رواية:قاتلي المتأجر
البارت:الخامس
بقلم:ناديه ستارز
في شقة جين
جين:أنا لو نضفتها هيبقى لازم أقفل النور هشوف أزاي وأنا واحده جبانه بتخاف من
خيالها ممكن حرامي لما يشوف الصالون ضلمه ينط على البيت هيلاقيني يطلع السكينه
وهوبا يرشقها في بطني بعد ما ياخد كل إلي حيلتي هيسبني مرميه زي الكلبوب المفرهد
هيفضل دمي ينزل وينزل وينزل لحد ما يبقى معنديش دم وأموت ناقصه دم عيني
عليكي يا جين ملحقتيش تتهني بشبابك يا حسرتاااه لا أنا هنور البيت كلو وأعلي
التليفزيون أنا مموتش بسكينه.
طب دمي هيتصفى في صفايه بلاستيك ولا حديد يا سلام عليكِ يا جين وأنتِ رخمه
ودمك سم قمر وعسل طب دلوقتي أعمل أيه
هروح لصحبتي أحلام مروحتلهاش بقالي كتير
لتأخذ جين ثيابها وتذهب إلي الحمام
جين وهي تلبس:بقى على الأخر الزمن البس في الحمام وملبسش في أوضتي
حسبي الله فيكم أشوفكم كلكم وأنا هفضل أعض فيكم لحد ما لحمكم يطلع في سناني يا متوحشين
بعد أن جهزت نظرت في المرآه
جين:ربنا يحميكي من كل عين ومن عين أم جرجير بياعة الفجل وأم حماصه بتاعت المحمصه وأم مين تاني أه والبنت لوجين إلي عندها عشر
سنين بي عنيها جامده تحسدني خدي بوسه يا جين أنتِ كل شويه بتحلوي معرفش ليه
بحس ساعات إني لكاكه وبتكلم كتير مع إني هاديه ومش بتكلم أصلاً
وتأخذ شنطتها وتغادر المنزل
ويقابلها البواب في المدخل
البواب:السلام عليكم ياست هانم
جين:وعليكم السلام ورحمة الله وبركاته في حاجة
البواب:أه عايز منك يابنتي
جين:عايز مني أيه يا عمو لا معلش أنا محدش عايز مني حاجة هو كل إلي يشوفني يقولي عايز مني قشطوني مبقاش معايا غير خمسه وسبعين قرش
البواب:مالك بس يا ست هانم داخله عليا متعصبه ليه كدا كنت هقول أن صاحب العماره قالي أقولك دفع الإيجار بكره
جين:لما ييجي بكره بقى سلام
بكره قال هو أحنا نعرف بكره هيحصل فيه أيه مش يمكن هو يموت أو أنا أموت بسبب أشتباك بين القاتل المتأجر وعناصر الشرطه وأروح أنا إلي من
خلقني بسبب طلقه خاطئه جين الله يخليك متفضليش تفولي على نفسك هو أنا هفول بنزين ولا سولار ربنا يحمي خفة دمي
يتصل كوباني على إكس
إكس:في حاجة حصلت
كوباني:فضلت جمب البيت زي ما قولتلي لقيتها نازله منو بس لاسعه خالص
إكس:أه أنا عارف إنها نازله سمعت كل حاجة من الكاميرا
كوباني:أتمديت يا إكس
وبقيت تجيب الكاميرا إلي بتخليك تسمع وتشوف ناقص تجيب موبايل وتعملي ستايل
إكس:مش فايقلك أمشيلي ورا المجنونة التانيه
كابوني:طب هي رايحه فين يعني أنا كابوني بيه همشي وراها أو ورا أي حد أنت أهبل أنت عايز برستيجي يقع في الأرض
إكس:نفذ إلي قولته وهبقى أخليك تسلم عليا بالأيد
كابوني:لا أحضنك
إكس:أقطع علاقتك بيَ أنت مبقتش مظبوط بقالك كام يوم وأنا مش مطمنلك
كابوني:ما مشيتي دي مش ببلاش
إكس:أرقصلك يعني ولا أيه
كابوني:أبتديت تفهمني بس بتعرف ترقص الأول ولا هتكرهني في الرقاصات الو الو قفل
في وشي يعني كدا هيرقصلي ولا لا أنا أمشي وراها أحسن بلا تفكير بلا وجع دماغ أنا مليش في كلام الكُفار دا.
إكس: دا ناقص يقولي بحبك يا مراتي ويجبلي في عيد الصداقه جلابيه حمرا اللطف يارب من عندك.
ليعلن هاتفه عن وصول إتصال ليقوم بالرد
مجهول:سمعتهم بيقولو إنهم هيخلوك في مصر تقوم أنت بشوية عمليات علشان في عجز في القاتلين
إكس:مكلمتنيش وقتها ليه
مجهول:معرفتش ياباشا يادوب عرفت وقولتلك
إكس:متعرفش المكان إلي هيودوني فيه فين
مجهول:أنا لقيتهم داخلين مع بعض بيتكلمو بيتفقو على كل حاجة المايك في جيب إيوان تقدر تشغلو وقت ما تحب لأن الأوضة محدش بيدخلها غيرهم
إكس:طيب لو في جديد كلمني سلام
مهو مش علشان أنا قاتل فرفوش يفتكروني لا دا أنا عليا شوية نكت يموتو الواحد من الضحك ومن غير ما أقتله
ليقوم بالأتصال على أحد الأشخاص
إكس:هما عايزني أفضل في مصر علشان أكمل العمليات
شخص مجهول:أياك تخليهم يشكو فيك وأنت مش حتنفذ أنت هتجبهملي
إكس:وهنحطهم فين
شخص مجهول:المكان موجود عندي وأحنا حنظبط كل حاجة وقبل كل عملية تقولي تفاصيلها
إكس:تمام
أيدا هو قفل في وشي دي أول مره حد يعملها معايا علشان يعني أنا راجل غلبان ومحترم يقفلو في وشي أدي أخرت إلي يشتغل قاتل
____________________
جين في سرها:الكلب البوليسي لما بيشم بيلاقي الحاجة إلي عايزها وأنا شميت وحاسه
بحاجة غريبه ورايا يكونشي حرامي يسرقني ولا بلطجي يسرقني وبعدها يدبحني أنا أدخل الشارع إلي جاي ولو دخل ورايا بالرشاش إلي مبيفضاش وأديلو
كابوني:مشيتها أسرع من عقارب الشارع جابتلي صداع في بطني من كتر الكلام مش علشان الشارع فاضي تفضل تتكلم مش بتفصل منك لله يا إكس يارب تتوب علشان أنا أرتاح هي دخلت شارع جانبي ليه أسترها عليا يارب دا أنا راجل وحيد مؤدب محت اااااااه عينييييييي
جين:هو أنت بقى عايز تسرقني يا معفن أديك أتعميت أستفدت أيه تعالى بقى لما أطلع غلي فيك
بعد خمس دقائق من الضرب والعض
جين:أنت متُ ولا أيه لا مش هدخل السجن فيك
كابوني:ربنا على الظالم والمفتري مش عارف أقوم ولا أتحرك
جين:أنا هسيبك مرمي على الأرض لو شوفتك تاني ولاد الحلال هيعملو منك لحمه مفرومه أستنى خد رشتين كمان في عينك يكش تتعمى رجالت أخر الزمن
بعد أن غادرت
كابوني أتصل على إكس :مبتردش من أول مره ليه يا حيوان تعالى الحقني أنا أتعميت
إكس:حصل أيه عكست بنت
كابوني:دي مش بنت أنت بنت عنها مَفيش بنت تعمل كدا دي عمتني وقطعتلي جلدي بسنانها جسمي ورم
إكس:جيلك خلاص
كابوني:وأنت هتعرف العنوان منين حرام عليك كفايه غباء أنا مرمي في الشارع متبقاش أنت وهو
إكس:أبعتلي اللوكيشن وحاول تقوم بدل ما بلطجي يطلع عليك يعلم عليك أكتر
كابوني:طب تعالى بسرعه مش هعرف أشوف ولا عارف أمشي
إكس:أفضل بقى أتكلم وعطلني ولسه هلبس وشعري والجز أه يا جزمه بتقفل في وشي هو كلو بيقفل في وشي ليه أنا هلبس أحسن
بعد نص ساعه
كابوني:أنا هنا ساند على الحيطه
إكس:شوفتك خلاص
كابوني:أسندني السواق زمانه جاي
إكس:أحكيلي إلي حصل بالظبط
كابوني:شافتني راجل غلبان ماشي في حاله قالت تفتري عليه المفتريه يارب إيوان ياخد أعضائها يقطعها طلعت حاجه غريبه رشتها في عيني مش حاسس بيها ونزلت فيَ عض عض كأنها مكلتش قبل كدا
إكس:دي شكلها هتقطعنا كلنا أسترها عليا يارب دا أنا عيل غلبان
كابوني:السواق جاه يالا نركب
إكس: يالا يا متكسح بقى حتت بنت تعمل فيك كدا
كابوني:لما نشوف بعد كام ساعه هتعمل معاك أيه
إكس:هو البخاخ بيحرق أوي
كابوني:شوف عيني وأنت تعرف
إكس:دي بالونة مش عين
كابوني:بسببك كلو بسببك ركبني وأنت ساكت ومتتكلمش معايا لحد ما نوصل
After A Minute
كابوني:جهزت هدومك يا حبيبي ولا أجهزهالك
إكس:متلزقش فيَ تاني وأه جاهزين شكراً
كابوني:مكولكش حاجة
إكس:هدومي مكوية ممكن تنام لحد ما نوصل
كابوني:خدني في حضنك ونسيني مرارة الأيام
إكس:نزلني هنا يا عم عبدو أنا مش هستحمل أكتر من كدا
كابوني:أسند على مين وقت عجزي
إكس:العكاز حلو ما توقف العربيه يا عم بقى
كابوني:ما توقفش كمل
إكس:أنا مش قاعد مع طفل
كابوني:وبالنسبه للي حصلي عادي بقى أنا كابوني يحصل فيَ كدا من أكبر زعماء المافيا أمشي ورا بنت وتضربني
إكس:هات راسك أبوسها
كابوني:لا لتتحرش بيَ وأنا أخاف من الفضيحه وحتستغل الوضع
إكس:والله لو موقفت العربيه هنط
كابوني:نُط ما تنط
يا أبن المجنونه دا نط بجد.
إكس:أدعي عليك بأيه يا كابوني وأنت فيك كل العِبر بدل ما تقف تطمن عليا لا أزاي تكمل عادي يارب تتسخط قرد ووقتها مش حأكلك موز ولا سوداني ودوني سريرييي
وذهب إكس إلي الفندق
__________________
عند مريم
وجدت يد بجانبها ممدوده بماء
مريم:عفريااااات في بيتاااااي
عفركوش: لا تخافي
مريم:أ أ ننت بت ت كلم ز ي نا
عفركوش:نعم لا تقلقي إنني أبن برتكوش
مريم:يعني عايز أيه
عفركوش:أنا لا أريد شئ بل أبي الذي يريد
مريم:أبعد عني أنا لو قريت قرآن هحرقك
عفركوش:هل يمكن لكِ أن تشغليه على صوت العفاسي
مريم:يا نهار أسود أنتو عايزين مني أيه
عفركوش:والدتك ذهبت إلينا منذ فتره ليست قليله كانت تريد أن تفتح مقبره وشرطنا أن تضحي بجنس من البشر إلينا حنى نرحل عنها
مريم:وأنا مالي أدخل في الموضوع الأول عايز تشرب تاكل قول البني آدمين دول كرماء
عفركوش:شكراً لكِ
مريم:عفواً كمل
عفركوش:لذلك سنأخذ روحك أو روح أحد الأقارب أو أصدقاء
مريم:لا لا أستنى أنا عندي الشخص بس أستنى لبكره وخدو
عفركوش:حسناً أذهبي إلي أمك وخذي البنت إليها في المكان المحدد
مريم:وأيه الضمان أنك عفريت بجد مش بتضحك عليا
عفركوش:أنظري إلي رجلي
مريم:رجل خروف دي ولا معزه
عفركوش:إنها ليس مثل أرجلكم وهذا دليل
مريم:طب أنا خايفه سيكا صغننه بس ليه مش المفروض لو حد شافكم يغشى عليه أو يموت
عفركوش:لقد زرعت في قلبك الأطمئنان
مريم في سرها:هو بيزرع شجرة برتقال
عفركوش:ما هو البرتقال
مريم:يالهوي قرا أفكاري يبقى دخل جوايا يعني كدا أنا أتلبست
عفركوش:لا لم البسك حاولت ولكن مقاسك صغير عليا هل يوجد منك مقاس أوسع
مريم:أنت مبتتكلمش زينا ليه
عفركوش:بعرف بس بحاول أعمل فيها العفريت الجامد
مريم:طب يالا أتصرف خليني أجيبلك البنت
عفركوش:أخر معاد بعد غد أم سنأخذك
مريم:برا بيتي
وينصرف عفركوش
مريم:عفاريت قليلة الرباية بدل ما يقول أحم ولا يكح الاقيه جمبي بس كويس كدا هخلص من جين أما أروحلها دلوقتي
______________________
جين:هي بتعمل أيه كل دا دي حتى مش بترد ولا بتفتح يمكن مش جوا خلاص مش مهم كنت عايزه أسأل عليها قبل ما أمشي معرفش ليه عندي أحساس إني أخر مره هشوف ناس أعرفها
أوف العقل اللاوعيي تباً لك بكرهك
لتغادر إلي منزلها
جين:أنا معرفش أيه إلي يخليني أسيب بيتي حبيبي وأخرج منو حقيقي بحبك بس شكلي هودعك قريب مش مهم لو مُت حخلي روحي هنا يااه ياما شهدت الشقه دي على أزبل ذكريات حياااتشي البائسه قومي يابنت أعملي كوبايه شاي بالنعناع تنسيكِ جراحك وحزنك مَفيش نعناع طب هقوم ألم حاجتي أنا مش هفضل في البيت دا ثانيه كمان أنا هغير البيت دا بيت نحس أزاي يعني مفيهوش نعناع
بكره خبط الباب والجرسس جاااايه لا أنا مطلعش كا ليكون حد خطف البواب وعايز يسرقني أنا هطلع بالعصايه
وتفتح جين الباب بأيد والأيد الأخرى تحمل العصى
مريم:أنا جيت
جين:مستنياني أقولك نورتي البيت لا عادي زحمتي البيت
مريم:أنا غلطانه إني جيت
جين:بيتك يا حبيبتي دا أنتِ صحبتي وروحي وقلبي
مريم تحتضنها:يا حبيبتي أنتِ أكتر من أختي
وتقول في سرها:قربت أخلص منك بفضيحه وأرتاح منك
جين:سرحتي في أيه
مريم:ولا حاجة يا روح قلبي من جوا
جين:عمرك مبقيتي رومانسيه معايا في أيه
مريم:بدلعك يا روحي
جين:ماشي
هي عنيها بطلع شرار كأنها عايزه تقتلني ليه كدا لا لا متفكريش كدا يا جين دي صحبتك إلي بتحبك مستحيل تأذيكي
مريم:أنا قولت أبات عندك النهارده
جين:لااااااا بيات أيه مينفعش لا
مريم:طيب خلاص أنتِ مخبيه عني حاجة
جين:أنا أقدر دا أحنا صحاب بقالنا خمس سنين أزاي أقدر أخبي عنك حاجة
مريم:عارفة طبعاً يا حبيبتي أنا همشي بما أني مش هبات بس جيالك بكره ضروري جداً
جين:أنتِ لسه جايه خليكِ
مريم: هشتري حاجات للبيت مع السلامه
جين:أستني أوصلك للباب
مريم:أنا مش غريبه خليكي مكانك
وتغادر مريم
جين:هي مالها دي مش على بعضها ليه وأنا مالي أنا حجهز حاجتي لأن أكيد صاحب البيت مش هيخليني هنا بعد إلي هيحصل راجل لاسع دا أنا نسمه معرفش مش بيطقني ليه.
جهزت كل حاجتها في شُنطها سابت هدوم تلبسها وهي ماشيه
جين:كدا كل حاجة جهزت بكره أبقى أخد الأكل دا حتى لو في طمطمايه متفعصه هاخدها بس يارب أفتكر كيس السكر إلي في درج المطبخ من فوق لو مطلتهوش هجيب كرسي عادي أحنا مَفيش حاجة تقف في طريقنا.
________________
عند ليث
بعد أن خرج من القسم وجد الفتاه التي خبطت بهِ من قبل تراقبه من خلف شجرة
ليث:هي دي البنت والله هي أنا همشي دلوقتي ولا كأني شوفتها ولو مشيت ورايا تبقى بتراقبني الله عليك يا ليث وعلى توقعاتك أنت المفروض مكنتش ظابط أنت خساره فل الداخليه المفروض تشتغل في الخارجيه يا سلام على دمك يا ليث أفضل بقى أتكلم لحد ما تهرب يالا حضرت الظابط هو أنا بزعق في نفسي ليه لا معلش أنا نفسي متزعقليش علشاني متتعاركوش دلوقتي نتنيل نمسكها وبعدها هجيب سكاكين ونقطع بعض
يركب سيارته ويتجه إلي مكان لا يوجد بهِ أي بشر
ليث:من أول ما أتحركت والعربيه دي ورايا أكيد البنت جواها
تعمل أيه يا ليث تعمل أيه لقيتها
ليدخل شارع جانبي يملؤه العتمه ركن بجانب شجرة
ليث: أنا هنزل من الكرسي إلي جمبي من غير ما يحسو وهدفس في الشجرة وهفضل أزحف زي النمله لحد ما أوصل لعربيتهم وهوبا أقبض عليهم وهترقى وأغيظ جين
يفتح ليث الباب بخفه وينزل منو براحه شديده
الشارع كلو شجر وأنا هدخل لجوا الشجر كدا مش هيعرفو يشوفوني يالا يا ليث أنت قدها أعتبر نفسك صرصار
قرب ليث من الباب الخلفي وطلع مسدسه
ومره واحده فتح الباب وجد عائله مكونه من أب وأم والأطفال
الأب:أنت أزاي تفتح الباب كدا
ليث:أنا أسف كنت مفكركم العصابه أسف ويغادر سريعاً
الأب:دا مين المجنون دا يالا نمشي من هنا بدل ما نلاقى حراميه
ليث يركب عربيته:أزاي أنا متأكد أنها كانت ماشيه ورايا ومعاها حد لمحت بس أزاي
ليوصله رساله على هاتفه محتواها.
___________________
عند إنتصار
تذهب إليها مريم تفتح لها إنتصار
مريم أهلاً إنتصار هانم مش تقولي إنك ليكِ في الدجل والشعوذه كنت وديتك لحد كويس
إنتصار:أيه الهبل إلي بتقوليه دا
مريم:وأنا كدبت في حاجة ما دي الحقيقه
إنتصار:وطي صوتك وأدخلي هتفضحيني
مريم:أديني دخلت وقعدت كمان أقعدي أدامي
إنتصار:قولي أنتِ عايزه بالظبط
مريم:مفيش بس في جن ولا عفريت طلعلي قالي لو مدتنيش نص إلي في المقبره هياخد روحك وروحي فالأحسن لينا أننا نتعاون
إنتصار:ولو طلعلك زي ما بتقولي هتبقى قاعده عادي أنتِ بتخافي من خيالك
مريم:لو مش مصدقه براحتك أنتِ إلي هتضري أنا عارفه هخرج منها أزاي
إنتصار:أستني أحنا نروح للدجال وهو إلي يقول كلامك صح ولا غلط
مريم:البسي يلا
إنتصار:متقلبيش في حاجة ولا تسرقيني
مريم:هو أنتِ عندك حاجة أصلاً خلصيني
بعد ربع ساعه
مريم:أخيراً طليتي دا لو النهارده يوم جوازك مش حتتأخري كدا
إنتصار:أصبري أحط الروج الأحمر
مريم:كان نفسي أقول يلبسوكي الأحمر بس أنا محترمه
إنتصار:تربييتي
مريم:للأسف أنجري أدامي
إنتصار:راعي إني أمك في الأول والأخر ولازم تحترميني
مريم:مش قولت مليار مره كلمة أمك دي مش عايزه أسمعها
إنتصار:على أساس إني فخوره بيكِ أنك بنتي
مريم:يالا نمشي مش حنتكلم كتير
بعد الكثير من الوقت
مريم:أيه المكان الزباله دا
إنتصار:هشششش أخرصي للأسياد تزعل
مريم:أسياد وهو أنتِ بيدخل عليكِ الكلام دا
إنتصار:سامحونا يا أسياد متقصدش
مريم:أنجزي لأني عايزه أمشي
إنتصار: أصبري أطلع إلأيصال
مريم:ليه
إنتصار:لأنو الشيخ ربنا يكرمه عارف ظروف الغلابه عامل مره كشف ومره أستشاره
مريم:هو أحنا بنحجز عند دكتور دا نصاب
إنتصار:أتكتمي ليسخطنا خرفان ويدبحنا
مريم:أدخلي وأنتِ ساكته ومتقوليش إني بنتك
إنتصار:هيعرف لوحدو دا سره باتع
السكرتيره:مدام إنتصار دورك جاه
دخلو غرفه مظلمه يوجد بها رجل شديد السواد وبلحيه طويله جداً وملابسه مقطعه والبخور يملئ الغرفه
مريم:هو كان بيتعارك معاهم ولا أيه
هكول:مريم بنت إنتصار أقعدي
مريم بتريقه:لا سرك باتع
هكول:سامحوها سامحوها متقصدش دي أول مره ليها
إنتصار:أنا جيالك علشان
هكول:عارف أبن برتكوش جاه لبنتك وقالها لازم نجيب حد لقيتو
مريم:عندي هجبها بكره بس أضمن نصيبي
هكول:أنا ليا الربع
إنتصار:أحنا متفقناش على كدا
هكول:الأسياد هي إلي بتكرر ويرش بخور الله حي الله حي
إنتصار:بس بس الربع كتير أوي علينا
هكول:خلاص أنتِ الخسرانة والناس عندي كتير
إنتصار:لا لا بقى بعد كل الشهور دا وخلاص أنا موافقه وأنتِ يا مريم ساكته ليه ما تقولي حاجة
مريم:أنا عايزه دليل أنك دجال حقيقي مش نص كم
هكول:وماله ويقول بعض التعويذات :أحضر يا عفركوش يا أبن برتكوش أحضضضر
عفركوش:أنا جيت أكيد نورت المكان
هكول: هو دا إلي جالك
مريم:أه هو خلاص صدقتك أنتو هتعملو أيه في البنت
هكول:هندبح رقبتها قرباناً علشان يرضو علينا
مريم: والناس إلي حتحفر أمان
هكول:دي تكلفه على الفاضي عندي جن يحفر بس محتاج ميت الف جنيجي
إنتصار:أيه الجنيجي دي
هكول:دي عملة الجن
إنتصار:طب ودي تعادل كام بالجنيه
هكول:أستني ححسب بمليون جنيه
إنتصار:لا لا دا هيكلفنا كتير أوي العُمال إلي هجبهم هياخدو تمنميت الف
هكول:دا هيحفر في يومين والتانيين هيحفرو في شهر
مريم:أحنا عايزين نوفر وقت بس هنجيب الفلوس منين
إنتصار:معرفش أنا لو بعت الدهب والبيت مش هيجيبو
هكول:أنا ممكن أسلفكم وتكتبولي وصل أمانه واحد على المليون مليون كمان غير نسبتي
مريم:أيه الهبل إلي بيتقال دا لا طبعاً كتير عليك
هكول:خلاص براحتكم نستنى شهر بقى وممكن يطلعو نصابين
مريم في سرها:والله ما في نصاب غيرك
إنتصار:ماشي هات الوصل نمضيه
مريم:أيه نون الجمع إلي بتتكلمي بيها دي أمضي أنتِ أنا مالي
إنتصار:يا تمضي يا تخرجي منها
مريم:وأيه الضمان أنك مش نصاب
هكول:مَفيش ضمانات
إنتصار:أنا مضيت أمضي
مريم بتردد:مم اشي الأذى عليكِ برضو مش لوحدي وتمسك القلم وتمضي.
هكول:أنا هبعت النهارده أنخنع بالفلوس للجن
مريم:ميت أنخنع دا
هكول:مدير أعمالي
وقتكم خلص أستنوني بكره كلكم ومعاكم البنت أدام المقبره الساعه اتناشر بليل الله حي الله حي
إنتصار:قومي أتحركي قاعده مكانك ليه
مريم:جايه خلاص
إنتصار:سمعتي قالك أيه متتأخريش بدل ما أضربك
مريم:لا أنتِ تهدي على نفسك ومتعمليش فيها كبيره وأه البنت هي جين
إنتصار:كنت عارفه أنك حتجبيها لأنك بتكرهيها
مريم:وأنتِ بتموتي فيها
وبعد أن ذهبت مريم إلي بيتها
فتحت الباب نظرت قالت:هو أنت كل شويه هتجيلي البيت أنا بتخنق بسرعه
بعد أن ذهبت إنتصار إلي منزلها
فتحت باب المنزل وجدت من يقال لها :ما لسه بدري يا هانم
____________________________
عند أحمد ومؤمن
بعد أن كسرو الباب وجدو والد أحمد وسط فتاتيين ويرقصون
أحمد:أيه إلي بيحصل هنا دا يا بابا
والد أحمد ويدعى مرزوق:أنت أيه إلي جابك هنا يا ولد مش قولت متجيش البيت ليقول في داخله دا أنا مشيت أمك بالعافيه تجيلي أنت وصاحبك
أحمد:روح بس يا حاج أستر نفسك بدل الشورت الأحمر إلي لابسه بس مين الجامدين دول
مرزوق:أتكلم عليهم كويس دول موظفين محترمين عندي في الشركه
أحمد:وهما المحترمين هيبقو معاك واللبس ولا مَفيش لبس والضحك والرقص والكحول في كل حتى أنتو أطلعو برا
مؤمن:ليه ليه يطلعو برا ليه يا قاطع الأرزاق ما تسيبهم يشتغلو ويشغلونا معاهم ونشتغل كلنا سوا
مرزوق:شوفت أهو دا إلي بيفهم هسمحلك تدخل علشان أمك بس لو هي عرفت حاجة حتتحرم من كل فلوسي وصدقني حبيتك في الشارع
أحمد:موافق بس قعدوني معاكم
مؤمن:أه علشاني يا عمو ومش هنعمل صوت خالص هنتفرج بس
مرزوق:تتفرجو على أيه لا دا أنا بعلمهم حاجة في الشغل لأنهم جداد روحو أنتو أستحمو وكلو وأرتاحو
أحمد:لا أنا عايز اقعد
مؤمن:وأنا كمان
مرزوق:أتنيلو وأنتو البسو الجواكت لأني مش ضامنهم
مؤمن وهو يميل على أحمد:أنا عايز أنام ما تيجي نطلع طالما بيشتغلوا أحنا ظلمناهم
أحمد:يعني مفيش حاجة وأحنا إلي ظالمين
مؤمن:أيوه مش شايف البنات مؤدبه أزاي بذمتك طلعو صوت.
هيهيهيههيهيهي
أحمد:طب والضحكه دي مش مريحاني
مؤمن:الأحبال الصوتيه هنعمل فيها أيه نظلمها وناخد عنها فكره وحشه
أحد الفتيات :هيهيهييههي دمك خفيف أوي يا مرزوقي هما العيال دي هيفضلو قاعدين كدا
أحمد:دي بتقول عليا عيل
مؤمن:وأنا كمان
مرزوق:بنت أسكتي وأنتو كل واحد في أوضة يلا
أحمد ومؤمن وهما طالعين على السلم
يدخل أحد البيت بأستغراب :هو أزاي الباب أتكسر
يالهوتااااااي كباريه في بيتي