادتي بتدخلك الغلط !!!
وأكملَ بتفهم٠٠٠٠٠٠يمكن حضرتك وقتها كنتي فاكرة إنك بكدة بتحمي بيتي ،،،لكن إحب أقولك إن بيتي إتهد ومن زمان أوي،،،بيتي أصبح هش أوي يا أمي لأنه للأسف مبني علي ركام وأي هزة مهما كانت بسيطه من الممكن جداً إنها تجيبه علي الأرض !!!
وأكملَ بعرفان٠٠٠٠مش ناكر أبداً وقفتك معايا ف تربية ولادي وأهتمامك بيهم وبكل ما يخصهم ،،ومش ناسي فضلك فإن حضرتك السبب فاللي وصلوله ولادي من مستوي عالي في التعليم وتدريباتهم والأنشطه الخاصه بيهم ،،بس ياريت يا أمي ما تحاوليش تدخلي تاني ف علاقتي بليالي علشان بجد أنا تعبت !!!!
كانت تستمع لهٌ بوجهٍ حزين مٌتألم لأجل ما عاناه ولدها من تدخلاتها الخطأ بحياته وتحدثت خجلاً٠٠٠أنا أسفه يا ياسين،،،أرجوك تسامحني يا أبني وتعرف إني عمري ماكان قصدي أجي عليك أو أأذيك أبداً
وأكملت بشكر٠٠٠٠ومتشكرة أوي إنك متكلمتش مع عز ف موضوع شركة الأمن الإيطاليه والمراقبه !!!
أمسك يدها وقبلها وتحدث٠٠٠٠٠إنتي أمي،، يعني أغلي حد في حياتي،،أكيد عمري ما كنت هصغرك قدام الباشا وأقوله حاجه زي دي !!!
وضعت يدها علي وجنته وتحدثت بحب٠٠٠٠تسلملي يا ياسين،،،
ثم تنهدت وأكملت٠٠٠٠٠روح لمليكه وصفوا إللي بينكم وأرجعلها يا ياسين،،مليكه حد حلو وبتحبك وتستاهلك بجد ،،هي غلطت أه بس كان غصب عنها يا أبني،،أعذرها وسامحها !!!!!
وأبتسمت وأسترسلت حديثها٠٠٠٠٠أنا عارفه إنك بتحبها وأوي كمان،،وهي كمان بتحبك أوي أنا شفت ده في عنيها لما جتلك هنا علشان تعتذرلك،،شفت ندم وألم ست بتحب جوزها بجد،، ست مدبوحه وقلبها بينزف علشان حبيبها اللي بيتألم بسببها،،وبرغم إنك مسمعتهاش ويمكن كمان تكون طردتها إلا إنها وهي خارجه وبتتكلم كنت شايفه ف عيونها حب وعشق ست لراجلها ،،،أرجعلها ومتخليش البعد يخلق قساوة بينكم !!
إبتسم لها وتحدث مٌداعباً إياها ٠٠٠٠٠تاااني هتدخلي يا أمي،،،
ثم أبتسمَ وأكمل٠٠٠٠٠أخر حد إتخيلت إني أسمع منه الكلام ده هو إنتي يا حبيبتي !!!
إبتسمت بألم وتحدثت٠٠٠٠٠علشان تعرف إن سعادتك أهم عندي من أي إعتبارات تانيه يا حبيبي !!!
قبل يدها وضمها داخل أحضانه وتنهد براحه بعد تلك الجلسه الصريحه والمريحه لإثنتيهم !!!!
_________________________
أما مليكه التي رجعت لمنزلها غاضبه تحدثت ثريا بعدما أستمعت منها تعنٌت ياسين ف مسألة خروجها ٠٠٠٠٠٠إهدي يا مليكه وأنا هتكلم مع ياسين وأستأذنه ف إنك تخرجي !!!
أجابتها برفض٠٠٠٠لا يا ماما لو سمحتي بلاش،،مش عاوزاه يشوفني مليكه الضعيفه اللي جريت وأشكت لحضرتك علشان تجبيلي حقي منه،،،
وأكملت بقوة٠٠٠٠٠خليه يعمل إللي هو عاوزه ويجيب أخرة !!!
تنهدت ثريا وحزنت لأجلها ولأجل ياسين
_______________________________________
بعد عدة أيام !!!!
كان يجلس بالحديقه ليلاً أتت إليهِ ليالي وجلست بجانبه وتحدثت ٠٠٠٠لحد أمتي هتفصل زعلان مني يا ياسين؟؟
أنا تعبت من المعامله دي ومش قادرة أتحمل أكتر من كده !!!
زفر بضيق وأردفَ ٠٠٠٠ فارق معاكي أوي زعلي يا ليالي،،،ولا عقابك هو اللي فارق معاكي وحابه تنهيه ؟؟
تنهدت بألم٠٠٠٠ليه دايماً شايف إن زعلك مش فارق معايا،،أنا بحبك يا ياسين،،والله بحبك وزعلك وبعدك عني بالشكل ده ألمني وفعلاً مأثر فيا ،،تفتكر أنا مبسوطه من نومك ف أوضة المكتب من يوم إللي حصل،،ده حتي شكلنا بقي وحش أوي قدام كل إللي ف البيت والشغالين !!
إبتسمَ ساخراً وتحدث٠٠٠٠هي دي نقطة اللبس إللي عندك يا ليالي،،للاسف إنتي عمرك ما حبتيني ولا فارق معاكي بعدي وزعلي زي ما بتقولي،،،للأسف،، إنتي كل إللي فارق معاكي شكلك الإجتماعي قدام الناس والعيله والشغالين !!!!
وزفر بضيق فأكملت هي بتفسير٠٠٠٠٠ما تحاسبنيش علي أفكار إتربيت وكبرت عليها وثبتت جوة دماغي وفكري يا ياسين،،أنا واحده أتربيت علي إن الشكل الإجتماعي هو أهم حاجه في حياة الست،، صدقني أنا بحبك بس إترببت إني أحب نفسي أكتر وأفضلها علي كل اللي حواليا !!!!
إبتسم بألم وتحدث ٠٠٠٠وأنا مش هاجي دالوقتي وأحاول أغير المستحيل يا ليالي !!!
إبتسمت هي براحه وأكملت ٠٠٠٠ياسين،،، أنا تعبت من الوضع ده !!
نظر لها بتساؤل وهدوء٠٠٠٠٠عاوزة أيه يا ليالي ؟؟
تحدثت ٠٠٠٠٠٠عاوزة أرجع لحياتي الطبيعيه،،نفسي أخرج معاك زي الأول ونفسي أخرج أقابل أصحابي،،نفسي أعمل شوبنج وأحس إني لسه عايشه،، بجد تعبت من الحبسه دي ومش قادرة أتحملها أكتر من كده يا ياسين !!!!!
نظر لها مٌضيقاً عيناه وتحدث بذكاء ٠٠٠٠٠موافق بس بشرط !!
إنفرجت أساريرها وتحدثت بلهفه ٠٠٠٠٠أيه هو ؟؟
نظر لها برجاء وأمال رأسهٌ مٌتحدثاٌ بتمني٠٠٠٠تلبسي الحجاب !!
زفرت بضيق وأردفت ٠٠٠٠٠إنتَ عارف إني مش حباه ومش مٌقتنعه بيه يا ياسين،،وبعدين ماأنا بلبس بكم ولبسي كله طويل ومقفل وده بناءً علي طلبك وأؤامرك !!
أمسكَ يدها ونظر لها بحنان وتحدت٠٠٠٠٠ليالي،،الحجاب ده فرض عليكي من ربنا وخطوة أولي لازم تتعمل لكونك مسلمه وطالبه رضي ربنا عليكي،،صدقيني يا حبيبتي لو لبستيه هتحسي براحه نفسيه رهيبه،،التقرب لربنا أكتر حاجة ممكن تدخلك ف سلام نفسي وإستكانه داخليه هتغير حياتك كلها للأفضل !!!
كانت تخرج إلي شرفتها تستنشق الهواء النقي ككل يوم،،نظرت حولها لتتفقد المكان، ،وجدته يمسك بيد زوجته ويبدوا علي وجههِ الراحه والحب ،،إشتعل داخلها وشعرت بنار الغيرة تقتحم قلبها وتشعله ،،قورت يدها وضغطت عليها بتألم !!!
دلفت سريعاً للداخل ودارت حول حالها بغضبٍ عارم إرتمت فوق تختها وأجهشت بالبكاء المرير من شدة غيرتها علي رجلها ومعشوق عيناها،،
نعم هي غاضبه منه وقررت معاقبته بإبتعادها عن أحضانه وذلك لتهذيب أخلاقه وتعليمةٌ درساً قاسياً حتي يتعلم كيف يعاملها بإحترام مٌستقبلاً،،،،
لكنهٌ مازال رجلها التي كلما رأته جاهدت حالها بألا تجري عليه وترتمي داخل أحضانه لترتاح روحها المٌتعبه منذ إبتعاده !!!!
عودة إلي ياسين !!!!!
أكمل وهو مازال يٌمسك يدها بحنان يحاول إقناعها بالقول اللين ٠٠٠٠أنا أتكلمت مع أيسل في موضوع حجابها وهي الحمدلله أقتنعت،، وأتفقنا إننا هنخرج مع بعض في الويك إند الجاي ونعمل شوبنج علشان تغير إستايل لبسها كله علشان يليق بلبسها للحجاب ، ،،
وأكمل بهدوء ٠٠٠٠يرضيكي بنوتك اللي مكملتش 15 سنه تلبس الحجاب وإنتي مش لبساه ؟؟
كانت تستمع له بحيرة وتخبط فأردفت بتساؤل٠٠٠٠لو لبسته هتطلع تنام ف أوضتنا تاني ؟؟
هز لها رأسه بإيماء وأجابها بتأكيد ٠٠٠٠إكيد طبعاً هعمل كده،،،وطول ما أنتي بترضي ربنا وبتراعي بيتك وولادك هتلاقي معاكي ياسين تاني خالص !!!!
إبتسمت لهٌ ثم نظرت بشرود وتفكر وتحدثت ٠٠٠٠٠طب أديني فرصه أفكر !!!!
أجابها بهدوء٠٠٠٠٠٠خدي وقتك يا ليالي ،،أهم حاجة إنك تقرري عن إقتناع،،،لإنك لو لبسيه مش هينفع تتراجعي في الخطوة دي تاني وتفكري تخلعيه،،فهماني يا ليالي ؟؟
هزت لهٌ رأسها بإيجاب !!!!
___________________________________
كانت جيجي تجلس داخل أحضان طارق فوق تختها
تحدثت بإستغراب٠٠٠٠٠تعرف يا طارق أني مستغربه أوي رد فعل طنط منال علي موضوع ياسين ومليكه، ،كنت فكراها هتهد الدنيا هي وليالي لما يعرفوا وخصوصاً كمان إن كان فيه بيبي !!!!
أجابها طارق بشرود٠٠٠٠٠أنا كمان كنت فاكر زيك كده يا حبيبتي،،،وحقيقي إستغربت جداُ هدوء ماما وعدم تعليقها علي الموضوع،،،بس إللي أنا متأكد منه إن فيه حاجه كبيرة أوي حصلت بينهم وببن ياسين خلتهم سكتوا بالطريقه الغريبه دي،،أيه هي بقي الحاجه دي الله أعلم !!
ردت عليه بتأكيد ٠٠٠٠٠كلامك صح جداً ،،بدليل إن بعد اللي عمله ياسين مع مليكه وجه علي هنا طنط منال وليالي جريوا وراه وطلعوا علي الجناح ووشهم ما كانش يبشر بالخير أبداً،،،
وقفلوا علي نفسهم الباب وبعد ما كنت سامعه صريخ وأعتراض ليالي ،،فجأة الصوت هدي خالص وبعدها بمدة طويله نزل ياسين وخرج بعربيته ،،وطنط منال راحت علي أوضتها ومخرجتش منها غير تاني يوم ،،حتي ليالي هي كمان عملت كده !!!
نظر لها طارق وأردف ٠٠٠٠٠أكيد فيه حاجه حصلت خلتهم محسوش بالمصيبه التانيه !!!
سالته جيجي ٠٠٠٠أنت مسألتش ياسين ؟؟
هز رأسه نافياً ٠٠٠٠٠ياسين من يوم إللي حصل وهو قافل قلبه ومش حابب يتكلم ف أي حاجه مع أي حد،،،حتي مع الباشا !!!!
تنهدت جيجي وأكملت ٠٠٠٠بصراحه الله يكون في عونه إللي حصله من مليكه مش قليل بردوا،،وهي كمان الله يكون في عونها الموقف صعب عليهم هما الإتنين !!!!
ضمها طارق داخل أحضانها وقبل جبهتها وتحدث بألم ٠٠٠٠٠٠يلا ننام يا جيجي ،،عندي شغل بكرة ولازم أصحي بدري !!!
___________________________________
بعد إسبوع !!!!!!
كانت علياء بصحبة شريف تتحرك داخل الإستوديو بسعاده وهما ف طريقهما إلي غرفة التسجيل فلقد حضرت هي وعائلتها من أسوان حتي يحتفلوا مع باقي عائلة المغربي بحفل عقد قران يٌسرا جميلة الروح والأخلاق الذي سيقام غداً ف فيلا رائف المغربي بتحضيرات عاليه ،،،
تذكرت زيارتها الأولي وكيف بدأت بحٌلمٍ جميل وأنتهت بكابوسٍ أنهي علي أحلامها العذراء،،،نفضت رأسها من تلك الأفكار وخصوصاً أن زيارتها الأن تختلف كلياً عن سابقتها،،، فهي الأن تدلف معه وهما يتشابكان الأيدي والأرواح تتحرك بجانبه كاأميرة تتحرك بجوار ملكٌها !!!!
كان ينظر داخل عيناها والحب والسحر يملئان عيناه من شدة إعجابه وحبه لها
نظرت لعيناه وتحدثت٠٠٠٠٠أرجوك يا شريف ماتبصليش كده،، حاسه إن قلبي هيقف ف مرة من فرحته وأنتَ بتبصلي بعيونك ونظرتك دي !!!!
تنهد بحب وأبتسم قائلاً ٠٠٠٠الحب ما بيموتش يا عاليا،،،الحب بيحيي الروح وينعش القلب ويسعده !!!!!
إبتسمت له وتحدثت بمرح ٠٠٠٠٠نفسي أعرف بتجيب كلامك الحلو ده منين ؟؟
من سحر عيونك بتخرج كلماتي ،،،كلماتٍ أجابها بها بسعاده وعشق !!!!
تنهدت بإنتشاء وسعاده ونظرت للأمام وهي تتحرك بجوارة بحيويه وروح سعيده ،،
وجدت أمامها تلك السالي بإنتظارهم
وقفت سالي أمامهما وهي تربع يداها فوق صدرها وتنظر لها وعلي وجهها إبتسامه ساخرة وتحدثت إليه وهي تنظر إلي علياء ساخرتاً
سالي بكبرياء وهي تنظر إلي علياء بإشمئزاز ٠٠٠٠٠ بقي هي دي إللي اختارتها تكون بديله عن ساااالي يا شريف،،مش خايف لأصحابنا يعملوا مقارنه بيني وبينها،،،صدقني ساعتها هيبصولك بطريقه تانيه خالص ويقيموا نظرتهم ليك من جديد !!
كاد أن يرد لكن عاليته الغاليه سبقته وردت بكل قوة٠٠٠٠٠هما فعلاً هيعيدوا تقييم نظرتهم ليه من جديد،، علشان هيبصولوا بطريقه أكتر تعقلاً وأكتر إحتراماً ،،،هيبصوله بنظرة شامله لراجل بيحترم ذاته ،،،،راجل ذو عقليه مثقفه وواعي ،،،مش راجل فارغ من جواه وماشي ورا شكل مزيف وعقل فاضي !!!
إبتسم داخلياً علي تلك الشرسه ذات المخالب القويه وهي تفترس مهاجمتها دون رحمه !!!!!
أجابتها سالي بنبرة ساخرة٠٠٠٠٠٠دي الحلوة ليها لسان وبتعرف تتكلم أهي !!!
نظر إلي سالي وتحدث بهدوء٠٠٠٠٠ياريت يا سالي تحافظي علي إللي باقي من إحترامي ليكي وتتصرفي بإسلوب مهذب وإنتي بتتكلمي مع حرم شريف عثمان المستقبليه،،ده طبعاً لو لسه حابه يكون بينا إحترام كأي زميل وزميله بيشتغلوا ف مكان واحد !!!
إبتسمت ساخرة وتحدثت٠٠٠٠بكرة تجيلي زاحف لما تفوق من زهوة السراب اللي مشيت وراه وأنتَ مغيب،،وساعتها هتتمني إني أسامحك وأرجعلك من تاني،، وبكرة هفكرك لما تجيلي وأنت مذلول يا شريف !!!!!
إبتسمت علياء ساخرتاً حين نظر شريف إلي علياء بإبتسامة حب وأردفَ بصوتٍ عاشق وعيون هائمه ٠٠٠٠٠يلا بينا يا حبيبي علشان ألحق أظبط نفسي قبل الهوا !!!
إبتسمت له بعيون عاشقه وهزت رأسها وأردفت بطاعه٠٠٠٠٠يلا يا حبيبي !!!
إنسحبا من أمامها وتركاها تستشيطٌ غضباً والحقد يتأكل من قلبها !!!
دلف لداخل مكتبه بصحبتها وتحدث بحب ٠٠٠٠قوليلي بقا أيه رأيك في مكتبي يا حضرة الباشمحميه،،،،المرة إللي فاتت مشيتي وملحقتش أفرجك عليه !!!
نظر عليها وجدها حزينه والغيرة تتأكلها
إقتربَ عليها وأمسك يدها وقبلها بعيون ذائبه عشقاً وتحدث٠٠٠٠٠مٌمكن أعرف أيه اللي قلب مزاج حبيبي أوي كده ؟؟
مطت شفتيها وتحدثت بحزنٍ بعيناها٠٠٠٠مش حباك تشتغل معاها في نفس المكان،،،شعور إنك معاها ف نفس المكان وبتشوفها كل يوم بيقتلني يا شريف،،
ثم نظرت له بتساؤل ٠٠٠٠هو أنت ممكن تتنقل من الإذاعه دي ؟؟
إبتسم لها بهدوء وتحدث٠٠٠٠٠مع إني لسه منقول ليها من شهور قليله بس طالما عاليا الغاليه طلبك يبقي علم وينفذ !!!
جحظت عيناها بسعادة وقفزت بمرح وتحدثت ٠٠٠٠٠بجد يا شريف،، إنتَ فعلاً هتعمل كده علشاني ؟؟
أجابها بسعاده وهو يري فرحتها داخل عيناها الجميله٠٠٠٠ومين عندي أغلي منك يا عاليا علشان أعمل أي حاجه ترضيه وتسعده،،
وأكملَ بتعقل ٠٠٠٠بس أنا عاوزك تثقي فيا أكتر من كده يا حبيبي،،إنتي العاليا ف قلبي وملكيش زي وعيوني مبقتش بتشوف غيرك،،يعني عاوزك تطمني علي نفسك جوة قلبي ،،فهماني يا عاليا !!!
إنتشئت بسعاده وأجابته بحب ٠٠٠٠فهماك يا قلب عاليا !!!
إبتسم لها وقبل باطن يدها بنهم وتحدث٠٠٠٠يسلملي حبيبي اللي دايماً بيريح حبيبه ويسمع كلامه !!!!
______________________________
فجر اليوم التالي !!!!!!
بعد إنتهاء حفل عقد القران أخذ سليم عروسه الجميل يٌسرا وأوصلهما طارق إلي الأوتيل الذي إحتجز سليم به جناحَ ليقضي بهِ ليلتهِ الأولي مع حبيبته ،،أما باقي عائلته فقد تبقوا داخل فيلا رائف !!!!
كانت تخرج من داخل المرحاض ترتدي ثوباً للنوم مريحً ،،
وجدت من يجلس فوق المقعد متشابك الأيدي وينظر أسفل قدميه !!!
نظر عليها وأنتفض داخله وصرخ قلبهٌ مطالباً إياه بالتحرك السريع لضمتها والعيش بهناء داخل أحضانها الحنون
إرتجفت وتسمرت مكانها ثم أبتلعت لٌعأبها وتحاملت علي حالها وأردفت بتساؤل حاد٠٠٠٠خير يا سيادة العقيد، ،ياتري أيه المناسبه السعيدة اللي خلت جنابك تشرفني هنا دالوقتي ؟؟
نظر لها ببرود مٌميت إصطنعهٌ لحاله كي لا يضعف أمام هيئتها وأنوثتها المهلكه لرجولته
تحدث بنبرة ساخرة٠٠٠٠٠هو ده مش جناحي مع الهانم مراتي بردوا ولا أنا تٌوهت ؟؟
أجابته بقوة وغيظ وهي تتذكرة يٌمسك بيد تلك الليالي بحب وتحدثت٠٠٠٠بيتهيألي كدة إنك تٌوهت يا باشا
وأشارت بيدها،،،،جناحك هناك عند ليالي مش هنا خالص،، ودالوقت ياريت تتفضل علشان عاوزه أنام !!!!
ضحك ساخراً وتحدث بنبرة تهديديه٠٠٠٠طب إهدي كده وخديلك ساتر علشان اليوم كان طويل ومرهق ومصدقته خلص علشان أنام وأريح دماغي من صداع الموسيقي اللي فرتك دماغي،،يعني تخليكي حلوة كده علشان مخرجش جناني وتعبي كله عليكي !!
وأتجه إلي الأريكه وأمسكَ ملابس بيتيه كان قد أخرجها من الخزانه قبل قليل وأشار لها بيده وتحدث أمراً ٠٠٠٠إتصلي ب مٌني تطلعلي فنجان قهوه علي ما أخرج من الحمام !!!!
نظرت له بإستغراب وتحدثت بنبرة ساخرة ٠٠٠٠لا والله،،،مش عاوزني أغسلك رجليك بالمايه والملح بالمرة ؟؟؟
أجابها بإقتضاب٠٠٠٠خمس دقايق وأطلع ألاقي فنجان القهوة قدامي،،،إتحركي !!!
دلف للمرحاض وتركها تستشيطٌ غضباً ،،تحركت وطلبت له قهوته وبعد قليل خرج من المرحاض يرتدي بنطالاً مٌريحاً فقط لا غير ،،،
إبتلعت لعابها من هيئتهِ المٌدمرة لإنوثتها نظر إليها وجدها تبتلع لعابها فأبتسم بإنتشاء لهيئتها وبدأ بتناول قهوته بتلذٌذ !!!!!
تحركت ووضعت علي جسدها شالاً كبيرا وكادت أن تتحرك خارج الغرفه أسرع إليها ف اللحظات الأخيره وجذبها من يدها بشدة جعلها ترتدم بصدرة ف حركه أذابت إثنتيهم وأهلكت حصونهما
نظر لشفتاها وأبتلع لٌعابه وبدأ صدرة ينتفض ويعلو ويهبط من شدة إحتياجه لها،،،
وماكان حالها أفضل منه كانت تنظر لعيناه بفاه مفتوحه مرتعشه وقلبٍ يرتجف يريد الإرتماء داخل أحضانه ونسيان كل ما أحزنها منه تلك الفترة الماضيه ،،،،
بقيا مدة علي وضعهما هذا كل منهم يحترق شوقاً للأخر ولكن كبريائه يمنعه من إتخاذ الخطوة الأولي وينتظرها من الأخر !!!!
إستجمعت قواها وتحركت بداخلها روح الأنثي المتمردة نفضت يدهِ من عليها وأبتعدت !!!
إغتاظ منها وتحمحمَ لينظف حنجرته وتسائل ٠٠٠مٌمكن أعرف الهانم خارجه علي فين؟؟
إستجمعت قواتها وتحدثت ٠٠٠٠هنام مع مروان ف أوضته !!!
تحدث غاضباً ٠٠٠٠٠يا بنتي هو أنا مش قولتلك خديلك ساتر وأبعدي عن غضبي السعادي ؟؟
ربعت يداها وتحدثت بضيق٠٠٠٠٠مش عاوزه أنام معاك ف أوضه واحده،،أيه هو بالعافيه ؟؟
رد عليها بنبرة حادة ٠٠٠٠اللي يسمعك كده يقول إني هموت وأنام جنبك،،لو إنتي مش حابه تجمعنا أوضه واحده فاأحب أعرفك إني مش طايق حتي مجرد الفكرة،،كل الحكايه إن البيت فيه ناس غريبه ومينفعش الهانم تبات لوحدها !!!
ردت بإقتضاب ٠٠٠٠خلاص تبقي محلوله،، هروح أنام ف أوضة مروان !!
رد بإقتضاب ٠٠٠٠ليه شيفاني مش راجل قدامك علشان أسيبك تنامي ف أوضة إبنك والبيت فيه رجاله غريبه ؟؟
شبكت يدها وأبتسمت ساخرة٠٠٠٠أولاً البيت مفهوش غير الستات، ،،الرجاله بايتين برة ف الإستراحه وطارق وعٌمر بايتين معاهم
ثانياً باب الفيلا مقفول علينا ومفيش مخلوق يجرئ يدخل جوة ،،
ثم نظرت له بإبتسامه ساخرة وأكملت ٠٠٠٠يعني بالإختصار كده ياريت تشوفلك حجه تانيه وتكون مقبوله بالنسبالي !!!!
تنهد بضيق وتحدث بغضب أخافها ٠٠٠٠٠خلي يومك يعدي ونامي يا مليكه،،النهار قرب يطلع وقولتلك إني تعبان وعاوز أنام !!!
إنتفض داخلها من هيئته الغاضبه وتحركت نحو التخت وكادت أن تتمدد عليه إلا أنه ذهب إليها وجذبها بغضب من فوقه وتحرك بها إلي أريكته وأجلسها بعنف
وتحدث بعيون تشتعل غضباً حتي أنها أرتعبت من هيئته ٠٠٠٠٠أنا مش قولتلك قبل كده مشفكيش قاعدة علي السرير ده تاني،،،إن شاء الله مش هترتاحي غير لما أولعلك فيه وفي الاوضه كلها وقريب أوي !!
كادت أن تتحدث هدر بها أرعبها ونظر لها بغضب ٠٠٠٠٠نامي ومش عاوز أسمع صوتك تاني ،، مفهوم ؟؟
إبتلعت لعابها وتحدثت بصوتٍ خافض ٠٠٠٠٠طب هروح أجيب المخده بتاعتي !!
صمت وتحركت هي وجلبت مخدتها ومخده أخري وضعتها بينهما !!!
نظر لها وتحدث بإستقطاب٠٠٠٠٠أحسن بردوا وصدقيني لو فيه كنبه تانيه كنت نمت عليها وسبتك تنبسطي لوحدك !!!
إغتاظت منه لكنها كانت سعيدة للغايه لغيرتهِ الشديدة عليها،،،وأغلق هو الضوء وتسطح بجانبها مشبكاً يداه ببعضها واضعاً إياها تحت رأسه،،،
وتنهد بتعب وحزن إلي ما وصلا إليه
نعم يريد ترويضها ويريدها أن تستشعر خطأها الفادح بحقه وتأتي إليه معتذرة حتي لا يتكرر ما حدث بالسابق ويعيش معها مٌجدداً بأمان ويذيقها من جديد من وابل عشقه وقبلاته ،،،
لكنه تعب وتعبت روحه وتألمت من إبتعادها عن أحضانهْ،،،حقاً يٌكابر ويعاند حاله لكنه يموت ألماً بكل لحظه يقضيها بعيداً عن أحضانها الحنون ،،
إشتاقها حد الجنون، إشتاق عيناها ونظرتها الساحرة،،، إشتاق شفتاها وتذوق شهد عسلهما،،،إشتاق رائحة أنفاسها العطرة التي تشعرة بوجوده،، إشتاق أن يضم بين يديه شعرها الحريري ويشتم رائحة عبيرة،،،إشتاق مليكه،، إشتاقها !!!
تنهد بألم ونظر عليها بطرف عيناه حتي لا تراه !!!
لم يكن حالها بأفضل منه فقد كانت تتسطح بجانبه بقلبٍ مٌشتعل بالإشتياق
حدثت حالها بحزنٍ عميق،، إقترب ياسيني،،إقترب وضمني إليك،،لقد إشتقتكَ رجٌلي الفريد،،تعا وأسحبني لداخل أحضانكَ من جديد،، صدقني لم أمانع،،فقط تعا وستري !!!
قضي ليلتهما في تألم ونار الإشتياق تشعل داخلهما ولكنه العند لا غيرة هو من أبعد بينهما !!!!
الفصل التاسع والثلاثون
أفاق من نومه قرب الظهيرة فقد جفاهٌ النوم في حضرتها ورائحتها التي كان يشتاقها حد الجنون ولكنه بالنهايه وقع صريع النومٍ من شدة تعبه،،،
نظر بجانبه مٌتلهفاً يتفحص وجودها،،تملكهٌ الإحباط حين وجد مكانها فارغ،، جلس وزفر بضيق وأرجع شعرةِ للخلف بحركه غاضبه،،،أمسك وسادتها وأخذها داخل أحضانه وأشتم بها عبير حبيبته وهو مغمض العينان،،
ثم تحركَ إلي المرحاض أملاً منهْ أن يجدٌها ويٌمليِ عيناهٌ برؤياها ،،،ولكن أصابهٌ الإحباطِ من جديد لعدم وجودها،،توضأ وصلي فرض الله عليه ونزل للأسفل
إستمع لصوتها المرح مع صغارها يخرج من داخل المطبخ،،
سحبهٌ قلبهْ إليها ودلف إلي المطبخ وجدها تبدو كشمسٍ والنجوم حولها ،،،تقف تصنع لصغارِها وصغار باقي المنزل الوجبات المٌحببه إليهم !!!
وقفت عَليه ومٌني سريعاً بإحترام لتحيته
وتحدثت عَليه بإحترام٠٠٠٠٠صباح الخير يا ياسين باشا !!!
إبتسم لها وتحدث بود٠٠٠٠صباح النور يا عَليه !!!
جري عليهِ مروان قابلهٌ بحب ورفعه لأعلي وثبته داخل أحضانه
فتحدث الصغير ٠٠٠٠صباح الخير يا بابي !!
قبله ياسين وأردف بحنان٠٠٠٠صباح الفل يا قلب بابي !!!
كانت سعيدة من داخلها لأجل طفليها وحالتهما النفسيه التي إرتفعت عنان السماء بفضل مٌناداتهم لياسين بأبي وأيضاً رعاية ياسين الغير مٌتناهيه لهما
نظر ياسين للصغير وتسائل ٠٠٠ أومال أنس فين ؟؟
أجابهٌ مروان وهو مازال معلق داخل أحضانه٠٠٠٠أنس بره في الجنينه مع نانا والضيوف !!
كانت تقف حول المنضدة الموضوعه بمنتصف المطبخ تصنع المعجنات للصغار لم تلتفت إليه حتي تٌشعرة بأنها غير مباليه بتواجده ،،
وجه حديثهٌ إلي عَليه بتساؤل ٠٠٠٠الضيوف فطروا يا عَليه ؟؟
أجابته بإحترام ٠٠٠٠٠الرجاله فطروا مع عز باشا وطارق بيه وخرجوا يشتروا شوية حاجات علشان يرجعوا ياخدوا الستات ويسافروا علي القاهرة،،،
وأكملت ٠٠٠٠والستات بيفطروا ف الجنينه مع ثريا هانم ومنال هانم !!!
وأكملت عَليه بتساؤل٠٠٠٠٠أحضر لحضرتك الفطار يا باشا ؟؟
نظر علي من أثارت حٌزنه لعدم إكتراثها لتواجده وتحدث٠٠٠٠٠لا يا عَليه مليش نفس،،لو بس تعمليلي فنجان قهوة يبقي كتر خيرك !!!
أجابته بإحترام ٠٠٠٠٠بس كده،،من عنيا يا باشا !!!!
نظر إلي سارة إبنة يٌسرا الماكثه بجوار مليكه تٌساعدها وتحدث بإهتمام٠٠٠أخوكي فين يا سارة ؟؟
أجابتهٌ بإحترام ٠٠٠٠٠في فيلا جدو عز بيعوم في البول مع حمزة وأمير ،،
وأكملت بإستحياء وترجي ٠٠٠٠٠خالو،،، هو حضرتك متعرفش رقم للأوتيل إللي مامي نازله فيه ،،أصلي كلمتها هي وأنكل سليم ولاقيت تليفوناتهم مقفوله وأنا حابه أطمن عليها ؟؟
نطقت أخيراً وتحدثت للفتاه ٠٠٠٠أكيد لسه نايمه يا سارة وأول ماتصحي إن شاء الله هتكلمك علشان تطمن عليكي إنتي وياسر !!!
أجابها ياسين تأكيداً لحديثها٠٠٠٠٠بالظبط زي ما طنط مليكه قالتلك يا حبيبتي،،وأنا إن شاء الله علي أخر اليوم لو هي مكلمتكيش أنا هحاول أوصلها وأخليها تكلمك !!!
وتحركَ حاملاً الصغير للخارج
أما هي فنظرت علي أثرة وتنهدت بألم ثم نظرت إلي عَليه التي أشرعت لعمل قهوة ياسين فتحركت إليها وتحدثت٠٠٠٠ سبيلي القهوة يا داده أنا هعملها !!
إبتسمت عٌليه لها ونظرت مٌني وأبتسمت هي الأخري بتخابث علي ذلك التصرف الذي حتماً سيرضي سيدٌها عندما تخبرة به !!!!
وبعد قليل أخرجت له مٌني القهوة وهو يجلس داخل الإستراحة وحيداً فتقدمت وهي تحمل لهٌ حاملاً فوقهٌ قدحٍ من القهوة ومعهٌ بعض المعجنات الساخنه التي صنعتها مليكه بأيديها
وأبتسمت مٌني وتحدثت٠٠٠٠الست مليكه هي اللي عملتلك القهوة بنفسها وكمان حطتلك البيتزا والكوكيز ده معاها ،،
وأكملت٠٠٠٠قولتلها بس الباشا مش حابب ياكل حاجه مع القهوه ،، ردت وقالتلي إسمعي الكلام وطلعيهم،، الباشا مينفعش يشرب قهوتة علي معدة فاضيه،،
وأكملت بإبتسامة ٠٠٠٠٠٠والنبي الست مليكه بتحبك أوي يا باشا !!!
إنتفض داخله بسعادة من إهتمام تلك العنيدة به وبصحته حتي وهي غاضبه منهْ
ثم تحدث ببرود رسمه علي وجههِ أمامَ تلك المٌني٠٠٠٠حطي القهوة وأرجعي علي المطبخ وخلي بالك من كل حاجه بتحصل حواليكي !!
أمائت له بإيجابيه وأنصرفت وبدأ هو بتناول وحدات الكوكيز بتلذذ
________________________
عِند سليم ويسرا داخل الأوتيل !!!
كانت تجلس داخل أحضانه الحانيه يداعب بيده خصلات شعرها بحنان
ثم رفع وجهها إليه ووضع قبله طويله مٌتلهفه فوق شفتاها قابلتها هي بترحابٍ شديد !!!
ثم نظر إليها بحب وتحدث بعيون هائمه٠٠٠٠مبروك يا حبيبي،،، مبروك يا أحلا وأجمل وأرق عروسه في الدنيا كلها !!
وضعت رأسها علي كتفه ولفت ذراعها حول عنقه وتحدثت بحنان وهي تضع قٌبله حنون فوق عنقهْ٠٠٠٠٠الله يبارك فيك يا حبيبي، ،
وتنهدت بهيام وأكملت٠٠٠٠إنتَ حنين أوي يا سليم، ربنا يخليك ليا !!!
شدد من إحتضانها وأجابها بحنان٠٠٠٠٠وييجي أيه حناني في حنان حضنك ونظرت عيونك يا يسرا،،أنا حاسس إنك عوض ربنا إللي كان شايلهولي علشان يكافئني علي وقفتي مع المرحومه مراتي في مرضها !!!
وضعت يدها علي وجنته وقبلته وتحدثت بحنان٠٠٠٠٠الله يرحمها يا حبيبي،،
ثم أكملت بحب٠٠٠٠اللي أنا متأكدة منه يا سليم إن ربنا جعل كل واحد مننا عوض للتاني علي كل اللي شافه وعاناه في حياته !!
ثم إنتفضت وأكملت بتفكر٠٠٠٠٠يا خبر،،، شفت حبك عمل فيا أيه يا سليم،،أديني نسيت أتصل بسارة وياسر وأطمن عليهم،،
ثم نظرت له بهيام وأردفت٠٠٠٠عيونك توهتني ونستني روحي يا سليم !!!
إبتسم لها بسعادة وقبلها برقه ثم أبتعد وتحدث وهو يٌمسك هاتفها ٠٠٠٠٠أفتحي فونك وتعالي نكلمهم مع بعض وبعدها أكلم ماما وأطمن عليها هي وعلي !!!
وبالفعل إتصلا كلً منهما وأطمئن علي أطفالهما سوياً !!!!
قضت يسرا بعض الأيام داخل الأوتيل وبعدها أخذت أطفالها وطفل سليم وسافروا جميعاً إلي أسوان للإستقرار هناكَ حيثٌ مكان عمل زوجها الحنون !!!
__________________________
بعد مرور بعض الأيام !!!
طلبت ثريا من ياسين الإذن إلي مليكه لتذهب بصحبة جيجي إلي النادي الإجتماعي للترويح عن نفسها ولو قليلاً
وافقها وبعث معهما السائق بسيارة الأسرة !!!
كانت تتحرك برشاقه وهي تمارس لعبة التنس مع مدربها الذي عادت إليه بعد غياب دامَ أكثر من عامان، للتدريب من جديد علي يدة !!!
كانت تتحرك سريعاً ورفعت يدها لأعلي لتستعد لتلقي الطابه بمِضربِها وفجأة وجدت مدربها توقف عن رمي الطابه وهو ينظر خلفها بتركيز ،،،
وفجأة وجدت من يٌمسك بمعصمِها المتواجد بهِ المضرب إنتفضت بهلع ونظرت خلفها سريعاً وجدته بطلتهِ المٌهلكه لكيانها ينظر لها بإبتسامه إستفزازيه وتحدث بصوتٍ خفيض ٠٠٠٠٠بيتهيألي أنا ماأديتش الإذن للهانم علشان تيجي وتقف تتنطت قدام راجل غريب بالشكل ده !!!
نظرت له بإستنكار وأجابته بنبرة ساخرة٠٠٠معلش يا سيادة العقيد أصلي نسيت أسجل في طلب العريضة إني هتمرن !!!
نظر المٌدرب وتحدث إحتراماً لياسين ٠٠٠٠أهلاً يا سيادة العقيد نورت المكان !!
إبتسم لهٌ بسماجه وأجابهْ بنبرة باردة٠٠٠٠أهلاً
فأكملَ المٌدرب بعفويه٠٠٠٠أيه يا مليكه مش هنكمل الماتش ؟؟
كادت أن تتحدث لكنه أمسك المِضرب منها ولف معصمهِ حول خصرها بتملك تحت إستغرابها وتحدث هو بإبتسامة سمجه٠٠٠٠لا والله يا كابتن،،مدام مليكه إعتزلت التنس خلاص،،
وأكملَ ساخراً ٠٠٠٠٠ياريت بقا تلحق تشوفلك بديل بسرعه قبل الأولمبياد ما يبدأ علشان متخسرش الذهبيه إللي كانت مؤكدة !!!
نظرت له بضيق وتحدثت بصوتٍ خفيض لا يسمعهٌ غيرة٠٠٠٠٠كفايه علينا ذهبية سيادتك اللي تستحقها وبجدارة في البرود وإستفزاز البشر !!
نظر المدرب مٌوجهاً تسائلهٌ إلي مليكه بطريقه إستفزازيه لياسين ٠٠٠٠٠حقيقي الكلام ده يا مليكه ،،مش هتكملي تدريب بجد ؟؟
هدر به بنبرة صوت مٌرعبة٠٠٠٠هو السمع عندك أيه يا حضرة إنتَ،، ماأنا لسه قايلك إن خلاص،،، إعتزلنا ده أولاً ،،،
ثانياً بقي يا محترم إسمها مدام مليكه المغربي،،وعلي فكرة أنا مبحبش أعيد كلامي لإني لما بتضر أعيدة للأسف بزعل أوي،،، وزعلي بيبقي غبي ووحش أوي،،
وأكملَ بنبرة تهديديه٠٠٠٠٠مفهوم ولا أعيد كلامي ؟؟
إبتلع المدرب لعابه من هيئة ياسين المٌرعبه وتحدث بإحترام٠٠٠٠مفهوم يا باشا ،، بعد إذن سعادتك !!
وأنصرفَ هارباً من أمام ذلك الوحش الكاسر !!
أما هي ففد نفضت يدةٌ من علي خصرها بغضب وتحدثت٠٠٠٠مٌمكن بقي أفهم أيه اللي سيادتك عملته ده ؟؟
يعني أيه تمنعني إني أتمرن ؟؟
أجابها بحدة وغضب٠٠٠ وهو علشان سيادتك تتدربي تقعدي تتنطتي وتهزي جسمك قدام المهزء ده ؟؟
وأكملَ بحده ونبرة أمره ٠٠٠٠ومن إنهاردة مفيش زفت تمرين تنس تاني،،وأقصي حاجه مسموحلك بيها هنا هي إنك تتمشي في ممشي السيدات أو تدخلي جيم السيدات غير كده تتقي شري وتاخديلك ساتر بعيد عن غضبي إللي إنتي مش أده اليومين دول ،،مفهوم يا مدام ؟؟
وأكملَ مٌستفزا إياها ٠٠٠٠ولا تحبي أعيد كلامي ؟؟
نظرت له بغضب ودقت بأرجلها فوق الأرض وتحركت
أوقفها بحدة ٠٠٠٠علي فين يا هانم ؟؟
أجابته بإبتسامه مٌستفزة ٠٠٠٠رايحه أغير هدومي،،ولا يكونش ده كمان ممنوع ؟؟
ثم تحركت تحت إبتسامتهْ من تصرفها وحالة الغضب التي وصلت إليها بفضله !!!
تحركت ودلفت لحجرة تبديل الملابس أما هو فذهب وجلس بإنتظارها بجوار جيجي وبدأ يحتسان مشروباً بارداً سوياً ،،
وقد علم ياسين مٌسبقاً من المراقب الذي وضعهٌ لمراقبة وحماية تلك العنيده أنها إرتدت الملابس الخاصه بلعبة التنس كي تستعد للتدريب مع مدربها ،،جن جنونه وترك ما بيدة من عمل وأتي إليها مٌسرعاً لينقض عليها بغضب ،،
وبالفعل أبدلت ثيابها وخرجت وكادت أن تذهب إليهما وجدت سالي بوجهها تربع يداها وتنظر لها بحقدٍ وغل وبدون مقدمات تحدثت٠٠٠٠٠من أول ما شفتك وأنا ماأرتحتلكيش أبدا وشفت جوه عنيكي حقيقتك إللي بتحاولي تداريها عن الكل !!!!
إبتسمت مليكه وتسائلت بنبرة ساخرة ٠٠٠٠٠وياتري بقي أيه هي حقيقتي اللي حضرة العبقريه سالي هانم إكتشفتها ؟؟
أجابتها بغل٠٠٠٠حقيقه بشعه لواحدة قلبها إسود مليان بالحقد والغل ،،واحده ما بتطقش تشوف إتنين بيحبوا بعض وهي أرمله وحيدة، ،بباها لزقها بالعافيه لياسين المغربي علشان تستفاد من منصبه وتاخدلها قرشين من وراه هو كمان ،،
وأكملت بغل ٠٠٠٠٠هو أنا مش قولتلك ماتحاوليش تتدخلي في علاقتي بشريف ،،غبائك وحقدك خلاكي ما تطتيقيش تشوفيه بيحبني وبيسمع كلامي،،،روحتي جبتيله قريبت الحيزبونه حماتك ولعبتوا عليه وخلتيه يسيبني أناااااا،، علشان واحده متجيش صفر علي الشمال في جمالي وثقافتي وشياكتي !!!
إبتسمت مليكه وأجابتها ساخرة٠٠٠٠٠مسكينه يا سالي،،صدقيني إنتي صعبانه عليا ومابتمنلكيش غير كل خير ،،بعد إذنك !!!
كادت أن تتحرك إلا أنها وجدت سالي تسحبها من يدها بعنف وهي تتحدث بغضبٍ وغل ٠٠٠٠رايحه فين يا حلوة،،إنتي فاكرة نفسك هتمشي كده من قدامي قبل ماأخلص الكلام اللي لازم تسمعيه !!!
نفضت يدها من عليها بغضب وتحدثت بقوة٠٠٠٠إوعي إيدك،،،أيه الطريقه الهمجيه بتاعتك دي ؟؟
أمسكتها سالي من جديد وهزتها بعنف وهي تتحدث بغل ٠٠٠ الهمجيه دي لسه هتشوفيها دالوقتي حالاً !!
لم تكمل جملتها حتي صرخت بألم حين تم إلتواء ذراعها وراء ظهرها وشعرت بألمٍ لم يضاهيهِ ألمْ
صرخت ونظرت لهٌ وتحدثت بعيون مٌترجيه٠٠٠٠سيب إيدي يا سيادة العقيد،، إيدي هتتكسر !!
أجابها بنبرة حادة وهو يلوي لها ذراعها بحرفيه أكثر ويؤلمها أكثر ٠٠٠٠ما هي لازم تتكسر ياروح أمك علشان مفكرتيش قبل ما تمديها وتلمسي بيها تاج راسك !!
أسرعت جيجي إلي مليكه وهي تتفحصها بإطمئنان٠٠٠٠مليكه إنتي كويسه ؟؟
هزت رأسها سريعاً بإيجاب وهي تنظر إلي عاشق عيناها بإنتشاء وهو يفترس من حاولت مٌجرد لمسها،،تأكدت أنهٌ حقاً رجلها وحماها وسندها الأول والاخير بعد ربها !!
تحركت إليه وحدثته بهدوء ٠٠٠٠سيبها لو سمحت يا ياسين،،خليها تروح لحالها !!!
أجابها بحده٠٠٠٠أسيب مين ؟؟ دي واحدة ناقصه تربيه وأنا نويت أكملهالها !!!
جاء رجال الأمن الخاص بالنادي وتحدث ياسين بحده وهو يٌلقي بسالي بشدة لتقع بعنف فوق الأرض ٠٠٠٠٠البت دي تتسلم حالاً للقسم التابع للمنطقه وتلبس محضر تعدي وقذف وسب محترم ،،مفهوم !!!!
جاء علي الفور المدير المسؤؤل عن إدارة النادي وتحدثَ مٌهدءً ياسين٠٠٠٠إهدي يا باشا وكل إللي حضرتك تؤمر بيه هيحصل
نظر لهٌ ياسين وصاحَ بغضب ٠٠٠٠٠٠إبقوا إستنضفوا الأعضاء بعد كده،،مش كل من هب ودب ودفع قرشين تدولوا العضويه ؟؟
أجابهٌ المٌدير خجلاً ٠٠٠٠إحنا أسفين يا أفندم علي إللي حصل !!
وجهت سالي حديثها إلي ياسين بدموع ٠٠٠٠٠من فضلك يا ياسين بيه حضرتك كده هتضيع مستقبلي !!!
نظر لها بإحتقار وأجابها٠٠٠٠٠إنتي اللي بغبائك ضيعتيه يوم مافكرتي تلمسي إيد حرم ياسين المغربي،،
ثم إقترب من مليكته ولف ذراعه وأحاط بهِ كتفها بعنايه في تصرف يوحي إلي ملكيته لها !!!
نظرت سالي إلي مليكه بإستعطاف ودموع وهي مكبله من أمن النادي ٠٠٠٠٠٠٠خليه يسبني يا مدام مليكه أرجوكي، ،،صدقيني مكنتش أقصد أأذيكي أنا كنت مقهورة إن شريف سابني وكنت محتجاكي تسمعيني ،،كنت بمسك إيدك علشان تقفي وتديني فرصه تسمعيني فيها مش أكتر !!!
نظرت لها بحيرة ثم حولت بصرها إليه فنظر لها بحسم ووجهَ حديثه إلي مدير النادي ٠٠٠٠٠إتفضل حولهالي علي القسم حالاً وأنا هعمل تليفوناتي وأتابع الموضوع بنفسي !!!
أجابه المٌدير بطاعه وتحرك وهو مازال يحتويها تحت ذراعه تحت صياح سالي وعويلها وأستنجادها بمليكه !!
إستقلت معه سيارته ونظرت إليه وتسائلت٠٠٠٠هي كده ممكن تتأذي ؟؟
أجابها ساخراً وهو يٌشغل مِقود السيارة وينطلق٠٠٠٠لا طبعاً،، إحنا هناخدها جوله نفسحها فيها ونرجعها تاني !!
تحدثت بحنق من سخريته ٠٠٠٠يااااسين !!
نظر لها بحنان فقد إشتاق حقاً نطقها لإسمه،،تنهد وأجابها ٠٠٠٠هتاخدلها من سنه ل تلات سنين حبس علي الأقل علشان دي جنحة سب وقذف وتعدي
تحدثت بأسي ظهر بصوتها٠٠٠٠أيوة بس دي كده مستقبلها ممكن يضيع،،حرام بجد دي كده لما تخرج مش هتلاقي محطه ترضي تشغلها ،،
ثم نظرت له وتسائلت٠٠٠٠٠هو أنا لو قولتلك إني حابه أتنازل هتوافق ؟؟
إستشاط غضباً وأشتعل داخله وأجابها بنبرة حادة ٠٠٠٠٠مش هيحصل طبعاً يا هانم لأن ببساطه الموضوع يخصني قبل ما يخص سعادتك !
ثم نظر لها بضيق وتحدث بحديث ذات مغذي٠٠٠٠٠كريمه أوي سيادتك وبتسامحي في الإساءه واللي بيسيئوا إليكي !!
وأكملَ بوجع ظهر بصوته لم يستطع مٌداراته٠٠٠٠إلا قوليلي يا مدام،،هو السماح عندك بيكون للكل بلا إستثناء ولا للناس اللي ليهم قيمة عندك وبس ؟؟
تألم داخلها وتمنت لو لديها الجرأة لتتجنب كرامتها وترمي بحالها داخل أحضانه لتخبرةٌ أنه أغلي الغوالي لديها،، ولكنه الكبرياء لعنة الله عليه !!!!!
تنهدت وسحبت بصرها عنه وتألم هو وشعر بالمهانه والكسرة،، نظر أمامه وقاد بحدة حتي أوصلها أمام منزلها وتوقف بالسيارة دون نطقهِ بأية كلمه،،
ترجلت ودلفت لداخل الفيلا وأنطلق هو مٌجدداً بسيارته خارج الحي حتي يهدئ من روعه المٌشتعل !!!
__________
عاد ليلاً من جلسه خاصه بالعمل،،وكاد أن يدلف لداخل منزله أوقفه رجل الأمن مٌتحدثاً بإحترام ٠٠٠٠٠ياسين باشا ،،مدام مليكه خرجت للبحر مع أنس وبعت وراها حسن يقف يحميها من بعيد !!
تنهد بتعب وأماء رأسه وذهب إليها ،،وجد حسن يقف بعيداً أشار له بأن يذهب !!
وتحرك بهدوء ووقف بجانب تلك الحزينه المٌحتضنه صغيرها بدموعها الصامته ،،،رأه الصغير فانتفضَ بسعادة مٌلقياً حالهٌ داخل أحضانه ٠٠٠٠٠بابي حبيبي !!
نظرت سريعاً إليه بعيون متشوقه ،،سحب الصغير من بين أحضانها وأحتضنه برعايه !
ثم وجه حديثهٌ إليها بهدوء٠٠٠٠٠أيه إللي مخرجك بالليل كده لوحدك ؟؟
أجابته بهدوء٠٠٠٠٠كنت مخنوقه ومحتاجه أشم شوية هوا !!!
تنهد بألم وأجابها٠٠٠٠طب يلا علشان فيه نسمة هوا بارده والولد كده مٌمكن يبرد !!!
نظرت إليهْ بتألم وأجابته بلوم٠٠٠٠٠لو خايف علي الولد من البرد خده وروح !!
نظر أمامهٌ وصمتَ ،،كانت تنتظر منه إجابه ،،
كانت تنتظر سماع أنها أيضاً غاليته،،وأنها أيضاً محط إهتمامه لكنهٌ فضل الصمت،،
وقفا بجانب بعضهما ومر الوقت ثم تحدث الصغير إليه ببرائة ٠٠٠بابي هي مامي ليه بتعيط ؟؟
أجابهٌ ساخراً٠٠٠٠٠٠علشان الستات بيعشقوا النكد زي عنيهم يا حبيبي !!
ثم نظر لها وتحدث بحنان٠٠٠٠٠يلا كفايه كده هتبردي !!
ردت عليه بتساؤل٠٠٠٠خايف عليا أوي ؟؟
تنهد بإستسلام فتحركت وتحرك بجانبها بصمتٍ تام حتي وصلا لباب الفيلا مدت يدها لتأخذ عنهٌ صغيرها وتلامست الأيدي وشعرا كٌلٍ منهما بشرارة ساخنه من مجرد لمسة يد،،،
نظر لها داخل عيناها بإشتياق بادلته بدعوة للدلوف معها ،،إربكَتهٌ تلك النظرة لكنه يريدها صريحه،،لا بالعيون ،،،
حدثته عيونها،،،،
لما لا تأتي وتغمرني بأحضانك،،
فلقد كرهتٌ الإنتظارِ وأشتقت ريانكْ ،،،
لم أعٌد أستطعٌ الصمودَ أكثر،،،
تعا ياسيني وسوف أصدٌقكَ وعداً،،،
ستري من عشقي ما يٌنسيكَ كٌلْ ألامكْ !!!!!
تلاشي نظراتها وتحدث بنبرة جاده٠٠٠٠تصبحي علي خير !!!
قال كلمته وأنصرفَ ودلفت هي بقلبٍ مكسورٍ حزين
__________
دلفت للداخل وجدت ثريا تجلس في بهو المنزل بإنتظارها ألقت عليها السلام ردته ثريا بترحاب
وذهب الصغير وجلس بأحضان جدته الحنون
وتحدث بتلقائيه٠٠٠٠تعرفي مين جالنا علي الشط يا نانا ؟؟
نظرت له وتسائلت ٠٠٠٠مين يا قلبي ؟؟
أجابها بإنتشاء وسعادة٠٠٠٠٠بابي وأخدني في حضنه ووصلنا لبرة وروح عند أيسل !!!!
نظرت إلي مليكه وجدتها تنظر بشرود أمامها وعيونها مهمومه
تحدثت لتٌخرجها من ما هي به٠٠٠٠٠يسرا والولاد بيسلموا عليكي،،لسه قافله معاهم حالاً !!
نظرت لها بأمل وتسائلت ٠٠٠٠٠وهي عامله أيه يا ماما ؟؟
إبتسمت وأجابتها٠٠٠٠الحمدلله باين من صوتها إنها مبسوطه أوي !!!
ردت مليكه بإبتسامة حانيه٠٠٠٠٠يسرا حد جميل أوي وتستاهل كل خير ،،ربنا يسعدها ويعوضها خير عن كل إللي فات !!!
نظرت لها وتألم داخلها علي ما أوت إليه تلك المسكينه بفضلها
تنهدت وأردفت٠٠٠٠٠كلميه وأعتذريله يا بنتي،،،ياسين راجل وكرامته وعزة نفسه منعينه إنه يبدأ بالخطوة الأولي ،،مستكتر اللي حصله منك وزعلان وده حقه،،كلميه وصفوا اللي بينكم ،،مش عيب يا بنتي إن الست تكلم جوزها وتعتذرله طالما هي إللي بدأت بالغلط !!!!
أجابتها بألم٠٠٠٠٠ماأنا روحتله وأعتذرتله وطردني يا ماما،،ماأقدرش أرخص نفسي معاه أكتر من كده،، أنا كمان عندي كرامة ومن حق نفسي عليا إني أصونها وأغليها !!
ردت ثريا بحكمه٠٠٠٠٠٠مفيش كرامة بين الراجل ومراته يا مليكه،،
وأكملت لتٌشجعها٠٠٠٠٠تعرفي يا مليكه إني لما فكرت لقيت إن من مصلحة مروان وأنس يكون ليهم أخ من ياسين !!
نظرت لها بإستغراب وحيرة !!
فاسترسلت ثريا حديثها٠٠٠٠٠صدقيني زي ما بقولك كده،،مروان وأنس لما يكونلهم أخ من ياسين ده هيقوي وضعهم أكتر وهيذود العلاقه بين ياسين والولاد ويربطه بيهم أكتر،، وقتها هيكونوا أخوات إبنه أو بنته فبالتالي هيكون أهميتهم من أهمية ولادة بالفعل مش بالكلام !!!
أجابتها مليكه مٌفسرتاً٠٠٠٠٠بس ياسين بيحب الولاد وبيعتبرهم أولاده فعلاً مش بس قولاً يا ماما !!!
ردت عليها بحكمه٠٠٠٠٠عارفه يا بنتي لكن صدقيني العلاقه كده هتكون أقوي بكتير وخصوصاً إن ياسين عاوز وحابب ده
نظرت لثريا وجدت نظرات تشجيع فتحدثت هي بأسي٠٠٠٠٠ربنا يعمل إللي فيه الخير يا ماما !!!
وقفت وقبلت صغيرها الغافي بأحضان ثريا وحملته قائله٠٠٠٠٠هدخلك أنس علي السرير علشان مايتعبش رجليكي !!!
وبالفعل أدخلته وأتت إلي ثريا وجلست بجوارها وأمسكت بكتاب الله وبدأ إثنتيهم بتلاوة أيات الله المٌحكمات حتي تٌزيل عنهما ما أصابهما من حزنٍ وهم مؤخراً !!!!!
___________________________
بعد مرور حوالي إسبوعان !!!!!!
كانت تجلس وحيدة بغرفتها مٌتألمه علي ما أصابها من حزنٍ منذ إبتعادة عنها،،،
فهو مؤخراً بدأ بتجنبها كٌلياً يبدوا وكأنه أعادَ إستراتيجية عقابها بالبعاد الكٌلي حتي تهرول لهْ حين تشتاقه،،لكنه العِند والكبرياء الذي دخل وأستوطنَ قلب كٌلٍ منهما هو من منعها ومنعهْ !!
خرجت إلي الشرفه تنظر إلي شرفة غرفته علها تراهٌ وتهدئ لوعة إشتياقها لهْ،، تنهدت بألم حين وجدت شرفته خاليه
رفعت رأسها للأعلي وأغمضت عيناها و تنفست هواء البحر بإنتشاء ،،تألمت وهي تتذكر كل جلساتهما معاً بتلك الشرفه،،إستمتاعهما سوياً وهما يتناولان مشروب القهوة علي أنغام فيروز الهادئة،،،والنظر داخل أعيٌن بعضهما بغرام وهيام !!!
ضغطت زر هاتفها وطلبت من مٌني قدحاً من القهوة علهْ يذكرها بهْ وأشعلت جهاز الموسيقي علي غنوة لفيروز ،،،،صباح ومسا،،،،شي ما بينتسي،، تركت الحب أخدت الأسي،،،،،
بدأت بإرتشاف قهوتها وإستماع غنوتها وهي تتذكرة ،،تتذكر عيناه الساحرة وهو ينظر لها بهيام،،تذكرت لمسة يدهِ الحنون ليدها،،،تذكرت حديثهما معاً طيلة الليل ،،حديثهٌ الذي يختصها به،،،هي لا غيرها حديث العشاق ،،
☆حديثٌ عشق الياسين لمليكتهْ ☆
تنهدت بألم ورفعت رأسها من جديد مٌغمضة العينان وهي تستنشق هواء البحر ونزلت دموعها حين غلبها الشوق لهْ
دلفت للداخل بقلبٍ يتمزق إشتياقاً أمسكت هاتفها نظرت إلي نقش حروف إسمه وكادت أن تضغط عليه لكنها تراجعت بأخر لحظه !!!
ذهبت إلي خزينتها فتحت صندوق مٌقتنياتها الثمينه وأخرجت منه صورها معه داخل لندن !!!
أخذتهم وذهبت بهم إلي أريكتهْ جلست فوقها وهي تتحسسها بيدها ثم أمسكت وسادته وأشتمتها بعيون مغمضه وقلبٍ عاشق مشتاق ،،،
أفتحت عيناها من جديد وأمسكت الصور وهي تتفقدها بدموع الألم،،، تذكرت ذلك اليوم الأشبه بحٌلمٍ جميل حين أرتدت له ثوب عٌرسها وكم الاحاسيس والمشاعر التي إجتاحت روحها في ذلك اليوم !!!
تنهدت بألم ودموع وضلت علي حالتها تلك حتي غفت وسط دموعها وهي حاضنه وسادته !!!
___________________________
أما عن ليالي !!!!
بعد تفكير عميق ومداولات لها مع منال وافقت علي إرتدائها الحجاب وذلكَ لإرضاء ياسين وشبه إقتناع أن ذلك هو الصحيح،،حتي أن منال إتخذت هي الأخري تلك الخطوة بعد رفضها الفكرة لسنوات عديدة لكنها أقتنعت وذلك التصرف أسعد ياسين كثيراً وبالفعل إرتدا إثنتيهم الحجاب وصعد ياسين إلي غرفة ليالي بعد عقاب دام أكثر من شهران منذ ذلك اليوم المشؤؤم بالنسبةٍ للجميع
كانت تجلس بجوارة فوق التخت وهو يقرأ كتاباً بيدة ومٌنشغلاً عنها به فتحدثت ٠٠٠٠٠إنتَ ليه حبيتها هي ومحبتنيش يا ياسين ؟؟
أخرجهٌ سؤالها من تركيزة في القرائه وإلتفت إليها
ثم أكملت هي بحزن ٠٠٠٠أيه إللي لاقيته عندها يخليك تحبها ويخليها غاليه عليك لدرجة إنك حتي وإنت غضبان منها تروح لنرمين وتجبرها تيجي تعتذرلها قدام الكل ؟؟
نظر لها ثم تنهد وسألها بهدوء٠٠٠٠٠نرمين هي اللي قالتلك ؟؟
هزت رأسها بإيجاب وتحدثت ٠٠٠٠أيوة نرمين،،،
ثم أكملت بعتاب ٠٠٠٠٠أيه اللي أدتهولك يخليك تعمل علشانها إللي عمرك ما عملته علشاني ؟؟
نظر لها بإستغراب وتسائل٠٠٠٠وأنا أمتي سمحت لأي حد إنه يهينك يا ليالي ؟؟
وأكمل مٌفسراً ٠٠٠٠٠أنا عمري في حياتي ماسمحت لمخلوق علي وجه الأرض إنه يهينك أو حتي يمسك بكلمه،،
إنتي مراتي وهي كمان مراتي وكرامتكم إنتوا الإتنين من كرامتي ولا يمكن أسمح لحد يجرح شعوركم أو يقلل منكم وأنا موجود !!
أجابته بحزن٠٠٠٠٠بس إنتَ حبيتها يا ياسين،،،أنا شفت حبك ليها جوة عيونك ،،شفت نظرة عمري ف حياتي مشفتها ف عيونك وإنت بتبوصلي ،،
وأكملت بغضب٠٠٠٠٠شفت ألم وكسرة وغضب راجل كان هيموت ويبقاله طفل من واحده بكل جبروت منعته الحق ده ،،حتي بعد كل اللي عملته فيك وبعد ما قتلت إبنك علشان ميبقاش فيه حاجه تربط بينك وبينها متخليتش عنها !!!
وتحدثت برجاء٠٠٠٠٠٠ علشان خاطري طلقها يا ياسين ، طلقها وخلينا نعيش مرتاحين زي زمان !!!!
أجابها بنبرة هادئة وباردة٠٠٠٠٠ما تغالطيش نفسك وتخدعيها يا ليالي،،،،إحنا بيها أو من غيرها عمرنا ما كنا مرتاحين ،،،أنا قضيت عمري كله معاكي في نكد ومشاكل،،،
وأكمل بتعقل٠٠٠٠٠مليكه مراتي وزيها زيك بالظبط،، حاولي تتقبلي الوضع علشان نعيش كلنا مرتاحين !!!
تحدثت برفض وأستنكار ٠٠٠٠٠متقولش زيها زيي ،،،أنا أم ولادك،،،أنا عمري ما خدعتك زيها وروحت قتلت حته منك ومن وراك علشان محدش يعرف بعلاقتنا !!!!
إبتسم لها ساخراً وتحدث٠٠٠٠إذا كانت هي زي ما بتقولي قتلت حتة مني ومن ورايا،،،فاأنتي عرضتيني أنا شخصياً للخطر وبردوا من ورايا،،،،ويمكن لو ماأخدتش بالي ف الوقت المناسب كٌنت موت وكنتي هتكوني إنتي السبب ،،،متحاوليش تبرئي نفسك وتطلعيها هي الشيطان،،،،
وأكملَ مٌفسراً بنبرة حادة٠٠٠٠٠٠٠ده غير إن الموضوع مش زي ما ذكرتيه إطلاقاً،،وإنتي عارفه ده كويس أوي !!!
وأكمل بحزن٠٠٠٠٠مليكه حبتني وخافت عليا لدرجة إنها عرضت نفسها للخطر علشان متجرحنيش،،،راحت تجهض نفسها مع إن كان ممكن يجرالها حاجه ومكونش أنا معاها علشان متجرحش مشاعري لو عرفت إنها كانت بتاخد مانع للحمل،،
وأكملَ٠٠٠٠٠٠٠ وده مش لإنها مش حابه تخلف مني لاء،،،،،،مليكه خافت من ملامة الكل ليها وكلامكم واللي بالفعل حصل من نرمين ومنكم كلكم !!!!
نظرت له وتسائلت ٠٠٠٠٠هو أنت بتفكر ترجعلها تاني يا ياسين ؟؟
تنهد وألقي برأسهِ للخلف
تنهدت وتيقنت من عشقه لها ومن إنتوائه إرجاعها لحياته من جديد،، فحاولت تناسي الموضوع كي لا تٌحزن داخِلٌها ،،وأيضاً لإيجاد طريقه لتٌسعد بها حالها وتحدثت بجديه ٠٠٠٠٠٠ياسين أنا كنت حابه أسافر لبنان مع ماما وداليدا علشان بجد محتاجه زيارة ضرورية للدكتور !!!
نظر لها بتيهه وأستغراب لتحولها السريع وتنهد مٌستسلماً لطباع تلكَ العجيبه وحبها الشديد لذاتها ولمظهرها أمام الجميع !!
تحدث إليها برفضٍ مٌبرر٠٠٠٠مش هينفع تسافري يا ليالي،،،ولادك داخلين علي إمتحانات ال final ولازم تكوني جنبهم علشان عقلهم مايتشتتش ،،
وأكملَ بتعقل٠٠٠٠٠٠٠ولو الموضوع ضروري بالنسبالك فيه مراكز تجميل كويسه كتير هنا في إسكندريه،،، إتفضلي إبحثي عن أفضل مركز وأحجزي فيه وأنا هحولك الفلوس إللي محتجاها،،،لكن سفر بعد كده مش هيحصل يا ليالي،،
أجابته بضيق٠٠٠٠٠بس إنتَ وعدتني إنك هتسمحلي بكل إللي منعته عني يا ياسين ؟؟
أجابها بنبرة صوت جادة٠٠٠٠٠راجعت نفسي ولقيت إن كان فيه حاجات بسمح بيها مينفعش تتكرر تاني ،،منها سفرك للبنان لوحدك !!
أجابته ٠٠٠٠٠بس أنا مابسافرش لوحدي يا ياسين،،ماما وأختي دايماً بيكونوا معايا !!!!
أجابها بإقتضاب٠٠٠٠ ده أخر كلام عندي وياريت بقي تبطلي شغل المظاهر الكدابه بتاعتك دي،،
وأكملَ بذكاء٠٠٠٠٠٠ إنتي مش عاوزة تسافري علشان الدكتور اللي هناك شاطر وملوش زي،،،لا يا هانم،،، إنتي عاوزة تقعدي في النادي تتكلمي وتتباهي قدام شوية الستات التافهه اللي سيادتك مصحباهم وتقولي إنك روحتي لبنان عند الدكتور الفلاني وعملتي شوبنج من المكان العلاني ،،،
وأكملَ بتعقل٠٠٠٠٠إكبري وأعقلي بقا وبلاش السطحيه إللي إنتي فيها دي،، دي بنتك ماشاء الله بقت طولك وإنتي لسه بعقلية بنت ال 19 سنه !!
زفرت بضيق وأستسلمت لأمرها من جديد وتحدثت٠٠٠٠٠خلاص يا ياسين،،،هدخل أعمل Search دالوقتي وأعرف الأسعار وأقولك تحولي إللي هحتاجه !!
أماءَ لها بإيجاب وتحدث بإقتضاب٠٠٠٠تمام يا ليالي،،ممكن بقي تسبيني أكمل قراءة الكتاب ؟؟
_________________________
كان عز يجلس داخل حديقته بجوار حمزه وأمير أتت إليهِ منال وبجانبها العامله التي تٌمسك بيدها حاملاً عليه قدحان من القهوة وأشارت للعامله أن تضع ما بيدها وتنصرف !!
نظرت إلي عز بإبتسامه قائله٠٠٠٠لقيتك قاعد لوحدك قولت أجي أشرب قهوتي معاك !!
إبتسمَ لها بحنان وتحدث٠٠٠٠٠فنجان القهوة جه في وقته فعلاً !!!
ناولته إياه بإبتسامه مٌردفه٠٠٠٠٠إتفضل !!
تناوله منها بإبتسامة شكر قائلاً ٠٠٠٠٠تسلم إيدك يا حبيبتي !!
ثم أكملَ بإعجاب٠٠٠٠مبسوط أوي بالتغيير إللي حصلك مؤخراً يا منال،،شايف علاقتك بقت شاملة وكويسه مع الكل،،عاجبني كمان سؤالك علي مليكه وإنك بدأتي ترجعي معاها زي الأول،،كمان علاقتك بياسين اللي واضح إنها أخدت منحني تاني خالص كان نفسي أشوفه من زمان !!!!
إبتسمت لهْ برضي وأردفت٠٠٠٠عملت إللي كان لازم أعمله من زمان يا عز،،
وأكملت بحكمه٠٠٠٠٠أنا كبرت يا عز وفهمت، ،ولازم أساعدك ف إننا نحافظ علي بيتنا وولادنا،،تخيل إني بعد العمر ده كله أكتشف إني كنت بأذي إبني وأني كنت سبب رئيسي في تدمير علاقته بمراته ،،،
وأكملت بحزن ظهر بعيناها ٠٠٠٠٠وأنا اللي كنت طول الوقت فاكرة إني بكدة بحافظله علي بيته وولادة !!!
ربت عز علي يدها وتحدث٠٠٠٠مش عيب إننا نكتشف أغلاطنا ونحاول نصلحها يا منال ،،العيب إننا بعد ما نكتشفها نفضل مكملين فيها بعند ومكابرة !!!
أجابته ٠٠٠٠٠أنا بحاول أصلح إللي بوظته مع ياسين وليالي،،،بحاول أفهمها إنها لازم تقرب وتهتم بأولادها أكتر من كده قبل فوات الأوان،،
كمان بحاول أخليها تتقبل فكرة وجود مليكه في حياتها هي وياسين !!
وأكملت وهي تنظر له٠٠٠٠٠تعرف يا عز،،،علي أد ما أنا زعلانه علشان ليالي لكن في نفس الوقت مبسوطه جداً علشان ياسين،،،مبسوطه إنه أخيراً لقي الحب اللي يستاهله ،،لكن زعلانه علي حزنه اللي ملي عيونه وملامحه من وقت ما بعد عنها وبجد نفسي يبطل عِند ويرجعلها علشان يرتاح ويريحها معاه !!!
أجابها بهدوء٠٠٠٠٠٠متقلقيش يا منال،،،مهما طال البعد وذاد العند والمكابرة قلوبهم وأشتياقهم لبعض في الأخر هيرجعوهم ،،المسألة مسألة وقت مش أكتر !!!
إبتسمت له وأكملا باقي حديثهما معاً !!!
_________________________
بعد مرور أكثر من شهر
كان يتحرك علي شاطئ البحر ليلاً لعلهٌ يٌهدئ من روع قلبهِ المٌشتعل بالإشتياق،،نعم فقد وصل ذروة إشتياقه لها ولكنه الكبرباء لا غير من يٌبعده !!!
تنفس بتألم وزفر بضيق وحدث حاله،، ياالله،،،لقد تعبت وهرمت روحي،،فلتساعدني وتهديها لي، ردها لي يا الله فلم أعد أستطع ألم الفراق أكثر ،،
أااااأه مليكه،،
لما لا تشعرين بقلبٍ المشتاق ،،
لقد هرمتٌ من طيلة الإنتظار،،
من أين لكٍ تلك القوة والجفاء،،
من أين لكٍ ذلك العناد،،
لما لا تأتي لي وتٌنهي عذابي وتمزق روحي ،،
وأكمل بتألم،،،،لا تفسري إبتعادي عنكي غروراً مليكتي ،،،
أردت فقط إبدائكِ الخطوةَ الأولي لأشعر بمدي غلاوتي ،،
فأنا أتخذت جميع الخطوات سابقاً،،
أردت التأكد ما إن كنت عندكِ غالياً،،
أم أن بٌعدي أو إقترابي عِندكِ سواسياً ،،
لكن كفي بالبعد عني حبيبتي،،
فحتي وإن لم أكن بالقدر عندكِ غَالياً ،،
فلتعلمين أنكِ عندي أغلي من الروحِ والوجدانِ
سأتيكي غاليتي فقلبي لم يعد يحتمل البعد والهجرانِ
لم أعد أحتمل إبتعادك أكثر،،
مزقني الفراق وشتت داخلي وأصبحتٌ هشاً ،،
عودي لأحضاني مليكتي،،فلقد هرمَ داخلي وما عاد فيا الإحتمالٌ أكثر،،،
وإن لم تعودي سأتضر أتنازل عن كرامتي وهناً !!!!
تحركَ وإنتوي الرجوع إليها فقد تعب وتعبت روحه،،دلف لداخل الفيلا وجد عمته تجلس في وسط البهو تٌمسك بمسبحة يدها تٌسبح بها لله الواحد الأحد،،ألقي عليها السلام وقبلَ يدها وجلس بجانبها ،،،
تحدث مٌستفسراً ٠٠٠٠أومال فين أنس يا ماما ؟؟
أجابتهْ ٠٠٠٠نايم من بدري !!
أكملَ هو بهدوء٠٠٠٠٠٠يٌسرا أخبارها أيه ؟؟
أجابته برضي.٠٠٠٠الحمدلله كويسه ،،،سليم فعلاً طلع راجل محترم أوي يا ياسين،، بيتقي ربنا فيها وفي أولادها،،وهي كمان الحمدلله بتراعي ربنا في إبنه !!
أجابها بإختصار ٠٠٠٠يسرا محترمه وطيبه وتستاهل كل خير علشان كده ربنا كافأها براجل محترم زي سليم !!!
أجابته ٠٠٠٠٠ده حقيقي يا ياسين !!!
هز لها رأسه وصمت
نظرت إليه وجدت بداخل عيناهْ حيرة فتحدثت لترفع عنهْ الحرج ٠٠٠٠إطلع إرتاح فوق في أوضتك يا حبيبي !!
نظر لها بإستحياء فأكملت هي ٠٠٠٠إطلع يا أبني وكفايه عِند ومكابرة ،،مليكه غلطت أه بس إللي يشفعلها نيتها الطيبه وإنها كانت خايفه علي مشاعرنا كلنا،،وإنت كمان ياأبني غلطت لما عاتبتها وكشفت اللي بينكم بالشكل ده قدامنا ،،فياريت متخليش العِند ينهي كل شيئ بينكم !!!
تنهد ومازالت الحيرة تسكن عيناه،،
ثم نظر لها وتحدث علي إستحياء ٠٠٠٠٠أمي،،أنا عاوز أفاتحك في موضوع بس أرجوكي حاولي تفهميني وتعذريني !!!!
أمسكت يدة وهزت رأسها بتفهم وأردفت بذكاء٠٠٠٠شوف الجناح إللي يريحك وأنا من بكرة هتصل بمعرض الموبيليا ييجوا ياخدوا المقاسات ويفرشوه !!!
تنهد بإرتياح ثم أمسك يدها وقبلها وتحدث مٌفسراً ٠٠٠٠غصب عني والله يا أمي،،سامحيني مش قابلها علي رجواتي وبجد مش مرتاح في المكان !!!!
إبتسمت له وتحدثت٠٠٠٠٠حقك يا أبني ومحدش يقدر يلوم عليك،،أنا إللي أسفه وأتمني إنك تسامحني،،،
وأكملت بندم وحزن٠٠٠٠٠أنا السبب ف كل إللي حصل،، أنا إللي فكرت بكل أنانيه وكان كل همي إني أحيي ذكري إبني علي حساب أي حاجه وأي حد،،،ونسيت إن مليكه لسه صغيرة ومن حقها تعيش حياتها وتكمل مع راجل يحميها ويحبها،،
أنا اللي وصلتكم لكده يا أبني، أنا اللي بكل أنانيه كنت دايما بحملها فوق طاقتها وأطالبها بالوفاء للماضي إللي راح،،
ثم نظرت لهْ وأردفت بنبرة نادمه٠٠٠٠٠سامحني يا ياسين !!!
قبل رأسها وشكرها ثم أكمل٠٠٠٠متحمليش نفسك فوق طاقتها يا أمي ،،اللي حصل حصل وأنتهي،،،
وأكمل ٠٠٠٠٠ياريت يا حبيبتي متتعبيش نفسك وتتصلي بمعرض الموبيليا ،،أنا بعد إذنك حابب أختار الأوضة بنفسي !!!
أجابته بتفهم٠٠٠٠٠اللي يريحك إعمله يا ياسين،،المهم تكون مرتاح ومش زعلان مني يا أبني !!!
قبل يدها وأردفَ٠٠٠٠٠عمري ماأقدر أزعل منك يا حبيبتي !!!!
__________
ثم صعد لحبيبته ودلف للداخل دون إستأذان حتي لا يٌزعجها ظناً منه أنها غافيه،،، وجد إضاءه خافته وجهَ بصرةِ فوق التخت وجدهٌ خالياً ،،،
حول بصرةٍ تلقائياً إلي أريكته وجدها مٌمدده فوقها،، نائمة بوضع الجنين وهي ترتدي إحدي قمصانه الخاصه به،،تحتضن وسادته ودموعها تنهمر بغزارة !!!
إنفطر قلبهِ لأجلها وتحرك إليها ببطئ شديد،،، نظرت إليه وشهقت بدموعٍ الألم وهي مازالت بوضعها !!!
وقف قبالتها ورفع يداه بإستسلام وتحدث بصوتٍ مٌتألم ضعيف ٠٠٠٠٠ تعبت يا مليكه وخلاص مبقتش قادر،، ،، تعبت والهجر والإشتياق دمرني ودمر كياني،،جتلك وأنا رافع راية الإستسلام،،، مش ده اللي حابه ومستنيه إنك تسمعيه ؟؟
هزت رأسها نافيه بعيون تزرفٌ دمعاً وقلبٍ ينزف ألماً وأردفت٠٠٠٠٠٠٠إتأخرت أوي يا ياسين،،،، غيابك طال،،،طال أوي وكسرني وكسر جوايا فرحه اللٌقي !!
إقتربَ عليها وجلس بجانبها ثم أمسك يدها ورفعها لتجلس،،،
وضع يده وزال عنها دموعها وأرجع شعرها خلف أذنها وتحدث٠٠٠٠كنت مستني أشوف درجة غلاوتي عندك أد أيه،،،كنت فاكر حبك ليا أقوي من أي إعتبارات تانيه ،،
إستنيت علي أمل إن حبك وشوقك ليا يجبوكي لعندي،،،بس إكتشفت إني كنت مستني سراب،،كل ماأقول خلاص هانت،، خلاص حبيبتي تعبها بٌعدي وجايه تترمي في حضني علشان ترتاح وتريحني،،
ألاقي إنتظاري يطول أكتر وأكتر لحد ماتعبت من الإنتظار وعرفت إن مفيش أمل ،،،
وأكملَ بإستسلام٠٠٠٠٠فاجيت !!!
أمالت رأسها ونظرت لهْ بدموع وأجابته ٠٠٠٠ماأنا جتلك يا ياسين،،،جتلك وكنت بموت من جوايا،، جتلك في عز ضعفي وخوفي وإنكساري،،،
جتلك وكنت مستنياك تطمني وتطمن خوفي وتضمني لصدرك وتحسسني بالأمان اللي ملقتهوش غير وأنا في حضنك،،
جتلك وبدل ما تطمني وتحتويني طردتني بعد ما سَمعتني إللي دبحني وكمل عليا ودمر كياني !!
أمسك وجهها وهز رأسهٌ أسفاً وتحدث٠٠٠٠٠كنت غبي،،،أنا بعترفلك إني كنت غبي لما خليت الكرامه تقف حاجز بيني وبينك،،،
وأكمل بعيون مغيمه مٌتألمه٠٠٠بس أعذريني يا حبيبي أنا كنت مدبوح وبرقص رقصة الموت الأخيرة،،، كنت ضايع ومشتت من اللي عرفته يا مليكه !!!
بكت بدموع حارقه فضمها داخل أحضانه وتنفس بإرتياح وتحدث بأسفٍ وندم ٠٠٠٠أنا أسف والله أسف ،،،سامحيني يا قلبي،، أرجوكي سامحيني !!!!!
إنتفض قلبها من ضمة صدرة لها التي إنتظرتها كثيراُ وأجهشت بالبكاء المرير من شدة سعادتها لعودتها إلي أحضانه من جديدوتحدثت٠٠٠٠٠أنا كمان أسفه يا حبيبي ،،أرجوك تنسي كل اللي فات وتسامحني !!!
شدد هو من إحتضانها وتأوهَ من لذة العناق بعد غياب طال شهوراً
ضلا يشددان من إحتضانهما لبعضهما بلذة وتعالت أهات الإشتياق بينهما وهما مغمضان العينان
أخرجها من داخل أحضانه ونظر لها بإشتياق وعيون هائمه في بحر عشقها ثم مال علي شفاها وألتهمهما بإشتياقٍ جارف بادلتهٌ ذلك الإشتياق بقلبٍ نابض بعشقه !!!
تحامل علي حاله ووقف ثم حملها بين ساعديه القويه وتحرك بها خارج الجناح بأكمله وتوجه إلي الجناح المجاور له الذي كان يسكنه قبل الإنتقال لجناحها،،،
دلف وأغلق الباب بقدمه وتوجه بها إلي التخت وأنزلها برقه وأنهال من جديد علي شفاها وذابَ معاً داخل عالمهما الخاص،، ضل يتذوقان شهد بحر عسلهما ،،وبات باقي الليل يسقيها ويذيدها من وابل قبلاته وعشقهِ المخصص لها
♡عشق الياسين لمليكته ♡
وبعد إسبوعاً من ذلك اللقاء !!!
داخل بحر إيجا بدولة اليونان،،، يقف ذلك اليخت الفاخر ،،وبجانبهِ يعومان ذلكَ العاشقان
كانت تتسطح علي ظهرها في المياه داخل أحضان عاشقها تشعر وكأنها تحلق فوق السحاب من شدة سعادتها !!
قبلها برقه وتحدث٠٠٠٠مبسوطه يا مليكه ؟؟
أجابته بسعادة عارمه٠٠٠٠٠ مبسوطه دي كلمه فقيرة أوي علي اللي أنا حساه وأنا في حضنك يا ياسين،،صدقني مش هبقي ببالغ لو قولتلك إني حاسه إني في الجنه،،
ونظرت له بعيون هائمه في بحر عشقه قائله٠٠٠٠حبك حلو أوي يا ياسين ،،،حب بطعم الحياه ♡
ضحك برجوله وأردفَ٠٠٠٠٠حبيبي بيقول شعر ياناس ،، بحبك يا ملوكه ،،بعشقك يا قلب ياسين ونبضه !!
وضمها لأحضانه ودار بها بسعادة داخل المياه
فأردفت هي بنبرة قلقه٠٠٠٠٠حبيبي،،هو أنت متأكد إن البحر ده مفيهوش حيتان أو سمكة قرش ؟؟
أجابها بدعابه٠٠٠٠٠هو فيه بحر مفيهوش سمكة قرش يا حبيبي !!!
إنتفض داخلها برعب وقفزت فوق صدرة بهلع وتحدثت من بين قهقهته٠٠٠٠٠٠خرجني من هنا يا ياسين،، علشان خاطري خلينا نطلع علي اليخت !!!
قهقه عالياً وأجابها٠٠٠مش عيب عليكي تبقي مرات ياسين المغربي وتخافي،،دي حتي مش حلوة في حق جوزك !!!
وأكملَ مهدئاً إياها ٠٠٠٠إهدي ياحبيبي،،المنطقه هنا أمان جداً للعوم،،
ونظر بعيون ساحرة وأكملَ٠٠٠٠تفتكري أنا كان ممكن أغامر بحياة قلبي وأنزلها من غير ماأكون دارس المنطقه وممشطها كويس ؟؟
تنهدت بإرتياح ودارت حوله وأستقرت علي ظهرة ولفت يديها حول عنقه ووضعت قبله رقيقه فوق وجنته ،،،
إبتسم بسعادة وأكملَ هو ٠٠٠٠٠عرفتي بقي أنا ليه أصريت أسوق اليخت بنفسي ؟
وأبتسم وإكمل ٠٠٠٠أول حاجه المايوة القطعتين ده اللي عمرك ما كنتي هتلبسيه حتي لو أمي بنفسها هي اللي كانت هتسوقلنا اليخت،
تاني حاجة بقي ودي الأهم هي شقاوتك دي
وأخذها ونزل بها تحت الماء في مغامرة من مغامرات بحر الهوي !!!
وبعد مدة٠٠٠٠نظرت لهْ وتحدثت من بين أحضانهْ٠٠٠٠ياسين !!
أجابها بهمهمه وعيون عاشقه وهو يتحرك بها داخل الماء المنعش٠٠٠٠أمممم !!
أكملت بعيون هائمه٠٠٠٠أنا عاوزه منك بيبي !!!
إنتفض قلبهْ وشعر بقشعريرة تسري داخل جسدة بالكامل ونظر لها بعيون حائرة
فأكملت هي بتمني٠٠٠٠٠٠أنا نفسي أخلف منك أوي يا ياسين،،عاوزة يكونلي إبن منك ويكون شبهك في كل حاجه !!
حركها داخل الماء وتنهد بألم٠٠٠٠٠عاوزاه بجد يا مليكه،،ولا بتقولي كده علشان ترضيني ؟؟
هزت رأسها بنفي وأردفت بحنان ٠٠٠٠٠علي فكرة يا ياسين،،أنا كنت فرحانه أوي لما عرفت إني حامل وهيكونلي بيبي منك ،،مرضيتش أقولك إلا لما أروح للدكتورة وأتأكد الأول
ترقرق الدمع داخل عيناها وكادت أن تٌكمل لكنه وضع يده فوق شفاها وتحدثَ بتمني٠٠٠٠٠إنسي كل اللي فات يا مليكه ،،،أنا عاوز أبدأ معاكي صفحة جديده ،،،صفحه مفيهاش غير بكرة اللي جاي فاتح لينا درعاته بالأمل،،
وأكمل ٠٠٠٠٠أما صفحة الماضي دي لازم نطويها بكل أوجاعها وألامها اللي عيشناه ،،ممكن تعملي ده علشاني يا مليكه؟؟
هزت رأسها بإيماء وحب
أخذها بين أحضانه من جديد وبدأ يغوص بها أسفل الماء بحرفيه ليخطفا من الزمن سعادتهما اللامتناهيه ويٌذيدها من عشقه الفريد الخاص بها وحدها
☆عشق الياسين لمليكته ☆