رواية شهد الفهد
الفصل التاسع عشر
والعشرون
بقلم شهد احمد
فهد : شهد تعالي
شهد : طيب ثانية
شهد : في ايه ومين دول
فهد : دول الخدامات مش انا قايلك رجعتهم ودي شهد مراتي
جاكي واحدة من الخدامات : ايه انت اتجوزت
فهد : ايوة مالك مستغربة كدا ليه
جاكي : لا مفيش بس اصل حضرتك كنت رافض موضوع الجواز دا يعني
فهد وهو يشد شهد لتجلس بجانبه ويضع يده فوق كتفها : دي حقيقة بس من ساعة ما شوفت شهد وعيونها سحرتني ومقدرتش متجوزهاش مش كدا ي شهودتي
شهد : شهودتك مين ي عم اوعى كدا
فهد : معلش اصلها بتتكسف شوية واكمل بهمس لشهد لو اتحركتي او زقيتي ايدي هزعلك اثبتي كدا
شهد : ما انت ال غريب و بتقول كلام اغرب وبعدين ازاي تحط ايدك عليا كدا
فهد : انتِ مراتي واعمل ال انا عاوزة متتحركيش
واخدوا يتحدثوا بهمس ولم يلتفتوا لتلك التي كانت تشتعل من شدة الغيط
جاكي : فهد بيه ياريت تقولنا شغلنا ايه ع نمشي بدل ما احنا واقفين كدا
فهد : لما اكون بتكلم انا ومراتي يبقى محدش يقاطعنا ودي اول واخر مرة هقولهالكوا والكلام ليكوا كلكوا اي حاجة تحصل هنا ملكوش دعوة بيها ولا تدخلوا في اي حاجة اتفضلوا يلا كل واحد ع شغله
وبعد مغادرة الجميع
شهد وهي تنتزع يده : اوعى كدا ايه ال انت بتعمله دا
فهد ببرود : بعمل ايه
شهد : ونبي
فهد : لاحظي انك مراتي اغنيهالك
شهد : طب ي سيدي ماشي انا مراتك ايه بقى ال اول ما شوفت عيونها سحرتني والهبل دا دا انت من اول ما شوفتني وانت مش طايقني وبعدين مين البت ال كانت واقفة متغاظة دي وكانت بتبصلي كدا ليه
فهد : بالظبط هو الموضوع كله في البنت دي
شهد : مالها يعني
فهد : بتحبني
شهد : ع ايه بلا قرف
فهد : اتلمي ع اكمل
شهد : اتفضل
فهد : البنت دي اسمها جاكي ومن اول ما جت الڤيلا دي وهي بتحاول تتلزق فيا واعترفتلي بحبها قبل كدا وطردتها وجت اعتذرتلي وجبتها تاني مع اني عارف انها لسة بتحبني
شهد : ولما انت عارف كدا سايبها ليه
فهد بغرور : عادي ما طبيعي اي بنت تشوفني تحبني ومش معقول همشي الخدامات والعمال ال في الشركة والبنات ال في الشارع كمان
شهد : مش هتكلم ع مرارتي بس البنت دي شكلها حلو اوي وميبنش عليها انها خدامة و كدا
فهد : ماهي مش خدامة فعلا
شهد : وهو انا لازم اقول يعني ما تحكي الحوار كله ع بعضه
فهد : هي بنت عادية جدا وليها اهل وعايشين عيشة حلوة وكانت بتشتغل معانا في الشركة بس زي ما بقولك كدا ع بتحبني فجت اشتغلت هنا وانا وافقت لأني كنت عاوز خدامات
شهد : طب واهلها عارفين
فهد : لا ميعرفوش هي بتطلع اكنها رايحة الشركة وبتروح بالليل عادي ولما بتبات بتفهمهم انها عندها شغل كتير وهتبات في الشركة
شهد : وكل دا عشانك !!!!
فهد : شوفتي بقى
شهد : البنات اتعمت تقريبا
فهد : عقبالك
شهد : متحملش كتير انت اخر واحد في الدنيا ممكن ابصله اصلا
فهد : ي بنتي انتِ هبلة متنسيش ان انا اساسا اساسا جوزك
شهد : وياريت كمان حضرتك متنساش انك اساسا اساسا متجوزني غصب وهتطلقني
فهد : عارفه المشمش
شهد : اه عرفاه ماله
فهد : هو في المشمش بقى لو طلقتك انا نازل سلام
_________________________
مجهول : وصلتي لإيه
اسيل : ولا اي حاجة الواد مش طايقني
مجهول : دا كله ميمهنيش اتصرفي امال انا بديكي الفلوس دي كلها ليه اخرك كمان اسبوع لو معرفتيش توقعيه وتجيبي الورق هتكون نهايتك وقام بإغلاق الخط في وجهها
اسيل : اوف انا لازم اتصرف
*_في مكتب الجد*_
الجد : مينفعش ال انت بتعمله دا الخطة لازم تكمل
مروان : بت ملزقة وانا مش طايقها
الجد : معلش استحمل النهاردة بس لازم تدخلها اوضتك ع نعرف نكمل خطتنا
مروان : هحاول وبعدين انت هتجوزني مايا امتي
الجد : انت اهبل ي بني ما تركز في ال احنا بنعمله الاول
مروان : ماشي بس انا استنيت كتير اول ما نخلص من البت دي هعترفلها بحبي واتجوزها وال يحصل يحصل بس كدا سلام
الجد : ياربي عايش مع مجانين
_________________________
*_في المساء*_
ميرنا : بتفكري في ايه
جاكي : بفكر اطفش البت دي ازاي
ميرنا : وهتستفادي ايه لما تتطفش او يطلقها انتِ عارفه انه مبيحبكيش و مستحيل يتجوزك فوقي ي جاكي انتِ بتشتغلي عنده يعني الخدامة بتاعته تفتكري هيتجوز خدامة
جاكي : اخرسي
ميرنا : لا مط هخرذ انتِ لازم تفوقي من ال انتِ فيه دا
جاكي : بقولك ايه ما تروحي وتسيبيني في حالي
ميرنا : وانتِ مش هتروحي
جاكي : لا انا هبات هنا النهاردة
ميرنا : تمام واعقلي كدا ع متجبيش لنفسك مشاكل
*_في غرفة شهد*_
شهد وهي تقرأ الرواية : اوووف بقى البارت خلص ليه عاوزة اكمل يلا مش مشكلة نقوم نتسلى في اي حاجة كدا
شهد وهي تنزل ع الدرج : شكله لسة مجاش الحمدلله
ولكن في هذة اللحظة سمعت نفس الصوت الذي كان يخيفها ذلك اليوم
شهد ببكاء : يا ربي بقى اسكت ونبي اسكت فههههههد
وجاء فهد يركض اليها ولكن عندنا دخل فهد توقف الصوت
فهد : في ايه اهدي
شهد : الصوت الصوت
فهد : صوت ايه انا مش فاهم حاجة
شهد بدموع : الصوت ال كنت بقولك عليه كان موجود دلوقتي
فهد : طب اهدي بس مفيش حاجة تعالي نطلع فوق
وصعدوا الى الغرفة ولكن لم ينتبهوا لتلك التي تراقب ما حدث من اول تشغيل فهد لهذا التسجيل نعم هو الفهد الذي يشغل هذا التسجيل ليخيفها
جاكي : بقى كدا وتقول سحرتك حلو اوي دا
فهد وهو يضمها : اهدي مفيش حاجة خلاص
شهد : والله كان في صوت وكان وكان
فهد : هششش خلاص
شهد وهي تستوعب انها في احضانه ونهضت : ها خلاص انا مش خايفة بس هو ممكن انام هنا
فهد : ماشي بس نامي ع السرير النهاردة وانا هنام ع الكنبة
شهد : لا لا نام انت ع سريرك وانا هنام ع الكنبة
فهد : انا بأمرك نامي
شهد بخوف : حاضر
وذهبوا في ثبات عميق ولا يعلموا ما الذي سيحدث في الصباح
*_في الصباح*_
شهد : صباح الخير
جاكي وباقية الخدامات : صباح النور
شهد : جهزتوا الفطار ولا اجهزوا معاكوا
ميرنا : لا ي مدام جهزناه ارتاحي انتِ وهنجيبه
لحضرتك دلوقتي فهد بيه فطر من بدري وقاعد في الجنينة
شهد : تمام
جاكي لنفسها : انا لازم انفذ خطتي دلوقتي
دخل فهد الى الڤيلا ووجد شهد تجلس وهي تنظر الى الفراغ
فهد : صباح الخير
شهد : صباح النور
فهد : بقيتي احسن
شهد : اه الحمدلله
وفي هذا الوقت كان عاد الصوت المخيف مرة اخرى وقالت شهد في رعب سامع هو دا الصوت ال بقولك
عليه واخدت شهد تتبع مصدر الصوت حتى وجدت
چاكي تقف امام مسجل وتشغله
شهد بدموع : اقفلي البتاع دا
جاكي : انا اسفة بس انا بحسبه صب عادي وكنت
جاية اشغل موسيقى ع فهد بيه معودنا ع كدا
معرفش انه هيعمل الصوت دا وكمان شوفت فهد بيه
كان بيعمل فيه حاجات بالليل ف
شهد بصدمة : ايه !!!
الفصل العشرون
شهد : ايه الكلام ال انتِ بتقوليه دا
جاكي : والله هو دا ال حصل حتى اسألي فهد بيه
شهد وهي تلتفت له : الكلام ال هي بتقوله دا بجد
فهد : انتِ ازاي تيجي ناحية حاجة مش بتاعتك
شهد بصوت عالي : رد عليا
فهد : تعالي نتكلم فوق
شهد ببكاء : مش متحركة غير لما تقولي الصب دا بتاعك ولا لأ
فهد : ايوة بتاعي وياريت تيجي بقى نتكلم فوق وسحبها من يدها واتجها الى الطابق العلوي
ميرنا : ارتاحتي كدا
جاكي بخبث : اوي
ميرنا : وانتِ كدا ضامنة انهم هيطلقوا يعني
جاكي : لو مطلقوش المرة دي نحاول مرة تانية مش مشكلة
ميرنا : دا لو فهد بيه سابك قاعدة هنا دقيقة واحدة
جاكي بمكر : هيسبني
_______________________
جاسر : جدو لو سمحت انا هاخد سما النهاردة ونتغدى برا ممكن
سما : لا
جاسر : ماشي ولا لأ ي جدو
الجد : والله يبني انا معنديش مانع بس اكيد مش هتاخدها غصب عنها
جاسر : هتيجي بمزاجها
سما : مش هروح في حتة وذهبت الى الحديقة
الجد : انتوا متخانقين
جاسر : لا انا هقوم اشوف فيه ايه
مروان : وانا رايح الشركة
اسيل بدلع : هترجع امتى
مروان بجدية : لما اخلص شغل
اسيل : متتأخرش عليا
مايا لنفسها : طب اقوم اديها بالشوكة دي في بطنها يمكن تموت ونخلص يارب صبرني وكان الجد يلاحظ حركاتها في صمت وهو يبتسم
________________________
شهد : ليه كل دا انا عملتلك ايه
فهد بجهر : ماهو المشكلة انك معملتيش ال عمل ال خلفك
شهد ببكاء: ال خلفني هههه ال انا عمري ما شوفته اصلا ولا اعرف شكله ولا اعرف هو مين ولا اعرف اي حاجة عنه يدوب عارفه اسمه ليه تعاقبني ع ذنب انا معملتوش من اول يوم جيت فيه عندكوا وانت مش طايقني وبعدين اتجوزتني غصب عني ودلوقتي عاوز تطلعني مجنونة ليه ليه حرام عليك
فهد : عاوزة تعرفي ليه هقولك ليه ع ابوكي هو ال قتل ابويا وحرمني منه من وانا لسة طفل بقيت يتيم كان كل اصحابي عندهم اب وانا لأ في اي حفلة كان ابهاتهم كلهم يجوا وانا لوحدي كل حاجة كنت بعملها لوحدي وكل دا بسبب باباكي
شهد : طب ليه عمل كدا
فهد بدموع : كان حاطط عينه ع امي وكان مستخسرها في ابويا ع كانت حلوة اوي وهو كان احلى من بابا كان بيقول ازاي اكون انا كدا وهي ترفضني فحب ينتقم منها وقتله لأن امي كانت بتحبه اوي عرفتي ليه بعمل كدا وجلس بجانب السرير وهو يبكي
شهد بدموع : وهي تجلس بجانبه ليه مقولتليش كدا من الاول
فهد : مكنتش عاوز اقولك غير لما انتقم منك بس اكتشفت اني غلط و انك ملكيش ذنب
شهد وهي تجذبه الى احضانها : اهدى
فهد : سامحيني بس انا كنت معمي ومكنش في دماغي غير اني انتقم وبس
شهد : انا مسامحاك وحاسة بيك وحطيت نفسي مكانك
فهد : شهد
شهد : نعم
فهد : انا بحبك
شهد : ايه
فهد : بحبك من اول يوم جيتي فيه بس كنت بكابر وبكذب نفسي بس اكتشفت اني بحبك ومقدرش استغنى عنك بقيت بحب وجودك وبحب ارخم عليكي ع اشوفك وانتِ متعصبة بيكون شكلك حلو اوي وكنت باجي كل يوم بالليل وانتِ نايمة واقعد ابص عليكي
شهد : انت بتكلمني انا
فهد بإبتسامة : مكنتش متخيل ان بعد كل ال عملته فيكي دا تسامحيني بسهولة كدا انتِ طلعتي ملاك بجد زي ما كلهم بيقولوا عليكي
شهد : ها
فهد : انا عمال اقولك كلام حلو واعترفلك بحاجات مش عاوزة تعترفي بحاجة
شهد : بص هو انا مش مستوعبة ال انت بتقوله بس هو انت سخن
فهد : اول مرة اكون كويس كدا وبالذات في المكان دا
شهد وهي تنتبه لوضعهم : انت كنت بتعيط بس وانا مبعرفش اشوف حد بيعيط واسيبه اسفة
فهد : انا ال اسف
شهد : ع ايه
فهد : ع كل ال عملته
شهد : خلاص عادي انت زي جوزي برضو
فهد : طب انا دلوقتي انزل اطرد جاكي ولا اشكرها ع ال عملته
شهد : شكلها بتحبك اوي ع فكرة لدرجة انها عملت كدا ع تخلينا نتخانق
فهد : حقها بصراحة وهو حد يشوف القمر دا ويقدر يقاوم
شهد وهي تنهض : كتلة غرور بتتكلم اول مرة اشوف كتلة غرور تتكلم وغادرت الغرفة
فهد لنفسه : زي ما خليتك تكرهيني هخليكي تحبيني ي.....ملاكي
_______________________
جاسر : القمر زعلان ليه
سما : مفيش مخنوقة شوية
جاسر : ليه مش عاوزة تخرجي
سما : انا قايلالك من اخر مرة معتش هخرج معاك
جاسر : هبقى مؤدب والله بس نخرج نتفسح شوية يمكن الخنقة تروح
سما بطفولة : هتوديني ملاهي
جاسر : من عيوني
سما : هتغديني ايه
جاسر : ال انت عاوزاه ي طفسة
سما : انا طفسة طب مش جاية
جاسر : انا اسف انا ال طفس
سما : ايوة كدا اتظبط
جاسر : ع الساعة 7 اشطا
سما : اشطا
________________________
شهد وهي تجلس ع السفرة وتحدث نفسها: هو بجد قالي بحبك انا مش مصدقة طب كنت اقوله انا كمان بحبك وال يحصل يحصل ولا لأ اتقلي كدا ي بت خليه يتعذب شوية بس لو قالهالي تاني والله اقوله بحبك وافضحكوا هما مين دول ال هتفضحيهم ي متخلفة انتِ كدا هتفضحي نفسك لما يبقى يقولها تاني يبقي ربنا يسهل
فهد : مش ناوية تاكلي ولا هتفضلي سرحانة كدا كتير
شهد : ها هاكل اهو
فهد : بس تعرفي
شهد : لا معرفش
فهد : شكلك حلو اوي وانتِ سرحانة
شهد : انت متعرفش
فهد بإبتسامة : لا معرفش
شهد : انا حلوة في كل الاحوال
فهد : كتلة غرور بتتكلم اول مرة اشوف كتلة غرور تتكلم
شهد : قلدونا بقى
واخدوا يضحكون
جاكي بغيظوهي تقف في المطبخ وتنظر اليهم : ازاي
ميرنا : ازاي ايه
جاكي : كان المفروض يتخانقوا ويطلقها ازاي قاعدين بيضحكوا مع بعض دلوقتي وهما من شوية مكنوش طايقين بعض
ميرنا وهي تنظر لهم بإعجاب : لايقين ع بعض اوي ما شاء الله ربنا يخليهم لبعض
جاكي : الا قوليلي ي ميرنا نفسك تتقتلي صح
ميرنا : لا يختي شكرا
جاكي : يبقى تخرسي والله ما ههنيهم والخطة دي منجحتش نجرب خطة تانية اما نشوف اخرتها
_______________________
*_في المساء*_
اسيل وهي في غرفتها : انا لازم اعمل اي حاجة بس هعمل ايه لما روحت اوضته المرة ال فاتت طردني بس انا لازم اتحرك بدل ما اتقتل انا هروح تاني
وخرجت من عرفتها متجهة نحو غرفة مروان
طق طق طق
مروان لنفسه : دي اكيد الزفتة يارب صبرني وخلي الليلة دي تعدي ع خير والخطة تنجح
مروان بعد فتح الباب : نعم
اسيل بدلع : هتدخلني المرادي ولا زي المرة ال فاتت
مروان بغمز : معقول هسيب القمر دا واقف ع الباب ادخلي
اسيل : اوووه ع طول كدا
مروان : طبعا انتِ تدخلي المكان ال انتِ عاوزاه في اي وقت ي قلب مارو
مروان لنفسه : استغفر الله العظيم ع الكذب دا
مروان : اتفضلي ي حبيبتي
اسيل بعد دخولها الغرفة : اوضتك حلوة اوي
مروان : بقت احلى لما دخلتيها
اسيل : ايه الروقان ال انت فيه دا
مروان : ماهو مش معقول مراتي ام بنتي هتكون بالجمال دا ومزاجي ميكونش رايق ولا انتِ ايه رأيك
اسيل وهي تضحك بصوت عالي : هههههه لا دا انت رايق اوي
مروان : تشربي ايه بقى ي قمر
اسيل : اي حاجة منك هشربها
مروان : حلو دا
وذهب مروان ليسكب كأسين من المشروب وقام بوضع منوم في كأسها
مروان : احلى كاس لأحلى اسيل في الدنيا
واخذت تشرب الكأس وهم يتحدثون
اسيل : انا نعوست اوي اول مرة ابقى عاوزة انام بدري كدا
مروان : ليه كدا
اسيل وهي تحاول التحرك من مكانها : مع رفش بس انا دايخة اوي هقوم اغسل وشي كدا
مروان : اساعدك
اسيل : لا
وفجأة سقطت في الارض مغشيا عليها
مروان بإبتسامة نصر : حلو اوي كدا هو دا ال احنا عاوزينه