رواية لعنة شهد
الفصل الاول والثاني
بقلم نورهان ثروت
البارت 1
ف احد حارات كان يوجد خناقه شديده والذي كان سبب الخناقه شهد
شهد بعصبيه: اي يام حاتم ماتتلمي وتلمي ابنك انا ساكته ليكم من الصبح اوعي تفتكري عشان شعري احمر وعيوني زرقه هتفتكرني سهله تقدري عليا لا دا انا شهد ولا اي يارجاله
رد واحد منهم:طبعا ياست شهد مين يقدر يديقك
شهد:تسلم يابو سعيد نردهلك ف الافراح اومال فين ام سعيد مش شايفها يعني
ابو سعيد:بتجيب الخضار ياست البنات
شهد وهي تصطنع الكسوف:الله ف اي يابو سعيد حد ف الحاره يتكلم علينا بس قولي هتتقدم ليا امتي وتطلق مراتك الحيزبونه دي
(ابو سعيد كان هيتكلم بس فجاء ظهرت ام سعيد وهي بتقلع الشبشب لشهد )
ام سعيد :انا حيزبونه ياشهد الكلب انا طب اي رايك بقي اني كنت هعمل محشي عشانك بس انتي متستاهليش
شهد وهي تصطنع العياط:ام سعيد لا الا المحشي يهون عليكي تسيبني كد لا يام سعيد كد كل شئ بينا انتهاء خلاص
ابو سعيد يصطنع الحزن:معلش يابنتي كلهم كد نعمل اي عالم الغدر فيها طبع
ام حاتم بعصبيه :انا هقتلك ياشهد علي اللي بتعملي دا
شهد افتكرت الخناقه :اصبر ياعم دلوقتي غدر اي نشوف بت الصندل دي عايزه اي ف اي يام حاتم تقتلي مين ياعنيه تعاليلي انتي وحاتم وتصدقي انا هستن ابو حاتم عشان اولع فيكم كلكم عالم عايزه الحرق
واحد من شباب الحاره:ف اي ياست شهد انتي بتتخنقي
شهد:لسه فاكر تيجي ياحسام دا انا خلصت الخناقه يابن الجزمه
حسام:كنت بجيب الرجاله من علي القهوه
شهد:ساعتين بتجيب الرجاله من علي القهوه ليه يعني هي القهوه دي فين بظبط مش لاموخده كد دي القهوه (كانت شهد بتشاور علي قهوه قدامها بظبط )
حسام:نسيت اني ف قهوه هنا بقي نعمل اي ياست البنات خلاص بقي اني اسف ياست
شهد :بعد اي بقي ما خلاص
حسام:انتي حد قرب ليكي دا انتي ضربيتهم كلهم
شهد:يخربيتك انت بتحسدني يابن الجزمه طب تعال بقي
نسيب شهد تتخانق ونروح لمكان اخر او لنقول عصر اخر عصر لا يوجود في اي شئ من الحاضر
كان يمشي الملك اتوم التاسع عشر بكل كبرياء بينه رعايه وكان تقف امامه الساحره ماكينا
ماكينا باحترام:كما اتحدث اليك حضرت الملك ان يوجود اشخاص حاول فتح المقبره
اتوم بهدوء:لا اصدقك ان هذا المقبره يوجود عليها لعنه من الاف السنين ولا احد يقدر ان يقرب منها
ماكينا:انا اعرف هذا حضرت الملك لكن هذا الذي يحدث كل يوم يأتي أحد من الحاضر يحاول فتح المقبره
اتوم:اتركيني افكر ماكينا
ماكينا وهي تذهب :بعد اذن حضرت الملك
ابيس بتفكير:انا لدي فكره
اتوم:وما هي الفكره
ابيس :ممكن نجعل اللعنه تنقل الشخص الذي يحاول فتح المقبره الي هنا وعندما يكون هنا نقتلوا وهذا سيجعل الناس تبعد عن المقبره
اتوم:انها فكره رائعه شكر لك ابيس لكن إذا حاول أحد فتح المقبره بعد ذلك سوف اتصرف انا
ابيس: بعد اذن حضرت الملك انا سوف اذهب الي ماكينا حتي اتحدث معاهه ف هذا الامر حتي تسرع ف تحضير اللعنه
اتوم:تفضل ابيس
(بعد أن ذهب ابيس ظل اتوم يفكر اين هي ولماذا لم يقدر علي العثور عليها)
اتوم وهو يفكر :اين انتي ملكتي كل يوم اشهدك ف حلمي ولا اعرف حتي ان اتحدث معاك ولا اعرف اين اجدك ملكتي لكن وعد من الملك اتوم عندما اجدك سوف افعل المستحيل حتي نكونا معانا حتي الموت
عند ابيس كان يقف خلف ماكينا ويفكر كيف يجعلها تحبه فا هو يحبها منذ أن كانت ف دوله الشمال
ابيس بحب :ماكينا
ماكينا بخجل:نعم ابيس
ابيس:ان الملك يقول لكي ان تجعلي اللعنه تتنقل لشخص الذي يحاول فتح المقبره الي عصرنا هذا
ماكينا:لكن لو هذا حدث سيكون من الصعب او المستحيل ان يرجع ذلك الشخص الي الحاضر
ابيس:ماكينا الشخص الذي سينتقل من الحاضر الي عصرنا سوف يموت لان هذا الشخص تعدي علي املاك الملك
ماكينا:حاضر ابيس سوف احاول ان افعل هذه اللعنه لانها شديده الصعوبه
ابيس بحب:انا اثق بيكي ماكينا انا سوف اذهب
ماكينا بخجل :حسنا
(ماكينا متي سوف تعرف اني احبك انني اذوب بك عشقنا لا اعرف متي سوف تحبني لكني سوف احبك الي الابدئ يامالك قلبي )
نروح عند شهد محدش يقلق هي مش بتتخانق مع ام حاتم بنتنا عاقله ومش بتحب المشاكل ومش ليها ف اي خناقات احم انا اسفه هي فعلا بتتخانق و بتجيب ف شعر ام فاروق 😂😂😂
ام فاروق:ياست شهد سيبي شعري ماعندك ابو فاروق هو اللي عاكس انا مال اهلي
شهد:ياختي انا مش بحبك اصلا ومستنيه ليكم علي غلطه واهي جت انا هعلمك الادب وبعد كد اعمل ابو فاروق والواد فاروق يجي من البلايستيشن بتاع الواد حماده وهعلمه الادب
ابوسعيد برده😂:اي اللي حصل تاني ياست شهد
شهد وهي تصطنع العياط:يرضيك كد يابو سعيد ابو فاروق بيعاكسني وانا ساكته ومش عايزه اعمل حس يقوم جايب ام فاروق تضربني ليه يعني هو انا عشان ست مكسوره الجناح مليش اخ اب عم
ابو سعيد بضحكه مكتومه:لا ازي انا ابوكي واخوكي وكل الناس مين بس اللي جه علي النسمه بتاعت الحاره دي زي المرهم تتحط علي الجرح يطيب
ام سعيد من البلكونه:بت ياشهد سيبي العالم الزباله دي وتعالي ياقلبي عملت ليكي المحشي اللي بتحبي
شهد:ام سعيد خدي قلبي انا مش عايزه يام سعيد الاا الواد سعيد فين
ام سعيد:مع فاروق ياختي والله ما حد هيودي ابني ف دهيه غير الواد فاروق
ام فاروق:ياختي ابعدي ابنك عن ابني وبعدهه نشوف مين هيروح ف دهيه
شهد:طب يام سعيد دقيقه هولع ف ام فاروق واجي ليكي ياعسل انت
ام سعيد بضحك:ولعي فيها هي واهلها وانا اعمل ليكي ام علي يابت
شهد:بس خلصانه انتي روحي اعملي ام علي وانا هولع فيها واجي وانت يابو سعيد اطلع لي ام سعيد بس مش عايزه شقاوه انا بقولك اهو 😂😂😂😂
ابو سعيد:شقاوه اي بس ياشهد ضحكتيني عموما انا هطلع لي ام سعيد وانتي تطلعي علي طول وبقولك وانتي جايه ابقي جيبي اي حاجه ف ايدك بلاش تدخلي بيدك فاضيه
شهد :تصدق يابو سعيد اني هطلع واطردك انت من البيت
ابو سعيد بخوف مصطنع :انا كنت بهزار مش لازم تجيبي حاجه
شهد بضحك:ناس متجيش الا بالعين الحمره
ابو سعيد بغمزه :تقصدي الزرقه
شهد تتصنع الخجل:ابو سعيد كل مره تكسفني كد مش عارفه انا من غيرك كنت هلقي مين يطبل ليا
(بعد ما شهد ولعت ف ام فاروق طلعت عند ابو سعيد بس سمعت )
البارت ٢
(بعد ما شهد ولعت ف ام فاروق طلعت عند ابو سعيد بس سمعت )
ابو سعيد بحب:بحبك اووي يام سعيد مش مصدق اني العمر دا كله فات وانتي معايا ومنوره حياتي وكمان جبتي ليا سعيد زين الرجال وكنتي الزوجه والام وصاحبه وكل حاجه ليا وهتفضلي كد علي طول
ام سعيد بكسوف:الله بقي يابو سعيد انت لسه بتقول كلام حلو زي زمان وانا بحبك يازين الرجال وابني دا هو زين الرجال عشان بس حته منك انت ابوي واخويه وكل حاجه ف حياتي
شهد وهي بتخبط الباب:افتح يابو سعيد هو دا اللي بقولك بلاش شقاوه ياعم افتح وانتي يام سعيد ف اي ياختي انا وخده بالي منكم الفتره دي شغالين حب ف بعض
ابو سعيد:طب بعد الكلام دا انا مش فتح الباب
شهد بصوت عالي اوووي:افتح يابو سعيد وبلاش تحب ف ام سعيد دلوقتي افتح ياعم انت مش عايز تفتح عشان مش اقول لناس أن ابو سعيد بيحب ف ام سعيد
ابو سعيد:يخربيتك يافضيحه ادخلي
شهد بضحك:ايو كد بس نسالك سوال يابو سعيد مين زين الرجال سعيد ابنك المهزق اللي مش بيسيب البلايستيشن مع الواد فاروق
ابو سعيد يرحمه: ملكيش فيه ابني برده زين الرجال
شهد:القرد ف عين امه غزال
ام سعيد:طب تعالي و بطلي لمضه وهزار
شهد بحزن مصطنع:تعرفي امي ديما كانت تقول ليا بطلي هزار مع الناس دول وحشين اوووي مش زي مانتي شايفهم كنت ع طول اقول ليها ياما في حلو وحش بس طلع كلهم وحشين يام سعيددد اه مش قادره والله يام سعيد
ام سعيد بتأثير :ياقلبي امك تعالي ف حضني ياضنايا
ابو سعيد بضحك:لا شاطره يابت مشهد أنك هتطلعي بنت ملجأ امتي يا شهد بس تمثيلك تتحسن يابت
شهد بضحك:لو ف طلب جمهوري ع مشهد الملجا هيبقي الفتره الجايه انتظروني روتانا سينما أوع تغمض عينك
ام سعيد:يابت ….. طب تعالي انا ساكته ليكي من بدري لا وقال اي انا اللي كنت هعيط
شهد بمرح:هي مش اول مره يعني بس انتي اللي قلبك قلب ضعيف مش بيتحمل
ام سعيد وهي بتقلع الشبشب:ايوه قلبي ضعيف جدااا تعالي بقي اخليكي تشوفي القلب القوي ياجزمه
بعد ساعه شهد كانت بتتمشي و بتفكر ف حياتها وقد اي انا لوحدي حتي معنديش زي البنات اخ سند ليا وقت ما اقع او حتي وقت ما اخاف طب لما اتعب انا مش بلقي حد يقاعد جنبي يشوف انا بقيت احسن ولا لا يارب اعمل معجزه خليني احب واتحب والقي الشخص اللي يخاف عليا ويبقي سند ليا شهد وهي بتفكر سمعت اصوات وبسبب فضولها وقفت تسمع
مجهول١:بقولك ياض انا هنزل المقبره يعني هنزلها انا سمعت فيها اثار تخليني عايش ملك
مجهول٢ بخوف:بلاش اسمع مني دي مقبره ملعونه تعالي نعمل اي حاجه نجيب منها فلوس ونبعد عن دي
مجهول ١:لا انا عايز المقبره دي وغير كد ملعونه اي ياض انت مصدق نفسك
مجهول ٢:اه مصدق اي شخص بيدخل المقبره دي بيتجنن ياما بيموت ياما بتحصل لي مصيبه
مجهول١:انا هروح يعني هروح
مجهول2:انت غبي وهتروح ف دهيه لو مش من اللعنه هيبقي من الحكومه
مجهول1:أنا هروح عشان القي فلوس اكل عيالي
مجهول2:عيالك اي بقي انت بتكدب علي مين عيالك اللي انت مشوفتهمش بقالك شهور امشي من هنا بس خليك عارف اني طريقك لمقبره دي يعني نهايتك
(شهد بعد ما سمعت الكلام دا فكرت ليه مش تروح المقبره اه خايفه من اللعنه وكل حاجه بس هي اصلا مش معاهه فلوس حتي تاكل ومحدش راضي يشغلها عشان فقيره ومعندهش اي وسطه وفعلا فضلت ماشيه ورء المجهول واول ما المجهول لمس المقبره حصل اعصار المجهول قدر يهرب منو بس شهد معرفتش)
بعد ما الاعصار خلص شهد بتفتح عينها شافت انها ف صحراء او لنقول مش صحراء لان يوجد بها قصور وبيوت ومعابد ويوجد احتفالات شهد بدات تخاف من اللي بيحصل بس كانت الصدمه اني ف واحد لبس جيبه معدي من جنبها
شهد هي مصدومه :احيه جيبه ياراجل جيبه
(فضلت شهد تتمشي شويه ف المكان وبتحاول تفهم الدنيا واي اللي حصل ماهو مستحيل اللي ف دماغه يبقي صح فضلت تفكر لحد ما سمعت صوت جي من وراءها)
احد حرس الملك:لقد حصلت عليكي وسوف اذهب بيك الي الملك
شخص اخر:انا الذي سوف اذهب بها الي الملك فالملك أخبرنا عندما يظهر شخص يلبس ملابس غريبه ان نذهب بيها الي الملك حتي يقتل
شهد بصدمه:يابن الجزمه حتي يقتل دا انا اللي هقتلك واي ياض اللغه دي انا عارفها كويس بس مش هيبقي اللي ف دماغي دا جنان لو اللي ف دماغي صح
احد الحرس :ماذا تتحدثيني ايتها البلهاء
شهد:انا بلهاء دا انت نهارك اسود يابو جيبه مبقاش غير ابو جيبه اللي يقولي بلهاء يعني يارب ف الحاضر بيقولوا ليا مجنونه ف العصر المنيل دا ابقي بلهاء اي اقله القيمه دي بس 😂😂
(فضلت تضرب ف الحارس دا لحد ما اتجمع حوليها اكتر من حارس )
شهد :احيه هنا الجري بيبقي كل الجدعانه فضلت شهد تجري وتقولوا جمله واحده الفراعنه رجعوا مصر يامنيز (جمع كلمه رجال لما اتقالت ف مسرحيه مدرسه المشاغبين )
احد الحرس:سوف نمسك بيكي ايتها الفتاه حتي نذهب الي الملك وسوف نقتلك
شهد:دا مقلب صح رامز جلال هيطلع من عند المعابد دلوقتي ويقولي احنا اسفين يا فنانه صح انا مش فاهمه ياجدعان هو اللي بنعمله ف الناس هيطلع علينا ولا اي 🤨
(شهد وهي بتجري فضولها مصمم يعرف اي الاحتفال دا ف جت جنب واحد من الناس اللي ف الاحتفال)
شهد:ماذا يحدث هنا
مجهول:أن هذا احتفال عروس البحر
شهد:يعني البت دي هتنتحر دلوقتي يلا طريقه السلامه اذهبي الي الجحيم خلي النيل ينفعك 😂😂
مجهول:ماذا لا افهم حديثك
شهد:لا شئ (لسه هنكمل كلمها سمعت حد من الحرس بيقول)
احد الحرس:من هذه الفتاه وماذا تفعل هنا ولما الملك يريد ان يقتلها ولماذا هي تلبس لبس غريب
شهد:بقي لبسي انا اللي غريب يابو جيبه
(شهد فضلت تجري من هنا لهنا وتقفز شهد كانت فاهمه ان هي ف مصيبه بس مش فاهمه هي اي وهتهرب منها ازي وهي بتفكر دخلت بيت والحرس مشوفش شهد ف المكان دا فضلت شهد تعيط وهي هتخرج من هنا ازي وفضلت تلعن الساعه اللي فكرت فيها تروح المقبره واشمعنا هي اللي بيحصل ليها كد ما كان معاهه المجهول ليه هي بس اللي جت هنا وهي بتفكر سمعت صوت حرس جت تجري مسكهه)