زوج تحت التهديد
الفصل الاخير
بقلم تسنيم محمد
نظر له جاسر بغضب وهو يقول سما مش عايزين حاجه اتفضل امشي من هنا ثم انت عرفت العنوان منين.
قال له المحامي انا عرفته من النيابة الأدريه ولازم اقبل انسه سما علشان ننهي الاجراءت دي ثروة كبيرة وهي الوريثه الوحيدة للأملاك دي بأمر من المرحوم رافت والوصيه بتاعته والتنازل الي هو عمله ليها لما يتوفي.
كان جاسر مصدوم لا يعرف ماذا يفعل
في هذا التوقيت دلفت سما مع كريم فكان موعد الطبيبة وكانت ستذهب مع كريم اليها.
نظر المحامي لها وهو يقول حضرتك انسه سما محمود الدمنهوري
فنظر له كريم بغضب وهو يقول مدام سما وامسك يدها بتملك امامه
فغمغم المحامي بإعتذار وهو يقول اسف مكنتش اعرف فأوما له كريم وكاد ان يذهب مع سما حتي نادي عليها المحامي وهو يقول بس انا كنت عايزه المدام علشان الورث.
فنظرت له سما بذهول وهي تقول له ورث ايه!
فقال لها المرحوم رافت عبد السلام المحمدي كاتب كل املاكه باسم حضرتك وتستلميها بعد وفاته.
نظرت سما الي جاسر بتعجب وهي تقول بصوت خافت رافت مين وورث ايه انا معرفش حاجه اكيد حضرتك مختلط عليك الامر.
في هذا التوقيت كان اتي الجميع علي صوت جاسر وهو يقول له بغضب انت لو ممشتش من هنا حالاً هوديك في ستين مصيبه وهقعدك في بيتكم اتفضل اطلع برا
اسرع كريم بضم سما له وكأنه يعطيها الامان وهو يهمس بإذنها قائلا اهدي فقط شعر برجفتها.
اما محمود قال بهدووء اهدي يا جاسر في ايه.
نظر له جاسر ثمَ نظر الي نوال بغضب وحزن وعتاب وصمت اقتربت منه كارمة وحاولت ان تمسك يده ولكنها خشت ان يغضب اكثر فعادت يدها الي مكانها
فقال كريم المحامي بيقول ان في ورث من شخص اسمه رافت كاتب املاكه باسم سما
جلست نوال ارضاً وانهمرت من عنيها العبرات فنظر لها محمود وقال صحيح هي سما محمود الدمنهوري ونا هبقي اجيب بنتي لحد عندك علشان ننهي الاجراءت ممكن تتفضل دلوقتى.
اومأ له المحامي وذهب بصمت فنظر جاسر الي ولده بصمت فقد علم الآن ان ولده يعلم الحقيقه. لم يستطع ان يقف اكثر من هذا فهو يشعر بالخذلان فسحب يد كارمة وصعد بها بصمت الي الاعلي ولم ينطق كلمة واحدة فهو لا يعلم ماذا عليه ان يفعل ولا يستيطع ان يغضب علي ولدته فهي ستظل ولدته مهما حدث ولهاذا انسحب كي ينفس غضبه بعيداً عنها ويترك ذمام الامور الي ولده.
نظرت سما بذهول وامسكت يد كريم دون ان تشعر فقبض كريم يده عليها برفق فقالت بابي انا مش فاهمه ورث ايه ده.
نظر لها كريم وهو يقول طيب حبيبتي انا هطلع اجيب حاجه من فوق واجي فتمسكت بيده بشده وهي تقول له لا خليك معاية.
نظر لها محمود وهو يقول شوفي ياسما انتي وكريم تعالو المكتب ونظر الي نوال وقال خليكي انتي هنا يانوال
اومأت له نوال بصمت وهي تبكي فنظرت لها ناديه واخذت تربط علي كتفيها وصعت كلاً من عمرو وكاميليا الي الاعلي فيبدو ان الموضع خاص ولا يعنيهم
دلفت سما مع كريم الي الداخل قائله بابي انا مش فاهمة حاجة مين رافت ده
فأجب عليها محمود رافت ده اللواء رافت عبد السلام المحمدي .
فقالت سما بتذكر اه اونكل رافت طيب ليه يكتبلي حاجة مش هو اتوفي
نظر لها محمود بإرتباك وقال لها شوفي يا حبيبتي انا هقولك الحقيقية بس ده مش هيقصر عليكي فاي حاجة اتفقنا
اومأت له سما بهدوء
رافت معندوش وريث وهو كان صديقي المقرب وابنه الوحيد كانت في نفس سنك كده واتوفي ومراته كان عندها مشكلة في الانجاب ومن سعتها وهو بيعتبرك انتي بالذات بنته وكان بيحبك اووي وعلطول يسأل عليكي فتقريبآ كتب لك كل املاكه لانه عارف انه ملهوش وريث شرعي يورثه
نظرت له سما بعدم فهم قائلة باردو ليه يكتب لي كل شيٕ
هو كان خطيب ولدتك قبل منتجوز احنا ولما نوال اتجوزتني وهو اتجوز فضلو اصدقاء بس هو اعترفلي انه كان بيحبها لحد قبل ميتوفي ولما مراته اتوفت وابنه الوحيد هو معتقد انه انتم الي المفروض تكونه اولاده علشان نوال كانت هتكون مراته
انا مش فاهمة يابابي ده مريض مش الاولى كان عمل شئ لربنا وبعدين ازاي اولاده انا مش فاهمة حاجة فهمت حاجه يا كريم
امسك كريم يدها برفق وقال ايه الي مش مفهوم صاحب ابوكي كان خاطب امك واتجوز واحده مش بتخلف وانتم ماشاء الله جيتم فإستكتركم علي ابوكي بعد ما ابنه مات واعتبركم ولاده وانتي نفس سن ابنه علشان كده كتب لك كل حاجة لانه بيعتبر انك انتي الي المفروض تكوني بنته
طيب مكتبش لجاسر ليه يا بابي
قال محمود بهدوء علشان جاسر عرف الحقيقة وكمان هو كان عاوز يقتلني انا وجاسر علشان يتجوز ولدتك وهو الي كان بيأخر الشغل بتاعي لما كنت في المهمة وكان بينقلهم ان البوليس هيداهم في الوقت ده قبل مينفذو مهمتهم فأضر ابين اني منهم واسكت ومقولش علي المكان الجديد علشان محدش يشك فيا
تجمعت العبارت في عين سما وهي تقول بعد الشر عليكم يا بابي ده راجل مجنون وانا مش عايزة الفلوس دي انا هعمل لحضرتك توكيل وتخلصني من الفلوس دي بليز انا مش عايزة اسمع حاجة تاني عن الراجل ده عمري ما هسمحه انه بعدك عني او انه كان عايز يقتل اخويا.
ابتسم لها محمود وهو يقول بالعكس بقي انتي ممكن تعملي حاجه بلفلوس افتحي حضانه مثلا او عيادة لله او حتي تتبرعي بيهم للاطفال فاهماني
اومأت سما ولكنها قالت بس ارجوك خلص انت كل حاجه انا هعمل لحضترك التوكيل ماشي
اومأ لها محمود فقال كريم طيب يلا احنا بقي يا سمسم علشان منتأخرش علي مشورنا
اومأت له سما وذهبت معه الي الطبيبه
*******************************
خرج محمود الي الخارج فوجد نوال تنظر له بترقب فإبتسم لها قائلاً قولتلها انه كان بيكرهني وبيحبك وعايز يقتلني وعلشان كده كتبلها الفلوس وياريت يكون كلامنا واحد الاب هو الي بيربي يا نوال وسما بنت قلبي
اومأت له نوال وهي تبكي بشدة قائلة له من بين شهقتها انا اسفه يا محمود اسفة
ربط محمود علي يدها وهو يقول اهدي وامسحي دموعك خلاص كل شئ اتحل وده كان اختبار لينا كلنا من ربنا الحمدلله وقولتلك اني مسامحك لانك باردو حفظتي علي نفسك ولاني
لسه بحبك بس اديني وقت انسي الموضوع ده ماشي ثم تركها دون ان يستمع الي ردها في هذه الحظة كان جاسر يستمع الي حديثهم عندما ترك كارمة ونزل يحضر هاتفه الذي تركه علي الطولة في الاسفل
نظرت نوال اليه وهي تبكي فإقترب منها جاسر وهو يقول لها ده سرنا الصغير ومحدش هيعرفه ابدا امسحي دموعك بقي وصلحي الرجل الغلابان ده علشان اصلحك انا كمان يا نوال ثم قبل رأسها وذهب وهو يبتسم
*****************************
بعد ثلاث سنوات
كانت كارمة نائمة هي وجاسر حتي شعرت بيد صغيرة علي وجهها تقوم بشد شعرها بقوة ضعيفة بالنسبة لها ابتسمت وهي تفتح عنيها فوجدت فهد صغيرها الذي يبلغ عمره سنتين ينظر لها ببراءة وهو يحاول الحديث فيقول كلام غير مفهوم منه غير ماماماماا
ابتسمت كارمة وقامت تحضنه وهي تقول صباح الخير يا عيون مامي جعان حبيبي حالاً اكل فهد باشا هيكون عنده ابتسم الصغير لها ثم نظر الي ولده النائم فقام وقف ثم قفظ عليه وهو يمسك عينيها يحاول فتحها بيده الصغيرة فلف جاسر جسده سريعاً وحمله وهو يقول له اخر مره هنيمك جنبآ انا مش عارف انام منك بقالي سنتين ولا اعارف استفرد بأمك ياض
نظر له الصغير وهو يقهقه ببراءة فإبتسم جاسر وقبل يده وراسها وخديها ثم اخذ يدغدغ جسده والصغير يصهلل فقالت كارمة بإبتسامة كفاية يا جاسر علشان ياكل
نظر لها جاسر بإبتسامة وهو يقول لها ببقي عايز اكله الواد ده زاي القمر زاي امه
فإبتسمت كارمة وهي تقول النهاردة النتيجة بتاعتي هتبان خايفة اووي
متخافيش حبيبه قلبي دكتورة شاطره ونجحت فكل الايام الصعبة العدت يعني اكيد هتنجحي المر دي كمان قولي بس يارب
اخذت كارمة الصغير تطعمه وهي تقول اه صح النهارده افتتاح عيادة كريم
ابتسم جاسر وهو يقول جبت هديه متجبيش حاجة متقلقيش عامل حسابي
ثم اقترب منها وقبل رأسها وهو يقول هاخد شاور وانزل اقابل عمرو عايز يجيب حجات الملجأ من التبرعات الي جت له هروح معاه نجيب هدوم وحجات للاطفال
وانا هروح لسما في الحضانه وكاميليا هناك ونتقابل بليل
اومأ لها جاسر وهو يقبل صغيره ونظر له قائلاً الود ده مش هينام هنا تاني انا بقولك اهو مش كل ميعيط تجبيه من اوضه تنيميه وسطنا انا ابني راجل مش بيخاف ماشي
حاضر ثمَ قالت اه صحيح هي ماما نوال وانكل هيجو امتي دي سما قربت تولد
انا كلمتهم امبارح خلصم مناسك العمرة وان شاء الله اخر الاسبوع هيجو
يارب تكون عمرة مقبوله
ابتسم جاسر وهو يقول ان شاء الله عقبلنا يلا همشي انا علشان عمرو بداء يزن
*******************************
كانت نوال تقراء ورد القرآن الكريم حتي صدقت ثم نظرت الي محمود الذي ينظر لها برضا تشعر به فأقتربت منه وهي تقول بإبتسامة انا مش عارفة يا محمود اقولك ايه انا بحمد ربنا كل
يوم عليك انت عوضي من الدنيا ولو فضلت كل يوم اشكر لانك اتفهمتني ومسبتنيش مع انه كان حقك وكان حقك تعمل اي حاجه وكان هيكون قليل باردو مش هوفيك حقك انت راجل عظيم يا محمود عظيم اووي وانا بحبك اووووي
ابتسم محمود وهو يقول انسي الي فات خلاص احنا مش هنعيش اكتر من الي عمرنا الي فات يا نوال وانا باردو كنت مقصر معاكي وسيبتك وكان شغلي رقم واحد مخلتيكيش تشعري بالثقة انك تيجي وتحكيلي كل حاجه من غير متخافي ولا تفكري مقدرتش احتويكي واخليكي تشعري بالأمان يمكن
لو انا من الاول صديق ليكي قبل ماكون حبيب كنتي حكيتي كل شئ بس خلاص الي فات مات وادفن واحنا ولاد النهاردة انسي يا حبيبتي العمر مباقش باقي فيه اكتر من الراح مش هنقضيه في عتاب وحزن
نسيت يا محمود نسيت كل حاجه من ساعة مسمعت حبيبتي منك دي نسيت كل لحظه خوف عيشتها ولحظه قلق نسيت يا حبيبي ربنا يبارك لي في عمرك ياارب
ويخليكي لينا يلا غيري هدومك علشان هنروح المسجد النبوي الشريف يلا علشان نلحق اليوم من اوله
ابتسمت نوال وهي تقول ثواني وهكون جهزة
*******************************
كانت تكوي له ثيابه فدلف الي الغرفة بغضب وهو يقول هو انا المفروض اقول لحضرتك كام مرة ترتاحي مش بتسمعي الكلام ليه غاوية تعب
نظرت له وهي تبتسم بسعاده فتبان غمزتها الذي تفقده صوابه قائلة بكويلك القميص يا حبيبي
نزع كريم من يدها القميص بغضب وهو يقول شكرا بحب البسه متكرمش
شربتي اللبن بتاعك نظر جانبها وجد الكوب مثلما هو طبعاً لا بكلم طفلة انا صح
ثم امسك الكوب واعطاها ايه قائلاً اتفضلي تشربيه كله ثم وجد ثيبها موضوعه بجانبها علي السرير فقال وهو يضم جبينه هدوم الخروج بتاعتك متجهزة ليه
نظرت له ببراءة وهي تشرب الحليب قائلة رايحة الحضانة
قبض كريم علي يده بغضب وهو يقول لها سما انا سبتك تروحي الحضانه بقالك تمن شهور انتي في التاسع وممكن تتعبي في اي وقت ممكن لو سمحتي تسمعي الكلام ومفيش نزول من البيت انتي ليه بتنسي انك حامل في تؤام وانتي ضعيفة والدكتورة قالت الراحة التامة في اخر شهر علشان متتعبيش
قالت له ببراءة مزيفة انا مش بعمل حاجه والله دي كارمة وكاميليا هما الي بيعملو كل حاجه انا مش بتحرك
اه صح كارمة الي فهد مغلبها وكاميليا الي جميلة هانم مطلعه عنيها صح
شوفي بقي الي عيزك يجيلك مفهوم وبعدين حضرتك مش هتحضري افتتاح العيادة بليل يعني نرتاح لبليل ممكن
ابتسمت له وهي تقول بإذن الله هتكون اكبر عيادة في القاهرة وتكبر وتبقي مستشفي كمان انا واثقة فيك يا حبيبي
اقترب منه بحب وهو يقول متفكريش انك هتضحكي عليا بالكلام مفيش نزول هنسمع الكلام بقي ماشي
احتضنته وهي تقول بحب حاضر هسمع الكلام وامري لله
شدت من احتضنها وهو يقول بامر ولو احتجتي حاجه قولي لماما
قالت سما بسعادة ماما ناديه مش بتخليني احط ايدي في اي حاجه زيك كدة بالظبط عملين عليا حصار مع ان يا دكتوؤ انت عارف ان الحركه كويسه للست الحامل علشان تسهل الولاده
نظر له كريم وهو يقول بحنو ده لو انتي هتولدي طبيعي لكن انتي هتولدي قيصري ثم انك مش حامل في طفل واحد مشاء الله دول تؤام وكمان عندك ضعف وفقر دم وكنت سيبك تروحي الحضانه زاي مانتي عايزة علشان الكلمتين دول لكن خلاص ثم امسك ارنبه اذنها وهو يقول ده انتي خارجه بليل يا ظالمه
ضحكت سما بحبور وهي تقول بحب خوفك عليا اوووي بحس اني أسعد ست في العالم
نظر له كريم وهو يقبل وجنتيها وهو يقول بعشق ينمو كل يوم اكثر من اليوم الاخر
انا الي اسعد راجل في العالم ده علشان ربنا رزقني بيكي يا روح قلبي وضي عيوني انتي عيوني البشوف بيها يا سمايا ثم
ركع كريم علي ركبتيه وقام بتقبل بطنها المنتفخه امامها وهو يقول لأولاده خلو بالكم من ماما ومتتعبوهاش اتفقنا
ثم قبل سما من شفتيها قبلة سريعة هامساً لها بحبك مش هتاخر ماشي
اومات له سما وهي تقول له لا إله الا الله يا حبيبي
محمد رسول الله يا حبيبتي ثم ذهب
ابتسمت سما بحب وهي تتذكر كيف كريم كان صبور معها الي اقصي حد فهو انتظارها سنه كاملة كي تتأهل وتستعد لذلك وأيضاً لم يتركها وحيدة فكان دائما يذهب بها الي عند الطبيبة النفسيه وعندما كان لا يستطيع ان يأخذها لها فكان يحضرها و عندما قالت له انها تريد ان تصبح زوجته فكان يعملها برقة
شديده فكانت تشعر وكأنها قطعة زجاج خائف علية من الكسر وأيضاً تتذكر عندما كان يعتذر لها خائف ان يكون قد المها دون ان يشعر وعندم استيقظت في اليوم التالي وجدته مجهز لها الفطور وبجانبها كوب حليب وورقة بجانبها عليها جملة بحبك
وتذكرت أيضاً عندما احضر ولدها المال لها وعرضته علي كريم كي يفتح العيادة الخاصة به ورفض وقال لها اعملي الي انني عايزه بفلوسك لكن انا عيادتي هتكون من مالي الخاص وبإذن
الله حلمي هيتحقق وأيضاً شجعها ان تفتح حضانه للاطفال عندما قال اعملي مشروع بتحبيه خاص بيكي حضانه مثلاً وتعلمي الاطفال الاذكية من دار كاميليا وبكدة نشجع الاطفال انهم يسمعو الكلام ويذكرو ماشي
وعندما كان يقترب منها في كل مرة كانت تشعر وكأنها اول مرة وكانها اميرة متوجة كان يعملها برفق وتأني الي ان اصبحت تتجاوب معه وأيضاً تبادر هي في بعض الاوقات.
وعندما اخبرته بحملها فكانت تشعر وكانها تملك الدنيا بأكملها فقط نست كل ما عشته من قبل واصبحت تشكر ربها انه عوضها زوج حنون ويحبها وحياة مستقرة وأيضاً كوبيسها
انتهت والآن رزقها الله بطفل تحمله من حبيبها في احشائيها وعندما عملت انهم تؤام واخبرته كانت تشعر انها تحلق فوق السحاب فهي تحمل بولد وفتاه حقآ عوض الله جميل وأيضاً
عندما اتي لكريم عمل في مستشفي استثماري بمرتب عالي ووفق عليه لم يترك المستشفى الحكومي واصبح يذهب مرتين في الاسبوع يكشف مجاني هناك الان اصبح لديه العيادة الذي لطلما حلم بها
وضعت يدها علي بطنها المنتفخه وهي تقول ربنا يحميكم يارب ويباركلي فيك يا احلي حبيب ونعمة من ربنا
*******************************
كانت تركض وراء ابنتها وهي تقول لها متغلبنيش يا جميلة هتكلي يعني هتكلي
يا عمروووو شوف بنتك الي انت مدلعها دي انا تعبت خلاص معدش فيا صحة ساعه علشان تلبس وساعتين علشان تاكل انت ناسي اني حامل والجري تعب عليا ده انا لسه في الشهور الاولي
كان يقهقه عمرو علي منظر كاميليا وهي تلبس مريول المطبخ وبيدها صحن فيه طعام مكون من تفاح مخفوق مع موز ومعلقه الاطفال الخاصة بجملته الشقيه الذي عمرها عام ونصف
وتركض من ولدتها فقام عمرو بحملها وهو يقول اميرة بباها بتجري وتعبه ماما ليه مدت الصغيرة يدها وقامت بتقبل وجهه ثم اختبأت في احضانه وهي تقول له امر *عمرو* فإحضتنها
عمرو بتأثر فهو دائماً يضعف امامها وامام عينيها الخضروتين الذي ورثتهم من ولدتها فنظر لكاميليا بغضب وهو يقول براحة عليها قدك دي هاتي انا هاكلها بنفسي البنت محتاجة حنيه مش شايفة خايف ازاي
بس حبيبة بابي ياروح امر انتي واجلسها علي الكرسي الخاص بها ثم اخذ يطعميها بنفسه والصغيرة تأكل بهدوء
فرغت كاميليا فاهه وهي تنظر لهم بغيظ ثمَ قالت بغضب دي بتتسهوك عليك دي بتتمايص دي مايصة دي مش معقول دي عندها سنه ونص لا ده انا الي عندي سنه ونص
ابتسم عمرو لصغيرته الذي تضحك لولدها وهو يقول لها مامي غيرنا من جميلتي ياروحي انتي
نظرت لهم كاميليا بإمضعاض وذهبت قائلة خلي بنتك تنفعك وخدها معك وانت رايح تقابل جاسر انا تعبانه ورايحة لسما البيت كريم لسه قافل معاية ومتنساش حاجه من الحجات الي انا كتبتها ماشي
ثم وضعت يدها علي بطنها الذي لم تبرز بعد وهي تقول انت الي هتكون حنين عليا حبيب مامي انت يلا بينا بابي شرير
نظر لها عمرو وذهب وجد العبارت تجمعت في عنيها فضم جبينه وهو يقول اوعي تقولي انك غيرانه من بنتك
قالت كاميليا بغضب انت بتحبها اكتر مني انا راحت عليا خلاص انت مبقتش تحبني انت هتخوني علشان انا تخنت شويه واضح من اهتمامك ببنتك انك عندك نايه الخيانه البنت بستك بس استسلمتلها يعني اي بنت في الشارع هتبصلك هتضعف قدمها بكرهك ياعمرو انا شكلي أوحش بسبب مين
مش بسببك انت وبنتك والي في بطني علشان انت باردو صممت اني احمل بسرعه واجيب اخ او اخت لجميلة علشان متكنش وحيدة ودلوقتي مش بتبصلي حتي وانا تعبانه من الحمل واهتمامك قل بيا مبقتش تحبني يا عمرو
اغمض عمرو عنيه بهدوء وهو يقول اهدي دي هرومنات حمل اهدي اهدي متتعصبش هي كانت اكتر من كده في جميلة ثم اقترب منها عمرو وهو يبتسم قائلاً بس انا بحبك انتي يا قلبي ولا عمري اقدر اشوف حد احلي منك وانا بحب جميلة ليه مش علشان هي شبهك وبنتك انتي انا مش بشوف بنات غيرك يا عمري الحلو انتي
ابتسمت كاميليا ولكنها قالت طيب منتا كنت هتحب جميلة حتي لو انا مش امها
اغمض عمرو عنيها بغضب وهو يصطك اسنانه ثم قال بس اكيد كنت هحب امها يعني مكنتش هتجوز واحدة مش بحبها فأكيد هحبها واكيد باردو اني هعشقها لانها بنتي
نظرت له كاميليا وهي تبكي وتصرخ قائلة يعني كان ممكن متتجوزنيش
نظر لها عمرو بغضب وقال بحده كاميليا انا مش فايق لهرموناتك دي جوز اختك مستنيني واخوكي كمان انتي عايزاني اقولك اني بكره جميله يعني هترتاحي
انهمرت دموعها وهي تقول انت بتقول ايه انت بتكره بنتك انت ازي تقول كده في اب يكره بنته قالتها بصراخ ثم قالت يعني ممكن ترميني انا وبنتك وابنك الي في بطني انت جاحد يا عمرو انا مش هسمحك ابدا وركضت تحمل ابنتها وهي تقول ولله لحكي لانكل عليك وعلي اسلوبك معاية انت مش طيقني ولا طايق بنتك
صرخ عمرو بعصبيه قائلاً كاميلياااا انا هتجنن حرام عليكي كل يوم نفس النكد ده واقول هرمونات حمل بس مش كدة انتي وحشتيني وحشتيني كوكي الهادية الدلوعه المايصة الي بدلعني مش كل يوم نكد كده
ثم حمل منها جميلة وهو يقبل يد صغيرته وهو يقول اسف ياروح بابي انتي عارفه ان مامي عصبتيني صح انما انا بعشقك يا روحي ثم قبل وجنتيها الحمراء وترك الصغيره علي كرسيها ثم حضن زوجته وهو يقول لها انتي اجمل واحلي واصغر
واشطر زوجه وحبيبه وعشيقه انتي كل حاجه حلوه ليا يا كوكي لازم تثقي في حبي ليكي وبطلي غيرة واتحكمي شويه في هرموناتك دي ممكن.
نظرت له بحزن وهي تبكي ثمَ احتضنها عمرو وهو يقول بضعف انا والله قدام عيونك دي مقدرش استمحل واشوفك بتبكي قدامي يا قلبي
قالت كاميليا بحزن انا والله بحبك وبعشق جميلة انا مش عارف مالي بس بجد غصب عني بتعصب اسفة يا روحي
خلاص هسيبك انا واروح لجاسر وكريم ونكمل كلمنا بليل ونشوف هتصلحيني ازاي ماشي
اومات له وهي تبتسم فقبل عمرو اعلي راسها وقبل يد ابنته وذهب اما كاميليا ابتسمت وحملت ابنتها كي تحممها وتغير ثيبها وتذهب الي سما
*******************************
مساءً كان الجميع في المطعم الذي حجزه كريم بعدما قام بإفتتاح العيادة الخاصة به فكان الجميع حاضر عدا نوال محمود فهم في السعودية
فكان يجلس الشباب كلاً من عمرو الذي يحمل جميلته وجاسر يحمل فهد اما كريم يضحك عليهم عندما تقرب جميلة من فهد وتمسك يده وتبستم ببراءة فيقهقه الصغير فينزعج عمرو ويبعد ابنته بعيداً وهو يقول لجاسر بغضب ابعد ابنك بعيد عن بنتي
فينظر له جاسر ببرود وهو يقول والله قول لبنتك هي الي تبعد انا ابني مش بيعمل حاجه ابني هادي انما بنتك هي الي بتلعب معاه
كاد ان يتحدث كريم ولكنه نظر الي سما فوجد علامات الإعياء علي وجهها فقال لها سمسم انتي كويسه فإنتبه لها الجميع فقالت الاخري مفيش يا حبيبي تعب مغص بسيط بيروح ويجي
فقالت لها كارمة كل قد ايه
فأمسك جاسر صغيره وذهب الي كرسي شقيقته وكريم أيضاً الذي امسك يدها فقالت سما بتعب وصوت يكاد يكون مسموع يعني تقريباً كل خمس دقايق بيروح ويجي
فنظرت كارمة الي كريم وقالت في نفس الوقت الذي قال فيه كريم تقريباً ولادة نظرت لهم سما الذي شعرت بركله قويه داخل بطنها ووجع اسفلها فصرخت دون ان تشعر فأسرع كريم بحملها وذهب وراءها الجميع
وجلست بجانبها كارمة وجاسر جلس امام مع كريم بينما فهد وجميلة وعمرو وكامليا في السيارة الاخري
اخذت كارمة تحاول ان تهدي سما ولكن الاخري بداءت في البكاء وهي تقول بوهن مش قدرة اصوت من الوجع مش قدره يا كارمة حسه ان هيغمي عليا
فأمسكت كارمة يدها وهي تقول لها فوقي خلاص قربنا والله خلاص متقلقيش بس خليكي فايقة اما كريم فكان يسرع فلو كانت السيارة تطير لكان طار بها كريم وهو يقول لها بحنو اهدي يا قلبي اهدي خلاص ولادنا هيجو ينورو حيتنا وهتكوني
ارق مامي في الدنيا ياروحي استمحلي علشان خطرهم علشان نشوفهم سوي مع بعض انتي بتعملي حاجه عظيمة انتي هتدي لولادنا النور علشان ينورو حيتنا صح مش كدة يا سمايا
ابتسمت الاخري بتعب وهي تقول بصوت شبه موجود صح ثم صرخت بأعلي صوتها وهي تقول بسرعة ياكريم
وصل كريم المستشفى الذي يعمل بها فتأهب اصدقأه واحضرو فورا عربه تنقلها وفي دقائق كانت سما في غرفة العمليات حضرت كاميليا وعمرو ولاطفال اما كريم فكان يناجي ربه ان تقوم هي واطفاله بصحة جيدة
بعد ساعة خرجت الممرضه وهي تقول له مبروك يا دكتور كريم ولد وبنت زاي القمر والمدام بخير شكرها كريم وبارك له جاسر وعمرو وبعد ساعة اخري
كان الجميع يلتف حول سما يبارك لها وأيضاً كانت ناديه وصلت كي تبارك لابنها وتري سما وتطمئن عليها
اما نوال فتحدثت معها هي ومحمود في مكلمه قصيره لاطمئنان عليها والدعاء لها
كانت تجلس سما بعدما افاقت كليآ من المخدر فنظرت لكريم وامسكت يده فقبل كريم يدها وهو يقول لها بحب وسعادة حمدلله علي سلامتك يا قلبي
الله يسلامك يا حبيبي قالتها بوهن ثم قالت عايز اشوف ولادي فأحضرهم كريم وهو يقول لها هتسميهم ايه بقي
فقالت كارمة وكامليا اخيرا هنعرف اسمأهم
فأبتسمت سما وقالت انا هسمي الولد وكريم هيسمي البنت
ثم نظرت لابنها قائلة هسميه فارس
فنظر كريم للفتاة وقال وانا هسميها روتيلا علشان تكون الفرشة والبهجة لحيتنا
فنظر جاسر لهم وهو يقول الف مبروك يا ابو فارس انا كده خلاص بقيت وأخيراً خال رسمي فقالت كارمة و كاميليا واحنا كمان بيقنا عمتو عااا
فنظرت لهم كارمة وهي تقول انا نتيجتي بانت النهاردة فإبتسم جاسر وإقترب منها فقال لها كريم بترقب واا
ونجحت بجيد جداً
فبارك لها كريم وهو يقول لها مبروك يا حبيببتي الف مبروك يا احلي دكتوره في الدنيا وبعدها بارك الجميع لها
بعد اسبوعين كانت عقيقة اولاد كريم فارس و روتيلا
وكان أيضاً محمود ونوال اتم بعدما اتمو مارسم العمرة فقالت سما لكرمة بإن تغني اغنيه بمناسبه السبوع فأمسكت كارمة بيد جاسر فأومأ لها الاخر بإبتسامة سعيدة فبداءت كارمة بالغناء قائلة
طول عمرى باخاف من الحب وسيرة الحب وظلم الحب لكل أصحابه
كان كل العاشقين ينظرون الي بعضهم بحب وإيمان وصبر وهم يشكرون الله انهم اصبحو روح واحدة وقلب واحده
وأعرف حكايات مليانه آهات ودموع وأنين والعاشقين دابوا ما تابوا
طول عمرى بأقول لا أنا قد الشوق وليالى الشوق ولا قلبى قد عذابه
وقابلتك انت لقيتك بتغير كل حياتى
ما أعرفش إزاي انا حبيتك ما أعرفش إزاى ياحياتى
همس جاسر الي كارمه وهو يقول معرفش ازاي بس عشقتك يا احلي صدفه في حياتي
من همسة حب لقيتنى باحب وأدوب فى الحب وصبح وليل على بابه
اما عمرو فأمسك يد كاميليا وقبلها وهو يهمس لها قائلاً
انتي الي قعد سنين عمري كله بدور عليكي انتي الي تستهلي حب العالم كله بحبك يا احلي كوكي في الدنيا اوعي تنسي ده
فات من عمرى سنين وسنين شفت كتير و قليل عاشقين
اللى بيشكى حاله لحاله واللى بيبكى على مواله
أهل الحب صحيح مساكين
اما سما نظرت الي كريم وقبلت يده بعشق وهي تقول
انت الحاجه الي اثبتت ليا ان ربنا بيحبني وانه مظلمنيش انت الخير والحلو الي في حياتي انت الامان والسند والضهر والحنان انت الي قسمتني وجعي وصبرت علي حزني و هديتني اعظم هديه في العالم خليتني ام انت اعظم زوج وحبيب واب في العالم انا بعشقك يا كريم...
نظر لها كريم وقام بإحضتانها بحب وهو يقول انتي بنتي وعشقي وحبي انتي الي علمتيني الحب يا سما انتي هي الي اعظم زوجه في الوجود ربنا يحفظك ليا يا ام ولادي بحبك.
ياما الحب نده على قلبى ما ردش قلبى جواب
ياما الشوق حاول يحايلنى واقول له روح يا عذاب
ياما عيون شاغلونى لكن ولا شغلونى
إلا عيونك انت دول بس اللى خدونى وبحبك أمرونى
أمرونى احب لقيتنى باحب وأدوب فى الحب وصبح وليل على بابه
ياللى ظلمتوا الحب وقلتوا وعدتوا عليه قلتوا عليه مش عارف إيه
العيب فيكم يا فى حبايبكم أما الحب ياروحى عليه....
بعدما انهت كارمه الاغنيه اخذها جاسر وهو يصعد بها الي الغرفه الذي جهزتها له سما بناء علي طلب منه ثم اغمض عنيها
قالت كارمه بإبتسامة بتعمل ايه ياجاسر
ابتسم جاسر ثم اقترب منها وهو يقول لها خليكي مغمضة متفتحيش
ثم البسها سلسلة من الالماس مرسوم عليها زهره الاوركيد الذي تعشق كارمه قائلاً بحب
دي هديه نجاحك عارف انها اتاخرت بس علي مالقيت التصميم الي في بالي
قبلته كارمه من وجنتيه وهي تقول بعشق خاص به فقط انت احلي
هديه ربنا رزقني بيها واحلي زوج واحلي عشق انا
من غيرك عمري مكنت هنجح انت السبب في نجاحي وايماني
بنفسي تعرف اني نفسي اشكر كل الي حصل ده والي كان السبب في
اننا نتجوز تحت التهديد علشان تكون ليا احلي هديه بحبك يا احلي امان في حياتي.
تمت بحمد الله