البارت الثالث والرابع
بقلم ملك محمود
يمني: ازاي عمر الكيلاني مركبها معاه في العربيه ده اول مره
يركب واحده معاه وبعدين هي راكبه معاه ليه
(يمني شكلها بتكراش علي مديرها وبتغير عليه هههه)
موبايل تمارا رن
تمارا:بصوت تعبان ايوه يا أسيل
أسيل: ايه يابنتي انا رنيت عليكي اكتر من سبع مرات انتي فين وبعدين استني كده
صوتك ماله
تمارا: اسكتي وانا هحكيلك وبالفعل حكتلها علي اللي حصل
وبعد ربع ساعه قفلت
وبدأت تكمل التصاميم المطلوبه منها واخدت معاها التصاميم البيت علشان ماكانتش هتلحق تخلصهم في الشركه
حور: الوو
تمارا: اي ياحور عامله ايه
حور: انا مش تمام خالص ياتمارا
تمارا: طيب فيه ايه خير
استووب
هعرفكوا علي حور
(حور اخت تمارا عندها 19 سنه بشرتها خمريه وعيونها خضراء وشعرها بني ومتوسطة الطول وجسمها رفيع وفي كليه هندسه وعايشه
مع مامتها وزوج مامتها (اسلام) وبيعاملها اسوأ المعامله هي واختها تمارا لان باباهم متوفي وهما بيشتغلوا علشان
يجيبوا فلوس ويدوها لمامتهم ومامتهم اصلا بتكرههم ومش عايزه منهم حاجة غير فلوس )
بااااك
حور: بعياط الحقيني جوز امك طردني علشان كان عايز فلوس وانا مش معايا وقال لي اوعي ترجعي البيت تاني من غير ما يبقي معاكي فلوس وانا قبض الشغل بتاعي دفعته لمصاريف الكليه ومافيش مكان اقعد فيه
تمارا: اهدي بس ماتعيطيش وفين الفلوس اللي انا اديتهالك
حور: ماهو اخدها مني. هو مخلي معايا جنيه واحد غير وبياخده ده مفلسني يابنتي
تمارا: طيب اركبي وتعالي عندي وماتعيطيش وانا هقابلك
حور: هو انتي ناقصه يا تمارا مش كفايه اللي انتي فيه!؟
تمارا: اسمعي الكلام وتعالي بس مالكيش دعوه
حور: حاضر هجيلك انتي في الكافيه ولا فين
تمارا: لان انا سيبت الكافيه وروحت شغل تاني اما تيجي هفهمك هقابلك عند موقف العربيات
حور: طيب
بعد حوالي ساعه ونص تمارا اتصلت بحور
حور: انا قريبه منك اهو خمس دقائق واكون عندك
تمارا: تمام ياقلبي انا مستنياكي
حور وصلت
تمارا: حور حبيبتي واخدتها في حضنها طمنيني واحكيلي اللي حصل بالظبط
حور: تعالي بس نروح وهحكيلك كل حاجة
تمارا: هاتي الكتب دي هشيلها مكانك
وصلنا اهو ياستي ادخلي
أسيل: انتي جيتي ياتمارا
تمارا: ايوه
أسيل: مين دي ياتمارا
تمارا: دي اختي معلش مالحقتش اتصل بيكي اعرفك قبلها
أسيل:عيب ياقلبي ماتقوليش كده
أسيل: اتفضلي ياروحي تعالي
حور: حبيبتي تسلميلي
تمارا: ادخلي الاوضه غيري هدومك وتعالي ياحور
حور: بحزن طيب
تمارا: أسيل طبعا انتي عارفه ان انا بابا متوفي وماما متجوزه وجوزها بيعاملنا وحش جدا
أسيل: بزعل ايوه
تمارا: دلوقتي ياستي جوز ماما طرد اختي من البيت علشان هو عايز فلوس واختي مش معاها لان هي دفعت مصاريف الجامعه واشترت الكتب
وكمان هو بيشرب
أسيل: ربنا ياخده ده ظالم اوي
وازاي مامتك سابته يطردها مش المفروض تدافع عنها وتااخدها في حضنها
تمارا: بدموع كانت خادتني انا في حضنها انا امي دي بعتبرها ميته والله يا أسيل لان مافيش ام بتعمل في عيالها كده والله العظيم هي متصله بيا النهارده علشان نفس السبب انها عايزه فلوس وده اللي خلاني روحت المستشفي
حور خرجت معلش انا عارفه ان انا تقلت عليكوا
أسيل: لاياحبيبتي ماتقوليش كده انتي منورانا والله
تمارا: بهزار بتحاول تخفف عن حور بس من جواها محروقه
بس ياهبله ماتقوليش كده ده انا اشيلك في عيوني والله
اعرفك ب أسيل بقي
بصي اسيل دي اكتر صديقه قريبه مني وبعتبرها زيك بالظبط واحنا عايشين في الشقه دي علشان جنب الكليه بتاعتها وبتروح تقعد مع اهلها يوم الخميس وبتيجي الجمعه بالليل
حور: اتشرفت بيكي ياقلبي
تمارا: احكيلي بقي اللي حصل معاكي
حور: حكتلها كل اللي حصل
تمارا: انا مش هسكتله علي اللي هو عمله ولازم اواجهه هو وامك وهعمل محضر فيهم
حور: لا بلاش والنبي ياتمارا انا خايفه
تمارا: جمدي قلبك وطول ما انا معاكي وجنبك ماتخافيش
أسيل: بس ياتمارا انا خايفه عليكي لو روحتي هيضربوكي ويبهدلوكي
تمارا: ما انا اكيد مش هروح البيت انا هقابلهم في الشارع لازم اخوفهم وافهمهم اننا مش ضعفاء واننا لوحدنا هنعرف نعيش
اصلا احنا اللي بنصرف عليهم
وبعد كلام ساعين تمارا قالت ل حور ادخلي انتي نامي ياحبيبتي وانا هخلص الورق ده وهنام وجابت الورق بتاع التصاميم اللي المفروض يتسلم بكره وتشتغل فيه وأسيل ساعدتها وفضلوا سهرانين للساعه 6 الصبح ونامت والمفروض ميعاد الشركه الساعه 9 وفيه اجتماع مهم
حور: تمارا تمارا اصحي الساعه 10 وانتي عندك شغل
تمارا: اييييه 10؟؟؟؟؟
حور: ايوه
تمارا: قامت بسرعه من علي السرير ولبست وراحت الشركه علي الساعه 10 ونص
يمني: بشده اتأخرتي ليه كان فيه اجتماع مهم الساعه 9 ونص ومستنيين حضرتك
وقفها صوت عمر
عمر: يمني اسكتي المفروض انا اللي اتكلم وانتي مالكيش الحق ان تزعقي لحد من الموظفين وانا صاحب الاجتماع يعني انا بس اللي احاسب علي التأخير
تمارا: انا اسفه والله صحيت متأخر لان كنت سهرانه للساعه 6 الصبح بعمل في التصاميم ف علشان كده راحت عليا نومه
عمر: انا ما بحبش الاستهتار ده واهم حاجة عندي الوقت والالتزام بالمواعيد.
تمارا: حاضر مش هتتكرر تاني
وفي دماغها بتقول هستحمل علشان اختي لان لو مشيت من هنا احتمال ماالاقيش شغل
عمر:بعصبيه اتفضلي الاجتماع هيبدأ
تمارا: تمام انا جايه ورا حضرتك
الاجتماع انتهي بعد ساعه
عمر: اتفضلي ورايا علي مكتبي يا آنسه تمارا
تمام : تمام
ياتري هو عايزني في ايه وياتري هيقول لي ايه
عمر: اتفضلي اقعدي
وريني التصاميم اللي انتي عملتيها
تمارا: اهي اتفضل
عمر: فتح اول تصميم انبهر بصراحه اول واحده من الموظفات شغلها يدخل دماغه ويعجبه
امممم عااش. انتي عملتي التصاميم كلها
تمارا: ايوه
عمر: بجد براڤو عليكي انتي طلعتي موهوبه وانا ماكنتش
اتخيل انك تعمليهم كلهم في وقت قصير زي ده وبالجمال ده
تمارا: بفرحه شكرا ده من ذوق حضرتك
عمر: والله انتي عندك موهبة الرسم الرسمه بتاعت التصميم ده جميله
وفجأه موبايله رن
الووو
ايوه معاك عمر. بجد. والمسابقه دي هتبدأ امتي
خلاص تمام.
عمر: فيه مسابقه عايزين تصيميم لكل شركة تجميل وطبعا دي اكبر شركه فيهم
والشركه اللي هتكسب هيبقي ليها جائزه كبيره واكتر تصميم
هياخد عدد نقاط اكتر صاحبة التصميم هتفوز وهتاخد جائزه و مبلغ من المال
تمارا: استلقفت وفرحت من جواها وان هي موهوبه في الرسم وبالتالي هتقدر تصرف علي نفسها وعلي اختها
تمارا: طيب اقدر اشترك في المسابقه دي
عمر:بإبتسامه اكيد تقدري تشتركي فيها هي هتبدأ بعد 3 ايام
تمارا: تمام تطلب مني اي حاجة ?
في نفسها: يخربيتك انت قمر وانت هادي اوي وابتسامتك دي خطفت قلبي
واتكلمت بدون ماتحس. بإبتسامه ايه الجمال ده وهي باصصاله
عمر:.........
رواية #مغرور_ولكنني_أحببته_البارت_الرابع
بقلم ملك محمود
عمر: بتقولي حاجة??
تمارا بتوهان هه لا خالص
عمر: سمعتك علي فكره بجد ضحكتي عجبتك
تمارا بصدمه: نعم! سمعتني! انا أصلا ماقولتش حاجة انت بتسمع نفسك ولا ايه
عمر: قرب منها. بسمع نفسي صح انتي قولتي كده وبيبتسم
تمارا: مركزه معاه اوي
انت بتقرب كده ليه.
ومره واحده كانت هتقع وهو مسكها من وسطها وقربها ليه وعينه جات في عينيها
عمر: بغمزه طيب أيه رأيك في جمالي كده
تمارا: هاه أ. أ
عمر: هو ايه اللي أأأأ
تمارا:فاقت من واتخضت واتكسفت من نفسها وقامت زقاه وبعدت عنه
عمر: ممكن اسألك سؤال
تمارا: بجديه اتفضل
عمر:انا ليه كل البنات هتموت عليا
تمارا: سؤال غبي والله
هتموت عليك علي حلاوتك ?انت مفكر ان انت حلو وقمر وواخد مقلب في نفسك وضحكت هههههه
عمر: بكبرياء وجديه هو انتي هتاخدي عليا ولا حاجة ??
وبعدين انتي نسيتي ان انا مديرك وممكن في اي لحظه اقول لك مع السلامه
تمارا: مش عارفه حاسسه من كلامك ان انت قصدك تقول ان انا بموت في دباديبك
ولا حاجة وبعدين مديري مش مديري انا مابخافش ومابتهددش وانا عادي
مستغنيه عن الشغل اللي يهين كرامتي. محسسني ان مافيش غير الشغل ده
وانا مش هستني انك تقول لي مع السلامه
عمر: باااااااس. خلااااص انتي بالعه راديو ولا ايه صدعتيني
تمارا: انت اللي صدعتني بكبريائك وغرورك ده
انت اييه. مش معني اني موظفه هنا يبقي تتكبر عليا
واللي قاطعهم صوت رنه موبايل عمر
عمر: الوو. ايوه طبعا. وبغرور علشان يغيظ تمارا اكتر قال انت
عارف ان شركتي كل مره هي اللي بتفوز.
يعني المسابقه هتبدأ كمان ساعتين
تمام شكرا
وبعدين تمارا راجعت نفسها وانها لازم ماتضيعش الفرصه دي من ايدها
عمر: بإبتسامه المسابقه هتبدأ كمان ساعتين لو هتشتركي!
تمارا: بكبرياء هفكر
عمر: بضحكه مش انتي كنتي قايله انك لازم هتشتركي في المسابقه
تمارا: بنفس الضحكه اللي هو ضحكها والله لازم افكر تاني
وقامت محركه شعرها ل ورا كده بإيديها وخرجت
عمر: البت دي مجنونه والله وهتجنني قريب
يمني: بتريقه ما لسه بدري يا تماره كل ده في مكتب مستر عمر بتعملي ايه
تماره: هيكون بعمل ايه يعني بنتكلم في الشغل
يمني: انها مش مصدقاها يعني. اهاا شغل
تماره: قصدك ايه يا يمني وهاتي من الاخر
يمني: والله انا قصدي ان مستر عمر مش بيأخر حد عنده كل ده ومستر عمر اما حد بيبقي
في مكتبه بيتكلم في الشغل ممكن خمس دقايق لانه مش
بيحب الكلام الكتير انما انتي قعدتي نص ساعه جوه
تماره:بتحذير طيب بصي بقي هقول لك علي حاجة لان انتي
شكلك اصلا في حاجة في دماغك اهو هدف في دماغك عايزه توصليله بس زي ماقولتلك
كده بنتكلم في الشغل وقسما بالله ماعايزه ارد عليكي رد مايعجبكيش علشان هتزعلي (وبتحذير كده) وهتزعلي اوي كمان
وعمر طلع شايفهم في كاميرة المراقبه اللي في مكتبه
وخرج قبل مايمني تتكلم تاني
وقال فيه ايه
تماره: هقول لك انا يامستر عمر فيه ايه
يمني: مافيش حاجة يامستر احنا بس كنا بنتكلم في موضوع واتحل خلاص
تماره: الله ده انتي بتعرفي تحوري كمان اهو. لا وايه علي المدير بتاعك!
عمر: هو مافيش احترام للي واقف ولا ايه
يمني: سوري يامستر
وبعدها برقت ل تماره انها تسكت يعني
تماره: معلش يا مستر ثانيه بس لان انا مش بحب اشوف
حاجة غلط وفي حقي واسكت. لا ثانيه ده في حقي وحقك
وبعدين بصت ل يمني وقالتلها ماتفكريش ان انا هخاف من تبريقتك دي
عمر: مش فاهم حاجة.
طيب فهميني ايه اللي حصل
تماره: تمام دلوقتي وانا في المكتب عند حضرتك كنا بنتكلم في ايه?
عمر: ايه السؤال ده انا مش فاهم حاجة
تماره: اصل دلوقتي يمني بتكلمني بتريقه وطريقه مش حلوه
وبتقول لي انتي كنتي بتعملي ايه جوه كل ده وبعدين مستر عمر مش بيأخر حد عنده
كده وبالكتير 10 دقايق انما انتي قعدتي جوه نص ساعه كنتو بتتكلموا في ايه
اللي هي عايزه تقول لي يعني ان فيه بيننا حاجه استغفر الله
وبعدين استني كده صحيح اتأخر ما اتأخرش انتي يخصك في ايه وبتريقه ولا انتي بتغيري بقي
ودي حاجة ترجع لمستر عمر انه يأخرني ولا لا دي حاجة خاصه بالشغل وكنا بنتكلم في مسابقه كمان علشان كده اتاخرت
عمر: اتصدم من اللي تماره بتقول له وازاي يمني تسألها سؤال
مخزي ده وبدأ يشك في يمني ودماغه تودي وتجيب
عمر: قال ل يمني انتي ازاي تسألي السؤال ده لموظفه عندي
هي موظفه زيها زيك بالظبط وماتحاوليش تبرري لان انا شوفت كل حاجه في الكاميرا
يمني: بتتمسكن كده. صدقني يامستر عمر والله انا كنت بسألها لان كان كل شويه حد يجي علي مكتبها يعني ف بقول لها انها اتأخرت
عمر: بصصلها بصه اللي هي قفل عينه شويه دي مكذبها يعني وقال لها اللي بحس ان هو بيلعب من ورايا انتي عارفه بيحصل فيه ايه
يمني: خلاص والله مش هتتكرر
عمر: آنسه تمارا روحي علي مكتبك ومش عايز مشاكل تاني وانتي روحي علي مكتبك يلا
و هو دخل مكتبه
وبعدين يمني اتصلت بحد وقالت له..............