رواية:قاتلي المتأجر
البارت:السادس
والسابع
بقلم:ناديه ستارز
في بيت مرزوق
يدخل أحد البيت بأستغراب :هو أزاي الباب أتكسر
يالهوتااااااي كباريه في بيتي
مؤمن ينظر إلي الشخص ويقول لأحمد:معاك رقم المأذون
أحمد:ليه
مؤمن:بص كدا تحت
ينظر أحمد يجد والدته
أحمد:أحيه ماما دا أبويا راح في داهيه
مؤمن:تعالى ننزلهم
أحمد:يلا بينا
ينزلو إلي الأسفل
أم أحمد:مين البنات دي يا مرزوق وبيعملو أيه هنا
مرزوق بتوتر:أسألي أسألي أبنك وصاحبه يا هانم جايبين بنتين البيت ليه أنا موت
أم أحمد:وأنت كنت فين
مرزوق:في الشركه ولسه جاي حالاً لقيت المسخره دي
أم أحمد:وهو إلي بيروح الشغل بيروح بشروت أحمر مشجر كأنك رايح البحر
مرزوق:بتشكي فيَّ يا نجلاء بعد السنين دي كلها حقيقي زعلت كُنت عاملك مفاجأه وقولت أستناكِ نروح البحر بدل قعدتك
أم أحمد وتدعى نجلاء:يا راجل يا كداب دا أنت بنفسك قايلي روحي أقعدي عند أمك يومين ناديلي أحمد أكيد هو إلي هيقول الحقيقه حبيب أمه أحماااااد
أحمد يذهب بجانب والده :أنا جيت
نجلاء:تعالى يا حبيب ماما قولي البنات دي تبعك ولا تبع أبوك الزباله
ليوشوشه مرزوق:لو قولتلها والله لأبيتك في السجن يا أبن أمك
نجلاء:بتوشوشو يا مرزوق دي أخرتها بعد كل السنين دي والخدمه بعد ما ضيعت عليك سنين عمري وحياتي وشبابي وشيخوختي
مرزوق:دا أنا واخدك وأنتِ التجاعيد ملياكِ ومبتعرفيش تتحركي هتلبسيني تهمه
أحد الفتيات:قومي يابنت يلا نمشي الليله باظت
مؤمن:رقم القمر كام
أحمد:أبويا وأمي هيطلقو وأنت بتقشط مش وقته
البنت:متبقاش قطاع الأرزاق يا حوحو خد يا مومو الرقم وقت ما تعوزني أديني رنه أشوف مواعيدي وغادرو الفتيتان
نجلاء:أنت طالع فين أنت و جاوبوني الأول كانو جايين تبع مين
مرزوق يقرب منها:يا هبله وهو أنا أقدر أخونك دا أنتِ روحي وقلبي وحياتي تعرفي الباب أتكسر ليه كُنت جاي ولقيت صوت ضحك ومسخره قولت لا مراتي حبيبتي متعملهاش لازم أنقذها من الأشرار إلي بيعذبوها الاقي إلي قدامك وصاحبه أستغفر الله العظيم
مؤمن:والله مح
مرزوق:هتكدبني يا ولد أتصل على أبوك وأقوله على ال
مؤمن:والله ما أنت مكلف نفسك رصيد أحمد يلا بينا نعتذر من طنط ووعد مش هنعمل كدا تاني
أحمد:بس أحنا
مرزوق:ولا حرف توطي تبوس أيد ماما
أحمد:حاضر أنا أسف يا ماماااا مش هعمل كدا تاني يا ماما هه مش هعملها أبداً
مرزوق:خد صاحبك وبرا البيت
مؤمن:لو طلعت هنبات فين
مرزوق:معرفش
أحمد:خلاص أنا أقول لماما أن البنات
نجلاء:مالهم البنات
مرزوق:نبات قال نبات مش كدا يا أحمد
أحمد:أه طبعاً يا بابا أنا طالع بقى فوق أوضتي براحتي
مرزوق:بيتك يا حبيب بابا
مؤمن:كدا كل حاجة أتصلحت أتصل بقى ببابا يا عمي
مرزوق:وأنا مالي
مؤمن:يبقى طنط تكلمو وأقولها على
مرزوق:وعلى أيه متقولش حاجة هكلمو أطلعي أنتِ يا حبيبتي أرتاحي أنتِ تعبتي النهارده
نجلاء:عيوني يا حبيبي وكمان هلبسلك الجلابيه البمبي والأيشارب الأحمر إلي بتحبهم
مرزوق:تاعبه نفسك البسي كفن أحسن
نجلاء:قولت أيه
مرزوق:قولت أنك في نظري أحلى واحده لو لبستي صرصار
نجلاء:يا راجل العيال واقفه وأنا بتكسف أنا هطلع متتأخرش عليا وتغادر المكان
مؤمن وهو يميل على أحمد:أبوك خلاني عايز أستفرغ إلي مكلنهوش وأمك مدلعه أبوك على الأخر دا أنتو عيله تقرف
مرزوق:أنا مش هقول لأمك على إلي حصل
أحمد:وهو حصل أيه يا بابا معاش يعني حضرتك تكدب الكدبه وتصدقها لو مكنتش موجودين كان زمان حضرتك في الشارع
مرزوق:الموضوع ميتفتحش تاني أطلع أوضتك وصاحبك خليه هنا أهوه يخدمنا بدل ما أبوه يضربو طلقه ويريحنا منو
مؤمن:هو حضرتك مش طايقني ليه من الصبح هو أنا جوز أمك طب أنا مرات أبوك دي مش معامله أعتبرني أبنك لحد ما أمشي
أحمد:متزودش لأبويا يطردنا ومش هيهمو هنام وقتها مع الكلاب
يلا بكرامتنا نطلع الأوضه بدل ما هنطلع من غيرها
مؤمن:كلام منطقي بس إلا كرامتي أشيماء
مرزوق:أخرت مجايبك هتلاقيه شارب حاجة وبعدها يقتلنا ويسرقنا
مؤمن:الغو رحلتشي وودوني أوضتي
مرزوق:أنا رايح أوضتي بوظتولي الليله أسمع بقى صوت حد منكم هولع فينا كلنا
أحمد:أبويا بقى خُلقه ضيق أوي أيه يعني لسه جايبني من السجن
مؤمن:مش دي المشكله
أحمد:هي في مشكله أكبر من إني عارفك
مؤمن:أه طبعاً أمك إلي همها أبوك مسألتش على هدومنا
أحمد: لو أمي سمعتك بتقول أمك هتعمل مننا سلطه أسمها مامتك طنط أرتقى وقعت عليك حيطه
مؤمن:بص وراك كدا
أحمد:حرامي
مؤمن:لا
أحمد:بنت جامده فحت محت سحت
مؤمن:لا
أحمد:ألف وأنا مطمن
مؤمن:لا
أحمد يلف بهدوء وينظر أمامه :مكانش يومك يا أحمااااا
________________
عند ليث
ليوصله رساله على هاتفه محتواها
متحاولش تمسكني تاني أنا شبه الضل والضل مبيتمسكش أعتبرني ضل مخيف مرعب هيبقى أدامك طول الوقت بس مش هتعرف تمسكني ومتحاولش هتتأذي.
ليث:روحي منك لله حسبي الله ونعم الوكيل فيكي أنا كان مالي ومال الشرطه أنا كان نفسي أدخل كلية تجاره علشان أبقى محاسب يعني متلاقيش غيري وتبعتلو الرساله دي أنا راجل فضولي أنا أروح بيتي أحسن
بعد أن ذهب إلي منزله
ليث:هي قالت هتفضل أدامي طول الوقت هتدخل البيت يعني ولا هتراقبني من بعيد يااه يا ليث وأخيراً بنت هتراقبك وتستناك تحت بيتك أد أيه أنت محظوظ وهتغنيلي أدام مرايتها عادي بتدلع براحتها بس الأغنيه مؤنثه مش مهم بس أيه الضمان لما تيجي تتجوزني متسبنيش هتفضح وسيرتي هتبقى على كل لسان يا شماتة عم إبراهيم إلي بيجبلي الشاي بعد الضهر وشماتت الشويش عبد الصمد والعساكر فيك جرحت قلبي بعد ما لبستني البدله
هي مين إلي جرحتك يا عبيط
ليث:ماما أنتِ دخلتي أزاي قصدي جيتي أمتى
والدته وتدعي سعاد: من الباب هكون دخلت أزاي من الحيطه أنت أتهبلت ليه كدا لا فوقلي ويلا علشان ورانا شغل كتير
ليث:شغل إيه أنتِ أشتغلتي
سعاد:طبعاً هتعرف أزاي ما أنت بتخطط لبدله وجواز وسايب سعاد بنت خالتك إلي بتحبك من وأنت عندك سنتين
ليث:يا أمي سعاد أيه بس يعني هتبقى هي وأنتِ وسنتين أيه دي كان عمرها بالسالب وقتها
سعاد:بتوه الموضوع غير هدومك والبس حاجة قديمه ورانا غسيل وتنظيف ومسح
ليث:أنا مالي هاتي حد من بناتك
سعاد:خلاص أعمل أنا وأتعب زياده وتفضل تلف بيا على المستشفيات وعمليات ودكاتره وعلاج وبراحتك
ليث:هاتي الديتول يا ماما هاتيه
بعد الكثير من الوقت
ليث:ضهري ورجلي مش حاسس بيهم
سعاد:علشان تعرف قيمت أمك ومراتك المستقبليه
ليث:مش عايز أعرف قيمتها أنا مال ضهري بالموضوع لو كان ضهري بينطق كان هزقني ومسح بكرامتي البيت
سعاد:أحيه فرشنا السجاد من غير ما نلمع الأرض قوم شيل السجاد كله وهات أي حاجة نمسح بيها
ليث:ليث غير المتاح الأن الرجاء المحاوله لاحقاً .
سعاد:أنت أغمى عليك طب موت جاوبني لسه فاضل سجاده متغسلتش
ليث:الساعه كام
سعاد:بعد الترويق والتنضيف
ليث:أومال قبل قولي يا ماما كام
سعاد:قربت تدخل على حداشر
ليث:نهاري أسود ونهار جين أسود
سعاد:جين مين مراتك أنجوزت من ورا أمك
ليث:والله أنا مستعجل مش هينفع أشرح يادوب البس وأنزل هرجع وأحكيلك على طول الطول
سعاد:أمشي ومتدخلش البيت دا تاني
ليث:عنيا ليكِ
ليث:أحط برفيوم الأحمر ولا الأسود دا وقته البنت هتموت وأنا بختار إنهي نوع فوت أمري ليك يارب لأني تعبت مني
أنا نازل يا سعسع عايزه حاجة
سعاد:دلع مقرف شبهك أه هاتفي كيلو خيار وربع كيلو جزر واتنين كيلو طماطم و
ليث:أنا مشيت وبعدين أنا مش هجيب من الراجل إلي تحت
سعاد:مش دا المهم متخليش حد يفتكرتك أهبل ويغلي السعر عليك هرجعك بالأكل
ليث:أنا ربنا يسترني ويخليني للوطن سلام
بعد أن ركب سيارته
ليث:طب أروح فين دلوقتي أنا أكلم جين الأول وبعدها أكلم الرائد
عند جين
جين وهي تضع أشيائها في الحقيبه:أيه إلي بيتهز في جيبي تكونش رقاصه مصغره هشش وطي صوتك يا جين للكاميرات تسمع ويعرفو أنك معاكي موبايل بكاميرا إلي ليث أدهولك دا أيوه هي يووووه أنا قولت بصوت عالي ليه خلاص أنا هدخل الحمام
تذهب إلي الحمام
جين:الو يا لثاليثو
ليث:مش وقتك هزارك أجهزي يلا
جين:لسه مش دلوقتي هتخنق
ليث:أنجزي ومتخنقنيش وباني طبيعيه مش بيطريه
جين:طول عمرك حابطني أقطع علاقتك بيَّ
ليث:أخلص من المصيبه إلي وقعتيني فيها وبعدها كلنا هنقطع علاقتنا ببعض
جين:ماشي عايز تقطع علاقتك بيَّ أقطع أجبلك مقص ولا موس
ليث:ليه
جين:علشان تقطعها الو ليث ياض يا أستاذ أكيد تلفونو فصل ميقدرش أصلاً يقفل في وشي دا بيموت فيَّ بيعشقني لو هيشحت كدا هيشحت وينام وهو مش نايم برضو بيحبني حقيقي ربنا يحمي ذكائي أول لما دخلت البيت حطيت الحاجة في الحمام علشان ميخدوش بالهم ربنا يحرصني أما عبقريه المفروض يسموني العالمه جين
وتبدأ جين باللبس بعد أن أنتهت وضعت السماعه
جين:الو ليث أنت سمعني طب رد اشوف السماعه شغاله ولا ضحكو عليك
ليث:أهدي مش عايز صوت بدل ما أفصلها أخرصي أكلم اللواء وبعدها أتكلمي
جين:كلكم جايين عليا علشان أنا بنت غلبانه طيبه محترمه
ليث:جيه أنا أول مره عرفتك فيها كان حد عامل فيمي محضر
جين:كفايه أحراج بعد أذنك كلمو أخلص
ليث:الو
اللواء:مصحيني من النوم علشان تقول الو عيطو عليك
ليث:'في أيه حضرتك مش هتصحى في مأمورية عندنا وناس هتموت
اللواء:مش فاضي تولى أنت الموضوع ولو حاجة غلط حصلت هرفدك
ليث:يا فندم حضرتك
اللواء:ولا حضرتك ولا زفت أنا عايز أنام سيبوني بقى أنا راجل عياان
ليث:هو كله بيقول مني وبيقفل في وشي ليه أنا مستاهلش كدا دا أنا شخص طيب ومحترم وجميل وعسول
جين:كداب يا ليث أنت مامتك أكيد كانت بتتوحم فيك على مياة مجاري
ليث:والله أسيبك وأمشي تموتي تتقلتي مليش فيه وأروح أكل أنا
جين:أعملها علشان بدل ما يقتلني أخليه يقتلني ويقتلك ونرتاح بقى بص أنت أقفل أنا واحده جهازها العصبي يادوب مكمل معاها لأخر الدقيقه بالعافيه
ليث:أحنا نعد لحد تلاته وإلي يقفل الأول هو الكسبان
جين:طب أستنى أقفل منين
ليث:الزرار إلي طالع لبرا
جين:خلاص شوفتو
ليث:واحد أتنين
جين:بيب بيب بيب
ليث:دي تاني حد يقفل في وشي الدقيقه دي يارب هاتلي شوية كرامه بدل ما هي بقت بسالب السالب السوالب
جين:أعترفت أهو
ليث:أنتِ مش قفلتي
جين:لا يا غبي كتمت الصوت خالص ومعملتش ولا صوت علشان تعترف بهزيمتك أنا مش ساهله برضو يلا غور نظم عساكرك وجيشك وأنا هبقى أراقب من بعيد لبعيد من البلكونه لما توصل كلمني
ليث:أتمنالك عدم التوفيق
جين:وأنا كذلك
____________
ليث يتصل بصديقه :عيسى أتت وصلت لفين
عيسى:قربت أدخل
ليث:اتأخرتو ليه
عيسى:كنا بنشوف اللبس والميكروبصات أومال ندخل والسرينة شغاله
ليث:طب لو حد شافنا هنقولهم أيه
عيسى:أحنا لابسين صعيدي فممكن نقول في طار وأحنا بنحمي المكان وهنمشي بعد ساعتين من سؤال الشخص
ليث:ممكن دي فكره حلوه جميله لذيذه ولو أتقفشنا وهما شكلهم عارفين أصلاً وهنموت كلنا بسببك .
عيسى:ولا تزعل لو موتنا ذنبنا في رقبتك
ليث:المهدء فين مهدئاتي فينن
عيسى:شوفها في الدرج أو في جراب الموبايل
ليث:يارب أديني شوية صبر أعرف أستحمل الكائنات إلي أنا محاط بيهم
عيسى:يارب صديقي ليث أفتح باب العربيه
ليث:هتخطفني
عيسى:توبت إلي الله ثق فيَّ
ليث:فتحت الباب ونزلت من العربيه فين حضرتك
عيسى:بخخخ
ليث:يا ماما الحقيني أتفجعت
عيسى:فدايا يلا بينا علشان ننظم كل حاجة مع بعض مش حدبس في حاجة وبعدين فين اللواء المفروض يكون هنا من قبلينا
ليث:نايم
عيسى:طب صحيه ولا نبعت حد يروحله
ليث:ملهوش لازمه قال تولى أنت الموضوع ولو حاجة غلط حصلت هرفدك
عيسى:يا عيني يابني طب يلا بينا ننظم كل حاجة فاضل ساعتين ويبدأ الهجوم
ليث:ينفع أنت تنظم وأنا أنام خمسايه
عيسى:ولا عشرايه أتفضل أمامي أو خلفي عادي
بعد نص ساعه
ليث:فهمتو كدا كل حاجة وكل واحد هيقف فين
أيوه يا فندم
عيسى:أحنا مش عايزين غلطه الغلطه بموته
ليث: الله يسترك أهلكم أنا كبرت في السن وصحتي راحت في داهيه ففتحو مخكم أنا شخص مريض
أوامرك يا فندم
عيسى:روحو أقفو زي ما قولنالكم وكل مجموعه عليها قائد وأحنا كل نص ساعه هنجيلكم
ولو حبيت أدخل الحمام أعمل أيه
ليث:متحبش يا عبد الصمد متحبش أكره
عيسى:أنا عايز أشرب قهوه
ليث:هي ناقصه مرار أنا رايح أقعد في العربيه تعالى
عيسى: في ديلك
___________________
جين:يارب أجعلني لو نسيت حتى لو معلقه بلاستيك تتكسر في وش الراجل صاحب البيت أنا بفكر أزرع قنبلة علشان لو نسيت حاجة تنفجر حقيقي شكراً لتفكيري أنا أزاي تفكيري قمر كدا قمر بيفكر تفكير قمر ربنا يديمني في حيات نفسي يووه هجيب منين قنبلة خلاص أنا حستعوض أي حاجة هنا لصحتي يالهوي كنت جايبه سجاده صغنونه ححطها فين دي أتقل من حياتي أما هديها لليث ولما أشوف بيت تاني أبقى أخدها كل ربع ثانيه أنبهر بذكائي هو قاتلي إلي مأجراه أتأخر ليه يكونش أتقتل
أنا أروح الحمام أكلم ليث أحسن
جين:ليث ولا يا ليث
ليث:جين هي مش لعبه قولي
جين:أنا عايزه أنام
ليث:أستحملي شوية
جين:طب أناملي ربعايه وتصحيني
ليث:ولا فسفوسايه أنا مفضلش صاحي وأنتِ تنامي أصحي وأرخجي علشان ميشكوش في حاجة
جين:الأهتمام مبيطلبش المفروض تهتم بيا أكتر من كدا
ليث:نخلص وأنام وأصحى وحهتم بيكي جامد أوي
جين:أنت بتتريق طب سلام
ليث:س س سلام
جين:يالهوي عليا نسيت أهم حاجة في الحياة الصندوق أما أروح أشوفو تذهب تجاه الدولاب وتطلع الصندوق
جين:ما أنا غنيه أهو لو حد يعرف والله أتقتل في وقتها
أيه إلي في الصندوق من تحت دا
لتفرغ الدهب على السرير وتمسك الصندوق تجد بهِ
__________________
إكس يتصل على وسن
وسن:أنت فين يا إكس بقالي كتير بحاول أوصلك
إكس:كنت في مشوار أنتِ فين
وسن:بجهز نفسي علشان العمليه
إكس:هتروحي بيت الشخص أمتى
وسن:كمان أربع ساعات كدا وأنا أجرت العربيه من حد تبعي
إكس:أستعدي كويس أنا مش عايز غلطه الغلطه الصغيره هنتمسك أنا وأنتِ
وسن:عارفه دا كويس دي مش أول مره أشتغل فيها بس عندي سؤال
إكس:قولي
وسن:هي دلوقتي مجهزه نفسها والظباط على الساعه تلاته التلات ساعات التانيين أكيد هيعملو حاجة لما يلاقونا أتأخرنا.
إكس:هينامو على نفسهم وأنا جبت المنوم مجرد ما هرش في الجو هينامو كلهم الموضوع بسيط متقلقيش
وسن:مقلقش أزاي لو أتمسكنا هناخد أعدام أحنا قاتلين
إكس:مش أول مره لينا سلام
إكس:بشتغل مع ناس جبانه لو مكنتش عملت كل حاجة بنفسي كان زماني واخد تأبيده أكيد حد حاسدك يا إكس لازم أبخر نفسي خمسه في عين كل حسود أنا هبدأ أجهز نفسي أحسن
بعد بعض الوقت
إكس:فاضل أربع ساعات وهتحرك من هنا قبليها بساعه كدا تلاته وحاجتي كلها جهزتها بعد تلت ساعات أتحرك من هنا
ليتصل عليه كابوني
إكس:بتتصل ليه
كابوني:الرجاله جهزت وهتوصل في المكان بالظبط حاجة تاني
إكس:بقيت الفلوس فين
كابوني:وصلت أوديهالك فين
إكس:تعالى هاتهالي
كابوني:لا أنا مروحش بيت بيت راجل عازب
إكس: تسعه وعشرين دقيقه والاقيك عندي
كابوني:ينفع تسعه و عشرون وثانيه .
إكس:متتأخرش يا تالف مخي
كابوني:طبعاً من التفكير فيَّ وحلاوتي وجمالي عايز تعرف السر
إكس:قول
كابوني:وصفة أم كمكوم
إكس:دي أبنها مكمكم ولا أيه
كابوني:متقاطعنيش المهم وصفتها لتبييض وتنعيم وأزاله الجلد الميت وأثار الحبوب من أول أستعمال
إكس:وأنا برضو بقول وشك شبه إلي مغسلهوش بقالو قرن ليه أتاري من الوصفه دي ربنا معاك جرب وصفة أم حزنعنع هتعجبك
كابوني:هتفتحلي بشرتي
إكس:أومال ومن أول ثانيه
كابوني:أنا هقفل يادوب الحق أشوفها واعملها باي بيبي
إكس:بيكرهني في صنف الرجاله والستات هي الوصفه مكوناتها أيه.
ليدق باب غرفته
إكس:مين إلي هيجيلي دلوقتي دا محدش يعرفني هنا غير نفسي
إكس:مين
دا أنا صاحب إيوان والفندق
يفتح له الباب
إكس:عايز حاجة أيه إلي حدفك عليا
إيوان عايزك
إكس:هاته عايز أيه أنت كمان دا وقت نوم ناس
إيوان:وأنت مينفعش تنام دلوقتي أصحى كدا وأسمع إلي هقوله
إكس:أنت بتهدنني ولا أيه أعدل نفسك وأظبط زواياك
إيوان:عايزك في خدمه
إكس:أيوه كدا أتعدلت قول
إيوان:الفريق كله محتاجك في خدمه مش هيناسها
إكس:بصدع بسرعه لخص وأدخل في الموضوع
إيوان:هتفضل في مصر سبع أيام كل يوم بعمليه وبعدها هتسافرنا تجيب البنت تاخد بقيت الفلوس وليك بيت على حسابي وخلاص
إكس:كل عمليه منهم بأتنين مليون
إيوان:وعلشان إيوان
إكس:تلاته مليون مش هنزل فيهم
إيوان:طب ملحم أنت بتحبه علشانه
إكس:هيبقو خمس عمليات بس
إيوان:تمام أوي كدا وأنا موافق
إكس:خد تليفونك وبرا بعد تلت ساعات أنا ماشي أخفي الكاميرات إلي جابتني أي حاجة خطر عليا أخفيها تماماً
ماشي بس ممكن سؤال
إكس:قول على طول
أنت لابس أسود في أسود ليه أحنا حتى في صيف لابس برقبه ليه
إكس:على روحك برا الأوضه أنت هتصاحبني أيه البلاوي إلي بتتحدف عليا دي ليدق هاتفه بأسم وسن
وسن:الحقني يا إكس في مصيبه
__________________
عند مريم
فتحت الباب نظرت قالت:هو أنت كل شويه هتجيلي البيت أنا بتخنق بسرعه
عفركوش:أبي طردني من المنزل لذلك سوف أنام هنا اليوم
مريم:وأنا أنام فين
عفركوش:هنا
مريم:لا معنديش الكلام دا يلا برا بيتي شوفلك بني أدم غيري
عفركوش:وهنام فين في الحمام والاقي حد بيدخل عليا بيغني لا هنا حلو يا أما أقول لبابا ميفتحش المقبره وأنك بتسيئي للجن
مريم:خلاص أنا أسفه خليك تنور البيت
ليدق الباب
مريم:أدخل هفتح الباب وأجي
عفركوش:هفتحو أنا ماما خالتي وحشتوني
مريم:عفاريت تاني
______________________
عند إنتصار
فتحت باب المنزل وجدت من يقال لها :ما لسه بدري يا هانم
إنتصار بتوتر:ضبعي حبيبي جيت أمتى مش قولت مش جاي النهارده لو قولتلي كُنت هفرشلك الأرض من حبي
ضبع:تعالي يا وليه أيه إلي مرجعك البيت متأخر
إنتصار:مش واثق في إنتصارك مراتك حبيبتك أنا زعلت أوي متصلحنيش
ضبع:خلاص هسامحك المره دي بس المره الجايه
إنتصار:المره الجايه هبقى معاك يا ضبعوتي مش هسيبك
ضبع:أنا برضو معرفتش كنتِ فين
إنتصار: أقفل على السيره يا ضبع في أيه كل شويه خناقه راجل نكدي عديني كدا عايزه أتخمد
ضبع:أدخلي وليه بومه
إنتصار:أنا بومه طب برا بيتي مَفيش بيات هنا تاني
ضبع:يرضيكي أروح لمراتي الأولى
إنتصار:أه يرضيني وأمشي برا بدل ما أصوت والم الجيران
ضبع:يرضيكي جوزك حبيبك يتفضح
إنتصار:يرضيني طرقني يلا خليني أشم هوا اجل كاتم على نفسي
ضبع:أنا راجل محترم ومش هرد عليكِ أنا ماشي ومن غير سلام
إنتصار:دي أول مره يعملها ميسألنيش أيه الراجل الغريب دا سكة السلامه أهو أرتاح منو شويه عكرلي مزاجي كُنت راجعه مبسوطه وأنا بخطط لحياتي
الجايه والغنى إلي هبقى فيه أول حاجة هعملها أسيب الراجل الخنيقه دا هعوز منو أيه بعد ما هيبقى معايا العز والغنى كلوا يااه هبقى إنتصار هانم الهانم راحت الهانم جات ولو مسبنش
أتخلص منو زي ما أتخلصت من إلي قبلو بس كدا ممكن أخد سيئات لا لا أنا واحده بتاعت ربنا كفايه عليا قتل جوزي ربنا يقدرني على فعل الخير أما أروح أنام
________________________
عند إيوان
إيوان:بتبصلي ليه كدا
ملحم:مستغربك أشلون ما بطيقو وهلأ رح تعطيلو بيت
إيوان:لازم أعمل كدا إكس يبيع نفسو علشان الفلوس
ملحم:متل ما بدك أعملو
إيوان:أنا رايح أوضتي
ملحم:عايز أسألك سؤال أخير
إيوان:الله يستر
ملحم:لي عم تعمل كل هاد ببيتك أكتر مكان كنت بتحبو
إيوان:كنت ودلوقتي القصر بقى عباره عن مكان للقتل
ملحم:ليه عملت هي الغرف بأسفل القصر ومكان ما حدا يوصلو
إيوان:أنا مضمنش إيه إلي يحصل بعدين ممكن يفتشو قصري والباب إلي بيوصل للمكان دا مستحيل حد يعرفو غيري أنا هرتاح شويه لو أحتاجت حاجة متقوليش
ملحم:أتفضل هاد صار مجنون
إيوان:جاه وقت الأستمتاع بالعذاب النهارده يوم مياة النار
ليفتح أحد الأبواب
إيوان بصدمه:هربت
رواية: قاتلي المتأجر
البارت: السابع
بقلم:ناديه ستارز
عند إكس
وسن:الحقني يا إكس في مصيبه
إكس:أسكندريه غرقت
وسن:لا
إكس:حصل زلزال وهنموت
وسن:لا
إكس:أومال في أيه ناقص فاجعه أنا بتفجعيني ليه
وسن:الشخص إلي أنا المفروض أقتله باعت أنو أتراجع ومش عايز الفلوس ولا يموت هنعمل أيه
إكس:نفذي
وسن:بس
إكس:أنا قولت نفذي ومتتصليش على حاجة تافهه زي دي
إكس:الواحد ميعرفش يقعد مع نفسو أبداً لازم حد ييجي يقرفو منك لله يا سوسه أنا هسمع محمد سعيد في التلت ساعات دول بلا شغل بلا مراجعة خطة بلا قرف على دماغي أنا أشرب عصير ينعشني ويفوقني أوحش حيرة في الحياه الحيرة بين عصير ليمون وعصير مانجا أختار أيه سؤال محتاج تفكير عميق وأنا ليه أحير نفسي أنا أختار حاجة تالته بلا ليمون بلا قرف على دماغ جين قال الليمون بيهدي الأعصاب دا أنا متعملتش معاها لسه واشتريت مهدء ربنا يكون في عوني
ليدق باب غرفته
إكس:مش هنخلص النهارده أنا عارف مييين
كابوني:حبيب قلبك من جوا
إكس يفتح لهُ الباب أدخل وجابلي معاك شنطة سودا بتقول للبوليس أنا أهو تعالى أمسكني أدخل أدعي عليك بأيه هتشلني وهقعد على كرسي بيتحرك بسببك
كابوني:متقلقش متحرقش أنت في دمك وأطفي النار علشان ميلزقش في بعضو
إكس:هتخسر بعض بسبب أستفزازك هات الفلوس أنا معرفش متمسكتش ليه وأرتاحت
كابوني:قصة حبنا مش عايزه تنتهى هنقف قدام القدر مش كدا هتكفر يا إكس شغل أغاني فرفوشه بدل النكد إلي بتسمعو دا
إكس:أنت مش أدتني فلوس
كابوني:أه وحطتهم في الخزنه أدامي
إكس:حلو شايف الباب إلي دخلت منو
كابوني:لا أياك تقول هتخرج منه
إكس:بالظبط أنت هتخرج منه
كابوني:هبلغ عنك وأقول قاتل متأجر
إكس:وأنا هقول على كل بلاويك وأنك تأجر سلاح وزعيم مافيا سابقاً
كابوني:ولد متقولش كدا دا أنت إمام جامع أنا همشي
إكس:في داهية الداهية
كابوني:سأشتكي لله كل شئ
إكس:وأكل العصافير علشان أمانيك تتحقق برا أوضتي
كابوني:أنت من غيري ولا تسوى جزمه من غير فردتها سلام
بعد قليل يرن هاتفه
إكس:نعم حضرتك
مجهول:أنا مش هبقى موجود
إكس:والخطة هعرفها أزاي هجيب ساحر يقولهالي
مجهول:أتصرف معرفش
إكس:طب هدخل أزاي من غير ما أتأكد من الخطة
مجهول: معرفش أنا عايز أنام
إكس:أنا عملت أيه في حياتي يارب علشان ترزقني بالناس دي أيه يعني بعمل كل الممنوعات قتل وسرقة وخطف مش أحسن ما أشرب حشيش واتاجر في المخدرات ناس ظالمه أنا مش راضي عنهم لأنهم ظالمني
__________________________
عند جين
تفرغ الدهب على السرير وتمسك الصندوق تجد بهِ أوراق ملكية منزل
جين:أيه الأوراق دي أنا أول مره أشوفها في الصندوق أحسن حاجه أعملها بدل التفاهه بتاعتِ إني أقراها
بعد أن قرأت الأوراق
جين تحدث نفسها: يا عقربه يا مرات أبويا أزاي عرفتي تزوري الأوراق والأوراق الأصليه معايا حسبي الله في أي حد كان ليه السبب إني أتخرج من كلية حقوق أنا لا أصلح حتى إني أقول سيدي القاضي سيدي الرئيس حضرات السادة المستشاريين دلوقتي أنا أشوف محامي كبير وعندو ضمير بس هيبقى عندو ضمير إشاره ولا ضمير غائب هيهيهي حقيقي أكتر حاجة بحبها فيَّ خفت دمي وقت النقاشات الجاده كام ساعه وأخلي ليث يشوفلي محامي وكام ساعه ليه هو أنا ورايا حاجة دلوقتي أكلمو أحسن
لتذهب إلي الحمام
جين:أنا بقيت أدخل الحمام علشان أكلم ليث أكتر ما بتنفس
ليث لثاثيو لثالوثو أنت مبتردش ليه إين التقدير إين الصداقه
ليث:أيه في أيه شيفاني مردتش يبقى أكيد نمت
جين:وتنام ليه خليك صاحي مش أنت إلي قولتلي أنا مفضلش صاحي وأنتِ تنامي فين كلامك فين
ليث:أنا أسف أنا حيوان أنا شبشب من غير صُباع أتفضلي قولي عايزه أيه
جين:باركلي
ليث:الف مبروك عقبال المره الجايه حصل أيه
جين:خد نفس ثم شهيق ثم زفير أسمع بقى لقيت أوراق ملكية الشقة
ليث:طب حلو كدا تلبسلها قضية تزوير وهجبلك كام واحده تضربك وكدا تعدي الموضوع هيتظبط
جين:عيزاك تجبلي محامي شاطر أوي هكسب القضيه وهاخد البيت إلي اتربيت فيه أنا مبسوطه أوي
ليث:ما أنتِ محاميه
جين:ولد عيب متقولش كدا أنا أول مره مسكت قضية جبت للراجل خمسه وعشرين سنه سجن
ليث:ذكريات حزينه للغايه
جين:لا بالعكس دي ذكريات مضحكة عقبالك
ليث:جين أرجوكِ متكلمنيش تاني هيشكو فيكِ أكتر ما هما شاكين
جين:أنت كل شويه تزعقلي بكره تيجي عند قبري
ليث:عارف عارف أعيط وأحزن أعمليها وملكيش دعوه بالباقي
جين:لنفترض أن أبو كمامه سودا ربطني أزاي هدوس على الزرار علشان كدا خلي في كلمة سر
ليث:أول مره تفكري صح حقيقي أنا مبسوط
جين: قول أيه هو الباسورد
ليث:أحنا نخليه من أغنيه علشان ميشكش فيكِ وتذهب الروح البريئه إلي من خلقها
جين:والله لو قتلني لهقوله عليك وأخليه يقتلك أنا مش هموت لوحدي
ليث:وأنا مالي هو كل حاجة ليث ليث
جين:دا حبيبي مش حبيبي
ليث: هو مين
جين: فتح مخك كلمة السر هخليها كدا
ليث:أنا هقول جمله واحده بس أطلعي برااا الحمام
جين:الحمام حمامي والدش دشي وبراحتي يا ليث ولو عايز تتعارك عاركني الو الو مبيردش ليه دا أخد طلقه في راسو إين غرفتي أنا لا أراها
جين:دهب أمي حبيب قلبي من جوا من غيرك مسواش حاجة أو في الحالتين مسواش
لتضع الذهب برفق في الصندوق
جين:أنا أحطك في قلبي مش في الصندوق ياريتني كنت الماس ولا ذهب كان هيبقى ليَّ قيمة
ليث في الهاتف:كفاية كلام وداني أتخرمت
جين بتغني: بتستغل حبي يا حبيبي بس لاااا والف لاااا هفضل أبوححح بحبيييي يا حبيييبييييي
ليث:ربنا يستر صباع رجلك الصغير أسكتي
جين بغناء: مااااشي وهقولها كمان مره مااااشي الله عليكي يا جين وعلى صوتك ولا نانسي عجرم
الساعه أتنين ونص وخد بالك يا عُمري للقطر يفوت ونموت
ليث:والله كلنا هنموت بسببك
جين في سرها:كلهم كبتني حتى في الغنى دا أنا صوتي أحلى من أي مغنيه أنا هروح أعمل لموناته تهدي أعصابي التالفه
____________________
في منزل مرزوق
أحمد يلف بهدوء وينظر أمامه :مكانش يومك يا أحمااااا
مؤمن:هنهرب من الكلاب أزاي
أحمد:دي باين عليها مسعوره أتصرف أنت معاها لأنك مسعور زيها
مؤمن:بص في عينيها جامد أوي أوي
أحمد:تمام كدا
مؤمن:ايوه كدا عد لتلاته بهدوء
أحمد:واحد أتنين تلاته
مؤمن:أجري يا مجديييي ويجري إلي حمام الضيوف الذي كان أمامه و الأقرب لهُ
أحمد:أنت سبتني معاهم يا مؤمن تعالى خدني مش عارف أتحرك
مؤمن من خلف الباب:حاول تمسك نفسك ومتخفش ليهجمو عليك
أحمد:القائد بتاعهم بيقرب مني
مؤمن:أتصل بالبوليس يلحقك و نادي على أبوك
هوهوهوهو هو
مؤمن:هي صوت الكلاب عالي ليه كدا هما بيتخانقو ربما يفك خنقتهم
الحقوناااي مبقاش عندي لحم
مؤمن:معرفش ليه حاسس إني أعرف الصوت دا يمكن صوت كلب
بعد نصف ساعه
مؤمن:أنا مش هفضل قاعد كدا في الحمام أنا هشوف من ورا الباب مشيو ولا لسه
ليفتح الباب فتحة صغيرة وينظر في جميع الأتجاهات
مؤمن:مشيو أخيراً الواحد يخرج من الحمام براحتو بس فين أحمد مشى معاهم يوصلهم ولا يوريهم البيت
أحمد عمو مرزوق طنط نجلاء هي أهل الدار ماتو يكونوش أنتحرو لا لا بعد الشر أومال نقعد عند البيت يارب طول في عمرهم لحد ما أبويا يرضى عني وأرجع البيت
وأثناء حديثه مع نفسه تعثر بجسم في الأرض
أحمد بتعب:الكلاب أتعشو بيَّ
مؤمن:طب اللحمه كانت عايزه ملح
أحمد:وديني المستشفى يا حمار
مؤمن:طيب هطلع لأبوك أستنى
أحمد:باباك أرتقي
مؤمن وهو يطلع على السلم
مؤمن:يعني الكلاب معلمه عليك وتيجي أنت تتشطر عليا طول عُمركم بتيجو على الغلبان
يا ترى أنهي أوضة أوضتهم أنا أفتح بالبركة أنا لسه هخبط
ليفتح الغرفه الأولى ولم يجد شئ وكذلك في الثانيه ويفتح الغرفة الثالثة
مرزوق:أيه إلي دخلك الأوضة يا حيوان مش في باب خبط
نجلاء:الأيشارب معدول يا حاج
مرزوق: أتنيلي وأنت عايز أيه
مؤمن:أبنك الكلاب عملو عليه حفله ومبقاش فيه لحم وغالباً قطع النفس
مرزوق:الأسعاف رقمها ١٢٣ والباب في أيدك وأنت خارج
نجلاء:متقساش على أبننا يا حاج تعالى نشوفه
مرزوق:أقعدي على جمب بالأيشارب بتاعك
نجلاء:البسلك بدالو البمبي
مرزوق:ربنا يرحمك يا أمي أنتِ إلي جوزتهاني
نجلاء: أنا مش عجباك يا حاج دا أنا كل شويه من الجلابيه البمبي الحمرا للأخضر للاصفر لحد ما بقيت إشاره مرور
مؤمن:أنا لو منو أقتلني
نجلاء:تعالو نلحق أبن أمه وبعدها أفضالكو وأنت أتصل بالأسعاف يا تودو المستشفى
مرزوق:مليش مزاج أسوق
مؤمن:وأنا باين على لبسي ومتبصليش كدا خلاص رنيت
فاضلهم ربع ساعه وييجو
نجلاء:حاج أروح بالأيشارب عادي ولا دا فيها عار ليك
مؤمن لمرزوق:والله أنا أتخنقتلك أنت أخنقنها ونقول أن دا ضيق تنفس
نجلاء:هتخنقني يا مرزوق ومين يلبسلك الأيشارب الأحمر والجلابية البمبي
بعد وقت وصلت الأسعاف ونقلو أحمد الذي كان غائب عن الوعي
بعد وقت خرج الطبيب وقال
الطبيب:يؤسفني يا جماعه إني أقولكم دا بس أبنكم (أصاب بداء الكلب)
_________________
عند مريم
مريم:عفاريت تاني
عفركوش:روحي المطبخ أعمللم حاجة يشربوها
أمه وتدعي زيتونه:أه بسرعه علشان الطريق طويل
خالته (مخلله):أنا مش هفضل واقفه كتير أنا عايزه أدخل
عفركوش:أتفضلو طبعاً أعتبرو بيتكم
زيتونه:من غير ما تقول ثم تكمل بزعيق فين العصير أنا عطشت
مريم:ااا ه أتفضلو مرحباً بكم في عالم الانس
مخلله:وأنتِ مرحباً
مريم لعفركوش:هما هيمشو أمتى
زيتونه:بايتيين ومش ماشيين
مخلله:لو عايزه تمشي أمشي أنتِ
مريم:لا بقى دا بيتي وتحترمو نفسكم دا أنا مريم
زيتونه:أنتِ بتزعقيلي
مريم:والله محصل دي نبرة صوتي إلي علت من غير قصد
مخلله:يبقى تختفي
مريم:هي أسفه هي جزمه
زيتونه:بكره بقى يبقى صوتك يرجعلك صبيت عليكِ لعنة زيتونه لقد أغضبتيني وأمر أن صوتك هذا يروح
عفركوش:دا بيتها وأنتو ضيوف فيه ليه تعملو كدا
مخلله:أنت بتغضب أمك وخالتك علشان انس دي التربيه إلي ربتهالك زيتونه
زيتونه:قوليلي يلا بينا نمشي زيتوني وبتنجاني غضبان عليك
عفركوش:لا لا إلا البتنجان خليها الليمون
مخلله:يلا بينا نمشي
زيتونه:هاتيلي البطيخة دي معاكِ نتسلى فيها وأحنا راجعيين
مخلله:لتكون قرعه أستني أفتحها
زيتونه: مسكره
مخلله: مش أوي بس مش مهم أي حاجة نتسلى فيها
عفركوش:أنتِ عملتي أيه في مريم دي مش عارفه تتحرك
زيتونه:يمكن أتلغبطت في التعويذه متلغبطش يعني
عفركوش:أنا هعدلها ممكن تاخدي خالتي وتمشي.
زيتونه:جاهزه يا مخلله للتعويذه
مخلله:لا
زيتونه:ليه
مخلله:مجبتش البراشوت بتاعي.
عفركوش:كدا كتير براا يا خالتي أنا جالي صداع في شعري
عفركوش:أخيراً مشيو وأنتِ كان لازم تتكلمي أثبتي بقى متتهزيش
ليضع يده على رأسها ويقول كلام في سره لا تستطيع فهمه
كدا تقدري تتكلمي
مريم:أنا جعانة
عفركوش:والمطلوب
مريم:مش أنت عفريت وبسقفة من أيدك كل حاجة هتبقى أدامي فهاتلي أكل
عفركوش وهو يجلس:لا لا مفهومك غلط عن العفاريت أنا عفريت غلبان على قد حالي
مريم:يعني مش هاكل
عفركوش:وهو الطبخ مأثر معاكِ في حاجة
مريم:مليش مزاج أطبخ أنت
عفركوش:أنا مش هطبخ وأنتِ تاكلي على الجاهز قومي ساعديني
مريم:طيب أتحرك عفاريت آخر الزمن
عفركوش:هنطبخ أيه
مريم:شايف قدامك الطباخه مريم أنا أخري يوم ما أبقى جامده بسلق بيضه
عفركوش في نفسه :مش مهم بعد الجواز نبقى نقضيها دليفري أو بيض مسلوق
مريم:بكلمك مش بكلم نفسي
عفركوش:معاكِ هروح فين هيكون حد خطف روحي وسايب جسمي هنا
مريم:وجهت نظر تحترم وبشده أنا بقول أطلبلنا أي حاجة من أي مطعم بدل وقفتنا إلي ملهاش لازمه دي
عفركوش:أعملي السلطه وأنا نازل شوية وجاي
مريم:أنت عفريت يعني محدش هيشوفك ولا يسمعك صح ولا أنا بتفرج على أفلام كتير
عفركوش: أه أنتِ بتتكلمي صح علشان كدا هجيب من أي حته الأكل وأجيلك
مريم:طب أقرا عليا أي تعويذه تخلي الناس متشوفنيش وخدني معاك
عفركوش:مينفعش الوقت اتأخر جداً .ويغادر
مريم:أنا حاسه أنو مش عفريت و أنه بني آدم أصل جو الأفلام دا مش عليا أزاي شكلو طبيعي جداً غير أنو عامل ضفيره أطول من حياتي من نص راسو واصله لأخر البيت بس رجلو تخليني مشكش فيه تهببي أيه يا بنت يا مريم أنا أعيشه دور سي السيد وأشوف رجلو فعلاً حقيقيه ولا فيك
عفركوش:ولو طلعت بقرا الأفكار هتعمل أيه.
مريم بصريخ: أنت لحقت وجيت أزاي ودخلت أزاي كدا تفجعني
عفركوش:لقيت أقرب مكان يبيع أكل الشارع إلي بعد شارعكم وأنا رجلي تعباني مش هقدر
مريم:أنت عفريت يعني تطير هتوصل
عفركوش: هو حد قالك إني عفريت مش سوبر هيرو
مريم:أنت قولتلو وأمك وخالتك
عفركوش:حرف الكاف مضايقك في حاجة لا حاجة أيه قصدي حاجات
مريم:لا مش مضايقني هو مضايقك
عفركوش:لا
يبقى خلاص كل حاجة ماشية مظبوطة
مريم:الحقني أنا عملت مصيبه
______________________
عند الضبع
يذهب الضبع إلي المحامي
الضبع:عايزك تجيبها وتخليها تمضي على أوراق البيت
المحامي:مش سهله ومش هتمضي
الضبع:قولها أن أجراءات البيت مشيت ومحتاج توقيعها على الأوراق علشان كل حاجة تكتمل
المحامي:ولو موقعتش
الضبع:خد دا منوم شربها منو في أي عصير أو أي حاجة تتاكل وبصمها على الورق
المحامي:ماشي سيب الحاجة على المكتب ومع السلامة أنت
الضبع:أتت بتطردني دا أنا المعلم ضبع
المحامي:طارد الحشرات دا ولا أيه
الضبع:أنا ماشي بدل ما أضربك
ويذهب إلي أنتصار
يفتح الباب بحذر حتى لا ينتبه أحد الجيران
الضبع:كانت ليلة سودا بنت سودا يوم ما أتجوزتك يا إنتصار
ليذهب إلي غرفتها
إنتصار إنتصار أنتِ يا وليه إنتصاااار
إنتصار:عايز أيه
ضبع:قومي أعمليلي أكل
إنتصار:أعمل لنفسك مش عامله حاجة عندك أيدين وعندك رجلين يبقى تعمل
ضبع:ماشي يا إنتصار هروح لمراتي الأولى
إنتصار:روح
ضبع: مش هتديني وتقولي لااا أنا خدامتك يا ضبع بيه
إنتصار: لا أنا محترمه وأنت أكبر مني فمش هقول الرد إلي يناسبك .
ضبع:أنا هروح ومش هاجي .
إنتصار:ما تورح أنت هتقرفني ليه
ضبع:نسوان نكد
إنتصار:بقى كدا طب رجالة هم واحده بواحده
ضبع:أنا ماشي
إنتصار:خلي باب الأوضه مفتوح وأنت خارج
إنتصار:منك لله كنت نايمه كان لازم يعني تصحيني علشان كرشك قومي يا إنتصار دلعي على نفسك وأفرجي عنها حسسيها أنها أنثى بدل عم إبراهيم إلي جواها دا
ليتصل عليها المحامي
المحامي:القضية مشيت وكل حاجة بقت تمام فاضل توقيعك على كام حاجة
إنتصار:من أيدي اليمين بأيدي اليمين أومال همضي بأيه برجلي ساعة بالكتير وتلاقيني عنك .
إنتصار:لما بيمشي من البيت كل الأخبار الحلوة بتجيلي البسي يا وليه ودلعي عن نفسك
وبعد فترة تذهب إلي المحامي
المحامي:أهلاً أهلاً حاجة إنتصار
إنتصار:حاجة دا أنا لسه في عز شبابي وجمالي
المحامي:هو أنتِ تطولي تحجي ويكمل في سره بومه قدامي مش وش نعمة حتى في الكلام
إنتصار:فين الورق أشوفه.
المحامي:تشوفي أيه هو في مابينا كدا
إنتصار:وأبو وأهل كدا هاات الأوراق
بعد دقيقة
إنتصار:إيه دادا لا أنا تعبت خد أنا وقعت دي النيابة مبتتفاهمش وورق كتير كدا سلام أنا
المحامي:يارب حد أعمى مبيشوفش يكون سايق يخبطها هي وجوزها وأرتاح لأني تعبت
ويجلس يتذكر كيف لم تنتبه للأوراق
Flash back
المحامي بعد مغادرة الضبع:بعد إلي عملتو معاها هتقرا الأوراق أكيد فهلزق ورق تاني على الكلام لحد قبل مكان التوقيع وبعدها أشيل الورق دا
Back
تعيشو وتاخدي غيرها أنتِ وجوزك.
الضبع يدق عليه
المحامي:في حاجة
الضبع:وقعتك ولا الموضوع أتقفش
المحامي:وقعت
الضبع:يعني البيت كدا ملكي
المحامي:طبعااااااً
الضبع:هديلك كيلو لحمة طازه هدية.
المحامي:شكراً ويغلق معه
الضبع:والله لمجننك يا إنتصار
تذهب إنتصار إلي بيتها
تفتح الباب
إنتصار بصدمه :أنتم مين
_____________________
عند إيوان
ليفتح أحد الأبواب
إيوان بصدمه:هربت بس أزاي مفيش غير ملحم حسابك تقل معايا وهزعلك أوي بس لازم الاقيها هجيبها منين دي
ويخرج خارج القصر بأكمله
عند ملحم
ملحم لفتاه:أنا مش هعرف أساعدك أكتر من كدا أنا كدا عقمتلك جروحك خدي دي شوية فلوس علشان تعرفي تخرجي من هنا بس
الفتاة :مش هيسبني
ملحم:أنتِ آمن مكان تستخبي فيه هنا
الفتاة :أزاي هنا كدا هيقتلني أول لما يشوفني
ملحم:ما رح يتركك لا تخافي ما هيعرف يوصلك
الفتاة:ماشي ودلوقتي أنا هروح فين
ملحم:هي غرفة المخزن ما حدَ بيفوت عليها
الفتاة:لو لقاني والله لهزعلك أمين يا عم.
ملحم ينظر إليها بأستغراب:أنا إلي عقمتلك جروحك وأكلتك وشربتك أتفضلي على المخزن حولتي لهجتي من لبنانية لمصرية
الفتاة:دي لبنانية أنا أفتكرتك وقعت فلسانك أتعوج
ملحم:أدخلي المخزن وما تعملي صوت رح جيبلك الأكل وكل شئ بتحتاجيه كل يوم بس إيوان يطلع من البيت
الفتاة:طيب يلا برا ملاقكش دخلت الأوضه والسرير أنام فين علر الأرض
ملحم:أحسن من الكرسي إلي كنتِ مقيمة عليه
ليسمعو خطوات رجل شخص يدلف إلي المخزن
ملحم بصوت واطي للفتاة:تعالي نستخبى ورا الكرسي
الفتاة:ليه أنت خايف
ملحم:لا خالص بس لو لقونا مع بعض هما إلي هيخبو جثثنا
الشخص يدور في جميع المخزن ما عدا الجزء الموجود بهِ ملحم
ليخرج هاتفه ويتصل على أحد الأرقام
الشخص: سيد إيوان أحنا لقينا
________________________
عند جين
هو أتأخر ليه الساعة بقت أربعة المعاد عدى ساعة
لتنظر في اللاب توب لم تجد شئ كما هو
حتى اللاب زي ما هو يكونش قاتل أتأجر علشان يقتله فمات أنا أدخل الحمام أكلم ليث أحسن
جيين:ليث هما مجاوش ليه هما بيغفلوكو بيستقلو بالحكومة المصرية
ليث:لا بالمواطنة الهبلة المصرية
جين:تفتكر هيعمل زي سوبر هيرو والاقيه جاي بالحبل وكاسر الازاز وواخدني معاه ونعيش قصة حب لم يحكي بها التاريخ من قبل
ليث:أنا أفتكر أن لو في خدش في البيت صاحب البيت هياخدهم من أعضائك فلو كسر أزاز هيقتلك
جين:طول عمرك كاتم أفكاري دلوقتي هو مجاش ليه ممكن عمل حادثة ولا ناس أشرار أخدو
ليث:معرفش يا جين أحنا مالنا ومال ظروف القاتلين
جين:خليك فاكرها أنك أتخليت ولما ييجي القاتل هخليه يقتلك وهدعي عليكم كلكم ودعوة الأم مستجابة
ليث: هتلاقي الراجل أبو كمامه سودا طفش منك طفشتيه من أول مره يا مفتريه
جين:أنا طيوبه وفي في أيدي عرق طيب ومش هكلمك
ليث:عرق طيب ولا عرق سوس
جين:....
ليث:جين أنا بكلمك قدريني زي ما أنا مبقدركيش
جين:فوت أمري لله أنا خارجة ومش هدخل الحمام تاني
ليث:خليكِ قد كلامك
جين:شايفني ليث علشان أبقى عيله في كلامي
لتخرج بعدها من الحمام
جين:أنا هطلع الشنط برا علشان أبقى أمشي على طول هو قاتلي مينفعش ياخدني معاه مغامره
ليث:أنتِ ممكن تفكري بينك وبين نفسك مدخلنيش أنا
جين: وهي تمثل إنها تغني: أفصلها يا وحش لو مش عجبك أفصلها
ليث:ومين هيسليكِ وقت خنقتك ومتغنيش تاني
جين بصوت أعلى:أنا صوتيييي حلوو وبقولها بأعلى صوووت أنااا صوتييي جمييييل
ليدق باب منزلها
جين بخوف:مين هيجيلي الساعه أربعة الفجر
ليث:شوفي مين من ورا الباب والعسكري طالع بهدوء
جين تفتح بهدوء وبشعور الخوف : مين حضرتك
__________________________
عند إكس
تتصل عليه وسن
إكس:نفذتي
وسن:تمت المهمه بنجاح وأنا جيالك دلوقتي
إكس:فاضل كام دقيقه وتوصلي
وسن:في حدود ربع ساعة
إكس:ماشي هنزل حاجتي وأستناكِ بعد الفندق بشوية
ليدق على صاحب الفندق
إكس:تعالى شيل معايا الشنط كتفي ملتوي
صاحب الفندق ويدعي رزق :هبعتلك حد يشيلهم
إكس:أنا قولت أنت مأمنش أن حاجتي تقع تتسرق
رزق:أنا صاحب الفندق وبرستيجي
إكس:دقيقتين كفاية وتبقى هنا أوضتك جمب أوضتي هسيب الباب مفتوح
بعد ١:٥٩ دقيقه
رزق:أنا جيت نورت صح
إكس:شايف نفسك لمبة فينوس
رزق:الشنط فين
إكس:خد الشنطة إلي عند الباب
رزق:أتفضل أدامي
إكس:البس الماسك مش كفاية أنت وباء معايا
رزق: أنا مسمحش أكتر من كدا قاعد تهين تهين وأنا قلبي رهيف وحساس
إكس:أمشي يا رزق قدامي منك لله يا إيوان ملقتش فندق غير دا
رزق:اااااه يا ضهري حد يجيبلي فولتارين أنت حاطط فيها أيه
إكس:هات الشنطة في أيدي دي يلا غور بقى في أي حتة بعيد عني
رزق:خُلقك ضيق ليه كدا
إكس:أبلعك فأسلكه
رزق:بياندوني شكل في مشكلة أنا جاي أهو
إكس:رجالة تفقع المرارة وتفجر الجهاز الهضمي والتانيه دي راحت فين هي ناقصة عطلة
وسن:أنا وصلت أنت فين
إكس:أدامك سيبي التليفون وأنت هتشوفيني حاطة الجثة فين
وسن:ورايا
إكس:علشان لو في تفتيش تقولي للظابط أتفضل الأدله إلي تودينا السجن أهي أنزل حطي الشنط في هي إلي وراكِ
وسن:والجثة هتحطها فين
إكس:في شنطة العربية وححط فوقيها حاجات كتير
وسن:ربنا يرحمه يستاهل
إكس:أوووف خلصت يلا نمشي
يتصل إكس على كابوني
كابوني:أنا عارف أنك مش متصل علشان تسأل عليا وعلى
إكس:وعلى بشرتك والهالات مش وقته كل حاجة جهزت صح
كابوني:ما قولت أه متوترنيش
إكس:معرفش أنا ليه متوتر أول مره
كابوني:أقرا شوية قرآن يهديك
إكس:هو أنا رايح أعمل عمل خيري أنا رايح أخطف وقبليها كُنت هقتل الحق عليا إني بكلمك الغلط مش عليك عليا
كابوني:هتوحشني
إكس:بكره الرومانسيه بسببك
كابوني:إخس عليك دا أنا بتعلمها علشانك إكس أنت مبتردش ليه أكيد تليفونك فصل شحن دا أنت مبتعرفش يعدي دقيقة من غير ما تكلمني
وسن:دا المكان صح
إكس:أه هو ليدرك الموقف أقفي بسرعة أنتِ عملتي مصيبه