روايه:قاتلي_المتأجر
البارت:الرابع
بقلم:ناديه ستارز
في القسم
ليث:الحل هو أيه بقالك دقيقه متكلمتيش أنتِ بطبقي نظام شوق ولا تدوق ما تقولي الحل
جين:بفكر مفكرش وأقول بقى أي حاجه والخطه تبوظ وأتقتل ما الغلط مش عليك الغلط عليا إني قاعده مع همجي زيك
ليث:جين أطلعى برا بدل ما أنا إلي أقتلك
جين:أطلع أنت لو مش عاجبك ووالله لو متعدلتش معايا مكتب اللواء جمبك هروح وأقوله إنك معاهم وخاين للدوله
جين:ساكت ليه أتخرست ليه طبعاً علشان جبان وخايف مني
ليث يطلع مسدسه:حرف كمان وأقتلك وأقتل نفسي
جين:تبقى خدمت البشريه من قرفك يا جبان يالي خايف مني ليث هو أنا مستفزه حاسه إني مستفزه سيكا صغننه
ليث:أبداً خالص حد يقدر يقول كدا الخطه فييييييين
جين:حلو المد بالياء دا شكلك كان نفسك تطلع مدرس لغة عربيه
ليث:....
جين:أنا بكلمك قدرني
ليث:....
جين:طب بص في خلقتي حتى
ليث:أنا لقيت خطة
جين:لا خطتي أنا إلي هتمشي
ليث:قوليها وبعدها نلعب كيلو بامية وإلي يكسب خطته هي إلي تمشي
جين:القطه العاميه أحلى
ليث:أي زفت على دماغي
جين:أنا أول ما أروح البيت هفتح الاب أشوف لو بعتولي حاجه تغيير في المعاد المعاد بالظبط كدا يعني
أسمع بقى لما روحت البيت لقيت شباك المطبخ مفتوح وأكيد في كاميرات موجوده شباك المطبخ علشان تطلع منو لازم تدخل العماره إلي جمبي ودي مهجوره مليانة أشباح وعفاريت المهم أكيد دخل منها فأنت زي الشاطر هتروح العماره وتستناه ولما يدخل أقفلو الباب وبقيت القوات تستنى على الباب ومداخل البيت كلها علشان ميهربش والشارع كله كاميرات هنعرف نجيبو
ليث:دايماً القصيرين بيطلع معاهم خطط حلوه
جين:لا على فكره أنا طويله وطويله أوي أوي إلي أنت بتكلمها دي ١٦٥ سم ومتوسط طول البنات ١٦٣سم يعني أنا فوق في القمه معدياهم بأتنين سنتيمتر
ليث:طبعاً طبعاً دا أنتِ أطول من برج أيفل
جين:وأنت قمة أيفرست
ليث بتركيز:ممكن يدخل من العماره عادي
جين:هندخل البواب أوضته وحد منكم يبقى موجود من بليل وأي حد يدخل البيت يبقى معاه الجهاز دا وأنتو هتبقو قريبين تدخلو المكان وجزء منكم يبقى في الشقة إلي جمبي
ليث:أنتِ المفروض مكنتيش محاميه المفروض كنتِ ظابطه
جبن بغرور وحاطة رجل على رجل:والله يا أستاذ ليث مليش في الجو دا أنا قيمتي أكبر من كدا بكتير
ليث:نزلي رجلك يا محاميه الحمير وخلاص كدا روحي وجودك ملوش لازمه
جين:أنت بتطردني
ليث:لا أزاي أنا بقولك هاتي مخدتك وتعالي نامي
جين:والله معاك حق أناام بس مخدتي مش معايا مش مهم في هنا كنبة هنام عليها ولما تيجي تمشي صحيني
ليث:متتحركيش من الكرسي ومتروحيش البيت وأيدك فاضيه في جمب القسم مول أشتري أي حاجة علشان ميشكوش أكتر ما هما شاكين
جين:طيب أنا هروح المول أعمل شوبنققق من بتاع البنات دا
ليث:شوبينج يالي مبتفهميش
جين:أنا أصلاً مدرسة أنجليزي بس بخاف من الحسد
ليث:بعد ما المهمه تخلص مشوفش وشك في حياتي أنا راجل مش ناقص سكر وضغط
جين:على أساس أنو عندك عسل وأرتفاع أنا ماشية
ليث:الباب مبحبش الصوت
جين:أتحرك أنت وأقفله بدل ما من القعدة تطخن وتفتح الباب على أخره
ليث:صح تعالي قبل ما تمشي خدي
جين:هتغدر
ليث:عيب عليكي مَفيش ثقه
جين:الله يرحمها
ليث: دة الواقي خليه معاكي البسيه في مكان أنتِ متأكده مش موجود في كاميرات الحمام بس اتأكدي منو الأول
ودا حتحطيه في ودانك هنسمع منو كل حاجة ولو حسيتي بأي خطر دوسي عليه وخدي دا موبايل أبعتيلي منو علشان لو موبايلك متراقب
جين تأخذهم:ياااه حاسة نفسي إني شخصية مهمة زي سفيرة قاضية ممثلة الدوله يهمها سلامة المواطنين كدا
ليث:جين أحنا ولا نعرفك أحنا عايزين الترقيه بس
لكن أنتِ مين أنا أول مره أشوفك
جين:أنا هخرج بدل ما أنفجر فيك
ليث:صح ما أنتِ تخنتي ومن تخنك هتنفجري
جين:أنا تخنت يا ليث
ليث:أه
جين:بقيت بكرش وجناب ووراك
ليث:أه
جين:أه في قلبك هو أنا فرخة أنا هغور
ليث:جين
جين:نعم
ليث:خلي بالك من نفسك
جين:يا مرارتي المفوقعه ياني وهتوحشيني يا حبيبتي وسلام يا إماني وأنا هنا يا سلامه والواحد مش ناقص رومانسيه بعد كام ساعه كلنا هنموت
وتخرج
ليث:مجنونه بس عاقله
_____________________
في بيت وسن
إكس:دلوقتي البنت دي عارفه إنها متراقبة وأنا دخلت البيت من شباك المطبخ وسيبتو مفتوح قصد علشان تتأكد أن حد دخل البيت
وسن:عندك خطة
إكس:أه عندي بس أسمعي الأول البيت إلي بيوصل على المواسير مهجور فهي أكيد قالتلهم أكيد حيحاصرو البيت كويس واحتمال يبقى عندهم شك إني هدخل من الباب بتاع البيت فممكن يحطو كاميرات
وسن:في الحالتين مش هتعرف تدخل لأنو حيتقبض عليك
إكس:علشان كدا محتاجك الخطه إلي في رأسي هي
شوفي أقرب قاتل المفروض تقتليه أمتى وتجيبي الجثة وتصوتي لحد ما الكل يتلم ومنهم البوليس فجزء منهم حينشغل في الجثة ودا هيبقى في نص الشارع وعند العمارة حجبلك موتوسيكل وطفل كأنو بيخطفو وفي كاميرا أدام العماره بالظبط هيروحو ينقذو وكدا في جزئين أتشتتو في الوقت والزحمه هدخل أنا و حكلم إيوان يبعتلي طياره تانيه لأنهم لما يلاقو طياره وقفت فوق السطوح هيكلمو طيارات تلحقنا في الوقت دا الطياره البديله تشتتهم.
وسن:واو يا إكس أنا واثقه إن الخطة هتنجح الطياره هتوصل أمتى
إكس:سته بالظبط
وسن:لازم تدخل عند البنت ٦ إلا خمسه عقبال ما تمسكها وتطلع السطوح تكون الطياره جت والخطة إلي هنعملها ٦ إلا عشرة لازم نكون واصلين ٦ إلا ربع نعين المكان بس حنستخبى فين
إكس:لا عادي مش حاجة نقلق منها كدا المواعيد مظبوطه مش عايز حاجة غلط
وسن:متقلقش أنا الساعة خمسه حجهز علشان ورايا عملية هخلصها وأجيب الجثه ونتقابل فين
إكس:هنتقابل بعد الفندق بشويه بعيد عن الكاميرات وهنزل من العربيه قبل ما ندخل الشارع العربية إلي هتيجي فيها تكون مأجرها بأسم غير أسمك وتكوني مغيرة شكلك
وسن:طب أنت والفندق إلي فيه
إكس:معلوماتي فيها غلط والفندق صاحبه مظبط كل حاجه مع ملحم وإيوان
وسن:مبكرهش في حياتي قد إيوان
إكس:وشغالة معاه ليه
وسن:في فرق بين الشغل والحياه الشخصيه بكرهو أه بس مكنتش بحبو لأننا متجوزناش عن حب
إكس:إلي يشوفكم زمان ميقولش كدا
وسن:إيوان عندو مظهرو أدام الناس رقم واحد علشان كدا أتجوزني علشان ينسى أ
إكس:ينسى مين
وسن:لا ولا حاجة مش حنقضي القاعدة كلها عن إيوان
إكس:قاعدة إيه لا أنا لازم أمشي كدا الخطة أنا قولتلهالك في أي سؤال
وسن:لا كدا تمام
إكس:سلام
وسن بدلع:كدا السلام برضو يا إكس لا كدا سوسو زعلت
إكس:أومال السلام أزاي يا وسن
وسن:كدا يا إكسوسي وتذهب إليه وتحتضنه
إكس في داخله:إكسوسي ليه شيفاني رايح أحارب الهكسوس مكدبتش لما قولت عليها غراء بتلزق لازقه دي أطلعها أزاي
إكس:أنا اتأخرت لازم أمشي
وسن وهي تخرج من حضنه :مش حأخرك بس بشرط تبقى تجيلي تاني
إكس وهو يفتح الباب:طبعاً طبعاً أوماااال
بعد ما خرج:أول حاجة أروح لكابوني يشوفلي الطفل والخاطفين ولازم يبقى عندي خطة بديله علشان لو إيوان قل بأصله إلي مش موجود ومبعتش الطيارة
ليذهب إلي منزل كابوني
إكس يطبل على الباب :هو مبيفتحش ليه دا أنا مع التطبيل دا كلو أصحي المتوفي
كابوني وهو بيتاوب وبصوت نائم:أيه إلي حدفك عليا
إكس:حبي ليك
كابوني:أيه ريحة البرفان الحريمي دا أنت نيلت إيه
إكس:ولا حاجة أنا مالي هي إلي حضنتني غصب عني
كابوني:أنا لازم أغسل عاري بأيدي فين الشبشب
إكس:هو أنا إلي قولتلها تعالي أحضنيني حسبي الله في كل ظالم ومفتري دي عامله زي الزيت على المياه تفضل تترتش في وشك والمكان كله
كابوني:أقنعتني أنت جايلي ليه شايف أن خلقتك حلوه فعايز توريهالي
إكس:لا عايز منك خدمه
كابوني:هي خدماتك مبتخلصش
إكس:لو مطلبتش منك أطلب من مين يعني يرضيك أطلب من ولد تاني وتكون نيته قذره ليا أهون عليك
كابوني:خلاص أدخلي يا شابه
إكس:طول عمري بقول أنك أنت فتى صالح مؤدب محترم
كابوني:شكراً يا جمر
إكس:هو أنت بتكلمني بصيغت أنثى ليه أنا كدا همشي
كابوني:لا بيتك ومترحك وأعتبريني حبيبك
إكس:طب بيتك ومترحك ماشي إنما أعتبريني حبيبك دي أزاي لا أنا مش مطمنلك أنا ماشي ولما تفوق أبقى أجيلك دا أيه الوكسه إلي أنا فيها دي أخرج من شقه منيله أروح فيلا أنيل
كابوني:خلاص أقعد
إكس:مش هتقل أدبك ولا صيغت مؤنث
كابوني:ولا كوبايه مياه
إكس:أنت زي الطفل الشاطر حدور على أتنين بموتوسيكل وطفل صغير علشان يخطفو
كابوني:قولي الأول إلي في دماغك
إكس:فتحلي مخك وأسمع الخطة
ليسرد إليه خطتهو
كابوني:الموضوع في مخاطرة كبيره بس في حاجة كويسة أنت عملتها
إكس:حاجة بس ماشي قولها
كابوني:إنك قولت لملحم يبعتلها المعاد الساعه تلاته كدا قبل التنفيذ بتلت ساعات هما هيبقو هناك من الساعه واحده أقل حاجة وأنا هخلي حد من رجالتي يبقى هناك من بليل يراقب الوضع ويقولي
إكس:ليك في الشمال وهتعرف تجيب بلطجية
كابوني:عيب عليك دي لعبتي هتلاقيهم في المكان سته إلا عشره بالظبط بس أكتبلي العنوان بالتفصيل في الورقة
إكس: كتبتهولك أنا هروح أرتاح لأني تعبت عايز حاجة
كابوني:هتوحشيني يا بيبي أنا رايح المول أشتريلك حاجة معايا
إكس:بشوفك بحس إني قاعد مع وسن يا عم غور ويخرج يذهب إلي الفندق
إكس:الواحد مش بيرتاح غير على سريره الحق أنام كام ساعة قبل المهمه السودا بس الأول أخد الفلوس منهم
ليرسل إلي ملحم رساله بأنه يريد طياره إخرى حتى يشتت أنتباهم إذا أتبعوه وإنه لم يكمل المهمه إلا إذا أخذ ماله .
إكس:كدا الواحد ينام بأرتياح. ويذهب في ثبات عميق
_______________
جين:يعني ياربِ مول طويل عريض ملاقيش فيه حاجة أشتريها دا أنتو تاخدوني تبيعوني هنا أحسن أيدا الله محل لعب أطفال هي دي الحاجات إلي الواحد يشتريها
لتدخل إلي محل الأطفال
جين:هو المحل كله باربي جبت منها السنه إلي فاتت مش فرح خالته أيدا زوحليقه بس هتناسب حجمي دا ولا هتتكسر أصلاً أصلاً التخن دا أحلى حاجة في الحياة أومال أبقى معصعصه وعاملة زي العصاية كدا أحسنلي
العامله:بعد أذنك يا مدام وطي صوتك حضرتك الأطفال بيخافوا من الصوت العالي
جين:أنا مدام وأنتِ تبقى أيه خنزيره قال مدام قال وخدي اللعب إلي أنا كنت هشتريهم أهي والله ما أنا مشتريه حاجة محل مقرف والتعامل مقرف وأنت إلي مدام وشكلك مخلفه عشرين ورفيعه على الفاضي بنات أخر الزمن .
وتخرج من المحل وهي متعصبة تخبط في .
______________________
في السجن عند أحمد ومؤمن
أحد المساجين ويدعى شبنطح:أقلع ياض أنت وهو الهدوم إلي أنتو لبسنها دي
مؤمن:وهنقعد كدا من غير هدوم دي لوحديها قضية
شبنطح:لا متقلقش عندنا جلاليب تليق بيكم يالا أقلعو أنتو حتتكلمو كتير
أحمد:جلابيه وحرقص على التلاته وربع
مؤمن:يخربيت دي صحبه هباب
أحمد:أنتِ عندك شنب خفيف خالص شيليه مش حابه
مؤمن:دا أنا بربي في شنبي بقالي سنتين
شبنطح:يا رجاله الأتنين دول مش عايزين يقلعو وبيقللو من معلمكم شبنطح يرضيكم
لا يا معلم
يبقى هجوم عليهم
مؤمن:الحقني أنا بتكسف
أحمد بسكر:أنا عايز أرقص أرقصيلي
مؤمن:هو أحنا في أيه ولا في أيه أصوت ولا أصوت أحنا هنفضل نرجع لورا وهما هيفضلو ييجو لقدام وفي الأخر حنتعجن
شبنطح:أنتو جيتو في أيه يا عيل منك ليه
مؤمن:فعل فاضح في الطريق العام
شبنطح:خد الجلابية أهي ودي للي معاك
مؤمن:دي مقطوعه من كل حته دي واكلها الفار مَفيش حاجه مقفوله
شبنطح:هتصلي الجمعه أسكت يالا مسمعش صوتك جرجيره قلع ولبس أنت الولا أبو شنب
بقسماطه أتكلف أنت بالي عامل دماغ دا
أوامرك يا معلم
مؤمن:هيهيهيهي بغير من الحته دي بضحكني
أحمد:الجلابية دي حلوة أوي شبه بتاعت صافينار في فيلم النار
مؤمن:طب حضرتك أحنا ذنبنا أيه نمشي بهدوم مقطعه
شبنطح:خيطها مبتعرفش تخيط تبقو تعالو دايماً دا أنتو زباين لقطه الطقم من دا لو بعته حاخد عليه ميت جنيه
مؤمن: أحمد الحقني بيقول الطقم كلو لو باعه ميت جنيه والبنطلون لوحده بمتين جنيه ولا تلحقني أيه مش لما تفوق الأول
شبنطح:أنا مش عايز أي صوت من نحيتكم تاني مش عايز نفس خدو المتر في متر دي أنتو الأتنين أقعدو فيها متر وسنتيمتر هاخد من الواحد الف جنيه .
مؤمن:بس دول بتوع الحكومه
شبنطح:أنا الحكومه
أحمد:ماما زمانها جايه جايه بعد شويه جايبه لعب وحاجات جايبه معاها شنطة فيها وزة وبطة بتقول واك واك واك
شبنطح:هنا في ضريبة كلام على كل حرف خمسين جنيه
مؤمن ضرب أحمد بالقلم على خدو وقالو بوشوشه:والله لو أتكلمت لحدفك غرامة عشر الاف جنيه
أحمد:مي متضربنيش تاني كل دا علشان قولت عايز مصاصه
شبنطح:الصوت على ومن عندكم ضريبه كلام وأزعاج ليا عشرين ألف
مؤمن:أحنا متكلفناش كل دا
شبنطح:أنا إلي أقول
ليدخل عليهم العسكري
العسكري:دول لسه جايين لحقت
شبنطح:متكسفنيش بجى
العسكري:الأتنين إلي جُم في الطريق العام يجولي
مؤمن:بينادي علينا
أحمد:نجحت وداخل تانيه أبتدائي
العسكري:أمشي أمشي دا أنت حتتنفخ من إلي أنت شاربه
أحمد:أنا شارب مرار حبك بس
العسكري:خدو يابني أدامي
ليذهبو إلي مكتب الظابط
مؤمن وهو يدخل:يا يوم أسود عليا و على أحمد
أبو أحمد:أدخلو يا بهوات
أحمد:أنا بحب بابا وبابا يحبني أركب العجله وبابا يزوقني تعرف إني بحبك أوي يابابا هات حضن
أبو حضن:أنت عامل في نفسك كدا ليه أيه القرف دا أنت سكران ياض
أحمد:حتى أنت مش راضي تديني حضن كلكم كدا طمعانين في شعري الناعم وبس
الظابط:حضرتك تقدر تاخدهم دلوقتي لو عايز
أبو أحمد: مش عايز بس لازم ييجي شكراً
الظابط:العفو
ويأخذ أبو أحمد مؤمن وأحمد ويخرجو خارج القسم
أبو أحمد يجيب مياه ويدلقها كلها فوق أحمد:دي كدا علشان تفوق أنت مطرود من البيت أسبوع طبعاً هتروح للصايع إلي جمبك بس أبوه طرده أسبوعين
ويركب سيارته ويغادر
مؤمن: منك لله كل حاجة حصلت بسببك أعمل أيه ولا أروح فين بعد ما تفوق تقطع علاقتك بيَ للأبد
أحمد:هو أيه إلي حصل
مؤمن:ولا حاجه حاااااسب ليشده قيل أن تصتدمه السيارة
مؤمن:أنت مش شايف بقيت أعمى كمان أعمل فيك أيه
أحمد:'مشوفتش العربيه عادي
مؤمن:ولما تموت ويقولو مؤمن السبب
أحمد:محدش هيقول أخلع أنت
مؤمن:أخلع فين معنديش مكان أنت عندك
أحمد:مكنتش فضلت معاك لدلوقتي
مؤمن:طب نشوف الأول شغل
أحمد:هنعرف؟
مؤمن:أكيد طالما هنحاول
بعد عدة ساعات
أحمد:أنا تعبت من التدوير
مؤمن:أنا رجلي بتشتمني بلغات العالم كلها وبعدين مين إلي هيشغلنا بالهدوم دي لازم حسن المظهر
أحمد:هنعمل أيه
مؤمن:قول هتعمل أيه
أحمد:هتعمل أيه
مؤمن:غبيي
أحمد:خلاص خلاص فهمت أنا هروح لبابا وأطلب منو يخليني أفضل في البيت بدل ما الكلاب الصعرانه تنهش في لحم ابنه
مؤمن:بارك الله في تمثيلك المقرف
أحمد:وأنت هخليك تمسح جزم البيت كلها.
مؤمن:وجاي على نفسك كل كدا
أحمد:علشان تعرف إني بحبك
مؤمن:دا أنت بتحبني حب القطه للفار أنجر أدامي
ويذهبو إلي منزل والد أحمد
مؤمن:هو أيه صوت الضحك دا
أحمد:معرفش تفتكر حراميه أتهجمت على بابا
مؤمن:حراميه وهيضحكو ليه حيرفعو عليه البالونه ويقولولو معاك الحراميه الفرفشه
أحمد:طب تعالى نحاول نكسر الباب الصوت بيعلى
مؤمن:يالا
١٢٣
أحمد:أوباااااا
مؤمن:أيه إلي أنا شايفه دا
_______________
في شقة إنتصار
إنتصار:بدور على إيه يا ضبع
ضبع:ااا الساعة بتاعتي مش لاقيها قولت أدور عليها هنا
إنتصار:ما هي في أيدك
ضبع:أنا بدور على إلي شبها في أتنين عندي زي بعض
إنتصار:شوف كدا دي أنا كنت حطاها في الدرج لما لاقيتك نسيتها
ضبع:أه هي شكراً يا حبيبتي
إنتصار:بس أزاي شبه بعض دي فضي وإلي أنت لابسها دهبي
ضبع:ما خلاص بقى أسأله أسأله هو تحقيق نسيت إيه متنساش
إنتصار:خلاص متزعقش حقك عليا
ضبع:روحي أعملي الغدا
إنتصار:أنت تؤمر
ضبع:روحي يا وليه منك لله صفيتي دمي ست بومة .
إنتصار:الغدا يا حاج
ضبع:حتى الحسبان لربنا مش عارف منك توب عليا يارب من الشغلانة دي
على الأكل
إنتصار:بقولك يا ضبعي
ضبع:نعم يا قلب ضبعك
إنتصار:يرضيك نسوان المنطقة كلهم في الرايحة والجاية يقولولي هنخلص منك أمتى هتتجوزي أمتى
ضبع:أدخلي في الموضوع
إنتصار:أنا عيزاك تتجوزني رسمي أدامهم كلهم وإلي في الرايحه والجايه يعملي حساب ويقولي مرات المعلم ضبع بدل باب المطبخ إلي أنت بتدخل منو هو أنت حرامي يا ضبع
ضبع:بعد الأكل أبقى أشوف الموضوع
إنتصار في سرها:هو أنا جوزاتي كلها منيله بنيله على دماغي كدا حتى دا إلي قولت هيعيشني في عز مبيدخلش عليا بكيس شاي أنا لازم أروح للشيخه بركات ترقيني ليكون حد عاملي سحر
ضبع:أنا خلصت همشي بقى علشان أتأخرت على المحل عايزه حاجة
إنتصار:سلااامتتك يا حبيبتي سلااامتتك
إنتصار:يارب عربيه تخبطك تجيب أجلك ولا ونش يدب في كرشك يطلع كل أعضائك بس هستفاد إيه لما تموت ولا حاجة خليك كدا أهو صوت في البيت يونسني حتى لو كلب.
_____________________
عند مريم
مريم:أنا هبدأ أجهز حاجتي من دلوقتي وأشوف نواقص السفر وأنزل أشتريها بدل القعدة إلي ملهاش لازمه دي
وتبدأ باللبس وتنزل من البيت
مريم:أوف على الغباء المفروض كنت كتبت في النوته إلي ناقصني هشتري عشوائي مش مهم
بعد لف أكتر من خمس ساعات
مريم:اااه يا رجلي خمس ساعات ليه بتفرج على تجميعة مسلسل لا لا مش قادرة أمشي تاني بكره بقى أبقى أكمل
حقيقي البنات بيتعبو أوي معرفش بيجيبو الصحة دي منين
وتذهب إلي منزلها
مريم وهي ترتمي علي الكنبة:آه مش قادره نفسي في كوبايه مياه التلج مالها بس مش قادره أقووم
لتلاقي يد جمبها ممدوده بمياه
مريم:عفريااااات في بيتاااااي
_________________
عند جين
جين:هي نقصاك يا خرتيت أنت قاصد تخبط فيَ يا متحرش يا حيوان والله أوديك القسم وأعملك فضيحة
الحقوناااااايييييبي يا ناااااااسس يا آممممممنننن
جين تقوله في أذنه:الحمد لله لوحدي حملة وجيش أه بس برضو تاخد علقة هنا وتتعدل في القسم يا متحرش
كابوني:وهي الناس فين يالي أنتِ صوتي تستنجدي بيها والآمن عديني كدا يا شاطرة
أحد الآمن:في حاجة في باشا حد زعلك
كابوني:لا الآنسه غلطت في العنوان ويغادر
جين:هو النهارده ماله معايا الأشخاص إلي بشوفها كلها غتته ورخمة ليه أول ما أخلص من الخطط والأرف إلي عكيت نفسي فيه والله لأنكد على ليث وأي ولد أشوفه فين السوبر ماركت أجيب شوكولاتة
كابوني:دي هي إلي جبت لإكس معلومات عنها
بحب البنات الشرسه أوي بس دي هتتخطف وبعدها هتموت عيني عليك يا كابوني ملكش حظ أبداً مع البنات
جين تذهب إلي منزلها
جين:فين الاب دا كمان وأنا متعصبه ليه كدا كلو بسبب الشخص دا كل الرجاله كدا لازم تعكرلي مزاجي
لتتفحص الاب وتجد رساله بالمعاد وهو الثالثه فجراً
جين في سرها:طب اقول لليث أزاي دلوقتي أنا هدخل الحمام أحاول أشوف لو أعرف لتأخذ الهاتف الذي أعطى لها ليث وتذهب إلي الحمام
تنظر في جميع أركان الحمام لم تجد شئ لتطلع الهاتف وتتصل بهِ
ليث:نعم
جين بصوت واطي:مش صوت تكلمني بيه دا
ليث:حبقى أشرب يانسون قبل ما أكلمك ينعملي صوتي
جين:أخرس ياض بعتولي على الاب قالولي أن القاتل هييجي الساعه تلاته تفتكر هيبقى حلو طب هيبقى طويل طب هيحبني
ليث:جين أنتِ في أيه ولا في أيه أبرة هوا بجنيه وهتموتي
جين:طول عُمرك حابطني لو أنا موت مش مسمحاك وحسبي الله فيك يا ليث يا أبن أم ليث وتقفل في وجهه
ليث:هو أنا عملتلها حاجة دا أنا في حالي أنا أروح بيتي على سريري أنام أحسن بلا شغل بلا نيلة في الأخر كلنا هنموت وكلها كفن أبيض ومتر في متر
بعد أن خرج من القسم وجد..
______________
جين:الساعة دلوقتي سته بعد ست ساعات حبدأ أجهز نفسي أه علشان دول ملهمش أمان وعيال في كلامهم مره يقولولي سته ومره تلاته أنا أش ضمني يكونو عاملين زي مواقع البس الأون لاين تشتري حاجة وتطلع حاجة تانيه هتلاقيهم هما كمان كدا يقولو معاد وييجو في معاد تاني بحس أوقات صغننه إني لكاكه شوية معرفش ليه. أنا أصلاً قمر في لكي ياريت كل اللك يكون زي لكي.
وتخرج من الحمام تذهب إلي الصالون
جين:النجفة دي متربة أوي ليه كدا لا أنا بحب بيتي يبرق من النضافة واللمعان هيا بنا في رحلة نضافة حول النجفة.
عند إكس صحى بعد عدت ساعات
إكس:تالت أحلى حاجة في الحياه النوم
ليتصل على ملحم
ملحم:كيفك
إكس:أنا لسه صاحي مش عايز كلام قبل ما أخطف البنت الفلوس تكون عندي والطيارة أهم
ملحم:نص المصاري قبل والنص التاني عند الأستلام والطيارتين هلأ بيتحركو من عندنا
إكس:حولهم على حساب كابوني
ملحم:كل شوي بيسكر الخط بوجهي
إيوان:كام ساعه والموضوع ينتهي
_______________
إكس يشوف الكاميرات ويسمع جين وهي تقول إنها حتنضف النجفة
إكس:وقت نضافة هي مش قادره تسيب التراب شويه ولو شافت الكاميرا هيحصل أيه روحي ياشيخه منك لله حتكشف بسببك كابوني كابوني هو إلي هيحلها ليتصل عليها
كابوني:قول الموضوع على طول إلي بتتصل علشانه
إكس:أنا حاطط كاميرا في النجفة وهي عايزه تنضفها
كابوني:حظك دايماً شبه وشك
إكس: مش وقتو الحقني ولا أقولك خلاص سيبها بس خليك جمب العمارة علشان لو حصل حاجة تدخل أنت
كابوني:طب ما توقفها
إكس:هي كدا كدا عارفه إن في كاميرات هتعرف منهم مكان
واحده ودي إلي محطوطه فعادي أنا بس لأني كنت لسه صاحي فأتخضيت
كابوني:سلامتك من الخضه يا بطه
إكس:ملحم هيبعتلك أتنين ونص على حسابك أبعتهملي على طول
كابوني:والواحد بتاعي
إكس:خدو بس أعزمني على أي حاجة منهم
كابوني:دا أنا حعزمك على كوبايه شاي بالنعناع
إكس:شكراً لكرم أخلاقك
كابوني:مع السلامة
إكس وهو ينظر إلي جين :مَفيش مشكلة لو الخطة كلها أتغيرت
وكل حاجة أتقلبت لأن أول حاجة في الحياة الفلوس .