روايه:" نور _ الجاسم 🖤✨" الجزء3
الفصل السادس عشر والسابع عشر
بقلم نيللي ياسر.
..
كنز: لا انا اقصد بتاعت بابي اد..
" مكملوش كلامهم علشان لقو فاطمه ام مالك
واقفه قدامهم وجمبها واحده شايله ليها شنطه سفر"
مالك وقف: ايه ده..انتي جيتي امتي يا امي مش قولتي هتقعدي يومين؟!.
فاطمه بصرامه: ما انت لو بترد علي مكالماتي كنت
عرفت اني لقيت كل حاجه تمام وقررت ارجع النهارده..
مالك: طب مروحتيش علي القصر لايه..
فاطمه: انا عارفه انك بتقضي وقتك هنا في الشقه
دي وكنت هطلع بس لقيتك قاعد انتي والانسه كنز هنا..
" هي شافتهم علشان الكافيه قدام العماره"
كنز: احم... حمدالله على السلامه يا طنط..
فاطمه بابتسامة مصطنعه: الله يسلمك..بس يا
حبيبتي احب اعرفك أن والدك مش حابب انك تبقي مع مالك ف مش عايزين مشاكل..
كنز بكسوف: ا..انا بس كنت..
مالك بصرامه: امي!! مفيش حد هيمنع خطيبتي أنها
تشوفني وقت ما تحب..يلا يا كنز..احمد ( الجارد) طلع ماما الشقه واطمن أنها بخير..
" فاطمه مصدومه جداً ومالك شد كنز ومش بيها والشوارع كانت فاضيه لأن الدنيا ليل وفضلو
يتمشو لغايه ما يلاقو تاكسي"
كنز وهي بتجري: أجري بسرعه هتتغرق...
مالك شدها و وقفت قدامه وهو بيضحك: طب افرضي اتصورتي دلوقتي يقولو علينا ايه..
كنز: انت خطيبي..
مالك: خطيبك؟!!.
كنز: اه الصحافه فاهمه كده..
مالك بيقرب: طب ما تفهميني انت انا ابقي ايه؟!..
كنز وهي بتبعد وصوتها عالي: تااااكسي..
" كنز جريت ركبت وهو ركب جمبها علشان يوصلها"
...
" ليلي قاعده علي الكنبه الكبيره اللي قدام الشاشه والكنبه كبيره جدا وهي لابسه سلوبته شتوي وحاطه الطقيه بتاعتها علشان شعرها وبتتفرج علي كرتون وعلي مسافه بعيده قاعد ادم"..
ادم: طب قربي يا لولي هو انا هاكلك..
ليلي وهي بتاكل فشار: لا مينفعش..
ادم: يا بنتي ده احنا فرحنا بعد يومين..
ليلي: افرض انت مت قبل الفرح اعمل ايه انا..
ادم: يا ساتر يا رب ايه الفال ده يا بت انتي..
ليلي: ههههه..خلاص بعد الشر عليك يا دومي.
ادم وهو بيشد الرموت: طب هاتي بقي والله لقلب.
ليلي: لا لا..عايزه اشوف كورتي البعبع هيعمل ايه..
ادم: يا صبر أيوب..
" ادم قلب وجاب اخبار وليلي مبوزه بس بمجرد ما سمعت الخبر ركزت جامد"
الخبر بيقول: وطبعاً كلنا سعداء بخطوبه ابن الدكتور ورجل الأعمال جاسم الوردي وبتمني ليهم السعاده ومبروك يا سندريلا!!!.
ادم وهو بيقوم: اتخطبت من غير ما اعرف... لا كده كتير يا جاسم!!.
..
نوح: يا جماعه اصبرو لما كنز تيجي..
جاسم: يا ابني انا ورايا شغل فوق متعلنيش..
عمر بضحك: فوق فين لا مؤاخذه!!!.
جاسم وهو بيحدف عليه مخده: يا بن ال**
نور: روح مامي انت مجمعنا لايه كده..
نوح: بصي يا مامي مش احنا اي موضوع بنتناقش فيه كلنا انا خدت قرار ومفيهوش مناقشه بس لازم تعرفوه وانا مستني كنز تيجي وتاليا تنزل من الاوضه...يلا يا تاليا..
( تاليا وهي بترفع دماغها من علي المكتب اللي في اوضتها وفيه بودره وبتمسح البدره من علي مناخيرها).
تاليا: حاضر ثواني ونازله..
..
" السواق وصلهم لغايه باب الكمبوند ومالك حاسب ونزلو"
مالك: خلي بالك من نفسك..وانتي رايحه الصبح اتصلي بيا ونروح الجمعيه دي سوا..
كنز: اوكي باي.
مالك بابتسامة: باي..
كنز قدام الڤيلا: هاي يا جمال ( الجارد) هما وصلو من بدري صح..
جمال: ايوه يا كنز هانم اتفضلي..
جمال في اللاسيلكي: افتح البوابه يا ابني انسه كنز وصلت..
" البوابه الكمبيوتر اتفتحت وكنز دخلت وهي بتغني"
كنز بصوت جميل وهادئ:والحلم اللي في عيوني مكملااااه؛ يا سلام لو كل عاشق عاش غرامنا وشاف غونانا يا سلااام ده احنا إلى يخلصنا الكلاااام...ترررن تررن افتحو يا اللي جوه..
" جاسم فتح الباب ودخل من غير ما يكلمها"
كنز بتكشيره: ايه ده انت مقموص..
جاسم: هششش..متكلميش معايا يا بتاعه انتي..
كنز وهي بتبوسه: روحقلبي غيران اني اتخطبت..
جاسم وهو بيزقها بهزار: غيران؟!! لايه وانا بنت خالتك..وبعدين انتي مش مخطوبه دي لعبه فاهمه..
كنز: يا جاسم اسمعني..
تاليا وهي بتنكش شعرها: ايه ده انتو بتتخانقو..
كنز: تاليا انتي تحت عينك اسود جدا.
تاليا: عادي من السهر..
نوح بصوت عالي: ممكن تقعدو بقي..نادر تعالي يلا..
نادر بيشرب قهوه: يا ابني انا مش من العيله..
شادي: لا طبعا احنا اللي بيقعد عندنا اكتر من اسبوع يبقي من العيله ده انتي قانون جاسم..
نادر: وادي قعده اتفضل يا سيدي عايز ايه..
" نوح خد نفس وكله قعد منتظره يتكلم "
نوح: انا قررت اتجوز روح..
" صمت لمده خمس ثواني وبعد كده ضحك هستيري من الكل كله بيضحك وجاسم مش عارف ياخد نفسه من الضحك وروح ونوح بيبصو لبعض ومش فاهمين ايه يضحك..
..
ليلي: يوووه يا ادم طب استني..
ادم وهو بياخد المفاتيح: انا مش رايح اتخانق انا عايز افهم باي يا ليلي..
ليلي بدون أمل: باي..
....
نوح:ب ممكن كفايه...يوووه انا هروح افتح الباب..بطلو ضحك بقي..انتو عيله تافهه والمصحف..
ادم: هاي يا نوح..
نوح: ايه يا ادم تعالي شوف الهم اللي انا فيه..
ادم: هما واخدين حاجه..بيضحكو كده لايه..
نوح: علشان بقول عايز اتجوز..
ادم: ههههههههه.
نوح وهو داخل: لا انتو مجانين بجد..
جاسم خد نفس: مش بزمتك حاجه تضحك..
ادم بغضب: اسكت انت خالص ممكن افهم كنز اتخطبت ازاي؟!.
نور: دي مش خطوبه دي لعبه كده..
ادم: والله..لعبه..
جاسم: يا عم اهدي كده وانا هحكيلك..
" بعد ما حكو كل حاجه"
ادم بجمود: يعني كل ده يحصل وانا هنا ايه مش ابوها..
جاسم بتمالك: لا طبعاً أنا ابوها بس مكنش فيه حل..
ادم بصوت عالي: انت كل حاجه تخصها تتصرف فيها انا ايه يا أخي!!
جاسم بصوت اعلي: ايوه علشان انا ليا الحق في تصرفاتها علشان هي عاشت معايا اكتر ما عاشت معاك..
ادم بغضب: كنز لمي هدومك..
جاسم: مش هتروح معاك انت فاهم..
ادم: كنز يا تيجي معايا يا تفضلي بقيت عمرك معاه..
كنز بتوتر: ااا..انا مش هقدر دول عيلتي وانت اهم واحد في العيله دي علشان انت ابويا ولو بعدتني عنهم يبقي بتبعدني عنك..
ادم بصدمه: تمام سلام يا كنز..
" ادم مشي وهي بتجري وراه وخرج من الكمبوند وبقي علي الطريق وهي بتجري وراه وفجأة"
ادم: كنزززززز حاسبي!!!.
...
روايه:" نور _ الجاسم ج 3 🖤✨"
البارت (17).
بقلم نيللي ياسر.
...
..
ادم: كنزززز حاااسبي!!.
كنز بصراخ: باااااابي!!!.
" جاسم جه من وراها وشاف ادم واقع علي الارض ودماغه بتجيب دم وكنز واقعه جمبه وبتصرخ وتعيط جري هو و شادي دخلو ادم بسرعه علي العربيه علشان يودوه مستشفى"
...
مالك وهو قدام العماره:احمد..امي فوقي..
احمد: لا يا فندم بعد لما حضرتك مشيت روحت القصر.
مالك: طيب روح انتي.
" مالك طلع فونه واتصل برقم "
صوت انوثي: هاي يا مالك.. اخيرا فكرت تسأل..
مالك: المخدرات وصلت للسنيوره؟!.
" ايوه هي چيچي صاحبه تاليا نفخت دخان السيجارة وهي بتقول"
چيچي: طبعاً يا باشا..وهما اسبوعين والبت هتعمل اي حاجه علشان تاخد كيفها..
مالك: اشطا يا چيچي ابقي عدي عليا بقي..
چيچي بفرحه: عيوني يا باشا!!.
" مالك قفل معاها وابتسم بشر وافتكر كلام كنز"
Flash back..
كنز في العربيه: واللي لابسه اسود ومكشره دي تاليا بنت جسومي اختي يعني..
Back..
..
" قدام العنايه المركزه وقفين كلهم ومستنين الدكتور وأخير خرج وهو بيقلع الكمامه"
جاسم: ها يا دكتور ايه الاخبار..
الدكتور: الحمدلله مفيش كسور أو اصابات جامده هو بس دماغه اتفتحت ونزف دم كتير ومحتاجين دم..
جاسم: طب شوف مين نفس الفصيلة وخد دم منه أو شوف في بنك الدم..
الدكتور: ايوه يا فندم انا فعلاً هشوف في بنك الدم..
..
ليلي: يا ربي..لا والموبايل مقفول والباقي مش بيردو..
..
ملك: أهدي يا جاسم خير أن شاء الله..
شادي فونه بيرن: ملك هروح ارد علي الفون و جي..
ملك: اوكي..
شادي بعيد: الو...عايزه ايه..
___.
شادي بغضب: قولت لا غوري بقي..
" شادي شاف الدكتور جه"
شادي: اقفلي..
" شادي راح وقف معاهم"
الدكتور: للأسف فصيله دمه مش موجوده ف هضطر اشوف حضراتكم..
جاسم: تمام ابدأ معايا أنا..
" جاسم راح مع الدكتور اوضه التحاليل وسحبو دم قليل علشان يشوفو في تطابق أو لا"
الدكتور بفرحه: طب مش حضرتك تقول إنه اخوك من بدري..
جاسم بصدمه: اخوياااا!!!
..
كنز ببكاء: الو يا مالك...لا انا في المستشفى..
مالك بخضه: مستشفى..لايه انتي كويسه..
كنز بعياط: بابي عمل حادثه..كان..ف..في.. عربيه..هتخبطني..وهو زقني و..وبع..
مالك: مستشفي ايه انا هاجي بسرعه..
كنز: لا مينفعش..ممنوع حد يدخل المستشفى علشات الصحافه...
مالك: بقولك هاتي العنوان..انا هتصرف.
كنز بتعب: ارجوك.. مينفعش انا هبقي...بابي..
مالك: الو..كنز..الو.
" كنز شافت ادم خارج علي سرير متحرك هيودوه الاوضه العاديه وجاسم وراه "
الدكتور: الحمدلله هو نص ساعه وهيفوق وان شاء الله ممكن يروح معاكم بكره.
جاسم: شكراً يا دكتور علي تعبك..
الدكتور: العفو ده شغلي عن أذنكم.
عمرو: جاسم خد اشرب عصير علشان تعوض الدم اللي خدوه.
جاسم: انت لسه هنا يا ابني..يلا خد شادي وروح انت ومراتك وابنك..انا مش فاهم هي رحله ازاي كلكو تيجو..
شادي: يا جاسم احنا عيله واحده مينفعش نسيبك لوحدك.
جاسم: بس خلاص هو الحمدلله بقي كويس روحو انتو بقي .
ملك: طب يلا يا نور..
" جاسم بحركه عفويه شد نور ورا ضهره"
جاسم: لا..لا..نور هتفضل معايا..
كنز: انا هفضل هنا جمب بابي.
جاسم: ماشي يا كنز..يلا مع السلامه خلو بالكم من نفسكم.
" كلهم روحو وجاسم خد اوضه لكنز واوضه ليه هو نور"
جاسم: عايزه تسألي علي حاجه صح..
نور بفضول: اه..هو انت لايه خلتني معاك؟!.
جاسم بحنيه: بقيت بخاف عليكي يا نور..من ساعت اليوم الزفت اللي بعدتي عني فيه وانا مش قادر ابعد..حاسس..حاسس اني لو سيبتك هتبعدي..وانا مش عايزك تبعدي!!.
...
نادر: ايه ده تاليا..هو انتي مروحتيش معاهم؟!.
تاليا وهي بتشرب ريدبول: اممم..وانت مروحتش لايه..
نادر: يعني محبتش اروح هناك..علشان انا مش من العيله وكده.
تاليا بتبصله: عندك حق.
نادر: وانتي بقي مروحتش لايه؟!.
تاليا: عادي..مش حابه..اروح..
نادر: انتي بارده جداً.
تاليا بضحك: جداً جداً كمان..
" نادر ركز في ملامحها شويه وهي لاحظت ونزلت الفون من ايديها وبصتله"
تاليا: انا عارفه اني حلوه بس مش للدرجه دي.
نادر بتدقيق: انتي بتشربي مخدرات؟!.
...
" كنز حطت الفون وكانت هتنام لقت فونها بيرن"
كنز: الو يا مالك..
مالك: بتقفلي في وشي يا مدلعه.
كنز: هههه..معلشي بس الدكتور كان خرج و..
مالك: طب انزلي..
كنز برفعه حاجب: نعم.
مالك: مش عيب عليكي تسيبي خطيبك واقف لوحده في الشارع تحت اوضتك..
" كنز شدت البطانيه وجريت بصت وكان واقف ساند علي العربيه وغمزلها"
كنز: بتهزر..انت ايه اللي جابك؟!.
مالك: يعني قولت اطمن علي حمايا..
كنز: طب وعرفت المكان ازاي؟!.
مالك: لما اتصلت بيكي عرفت من اللوكيشن بس بطريقتي.
كنز بضحك: باين عليك هكر جامد!..
مالك: جداً..طب بصي بقي من الواضح كده اني مش هعرف اطلع.
كنز: اكيد..
مالك: حيث كده يبقي انتي تنزلي أو هفضل واقف كده طول الليل وشيلي ذنبي بقي..
كنز: يا ابني مش هعرف انزل..لو بأيدي هنزل بس مش هينفع اسيب بابي لوحده..
مالك: عندك حق يبقي انا هفضل واقف كده..باي..
كنز: لا..الو..هوووف مجنون!!.
...
" كلهم نامو و كنز نامت جمب الشباك علي الكنبه لأنها كانت كل شويه تبص علي مالك وغصب عنها نامت وهو نام في العربيه لاكن جاسم مشفش النوم كان واخد نور في حضنه وساكت وبيفكر في كلام الدكتور لغايه لما النهار طلع وليلي عرفت من ملك بس شادي وعمر منعوها تروح بليل علشان مش هتدخل من الأمن وكمان هو نايم ف باتت معاهم والصبح وصلت المستشفى"
...
نور بنوم: جاسم..انت رايح فين؟!.
جاسم باس دماغها: حبيبتي انا رايح اجيب فطار بس وهطمن علي كنز..واجي ..يلا قومي اغسلي وشك علشان نروح نشوف ادم..
نور: حاضر..
" جاسم ابتسم وهو بيبص لوشها بعد كده خرج بس وهو خارج وحاطط ايده علي عينه علشان وجعاه لانه منامش سمع صوت وراه..صوت واحده ست".
# انا لقيت شادي بطل ينفذ طلباتي..قولت اجي انا اتكلم معاك...
...
" تلفون تاليا رن وكان منبه واول ما صحيت لقت نادر في وشها"
تاليا بانفعال: انت ازاي تدخل هنا..انت..
نادر بغضب: امبارح اتهربتي من سؤالي لما اهلك جم
من المستشفى..لا كن النهارده بقي تسمي ده ايه..
" تاليا بصت في ايده وشافت علبه السجاير
بتاعتها اللي مفيهاش سجاير عاديه فيها مخدرات بصت بصدمه وسكتت"
نادر: اتكلمي بتوعك دول..انتي بتشربي..صح..انتي بتشربي
..ررررردي عليا..
تاليا بصراخ: ايوه بتوعي!!!.
..
🍁🍁🍁🍁مرحبا بكم مدونة كرنفال الرويات ترحب بكم وتقدم لكم كل ما هوا حصري وجديد
🌹🌹🌹🌹🌹🌹🌹🌹🌹🌹🌹
زورنا الكرام مرحبا بكم فى كرنفال الرويات
عندنا فقط ستجد كل ما هوه جديد حصري ورومانسى وشيق فقط ابحث من جوجل باسم كرنفال الرويات اترك ٥ تعليقات ليصلك الفصل الجديد فور نشره وايضاء اشتركو على
قناتنا كرنفال الرويات ليصلك اشعار بقل ما هوه جديد
🌹🌹🌹🌹🌹🌹🌹🌹🌹🌹🌹🌹🌹