(رواية وعد الريان)
(البارت السابع والثامن )
بقلم منه السيد
في صباح يوم جديد ملئ بالأحداث الكثيرة......
بقلم منة السيد....
ريان قاعد في مكتبوا ووعد بتجهز علشان تروح تشوف الأرض.
عند شهد.....
شهد دخلت الشركة وركبت الاسانسير ولسه الباب هيتقفل حد زقوا ودخل
شهد بصدمة:أنت!!
ياسين:انتي.....هو يوم مهبب من اولوا يوم ماصتبح اصتبح بوشك
شهد:وانت تطول تصتبح بوشي
ياسين:هشششش....دماغي وجعاني مش نقصاكي هي
شهد بسخرية:لا ياخويا الف سلامة.... وأنا مالي انا دماغك وجعاك ولا مش وجعاك
باب الاسانسير فتح قبل مايرد....
ياسين:أنا همشي قبل ما انجلط
شهد:لا انا اللي همشي الأول ياخويا
وقعدوا يتخانقوا مين هيطلع من الاسانسير الأول😂😂
:خلاص ياأستاذ انت وهي بقالكوا ساعة بتتخانقوا... خلصونا بقا....
ياسين زقها وطلع....
شهد بصوت عالي:طب وحياة امي لهوريك
ياسين وهو ماشي ايجالوا تليفون وقف يرد وشهد كانت معدية استخبت منوا....
شهد بفرحة:اما حتة فكرة....
راحت استخبت ووقفت جنب السلم اللي هو واقف جنبوا(لانهم كانوا بيجددوا حاجات في الشركة)
كان في جردل دهان على السلم مسكت الحبل شدتوا والجردل وقع على ياسين وياسين بقا عبارة عن دهان اتغطى كلوا بالدهان......
(ولكم ان تتخيلوا شكلوا بقا عامل ازاي😂😂)
الكل في الشركة بصلوا وقعدوا يضحكوا....وعد كانت معدية
وعد بضحكة مكتومة:أنت كويس ياأستاذ.....
ياسين رفع الجردل من على وشوا وبصلها....ووعد دققت في ملامحوا اللي كانت عبارة عن دهان😂😂😂
وعد:استاذ ياسين!!
وانفجرت من الضحك....
وعد:مين عمل فيك كداا...هههههه
ياسين بص بغيظ لقى الكل عمال يضحك....
ياسين بعصبية:واقفين ليه كل واحد يروح يشوف شغلوا
شهد ايجت وهي بتضحك:ليسجل التاريخ هذه اللحظة.... تعيش وتاخد غيرها ياسينوا.... ههههههه..... سكر والله.... ناقص نمسكك وندهن بيك.... ههههه
(انا بكتب وانا بضحك😂😂)
ياسين:انتي مفكراني هسيبك في حالك بعد اللي عملتيه داا....
ياسين سابهم ومشي....
وعد بضحك:الله يخربيتك ياشهد....ههههه.... عملتي كده ليه فيه....
شهد بضحك:هو دا اللي خبطني بالعربية..... واللي انا ضربتوا بالقلم....وامبارح حاول يقرب مني الحيوان.....ف دي حاجه بسيطة خالص
وعد مش قادرة تمسك نفسها من الضحك😂😂....
وعد:امشي ياختي اما نشوف اخرتها
عند ياسين.....
ياسين ماشي بعصبية.....
ودخل على ريان وكان معاه عمر
ريان باستغراب:مين انت وايه اللي عمل فيك كده.....
ياسين:انا ياسين ياخويا
ريان مش قدر يمسك نفسوا من الضحك هو وعمر😂😂
(انا بضحك ليه😂😂)
عمر بضحك:مين عمل فيك كداا
ياسين:قوم هاتلي هدوم انا اكيد مش همشي كداا
عمر بضحك:تمام ماشي ربع ساعه هاجيبلك هدوم واجي
ياسين:اخلص
ريان:اهدى ياعم مالك
ياسين بغضب:بعدين
(عند وعد وشهد).....
وعد:أنا هروح اخد مقاييس الأرض علشان لو حد سأل عليا
شهد:لوحدك؟!!
وعد:اعمل ايه أوامر ريان بيه
وقالت اخر جملة بسخرية
شهد: تمام خلي بالك من نفسك
وعد:حاضر......سلام
شهد:سلام
وعد مشيت ووصلت عند الأرض وأخدت المقاييس وكل حاجه والوقت اتأخر إلى حد ما.....
وعد وهي ماشية شافت مكان كبير مهجور عامل زي مستودع وفي نور حبت تشوف في ايه يمكن حد محتاج مساعدة والفضول وداها هناك وشافت اللي عمرها ماكانت تتخيل أنها تشوفوا وصدمة نزلت عليها....
(عند ريان).....
ريان طلب وعد مش ايجت
ريان:عمر وعد فين
عمر:هو انت مش قولتلها أنها تروح وتشوف المقاييس والمساحة وتجبلك كل حاجة عليها....
ريان:أنا مش مطمن حاسس في حاجة ناديلي شهد صاحبتها بسرعة....
عمر راح بسرعة ونادى على شهد وشهد راحت معاه
ريان:وعد مشيت من الشركة من امتى
شهد:حوالي تلات ساعات.... هي لسه مش ايجت
ريان بقلق:لا.....أتصلي عليها بسرعة
شهد بصت لعمر بقلق وياسين اللي بيبصلها بتوعد
(عند وعد).....
شافت ناس معاها اسلحة كتير وواحد قاعد على كرسي شكلهم مش مصريين وماسك سلاح في أيدوا وقداموا بنت في سن العشرينات وعماله تتوسلوا يسيبها
وعد استخبت بسرعة علشان مش يشفوها ووقفت تتفرج
البنت:أرجوك سيبني أخر مرة والله أرجوك سامحني
الشخص اللي قاعد على الكرسي ضحك بضحكة كلها شر:ههههههه أنا ليس عندي تسامح أنتي أخطأتي وعقابك هو الموت
(بصوا هنسمية م1 لغاية مانشوف اسموا ايه)
البنت بتوسل:أرجوك لا.... والله مههرب تاني ولا أفكر أني أهرب حتى
وهو بدون رحمة وتردد ضربها بالنار....ووقعت على الأرض وماتت
م1:هذا هو عقاب أي أحد سوف يخالفني.... أحملوها من هنا
وعد الصدمة نزلت عليها ورجعت لورا وهي راجعة خبطت في حاجة
م1:هناك صوت في الخارج....شوفوا ماذا هناك
شهد اتصلت بوعد وفتحت الاسبيكر....
وعد استخبت بسرعه ولحسن الحظ كان الفون بتاعها صامت وكانت مسكاه في ايديها....وردت
شهد بلهفة:الوا ياوعد انتي فين...وعد
ريان خد منها الفون....
ريان:الوا....وعد انتي سمعاني
ياسين:استنوا خلونا نسمع.... وانا هحدد موقعها
على الجانب التاني عند وعد ....
طلع شخصين يشوفواالصوت جه منين
الأول:ليس هناك أحد
التاني:هيا ندخل بسرعة حتى نطمنهم في الداخل
الأول:حسنا هيا بنا
وعد مكنتش بتتكلم وعقلها مشلول عن التفكير من المنظر اللي شافتوا
ياسين:انا حدت موقعها
ريان خد منوا موقعها وجري على عربيتوا قبل مايتكلموا.....
ريان كان سايق بسرعة جدا ومش كان معاه حرس كمان
ريان وصل وشاف حد بيجري نزل من عربيتوا
وعد كانت بتجري بخوف ودموعها نازلة بصمت وحست بأيد على كتفها لفت بسرعة بخوف
ريان:وعد انتي كويسة.... بتعيطي ل.....
ولسه مكملش كلاموا وانصدم بوعد بتحضنوا جامد وماسكه فيه بكل قوتها ريان حس بحاجة اتحركت جواه ومشاعر كتير متلخبطة وهو كمان راح جاي حاضنها جامد وعمال يهدي فيها
ريان:وعد انتي كويسة
وعد:........
ريان:وعد....انتي كويسة
ريان طلع وعد من حضنوا وكانت غايبة عن الوعي
ريان:وعد وعد.... ردي عليا
ريان شالها واخدها العربية بسرعة واتحرك بيها على المستشفى.....
(عند شهد وياسين وعمر)
شهد رايحة جاية وعمالة تفرك في ايديها بتوتر وخوف وقلق
ياسين:ماتقعدي بقا.... زهقتيني
عمر قام وقف وراح حط ايدوا على كتفها.....
عمر:ماتقلقيش.....هي انشاء الله كويسه
شهد ودموعها نازلة:انا قلبي مش مطمن
ياسين قام بغضب وشال ايدوا من عليها
ياسين:ياحُنين
(انا عايزة اضحك😂😂)
عمر حب يستفزوا اكتر مسك شهد من ايديها ولسة هيشدها على الكرسي ياسين شد ايديها بغضب وزقوا
عمر:ايه ياعم مالك محموق على ايه
ياسين:وانت مالك
عمر ابتسم وهو شايف غيرة الحب في عيون صاحبة.... فهل عمر صح ولا غلط؟!!!
عمر:عالعموم شهد زي اختي مش أكتر
ياسين:وأنا مالي ماتولعوا أنتوا الاتنين ياخويا....
(منة:ياخي تبا لك😂😂)
شهد:بس بقا حرام عليكوا وقتكوا هو.....خلوني اتصل أطمن عليهم
شهد اتصلت على ريان وهي كانت فاتحة الاسبيكر وريان رد
شهد:الوا.....وعد كويسة
ريان:مش عارف هي معايا دلوقتي بس مغمي عليها وأنا قربت أوصل على المستشفى
شهد بقلق:طب احنا جايين اهوا..المستشفى اسمها ايه
ريان:مستشفى المهدي
شهد:تمام احنا جايين
وقفلوا مع بعض.....
شهد:يلا بسرعة
عمر:يلا
نزلوا من الشركة بسرعة والشركة مكنش فيها موظفين الكل روح
عمر:يلا اركبي
ياسين:لا هتركب معايا
عمر:اللي يريحها هي
شهد:انا هركب مع عمر
ركبوا وياسين ركب عربيتوا بغيظ منها.....
(عند وعد وريان)......
ريان شايل وعد وبيجري بيها
ريان:دكتور بسرعة
ايجت دكتورة والممرضين وخدوها على العناية المشددة
ريان قاعد مستني الدكتورة تطلع ايجا عليه عمر وشهد وياسين
شهد بلهفة:وعد فين
ريان:لسه جوه الدكتورة بتفحصها
عمر وشهد واقفين جنب بعض وياسين قاعد هيولع وريان في عالم تاني اصلا شهد همست لعمر ودا غاظ ياسين
شهد بهمس:ريان شكلوا وقع ولا أنا اللي مش واخدة بالي
عمر:ريان وقع فعلا بس هيفضل يكابر ويقنع نفسوا انهم خاينين
شهد:هما مين دول
عمر:الستات
شهد:ليه
عمر:موضوع كدا
شهد:تمام
الدكتورة طلعت
ريان بلهفة:خير يادكتورة
الدكتورة:...............
~
♥️
(رواية وعد الريان)
(البارت التامن♥️)
الدكتورة طلعت
ريان بلهفة:خير يادكتورة
الدكتورة:هو ايه اللي حصل معاها
ريان:مش عارف... انا روحتلها لقيتها بتجري وبتعيط بصمت وكان باين عليها الخوف اووي بس مش عارف من ايه.... هي كويسة
الدكتورة:هي الظاهر اتعرضت لصدمة كبيرة او حاجه خوفتها واحتمال تدخل غيبوبة لو دنتها كده أو يحصلها انهيار عصبي
ريان:ينفع ادخلها
الدكتور:اتفضل....بس مش كلكوا مرة واحدة
ريان دخل وعمر وشهد وياسين استنوا برة
ريان دخل لقاها باصة في اتجاة واحد مابتتحركش ولا بتتكلم
ريان قعد على الكرسي اللي جنب السرير ومسك ايديها
ريان:وعد....اتكلمي معايا....قولي انتي شوفتي ايه
وعد المشهد اللي شافتوا بيعدي قدام عينيها
ريان:طب عيطي مش تفضلي ساكتة كده.... اعملي اي حاجه
ريان:طب في حاجه حصلت
وعد رمشت بعينها
ريان:طب حاولي تتكلمي
وعد انفجرت من العياط وعيطت بهيستيريا وهو بدون مايحس على اللي هو بيعملوا اخدها في حضنوا وقعد يهدي فيها وبعد ماهديت خالص
وعد بتتكلم بصعوبة:ق....ق.. قتلوها
ريان باستغراب:قتلوا مين
وعد بعياط:قتلوها بدون رحمة ياريان
ريان:طيب اهدي واحكيلي
وعد بعياط:اللي حصل.....
وبدأت تحكيلوا وبعد ماخلصت
ريان:طيب انتي شوفتي شكلهم يعني لو شوفتيهم تعرفيهم
وعد:لا انا استخبيت وبصيت من فاتحة عليهم ومش شوفت غير البنت وهما مش كانوا واضحين أوووي واللي قتلها مشوفتش غير ايدوا والسلاح اللي كان ماسكوا حاولت اشوفهم معرفتش..... ريان كانوا هيقتلوني
ريان:ازاي
وعد:بعد ماقتلوها انا خوفت ورجعت لورا خبطت في حاجه ورايا عملت صوت طلعوا بس أنا استخبيت وبعديها دخلوا وطلعت أجري....لو كانوا شافوني كان ايه حصلي كان زماني ميتة
ريان:بعد الشر.... خلاص ماتخافيش وعلى فكرة انتي هتبقي السكرتيرة الشخصية بتاعتي هتبقي معايا في كل مكان بروحوا حتى البيت واحتمال تعيشي معايا
وعد بصدمة:لا مينفعش مش هقدر اسيب ماما لوحدها
ريان:خلاص يبقا تفضل معايا طول اليوم كلوا ولما نخلص هخلي السواق يروحك وممكن مامتك تيجي تقعد مع أمي ويتصاحبوا وأهوا تسلي يومها
وعد ببسمة:ماشي
ريان:وعلى فكرة انتي بقيتي بتقوليلي ريان كده من غير حاجه متنسيش اني مديرك
وعد باحراج:اسفة
ريان:امممم.....ممكن اتخلى عن مبدأ عندي....برا الشغل قوليلي ريان عادي جوا الشغل مستر ريان او باشمهندس ريان
وعد ببسمة:تمام
شهد دخلت جري عليها حضنتها
شهد:انتب كويسة ياحبيبتي
وعد:الحمد لله
عمر:حمد الله على سلامتك
وعد:الله يسلمك
ياسين:حمدالله على سلامتك ياوعد
وعد:الله يسلمك
ريان:اسمها انسة وعد
ياسين:حمدالله على سلامتك ياأنسة وعد
وعد بضحك:الله يسلمك ياأستاذ ياسين
ياسين:لا عادي قوليلي ياسين....أنا مش زي ناس كده
ريان:اتلم احسنلك
ياسين بصوت انوثي:ليه هو أنت شايفني متبعترة
ريان:الصبر يارب
ياسين:عارف لو صبرت اربع مرات هتبقا ايه
ريان ببرود:ايه
ياسين:هتبقا صابر الرباعي... هقهقهقهق😂😂😂😂
ريان:الله يحرقك...وانتي ياشهد هتفضلي معاها هنا واحنا هنطلع نتكلم برا علشان ترتاح
ياسين:أنسة شهد.... اسمها أنسة شهد
شهد:لا عادي قولي ياشهد أو ياشوشو....اللي يعجبك يعني
ريان بضحك:ماشي ياشهد
شهد:طب بالله طالعه سكر...مش زي ناس كداا
ريان بمكر:ألا قولي يا ياسين..... مين وقع عليك الدهان الصبح
ياسين:واحدة حيوانة.... عايزك تتربى من أول وجديد وأنا اللي هربيها
شهد:قولي عليها وأنا هجيبلك حقك.... أحنا ستات زي بعض.....لكن يعني لو مش شايف نفسك راجل روح وأنت حل مشكلتك انا مش هدخل
(اووه قصف جبهه جامد😂😂)
ياسين بغيظ:ااه طبعا.... أنا قلبي أبيض مش هعملها حاجه
شهد بخبث:عين العقل والله
ريان:طب يلا نطلع أحنا وأنتي ياشهد خليكي معاها
شهد:تمام
ياسين وعمر وريان طلعوا
ياسين:عرفت ايه اللي حصل
ريان:اممم
عمر:ايه اللي حصل
ريان حكالهم اللي حصل.....
ياسين:طيب ومش شافت وشهم
ريان:لا بتقول شافت البنت بس
ياسين:هو الواضح من طريقة كلامهم أنهم مش مصريين
عمر:اممم.هنعمل ايه
ريان بخبث:سيبولي انا الموضوع داا
ياسين:وأنا كمان هعمل اللي عليا وهستفسر من الجهاز وأجمع شوية معلومات
عمر:وأنا هعمل اللي عليا
بعد مرور قليل من الوقت وعد نايمة وشهد بتكلم مامتها وريان قاعد معاها....
وعد بتعرق جامد
وعد:لا لا لا لا متقتلونيش....لا لا
ريان:وعد اهدي.... دا كابوس
وعد قامت بفزع:لاااااااااااا
ريان:أهدي أهدي دا كابوس
وعد:انا عاوزه أروح
ريان:انتي لسة تعبانة
وعد بدموع:أرجوك
ريان:تمام
وبالفعل خرجوا كلهم من المستشفى
وكلوا روح بيتوا وريان وصل وعد
وعد:شكرا....عن ازنك
ريان:هاجي معاكي..... أنتي لسة تعبانة
وعد:لا مافيش داعي..... عن ازنك
ريان:تمام
ريان استنى لما تدخل وركب عربيتوا ومشي
وعد دخلت....
وعد:ماما انا......عمي
صالح:ااه عمك.... مالك مصدومة كداا ليه ايه شوفتي عفريت
وعد:ماما فين
صالح:هاتوها
طلع اتنين رجالة ماسكين أسماء والدتها وحطين مسدس على دماغها
وعد بخوف:ماما....أرجوك سيبها.....أعمل اللي انت عايزوا فيا أنا....بس أرجوك بلاش أمي
صالح:هتمضيلي هنا
وعد بدموع:ايه داا
صالح:هتمضيلي على كل أملاكك اللي هي من حقي..... وكمان ورقة جوازك من عبدالله
وعد بصدمة ودموع:خد كل حاجه بس جواز لأ أرجوك
صالح:خلصوا عليها
أسماء:اوعي تمضي ياوعد...أنا كده كده هموت بس بلاش والنبي يابنتي
وعد بعياط:خلاص هعمل اللي انتوا عايزينوا
ايجا عبدالله من وراها:تعجبيني
وعد بدموع:أنت واحد حيوان وأنا بكرهك
عبدالله ضربها بالقلم وقعها على الأرض ومكتفاش بكداا مسكها من حجابها وخلعهولها
عبدالله:قولي كده تاني قولتي ايه
وعد بةمود مصتنع:بكرهك وهفصل اقولهالك طول عمري بكرهك..... بكرهك
عبدالله اتعصب ومسكها من شعرها وخبط دماغها في الحيطه كذا مرة.... وهي دماغها قعدت تنزف كتير مسكها من شعرها وخدها عند الترابيزه اللي عليها الورق
عبدالله:امسكي امضي وخلصينا
وعد الدنيا بتلف بيها وشايفة كل حاجه قدامها تطاش
وعد خدت القلم ودموعها نازله على وشها وبصت على والدتها بدموع وبصت على الورق اللي قدامها وفضلت بصالوا كتير عبدالله مسكها من شعرها ووعد صوتت
عبدالله:ماتمضي اخلصي
ومسكها من شعرها ولسه هيخبط راسها في الترابيزه ايد حد اتحطت تحت راسها......